Alan Cumming ပါဝင်သော ဇာတ်ကားများ

Toy Story 5 (2026) 4K HEVC ++++++++ IMDb Rating (7.5) / Rotten Tomatoes (93%) ကမ္ဘာကြီးရဲ့ တစ်ဟုန်ထိုး တိုးတက်ပြောင်းလဲလာမှုတွေနဲ့အတူ ကလေးတွေရဲ့ ပျော်ရွှင်မှုကို ရှာဖွေပုံကလည်း အလားတူ ပြောင်းလဲလာပါတယ်။ တစ်ချိန်က အရုပ်လေးတွေနဲ့ စကားပြောဆော့ကစားရင်း ပျော်ခဲ့ကြတဲ့ ကလေးတွေက အခုချိန်မှာ ဖုန်းဆိုတဲ့ အီလက်ထရောနစ် စက်ပစ္စည်း သူငယ်ချင်းအသစ်နဲ့ ပျော်မွေ့နေကြပါပြီ။ အရုပ်တွေနဲ့ ဆော့ကစားနေသေးတဲ့ ကလေးတစ်ယောက်ကို ဖုန်းကိုင်တဲ့ကလေးတွေက လူရာသွင်းသူငယ်ချင်း မလုပ်ချင်တော့တဲ့ အခြေအနေတစ်ခုကို ရောက်လာခဲ့တယ်။ ဒီမှိုင်းကိုမိသွားတဲ့ အရုပ်ချစ်သူ ကလေးတွေထဲမှာ ဘော်နီဆိုတဲ့ ကလေးမလေးလည်း အပါအဝင်ပေါ့။ အရုပ်တွေနဲ့ပဲ ဆော့နေသေးတဲ့ ဘော်နီ့ကို ဘယ်သူကမှ အဖက်လုပ်ပြီး သူငယ်ချင်းမလုပ်ချင်ကြတဲ့အခါ သူ့မိဘတွေက Lilypad ဆိုတဲ့ tablet လေး တစ်လုံး ဝယ်ပေးလိုက်ပါတယ်။ Lilypad လေး အိမ်ကို စရောက်လာကတည်းက ဘော်နီဟာ အရင်က သူအမြတ်တနိုးထားခဲ့ရတဲ့ နွားကျောင်းသူအရုပ်မလေး ဂျက်စီနဲ့ ဘက်ဇ် အပါအဝင် တခြားသောအရုပ်‌လေးတွေကို စိတ်မဝင်စားတော့ပါဘူး။ ဒီလိုနဲ့ စုံစမ်းကြည့်လိုက်တဲ့အခါ Lilypad လို စက်ပစ္စည်းတွေကြောင့် သူတို့အရုပ်တွေ ချောင်ထိုးခံရတာ ကြာပြီဆိုတာကို ဂျက်စီတို့ သိလိုက်ရပါတယ်။ ဒီအဖြစ်ဆိုးကြီးက သူတို့အပေါ်ကိုလည်း စပြီး ကျရောက်နေပြီဖြစ်လို့ အမေ့ပျောက်ခံ အရုပ်များ မဖြစ်ဖို့အရေး စစ်ဆင်ရေး စရပါတော့တယ်။ File Size… (5.07GB) /(2.03GB) / (1.14GB) Quality…WEB-DL 4K HEVC / 1080p HEVC / 720p Format…mkv / mp4 Duration…1h 42m Genre …Animation, Family, Comedy, and Adventure Subtitle….Myanmar Subtitle (Hard Sub)

Glenrothan (2026) +++++++ ဒီကားဟာ ဗြိတိန်ရဲ့ နာမည်ကြီးဝါရင့်မင်းသားကြီး Brian Cox (အောင်မြင်ကျော်ကြားလှတဲ့ Succession ဇာတ်လမ်းတွဲထဲက မင်းသားကြီး) ကိုယ်တိုင် ပထမဆုံးအကြိမ် ဒါရိုက်တာအဖြစ် ရိုက်ကူးပုံဖော်ထားတဲ့ ဗြိတိန် ဒရမ်မာနဲ့ ဟာသ (Comedy-Drama) ရုပ်ရှင်ကားသစ် ဖြစ်ပါတယ်။ ဒီဇာတ်ကားမှာ မင်းသားကြီး Brian Cox ကိုယ်တိုင်နဲ့အတူ မင်းသား Alan Cumming တို့က ညီအစ်ကိုနှစ်ယောက်အဖြစ် အဓိကတွဲဖက် သရုပ်ဆောင်ထားကြပါတယ်။ ဇာတ်လမ်းက စကော့တလန်ရဲ့ လှပဆန်းပြားတဲ့ တောင်တန်းဒေသ (Scottish Highlands) ကို နောက်ခံထားတာပါ။ အဓိကဇာတ်ကောင် ဒေါ်နယ် (Donal) ဟာ အမေရိကန် (ချီကာဂို) မှာ နှစ်ပေါင်း ၃၅ နှစ်၊ ၄၀ နီးပါးလောက် သွားရောက်အခြေချ နေထိုင်ခဲ့ပြီးတဲ့နောက်၊ သူ့ရဲ့ဇာတိမြေဖြစ်တဲ့ စကော့တလန်ကို မလွှဲမရှောင်သာဘဲ ပြန်လာခဲ့ရပါတယ်။ အကြောင်းကတော့ စိတ်ဝမ်းကွဲပြီး အဆက်အသွယ်ပြတ်နေတဲ့ သူ့ရဲ့အစ်ကိုကြီး ဆန်ဒီ (Sandy) နဲ့ ပြန်လည်သင့်မြတ်ဖို့ စိတ်ကူးနဲ့ပေါ့။ ဒီညီအစ်ကိုနှစ်ယောက်ရဲ့ မိသားစုမှာ နှစ်ပေါင်း ၂၀၀ ကျော် သက်တမ်းရှိပြီဖြစ်တဲ့ သမိုင်းဝင် ရိုးရာဝီစကီချက်စက်ရုံကြီးတစ်ခု ရှိပါတယ်။ အခုအခါမှာတော့ အစ်ကိုဖြစ်သူ ဆန်ဒီက အသက်ကြီးလာပြီး စက်ရုံကို တစ်ယောက်တည်း ဆက်မလုပ်နိုင်တော့တဲ့အတွက် ညီဖြစ်သူ ဒေါ်နယ်ကို မိသားစုအမွေအနှစ်အဖြစ် ဒီလုပ်ငန်းကို လွှဲပြောင်းရယူစေချင်နေတာပါ။ အကယ်၍ ဒေါ်နယ်ကသာ ငြင်းပယ်ပြီး လက်မခံဘူးဆိုရင် ဒီသမိုင်းဝင်စက်ရုံကြီးကို တခြားသူဆီ အပြီးအပိုင် ရောင်းချလိုက်ရတော့မယ့် အခြေအနေ ဆိုက်နေပါတယ်။ ဒါပေမဲ့ သူတို့ညီအစ်ကိုနှစ်ယောက် ပြန်ဆုံကြတဲ့အခါမှာ လက်ရှိစီးပွားရေးပြဿနာတင်မကဘဲ အတိတ်က စိတ်ဒဏ်ရာဟောင်းတွေကိုပါ ပြန်ရင်ဆိုင်ရပါတော့တယ်။ လွန်ခဲ့တဲ့ နှစ် ၄၀ က သူတို့အမေဆုံးတဲ့ ဈာပနနေ့မှာပဲ ဖခင်ဖြစ်သူနဲ့ ညီအစ်ကိုနှစ်ယောက်ကြား ပြင်းပြင်းထန်ထန် ရန်ဖြစ်ခဲ့ကြပြီး၊ အဲဒီနေ့မှာပဲ ဒေါ်နယ်ဟာ အိမ်ကနေ အမေရိကန်ကို အပြီးအပိုင် ထွက်ခွာသွားခဲ့တာပါ။ အခု ပြန်ဆုံကြတဲ့အခါမှာတော့ မိသားစုစီးပွားရေးကို ကယ်တင်ဖို့ ကြိုးစားရင်း တစ်ယောက်နဲ့တစ်ယောက် ခွင့်လွှတ်ဖို့၊ အတိတ်က ဒဏ်ရာတွေကို ကုစားပြီး သံယောဇဉ်ပြန်ဆက်ဖို့ ဘယ်လိုမျိုး ကြိုးစားကြမလဲဆိုတာကို ရင်နင့်စရာ မြင်တွေ့ရမှာ ဖြစ်ပါတယ်။ ဒီရုပ်ရှင်ကို "စကော့တလန်နိုင်ငံအတွက် ပေးပို့တဲ့ အချစ်ပေးစာတစ်စောင်" လို့ တင်စားကြပါတယ်။ စကော့တလန်တောင်တန်းဒေသရဲ့ ရှုခင်းအလှအပတွေ၊ ဝီစကီချက်တဲ့ ရိုးရာအနုပညာတွေနဲ့အတူ မိသားစု သံယောဇဉ်၊ ခွင့်လွှတ်ခြင်းနဲ့ နားလည်မှုပေးခြင်း အကြောင်းအရာတွေကို ဟာသလေးတွေ နှောပြီး ရိုးရိုးရှင်းရှင်းနဲ့ ရင်ထဲရောက်အောင် ရိုက်ကူးထားတဲ့ ရုပ်ရှင်ကားကောင်းတစ်ကား ဖြစ်ပါတယ်။ File Size… (1.34GB) / (733MB) Quality… WEB-DL 1080p HEVC / 720p Format…mkv / mp4 Duration…1h 37m Genre ….Drama , Comedy Subtitle….Myanmar Subtitle (Hard Sub)

Drive Back Home” (2024) ဇာတ်ကားက ၁၉၇၀ ခုနှစ်က ကနေဒါရဲ့ ဆောင်းရာသီမှာ တည်ထားတဲ့ ဒရာမာဇာတ်လမ်းလေးတစ်ပုဒ်ပါ။ ဇာတ်လမ်းက ညီအစ်ကိုနှစ်ယောက်ရဲ့ ဆက်ဆံရေးကို ခံစားမှုအပြည့်နဲ့ ရိုက်ပြထားတယ်။ ဝဲလ်ဒန် (Weldon) ဆိုတဲ့ နယ်မြို့လေးက ရိုးသားတဲ့ ပိုက်ပြင်သမားတစ်ယောက်ဟာ သူ့အစ်ကိုဖြစ်သူ ပါလီ (Perley) ကို ထောင်ကနေ လွှတ်ပေးဖို့ မိခင်ရဲ့အမိန့်နဲ့ တိုရွန်တိုကို ခရီးထွက်ရပါတယ်။ ပါလီဟာ လိင်တူချစ်သူတစ်ယောက်ဖြစ်ပြီး အဲဒီခေတ်က လူထုအလယ်မှာ လိင်ဆက်ဆံတာကြောင့် ဖမ်းခံရတာပါ။ ဒီလိုနဲ့ နှစ်ပေါင်းများစွာ အဝေးမှာ နေခဲ့ကြတဲ့ ညီအစ်ကိုနှစ်ယောက်ဟာ မိခင်ရဲ့ ဆန္ဒအရ နယူးဘရန်းစဝစ်ကို အတူတူ ကားနဲ့ ပြန်လာရပါတယ်။ ဒီခရီးစဉ်က ရိုးရှင်းတဲ့ အိမ်ပြန်လမ်းတစ်ခုမဟုတ်ဘဲ သူတို့ရဲ့ အတိတ်က စိတ်ဒဏ်ရာတွေ မိသားစုရဲ့ ဖိနှိပ်မှုတွေနဲ့ လူ့အဖွဲ့အစည်းရဲ့ ဘက်လိုက်မှုတွေကို ရင်ဆိုင်ရတဲ့ စိတ်ခံစားမှု ခရီးတစ်ခုပါပဲ။ ဝဲလ်ဒန်ရဲ့ ရိုင်းစိုင်းတဲ့ သဘောထားနဲ့ ပါလီရဲ့ ပြတ်သားတဲ့ စိတ်ဓာတ်က တစ်ခါတလေ ထိပ်တိုက်တွေ့ပေမယ့် ခရီးတစ်လျှောက် သူတို့ဟာ တစ်ယောက်ကိုတစ်ယောက် နားလည်ဖို့ ကြိုးစားရင်း အချင်းချင်း ရင်းနှီးလာကြပါတယ်။ ဒီဇာတ်ကားက ဟာသလေးတွေ ရင်ဖိုစရာ စကားပြောသံတွေနဲ့ အဲဒီခေတ်က လိင်တူချစ်သူတွေရဲ့ ဘဝကို ပြတ်ပြတ်သားသား ဖော်ပြထားတယ်။ အထူးသဖြင့် အလန်ကမ်းမင်း (Alan Cumming) နဲ့ ချာလီခရီးဒ်-မိုင်းလ် (Charlie Creed-Miles) တို့ရဲ့ သရုပ်ဆောင်ချက်တွေက ဇာတ်ကားကို ပိုပြီး အသက်ဝင်စေပါတယ်။ ဒါရိုက်တာ မိုက်ကယ်ကလိုဝေတာ (Michael Clowater) ရဲ့ ဖြစ်ရပ်မှန်ကို အခြေခံထားတဲ့ ဒီဇာတ်လမ်းဟာ မိသားစု ချစ်ခြင်းမေတ္တာနဲ့ နားလည်မှုအကြောင်း နွေးထွေးတဲ့ သတင်းစကားတစ်ခုကို ပေးတယ်။ ရိုးရှင်းပြီး နှလုံးသားထဲ ရောက်တဲ့ ရုပ်ရှင်ကြည့်ချင်ရင် “Drive Back Home” က အားလုံးအတွက် ရွေးချယ်စရာတစ်ခုပါပဲ။ File size…(1.1 GB)/(756 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by Min Khant

2023ခုနှစ်တုန်းကထွက်ရှိခဲ့တဲ့ American Survival show The Traitors ရဲ့ ‌ဒုတိယမြောက် Season ကိုတင်ဆက်ပေးလိုက် ချင်ပါတယ်။ ဒီshow ကို Spy kids trilogy /The smurfsတို့နဲ့ လူသိများတဲ့ မင်းသားကြီး Alan Cumming က Host အဖြစ်တာဝန် ယူတင်ဆက်ထားတာပါ။ ဒီ show ရဲ့ကစားပုံက အကြမ်းဖျင်းအရတော့ အားလုံးသိကြတဲ့ Lair game/ Killer game အကြီးစားတစ်ခုပါပဲ။ Player 21ယောက်ထဲမှာ Host က သစ္စာဖောက် (traitors)တွေကို ရွေးချယ်ပေးထားပြီး အဲ့သစ္စာဖောက်တွေဟာ ညရောက်တာနဲ့ ကျန်တဲ့ သစ္စာခံ (faithfuls)တွေထဲက တစ်ယောက်စီကို ကစားပွဲထဲကထုတ်ပစ် ရမှာပဲဖြစ်ပါတယ်။ သစ္စာခံတွေကတော့ သစ္စာဖောက်က ဘယ်သူ‌တွေလဲ ဆိုတာ ရှာဖွေဖော်ထုတ်နိုင်ရင် အနိုင်ရမှာဖြစ်ပြီး၊ သစ္စာခံတွေအကုန်လုံးကို သစ္စာဖောက်တွေကသတ်နိုင်လိုက်ရင် သစ္စာဖောက်တွေအနိုင်ရမှာပဲ ဖြစ်ပါတယ်။ အနိုင်ရရှိတဲ့အသင်းက ဆုကြေးငွေ အမေရိကန်ဒေါ်လာ 250000 ကို ရရှိမှာဖြစ်ပြီး ထပ်တိုး Mission တွေကနေ ဆုကြေးငွေတွေ တိုးလာအောင်လည်းကြိုးစားလို့ရပါသေးတယ်။ ဒီshowက Survival ရှိုးတွေနဲ့မတူဘဲ Mind gameရော Physical mission တွေပါ ကစားရတာ ဖြစ်တဲ့အတွက် ပိုပြီးစိတ်ဝင်စားစရာကောင်းပါတယ်။ ပါဝင်ထားတဲ့ ပြိုင်ပွဲဝင်တွေကလည်း survival show တွေမှာ အနိုင်ရဖူးသူတွေ၊ လက်ဝှေ့ကစားသမားဟောင်းတွေ ၊ နိုင်ငံရေးသမားတွေ စသဖြင့် နယ်နယ်ရရမဟုတ်တဲ့ လူတွေချည်းပါပဲ။ ဒီတော့ သစ္စာဖောက်တွေက ဘယ်သူတွေဖြစ်မလဲ ဘယ်သူတွေထုတ်ပယ်ခံရမလဲ ဘယ်လိုmissionတွေ ဆော့ကစားကြမှာလဲ ဘယ်လို mind gameတွေဆော့ကြမလဲဆိုတာ ကြည့်လိုက်ကြရအောင်ပါ။ File Size –  1.84 GB / 834 MB Quality –WEB-DL 1080p , 720p Duration – 50 Min  (@Episode) Total Episodes: 12 Eps Subtitle – Myanmar Hardsub Format – Mp4 Genre : Game-Show , Reality-TV Translator – Muse Encoder – Min Wai

Marlowe (2022) ဒီကားက Philip Marlowe ဆိုတဲ့ စုံထောက်ကြီးအကြောင်းကို ရိုက်ထားတာပါ။ သူကလည်း ရှားလော့ဟုမ်းတို့ ပယ်ရီမေဆင်တို့လောက် နာမည်မကြီးတာပဲရှိတယ် နှယ်နှယ်ရရတော့မဟုတ်တဲ့ ပုဂ္ဂိုလ်ပေါ့။ ရေမွန်ချန်ဒလာဆိုတဲ့ စာရေးဆရာကြီးက ၁၉၃၀ကျော်ကတည်းက စအသက်သွင်းခဲ့ပြီး ဝတ္တုရှည်၇အုပ်နဲ့ ဝတ္တုတိုအများအပြားထွက်ခဲ့သလို နောက်ပိုင်းတခြားစာရေးဆရာတွေကလည်း ဒီဇာတ်ကောင်ကိုသုံးပြီး အများကြီးပြန်ရေးခဲ့ကြတယ်။ ဒီစာအုပ်တွေကို ဇာတ်ကားအဖြစ်လည်း ၁၃ခါပြန်ရိုက်ခဲ့သလို နောက်ဆုံးထွက်ထားတဲ့ ဇာတ်ကားက 1978 တုန်းက The Big Sleep ပါ။ ဆိုတော့ ၄၄နှစ်ကြာပြီးမှ Marlowe ဇာတ်ကောင်ကို ထပ်အသက်သွင်းတဲ့ရုပ်ရှင်ဆို‌တော့ ထူးထူးခြားခြားပေါ့။ ခုကားကတော့ 2014 ခုနှစ်ထွက် The Black-Eyed Blonde ဝတ္ထုကို ရုပ်ရှင်အဖြစ် အသက်သွင်းထားတာပါ။ 40s ခုနှစ်တွေကို အခြေပြုထားတဲ့ ဂန္ထဝင်စတိုင် စုံထောက်ရုပ်ရှင်အမျိုးအစားဖြစ်ပါတယ်။ မင်းသားကတော့ Taken မင်းသားကြီး လီယံနီဆန်ပါပဲ။ မင်းသမီးတွေကတော့ Big Fish တို့၊ The Postman Always Rings Twice တို့က Jessica Lange နဲ့ National Treasure အပြင် Inglourious Basterds ထဲက ဂျာမန်သွေးနှောအလှလေး Diane Kruger တို့ ပါပါတယ်။ စိတ်ဝင်စားစရာ စုံထောက်ကားမို့ အားလုံးကြိုက်ကြမှာပါ။ စုံထောက်ကားကိုမှ Neo-noir ကားဆိုတော့ Neo-noir ကားတွေ ကြိုက်တဲ့လူတွေလည်း အကြိုက်တွေ့ကြမှာပါ။ စုံထောက်ကြီးမာလိုဟာ ရဲတပ်ဖွဲ့ကနေ ပြဿနာတက်ပြီး ထွက်လိုက်ရလို့ ပင်စင်မရဘဲ အလွတ်စုံထောက်လုပ်စားနေရတာပဲဖြစ်ပါတယ်။ တစ်နေ့မှာတော့ ကလဲယားဆိုတဲ့ မိန်းမလှသူဌေးမလေးတစ်ယောက်က အလုပ်အပ်လာပါတယ်။ သူ့ရဲ့အငယ်အနှောင်းချစ်သူ နီကိုပီတာဆန်ဆိုတဲ့လူ ပျောက်ဆုံးမှုပါပဲ။ အစကတော့ သူ့ကိုပလစ်သွားတဲ့ဘဲကို လိုက်ရှာပေးရုံပဲထင်မိပေမဲ့ လူသတ်မှုတွေ၊ လူဆိုးဂိုဏ်းတွေနဲ့ အရှုပ်တော်ပုံတွေကြားထဲက ရောက်သွားပြီး လျို့ဝှက်ချက်တွေတစ်ခုပြီးတစ်ခုပေါ်လာတဲ့အခါ... (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size - 2GB, 880MB Quality - 1080p, 720p IMDb Rating - 5.7/10 Format - mp4 Duration - 1H 49Min Genre - Crime, Mystery, Thriller Subtitle - Myanmar Subtitle (Hardsub) Translated by Mr. Anderson Encoded by Y

IMDb Rating - 6.0/10 Genie 2023 ကားလေးကတော့ ခရစ်စမတ်ရုပ်ရှင်ကိုမှ ဟာသနှောပြီး ရိုက်ကူးထားတာပါ။ ဒါရိုက်တာ Sam Boyd က ရိုက်ကူးခဲ့တာဖြစ်ပြီး IMDb rating 6.0 ရရှိထားပါတယ်။ အဓိကတော့ ခရစ်စမတ်အနှစ်သာ ရဆိုတာတွေ ၊ လူ့ဘဝအနှစ်သာရဆိုတာတွေကို လူတွေသတိထားမိအောင် ရိုက်ကူးထားတာပါ။ လူတွေက ငွေရရှိအောင်အလုပ်တွေလုပ်ရင်းက မိသားစုဘဝတွေ လက်လွှတ် ရတာမျိုးတွေဖြစ်တာတွေရှိတာမို့ ဒါကို သတိထားမိရအောင် ဟာသနှောပြီး ပြသထားတာပါ။ အေးအေးဆေးဆေးနဲ့ မိသားစုနဲ့ကြည့်ရမယ့် ဇာတ်ကားမျိုး ပါ။ ပြီးတော့ စိတ်ဝင်ဖို့ကောင်းအောင် ဂျင်းနီဇာတ်လမ်းနဲ့ရောပြီးတော့ တင် ဆက်ထားတာမို့ အေးအေးဆေးဆေးကြည့်ရမှာပါ ခင်ဗျာ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thy Santa ဖြစ်ပါတယ်) File Size..........(1.77 GB) / (710 MB) Quality............WEB-DL 1080p / 720p Duration.........1Hr 33Min Subtitle...........Myanmar Hardsub Format............MP4 Genre..............Comedy, Fantasy Translator.......Thy Santa Encoder..........Zin Phyo Aung

ကျောင်းတက်နေဆဲ အမျိုးသမီးငယ်တစ်ယောက်ဟာ တစ်ညတာ အဖြစ်ဆိုးတစ်ခုကြောင့် ဘဝတစ်ဆစ်ချိုး ပြောင်းလဲသွားခဲ့ပါတယ်။ စိတ်ဓာတ်ကျခဲ့ရသလို ကိုယ်ဝန်ဖျက်ချခဲ့ရပြီး အဲဒီနာကျင်မှုတွေကနေ ပြန်နာလန်ထူဖို့ ကြိုးစားနေရတယ်။ ကိုယ့်ဘဝကို ပြန်တည်ဆောက်နိုင်ဖို့ ကျောင်းနားပြီး အမေ့အိမ်ကို ပြန်လာနေရာက ရှေးဟောင်းပစ္စည်းဆိုင်လေးတစ်ဆိုင်မှာ အလုပ်ရသွားပါတယ်။ ဇာတ်လမ်းက ဂျပန်လက်မှုပညာ Kintsugi ရဲ့ အယူအဆနဲ့ ဆက်စပ်ထားတာပါ။ ကျိုးပဲ့သွားတဲ့ အိုးခွက်တွေကို ရွှေနဲ့ပြန်ဆက်ပေးပြီး အက်ကြောင်းနဲ့ ပြုပြင်ထားတဲ့ နေရာတွေကို အဲဒီပစ္စည်းရဲ့ ဘဝအစိတ်အပိုင်းတစ်ခုလို တန်ဖိုးထားကြတယ်။ ကျိုးပဲ့ဖူးတာကြောင့်ပဲ တစ်မျိုးလှပတန်ဖိုးရှိလာနိုင်တယ်ဆိုတဲ့ သဘောပါ။ နာကျင်မှုတွေ ကြုံထားရတဲ့ ဒီမိန်းကလေးကရော ဆိုင်မှာ အလုပ်လုပ်ရင်း လောကရဲ့အလှတရားကို ပြန်ရှာတွေ့နိုင်မလား။

အဖေမရှိတော့တဲ့ အယ်လ်မာနဲ့ သူ့အမေ ဒဲလာတို့ဟာ နယ်မြို့လေးတစ်မြို့မှာ စတိုးဆိုင်ဖွင့်ပြီး အသက်မွေးနေကြပါတယ်။ စီးပွားရေးကျလာတဲ့အခါ သားအမိနှစ်ယောက် မြို့ပေါ်ကို ပြောင်းလာရတယ်။ အယ်လ်မာက အရင်လို ဆိုင်လေးတစ်ဆိုင် ပြန်ဖွင့်ပြီး အမေ့ကို မပူမပင် နေစေချင်တဲ့ ရည်မှန်းချက်ရှိပါတယ်။ ဒါပေမဲ့ အခက်အခဲတွေကြားမှာ တစ်နေ့တော့ အမေနဲ့ စကားများပြီး အိမ်ကနေ ထွက်သွားတယ်။ အဲဒီအချိန်မှာ စကားပြောတတ်တဲ့ ကြောင်လေးတစ်ကောင် သူ့အနားကို ရောက်လာပြီး ကူညီပေးမယ်လို့ ပြောလာပါတယ်။ ကြောင်လေးက ကျွန်းတစ်ကျွန်းပေါ်မှာရှိတဲ့ နဂါးတစ်ကောင်ကို သွားကယ်ခိုင်းတာပါ။ အယ်လ်မာ ဘယ်လိုစွန့်စားခန်းတွေ ကြုံရမလဲ၊ အမေ့အတွက် သူဖြစ်ချင်တဲ့ အိပ်မက်လေးကိုရော အကောင်အထည်ဖော်နိုင်ပါ့မလား။ ၁၉၄၈ ခုနှစ်က ထုတ်ဝေခဲ့တဲ့ ဝတ္ထုကို အခြေခံထားတဲ့ Netflix အန်နီမေးရှင်းဇာတ်ကားဖြစ်ပြီး Luca ထဲက လူကာအဖြစ် အသံသရုပ်ဆောင်ခဲ့တဲ့ Jacob Tremblay နဲ့ Stranger Things ထဲက ဒက်စ်တင်အဖြစ် သရုပ်ဆောင်သူတို့ ပါဝင်အသံသရုပ်ဆောင်ထားပါတယ်။

ဒီကားကတော့ ၂၀၁၇ခုနှစ်ထွက်Biography/Comedy-Drama ဇာတ်ကားကောင်းလေးဖြစ်ပါတယ်။ ဒီကားလေးဟာ ၁၉၇၃ခုနှစ် အမေရိကန်ပြည်ထောင်စုတွင် ဟိုးလေးတကျော်ဖြစ်ကာ ပြောစမှတ်တွင်ရလောက်တဲ့အထိ ဖြစ်ပွားခဲ့တဲ့ တင်းနစ်ပြိုင်ပွဲအကြောင်းပါပဲ။ ဒီတင်းနစ်ပြိုင်ပွဲဟာ သာမန်ပြိုင်ပွဲတွေနဲ့မတူပါဘူး။ ထိုခေတ်ကာလတွင်း အမျိုးသမီးတင်းနစ်ကစားသမားများဟာ အမျိုးသားများနှင့် တန်းတူရပိုင်ခွင့်တွေ ခံစားခွင့်မရကြပါဘူး။ ဒါကြောင့် ကမ္ဘာ့နံပါတ်တစ် အကောင်းဆုံးအမျိုးသမီးတင်းနစ်ကစားသမားဖြစ်တဲ့ ဘီလီဂျင်းကင်းဟာ အဲဒီအတွက်ကနေဦး တောင်းဆိုဆန္ဒပြခဲ့တဲ့ ပထမဦးဆုံး အမျိုးသမီးအခွင့်အရေးလှုပ်ရှားသူတစ်ယောက်ဖြစ်လာပါတယ်။ အဲဒီကနေစပြီး အမျိုးသမီးများ အမျိုးသားများနှင့်တန်းတူညီမျှအခွင့်အရေးခံစားခွင့်ရှိခြင်း၊ လိင်တူရပိုင်ခွင့်များနှင့် လူ့အခွင့်အရေးဆိုတာတွေ ဆက်လက်ဖြစ်ပေါ်လာတာပဲဖြစ်ပါတယ်။ တစ်ဖက်မှာလည်း ဘီလီဂျင်းကင်းကိုပါရမီဖြည့်ပေးရှာသည့်သူကတော့ ဘော်ဘီရစ်ချ်ဆိုတဲ့ နာမည်ကျော်တင်းနစ်ကစားသမားတစ်ယောက်ပါ။ သူ့ရဲ့ဝါသနာက လောင်းကစားလုပ်ခြင်းပါပဲ။ အခွင့်အရေးတွေကိုချောင်းနေတဲ့ဘော်ဘီတစ်ယောက် ဘီလီကင်းကိုမျက်စိကျသွားပါတော့တယ်။ သူ့ရဲ့အတိတ်ကရွှေရောင်နေ့ရက်တွေကိုပြန်လည်ရယူရင်း လောင်းကစားပါလုပ်လို့ရမည့်အကွက်ကို တွေ့သွားတာပဲဖြစ်ပါတယ်။ ဒီလိုနဲ့ ဘီလီဂျင်းကင်းကိုစိန်ခေါ်ပြီး တင်းနစ်ကစားပွဲပြုလုပ်ကာ အမျိုးသမီးတွေဟာ တန်းတူအခွင့်အရေးရသင့်ကြောင်း သက်သေပြရအောင်ဖန်တီးပါတော့တယ်။ အဲဒီပြိုင်ပွဲဟာ တင်းနစ်အားကစားသမိုင်းတစ်လျှောက်တွင် လူကြည့်အများဆုံးသော ကစားပွဲဖြစ်ခဲ့တာဖြစ်ပြီး ဘီလီဂျင်းကင်းနဲ့ ဘော်ဘီရစ်ချ်တို့ရဲ့ အပြိုင်အဆိုင် စကားနာထိုးမှုတွေ၊ အားပြိုင်မှုတွေဟာ ကစားကွင်းမတိုင်ခင်ကတည်းက ပုဂ္ဂိုလ်ရေးဆိုင်ရာအရရော၊ အခြားသော ရှုပ်ထွေးသည့်တိုက်ပွဲများနှင့် ပြင်းထန်ကာ မြိုင်မြိုင်ဆိုင်ဆိုင်ဖြစ်နေခဲ့ပါတယ်။ နောက်ဆုံးမှာတော့ ဘီလီဂျင်းကင်းအနိုင်ရရှိသွားပြီး အမျိုးသမီးများအတွက် ဦးဆောင်လမ်းပြပေးနိုင်ခဲ့ရုံသာမက အခြားသောလူ့အခွင့်အရေးများအတွက် လမ်းစလည်းဖွင့်ပေးနိုင်ခဲ့တာပဲဖြစ်ပါတယ်။ ဒီပြိုင်ပွဲဟာ လူမှုအဖွဲ့အစည်းတွင်းမှာ နောက်ဆက်တွဲပြောင်းလဲမှုတွေများစွာကိုဆောင်ကျဉ်းပေးခဲ့တဲ့ တကယ့်ဖြစ်ရပ်မှန်ပြိုင်ပွဲကြီးဖြစ်ပြီး ဇာတ်ကားအနေနဲ့လည်း ရသစုံစုံလင်လင်နဲ့ ရိုက်ကူးပြပေးသွားတာဖြစ်တဲ့အတွက် ကြည့်ရှုရတာ စိတ်ကျေနပ်စေမှာပဲဖြစ်ပါတယ်။ File Size : (950 MB) and (350 MB) Quality : Blu-Ray 720p Running Time : 2hr 01min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p Blu-Ray x264 SPARKS Translated by Thura Zarni Aung Encoded by Thanhtike Zaw

The Smurfs 2 (2013) ဇာတ်လမ်းအကျဉ်း မကောင်းဆိုးဝါး မှော်ဆရာ "ဂါဂါမယ်လ်" ရဲ့ ဖန်တီးမှုတစ်ခုဖြစ်ခဲ့ပေမဲ့ "ပါပါးစမာ့ဖ်" ရဲ့ မေတ္တာကြောင့် စစ်မှန်တဲ့ စမာ့ဖ်အပြာလေး ဖြစ်လာခဲ့သူကတော့ "စမာ့ဖ်ဖက်" ပဲ ဖြစ်ပါတယ်။ တစ်နေ့မှာတော့ စမာ့ဖ်ဖက်ဟာ သူမရဲ့ မွေးနေ့မှာ ကိုယ့်ကိုယ်ကိုယ် ဘယ်သူဘယ်ဝါလဲဆိုတာ သံသယဝင်ပြီး စိတ်အားငယ်နေချိန်မှာပဲ ဂါဂါမယ်လ်က မကောင်းတဲ့ ကိစ္စတစ်ခုကို စတင်လိုက်ပါတယ်။ ဂါဂါမယ်လ်ဟာ စမာ့ဖ်တွေကို ထုတ်ယူပြီး တစ်ကမ္ဘာလုံးကို စိုးမိုးနိုင်ဖိုအတွက် "လူဆိုးလေးများ" လို ခေါ်တဲ့ သတ္တဝါအသစ်တွေကို ဖန်တီးခဲ့ပါတယ်။ ဒါပေမဲ့ အဲဒီလူဆိုးလေးတွေကို စစ်မှန်တဲ့ စမာ့ဖ်အပြာရောင် ပြောင်းလဲပေးနိုင်မယ့် လျှိဝှက်မှော်ဆေးနည်းကို စမာ့ဖ်ဖက် တစ်ယောက်တည်းသာ သိရှိထားတာကြောင့် ဂါဂါမယ်လ်ဟာ စမာ့ဖ်ဖက်ကို ပဲရစ်မြိုဆို ပြန်ပေးဆွဲ ခေါ်ဆောင်သွားခဲ့ပါတယ်။ ဒီလိုနဲ့ ပါပါးစမာ့ဖ်နဲ့ စမာ့ဖ်အဖွဲဝင်တွေဟာ သူတိုရဲ့ မိတ်ဆွေ "ပက်ထရစ်" တို မိသားစုနဲ့ ပူးပေါင်းပြီး စမာ့ဖ်ဖက်ကို ကယ်တင်ဖို ပဲရစ်မြိုကြီးဆီ ဦးတည်ထွက်ခွာလာကြပါတယ်။ စမာ့ဖ်ဖက်တစ်ယောက် ဂါဂါမယ်လ်ရဲ့ လှည့်ကွက်တွေကြားမှာ လမ်းမပျောက်ဘဲ စမာ့ဖ်အဖွဲနဲ့ ပြန်လည်ပေါင်းစည်းနိုင်မလား၊ စမာ့ဖ်အဖွဲရဲ့ စွန့်စားခန်း ကယ်ဆယ်ရေးအစီအစဉ် ဘယ်လိုအောင်မြင်သွားမလဲဆိုတာကို ရသစုံလင်စွာ ကြည့်ရှုရမှာပဲ ဖြစ်ပါတယ်။

IMDb - 5.4 2011 တုန်းက ထွက်ရှိခဲ့တဲ့ Smurfs ရုပ်ရှင်က ၃ကားထွက်ရှိခဲ့တဲ့ film serieထဲ ပထမဆုံးကားဖြစ်ပါတယ်။ Neil Patrick Harris,Sofia Vergaraတို့လို နာမည်ကြီးတွေ ပါဝင်ပြီး Hank Azariaက မှော်ဆရာကြီး Gargamelအဖြစ်သရုပ်ဆောင်ထားပါတယ်။ဇာတ်လမ်းအကျဥ်းကတော့ အပြာရောင်မှော်ဝင်သတ္တဝါလေးတွေဖြစ်တဲ့ Smurfsလေးတို့ရွာကို မှော်ဆရာကြီး Gargamelက လိုက်ဖျက်ဆီးလို့ထွက်ပြေးရင်းနဲ့ မတော်တဆ လူ့ကမ္ဘာရဲ့portalပွင့်သွားပြီး NewYorkမြို့ကိုရောက်ရှိသွားပါတယ်။အိမ်ပြန်နိုင်ဖို့ကြိုးစားရင်း Patrickဆိုသူရဲ့ အကူအညီနဲ့ Gargamelရဲ့ အနှောင့်အယှက်တွေကြားထဲကဘယ်လိုဆက်ဖြစ်မလဲကြည့်ရမှာပါ။ ကလေးကားဆိုပေမယ့် ဟာသနဲ့ adventureကြိုက်တဲ့လူကြီးတွေလည်းအကြိုက်တွေ့မှာပါ။ပျော်ဖို့လည်းကောင်းပြီး လေးလေးပင်ပင်တွေမကြိုက်တဲ့သူတွေဆိုကြိုက်လောက်မယ့် feel-good movieလေးဖြစ်ပါတယ်။ File size…(2.4 GB)/(1.4 GB) Quality….Webrip 1080p / 720p Format…mp4 Duration….01:43:00 Genre...Animation, Family, Adventure, Comedy, Fantasy Subtitle….Myanmar Subtitle (Hardsub) Encoder….Mr. Anderson Translated by Hsu Hlyann Ni

ဒါကတော့ ဒုတိယကမ္ဘာစစ်ကိုသရော်ထားတဲ့ ကားလေးပါ ဒုတိယကမ္ဘာစစ်မှာ မဟာမိတ်တပ်တွေ Dunkirk ဆိပ်ကမ်းမှာ ပိတ်မိသွားတဲ့ alternative timeline အနေနဲ့ ဂျာမန်တွေက လန်ဒန်ကို မြေအောက်ကတူးပြီးဝင်လာကျူးကျော်တာကို အဲ့ဒိခေတ် စစ်အကျော်အမော်တွေကို သရော်ထားပြီး ပေါ့ပေါ့ပါးပါးကြည့်ရမယ်ဟာသကားလေးပါ File size…(1.6 GB)/(830 Mb) Quality…. Blu-Ray 1080p / 720p Format… mp4 Duration…. 01:31:00 Genre... Satire, Animation, Comedy, Sci-fi, War Subtitle….Myanmar Subtitle (Hardsub) Encoder….Garfield Translated by Nikobaby

၂၀၀၉ ခုနှစ်က ထွက်ရှိခဲ့တဲ့ Comedy, Romance ရုပ်ရှင်ကို ပြန်လည်ကြည့်ရှုရင်း ဟောလီးဝုဒ် ရုပ်ရှင်တွေရဲ့ အရင်ခေတ်ကို ပြန်လည်ခံစားလိုက်ရအောင်ပါ။ ယခုရုပ်ရှင်ဟာ IMDb rating 6.5, Rotten Tomatoes 59% ရရှိထားပါတယ်။ ဇာတ်လမ်းကို ပေါ့ပေါ့ပါးပါးလေး ကြည့်ရင်း အတိတ်နေ့ရက်တွေကို ပြန်ခံစားလိုက်ရအောင်ပါ။ ဇာတ်လမ်းအကျဉ်းကတော့ ဂျိမ်းနဲ့ ဂျိတ်ခ်ဟာ ကွာရှင်းခဲ့တာ ကြာပြီဖြစ်တဲ့ စုံတွဲတစ်တွဲဖြစ်ပါတယ်။ နှစ်တွေလည်း ကြာခဲ့ပြီမို့ သူတို့ကြားမှာ မကျေမနပ်တာတွေ မရှိတော့ဘဲ အဆင်ပြေပြေနဲ့ပဲနေနေကြပါတယ်။ ဂျိတ်ခ်ဟာလည်း အက်ဂ်နက်ဆိုတဲ့ အမျိုးသမီးနဲ့ အိမ်ထောင်ထပ်ပြုထားပါတယ်။ ဒီလိုနဲ့ သူတို့ရဲ့သား လုခ်ရဲ့ ဘွဲ့နှင်းသဘင်ကို တက်ဖို့ နယူးယော့ခ်မြို့ကိုသွားကြပါတယ်။ အဲညမှာ သူတို့နှစ်ယောက် မူးအောင်သောက်ကြပြီး ဇာတ်လမ်းကို ပြန်စမိသွားပါတယ်။ ဂျိမ်းနဲ့ ဂျိတ်ခ်တို့ကြား ဘယ်လိုရှုပ်ထွေးတာတွေ ဖြစ်လာမလဲဆိုတာ ဟာသတွေနဲ့ ပေါ့ပေါ့ပါးပါး ကြည့်လိုက်ကြပါဦး။ အညွှန်းနဲ့ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Comedy, Drama, Romance Quality…. 1080p | 720p File size… 2.2GB 1.1GB Format… mp4 Duration…. 2h Subtitle…. Myanmar Subtitle (Hardsub) Translator ..... Leonard Lin Encoder ..... Aaron

တောင်းဆိုသူ များနေတဲ့ The Maskရဲ့ အဆက် Son of the Mask ကို တင်ပေးလိုက်ပါပြီ။ ဒီဇာတ်လမ်းမှာတော့ မျက်နှာဖုံးရဲ့ စွမ်းအင်နဲ့ တိုက်ဆိုင်ပြီး မွေးဖွားလာတဲ့ကလေး နဲ့ ကလေးကို မနာလိုတဲ့ ခွေးလေးက မျက်နှာဖုံးကို ခိုးပြီး တစ်ယောက်ကို တစ်ယောက် ချောက်ချကြတာတွေ..... မျက်နှာဖုံးရဲ့ မူလပိုင်ရှင် နတ်ဘုရား လိုကီဟာ သူ့ဖခင်ရဲ့ အတင်းခိုင်းစေမှုကြောင့် မျက်နှာဖုံးရှာပုံတော်ထွက်ရင်း ..... File size…(2.2 GB)/(1.4 GB) Quality….Blu-Ray 1080p / 720p Format…mp4 Duration….01:34:00 Genre... Comedy, Family, Fantasy Subtitle….Myanmar Subtitle (Hardsub) Encoder…. Mr.Anderson Translated by YeWai LynnHtut

ကဲ Garfield တဲ့ . ဒီနာမည်လေးကြားတာနဲ့ကို မကြိုက်ဘဲနေနိုင်ဦးမလားခင်ဗျ။ 2004 ခုနှစ်ကထွက်ရှိခဲ့ပြီး ကြည့်ဖူးသည့််သူတိုင်း ကလေးအစ လူကြီးအဆုံး အရမ်းကိုကြိုက်နှစ်သက်ခဲ့တဲ့ Animation နဲ့လူပေါင်းစပ်ရိုက်ကူးထားတဲ့ ဇာတ်ကားလေးပါ။ ဇာတ်လမ်းတစ်လျှောက်လုံး ရယ်မောဖွယ်ရာဟာသတွေနဲ့ Garfield လို့ခေါ်တဲ့ အသိဉာဏ်အရမ်းကြွယ်ဝတဲ့ ကြောင်လေးတစ်ကောင်ရဲ့ သရုပ်ဆောင်မှုတွေဟာ အရမ်းကိုပြည့်စုံလွန်းတယ်ထင်ရပါတယ်။ သူ့သခင်နဲ့ သူ့ရဲ့စကားပြောဆိုဆက်ဆံမှုဟာ ကြောင်နဲ့မတူဘဲ လူတစ်ယောက်ရဲ့အသိဉာဏ်မျိုးနဲ့ပြောဆိုမှုတွေဟာ ဒီဇာတ်ကားနာမည်ကြီးတဲ့ အဓိကအကြောင်းရင်းထဲက တစ်ချက်ပါပဲ။ ကဲ . ကြည့်ပြီးသားလူတွေလည်း Channel Myanmar ရဲ့ ဘာသာပြန်တင်ဆက်မှုနဲ့နောက်တစ်ခေါက်ပြန်ကြည့်ကြပါ။ ကိုယ့်မှာကလေးတွေ တူ.တူမတွေရှိလည်း ဒီကားလေးကိုပြန်ပြကြပါ။ (ဒီဇာတ်ကားလေးကို ဘာသာပြန်တင်ဆက်ပေးသူကတော့ CM Team မှ Moe Myint Lwin ဖြစ်ပါတယ်။ ပရိတ်သက်အားပေးမှုနဲ့ အပိုင်း ၂ ကိုလည်းဆက်လက်ပြန်ပေးပါ့မယ်တဲ့ :D ) @San Win Maung File Size                          : 900 MB Quality                            : HD 720P Running Time               : 1h 20m Translator                      : Moe Myint Lwin Encoder                          : San Win Maung

Professor Charles Xavier and his team of genetically gifted superheroes face a rising tide of anti-mutant sentiment led by Col. William Stryker. Storm, Wolverine and Jean Grey must join their usual nemeses – Magneto and Mystique – to unhinge Stryker's scheme to exterminate all mutants. Xmen Universe ကို Extended Version 1080p BluRay 5.1 Audio နဲ့ တင်ဆက်လိုက်ပါတယ်…. ယခင်တင်ဆက်ခဲ့တုန်းက လိုအပ်ချက်တချို့ရှိခဲ့တဲ့ စာတန်းထိုးတွေကိုလဲ ပြန်လည်ဖြည့်စွက်ပြင်ဆင်ထားပါတယ်။ File size…(2.3 GB) and (1.3 GB in Openload and Stream) Quality…Extended Blu-Ray Rip 1080p 5.1 Format…mp4 Duration….02:14:00 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

အင်္ဂလိပ် စာရေးဆရာကြီး Charles Dicken ရဲ့ ဝတ္ထုကို ပြန်လည်ရိုက်ကူးထားတဲ့ period comedy-dramaဖြစ်ပြီး နာမည်ကြီးတွေ ဖြစ်တဲ့ Christopher Plummer,Jamie Bell, Anne Hathaway, Charlie Hunnam တို့က အဓိကဇာတ်ဆောင်များအဖြစ် ပါဝင်ထားကြပါတယ်။ ဇာတ်လမ်းက သူ့နာမည်အတိုင်းပဲ Nicholas Nickleby ဆိုတဲ့ လူငယ်လေးရဲ့ ဘဝကို ဖွဲ့နွဲ့ပြီး တင်ဆက်ထားတာပါ။ Nicholas တစ်ယောက်သူ့အဖေသေဆုံးပြီး နောက်ပိုင်းမှာ မိခင်နဲ့ ညီမ ဖြစ်သူကိုခေါ်ပြီး သူတို့ဦးလေးရှိတဲ့ London မြို့ကို အကူအညီရလိုရငြား လာခဲ့ကြပါတယ်။ မောင်နှမ နှစ်ယောက်လုံး ဦးလေးရဲ့အကူအညီနဲ့ အလုပ်ကိုယ်စီ ရသွားကြပါတယ်။ Nicholasဟာ Squeers ဆိုတဲ့ ကျောင်းအုပ်ရဲ့ ကျောင်းမှာ ဆရာအဖြစ် လုပ်ကိုင်ရင်း Squeers မိသားစုရဲ့ ကျောင်းသားကလေးသူငယ်တွေအပေါ် ညှင်းပန်းနှိပ်စက်မှုတွေ၊ Smike ဆိုတဲ့ မသန်စွမ်းကောင်လေးကို ဆိုးဆိုးဝါးဝါး ရိုက်နှက်မှုတွေကို ကိုယ်တွေ့မြင်လာရပါတယ်။ ဒီလိုနဲ့ တစ်နေ့မှာ သူတို့နှစ်ဦးSqueers မိသားစုကျောင်းကနေ ထွက်ပြေးလာကြပြီးနောက်မှာ စွန့်စားမှုမျိုးစုံနဲ့ ကြုံလာကြရပါတယ်။ File size…(2.1 GB)/(1 GB) Quality….Blu-Ray 1080p / 720p Format…mp4 Duration….02:12:00 Genre...Adventure, Drama, Romance Subtitle….Myanmar Subtitle (Hardsub) Encoder….Garfield Translated by Leonie

Spy Kids ဇာတ်ကားကတော့2001 ခုနှစ်မှာ Director:Robert Rodriguezရိုက်ကူးထားတဲ့ Action,Adventure,Comedyဇာတ်ကားတစ်ကားဖြစ်ပါတယ်။ ဒီဇာတ်ကားလေးအကြောင်းကတော့ လူတိုင်းနီးပါးသိမယ်ထင်ပါတယ်။ ကျွန်တော်တို့ငယ်ငယ်တုန်းကကြည်ပြီးကြိုက်ခဲ့ရတဲ့ဇာတ်ကားလေးပါပဲ။အခုထိဆို ၄ကားထွက်ရှိပြီးသွားပါပြီ။ ဇာတ်လမ်းကတော့ နိုင်ငံတစ်ခုစီက စပိုင်ကောင်လေးနဲ့စပိုင်ကောင်မလေးနှစ်ယောက်ဟာအကြောင်းအမျိုးကြောင့် ချစ်မိသွားခဲ့ကြပြီး ကလေး၂ယောက် ရခဲ့ပါတယ်။ သူတို့ဟာ ကလေးတွေမသိအောင်လျို့ဝှက်အေးဂျင့်လုပ်ကြပါတယ်။ ဒါပေမယ့် တစ်နေ့မှာ သူတို့အဖွဲ့ထဲက အေးဂျင့်တစ်ယောက်ပျောက်ဆုံးသွားတဲ့အကြောင်းအရင်းနဲ့ပတ်သတ်ပြီးသူတို့နှစ်ယောက်တာဝန်ယူပြီး ရှာဖွေဖို့အမိန့်ကျလာပါတယ်။ အဲ့ချိန်မှာ သူတို့အဖွဲ့ထဲက သစ္စဖောက်ကြောင့်သူတို့နှစ်ယောက်အဖမ်းခံခဲ့ရပါတယ်။ အဲ့အချိန်မှာတော့ သူတို့ရဲ့ကလေးနှစ်ယောက်ဖြစ်တဲ့၁၂နှစ်အရွယ်Carmen နဲ့ ၉နှစ်အရွယ်Juni တို့နှစ်ယောက်သူတို့မိဘတွေကို ကယ်ဖို့ ဘယ်လိုတွေကြိုးစားကြမလဲ ဘယ်လိုတွေ အလွဲလွဲအချော်ချော်ဖြစ်တယ်ဆိုတာကိုတော့ဇာတ်လမ်းထဲမှာဆက်လက်ရှု့စားကြပါတော့...။ File size…(900 MB) and (400 MB) Quality…BR-Rip 1080p Format…mp4 Duration….01:30:50 Subtitle….Myanmar Subtitle (Hardsub) Translated by Eden Zaw Htoo Encoded by Naing Aung Latt

Eyes Wide Shut ( 1999 ) IMDB : 7.5 Rotten Tomatoes : 76% Genre : Thriller / Mystery ဟောလိဝုဒ်ရုပ်ရှင်လောကရဲ့ မှော်ဆရာတစ်ပါးဖြစ်တဲ့ စတန်လေကူးဘရစ် မသေခင် နောက်ဆုံးရိုက်ခဲ့တဲ့ရုပ်ရှင်။ post-productionပြီးတဲ့အထိ သူမရှိသွားရတဲ့ ရုပ်ရှင်ပါပဲ။ ၉၉မှာထွက်တဲ့ ကားပေမဲ့ ဒီကားကို ရိုက်ဖို့ မူရင်းဇာတ်လမ်းဖြစ်တဲ့ ဂျာမန်ဝတ္ထု Dream Storyကို ၁၉၆၈မှာဖတ်မိတုန်းက ကူးဘရစ် က စိတ်ကူးစရခဲ့တယ်။ ရုပ်ရှင်အတွက်တော့ အမေရိကန်ပုံစံဖြစ်အောင် ပြန်ပြောင်းထားတယ်။ စစကတော့ သူက ဝူဒီအယ်လန်ကို မင်းသားတင်ရိုက်ဖို့တွေးသေးတယ်။ နောက်ကျ တွမ်ဟန့်တို့ ဘီလ်မာရေးတို့ ဒတ်စတင် ဟော့မန်းတို့ကို မင်းသားတင်ရိုက်ဖို့တွေးသေးတယ်။ နောက်ကျ Born on the Fourth of July ထဲက တွမ်ခရုစ်ရဲ့ သရုပ်ဆောင်မှုကိုကြည့်ပြီး တွမ်ခရုစ်ကိုပဲ ကူးဘရစ်ကိုယ်တိုင်ရွေးခဲ့တယ်။ မြင်ရတဲ့ ဇာတ်လမ်းအရ‌တော့ ကျန်တဲ့လူတွေထက် နောက်ဆုံးသူရွေးခဲ့တဲ့ တွမ်ခရုစ်နဲ့ ဒီဇာတ်ကောင်က အလိုက်ဖက်ဆုံးပဲ။ ပြောသာပြောရတယ်။ ဒီကာလက တွမ်ခရုစ်ကားတွေက ရှယ်တွေများတယ်။ နောက်မှသာ အက်ရှင်ချည်းထွက်တော့တာ။ ဒီနှစ်တော့ Alejandroနဲ့ Digger ရိုက်ဖို့ရှိလာပြီ။ ဆက်ရရင် ကူးဘရစ်က တွမ်ခရုစ်ကိုရော ကစ်မန်းကိုရော ဒီကားမပြီးခင် တခြားပရောဂျက်လက်မခံဖို့တော့ သတ်မှတ်ထားခဲ့တယ်။ ကူးဘရစ်က သူစိတ်တိုင်းမကျမချင်း အရေးမပါဘူးထင်ရတဲ့ ဇာတ်ဝင်ခန်းတစ်ခန်းကိုတောင် ပြန်ပြန်ရိုက်တတ်တဲ့လူမျိုး။ တံခါးပေါက်ကနေ အပြင်ထွက်သွားတဲ့ ဇာတ်ဝင်ခန်းကိုတောင် အထပ်ထပ် ရိုက်ရင်လည်းရိုက်တဲ့လူ။ တွမ်ခရုစ် တံခါးပေါက်ကနေ ထွက်သွားတဲ့ ဇာတ်ဝင်ခန်းကိုတောင် ၉၅ခါ ပြန်ရိုက်ခဲ့တယ်။ ကစ်မန်းကတော့ ပြောတယ်။ စတန်လေအတွက် အချိန်က အရေးအကြီးဆုံးပဲ။ ဘတ်ဂျက်အရ လိုကေးရှင်းကိုသာ စွန့်လွှတ်ရင် စွန့်လွှတ်မယ်။ အချိန်ကိုတော့ သူလိုသလောက်ယူတတ်တဲ့လူတဲ့။ ရိုက်ရင်း တွမ်ခရုစ်ဆို ဖက်ခွက်နာဖြစ်သွားတာတောင် ကူးဘရစ်ကို မပြောရဲခဲ့ဘူး။ ဒီလိုနဲ့ ဒီကားရိုက်တာ ဆက်တိုက်ဆိုသလို ပြန်ပြန်ရိုက်လာတာ ၁၅လကြာသွားပြီး ရိုက်ကူးရေးအကြာဆုံးရုပ်ရှင်အဖြစ် ဂင်းနစ်စံချိန်ပါဝင်သွားတယ်။ ဇာတ်လမ်းကတော့ ဘာမှမဟုတ်သလိုလည်း ထင်ရတယ်။ လူချစ်လူခင်များတဲ့ ဆရာဝန်လူချောတစ်ယောက် မစပ်စုသင့်တာကို စပ်စုမိရာကနေ မမျှော်လင့်ထားတာတွေ ဖြစ်လာတဲ့အကြောင်းပဲ။ ပြောရရင် တစ်ချိန်တည်းမှာပဲ မပြည့်စုံနေသလိုတောင် ခံစားရတယ်။ ဆိုပေမဲ့ သူပြချင်တာက ဇာတ်အိမ်ကောင်းကောင်းဆိုတာထက် အချစ်နဲ့ ရမ္မက်၊ သစ္စာစောင့်သိမှုနဲ့ ပင်ကိုသဘာဝ ကြားက စည်းတွေပါးလျပုံလို့ မြင်ရတဲ့အတွက် ဒါကိုတော့ ပေါ်သလိုလိုရှိတယ်ပြောရမှာပဲ။ ဒါပေမဲ့ ဒီကိစ္စတွေက အတိအကျတွေ သွားချလို့မရတဲ့ကိစ္စတွေလို့ ကျွန်တော်တော့ မြင်တဲ့နောက် ဒီလိုပုံဖော်တာက ဖြစ်သင့်တဲ့ကိစ္စပဲလို့ ကျွန်တော်တော့ထင်တယ်။ ဇာတ်လမ်းတစ်ပုဒ်အနေနဲ့ဆိုရင်တော့ ပြည့်စုံတယ်ပြောမရပေမဲ့ ဒါရိုက်တာတစ်ယောက်က သူပြချင်တဲ့အမြင်တစ်ခုကို ကောင်းကောင်းပြနိုင်ခဲ့လားဆိုရင်တော့ ပြနိုင်တယ်ပြောရမှာဆိုတော့ ဒီဇာတ်လမ်းကို တစ်ကိုယ်ရေတော့ သဘောကျတယ်။ နိမိတ်ပုံတွေတော့ သိပ်များတယ်လို့ ပြောကြပေမဲ့ လူမို့ရမ္မက်ရှိခဲ့ရင်တော့ ထိန်းကျောင်းခဲ့ဖူးရင်တော့ ဝပ်ဆင်းခဲ့ဖူးရင်တော့ Eyes Wide Shut က နားလည်ရမခက်လှဘူး။ နိုးနေရင်းအိပ်မက်မက်နေတာလား အိပ်မက်ထဲနိုးနေတာလား။ အရှိတရားဖြစ်သည် မဖြစ်သည်။ ဘယ်တစ်ခုကမှ အရေးမကြီးဘူး။ အဓိပ္ပာယ်တစ်ခုခုရှာပြီးသွားရင် မစွန့်လွှတ်လိုက်ဖို့ပဲ။ File size…   3 GB / 1 GB Quality… BluRay 1080p / 720p Format… mp4 Duration…. 2h 39m Genre .....Thriller / Mystery Subtitle…. Myanmar Subtitle (Hard Sub)

Tomatoes - 75% ဒီကားလေးကတော့ ၁၉၉၇ ခုနှစ်ထွက် တော်တော်လေးလူကြိုက်များတဲ့ဟာသကားလေးပါ။ F.R.I.E.N.D.S"sitcomရဲ့အချစ်တော် ဖီဘီသရုပ်ဆောင်(Lisa kudrow)ကလည်း အဓိကသရုပ်ဆောင်တစ်ယောက်အနေနဲ့ ပါ၀င်ထားပါတယ်။ ဇာတ်လမ်းအကျဉ်းကတော့ ငယ်ငယ်ကတည်းက ပေါင်းလာတဲ့သူငယ်ချင်းနှစ်ယောက်ဖြစ်တဲ့ "ရိုမီနဲ့မီရှယ်"တို့ အထက်တန်း‌ကျောင်း ပြန်လည်တွေ့ဆုံပွဲကို သွားတဲ့အကြောင်းကို ရိုက်ကူးထားတာပါ။ ပေါ့ပေါ့ပါးပါးရိုက်ကူးထားတဲ့ဒီကားမှာ မိတ်ဆွေ ၂ ယောက်ရဲ့ ကွဲပြားတဲ့အတွေးအခေါ်တွေ၊ အချင်းချင်းရဲ့ဂရုစိုက်မှု ကြင်နာမှုတွေ၊ လောကကြီးကသတ်မှတ်ထားတဲ့တန်ဖိုးတွေကြားမှာ ကိုယ်ပိုင်သဘာဝအတိုင်းနေထိုင်ရတာက ဂုဏ်ယူစရာကောင်းတယ်ဆိုတဲ့အကြောင်းတွေကို သင်ခန်းစာယူနိုင်ပါသေးတယ်။ ကြည့်ရှုခံစားကြည့်ပါရှင်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

Spice World (1997) ရုပ်ကလည်းဖြောင့် ကစားတာလည်း ရှယ်တော်တဲ့ ကမ္ဘာကျော် ဘောလုံးသမား ဒေးဗစ်ဘက်ခမ်းရဲ့ မိန်းမဖြစ်သူ ဗစ်တိုးရီးယားဆို တော်တော်များများ သိကြမယ်ထင်ပါတယ်။ ကျွန်တော်တို့ အရင်က ၉၀ ကာလတွေမှာ သူပါဝင်ခဲ့တဲ့ Girl band တစ်ခုဖြစ်တဲ့ ဗြိတိသျှအခြေစိုက် Spice Girls အဖွဲ့ဆိုတာ အမျိုးသမီးကိုယ်စားပြု စာသားသီချင်းတွေနဲ့ အတော်နာမည်ကြီးခဲ့ပါတယ်။ ဒီဇာတ်ကားလေးကတော့ သူတို့ Spice Girls အဖွဲ့အနေနဲ့ပဲ ပါဝင်သရုပ်ဆောင်ထားပြီး ၂ ထပ်ပါ လန်ဒန်ဘတ်စ်ကားကြီးနဲ့ အင်္ဂလန်တလျှောက် လျှောက်ပတ်သွားရင်း ဆူပူကြိမ်းမောင်းနေတဲ့ မန်နေဂျာနဲ့ ရန်ဖြစ်ရတာတွေ မနာလိုတဲ့လူတွေက ပါပါရာဇီငှားပြီး လိုက်အရှက်ခွဲဖို့ လုပ်တာတွေ နာမည်ကျော်ဘဝရောက်တော့ သာမန်ဘဝလိုမျိုး နေထိုင်ဖို့ အချိန်မပေးနိုင်တာတွေ ပရိတ်သတ်တွေနဲ့ စွန့်စားခန်း လုပ်ကြတာတွေကို ရိုက်ကူးထားတဲ့ ဇာတ်ကားလေးပါ။ ဂျိန်းစ်ဘွန်းအဖြစ် သရုပ်ဆောင်ဖူးတဲ့ ရော်ဂျာမိုးတောင် ဧည့်သည်သရုပ်ဆောင်အဖြစ် ပါဝင်ထားပါသေးတယ်။ File size…    3.3 GB /  1.3 GB Quality… Web-DL 1080p / 720p Format… mp4 Duration…. 1h 33m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by Thura Aung

MDb 7 / 10 Channel Myanmar ပရိသတ်ကြီးကို ခုတစ်ခေါက်မိတ်ဆက်ပေးချင်တဲ့ဇာတ်ကားလေးကတော့ Pride and Prejudice စာရေးဆရာမ Jane Austen ရဲ့ Emma ဆိုတဲ့ဝတ္တုကို ဇာတ်ကားအနေနဲ့ ပြန်လည်ရိုက်ကူးထားတဲ့ ကားလေးဖြစ်ပါတယ်။ တချို့သော ရုပ်ရှင်ပရိတ်သတ်တွေကတော့ ၂၀၂၀ တုန်းကထွက်ခဲ့တဲ့ Anya Taylor-Joy နဲ့ရိုက်ထားတဲ့ ဗားရှင်းကို ကြည့်ပြီးကြတဲ့သူတွေလည်း ရှိမှာပါ။ ခုဇာတ်ကားကတော့ ၁၉၉၆ တုန်းက ထွက်ရှိခဲ့တဲ့ဗားရှင်းဖြစ်ပါတယ်။ ဒီဗားရှင်းကတော့ မူရင်းဝတ္ထုရဲ့ ဇာတ်ဝင်ခန်းအကုန်နီးပါး ထည့်သွင်းရိုက်ကူးထားတာဖြစ်ပါတယ်။ ဇာတ်လမ်းကတော့ Emma ဆိုတဲ့ သူဌေးသမီးလေးဟာ သူရဲ့ ဆရာမနဲ့ သူ့အိမ်နီးချင်းကို သူအောင်သွယ်ပေးလိုက်တာ ညားသွားတာကို အကြောင်းပြုပြီး တခြားတစ်ကိုယ်တည်းသမားတွေအတွက် အောင်သွယ်တော်လုပ်ချင်စိတ်တွေ တစ်ပွားပွားဖြစ်လာပါတယ်။ အဲဒါနဲ့ Emma ဟာ Harriet Smith ဆိုတဲ့ သူ့သူငယ်ချင်းရဲ့ အချစ်ရေးကို ဝင်စွက်ဖက်ပါလေသတဲ့။ အဲလိုစွက်ဖက်တော့ Emma နဲ့ မွေးကတည်းကသိကျွမ်းလာသူ Mr. Knightley နဲ့ ရန်ဖြစ်လိုက် ပြန်တည့်သွားလိုက် ဆက်ဆံရေးဖြစ်လာပါတယ်။ တစ်ချိန်တည်းမှာပဲ ငွေတွေ၊ဂုဏ်တွေကြောင်းမဟုတ်ဘဲ အချစ်အတွက်ပဲ လက်ထပ်မယ်ဆိုတဲ့ Emma တစ်ယောက် တစ်ခါမှမတွေ့ဖူးသေးတဲ့ Frank Churchill ဆိုသူအကြောင်း စိတ်ဝင်စားမိတဲ့အခါ… Emma ရဲ့ သူ့သူငယ်ချင်းအချစ်ရေးအပေါ် ဝင်စွက်ဖက်မှုက သူနဲ့ အဲသူငယ်ချင်းတို့နှစ်ယောက်လုံးအပေါ် ဘယ်လိုအကျိုးသက်ရောက်မှုတွေဖြစ်လာမလဲ ကြည့်ရှုခံစားရမှာဖြစ်ပါတယ်။ File size…(1.9 GB)/(1.2 GB)/(670MB Mb) Quality….Webrip 1080p / 720p / 480p Format…mp4 Duration….01:46:00 Genre...Drama, Comedy, Romance Subtitle….Myanmar Subtitle (Hardsub) Encoder….Mr. Anderson Translated by Myat Noe Cho

ဒီ ဇာတ်ကားကတော့ မင်းသား Pierce Brosnan ရဲ့ ပထမဆုံး ဂျိမ်းစ်ဘွန်းဇာတ်ကားဖြစ်ပါတယ်.. သူ့ရဲ့ ဘွန်းဇာတ်ကား ၄ ကားထဲမှာ Rating အမြင့်ဆုံးဇာတ်ကားဖြစ်ပြီး လူသတ်မှုအများဆုံး ဘွန်းဇာတ်ကားအဖြစ် မှတ်တမ်းဝင်ထားတဲ့ဇာတ်ကားပါ... Pierce Brosnan ရဲ့ဘွန်းဇာတ်ကောင်ကို ပရိတ်သတ်တော်တော်များများနှစ်သက်ကြောင်းတွေ့ရပါတယ်… ကြင်အင်လက္ခဏာ…တည်ငြိမ်မှု..ဝတ်စားဆင်ယင်မှု..သရုပ်ဆောင်မှုတွေအရ Pierce Brosnan နဲ့ ဘွန်းကို တစ်ထပ်တည်းကိုက်ညီစေတဲ့ ရသကို ပေးစွမ်းနိုင်ခဲ့တာပါ…. နောက်တစ်ချက်က သူ့ရဲ့ဇာတ်ကားတွေမှာ Action ပိုင်း အတော်လေး ပြည့်စုံတာကို တွေ့ရမှာပါ.. IMDb Rating (7.2/10) ရရှိထားပါတယ်…။ File size…(2.9 GB) and (1.6 GB) Quality….BluRay 1080p and 720p (HEVC Encode) Format…mkv Duration….02:10:00 Subtitle….Myanmar Subtitle (Hardsub) Encoder….Nyeinsaeya Aung Translated by Htoo Lwin