Colin Firth ပါဝင်သော ဇာတ်ကားများ

Young Sherlock (2026) Season 01 (စ/ဆုံး) နာမည်ကြီး စုံထောက်ကြီး ရှားလော့ခ်ဟုမ်းစ်ရဲ့ ငယ်ဘဝကို အက်ရှင်အပြည့်နဲ့ ရိုက်ကူးထားတဲ့ Amazon Prime ရဲ့ "Young Sherlock" (၂၀၂၆) စီးရီးလေးတင်ပေးထားပါတယ်။ ဒါရိုက်တာကတော့ အရင် RDJ ရဲ့ Sherlock Holmes ရုပ်ရှင်တွေကို ရိုက်ခဲ့တဲ့ အက်ရှင်ဒါရိုက်တာကြီး Guy Ritchie ပါပဲ။ ဇာတ်လမ်းအကျဉ်း ဇာတ်လမ်းက ၁၈၇၀ ပြည့်လွန်နှစ်တွေက အောက်စ်ဖို့ဒ် (Oxford) တက္ကသိုလ်မှာ စတာပါ။ အသက် ၁၉ နှစ်အရွယ် ရှယ်လော့ဟုမ်းစ်က တည်ငြိမ်ပြီး အေးစက်စက် စုံထောက်ကြီး မဟုတ်သေးဘူး။ စိတ်လိုက်မာန်ပါလုပ်တတ်တယ်၊ စည်းကမ်းမရှိဘူး၊ နည်းနည်းလည်း ဆိုးသွမ်းချင်တဲ့ ကောင်လေးပေါ့။ တစ်ရက်ကျတော့ အောက်စ်ဖို့ဒ်မှာ လူသတ်မှုတစ်ခု ဖြစ်သွားပြီး ရှားလော့က အဓိက သံသယတရားခံ ဖြစ်သွားရော။ အဲဒီမှာ သူ့ကိုယ်သူ အပြစ်ကင်းကြောင်း သက်သေပြဖို့အတွက် သူ့ရဲ့ ပထမဆုံးအမှုအနေနဲ့ စတင်စုံစမ်းပါတော့တယ်။ စိတ်ဝင်စားစရာ အကောင်းဆုံးကတော့ နောင်တစ်ချိန်မှာ သူ့ရဲ့ အကြီးမားဆုံး ရန်သူဖြစ်လာမယ့် ဂျိမ်းစ် မိုရီယာတီ (James Moriarty) နဲ့ ဒီအမှုမှာ သူငယ်ချင်းတွေအနေနဲ့ အတူတူ ပူးပေါင်းပြီး အမှုကို ဖော်ထုတ်ကြတာပါပဲ။ ရိုးရိုးလူသတ်မှုကနေ စလိုက်တဲ့ အမှုက တဖြည်းဖြည်းနဲ့ ကမ္ဘာချီတဲ့ လျှို့ဝှက်ပူးပေါင်းကြံစည်မှုကြီးတစ်ခုဆီကို ဦးတည်သွားပါတော့တယ်။ ဒီစီးရီးက အရင် Sherlock ကားတွေလို အမှုလိုက်ရုံချည်း သီးသန့်မဟုတ်ဘဲ Guy Ritchie စတိုင်အတိုင်း အက်ရှင်တွေ၊ အမိုက်စား တိုက်ခိုက်ခန်းတွေနဲ့ ခပ်မိုက်မိုက် ရိုက်ကူးထားတာပါ။ နောက်ပြီး မိုရီယာတီနဲ့ ရှယ်လော့တို့ ရန်သူတွေ မဖြစ်ခင် လူငယ်ဘဝမှာ သူငယ်ချင်းတွေအဖြစ် ဘယ်လိုပူးပေါင်းခဲ့ကြလဲဆိုတာကို ကြည့်ရမှာဆိုတော့ တော်တော်လေးကို အသစ်အဆန်း ဖြစ်နေမှာ သေချာပါတယ်။ စုံထောက်ကား ကြိုက်တဲ့သူတွေ၊ အက်ရှင်ကား ကြိုက်တဲ့သူတွေ အကြိုက်တွေ့စေမယ့် စီးရီးလေးပါ။ File size… (800 MB) / (400 MB) Quality…. WEB-DL 1080p HEVC / 720p Format…. mkv/mp4 Genre…. Spy, Action, Adventure, Mystery Duration…. 50min Subtitle…. Myanmar Subtitle (Hardsub)

Disclosure Day (2026) ၂၀၂၆ ခုနှစ်မှာ ထွက်ရှိထားတဲ့ နာမည်ကြီး ဒါရိုက်တာ Steven Spielberg ရဲ့ Sci-Fi / Thriller ဇာတ်ကားကောင်းလေးတစ်ကား ထွက်လာပါပြီ။ ဒီကားကတော့ ဂြိုဟ်သားတွေနဲ့ ပတ်သက်တဲ့ လျှို့ဝှက်ချက်တွေကို ဖော်ထုတ်မယ့် အကြောင်းကို ရိုက်ကူးထားတာပါ။ သရုပ်ဆောင်တွေအနေနဲ့ Emily Blunt, Josh O'Connor နဲ့ Colin Firth တို့လို နာမည်ကြီးတွေ ပါဝင်ထားပါတယ်။ ဇာတ်လမ်းအကျဉ်း ဇာတ်လမ်းအစမှာ ကမ္ဘာကြီးက တတိယကမ္ဘာစစ်ဖြစ်ဖို့ တော်တော်လေး နီးစပ်နေတဲ့ အခြေအနေမှာ ရှိနေပါတယ်။ အဲဒီအချိန်မှာ ဆိုက်ဘာလုံခြုံရေးသမား ဒန်နီရယ် (Josh O'Connor) က သူအလုပ်လုပ်နေတဲ့ Wardex ဆိုတဲ့ လျှို့ဝှက်အစိုးရအဖွဲ့အစည်းကနေ ဂြိုဟ်သားတွေနဲ့ပတ်သက်တဲ့ အချက်အလက်တွေနဲ့ ပစ္စည်းတချို့ကို ခိုးယူပြီး ထွက်ပြေးလာပါတယ်။ Wardex ရဲ့ အကြီးအကဲ နိုအာ (Colin Firth) ကတော့ သူတို့ကို အသေအလဲ လိုက်ဖမ်းပါတော့တယ်။ တစ်ဖက်မှာလည်း မိုးလေဝသကြေညာသူ မာဂရက် (Emily Blunt) ဟာ ထူးဆန်းတဲ့ အဖြစ်အပျက်တစ်ခုနဲ့ ကြုံပြီးတဲ့နောက်မှာ လူတွေရဲ့ စိတ်ကို ဖတ်နိုင်တာ၊ သူတစ်ခါမှ မသင်ဖူးတဲ့ ဘာသာစကားတွေကို ပြောတတ်လာတာမျိုးတွေ ဖြစ်လာပါတယ်။ တစ်နေ့မှာ သူ ရာသီဥတုသတင်း ကြေညာနေတုန်း ဂြိုဟ်သားတွေရဲ့ ဘာသာစကားနဲ့ ပြောလိုက်မိတဲ့ ဗီဒီယိုက အင်တာနက်မှာ ပျံ့သွားတာကြောင့် Wardex အဖွဲ့က သူ့ကိုပါ လိုက်ဖမ်းပါတော့တယ် တကယ်တော့ ဒန်နီရယ် နဲ့ မာဂရက် တို့နှစ်ယောက်စလုံးက ငယ်ငယ်ကတည်းက ဂြိုဟ်သားတွေ ပြန်ပေးဆွဲတာကို ခံခဲ့ရပြီး ကမ္ဘာမြေကို သတင်းစကားပါးနိုင်ဖို့ စွမ်းအားတွေ ထည့်ပေးခံခဲ့ရတာပါ။ နောက်ဆုံးမှာတော့ သူတို့နှစ်ယောက်ပေါင်းပြီး ဂြိုဟ်သားတွေ တကယ်ရှိကြောင်းနဲ့ အစိုးရက ဖုံးကွယ်ထားတဲ့ လျှို့ဝှက်ချက်တွေကို ကမ္ဘာတစ်ဝှမ်းလုံး သိအောင်ဖွင့်ချဖို့ ကြိုးစားကြပါတယ်။ ဇာတ်ကွက်အဆန်းလေးတွေနဲ့ စောင့်ကြည့်ရတဲ့ နိုင်ငံတကာရုပ်ရှင်တွေကို သဘောကျရင်တော့ ဒီကားလေးကလည်း အကြိုက်တွေ့စေမှာ သေချာပါတယ်။

Season 1 အပိုင်း ( ၁ မှ ၅ ) အထိ စ / ဆုံး ၂၀၂၅ ခုနှစ်ရဲ့နှစ်စမှာတော့ စိတ်ဝင်စားစရာတော်တော်ကောင်းပြီး အချိန်ပေးကြည့်ရတာတန်စေမဲ့ ဖြစ်ရပ်မှန် Series လေးတစ်ခုကို တင်ဆက်ပေးလိုက်ပါတယ်။ဒီ Series ရဲ့နာမည်ကတော့ Lockerbie : A Search for Truth ဖြစ်ပြီး လက်ရှိ IMDb 7.8 အထိ ရရှိထားတဲ့အတွက် Rating ကြည့်ရုံနဲ့ကောင်းမယ်ဆိုတာတော့ တန်းသိနိုင်ပါတယ်။သရုပ်ဆောင်တွေအနေနဲ့ကလည်း Kingsman နဲ့ နာမည်အကြီးဆုံးဖြစ်ခဲ့တဲ့ Colin Firth ကအဓိကဇာတ်ဆောင်မင်းသား အနေနဲ့တစ်ကားလုံးကိုစိတ်ဝင်စားစရာကောင်းအောင် သူ့ရဲ့လေယူ လေသိမ်းတွေ သရုပ်ဆောင်ဟန်တွေနဲ့ဆွဲဆောင်သွားမှာပဲဖြစ်ပါတယ်။ ဒီဇာတ်ကားရဲ့အဖြစ်မှန်ကဘာလဲဆိုရင်တော့ ၁၉၈၈ ခုနှစ် ခရစ္စမတ်အချိန် ကာလနီးနေပြီဖြစ်တဲ့ အချိန် လေကြောင်းလိုင်းတွေအားလုံး အားလပ်ရပ် အိမ်ပြန်ကြမဲ့ အလည်အပတ်သွားမဲ့လူတွေနဲ့ပြည့်နှက်ပြီးအလုပ်ရှုပ်နေကြတဲ့ အချိန်မှာ ပန်အမ်းလေယာဉ် ၁၀၃ ဆိုတဲ့ခရီးသည်တင်လေယာဉ်တစ်စီးက ဇာတ်ကားနာမည်ထဲက လော့ကာဘီဆိုတဲ့မြို့လေးတစ်မြို့မှာဖြတ်ပျံနေတဲ့ အချိန်ဗုံးပေါက်ကွဲပြီး လေယာဉ်ပေါ်မှာပါလာတဲ့ လူပေါင်း ၂၅၉ ယောက်လုံး သေဆုံးခဲ့ရတဲ့ဖြစ်ရပ်မှန်ကိုအခြေခံထားတာပဲဖြစ်ပါတယ်။ ဗုံးပေါက်ကွဲတယ်ဆိုကတည်းက သွေးရိုးသားရိုးမဟုတ်ဘဲ အကြမ်းဖက် သမားတွေလက်ချက်ဖြစ်မယ်ဆိုတာကို ကလေးတောင်သိနိုင်ပေမဲ့ ဗြိတိန်အစိုးရကတော့ အဲ့ဒါကိုအလေးအနက်မထားတဲ့အပြင် သူတို့ရဲ့ အလေးအနက်မထားမှုကြောင့်လည်း ဒီလိုရလာဒ်တွေထွက်လာခဲ့ရတာ ဖြစ်တဲ့အတွက် အဲ့ဒီလေယာဉ်ပေါ်ကခရီးသည်တွေထဲက ကောင်မလေး တစ်ယောက်ရဲ့ ဖခင်တစ်ယောက်နေရာကနေ ဒီဖြစ်စဉ်ကြီးတစ်ခုလုံးရဲ့ ဖြစ်ရပ်မှန်ကိုဖော်ထုတ်သွားမဲ့ပုံစံမျိုးနဲ့ရိုက်ကူးထားတာဖြစ်တဲ့အတွက် အလွန်ကိုမှစိတ်ဝင်စားစရာကောင်းမဲ့ Series လေးတစ်ခုဖြစ်ကြောင်း ညွှန်းပေးလိုက်ချင်ပါတယ်။ File Size –942MB  / 497MB Quality –WEB-DL 1080p HEVC / 720p Episodes -  5 Eps Duration -  55 min Subtitle – Myanmar Hardsub Format – mkv /mp4 Genre :  Drama , History Translator – Saw Lay & Austin Encoder – Min Wai

Bridget Jones: Mad About the Boy (2025) IMDb Rating (6.8) / Rotten Tomatoes (86%) ဒီဇာတ်ကားလေးကတော့ 2025 ခုနှစ် ထဲမှာပဲ ပူပူနွေးနွေးထွက်ရှိထားတဲ့ မိသားစုအချစ်ဟာသ ဇာတ်ကားလေးပဲဖြစ်ပါတယ်။ မင်းသမီး Renée Zellweger အဓိကပါဝင်သရုပ်ဆောင်ထားပြီးတော့ ဒါရိုက်တာကတော့ Michael Morris ဖြစ်ပါတယ်။ ဇာတ်လမ်းအကျဉ်း.. Bridget Jones ဆိုတဲ့အမျိုးသမီးဟာ သူ့ယောက်ျား ဆုံးပါးသွားပြီးတဲ့နောက်မှာ ကလေးနှစ်ယောက် ဖြစ်တဲ့ Billy နဲ့ Mabel နဲ့ အတူ တစ်ခုလပ် မိခင်အဖြစ် ရုန်းကန်ခဲ့ရပါတယ်။ လေးနှစ်​လောက် အလုပ်မလုပ် ဘယ်သူနဲ့မှလည်း မတွေ့ခဲ့ပဲနဲ့ ကလေးတွေနဲ့ပဲ အချိန်ကုန်နေခဲ့ရပါတယ်။ အဲ့ဒီနောက်မှာတော့ သူ့ရဲ့ မိသားစု နဲ့ သူငယ်ချင်းတွေရဲ့ အားပေးမှုနဲ့ အတူ အလုပ်ပြန်လုပ်ပြီး ဘဝလက်တွဲဖော်အသစ်ကို ရှာဖို့ကြိုးစားပါတော့တယ်။ ဘဝကိုရှေ့ဆက်လျှောက်နိုင်သွားမလား သူ့ရဲ့လက်တွဲဖော်အသစ်ကို ရှာတွေ့သွားမလားဆိုတာကို ရင်ခုန်စွာစောင့်ကြည့်ရမယ့် ဇာတ်လမ်းလေးတစ်ပုဒ်ဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size… (8.1 GB) / (2 GB) / (940 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Comedy, Drama, Romance Duration….02:06:10 Subtitle….Myanmar Subtitle (Hardsub) Encoder….Benjamin Translated by Nay

လန်ဒန်မြို့တောင်ဘက်ခြမ်းက လမ်းမတွေပေါ်မှာ အသည်းကွဲနေတဲ့ ဒွန်မ်နဲ့ လမ်းခွဲပြီးစ ရာ့စ်တို့ ဆုံကြပါတယ်။ ဒွန်မ်က ရှက်တတ်သူဖြစ်ပြီး ရာ့စ်ကတော့ တက်တက်ကြွကြွ နေတတ်သူပါ။ အကျင့်စရိုက်ချင်း မတူကြပေမယ့် အချစ်ရေးမှာ နာကျင်ထားကြတဲ့ သူတို့နှစ်ယောက်ဟာ အချင်းချင်း နှစ်သိမ့်ပေးရင်း၊ ကြုံနေရတဲ့ အခက်အခဲတွေကို ကူညီဖြေရှင်းပေးရင်း နီးစပ်လာကြတယ်။ အဲဒီလို နားလည်မှုရလာရာကနေ တစ်ယောက်အပေါ်တစ်ယောက် ချစ်စိတ်ဝင်လာကြပုံကို ဟာသတွေ၊ အလွဲတွေနဲ့ တွဲဖော်ထားတဲ့ အချစ်ဟာသဇာတ်ကားပါ။ တစ်ချိန်ချိန်၊ တစ်နေရာရာမှာ ကိုယ်နဲ့ လိုက်ဖက်မယ့်သူကို တွေ့နိုင်သေးတယ်ဆိုတဲ့ မျှော်လင့်ချက်လေးလည်း ပေးထားပါတယ်။

ဒုတိယကမ္ဘာစစ်အတွင်း မဟာမိတ်တပ်တွေက ဥရောပစစ်မြေပြင်မှာ အရေးပါတဲ့ စစ္စလီကို ထိုးစစ်ကြီးတစ်ခု ဆင်နွှဲဖို့ စီစဉ်ထားပါတယ်။ ဒါပေမယ့် စစ္စလီရဲ့ ဗျူဟာအရ အရေးပါပုံကို ဟစ်တလာကလည်း သိထားတဲ့အတွက် ခံစစ်ကို အကြီးအကျယ် ပြင်ဆင်နေပြီ။ ဒီခံစစ်ကို ထိုးဖောက်ဖို့ဆို မဟာမိတ်တပ်တွေအတွက် အကျအဆုံးများနိုင်တာကြောင့် ထောက်လှမ်းရေးဘက်က အကြံတစ်ခု ထုတ်လာပါတယ်။ မဟာမိတ်တွေ တကယ်တိုက်မယ့်နေရာဟာ ဂရိလို့ ဟစ်တလာယုံသွားပြီး စစ္စလီကတပ်တွေကို အဲဒီဘက် ရွှေ့လိုက်မယ်ဆိုရင် စစ္စလီကို အကျအဆုံးနည်းနည်းနဲ့ သိမ်းနိုင်မယ်ဆိုတဲ့ အကြံပါ။ ခက်တာက ဂျာမနီဘက်ကလည်း လှည့်စားခံရနိုင်တာကို ကြိုတွက်ထားပြီးသားဖြစ်နေတယ်။ ဒါကြောင့် သတင်းအမှားတစ်ခုကို တမင်ပို့လိုက်မှန်း မသိစေဘဲ ယုံအောင်လုပ်ဖို့ လိုလာပါတယ်။ ဗြိတိန်ထောက်လှမ်းရေးအဖွဲ့ခွဲက စဉ်းစားလိုက်တာကတော့ ဗြိတိန်တပ်သားအလောင်းတစ်လောင်းကို စပိန်ကမ်းခြေဆီ မျောရောက်သွားအောင် လုပ်ဖို့ပါ။ စပိန်ဟာ ကြားနေနိုင်ငံဖြစ်ပေမယ့် ဂျာမန်သူလျှိုတွေ အများကြီးရှိတဲ့အတွက် အလောင်းနဲ့အတူ ဂရိကိုတိုက်မယ့် အစီအစဉ်မှတ်တမ်းအတုတွေ ထည့်ပေးလိုက်ဖို့ ရည်ရွယ်ထားတယ်။ ဒီအစီအစဉ်ကို Operation Mincemeat လို့ အမည်ပေးထားပါတယ်။ ဘယ်လိုအလောင်းကို အသုံးပြုရမလဲ၊ ရင်ခွဲစစ်ဆေးခံရရင် အလိမ်မပေါ်ဖို့ ဘာတွေပြင်ဆင်ရမလဲ၊ အလောင်းပိုင်ရှင်ရဲ့နောက်ကြောင်းကို စုံစမ်းလာရင် ဘယ်လိုခိုင်လုံအောင် လုပ်ထားမလဲဆိုတာတွေကို အသေးစိတ် စီစဉ်ကြရတယ်။ ပါသွားတဲ့မှတ်တမ်းတွေကိုလည်း အစစ်လို့ ယုံသွားအောင် ပြင်ဆင်ရပါတယ်။ ကိုလင်ဖာ့သ်နဲ့ မက်သရူး မစ်ဖက်ဒီရန်တို့ ပါဝင်ထားတဲ့ ဒီဖြစ်ရပ်မှန်အခြေခံရုပ်ရှင်က ရှေ့တန်းတိုက်ပွဲနောက်ကွယ်မှာ ထောက်လှမ်းရေးသမားတွေ ဒီလှည့်ကွက်ကို အကောင်အထည်ဖော်ကြပုံကို ပြထားတာပါ။

ဗြိတိန် အချစ် ဒရာမာ ကားကောင်းလေးတစ်ခုလောက် ကြည့်လိုက်ရအောင်။ Graham Swift ရဲ့ နာမည်ကျော် ဝတ္ထုကို ပြန်လည်ရိုက်ကူးထားတာဖြစ်ပါတယ်။ ရုပ်ရှင်နာမည် Mothering Sunday ဆိုတဲ့အဓိပ္ပါယ်ကတော့ အိမ်အကူတွေ ဝန်ထမ်းတွေကို အားရက်ပေးပြီး မိဘ၊ မိသားစုနဲ့ ပြန်လည်တွေ့ဆုံခွင့်ပေးတဲ့နေ့ပါပဲ။ ဂျိန်းဆိုတဲ့ အိမ်အကူမိန်းကလေးနဲ့ ပေါလ်ဆိုတဲ့ လူချမ်းသာအသိုင်းအဝိုင်းက လူငယ်တစ်ယောက်ရဲ့ အချစ်ဇာတ်လမ်းရယ် ဂျိန်းရဲ့ အိမ်ထောင်ဘက်ဖြစ်လာတဲ့ ဒေါ်နယ်နဲ့ အချစ်ဇာတ်လမ်းတွေရယ်ကို အခြေပြုပြီး ပြသထားတာပါပဲ။ ဘာတွေဖြစ်လာမလဲတော့ ဆက်ကြည့်လိုက်ပါဦး။ အိပ်ရာခန်းတွေ တုံးလုံးအခန်းအချို့ကိုအနုပညာအသားပေး ရိုက်ကူးထားတာတွေပါဝင်လို့ မိသားစုနဲ့ကြည့်လို့တော့ မသင့်တော်ပါဘူး။ File size…(2.2GB)/(1.08gb)/(518 Mb) Quality….Webrip 1080p / 720p / 480p Format…mp4 Duration….01:44:00 Genre...Drama /  Romance Subtitle….Myanmar Subtitle (Hardsub) Encoder….Mr. Anderson Translated by Chevy

Supernova (2020) (IMDb  6.7) Tuskerနဲ့Samတို့က တစ်ယောက်ကိုတစ်ယောက် နက်ရှိုင်းစွာချစ်ကြတဲ့ သက်လယ်ပိုင်းGayစုံတွဲပါ။ ကံမကောင်းချင်တော့ Tuskerက Dementiaနောက်ဆုံးအဆင့်ကို ခံစားနေရပြီး မှတ်ဉာဏ်ခဏခဏပျောက်ဆုံးတဲ့ ရောဂါသည်တစ်ဦးပါ ရောဂါသည်Tuskerကို ခင်ပွန်းဖြစ်သူ Samက အရိပ်တကြည့်ကြည့်နဲ့ပြုစုစောင့်ရှောက်ပေးပါတယ် သူတို့ရဲ့ကားဟောင်းလေးနဲ့ သူငယ်ချင်း၊ ဆွေမျိုးတွေဆီကိုသွားလည်ပြီး အတိတ်က အတူရှိခဲ့တဲ့နေရာတွေကို ပြန်သွားချင်နေတဲ့ Tuskerရဲ့ဆန္ဒကို Samက ဖြည့်စည်းပေးဖို့ကြိုးစားခဲ့ပါတော့တယ် လူ့သဘာဝအရ တခါတရံ သူတို့နှစ်ဦးသားသဘောထားချင်းမတိုက်ဆိုင်ပေမဲ့ Tuskerနဲ့Samတို့ဟာ အချစ်မပျက်ခဲ့ကြပါဘူး သူတို့အချင်းချင်း တိတ်တဆိတ်နဲ့ တစ်ဦးပေါ်တစ်ဦးချစ်ခြင်းမေတ္တာဖော်ကျူးထားပုံကို Supernovaဆိုတဲ့ဇာတ်ကားလေးမှာ ဆက်လက်ရှုစားကြပါဦး။ Khine Khine Wai နဲ့ Ei Phyu Khin တို့က ဘာသာပြန်တင်ဆက်ပေးထားပါတယ်။ File Size : (1.3GB) and (857MB) Quality : Format…mp4 Duration…1h 35min Genre : Drama, Romance Subtitle : Myanmar Subtitle (Hard Sub) Translated by Khine Khine Wai & Ei Phyu Khin Encoded by Myoko

ယော့ခ်ရှိုင်းယားက မြက်ခင်းလွင်ပြင်ထဲမှာ ကျိန်စာသင့်နေတယ်လို့ လူတွေယုံကြည်ကြတဲ့ မစ်ဇယ်ဝိတ်စံအိမ်ကြီးတစ်ခု ရှိပါတယ်။ အဲဒီစံအိမ်ကို အသစ်ရောက်လာသူက မေရီဆိုတဲ့ ကောင်မလေးပါ။ သူ့အတွက် မရောက်ဖူးတဲ့နေရာဖြစ်ပေမယ့် စံအိမ်ကြီးနဲ့ တစ်နည်းနည်း ဆက်နွယ်နေသလို ခံစားနေရတယ်။ တစ်နေ့မှာတော့ မေရီဟာ စံအိမ်အပြင်ဘက်က တောအုပ်ထဲမှာ ကစားရင်း လျှို့ဝှက်မှော်ဥယျာဉ်တစ်ခုကို တွေ့သွားပါတယ်။ အဲဒီဥယျာဉ်ကို တွေ့ပြီးနောက် စံအိမ်ကြီးနဲ့ ဥယျာဉ်တို့ရဲ့ လျှို့ဝှက်ချက်တွေလည်း တဖြည်းဖြည်း ပေါ်လာတော့တယ်။ Frances Hodgson Burnett ရဲ့ The Secret Garden ဝတ္ထုကို ပြန်လည်ရိုက်ကူးထားတဲ့ ၂၀၂၀ ခုနှစ် ရုပ်ရှင်ဖြစ်ပါတယ်။ ခင်မင်ရင်းနှီးမှု၊ သံယောဇဉ်နဲ့ ချစ်ခြင်းမေတ္တာအကြောင်းကို သာယာတဲ့ရှုခင်းတွေနဲ့အတူ ပုံဖော်ထားပါတယ်။

ဒီနှစ် အကယ်ဒမီမှာ ဆုတွေ အများကြီး ဆန်ကာတင်ဝင်ပြီး ၃ ဆုရထားတဲ့ စစ်ကားပါ။ စစ်ကားငတ်နေတဲ့သူတွေတော့ အကြိုက်တွေ့မှာပါ။ ဒီဗွန် တပ်ရင်း-၂ ဟာ ၉မိုင်ကျော် ဆုတ်ခွာသွားတဲ့ ဂျာမန်တွေကို အပြီးသတ်ချေမှုန်းဖို့ လိုက်တိုက်နေပါတယ်။ ဒါပေမယ့် ဒါဟာ ထောင်ချောက်ဆိုတာကို သူတို့ မသိကြရှာပါဘူး။ ဒီနေ့ပြီးလို့ နောက်တစ်နေ့ မနက်မှာ ထိုးစစ်စတာနဲ့ လူပေါင်း ၁၆၀၀ လုံး သေကြရတော့မယ်။ သူတို့ တပ်ရင်းကို တားဖို့အတွက် တိုက်ရိုက်အမိန့်ကို ဌာနချုပ်ကနေ ပို့ဖို့ကြိုးစားတဲ့အခါ လူနည်းလေ မြန်လေမို့ လူ ၂ ယောက်ထဲကိုပဲ လွှတ်လိုက်ရတယ်။ ဒုတပ်ကြပ်ဘလိတ်ခ် နဲ့ စကိုးဖီးတို့ဟာ လူပေါင်း ၁၆၀၀ အသက်ကို ကယ်နိုင်ဖို့ တစ်ရက်အတွင်းမှာ ဂျာမန်ရန်သူ့မြေထဲကို ဖြတ်ဝင်ပြီး တပ်ရင်း-၂ ဆီကို အရောက်သွားဖို့ ကြိုးစားရပါတော့တယ်။ အကောင်းဆုံး စီနီမက်တိုဂရက်ဖီဆု၊ အသံတည်းဖြတ်ဆု နဲ့ အထူးပြုလုပ်ချက်ဆုကို ရထားတဲ့ ရုပ်ရှင်ကို ထိုက်ထိုက်တန်တန် ခံစားကြည့်လိုက်ကြပါဦး။ File Size : ( 2 GB , 1 GB , 308 MB ) Quality : BluRay 1080p 5.1 CH , BluRay 720p Running Time : 1 hr 59 min Format : Mp4 Genre : Drama , War Subtitle : Myanmar Subtitle (Hard Sub) Translated by Little Neo Encoded by Moe Myint Lwin

တစ်ခေတ်တစ်ချိန်က အောင်မြင်ခဲ့ပြီး ဆုပေါင်းများစွာအရယူထားနိုင်ခဲ့တဲ့ Marry Poppins (1964) ရဲ့ Sequal အဖြစ် အခု ၂၀၁၈ မှာMary Poppins' Return ဆိုပြီး ပြန်လည်အသက်သွင်းခဲ့တဲ့ဇာတ်ကားဖြစ်ပါတယ်။ Mary Poppins ဆိုတာ မှော်ဆရာမလေးတစ်ဦး၊ သူဘယ်ကလာလဲ၊ ဘယ်အချိန်ပေါ်လာမလဲ၊ ဘာကြောင့်မှော်အစွမ်းတွေရထားတာလဲဆိုတာတော့ဘယ်သူမှမသိပါဘူး။ Mary Poppins' Return အကြောင်းမပြောခင် Mary Poppins (1964) အကြောင်းလေးကနေစပြောမှ ဇာတ်ရေနည်းနည်းလည်ပါလိမ့်မယ်။ Jane Banks နဲ့ Michael Banks တို့ငယ်ငယ်တုန်းက Mary Poppins က ကလေးထိန်းအဖြစ်နဲ့ စောင့်ရှောက်ပေးခဲ့ပါတယ်။ အဲ့ဒီမောင်နှမနှစ်ယောက် အဖေဖြစ်သူနဲ့အဆင်ပြေပြေဖြစ်သွား၊ မိသားစုကိစ္စတွေလဲပြေပြေလည်လည်ဖြစ်သွားခဲ့တဲ့အချိန်မှာ Mary Poppins ကသူ့ရဲ့မူလနေရာလို့ဆိုရမယ့် လန်ဒန်မိုးကောင်းကင်ပေါ်ကို ပြန်သွားခဲ့ပါတယ်။ အဲ့အချိန်ကစပြီး Jane နဲ့ Michael တို့နှစ်ယောက် Mary Poppins ကိုပြန်မတွေ့တော့ပါဘူး။ Mary Poppins နဲ့အတူ ကြုံတွေ့ခဲ့ရတဲ့ အထူးအဆန်းတွေ၊ စွန့်စားခန်းတွေက အိပ်မက်လိုလို စိတ်ကူးယဉ်မှုလိုလိုနဲ့ပဲ ထင်ယောင်ထင်မှားဖြစ်ကျန်ခဲ့ပါတယ်။ အခုဒီ Mary Poppins' Return မှာတော့ ဇာတ်ကားနာမည်အတိုင်းပဲ Mary Poppins ကောင်းကင်ပေါ်က ပြန်ဆင်းလာပါပြီ။ Jane နဲ့ Michael လဲ လူကြီးအရွယ်ရောက်၊ Michael ဆို ကလေးသုံးယောက်တောင်ရနေပါပြီ။ Michael က မိန်းမလဲဆုံးပါးသွားသလိုစီးပွားရေးအကြပ်အတည်းဖြစ်နေတာကြောင့် သူအလုပ်လုပ်တဲ့ဘဏ်မှာပဲ သူ့အိမ်ကို ပေါင်ထားခဲ့ပါတယ်။ ဒါပေမယ့် အတိုးတွေမဆပ်နိုင်ဖြစ်လာတဲ့အခါအိမ်ကို ဘဏ်ကနေ သိမ်းယူတော့မယ့်အခြေအနေမျိုးဖြစ်လာပါတယ်။ အဲ့အချိန်မှာပဲ Mary Poppins ကောင်းကင်ပေါ်ကဆင်းလာပြီးMichael ရဲ့ကလေးသုံးယောက်ကို စောင့်ရှောက်ပေးမယ့် ကလေးထိန်းအဖြစ် ပြန်လာခဲ့ပါတယ်။ ဟိုးအရင်တုန်းကအတိုင်း Banks မိသားစုရဲ့အခက်အခဲတွေကို Mary Poppins တစ်ယောက် ကူညီဖြေရှင်းပေးဖို့အတွက်ရောက်လာခဲ့တာပဲဖြစ်ပါတယ်။ ဒီဇာတ်ကားက Musical, Comedy, Family, Fantasy အမျိုးအစားဇာတ်ကားဖြစ်တာကြောင့် ပေါ့ပေါ့ပါးပါး မိသားစုနဲ့အတူကြည့်လို့ကောင်းမယ့်ဇာတ်ကားမျိုးလေးဖြစ်ပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ ကိုဟိန်းမင်းထွန်းပါ) File Size : (950 MB) and (400 MB) Quality : Blu-Ray 720p Running Time : 2hr 10min Format : Mp4 Genre : Comedy, Family, Fantasy Subtitle : Myanmar Subtitle (Hard Sub) Source : 720p.BluRay.x264-DRONES Translated by Hein Min Tun Encoded by Thanhtike Zaw

IMDb - 6.7/10 Rotten - 79% ဒီတစ်ခါတော့ CM ပရိတ်သတ်တွေအတွက် မိတ်ဆက်ပေးချင်တဲ့ ဇာတ်လမ်းကတော့ မကြာသေးခင်ကမှ ရုံတင်ပြသထားတဲ့ "Mamma Mia! Here we go again" ဆိုတဲ့ ဇာတ်လမ်းပဲဖြစ်ပါတယ်... ဒီဇာတ်လမ်းကတော့ 2008 တုန်းက ထွက်ခဲ့တဲ့ "Mamma Mia"ဇာတ်လမ်းပြီးနောက် ဒုတိယမြောက်ထွက်ရှိထားတဲ့ ဇာတ်လမ်းပဲဖြစ်ပါတယ်... 2008 ဇာတ်လမ်းကို ကြည့်ရှုပြီးသူများကတော့ ဒီဇာတ်လမ်းနဲ့ စိမ်းမယ်မထင်ပါဘူး.... အရင်ဇာတ်လမ်းရဲ့ သရုပ်ဆောင်တွေအပြင် ဇာတ်လိုက်မင်းသမီးရဲ့ ငယ်ဘဝနေရာ သရုပ်ဆောင်သူကလဲ CM ပရိတ်သတ်တွေနဲ့ မစိမ်းပါဘူး.. သူလေးကတော့ Cindrella ဇာတ်လမ်းထဲက မင်းသမီး "Lily James" ပဲဖြစ်ပါတယ်... ဇာတ်လမ်းက musical/comedy movie ဖြစ်တာကြောင့် တစ်ကားလုံး သီချင်းတွေ မြိုင်မြိုင်ဆိုင်ဆိုင် နားထောင်ရမှာပါ... ဒါကြောင့် ပေါ့ပေါ့ပါးပါးကြည့်ရှုနိုင်တဲ့ ဇာတ်လမ်းတစ်ပုဒ်ပါ... အညွှန်းဖတ်ရှုကြပါဦး... အညွှန်း- ရှေ့ဇာတ်လမ်း Mamma Mia အကြောင်းအရင်ပြောမှ ဇာတ်ရည်လည်မှာမို့ အကျဉ်းချုံးလေး ပြောပါရစေ... ဆိုဖီဆိုတဲ့ ကောင်မလေးဟာ မိခင်ဖြစ်သူ ဟိုတယ်ပိုင်ရှင် ဒိုနာနဲ့အတူ Kalokairi ဆိုတဲ့ ဂရိကျွန်းတစ်ကျွန်းမှာ နေထိုင်သူပါ... သူ့ရဲ့ ချစ်သူ စကိုင်းနဲ့ လက်ထပ်မဲ့ အချိန်မှာတော့ သူ့မှာ အခက်အခဲတစ်ခုရှိခဲ့ပါတယ်... ဒါကတော့ သူ့မင်္ဂလာပွဲမှာ သူ့လက်ကို ကိုင်ပေးမဲ့ ဖခင်မရှိတာပါ... တစ်နေ့ မိခင်ဒိုနာရဲ့ ဒိုင်ယာရီစာအုပ်ကို ဆိုဖီတစ်ယောက် ခိုးဖတ်ခဲ့ပါတယ်... ဒီစာအုပ်ထဲမှာ ဒိုနာဟာ ချစ်သူ ကောင်လေး သုံးယောက်နဲ့ သူ့ရဲ့ ချစ်ဇာတ်လမ်းအကြောင်း ရေးထားတာပါ... ဆိုဖီဟာ ဒီအကြောင်းတွေဖတ်ပြီး သူ့ရဲ့ ဖခင်ဖြစ်နိုင်တဲ့သူ သုံးယောက်ရှိတာ သိလိုက်ပါတယ်... ဆိုဖီဟာ သူ့မင်္ဂလာပွဲကို ဖခင်ဖြစ်နိုင်ချေရှိတဲ့ လူသုံးယောက်လုံးကို ဒိုနာမသိအောင် မင်္ဂလာဖိတ်စာပို့ပါတော့တယ်... ဒီသုံးယောက်ကတော့ အောင်မြင်တဲ့အင်ဂျင်နီယာတစ်ယောက်ဖြစ်နေတဲ့ ဆမ်ဘဏ်ပိုင်ရှင်တယောက်ဖြစ်နေတဲ့ ဟယ်ရီ ခရီးသွားစာရေးဆရာတယောက်ဖြစ်နေတဲ့ ဘေလ်တို့ပါ... ဒီသုံးယောက်ကို ဒိုနာမြင်တဲ့အချိန်မှာတော့ ပြဿနာတက်ခဲ့ပါတယ်... နောက်ဆုံးမှာတော့ ဒိုနာဟာ သူ့အကြွေရဆုံးသူ ဆမ်နဲ့ ပြန်အဆင်ပြေခဲ့ပါတယ်... ဒါကတော့ ရှေ့ဇာတ်လမ်း အကျဉ်းပေါ့... ဒုတိယပိုင်းမှာတော့ ဒိုနာဆုံးသွားပါပြီ.. ဒိုနာရဲ့ ဆန္ဒကတော့ ဂရိကျွန်းက သူ့ဟိုတယ်ကို အလှဆုံးဟိုတယ်လေးဖြစ်စေချင်တာပါ... ဆိုဖီဟာ မိခင်ရဲ့ ဆန္ဒကို ဖြည့်ဆည်းဖို့ ကြိုးစားခဲ့ပါတယ်... အရင်ဇာတ်လမ်းရဲ့ ဒိုင်ယာရီထဲဖတ်ခဲ့ရတဲ့ ဒိုနာရဲ့ ငယ်ချစ်ဇာတ်လမ်းအကြောင်းကို ဒီဇာတ်လမ်းထဲမှာ ရိုက်ကူးထားပါတယ်... ဒိုနာဟာ သူငယ်ချင်းတွေဖြစ်တဲ့ ရိုဆီ တန်ညာနဲ့ အတူ အောက်စဖို့တက္ကသိုလ်မှာ ဘွဲ့ရခဲ့ပါတယ်.. ဒိုနာဟာကျောင်းပြီးတော့ သူ့ရဲ့ အိပ်မက်အတိုင်း ကမ္ဘာပတ်ပြီး သူ့စိတ်ကူးထဲက နေရာလေးကို ရှာဖွေပါတော့တယ်.. ဒီကမ္ဘာပတ်ခရီးစဉ်အတွင်းမှာပဲ သူနဲ့ ချစ်ကြိုးသွယ်မဲ့ ဆမ် ဘေလ် ဟယ်ရီ တို့နဲ့ တွေ့ဆုံခဲ့တာပါ.... ဒိုနာရဲ့အချစ်ဆုံးသူကတော့ ဆမ်ပါ...ဒါပေမဲ့ ဆမ်က စေ့စပ်ပြီးသားသူတစ်ယောက်ပါ... ဒီလိုနဲ့ ဒိုနာဟာ သုံးယောက်လုံးနဲ့ မတွေ့ဖြစ်တော့ပါဘူး... ဒိုနာဟာ သုံးယောက်ထဲက ဘယ်သူနဲ့ ရမှန်းမသိတဲ့ ကိုယ်ဝန်ကို လွယ်ခဲ့ရပါတယ်... ဒိုနာဟာကိုယ်ဝန်ဆောင်ချိန်အတွင်း သမီးလေး ဆိုဖီကို မိခင်စိတ်အပြည့်နဲ့ တစ်ယောက်တည်း မွေးဖွားခဲ့ပါတယ်... ဆိုဖီဟာ စကိုင်းနဲ့ ကိုယ်ဝန်ရတဲ့အချိန်မှာတော့ မိခင်ရဲ့ မေတ္တာတွေကို နားလည်သွားပါတယ်.... မိခင်မရှိဘဲ ဆိုဖီတစ်ယောက် ဟိုတယ်ကို ဘယ်လိုအကောင်းဆုံးဖြစ်အောင် လုပ်မလဲ.... ဒိုနာငယ်စဉ်က ကိုယ့်အားကိုယ်ကိုးပြီး ဘဝကို ဘယ်လိုအကောင်းဆုံးဖြတ်သန်းခဲ့လဲ စတာတွေကို ကြည့်ရှုရမှာဖြစ်ပါတယ်... ဂရိကျွန်းမှာ ရိုက်ကူးထားတာကြောင့် သာယာတဲ့ရှုခင်းတွေကို အပြည့်အဝခံစားရမှာပါ... သီချင်းတွေနဲ့ ပေါ့ပေါ့ပါးပါးကြည့်ရှုရတဲ့ ဇာတ်လမ်းဆိုပေမဲ့ ပေါ့ပျက်ပျက်ဇာတ်လမ်းတစ်ပုဒ်တော့မဟုတ်ပါဘူး... CM ပရိတ်သတ်တို့ အားပေးကြည့်ရှုကြပါဦး (ဇာတ်လမ်းအညွှန်းနဲ့ဘာသာပြန်သူကတော့ မေသူစိုးပါ) File Size : (900 MB) Quality : WEB-DL 720p Running Time : 1hr 54min Format : Mp4 Genre : Comedy , Musical , Romance Subtitle : Myanmar Subtitle (Hard Sub) Source : 720p.WEB-DL.XviD.AC3-FGT Translated by May Thu Soe Encoded by Thanhtike Zaw

Kingsman: The Golden Circle (2017) IMDb Rating (7.7) / Rotten Tomatoes (51 %) "Manners maketh man." Gentleman ဆိုတာဘယ်လိုယောက်ကျားမျိုးလဲဆိုတာ ပြသဖို့ဆိုရင်တော့ Kingsman ရုပ်ရှင်တွေက အတိအကျကိုညွှန်းဆိုပြသနေတာပါပဲ။ ဘယ်လိုအခြေအနေမျိုးမှာမဆို ဖြောင့်မတ်တည်ကြည်တဲ့ယောက်ျား.. အဝတ်အစားကစလို့ အပြောအဆိုအနေအထိုင် အမူအရာ အမူအကျင့် အားလုံးမှာ စမတ်ကျကျနဲ့ ယဉ်ကျေးတဲ့ယောက်ျား ဒီလို Gentleman ရဲ့ဝိသေသတွေနဲ့  မင်းသားကြီး Colin Firth ကို ဟယ်ရီအဖြစ် မြင်တွေ့ရတာက Kingsman ရုပ်ရှင်တွေရဲ့ အရသာပါပဲ။ Kingsman ဆိုတာကတော့ ကမ္ဘာကြီးကို တိတ်တဆိတ်ကယ်တင်နေတဲ့လျှို့ဝှက်အေးဂျင့်အဖွဲ့အစည်းပါ။ ဂျိမ်းစ်ဘွန်းရုပ်ရှင်တွေကို အခြေပြုထားတယ်ဆိုပေမယ့် မတူကွဲပြားတဲ့ တင်ဆက်ပုံတွေ  မထင်မှတ်ထားတဲ့ အချိုးအကွေ့တွေနဲ့ Kingsman ဆိုတဲ့ ရသသစ်တခုကို အပြည့်အဝပေးနိုင်ခဲ့ပါတယ်။ Kingsman: The Golden Circle (2017) ရုပ်ရှင်ကိုတော့ Kingsman: The Secret Service(2014) ရဲ့အဆက်အဖြစ်တင်ဆက်ထားပြီး ပထမကားက သရုပ်ဆောင်တွေ ဗီလိန်တွေကိုပါချိတ်ဆက်ထားပါတယ်။ File size…(8.4 GB)/(2.8 GB )/(1.9 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:22:00 Subtitle….Myanmar Subtitle (Hardsub) Encoder….Ka Naung Translated by Thura & Arkar

Maxwell Perkins ဟာ နာမည်ကျော် အမေရိကန်စာရေးဆရာကြီးများဖြစ်တဲ့ The Great Gatsby ကို ရေးသားခဲ့သူ F. Scott Fitzgerald နဲ့ စာပေနိုဘယ်ဆုရှင် Ernest Hemingway တို့ကို တွေ့ရှိစင်တင်ပေးခဲ့သူ အယ်ဒီတာတစ်ဦးဖြစ်ပြီး ၁၉၂၉ ရဲ့ တစ်ခုသောနေ့မှာ သူ့ဆီကို စာမျက်နှာပေါင်း တစ်ထောင်ကျော်တဲ့ စာမူတစ်ထပ်ကြီး ရောက်လာပါတယ်။ အဲဒီစာမူပိုင်ရှင်က Thomas Wolfe ဆိုတဲ့ မထင်မရှား လူငယ်စာရေးဆရာတစ်ဦးဖြစ်ပြီး Maxwell ကလည်း စာမူကို အကြမ်းသဘော ဖတ်မိရာကနေ တစ်ပတ်တာလုံးလုံး ဇနီးနဲ့သမီးတွေကိုတောင် ဂရုမစိုက်အားဘဲ စာမူကို လက်ကမချစတမ်း ဖတ်ရှူမိပါတော့တယ်။ နောက်ဆုံးမှာ Maxwell ဟာ Thomas Wolfe နဲ့ တွေ့ဆုံပြီး ဒီစာမူကို စာအုပ်အဖြစ်ထုတ်ဝေဖို့ စာချုပ်ချုပ်လိုက်ရာကနေ "Look Homeward, Angel" ဆိုတဲ့ စာအုပ်ဖြစ်လာပြီး Thomas Wolfe ဟာလည်း အမေရိကန်စာပေသမိုင်းမှာ အရေးပါဆုံး စာရေးဆရာတစ်ဦး ဖြစ်လာခဲ့ပါတယ်။ တစ်ချိန်တည်းမှာလည်း Maxwell နဲ့ Thomas တို့အကြားမှာလည်း ထူးခြားလေးနက်တဲ့ ဆက်ဆံရေးမျိုးနဲ့ မမေ့နိုင်စရာ အဖြစ်သနစ်တွေ ပေါ်ပေါက်လာပါတော့တယ်။ ဒီဇာတ်ကားကို တိုနီဆုရ ဒါရိုက်တာ Michael Grandage ရိုက်ကူးထားပြီး ဉာဏ်ကြီးရှင် အယ်ဒီတာလို့ လူသိများတဲ့ Maxwell Perkins နဲ့ ဉာဏ်ကြီးရှင် စာရေးဆရာလို့ ထင်ရှားတဲ့ Thomas Wolfe တို့နှစ်ဦးအကြားက မတူကွဲပြားတဲ့ အယူအဆတွေနဲ့ လေးနက်တဲ့ ဆက်ဆံရေးအပြင် သူတို့မိသားစုတွေအပေါ် သက်ရောက်လာတဲ့ အကျိုးဆက်တွေကို ဖွဲ့ဆိုတင်ဆက်ထားတဲ့ Drama/History ဇာတ်လမ်းတစ်ပုဒ်ဖြစ်ပါတယ်။ အက်ဖ်စကော့ ဖစ်ဂျရယ်နဲ့ အားနက်စ်ဟဲမင်းဝေးတို့နဲ့ အဲဒီခေတ် အမေရိကန်စာပေလောကကိုလည်း တစေ့တစောင်း မြင်တွေ့နိုင်ပါသေးတယ်။ Maxwell အဖြစ် Collin Firth ၊ Thomas Wolfe အဖြစ် Jude Law ၊ Thomas ရဲ့ အတူနေချစ်သူအဖြစ် Nicole Kidman ၊ Scott Fitzgerald အဖြစ် Guy Pearce ၊ Ernest Hemingway အဖြစ် Dominic West တို့လို နာမည်ကျော် သရုပ်ဆောင်တွေ ပါဝင်ထားပါတယ်။ ဒရာမာ နှစ်သက်သူတွေ ကြည့်ရှုသင့်တဲ့ ရုပ်ရှင်တစ်ကားဖြစ်ပါတယ်။ File size…(1.6 GB)/(750 Mb) Quality….Blu-Ray 1080p / 720p Format… mp4 Duration…. 01:44:00 Genre... Biography, Drama Subtitle….Myanmar Subtitle (Hardsub) Encoder….Garfield Translated by Wolfenheim

Bridget Jones ရဲ့ တတိယမြောက်ကားဟာ ဒုတိယကားထွက်ပြီး ဆယ်နှစ်လောက်အကြာ ၂၀၁၆ ခုနှစ်မှာ ထွက်လာတာပါ။ ဒီတစ်ခါမှာ ဒယ်နီရယ်ဇာတ်ကောင် မပါလာတော့ဘဲ နောက်ထပ်အမျိုးသားဇာတ်ကောင်တစ်ယောက် ပါလာပါတယ်။ ဘရစ်ဂျစ်နဲ့ မာ့ခ်တို့ကလည်း သဘောထားမတိုက်ဆိုင်ကြတာကြောင့် လမ်းခွဲထားကြပြီ။ မာ့ခ်ဟာ တခြားတစ်ယောက်နဲ့ အိမ်ထောင်ပြုပြီး ကွာရှင်းထားသလို ဘရစ်ဂျစ်ကတော့ သူငယ်ချင်းတွေ မိသားစုကိုယ်စီနဲ့ ဖြစ်နေချိန်မှာ တစ်ကိုယ်တည်း အလုပ်ပဲလုပ်နေခဲ့ပါတယ်။ အလုပ်ကသူငယ်ချင်း တိုက်တွန်းလို့ ဂီတပွဲတစ်ခုကို သွားရင်း အမှတ်မထင်ဆုံတဲ့ အမျိုးသားတစ်ယောက်နဲ့ အတူအိပ်ဖြစ်သွားတယ်။ နောက်တော့ သူငယ်ချင်းရဲ့ကလေး ကင်ပွန်းတပ်ပွဲမှာ မာ့ခ်နဲ့အတူ ခေါင်းကိုင်မိဘတွေအဖြစ် ပါဝင်ရင်း သူတို့နှစ်ယောက်လည်း ပြန်အဆင်ပြေသွားပါတယ်။ ဒါပေမဲ့ သုံးခဲ့တဲ့ အကာအကွယ်ပစ္စည်းတွေက သက်တမ်းလွန်နေတဲ့အတွက် ဘရစ်ဂျစ်မှာ ကိုယ်ဝန်ရှိလာပြီး ကလေးရဲ့ဖခင်က ဘယ်သူလဲဆိုတာ မသိတော့ဘူး။ ဂီတပွဲမှာဆုံခဲ့တဲ့ အမျိုးသားကလည်း မီလီယံနာသူဌေးတစ်ယောက် ဖြစ်နေပါတယ်။ ကိုယ်ဝန်အကြောင်း သိသွားကြတဲ့အခါ နှစ်ယောက်လုံးက ဘရစ်ဂျစ်နဲ့ ကလေးကို အပြိုင်ဂရုစိုက်လာကြတယ်။ မာ့ခ်ကတော့ အလုပ်များလို့ ဘရစ်ဂျစ်လိုအပ်တဲ့အချိန် မရောက်လာနိုင်တာတွေရှိပြီး ကတောက်ကဆ ဖြစ်ရပြန်ပါတယ်။ DNA စစ်တဲ့အခါ ကလေးရဲ့ဖခင်က ဘယ်သူဖြစ်နေမလဲ၊ ဘရစ်ဂျစ်ကရော ဘယ်သူ့ကိုရွေးမလဲ၊ သူချစ်တဲ့သူနဲ့ ကလေးရဲ့ဖခင်က တစ်ယောက်တည်းဖြစ်နေမလားဆိုတဲ့ မေးခွန်းတွေကြားမှာ ဟာသအလွဲတွေပါ တွဲပါလာတယ်။ အဆိုတော် Ed Sheeran လည်း ဧည့်သည်သရုပ်ဆောင်အဖြစ် ပါဝင်ထားပါတယ်။

Magic in the Moonlight (2014) ဒီရုပ်ရှင်ကတော့ ၂၀၁၄ ခုနှစ်မှာ ထွက်ရှိခဲ့တဲ့ အချစ်ဟာသရုပ်ရှင်ကားဖြစ်ပြီး Mamamia, Kingsman အစရှိတဲ့ရုပ်ရှင်တွေမှာ ပါဝင်ထားတဲ့ မင်းသားကြီး Colin Firth နဲ့ အားလုံးသိပြီးသား နာမည်ကြီးမင်းသမီးတစ်လက်ဖြစ်တဲ့ Emma Stone က အသက် ၂၅ နှစ်အရွယ်မှာ အဓိကဇာတ်ကောင်တွေအနေနဲ့ ပါဝင်ရိုက်ကူးထားတာဖြစ်ပါတယ်။ ဝေးလင်းဆူးဆိုတဲ့ တရုတ်နာမည် Stage name ကို အသုံးပြုကာ ဖျော်ဖြေတတ်ပြီး အထူးချွန်ဆုံးမျက်လှည့်ပညာရှင် တစ်ယောက်လို့ သတ်မှတ်ခံထားရတဲ့ "စတန်လေ" ဂျာမနီနိုင်ငံ ဘာလင်မြို့မှာ ဖျော်ဖြေပြီးတဲ့နောက် စင်နောက်ကို မတွေ့တာကြာတဲ့ အခင်ဆုံးသူငယ်ချင်းဖြစ်သူ ဟောင်းဝဒ် ဘာကင်တစ်ယောက် ရောက်ချလာပါတယ်... သူ့လိုပဲ မျက်လှည့်ပညာရှင်ဖြစ်သူ ဟောင်းဝဒ်ဟာ သူ့ရဲ့မိတ်ဆွေဟောင်း မိသားစုဆီမှာ ရောက်နေတဲ့ တမလွန်ဘဝနဲ့ ဆက်သွယ်ပေးနိုင်တယ်ဆိုတဲ့ နတ်ဝင်သည်တစ်ယောက်ကို အတုအယောင်ဆိုတာ သက်သေပြဖို့ အလည်သွားရင်း .. ဘာမသင်္ကာစရာ မြုပ်ကွက်မှ ရှာမတွေ့တာကြောင့် စတန်လေကို ကူညီဖော်ထုတ်ပေးဖို့ အကူအညီတောင်းလာခဲ့ပါတယ်... နတ်ဝင်သည်အတုအယောင်ကို ဖော်ထုတ်ဖို့ ပြင်သစ်တောင်ပိုင်းကို ခရီးထွက်လာတဲ့ စတန်လေတစ်ယောက် အဲဒီနတ်ဝင်သည်ဆိုတဲ့ အမေရိကန်သူ ဆိုဖီ ဘိတ်ကာနဲ့ တွေ့ဆုံခဲ့ပါတယ်။ သူတို့နှစ်ယောက် တွေ့ဆုံကြပြီး ဆိုဖီရဲ့ အကြားအမြင်ရနေပုံတွေ... စတန်လေရဲ့ ရည်းစားဟောင်းတွေအကြောင်း လွန်ခဲ့တဲ့နှစ်ပေါင်းများစွာက သေဆုံးသွားတဲ့ ဦးလေးဖြစ်သူ အကြောင်း အစရှိတာတွေကို နဖူးတွေ့ဒူးတွေ့ မြင်တွေ့ရပြီးနောက် တစ်သက်လုံး "ဘဝဟာ ခက်ခဲကြမ်းတမ်းတယ် နောင်ဘဝဆိုတာမျိုးလည်း မရှိဘူး"လို့ လက်ခံပြီးနေလာခဲ့တဲ့ စတန်လေက လောကအသစ်ကို မြင်တွေ့လိုက်ရသလို ပျော်ရွှင်ပြီး ဆိုဖီ့ကို လုံးဝလေးစားသွားခဲ့ပါတယ်... အဲဒီလိုနဲ့ အတူတူ အချိန်တွေကုန်ဆုံးဖြစ်လာတဲ့ သူတို့နှစ်ယောက်မှာ ဆိုဖီက စတန်လေကို စပြီး စိတ်ဝင်စားလာခဲ့ပါတယ် .. စတန်လေရဲ့ ဘဝကြီးကို ပြောင်းလဲပေးနိုင်ခဲ့တဲ့ ဆိုဖီကိုရော စတန်လေက ပြန်ချစ်မိမှာလား .. ဒီလိုအကြားအမြင်ရနေတယ်... သေဆုံးပြီးဝိညာဉ်တွေနဲ့ ဆက်သွယ်နိုင်တယ်ဆိုတဲ့ ယုတ္တိမတန်တဲ့အရာတွေကရော အမှန်ပဲလား... ဘာသာတရားတွေ၊ ယုံကြည်မှု၊ မယုံကြည်မှုတွေနဲ့ စတင်တွေ့ဆုံခဲ့တဲ့ သူတို့နှစ်ယောက်ကြားက အချစ်ပုံပြင်လေးက ဘယ်လိုအဆုံးသတ်သွားမလဲဆိုတာကို .. ဒီရုပ်ရှင်လေးမှာ စောင့်မျှော်ကြည့်ရှုရမှာဖြစ်ပါတယ်... (အညွှန်းကို Chothet_mlmt မှ ရေးသားထားပါတယ်) File size…1.81GB / 648MB Quality… BluRay 1080p/ 720p Format…mp4 Duration….1h 37m Genre ….. Romance, Comedy, Drama Subtitle….Myanmar Subtitle (Hard Sub) Translated by Chothet_mlmt Encoded by AHtet

Kingsman: The Secret Service (2014) IMDb Rating (7.7) / Rotten Tomatoes (75 %) "Manners maketh man." Gentleman ဆိုတာဘယ်လိုယောက်ကျားမျိုးလဲဆိုတာ ပြသဖို့ဆိုရင်တော့ Kingsman ရုပ်ရှင်တွေက အတိအကျကိုညွှန်းဆိုပြသနေတာပါပဲ။ ဘယ်လိုအခြေအနေမျိုးမှာမဆို ဖြောင့်မတ်တည်ကြည်တဲ့ယောက်ျား.. အဝတ်အစားကစလို့ အပြောအဆိုအနေအထိုင် အမူအရာ အမူအကျင့် အားလုံးမှာ စမတ်ကျကျနဲ့ ယဉ်ကျေးတဲ့ယောက်ျား ဒီလို Gentleman ရဲ့ဝိသေသတွေနဲ့  မင်းသားကြီး Colin Firth ကို ဟယ်ရီအဖြစ် မြင်တွေ့ရတာက Kingsman ရုပ်ရှင်တွေရဲ့ အရသာပါပဲ။ Kingsman ဆိုတာကတော့ ကမ္ဘာကြီးကို တိတ်တဆိတ်ကယ်တင်နေတဲ့လျှို့ဝှက်အေးဂျင့်အဖွဲ့အစည်းပါ။ ဂျိမ်းစ်ဘွန်းရုပ်ရှင်တွေကို အခြေပြုထားတယ်ဆိုပေမယ့် မတူကွဲပြားတဲ့ တင်ဆက်ပုံတွေ  မထင်မှတ်ထားတဲ့ အချိုးအကွေ့တွေနဲ့ Kingsman ဆိုတဲ့ ရသသစ်တခုကို အပြည့်အဝပေးနိုင်ခဲ့ပါတယ်။ Kingsman:The Secret Service (2014) ရုပ်ရှင်မှာတော့ မင်းသားကြီး Colin Firth,Samuel L.Jackson , Mark Strong , Michael Caine တို့လို ဝါရင့်သရုပ်ဆောင်တွေပါဝင်ပြီး လူငယ်သရုပ်ဆောင် Taron Egerton က အဓိကသရုပ်ဆောင် Kingsman Agent အဖြစ်ပါဝင်ထားပါတယ်။ File size…(6.8 GB)/(2.2 GB )/(1.5 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:09:00 Subtitle….Myanmar Subtitle (Hardsub) Encoder….Ka Naung Translated by Dike Ran

Colin Firth, Reese Witherspoon,Dane Dehhan တို့လို ဝါရင့်သရုပ်ဆောင်တွေပါ၀င်ထားတဲ့ဖြစ်ရပ်မှန် မှုခင်းဇာတ်ကားကောင်းလေးတခုနဲ့မိတ်ဆက်ပေးချင်ပါတယ်။ ၀က်စ်မန်းဖက်စ် မြို့ဆိုတာက အာကန်ဆာပြည်နယ်က ဆိတ်ငြိမ်တဲ့မြို့လေးတမြို့ပါ။ ဒီလိုမြို့လေးကိုတနေ့မှာ တုန်လှုပ်သွားစေခဲ့တာကတော့ ရှစ်နှစ်သားအရွယ် စတီဗီ, မိုက်ကယ်နဲ့ ခရစ်စတိုဖာဆိုတဲ့ ကောင်လေး ၃ယောက် လူသတ်ခံရမှုကြောင့်ပါပဲ။ ဒီလူသတ်မှုမှာရဲတပ်ဖွဲ့က သံသဃရှိ စွဲချက်တင်ခံထားရတာက ဒေမီယန် အက်ကိုးလ်, ဂျေဆင် ‌ဘော့်၀င်နဲ့ ဂျက်စီ မစ်စ်ကယ်လီဆိုတဲ့ လူငယ်လေးသုံးယောက်ပါ။ ဒီလူငယ်လေးသုံးယောက်ကို လူတွေကလည်း နတ်ဆိုးကိုးကွယ်တဲ့သူတွေ ကလေးတွေကို ယဇ်ပူဖော်လိုက်တာလို့စွပ်စွဲထားကြပါသေးတယ်။ သူတို့ကိုကူညီဖို့အတွက် ရောက်လာခဲ့တဲ့သူကတော့ ရွန်လက်စ်ဆိုတဲ့ အလွတ်တန်းစုံထောက်ပါ။ သေဒဏ်အထိဖြစ်လာနိုင်နေတဲ့ ဒီလူငယ်လေးတွေကိုကူညီပေးရင်းနဲ့ ရွန် သတိထားလာမိတာကတော့ ရဲတွေနဲ့ စုံထောက်တွေရဲ့အလောတကြီး ဒီအမှုကိုတရားရုံးတင်ခဲ့တာတွေ သက်သေရှေ့နောက်မညီ ထိန်ချန်တာတွေ မူမမှန်တဲ့ထွက်ဆိုချက်တွေပါ။ ရွန်အနေနဲ့သူ့စိတ်ထဲထင်သလို ဒီကောင်လေးသုံးယောက်ကတကယ်ပဲအပြစ်မရှိတာလား။ မရှိခဲ့ရင်ရောတကယ့်တရားခံတွေကဘယ်သူလဲဆိုတာဖော်ထုတ်နိုင်ပါ့မလား အယူသီးမှုတွေနဲ့ တရားဥပဒေလက်တလုံးခြားလုပ်မှုတွေရဲ့အောက်မှာသူ့အနေနဲ့ အမှန်တရားကိုဖော်ထုတ်နိုင်ပါ့မလားဆိုတာကို Devil's knot ဆိုတဲ့ ဖြစ်ရပ်မှန် မှုခင်းဇာတ်ကားလေးမှာရှူစားအားပေးကြပါဦးခင်ဗျ File size…  1.58 GB /  768 MB Quality… Blu-Ray 1080p / 720p Format… mp4 Duration…. 1h 54m Genre .....  Crime , Drama Subtitle…. Myanmar Subtitle (Hard Sub) Encoder…. Thit San Khant Translated by Brackman

၁၉၄၂ ခုနှစ်မှာ ဗြိတိသျှတွေရဲ့ စင်ကာပူခံတပ် ကျသွားပြီးနောက် မဟာမိတ်စစ်သားတွေ ဂျပန်တွေလက်ထဲ စစ်သုံ့ပန်းအဖြစ် ရောက်သွားကြတယ်။ သူတို့ကို ယိုးဒယား–မြန်မာ မီးရထားလမ်းဖောက်လုပ်ရေးမှာ ကျွန်တွေလို အတင်းအကျပ် အလုပ်လုပ်ခိုင်းခဲ့ကြပါတယ်။ လူအသေအပျောက်များလွန်းတဲ့ အဲဒီရထားလမ်းကို သေမင်းတမန်ရထားလမ်းလို့ သိကြတာပါ။ အဖမ်းခံရသူတွေထဲမှာ ဗြိတိသျှတပ်က ဆက်သွယ်ရေးအရာရှိ Eric Lumox လည်း ပါဝင်ပါတယ်။ သူက မီးရထားလမ်းတွေအကြောင်း ဝါသနာကြီးသလို သေချာလည်း နားလည်သူပါ။ တစ်နေ့မှာ အဖမ်းခံထားရတဲ့ ဗြိတိသျှစစ်သားတွေက ရထားလမ်းဖောက်နေတဲ့နေရာကနေ ထွက်ပြေးဖို့ ကြံစည်ကြတော့ Lumox က ဦးဆောင်သူ ဖြစ်လာတယ်။ သူတို့အုပ်စု အဲဒီနေရာကနေ လွတ်မြောက်နိုင်ပါ့မလား၊ လမ်းမှာ ဘယ်လိုအဖြစ်ဆိုးတွေ ထပ်ကြုံရဦးမလဲ။ စစ်အတွင်း အောက်ခြေစစ်သားတွေ ခံစားရတဲ့ အနိဋ္ဌာရုံတွေအပြင် စစ်ပြီးသွားတဲ့နောက်မှာပါ စစ်ပြန်တွေကို ဆက်ခြောက်လှန့်နေတဲ့ အတိတ်အရိပ်တွေအကြောင်းလည်း ရိုက်ကူးထားပါတယ်။

Tinker Tailor Soldier Spy (2011) IMDb - 7.0/10 Rotten - 83% Tinker Tailor Soldier Spy ဇာတ်ကားကလည်း စပိုင်ဇာတ်ကားတစ်ကားဖြစ်ပါတယ်.. စပိုင်တွေရဲ့ ထုံးစံအတိုင်း လျှို့ဝှက်တယ် အနေအထိုင်ကျစ်လစ်တယ်... သူ့တို့ဟာ တခြားဘက်ကလူဆိုတာကို မသိနိုင်လောက်အောင် လျှို့ဝှက်တတ်ကြတယ်... အရမ်းတော်တဲ့သူတွေနဲ့ဖွဲ့စည်းထားတဲ့ လျှို့ဝှက်အေဂျင်စီတစ်ခုရှိတယ်.... ဒီအေဂျင်စီခေါင်းဆောင်ဟာ သူ့အဖွဲ့ထဲမှာ စပိုင်တစ်ယောက်ပါနေတယ်လို့သံသယရှိနေတယ်... ဒါကြောင့် ခေါင်းဆောင်ဖြစ်သူဟာ  စပိုင်ကိစ္စကိုစုံစမ်းဖို့ သူယုံကြည်ရတဲ့ သူတစ်ယောက်ကို စုံစမ်းဖို့ ဘူတာပက်စ်ကို လွှတ်ခဲ့ပါတယ်။ သို့ပေမယ့် သူလွှတ်လိုက်တဲ့သူဟာ ဘူတာက်စ်မှာ ပစ်သတ်ခံခဲ့ရပါတယ်... စပိုင်တွေရဲ့ နေထိုင်မှုပုံစံတွေနဲ့ အလုပ်တစ်ခုမှာ ယုံကြည်မှုဆိုတာ ဘယ်လိုမျိုးလဲ ကောင်းကောင်းပြထားတဲ့ကားပါ... ဒီကားထဲမှာပါဝင်သရုပ်ဆောင်ထားတဲ့သူတွေက နာမည်ကြီးမင်းသားတွေဖြစ်တဲ့အပြင် IMDb, Rotten ရော အကောင်းဆုံးအနေအထားမှာရှိနေပါတယ်....ကျွန်တော်တို့ရဲ့  doctor strange ကြီးလည်း ပါဝင်ထားပါတယ်... File Size : 3.46GB/ 670MB Quality : Blu-Ray 1080p 5.1 CH/ Blu-Ray 720p Format…mp4 Duration…02:08:00 Genre :  Drama, Mystery, Thriller Subtitle : Myanmar Subtitle (Hard Sub) Translated by Nay Chi Encoded by Tiff

IMDb - 8.0/10 Rotten - 95% Won 4 Oscars. Another 106 wins & 204 nominations သိက္ခာက အင်္ဂလိပ်တွေအတွက် အသက်၊ လွတ်လပ်ခြင်းက အမေရိကန်တွေအတွက် အသက် ၊ စည်းကမ်းက ဂျပန်တွေအတွက် အသက် ဒီဇာတ်ကားက သမိုင်းကို ပြန်လည်အသက်သွင်းရိုက်ကူးထားခြင်းဖြစ်ပါတယ်။ သို့သော် အမှန်တကယ်ဖြစ်ရပ်မှန်အတိုင်း တစ်သွေမတိမ်း ရိုက်ကူးထားခြင်းမဟုတ်ဘဲ ရိုက်ကူးသူ၏ စိတ်လိုရာ ဇာတ်လမ်းဆင်ပြီး လိုသလို အနုပညာကို အစွမ်းပြထားသည့်ဇာတ်လမ်းဖြစ်ပါသည်။ အချိန်ကာ ၁၉၃၆ ခုနှစ် ဒီဇင်ဘာလ ၁၁ နေရာကာ ဘာကင်ဟမ်နန်းတော် ကိုယ်အရူးအမှုးချစ်ရတဲ့ အချစ်အတွက်ချစ်သက်သေပြဖို့ ၊တာဝန်ယူဖို့၊ မသိပ်ငယ်စေဖို့၊ သမိုင်းမှာ ဆုံးရှုံးမှုအများဆုံးထဲကတစ်ခုအဖြစ်မှတ်တမ်းဝင်သွားမယ့် လက်မှတ်တစ်ချက်ကို ကိုယ်စာရွှက်ပေါ်မှာထိုးလိုက်ပါပြီ။ အနုပညာပိုင်းရော ငွေကြေးပိုင်ရောမှာပါ အောင်မြင်မှုကြီးကြီးမားမားရယူထားနိုင်ခဲ့တဲ့ ဒီသမိုင်းရုပ်ရှပ်ကို The Weinstein Company နဲ့ Momentum Pictures တို့ဖြန့်ချီထားခဲ့ပါတယ်။ IMDb 8/10 ၊ Rotten Tomatoes 95% ၊ Common Sense5/5၊ CinemaScore A+ တို့ ရရှိထားပါတယ်။ ၂၀၁၀ စက်တင်ဘာမှာ Telluride ရုပ်ရှင်ပွဲတော်မှာ စတင်ပြသခဲ့ပြီး ၂၀၁၁ မှ ဗြိတိန်မှာ ပြသခဲ့ပါတယ်။ တစ်ကားလုံးကို ကြာချိန် ၁၁၉ မိနစ်ရှိပြီး အင်္ဂလိပ်ဘာသာစကားပြော ရုပ်ရှင်ဇာတ်ကားဖြစ်ပါတယ်။ ဘက်ဂျက် ဒေါ်လာ ၁၅ မီလီယံနဲ့ ရိုက်ကူးခဲ့ပြီး Box Office မှာ ဒေါ်လာ၄၁၄.၂ မီလီယံ(ဂဏန်းမမှားပါဘူး) ပြန်လည်ရရှိခဲ့ပါတယ်။ ဒါကိုကြည့်ရင် ငွေကြေးအရ တော်တော်ကြီးကို အောင်မြင်ခဲ့တာပါ။ ဒီလောက်နဲ့ရပ်သွားမလားဆိုလို့ အနုပညာပိုင်းဘက်ကိုလှည့်ကြည့်လိုက်တော့ Jeez! သြဇာကြီးမားတဲ့ဆုပေးပွဲတွေဖြစ်တဲ့ ၆၃ ကြိမ်မြောက် ဗြိတိန်အကယ်ဒမီပေးပွဲ BAFTAs(မြန်မာနိုင်ငံမှာလိုမဟုတ်ပါ) မှာ ဇကာတင်စာရင်းမှာ ၁၄ ဆုဝင်ထားခဲ့ပြီး အကောင်းဆုံးဇာတ်ဆောင်ဆု၊ရုပ်ရှင်ဆု အပါအဝင် ၅ဆုသိမ်းပိုက်ခဲ့ပါတယ်။ နောက်ထပ် Screen Actors Guild Awards ဆုပေးပွဲမှာ ဇကာတင် ၄ဆုဝင်ခဲ့ပြီး အကောင်းဆုံးဇာတ်ဆောင်ဆုအပါအဝင် ၂ ဆုရရှိခဲ့ပါတယ်။ ဒီလိုဆုတွေရတော့ကုန်သွားပြီလို ထင်လိုက်တယ်။ WTF ... Golden Globes Awards(2011) မှာဇကာတင် ၇ ဆုပါခဲ့ပြီး အကောင်းဆုံးဇာတ်ဆောင်ဆု တစ်ခုရရှိခဲ့ပါတယ်။ တစ်ကမ္ဘာလုံးက သရုပ်ဆောင်အားလုံးတို့အိမ်မက်ဖြစ်တဲ့ Oscar Awards(2011) လို လွမ်းမိုးမှုအကြီးဆုံးရုပ်ရှင်ဆုပေးပွဲမှာ ဇကာတင် ၁၂ ဆုဝင်ခဲ့ပြီး အကောင်းဆုံး ဇာတ်ဆောင်ဆုအပါအဝင် ၊ ဒါရိုက်တာ၊ဇာတ်ညွှန်းနဲ့ ထုတ်လုပ်ရေးဆု ၄ဆုကို သိမ်းပိုက်သွားခဲ့ပါတယ်။ တစ်ကမ္ဘာလုံး ဆုပေးပွဲပေါင်း များစွာကနေ ဇကာတင်စာရင်းတွေမှာ ၁၉၄ ဆုဝင်ထားခဲ့ပြီး ၁၀၂ ဆုကို သိမ်းပိုက်ထားခဲ့ပါတယ်။ ဟိုး အကြီးဆုံး ဆုကနေစပြီး ရုပ်ရှင်အကဲဖြတ်ပွဲတော် ၊ဝေဖန်ရေးဆုတွေ အလယ်၊ Online TV ဆုပေးပွဲတွေအဆုံး အားလုံး ရှေ့မှာရင်ကော့ပြီး ဆုတွေ တစ်သီးကြီး အကုန် ဝုန်းသွားခဲ့ပါတယ်။ ဒီလောက်တောင်ဆုတွေ ရနေတော့ ဘယ်သူတွေ များရိုက်ထားလဲ ကြည့်ဆိုတော့ The Danish Girl ၊ Les Miserables တို့လို Oscar ဆုတွေရထားတဲ့ဇာတ်ကားဖန်တီးရှင် မှော်ဒါရိုက်တာကြီး Tom Hooper ရိုက်ထားတာပါ။ သူရိုက်ထားတာဆိုရင် ရုပ်ရှင်ဂျိုးတွေ သိပြီးမှာပါ။ နောက် ဆုပေးပွဲအားလုံးနီးပါးတိုင်းမှာ ဇာတ်ဆောင်ဆုတွေ ရအောင်သိမ်းပိုက်ထားတဲ့ မင်းသားက တော့ Colin Firth ဖြစ်ပါတယ်။ ဒီဇာတ်ကားထဲမှာ ဘာတီ နေရာက သရုပ်ဆောင်ထားပါတယ်။ သူနဲ့ အပြိုင် သရုပ်ဆောင်ပြီး ဇာတ်ကို အဆုံးထိ Tango မြင့်အောင်လုပ်သွားတဲ့ သရုပ်ဆောင်က Geoffrey Rush ပါ။ သူက လိုင်ယွန်နယ်လုန်းအဖြစ်သရုပ်ဆောင်သူပါ။ ဒီဇာတ်ကားကအပေါ်မှာပြောထားခဲ့သလို သမိုင်းဖြစ်ရပ် ပြန်ရိုက်ထားသည်မှန်သော်လည်း ဒါရိုက်တာစိတ်ကြိုက် ဇာတ်ပြင်ထားခြင်းတွေ များစွာပြူလုပ်ထားပါတယ်။ ဒီဇာတ်ကားထွက်လာတော့ အင်္ဂလန်နိုင်ငံရေးသမားတွေက ဝေဖန်မှုများစွာပြူလုပ်ခဲ့ကြပြီး အနုပညာမြောက်သော်လည်း သမိုင်းနဲ့ များစွာသွေဖီနေသည်ဟု ဝေဖန်သံများထွက်ပေါ်လာခဲ့ပါသည်။ တပြိုင်တည်း ပုံနိုပ်စာ နယ်ပယ်မှာ TIME မဂ္ဂဇင်းက ၂၀၁၀ အကောင်းဆုံးရုပ်ရှင်ဇာတ်ကားထဲက တစ်ကားလို့ မှတ်ချက်ပြုခဲ့ပြီး တခြားသော သြဇာကြီးမားတဲ့ ဝေဖန်ရေးသမားတွေ ၊ သတင်းစာတွေကြားကို ဆီပူထဲ ရေထည့်လိုက်သလို ပွက်ပွက်ညံပြီး အကောင်းအဆိုင်း ဝေဖန်မှုများကို ဖန်တီးထားခဲ့ပါသေးတယ်။ ဒီရုပ်ရှင် ဇာတ်ကားက ယခုလက်ရှိ အင်္ဂလန်ထီးနန်းကို ဆက်ခံထားတဲ့ သက်တော်ရှည် ဘုရင်မကြီး အဲလစ်ဇဘတ်ရဲ့ဖခင် ဂျော့်VI(ရော့မြို့စား)) ဝါအာထစ်ဘုရင်ကြီး ရဲ့အကြောင်းကို အဓီကထား ရိုက်ကူးထားသည့်အလျောက် ဒီဇာတ်ကားကို ဘုရင်မကြီးဆီ ပေးပို့လိုက်တာမှာ သူမဖခင် ပြုမှုတဲ့အတိုင်းဘဲလို့ ချီးကျူးစကားဆိုခဲ့ပါတယ်။ ဒီဇာတ်ကားထဲမှာ ဒါရိုက်တာက ဇာတ်ကောင်ကို အသားပေးချင်လို့ မြင်ကွင်းကျယ်မှန်ဘီလူးများကို အဓီအသုံးပြီး ရိုက်ကူးထားပါတယ်။ သူရိုက်ကူး ရိုက်ကွက်တွေက ကြည့်လိုက်တာနဲ့ ရှောင်မီဖုန်းတွေ portrait mood ဖွင့်ရိုက်သလို လူကိုထင်းကနဲ မြင်အောင်ပြထားပါတယ်။ ဇာတ်လမ်းထဲမှာ အသုံးပြုထားတဲ့ပစ္စည်းများ ဥပမာ ဂျော့(ရော့မြို့စား) နဲ့ ဖခင်ဘုရင်ကြီး မိန့်ခွန်းလေ့ကျင့်နေတဲ့အခန်းမှာ ပြထားတဲ့ စပီကာပုံစံအရောင်နဲ့ စားပွဲခင်ကျင်းထားပုံက တကယ့်သမိုင်းထဲမှာ သုံးခဲ့တဲ့အတိုင်း ဘဲဖြစ်ပါတယ်။ နောက် ဘာတီအဖြစ်သရုပ်ဆောင်တဲ့ Firth ကတော်တော်လေးကိုလေးစားစရာပါ။ ဒါမရေးခင် ဂျော့်ဘုရင်VI မိန့်ခွန်းပြောထားတဲ့ video အတိုင်း မိန့်ခွန်းဖတ်နေရင်း စကားရပ်သွားတဲ့နေရာ ၊ အသံထုတ်ပုံ၊ အာထစ်နေတဲ့ စကားလုံးတွေ၊ ပါးစပ်ထဲရောက်နေပြီအပြင်ထွက်ဖို့ ခဲယဉ်းနေပုံနေကို တော်တော်လေးတူအောင်ကို ကျင့်ထားပုံပါဘဲ ။ စကားအဖြတ်အတောက်တွေက ဘုရင်ကြီး စကားပြောအခက်တွေ့တဲ့အတိုင်း ထပ်တူကြအောင်ရယ် မင်းသံဆိုးသံပေါက်အောင်ရယ် ပြောသွားတာ ဇာတ်နဲ့တစ်သားတည်းပါ။ ဝင်စတန်ချာချီက အပြင်မှာ နန်းစွန့်ဘုရင် အက်ဝက် VIII ကို အင်တိုက်အားတိုက် ထောက်ခံခဲ့တဲ့သူတစ်ဦးဖြစ်ပါတယ် ။ ဒီထဲမှာ လုံးလုံးကြီးဆန့်ကျင်ဘက်အနေနဲ့ ပုံဖော်ထားပါတယ်။ အဓီကဇာတ်ကောင် ဂျော့VI ဘုရင်(ရော့မြို့စား)က ရွှေအိုးအနားပဲ့နေသလို မင်းသားတစ်ပါးဖြစ်ပေမယ့် အားနည်းချက်ကြီးက စကားထစ်တဲ့လူဖြစ်နေတာပါဘဲ။ စိတ်အားငယ်တက်၊ဒေါသကြီးတက်တယ်၊ အားလုံးရဲ့အပယ်ခံ အနိုင်ကျင့်ခံဇာတ်ကောင်စရိုက်ရှိတယ်။ စကားထစ်နေတာ ပြောရခက်နေတာအတွက် စကားကု ဆရာဆီက ဘဝအခက်အခဲတွေကိုပါ အနိုင်ယူပြီး hero လိုခံစားချက်မျိုးရအောင် သရုပ်ဖော်ထားတယ်။ သမိုင်းထဲက ဂျော့VI ဘုရင်(ရော့မြို့စား) Cambridge's Trinty College မှာပညာသင်ကြားခဲ့ပြီး ငယ်ငယ်တည်းက ထီးမွေဆက်ခံမယ်လို့မစဉ်းစားထားတဲ့ သူ ၊ သူ့အစ်ကိုဖြစ်သူ ထီးမွေဆက်ခံရမှာကြောင့် ၊ တော်ဝင်ရေတပ် သင်တန်းကျောင်းမှာတက်ရောက်ပြီး ရေတပ်ဗိုလ်နဲ့ တော်ဝင်လေတပ်အရာရှိအဖြစ် ပထမကမ္ဘာစစ်အတွင်းမှာ တာဝန်ထမ်းဆောင်ခဲ့ပါတယ်။ ဒုတိယကမ္ဘာစစ်မှာ နာဇီတို့ကို အောင်နိုင်ပြီး နိုင်ငံတော်ကိုသြဇာကို ပိုကြီးမားအောင်လုပ်ခဲ့ပြီး ပထမဆုံးသော ဓနသဟာရ နိုင်ငံများ အကြီးအကဲလဲဖြစ်ခဲ့ပါတယ်။ သမီးနှစ်ယောက် ရှိပြီး အယ်လစ်ဇဘတ်နဲ့ မာဂရက် တို့ ဖြစ်ပါတယ်။ သူ့ရဲ့ကျန်းမာရေအခြေနေကြောင့် သမီးဖြစ်သူ အယ်လစ်ဇဘတ်ဘုရင်မကြီးဆီကို ထီးနနန်းလွဲပေးခဲ့ပါတယ်။ ဂျော့ဘုရင် VI ကစကားထစ်တာကြောင့် စီးကရက် က စိတ်သက်သာရာရစေတယ်ဆိုပြီး အမြဲတမ်းသောက်လေ့ရှိရာ ၊ အသက် ၅၆ နှစ်မှာ အဆုတ်ကင်ဆာကြောင့်ဘဲ သေဆုံးခဲ့ပါတယ်။ အက်ဝက်VIII (ဝေလမင်းသား)ကို ပေ့ါပေါ့နေပေါ့ပေါ့စားပြီး လျောက်လေလွင့်နေသူ ၊ ကိုယ်ထင်ရာလုပ်တက်သူ၊ ကလေးဆန်သူ၊ နှစ်လင်ကွာ အမျိုးသမီးကိုစွဲလမ်းပြီး နန်းတော်က တော်ဝင်မိသားစုကို အရှက်ရစေသူလို့ အဓိပ္ပယ်ရအောင်ပါတဲ့ ဇာတ်ကွက်နည်းနည်းလေးမှာ သရုပ်ဖော်ထားပါတယ်။ ဒီဇာတ်ထဲမှာ သူ့ပုံရိပ်ကို negative အမြင်ထွက်အောင် ပုံဖော်ထားတာတွေ့ရပါတယ်။ သမိုင်းထဲက အက်ဝက်VIII (ဝေလမင်းသား) အက်ဝက်VIII (ဝေလမင်းသား)က ဂျော့်V ဘုရင်ကြီးရဲ့ သားအကြီးဆုံးဖြစ်ပြီး တော်ဝင်ရေတပ်ကောလိပ်... အော့်ဘောနီ ရေတပ်ကောလိပ်နဲ့ အောက့်စဖို့ ရဲ့မက်ဒယ်လန် ကောလိပ်မှာ ပညာသင်ကြားခဲ့ပါတယ်။ တော်ဝင်ရေတပ်မှာ ပါဝင်ပြီး ပထမကမ္ဘာစစ်အတွင်းတိုက်ပွဲဝင်ခဲ့ပါတယ်။ သူပြောထားခဲ့တဲ့စကားက " ငါသေသွားလို့ လဲ ဘာဖြစ်သွားမှာလဲ ၊ ဘုရင်ကြီးမှာ နောက်ထပ် သား ၃ယောက်တောင်ရှိသေးတာဘဲ ဆိုပြီး စစ်အတွင်းပြောခဲ့တာကိုကြည့်ရင် ထီးနန်းကို အစကတည်းက စိတ်ဝင်စားပုံမရပါဘူး။ နောက် တစ်လင်ကွာ လက်ရှိအိမ်ထောင်ရှိနေတဲ့ အမေရိကန်လူမျိုး မစ္စဆင်ဆွန်ကို အချစ်ရူးမီတာ ကနေအချစ်အတွက် ထီးနန်းကို စွန့်လွှတ်ခဲ့ပြီး ချစ်ရသူကို လက်ထပ်ခဲ့ပါတယ်။ ၁၉၇၂ မှာ သေဆုံးသွားခဲ့ပါတယ်။ သူသေဆုံးပြီး ၁၄ နှစ်အကြာမှာ သူ့အချစ်ရူးမစ္စဆင်ဆွန်သေဆုံး ခဲ့ပါတယ်။ မစ္စဆင်ဆွန်ကို သူဘေးနားမှာဘဲ မြေမြှပ်ခဲ့ပြီး သေတောင်မှမခွဲကြတဲ့ အထိဒီနေ့ ခေတ်လူတွေ အံ့သြနေကြဆဲ အချစ်အတွက် အကြီးမားဆုံးပေးဆပ်ခဲ့တဲ့နန်းစွန့်ဘုရင်တစ်ပါး အဖြစ်မှတ်တမ်းတင်ခြင်းခံခဲ့ရပါတယ်။ အာဂယောကျာ်း တစ်ယောက်ပါ။ အချစ်ဆိုတာလဲ ထူးဆန်တယ် ၊စွဲပြီဆိုရင် ရှက် ရမှာလဲ မသိတော့ဘူး၊ ကြောက်ရမှာလဲမသိ တော့ဘူး၊ ဘာကို မှလဲ မငဲ့ဘဲရက်စက် ရိုင်းတက် တာတယ် ၊ အပင်ပန်းခံနိုင်လာတယ် ။ အာဇာနည်သီချင်းထဲမှာ သာ ကြားဖူးတဲ့ ဓား တောင်ဖြတ်တာတို့ ၊ မီးပင်လယ်ဖြတ်ရဲတာတို့ က တစ်ကယ်ဖြစ်နိုင်ပါလားတွေးမိစေပါတယ်။ အက်ဝက် VIII က ယောကျာ်းကောင်းလို့ ပြောလို့ရသလို စနိုက်လို့လဲ ပြောလို့ရတယ်။ သူဒီအမျိုးသမီးကိုလက်ထပ်ရင် သူ့မှာ ရွှေးချယ်စရာ ၃ ခုရှိတယ် ၁။ ဘုရင်အနေနဲ့နေပြီ ထီးနန်းမှာနေပြီး တရားဝင် မီဖုရားမြောက် ၂။ တရားဝင်မိဖုရားမလုပ်ဘဲ အဆောင်အယောင် လေးနဲ့ နာမည်ဂုဏ်ပုဒ်လေးတွေ ပေးမယ် ၃။ နန်းစွန့်ပြီး တရားဝင်အမျိုးသမီး အဖြစ်လက်ထပ်လို့ ရမယ် ၁ နဲ့ ၂ က ဘုရင်က အင်္ဂလန်ကျောင်းတော်နဲ့ အစိုးရအဖွဲ့လက်အောက်ခံနိုင်ငံ တွေက လက်ခံဖို့ မဖြစ်နိုင်တာရယ် သူကိုယ်တိုင်က သူ့ချစ်သူကို တရားဝင်သိက္ခာရှိရှိထားချင်တာကြောင့် နည်းလမ်း ၂ခုလုံးသုံးလို့ မရပါဘူး။ ရွှေးစရာ နောက်ဆုံး ၃ ထီးနန်းစွန့်ခြင်းကို ရွှေးချယ်ခဲ့လိုက်ပါတယ်။ အချစ်အတွက်ထီးနန်း စွန့်တာကို ထိုက်တန်တယ်တွေးပြီး နန်းစွန့်ဖို့ လက်မှတ်ထိုးပြီးတော့ ပန်းခြံထဲအေးဆေး လမ်းဆင်းလျောက်နေခဲ့ပါတယ်လို့ ရေးသားထားခဲ့ကြပါတယ်။ ရိုမီယိုက အဖေပြန်ခေါ်ရမလား တော်ဝင်မိသားစုတွေ အတိုက်အခံတွေကြားထဲကနေ အချစ်အတွက် နန်းပါစွန့်ပစ်လိုက်တာ ရိုချက်၊ သေတာတောင်ဘေးချင်းကပ်ပြီးမြေမြုပ်ပြီး ရိုသွားသေးတယ်။ စကားထစ်တာက သိပ်တွေ့ရလေ့မရှိတဲ့ရောဂါ တစ်မျိုးပါ။ လူ့အသိုင်းအဝိုင်းမှာ လှောင်ရယ်စရာ တစ်ခုအနေနဲ့ ရှုမြင်တက်ကြပြီး ၊သူစကားပြောတာ ရယ်စရာကောင်းတယ်လို့ ပေါ့ပေါ့ပြောလိုက် သောလည်း ကာယကံရှင်ဘက်ကစကားပြော ထွက်အောင်ဘယ်လောက်ခက်ခဲပြီးကြိုးစားနေ ရတယ်ဆိုတာဒီကားထဲမှာ နိုင်ငံပုံရိပ်ဖြစ်တဲ့ဘုရင် တစ်ပါးမှာဒီလိုအာထစ်နေပြီး လူပေါင်းများစွာ အရှေ့မှာ မိန့်ခွန်းဖတ်ရတာတို့ဆို လူတွေအတွက်ရတဲ့ဖိအား စကားသံထွက်ဖို့ ကြိုးစားနေရလို ဖြစ်လာတဲ့ဖိအားတွေကြားက ဘယ်လိုရုန်းကန်ခဲ့ရတယ်ဆိုတာတွေကို Firth သရုပ်ဆောင်ထားတာ သူ့ကိုကြည့်နေရင်နဲ့ ပြောလိုက်ပါလား ဒီလောက်လွယ်လွယ်လေးကို ၊ ကြည့်ရတာပင်ပန်းလိုက်တာ ၊ တစ်လုံးနဲ့တစ်လုံး လှည်းတန်းမီးပွိုင့်လောက်ကြာတယ်ဆိုပြီး မှတ်ချက်ပေးရအောင်မှုလစကားထစ်တဲ့သူတစ်ယောက်လို စကားပြောတာမှာတော်တော်ကြီးကို သရုပ်ဆောင်တော်ပါတယ်။ လမ်းလျောက်တဲ့ကိုယ်နေဟန် နဲ့ နေပုံထိုင်ပုံတွေ ကိုသေချာကြည့်ရင် မင်းဟန်ဆိုးဟန် ပါနေတာကို တွေ့ရမှာပါ။ ဇာတ်လမ်းကို အစကနေစပြီး နောက်ဆုံး climax ကိုရောက်တဲ့အထိ တဖြည်းဖြည်းခြင်းခေါ်သွားပါလိမ့်မယ်။ Rating တွေများပြီး ဆုတွေ တစ်ပြုတ်ကြီးရနေပေမယ့် တချို့သူများအတွက် ပြောသလောက်လဲမဟုတ်ပါဘူး ပျင်းစရာကြီးလို့ ပြောနိုင်ပါတယ်။ လူတွေက စက်ရုပ်မှမဟုတ်ကြဘဲ ။ ဇာတ်လမ်းတစ်ခုလုံးက ဂျော့်VI(ရော့မြို့စား)နဲ့ သူ့ ရဲ့ စကားကုဆရာတို့ အကြားကဆက်ဆံရေး ဂျော့်VI(ရော့မြို့စား)ရဲ့ စရိုက် နေထိုင်ပုံ သူရင် ဆိုင်ရနေရတဲ့အခက်အခဲတွေ ၊ ဖြတ်သန်းခဲ့ရတဲ့ဘဝကို နာရီပိုင်းအတွင်းမှာ ထင်ဟပ်အောင် ဖော်ပြထားတာတွေ့ရပါတယ်။ File Size - 849 MB Qty - 720p Bluray Duration - 1hr 58min Gern - Biography/Drama Subtitle - Myanmar Hardsub Translator - Htet Lin Kyaw Encoder - Kyaw Ye Aung

IMDb....6.8, ,,,, ဒီAnimation,ဇာတ်ကားကို တစ်ဝက်လောက်ပဲကြည့်ရသေးတယ် ..  အံအားသင့်လောက်စရာတွေတွေ့လို့ ဒီကားနဲ့ ပတ်သက်တာတွေ စုံစမ်းကြည့်တော့   Charles Dickens ရဲ့နာမည်ကြီးဝတ္ထုဖြစ်နေတဲ့အပြင် ဒါရိုက်တာကလည်း Forrest Gump  ကိုရိုက်ကူးခဲ့တဲ့ ဒါရိုက်တာ Robert Zemeckis ဖြစ်နေတယ်......ဒါကြောင့်လည်း Best Animated Film ဆန်ကာတင်စာရင်းဝင်ခဲ့သလို အခြားဆု(၃)ဆုလည်းရရှိခဲ့တယ်... Jim Carrey အသံပိုင်းသရုပ်ဆောင်ထားပါတယ်... ...Ebenezer Scrooge ဆိုတဲ့အဘိုးကြီးတစ်ယောက်ရှိတယ်... ...သူကတစ်ကိုယ်တည်းသမားကြီးဖြစ်ပြီး  အတ္တလည်းအလွန်ကြီးတယ် ..ငွေကလွဲလို့ တခြားဘာကိုမှမမြင်... ခရစ်စမတ်ကာလမှာပျော်ပါးနေတဲ့သူတွေကို အရူးတွေ သေတာမှကောင်းလိမ့်မယ်လို့တောင်တွေးတတ်တဲ့သူ.... ဒီလိုအယူအဆတွေ ပိုင်ဆိုင်ထားတဲ့ အဘိုးကြီးဟာ တစ်နေ့မှာတော့ သူတစ်သက်မှာ လုံးဝမမျှော်လင့်တာတွေဖြစ်တော့တာပဲ... ဒီကားက ခလေးသူငယ်တွေအတွက်တင်မဟုတ်ဘဲ လူကြီးတွေလည်း ကြည့်ပြီးကြိုက်သွားမှာပေါ.. ပြောရရင်လူကြီးတွေအတွက်က ပိုပြီးတောင်ရသမြောက်လိမ့်မယ်ထင်ပါတယ်.. ခလေးတွေအတွက်တော့  ကြည့်လို့လှတဲ့ကားတစ်ကားပေါ့ဗျာ... ကိုင်းခံစားကြည့်လိုက်ပါဦးနော်... File Size : (735MB/1.6GB) Quality : Blu-Ray 720p/1080p Format…mp4 Duration…01:36:00 Genre : Animation, Drama, Family | Subtitle : Myanmar Subtitle (Hard Sub) Translated by Thaw Thaw Wai Oo Encoded by Heather Oo

ဒီဇာတ်ကားက Oscar Wilde ရဲ့ ဂန္တဝင်ဝထ္ထုကို လိုက်လျောညီထွေနဲ့စွဲမက်ဖွယ်ကောင်းလောက်အောင် ပြန်လည်ပုံဖော်ထားတဲ့ဇာတ်ကားကောင်းလေးဖြစ်ပါတယ်။ လူတွေရဲ့အတ္တနဲ့သေခြင်းတရားအပေါ်ကြောက်ရွံ့မှုတို့ကို နက်ရှိုင်းတဲ့သဘောနဲ့ပုံဖော်ပြထားပါတယ်။ စွဲမက်လောက်စရာရုပ်သွင်ရှိတဲ့ Ben Barners က Dorian Gray ဇ ာတ်ကောင်နေရာမှာသရုပ်ဆောင်ပေးထားတာက ဇာတ်လမ်းနဲ့တကယ့်ကိုလိုက်ဖက်ညီလွန်းပါတယ်။ ဇာတ်လမ်းသဘောကတော့ သူ့ရဲ့ဝိညဥ်ကိုနတ်ဆိုးနဲ့မမျှော်လင့်ပဲ အပေးအယူလုပ်မိသွားတဲ့ ကောင်ချောလေးတစ်ယောက်အကြောင်းပါ။ ရိုးသားဖြူစင်တဲ့ကောင်ချောလေးဒိုရီယန်ဟာ အဖိုးသေဆုံးသွားပြီးအမွေဆက်ခံဖို့အတွက်တောကနေ လန်ဒန်မြို့ကြီးကိုရောက်လာခဲ့ပါတယ်။ မအူမလည်ဖိုးသခွားလေးဟာ လူရှုပ်လူပွေကြီး Lord Henry နဲ့ပေါင်းမိပြီးတဲ့နောက်မှာ ကောင်ချောလေးကနေကောင်ဇိုးလေးဖြစ်လာခဲ့ပါတယ်။ ဆရာထက်တပည့်လက်စောင်းထက်လာတဲ့ဒိုရီယန်ဟာ သူ့ဝိညဥ်ကိုမမျော်လင့်ဘဲ နတ်ဆိုးနဲ့အလဲအလှယ်လုပ်မိသွားတဲ့နောက်မှာ မအိုမင်းနိုင်တဲ့ခန္တာကိုပိုင်ဆိုင်သွားပြီး မြင်းကိုဂျိုတပ်ပေးလိုက်သလိုတွေဖြစ်သွားတဲ့အခါ.... သူ့နုပျိုမှုကထာဝရခံပါ့မလား အဲ့ဒီအလဲအလှယ်အတွက် သူဘာတွေပေးဆပ်လိုက်ရမလဲဆိုတာ ဇာတ်ကားထဲမှာဆက်ပြီးစောင့်ကြည့်ပေးကြပါဦး.... Ben Bernes က Dorian Gray ရဲ့ ဇာတ်ကောင်ကို အပြစ်ကင်းစင်တဲ့လူငယ်လေးတစ်ယောက်ရဲ့ဘဝကနေပြီးတော့ စိတ်ဝိညဥ်မရှိတော့တဲ့အထိကိုယ့်ကျင့်တရားဖောက်ပြန်စိတ်ဓာတ်ပျက်ပြားတဲ့ လူတစ်ယောက်အဖြစ်ကူးပြောင်းလာပုံကို ကျွမ်းကျွမ်းကျင်ကျင်ပဲပုံဖော်ပြသွားပါတယ်။ Horry and Mystery vibes မျိုးကိုသေချာခံစားချင်ပြီး တကယ်စိတ်ဝင်စားစရာကောင်းပြီးကြည့်ရတာတန်တဲ့ဇာတ်လမ်းမျိုးကိုရှာနေရင် ဒီဇာတ်ကားလေးကသင်တို့အတွက်ပါပဲလို့... ( PS. တစ်ချို့ဇာတ်ဝင်ခန်းတွေက မိသားစုနဲ့အတူကြည့်ဖို့မသင့်တော်တဲ့အတွက်ကြောင့် ညမှောင်မှောင်မှာ တစ်ယောက်တည်း or သူငယ်ချင်းတွေနဲ့စုကြည့်ကြဖို့ပြောချင်ပါတယ်။) File size…  1.74 GB /  800 MB Quality… BluRay 1080p / 720p Format… mp4 Duration…. 1h 52m Genre .....  Drama, Fantasy Subtitle…. Myanmar Subtitle (Hard Sub) Encoder…. Thit San Khant Translated by Aung Wai Wai Thin

Mamma Mia! (2008) IMDb - 6.4/10 Rotten - 54% Blu-Ray 1080p 5.1 CH x 264 ဒီတစ်ခါတော့ 2008 ခုနှစ်က ထွက်ခဲ့တဲ့ ပေါ့ပေါ့ပါးပါးရုပ်ရှင်တစ်ကားနဲ့ မိတ်ဆက်ပေးချင်ပါတယ်။ "အရမ်းလေးတဲ့ရုပ်ရှင်တွေကိုလည်း မကြည့်ချင်ဘူး ၊ ပေါ့ပျက်ပျက်ရုပ်ရှင်တွေကိုလည်း ကြည့်မိမှာစိုးတယ်" ဆိုတဲ့ သူတွေအတွက် ဒီဇာတ်ကားကတော့ အဆင်ပြေပါလိမ့်မယ်။ နေ့စဉ်ပင်ပန်းနွမ်းနယ်မှုတွေထဲကရုန်းထွက်ဖို့ ရုပ်ရှင်တစ်ကားကြည့်ပြီး စိတ်ပေါ့ပါးလန်းဆန်းသွားချင်တယ်ဆိုရင် ဒီ ရုပ်ရှင်လေးကို ကြည့်ဖို့တိုက်တွန်းချင်ပါတယ်။ နာမည်ကတော့ "Mamma Mia!" ဖြစ်ပါတယ်။ Meryl Streep ၊ Pierce Bronsnan ၊ Colin Firth ၊ Stellan Skarsgard ၊ Dominic Cooper ၊ Amanda Seyfried စတဲ့ နာမည်ကျော်သရုပ်ဆောင်တွေ ပါဝင်ထားပါတယ်။ Lesbian တယောက်ဖြစ်တဲ့ Phyllida Lloyd အတွက် Mamma Mia! ပထမဆုံးဒါရိုက်တာအဖြစ်ရိုက်ကူးခဲ့တာဖြစ်ပါတယ်။ ရုပ်ရှင်ရဲ့ကုန်ကျစရိတ်က $52 million သာဖြစ်ပြီး တကယ် ရုံတင်ပြသခဲ့တဲ့အခါ $609.8 million အထိဝင်ငွေရရှိခဲ့တဲ့ ရုပ်ရှင်တစ်ကားဖြစ်ပါတယ်။ Kalokairi လို့ခေါ်တဲ့ ဂရိကျွန်းတစ်ကျွန်းပေါ်မှာ ဇာတ်အိမ်တည်ပြီးရိုက်ကူးထားတာပါ။ Mamma Mia ရဲ့ ဇာတ်ကြောင်းကတော့ - Sophie (Amanda Seyfried) တယောက် သူ ချစ်တဲ့သူ Sky (Dominic Cooper) နဲ့ မင်္ဂလာဆောင်ရတော့မှာ ဖြစ်လို့ သူ ပျော်နေတာပေါ့ ။ ဒါပေမယ့် သူမ မပျော်နိုင်ရှာပါဘူး ။ သူမမှာ ဆန္ဒတစ်ခုရှိနေသေးပါတယ် ။ အဲဒါကတော့ သူမ ရဲ့ မင်္ဂလာဆောင်ကို သူမ အဖေကိုပါ တက်ရောက်ချီးမြှင့်စေချင်တာပဲဖြစ်ပါတယ်။ ဒါပေမယ့်လို့ Sophie ဆန္ဒကို အခက်တွေ့စေတာ တစ်ခုရှိနေပါသေးတယ် ။ အဲဒါကတော့ သူမရဲ့ ဖခင်ဖြစ်သူ ဘယ်သူမှန်း မသိတာပဲဖြစ်ပါတယ်။ တကယ်တော့ Sophie ရဲ့ အမေဖြစ်သူ ဟိုတယ်ပိုင်ရှင်တယောက်ဖြစ်တဲ့ Donna (Meryl Streep)က ငယ်စဉ်ဘဝမှာ ယောကျ်ားလေးတွေ ထည်လဲတွဲခဲ့သူပါ ။ အဲဒီတော့ ဆိုဖီ့အတွက် သူ့ဖခင်ဘယ်သူမှန်း မသိတော့ဘူးပေါ့နော်။ တနေ့တော့ ဆိုဖီဟာ သူ့အမေရဲ့ ဒိုင်ယာရီကို သေတ္တာဟောင်းတွေကြားမှာ ရှာတွေ့သွားပါတယ်။ ဒိုင်ယာရီထဲမှာ ဒိုနာ ဟာ သူမနဲ့ အတူတူအိပ်ဖူးတဲ့ယောက်ျားတွေကို အသေးစိတ်ရေးထားတာပေါ့။ အဲဒီ ဒိုင်ယာရီအရ ဆိုဖီ ဟာ သူမရဲ့ အဖေ ဖြစ်နိုင်တဲ့သူ သုံးယောက်ကို ဆွဲထုတ်လိုက်ပါတယ် ။ အဲဒီ သုံးယောက်ကတော့ အောင်မြင်တဲ့အင်ဂျင်နီယာတစ်ယောက်ဖြစ်နေတဲ့ Sam(Pierce Brosnan) ၊ ဘဏ်ပိုင်ရှင်တယောက်ဖြစ်နေတဲ့ Harry(Colin Firth) ၊ ခရီးသွားစာရေးဆရာတယောက်ဖြစ်နေတဲ့ Bill (Stellan Skarsgård)တို့ပါ ။ အဲဒီသုံးယောက်ဆီကို Sophie က သူမရဲ့ မင်္ဂလာဆောင်ဖိတ်စာကို တစ်စောင်စီပို့လိုက်ပါတယ်။ သူတို့ကို အဖေရှာပုံတော်ဖွင့်ဖို့ခေါ်တာပါလို့ မပြောဘူးပေါ့။ Donna က သတိတရနဲ့ လှမ်းဖိတ်တယ်ဆိုပြီး ဆိုဖီက လိမ်ညာပြီးခေါ်လိုက်တာပေါ့။ သူတို့သုံးယောက်ကလည်း ဒိုနာ အပေါ် အချစ်မလျော့သေးတာကြောင့် ချက်ချင်းကို မင်္ဂလာဆောင်ကို ထွက်လာကြတယ်။ သူတို့သုံးယောက် ကျွန်းပေါ်ရောက်လာတဲ့အခါ ဆိုဖီ နဲ့ တွေ့တော့ သူမ အရမ်းဝမ်းသာသွားပါတယ် ။ အဲဒီသုံးယောက်ထဲကမှ တယောက်က သူ့ဖခင်ဖြစ်တဲ့သူကိုး။ အဲဒါနဲ့ သူတို့သုံးယောက်ကို သူက ဖိတ်တာပါလို့ ဆိုဖီ က ပြောလိုက်ပါတယ် ။ ဆိုဖီက သူ့အမေရဲ့ ချစ်သူဟောင်းတွေဖြစ်တဲ့ Sam,Harry,Bill တို့သုံးယောက်ရောက်လာတာကို မသိစေချင်သေးပါဘူး။ သူတို့ကို သူ့အမေမသိအောင် အခန်းတစ်ခုထဲ ဝှက်ထားလိုက်ပါတယ်။ ဒါပေမယ့် ဘယ်လောက်ဖုံးထားထား သူတို့သုံးယောက်ကို ဒိုနာ တွေ့သွားပါတယ်။ ခါးခါးသီးသီးပါပဲ ။ ဒိုနာက သူတို့သုံးယောက်ကို သူ့ဆီမလာဖို့ ခု ချက်ချင်းထွက်သွားဖို့ ပြောပါတယ်။ အဲဒီလိုနဲ့ သူတို့ဟာ နှင်ထုတ်ခံရလို့ ပြန်တော့မယ်ပေါ့ ။ သူတို့ပြန်ဖို့ပြင်နေတာကို ဆိုဖီက တွေ့သွားပြီး မပြန်သေးဖို့ သွားတားပါတယ် ။ သူ့အမေဖြစ်သူက သူ့ရဲ့မင်္ဂလာဆောင်အတွက်ဖိစီးမှုတွေများလို့အခုလို ပြောရတာဖြစ်ကြောင်း။ မနက်ဖြန် သူ့ရဲ့ မင်္ဂလာဆောင်အထိ နေစေချင်သေးကြောင်း၊တောင်းပန်ကြောင်း သွားပြောတာပေါ့ ။ အဲဒီလိုနဲ့ သူတို့ မပြန်ဖြစ်တော့ပါဘူး ။ အဲဒီနေ့ည ဆိုဖီရဲ့ အပျိုပါတီ(bachelorette party)မှာ သူတို့သုံးယောက်ရောက်လာပြီး ကခုန်နေကြရင်းနဲ့ သူတို့ဟာ ဆိုဖီ့ရဲ့ ဖခင်ဖြစ်နိုင်ကြောင်း သိရှိသွားပါတယ်။ သူတို့သုံးယောက်လုံး ဆိုဖီ့ရဲ့ ဖခင်ဖြစ်ချင်သူတွေချည်းပါပဲ ။ အဲဒီနောက် သူတို့ဘာတွေဆက်ဖြစ်တယ်၊ မနက်ရောက်လို့ ဆိုဖီ ရဲ့ မင်္ဂလာဆောင်မှာ ဘယ်လိုတွေဖြစ်သွားခဲ့တယ် ၊ Sam,Bill,Harry သုံးယောက်ထဲကမှ ဆိုဖီရဲ့ အဖေက ဘယ်သူဖြစ်သွားလည်း ဆိုတာတွေကိုတော့ မပြောပြတော့ပါဘူးနော် . . . . ။ ဒီရုပ်ရှုင်တစ်ကားလုံးကို ABBA အဖွဲ့ရဲ့ သီချင်း ၂၇ ပုဒ် နဲ့ ရိုက်ကူးတင်ဆက်ထားတာမို့လို့ ABBA သီချင်းကြိုက်သူတွေ ရုပ်ရှင်ကြည့်ရင်းသီချင်းတွေ တဝကြီးနားထောင်ရမှာပဲဖြစ်ပါတယ်။ တကယ်တော့ Mamma Mia ဆိုတဲ့ နာမည်က ABBA ရဲ့ သီချင်းခေါင်းစဉ်တစ်ခုလည်းဖြစ်ပါတယ်။ ABBA ဆိုတာ Benny Anderson,Anni-Frid Lyngstad, Agneha Faltskog, Bjorn Ulvaeus တို့ လေးယောက်ပေါင်းစပ်ဖွဲ့စည်းထားတဲ့ ဆွီဒင် Pop Band တခုဖြစ်ပါတယ်။ ABBA ဆိုတဲ့စကားလုံးက သူတို့နာမည်တွေရဲ့ ရှေ့ဆုံးစကားလုံးတွေ A-B-B-A တွေကို ပေါင်းစပ်ထားတာပါ။ 1970-1980 ဝန်းကျင်တဝိုက်မှာ အင်မတန်အောင်မြင်ခဲ့တဲ့ Band တစ်ခုဖြစ်ပါတယ်။ အဲဒီခေတ်ကာလမှာ the Beatles အဖွဲ့ပြီးရင် ABBA အဖွဲ့ကအအောင်မြင်ဆုံးပါ ။ အိမ်ထောင်ရေးအရှုပ်အထွေးကြောင့် ABBA အဖွဲ့ဟာ 1983 ခုနှစ်မှာ ပြိုကွဲခဲ့ပါတယ်။ သူတို့ပြိုကွဲခဲ့ပေမယ့် အခုအချိန်အထိ သူတို့ရဲ့ သီချင်းတွေက နာမည်ကျော်ကြားဆဲပါပဲ။ တကယ်တော့ ABBA အဖွဲ့ရဲ့ သီချင်းတွေကို မြန်မာနိုင်ငံက အဆိုတော် တော်တော်များများပြန်ဆိုခဲ့ဖူးတာဖြစ်လို့ ကျနော်တို့ နားနဲ့ အရမ်းစိမ်းတဲ့ သီချင်းတွေတော့ မဟုတ်ပါဘူး။ ကြည့်ပြီးတဲ့လူတွေလည်း နောက်တစ်ခါပြန်ကြည့်ရင် အဆင်ပြေမယ့် ရုပ်ရှင်တစ်ကားဖြစ်ပြီး မကြည့်ရသေးတဲ့လူတွေအတွက် ကြည့်ဖို့ လက်မလွှတ်သင့်တဲ့ ရုပ်ရှင်ကားကောင်းတစ်ခု ဖြစ်ကြောင်းပါ ။ Admin ~ ရေချမ်း ဇာတ်လမ်းအညွှန်းကိုတော့ Movie Movies Facebook Page မှ ကူးယူဖော်ပြထားပြီး ဘာသာပြန်သူကတော့ မေသူစိုးပါ..... File Size : 1.66 GB Quality : Blu-Ray 1080p 5.1 CH x264 Running Time : 1hr 48min Format : Mkv Genre : Comedy, Musical, Romance Subtitle : Myanmar Subtitle (Hard Sub) Source : 1080p.BluRay.x264.DTS-SWTYBLZ Translated by May Thu Soe Encoded by Thanhtike Zaw File Size : (952 MB)

၂၀၀၇ ခုနှစ်ကထွက်ရှိခဲ့တဲ့ သမိုင်းနောက်ခံအက်ရှင်စွန့်စားခန်း ရုပ်ရှင်ဖြစ်တဲ့ The Last Region နဲ့ မိတ်ဆက်ပေးချင်ပါတယ်။ ဒါရိုက်တာ Doug Lefler က ရိုက်ကူးပေးထားပြီး ၂၀၀၂ ခုနှစ်ကထွက်ရှိခဲ့တဲ့ Valerio Massimo Manfredi ရဲ့ The Last Region ဝတ္တုကို အခြေခံထားပါတယ်။ Colin Firth ၊ Ben Kingsley နဲ့အိန္ဒိယရုပ်ရှင်မင်းသမီး Aishwarya Rai တို့လိုအကျော်အမော်တွေ ပါဝင်သရုပ်ဆောင် ထားပါတယ်။ အနောက်ရောမအင်ပါယာပြိုလဲခဲ့တဲ့ ၅ ရာစု ဥရောပသမိုင်းကြောင်းကဖြစ်ရပ်တွေကို စိတ်ကူးဉာဏ်ကွန့်မြူးပြီး ရိုက်ကူးထားတာဖြစ်ပါတယ်။ King Arthur ဒဏ္ဍာရီဖြစ်ပေါ်လာစေဖို့ အခြေခံအကြောင်းအရာတွေလည်း ထည့်သွင်းရိုက်ကူးထားတာ မြင်တွေ့ရပါတယ်။ ဇာတ်လမ်းအကျဉ်း ရောမအင်ပါယာပြိုလဲပြီးတဲ့နောက် အသက် ၁၂ နှစ်အရွယ် နောက်ဆုံးဧကရာဇ် Romulus Augustus ဟာ ကာပရီကျွန်းပေါ်မှာ အကျဉ်းသားဖြစ်လာခဲ့ပါတယ်။ ဒါပေမဲ့ Romulus ရဲ့ ပညာရှိဆရာဖြစ်တဲ့ Ambrosinus နဲ့တော်ဝင်အစောင့်တပ်မှူး Aurelius တို့ရဲ့ကယ်တင်မှုနဲ့ ကာပရီကျွန်းကနေ လွတ်မြောက်လာခဲ့ပါတယ်။ ရောမကိုသိမ်းပိုက်ခဲ့တဲ့ဂေါ့သ်တွေ လက်ကထွက်ပြေးရင်း Romulus နဲ့သူ့လူတွေဟာ ဒဏ္ဍာရီလာနဂါး တပ်ဖွဲ့ကိုရှာဖွေဖို့ ဘရစ်တားနီးယားကိုရောက်ရှိလာပြီး ဘုရင်အာသာမွေးဖွားလာဖို့အတွက်လည်း အစပျိုးလာခဲ့ပါတော့တယ်။ File size…2.23GB / 1.3GB Quality…WEB-DL 1080p 5.1CH / 720p Format…mp4 Duration….1h 41m Genre ….. Action , Adventure , History Subtitle….Myanmar Subtitle (Hard Sub) Encoder….Min Wai Translated by JULY

Nanny McPhee(2005) ဇာတ်လမ်းအစမှာ ပြောခဲ့သလိုပဲ "ကျွန်တော်တို့ရဲ့ ဇာတ်လမ်းကို ဝမ်းနည်းဖို့ကောင်းအောင်. ထိုင်ခုံအလွတ်တစ်လုံးနဲ့. စတင်ရလိမ့်မယ်. တကယ်လို့ အဲဒီ့ခုံက လွတ်မနေခဲ့ဘူးဆိုရင် ကျွန်တော်တို့မှာ ပြောစရာဇာတ်လမ်းရှိမှာမဟုတ်ပါဘူး." ဇနီးသည် ဆုံးပါးသွားတဲ့နောက် မစ္စတာဘရောင်းဟာ မိခင်ရဲ့စောင့်ရှောက်မှုလိုအပ်နေတဲ့ ကလေးခုနှစ်ယောက်ကို ကြည့်ရှုဖို့ ကလေးထိန်း (နာနီ)ကို ငှားရမ်းဖို့ ဆုံးဖြတ်ခဲ့ပါတယ်။ သို့ပေမယ့် အလုပ်အရမ်းများတဲ့ ဖခင်ရဲ့ အာရုံစိုက်မှု၊ ဂရုစိုက်မှု၊ မေတ္တာတွေကို တောင့်တနေတဲ့ ကလေးတစ်စုဟာ သူတို့ရဲ့မကျေနပ်ချက်တွေကို ငှားရမ်းထားတဲ့ နာနီများအပေါ် ပုံချပြီး ပညာပေးမောင်းထုတ်ခဲ့တာ (၁၇)ယောက် တိုင်ခဲ့ပါတယ်။ မိခင်ရဲ့ မေတ္တာကိုလည်း လွမ်းဆွတ်၊ ဖခင်ရဲ့ ဂရုစိုက်မှုတွေကိုလည်း တောင့်တရင်းနဲ့ အလိုမကျတဲ့ စိတ်များစွာနဲ့ ဆိုးသွမ်းနေတဲ့ ကလေးတစ်သိုက် အများအမြင်မှာ ဆိုးသွမ်းနေတဲ့ ကလေးတွေ အပေါ် စာနာနားလည်ပြီး မေတ္တာအပြည့်အဝ ထားပေးနိုင်တဲ့ အိမ်စေလေးအီဗန်ဂျလင်းအဒေါ်ဖြစ်သူရဲ့ နောက်အိမ်ထောင်ပြုဖို့ တိုက်တွန်းချက်တွေကြောင့် ကလေးတွေရဲ့ ရှေ့ရေးအတွက် ဒိမိသားစုလေးမပြိုကွဲဖို့ ဗျာများနေရတဲ့ မုဆိုးဖို မစ္စတာဘရောင်း ဒီမိသားစုရဲ့ ပြဿနာတွေကို ဖြေရှင်းပေးနိုင်ဖို့ကတော့ ဆန်းကြယ်မှု (Miracle) တစ်ခု လိုအပ်နေပါတယ်။ ဘယ်လိုဆန်းကြယ်မှုကများ ဒီမိသားစုရဲ့ အခက်အခဲတွေကို ဖြေရှင်းပေးသွားမယ်ဆိုတာကို CM ကနေ ပရိသတ်များရှုစားနိုင်ဖို့ တင်ဆက်ပေးလိုက်ပါတယ်။ File size…2.04GB / 999MB Quality…Blu-Ray 1080p 5.1CH  / 720p Format…mp4 Duration….1h 37m Genre ..... Comedy , Family , Fantasy Subtitle….Myanmar Subtitle (Hard Sub) Encoder….Min Wai Translated by Sai Sumali

Bridget Jones: The Edge of Reason (2004) ဒီကားကတော့ 2001 ခုနှစ်ကထွက်ခဲ့တဲ့ Bridget Jones's Diary ရဲ့ အဆက်ပါ။ ဘရစ်ဂျစ် တို့နှစ်ဦးချစ်သူဖြစ်ပြီးနောက်ပိုင်းကို ဆက်လက်ရိုက်ကူးထားတာပါ။ ဘရစ်ဂျစ်ဟာ သူ့ချစ်သူမာ့ခ်ရဲ့ အထက်တန်းလွှာ အသိုင်းအဝိုင်းမှာ ၀င်ဆံ့ဖို့ကြိုးစားရင်း ကြားထဲမှာ ချစ်သူကို လုပ်ဖော်ကိုင်ဖက်ရှေ့နေမလေးနဲ့ ဖောက်ပြန်နေလား‌ဆိုတာ သံသယ၀င်စရာကိစ္စတွေ တစ်ခုပြီးတစ်ခုဖြစ်လာပါတယ်။ မာ့ခ်က သံသယတွေကိုမဖြေရှင်းတဲ့အခါမှာ ဘရစ်ဂျစ်ကစိတ်ဆိုးပြီး လမ်းခွဲလိုက်ပါတယ်။ အဲ့နောက်မှာအရင်ရည်းစားဟောင်း ဒယ်နီရယ်နဲ့ Program ရိုက်ကူးဖို့ ထိုင်းကို သူငယ်ချင်းခေါ်ပြီးလိုက်သွားပါတယ်။ ထိုင်းမှာ ဘရစ်ဂျစ်သူငယ်ချင်းက အသက်ငယ်ငယ်ကောင်လေးနဲ့ တွေ့ပြီးတွဲခုတ်နေပါတယ်။ ဒယ်နီရယ်ကလည်း ရည်းစားနဲ့ကွဲလို့‌ တွေဝေနေတဲ့ဘရစ်ဂျစ်ကိုပြန်ရဖို့ ပြန်ကပ်နေပါတယ်။ ဒါပေမဲ့ ဒယ်နီရယ်ရဲ့ မိန်းမရှုပ်ပွေတဲ့အကျင့်ကြောင့် ဘရစ်ဂျစ်က ပြန်လက်မခံခဲ့ပါဘူး။ ထိုင်းကနေ သူငယ်ချင်းခေါ်ပြီးပြန်လာတဲ့အခါမှာ လေဆိပ်မှာ သူငယ်ချင်းရဲ့ပစ္စည်းကိုသယ်ပေးတဲ့ ဘရစ်ဂျစ်က ကိုကိန်းသယ်ဆောင်မှုနဲ့ ဖမ်းစစ်ဆေးခံရပါတော့တယ်။ ထိုင်းက အကျဉ်းထောင်ထဲမှာနေရင်း ဘရစ်ဂျစ်ကသူ့ကိုလွှတ်ပေးမယ့်လူကိုစောင့်မျှော်နေပါတယ်။ မထင်ထားစရာဘဲ ဘရစ်ဂျစ်ဆီရောက်လာသူကတော့ မာ့ခ်ပါ။ မာ့ခ်က ဘရစ်ဂျစ်လွတ်အောင်ကူညီတာကိုတော့ အမှန်အတိုင်းမပြောခဲ့ပါဘူး။ သူငယ်ချင်းတွေပြောပြလို့ အမှန်အတိုင်းသိလိုက်ရတဲ့အခါ ဘရစ်ဂျစ်တို့ ချစ်သူနှစ်ဦး ပြန်လည်အဆင်ပြေပြီး ပျော်ရွှင်စရာအဆုံးသတ်ဖြစ်မလား... ဘရစ်ဂျစ်အထင်လွဲနေတဲ့ရှေ့နေမလေးရဲ့ တကယ့်ချစ်သူကရော ဘယ်သူလဲဆိုတာ လှည့်ကွက်လေးတွေနဲ့ ကြည်ကြည်နူးနူး ကြည့်ရမယ့် ဇာတ်လမ်းတစ်ပုဒ်ဖြစ်ပါတယ်။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 2GB, 960MB Quality - 1080p, 720p IMDb Rating - 6/10 Format - mp4 Duration - 1H 48Min Genre - Comedy, Drama, Romance Subtitle - Myanmar Subtitle (Hardsub) Translated by Shune Lai KK Encoded by Y

Love Actually (2003) IMDb Rating (7.6) / Rotten Tomatoes (64 %) နာမည်ကျော်သရုပ်ဆောင်ကောင်းတွေဖြစ်တဲ့ မင်းသားကြီး Liam Nesson , Alan Rickman,Bill Nighy ,Hugh Grant Kingsman မင်းသားကြီး Colin Firth, မစ္စတာဘင်းမင်းသားကြီး Rowan Atkinson ချစ်စရာမင်းသမီးချောလေး Keira Nightly နဲ့ Laura Linney တို့ကိုတစ်နေရာထဲမှာမြင်လိုက်ရတာနဲ့တင် အချိန်ပေးရကျိုး နပ်မယ့်ရုပ်ရှင်ဖြစ်တဲ့အပြင် ဖွဲ့စည်းထားတဲ့ဇာတ်လမ်းအသွားအလာလေးကလဲ အပြစ်ဆိုရက်စရာမရှိ နှစ်လိုဖွယ်ကောင်းလွန်းတယ်လို့ညွှန်းရမယ့် ဇာတ်ကားလေးတကားပါ။ intertwined stories လို့ခေါ်တဲ့ ဇာတ်လမ်းတစ်ခုထဲမှာမတူညီတဲ့ဇာတ်လမ်းလေးတွေကို ယှက်နွယ်ပြီးပြသွားလေ့ရှိပုံစံရုပ်ရှင်ကားမျိုးတွေကို သဘောကျတတ်တဲ့သူတွေပိုပြီးအကြိုက်တွေ့မှာပါ ဝမ်းသာခြင်း ကြည်နူးခြင်း ဝမ်းနည်းရခြင်းတွေနဲ့ Love actually ဇာတ်ကားဟာ Drama/Comedy/ Romance စသဖြင့် ရသမျိုးစုံကိုပေးတဲ့ Family Type Friendship အသားပေးထားတာဖြစ်တဲ့အတွက် မိသားစုနဲ့အတူ အချိန်ပေးပြီးကြည့်ရန်လည်းအသင့်တော်ဆုံးပါပဲ အညွှန်းလေးအကျဉ်းချုပ်ပြောရရင်.... မူးယစ်ဆေးဖြတ်ပြီးအဆိုတော်ပြန်လုပ်ခပ်ကြောင်ကြောင်စကားလုံးတွေပြောပြီး ခရစ္စမတ်သီချင်းတစ်ပုဒ်ကိုဆိုနေတဲ့ခေတ်ဟောင်းအဆိုတော်အဘိုးကြီးတစ်ယောက် အမေရိကားကိုရောက်မှစော်ကြည်မယ်ထင်ပြီးမိမိမွေးရပ်မြေကိုစွန့်ခွာချင်နေတဲ့ဗြိတိန်သားငနဲလေးတစ်ယောက် အချစ်ဆုံးသူငယ်ချင်းရဲ့မင်္ဂလာပွဲကိုအခမ်းအနားဆုံးဖြစ်အောင်ပြင်ဆင်ပေးပြီးကင်မရာလေးနဲ့ရိုက်ပြီး အမှတ်တရပုံရိပ်ကိုတိတ်တခိုးခံစားချက်တွေနဲ့အတူ ခိုးပြီးသိမ်းဆည်းထားတဲ့ကောင်လေးတစ်ယောက် ဝန်ထမ်းကောင်မလေးကိုအပေါ်မှာ ချစ်စိတ်ဝင်မိရာကနေ အမေရိကန်သမ္မတကိုတောင် ချေပနိုင်တဲ့စကားတွေပြောဖြစ်သွားရာကနေ ပြည်သူရဲ့အချစ်တော်အင်္ဂလန်ဝန်ကြီးချုပ်တစ်ယောက် ဖောက်ပြန်တဲ့မိန်းမကိုလက်ပူးလက်ကြပ်မိပြီး စိတ်နာနာနဲ့ ပြင်သစ်ကတော့ရွာလေးဘက်ကို ခရီးထွက်အနားယူရာမှတွေ့ဆုံခဲ့သော ပေါ်တူဂီမလေးကိုချစ်မိသွားတဲ့လူတစ်ယောက် Real sex မဟုတ်တဲ့ဟန်ပြသရုပ်ဆောင်အပြာကားရိုက်ရင်းတကယ်ချစ်မိသွားတဲ့ချစ်သူနှစ်ဦး သူဌေးဖြစ်သူကိုစနိုက်ကြော်ရန်လိုက်ကပ်နေတဲ့ စာရေးမလေးနဲ့ သူဌေးရဲ့မိန်းမမိသားစုအကြောင်း ရုံးတစ်ခုထဲမှာအတူတူလုပ်နေတဲ့လုပ်ဖော်ကိုင်ဖက်ကောင်လေးကိုတစ်ဖတ်သတ်အချစ်နဲ့ ၂နှစ် ၇လနဲ့ ၃ရက်တိုင်အောင်ထိ ဖွင့်ဟပြောဖို့ရန်အခြေအနေမပေးတဲ့ကောင်မလေးတစ်ယောက်အကြောင်း စသဖြင့် မတူညီတဲ့ဇာတ်လမ်း ၈ ခုဟာ ဘယ်မျိုးသောအကြောင်းအရာတွေနဲ့ ချိတ်ဆက်နေမလဲ ကြည့်နေတဲ့ပရိတ်သတ်ကိုဝမ်းသာကြည်နူးတစ်လှည့် ဝမ်းနည်းကြေကွဲစရာလေးတွေနဲ့တစ်ဖုံ ခံစားမှုတွေရမယ်ဆိုတာသေချာပါတယ် Love actually ဇာတ်ကားဟာ Nominated 27 နဲ့ Winners 10 ခုကိုရရှိထားဖြစ်ပြီး အကောင်းဆုံးဇာတ်ပို့ဆုတွေကို မင်းသားကြီး Bill Nighy နဲ့ မင်းသမီးကြီး Emma Thompson တို့ကအများဆုံးရထားကြပြီး 2017 ခုနှစ်မှာတော့ Red Nose Day Actually ဆိုတဲ့ မိနစ်ပိုင်းစာလေးနဲ့အလွမ်းပြေတင်ဆက်ပေးခဲ့ပါတယ် အကယ်၍ Sequal များဆက်ထွက်ခဲ့မယ်ဆိုရင်လည်း Alan Rickman ကြီးတစ်ယောက်တော့ပါဝင်နိုင်တော့မှာမဟုတ်တော့ပါဘူး 😔 #LoveActually #HollywoodDope #Dave (ရုပ်ရှင်အညွှန်းကို Hollywood Dope Facebook Page မှ ကူးယူဖော်ပြပါသည်။) File size…(9.4 GB)/ (3.6 GB )/(2 GB) Quality…WEB-DL 4K HEVC/1080p HEVC / 720p Format…mkv/mp4 Duration….02:15:00 Subtitle….Myanmar Subtitle (Hardsub) Encoder….Ka Naung Translated by Alias

CM ပရိတ်သတ်ကြီးအတွက် Scarlett Johansson ရဲ့ အရင်က ကားဟောင်းလေးကို တင်ဆက်ပေးလိုက်ပါတယ်။ IMDB 6.9/10, Rt 73 % ရရှိထားတဲ့ Romance/Drama ကားလေးဖြစ်ပြီး မင်းသမီး Scarlett Johansson၊ မင်းသား Colin Firth (Kingsman: Secret Service/ Pride and Prejudice) နဲ့ မင်းသား Cillian Murphy (Peaky Blinders/ Oppenheimer) တို့က အဓိက ပါဝင်သရုပ်ဆောင်ထားကြပါတယ်။ ဒက်ချ် ပန်းချီဆရာ Johannes Vermeer ရဲ့ နာမည်ကြီး လက်ရာတစ်ခုဖြစ်တဲ့ Girl with a Pearl Earring ဆိုတဲ့ပန်းချီကားကို အခြေခံပြီး ဖန်တီးထားတဲ့ Tracy Chevalier ရဲ့ နာမည်တူဝတ္တုကို ဒါရိုက်တာ Peter Webber က ရုပ်ရှင်အဖြစ် ပြန်လည်အသက်သွင်းထားတာပဲဖြစ်ပြီး ဆုပေါင်း ၁၇ ဆု ရရှိခဲ့ကာ ဆန်ကာတင် ၄၆ ခု (အော်စကာဆု အပါအဝင်) ဝင်ခဲ့တာပါ။ ၁၆၆၅ ခုနှစ်ဆီက ဟော်လန်နိုင်ငံရဲ့ ပန်းချီဆရာတစ်ယောက်အိမ်မှာ အစေခံအဖြစ်ရောက်လာတဲ့ ဂရိဒ်ဆိုတဲ့ ကောင်မလေးနဲ့ ပန်းချီပညာရှင် သူ သခင်ရဲ့ကြားက ဆက်ဆံရေးကို cinematography ကောင်းကောင်းနဲ့ တင်ဆက်ပြနိင်ခဲ့လို့ ဝေဖန်သူတွေရဲ့ ချီးကျူးမှုပေါင်းများစွာကိုလည်း ရရှိခဲ့တာပါ။ မူရင်းပန်းချီထဲက ကောင်မလေးက ပန်းချီဆရာရဲ့အိမ်က အစေခံကောင်မလေး ဟုတ်မဟုတ်ကိုတော့ ဘယ်သူကမှ အတည်ပြုနိုင်ခြင်းမရှိခဲ့သလို ဒီပန်းချီကားက ပန်းချီပညာရှင် Vermeer ရဲ့ နာမည်အကြီးဆုံးပန်းချီကားဖြစ်တယ်ဆိုတာကိုလည်း ဘယ်သူကမှ မငြင်းဆိုနိုင်ခဲ့ပါဘူး။ ဂရိဒ် (Scarlett Johansson) တိမ်တွေမှာ အရောင်ရှိတယ်တဲ့။ အရင်ကတော့ သူမ သတိမထားမိခဲ့ပါဘူး။ ဒါပေမယ့် သခင်က ပြောလို့ သေချာခံစားပြီးကြည့်တော့မှ တကယ်ဟုတ်တာပဲ။ တိမ်တွေမှာ အရောင်တွေရှိနေပါတယ်။ အိမ်ရဲ့စားဝတ်နေရေးကြောင့် သူများအိမ်မှာ အစေခံလာလုပ်နေရပေမယ့် သခင့်ရဲ့ပန်းချီတွေက သူမကို အလုပ်လုပ်နေရတယ်လို့ မခံစားရစေခဲ့ပါဘူး။ အရေးကြုံရင်လည်း သခင်က သူမဘက်က ရပ်တည်ပေးတတ်သေးတယ်လေ။ ဗာမီရား (Colin Firth) ပျင်းရိငြီးငွေ့ဖွယ် သူ့ဘဝထဲ သူမ ဝင်လာချိန်ကစပြီး သူ့ဘဝက အပြောင်းလဲကြီး ပြောင်းလဲသွားခဲ့ရတယ်။ အရောင်တွေကို နားလည်ပြီး အနုပညာကို ခံစားတတ်တဲ့ သူမက သူ့ရဲ့လက်ရာအမြောက်ဆုံးဖြစ်လာမယ့် ပန်းချီတစ်ချပ်ကို ဖန်တီးပေးခဲ့သူပေါ့။ ပီတာ (Cillian Murphy) အသားစိမ်းတွေနဲ့ပဲ အချိန်ကုန်နေတဲ့ အသားသည်သူ့ဘဝထဲ "အသားကမလတ်ဘူး"လို့ ပြောပြီး သူမ ဝင်လာခဲ့တာပါ။ မျက်လုံးဝိုင်းကြီးတွေနဲ့ ပင့်ကြည့်ပြီး သူမက ပြောတော့ သူတို့သားအဖ တစ်ယောက်မျက်နှာတစ်ယောက်ကြည့်ပြီး အကောင်းစားအသားကို ထုတ်ပေးလိုက်ကြရတယ်။ သူမ ဘယ်သွားတတ်လဲ၊ ဘာလုပ်တတ်လဲ လိုက်စုံစမ်းပြီး သူမအနားပဲ ရှိနေချင်မိတာ သူ့အမှားမဟုတ်ဘူးလေ။ သူမက လှတာကိုး။ ဇာတ်လမ်းကို spoil မိမှာစိုးလို့ သိပ်အများကြီး မညွှန်းတော့ပါဘူးနော်။ မတ်မတ်ရဲ့ ငယ်ရွယ်နုပျိုတဲ့ အလှလေးကို ခံစားရင်း နောက်ဆုံး ဘယ်လိုဇာတ်သိမ်းသွားမလဲဆိုတာကိုတော့ ဇာတ်လမ်းထဲမှာပဲ စီးမျောခံစားကြည့်လိုက်ကြပါဦးလို့။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ) File size…(2 GB)/(1 GB) Quality….Webrip 1080p / 720p Format…mp4 Duration….01:40:00 Genre...Biography, Drama, Romance Subtitle….Myanmar Subtitle (Hardsub) Encoder….Garfield Translated by Emily

ဒီတစ်ခါမှာဝောာ့ 2002ခုနစ်က ထွက်ရှိထားတဲ့ Romance/Comedy ဇာတ်ကားလေးတစ်ကားကို တင်ဆက်ပေးသွားမှာပါ ဂျက်ဟာ ချမ်းသာတဲ့အသိုင်းအဝိုင်းက မွေးစားခံလိုက်ရတဲ့ လူတစ်ယောက်ဖြစ်ပြီး ဆယ်စလီလို့ခေါ်တဲ့သူကို အုပ်ထိန်းသူအနေနဲ့ ထိန်းကျောင်းပေးရသူလည်းဖြစ်ပါတယ်။ သူတို့ဟာ နယ်မှာ နေထိုင်ကြတဲ့သူတွေဖြစ်ပြီး ဂျက်ဟာ မြို့ပေါ်ကို သွားချင်တိုင်း သွားလို့ရအောင် သူ့မှာ အန်းနက်လို့ခေါ်တဲ့ ညီရှိပါတယ်ဆိုပြီး လုပ်ဇာတ်ခင်းထားပါတယ် သူဟာ မြို့ပေါ်မှာ အန်းနက် အနေနဲ့ ပျော်ပါးပြီး နယ်မှာတော့ ဂျက်ဆိုတဲ့ နာမည်နဲ့ ဘဝနှစ်ခုကို‌ နေနေခဲ့တာပါ ဒါကို သူ့သူငယ်ချင်း အလ်ဂျီက သိရှိသွားခဲ့ပြီး အကြွေးနွံ့နစ်နေသူမို့ အနေအစားချောင်အောင် အန်းနက်ဆိုတဲ့ နေရာကို ဝင်ယူကာ နယ်မှာသွားနေပါတော့တယ် ဒီလိုနဲ့ အန်းနက်ဆိုတဲ့ နာမည် တစ်လုံးနဲ့ သူတိူ့နှစ်ယောက် ချစ်သူတွေ ရတဲ့အခါ ဘာဆက်လုပ်ကြမှာလဲဆိုတာကိုတော့ ကြည့်ရှူလိုက်ကြပါဦးခင်ဗျာ။ File size…(1.7 GB)/(1 GB) Quality….Webrip 1080p / 720p Format…mp4 Duration….01:37:00 Genre...Drama, Comedy, Romance Subtitle….Myanmar Subtitle (Hardsub) Encoder….Garfield Translated by Ban.

ဒုတိယကမ္ဘာစစ် ပြီးဆုံးခါနီး အီတလီနိုင်ငံက စွန့်ပစ်ထားတဲ့ ဘုန်းကြီးကျောင်းပျက်တစ်ခုမှာ ပြင်သစ်-ကနေဒါ သူနာပြုဆရာမ ဟာနာဟာ လူနာတစ်ယောက်ကို ပြုစုဖို့ ကျန်နေခဲ့ပါတယ်။ သူကိုယ်တိုင်လည်း စစ်ပွဲအတွင်း ချစ်ရသူတွေကို ဆုံးရှုံးထားရလို့ စိတ်ဒဏ်ရာရှိနေသူပါ။ သူစောင့်ရှောက်ပေးနေတဲ့ အမျိုးသားကတော့ လေယာဉ်ပျက်ကျမှုကြောင့် တစ်ကိုယ်လုံး မီးလောင်ဒဏ်ရာရထားပြီး လူတွေက သူ့ကို အင်္ဂလိပ်လူနာလို့ပဲ သိထားကြတယ်။ ဟာနာက သူ့ကိုပြုစုရင်း လူနာရဲ့အတိတ်အကြောင်းကို တဖြည်းဖြည်း သိလာရပါတယ်။ စစ်မဖြစ်ခင် ဆဟာရသဲကန္တာရမှာ မြေပုံဆွဲတဲ့လုပ်ငန်း လုပ်ကိုင်ခဲ့တဲ့ ကောင့်လာဇလိုအယ်လ်မာဆီနဲ့ အင်္ဂလိပ်အမျိုးသမီး ကက်သရင်းကလစ်ဖ်တန်တို့ တွေ့ဆုံရာကနေ တားမြစ်ထားတဲ့ အချစ်ဇာတ်လမ်းတစ်ပုဒ် စခဲ့တာပါ။ အဲဒီအချစ်နဲ့ ဆက်နွယ်နေသူတွေရဲ့ဘဝကို အတိတ်နဲ့ ပစ္စုပ္ပန် အလှည့်ကျချိတ်ဆက်ပြီး ပြထားပါတယ်။ ၁၉၉၆ ခုနှစ်ထွက် ဒီရုပ်ရှင်ကို မိုက်ကယ်အွန်ဒတ်ဂျီရဲ့ ဝတ္ထုအပေါ် အခြေခံပြီး အန်သိုနီမင်ဂယ်လာက ဇာတ်ညွှန်းရေးသားကာ ရိုက်ကူးထားပါတယ်။ အယ်လ်မာဆီအဖြစ် Ralph Fiennes၊ ကက်သရင်းအဖြစ် Kristin Scott Thomas နဲ့ ဟာနာအဖြစ် Juliette Binoche တို့ ပါဝင်ထားတယ်။ ၆၉ ကြိမ်မြောက် အကယ်ဒမီဆုပေးပွဲမှာ အကောင်းဆုံးဇာတ်ကားနဲ့ အကောင်းဆုံးဒါရိုက်တာဆုအပါအဝင် ဆုကိုးဆု ရခဲ့ပြီး Juliette Binoche ကလည်း ဒီဇာတ်ကားနဲ့ အကောင်းဆုံးအမျိုးသမီးဇာတ်ပို့ဆု ရရှိခဲ့ပါတယ်။ ပြသချိန် သုံးနာရီနီးပါးရှိတဲ့ အချစ်နဲ့စစ်ပွဲနောက်ခံ ဒရာမာဖြစ်ပြီး ဇာတ်ကောင်တွေရဲ့ လျှို့ဝှက်ချက်တွေကို တဖြည်းဖြည်း ဖွင့်ပြသွားပါတယ်။ ချစ်ခြင်းမေတ္တာနဲ့အတူ စစ်ပွဲရဲ့အနိဋ္ဌာရုံ၊ နိုင်ငံနယ်နိမိတ်နဲ့ လူမျိုးရေးခွဲခြားမှုတွေကိုလည်း ထည့်သွင်းပြထားပါတယ်။