Cha Eun-woo ပါဝင်သော ဇာတ်ကားများ

The WONDERfools (2026) အပိုင်းသစ် (1 မှ 8) စ/ဆုံး ရှေ့နေမလေး ဝူယောင်းဝူလို့ လူသိများတဲ့ ပြည့်သူ့အချစ်တော်လေး မင်းသမီး Park Eun Bin နဲ့ ပျိုမေတို့ရဲ့ နှင်းဆီခိုင် Cha Eun Woo တို့အပြင် မင်းသမီးကြီး Kim Hae Sook၊ မင်းသား Choi Dae Hoon၊ Im Sung Jae၊ Son Hyun Joo တို့ အဓိက ပါဝင်သရုပ်ဆောင်ထားတဲ့ ဇာတ်လမ်းတွဲလေး ထွက်ရှိလာပါပြီ ပရိသတ်ကြီးတို့ရေ…. ဇာတ်လမ်းအကျဉ်းအနေနဲ့… ၁၉၉၉ ခုနှစ်ကာလ ကိုးရီးယားနိုင်ငံ ဟယ်ဆောင်းမြို့အတွင်းမှာ “နေကမ္ဘာပျက်မယ်” ဆိုတဲ့သတင်းစကားဟာ လူထုအကြားမှာ ပြန့်နှံ့လာပြီး ကြောက်ရွံ့မှုတွေလည်း တိုးလာခဲ့ပါတယ်။ တစ်နေ့မှာ ဟယ်ဆောင်းမြို့သူလေး အွန်းချယ်နီနဲ့အတူ သူမနဲ့ အိမ်နီးချင်းတွေဖြစ်တဲ့ ဆွန်းဂယောင်းအွန်နဲ့ ဂန်ရိုဘင်းတို့ဟာ ထူးဆန်းတဲ့ အဖြစ်အပျက်တစ်ခုနဲ့ ပါဝင်ပတ်သက်မိရာမှ သဘာဝလွန်စွမ်းအားတွေ ရရှိသွားကြပါတယ်။ အဲဒီအချိန်မှာပဲ မြို့အနှံ့မှာ မသင်္ကာစရာ ထူးဆန်းတဲ့ အခြေအနေတွေ များပြားပြီး လူပျောက်ဆုံးမှုတွေ ဆက်တိုက်ဖြစ်လာသလို တစ်ဖက်မှာလည်း ဆိုးလ်ကနေ ဟယ်ဆောင်းမြို့ကို ပြောင်းရွေ့လာတဲ့ အစိုးရဝန်ထမ်း အီအွန်ဂျောင်ဟာလည်း ဒီထူးဆန်းတဲ့အမှုထဲ ပါဝင်ပတ်သက်လာခဲ့ပြီး ဒီပဟေဠိဆန်တဲ့အဖြစ်အပျက်ကြီးရဲ့ လျှို့ဝှက်ချက်တွေဟာ တဖြည်းဖြည်း နက်ရှိုင်းလာတဲ့အခါ... ဟယ်ဆောင်းမြို့လေး အန္တရာယ်နဲ့ ရင်ဆိုင်လာရချိန်မှာ အမှတ်မထင် စွမ်းအားတွေရသွားခဲ့ကြတဲ့ ဒီသူရဲကောင်းအဖွဲ့လေးဟာ ပြင်ပအန္တရာယ်တွေအပြင် ကိုယ့်ရဲ့ အားနည်းချက်တွေကိုပါ ရင်ဆိုင်ရင်း မြို့ကို ကယ်တင်ဖို့ ကြိုးစားပုံတွေကို စိတ်ဝင်စားဖွယ် mystery, fantasy နဲ့ comedy တို့ ပေါင်းစပ်ရိုက်ကူးထားတာကြောင့် ကြည့်ရှုသူပရိသတ်တွေအနေနဲ့ မပျင်းမရိဘဲ စိတ်လှုပ်ရှားဖွယ် ကြည့်ရှုခံစားရမယ့် ဇာတ်လမ်းတွဲကောင်းလေးတစ်ပုဒ်ပဲ ဖြစ်ပါတယ်။ Aired: May 15, 2026 Aired On: Friday Genres: Action, Adventure, Comedy, Fantasy Episodes: 8 Original Network: Netflix

The First Ride (2025) IMDb Rating (6.9) Kang Ha-Neul, Kim Young-Kwang, Cha Eun-Woo, Kang Yeong-Seok နဲ့ Han Sun-Hwa တို့လို နာမည်ကြီး မင်းသား မင်းသမီးတွေ ပါဝင်သရုပ်ဆောင်ထားတဲ့ ရုံတင် ဟာသကားသစ်လေး ထွက်ရှိလာပြီနော်။ 2023 ခုနှစ်တုန်းက အရမ်းပေါက်ခဲ့တဲ့ Love Reset ကို ရိုက်ကူးပေးခဲ့တဲ့ ဒါရိုက်တာရဲ့ လက်ရာလေးမို့လို့ ရယ်ရမှာတော့ ကျိန်းသေတဲ့အပြင် Friendship ကို အသားပေး ရိုက်ပြပေးထားတာမို့လို့ ကြည့်ရင်း ရင်ထဲ နွေးထွေးကြည်နူးရစေဦးမှာ အမှန်ပါပဲ။ - ဇာတ်လမ်းအကျဉ်း - တစ်နေ့မှာ သုံးနာရီပဲ အိပ်ရလောက်တဲ့အထိ စာမှစာပဲ စိတ်ဝင်စားတဲ့ တစ်ကျောင်းလုံး အဆင့်တစ် ဂျောင်ထယ်ဂျောင်း (Kang Ha-Neul)... DJ တစ်ယောက်ဖြစ်ဖို့ အိပ်မက်မက်နေတဲ့ လူချောလေး အန်ယွန်းမင်း (Cha Eun-Woo)... ဘတ်စကတ်ဘောအသင်းခေါင်းဆောင် ဖြစ်ခဲ့ပေမဲ့ ဒဏ်ရာကြောင့် ရပ်နားလိုက်ရပြီးနောက် ယွန်းမင်းကြောင့် DJ ဖြစ်ဖို့ စိတ်ဝင်စားလာတဲ့ ဂိုဒိုဂျင်း (Kim Young-Kwang)... ဗုဒ္ဓဘာသာကိုင်းရှိုင်းတဲ့ မိသားစုက သားလေး ဂယ်ဂွန်းဘို့ (Kang Yeong-Seok) တို့ လေးဦးဟာ ၆ နှစ်အရွယ်ကတည်းက ခင်မင်လာကြတဲ့ ငယ်ပေါင်းကြီးဖော် သူငယ်ချင်းတွေ ဖြစ်ကြပါတယ်။ အထက်တန်းကျောင်းပြီးတဲ့နောက်မှာ ယွန်းမင်းက နယူးဇီလန်ကို ပြောင်းရွှေ့နေထိုင်ရမှာဖြစ်တာကြောင့် ယွန်းမင်း မပြောင်းသွားခင် ယွန်းမင်းနဲ့ ဒုံဂျင်းတို့ သဘောကျတဲ့ DJ South ရဲ့ ဖျော်ဖြေပွဲကို ကြည့်ဖို့ လေးယောက်အတူ ထိုင်းကို ခရီးထွက်ဖို့ ဆုံးဖြတ်လိုက်ကြပါတော့တယ်။ ဒါပေမဲ့ လမ်းမှာ တွေ့ကြုံရတဲ့ ဖြစ်ရပ်လေးတစ်ခုကြောင့် လေယာဉ်မစီးလိုက်ရဘဲ ယွန်းမင်းလည်း ဒီအတိုင်း နယူးဇီလန်ကို ထွက်ခွာသွားရတဲ့အခါမှာတော့... သူတို့သူငယ်ချင်းလေးဦး အရွယ်ရောက်လာတဲ့အခါမှာ အထက်တန်းတုန်းက မထွက်ဖြစ်လိုက်တဲ့ နိုင်ငံခြားခရီးစဉ်ကို လေးယောက်အတူ ထွက်ဖြစ်ပါ့မလားဆိုတာကိုတော့ ဇာတ်လမ်းလေးထဲမှာ ဆက်လက်ကြည့်ရှုပေးကြပါဦးရှင်။ File Size : 2.01GB/ 1.00GB Quality : WEB-DL 1080p/ 720p Format…mp4 Duration…1hr 58m Genre : Adventure, Comedy, Life, Drama Subtitle : Myanmar Subtitle (Hard Sub)

Rented in Finland (2024) အပိုင်းသစ် (၁ မှ ၂၀) စ/ဆုံး မြို့ပြရဲ့ အဝေးမှာ ရှိတဲ့ ကျေးလက်သဘာဝ အလှတရားတွေကို ခံစားနိုင်မဲ့ ရှိုးလေးတစ်ခုနဲ့ မိတ်ဆက်ပေးပါရ‌စေ။ ဒီရှိုးလေးမှာတော့ Cha Eun Woo၊ Lee Je Hoon၊ Lee Dong Hwi နဲ့ Kwak Dong Yeon တို့ ၄ ယောက်ဟာ အင်မတန် လှပလွန်းတဲ့ ဖင်လန်နိုင်ငံက ကျေးလက်ဒေသလေး တစ်ခုမှာ သွားရောက်နေထိုင်တာကို တွေ့ရမှာပဲ ဖြစ်ပါတယ်။ လျှပ်စစ်မီးနဲ့ ရေ ရရှိရုံလောက်နဲ့တင် နိဗ္ဗာန်ဘုံတစ်ခုလို ဖြစ်နေတဲ့ ကျေးလက်ဒေသဘက်မှာ မြို့သားလေး ၄ ယောက် အခက်အခဲတွေကြား ဘယ်လိုနေထိုင်သွားကြမလဲဆိုတာကို ကိုယ်တိုင် ဖင်လန်နိုင်ငံကို ရောက်ရှိသွားသလိုမျိုး ခံစားစေရမဲ့ ရိုက်ချက် ခပ်မိုက်မိုက်တွေအပြင် ‌ဒေသန္တရ ဗဟုသုတ စုံလင်စွာလည်း ရရှိနိုင်မှာဖြစ်လို့ ခံစားကြည့်ရှုလိုက်ပါဦးနော်။ (အညွှန်းကိုတော့ Treasure Htet မှ ရေးသားထားပါတယ်။) Aired: Dec 6, 2024 - ? Aired On:  Friday Genres: Reality Show, Adventure, Life Episodes: 20 Original Network: tvN Translated by CM Team Encoded by Tiff

Wonderful World(2024) - Complete Visual လို့ ပြောလိုက်တာနဲ့ မပါမဖြစ်ထည့်သွင်းဖော်ပြခံရတဲ့ Face Genius Cha Eun Woo နဲ့ အပိုအလိုမရှိ ဇာတ်ကောင်ကို ပုံဖော်နိုင်စွမ်းရှိတဲ့ မင်းသမီးကြီး Kim Nam Joo တို့ ပါဝင်ထားတဲ့ heavy drama ကားလေးကို တင်ဆက်ပေးချင်ပါတယ်။ Eun Soo Hyun ဟာ အောင်မြင်ထူးချွန်တဲ့ စိတ်ပညာပါမောက္ခတစ်ယောက်ဖြစ်ပြီး စာရေးဆရာမအဖြစ်လည်း လုပ်ကိုင်တဲ့လူပါ။ သူ့မှာ အရမ်းချစ်ရတဲ့ သားလေးတစ်ယောက်ရှိပြီး ဘဝကို ပျော်ပျော်ရွှင်ရွှင် နေထိုင်ဖြတ်သန်းနေသူပေါ့။ ဒါပေမဲ့ သားဖြစ်သူရဲ့ ရုတ်တရက် သေဆုံးမှုကြောင့် သူ့ ဘဝဟာ တစ်ခဏတွင်းချင်း ကမောက်ကမဖြစ်သွားခဲ့ရပါတယ်။ သို့ပေမဲ့လည်း သားဖြစ်သူ သေဆုံးမှုအပေါ် တာဝန်ရှိတဲ့လူဟာ ဥပဒေရဲ့ အပြစ်ပေးခြင်းမခံခဲ့ရတာကြောင့် ထိုက်တန်တဲ့ ပြစ်ဒဏ်ချမှတ်နိုင်ဖို့ သူကိုယ်တိုင် အဖြစ်မှန်ကိုဖော်ထုတ်ဖို့ ဆုံးဖြတ်ချက်ချခဲ့ပါတယ်။ Kwon Seon yul (Cha Eun Woo) ကတော့ ချမ်းသာတဲ့မိသားစုမှာ မွေးဖွားကြီးပြင်းခဲ့တဲ့ သူဌေးသားလေးဆိုပေမဲ့ မိဘနှစ်ပါး ရှေ့ဆင့်နောက်ဆင့် သေဆုံးမှုကြောင့် ဘဝကို ခက်ခက်ခဲခဲ ရုန်းကန်ခဲ့ရတဲ့လူပါ။ ဒီလိုနဲ့ သူတို့နှစ်ယောက်တွေ့ဆုံကြပြီး သံသယဝင်ဖွယ် ကွင်းဆက် မတော်တဆမှုတွေရဲ့ အမှန်တရားကို အတူဖော်ထုတ်ကြပါတော့တယ်။ rom-com drama တွေ အရိုက်များတဲ့ မင်းသား Cha Eun Woo ကို ခပ်မိုက်မိုက် လူကြမ်းတစ်ယောက်အဖြစ် မြင်တွေ့ရဦးမှာမို့ ပရိသတ်များ အကြိုက်တွေ့မယ်လို့ ထင်ပါတယ်။ ဒီကားလေးကို အပတ်စဉ် သောကြာနေ့နဲ့ စနေနေ့တွေမှာ ထုတ်လွှင့်ပြသသွားမှာဖြစ်ပါတယ်။ (အညွှန်းကို Thet Hnin Hsu က ရေးသားထားပါတယ်) Aired: Mar 1, 2024 Aired On:Friday, Saturday Genres:  Thriller, Mystery, Drama Duration: 60 mins Episodes: 14 Original Network: MBC Translated by Stary, Aung Pyae Kyaw,  Thet Hnin Hsu , & Estel Encoded by Phyo Pyae

A Good Day to be a Dog(2023) အထက်တန်းကျောင်းတစ်ကျောင်းမှာ ကိုရီးယားဘာသာစကားသင်တဲ့ Han Hae Na က အပြင်ပန်းမှာတော့ သာမန်ဘဝကိုပိုင်ဆိုင်ထားသူတစ်ယောက်လို့ထင်ရပေမယ့် တကယ်တော့ ကျိန်စာသင့်နေသူတစ်ယောက်ပါ။ လူတစ်ယောက်ကိုနမ်းလိုက်မိတာနဲ့ ညစဥ်ညတိုင်း သန်းခေါင်ယံအချိန်ကနေ ၆ နာရီကြာ ခွေးအဖြစ်ပြောင်းလဲသွားပြီး ကိုယ်နမ်းခဲ့တဲ့သူကို ခွေးအသွင်နဲ့ပြန်နမ်းနိုင်မှာသာ ညတိုင်းခွေးဘဝရောက်နေတဲ့ဘဝကြီးကကျွတ်မှာပါ။ ဒီလိုနဲ့ယောက်ျားတွေကိုမနမ်းမိဖို့ရှောင်ရင်း စင်ဂယ်ဘဝရောက်နေရရှာတဲ့ Han Hae Na တစ်ယောက် တစ်ညမှာတော့ တစ်ကျောင်းတည်းက သင်္ချာဆရာ Jin Seo Won ကို မူးမူးနဲ့နမ်းမိသွားပါတော့တယ်။ ငယ်ငယ်ကဖြစ်ခဲ့တဲ့အဖြစ်အပျက်တစ်ခုကြောင့် ခွေးတွေကိုအရမ်းကြောက်တဲ့ Jin Seo Won ရယ် .. ကိုယ်နမ်းခဲ့တဲ့သူကို ခွေးဘဝနဲ့ပြန်နမ်းမှဖြစ်မယ့် Han Hae Na ရယ် ဘယ်လိုအခွီတွေ အရိုတွေဖြစ်ကြဦးမလဲ။ အပတ်စဥ် ဗုဒ္ဓဟူးနေ့တိုင်းတင်ဆက်ပေးသွားမှာဖြစ်သလို cast တွေအနေနဲ့ကလည်း Park Gyu Young နဲ့ ဆရာချောချောလေးများဖြစ်ကြတဲ့ Cha Eun Woo နဲ့ Lee Hyun Woo တို့က ပါဝင်ထားတာမို့ စောင့်ကြည့်ကြပါဦးနော်။ ဇာတ်လမ်းတွဲအညွှန်းကိုတော့ Lai Laii မှရေးသားပေးထားပါတယ်.... Aired:  Oct 11, 2023- Aired On: Wed, Thu Genres: Drama, Comedy, Sci-Fi & Fantasy Duration: 60 mins Episodes: 14 Original Network: EBA Translated by Hay Thar Oo, Shwe Pyae, Lai Laii, Emily &  Thet Hnin Hsu Encoded by  Phyo Pyae

အပိုင်း( ၁ မှ ၁၂ ) ထိ စ/ဆုံး ဒီစီးရီးက မထွက်ခင်ကတည်းက တော်တော်ဟိုက်နေတဲ့အထဲပါတယ်... နတ်ဆိုးတွေ စူပါပါဝါတွေအပြင် ခပ်ဆန်းဆန်း ဇာတ်အိမ်နဲ့ ပါဝင်တဲ့သရုပ်ဆောင်တွေကြောင့်ဆိုလည်းမမှားပါဘူး... ဇာတ်လမ်းတွဲက ခေါင်းစဉ်အတိုင်း ကျွန်းတစ်ကျွန်းကိုအခြေခံထားပါတယ်.. ဒီကျွန်းမှာ အံဖွယ်ဖြစ်ရပ်များစွာရှိပြီး သာမန်လူတွေယုံဖို့ခက်ခဲတဲ့ ဖြစ်ရပ်ဆန်းတွေရှိတယ်... အားလုံးတိမ်ကောနေပြီလို့ထင်ထားတဲ့ နတ်ဆိုးတွေကို လူတစ်စုဟာ မတော်တဆ သွားနှိုးလိုက်သလိုဖြစ်သွားပြီးတဲ့နောက်မှာတော့.. နတ်ဆိုးတွေပြန်လည်ရှင်သန်နိုးထလာခဲ့တယ်.. အဲ့ဒီနောက်မှာတော့ လူသားတွေကို သိမ်းပိုက်ဖို့နဲ့ နတ်ဆိုးတွေလောကကြီးကိုအုပ်စိုးဖို့ ဘာမဆိုလုပ်ဖို့ဖြစ်လာတဲ့အခါမှာတော့... စွမ်းအားရှင်တွေ ဘယ်လိုကာကွယ်ကြမလဲဆိုတာကိုတော့... Episodes: 12 File Size:1.1GB, 500MB Quality :Web-DL AMZN 1080p,720P Genres: Sci-Fi & Fantasy, Action & Adventure, Drama Translated by  Estel, Thynn ,Hae Areum  & Miri Encoded by  Phyo Pyae

ပစိဖိတ်သမုဒ္ဒရာထဲမှာ စစ်ရေးလေ့ကျင့်နေတဲ့ တောင်ကိုရီးယားရေတပ်ရဲ့ ရေငုပ်သင်္ဘောတစ်စီးဟာ အချိန်အတော်ကြာ လေ့ကျင့်မှုတွေ လုပ်ပြီးနောက် ကိုရီးယားကျွန်းဆွယ်ဘက်ကို ပြန်လာခဲ့ပါတယ်။ အပြန်ခရီးမှာ မုန်တိုင်းပြင်းပြင်းနဲ့ ကြုံနေရတဲ့အပြင် အမည်မသိ ချေမှုန်းရေးသင်္ဘောတစ်စီးကပါ တော်ပီဒိုကြီးတစ်လုံးနဲ့ ပစ်ခတ်တိုက်ခိုက်လာတယ်။ မမျှော်လင့်ထားတဲ့ တိုက်ခိုက်မှုဖြစ်သလို တန်ပြန်တိုက်ခိုက်ဖို့ လက်နက်တွေကိုလည်း စစ်ရေးလေ့ကျင့်မှုမှာ သုံးခဲ့ပြီးပါပြီ။ ဒါကြောင့် ရေငုပ်သင်္ဘောပေါ်က လူတွေဟာ တော်ပီဒိုထိမှန်မယ့်အန္တရာယ်ကနေ အသည်းအသန် လွတ်အောင် ရုန်းကြရပါတော့တယ်။ Kim Rae Won နဲ့ Lee Jong Suk တို့ အဓိကပါဝင်ထားတဲ့ အက်ရှင်ဇာတ်ကားပါ။

True Beauty (2020) အပိုင်း (1 မှ 16) စ/ဆုံး မိန်းကလေးဆိုတဲ့အမျိုးက ကလေးဘဝကထဲက အလှအပကိုစိတ်ဝင်စားသလို လှပအောင်လည်း ကြိုးစားနေထိုင်တတ်ကြတယ်... မှန်လေးကြည့်လိုက်လို့ သူတို့ရုပ်ရည်လေးအဆင်ပြေနေမှ ကိုယ့်ကိုယ်ကိုယ် ယုံကြည်ချက်လည်းရှိကြတာကိုး... ဒါ့ကြောင့် Selfie ဆွဲလို့ ပိုလှတဲ့ ဖုန်းတွေရောင်းကောင်းကြတာမဟုတ်လား... ဒီအထဲက ကောင်မလေးတစ်ယောက်လည်း အဲဒီလိုပါပဲ... သူ့ရုပ်ရည်အပေါ် ယုံကြည်ချက်မရှိလို့ make-up tutorial တစ်ခုကို ကြိုးစားပန်းစားပြင်လိုက်မှ မဟာသရဲမကြီးနဲ့တူပြီး ကြိုက်တဲ့ကောင်လေးဆီက ငြင်းတာခံလိုက်ရလို့ ကိုယ့်ကိုယ်ကိုယ် သတ်သေဖို့အထိတောင်ဖြစ်သွားရတယ်... ဒီလိုသတ်သေတဲ့အချိန် ကောင်လေးတစ်ယောက် တားဆီးလိုက်လို့ အသက်မသေခဲ့တာ ကံကောင်းတယ်ပြောရမှာပါ... အဲဒီနောက်တော့ ကျောင်းပြောင်းရတဲ့ အနေအထားဖြစ်တော့ သူမအတွက် အနည်းငယ်ခံသာသလိုဖြစ်သွားတယ်... ကျောင်းအသစ်မှာ မိတ်ကပ်ပြင်နည်းတွေ အမှန်အကန် ကြိုးစားပြီး ကျောင်းတက်တဲ့ အခါမှာတော့ အရင်တုန်းက ခပ်ဆိုးဆိုးရင်ဆိုင်ရဲ့တဲ့ အနေအထားတွေဟာ ရုတ်ချဉ်းပြောင်းလဲသွားပါတော့တယ်... ဘာတွေဆက်ဖြစ်မလဲဆိုတာကိုတော့ ခံစားကြည့်ကြပါဉီး.. ဒီစီးရီးက ဆယ်ကျော်သက်ကျောင်းသား ကျောင်းသူဘဝကို အဓိက ကျောရိုးပြုရိုက်ကူးထားတာဖြစ်ပြီး ပေါ့ပေါ့ပါးပါး ဟာသလေးတွေနဲ့မို့ ကြည့်ရအတော်ကောင်းပါတယ်... လှတပတလေးတွေနဲ့ မျက်စိအပန်းပြေသလို ကောင်လေးတွေရော ကောင်မလေးတွေပါ အလှအပရေးရာနဲ့ ပတ်သက်ပြီး ပညာရစေတဲ့ကားလေးဆိုလည်းမမှားပါဘူး... Aired: Dec 9, 2020 - Feb 4, 2021 Aired On: Wednesday, Thursday Genres: Comedy, Romance, Youth, Drama Episodes: 16 Original Network: tvN

My ID is Gangnam Beauty (2018) အပိုင်း (၁ မှ ၁၆) စ/ဆုံး CM ပရိတ်သတ်တွေအတွက် အခုလို နွေရာသီပူပူလောင်လောင်ကြီးမှာ ရွှေရင်အေးသွားစေဖို့ Lim Soo Hyang နဲ့ Cha Eun Woo တို့ရဲ့ နာမည်ကြီးဒရမ်မာဟောင်းလေးကို ပြန်လည် တင်ဆက်ပေးလိုက်ပါတယ် - ဇာတ်လမ်းအကျဉ်း - ဂန်မီရယ် (Lim Soo Hyang) က ရုပ်ဆိုးတယ်ဆိုတဲ့ အကြောင်းပြချက်ကြောင့် ငယ်ငယ်က‌တည်းက သူများတွေရဲ့ လှောင်ပြောင်ခြင်းကို ခံခဲ့ရပါတယ် ရုပ်ရည်ကြောင့် လှောင်ပြောင်ခံရတာတွေ များလာတဲ့ မီရယ်တစ်ယောက် အသက်ဆက်ရှင်ချင်တဲ့ ဆန္ဒပါ ပျောက်ဆုံးသွားခဲ့ပါတယ် အဲဒီအချိန်မှာပဲ မီရယ်က အမျိုးသမီးတစ်ယောက်နဲ့ ဆုံတွေ့ခဲ့ပါတယ် အဲဒီအမျိုးသမီးဆီကနေ ရတဲ့ မွှေးပျံ့တဲ့ရနံ့လေး နောက်ပြီး နွေးထွေးတဲ့အကြည့်တွေ... မြင်သာတဲ့အလှတရားကိုမှ လိုချင်ကြတဲ့ ဒီလောကကြီးထဲမှာ အဲဒီအမျိုးသမီးဆီက ရလိုက်တဲ့ရနံ့ ၊ မမြင်ရတဲ့အလှတရားကြောင့် မီရယ်တစ်ယောက် နှစ်သိမ့်မှုရပြီး အသက်ဆက်ရှင်ချင်တဲ့ ဆန္ဒတွေ ပြန်ပေါ်လာပါတော့တယ် အဲဒီနောက်မှာ မီရယ်ဟာ ရေမွှေးပညာရှင်လုပ်ဖို့ ဆုံးဖြတ်ချက်ချလိုက်ပြီး လှောင်ပြောင်မှုတွေအားလုံးကို မျက်ကွယ်ပြုပြီးတော့ စာကိုပဲ ကြိုးစားလုပ်ခဲ့ပါတယ် ဒါပေမဲ့ လောကကြီးထဲမှာက စာတစ်ခုတည်း အရေးကြီးတာမဟုတ် ရုပ်ရည်လည်း အရေးပါတာဖြစ်လို့ မီရယ်က ပလတ်စတစ်ဆာဂျရီလုပ်ဖို့ ဆုံးဖြတ်လိုက်ပါတယ် အဲဒီလိုနဲ့ လှပသွားတဲ့ မီရယ်တစ်ယောက် တက္ကသိုလ်မှာ ဘဝသစ်စတင်ဖို့ လုပ်ထားပေမဲ့ သူ့ရဲ့အရင်မျက်နှာကို သိထားတဲ့ အလယ်တန်းကျောင်းတုန်းက ကျောင်းနေဖက် ဒိုဂယောင်းဆော့ (Cha Eun Woo) နဲ့ တစ်မေဂျာတည်းမှာ ပြန်ဆုံတဲ့အခါမှာတော့..... မီရယ်နဲ့ ဂယောင်းဆော့တို့နှစ်ယောက်ကြားက အချစ်ဇာတ်လမ်းလေးကို Rom-com ဆန်ဆန် ချိုချိုမြိန်မြိန်လေး ကြည့်ရှုရမှာဖြစ်လို့ လက်လွတ်မခံသင့်တဲ့ ဒရမ်မာကောင်းတစ်ကားလို့ အကြံပေးပါရစေ (အညွှန်းကို  Hnin Wai Oo မှ ရေးသားပေးထားပါတယ်) Episodes: 16 Aired: Jul 27, 2018 - Sep 15, 2018 Aired On: Friday, Saturday Original Network: jTBC Duration: 1 hr.  Genres: Psychological, Romance, Youth, Drama Subtitle__Myanmar Subtitle (Hardsub) Translated by  Hnin Wai, Kay, Milk, Stary & Wutyi Encoded by AHtet

The Whispering (2018) ဒီတစ်ခေါက်မှာတော့ 2018ခုနှစ်က ထွက်ခဲ့တဲ့ Horror / Teen Thriller ဇာတ်လမ်းတစ်ခုနဲ့ မိတ်ဆက်ပေးချင်ပါတယ်။ Cast တွေအနေနဲ့ကတော့ Pro Bono, Dr Romantic အစရှိတဲ့ ဇာတ်လမ်းတွဲများမှ မင်းသမီး So Ju Yeon, Business Proposal, The Heavenly Idol ဇာတ်လမ်းတွဲများမှ မင်းသား Kim Min Gyu, The Impossible Heir, Idol I ဇာတ်လမ်းတွဲများမှ မင်းသမီး Choi Hee Jin တို့နဲ့ အတူ တခြားသော သရုပ်ဆောင်များလည်း ပါဝင်အားဖြည့်ထားပါတယ်။ ဇာတ်လမ်းအညွှန်း "တီးတိုးပြောသံတွေကို ကြားတဲ့အခါ ပြန်မဖြေပါနဲ့" အထက်တန်းကျောင်းသူ ယောအွန်းဟာက သူမရဲ့ အရင်းနှီးဆုံး သူငယ်ချင်း သေဆုံးသွားပြီးတဲ့နောက် အိပ်မက်ဆိုးတွေ၊ ထူးဆန်းတဲ့အသံတွေကို စပြီး ကြားနေခဲ့ပါတယ်။ အဲဒီနောက် အွန်းဟာနဲ့ အတန်းဖော် သူငယ်ချင်းတွေ အထက်တန်းစာမေးပွဲပြီးလို့ အပျော်ခရီးထွက်ရင်းနဲ့ လမ်းပျောက်ပြီး စွန့်ပစ်ထားတဲ့ ကစားကွင်းတစ်ခုကို ရောက်သွားခဲ့ကြပါတယ်။ ကောလာဟလတွေနဲ့ ဇာတ်လမ်းတွေ ရှိနေတဲ့ ကစားကွင်းဟောင်းထဲက သရဲအိမ်မှာ Live လွှင့်ဖို့ လုပ်ကြရာကနေ ကြောက်စရာအဖြစ်အပျက်တွေနဲ့ ကြုံလာရပုံကို ထိတ်လန့်ဖွယ် ရိုက်ကူးထားတဲ့ Teen Horror ဇာတ်လမ်းတစ်ခုပဲ ဖြစ်ပါတယ်။ Jump scare ကြိုက်တဲ့သူတွေ လက်မလွှတ်သင့်တဲ့ဇာတ်ကားလေးပါ။ File Size - 1 GB/ 426 MB Quality - WEB-DL 1080p/ 720p Duration - 1h 30m Format - mp4 Genre - Horror, Mystery Subtitle - Myanmar Subtitle (Hard Sub)

The Great Battle (2018) မင်းကြီးဂျူမုံတည်ထောင်ခဲ့တဲ့ ဂိုဂူလျောပြည်ကို တရုတ်ထန်ဘုရင် ကျူးကျော်ခဲ့တဲ့ အကြောင်းကို စစ်တိုက်ပုံမျိုးစုံ ဝေဝေဆာဆာနဲ့ ရိုက်ကူးထားတဲ့ ရာဇဝင်ကားကောင်းလေးဖြစ်တဲ့ The Great Battle ဆိုတဲ့ ဇာတ်ကားလေးကို ပြန်တင်ပေးလိုက်ပါတယ်နော်။ ဂိုဂူလျောက စစ်သေနာပတိယွန်းဟာ အန်ရှီခံတပ်ရဲ့ တပ်မှူး ယန်မန်ချွန်းရဲ့ အမိန့်မနာခံမှုကို အပြစ်ပေးဖို့အတွက် သူ့ဆီကို သူလျှိုတွေ စေလွှတ်ပေါင်း မနည်းပါဘူး။ အန်ရှီမြို့သား ဆာမူကို စေလွှတ်လိုက်ချိန်မှာတော့ ဆာမူဟာ တပ်မှူးယန်ရဲ့ ခေါင်းဆောင်ပီသမှုတွေကို မြင်တွေ့ရပြီး လုပ်ကြံမှု မအောင်မြင်ခဲ့သလို တိုက်ပွဲပေါင်းများစွာကို ရှုံးပွဲမရှိ တိုက်ခိုက်အောင်မြင်ခဲ့တဲ့ တရုတ်ထန်စစ်တပ်ဟာ အန်ရှီခံတပ်ကို တိုက်ဖို့ လာတဲ့အခါ ယန်မန်ချွန်းရဲ့ ပါးနပ်မှု လက်ရုံးရည် နှလုံးရည်ပြည့်ဝမှုတွေကြောင့် လွယ်လွယ်နဲ့ မအောင်မြင်ခဲ့ပြန်တဲ့အခါမှာတော့.. တရုတ်ဘက်ကို ဘယ်လိုတွေတိုက်လာပြီး အန်ရှီခံတပ်ဘက်ကရော ဘယ်လိုပြန်ခုခံမလဲဆိုတာကိုတော့ ဇာတ်ကားလေးထဲမှာပါ ရှုစားလိုက်ရအောင်နော်။ ၃ လလောက်တိုက်ပွဲဝင်ရတာကို တိုက်ခန်းခိုက်ခန်း မြိုင်မြိုင်ဆိုင်ဆိုင်နဲ့ ရိုက်ကူးထားလို့ ကြည့်ရတန်တဲ့ ရာဇဝင်ကားကောင်းတစ်ကားဖြစ်သလို အချစ် အလွမ်း နဲ့ တိုင်းပြည်ချစ်စိတ်တွေကိုပါ ပေါ်လွင်အောင် ရိုက်ပြထားလို့ ရသမျိုးစုံကို ပေးစွမ်းနိုင်တဲ့ ဇာတ်ကားလေးပါလို့ ညွှန်းပေးပါရစေ။ File size…4.82GB / 1.49GB Quality…WEB-DL 1080p 5.1 CH/ WEB-DL 720p Format…mp4 Duration….2h 17m Genre ….. Action, Historical, Drama, War Subtitle….Myanmar Subtitle (Hard Sub) Encoder….Tiff Translated by Miri

The Best Hit (2017) ဒီတစ်​ခေါက် CM က​နေ တင်ဆက်​ပေးသွားမဲ့ ဇာတ်ကား​လေးက​တော့ သူ့​ခေတ် သူ့အခါမှာ အရမ်းကို ​အောင်မြင်ခဲ့တဲ့ အချိန်ခရီးသွား Rom-com ဇာတ်ကား​လေးပဲဖြစ်ပါတယ်။ ဒီဇာတ်ကားထဲမှာဆိုရင် အဓိက ဇာတ်လိုက်အ​နေနဲ့ Yoon Shi Yoon ၊ Lee Se Young ၊ Kim Min Jae ၊ Cha Tae Hyun တို့ပါဝင်ထားပြီး Cha Eunwoo နဲ့ Bona စတဲ့ နာမည်​​ကျော် သရုပ်​ဆောင်များစွာလည်း ပါဝင်ထားတဲ့ ဇာတ်ကား​လေးပဲ ဖြစ်ပါတယ်။ ဇာတ်ကား​​အကျဥ်းလေးက​တော့ - 2017 ခုနှစ်မှာ အိပ်မက်​တွေကို အ​ကောင်အထည်​ဖော်ဖို့ ကြိုးစား​နေကြတဲ့ အီဂျီဟွန်း၊ ချွဲဝူဆွန်း၊ MC ဒ​ရေးဆိုတဲ့ သူငယ်ချင်း သုံး​ယောက်ရှိပါတယ်။ တစ်​နေ့မှာ အဲဒီသူငယ်ချင်း ၃​ယောက်က .. 1993 ခုနှစ်က​နေ အချိန်ခရီးသွားပြီး ​ရောက်ရှိလာတဲ့ ဟျွန်းဂျယ်ဆိုတဲ့သူနဲ့ မ​တော်တဆ ​တွေ့ဆုံခဲ့ကြပါတယ်။ ဟျွန်းဂျယ်ဆိုတာက​တော့ ၁၉၉၃ ခုနှစ်မှာ အရမ်းနာမည်​ကျော် ​အောင်မြင်တဲ့ အဆို​တော်တစ်​ယောက်ပဲဖြစ်ပါတယ်။ တစ်​နေ့မှာ သူက ရုတ်တရုက်​ပျောက်ကွယ်သွားတယ်။ သူ​ပျောက်ပြီး တစ်လ​လောက်အကြာမှ​တော့ သူ့ရဲ့ကားကို ​ရေကန်ထဲမှာ ​တွေ့လိုက်ရလို့ အကုန်လုံးက ​သေပြီလို့ သတ်မှတ်ခံထားရတဲ့သူတစ်ယာက်ပါ။ 2017 ကို အချိန်ခရီးသွားပြီး ​ရောက်လာမှ သူက ဆန်းကျယ်စွာ ​ပျောက်ကွယ်သွားတဲ့အ​ကြောင်း ၊ သူ့ကို ​သေပြီလို့ ထင်​နေကြတဲ့အ​ကြောင်းကို ပြန်သိလိုက်ရပါတယ်။ 1993 က​နေ လာတဲ့ သူတစ်​ယောက်က 2017 မှာ ​ခေတ်လူငယ်​တွေနဲ့အတူ အံဝင်ခွင်ကျဖြစ်​အောင် ဘယ်လို​တွေ​နေထိုင်သွားမလဲ ..... သူက​ရော ဘယ်လို​ကြောင့် ဆန်းကြယ်စွာ ​ပျောက်ကွယ်သွားပြီး 2017 ကို ​ရောက်လာတာလဲ ဆိုတာကို စိတ်ဝင်စားဖွယ် ကြည့်ရှုရမဲ့အပြင် အသက်၂၀​ကျော် လူငယ်​လေး​တွေရဲ့ ကိုယ့်အိပ်မက်​တွေ ပြည့်​မြောက်​အောင် ကြိုးစား​နေကြတဲ့ သူတို့ရဲ့ စိတ်အားထက်သန်မှု​တွေ၊ အချစ် ၊ သူငယ်ချင်း သံ​ယောဇဥ်​တွေကိုပါ လှလှပပ ပုံ​ဖော်ရိုက်ကူးထားပြီး ​ပေါ့​ပေါ့ပါးပါးနဲ့ ဘဝအ​မော​တွေ ​ပြေ​​ပျောက်စေမဲ့ စိတ်ဝင်စားဖွယ် Rom-com ဇာတ်ကား​လေးပဲ ဖြစ်ပါတယ်။ အညွှန်းကို Htoo Htoo Aung မှ ရေးသားပေးထားပါတယ် Episodes: 16 Aired: Jun 2, 2017 - Jul 22, 2017 Aired On: Friday, Saturday Original Network: KBS2 Genres: Comedy, Romance, Life, Drama Translated by Htoo Htoo ,Hsu Pyae, Shwe Pyae, Zuri Theint, Yati, Sandi & Double M Encoded by AHtet

My Brilliant Life (2014) ပရိသတ်ကြီးတို့အတွက် 2014 ခုနှစ်ကထွက်ခဲ့တဲ့ ဘဝသရုပ်ဖော် ကားကောင်းလေး တစ်ကားကို တင်ဆက်ပေးလိုက်ရပါတယ်။ Cast တွေကတော့ အားလုံးသိကြတဲ့ Kang Dong-Won ၊ Song Hye-Kyo နဲ့ ကလေးသရုပ်ဆောင် Jo Sung-Mok တို့အဓိကပါဝင်ထားပြီး အခြားသော ဝါရင့် သရုပ်ဆောင်ကြီးများစွာ ပါဝင်အားဖြည့်ထားကြတာမို့ cast တွေနဲ့တင် လက်မလွှတ်သင့်တဲ့ ရုပ်ရှင်ကားကောင်းလေးဖြစ်ပါတယ်။ ဇာတ်လမ်းအညွှန်း တစ်ချိန်ကတိုက်ကွမ်ဒိုကိုကစားရတာကြိုက်တဲ့ ဟန်ဒယ်ဆူ (Kang Dong-Won) နဲ့ အဆိုတော်ဖြစ်ချင်တဲ့ ချွဲမီရာ (Song Hye-Kyo) တို့ရဲ့ သားဖြစ်တဲ့ ဟန်အာရွန်း (Jo Sung-Mok) ဟာ ရှားပါးတဲ့ အရွယ်မတိုင်မီ အိုမင်းရင့်ရော်တဲ့ရောဂါကို ခံစားနေရသူဖြစ်ပါတယ်။ ဒီရောဂါဟာ အသက်ကြီးတဲ့နှုန်းမြန်လာပြီး အပြင်ပန်းရုပ်ရည်မှာသာမက ခန္ဓာကိုယ်အတွင်းပိုင်းမှာပါ အသက်ကြီးလာရင် ဖြစ်လေ့ရှိတဲ့ ရောဂါတွေပါ ဖြစ်တတ်တဲ့ရောဂါတစ်ခုဖြစ်ပါတယ် ။ အသက် ၁၆ နှစ်ဆိုပေမဲ့ အသက် ၈၀ အရွယ်ခန္ဓာကိုယ်ကို ပိုင်ဆိုင်ထားရတဲ့ အာရွန်းဟာ ဥာဏ်အလွန်ကောင်းပြီး စာရေးတာတော်တဲ့ကလေးဖြစ်ပြီး .. အသက် ၁၇ နှစ် အရွယ်မှာ သူ့ကိုမွေးခဲ့ကြတဲ့ သူ့အမေနဲ့အဖေရဲ့ အကြောင်းကို ရေးသားပြီးတော့ အဖေနဲ့အမေကို လက်ဆောင်ပေးဖို့ ကြံရွယ်နေသူပါ။ ဒီလိုနဲ့ပဲ တစ်နေ့မှာတော့ အီးမေးလ်ကနေတစ်ဆင့် ကုမရတဲ့ရောဂါဖြစ်နေတဲ့ သက်တူရွယ်တူ ကောင်မလေးတစ်ယောက်နဲ့ စကားအပြန်အလှန်ပြောရင်း တစ်ဦးကိုတစ်ဦး နှစ်သိမ့်ပေးရင်းနဲ့ အာရွန်းတစ်ယောက် ကောင်မလေးအပေါ် သဘောကျမိသွားတဲ့အခါမှာတော့..... ရှားပါးရောဂါကြောင့် တစ်ရက်ကို တစ်နှစ်လို အချိန်ကုန်နေရပြီး ကိုယ််ကြောင့် ပင်ပန်းနေကြတဲ့ မိဘတွေကို သနားနေတဲ့ ဟန်အာရွန်း.... ၁၇ နှစ်နဲ့မိဘဖြစ်လာပြီးနောက် အိပ်မက်တွေကို စွန့်လွှတ်ပြီး မိဘဝတ္တရားကို ကျေပြန်အောင် လုပ်နေကြတဲ့ ဟန်ဒယ်ဆူနဲ့ ချွဲမီရာ.... ဒီမိသားစု သုံးယောက်ရဲ့ ဘဝအကြောင်းကို ပြုံးတစ်လှည့် ငိုတစ်လှည့် ကြည့်ရှုရမဲ့ ကားကောင်းလေး တစ်ကားဖြစ်လို့ ပရိသတ်ကြီးတို့အတွက် တင်ဆက်ပေးလိုက်ရပါတယ်။ File size…1.70GB / 822MB Quality… BluRay 1080p/ 720p Format…mp4 Duration….1 hr. 57 min. Genre ….. Life, Drama Subtitle….Myanmar Subtitle (Hard Sub)