Brigitte Lin ပါဝင်သော ဇာတ်ကားများ

IMDb - 6.0/10 တရုတ်သိုင်းလောကရဲ့ အလှထိပ်ခေါင် မင်းသမီးတွေဖြစ်တဲ့ Gong Li , Sharla Cheung , Brigitte Lin တို့ သုံးယောက်ကို တပြိုင်တည်း တွေ့မြင်ရမယ့် ဇာတ်ကားပါ။ IMDb Rating (6/10) ရရှိထားပြီး Fantasy/Action/Adventure ဇာတ်ကားအမျိုးအစားပါ။ သိုင်းလောကသားတွေ နှစ်သက်မယ့် သိုင်းကွက်၊ဇာတ်ကွက်တွေနဲ့မို့ သိုင်းလောကသားမှန်ရင် လက်လွတ်မခံသင့်ပါဘူး။ File size…(900 MB) Quality…Blu-Ray Rip 720p Format…mp4 Duration….01:36:00 Subtitle….Myanmar Subtitle (Hardsub) Encoder….Nyeinsaeya Aung Translated by YMA & Ying Ying

Chungking Express (1994) IMDb Rating (7.9) / Rotten Tomatoes (89%) ဝမ်ကာဝေက သူရိုက်ခဲ့ဖူးသမျှရုပ်ရှင်တွေထဲမှာ အချိန်အပေးရဆုံးနဲ့ အခက်ခဲဆုံးဖြစ်တဲ့ Ashes of Time (1994) ရဲ့ နောက်ဆုံးအဆင့် Post Production တွေလုပ်ကိုင်နေဆဲမှာ သူ့ Production အတွက်၊ သူ စိတ်ပြေလက်ပျောက်ဖြစ်ဖို့အတွက်ဆိုပြီး Chungking Express ရုပ်ရှင်ကားကို ၃ လအတွင်းအပြီးသတ်ရိုက်ကူးပြသခဲ့တယ်။ "ကျွန်တော် Ashes of Time ရဲ့ Post Production တွေကနေ ခဏအနားယူချင်ခဲ့တယ်၊ အဲ့ဒါနဲ့ ဒီ Chungking Express ကိုရိုက်ဖြစ်သွားတာပဲ။ ဒီရုပ်ရှင်မှာ ဇာတ်ညွန်းလည်းအတည်တကျမရှိပါဘူးဗျာ....ရိုက်ကွင်းမစခင်ည ဒါမှမဟုတ် ရိုက်မယ့်မနက်မှ လက်တန်းချရေးပြီး ရိုက်လိုက်တာပဲဗျ။" - ဝမ်ကာဝေ ဒီရုပ်ရှင်ရဲ့ Theme က ပြောရခက်တယ်။ နီယွန်မီးရောင်တွေနဲ့ အတုအယောင်တွေပြည့်နှက်နေတဲ့ ဟောင်ကောင်မြို့ပြညအချိန်တွေကို အခြေခံတဲ့ ပထမဇာတ်လမ်းနဲ့ Chungking Mansion ရဲ့ နေ့ဖက်အချိန် နိစ္စဒူဝအလုပ်လုပ်ကြတဲ့အခိုက်အတန့်တွေကို အခြေခံထားတဲ့ ဒုတိယဇာတ်လမ်းကြားမှာ ဒီရုပ်ရှင်ဟာ လွန်ဆွဲနေတာပါပဲ။ ကိုယ်ချစ်တဲ့သူပြန်လာမယ်ဆိုတဲ့မျှော်လင့်ချက်သင်္ကေတတစ်ခုအဖြစ် မေလ ၁ ရက်နေ့ သက်တမ်းကုန်မယ့် နာနတ်သီးစည်သွပ်ဘူးတွေကို တစ်နေ့တစ်ဘူးဝယ်ရင်း မေလ ၁ ရက်နေ့ရောက်လာမှာကို စောင့်မျှော်နေတဲ့ ရဲနံပါတ် ၂၂၃ နဲ့ ချစ်သူပြန်လာတိုင်း အသုပ်စုံဝယ်ဝယေ်ပးတတ်ပြီး ဆိုင်ရှင်မြှောက်ပေးရာကနေ အစားအသောက်ရွေးချယ်စရာတွေကနေ လူရွေးချယ်ခွင့်ပါ ပေးမိသွားခဲ့တဲ့ ရဲနံပါတ် ၆၆၃ တို့ရဲ့ ဘဝထဲကို လူသစ်တစ်ယောက်စီက နည်းတစ်မျိုးစီနဲ့ ရောက်လာကြတဲ့အခါ သူတို့ဘယ်လိုတုံ့ပြန်ခဲ့ကြသလဲ။ သူတို့ရဲ့အတိတ်ကို ဘယ်လိုမေ့ဖျောက်ကြသလဲ။ အထီးကျန်တဲ့အချိန်တွေကို ဘယ်လိုဖြတ်ကျော်ကြသလဲ။ ဒီရုပ်ရှင်ကိုကြည့်ပြီး လူဆိုတာ အသိုင်းအဝိုင်းနဲ့နေထိုင်တဲ့၊ ပေါင်းဆင်းဆက်ဆံရေးလုပ်တဲ့သက်ရှိလို့ဆိုကြပေမယ့် တကယ်တမ်းတော့ လူတွေက လူ့အသိုင်းအဝိုင်းကနေ တစ်နည်းမဟုတ်တစ်နည်းနဲ့ ရှောင်ထွက်ကြပြီး အထီးကျန်မှုကို ရွေးချယ်နေကြတယ်ဆိုတာ သိလာတယ်။ လူတစ်ယောက် ပျော်တယ်၊ မပျော်ဘူး၊ အထီးကျန်တယ်၊ မကျန်ဘူးဆိုတာလည်း အဲ့ဒီလူတစ်ယောက်အပေါ်မှာပဲ မူတည်နေတယ်ဆိုတာသိလာတယ်။ အချစ်ဆိုတာ ချစ်နေရုံနဲ့လည်းမပြီးသွားပြန်ဘူး၊ ချစ်တာကို ပြတတ်ဖို့လည်းလိုအပ်တယ်ဆိုတာကို Hong Kong ရဲ့ မက်ဒေါနားလေး Faye Wong ကလည်း ပြသွားပြန်တယ်။ သူ့ရဲ့ပထမဆုံးရုပ်ရှင်မှာတင် Faye Wong က စီနီယာကြီးတွေကြားမှာ ထင်ပေါ်သွားခဲ့တယ်။ Hollywood ရဲ့ အကောင်းဆုံးဒါရိုက်တာတစ်ယောက်၊ Pulp Fiction, Inglourious Basterds ရုပ်ရှင်တွေရဲ့ပဲ့ကိုင်ရှင်ဖြစ်တဲ့ Quentin Taratino ကတောင် ဒီရုပ်ရှင်ကို ကြည့်ဖို့ ကိုယ်တိုင်ကိုယ်ကျ တိုက်တွန်းခဲ့ဖူးတယ်။ "California Dreaming ကို ကျွန်တော် နောက်တစ်ကြိမ်နားမထောင်ဖြစ်လောက်တော့ဘူးထင်ပါရဲ့.....နားထောင်ဖြစ်ရင်လည်း Faye Wong ရဲ့ မြူးကြွတဲ့ ကကွက်လေးတွေကိုပဲ အမြဲမြင်ယောင်မိနေလိမ့်မယ်ဗျာ" ဟုတ်ပါတယ်၊ ဒီရုပ်ရှင်ရဲ့အလှတရားတွေထဲမှာ Faye Wong ကတော့ ထိပ်ဆုံးကပါ။ California Dreaming သီချင်း အပြင် သူကိုယ်တိုင် cover ပြန်သီဆိုထားတဲ့ The Cranberries အဖွဲ့ရဲ့ Dream သီချင်းလေးက ဒီရုပ်ရှင်ကို ပိုပြီးမြူးကြွချိုမြိန်စေခဲ့ပါတယ်။ ရဲနံပါတ် ၆၆၃ ရဲ့ တိုက်ခန်းထဲမှာ ပျော်မြူးနေတဲ့ Faye Wong ရဲ့ပုံရိပ်တွေက Chungking Express ကြည့်ရှုသူတိုင်းကို ဖမ်းစားနိုင်ခဲ့တာအမှန်ပါပဲ။ ပြီးတော့ ဝမ်ကာဝေရဲ့ ထုံးစံအတိုင်း မတင်မကျဇာတ်သိမ်းလေးက Romance ရုပ်ရှင်မျိုးဆိုတာ ဒီလိုလေးလည်း ကြည့်ကောင်းပါလားလို့တောင် တွေးမိစေခဲ့တယ်။ အချိန်တိုအတွင်းမှာရိုက်ကူးပြီးစီးခဲ့ပေမယ့် ဒီရုပ်ရှင်မှာ ဒါရိုက်တာဝမ်ကာဝေရဲ့ အတွေးအပိုင်းအစတွေအများကြီးပါဝင်ခဲ့ပြီး ချစ်သူရည်းစားတွေ ပြတ်စဲပြီးနောက်မှာ ဘာတွေဆက်ဖြစ်ကြသလဲဆိုတာလေးကို အလှပဆုံးပုံဖော်သွားတဲ့ အဖိုးတန် Romance ကားတစ်ကားပါ။ ဝမ်ကာဝေဟာ ဘာမှမဟုတ်ဘူးထင်ရတဲ့ လူ့ဘဝအခိုက်အတန့်လေးတွေကို ရုပ်ရှင်အဖြစ်ပြောင်းလဲဖန်တီးတဲ့နေရာမှာတော့ ဆရာတစ်ပါးပဲဆိုတာ သေချာပါတယ်။ သူ့ရဲ့လက်ရာအများစုကလည်း လူတွေနဲ့အနီးစပ်ဆုံးကိစ္စတွေဖြစ်လို့ ရင်ထဲရောက်အောင် ဆွဲဆောင်နိုင်တာပါ။ Hong Kong new wave 1st generation ကစလို့ ဟောင်ကောင်ရုပ်ရှင်တွေဟာ သာမန်ဖျော်ဖြေရေးရုပ်ရှင်တွေထက် အိမ်တွင်းရေး၊ လူမှုရေးနဲ့ ပြည်သူတွေ သတိမပြုမိတဲ့အခိုက်အတန့်လေးတွေကို ဇာတ်အိမ်ဖွဲ့ရိုက်ကူးတဲ့ new wave ရုပ်ရှင်တွေပေါ်ထွက်လာခဲ့တယ်။ ဝမ်ကာဝေတို့ ဂျွန်ဝူးတို့ ခေတ်အရောက်မှာတော့ ဟောင်ကောင်ရုပ်ရှင်တွေဟာ အဆင့်အတန်းတစ်ခုကိုရောက်လာခဲ့ပြီး အာရှရုပ်ရှင်လောကမှာ သူတို့ရဲ့ ကိုယ်ပိုင်ဟန် ကိုယ်ပိုင်ဇာတ်လမ်းသွားပုံစံတွေနဲ့ နေရာတစ်နေရာ အခိုင်အမာရရှိခဲ့ပါတယ်။ Chungking Express ကလည်း ဟောင်ကောင်ရုပ်ရှင်လောကမှာ စံထားရတဲ့ရုပ်ရှင်ကားတွေထဲက တစ်ကားအပါအဝင်ပါ။ ရုပ်ရှင်ရဲ့ Color တွေ၊ အဝတ်အစားရွေးချယ်ပုံတွေနဲ့ ဟောင်ကောင်က Chungking Mansion ကြီးထဲက လူမျိုးပေါင်းစုံ၊ သာမန်လူတန်းစားအသိုင်းအဝိုင်းကို ထောက်တိုင်ပြုထားတဲ့ ဇာတ်အိမ်နှစ်ခုအပြင် ဒီရုပ်ရှင်ရဲ့ အထင်ရှားဆုံး၊ ချီးကျူးအခံရဆုံးအချက်ဖြစ်တဲ့ Slow Motion, Blur Motion Shot တွေကြောင့် Chungking Express ဟာ ဝမ်ကာဝေရဲ့ အကောင်းဆုံးလက်ရာလို့ပြောကြတဲ့ In the Mood for Love ထက်မသာရင်တောင် မလျော့တဲ့ရုပ်ရှင်ကားတစ်ကားဖြစ်ပါတယ်။ ကျွန်တော့်အတွက်တော့ Romance Genre မှာ Chungking Express က ချစ်စရာအကောင်းဆုံးနဲ့ သဘာဝအကျဆုံးကားတစ်ကားဖြစ်သွားခဲ့ပါပြီ။ "ဘယ်အချိန်ကစပြီး အရာအားလုံးမှာ သက်တမ်းကုန်ဆုံးရက်တွေ ရှိသွားတာလဲ" "ငါးသေတ္တာဘူးတွေ သက်တမ်းကုန်တယ်၊ ဆော့စ်တွေ သက်တမ်းကုန်တယ်၊ ပလက်စတစ်အိတ်တွေတောင် သက်တမ်းကုန်တယ်။" "ကျွန်တော်တွေးမိတယ်.....ကမ္ဘာပေါ်မှာ သက်တမ်းမကုန်တဲ့အရာရှိသေးရဲ့လား" (ရုပ်ရှင်အညွှန်းနဲ့ ဘာသာပြန်ကို Arkar Phyo မှ တင်ဆက်ထားပါတယ်။) File size…(5.7 GB) / (3 GB )/ (1.3 GB) Quality…BluRay  4K HEVC/ 1080p HEVC / 720p Format…mkv/mp4 Duration….01:43:00 Subtitle….Myanmar Subtitle (Hardsub) Encoder….Ka Naung Translated by Arkar Phyo

Eagle Shooting Heroes (1993) IMDb Rating - 7.1 “ သိမ်းငှက်သူရဲကောင်းများ ” Eagle Shooting Heroes ဆိုတဲ့နာမည်က မြန်မာသိုင်းရုပ်ရှင် ပရိတ်သတ်တွေအတော်များများ ရင်းနှီးပြီးသား နာမည်ပါပဲ။ သိုင်းလောကစိန်ခေါ်သံ၊ တိမ်လွှာနဂါးသူရဲကောင်းများ၊ မက်မွန်မြေက ချစ်တေးတစ်ပုဒ်၊သိမ်းငှက်သူရဲကောင်း၊ နဂါးနိုင်ဓား စတဲ့ ကျင်းယုံရဲ့သိုင်းယူနီဗာ့စ်ကြီးကို လူအတော်များများ သဘောကျကြပါတယ်။ သူရဲ့တခြားသိုင်း၀တ္တုတွေကို ရိုက်ကြတဲ့ဟာတွေကလည်း ကျွန်တော်တို့နဲ့ မစိမ်းပါဘူး။ သွေးသစ္စာဓား၊ နှင်းတောင်သူရဲကောင်း၊ ပြန်လမ်းမဲ့ကျွန်းတို့ပေါ့။ 2000 ခုနှစ်၀န်းကျင်မှာ ကိုးနာရီမြ၀တီကားတွေ သိုင်းခွေတွေနဲ့ ကြီးလာတဲ့သူတွေကတော့ သိမ်းငှက်သူရဲကောင်း (ပထမတွဲ) ဝါ မက်မွန်မြေက ချစ်တေးတစ်ပုဒ်ထဲက သိုင်းလောကထွဋ်ခေါင်‌လေးယောက်နဲ့ ၀မ်ချုံရဲတို့ကို ကောင်းကောင်းရင်းနှီးပြီးသားဖြစ်လောက်မှာပါ။ အခုထိလည်း အခါခါ Reboot ခံနေရတဲ့ ဇာတ်လမ်းပါပဲ။ အနောက်ပိုင်းအဆိပ်ဘုရင် အိုးရန်ဖုံး၊ အရှေ့ပိုင်းတိတ္ထိ မက်မွန်ကျွန်းသခင်ဟွမ်၊ မြောက်ပိုင်းသူဖုန်းစားဂိုဏ်းချုပ် ဟုန်ချီကုန်း၊ တောင်ပိုင်းဧကရာဇ် တွမ့်၀မ်ရယ်၊ အလယ်ပိုင်းသူတောင်စင် ၀မ်ချုံရဲစတဲ့ ကောကျင့် အရင် သိုင်းလောကရဲ့ထိပ်သီး၅ယောက်ကို မှတ်မိကြဦးမယ်ထင်ပါတယ်။ ကျင်းယုံရဲ့ သိုင်းဇာတ်လမ်းတွဲတွေမှာ ၀မ်ချုံရဲကိုတော့ စကားအရာနဲ့ပဲ ပြခဲ့ပေမယ့် ကျန်တဲ့လေးယောက်ရဲ့ စိတ်နေသဘောထားကတော့‌ သေချာပြသွားခဲ့တယ်။ အဲ့ဒီလေးယောက်ကို ဖော်ကျူးထားတဲ့ နေရာမှာ ကျင်းယုံဟာ မြင့်မြတ်စံထားရမယ့် ဆရာကြီးတွေအနေနဲ့ မဖော်ကျူးထားဘူး။ အိုးရန်ဖုံးဆို သိုင်းသာတော်တယ် အတော်ယုတ်မာကောက်ကျစ်တယ်။ ဟုန်ချီကုန်းကတော့ တော်တယ် စိတ်ကောင်းရှိတယ်၊ သို့ပေမဲ့ စိတ်လွတ်ကိုယ်လွတ် လုပ်ချင်တာလုပ်တတ်တဲ့လူမျိုးပဲ။ ကျွန်းသခင်ဟွမ်ဆိုလည်း လူဆိုးမဟုတ် လူကောင်းမဟုတ် စိတ်ကောင်းမရှိတဲ့ ဂွစာ။ တွမ့်၀မ်ရယ်ကတော့ သိကြသလို ကောင်းပေမဲ့ ပြစ်ချက်မကင်းတဲ့လူ။ ၀မ်ချုံရဲလည်း ထိုနည်း၎င်းပဲ။ သေသေချာချာကောင်းတဲ့လူဆိုလို့ သိမ်းငှက်သူရဲကောင်းမှာတော့ သောက်ရမ်းတုံးအနေတဲ့ ကောကျင့်ပဲရှိမယ်။ သူ့နောက်တစ်ဆက်က မင်းသားဖြစ်တဲ့ ရန်ကော်ကိုတောင် စင်းလုံးချော သူရဲကောင်းအဖြစ် ပုံဖော်မထားဘူး။ ပြောရရင် သူ့ရဲ့ ကာရိုက်တာအသက်သွင်းပုံတွေဟာ အရမ်းစေ့စပ်ပြီး သဘာ၀နဲ့မကင်းကွာဘူး။ဒီရုပ်ရှင်ဟာ အဲဒီနာမည်ကျော်ကာရိုက်တာတွေကို ယူသုံးထားတဲ့ ရုပ်ရှင်ပါပဲ။ Eagle Shooting Heroesရဲ့ အဖွင့်မှာ စာတန်းထိုးတာက... "ဤရုပ်ရှင်သည် ကျင်းယုံ၀တ္တုမှ သိုင်းလောကထွဋ်ခေါင်များ၏ ငယ်ဘ၀ အရိုင်းဆန်နေ့ရက်များအကြောင်း ဖြစ်သည်"တဲ့။ သူတို့ သိုင်းလောကထွဋ်ခေါင်တွေဖြစ်မလာခင် ငယ်ဘ၀က အရိုင်းဆန်နေ့ရက်တွေအကြောင်းပေါ့။ တော်ရုံလောက် ပေါပြရိုင်းပြကြတာတော့မဟုတ်ဘူး။ ကျိုးပေါ်ထုံးနဲ့၀မ်ချုံရဲဆို ဂေးခိုင်းပြီး ပေးပါပေးစားထားတဲ့အထိပဲ။ စတီဖင်ချောင်ကားတွေရဲ့ အရသာမျိုးပေါ့။ သရုပ်ဆောင်တွေက လတ်စလီချောင်၊ တိုနီလျောင်ချူဝေ၊ တိုနီလျောင်ခဖိုင်၊ ဂျက်ကီချောင်၊ မက်ဂီချောင်၊ ဘရစ်တ်လင်း၊ ကာရီနာလူ၊ ဂျိုအီဝေါင်စတဲ့ တကယ့်ဟောင်ကောင် ရွှေခေတ်က ကားကောင်းတွေချည်းရိုက်ခဲ့ကြတဲ့ နာမည်ကြီး သရုပ်ဆောင်တွေချည်း။ သူတို့ကိုထိုင်ကြည့်နေရုံနဲ့တောင် ကြည့်ကောင်းနေပါပြီ။ ဒီရုပ်ရှင်ရဲ့ သရုပ်ဆောင်တွေသာ သူတို့မဟုတ်ရင် ကြည့်ဖြစ်မယ်မထင်ဘူး။ အခမ်းနားဆုံး တရုတ်သိုင်း၀တ္တုတွဲစာရေးဆရာရဲ့၀တ္တုကို မှီငြမ်းပြီး အခွီရိုက်ထားတဲ့ရုပ်ရှင်မှာ အခမ်းနားဆုံးဟောင်ကောင်သရုပ်ဆောင်တွေစုပြုံပါနေတော့ ဒီထက်ပိုကောင်းတဲ့တွဲစပ်မှု ဟာသကားထဲတော့ ရှိမယ်မထင်ဘူး။ ရှယ်ပေါပြ‌နေပေမယ့် ပေါပြနေတဲ့လူတွေက တကယ့် Legendတွေကိုး။ သိမ်းငှက်သူရဲကောင်း ပထမတွဲရော ဒုတိယတွဲရောမှာ သဘောအကျဆုံးက အိုးရန်ဖုံးနဲ့ ဟုန်ချီကုန်းရဲ့ ရင်းနှီးမှုပဲ။ သူတို့နှစ်ယောက်ဟာ တကယ်တမ်းလုံး၀ဆန့်ကျင်ဘက်ပဲ။ တူတာဆိုလို့ သိုင်းကိုချစ်တာပဲရှိတယ်။ တစ်နေ့တည်းတစ်ရက်တည်း မမွေးခဲ့ပေမဲ့ တစ်နေ့တည်းတစ်ရက်တည်း အတူတူသေခဲ့ကြတဲ့အထိ သူတို့ဟာ မတည့်ပါဘဲ ရင်းနှီးခဲ့ကြတယ်။ ဒီထဲလည်း တိုနီလျောင်ရဲ့ အိုးရန်ဖုံးနဲ့ ဂျက်ကီချောင်ရဲ့ဟုန်ချီကုန်း ကာရိုက်တာနှစ်ခုရဲ့ ရင်းနှီးမှုက အတော်သဘောကျစရာကောင်းတယ်။ ကျင်းယုံရဲ့ ဇာတ်ကိုမှီးပြီး အခွီရိုက်ပြဖို့ဆိုတာ တော်ရုံလူလုပ်ရဲမှာမျိုးမဟုတ်ဘူး။ ဒီရုပ်ရှင်ရဲ့ ဒါရိုက်တာဂျက်ဖရေးလူကလည်း လူသိပ်မသိကြပေမဲ့ ‌နှယ်နှယ်ရရတော့မဟုတ်ဘူး။ စတီဗင်ချောင်ရဲ့ နာမည်ကျော် Chinese Odysseyနှစ်ကားနဲ့ Out Of Darkကိုရိုက်ခဲ့ ရေးခဲ့တဲ့သူ၊ တခြားချောင်ကားတွေလည်း ဇာတ်ညွှန်းရေးပေးခဲ့တယ်။ GOD OF Gambler တို့၊ All For the winner တို့၊ Fist Of Fury တို့ပေါ့။ ဟောင်ကောင်ရဲ့ Art House ဆရာကြီး ဝေါင်ကာဝေးရဲ့ ကနဦးနှစ်ကားဖြစ်တဲ့ Days Of Being Wild နဲ့ As Tears Go By မှာလည်း သူဇာတ်ညွှန်း၀င်ရေးထားခဲ့တယ်။ ဒီရုပ်ရှင်ကို ပရိုဂျူဆာလုပ်ထားတဲ့သူကလည်း ဝေါင်ကာဝေးပဲ။ ဝေါင်ကာဝေး ပရိုဂျူဆာလုပ်ထားတဲ့ ဒါရိုက်တာ ဇာတ်လမ်း သရုပ်ဆောင် ရွှေတွေချည်းစုထားတဲ့ ဒီရုပ်ရှင်ဟာ ဟောင်ကောင်ရုပ်ရှင်ရွှေခေတ်ကို လွမ်းမောဖို့ရာ အသင့်ဆုံးရုပ်ရှင်လို့ ဆိုလို့ရတယ်။ သိမ်းငှက်သူရဲကောင်း နှစ်တွဲကိုကြည့်ထားတဲ့ လူတွေအတွက်လည်း အတော်ရယ်စရာတွေ တွေ့ရမယ့်ရုပ်ရှင်ပါပဲ။ ဒီရုပ်ရှင်ရဲ့ အတည်ဗားရှင်းကိုတော့‌ ဝေါင်ကာဝေးက Ashes Of timeဆိုပြီးရိုက်ထားသေးတယ်။ AoT ရိုက်ရင်းနဲ့မှ ဒီရုပ်ရှင်ဖြစ်လာတယ်ဆိုတယ်။ AoT ထဲမှာ ထိပ်သီးငါးယောက်ထက်သာတဲ့ သိုင်းသမားတစ်ယောက်ဖြစ်တဲ့ တုကူးချိုပိုက်ကို ပြသွားပေမဲ့ ၀မ်ချုံရဲကိုမပြသွားဘူး။ ဒီထဲတော့ ၀မ်ချုံရဲနဲ့ ကျိုးပေါ်ထုံးကိုထည့်ပြီး တုကူးချိုပိုက်ကို မပြထားခဲ့ဘူး။ ရသကတော့ တစ်ခုက အဖီးလ်တစ်လိုင်း တစ်ခုက အခွီတစ်လိုင်းပေမဲ့ သူ့ဟာနဲ့သူ ကောင်းကြပါတယ်။ ဟောင်ကောင်က အကောင်းဆုံးအရာတွေကို ပြောကြည့်ရရင် သိုင်းမှာဆို ကျင်းယုံ၀တ္တုတွဲတွေ၊ ဟာသမှာဆို စတီဖင်ချောင်တွေ၊ မင်းသားမှာဆို လတ်စလီချောင်နဲ့ တိုနီလျောင်၊ မင်းသမီးမှာဆို မက်ဂီချောင်နဲ့ ဘရစ်တ်လင်းတို့ကို ဖယ်ထားလို့ရမှာ မဟုတ်ဘူး။ ဒီရုပ်ရှင်ဟာ ဟောင်ကောင်ရဲ့ ဟောင်ကောင်မှာ အကောင်းဆုံးတွေကိုချည်းစုထားတဲ့ အခွီတကာ့ အခွီရုပ်ရှင်ပါပဲ။ ဟောင်ကောင်ရုပ်ရှင် ပရိတ်သတ်တွေအတွက် ဒီရုပ်ရှင်ဟာ တကယ့်ရွှေသားစင်စစ်ပါပဲ။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.74GB, 1GB Quality - 1080p, 720p IMDb Rating - 7.1/10 Format - mp4 Duration - 1H 43Min Type - Action, Comedy, Fantasy Subtitle - Myanmar Subtitle (Hardsub) Translated by WiRa Aung Encoded by Y

Royal Tramp (1992) ဇာတ်ကားရဲ့အဆက်ပါ.... တသွင်သွင်စီးနေတဲ့မြစ်ဝါကြီးလို ဂုဏ်ကျက်သရေနဲ့ ဝေချွဲဘိုကိုအခန့်သား ထပ်မံမြင်တွေ့ရမှာပါ။ လူတိုင်းက လူတိုင်းကိုအသုံးချဖို့ကြိုးစားနေကြတဲ့အချိန်မှာ အမတ်မင်းဝေချွဲဘိုကတော့ ကိုယ်ကြိုက်ရာ နှစ်သက်ရာကို ကြုံသလိုဖြစ်သလိုဖန်တီးသွားပုံကို ဟာသရောပြီး တသောသောကြည့်ရှုရမှာပါ။ IMDb Rating (7/10) ရရှိထားပါတယ်။ (Sher Lock Holmes မှခံစားတင်ဆက်ထားပါတယ်။) File size…(700MB) Quality…BR-Rip 720p Format…mp4 Duration….01:37:40 Subtitle….Myanmar Subtitle (Hardsub) Encoder….Nyeinsaeya Aung

မင်းသားကြီး စတီဖင်ချောင်ရဲ့ IMDb Rating (7.2/10) ရရှိထားတဲ့ ဟာသဇာတ်ကားပါ။ ရယ်ရလွန်းလို့ အူတောင်တက်ပါတယ်။ ဘဝရဲ့ရှင်သန်နေထိုင်မှုပုံစံမျိုးစုံထဲမှာ ဒီဇာတ်ကားထဲက ဇာတ်ကောင်ဝေချွဲဘိုရဲ့နေထိုင်မှုစရိုက်ပုံစံကိုတော့ အတော်သဘောကျမိပါတယ်။ ကျွန်တော့်စိတ်ထင် ဒိန်ခဲရွှေ့တဲ့စာအုပ်ထဲက ဖိန့်တစ်လုံးဆောင်ထားတဲ့ လူတစ်ယောက်ပုံစံမျိုးပါ။ ဘဝဆိုတာ ကြမ်းတမ်းတယ်...မရိုးရှင်းဘူး... ကံကြမ္မာကလဲ အံစာတုံးတစ်တုံးလို ကျချင်တဲ့နံပါတ်ကိုချပြတယ်...ဒီလိုဘဝကြီးထဲမှာ ပျော်ရွှင်စွာ နှစ်မြောခံစားဖို့ အရာအားလုံးကို ကြုံသလိုဖြေရှင်းသွားပြီး လောကရဲ့အနှစ်သာရကိုအပြည့်အဝခံစားသွားတဲ့ ဝေချွဲဘိုဆိုတဲ့ဇာတ်ကောင်ဟာ စိတ်ညစ်စရာတွေတွေ့လာတဲ့အခါ အမှတ်ရစရာအဖြစ်ရှိနေမှာပါ။ ဇာတ်လမ်းကတော့... ဝေချွဲဘိုဟာ တစ်ဝမ်းတစ်ခါးကိုကြုံသလိုဖြေရှင်းနေသူပါ။ တစ်နေ့တော့ ဘုရင့်ကိုတော်လှန်နေတဲ့အဖွဲ့ထဲ မထင်မှတ်ဘဲရောက်သွားပြီး နန်းတွင်းမှာ အယောင်ဆောင်အမှုထမ်းပြီး ဘုရင်ကိုလုပ်ကြံဖို့နဲ့ သိုင်းကျမ်းကိုခိုးယူဖို့စေလွှတ်ခံရပါတယ် ဒါနဲ့ ရွှေနန်းတော်မှာ အမှုထမ်းဖို့ အလုပ်သွားလျှောက်တာ မထင်မှတ်ဘဲ ကုန်းကုန်းအမှုထမ်းခေါ်တဲ့ဖက်ရောက်သွားပြီး ဝှေးသင်းတဲ့နေရာကိုရောက်သွားပါတယ်။ ကံကောင်းစွာနဲ့ ဝှေးသင်းမခံရဘဲ နန်းတော်ရဲ့အရှုပ်ထုပ်တစ်ခုမှာ အမှုထမ်းဖို့ထပ်မံစေခိုင်းခံရပါတယ်။ ရွှေနန်းတော်ကလဲ အတော်ရှုပ်ထွေးပြီး ဘုရင်ကလဲ ကလေးအရွယ်မို့ အမတ်တွေဟာ သူတစ်လူ ငါတစ်မင်း လုပ်ချင်ရာလုပ်နေကြပါတယ်။ သူဟာ နန်းတော်အတွင်းမှာ ဘုရင်နဲ့ပါထပ်မံခင်မင်သွားတဲ့အခါမှာတော့....... ဝေခွဲျဘိုဟာ ...ဘုရင်ကိုလုပ်ကြံချင်သူအဖွဲ့ထဲကလဲဖြစ်သလို... သိုင်းကျမ်းခိုးယူမယ့်အဖွဲ့ကလဲဖြစ်သလို... ဘုရင့်ဘက်တော်သားလဲဖြစ်လာတဲ့အခါမှာ... ထင်ရာမြင်ရာ ဉာဏ်ရှိသလို အခက်အခဲများကိုဖြေရှင်းပုံကို တသောသောရယ်မောကြည့်ရှုရမှာပါ။ (Sher Lock Holmes မှခံစားတင်ဆက်ထားပါတယ်။) File size…(800MB) Quality…BR-Rip 720p Format…mp4 Duration….01:50:08 Subtitle….Myanmar Subtitle (Hardsub) Encoder….Nyeinsaeya Aung

Swordsman 2 (1992) The Legend of the Swordsman IMDb Rating (7.1) ဒီဇာတ်ကားကတော့ သိုင်းလောကစိန်ခေါ်သံထဲက လင့်ဟူချုန်းနဲ့ တုန်ဖန်းပုပိုက်တို့ရဲ့ ဇာတ်လမ်းပါပဲ။ ဂျက်လီက လင့်ဟူချုန်းအဖြစ်ပါဝင်ထားပြီး တုန်ဖန်းပုပိုက်အဖြစ်အားလုံးရဲ့ရင်ထဲအစားထိုးမရတဲ့ထိ ကြမ်းချသွားတာကတော့ မင်းသမီး Brigitte Lin ပဲဖြစ်ပါတယ်။ တုန်းဖန်းပုပိုက် သိုင်းလောကသားတွေကို ဒီနေ့ မျှဝေပေးချင်တာက မိန်းမလျာသိုင်းသမားကြီး တုန်းဖန်းပုပိုက်ရဲ့ အကြောင်းပါ။ တုန်းဖန်းပုပိုက် (Dongfang Bubai) ဟာ စာရေးဆရာ ကျင်းယုံရဲ့ သိုင်းလောက၏ စိန်ခေါ်သံ (The Smiling၊ Proud Wanderer) ဝတ္ထုထဲက နာမည်ကျော် ဇာတ်ကောင်တစ်ယောက်ဖြစ်ပါတယ်။ The Smiling၊ Proud Wanderer ကို တက္ကသိုလ်ဝင်းကြွယ်က ၁၉၈၁ ခုနှစ်မှာ "သိုင်းလောကပြက်လုံး" လို့ ဘာသာပြန်ဆို ထုတ်ဝေခဲ့ပြီး တက္ကသိုလ်နေလင်းအောင်ကလည်း ၁၉၈၁ ခုနှစ်မှာပဲ "သိုင်းလောက၏ စိန်ခေါ်သံ" လို့ ဘာသာပြန်ဆိုထုတ်ဝေခဲ့ပါတယ်။ [တုန်းဖုန်းပုပိုက် ဆိုတဲ့ အမည်ကိုတော့ တက္ကသိုလ်ဝင်းကြွယ်က "တုန်းဝှမ်းပုပိုက်" လို့ ဘာသာပြန်ပြီး တက္ကသိုလ်နေလင်းအောင်ကတော့ "တုံးဖန်းပု" လို့ ဘာသာပြန်ပါတယ်] သိုင်းလောကထဲမှာ ကုန်းကုန်းလို့ ခေါ်တဲ့ နန်းတွင်းမိန်းမစိုး (Eunuch) တွေ ပေါများပေမယ့် တုန်းဖန်းပုပိုက်လို LGBT ဇာတ်ကောင်မျိုးကတော့ ရှားပါတယ်။ နာမည်ကျော် နေကြာသိုင်းကျမ်း (Sunflower Manual) ကို လေ့ကျင့်အောင်မြင်ထားသူ တုန်းဖန်းပုပိုက်ဟာ နေလဂိုဏ်းရဲ့ (Sun Moon Holy Cult) ဂိုဏ်းချုပ် ဖြစ်ပါတယ်။ [နေလဂိုဏ်းကို တက္ကသိုလ်ဝင်းကြွယ်က "သူရိန်မျက်နှာမူဂိုဏ်း" လို့ ဘာသာပြန်ပြီး တက္ကသိုလ်နေလင်းအောင်ကတော့ "နေမင်းသခင်ဂိုဏ်း" လို့ ဘာသာပြန်ပါတယ်] ကနဦးမှာ လက်ထောက်ဂိုဏ်းချုပ်အဖြစ် နေလဂိုဏ်းချုပ် လိမ့်ဝေါ်ရှင်း (Ren Woxing) ရဲ့ လက်အောက်မှာ အမှုထမ်းခဲ့ပေမယ့် နောက်ဆုံးမှာတော့ ဆရာဖြစ်သူကို အကျဥ်းချပြီး ဂိုဏ်းချုပ်နေရာ ရယူခဲ့သူပါ။ [လိမ့်ဝေါ်ရှင်းကို "လင့်ဝေါစိမ်" လို့ တက္ကသိုလ်ဝင်းကြွယ်က ဘာသာပြန်ပြီး တက္ကသိုလ်နေလင်းအောင်က "လင်းရှင်" လို့ သုံးပါတယ်] ပြီးတော့ ဂိုဏ်းချုပ်ဟောင်း လိမ့်ဝေါ်ရှင်းရဲ့ ဘက်တော်သားတွေနဲ့ သူ့ကို သစ္စာမခံကြသူတွေကို ဘိန်းမည်းရောစပ်ထားတဲ့ အဆိပ်ဆေးကျွေးပြီး ထိန်းချုပ်ခဲ့သူ ဖြစ်ပါတယ်။ တုန်းဖန်းပုပိုက်ဟာ နေကြာသိုင်းကျမ်း (Sunflower Manual) ကို လေ့ကျင့်ဖို့အတွက် ယောက်ကျားဘဝကို စွန့်လွှတ်ခဲ့ပြီး အမျိုးသမီးတစ်ယောက်သဖွယ် ပြုမူ နေထိုင်ခဲ့ပါတယ်။ ဂိုဏ်းချုပ်ဟောင်း လိမ့်ဝေါ်ရှင်းကတော့ နေကြာသိုင်းကျမ်းရဲ့ အစွမ်းထက်မှုကို သိရှိထားပေမယ့် ယောက်ကျားဘဝကို မစွန့်လွှတ်နိုင်တာကြောင့် ကြယ်ငင်မိစ္ဆာသိုင်း (Star-Absorbing Skill) ကိုပဲ အထူးပြု လေ့ကျင့်ခဲ့သူပါ။ [နေကြာသိုင်းကျမ်းကို တက္ကသိုလ်ဝင်းကြွယ်က "ပန်းနေကြာစွယ်စုံသိုင်း" လို့ ဘာသာပြန်ပြီး တက္ကသိုလ်နေလင်းအောင်ကတော့ "နေကြာပန်းသိုင်းပေါင်းချုပ်" လို့ ဘာသာပြန်ပါတယ်] နေကြာသိုင်းကျမ်းကို လေ့ကျင့်အောင်မြင်သွားပြီးတဲ့နောက် အနီရောင်အပ်ချည်နဲ့ ပန်းထိုးအပ်ဟာ တုန်းဖန်းပုပိုက်ရဲ့ ထူးခြားတဲ့ လက်နက်ဖြစ်လာခဲ့ပါတယ်။ သူ့ရဲ့ချစ်သူကတော့ နေလဂိုဏ်းသား တစ်ဦးဖြစ်သူ ရန်လျန့်ထင်း (Yang Lianting) ဖြစ်ပါတယ်။ တုန်းဖန်းပုပိုက်ဟာ ရန်လျန့်ထင်းနဲ့ ချစ်ကြိုက်ခဲ့ပြီးနောက် ဂိုဏ်းကိစ္စအားလုံးကို ရန်လျန့်ထင်းရဲ့ လက်ထဲ ပုံအပ်ခဲ့ပါတယ်။ ["ယန်းလျန်ထိန်" လို့ တက္ကသိုလ်ဝင်းကြွယ်က ဘာသာပြန်ပြီး တက္ကသိုလ်နေလင်းအောင်က "ရန်လင်း" လို့ သုံးပါတယ်] နောက်ဆုံးမှာတော့ ဖမ်းဆီးချုပ်နှောင်ခံထားရတဲ့ ဂိုဏ်းချုပ်ဟောင်း လိမ့်ဝေါ်ရှင်းဟာ လင့်ဟူချုန်း (Linghu Chong) နဲ့တွေ့ပြီး လွတ်မြောက်လာခဲ့တယ်။ အဲဒီနောက် တုန်းဖန်းပုပိုက်နဲ့ ရင်ဆိုင်ခဲ့ကြတယ်။ အဲဒီတိုက်ပွဲဟာ လွယ်လွယ်ကူကူတော့ မဟုတ်ခဲ့ပါဘူး။ လင့်ဟူချုန်း၊ လိမ့်ဝေါ်ရှင်းနဲ့ ရှန်းဝိန့်ထျန်း (Xiang Wentian) တို့ သုံးယောက်ပေါင်းပြီး အပြင်းအထန် ဝိုင်းဝန်းတိုက်ခိုက်ရတဲ့အပြင် လိမ့်ယဥ်ယဥ်ကပါ ဉာဏ်ကူပြီး ရန်လျန့်ထင်းကို တိုက်ခိုက်တော့မှ အာရုံများသွားရတဲ့ တုန်းဖန်းပုပိုက် တစ်ယောက် သေဆုံးသွားခဲ့ပါတယ်။ ဒါတောင် တုန်းဖန်းပုပိုက်ရဲ့ လက်ချက်ကြောင့် လိမ့်ဝေါ်ရှင်းလည်း မျက်လုံးတစ်ဖက် ကန်းသွားခဲ့ရပါတယ်။ တုန်းဖန်းပုပိုက် ဆိုတာ "အရှေ့ကျွန်း အရှုံးမရှိ" လို့ အဓိပ္ပါယ်ရပါတယ်။ အဲဒီခေတ် အဲဒီအခါက သိုင်းလောကမှာ တုန်းဖန်းပုပိုက်ကို တစ်ယောက်ချင်း ယှဥ်နိုင်သူ မရှိပါဘူး။ ဒါကြောင့် လင့်ဟူချုန်း နဲ့ လိမ့်ဝေါ်ရှင်းတို့ကိုယ်တိုင်က တစ်ယောက်ချင်း မယှဥ်နိုင်တဲ့အကြောင်း၊ သိုင်းလောက ပထမဘွဲ့ကို ရသင့်ကြောင်း ထုတ်ဖော်ဝန်ခံခဲ့ကြရပါတယ်။ တုန်းဖန်းပုပိုက်ဟာ ထက်မြက်သူ၊ ရက်စက်သူ ဆိုပေမယ့် တစ်ဖက်မှာလည်း ချစ်တတ်တဲ့ နှလုံးသားရှိသူပါ။ သူ သေဆုံးခဲ့ရတာဟာ ရန်လျန့်ထင်း အပေါ် ငဲ့ညှာတဲ့ အချစ်စိတ်ကြောင့်လို့ ပြောနိုင်ပါတယ်။ သေဆုံးကာနီး အချိန်မှာတောင် ရန်လျန့်ထင်းကို လွှတ်ပေးဖို့ တဖွဖွ တောင်းဆိုနေခဲ့ပါသေးတယ်။ သိုင်းလောက၏ စိန်ခေါ်သံ (The Smiling၊ Proud Wanderer) ဝတ္ထုထဲမှာ တုန်းဖန်းပုပိုက်ရဲ့ အခန်းကဏ္ဍက ဒီလောက်ပဲဖြစ်ပေမယ့် သူ့အကြောင်းကို အသားပေးပြီး ရိုက်ကူးခဲ့တဲ့ ရုပ်ရှင်တွေကြောင့် နာမည်ပိုကျော်ပါတယ်။ ၁၉၉၂ ခုနှစ်ထွက် Swordsman 2 ရုပ်ရှင်ဇာတ်ကားထဲမှာ သရုပ်ဆောင်ခဲ့တဲ့ လင်ချင်းရှာ (Brigitte Lin Ching-Hsia) ဟာ တုန်းဖန်းပုပိုက် ဇာတ်ကောင်နဲ့ အလိုက်ဖက်ဆုံး ဖြစ်ခဲ့ပါတယ်။ အဖြူရောင်သိုင်းလောကကြီး အဓွန့်ရှည် တည်တံ့ပါစေ။ #တုန်းဖန်းပုပိုက် #DongfangBubai #wikiwuxiathinelawka (တုန်ဖုန်းပုပိုက်အကြောင်းကိုတော့ သိုင်းလောက FB Page ကနေ ကူးယူဖော်ပြထားပါတယ်။) File size…(7.2 GB)/ (3 GB )/(1.7 GB) Quality…WEB-DL 4K HEVC/ 1080p HEVC / 720p Format…mkv/mp4 Duration….01:48:00 Subtitle….Myanmar Subtitle (Hardsub) Encoder….Ka Naung Translated by Min Thet Oo

The New Dragon Gate Inn / Gragon Inn (1992) IMDb Rating. - 7.3/10 Rotten Tomatoes - 78% မာယာများတဲ့ ကန္တာပြင်ရာသီဥတုဟာ အစောကမှ ခြစ်ခြစ်တောက်နေသာရာက ခုတစ်ဖန် သည်းကြီးမည်းကြီး မိုးတွေရွာနေပေါ့။ ဒီအပြောကျယ်တဲ့ကန္တာပြင်မှာ လူတွေရဲ့ တစ်ခုတည်းသော မှီတည်ရာက နဂါးအင်း။ လူ့ကမ္ဘာကိုရှုပ်ထွေးရက်စက်တဲ့ နေရာလို့ဆိုရင် နဂါးအင်းဟာ အဲ့ဒီရှုပ်ထွေးရက်စက်မှုအပေါင်းကို တပ်မက်စွာ သိမ်းဆည်းရာနေရာဖြစ်တယ်။ နဂါးဂိတ်နားက နဂါးအင်းဟာ လွင်တီးခေါင်ကန္တရမှာ ထီးတည်းတည်ရှိနေတဲ့ အိုအေစစ်မဟုတ်တဲ့ ငရဲ။ လူဆိုးသူခိုးတွေရဲ့ ဆုံမှတ်နေရာ။ တွေးကြည့်လို့တောင်မရတဲ့ ရက်စက်မှုတွေ ဒီနေရာမှာရှိတယ်။နဂါးအင်းကိုရောက်လာသူတို့ဟာ ကိုယ်တိုင်တောင်မသိလိုက်ရဘဲ ဇာတ်တူသားစားသူတွေ ဖြစ်လာတယ်။ နဂါးအင်းရဲ့ စားဖိုခန်းထဲက ဘာဘရီယန်တစ်ကောင်ဟာ လျှို့ဝှက်လမ်းကကျလာတဲ့ လူသေတွေကို အရိုးအတိကျန်အောင်နွှင်ပြီး ပေါက်စီ လုပ်တယ်။နဂါးအင်းရဲ့ ဆိုင်ရှင်မိန်းမလှဟာ သူ့အလှမှာ ယစ်မူးပျော်၀င်သူ ယောကျာ်းသားတို့ကို အသားလုပ် ရောင်းတယ်။ နယ်စပ်မျဉ်းမှာရှိနေတဲ့ မသာမယာ ဒီနဂါးအင်းကို ရောက်လာသူတို့မှာ ကောင်းသော ရည်ရွယ်ချက်များ မရှိခဲ့ကြဘူး။ ကလဲ့စား တဏှာ အာဏာ ရန်ကြွေး ငွေအရေး ဤအချက်များမှ မကင်းလွတ်ကြဘူး။ ဒီလူတွေကပဲ နဂါးအင်းကို ရက်စက်စေတာလား နဂါးအင်းကိုယ်၌ကပဲ ခက်ထန်နေတာလားလဲ မသိရဘူး။ ဘယ်လိုပဲဆိုဆို သူရဲကောင်းတွေတောင် ရင်မဆိုင်ဝံ့တဲ့ ဒီကန္တာအလယ်က နဂါးအင်းမှာ မလှပတဲ့ ဇာတ်လမ်းများစွာဖြစ်ပြီးခဲ့ပြီး ဖြစ်နေဆဲပဲ။ ဒီဇာတ်လမ်းဟာ ထိုထိုသော ဇာတ်လမ်းများစွာ ထဲက တစ်ပုဒ်ဖြစ်တယ်။ တိုနီလောင်ခဖိုင်၊မက်ဂီချောင်၊ဘရစ်ဂျစ်လင်း တို့လို ဟောကောင်ရဲ့ Legend actor Actress တွေအပြင် လူသိများတဲ့ ဒွန်းနီယန် လည်းပါ၀င်သရုပ်ဆောင်ထားတယ်။ ဟောင်ကောင် သိုင်းကားတွေကို စီနီမာတို ဂရပ်ဖီကောင်းကောင်းနဲ့ ရိုက်ထားတာတွေ အရမ်းမများတဲ့အထဲက တစ်ကားဖြစ်တယ် Best Cinematography ဆုရထားတယ် ဒီဆုနဲ့တန်လောက်အောင်လည်း ရိုက်ကွက်တွေဟာ လှပတယ်။ 1992ထွက်ပေမယ့် Cinematographyတွေဟာ အခုကာလအထိ ခေတ်မှီနေတုန်းပဲ။ Best Action, Best Actresse, Best Film Editingစတဲ့ဆုတွေလည်း ရထားတယ်။ ဒီရုပ်ရှင်က‌နေ Inspiration ပိစိလေးတွေရပြီး ရိုက်တဲ့ အင်္ဂလိပ်ကား နှစ်ကားလောက်ရှိမယ်လို့ မြင်မိတယ်။ တစ်ချို ဇာတ်၀င်ခန်းတွေမှာ 2000ခုနှစ်အကျော်က ဟောလိဝုဒ်ရုပ်ရှင် နှစ်ကားကို ပြန်သတိရစေတယ်။ အာရှရဲ့ ရုပ်ရှင်ကောင်းတွေအထွက်များတတ်တဲ့ ဟောင်ကောင်ရဲ့ ဂန္တ၀င်စာရင်း၀င်လောက်တဲ့ ကားဆိုတော့ ဒီလောက်တော့ရှိမှာပဲ။ ဇာတ်ကောင်တွေထက် တည်နေရာတစ်ခုကို ပိုအသားပေးထားတဲ့ ရုပ်ရှင်ကောင်းတွေရဲ့ ရသဟာထူးခြားတတ်တယ်။ Midnight in Paris တို့ Casablancaတို့လိုပေါ့။ ဒီလိုရုပ်ရှင်တွေဟာ အဲ့ဒီတည်နေရာရဲ့ ရသကို ကြည့်ရှုသူကိုခံစားရစေတယ်။ လူတွေကဖော်ပြတဲ့ရသထက် နေရာတွေက ဖော်ပြတဲ့ရသတွေက ပိုအရသာရှိတယ်လို့ ကျွန်တော်တော့မြင်တယ်။ Casablanca ဆိုတဲ့နာမည်ကြားမိရင် a kiss is still a kiss in Casablanca ဆိုတဲ့ စာသားကို ကြားမိသလို ပါရီဆိုတဲ့နာမည်မြင်မိရင် ဗန်ဂိုးတို့လိုလူတွေ ပါရီရဲ့အနုပညာတွေ ပြေးမြင်မိသလိုပေါ့။ သူတိုဟာ တစ်ခုတည်းသောခံစားမှုကိုမဟုတ်ဘဲ နာမည်မြင်မိရင် မြောက်များစွာသောခံစားမှုတွေကို ခဏအတွင်း ရစ်ထုံး ပေးစွမ်းနိုင်တယ်။ နေရာတစ်ခုအပေါ်မူတည်ပြီးရသပေးနိုင်စွမ်းမှာ Dragon Gate Inn ဟာလည်း မနုံနဲ့ဘူး။ နဂါးအင်းဟာ ကျွန်တော်တို့ နှစ်သက်စွဲလမ်းခဲ့ ကြဖူးတဲ့ အမျိုးမျိုးသော စာရေးဆရာ‌တွေရဲ့ လျှို့ဝှက်ရက်စက်တဲ့ သိုင်းကမ္ဘာကို ပြန်မြင်မက်မိစေတယ်။ (ရုပ်ရှင်အညွှန်းနဲ့ ဘာသာပြန်ကိုတော့ WiRa Aung မှတင်ဆက်ထားတာပါ။) File size…(2.6 GB) and (1.6 GB) Quality….BluRay 1080p and 720p 5.1CH Format…mp4 Duration….01:55:00 Subtitle….Myanmar Subtitle (Hardsub) Encoder….Nyeinsaeya Aung Translated by WiRa Aung

အချစ်နဲ့ဆို လူတွေဟာ မျက်ကန်းလိုပါပဲတဲ့။ ဒီတစ်ခါမှာတော့ အချစ်နဲ့တွေ့လို့ အချစ်နွံနစ်ခဲ့ရတဲ့ ရှောင်ဟွားဆိုတဲ့ကောင်မလေးရဲ့အကြောင်း ဇာတ်လမ်းကို တင်ဆက်ပေးချင်ပါတယ်။ ၁၉၄၀ ခုနှစ်ဝန်းကျင်၊ တရုတ်ပြည်ကို ဂျပန်တွေ အုပ်စိုးခဲ့စဉ်ကာလမှာ ရှန်ရှောင်ဟွားဆိုတဲ့ ကောင်မလေးတစ်ယောက်ဟာ စာရေးဆရာမအလုပ်နဲ့ ဆောင်းပါးရေးပြီး အသက်မွေးနေခဲ့ပါတယ်။ သူရေးတဲ့ဝတ္ထုဆောင်းပါးရဲ့ အဓိကအခြေခံအုတ်မြစ်ကတော့ သူ့ဘဝဇာတ်ကြောင်းပါပဲ။ သူ့ဆောင်းပါးကို ကြိုက်နှစ်သက်သွားတဲ့သူကတော့ ချန်နန်ဆိုင်လိုခေါ်တဲ့ ဂျပန်အလိုတော်ရိ အမျိုးသားတစ်ဦးပါ။ ဆောင်းပါးကို ကြိုက်ရာကနေ လူကိုပါသဘောကျသွားခဲ့ပေမဲ့ ဂျပန်ဘက်တော်သားဖြစ်တဲ့သူ့ကို လိုက်လံသတ်ဖြတ်ဖိုကြံနေတဲ့ အမျိုးသားရေးဝါဒီတွေကလည်း ရှိနေပြန်ပါတယ်။ နိပွန်တွေလက်အောက်မှာသာ လုပ်နေတာ၊ တရုတ်တွေကို တစ်ခါမှမသတ်ဖူးပါဘူးဆိုတဲ့ ချန်နန်ဆိုင်နဲ့ တိုင်းပြည်သစ္စာဖောက်လို့လူတိုင်းက သတ်မှတ်ထားတဲ့သူကိုမှ ချစ်ကျွမ်းဝင်သွားခဲ့သူ စာရေးဆရာမလေးတို့ နှစ်ယောက် တရုတ်ပြည်ရဲ့ နိုင်ငံရေးအခင်းအကျင်းထဲမှာ အသက်နဲ့ပါရင်းပြီး အချစ်တွေခိုင်မြဲအောင် ဘယ်လိုလုပ်ကြမလဲ? IMDb 6.9/10 RT 44% ရထားတဲ့ ဒီဇာတ်ကားလေးထဲမှာ သူတိုနှစ်ဦးရဲ့ အချစ်ဇာတ်လမ်းကို ရှုစားကြည့်ကြရအောင်ပါ။ File size…(1.65 GB)/(990 Mb) Quality….Blu-Ray 1080p / 720p Format… mp4 Duration…. 01:34:00 Genre... Drama, Romance, War Subtitle….Myanmar Subtitle (Hardsub) Encoder….Garfield Translated by Xing Egg

ကယ်ဗင် တဖြစ်လည်း ဂျက်ကီချမ်း ဟာ အထူးရဲဌာနမှာ တာဝန်ထမ်းဆောင်နေတဲ့ ရဲဘော်တစ်ယောက်ပါ။ တစ်နေ့မှာ သူတို့ဟာ မူးယစ်ဆေးကုန်သည်အကောင်ကြီးဖြစ်တဲ့ ချူထောင်ကို ဖမ်းဆီးဖို့ စစ်ဆင်ရေးစကြပါတယ်။ စစ်ဆင်ရေး အောင်မြင်ပြီး ကယ်ဗင်တစ်ယောက် ချူထောင်ကို ဖမ်းမိလိုက်နိုင်ပေမယ့် သူ့ကိုထောင်ချဖို့အထိ သက်သေမလုံလောက်တဲ့အတွက် ချူထောင်ရဲ့အတွင်းရေးမှူးဖြစ်တဲ့ မစ္စဖောင်ကို အမှုကကွင်းလုံးကျွတ်လွှတ်ပေးမည် ဖြစ်ပြီး တရားခွင်မှာ မျက်မြင်သက်သေအဖြစ် ချူထောင်ရဲ့ဒုစရိုက်မှုတွေကို ဝန်ခံထုတ်ပြောစေဖို့ ရဲဌာနဘက်က ကမ်းလှမ်းခဲ့ပါတယ်။ ကမ်းလှမ်းချက်ကိုလက်ခံလိုက်တဲ့ မျက်မြင်သက်သေမစ္စဖောင်ကို ကာကွယ်ဖို့အတွက် ကယ်ဗင်ကို တာဝန်ပေးလိုက်ပါတော့တယ်။ ချူထောင်ဟာ တရားခွင်မှာ မစ္စဖောင်တစ်ယောက် ဝန်ခံထုတ်ပြောမှာစိုးတဲ့အတွက် မစ္စဖောင်ကိုရော ကယ်ဗင်ကိုပါ နှုတ်ပိတ်ပစ်ဖို့အတွက် သူ့လူတွေကို စေခိုင်းလိုက်ပါတော့တယ်။ ချူထောင်ဟာ ရဲဌာနအတွင်းမှာပါ သူလျှိုတွေထည့်ထားတဲ့အတွက် ကယ်ဗင့်ခမျာ သူ့အားသူကိုးပြီး မစ္စဖောင်ကို ဘယ်လိုကာကွယ်မလဲ၊ ချူထောင်ကို ထောင်ထဲထည့်နိုင်ဖို့အရေးကို ဘယ်လိုကြိုးပမ်းမလဲဆိုတာကို ထုံးစံအတိုင်း တမိုးအောက်ဂျက်ကီချန်း ဖြစ်တဲ့အတွက် တိုက်ရည်ခိုက်ရည် အက်ရှင်ခန်းကောင်းကောင်းနဲ့ ဟာသလေးနှောပြီး ကြည့်ရှုရမှာဖြစ်ပါတယ်။ File size…(1.8 GB)/(940 Mb) Quality….Webrip 1080p / 720p Format…mp4 Duration….01:40:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield Translated by Matteo

သရုပ်ဆောင်မင်းသားကြီး ဂျက်ကီချန်းပါဝင်တဲ့ ဒီဇာတ်ကားကတော့ ဂျပန်မဲ့ တရုတ်စစ်တွင်းကာလကို နောက်ခံပြုထားတဲ့ ဇာတ်ကားတစ်ကားပဲ ဖြစ်ပါတယ်။ တိုက်ပွဲတစ်ပွဲမှာ ဂျပန်တွေက တရုတ်ဘက်က ခေါင်းဆောင် ၄ ယောက်ကို ဖမ်းခေါ်သွားခဲ့တယ်။ ဒီသတင်းပြန့်သွားရင် တပ်သားတွေ စိတ်ဓာတ်ကျကုန်မှာစိုးလို့ဆိုပြီး အဖွဲ့သစ်တစ်ဖွဲ့ ဖွဲ့ပြီး ၄ ရက်အတွင်း ခေါင်းဆောင်တွေကို ပြန်ခေါ်လာခိုင်းတယ်။ အဲ့အဖွဲ့မှာဆိုရင်တော့ သူခိုးလောင်စွန်း၊ ထွက်ပြေးချန်ပီယံ၊ ကလိမ်ကကျစ်သမားနဲ့ သူ့ရည်းစားဟောင်း၊ လက်ဝှေ့သမားနဲ့ သူ့ပါတနာတွေ ပါတယ်။ ပိုက်ဆံရမယ်ဆို ဘာမဆို လုပ်မယ်ဆိုတဲ့ အဖွဲ့တွေပေါ့။ ပရမ်းပတာ အဖွဲ့ဖြစ်တဲ့ သူတို့တွေ အလွဲလွဲအချော်ချော်တွေကြားထဲက မစ်ရှင်ကို ဘယ်လို ကျေပွန်အောင် ဆောင်ရွက်ကြမလဲ ဟာသနှောပြီး ကြည့်ရမဲ့ Comedy, Action ဇာတ်ကားတစ်ကားပဲ ဖြစ်ပါတယ်။ ဒါပေမဲ့ သူတို့တွေ တကယ်ပဲ မစ်ရှင်ကို အောင်မြင်နိုင်ပါ့မလား၊ ကိစ္စက သူတို့ထင်ခဲ့သလို ရိုးရှင်းမနေခဲ့မှန်း သိလိုက်ရတဲ့အချိန်မှာ တကယ့် final boss က ဘယ်သူများဖြစ်လေမလဲ❓ File size…(2.2 GB)/(900 Mb) Quality….Webrip 1080p / 720p Format…mp4 Duration….01:30:00 Genre...Action, Adventure, Comedy Subtitle….Myanmar Subtitle (Hardsub) Encoder….Garfield Translated by Moshi Moshi