Celia Imrie ပါဝင်သော ဇာတ်ကားများ

IMDb Rating (6.9) / Rotten Tomatoes (73%) တစ်ခါက ကူပါချေ့စ်ဆိုတဲ့ ဘိုးဘွားရိပ်သာတစ်ခုရှိပါတယ်။ အဲလိဇဘက်၊ ရွန်နဲ့ အီဘရာဟင်မ်ဆိုတဲ့ မိတ်ဆွေသုံး‌ယောက်ကတော့ ဒီဇာတ်လမ်းရဲ့ ဇာတ်လိုက်တွေပါ။ အငြိမ်းစားယူပြီး အချိန်တွေပိုနေတဲ့ အဘိုးကြီးအဘွားကြီးတွေပီပီ သူတို့သုံးယောက်က အရင်က မဖြေရှင်းနိုင်လိုက်တဲ့ အမှုဟောင်းတွေကို ကြာသပတေးနေ့တိုင်း အစည်းအဝေးထိုင် ဖြေရှင်းကြပြီး သူတို့အဖွဲ့နာမည်ကို "The Thursday Murder Club" လို့ နာမည်ပေးထားကြပါတယ်။ တိုနီနဲ့ အီရန်ကတော့ ကူပါချေ့စ်ရဲ့ ပိုင်ရှင်တွေပါ။ တိုနီက ရိပ်သာမှာ သူ့အဒေါ်ရှိသေးတာကြောင့် ကူပါချေ့စ်ကို ဆက်ပြီး ဖွင့်ချင်ပေမဲ့ အီရန်ကတော့ အကျိုးလိုလို့ အဲဒီနေရာမှာ ဇိမ်ခံတိုက်တွေ ဆောက်ပြီး ရိပ်သာကို ပိတ်ပစ်ချင်သူပါ။ တစ်နေ့တော့ သူတို့ကတောက်ကဆဖြစ်ပြီး နောက်နေ့မှာ တိုနီဟာ ရုတ်တရက် သူ့နေအိမ်မှာ အသတ်ခံလိုက်ရပါတယ်။ ဒီလိုနဲ့ တိုနီ့ရဲ့ သေဆုံးမှုက စုံထောက်ကြီးသုံးယောက်ရဲ့ အလုပ်တစ်ခု ဖြစ်လာကာ တရားခံရှာပုံတော် ဖွင့်ကြပါတော့တယ်။ File Size… (1.76GB) / (956MB) Quality… WEB-DL 1080p HEVC /720p Format…mkv / mp4 Duration…1h 58m Genre ….Comedy , Crime , Mystery , Thriller Subtitle….Myanmar Subtitle (Hard Sub)

Bridget Jones: Mad About the Boy (2025) IMDb Rating (6.8) / Rotten Tomatoes (86%) ဒီဇာတ်ကားလေးကတော့ 2025 ခုနှစ် ထဲမှာပဲ ပူပူနွေးနွေးထွက်ရှိထားတဲ့ မိသားစုအချစ်ဟာသ ဇာတ်ကားလေးပဲဖြစ်ပါတယ်။ မင်းသမီး Renée Zellweger အဓိကပါဝင်သရုပ်ဆောင်ထားပြီးတော့ ဒါရိုက်တာကတော့ Michael Morris ဖြစ်ပါတယ်။ ဇာတ်လမ်းအကျဉ်း.. Bridget Jones ဆိုတဲ့အမျိုးသမီးဟာ သူ့ယောက်ျား ဆုံးပါးသွားပြီးတဲ့နောက်မှာ ကလေးနှစ်ယောက် ဖြစ်တဲ့ Billy နဲ့ Mabel နဲ့ အတူ တစ်ခုလပ် မိခင်အဖြစ် ရုန်းကန်ခဲ့ရပါတယ်။ လေးနှစ်​လောက် အလုပ်မလုပ် ဘယ်သူနဲ့မှလည်း မတွေ့ခဲ့ပဲနဲ့ ကလေးတွေနဲ့ပဲ အချိန်ကုန်နေခဲ့ရပါတယ်။ အဲ့ဒီနောက်မှာတော့ သူ့ရဲ့ မိသားစု နဲ့ သူငယ်ချင်းတွေရဲ့ အားပေးမှုနဲ့ အတူ အလုပ်ပြန်လုပ်ပြီး ဘဝလက်တွဲဖော်အသစ်ကို ရှာဖို့ကြိုးစားပါတော့တယ်။ ဘဝကိုရှေ့ဆက်လျှောက်နိုင်သွားမလား သူ့ရဲ့လက်တွဲဖော်အသစ်ကို ရှာတွေ့သွားမလားဆိုတာကို ရင်ခုန်စွာစောင့်ကြည့်ရမယ့် ဇာတ်လမ်းလေးတစ်ပုဒ်ဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size… (8.1 GB) / (2 GB) / (940 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Comedy, Drama, Romance Duration….02:06:10 Subtitle….Myanmar Subtitle (Hardsub) Encoder….Benjamin Translated by Nay

ဖုန်းထဲကိုမထင်မှတ်ပဲဝင်လာတဲ့ အမည်မသိစာလေးတစ်စောင်ကနေပြီးတော့လည်း အချစ်ဇာတ်လမ်းလေးတစ်ပုဒ်ဖြစ်လာနိုင်ပါတယ်။ မီရာဟာ ကလေးဖတ်ရုပ်ပြစာအုပ်ရေးတဲ့ ကာတွန်းဆရာမတစ်ယောက်ပါ။ သူ့နဲ့စေ့စပ်မဲ့ သတို့သားလောင်းက သူ့ရှေ့မှာတင်ကားတိုက်ခံလိုက်ရလို့ ‌ေ-သဆုံးသွားတဲ့ ဖြစ်ရပ်ဆိုးကြီး ပြီးကတည်းက နှစ်နှစ်လောက်ဘာမှမလုပ်နိုင်ပဲ အတိတ်မှာပဲပိတ်မိနေခဲ့ပါတယ်။ တစ်နေ့မှာတော့ ညီမဖြစ်သူ ဆူဇီကပြန်ခေါ်တာမလို့ နယူးယော့ခ်ကိုပြန်သွားလိုက်ပြီး အတိတ်ကနေရုန်းထွက်နိုင်ဖို့အတွက် သူ့ကောင်လေးရဲ့ဖုန်းနံပါတ်အဟောင်းကို သူကြုံခဲ့ရတဲ့အတွေ့အကြုံတွေ၊ ခံစားချက်တွေကိုစာပို့ပြီး ရင်ဖွင့်နေခဲ့ပါတယ်။ ဖြစ်ချင်တော့ မီရာရဲ့အရင်ကောင်လေးဖုန်းနံပါတ်ဟာ ရော့ဘ် ဆိုတဲ့သတင်းထောက်ရဲ့ အလုပ်ဖုန်းအသစ်ဖြစ်နေတာပါ။ ဒီလိုနဲ့ပဲ မီရာပို့သမျှစာတွေကို ရော့ဘ်ကဖတ်ကြည့်ရင်း တဖြည်းဖြည်းချစ်မိလာခဲ့ပါတယ်။ ရော့ဘ်ကလည်း စေ့စပ်ခါနီးမှာ ကောင်မလေးကပစ်သွားတာကြောင့် အလုပ်မတွင်ဖြစ်နေသူပါ။ တစ်နေ့မှာတော့သတင်းစာတိုက်ကခိုင်းလို့ အဆိုတော် စလင်း ဒီယွန်ဆီကို သွားပြီးအင်တာဗျူးတဲ့အခါမှာတော့ စလင်းက သူ့ကိုပြန်ပြီးအလင်းဖွင့်ပေးလိုက်တာကြောင့် မီရာကိုအပြင်မှာမြင်ဖူးအောင် စပြီးရှာဖို့လုပ်ပါတော့တယ်။ ဒီလိုနဲ့ ရော့ဘ်ကရော မီရာကိုတွေ့ပြီး အဆင့်တွေတက်နိုင်မလား၊ မီရာကရော အတိတ်ကနေရုန်းထွက်နိုင်မလားဆိုတာကို ဆက်လက်ကြည့်ရှုလိုက်ကြပါဦး။ နာမည်ကြီး တိုင်တန်းနစ် ဇာတ်ဝင်တေး "My Heart Will Go On" ကိုသီဆိုခဲ့တဲ့ အဆိုတော် စလင်း ဒီယွန်ကိုယ်တိုင်ပါဝင်သရုပ်ဆောင်ထားတဲ့အပြင် ဘောလီးဝုဒ် မင်းသမီးချော ပရီရန်ကာ ချော်ပရာ နဲ့ ဆမ် ဟျူဂန်တို့ လည်းပါဝင်သရုပ်ဆောင်ထားတဲ့ အချစ်ဟာသဇာတ်မြူးကားကောင်းလေးတစ်ကားပါဗျ။ File size…(1.8 GB)/(950 GB) Quality….Webrip 1080p / 720p Format…mp4 Duration….01:44:00 Genre...Drama, Romance, comedy Subtitle….Myanmar Subtitle (Hardsub) Encoder….Mr. Anderson Translated by TMTT

Good Grief (2023) ~ IMDb - 6.4/10, RT - 78%, Meta - 60% ~ Schitt's Creek Sitcom နဲ့ နာမည်စရလာခဲ့သလို Schitt's Creek ရဲ့နောက်ဆုံးစီဆန်ကိုလည်း ကိုယ်တိုင်ရေးသား ရိုက်ကူး သရုပ်ဆောင်ခဲ့တဲ့ Emmy လေးဆုပိုင်ရှင် Dan Levy ကိုယ်တိုင် ရေးသား ရိုက်ကူး သရုပ်ဆောင်ထားတဲ့ရုပ်ရှင်ပါ။ Dan Levy ရဲ့ ပွဲဦးထွက်ရုပ်ရှင်လည်း ဟုတ်တယ်။ Rotten Tomatoes - 78% ရထားတော့ ပွဲဦးထွက်အနေနဲ့ဆို အရည်အချင်းရှိတယ်ပြောရမှာပါပဲ။ နက်ဖလစ်ကနေ ဖြန့်ပေးထားတဲ့ ရုပ်ရှင်လည်း ဟုတ်ပါတယ်။ ဇာတ်ကတော့ လိင်တူအချစ်ကို Focus ထားပြသလိုပြနေရင်းက သူငယ်ချင်းတစ်အုပ်ကြားကအချစ်ကို Focus ထားပြထားတဲ့ ရုပ်ရှင်လို့ပြောလို့ရပါတယ်။ မက်ဆိုတဲ့ ဂေးတစ်ယောက်ရှိတယ်။ သူက ပန်းချီဆွဲတဲ့အလုပ်လုပ်တယ်။ ပြောရရင်သရုပ်ဖော်ပုံဆွဲတာပေါ့။ စာအုပ်အဖုံးတို့ ပုံပြင်တို့ကိုဆွဲတာများတယ်။ သူ့ယောက်ျားကတော့ နာမည်ကျော် စာရေးဆရာ။ သူ့ယောက်ျားစာအုပ်တွေကိုလည်း သူပဲ သရုပ်ဖော်ပုံဆွဲတာ။ သူတို့လင်ယောက်ျားနှစ်ယောက် ပျော်ပျော်ရွှင်ရွှင်နဲ့ပဲ နေလာခဲ့တာကြာပြီ။ သူတို့အိမ်လေးကလည်း ပါတီတွေ သူငယ်ချင်းတွေနဲ့သာယာနေခဲ့တယ်။ ဒီလိုနဲ့ အပျော်တွေမကုန်ခင် တစ်နေ့မှာ သူ့ယောက်ျားဆုံးသွားတယ်။ ဘဝမှာ သူ့ယောက်ျားကိုပဲကြည့်ရင်း နေလာခဲ့တဲ့လူတစ်ယောက်ဟာ သူ့ယောက်ျားမရှိတော့တဲ့နောက် သူ့ယောက်ျားနဲ့အတူနေခဲ့တဲ့ အိမ်ကြီးထဲ တစ်ကိုယ်တည်း ရှင်သန်ရဖို့ဖြစ်လာတယ်။ သူ့သူငယ်ချင်းတွေက သူတို့ဘဝရဲ့ တစ်နှစ်တာအချိန်ကို အကုန်ခံပြီး သူ့ကိုအားပေးဖို့ သူနဲ့အတူလာနေပေးကြတယ်။ တစ်နှစ်ပြည့်ပြီးတဲ့နောက် သူ့ယောက်ျားချန်ထားခဲ့တဲ့စာကို ဖောက်ဖတ်ဖို့ သတ္တိရှိလာတဲ့အချိန် ဒီစာဟာ သူ့ဘဝကို ဘယ်လိုရိုက်ခတ်သွားခဲ့သလဲ... သူ့သူငယ်ချင်းတွေနဲ့သူ့ဆက်ဆံရေးက ဘာဖြစ်သွားမလဲ... ကျွန်တော်တို့မြင်ရလိမ့်မယ်။ ဆိုခဲ့သလို ဒီရုပ်ရှင်ဟာ အချစ်အကြောင်းကနေ သူငယ်ချင်းတွေအကြောင်းဖြစ်သွားတဲ့ရုပ်ရှင်ပါပဲ။ ခင်မင်မှုရဲ့ ခွင့်လွှတ်ခြင်း လှပခြင်းတွေကို တစိမ့်စိမ့်ကြည့်ရလိမ့်မယ်။ ဒီလိုကားမျိုးတွေက သရုပ်ဆောင်ကောင်းရင်ကောင်းသလောက် ပိုတာသွားတတ်သလို Dan Levy, Luke Evans, Emma Corrin, Passing (2021) ထဲက အဓိကဇာတ်ကောင်ဖြစ်ခဲ့တဲ့ မင်းသမီးဇာတ်ဆောင်အော်စကာဆု ဆန်ခါတင်ဖူးခဲ့တဲ့ Ruth Negga, Yesterday (2019)ထဲက မင်းသား Himesh Patel တို့လို သရုပ်ဆောင်ကောင်းတဲ့ ဆရာကြီးတွေချည်း သရုပ်ဆောင်ထားတာမို့ ကြည့်ရတာတော့ ရှယ်တန်မှာပါ။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size - 1.5GB, 665MB Quality - 1080p, 720p IMDb Rating - 6.4/10 Format - mp4 Duration - 1H 40Min Genre - Comedy, Drama, Romance Subtitle - Myanmar Subtitle (Hardsub) Translated by W Encoded by Y

Malevolent (2018) ဒီဇာတ်ကားလေးမှာ Florence Pugh ကို Marvel က Widow အနေနဲ့ မဟုတ်ပဲ ဝိညာဉ်ကြားခံအနေနဲ့ တွေ့ရမှာပါ။ အန်ဂျလာနဲ့ ဂျက်ဆင်တို့ မောင်နှမဟာ အမေဖြစ်သူ နတ်ဝင်သည် ဆုံးပြီးတဲ့နောက်မှာ ငွေကြေးအခက်အခဲတွေကြောင့် အန်ဂျလာဟာ သူမအမေလိုပဲ ဝိညာဉ်တွေကို မြင်နိုင်ကြားနိုင်တယ်လို့ သတင်းဖြန့်ပြီး ဝိညာဉ်ကြားခံအနေနဲ့ ပိုက်ဆံရှာနေကြပါတယ်။ အန်ဂျလာကတော့ ဝိညာဉ်တွေရဲ့ အငွေ့အသက်တွေကို ခံစားမိပေမဲ့ ဘာမှလုပ်နိုင်တာတော့ မဟုတ်ပါဘူး။ ဒါပေမဲ့ ဂျက်ဆင်က ပိုက်ဆံလိုတဲ့အတွက် သူ့ညီမကို အတင်းတိုက်တွန်းပြီး မိသားစုတွေကို ကလိမ်ကျနေတာပါ။ တစ်နေ့မှာတော့ ထူးဆန်းတဲ့အမျိုးသမီးတစ်ယောက်က သူမရဲ့အိမ်မှာ မိန်းမငယ်လေးတွေရဲ့ ရယ်သံတွေ ဆက်တိုက်ကြားနေရတဲ့အတွက် သူတို့မောင်နှမကို အပနှင်ပေးဖို့ ငှားခဲ့ပါတယ်။ ဒီတော့ တကယ်အပမနှင်နိုင်တဲ့ သူတို့မောင်နှမနှစ်ယောက်နဲ့ သူငယ်ချင်းတစ်အုပ် အဲဒီအိမ်ကို သွားတဲ့အခါ ဘာတွေကြုံတွေ့ရမလဲ၊ ဘယ်လိုရင်ဆိုင်ရမလဲဆိုတာကို စိတ်ဝင်စားဖွယ်ရာ ကြည့်ရှုရမှာ ဖြစ်ပါတယ်။

IMDb - 6.7/10 Rotten - 79% ဒီတစ်ခါတော့ CM ပရိတ်သတ်တွေအတွက် မိတ်ဆက်ပေးချင်တဲ့ ဇာတ်လမ်းကတော့ မကြာသေးခင်ကမှ ရုံတင်ပြသထားတဲ့ "Mamma Mia! Here we go again" ဆိုတဲ့ ဇာတ်လမ်းပဲဖြစ်ပါတယ်... ဒီဇာတ်လမ်းကတော့ 2008 တုန်းက ထွက်ခဲ့တဲ့ "Mamma Mia"ဇာတ်လမ်းပြီးနောက် ဒုတိယမြောက်ထွက်ရှိထားတဲ့ ဇာတ်လမ်းပဲဖြစ်ပါတယ်... 2008 ဇာတ်လမ်းကို ကြည့်ရှုပြီးသူများကတော့ ဒီဇာတ်လမ်းနဲ့ စိမ်းမယ်မထင်ပါဘူး.... အရင်ဇာတ်လမ်းရဲ့ သရုပ်ဆောင်တွေအပြင် ဇာတ်လိုက်မင်းသမီးရဲ့ ငယ်ဘဝနေရာ သရုပ်ဆောင်သူကလဲ CM ပရိတ်သတ်တွေနဲ့ မစိမ်းပါဘူး.. သူလေးကတော့ Cindrella ဇာတ်လမ်းထဲက မင်းသမီး "Lily James" ပဲဖြစ်ပါတယ်... ဇာတ်လမ်းက musical/comedy movie ဖြစ်တာကြောင့် တစ်ကားလုံး သီချင်းတွေ မြိုင်မြိုင်ဆိုင်ဆိုင် နားထောင်ရမှာပါ... ဒါကြောင့် ပေါ့ပေါ့ပါးပါးကြည့်ရှုနိုင်တဲ့ ဇာတ်လမ်းတစ်ပုဒ်ပါ... အညွှန်းဖတ်ရှုကြပါဦး... အညွှန်း- ရှေ့ဇာတ်လမ်း Mamma Mia အကြောင်းအရင်ပြောမှ ဇာတ်ရည်လည်မှာမို့ အကျဉ်းချုံးလေး ပြောပါရစေ... ဆိုဖီဆိုတဲ့ ကောင်မလေးဟာ မိခင်ဖြစ်သူ ဟိုတယ်ပိုင်ရှင် ဒိုနာနဲ့အတူ Kalokairi ဆိုတဲ့ ဂရိကျွန်းတစ်ကျွန်းမှာ နေထိုင်သူပါ... သူ့ရဲ့ ချစ်သူ စကိုင်းနဲ့ လက်ထပ်မဲ့ အချိန်မှာတော့ သူ့မှာ အခက်အခဲတစ်ခုရှိခဲ့ပါတယ်... ဒါကတော့ သူ့မင်္ဂလာပွဲမှာ သူ့လက်ကို ကိုင်ပေးမဲ့ ဖခင်မရှိတာပါ... တစ်နေ့ မိခင်ဒိုနာရဲ့ ဒိုင်ယာရီစာအုပ်ကို ဆိုဖီတစ်ယောက် ခိုးဖတ်ခဲ့ပါတယ်... ဒီစာအုပ်ထဲမှာ ဒိုနာဟာ ချစ်သူ ကောင်လေး သုံးယောက်နဲ့ သူ့ရဲ့ ချစ်ဇာတ်လမ်းအကြောင်း ရေးထားတာပါ... ဆိုဖီဟာ ဒီအကြောင်းတွေဖတ်ပြီး သူ့ရဲ့ ဖခင်ဖြစ်နိုင်တဲ့သူ သုံးယောက်ရှိတာ သိလိုက်ပါတယ်... ဆိုဖီဟာ သူ့မင်္ဂလာပွဲကို ဖခင်ဖြစ်နိုင်ချေရှိတဲ့ လူသုံးယောက်လုံးကို ဒိုနာမသိအောင် မင်္ဂလာဖိတ်စာပို့ပါတော့တယ်... ဒီသုံးယောက်ကတော့ အောင်မြင်တဲ့အင်ဂျင်နီယာတစ်ယောက်ဖြစ်နေတဲ့ ဆမ်ဘဏ်ပိုင်ရှင်တယောက်ဖြစ်နေတဲ့ ဟယ်ရီ ခရီးသွားစာရေးဆရာတယောက်ဖြစ်နေတဲ့ ဘေလ်တို့ပါ... ဒီသုံးယောက်ကို ဒိုနာမြင်တဲ့အချိန်မှာတော့ ပြဿနာတက်ခဲ့ပါတယ်... နောက်ဆုံးမှာတော့ ဒိုနာဟာ သူ့အကြွေရဆုံးသူ ဆမ်နဲ့ ပြန်အဆင်ပြေခဲ့ပါတယ်... ဒါကတော့ ရှေ့ဇာတ်လမ်း အကျဉ်းပေါ့... ဒုတိယပိုင်းမှာတော့ ဒိုနာဆုံးသွားပါပြီ.. ဒိုနာရဲ့ ဆန္ဒကတော့ ဂရိကျွန်းက သူ့ဟိုတယ်ကို အလှဆုံးဟိုတယ်လေးဖြစ်စေချင်တာပါ... ဆိုဖီဟာ မိခင်ရဲ့ ဆန္ဒကို ဖြည့်ဆည်းဖို့ ကြိုးစားခဲ့ပါတယ်... အရင်ဇာတ်လမ်းရဲ့ ဒိုင်ယာရီထဲဖတ်ခဲ့ရတဲ့ ဒိုနာရဲ့ ငယ်ချစ်ဇာတ်လမ်းအကြောင်းကို ဒီဇာတ်လမ်းထဲမှာ ရိုက်ကူးထားပါတယ်... ဒိုနာဟာ သူငယ်ချင်းတွေဖြစ်တဲ့ ရိုဆီ တန်ညာနဲ့ အတူ အောက်စဖို့တက္ကသိုလ်မှာ ဘွဲ့ရခဲ့ပါတယ်.. ဒိုနာဟာကျောင်းပြီးတော့ သူ့ရဲ့ အိပ်မက်အတိုင်း ကမ္ဘာပတ်ပြီး သူ့စိတ်ကူးထဲက နေရာလေးကို ရှာဖွေပါတော့တယ်.. ဒီကမ္ဘာပတ်ခရီးစဉ်အတွင်းမှာပဲ သူနဲ့ ချစ်ကြိုးသွယ်မဲ့ ဆမ် ဘေလ် ဟယ်ရီ တို့နဲ့ တွေ့ဆုံခဲ့တာပါ.... ဒိုနာရဲ့အချစ်ဆုံးသူကတော့ ဆမ်ပါ...ဒါပေမဲ့ ဆမ်က စေ့စပ်ပြီးသားသူတစ်ယောက်ပါ... ဒီလိုနဲ့ ဒိုနာဟာ သုံးယောက်လုံးနဲ့ မတွေ့ဖြစ်တော့ပါဘူး... ဒိုနာဟာ သုံးယောက်ထဲက ဘယ်သူနဲ့ ရမှန်းမသိတဲ့ ကိုယ်ဝန်ကို လွယ်ခဲ့ရပါတယ်... ဒိုနာဟာကိုယ်ဝန်ဆောင်ချိန်အတွင်း သမီးလေး ဆိုဖီကို မိခင်စိတ်အပြည့်နဲ့ တစ်ယောက်တည်း မွေးဖွားခဲ့ပါတယ်... ဆိုဖီဟာ စကိုင်းနဲ့ ကိုယ်ဝန်ရတဲ့အချိန်မှာတော့ မိခင်ရဲ့ မေတ္တာတွေကို နားလည်သွားပါတယ်.... မိခင်မရှိဘဲ ဆိုဖီတစ်ယောက် ဟိုတယ်ကို ဘယ်လိုအကောင်းဆုံးဖြစ်အောင် လုပ်မလဲ.... ဒိုနာငယ်စဉ်က ကိုယ့်အားကိုယ်ကိုးပြီး ဘဝကို ဘယ်လိုအကောင်းဆုံးဖြတ်သန်းခဲ့လဲ စတာတွေကို ကြည့်ရှုရမှာဖြစ်ပါတယ်... ဂရိကျွန်းမှာ ရိုက်ကူးထားတာကြောင့် သာယာတဲ့ရှုခင်းတွေကို အပြည့်အဝခံစားရမှာပါ... သီချင်းတွေနဲ့ ပေါ့ပေါ့ပါးပါးကြည့်ရှုရတဲ့ ဇာတ်လမ်းဆိုပေမဲ့ ပေါ့ပျက်ပျက်ဇာတ်လမ်းတစ်ပုဒ်တော့မဟုတ်ပါဘူး... CM ပရိတ်သတ်တို့ အားပေးကြည့်ရှုကြပါဦး (ဇာတ်လမ်းအညွှန်းနဲ့ဘာသာပြန်သူကတော့ မေသူစိုးပါ) File Size : (900 MB) Quality : WEB-DL 720p Running Time : 1hr 54min Format : Mp4 Genre : Comedy , Musical , Romance Subtitle : Myanmar Subtitle (Hard Sub) Source : 720p.WEB-DL.XviD.AC3-FGT Translated by May Thu Soe Encoded by Thanhtike Zaw

A Cure for Wellness (2016) IMDb Rating (6.4) ဒီရုပ်ရှင်ကားကတော့ စိတ်ကူးယဉ် ဟော်ရာကားတစ်ကားဖြစ်ပြီး Horror တွေထဲ တမူထူးဆန်းတဲ့ဇာတ်ကြောင်းတွေနဲ့ပါ။ ဇာတ်လမ်းကတော့.... ဆွစ်ဇာလန်နယ် အစွန်အဖျား နယ်မြေလေးတစ်ခုက ထူးဆန်းတဲ့ ဆေးကုသဆောင်တစ်ခုအကြောင်းပါပဲ။ အဲဒီနေရာဟာ ကြောက်စရာသမိုင်းကြောင်းတစ်ခုနဲ့အတူ မီးလောင်တိုက်သွင်းခံရပြီးမှ ပြန်လည်တည်ဆောက်ထားတဲ့ နေရာတစ်ခုပါ။ အဲဒီကို တကယ့် လူချမ်းသာတွေက စိတ်အပန်းဖြေကုသဖို့ လာရောက်တတ်ကြပါတယ်။ လူနာတွေဟာ ၁-၂ ပါတ် ခန့်သာ နေထိုင်ဖို့ရည်ရွယ်ပြီး လာရောက်ကြပေမယ့် အထဲကိုရောက်ပြီးတာနဲ့ ဘယ်သူမှ ပြန်မလာချင်ကြတော့ဘူး။ နယူးယောက် ရှယ်ယာကုမ္ပဏီကြီးတစ်ခုရဲ့ စီအီးအို တစ်ယောက်ဟာလည်း အဲဒီကို အပန်းဖြေသွားပြီး ပြန်မလာတော့တဲ့ အချိန်မှာ ကုမ္ပဏီသေရေးရှင်ရေး ကိစ္စကြုံလာလို့ ဝန်ထမ်းဖြစ်သူ လော့ခ်ဟက်ဟာ CEO ပမ်ဘရုတ်ကို မဖြစ်ဖြစ်တဲ့နည်းနဲ့ အဲဒီ ဆေးကုသဆောင်ထဲက ပြန်ခေါ်ထုတ်ဖို့ ဆုံးဖြတ်ပြီး အဲဒီကို လိုက်သွားခဲ့ပါတယ်။ ဒါပေမယ့် သူကိုယ်တိုင် အဲဒီထဲမှာ ထူးဆန်းတဲ့ ကုထုံးတွေနဲ့ လျို့ဝှက်ချက်တွေကြားမှာ နှစ်မြှပ်သွားပြီး ကျန်းမာခြင်းနဲ့ ဖျားနာခြင်း၊ စိတ်မှန်ခြင်းနဲ့ ရူးသွပ်ခြင်းကိုတောင် မခွဲခြားနိုင်တော့တဲ့အခါ......။ File size…(3 GB )/(1.4 GB) Quality….BluRay 1080p / 720p Format…mp4 Duration….02:26:33 Subtitle….Myanmar Subtitle (Hardsub) Encoder….Ka Naung Translated by Littleneo

Bridget Jones ရဲ့ တတိယမြောက်ကားဟာ ဒုတိယကားထွက်ပြီး ဆယ်နှစ်လောက်အကြာ ၂၀၁၆ ခုနှစ်မှာ ထွက်လာတာပါ။ ဒီတစ်ခါမှာ ဒယ်နီရယ်ဇာတ်ကောင် မပါလာတော့ဘဲ နောက်ထပ်အမျိုးသားဇာတ်ကောင်တစ်ယောက် ပါလာပါတယ်။ ဘရစ်ဂျစ်နဲ့ မာ့ခ်တို့ကလည်း သဘောထားမတိုက်ဆိုင်ကြတာကြောင့် လမ်းခွဲထားကြပြီ။ မာ့ခ်ဟာ တခြားတစ်ယောက်နဲ့ အိမ်ထောင်ပြုပြီး ကွာရှင်းထားသလို ဘရစ်ဂျစ်ကတော့ သူငယ်ချင်းတွေ မိသားစုကိုယ်စီနဲ့ ဖြစ်နေချိန်မှာ တစ်ကိုယ်တည်း အလုပ်ပဲလုပ်နေခဲ့ပါတယ်။ အလုပ်ကသူငယ်ချင်း တိုက်တွန်းလို့ ဂီတပွဲတစ်ခုကို သွားရင်း အမှတ်မထင်ဆုံတဲ့ အမျိုးသားတစ်ယောက်နဲ့ အတူအိပ်ဖြစ်သွားတယ်။ နောက်တော့ သူငယ်ချင်းရဲ့ကလေး ကင်ပွန်းတပ်ပွဲမှာ မာ့ခ်နဲ့အတူ ခေါင်းကိုင်မိဘတွေအဖြစ် ပါဝင်ရင်း သူတို့နှစ်ယောက်လည်း ပြန်အဆင်ပြေသွားပါတယ်။ ဒါပေမဲ့ သုံးခဲ့တဲ့ အကာအကွယ်ပစ္စည်းတွေက သက်တမ်းလွန်နေတဲ့အတွက် ဘရစ်ဂျစ်မှာ ကိုယ်ဝန်ရှိလာပြီး ကလေးရဲ့ဖခင်က ဘယ်သူလဲဆိုတာ မသိတော့ဘူး။ ဂီတပွဲမှာဆုံခဲ့တဲ့ အမျိုးသားကလည်း မီလီယံနာသူဌေးတစ်ယောက် ဖြစ်နေပါတယ်။ ကိုယ်ဝန်အကြောင်း သိသွားကြတဲ့အခါ နှစ်ယောက်လုံးက ဘရစ်ဂျစ်နဲ့ ကလေးကို အပြိုင်ဂရုစိုက်လာကြတယ်။ မာ့ခ်ကတော့ အလုပ်များလို့ ဘရစ်ဂျစ်လိုအပ်တဲ့အချိန် မရောက်လာနိုင်တာတွေရှိပြီး ကတောက်ကဆ ဖြစ်ရပြန်ပါတယ်။ DNA စစ်တဲ့အခါ ကလေးရဲ့ဖခင်က ဘယ်သူဖြစ်နေမလဲ၊ ဘရစ်ဂျစ်ကရော ဘယ်သူ့ကိုရွေးမလဲ၊ သူချစ်တဲ့သူနဲ့ ကလေးရဲ့ဖခင်က တစ်ယောက်တည်းဖြစ်နေမလားဆိုတဲ့ မေးခွန်းတွေကြားမှာ ဟာသအလွဲတွေပါ တွဲပါလာတယ်။ အဆိုတော် Ed Sheeran လည်း ဧည့်သည်သရုပ်ဆောင်အဖြစ် ပါဝင်ထားပါတယ်။

ပေါ့ပေါ့ပါးပါးနဲ့ မိသားစုလိုက်ထိုင်ကြည့်ပြီး ခွီးလို့ရမယ့် ၂၀၁၄ ခုနှစ်ထွက် ဗြိတိသျှ black comedy- drama ဇာတ်ကားလေးတစ်ကား တင်ဆက်ပေးလိုက်ပါတယ်။ Outnumbered ဆိုတဲ့ BBC Show တစ်ခုကို အတုခိုးပြီး ရိုက်ကူးထားတဲ့ဇာတ်လမ်းလေးဖြစ်ပါတယ်။ Doctor Who (2005) မှာပါဝင်တဲ့ David Tennant နဲ့ Jack Reacher (2012)၊ Die another day (2002) စတဲ့နာမည်ကြီးဇာတ်ကားတွေမှာ ပါဝင်တဲ့ မင်းသမီးချော Rosamund Pike တို့ခေါင်းဆောင်ပါဝင်ထားပြီး Billy Connolly၊ Ben Miller၊ Lewis Davie၊ Celia Imrie၊ Amelia Bullmore စတဲ့သရုပ်ဆောင်တွေလည်း ပါဝင်အားဖြည့်ပေးထားပါတယ်။ Andy Hamilton နဲ့ Guy Jenkin တို့ကပူးတွဲရိုက်ကူးထားပြီး BBC Films၊ Creative Scotland စတဲ့ကုမ္ပဏီများကထုတ်လုပ်ထားပြီး UK၊ US နိုင်ငံတွေမှာ Lionsgate ကဖြန့်ဖြူးပေးထားပါတယ်။ ကုန်ကျစရိတ် ပေါင် ၃.၅ သန်းဝန်းကျင် ဘတ်ဂျက်သုံးစွဲထားပြီး Box Office မှာတင် ဒေါ်လာ ၁၀.၇ သန်း ပြန်ရတာဖြစ်လို့ တွက်ချေကိုက်ခဲ့တဲ့ ဇာတ်ကားဖြစ်ပါတယ်။ ဇာတ်လမ်းကတော့ ကင်ဆာရောဂါနဲ့ကွယ်လွန်ခါနီး ဖခင်ကြီးဖြစ်သူ ဂေါ်ဒီမက်ကလောက်ရဲ့ဆန္ဒအရ သားငယ်ဖြစ်သူ ဒေါက်မက်ကလောက်နဲ့ ချွေးမဖြစ်သူ အဘီတို့ဟာ ကလေးဘုစုခရုသုံးကောင်ကို လက်ဆွဲပြီး လန်ဒန်ကနေ စကော့တလန်ကို လာတွေ့တဲ့အကြောင်းပါ။ ဘဝနေဝင်ချိန်ရောက်နေတဲ့ ဖခင်ကြီးအတွက် အစ်ကိုကြီးဖြစ်သူ ဂယ်ဗင်မက်ကလောက်က ခမ်းခမ်းနားနား ပါတီကြီးတစ်ခုကျင်းပပေးဖို့ စီစဥ်ရင်း ညီဖြစ်သူတို့မိသားစုကိုပါ အဖေဖြစ်သူနဲ့ တွေ့ရအောင် စီစဥ်လိုက်တာပါ။ အမှန်တော့ ညီတော်မောင်လင်မယားက ကလေးသုံးယောက်ရပြီးကာမှ ယောကျ်ားဖြစ်သူရဲ့ဖောက်ပြန်မှုကြောင့် လင်မယားနှစ်ယောက် အိမ်ခွဲနေကြရင်း ကွာရှင်းဖို့အထိ အခြေအနေတွေဖြစ်နေကြတာပါ။ ကလေးသုံးယောက်ကလည်း တကယ့်ကိုမိမနိုင်၊ဖမနိုင် မျောက်လောင်းလေးတွေဖြစ်ကြပြီး အမှန်တော့ ဇာတ်လမ်းတစ်ခုလုံးဟာလည်း ကလေးသုံးယောက်မွှေသမျှကို ကျောရိုးတည်ထားတင်ပြထားသလို ဖြစ်နေတာပါ။ ဘဝနေဝင်ချိန်ရောက်နေတဲ့ ဖခင်ကြီးစိတ်မချမ်းမသာမဖြစ်ရစေဖို့ ကလေးတွေကို သူတို့အတူမနေကြောင်းအဘိုးကို သွားမပြောဖို့ ဖခင်ဖြစ်သူ ဒေါက်က စည်းရုံးရာကနေ မအောင်မမြင်ဖြစ်ပြီး တလွဲတွေတောက်လျှောက်ဖြစ်ပါတယ်။ လွဲချက်လက်လွန်ပြီး အဘိုးဖြစ်သူခမျာ မျောက်လောင်းသုံးကောင်မွှေတဲ့ဒဏ်နဲ့ သူ့အတွက်စီစဥ်ပေးတဲ့ ပါတီကိုပါ မတက်လိုက်ရတဲ့အထိ အလွဲလွဲအချော်ချော်တွေချည့်ဖြစ်ကြပုံကို တစ်ကားလုံးခွီးရင်း ကြည့်ကြရမှာပဲဖြစ်ပါတယ်။ မိသားစုဝင်များကြား၊ လင်မယားနဲ့ သားသမီးမိဘကြား ဖြစ်တတ်တဲ့စိတ်သဘောထားမတိုက်ဆိုင်မှုတွေ၊ လွဲချော်မှုတွေအကြောင်း ဟာသနှောတင်ပြရင်း ဘဝမှာထားသင့်ထားအပ်တဲ့ စိတ်ထားမျိုး၊ ရှင်သန်မှုပုံစံမျိုးကိုလည်း တစ်စွန်းတစ်စလှစ်ဟပြသထားတဲ့ ဇာတ်ကားကောင်းလေးတစ်ကား ဖြစ်ပါတယ်။ ဝေဖန်ရေးပိုင်းမှာလည်း IMDb rating 6.9 နဲ့ Rotten Tomatoes လည်း 75% ရထားတာဖြစ်လို့ ဆက်ဆက်ကြည့်ရှုကြဖို့ လက်တို့လိုက်ရပါတယ်။ File size…(1.7 GB)/(1 GB) Quality….Webrip 1080p / 720p Format…mp4 Duration….01:35:00 Genre... Comedy, Drama Subtitle….Myanmar Subtitle (Hardsub) Encoder….Garfield Translated by Ninja

Imagine Me & You (2005) IMDb – 6.7/10 Genre - Comdey, Drama, Romance GOT စီးရီးမှာ ဆာဆီ လန်နစ္စတာ အဖြစ်သရုပ်ဆောင်ခဲ့တဲ့ မင်းသမီး Lena Headey၊ Watchmen နဲ့ The Imitation Game မင်းသား Matthew Goode နဲ့ မင်းသမီး Piper Perabo တို့ ပါဝင်သရုပ်ဆောင်ထားတဲ့ အချစ်ဟာသရုပ်ရှင်ကားလေးကိုတင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ ရေချယ်က သူနဲ့အချိန်ကြာတွဲနေတဲ့ ကောင်လေးဖြစ်သူ ဟက်တာနဲ့ လက်ထပ်တော့မှာပါ။ ဒါပေမဲ့ လက်ထပ်ပွဲနေ့မှာ ပန်းအလှဆင်ပေးတဲ့ လုစ်နဲ့ တွေ့မိသွားပြီးချစ်မိသွားခဲ့ပါတယ်။ လက်ထပ်ပွဲပြီးနောက်မှာလည်း လုစ်ကို ညစာလာစားဖို့ခေါ်ရင်း သူ့ရဲ့ခံစားချက်တွေက စစ်မှန်မှန်း ပိုသိသာလာခဲ့ပါတယ်။ ဒါပေမဲ့လည်း သူ့ရဲ့ ယောင်္ကျားဖြစ်သူ ဟက်တာကိုလည်း မထားခဲ့နိုင် ၊ သူ့ရဲ့ခံစားချက်တွေကိုလည်း ဖုံးကွယ်ထားရင်းနဲ့ အိမ်ထောင်ရေးမပြေလည်မှုတွေလည်း ဖြစ်လာပြီးနောက်မှာတော့ ရေချယ်တစ်ယောက် သူ့ရဲ့နှလုံးသားနောက်ကို လိုက်မလားဆိုတာ ဆက်လက်ကြည့်ရှုလိုက်ကြပါဦး။ File size…    2.3 GB /  957 MB Quality… WEB-DL 1080p / 720p Format… mp4 Duration…. 1h 30m Genre ..... Comedy/Drama/Romance Subtitle…. Myanmar Subtitle (Hard Sub) Encoder…. LegoHeart Translated by TMMT

Nanny McPhee(2005) ဇာတ်လမ်းအစမှာ ပြောခဲ့သလိုပဲ "ကျွန်တော်တို့ရဲ့ ဇာတ်လမ်းကို ဝမ်းနည်းဖို့ကောင်းအောင်. ထိုင်ခုံအလွတ်တစ်လုံးနဲ့. စတင်ရလိမ့်မယ်. တကယ်လို့ အဲဒီ့ခုံက လွတ်မနေခဲ့ဘူးဆိုရင် ကျွန်တော်တို့မှာ ပြောစရာဇာတ်လမ်းရှိမှာမဟုတ်ပါဘူး." ဇနီးသည် ဆုံးပါးသွားတဲ့နောက် မစ္စတာဘရောင်းဟာ မိခင်ရဲ့စောင့်ရှောက်မှုလိုအပ်နေတဲ့ ကလေးခုနှစ်ယောက်ကို ကြည့်ရှုဖို့ ကလေးထိန်း (နာနီ)ကို ငှားရမ်းဖို့ ဆုံးဖြတ်ခဲ့ပါတယ်။ သို့ပေမယ့် အလုပ်အရမ်းများတဲ့ ဖခင်ရဲ့ အာရုံစိုက်မှု၊ ဂရုစိုက်မှု၊ မေတ္တာတွေကို တောင့်တနေတဲ့ ကလေးတစ်စုဟာ သူတို့ရဲ့မကျေနပ်ချက်တွေကို ငှားရမ်းထားတဲ့ နာနီများအပေါ် ပုံချပြီး ပညာပေးမောင်းထုတ်ခဲ့တာ (၁၇)ယောက် တိုင်ခဲ့ပါတယ်။ မိခင်ရဲ့ မေတ္တာကိုလည်း လွမ်းဆွတ်၊ ဖခင်ရဲ့ ဂရုစိုက်မှုတွေကိုလည်း တောင့်တရင်းနဲ့ အလိုမကျတဲ့ စိတ်များစွာနဲ့ ဆိုးသွမ်းနေတဲ့ ကလေးတစ်သိုက် အများအမြင်မှာ ဆိုးသွမ်းနေတဲ့ ကလေးတွေ အပေါ် စာနာနားလည်ပြီး မေတ္တာအပြည့်အဝ ထားပေးနိုင်တဲ့ အိမ်စေလေးအီဗန်ဂျလင်းအဒေါ်ဖြစ်သူရဲ့ နောက်အိမ်ထောင်ပြုဖို့ တိုက်တွန်းချက်တွေကြောင့် ကလေးတွေရဲ့ ရှေ့ရေးအတွက် ဒိမိသားစုလေးမပြိုကွဲဖို့ ဗျာများနေရတဲ့ မုဆိုးဖို မစ္စတာဘရောင်း ဒီမိသားစုရဲ့ ပြဿနာတွေကို ဖြေရှင်းပေးနိုင်ဖို့ကတော့ ဆန်းကြယ်မှု (Miracle) တစ်ခု လိုအပ်နေပါတယ်။ ဘယ်လိုဆန်းကြယ်မှုကများ ဒီမိသားစုရဲ့ အခက်အခဲတွေကို ဖြေရှင်းပေးသွားမယ်ဆိုတာကို CM ကနေ ပရိသတ်များရှုစားနိုင်ဖို့ တင်ဆက်ပေးလိုက်ပါတယ်။ File size…2.04GB / 999MB Quality…Blu-Ray 1080p 5.1CH  / 720p Format…mp4 Duration….1h 37m Genre ..... Comedy , Family , Fantasy Subtitle….Myanmar Subtitle (Hard Sub) Encoder….Min Wai Translated by Sai Sumali

Bridget Jones: The Edge of Reason (2004) ဒီကားကတော့ 2001 ခုနှစ်ကထွက်ခဲ့တဲ့ Bridget Jones's Diary ရဲ့ အဆက်ပါ။ ဘရစ်ဂျစ် တို့နှစ်ဦးချစ်သူဖြစ်ပြီးနောက်ပိုင်းကို ဆက်လက်ရိုက်ကူးထားတာပါ။ ဘရစ်ဂျစ်ဟာ သူ့ချစ်သူမာ့ခ်ရဲ့ အထက်တန်းလွှာ အသိုင်းအဝိုင်းမှာ ၀င်ဆံ့ဖို့ကြိုးစားရင်း ကြားထဲမှာ ချစ်သူကို လုပ်ဖော်ကိုင်ဖက်ရှေ့နေမလေးနဲ့ ဖောက်ပြန်နေလား‌ဆိုတာ သံသယ၀င်စရာကိစ္စတွေ တစ်ခုပြီးတစ်ခုဖြစ်လာပါတယ်။ မာ့ခ်က သံသယတွေကိုမဖြေရှင်းတဲ့အခါမှာ ဘရစ်ဂျစ်ကစိတ်ဆိုးပြီး လမ်းခွဲလိုက်ပါတယ်။ အဲ့နောက်မှာအရင်ရည်းစားဟောင်း ဒယ်နီရယ်နဲ့ Program ရိုက်ကူးဖို့ ထိုင်းကို သူငယ်ချင်းခေါ်ပြီးလိုက်သွားပါတယ်။ ထိုင်းမှာ ဘရစ်ဂျစ်သူငယ်ချင်းက အသက်ငယ်ငယ်ကောင်လေးနဲ့ တွေ့ပြီးတွဲခုတ်နေပါတယ်။ ဒယ်နီရယ်ကလည်း ရည်းစားနဲ့ကွဲလို့‌ တွေဝေနေတဲ့ဘရစ်ဂျစ်ကိုပြန်ရဖို့ ပြန်ကပ်နေပါတယ်။ ဒါပေမဲ့ ဒယ်နီရယ်ရဲ့ မိန်းမရှုပ်ပွေတဲ့အကျင့်ကြောင့် ဘရစ်ဂျစ်က ပြန်လက်မခံခဲ့ပါဘူး။ ထိုင်းကနေ သူငယ်ချင်းခေါ်ပြီးပြန်လာတဲ့အခါမှာ လေဆိပ်မှာ သူငယ်ချင်းရဲ့ပစ္စည်းကိုသယ်ပေးတဲ့ ဘရစ်ဂျစ်က ကိုကိန်းသယ်ဆောင်မှုနဲ့ ဖမ်းစစ်ဆေးခံရပါတော့တယ်။ ထိုင်းက အကျဉ်းထောင်ထဲမှာနေရင်း ဘရစ်ဂျစ်ကသူ့ကိုလွှတ်ပေးမယ့်လူကိုစောင့်မျှော်နေပါတယ်။ မထင်ထားစရာဘဲ ဘရစ်ဂျစ်ဆီရောက်လာသူကတော့ မာ့ခ်ပါ။ မာ့ခ်က ဘရစ်ဂျစ်လွတ်အောင်ကူညီတာကိုတော့ အမှန်အတိုင်းမပြောခဲ့ပါဘူး။ သူငယ်ချင်းတွေပြောပြလို့ အမှန်အတိုင်းသိလိုက်ရတဲ့အခါ ဘရစ်ဂျစ်တို့ ချစ်သူနှစ်ဦး ပြန်လည်အဆင်ပြေပြီး ပျော်ရွှင်စရာအဆုံးသတ်ဖြစ်မလား... ဘရစ်ဂျစ်အထင်လွဲနေတဲ့ရှေ့နေမလေးရဲ့ တကယ့်ချစ်သူကရော ဘယ်သူလဲဆိုတာ လှည့်ကွက်လေးတွေနဲ့ ကြည်ကြည်နူးနူး ကြည့်ရမယ့် ဇာတ်လမ်းတစ်ပုဒ်ဖြစ်ပါတယ်။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 2GB, 960MB Quality - 1080p, 720p IMDb Rating - 6/10 Format - mp4 Duration - 1H 48Min Genre - Comedy, Drama, Romance Subtitle - Myanmar Subtitle (Hardsub) Translated by Shune Lai KK Encoded by Y

သမိုင်းဝင် ဇာတ်လမ်းကောင်းတွေနဲ့ အတ္ထုပ္ပတ္တိ ရုပ်ရှင်တွေကို နှစ်သက်တဲ့ ပရိသတ်ကြီးအတွက် ဒီနေ့တော့ HBO နဲ့ BBC တို့ ပူးပေါင်းထုတ်လုပ်ထားတဲ့ ဂန္ထဝင်မြောက် တီဗီရုပ်ရှင် "The Gathering Storm (၂၀၀၂)" ကို Review လုပ်ပေးချင်ပါတယ်။ ဗြိတိန်ဝန်ကြီးချုပ်ဟောင်း ဝင်စတန် ချာချီ ရဲ့ ဒုတိယကမ္ဘာစစ် မတိုင်ခင်ကာလ ဖြတ်သန်းမှုတွေကို အကောင်းဆုံး ပုံဖော်ထားတဲ့ ဇာတ်ကားဖြစ်ပါတယ်။ ဇာတ်လမ်းဟာ ၁၉၃၄ ခုနှစ်ကနေ ၁၉၃၉ ခုနှစ် ကြားကာလ ဒုတိယကမ္ဘာစစ် မစတင်မီ အချိန် ကို အခြေခံထားပါတယ်။ ဒီအချိန်ဟာ ဝင်စတန် ချာချီ ရဲ့ နိုင်ငံရေးဘဝမှာ ရာထူးအာဏာမရှိဘဲ ဖယ်ကြဉ်ခံထားရတဲ့ "Wilderness Years" (တောတောင်ထဲ လမ်းပျောက်နေတဲ့ နှစ်များ) လို့ တင်စားခေါ်ဝေါ်ကြတဲ့ အချိန်ပါ။ ဂျာမနီမှာ ဟစ်တလာ အာဏာရလာပြီး စစ်ရေးပြင်ဆင်မှုတွေ လုပ်နေတာကို ချာချီ တစ်ယောက်တည်းက ကြိုတင်မြင်တွေ့ပြီး သတိပေးနေပေမယ့်၊ ဗြိတိန်အစိုးရနဲ့ ပြည်သူတွေကတော့ စစ်ကိုမလိုလားတာကြောင့် သူ့ရဲ့စကားတွေကို လျစ်လျူရှုထားကြပါတယ်။ တစ်ဖက်မှာလည်း ချာချီဟာ ဝင်ငွေနည်းပါးမှုကြောင့် ကြုံတွေ့လာရတဲ့ ငွေကြေးအခက်အခဲ၊ စိတ်ဓာတ်ကျဆင်းမှု တွေနဲ့ ဇနီးဖြစ်သူ ကလီမန်တိုင်း (Clementine - သရုပ်ဆောင် Vanessa Redgrave) နဲ့ကြားက အိမ်ထောင်ရေး ပြဿနာတွေကို ဘယ်လို ကြံ့ကြံ့ခံ ရင်ဆိုင်ခဲ့ရလဲ ဆိုတာကို ရိုက်ကူးတင်ဆက်ထားတာပါ။ မင်းသားကြီး Albert Finney ဟာ ဝင်စတန် ချာချီ အဖြစ် အကောင်းဆုံး အသက်သွင်းနိုင်ခဲ့ပါတယ်။ ချာချီရဲ့ အသံထွက်၊ လမ်းလျှောက်ပုံကအစ သူ့ရဲ့ ဒေါသတကြီး ဖြစ်တတ်တဲ့ စရိုက်၊ ဒါပေမယ့် နိုင်ငံအပေါ် ချစ်မြတ်နိုးတဲ့ စိတ်ဓာတ်တွေကို ပီပြင်စွာ သရုပ်ဆောင်ထားလို့ ဒီဇာတ်ကားနဲ့ Emmy ဆုရော၊ Golden Globe ဆုကိုပါ ထိုက်ထိုက်တန်တန် ရရှိခဲ့ပါတယ်။ ဇနီးဖြစ်သူ နေရာက သရုပ်ဆောင်တဲ့ Vanessa Redgrave ရဲ့ သည်းခံမှုနဲ့ ခွန်အားကို ပြသသွားတဲ့ သရုပ်ဆောင်မှုတွေကလည်း ဇာတ်ကားရဲ့ အသက်ပါပဲ။ သမိုင်းဝင် နိုင်ငံရေးဇာတ်ကား ဆိုပေမယ့် ပျင်းစရာကောင်းမနေပါဘူး။ အစိုးရရဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားရတဲ့ နိုင်ငံရေး အားပြိုင်မှုတွေကို ပြသထားသလို၊ ကြီးမြတ်တဲ့ ခေါင်းဆောင်တစ်ယောက်ရဲ့ နောက်ကွယ်မှာ အခက်အခဲတွေကို အတူတူ ဖြတ်သန်းပေးခဲ့တဲ့ ဇနီးသည်တစ်ယောက်ရဲ့ အခန်းကဏ္ဍကို အချိုးကျကျ ပေါင်းစပ်တင်ဆက်ထားပါတယ်။ "The Gathering Storm" ဟာ သေနတ်ပစ်ခတ်တဲ့ တိုက်ပွဲတွေ မပါဝင်ပေမယ့်၊ စစ်ပွဲမတိုင်မီ နိုင်ငံရေး တိုက်ပွဲနဲ့ စိတ်ပိုင်းဆိုင်ရာ တိုက်ပွဲတွေကို စိတ်ဝင်စားဖွယ် ရိုက်ကူးထားတဲ့ ဇာတ်ကားကောင်း တစ်ကားဖြစ်ပါတယ်။ ဒုတိယကမ္ဘာစစ် နောက်ခံဇာတ်ကားတွေကို သဘောကျသူတွေနဲ့ ခေါင်းဆောင်မှု၊ နိုင်ငံရေးသမိုင်းကြောင်းတွေကို စိတ်ဝင်စားသူတွေအတွက် အချိန်ပေးကြည့်ရှုသင့်တဲ့ လက်ရာတစ်ခု ဖြစ်ပါတယ်။ File size… 2.13 GB / 1 GB Quality… Blu-ray 1080p / 720p Format… mp4 Duration…. 1h 36m Genre ..... Biography, Drama, History Subtitle…. Myanmar Subtitle (Hard Sub)

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Star Wars: Episode I - The Phantom Menace (1999) ဇာတ်လမ်းအကျဉ်းကတော့ ဂြိုလ်တွေပေါင်းစည်းပြီး ဖွဲ့စည်းထားတဲ့ ရီပတ်ဘလစ်ကြီးမှာ နိုင်ငံရေးတွေ ရှုပ်ထွေးနေချိန် ကုန်သွယ်ရေးအဖွဲ့ကြီးက နဘူးဆိုတို့ ဂြိုလ်ငယ်လေးကို ပိတ်ဆို့ပြီး သိမ်းပိုက်လိုက်ပါတယ်။ အဲဒီအရေးကို ဖြေရှင်းဖို့ စကြာဝဠာရဲ့ ငြိမ်းချမ်းရေးထိန်းသိမ်းသူတွေ Jedi သူရဲကောင်း ၂ ယောက်ကို စေလွှတ်ခံလိုက်ရပါတယ်။ Jedi ဆိုတာ စကြာဝဠာထဲမှာရှိတဲ့ Force လို့ ခေါ်တဲ့ စွမ်းအင်တစ်မျိုးကို အသုံးချနိုင်ပြီး အလင်းဓားတွေကိုင်ဆောင်တဲ့ သူရဲကောင်းအဖွဲ့ပါ။ ဒါပေမယ့် သူတို့ဖြေရှင်းရတဲ့ ပြသနာနောက်ကွယ်မှာ Force ကို မကောင်းတဲ့နည်း အမုန်းတရားကို အခြေပြုပြီးသုံးတဲ့ Anti-Jedi မျိုးတွေဖြစ်တဲ့ Sith တွေ ပါဝင်နေတာကို သိလိုက်တဲ့အခါ........။ ဒီဇာတ်ကားမှာ အဓိကအချက်တွေကတော့ ကမ္ဘာ့နာမည်အကြီးဆုံး ဗီလိန်တွေထဲက တစ်ယောက်ဖြစ်တဲ့ Darth Vader ရဲ့ မူလ အစကို တွေ့မြင်ရမှာ ဖြစ်ပြီး စတားဝါး Light Saber Fight အလင်းဓားတိုက်ပွဲတွေထဲမှာ အကောင်းဆုံးပါလို့ ပြောကြတဲ့ အိုဘီဝန် နဲ့ ဒါ့သ်မောတို့ရဲ့ တိုက်ပွဲကိုလည်း လက်လွှတ်မခံသင့်ပါဘူး။ ဟာသအနေနဲ့ပြောရရင် မင်းသားကြီး Liam Neeson ကို ရှားရှားပါးပါးသတ်နိုင်တဲ့ ဗီလိန် အဖြစ်လဲ တွေ့ရမှာပါ။ ကြည့်ပြီးသားလူတွေအတွက်တော့ ပိုနားလည်ပြီး နောက်တစ်ခေါက်ခံစားမိရုံပဲဖြစ်ပြီး မကြည့်ဖူးသေးတဲ့သူတွေ ဒီဇာတ်လမ်းကို တွေ့ခဲ့ရင်တော့ ကံကောင်းစွာနဲ့ပဲ ဆက်တိုက်ကြည့်ရှုနိုင်တော့မှာဖြစ်ပါတယ်။ ဒီဇာတ်လမ်းတွေထဲမှာ Jedi နဲ့ Sith တွေကို မူရင်းအတိုင်းသုံးပြီး Force ကို စွမ်းအင်လို့ပဲ ဘာသာပြန်ပေးလိုက်ပါတယ်။ May the force be with you ဆိုတဲ့ စကားစုကိုတော့ မြန်မာမှုပြုပြီး highlight လေးနဲ့ မပျက်စီးအောင်ထိန်းသိမ်းပေးလိုက်ပါတယ်ဗျာ။ File size…(8.5 GB)/(2.8 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:11:00 Subtitle….Myanmar Subtitle (Hardsub) Encoder….Ka Naung Translated by Little Neo

ဆယ်နှစ်သားလေး ပီးတ်တို့မိသားစုဟာ လက်ရှိနေထိုင်နေတဲ့ အိမ်ကြီးကို အမွေရထားကြပေမယ့် သေတမ်းစာမရှိတာကြောင့် အိမ်ကို လက်လွှတ်ရတော့မယ့် အခြေအနေ ရောက်နေပါတယ်။ အိမ်ကို လွှဲပေးရမယ့် ရှေ့နေကလည်း အိမ်ကြီးကို ဖြိုချဖို့ စိတ်ကူးထားသူပါ။ တစ်ဖက်မှာတော့ အိမ်ထဲက ပစ္စည်းအသေးလေးတွေ မကြာခဏ ပျောက်နေလို့ ပီးတ်က ဘယ်သူ့လက်ချက်လဲဆိုတာ သိဖို့ ကြိုးစားနေတယ်။ ဘယ်လောက်စောင့်ဖမ်းဖမ်း မမိခဲ့ပေမယ့် တစ်နေ့မှာတော့ မထင်မှတ်ဘဲ လက်သည်ကို တွေ့သွားပါတယ်။ ပစ္စည်းတွေ ယူနေသူတွေက ဘော်ရိုရာလို့ခေါ်တဲ့ လူသားသေးသေးလေးတွေ ဖြစ်နေတာကြောင့် ပီးတ်လည်း အံ့ဩသွားရတယ်။ သူတို့ကလည်း ဒီအိမ်ကြီးထဲမှာပဲ နေနေကြတာပါ။ အိမ်ကနေ မကြာခင် ဆင်းပေးရတော့မယ့် ပီးတ်နဲ့ ဘော်ရိုရာလေးတွေဟာ အိမ်ကို မဆုံးရှုံးရအောင် အတူကြိုးစားကြရပါတယ်။ ဒီအချိန်မှာ သေတမ်းစာမရှိဘူးလို့ ပြောထားတဲ့ ရှေ့နေဆီမှာပဲ သေတမ်းစာရှိနေမှန်း သိလာကြတယ်။ အဲဒီစာကို ပြန်ရဖို့ ကြိုးစားရင်း ဘယ်လိုအသက်အန္တရာယ်တွေနဲ့ ကြုံရမလဲ။ ဉာဏ်ကောင်းပေမယ့် ကိုယ်လုံးသေးသေးလေးပဲရှိတဲ့ ဘော်ရိုရာတွေက ကောက်ကျစ်တဲ့ရှေ့နေကို အနိုင်ယူနိုင်ပါ့မလား၊ အိမ်ကို ဖြိုချမယ့်အရေးကိုရော ဝိုင်းကာကွယ်နိုင်ကြမလား။ ၁၉၉၇ ခုနှစ်ထွက် စိတ်ကူးယဉ်ဟာသကားဖြစ်ပြီး လူသေးသေးလေးတွေရဲ့ စွန့်စားခန်းတွေကို မိသားစုနဲ့အတူ ကြည့်နိုင်ပါတယ်။

Highlander 1986 ဇာတ်ကားကတော့ စိတ်ကူးယဥ် Fantasy ကားပါ။ စကော့နလန်ဓားသမားတစ်ယောက်ဟာ သူ့ကိုယ်သူ မသေမျိုးဖြစ်နေမှန်းသိလာခဲ့ပါတယ်။ သူတို့လိုမသေမျိုးတွေဟာ နောက်ဆုံးတစ်ယောက်ပဲ ရှင်ကျန်ရစ်တဲ့အထိ တိုက်ခိုက်ရတာမျိုး ပါ။ လူတွေက မသေချင်ကြပါဘူး။ ဒါပေမယ့် ကော်နာမက်ခလောက်စ် တစ်ဖြစ်လဲ နက်ရှ်ကတော့ အသက်ရှင်နေရတာကို ငြီးငွေ့လို့နေပါ တယ်။ သူချစ်ရတဲ့ အမျိုးသမီးတွေဟာ သေမျိုးဖြစ်နေတော့ တစ် ယောက်တည်း ရှင်ကျန်ရစ်ခဲ့ရတာမျိုးပါပဲ။ ချစ်ခြင်း ၊ တိုက်ခိုက်ခြင်း၊ ရှင်သန်ရခြင်းတွေနဲ့တွဲဖက်ရိုက်ထားတာပါ။ ဒါရိုက်တာ Russell Mulcahy က ရိုက်ကူးထားတာဖြစ်ပြီး ဆုအတွက် နှစ်ကြိမ်တောင် တင်သွင်းခံရပါတယ်။ IMDB rating 7.0 ရရှိထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thy Santa ဖြစ်ပါတယ်) File Size..........(2.5 GB) / (1.0 GB) Quality............WEB-DL 1080p / 720p Duration.........1Hr 56Min Subtitle...........Myanmar Hardsub Format............MP4 Genre..............Action, Adventure, Fantasy Translator.......Thy Santa Encoder..........SWM

Death On The Nile (1978) ~ IMDB - 7.3/10, RT - 78%, Meta - 59% ~ (ဒီ Death on The Nile - 1978 နဲ့ အသစ်ထွက် 2022 ဗားရှင်းဟာ ဇာတ်ကျောရိုးချင်းအတူတူပေမဲ့ 2022 ဗားရှင်းက‌တော့ မူလကာရိုက်တာတချို့ကို ပြောင်းသင့်တန်ပြောင်း လဲသင့်တန်လဲပြီး ဇာတ်ကြောင်းတချို့ကိုပါ ခေတ်နဲ့ ဆီလျော်အောင် ပြန်ရိုက်ထားတာမို့ အဟောင်းကရော၊ အသစ်ကရော အရသာတစ်မျိုးစီ ရမှာအသေအချာပါပဲ) Death On The Nile ဟာ အဂ္ဂသာခရစ္စတီရဲ့အကောင်းဆုံး ၀တ္တု‌တွေထဲကတစ်ခုကို ပြန်ရိုက်ထားတဲ့ ရုပ်ရှင်ပါပဲ။ အနောက်တိုင်းစုံထောက်၀တ္တုရေးဆရာတွေထဲ ဆာအာသာကိုနင်ဒွိုင်းပြီးရင် ကျွန်တော်အရင်းနှီးဆုံးက အဂ္ဂသာခရစ္စတီပါပဲ။ အမြန်ရထားပေါ်ကလူသတ်မှု၊ ဟီလာရီ၊ ဂြိုလ်မွှေတဲ့ ကျောက်မျက်ရတနာ၊ လေယာဉ်ပေါ်ကလူသတ်မှု စသဖြင့် အဂ္ဂသာခရစ္စတီ၀တ္တုတွေကို တက္ကသိုလ်နေ၀င်းက တော်တော်ဘာသာပြန်ခဲ့တာကြောင့်လည်း ရင်းနှီးနေတာပါပဲ။ သိပြီးတဲ့အတိုင်း ခရစ္စတီရဲ့၀တ္တုတွေမှာ ဇာတ်လိုက်ကျော်စုံထောက်က ဟာကြူလီပွိုင်ရို့ (ဝါ) ပွာရိုပါ။ စာအုပ်ထဲကစကားအတိုင်းပြောရရင် သမားရိုးကျစုံထောက်တွေကို စာရေးဆရာတွေက ပုံဖော်တဲ့နေရာမှာ ဗလကောင်းကောင်း ထောင်ထောင်မောင်းမောင်း ဖျတ်လတ်ပြီး စွန့်စားရ ဝါသနာထုံတဲ့လူတွေအဖြစ် အသက်သွင်းကြတာများပါတယ်။ အဂ္ဂသာရဲ့ ဟာကြူလီကတော့ ဘယ်ဂျီယမ်သား ပုပု နှုတ်ခမ်းမွှေးကားကားလူ၀ကြီးပါပဲ။ သို့ပေမဲ့လည်း စုံထောက်အမှုမှာ သူမတူအောင် တော်တဲ့လူပါ။ သူ့အမှုကို ဖော်ထုတ်ပုံတွေကလည်း အမြဲစိတ်၀င်စားစရာကောင်းနေတာပါပဲ။ အဂ္ဂသာခရစ္စတီဟာ ဟာကြူလီပွိုင်ရို့ပါတဲ့ စုံထောက်၀တ္တု ၃၃အုပ်၊ ပြဇာတ်၂ခုနဲ့ ၀တ္တုတို ၅၀ရေးသားခဲ့ပါတယ်။ ရုပ်ရှင်ကားအဖြစ်လည်းအတော်များများ အသက်သွင်းခဲ့သလို season 13 ခုရှိတဲ့ Series ရှည်ကြီးလည်း ထွက်ခဲ့ပါတယ်။ ပွိုင်ရို့ရဲ့ Death On The Nile အမှုဟာလည်း အမြန်ရထားပေါ်ကလူသတ်မှုလိုပဲ စိတ်၀င်စားစရာအတော်ကောင်းတဲ့ အကွေ့အကောက်အတော်များတဲ့ အမှုပါပဲ။ ခဏခဏပြန်ရိုက်ကြတဲ့ဇာတ်‌ဆိုပေမဲ့ 1978 ဗားရှင်းရဲ့ castingကို စာအုပ်ပရိတ်သတ်တွေက သိပ်အားရခဲ့ကြသလိုပဲ 1978 ရဲ့ casting ဟာ ဇာတ်ကောင်တွေနဲ့ အတော်လိုက်ဖက်ပါတယ်။ ဟာကြူလီကလည်း စာအုပ်အတိုင်းလိုက်ဖက်ပြီး အကုန်လုံးသူ့နေရာနဲ့သူ အံ၀င်ခွင်ကျရှိပါတယ်။ သုံးထားတာက Peter Ustinov တို့ Mia Farrow တို့ David Niven တို့ Betty Davis တို့ Jane Brikin တို့ Lois Chiles တို့ Maggie Smith တို့လို တစ်ခေတ်တစ်ခါရဲ့ စတားတွေချည်းပါပဲ။ All-star castတွေကို သုံးခဲ့တယ်လို့ ဆိုပါတယ်။ ဒီရုပ်ရှင်ကို ရိုက်ကူးရာမှာ တကယ် အီဂျစ်ကို သွား ရိုက်ကူးခဲ့သလို လှေကလည်း သမိုင်း၀င်လှေပေါ်မှာပဲ ရိုက်ကူးခဲ့တာပါ။ ဆိုတော့ကာ ဇာတ်ကောင်အပါအ၀င် အရာအားလုံး သဘာ၀ကျတယ်လို့ ပရိသတ်ကို ကောင်းကောင်းကြီး ခံစားရစေပါတယ်။ အီဂျစ်က နာမည်ကျော် နေရာအများစုကိုလည်း လှလှပပကို ထည့်သွင်းရိုက်ကူးထားတာပါပဲ။ ဒါရိုက်တာကတော့ အီဂျစ်မှာ အဂ္ဂသာခရစ္စတီပရိတ်သတ်တွေအရမ်းများတာကြောင့် အီဂျစ်အစိုးရက ဒီရုပ်ရှင်အတွက်အများကြီးအထောက်အကူပေးခဲ့တယ်ဆိုပါတယ်။ Costume ပိုင်းမှာလည်း ဒီဇာတ်ထဲက အချမ်းသာဆုံးဖြစ်တဲ့ Linnet တဖြစ်လဲ Chiles ရဲ့ ဒေါက်ဖိနပ်မှာ စိန်အစစ်တွေစီခြယ်ထားပြီး Davis ရဲ့ဖိနပ်တွေကိုတော့ စပါးအုံး၂၆ကောင်ရဲ့ အရေခွံနဲ့လုပ်ထားတယ်ဆိုပါတယ်။ 51 ကြိမ်မြောက် အော်စကာပွဲမှာ Academy Award for Best Costume Design ကိုလည်း ရရှိထားတဲ့ ရုပ်ရှင်ပါပဲ။ အမှုအကြောင်းကတော့ မဟတော့ပါဘူး။ အရန်ကာရိုက်တာတွေအားလုံးကို သေချာပုံဖော်ထားပြီး အားလုံးက တစ်နည်းတစ်ဖုံ ထူးခြားနေကြတော့ အမှုဖြစ်ရာပတ်၀န်းကျင်မှာ ရှိသမျှလူတစ်ယောက်ချင်းစီကို သေသေချာချာစစ်ဆေးတတ်တဲ့ ဟာကြူလီရဲ့ထုံးစံအတိုင်း ရှိသမျှလူတွေကို စစ်ဆေးတာကို ကြည့်ရတာက တော်တော်အရသာရှိပါတယ်။ နောက် ဒီထဲက ပွိုင်ရို့ရဲ့ အတည်ပေါက်ကြီးနဲ့ ထပြောင်တာတွေကလည်း တော်တော်သဘောကျစရာကောင်းပါတယ်။ အဂ္ဂသာခရစ္စတီရဲ့ပုံစံအတိုင်းပဲ သံသယတရားခံတွေကို ပရိသတ်ကို တစ်ယောက်ချင်းစီ သေချာပြသွားမှာဖြစ်လို့ စိတ်ပါရင် ရုပ်ရှင်အဆုံးနားမရောက်ခင်အထိ ၀င်မှန်းကြည့်နေလို့ရပါတယ်။ နီးစပ်ကောင်းနီးစပ်တဲ့အဖြေကိုရနိုင်ပေမဲ့ သေချာတာကတော့ ကျိန်းသေပေါက်တပ်အပ်တော့ မှန်မှာမဟုတ်ပါဘူး။ ဘာလို့ဆို အဂ္ဂသာခရစ္စတီမို့ပါပဲ။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 2.1GB, 1.1GB Quality - Blu-ray 1080p, 720p IMDb Rating - 7.3/10 Format - mp4 Duration - 2H 20Min Genre - Crime, Drama, Mystery Subtitle - Myanmar Subtitle (Hardsub) Translated by WiRa Aung Encoded by Y