Bharath Reddy ပါဝင်သော ဇာတ်ကားများ

Nilakanta (2026) "ကံ၏အကျိုး" ပညာရေးကို အထွတ်အမြတ်ထားကြတဲ့ ဆွာရဆွာတီပူရမ်ရွာလေးမှာ ရိုးသားကြိုးစားတဲ့ နီလာကန်တာတစ်ယောက် ကံဆိုးမိုးမှောင်ကျခဲ့ရတယ်။ ဒီဘ၀မှာ မကျူးလွန်မိပါဘဲနဲ့ ဝဋ်ကြွေးဆိုတာမျိုးက ကြုံတွေ့တတ်တော့ နီလာတစ်ယောက် သူ မကျူးလွန်မိတဲ့အမှုအတွက် ပြစ်ဒဏ်ကြီးကြီးချ မှတ်ခံခဲ့ရရှာတယ်။ ဒါပေမဲ့လည်း အမေမှာကြားခဲ့တဲ့စကားတွေကို တစ်သဝေမတိမ်းနားထောင်ပြီး အဖေဖြစ်သူကို အလေးအမြတ်ထားတတ်တဲ့ နီလာတစ်ယောက် ကြုံလာသမျှကို ကြံ့ကြံ့ခံရင်ဆိုင်ရင်း လောကဓံကို ဘယ်လိုအနိုင်ယူမလဲဆိုတာကိုကြည့်ရှုခံစားရမဲ့ တလေဂူးစကားပြော အိန္ဒိယရုပ်ရှင်လေးကို တင်ဆက်ပေးလိုက်ပါတယ်။ File size… 2.8 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2hr 32mins Subtitle….Myanmar Subtitle (Hard Sub)

Kobali (2025) "ရန်ငြိုး" အသစ်ထွက်ရှိလာတဲ့ တေလေဂူးစကားပြော ခပ်ကြမ်းကြမ်း ကျေးလက်အက်ရှင်ဒရာမာ ဇာတ်လမ်းတွဲလေးကို ပရိသတ်တွေအတွက် တင်ဆက်ပေးချင်ပါတယ်။ ရွာလေးတစ်ရွာမှာ ညီအစ်ကိုသုံးယောက်ရှိတယ်။ ပီကီဘလိုင်ဒါထဲက ရှယ်လ်ဘီညီကိုတွေလိုပဲ အကြီးဆုံးက အိမ်ထောင်ကျပြီးသား၊ အလတ်ကောင်က အိမ်မှာ ဩဇာအရှိဆုံးဖြစ်ပြီး သူ့မျက်လုံးထဲ မှန်တယ်ထင်ရင် ရဲကိုတောင် ပါးရိုက်တဲ့ ပညာတတ်လူမိုက်၊ အငယ်ဆုံးက ဘွဲ့ရပေမဲ့ အိမ်မှာထိုင်စားပြီး ဝေလေလေလုပ်တဲ့ ၁၀၉၊ ၁၁၀။ သူတို့တွေဟာ အစပိုင်းမှာ အေးအေးဆေးဆေးပဲနေခဲ့ကြပေမဲ့ အကြီးဆုံးကောင်က ဗွေဖောက်ပြီး အပျင်းပြေ လူသဝာ်အလောင်းဖျောဂာ်တတ်တဲ့ လူမိုက်နှစ်ယောက်ရဲ့ အစ်မဖြစ်သူကို မယားငယ်ထားပြီး မလည်ရှုပ်လုပ်ရာကနေ မိသားစုနှစ်ခု အကြီးအကျယ်ကွိုင်ကြပုံကို ဒီဇာတ်လမ်းတွဲထဲမှာ မြင်ကြရမှာပါ...။ (ဒီဇာတ်လမ်းတွဲအတွက် အညွှန်းနဲ့ဘာသာပြန်ကတော့ CM Bollywood Team ပါ။) File Size – 750 MB (Appx;)@Episode Quality – 1080p WEB DL Duration – 30minute (@Episode) Total Episodes: 8Eps Subtitle – Myanmar Hardsub Format – Mp4 Genre : Action & Adventure, Crime, Drama Translator – CM Bollywood Team Encoder – YK

Viswam 2024 ဒီတစ်ခေါက် 2024 ခုနှစ်ထွက် ဘောလိဝုဒ်ဇာတ်ကားအသစ်လေးနဲ့ မိတ်ဆက်ပေးပါရစေ။ ပါကစ္စတန်နဲ့ အိန္ဒိယတို့အကြား အကြမ်းဖက်မှုတွေကိုလုပ်ဆောင်နေတဲ့ လူတစ်စုက ကလေးငယ်လေးတစ်ယောက်ကို လိုက်လံရှင်းလင်း သတ်ဖြတ်ကြမယ့်စိတ်ဝင်စားစရာ ဇာတ်လမ်းလေးပါ။ ဇာတ်လမ်းအကျဉ်း အကြမ်းဖက်လုပ်ငန်းတွေကို ဦးဆောင်လုပ်ကိုင်နေတဲ့ ဂျာလာလူဒင်ကာရက်ရှီဆိုတဲ့လူက ဦးဆောင်ပြီး သူတို့လမ်းမှာ အဟန့်အတားဖြစ်လာမယ့် ဝန်ကြီးတစ်ဦးကို အဲဒီဝန်ကြီးရဲ့ညီဖြစ်သူနဲ့ပေါင်းသတ်လိုက်ပါတယ်။ သူတို့အဲဒီလို ဒုစရိုက်မှုကျူးလွန်နေတာကို မတော်တဆ ကလေးမလေးတစ်ယောက်ကမြင်သွားခဲ့ပါတယ်။ ဂျာလာလူဒင်တို့လည်း ဒီမျက်မြင်သက်သေကလေးမလေးကို သတ်ဖို့လုပ်ကြတော့တာပေါ့။ ထိတ်လန့်နေတဲ့ ဒီကလေးမလေးကို သူ့အဘိုးဖြစ်သူတို့က သက်သာရာသက်သာကြောင်း ဘုရားကျောင်းလိုက်ပို့တဲ့အချိန်မှာ သူ့ကိုသတ်ဖို့လိုက်လာတဲ့ လူမိုက်အုပ်စုနဲ့တွေ့ပါတော့တယ်။ ဒီကလေးမလေးနဲ့ သူတို့မိသားစုကို ကယ်တယ်ပေးသွားမယ့် ကယ်တင်ရှင်က ဘယ်သူဖြစ်ပြီး ဘယ်လိုအကြောင်းအရာများနဲ့ပေါ်လာပြီး ဘာတွေဆက်ဖြစ်မလဲဆိုတာ စိတ်ဝင်တစားကြည့်ရှုရမှာဖြစ်ပါတယ်။ (အညွှန်းနဲ့ဘာသာပြန်ကတော့ CM Bollywood Team ကပဲဖြစ်ပါတယ်ခင်ဗျာ။) File size… 3.5 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb 5.9/10 Action/Drama အခုတစ်ခါတင်ဆက်ပေးမယ့် တေလဂူးရုပ်ရှင်ကတော့ အက်ရှင်အကြမ်းစားတွေအပြင် မိသားစုတွေကြားထဲက ၅၂၈မေတ္တာ ချစ်သူတွေကြားက ၁၅၀၀မေတ္တာကိုပါ ကြည့်ရှုခံစားရမယ့် ဇာတ်ကားကောင်းလေးဖြစ်ပါတယ်။ ရိုးသားမှုကို အရင်းခံပြီး သမာအာဇီဝကျကျနဲ့ စီးပွားရေးလုပ်ကိုင်နေတဲ့ ရာဂျာရမ်မှာ ဗစ်ကီလို့ခေါ်တဲ့ ညီလေးတစ်ယောက်ရှိပါတယ်။ ရန်ကိုရန်ချင်းမတုံ့နှင်းဖို့ အစ်ကိုဖြစ်သူက အမြဲဆုံးမလေ့ရှိပါတယ်။ ဒါပေမဲ့ တစ်နေ့မှာ ဗစ်ကီတစ်ယောက် အစ်ကိုဖြစ်သူ မတရားသဖြင့် ဒုက္ခခံနေရတာကို မြင်ရပြီးနောက် လက်တုံ့ပြန်ခဲ့ပါတယ်။ အစ်ကိုဖြစ်သူသိသွားပြီး ဗစ်ကီနဲ့ အချေအတင်ဖြစ်ကြတဲ့အခါ ဗစ်ကီတစ်ယောက် အိမ်ကနေ ထွက်ပြေးသွားခဲ့ပါတယ်။ ကာလကတ္တားမြို့ကို လက်ဗလာနဲ့ရောက်သွားတဲ့ဗစ်ကီတစ်ယောက် လုပ်ငန်းရှင်တစ်ဦးနဲ့ချိတ်ဆက်မိပြီး ယုံကြည်အားကိုးရတဲ့သူတစ်ယောက်ဖြစ်လာပါတယ်။ ထင်ထားသလောက်မရိုးရှင်းတဲ့စီးပွားရေးလုပ်ငန်းမှာ ဗစ်ကီတစ်ယောက် အစ်ကိုဖြစ်သူမကြိုက်တဲ့ ဒုစရိုက်မှုတွေလုပ်ပြီး ကြီးပြင်းလာခဲ့ပါတယ်။ အချိန်တန်အရွယ်ရောက်လို့ ချစ်ရတဲ့သူတွေ့လာတဲ့အခါ လက်ထပ်ထိမ်းမြားဖို့ မိသားစုက အရေးပါတယ်ဆိုတာ ဗစ်ကီသိရတဲ့အခါ အစ်ကိုဖြစ်သူနဲ့မိသားစုဝင်တွေရှိရာဆီကို ပြန်လာခဲ့ပါတယ်။ မိသားစုတွေ ပြန်လည်ပေါင်းစည်းကြမိပေမယ့် ဖုံးကွယ်ထားရတဲ့အခက်အခဲကိုယ်စီလည်း ရှိနေကြပါတယ်။ ဗစ်ကီနဲ့အစ်ကိုဖြစ်သူ ဘာတွေဆက်ဖြစ်ကြမလဲ။ အခက်အခဲတွေကရော ဘာတွေဖြစ်မလဲ။ မိသားစုတွေ ပျော်ပျော်ရွှင်ရွှင်နေသွားရမလားဆိုတာကို ဒီဇာတ်ကားထဲမှာ ဆက်လက်ကြည့်ရှုကြရမှာ ဖြစ်ပါတယ်။ (အညွှန်းနဲ့ဘာသာပြန်သူတွေကတော့ V, BpL, Zwe Yan, Dee နဲ့ Cherryတို့ဖြစ်ကြပါတယ်။) File size…3.2GB / 1.47GB Quality…1080p WEB DL /720p Format…mp4 Duration….2h 20m Subtitle….Myanmar Subtitle (Hard Sub) Encoder….YK Translator...V~ BpL~ Zwe Yan~ Dee ~ Cherry

IMDb- 7.1/10 ယခုတစ်ခါ တင်ဆက်ပေးမဲ့ ဇာတ်ကားလေးကတော့ အိန္ဒိယဇာတ်ကားထဲမှာ ရှားရှားပါးပါး Genere Sci-Fi အမျိုးအစားပဲဖြစ်ပါတယ် ဒီ‌တီလဂူးရုပ်ရှင်က ပုံမှန်ရိုက်နေကျပုံစံမဟုတ်ပဲ သိပ္ပံရုပ်ရှင်ဆိုပေမဲ့ ချာတူးမလန်သွားတဲ့အပြင် rating 7.1/10 ထိရရှိထားပါတယ် သိပ္ပံရုပ်ရှင်ဆိုပေမဲ့ space ship တွေ တဝီဝီနဲ့ light saber တွေ ထုတ်ပြီး ခုတ်ကြမဲ့ Sci-Fi အမျိုးအစားတော့မဟုတ်ပါဘူး အနာဂတ် 2400ခုနှစ်မှာ အခက်အခဲကြုံနေရတဲ့ လူသားမျိုးနွယ်ဟာ အတိတ်ကို အချိန်ခရီးသွားပြီး အဖြေရှာတော့ သူတို့ပြသနာကို ဖြေရှင်းပေးနိုင်တဲ့ တီထွင်မှုတစ်ခုရှိနေတာကို သိလိုက်ရပါတယ် မျက်မှောက်ခေတ် 1999 ခုနှစ်မှာလည်း အဲဒီမြို့လေးမှာ အိန္ဒိယထုံးစံအတိုင်း နိုင်ငံရေးတွေ အာဏာတွေပါဝါတွေနဲ့ တိုင်ပတ်နေတဲ့အခါမှာတော့ ဘာဆက်ဖြစ်မလဲဆိုတာ ဆက်ရှုစားကြရမှာပါ Sci-Fi ကားဆိုပေမဲ့ အိုဗာတွေတလွဲတွေ သိပ်မပါပဲ ခိုင်မာတဲ့ ဇာတ်အိမ်နဲ့ အကွက်ကျကျရိုက်ကူးပြထားတာမို့ ပရိသတ်များခံစားဖို့ တင်ဆက်ပေးလိုက်ပါတယ် အညွှန်းနဲ့ ဘာသာပြန်တင်ဆက်ပေးထားတာကတော့ BpL~ Saii ~ Zwe V ~YH တို့ပဲဖြစ်ပါတယ် File size…2.16GB /1.03GB Quality…1080p WEB DL /720p Format…mp4 Duration….2h 22m Subtitle….Myanmar Subtitle (Hard Sub) Encoder….YK Translated by BpL~ Saii ~ Zwe V ~YH

ဘိုင်ရာဗာမင်းသမီးလေး ကာဂျဲလ်နဲ့ တီလဂူးကားတွေရဲ့ အက်ရှင်မင်းသားကြီး Nandamuri Balakrishna မင်းသမီးချောလေး Sreeleela တို့ အဓိကပါဝင်ထားပြီး Ra.One နဲ့ Om Shanti Om ရဲ့ ဗီလိန် ခန့်ချောကြီး Arjun Rampal လည်းပါဝင်ထားတာတဲ့ အက်ရှင်ကြမ်းကြမ်း ပလော့လန်းလန်းနဲ့ ရုံကားကြီးတင်ဆက်ပေးလိုက်ပါတယ် ရုံတင်ငွေလည်း ကုဋေ ၁၃၀ ထိရထားတာမို့ အကြိုက်တွေ့ကြမဲ့ကားပါ နီလာကွန်ဒါဘာဂဗန်ကေဆရီလို့ ခေါ်တဲ့ လုပ်ငန်းရှင်တစ်ဦး၊ အရင်အစိုးရကို ရံပုံငွေထောက်ပံ့တဲ့အတွက်ကြောင့် အခုတက်လာတဲ့အစိုးရကနေ အမှုဖွင့်ပြီး ထောင်ထဲကို ပို့ခံထားရသူ။ တရားမှုကို မြတ်နိုးပြီးတော့ အနိုင်ကျင့်တာကိုလည်း မျက်ကွယ်ပြုမထားနိုင်သူတစ်ယောက်။ တစ်ရက်မှာတော့ ဘာဂဗန်ရဲ့ မိခင်ဖြစ်သူဟာ သေခါနီးဆဲဆဲ သူ့သားကို မမြင်ရရင် မသေနိုင်ဘူးဆိုပြီး တင်းခံနေတဲ့အတွက်ကြောင့်နဲ့ သူ့ရဲ့မိခင်ကို တွေ့ဖို့ သူတို့ရဲ့ ထောင်မှူးကို တောင်းဆိုရာကနေ ထောင်မှူးရဲ့ ခွင့်ပြုချက်နဲ့ မိခင်ဖြစ်သူရဲ့ နောက်ဆုံးထွက်သက်ကို အနားမှာ ရှိပေးလိုက်နိုင်ခဲ့ပါတယ်။ ဒီလို ကျေးဇူးတွေကြောင့်နဲ့ ဘာဂဗန်ဟာ ထောင်မှူးစီရီခန့်သ်ကို တစ်ဘဝလုံးစာ အကြွေးတင်နေတယ်လို့ သတ်မှတ်ထားလိုက်ပါတော့တယ်။ ဒီနောက်ပိုင်းမှာတော့ ထောင်မှူးစီရီခန့်သ်ရဲ့ သမီးလေး ဗီဂျီနဲ့လည်း ဘာဂဗန်ဟာ ရင်းနှီးလာခဲ့ပြီးနောက်မှာတော့ ထောင်မှူးကြီးကို ရုံးခန်းမှာ မတွေ့ရတာ ရက်အတော်ကြာနေပြီဖြစ်တဲ့အတွက် မေးကြည့်လိုက်တဲ့အချိန်မှာတော့ သူ့မိခင်ကို တွေ့ခွင့်ရဖို့အတွက် ထောင်စည်းကမ်းကို ဖောက်ဖျက်ပေးခဲ့တဲ့ အမှုနဲ့ ထောင်မှူးဟာ ရာထူးကနေ အနားခံလိုက်ရတဲ့အကြောင်းကို သိလိုက်ရပါတော့တယ်။ ဒါ့အပြင် ထောင်မှူးဟာ သူရာထူးကနေ ထွက်မသွားခင်မှာ သူ့ကို ထောင်ကနေ လွှတ်ပေးမယ့်စာရင်းထဲကို ထည့်ပေးခဲ့တာကိုလည်း သိိလိုက်ရပါတော့တယ်။ ထောင်ကနေ ထွက်လာတဲ့နောက်မှာ ဘာဂဗန်ဟာ ထောင်မှူးတို့ကို သွားတွေ့ရင်းနဲ့ ထောင်မှူးက အပြင်သွားစရာရှိတာနဲ့ သမီးလေး ဗီဂျီကို စောင့်ကြည့်ပေးနေတုန်းမှာပဲ ထောင်မှူးဟာ အပြင်သွားရင်း လမ်းမှာ ကားအက်စီးဒန့်ဖြစ်ပြီးတော့ ဒဏ်ရာအပြင်းအထန်နဲ့ ဆေးရုံမှာတင်ပဲ ဆုံးပါးသွားခဲ့ပါတယ်။သူ့အဖေရဲ့ သတင်းကို ရုတ်တရက်ကြီး ကြားသိလိုက်ရတဲ့ ဗီဂျီလေးဟာ စိတ်ဒဏ်ရာရပြီးတော့ အလန့်တကြားဖြစ်သွားရင်း ရှော့ရတတ်တဲ့ရောဂါကို ခံစားနေရပါတော့တယ်။ မိဘတွေမရှိတော့တဲ့ ဗီဂျီလေးကို ဘာဂဗန်ကပဲ သန်မာလာအောင် ပြုစုစောင့်ရှောက်ပေးရင်းနဲ့ နောက်ပိုင်းမှာရော ဘယ်လိုတွေ ဆက်ဖြစ်လာဦးမလဲဆိုတာကို ကြည့်ရှူရမယ့် အက်ရှင်ဒရာမာကားကောင်းလေးတစ်ကားပဲ ဖြစ်ပါတယ်။ (အညွှန်းနဲ့ ဘာသာပြန်ကတော့ Thaik San~Dee~V~BpL~Yunni~ToMo တို့ပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…3.3GB / 1.68GB Quality…1080p WEB DL /720p Format…mp4 Duration…2h 44m Subtitle….Myanmar Subtitle (Hard Sub) Encoder….YK Translated by Thaik San~Dee~V~BpL~Yunni~ToMo

Vinaro Bhagyamu Vishnu Katha (2023) Action, Comedy, Drama IMDb 7.7/10 (2.4K) တချို့ဇာတ်လမ်းလေးတွေက စိတ်ကူးကောင်းလေးတွေကနေ အစပျိုးလာသလို တချို့ဇာတ်လမ်းလေးတွေက ခင်မင်ရင်းနှီးမှုကနေ စတင်လာတယ်။ ဒါပေမဲ့ ဒီဇာတ်လမ်းလေးကတော့ ရန်ပွဲတစ်ခုကနေ စတင်လာခဲ့တယ်။ အဲ့ဒီရန်ပွဲကနေပဲ ကောင်လေးတစ်ယောက်ရဲ့အမြင်တွေ ကောင်းမွန်လာခဲ့ပြီး တွေ့သမျှလူတိုင်းကို ကူညီတတ်လာခဲ့တယ်လေ။ သူ ဒီလိုကူညီရင်းနဲ့ မကူညီသင့်တဲ့လူတွေကို ကူညီခဲ့ပြီး ဒုက္ခရောက်ခဲ့ရပုံ...။ အချစ်ကိုရှာတွေ့ခဲ့ပုံနဲ့...။ သူ့ဘဝရ​ခဲ့တဲ့ အလှည့်အပြောင်းလေးတွေကိုတော့ ဒီဇာတ်ကားကြည့်ရင်း ခံစားကြည့်ကြပါနော်။ ဒီဇာတ်ကားလေးက ဇာတ်လမ်းဘာညာ အသာထား တစ်ခုကြည့်လို့ကောင်းတာက ကျွန်တော်တို့ လက်တွေ့ဘဝနဲ့ တော်တော်နီးစပ်တာပါ ဘာလို့လဲဆိုတော့ မင်းသမီးက ယူကျုဆယ်လီလေ အဲ့တော့ ပရိသတ်ကြီးများအတွက် ဆယ်လီတွေဆိုတာလည်း သာမန်လူတွေလိုပဲ ချစ်ကြိုက်ကွဲငြားဇာတ်လမ်းလေးတွေရှိကြောင်း ရှုထောင့်အသစ်တစ်မျိုးကြည့်ရတာပေါ့ သီချင်းကောင်းကောင်းလေးတွေနဲ့ အက်ရှင်ခန်းအလန်းတွေရယ် မင်းသမီးအချောလေးတစ်ယောက်ရယ်ပါရင် ကျန်တာဘာလိုဦးမှာလဲ ဒီဇာတ်ကားကိုချက်ချင်းပါ ပြေးဒေါင်းပြီးကြည့်လိုက်ပါတော့ ပရိသတ်အပေါင်းတို့......... File size…2.13GB / 1.01GB Quality…1080p WEB DL / 720p Format…mp4 Duration….2h 18m Subtitle….Myanamr Subtitle (HardSub) Encoder….YK Translated by  Sai ~ BpL~ Taylor ~Yunni

ဗီဂျေးဟာ ဖခင်နဲ့ ပြဿနာတက်ပြီးနောက် ကိုယ့်ဒူးကိုယ်ချွန်ဖို့ အိမ်ကနေ ထွက်လာခဲ့သူပါ။ ခုနစ်နှစ်ကြာတဲ့အခါမှာတော့ မိသားစုဆီ ပြန်လာဖို့ အကြောင်းဖန်လာပါတယ်။ အဲဒီအချိန်မှာ သူ့ဖခင်နဲ့ အစ်ကိုနှစ်ယောက်ကလည်း အစိုးရတင်ဒါတစ်ခုရဖို့ ပြိုင်ဘက်တွေနဲ့ အပြင်းအထန် ယှဉ်ပြိုင်နေကြတယ်။ ဒါပေမဲ့ မိသားစုတစ်ခုလုံး အန္တရာယ်တွေနဲ့ ရင်ဆိုင်ရတော့မယ်ဆိုတာကို သူတို့ မသိကြသေးပါဘူး။ ဘယ်လိုဘေးဒုက္ခတွေ ရောက်လာမလဲ၊ ဗီဂျေးကရော ခုနစ်နှစ်ကြာမှ ဘာကြောင့် အိမ်ပြန်လာတာလဲဆိုတဲ့ မေးခွန်းတွေနဲ့ ဇာတ်လမ်းကို ဆက်ထားပါတယ်။ မင်းသားဗီဂျေးနဲ့ ရက်ရှမီကားမန်ဒါနားတို့ အဓိကပါဝင်ထားပါတယ်။

ရာဗင်ဒရာက ကောလိပ်တုန်းက ရည်းစားဟောင်းရဲ့လက်အောက်မှာ အငယ်တန်းရှေ့နေအဖြစ် အလုပ်လုပ်ရင်း ရုန်းကန်နေရသူပါ။ ငွေရမယ့်အခွင့်အရေးမြင်ရင် ဘာမဆိုလုပ်ဖို့ အသင့်ရှိပြီး တခြားသူတွေ လက်ရှောင်တဲ့အမှုမျိုးကိုတောင် ခေါင်းမာမာနဲ့ ဝင်ကိုင်တတ်ပါတယ်။ တစ်နေ့မှာ ချမ်းသာတဲ့လုပ်ငန်းရှင်တစ်ဦး လူသတ်မှုနဲ့ စွပ်စွဲခံရတယ်။ သမီးဖြစ်သူကလည်း အဖေ့ကို ထောင်ထဲက ထုတ်ပေးနိုင်ရင် ဘာမဆိုပေးဖို့ အသင့်ဖြစ်နေပါတယ်။ ရာဗင်ဒရာက သမီးကိုလည်း သဘောကျ၊ ရမယ့်ငွေကိုလည်း မက်တာနဲ့ သေချာမစဉ်းစားဘဲ အမှုကို တာဝန်ယူလိုက်တယ်။ ဒါပေမယ့် အမှုက သူထင်သလောက် မရိုးရှင်းပါဘူး။ ငွေကိုရှေ့တန်းတင်တတ်တဲ့ ရာဗင်ဒရာတစ်ယောက် ဒီအခြေအနေမှာ ကျိုးကြောင်းဆီလျော်အောင် စဉ်းစားနိုင်ပါ့မလား၊ လူသတ်မှုရဲ့အမှန်တရားကိုရော ဖော်ထုတ်နိုင်မလားဆိုတာ ဆက်တွေ့ရမှာပါ။ တေလဂူးမှုခင်းနဲ့ အက်ရှင်ဇာတ်ကားဖြစ်ပြီး ရာဗီက ရှေ့နေရာဗင်ဒရာအဖြစ် သရုပ်ဆောင်ထားပါတယ်။

မိုဟန်ဂန်ဒီအတွက်တော့ ငွေဟာ ဘုရားသခင်လိုပဲ အရေးပါသလို အသက်ရှူဖို့လိုတဲ့ အောက်စီဂျင်လိုလည်း ဖြစ်နေပါတယ်။ ဇနီးချီထရာနဲ့ ယောက္ခမတွေ အသတ်ခံရတဲ့အမှုကြောင့် အဖမ်းခံထားရတဲ့ သူဟာ ပြစ်မှုလေ့လာရေးကျောင်းသူ ပူဂျာနဲ့ တွေ့ဆုံလာတယ်။ ဂန်ဒီပြောပြတဲ့ ဇာတ်ကြောင်းကို နားထောင်ပြီး ပူဂျာက သနားသွားတာကြောင့် အရာရှိကြီးဖြစ်တဲ့ သူ့အဖေရဲ့အကူအညီကို ယူကာ တရားမဝင်တဲ့နည်းနဲ့ ဂန်ဒီကို အာမခံထုတ်ပေးလိုက်ပါတယ်။ ဂန်ဒီ လွတ်သွားပြီးမှ CBI အရာရှိ အာဂျွန်ရဲ့ပြောပြချက်အရ သူဟာ အိန္ဒိယရဲတွေ အလိုရှိဆုံး ရာဇဝင်လူဆိုးဖြစ်နေကြောင်း ပူဂျာ သိလိုက်ရတယ်။ ဉာဏ်ကောင်းလွန်းတဲ့ ဂန်ဒီက ပူဂျာ့ကို ပြောပြသွားတာ ဘယ်သူ့ဇာတ်ကြောင်းလဲ၊ အဲဒီနောက်ကွယ်မှာ ဘာတွေရှိနေလဲ။ တစ်ဖက်မှာလည်း ဂန်ဒီနဲ့ သူ့အပေါင်းအပါတွေက သူတို့လိုချင်တဲ့ ငွေတွေကို ဘယ်လိုရအောင် ယူကြမလဲဆိုတာ ဆက်တွေ့ရမှာပါ။

ပြည်သူတွေရဲ့ ချစ်ခင်မှုကို ရထားတဲ့ ဝန်ကြီးတစ်ယောက် ဆုံးပါးသွားတဲ့နောက် သူ့နေရာကို ဆက်ခံဖို့ လူနှစ်ယောက် အားပြိုင်လာကြပါတယ်။ တစ်ယောက်က လူကောင်းဖြစ်ပြီး နောက်တစ်ယောက်ကတော့ လူဆိုးပါ။ နှစ်ယောက်စလုံး ဩဇာအာဏာကြီးမားကြသူတွေဖြစ်လို့ ဒီနေရာအတွက် ယှဉ်ပြိုင်ရတာ ဘယ်သူ့အတွက်မှ မလွယ်ပါဘူး။ အင်အားမကွာလှတဲ့ ပြိုင်ဘက်နှစ်ယောက်ကြားက အာဏာအားပြိုင်မှုကို နိုင်ငံရေးအကြောင်းအရာတွေနဲ့ တွဲဖော်ပြထားပါတယ်။ နာရန်သရာနဲ့ ဆယ်လ်မန်ခန်းတို့လည်း ပါဝင်သရုပ်ဆောင်ထားပါတယ်။

ဘောလိဝုဒ်ရဲ့ဆတ်ဆတ်ကြဲ မင်းသမီးကြီး ကန်ဂနားရဲ့  အမျိုးသမီးခေါင်းဆောင်လို့အမည်ရတဲ့ Thalaivii ဇာတ်ကားကတော့ ထွက်ရှိလာခဲ့ပါပြီ... ဒီဇာတ်ကားက အိန္ဒိယအမျိုးသမီးသရုပ်ဆောင် တဖြစ်လဲ တမီးလ်နာဒူပြည်နယ်ဝန်ကြီးချုပ်ဟောင်း J Jayalalithaa ရဲ့ဘဝဇာတ်ကြောင်းကို ရိုက်ကူးထားတဲ့ Biography,Drama အမျိုးအစားဖြစ်ပါတယ်...။ အိန္ဒိယတောင်ပိုင်းမင်းသမီးဘဝကစလို့...အိမ်ထောင်သည်ဘဝကြုံရဆုံရပုံတွေအပြင်..အမျိုးသားများသာကြီးစိုးနေတဲ့ နိုင်ငံရေးလောကမှာ အမျိုးသမီးခေါင်းဆောင်ဖြစ်လာဖို့ ခက်ခက်ခဲခဲကြိုးပမ်းခဲ့ရပုံတွေ....အချိုးအကွေ့တွေ...ကောက်ကျစ်မှုတွေအကြောင်းကို ပုံဖော်ထားနိုင်ပြီး...ဂျယားကြီးရဲ့ အကောင်းအဆိုးတွေကို မျှအောင်ပြသထားနိုင်တဲ့ ရုပ်ရှင်ပါ။ နိုင်ငံရေးနောက်ခံပြီး Feminism ကိုလည်း မြင်သာအောင် တင်ဆက်သွားနိုင်တဲ့အပြင် ကန်ဂနားရဲ့ အိုက်တင်နဲ့ အကအလှတွေကလဲ ရုပ်လုံးကြွအောင် ဖန်တီးထားနိုင်တာမို့ လက်လွတ်လို့မရတဲ့ ဖြစ်ရပ်မှန်ရုပ်ရှင်ဖြစ်ကြောင်း ညွှန်းဆိုပါရစေ။ File size…(2.5 GB ) / (1.4 GB) / (500 MB) Quality…WEB-DL 1080p / 720p / 480p Format…mp4 Duration….02:33:00 Subtitle….Myanmar Subtitle (Hardsub) Encoder….Ka Naung Translated by Mugiwara Ya & Nadi Myint Naing

Genre - Drama/Mystery IMDb Rating - 7.1/10 Google user - 88% တမီးလ်မင်းသားကြီး အာဂျီးကူးမားရဲ့ ယခုနှစ်မှာရုံတင်သွားတဲ့ ဇာတ်ကားကောင်းတစ်ကားပဲ ဖြစ်ပါတယ်။ မတင်တော့ဘူးလို့ ထားပေမဲ့ တောင်းဆိုသူတွေလည်းရှိနေတာမို့ တင်ဆက်ပေးလိုက်တာပါ။ ဇာတ်လမ်းအကျဉ်း သူကူးဒူရိုင်းဆိုတဲ့ လူလတ်ပိုင်းတစ်ယောက်...လူရမ်းကားကြီးတော့ မဟုတ်ရှာ။ဒါပေမဲ့ အားလုံးက ကြောက်ချစ်ရိုသေရသူပေါ့။ ရွာဘုရားပွဲမှာလည်း သူအစီအစဉ် ချပေးမှ...ရွာသားတွေ အပေါ်လည်း ဩဇာညောင်းချက်ကနှစ်ယောက် မရှိ။ ဘုရားပွဲကာလ ကျရောက်လာတော့....သူ့ဇနီးကို သွားခေါ်ဖို့ ပတ်ဝန်းကျင်က တိုက်တွန်းလာကြတယ်။ "တချိန်က နင်တို့အတူ ဘုရားပွဲမှာ ပျော်ရွှင်ခဲ့ကြသလိုခုနေ ငါ မသေခင် မြင်သွားခဲ့ချင်သေးတယ်" တဲ့။သူ့အဖွားက ပြောရှာတယ်။ မျက်နှာကိုသာ ပြုံးထားရတာရင်ထဲမှာတော့ မိုးတွေ ထစ်ချုန်းနေတာကို.. သူ ကိုယ်တိုင်ပဲ သိပါတယ်။ နေရာဒေသတစ်ခုကို ခရီးထွက်ဖို့ ယူစရာတွေ လိုပေမဲ့အတိတ်ကအချိန်ကို ခရီးထွက်ဖို့တော့ ရင်ဘတ်တစ်ခုရှိရင် ရတယ်မဟုတ်လား။ ရင်ထဲ ပူမိသမျှကို လူသိခံရမှာလည်း ခက်ပါရဲ့။ တချိန်က ရပ်ရွာကို လာပြီး အခမဲ့ဆေးကုခန်းလေးလာဖွင့်ခဲ့တဲ့ အရမ်းလှတဲ့ ဆရာဝန်မလေး။ ရပ်ရွာကို လာပြီး ဆေးကုခန်းလေး လာဖွင့်ခဲ့တာကသူကူးဒူရိုင်းရဲ့ နှလုံးသားထဲမှာတော့ ...ယဉ်ကျေးလိမ္မာ သင်တန်း လာဖွင့်သလိုပေါ့ဗျာ။ တောကျွမ်းတဲ့ မုဆိုးလည်း သမင်ပျိုရဲ့မျက်လုံးလေးမှာ တောလည်ရတာပဲလေ။ လူမိုက်ကြီးပေမဲ့ ဆရာဝန်မလေးကို ချစ်မိတာမဆန်းပါဘူး။ သူ ချစ်ရတဲ့ အဲ့ဒီ ဆရာဝန်မလေးရယ်.... လောကအလယ်ကို အကြောင်းကံမလှဘဲရောက်လာခဲ့ရတဲ့ သမီးလေးရယ်....။ ဒါတွေဟာ အတိတ်ရဲ့ အရိပ်တွေ .... သူ ကိုယ်တိုင် မေ့ထားချင်ပေမဲ့ ...သူ ကိုယ်တိုင် နာကျင်နေရတဲ့ သူ့ဝေဒနာတွေနဲ့...ဘဝဟာ တစ်ဆစ်ချိုး အခြေအနေရောက်ခဲ့ပြီ။ ဇနီးကို တောင်းပန်ချင်ပေမဲ့...သမီးကို တောင်းပန်ချင်ပေမဲ့..ခွင့်မလွှတ်နိုင်မှန်း သိနေတဲ့ စိတ်က...သူ့အတွက် အကျဉ်းကျနေခဲ့တာ ကြာခဲ့ပြီ။ မိုက်ကြွေးတွေ ပြန်ဆပ်နေရတဲ့ တစ်ချိန်က လူမိုက်ကြီးရဲ့ မချိတင်ကဲ ဘဝတစ်ခုကို ဇာတ်လမ်းထဲ ခံစားရမှာပါ။ ဇာတ်လမ်းလေးဟာ မိသားစုမေတ္တာဖက်ကို ဦးစားပေးပြီး သင်ခန်းစာပေးထားပါတယ်။ ထို့အပြင် အချစ်နဲ့ အတူ အက်ရှင်တွေလည်းရောထားပါတယ်။ အက်ရှင်ကြိုက်သူတွေရော ဒရာမာဇာတ်လမ်း၊ အချစ်ဇာတ်လမ်း ကြိုက်သူတွေပါအကြိုက်တွေ့တဲ့ ဇာတ်ကားကောင်းလေး တစ်ကားပါပဲလို့ ပြောရင်း......။ ဇာတ်ကားထဲ အသေကပ်လျက်ပါတဲ့ စာတန်းကိုကြည့်ပြီး စာတန်းထိုးလို့ ပြီးချိန် ကြည်တောက်ရှင်းနဲ့Soft Sub တက်လာခဲ့ပါတယ်။ ပထမ ထိုးထားတဲ့ စာဖိုင်နဲ့ ဒုတိယထွက်လာတဲ့ စာဖိုင်ကို ညှိကာ နှစ်ခုပေါင်းပြီး အကောင်းဆုံး တင်ပေးလိုက်ပါတယ်။ (အညွန်းနဲ့ ဘာသာပြန်ကတော့ Myin Thu နဲ့ Nyi Nyi Koe တို့ ညီအစ်ကိုပါ) File Size :(1.20 GB ) and (500 MB) Quality : AMZN WEB-DL 720p Running Time : 2h 33min Format : Mp4 Genre : Action, Drama Subtitle : Myanmar Subtitle (Hard Sub) Source : 720p.AMZN.Web-DL.AVC.DDP.5.1-DDR Translated by Myint Thu & Nyi Nyi Koe (MLMC) Encoded by Thanhtike Zaw

အာရွန် ဟာ မွေးဖွားလာကတည်းက ထူးခြားတဲ့သူပါမိခင် ဝမ်းဗိုက်ထဲတွင် စတင် လွယ်စဉ်ကတည်းကအမွှာပူးဖြစ်ခဲ့သော်လဲ မွေးဖွားလာခဲ့သောအခါအာရွန် တစ်ယောက်ထဲသာ ဖြစ်ခဲ့ပါတယ်ဆေးပညာလောကတွင် ဖြစ်ခဲသောဖြစ်တက်သော အစဉ်အလာ တစ်ခုဖြစ်ပြီးတစ်ခြား အမွှာတစ်ယောက်အား တစ်ယောက်က စုပ်ယူသွားတာ ဖြစ်ပြီး ၂ ကိုယ် တစ်စိတ် နဲ့ အသက် ၂ခုရှိတဲ့ သူ ဖြစ်ကြောင်း ငယ်စဉ်က ဆရာဝန်တွေကအာရွန်ရဲ့ မိဘတွေကို ရှင်းပြခဲ့ပါတယ်...အာရွန် ဟာ ဆိုးလဲ ဆိုးသူ တော်လဲ တော်တဲ့သူ လို့အာရွန် နဲ့ ပတ်သက်မိသူတွေက ပြောဆိုကြပါတယ် တစ်ရက်မှာတော့ အာရွန် နဲ့ ပက်သက်ခဲ့မိသူတွေခရီးသွား ကားတစ်စီးပေါ်တွင် ဆုံမိရာကနေစကားစပ်မိရင်း တစ်ချိန်ထဲ တစ်နေရာထဲမှာ အာရွန် ကို သိတဲ့သူတွေ ဘာကြောင့်ဆုံမိခဲ့သလဲဆိုတာ အထူးအဆန်းဖြစ်နေပါတယ်... ဒီလိုနဲ့ လမ်းတစ်နေရာမှာ ကားက ဘရိတ်ပေါက်ပြီးချောက်ထဲသို့ ကျသွားသော အခါမှာတော့.... ရုပ်ရှင်ကားကို Hein Thet Naing မှ ဘာသာပြန်ပေးထားပါတယ်

Thozha (imdb 8/10 Rtscore 77 %) ......(ရင်ဘတ်မိတ်ဆွေ)...... ဒီတစ်ခါ ပရိသတ်ကြီးကိုတင်ဆက်ပေးချင်တာကတော့ 2016 တုန်းက ထွက်ရှိခဲ့တဲ့ ဟာသဒရာမတောင်ပိုင်းကားလေးတစ်ကားပါပဲ ဘာဟူဗလီကားထဲက မင်းသမီးချောဖြူနုအုဖတ်လေး သမန်းနားလဲပါဝင်ထားပြီး ဇာတ်ပို့မင်းသားကြီး ပရာကတ်ရာ့ဂျ်တို့လို သရုပ်ဆောင်တွေနဲ့ မြိုင်မြိုင်ဆိုင်ဆိုင် ပါဝင်ထားပါတယ် ဒီကားလေးကတော့ မသန်စွမ်းရောဂါဖြစ်နေတဲ့ သူဌေးကြီးတစ်ယောက်ဟာ သူ့ကိုပြုစုစောင့်ရှောက်ဖို့အတွက် ဘဝမှာ ဘာကိုမှအလေးမထား အချုပ်ကျလိုက် လမ်းဘေးရှကီထုလိုက်နဲ့ အလေလိုက်နေတဲ့ စီနူဆိုတဲ့သူကို အလုပ်ခန့်လိုက်ပါတယ်..ဆရာသမားက လက်ကြောလဲမတင်း အလုပ်ကလဲကြေးများတဲ့အပြင် ဘာကိုမှလဲအလေးအနက်မရှိပါဘူး ဒီအလုပ်ကို လျှောက်တော့လဲ သူဌေးရဲ့အတွင်းရေးမှူးမလေးကို ဖွန်ကြောင်ချင်လို့ ဝင်အလုပ်လျှောက်တာပါ သူဌေးကတော့ သူ့ရိုးသားပွင့်လင်းမှုကို သဘောကျပြီး အလုပ်ခန့်လိုက်တဲ့အခါမှာ တစ်ယောက်အခက်အခဲကို တစ်ယောက်ဘယ်လိုဖေးမကူပြီး ဘာဆက်ဖြစ်မလဲ.... ဟာသလေးတွေနဲ့ ပေါ့ပေါ့ပါးပါးပဲ မိတ်ဆွေစစ်ရဲ့အဓိပ္ပာယ် ဘာလဲဆိုတာကြည့်ရှုရမှာပဲဖြစ်ပါတယ် အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် File size…2.9GB / 1.18GB Quality…WEB DL 1080p / 720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by CM Bollywood Team

Unnaipol Oruvan 2009 Imdb 8/10 တောင်းဆိုမှုတွေကြောင့်အဟောင်းထဲက ရွှေကားလေးတင်ဆက်ပေးချင်ပါတယ် နာမည်ကြီးမင်းသားတွေဖြစ်တဲ့ ကာမယ်ဟာဆန်နဲ့ မိုဟန်လယ်တိုလည်းပါဝင်ထားတဲ့ကားကောင်းတစ်ကားပဲဖြစ်ပါတယ် ဇာတ်လမ်းအစမှာတော့ ကမ်းခြေတစ်ခုမှ လူတစ်ယောက်ရပ်နေပါတယ် သူ့ဘေးမှာလည်း သူ့အဖော်ခွေးလေးတစ်ကောင်နဲ့ပေါ့ ဒီလူရဲ့အတိတ်ကတော့ သူမကျူးလွန်ထားတဲ့မှုခင်းတစ်ခုကို အပြစ်ပေးခံခဲ့ရပါတယ်တဲ့ ဘယ်ကိစ္စတွေကိုများပတ်သက်မိလို ဒီလိုဖြစ်လာတာဖြစ်မလဲ သူကတော့တခြားမဟုတ် တရားနည်းလမ်းတကျ သမာသမတ်ကျကျနဲ့ ဖြေရှင်းတတ်တဲ့ ရဲတစ်ယောက်ပါပဲ အတိတ်ကိုပြန်သွားကြည့်မယ်ဆိုရင် မွမ်ဘိုင်းမြိုအတွင်း ဗုံးပေါက်မှုဖြစ်ခဲ့တယ် ပါကစ္စတန်တွေပတ်သက်နေတဲ့ကိစ္စလို သံသယရှိပေမဲ့ သက်သေကမရှိဘူးပေါ့ မင်းသားအကြောင်းထပ်ပြောရမယ်ဆိုရင် ရဲမင်းကြီးရဲ့လက်ရုံးတော် ရဲတပ်ဖွဲရဲ့အတော်ဆုံးလူတစ်ယောက် သူ့ရှေ့မှာ လာဘ်စားတဲ့ရဲတွေမြင်ရင်တောင် ပိုက်ဆံကိုပြန်ပေးခိုင်းတဲ့အပြင် လာဘ်စားတဲ့ရဲအိတ်ထဲကပိုက်ဆံပါ ထုတ်ပေးအောင်လုပ်တဲ့လူတစ်ယောက်ပေါ့ တစ်နေ့.. ရထားဗုံးပေါက်ကွဲမှုကြောင့် အပြစ်မဲ့ပြည်သူတွေ အများအပြားသေဆုံးကြရတယ် ဒါက အကြမ်းဖက်သမားတွေရဲ့လက်စားချေမှုကြောင့်လိုယူဆပြီး အမှုကိုကိုင်တွယ်ဖို သူ့ကိုတာဝန်ပေးခဲ့လိုက်ပါတယ် ဒီတာဝန်ကို သူအောင်မြင်သွားမလား ကျရှုးသွားမလားဆိုတာကို စိတ်ဝင်တစားကြည့်ရှုရမှာပဲဖြစ်ပါတယ် ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size…2.5 GB / 960 MB Quality…WEB DL 1080p HEVC / 720p Format…mkv/mp4 Duration….1h 42m Subtitle….Myanmar Subtitle (Hard Sub) Encoder….YK Translated by CM Bollywood Team

Jalsa (2008)"ပျော်" 2008 ခုနှစ်က ထွက်ရှိခဲ့တဲ့ တေလေဂူးစကားပြော ဟာသအက်ရှင်ရုပ်ရှင်လေးကို တင်ဆက်ပေးချင်ပါတယ်။ လက်ရှိမှာ အန်ဒရာပရာဒေ့ရှ်ပြည်နယ်ရဲ့ ၁၁ ယောက်မြောက် ဒုပြည်နယ်ဝန်ကြီးအဖြစ် တာဝန်ထမ်းဆောင်နေတဲ့ တေလေဂူးမင်းသားကြီး ပါဝမ်ကာလျန်က ဒီရုပ်ရှင်ရဲ့ဇာတ်လိုက်နေရာကနေ သရုပ်ဆောင်ထားပါတယ်။ ဇာတ်လမ်းကတော့ မာစတာဘွဲ့သုံးခုရထားပြီးပေမဲ့ ပညာသင်ရတာမဝသေးလို့ ကျောင်းဆက်တက်နေတဲ့ ကျောင်းသားလူကြီး ဆန်ဂျေးဟာ အလုပ်မရှိလို့ဆိုတဲ့အကြောင်းပြချက်နဲ့ ရည်းစားကလမ်းခွဲတာခံလိုက်ရပါတယ်။ ကျောင်းတက်နေသလို တစ်ဖက်တလမ်းကလည်း ကွန်ဖူးဆရာလုပ်နေတဲ့ ဆန်ဂျေးဟာ လမ်းခွဲခံရပေမဲ့ အသည်းမကွဲတဲ့အပြင် ရည်းစားဟောင်းရဲ့မင်္ဂလာဆောင်မှာပါ ဘော်ဒါတစ်အုပ်ခေါ်သွားပြီး တစ်ဖြဲနှစ်စားနိုင်တဲ့ထိ အသည်းမာတဲ့သူပါ။ အဲဒီလိုအသည်းမာတဲ့ဆန်ဂျေးရဲ့ဘဝထဲကို ကလက်တက်တက်ကောင်မလေးနှစ်ယောက် ပြဿနာတွေနဲ့အတူရောက်လာတဲ့အချိန်မှာတော့...။ ကွန်ဖူးဆရာကျောင်းသားလူကြီးလေး ဆန်ဂျေးရဲ့ အချစ်စွန့်စားခန်းတွေကို ဒီရုပ်ရှင်ထဲမှာမြင်တွေ့ခံစားကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ B-Team ပါ။) File size… 3 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 41m Subtitle….Myanmar Subtitle (Hard Sub) Translated by B Team