Carman Lee Yeuk-Tung ပါဝင်သော ဇာတ်ကားများ

ဒီတစ်ခါ CM ကနေသိုင်းကားကိုမှကြိုက်နှစ်သက်သောပရိသတ်တွေအတွက် Who Rules The World ဇာတ်ကားလေးကိုတင်ဆက်ပေးလိုက်ရပါတယ်။ ဇာတ်ကားထဲမှာပါဝင်တဲ့မင်းသားကတော့ Love O2O ဇာတ်ကားထဲမှာ Xiao Nai အဖြစ်ပါဝင်သရုပ်ဆောင်ထားတဲ့ Yang Yang, မင်းသမီးကတော့ The Long Ballad ဇာတ်ကားထဲမှ Li Le Yan အဖြစ်ပါဝင်သရုပ်ဆောင်ထားတဲ့ Zhao Lu Si နဲ့ တခြားနာမည်ကြီးသရုပ်ဆောင်တွေပါဝင်ထားတာဆိုတော့ ဇာတ်ကားလေးကတော့ကောင်းမှာအသေအချာပါဘဲနော်။ ကဲဒီတော့ဇာတ်လမ်းလေးအကြောင်းစပြောလိုက်ရအောင်။ ဉာဏ်ရည်ထက်မြက်ပြီး ချောမောခန့်ညားတဲ့ သိုင်းပညာမှာအလွန်တော်တဲ့ Hei Feng Xi , လူတိုင်းလေးစားအားကျရတဲ့သိုင်းပညာမှာလည်းယှဉ်နိုင်သူမရှိတဲ့ Bai Feng Xi တိုကမတူညီတဲ့အရည်အချင်းတွေရှိကြတာပေါ့။ တကယ်တမ်းမှာတော့ Hei Feng Xi နဲ့ Bai Feng Xiတိုနှစ်ယောက်က ငယ်သူငယ်ချင်းတွေပေါ့။ငယ်ငယ်လေးတည်းကနှစ်ယောက်လုံးက အရမ်းလိုက်ဖက်ညီလွန်းလိုတချိုတွေက ချစ်သူတွေဖြစ်နေကြပြီလိုထင်နေကြတယ်။ ဒါပေမဲ့လက်တွေ့မှာနှစ်ယောက်လုံးကအေးအတူပူအမျှ မိတ်ဆွေသူငယ်ချင်းအဖြစ်ဘဲရှိနေကြသေးတယ်။ လွန်ခဲ့တဲ့ဆယ်နှစ်တာကာကလကသွေးကြွေးတွေကြားမှာမတူညီတဲ့အရည်အချင်းတွေပိုင်ဆိုင်ထားကြတဲ့ နှစ်ယောက်သားပေါင်းစည်းပြီးအမှန်တရားကိုရှာဖွေနေကြရင်း အချစ်စိတ်တွေပေါက်ဖွားလာကြတဲ့အချိန်မှာတော့.... သိုင်းလောကရဲ့သွေးကြွေးတွေကြားမှာ ငယ်သူငယ်ချင်းနှစ်ယောက်ရဲ့အချစ်စစ်တွေက ဘယ်လိုပေါက်ဖွားလာမလဲ။သိုင်းလောကရဲ့ရူပ်ထွေးမှုကြားမှာအဲ့အချစ်စစ်ကိုကော ဘယ်လိုတည်တံ့ခိုင်မြဲအောင်တည်ဆောက်သွားကြမလဲဆိုတာကိုတော့ CM ကနေတင်ဆက်ပေးသွားပါဦးမယ်နော်~ Quality : WEB-DL 720p Total Episodes : 40 Format : mp4 Genres : Romance ,Wuxia Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

ဟောင်ကောင်မှာ ထူးဆန်းရက်စက်တဲ့ လူသတ်မှုတွေ ဆက်တိုက်ဖြစ်နေပြီး တချို့အမှုတွေဆို နှစ်နဲ့ချီတဲ့အထိ မဖော်ထုတ်နိုင်သေးပါဘူး။ ဒီအမှုတွေကို တစ်ကိုယ်တော်လိုက်စုံစမ်းနေသူကတော့ စုံထောက် လီကျွင့်ပါ။ သူက တံတားအောက်မှာ စာတွေရေးထားပြီး အဲဒီစာတွေအတိုင်း အမှုတွေ ဖြစ်လာနေတာကြောင့် ရဲတပ်ဖွဲ့အတွက် မျက်စိနောက်စရာလူ ဖြစ်နေပါတယ်။ လီကျွင့်ဟာ စိတ်ပိုင်းဆိုင်ရာပြဿနာကြောင့် တာဝန်ကနေ ရပ်နားခံထားရသူပါ။ လူတွေက သူ့ကို ရူးနေပြီလို့ သတ်မှတ်ကြပေမယ့် သူကတော့ ကိုယ့်ကိုယ်ကိုယ် အံ့ဖွယ်စုံထောက်တစ်ယောက်ဖြစ်ကြောင်း သက်သေပြဖို့ အမြဲကြိုးစားနေတယ်။ လုယက်လူသတ်မှု၊ အလောင်းပျံအမှု၊ ကွင်းဆက်လူသတ်မှုနဲ့ သားသတ်သမားအမှုတွေမှာ တရားခံရဲ့လှည့်ကွက်တွေကို လီကျွင့် ဘယ်လိုဖော်ထုတ်မလဲ။ ဒီလူသတ်မှုတွေ ဘယ်ကစခဲ့သလဲဆိုတာကိုလည်း လိုက်ရှာရဦးမှာပါ။

ဘဝမှာ ကိုယ့်ကိုသူများတွေက ဘယ်လိုပဲမြင်မြင် ဘယ်လိုပဲပြောပြော ဘယ်လိုပဲ ပျက်ရယ်ပြုပြု ကိုယ်ပျော်နေဖို့က အဓိကပါပဲ ကျွန်တော်တို့သာ လောကကြီးမှာ လေလာရာယိမ်းနေတဲ့ မြက်ပင်လေးလို ဘယ်သူ့ကိုမှဂရုမစိုက်ဘဲ ကိုယ့်စိတ်ကြိုက်သာ နေလိုက်မယ်ဆိုရင် ဘယ်လောက်တောင် ပျော်ဖို့ကောင်းလိုက်မလဲလို့ တွေးမိတယ် ခံစားမိတယ်ဆိုရင်တော့ ဒီဇာတ်ကားလေးကို ကြည့်ဖို့ဖိတ်ခေါ်လိုက်ပါတယ်နော် ဇာတ်လမ်းအကြောင်းအရာလေးကတော့ ရှောင်ဟွမ်ဟာ အရမ်းကို အကတော်ပြီး ကချင်ပေမဲ့လည်း အသားညိုပြီးအရပ်ပုတာကြောင့် ငါးခြောက်မလို့ အခေါ်ခံရကာ မိန်းကလေးကျောင်းမှာ အနှိမ်ခံရတဲ့လူတစ်ပါ တစ်နေ့ ကျောင်းဖွင့်ပွဲအခမ်းအနားတစ်ခုမှာ အကအဖွဲ့တစ်ဖွဲ့လုံး ညီညီညာညာကနေချိန်မှာ ရှောင်ဟွမ်က သူ့​စိတ်ကြိုက်စည်းချက်နဲ့ အတိုင်း ဘေးကနေ ပျော်မြူးကာ ကနေတာကို လောင်ကော်ဆိုတဲ့ကောင်လေးက တွေ့သွားပြီး စိတ်ဝင်စားသွားပါတော့တယ် လောင်ကော်ကတော့ ရှောင်ဟွမ်တို့ကျောင်းမျက်နှာချင်းဆိုင်က ယောကျာ်းလေးကျောင်းကို ပြောင်းလာတဲ့ ကျောင်းသားတစ်ယောက်ဖြစ်ပါတယ် ​လောင်ကော်ဟာလည်း အကြောင်းအမျိုးမျိုးကြောင့် သူ့သူငယ်ချင်းသုံးယောက်နဲ့အတူ အရှုံးသမားလိုဆက်ဆံခံနေ ​ရတာပါ ဒါကို ဆက်သည်းမခံနိုင်ဘဲ သူတို့တွေ တစ်ခုခုကြီးကြီးကျယ်ကျယ်လုပ်ပြဖို့ ဆုံးဖြတ်လိုက်ပါတယ် နောက်ဆုံးလုပ်ဖို့ဆုံးဖြတ်လိုက်တာကတော့ ပျော်နေတဲ့အချိန်မှာ ပိုပျော်ရွှင်မှုပေးနိုင်ပြီးတော့ ဝမ်းနည်းအားငယ်နေချိန်မှာတော့ နှစ်သိမ့်မှုပေးနိုင်တဲ့ အက ကဖို့ပါပဲ ဒီလိုနဲ့ ရှောင်ဟွမ်နဲ့ လောင်ကော်တို့ သူငယ်ချင်းလေးယောက် ပေါင်းမိသွားပြီး လူတွေကိုသက်သေပြဖို့ သူမတူတဲ့နည်းလမ်းတွေကို သုံးကာ သူတို့ရဲ့ ဖြစ်တည်မှုကို ဘယ်လိုမျိုးရှာဖွေမလဲဆိုတာကို သီချင်း အကလေးတွေ ဟာသတွေ တပုံကြီးနဲ့ နှောပြီးတော့ ဆက်လက်ကြည့်ရှုကြရမှာပါ Filesize : 2.26 GB / 1.18 GB Quality : WEB-DL 1080p HEVC , 720p HEVC Format : mkv  Genres : Comedy Runtime : 1h 47 min Subtitle : Myanmar Subtitle ( Hardsub ) Translated by CM Team Reviewed By Yamin Ei Encoded by LK

Knock Off (1998) အက်ရှင်မင်းသား Van Damme နဲ့ Rob Schneider တို့အဓိက ပါဝင်သရုပ်ဆောင်ထားပါတယ်။ ဟောင်ကောင်မှာ ပစ္စည်းအတုတွေ ထုတ်လုပ်တဲ့ ကုမ္ပဏီတစ်ခုရဲ့ ပိုင်ရှင်ဖြစ်တဲ့ Ray.. သူ့ရဲ့လုပ်ဖော်ကိုင်ဖက် Tommy နဲ့အတူတူ အထည်အတုတွေနောက်ကွယ်က ပုန်းကွယ်နေတဲ့ ကြီးမားတဲ့လျှို့ဝှက်ချက်တစ်ခုကို ဖော်ထုတ်ဖို့ဖြစ်လာပါတော့တယ်။ ထင်မှတ်မထားတဲ့ plot twist တွေ၊ နောက်ကွယ်ကသရုပ်မှန်တွေနဲ့ သူငယ်ချင်းမိတ်ဆွေ သံယောဇဉ်တွေကိုလည်း အသေအချာထည့်သွင်းသရုပ်ဖော်ထားတာကိုတွေ့မြင်ရမှာဖြစ်ပါတယ်။ သူတို့တွေ့သွားတဲ့လျှို့ဝှက်ချက်က ဘာဖြစ်မလဲ ? ပါဝင်ပတ်သက်နေကြသူတွေရဲ့ တကယ့်မျက်နှာအစစ်ကရော ဘာတွေလဲ ? ဇာတ်လမ်းနာမည်အတိုင်းပဲ တစ်ကားလုံးမှာ အတုအယောင်တွေနဲ့ ပြည့်နှက်နေတာကို ခံစားရမှာဖြစ်ပါတယ်။ ဟောင်ကောင်အက်ရှင်ကား ကြိုက်နှစ်သက်သူတွေအတွက်တော့ ကြည့်ပျော်တဲ့ဇာတ်ကားတစ်ကားဖြစ်မယ်လို့ ညွှန်းပေးချင်ပါတယ်။ (အညွှန်းနဲ့ဘာသာပြန်ကတော့ Theint Waddy Lynn ဖြစ်ပါတယ်။) File size… (5 GB) / (1.6 GB) Quality…. Blu-Ray 1080p / 720p Format…. mp4 Genre…. Action ,Crime, Thriller Duration…. 01:30:50 Subtitle…. Myanmar Subtitle (Hardsub) Encoder…. Benjamin Translated by Theint Waddy Lynn

ဟောင်ကောင်ရုပ်ရှင်ရွှေခေတ်က အကောင်းဆုံး Action/Disaster (အက်ရှင်နဲ့ သဘာဝဘေးအန္တရာယ်) ဇာတ်ကားတွေထဲမှာ ထိပ်တန်းကနေ ရပ်တည်နေဆဲဖြစ်တဲ့ ၁၉၉၇ ခုနှစ်ထွက် "Lifeline" (十萬火急) ဇာတ်ကားကြီးနဲ့ မိတ်ဆက်ပေးပါရစေ။ မာဖီးယားဂိုဏ်းတွေ၊ ရဲနဲ့သူခိုး ဇာတ်ကားတွေနဲ့ နာမည်ကြီးတဲ့ ဂန္ထဝင်ဒါရိုက်တာ Johnnie To က မီးသတ်သမားတွေရဲ့ ဘဝကို အသက်ဝင်ဆုံးနဲ့ အကြမ်းတမ်းဆုံး ပုံဖော်ရိုက်ကူးထားတာဖြစ်ပြီး၊ နာမည်ကျော် သရုပ်ဆောင်တွေဖြစ်တဲ့ Lau Ching-wan ၊ Alex Fong နဲ့ Carman Lee တို့က အဓိက ပါဝင်အားဖြည့်ထားပါတယ်။ ဇာတ်လမ်းအစမှာတော့ ဟောင်ကောင်မြို့က မီးသတ်စခန်းတစ်ခုကို အခြေခံထားပါတယ်။ တပ်ဖွဲ့ခေါင်းဆောင် Lau Ching-wan ဟာ အလုပ်အပေါ် အရမ်းကို လေးစားပြီး တပည့်တွေအပေါ်မှာလည်း စည်းကမ်းကြီးလွန်းတဲ့သူ တစ်ယောက်ပါ။ ဇာတ်လမ်းရဲ့ ပထမပိုင်းတွေမှာ မီးသတ်သမားတွေရဲ့ နေ့စဉ်ဘဝ၊ သူတို့ရဲ့ ကိုယ်ရေးကိုယ်တာ အခက်အခဲတွေ၊ အချစ်ရေးတွေနဲ့ လုပ်ဖော်ကိုင်ဖက်တွေကြားက ညီအစ်ကိုသံယောဇဉ်တွေကို သဘာဝကျကျ ရိုက်ကူးပြထားပါတယ်။ ဒါပေမဲ့ ဇာတ်လမ်းရဲ့ အထွတ်အထိပ်ဖြစ်တဲ့ နောက်ဆုံးပိုင်းမှာတော့ ချည်မျှင်နဲ့ အထည်စက်ရုံကြီးတစ်ခုမှာ အကြီးအကျယ် မီးလောင်မှုကြီး ဖြစ်ပွားပါတော့တယ်။အဆောက်အအုံကြီး ပြိုကျလုဆဲဆဲ၊ မီးတောက်တွေက နေရာအနှံ့ ဝါးမျိုနေတဲ့ အချိန်မှာ အထဲမှာ ပိတ်မိနေတဲ့ ပြည်သူတွေကို ကယ်တင်ဖို့ ယုဆွီတို့ မီးသတ်တပ်ဖွဲ့ဝင်တွေ အသက်စွန့်ပြီး ဝင်ရောက်သွားတဲ့အခါ... သူတို့ကိုယ်တိုင်ရော အသက်ရှင်လျက် ပြန်ထွက်လာနိုင်ပါ့မလားဆိုတာကို ရင်တမမနဲ့ ကြည့်ရှုရမှာပါ။ ဒီကားကတော့ CGI (ကွန်ပျူတာ အထူးပြုလုပ်ချက်) တွေ သိပ်မသုံးဘဲ တကယ့်မီးတောက်တွေ၊ ပေါက်ကွဲမှုတွေကို အသုံးပြုပြီး ရိုက်ကူးထားတဲ့ Practical Effects တွေပါပဲ။ မီးလောင်နေတဲ့ အဆောက်အအုံထဲက အပူရှိန်နဲ့ မွန်းကျပ်မှုတွေကို ကြည့်ရှုသူတွေပါ ကိုယ်တိုင်ခံစားရလောက်တဲ့အထိ ဒါရိုက်တာ Johnnie To က အကောင်းဆုံး ဖန်တီးထားနိုင်ပါတယ်။ Lau Ching-Wan ရဲ့ တည်ငြိမ်ပြီး အနစ်နာခံတတ်တဲ့ ခေါင်းဆောင်တစ်ယောက်ရဲ့ သရုပ်ဆောင်ချက်တွေကလည်း ဇာတ်ကားကို ပိုပြီး အသက်ဝင်စေပါတယ်။၉၀ ပြည့်လွန်နှစ်တွေက ဟောင်ကောင်အက်ရှင်ကားကောင်းတွေကို လွမ်းဆွတ်နေသူတွေ၊ မီးသတ်သမားတွေရဲ့ အနစ်နာခံမှုနဲ့ ညီအစ်ကို သံယောဇဉ်ကို ရင်သပ်ရှုမောဖွယ် ကြည့်ရှုချင်သူတွေအတွက် ညွှန်းဆိုလိုက်ရပါတယ်။ Filesize : 1.85 GB / 968 MB Quality : WEB-DL 1080p HEVC , 720p HEVC Format : mp4 Genres : Action and Thriller Runtime : 1h 48 min Subtitle : Myanmar Subtitle ( Hardsub )

IMDb Rating (7.1) ထိ ရရှိထားတဲ့ စတီဖင်ချောင် ဟာသဇာတ်ကားပါ။ ဇာတ်ကြောင်းကတော့.. လင်လင်ဖတ်ဟာ ဘုရင့်ကိုယ်ရံတော်ဂိုဏ်းက တီထွင်ပါရဂူဖြစ်ပေမယ့် ထိပ်တန်းသိုင်းပညာရှင်တွေကြားထဲမှာ သူ့ကို ဂေါက်သီးတစ်ယောက်လို့ပဲထင်ခံရသူပါ။ ဂေါက်သီးတို့ထုံးစံအတိုင်း ဘုရင့်ရှေ့မယ် တလွဲတွေလုပ်ပြမိတာကြောင့် ဘုရင်ရဲ့ အမျက်တော်ရှပြီး နေပြည်တော်ကနေ မောင်းထုတ်ခံရပါတယ်။ လင်လင်ဖတ်ဟာ ပေါ့သေးသေးဂေါက်သီးမဟုတ်တဲ့ တီထွင်ပါရဂူတစ်ယောက်ဖြစ်နေပေမယ့် ဘုရင်တို့ထုံးစံအတိုင်း ပညာရှိကို အထင်မကြီးတာကြောင့် မင်းနေပြည်တော်ကနေ လစ်သွားပြီး OG ဆရာဝန်သွားလုပ်နေပါတယ်။ အခါတစ်ပါးမှာတော့ ဂန်နိုင်ငံက မျက်နှာမရှိ/မျက်နှာများ သိုင်းပညာအုပ်စုက ရှင်ဘုရင်ကို လုပ်ကြံဖို့ ကြံစည်ပါတယ်။ ဒါကို ဘုရင့်ကပ်ပါးလျက်ဖားတွေက လူမိုက်တို့ထုံးစံအတိုင်း မဆင်မခြင် မြှောက်ထိုးပင့်ကော်လုပ်တာကို ရှင်ဘုရင်ဟာလဲ ဘုရင်တို့ထုံးစံအတိုင်း လူမိုက်စကားနားယောင်ပြီး ဂန်နိုင်ငံကလှည့်ကွက်ထဲ တန်းတန်းကြီးဝင်သွားပါတော့တယ်။ ဒါကို လင်လင်ဖတ်တစ်ယောက် သူ့ရဲ့ တီထွင်ဉာဏ်စွမ်းတွေနဲ့ ဂေါက်သီးတို့ထုံးစံအတိုင်း သွားကယ်မလားဆိုတာကတော့....။ File Size…(900MB) Quality…BluRay 720p Format…mp4 Duration…01:31:00 Subtitle…Myanmar Subtitle(Hardsub) Encoder…Nyeinsaeya Aung Translated by Pyae Xeinn Sett