Daryl McCormack ပါဝင်သော ဇာတ်ကားများ

Wake Up Dead Man: A Knives Out Mystery (2025) ++++++++++++++++++++++ IMDb Rating (7.9) / Rotten Tomatoes (92%) ဒီရုပ်ရှင်ကတော့ ပရိသတ်တွေ အားပေးကြတဲ့ Knives Out စီးရီးရဲ့ တတိယမြောက် ဇာတ်ကားဖြစ်ပြီး၊ နာမည်ကျော် စုံထောက်ကြီး Benoit Blanc (ဘီနွိုက် ဘလန့်ခ်) အဖြစ် Daniel Craig ကပဲ ပြန်လည်ဦးဆောင် ပါဝင်ထားပါတယ်.... ဇာတ်လမ်းအကျဉ်းချုပ် ++++++++++ ဒီတစ်ခါ ဇာတ်လမ်းကတော့ နယူးယောက်မြို့ မြောက်ပိုင်းက ဝေးလံတဲ့ ဒေသတစ်ခုမှာရှိတဲ့ ကက်သလစ် ဘုရားကျောင်းတစ်ခုကို နောက်ခံထားပါတယ်... ဇာတ်လမ်းအစမှာ ဖာသာ ဂျဒ်လို့ခေါ်တဲ့ ဘုန်းတော်ကြီးတစ်ပါးဟာ ပြဿနာတစ်ခုကြောင့် ဒီနယ်က ဘုရားကျောင်းကို ပြောင်းရွှေ့ခံလိုက်ရပါတယ် အဲဒီဘုရားကျောင်းကို အုပ်ချုပ်နေတာကတော့ သြဇာအာဏာကြီးပြီး ဒေါသကြီးတဲ့ မွန်ဆီညော် ဝစ်ခ်စ် ဖြစ်ပါတယ်.. တစ်ရက်မှာတော့... ဘုရားကျောင်းဝတ်ပြုပွဲ လုပ်နေတုန်းမှာပဲ မွန်ဆီညော် ဝစ်ခ်စ်ဟာ ဓားထိုးခံရပြီး သေဆုံး သွားပါတယ် လူသတ်သမားက ဘယ်သူမှန်း မသိရသလို၊ အဲဒီအချိန်မှာ လူတွေအများကြီး ဝိုင်းနေတဲ့ကြားကနေ ဘယ်သူမှ မသိလိုက်ဘဲ ဖြစ်သွားတဲ့ "Locked Room Mystery" (အခန်းပိတ် လူသတ်မှု) ပုံစံမျိုးပါ ဒီအမှုမှာ အဓိက သံသယရှိသူက ဖာသာ ဂျဒ်ဖြစ်နေပေမဲ့၊ စုံထောက်ကြီး ဘလန့်ခ်ရောက်လာပြီးတဲ့နောက်မှာတော့ သူတို့နှစ်ယောက် ပေါင်းပြီး တကယ့်တရားခံကို ရှာဖွေကြပါတော့တယ်... ဒီဇာတ်ကားက အရင်ကားတွေထက် ပိုပြီး Dark ဖြစ်သလို၊ ဘာသာရေး ယုံကြည်မှုနဲ့ ယုတ္တိဗေဒကြားက အားပြိုင်မှုတွေကို ထည့်သွင်းရိုက်ကူးထားပါတယ် Daniel Craig အပြင် Josh O'Connor, Josh Brolin, Glenn Close, Jeremy Renner, Mila Kunis, Andrew Scott စတဲ့ နာမည်ကြီး သရုပ်ဆောင်တွေ အများကြီး ပါဝင်ထားပါတယ်... အနှစ်ချုပ်ကတော့... ဘုရားကျောင်းထဲက လျှို့ဝှက်ဆန်းကြယ်တဲ့ လူသတ်မှုကို စုံထောက်ကြီး ဘလန့်ခ်က ဘယ်လို ဖြေရှင်းပြမလဲဆိုတာကို ရင်ခုန်ပြီးကြည့်ရမယ့် Whodunit (တရားခံဘယ်သူလဲ) ဆိုတဲ့ဇာတ်ကားကောင်း တစ်ကားဖြစ်ပါတယ်ဗျ..... File Size… (3.49GB) / (1.14GB) Quality… WEB-DL 1080p HEVC /720p Format…mkv / mp4 Duration…2h 24m Genre … Comedy , Crime , Drama , Mystery , Thriller Subtitle….Myanmar Subtitle (Hard Sub)

Anniversary (2025) IMDb Rating (7.0) / Rotten Tomatoes (70%) ဒီဇာတ်ကားလေးကတော့ မိသားစုဝင်တွေကြားထဲမှာ နိုင်ငံရေးအယူဝါဒတွေကွဲပြားသွားတဲ့အခါ ဘယ်လိုပြိုလဲပျက်စီးသွားနိုင်လဲဆိုတာကို ပုံဖော်ထားတဲ့ Political Thriller ဇာတ်လမ်းလေးဖြစ်ပါတယ်။ IMDb 7.0 ထိရရှိထားပြီး Diane Lane ,Kyle Chandler , Phoebe Dynevor,Dylan O’Brien တို့ အဓိကပါဝင်သရုပ်ဆောင်ထားပါတယ်။ ဒါိရိုက်တာကတော့ Jan Komasa ပါ။ ဇာတ်လမ်းအစမှာတော့ တေလာမိသားစုရဲ့ အိမ်ထောင်ဦးစီးဖြစ်သူ အယ်လန် နဲ့ ပေါလ်လို့ရဲ့ ၂၅နှစ်မြောက် မင်္ဂလာနှစ်ပတ်လည်နေ့ကို ကျင်းပဖို့အတွက် မိသားစုတွေစုဝေးခဲ့ကြပါတယ်။အယ်လန်ဟာ နိုင်ငံရေးပညာရှင် ပေါလ်ဟာ စားသောက်ဆိုင်ပိုင်ရှင်ဖြစ်ပြီးတော့ သူတို့သားသမီးတွေဟာလည်း ကိုယ်ပိုင်ဘဝတွေနဲ့ အောင်မြင်နေကြသူတွေပါ။ သို့သော် တစ်ယောက်တည်းသောသားဖြစ်သူ ဂျော့ရှ် ဟာ သူ့ရဲ့ ချစ်သူ လစ်ဇ် နက်တယ်လ်စ် ကို မိသားစုနဲ့ မိတ်ဆက်ပေးလိုက်ချိန်မှာတော့ ပျော်ရွှင်စရာမိသားစုလေး စပြီးလှုပ်ခတ်လာပါတော့တယ်။ တကယ်တော့ လစ်ဇ်ဟာ အယ်လန်ရဲ့ ဂျော့ဂျ်တောင်း တက္ကသိုလ်က ကျောင်းသူဟောင်းတစ်ယောက်ဖြစ်နေခဲ့ပြီး အယ်လန်နဲ့လည်း နိုင်ငံရေးသဘောထားတွေ အရမ်းကိုကွဲလွဲတဲ့သူပါ။ လစ်ဇ် ဟာ ဒီ အမှတ်စရာ နှစ်ပတ်လည်နေ့ညမှာပဲ နိုင်ငံရေးကို တစ်မျိုးတစ်ဖုံပြောင်းလဲသွားနိုင်တဲ့ သူ့ရဲ့ “The Change(ပြောင်းလဲမှု)” ဆိုတဲ့ စာအုပ်ကို အယ်လန်ကို လက်ဆောင်ပေးခဲ့ပါတယ်။ အယ်လန်ဟာ အစမှာတော့ အထွေအထူးဂရုမစိုက်ခဲ့ပေမဲ့ နှစ်နှစ်ကြာပြီးတဲ့အချိန်မှာ စာအုပ်ဟာ ရောင်းအားအကောင်းဆုံးစာအုပ်ဖြစ်လာခဲ့ပြီးတော့ တစ်နိုင်ငံလုံးကိုလွှမ်းမိုးမယ့် ကြီးမားတဲ့ လူမှု-နိုင်ငံရေး လှုပ်ရှားမှုအဖြစ်ပြောင်းလဲသွားခဲ့ပါတယ်။ Family Drama နဲ့ Political Thriller ကိုရောစပ်ထားတဲ့ စိတ်လှုပ်ရှားစရာ ဇာတ်လမ်းကောင်းလေးဖြစ်လို့ ကြည့်ရတာတန်မယ့်ရုပ်ရှင်ကောင်းလေးတစ်ပုဒ်ဖြစ်မှာတော့အသေအချာပါပဲ။ File size… (7 GB) / (1.7 GB) / (830 MB) Quality…. WEB-Rip 4K HEVC / 1080p HEVC / 720p Format…. mkv/mp4 Genre…. Thriller Duration…. 01:51:51 Subtitle…. Myanmar Subtitle (Hardsub)

နာမည်ကြီး သဘာဝဘေးအန္တရာယ်ရုပ်ရှင် Twister 1996 ရဲ့ နောက်ဆက်တွဲအဖြစ် ထွက်လာတဲ့ ရုပ်ရှင်အသစ်ပါပဲ။ IMDb 7.1 အထိရသွားပြီး မူလပရိသတ်ရော ပရိသတ်အသစ်တွေရော အကြိုက်တွေ့တဲ့ရုပ်ရှင်ပဲဖြစ်ပါတယ်။ "ဇာတ်လမ်းအကျဉ်း" ကိတ်ဟာ မိုးလေဝသပညာရှင်တစ်ယောက်ဖြစ်ပြီး လေဆင်နှာမောင်းတွေကို အရှိန်သတ်နိုင်မဲ့နည်းကို ရှာနေတဲ့သူပါ။ အရှိန်သတ်မဲ့နည်းကို လက်တွေ့စမ်းသပ်ရင်း လေဆင်နှာမောင်းထဲမှာ သူငယ်ချင်းတွေနဲ့ချစ်သူကို ဆုံးရှုံးလိုက်ရလို့ နယူးယောက်မှာပဲ သာမန်မိုးလေဝသပညာရှင်အဖြစ်နဲ့ ဇာတ်မြှပ်နေတာပါ။ ဒါပေမဲ့ တစ်နေ့မှာတော့ လေဆင်နှာမောင်းထဲမှာ အသက်ရှင်ကျန်ခဲ့တဲ့ သူငယ်ချင်းတစ်ယောက်က လေဆင်နှာမောင်းတွေကို နည်းပညာအသစ်တွေနဲ့လေ့လာဖို့ အကူအညီတောင်းလာပါတယ်။ ကိတ်တစ်ယောက် လေဆင်နှာမောင်းတွေကြားထဲမှာ စွန့်စားခန်းပြန်ဖွင့်ရင်း အရင်တုန်းက ကြိုးစားခဲ့တဲ့ သုတေသန အောင်မြင်သွားမလား လူတွေကို ကယ်နိုင်မလားဆိုတာ ဆက်ကြည့်ရမှာပါပဲ။ သဘာဝကပ်ဘေးနဲ့ဆိုင်တဲ့ရုပ်ရှင်တွေကို ကြိုက်တဲ့သူတွေအတွက်တော့ ဒီနှစ်ထဲမှာ ရွှေပါပဲ။ မုန်တိုင်းနဲ့လေဆင်နှာမောင်းတွေကို ကြောက်တတ်တဲ့သူတွေအတွက်တော့ အတော်လေး ကြောက်ဖို့ကောင်းပါလိမ့်မယ်။ ကြည့်ကြည့်လိုက်ကြပါဦး။ File size…    6.80GB / 2.85GB /  1.39GB   Quality… WEB-DL 4K HEVC  1080p / 720p Format… mp4 Duration…. 2h 2m Genre ..... Action /Adventure / Thriller Subtitle…. Myanmar Subtitle (Hard Sub) Encoder…. Min Wai Translated by Mr.Anderson

~ IMDb rating - 7.1/10 ~ ၁၈ ရာစုကနေ ၂၀ ရာစု (၁၇၅၈-၁၉၉၆) အထိ ရာစုနှစ်နှစ်ခုစာ ကမ္ဘာ့နိုင်ငံကြီးတချို့မှာ ရှိခဲ့ဖူးတဲ့ အမျိုးသမီးသီးသန့် ဘာသာရေး အကျဥ်းထောင်အကြောင်းကို ကြားဖူးကြလား။ ဘာသာရေး အကျဉ်းထောင်ဆိုတဲ့ စကားလုံးက ထူးဆန်းနေမှာပေါ့။ ဒါပေမဲ့လည်း ကမ္ဘာ့အရှည်ကြာဆုံးစစ်ပွဲတွေထဲက တစ်ခုဖြစ်တဲ့ Crusade စစ်ပွဲကလည်း ရာစုနှစ်နှစ်စုစာ ကြာခဲ့တာပဲမဟုတ်လား။ ဒီအမျိုးသမီး အကျဥ်းထောင်တွေကတော့ Magdalene Asylums (မန်ဒလင်း စိတ်ရောဂါကုဆေးရုံ) သို့မဟုတ် Magdalene Laundries (မန်ဒလင်း အဝတ်လျှော်ရုံ) တွေပဲ ဖြစ်ကြပါတယ်။ မန်ဒလင်းဆိုတဲ့နာမည်က ယေရှုခရစ်တော်ရဲ့ လက်ဝါးကပ်တိုင်မှာ ချိတ်ဆွဲခံရခြင်းနဲ့ ပြန်လည်ထမြောက်ခြင်းကို မျက်မြင်တွေ့ခဲ့တဲ့ အမျိုးသမီး သာဝကဖြစ်သူ မေရီမန်ဒလင်းရဲ့ နာမည်ကို အစွဲပြုပြီး မှည့်ခေါ်ထားတာပါ။ ဒီ မန်ဒလင်းအဝတ်လျှော်ရုံတွေကို စတင်တည်ထောင်တုန်းက Fallen Women လို့ခေါ်တဲ့ အပြစ်သား အမျိုးသမီးများကို ပြုပြင်၊ စောင့်ရှောက်လိုတဲ့ သဘောနဲ့ စတင်ခဲ့တာဖြစ်ပါတယ်။ အစောပိုင်းမှာတော့ ပရိုတက်စတင့်ဘာသာဝင်တွေကိုပဲ လက်ခံပြီး နောက်ပိုင်းမှာ ရိုမန်ကတ်သလစ်ဘာသာဝင်တွေကိုလည်း လက်ခံလာပါတယ်။ စင်ကြယ်မှုပျက်ပြားသွားသူ အမျိုးသမီးများ ဖြစ်တဲ့ Fallen Women လို့သတ်မှတ်ထားတဲ့သူတွေကတော့ ကမ္ဘာ့ရှေးအကျဆုံး အသက်မွေးဝမ်းကြောင်းနဲ့ အသက်မွေးနေသူတွေ၊ ဖခင်မရှိဘဲ ကိုယ်ဝန်ရတဲ့ အမျိုးသမီးတွေ၊ အမျိုးသမီးလေးတွေ၊ လက်ထပ်ထိမ်းမြားမှုမရှိဘဲ ကာမစပ်ယှက်ခြင်းအမှုကို ပြုတဲ့သူတွေ အဓိကပါပါတယ်။ မိသားစုအထောက်အပံ့ကို မရနိုင်တဲ့ အမျိုးသမီးလေးတွေလည်းခေါ်ယူ ထိန်းသိမ်းစောင့်ရှောက်ပါတယ်။ ပညာသင်ပေးပါတယ်။ မန်ဒလင်းအဝတ်လျှော်ရုံ ဆိုတဲ့အတိုင်း ခေါ်ယူစောင့်ရှောက်ထားတဲ့ အမျိုးသမီးလေးတွေကို အဝတ်လျှော်တဲ့အလုပ်ကို လုပ်ခိုင်းပါတယ်။ အဲဒီကရတဲ့ပိုက်ဆံနဲ့ ဒီနေရာကြီးကို ပြန်လည်ပတ်ဖို့ပေါ့။ လမ်းပေါ်မှာ ပြည့်တန်ဆာတွေ ပပျောက်လုနီးနီးဖြစ်သွားတယ်။ အဖေမပေါ်ဘဲ မွေးတဲ့ ကလေးနဲ့ အမေတွေကို စောင့်ရှောက်နိုင်သွားတယ်။ မိဘမဲ့ဆင်းရဲသူမလေးတွေကို ထောက်ပံ့ပေးထားနိုင်တယ်ဆိုတော့ အစိုးရဖက်ကလည်း သူတို့အလုပ်တစ်စိတ်တစ်ပိုင်းကို လုပ်ပေးနေပြီး ပြဿနာလည်း ဘာမှမတက်တော့ ပျော်တဆုံးဆုံးပေါ့။ ဒီအထိကတော့ အဆင်ပြေနေပါသေးတယ်။ ဒါပေမဲ့ နောက်ပိုင်းမှာတော့ ဒီနေရာတွေမှာ ပြင်ပက အထောက်အပံ့တွေကို မလိုသလောက် အခြေအနေဖြစ်လာတော့ အဝတ်လျှော်လုပ်ငန်းက ရတဲ့ ငွေတွေက ပိုလာပြီး အရင်းအနှီးမရှိသလောက်နီးနီး စီးပွားရေးလုပ်ငန်းလိုဖြစ်လာပါတယ်။ အဝတ်လျှော်ရုံကို ဦးစီးသူတဲ့သူတွေက ထိန်းသိမ်းစောင့်ရှောက်ပေးရမယ့် ချို့တဲ့သူတွေ၊ ကလေးတွေလို့ မမြင်တော့ဘဲ အလကားခိုင်းလို့ရတဲ့ အလုပ်သမားတွေ​ ကျွန်တွေလိုသဘောထားလာတယ်။ နေရာကို ရောက်တာနဲ့ မိဘတွေအပါအဝင် အပြင်လောကနဲ့ အဆက်အသွယ်ဖြတ်ပါတယ်။ ဆံပင်တွေဖြတ်ပစ်ပြီး၊ တူညီဝတ်စုံထုတ်ပေးတယ်။ အချင်းချင်း မိတ်ဆွေဖွဲ့ခွင့်ကိုပါ ပိတ်ပင်ထားပါသေးတယ်။ အသက် ၁၃ နှစ်၊ ၁၄ နှစ် ကလေးမလေးတွေအပါအဝင် ခိုလှုံသူတွေကို တစ်နေ့ကို ၁၂ နာရီ အလုပ်ကြမ်း လုပ်ခိုင်းပါတယ်။ ဒီအလုပ်တွေအတွက် လုပ်တဲ့သူတွေက ငွေတစ်ပြားတစ်ချပ်မှမရပါဘူး။ အလုပ်လုပ်ဖို့ ငြင်းတဲ့သူတွေကိုလည်း စားစရာမပေးတာ၊ အခန်းထဲမှာ သီးခြားပိတ်ထားတာ၊ ရုပ်ပိုင်းဆိုင်ရာ အကြမ်းဖက်မှုပြုတာ၊ အချိန်အကြာကြီး ဒူးထောက်ခိုင်းတာ၊ လူအများရှေ့မှာ အရှက်ရစရာတွေလုပ်တာ၊ ခေါင်းတုံးတုံးတာ စတဲ့ အပြစ်ပေးတာတွေလုပ်ပါတယ်။ ဒီလိုနှိပ်စက်မှုတွေကြောင့်လားဆိုတော့ ရေရေရာရာမသိရပေမဲ့ အဝတ်လျှော်ရုံတိုင်းမှာ သီးသန့်သင်္ချိုင်းတွေရှိပြီး နာမည်ကမ္မည်းတိုင်မရှိဘဲ မြှုပ်နှံခံထားရသူတွေ အမြောက်အများရှိပါတယ်။ ဘယ်အချိန်မှာ ပြန်လွှတ်ပေးမယ်ဆိုတာလည်း ရေရေရာရာမသိကြရပါဘူး။ ဒီနေရာက လွှတ်ပေးလိုက်တဲ့သူတွေကိုလည်း အဝတ်တစ်ထည် ကိုယ်တစ်ခုနဲ့ ပြန်လွှတ်ပေးပြီး သူတို့ရဲ့ စောင့်ကြည့်မှုအောက်မှာ ရှိတဲ့နေရာတွေမှာ အလုပ်ပြန်ဝင်ခိုင်းပါတယ်။ ဘာသံမှထွက်လို့မရပါဘူး။ အစပိုင်းက ပညာသင်ပေးမယ်ဆိုတဲ့ ရည်ရွယ်ချက်ကလည်း ကြက်ပျောက်ငှက်ပျောက်ပျောက်သွားပါတယ်။ အစိုးရကလည်း အဲဒီထဲမှာ ဘာတွေဖြစ်ပျက်နေတယ်ဆိုတာ ရိပ်စားမိပေမဲ့ နားလည်မှုတွေရနေလို့လား၊ ဘာပြဿနာမှ အကြီးအကျယ်မဖြစ်လို့လားတော့မသိ မသိမသာ မျက်နှာလွှဲထားတယ်။ တချို့တလေလွတ်လာတဲ့သူတွေရှိရင်လည်း ရဲတွေနဲ့ သက်ဆိုင်ရာအဖွဲ့အစည်းတွေနဲ့ ပူးပေါင်းပြီး ပြန်ဖမ်းခေါ်ထားတာတွေလည်း ရှိပါတယ်။ (နောက်ပိုင်းမှာတော့ ဒီကိစ္စနဲ့ပတ်သက်ပြီး နိုင်ငံအစိုးရတွေနဲ့ ဒီနေရာတွေကို အုပ်ချုပ်နေတဲ့သူတွေနဲ့ ဆက်စပ်နေတဲ့ ဘာသာရေးအကြီးအကဲတွေက ဘာမှမဆိုင်ပါဘူးလို့ ငြင်းချက်ထုတ်သွားပါတယ်။ ပြစ်ဒဏ်ချခံရတာ၊ အရေးယူခံရတာ ဘယ်သူမှမရှိပါဘူး။) အခုအချိန်မှာတော့ Magdalene Laundries လို့ခေါ်တဲ့ အမျိုးသမီး ဘာသာရေးအကျဉ်းထောင်တွေ မရှိတော့ပါဘူး။ အောက်တိုဘာ ၂၆ ရက် ၁၉၉၆ ခုနှစ်မှာ အိုင်ယာလန်နိုင်ငံက နောက်ဆုံး အဝတ်လျှော်ရုံကို ပိတ်ချနိုင်လိုက်ပါတယ်။ အသက်ရှင်ကျန်ရစ်သူတွေကိုလည်း အစိုးရတွေက နစ်နာကြေးပေးကြပါတယ်။ ဘာပဲဖြစ်ဖြစ် ရည်ရွယ်ချက်ကောင်းတွေနဲ့ တည်ထောင်ခဲ့တဲ့ Magdalene Laundries တွေက ခရစ်ယာန်ဘာသာရေးအဖွဲ့အစည်းတွေကြားမှာ အမည်းစက်တစ်ခုအနေနဲ့ ကျန်ခဲ့ပါတယ်။ ဒါတွေကို ပြောနေရတာ ဇာတ်ဆောင်အမျိုးသမီးက အဲဒီနေရာကို ရောက်သွားခဲ့ပြီး စိတ်ဒဏ်ရာတွေရခဲ့အကြောင်း ပိုပြီးလေးနက်စေချင်လို့ပါ။ အဝတ်လျှော်ရုံနဲ့ အပေါ်မှာ ပြောထားတဲ့ အဖြစ်အပျက်တွေက တကယ်ရှိပေမဲ့ ဒီထဲက ဇာတ်ကောင်တွေနဲ့ ဇာတ်လမ်းကတော့ စိတ်ကူးယဉ်သက်သက်ပါ။ မင်းသမီးက ဆယ်ကျော်သက်ဘဝမှာ လင်ကောင်မပေါ်ဘဲ ကိုယ်ဝန်ရလာတယ်။ အဲဒီတော့ ဘာသာရေးကိုင်းရှိုင်းတဲ့ သူ့အမေနဲ့အဖေက ကောင်းစေချင်တဲ့ ဆန္ဒကြီးနဲ့ Magdalene Laundries ဆိုတဲ့ထောင်ထဲ ပို့လိုက်ကြတာပေါ့။ ကလေးမွေးမွေးပြီးချင်း သီလရှင်တွေက ခေါ်သွားတယ်။ ဘယ်ရောက်တယ်ဆိုတာကို မသိရဘူး။ နောက်တော့ အဲဒီကနေ လွတ်လာပြီး စိတ်ဒဏ်ရာအကြီးအကျယ်ရထားတော့ အိပ်နေရင်း လမ်းလျှောက်တာဖြစ်တယ်။ သူ့ရဲ့ အိပ်နေရင်းလမ်းလျှောက်တဲ့ပုံစံက တစ်မျိုး။ စိတ်နှစ်ခွဖြစ်နေတာနဲ့ ပိုတူတယ်။ ပုံမှန်စိတ်က အိပ်သွားပြီဆိုရင် ကြမ်းတမ်းတဲ့ စိတ်နဲ့သူက နိုးလာပြီး ခံစားချက်တွေကို ဖွင့်ထုတ်တာပေါ့။ တစ်နေ့ကျတော့ သူ့ကို အဝတ်လျှော်ရုံကို ပို့ပေးတဲ့ ဖာသာက အသတ်ခံလိုက်ရပါတယ်။ ပြီးတော့ တိုက်တိုက်ဆိုင်ဆိုင် နောက်နေ့မှာ အဝတ်လျှော်ရုံမှာ ဖြစ်ခဲ့တဲ့ သူ့အကြောင်းတွေကို သိတဲ့သူက ဆက်သွယ်လာပါတယ်။ သူတို့မတွေ့ခင်အချိန်လေးမှာ ပုံမှန်စိတ်က အိပ်ပျော်သွားပြီး နိုးလာတော့ သူသွားတွေ့တဲ့သူရဲ့ အလောင်းကို သူ့အခန်းထဲမှာ တွေ့လိုက်ရတဲ့အချိန်မှာတော့... The Woman in the Wall က Psychological Thriller အမျိုးအစားဖြစ်ပေမဲ့ ဇာတ်လမ်းက သွက်သလို စိတ်ဝင်စားဖို့လည်း ကောင်းပါတယ်။ BBC ကလို ထုတ်သမျှတိုင်းကောင်းတဲ့ဆီကနေ ထုတ်ထားလို့ ကြည့်သင့်တဲ့ Series တစ်ခုပါပဲ။ (ဒီစီးရီးအတွက် အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 600MB+ Total - 6 Episodes Quality – 1080p Duration ~ 50min (@Episode) Subtitle – Myanmar Hardsub Format – Mp4 Genre : Thriller Source : AMZN.Web-dl.1080p Translator – 666 Encoder – Y

Bad Sisters (2022) Bad sisters ကတော့ ဘယ်လ်ဂျီယံ စီးရီးဖြစ်တဲ့ "Clan aka The Outlaws" ကို ပြန်လည်ဖန်တီးထားတာပါ။ Dark comedy အမျိုးအစားဖြစ်ပြီး "Blackest Comedy Ever" လို့တောင်သတ်မှတ်ခံထားရတာပါ။ ဒီ Bad Sisters ကိုလဲ lost in translation မဖြစ်ရအောင်ပြန်လည်ဖန်တီးထားပါတယ်တဲ့။ Bad sisters ဆိုတာနဲ့ ညီအစ်မတွေဇာတ်လမ်းဆိုတာသိမှာပါ။ သူတို့ကသိပ်ချစ်ခင်စည်းလုံးကြတယ်။ သူတို့မှာပြသနာတစ်ခုပဲရှိတယ်။ အဲဒါကဘာလဲဆိုတော့ ဂျွန်ပေါ။ သူတို့ညီမထဲက ဂရေ့စ်လက်ထပ်ထားတဲ့ယောကျ်ား။ ဂျွန်ပေါက ခယ်မထဲကလေးမရနိုင်သူကို ကိုယ်ဝန်ရှိနေတာလားမေးသူ၊ နောက်ခယ်မတစ်ယောက်ရသင့်တဲ့ပရိုမိုးရှင်းကို ဝင်လုသူလို့ပြောရင် သူ ဘယ်လိုလူ ဆိုတာခန့်မှန်းလို့ရမယ်ထင်တယ်။ အဆိုးဆုံးကတော့ဂျွန်ပေါက ဂရေ့စ် နဲ့ သူ့သမီးကို ချုပ်ခြယ်လွန်းတာ၊ ခြယ်လှယ်လွန်းတာပါပဲ။ တစ်ခါတစ်ရံလက်ပါပါတတ်တာမျိုးပါ။ တစ်ရက်မှာတော့သူတို့ညီအစ်မတွေက ဂျွန်ပေါသေသွားရင်အေးမယ်ဆိုပြီး စနောက်ပြောကြပါလေရော။ နောက်ထပ် ၆ လအကြာမှာတော့ ဂျွန်ပေါသေသွားခဲ့ပါတယ်။ ဟိုညီအစ်မလေးယောက်လက်ချက်လို့ ထင်သွားပြီမဟုတ်လား။ အဲလိုထင်သူ နောက်တစ်ယောက်က ရဲတော့ မဟုတ်ဘူး အာမခံကုမ္ပဏီကလူပါ။ သူက ညီအစ်မငါးယောက်ရဲ့ပြဿနာတွေကို သိလို့တော့မဟုတ်ဘူး။ ဂျွန်ပေါရဲ့အသက်အာမခံကို မလျော်ချင်လို့ ဒါဟာလူသတ်မှုများဖြစ်နိုင်မလားဆိုတဲ့မျှော်လင့်ချက်နဲ့ ဒီကိစ္စကိုလိုက်စုံစမ်းပါလေရော။ ဒါကတကယ်ပဲလူသတ်မှုလား။ ဂျွန်ပေါရဲ့ခယ်မတွေလက်ချက်လား။ ဂရေ့စ်ကရောသိလား။ ဂျွန်ပေါကရောသတ်ခံရဖို့ တကယ်ထိုက်တန်လားဆိုတာတွေကိုတော့ ဒီစီးရီးမှာကိုယ်တိုင်ပဲရှာဖွေလိုက်ပါတော့။ စုစုပေါင်း ၁၀ ပိုင်း ထုတ်လွှင့်သွားမှာ ဖြစ်ပြီးတော့ အပတ်စဉ် သောကြာနေ့တိုင်း တစ်ပတ်ကို တစ်ပိုင်းနှုန်းနဲ့ တင်ပေးသွားမှာပဲ ဖြစ်ပါတယ်။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre..... Comdey,Drama Quality…. 1080p | 720p File size… 1GB | 400MB Format… mp4 Duration…. 40min Subtitle…. Myanmar Subtitle (Hardsub) Translator ..... Rashida Encoder ..... August

လီယိုဟာ လိင်လုပ်သားအဖြစ် အသက်မွေးဝမ်းကျောင်းပြုပြီး ကိုယ့်ဘဝနဲ့ ကိုယ့်အလုပ်အပေါ် ဂုဏ်ယူတဲ့ လူငယ်တစ်ယောက်ပါ။ တစ်နေ့မှာ သူ့ကို ငှားရမ်းလာသူက နန်စီဆိုတဲ့ အငြိမ်းစားကျောင်းဆရာမတစ်ဦး ဖြစ်နေတယ်။ ဓမ္မပညာရေးကို တစ်သက်လုံး သင်ပေးလာခဲ့တဲ့ နန်စီဟာ စိတ်လှုပ်ရှားစရာ သိပ်မရှိဘဲ ရိုးရိုးရှင်းရှင်းနဲ့ ပျင်းရိငြီးငွေ့ဖွယ် ဘဝကို ဖြတ်သန်းလာခဲ့သူပါ။ အခုတော့ ကိုယ့်ဘဝမှာ အမှတ်ရစရာတစ်ခုခု ကျန်ခဲ့ချင်လို့ လီယိုကို ငှားလိုက်တာ ဖြစ်ပါတယ်။ နှစ်ယောက်သား ဟိုတယ်အခန်းတစ်ခန်းထဲမှာ တွေ့ဆုံကြပြီး ဇာတ်လမ်းရဲ့ တစ်ဝက်ကျော်လောက်ကလည်း အဲဒီအခန်းထဲမှာပဲ ဖြစ်ပျက်သွားတယ်။ ပုံစံတစ်မျိုးတည်းနဲ့ နေသားကျလာတဲ့ နန်စီဟာ လီယိုနဲ့ တွေ့ပြီးနောက် ကိုယ်ဖြတ်သန်းလာခဲ့တဲ့ ဘဝကို ပြန်မေးခွန်းထုတ်လာမိပါတယ်။ နန်စီနဲ့ တွေ့ဆုံမှုကလည်း လီယိုရဲ့ဘဝအပေါ် ဘယ်လို သက်ရောက်လာမလဲဆိုတာ ဆက်ကြည့်ရမှာပါ။ လိင်မှုကိစ္စအပေါ် အမြင်၊ ရှေးရိုးစွဲအယူအဆတွေနဲ့ လိင်လုပ်သားတွေအပေါ် ထားရှိတဲ့ သဘောထားတွေကို ထည့်သွင်းထားတဲ့ ဒရာမာ၊ ဟာသဇာတ်ကားဖြစ်ပါတယ်။ လိင်ဆက်ဆံခန်းတွေနဲ့ လိင်မှုဆိုင်ရာ အသုံးအနှုန်းတွေ ပါဝင်တာကြောင့် မိသားစုအတူကြည့်ဖို့ မသင့်တော်ပါဘူး။

Pixie (2020) IMDb Rating(5.9)/ Rotten Tomatoes (93%) ဇာတ်လမ်းအညွှန်း ဇာတ်ကားနာမည် ပစ်စီဆိုတာက ဖျတ်ဖျတ်လတ်လတ်နဲ့ ဘာမဆို လက်ရဲဇက်ရဲလုပ်ရဲတဲ့ လည်လည်ဝယ်ဝယ် ကောင်မလေးတစ်ယောက်ပါ ဆန်ဖရန်စစ္စကိုသွားပြီး ဘဝကိုအသစ်ကပြန်စဖို့ ကြိုးပမ်းနေတဲ့အစီအစဥ်​ပျက်သွားပြီးနောက်ပိုင်းမှာ သူ့ဘဝအရှုပ်တော်ပုံထဲ ပြန်ပြီးခြေချရပါတော့တယ် သူ့ကိုဘားမှာတွေ့ပြီး လာကြောင်တဲ့နှစ်ယောက်ခမျာမှာလည်း မသိမသာနဲ့ ပစ်စီ့အရှုပ်တော်ပုံထဲ ယောင်လည်လည်ပါသွားပြီး သုံးယောက်ပေါင်းလောင်းကျော်ကြပါတော့တယ် ဆိုတော့ ပစ်စီ့ဘဝမှာ ဘာတွေကရှုပ်ထွေးနေတာလဲ ဇာတ်လမ်းအစမှာ အမေ့အုတ်ဂူရှေ့ရပ်ပြီး အမေ့အ​ပေါ်သူတို့လုပ်ခဲ့တဲ့လုပ်ရပ်တွေအတွက်လက်စားချေမယ်ဆိုတော့ အဲဒီ "သူတို့" ဆိုတာကရော ဘယ်သူလဲ ဆိုတာတွေကိုတော့ ပစ်စီကိုယ်တိုင်ပဲဖြေပေးသွားပါလိမ့်မယ် Crime comedy ဆိုတော့ အရမ်း serious မဖြစ်ဘဲ အလွဲလေးတွေနဲ့ ပေါ့ပေါ့ပါးပါးပဲကြည့်ရမယ့်ဇာတ်ကားမျိုးပါပဲ။ File size…(1.7 GB) and (1 GB) Quality….BluRay 1080p and 720p Format…mp4 Duration….01:33:00 Subtitle….Myanmar Subtitle (Hardsub) Encoder….Nyeinsaeya Aung Translated by MTA