Flea ပါဝင်သော ဇာတ်ကားများ

2015 တုန်းက အကောင်းဆုံးကာတွန်းရုပ်ရှင် အော်စကာဆုရခဲ့တဲ့ နာမည်ကျော် ကာတွန်းကားရဲ့ နောက်ဆက်တွဲ ထွက်လာပါပြီ။ ၁၀ နှစ်နည်းပါး ကြာခဲ့ပေမဲ့ ဇာတ်လမ်းနဲ့ ရိုက်ချက်တွေက စောင့်ရတာ တန်တယ်လို့ ပြောနိုင်လောက်အောင် ကောင်းနေပါတယ်။ Rating လည်း 7.8 ထိ ရောက်နေတာမို့ ဘော်ချက်ရုံသက်သက် ကာတွန်းအဆက်တွေ စွတ်ထုတ်နေတာထက်တော့ သာပါတယ်။ Inside Out 2015 မှာ ပြခဲ့တဲ့ကလေးတစ်ယောက်ရဲ့ ဦးနှောက်သဘောတရားတွေကို ပုံဖော်မှုက အတော်ပြောင်မြောက်ခဲ့သလို အခု ရုပ်ရှင်မှာလည်း ကလေးဘဝကနေ ရင့်ကျက်မလာခင် ခံစားချက်မျိုးစုံနဲ့ ဦးနှောက်ရဲ့သဘောကို ပီပီပြင်ပြင် ပြထားနိုင်လိုက်တာပါပဲ။ "သူ့ကို ငါ့အစား လဆီ ခေါ်သွားပေးပါ" ဆိုတဲ့ ဘင်းဘောင်ရဲ့ အခိုက်အတန့်မျိုးကိုတော့ ပြန်ဖန်တီးဖို့ မဖြစ်နိုင်သလောက်ပါပဲ။ ဒီရုပ်ရှင်ထဲမှာ Joy ရဲ့အိပ်ရာဘေးမှာ ဘင်းဘောင်အရုပ်လေးကို တွေ့ရပါလိမ့်မယ်။ ဇာတ်လမ်းအကျဉ်း ဇာတ်လိုက်မလေး ရိုင်လီဟာ ဆယ်ကျော်သက်ဖြစ်လာပြီး အလယ်တန်းကျောင်းရဲ့ ဟော်ကီအသင်းမှာ ကစားနေပါပြီ။ ဟော်ကီကစားတာ တော်တာကြောင့် အထက်တန်းကျောင်းနည်းပြက သူ့ရဲ့ ၃ ရက် စခန်းသွင်းလေ့ကျင့်ရေးကို ဖိတ်လိုက်ပါတယ်။ အဲဒီမှာသာ အရွေးခံရရင် အထက်တန်းဟော်ကီအသင်းမှာ ပါရမဲ့အပြင် ပညာသင်ဆုပါ ရနိုင်မှာမို့ ရိုင်လီ့အတွက် အခွင့်အရေးကောင်းကြီးပါပဲ။ ဒါပေမဲ့ တိုက်တိုက်ဆိုင်ဆိုင်ပဲ အရွယ်ရောက် ခံစားချက်တွေဖြစ်တဲ့ စိတ်ပူတာ၊ စိတ်ကုန်တာ၊ အားကျတာ၊ ရှက်တာ စတဲ့ ခံစားချက်တွေက ဌာနချုပ်ကို အသစ်ရောက်လာပြီး အရင်တုန်းက ပျော်ရွှင်၊ ဝမ်းနည်း၊ ဒေါသ၊ ကြောက်ရွှံ့၊ ရွံရှာ တို့တွေနဲ့ ပြဿနာတွေဖြစ်ကြပါတယ်။ သူ့ရဲ့ခံစားချက်တွေကို နားမလည်နိုင်တော့တဲ့အခါ ကိုယ့်ကိုယ်ကိုယ်သိစိတ် ပျောက်လာတဲ့ ရိုင်လီတစ်ယောက် ဟော်ကီလေ့ကျင့်ရေးမှာ ဘာအမှားတွေလုပ်ပြီး Joy တို့ တစ်စု အတွင်းထဲကနေ ဘယ်လို ပြင်ဆင်ကြမလဲဆိုတာ ကြည့်ရပါလိမ့်မယ်။ File Size :   5.4 GB / 1.8 GB /  1 GB Quality : Blu-Ray HEVC 4K / 1080p / 720p Running Time : 1hr 36min Format : Mkv and Mp4 Audio : AAC and AC-3 Genre : Animation/Drama / Comedy Subtitle : Myanmar Subtitle (Hard Sub) Translated by : Mr.Anderson Encode by : Thit San Khant

၁၉၂၀ ပြည့်နှစ်တွေ နှောင်းပိုင်း၊ ဟောလိဝုဒ်မှာ အသံတိတ်ရုပ်ရှင်ကနေ အသံထွက်ရုပ်ရှင်ဆီ ကူးပြောင်းနေချိန်ကို Babylon က ဇာတ်အိမ်တည်ထားပါတယ်။ ရုပ်ရှင်လောက ပြောင်းလဲလာတာနဲ့အမျှ အောင်မြင်သူတွေ ရှိသလို ကျရှုံးသွားသူတွေလည်း ရှိလာတယ်။ သရုပ်ဆောင်တွေနဲ့ ရုပ်ရှင်လောကသားတွေရဲ့ အိပ်မက်တွေ၊ အလုပ်အကိုင်နဲ့ ဘဝအကူးအပြောင်းတွေကို ဟောလိဝုဒ်ရွှေခေတ်ရဲ့ နောက်ခံနဲ့ တွဲဖော်ပြထားတာပါ။ La La Land ဒါရိုက်တာ Damien Chazelle ရိုက်ကူးထားပြီး Brad Pitt၊ Margot Robbie၊ Tobey Maguire တို့နဲ့အတူ အဲဒီအချိန်က လူသိနည်းသေးတဲ့ Diego Calva လည်း အဓိကပါဝင်ထားပါတယ်။ ဝါရင့်သရုပ်ဆောင် Jean Smart ကိုလည်း တွေ့ရမှာပါ။ အော်စကာဆုအတွက် မူရင်းနောက်ခံတေးဂီတ၊ ထုတ်လုပ်မှုဒီဇိုင်းနဲ့ ဝတ်စုံဒီဇိုင်းဆိုတဲ့ ကဏ္ဍသုံးခုမှာ ဆန်ခါတင်ဝင်ထားပါတယ်။ ဟောလိဝုဒ်ရဲ့ ခမ်းနားမှုကို ပြထားသလို အဲဒီအလှအပနောက်က အပုပ်အစပ်တွေကိုလည်း ထည့်ဖော်ထားတယ်။ တင်ဆက်ပုံမှာ သရော်ဟာသနဲ့ အလွန်အကျူးပုံဖော်မှုတွေ ပါပြီး ဒရာမာဘက်ကိုလည်း အလေးပေးထားပါတယ်။ မူရင်းအညွှန်းက ဟောလိဝုဒ်ကို ပုံဖော်ပုံအား Once Upon A Time In Hollywood နဲ့ နှိုင်းယှဉ်ထားသလို ဒရာမာပိုင်းမှာ Citizen Kane ရဲ့ အငွေ့အသက်တွေ ရှိတယ်လို့လည်း သုံးသပ်ထားပါတယ်။ သရုပ်ဆောင်ပိုင်းမှာ Brad Pitt နဲ့ Margot Robbie တို့ကို မြင်နေကျဟန်နဲ့ ဆက်စပ်မြင်နိုင်ပေမယ့် Tobey Maguire ကတော့ ပုံမှန်တွေ့နေကျနဲ့ ကွဲပြားတဲ့ ဇာတ်ရုပ်မျိုး ပါဝင်ထားတယ်လို့ မူရင်းက ဆိုထားပါတယ်။ Diego Calva ရဲ့ ဇာတ်ရုပ်နဲ့လိုက်ဖက်မှု၊ နာမည်ကြီးသရုပ်ဆောင်တွေကြားမှာ သူ့နေရာကို ထိန်းထားနိုင်မှုကိုလည်း ဖော်ပြထားပါတယ်။ ရုပ်ရှင်သမိုင်းကို ပြန်လည်ဂုဏ်ပြုတဲ့ အကိုးအကားတွေလည်း ပါဝင်တယ်။ ကူးဘရစ်၊ အင်ဂမာဘာ့ခ်မန်းနဲ့ ချာလီချက်ပလင်တို့ရဲ့ လက်ရာတွေကနေ Singing in the Rain၊ The Wizard of Oz၊ A Trip to the Moon နဲ့ ဘူတာရုံကို ရထားဝင်လာတဲ့ ရုပ်ရှင်အထိ ထည့်သွင်းရည်ညွှန်းထားပါတယ်။ အဲဒီထဲက လက်ရာအများစုဟာ ဇာတ်အိမ်တည်ထားတဲ့ခေတ်ထက် နောက်ကျမှ ထွက်လာတာဖြစ်ပေမယ့် ရုပ်ရှင်ရဲ့ အဆင့်ဆင့်ပြောင်းလဲလာမှုကို ပြန်ကြည့်တဲ့သဘောနဲ့ ပါလာတာပါ။ ဇာတ်ကောင်တွေက စိတ်ကူးယဉ်ဖန်တီးထားသူတွေဖြစ်ပေမယ့် တကယ်ရှိခဲ့တဲ့ ရုပ်ရှင်လောကသားတွေကို အခြေခံထားပါတယ်။ Brad Pitt ရဲ့ဇာတ်ကောင်ကို အဲဒီခေတ်က မင်းသား John Gilbert အပေါ် အခြေခံထားပြီး Margot Robbie သရုပ်ဆောင်တဲ့ နယ်လီကိုတော့ Clara Bow နဲ့ ဆက်စပ်ဖန်တီးထားတာပါ။ သုံးနာရီခန့်ကြာတဲ့ ဇာတ်ကားထဲမှာ ဟာသနဲ့ ဒရာမာကို တွဲတင်ဆက်ထားပြီး လူကြီးအကြောင်းအရာတွေလည်း ပါဝင်ပါတယ်။

ရုပ်ရှင်ချစ်သူတွေထဲမှာ တွိုင်းစတိုရီကို မကြည့်ဖူးဘဲ ကြီးပြင်းလာတဲ့သူဆိုတာ အတော်ရှားပါလိမ့်မယ်။ ငယ်ငယ်တုန်းကတည်းက တွိုင်းစတိုရီကိုကြည့်ပြီး ကိုယ့်အရုပ်လေးတွေ ဘယ်လိုများ အသက်ဝင်မလားမလဲတောင် ချောင်းကြည့်ဖူးကြတဲ့သူတွေ ရှိမလားမသိဘူး။ ဝုဒီတို့ ဘက်ဇ်တို့နဲ့ မိတ်ဆွေတစ်သိုက်ဟာ မိတ်ဆွေတွေတိုးရင်း စွန့်စားခန်းတွေ ဖွင့်ရင်း နေလာခဲ့တာ နှစ်ပေါင်းတွေ ကြာလာခဲ့ပါပြီ။ အရုပ်တွေအတွက ်သူတို့ရဲ့ ပိုင်ရှင် ကလေးငယ်ဆိုတာ ဘဝကြီးပါပဲ။ ဒါပေမယ့် အဲဒီပိုင်ရှင်တွေရဲ့ သက်တမ်းက တိုတောင်းပါတယ်။ သေဆုံးသွားတာ မဟုတ်ပေမယ့်လည်း ကြီးပြင်းလာတဲ့အချိန်မှာ အရုပ်တွေကို စွန့်ပစ်ကြတာ၊ ဒါမှမဟုတ် အခြားကလေးကို ပေးပစ်ကြတာတွေ လုပ်ကြတာပေါ့။ ဒီလိုနဲ့ ဘိုပိ ဟာလည်းအခြားပိုင်ရှင်တစ်ယောက်ဆီကို ရောက်သွားပြီး ဝုဒီတို့နဲ့ ကွဲကွာသွားခဲ့ပါပြီ။ ဒီတစ်ခေါက်မှာလည်း အန်ဒီဟာ ဘွန်နီဆိုတဲ့ ကလေးမလေးဆီကို သူ့ရဲ့အရုပ်တွေ ပေးပစ်လိုက်တာကနေ စတင်ပါတယ်။ ဘွန်နီဟာ အရုပ်လေးတွေကိုချစ်ပြီး နေ့တိုင်းကစားတတ်ပေမယ့် သူ ရွေးနေကျမဟုတ်ဘဲ ချန်ထားခဲ့တဲ့ အရုပ်လေးတွေ ရှိတတ်ပါတယ်။ အဲဒီအထဲမှာ တစ်ချိန်က အန်ဒီရဲ့ အချစ်တော် ဝုဒီလည်း ပါနေတာပေါ့။ ဒီလိုနဲ့ ဘွန်နီလေး ပထမဆုံး မူကြိုကို ကြောက်ကြောက်လန့်လန့်နဲ့ သွားရင်းနဲ့ ဇွန်းခရင်း တစ်ခါသုံးလေးကို ဖော့ကီဆိုတဲ့ အရုပ်အဖြစ် ဖန်တီးလိုက်မိပါတယ်။ ပြီးတော့ အဲဒီ ခရင်းရုပ်လေးက ဘွန်နီရဲ့ မူကြိုကျောင်းမှာ အားပေးမယ် အဖော်လေးဖြစ်လာပါတော့တယ်။ ဒါပေမယ့် ဖော့ကီဟာ မထင်မှတ်ဘဲ ဘွန်နီနဲ့ ကွဲကွာသွားတဲ့အခါမှာတော့ ဝုဒီဟာ ဖော့ကီကို လိုက်ကယ်ဖို့ သူ့မိတ်ဆွေတွေနဲ့ အတူ စွန့်စားခန်းတွေ ဖွင့်ရပါတော့မယ်…. တွိုင်းစတိုရီ-၄ ဟာလည်း အရင်ကားတွေလိုပဲ မိတ်ဆွေစိတ်တွေ၊ အရုပ်တွေနဲ့ ကလေးတွေရဲ့ သံယောဇဉ်တွေကို လှလှပပ ပုံဖော်ထားတာပဲမို့ ကြည့်တဲ့သူတွေ ကြိုက်ကြမှာပါ။ ရုပ်ရှင်ကားကို Little Neo က ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်။ File size…4.2GB / 1.67GB/ 829MB Quality…4k HEVC / BluRay 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….Thit San Khant Translated by LittleNeo

Boy Erased (2018) IMDb.....7.0,,,Rotten.....81% "ဟဲလို" "မစ္စနန်စီအီမန်လားခင်ဗျ" "ဟုတ်ပါတယ်" "'ကျွန်တော်က ဒန်နင်ကော်လိပ်က တာဝန်ရှိသူပါ..ခင်ဗျားတို့သားနဲ့ပတ်သက်ပြီးကျောင်းမှာ သတင်းဆိုးတွေပြန့်နေလို့ပါ" "ရှင် ဘာများဖြစ်လို့လဲ" "အဲဒါက...." ဒီဖုန်းလေးတစ်ချက်ကြောင့် နန်စီတို့မိသားစု ကမ္ဘာပျက်သလိုဖြစ်သွားရတယ်... သူတို့မိသားစု(၃)ဦးရှိတယ်..ယောက်ျားဖြစ်သူနာမည်က မာရှယ်ဖြစ်ပြီး သင်းအုပ်ဆရာတစ်ဦးလည်းဖြစ်တယ်... သားရဲ့နာမည်ကတော့ ဂျဲရက်... ဖုန်းဆက်ပြီးပြောသွားတဲ့ကိစ္စကတော့ ဂျဲရက်ဟာ လိင်တူစိတ်ဝင်စားသူဖြစ်တဲ့အကြောင်းပြောတာပါ... မိဘ(၂)ပါးဖြစ်သူဟာ LGBTကိစ္စကိုလုံးဝရှုံချသူတွေပီပီ ဒီသတင်းကိုကြားတော့ ယူကျုံးမရဖြစ်နေတယ်...ဒီလိုနဲ့ သားကို မျက်နှာချင်းဆိုင်မေးတဲ့အခါမှာတော့ ဂျဲရက်ကိုယ်တိုင်က "သားတကယ်လိင်တူစိတ်ဝင်စားမိပြီထင်တယ် အဖေနဲ့အမေ..ဘာကြောင့်မှန်းမသိဘူး...သားတောင်းပန်ပါတယ်"တဲ့... ဒီကားကတော့ LGBT တွေကို ရှုတ်ချပြီး အသွင်ပြန်ပြောင်းပေးဖို့ ကြိုးစားကြတဲ့အဖွဲ့နဲ့  LGBT ဖြစ်နေတဲ့သူတွေအကြောင်းကိုရိုက်ထားတာပါ... မိဘတွေကိုယ်တိုင်က လက်မခံတဲ့အပြင် အသိုင်းအဝန်းတစ်ခုလုံးကလည်း ကဲ့ရဲ့စရာဖြစ်နေတော့ ဂျဲရက်ခဗျာ ယောက်ျားစိတ်စင်စစ်ဖြစ်အောင်ကြိုးစားဖို့ ကတိပေးလိုက်ရတယ်... ကျွန်တော်တို့မြန်မာကားတွေထဲမှာတော့ LGBTကို ဟာသ အဖြစ်သရုပ်ဖော်ရုံမက စရိုက်ခပ်ကျကျပုံမျိုးတွေ သရုပ်ဖော်ထားတာများသောအားဖြင့်တွေ့ရတယ်... ..သူတို့ရဲ့ပုံဖော်မှုအကျိုးဆက်ကတော့လူအသိုင်းအဝိုင်းကနေ ဖယ်ကျဉ်ဖို့ ဆိုတာမျိုးကြီးပဲကျန်နေခဲ့တယ်.... ကျွန်တော်ဟာ ဒီကားနဲ့ပတ်သက်လို့ ထွေထွေထူးထူးမညွှန်းလိုဘူး.... နောက်ဆုံးပြောချင်တာက လိင်တူချစ်သူဆိုတိုင်း ဟာသတစ်ခုလို၊ ကဲ့ရဲ့စရာ၊ လှောင်ပြောင်စရာ၊ နှိမ့်ချစရာလို မမြင်ပါနဲ့... အဆင့်အတန်းရှိပြီး လေးစားလောက်စရာ လိင်တူချစ်သူတွေ ကမ္ဘာမှာရော မြန်မာမှာပါ အများကြီးရှိပါတယ်.. မြန်မာဇာတ်ကားအချို့ကိုကြည့်ပြီး လမ်းမဆုံးကြပါနဲ့လို့ ပြောချင်ပါတယ်။ ဒါကိုလည်း ဒီဘက်ခေတ်မှာ အတေ်ာများများသိပြီးသားထင်ပါတယ်... မှတ်ချက်....(မြန်မာဇာတ်ကားဆိုသည်မှာ LGBTများကို ဟာသ သဖွယ်ရိုက်ပြထားသည့် ဇာတ်ကားများကိုသာဆိုလိုသည်...) File Size : 1.43GB/ 510MB Quality : Blu-Ray 1080p/ Blu-Ray 720p Format…mp4 Duration…01:55:00 Genre :  Biography, Drama Subtitle : Myanmar Subtitle (Hard Sub) Translated by Paing Encoded by Tiff

Song to Song (2017) IMDb Rating (5.6) / Rotten Tomatoes (43%) Terrence Malickရဲ့ ရုပ်ရှင်တွေဟာ ခံစားမှုနဲ့မှမဟုတ်ရင် အသိတရားသက်သက်နဲ့ ဖမ်းဆုပ်ဖို့ ခက်တဲ့ ရုပ်ရှင်တွေလို့ပြောရမယ်။ ဒီလိုဆိုလို့ နားလည်ရခက်လားဆိုတော့လည်း မခက်ဘူး။ ခင်ဗျားဘဝထဲက အရာတွေကိုပဲ ခင်ဗျားမြင်နေရမှာပဲ။ သူ့ရဲ့ နောက်ပိုင်း၁၀စုနှစ်တစ်ခုကျော်အတွင်းက ရုပ်ရှင်တွေမှာတော့ ဒီဓာတ်က အရင်ကထက်ပိုကဲလာတယ်။ သူ့ရုပ်ရှင်တွေဟာ Fregmentationလုံးလုံးဖြစ်လာတယ်။ ဒိုင်ယာလော့တွေကလည်း အဆက်အစပ်မရှိဘူး။ အပြတွေကလည်း နေ့စဉ်ဘဝက လှုပ်ရှားမှုတွေကို တစ်နေ့နည်းနည်း ရိုက်ချင်သလိုရိုက်ထားပြီး စုစည်းထားတာမျိုးတောင် ဆန်တယ်။ ဒါပေမဲ့ စနစ်တကျ ကစဉ့်ကလျားဖြစ်ခြင်းလို့ ပြောရမယ်။ အရှိတရားတို့ ခံစားချက်တို့ဆိုတာတွေရဲ့ ဝေဝါးခြင်းကို ဖမ်းဆုပ်ဖို့ မဖြစ်နိုင်လို့ ဖမ်းဆုပ်လို့ရတဲ့နည်းနဲ့ ဖမ်းဆုပ်ပြချင်ခဲ့တာလည်း ဖြစ်ချင်ဖြစ်မယ်။ သူ ဒီလိုမြင်တော့မြင်တယ်ဆိုတာကို သူ့Narrativeတွေမှာ တွေ့ရတယ်။ ဒီဇာတ်လမ်းက အချစ်ဇာတ်လမ်းလို့ ပြောလည်းရတယ်။ ရှင်သန်မှုအကြောင်းလို့ပြောလည်းရတယ်။ ဒါပေမဲ့ ဆိုခဲ့သလို ကစဉ့်ကလျားအမြင်တွေ ကစဉ့်ကလျားစကားတွေ ကစဉ့်ကလျားပုံရိပ်တွေကို စုစည်းပြီး ပြထားတယ်။ဆုံတွေမှုတွေကို ပြန်စီကြည့်ချိန်မှာ အနိမ့်တွေအမြင့်တွေကို ငါပြန်မြင်ရတယ်။ ကွာဝေးသွားခဲ့တယ်ဆိုပါစို့ နိမ့်လွန်းလို့လား မြင့်လွန်းလို့လား ဘယ်အခြေခံ ဘယ်ကံအကြောင်းတရားလဲ။ ဖြစ်ချင်ခြင်းနဲ့ ဖြစ်သင့်ခြင်းဆိုတဲ့ တကယ်တောင်မရှိတဲ့အရာတွေ ရောပြွမ်းခဲ့လား။ အစစ်အမှန်ဆိုတာ တကယ်ရှိခဲ့လား။ ငါတို့ရော တကယ်တွေ့ခဲ့လား။ ငါတို့ရဲ့လိင်မှုတွေဟာ ငါတို့ဖြစ်ချင်သလို အစစ်လား။ ငါတို့ရဲ့အနမ်းတွေဟာ ခံစားမှုတစ်ဝက်ပဲပါတဲ့ အနမ်းတွေလား။ အခြေအနေတွေနဲ့ ဖွဲ့စည်းထားတဲ့ ငါတို့ပြောကြတဲ့ အချစ်ဆိုတာရဲ့ အစစ်အမှန်သဘောမှာ တကယ်ပဲ အခြေအနေအချိန်အခါတွေ ပါနေခဲ့လား။ ပါခဲ့ရင်ရော ဒါပုံသေလား။ ဖြစ်နေကျလား။ အချစ်ဆိုတာမှာ အချစ်ဆိုတာကလွဲ ဘာမှမပါတဲ့အချစ်ဆိုတာမျိုးက ကြုံတောင့်ကြုံခဲအခြေအနေတစ်ခုမှာ ရှိနိုင်လား။ အကြီးကျယ်ဆုံးလို့ ငါတို့ထင်တဲ့အရာတွေဆီ လှမ်းပြီးတဲ့အခါ ဟိုးအစဆီ နောက်ပြန်ဆုတ်ချင်တဲ့အရာမျိုးပေါ့။ တစ်ခါတလေ ငါတော့ အဲဒါကိုချစ်ခြင်းလို့နာမည်တပ်ချင်တယ်။ ဒါပေမဲ့ အမှန်ဟုတ်ချင်မှလည်းဟုတ်မယ်။ ရှင်သန်ခြင်းဆိုတာတာ မသေနိုင်သေးသရွေ့ ရှင်နေဖို့ အကြောင်းပြချက်တွေ စုစည်းထားတဲ့ အစုအဝေးကြီးတစ်ခုလား။ နီးစပ်ပါလိမ့်မယ်။ ငါတို့တစ်သက်လုံး ငါတို့ရှာကြတဲ့အရာဟာ တကယ်တမ်း ဒါပါပဲ။ ဖြစ်နိုင်ကောင်းတယ်။ ဒါပေမဲ့လည်း သီချင်းတစ်ပုဒ်ပြီးတစ်ပုဒ် အရသာခံရင်း အသက်ရှင်ဖို့ အနမ်းတစ်ပွင့်ပြီးတစ်ပွင့် ခံစားရင်း အသက်ရှင်ဖို့ထက် ပိုအရေးကြီးတာ ဒီဘဝမှာ ဘာများရှိလို့လဲ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2.7 GB) / (1.5 GB) Quality…. Blu-Ray 1080p HEVC / 720p Format…. mkv/mp4 Genre…. Drama,Romance Duration…. 02:09:49 Subtitle…. Myanmar Subtitle (Hardsub)

IMDb Rating (7.6) / Rotten Tomatoes (92%) ဒီရုပ်ရှင်ကတော့ ဒါရိုက်တာ Edgar Wright ကိုယ်တိုင် ဇာတ်ညွှန်းရေး၊ Co- Produce ပြီးရိုက်ကူးထားတဲ့ Crime Action ဇာတ်ကားကောင်းတစ်ခုပါ။ ‌ဘယ်အချိန် ဘယ်နှခါ ကြည့်ကြည့် မရိုးနိုင်အောင်ခေတ်ရဲ့ဒဏ်ကို အံတုနိုင်တဲ့အပြင် ဝေဖန်ရေးဆရာတွေရဲ့ ချီးမွမ်းချက်တွေနဲ့ ဝင်ငွေပိုင်းမှာလည်း အတော်ကို အောင်မြင်မှုရခဲ့တဲ့ ရုပ်ရှင်တစ်ခုပါ။ ဒီရုပ်ရှင်ကို ရိုက်ကူးဖြစ်တဲ့အကြောင်းကတော့ သူ့အနေနဲ့ သီချင်းများများပါတဲ့ ရုပ်ရှင်တစ်ခုဖန်တီးချင်စိတ်ကနေ စတယ်လို့ဆိုပါတယ်။ သီချင်းကိုလည်း နောက်ခံသီချင်းအနေနဲ့သုံးချင်တာမဟုတ်။ သူရိုက်ကူးခဲ့တဲ့ Scott Pilgrim vs. the World လို ဂီတကိုတည်ရိုက်တာလည်းမဟုတ်တဲ့ ရုပ်ရှင်ဇာတ်ကားမျိုးပေါ့။ ဒီနေရာမှာ Baby Driver က သူ့အမြင်နဲ့ကွက်တိကျတဲ့ပုံစံမျိုးကို တည်ခင်းနိုင်ခဲ့ပါတယ်။ Baby Driver ဆိုတဲ့ ရုပ်ရှင်နာမည်အတိုင်း အဓိကဇာတ်ကောင်က Baby။ Baby က Driver။ ရွက်ကြမ်းရေကျို ကားသမားမျိုးတော့မဟုတ်ပါဘူး။ ကားဒက်ရှ်ဘုတ်ကို ကျော်မြင်နိုင်တဲ့အရွယ် ငယ်ငယ်ကတည်းက ကားတွေနဲ့ လိုက်မွှေလာတဲ့ ဆရာကြီးတစ်ယောက်ပါ။ သူ့ကိုတော့ ဒေါက်တာဆိုတဲ့ဘဲကြီးတစ်ပွေက လာဘ်ကောင်လေးလို့သဘောထားပြီး ဓားပြတိုက်တဲ့အခါတိုင်း ကားဆရာအနေနဲ့သုံးပါတယ်။ သုံးတဲ့အခါတိုင်းလည်း မလွတ်မရှိ။ ရအောင်ပြေးလွတ်ခဲ့တာပါပဲ။ သူနဲ့ သီချင်းတွေ ဘယ်လို‌တွဲမလဲဆိုတဲ့မေးခွန်းအပေါ် ဒါရိုက်တာမှာ အဖြေကောင်းကောင်းတစ်ခုရှိပါတယ်။ ငယ်ငယ်က ကားမတော်တဆမှုတစ်ခုကြောင့် နားအူရောဂါခံစားနေရတယ်ဆိုတဲ့ အကြောင်းပြချက်တစ်ခုကိုပေးလိုက်တာပေါ့။ ဒါကြောင့် ဘေဘီဟာ အချိန်ပြည့်သီချင်းနားထောင်ရတယ်။ ကြည့်တဲ့လူတွေကလည်း သူနဲ့အတူ သီချင်းထဲ လိုက်မျောခွင့်ရတယ်။ သီချင်းတွေကလည်း ပေါတိပေါချာတွေမဟုတ်ဘူး။ တကယ့်သီချင်းတွေကို ဇာတ်လမ်းနဲ့အညီ အံဝင်ခွင်ကျသုံးပြီး သီချင်းအကြောင်းမဟုတ်တဲ့ ဂီတ ဆန်ဆန် ရုပ်ရှင်တစ်ခုကို သူသွန်းလုပ်ခဲ့တာမျိုးပေါ့။ ဇာတ်လမ်းအသွားကလည်း မမြန် မနှေးနဲ့ သိပ်ကိုအရသာရှိတဲ့ စီးဆင်းမှုမျိုးရှိပါတယ်။ ရိုက်ကွက်တွေကတော့ ပြောဖို့လိုမယ်မထင်ပါဘူး။ ဇာတ်လမ်းအစကနေ အဆုံး ပျင်းချိန်ကိုမပေးဘဲ ပြီးတဲ့အထိ စိတ်လှုပ်ရှားစရာကောင်းအောင် ဆွဲခေါ်သွားနိုင်ပါတယ်။ Baby နေရာကသရုပ်ဆောင်တဲ့ Ansel Elgort ကလည်း စကားနည်းနည်းနဲ့ နားလည်ရခက်တဲ့ ဇာတ်ကောင်မျိုးကို ပီပြင်အောင်သရုပ်ဆောင်ထားနိုင်ပါတယ်။ အဲဒီအတွက်လည်း Best Male Newcomer award ကိုရရှိခဲ့ပါတယ်။ ဒီရုပ်ရှင်နဲ့ပတ်သက်တဲ့ဆုတွေကို စာရင်းချရရင် အတော်ကိုရှည်သွားပါလိမ့်မယ်။ အော်စကာ ဆန်ခါတင် ၃ ဆုအပြင် အခြားဆုပေါင်း ၄၃ ခုကိုရရှိခဲ့ပြီး ဆန်ခါတင်အနေနဲ့ ၆၃ ဆုဝင်ထားပါတယ်။ သရုပ်ဆောင်၊ စတန့်၊ ရုပ်ရှင်ဓာတ်ပုံ၊ သီချင်း ဘာဆုနေနေ ဆုရတာမဟုတ်ရင် ဆန်ခါတင်ကတော့ပါပြီးသားပါပဲ။ အဲဒီလောက်ကိုကြမ်းတာပါ။ သီချင်းနားထောင်ရင်း ကားမောင်းရတဲ့ခံစားချက်က ဘယ်လောက်မိုက်သလဲ မပြောလည်းသိမှာပါ။ မသိသေးရင်တော့ ဒီရုပ်ရှင်ရဲ့ ဇာတ်လမ်းကောင်းကောင်းထဲ သီချင်းလေးတွေနဲ့ စီးမျောကြည့်ကြပါဦး။ (ရုပ်ရှင်အညွှန်းနဲ့ဘာသာပြန်ကို Min Thant Bo မှတင်ဆက်ထားပါတယ်။) File size…(7.3 GB)/ (2.1 GB)/(1.1 GB) Quality….BluRay 4K HEVC/1080p HEVC/720p Format…mkv/mp4 Duration….01:52:39 Subtitle….Myanmar Subtitle(Hardsub) Encoder….Ka Naung Translated by Min Thant Bo

သမီးလေးတစ်ယောက်မွေးထားတဲ့အခါ အတွေးများပြီး စိတ်ပူတတ်တာကတော့ ကမ္ဘာ့ဘယ်နေရာမဆို မိဘတိုင်းဟာ အတူတူပါပဲ။ ဒီဇာတ်ကားလေးထဲက ၁၂ နှစ်သမီးလေး ရိုင်းလီရဲ့ မိဘ ၂ပါးလည်းအပါအဝင်ပေါ့။ ကျောင်းပိတ်ရက်လေးတစ်ရက်မှာ ‘ရိုင်းလီရှိသလား’ ဆိုပြီး ကောင်လေးတစ်ယောက် အိမ်တံခါးခေါက်လာတဲ့ တစ်ခဏတာလေးတွင်းမှာ ဖြစ်ပျက်သွားတဲ့ ဖေဖေ မေမေတို့ရဲ့ ခေါင်းထဲက အတွင်းကြိတ်စစ်ပွဲလေးတွေအကြောင်း ရယ်ရင်း မြူးရင်းကြည့်ရမယ့် ချစ်စရာ Animated ဇာတ်လမ်းတိုလေးတစ်ကားပဲဖြစ်ပါတယ်။ File size…   98 MB Quality… BluRay 1080p Format… mp4 Duration…. 5m Genre ..... Animation / Comedy / Short Subtitle…. Myanmar Subtitle Encoder…. Hein Tayza Translated by Z

ဒီနေ့တော့ CM ပရိတ်သတ်တွေအကြိုက်တွေ့စေမယ့် Animation ဇာတ်ကားလေးတစ်ကားနဲ့မိတ်ဆက်ပေးလိုက်ပါတယ်.. နိုင်ငံတကာမှာလည်းအောင်မြင်မှုများစွာရခဲ့သလို..ရုပ်ရှင်ဝေဖန်ရေးတွေကလည်း ချီးကျူးထားတဲ့ Animation ဇာတ်လမ်းကောင်းလေးဖြစ်ပါတယ် .. Animation တကားအနေနဲ့လည်း ထူးထူးခြားခြား IMDb Rating မှာ 8.5 အထိ တောင်ရောက်ရှိထားတာမို့ ကောင်းလားမကောင်းလားဆိုတာ လုံးဝစဉ်းစားနေစရာလိုမှာလည်းမဟုတ်တဲ့အပြင်..ကြည့်သင့်တဲ့ Animation ဖြစ်ကြောင်းအသိ ပေးချင်ပါတယ်။ အညွှန်းလေးအရင်ခံစားကြည့်ရအောင်အညွှန်းကနည်းနည်းတော့ရှည်ပါတယ်.. သေသေချာချာခံစားချင်ရင် တော့စာကိုအဆုံးထိဖတ်ဖို့အကြံပေးလိုက်ပါတယ်.. ဒီကားက Pixar ရဲ့ ကာတွန်းကားကောင်းတစ်ကားဖြစ်ပြီး၊ ကလေးလူကြီးမရွေး ကြည့်နိုင်တဲ့ဇာတ်ကား ကောင်းတစ်ကားပါ။ The Incredibles ဇာတ်ကား Review တုန်းက Pixar ရဲ့ အကြောင်း ပရိတ်သတ်ကြီးကို ပြောပြခဲ့ဖူးပါတယ်။ ဒီကုမ္ပဏီကရိုက်တဲ့ ကာတွန်းတိုင်းက ဇာတ်လမ်းကောင်းပြီး အနုပညာရသမြောက် တယ်လို့ အားလုံးသိထားကြပါတယ်။ ဒီကားကလည်း ဒီအတိုင်းပဲ အနုပညာရသမြောက်အောင် ရိုက်ကူးထားနိုင်သလို၊ တကယ့် ဝမ်းနည်းကြည်နူး စရာ ကောင်းပြီး၊ ခံစားချက်ရသစုံပေးနိုင်အောင် ရိုက်ကူးထား နိုင်တာတွေ့ရပါတယ်။ Pixar အကြောင်းပြောရင် Toy Story 1, 2, 3 ကို မပြောပဲ နဲ့မပြီးပါဘူး။ ဒီသုံးကားက Pixar အတွက်သာမက ကာတွန်းကားတွေအားလုံးထဲမှာပါ အကောင်းဆုံး လို့ သတ်မှတ်ထားကြတာဖြစ်ပြီး Original Idea ဖြစ်တဲ့ Toy Story 1 က အကောင်းဆုံး လို့သတ်မှတ်ထားကြပါတယ်။ ကျွန်တော်ဘာလို့ဒီအကြောင်းကို ပြောရလည်းဆိုရင် ဒီ Inside Out က Toy Story ဇာတ်လမ်းတွေနဲ့တန်းတူ ကောင်းတဲ့ ကာတွန်းကားဖြစ်ပြီး အနုပညာရှုထောင့်ကကြည့်ကြည့်၊ ဖျော်ဖြည်ရေး ရှုထောင့်ကကြည့်ကြည့် ကောင်းမွန်တယ်လို့ပြောလို့ရပါတယ်။ ဒီကားက ကာတွန်းကားဖြစ်လို့ လူတော်တော်များများက ကလေးတွေအတွက်ပဲလို့ ထင်ကြမှာပါ။ တကယ်တော့ ဒီကားက ကလေးရော လူကြီး ပါကြည့်ဖို့သင့်တော်ပြီး၊ လူကြီးတွေ အရွယ်ရောက်ပြီးသား လူတွေက ဒီကားကိုပိုပြီး နားလည်မှာဖြစ်ပါတယ်။ ဘာလို့လည်းဆိုတော့ ဇာတ်လမ်းက လူရဲ့ စိတ်ထဲမှာရှိတဲ့ ခံစားချက်လေးတွေ အကြောင်းရိုက်ထားတာဖြစ်ပြီး၊ အသက်ကြီးလာတာနဲ့အမျှ ခံစားချက်တွေပြောင်းလာပုံ၊ ဒီစိတ်ခံစားချက်တွေက ကဘယ်လိုအရေးပါပုံကို စိတ်ဝင်စားစရာ ဇာတ်လမ်းလေးနဲ့တင်ဆက်ထား တာဖြစ်ပါတယ်။ ဒါကြောင့် ဇာတ်လမ်းမပြောခင်မှာ ကြိုပြီးပြောချင်ပါတယ်၊ ဒီကားလေးကိုကြည့်ဖြစ်အောင်ကြည့်ကြပါ။ ကလေးရော လူကြီးပါ ကြည့်သင့်ပြီး၊ ကလေးတွေလည်း ကြိုက်မှာဖြစ်သလို လူကြီးတွေလည်း နားလည်ခံစား နိုင်မှာဖြစ်ပါတယ်။ ဒီကားကြည့်နေရင်းနဲ့ ပရိတ်သတ်တော်တော်များများ မျက်ရည်ဝဲရသလို ဇာတ်လမ်းအဆုံးမှာ စိတ်ကျေနပ်မှုကို ရစေမှာဖြစ်ပါတယ်။ မိသားစုတူတူကြည့်နိုင်ပါတယ်။ အသဲမာတဲ့သူတောင်မှ ဒီကားကြည့်ပြီးရင် အနည်းနဲ့အများတော့ ခံစားရမှာဖြစ်ပါတယ်။ ဇာတ်လမ်းအကြောင်းပြောရရင်တော့ ဇာတ်လမ်းဇာတ်အိမ်က Riley ဆိုတဲ့ကောင်မလေးနဲ့ သူ့ရဲ့ စိတ်ခံစားချက်လေးတွေအကြောင်း တင်ဆက်ထားပြီး Riley က အမေရိကန်နိုင်ငံ အလယ်ပိုင်း ပြည်နယ်တစ်ခုဖြစ်တဲ့ Minnesotaမှာ နေထိုင်ပါတယ်။ လူတွေရဲ့စိတ်မှာJoy (Happiness, Color-Gold), Sadness (Color-Blue), Fear (purple), Disgust (Green), Anger(Red) ဆိုပြီး basic feeling ၅မျိုးရှိတယ်လို့ ကာတွန်းကဆိုထားပါတယ်။ ဇာတ်လမ်းအစမှာ မွေးကာစ Riley လေးမှာ Joy ဆိုတဲ့ပျော်ရွှင်မှုလေး စတင်ဖြစ်ပေါ်လာသလို၊ Sadness ကလည်း ကပ်ပါလာပါတယ်။ ဒါကြောင့် မွေးကာစမှာ တစ်ချိန်လုံး ငိုနေကြတာဖြစ်ပါတယ်။ ဒီနောက်မှာတော့ ကလေးဘဝ ပြေးလွှားဆော့ကစားရင်း မသိတဲ့အရာကို ကြောက်စိတ်လေးတွေရှိသလို၊ မစားချင်တာကို အဖေအမေက ကျွေးရင် ရွံရှာတဲ့စိတ်ဖြစ်လာပြီး၊ ဒေါသလည်းထွက်လာတတ်တယ်ဆိုတာကို သဘာဝကျကျ ပီပီပြင်ပြင် သရုပ်ဖော်ထားပါတယ်။ ဒီနောက်မှာတော့ ဇာတ်လမ်းကနေ လူတွေရဲ့ Personality လို့ခေါ်တဲ့ ကိုယ်နေဟန် စိတ်နေသဘောထား စတာတွေက ကလေးဘဝ မှတ်ဉာဏ်လေးကနေ ဖြစ်တည်လာတည်လို့ဆိုပြီး ဥပမာလေးတွေပေးထားပါတယ်။ ကလေးဘဝမှာ အဖေအမေနဲ့ စနောက်ပြောင်ရင်းနဲ့ သူမမှာ အပြောင်အပျက်လုပ်တဲ့စိတ်ကလေးရှိလာပြီး ဒါလေးက အမြစ်တွယ်သွားပြီး သူမရဲ့ စိတ်နေစိတ်ထားထဲမှာ ပါလာသလို၊ သူ့အဖေက ကလေးဘဝမှာ ရေခဲပြင် ဟော်ကီကို ကစားစေခဲ့တာကြောင့် သူမကျောင်းတက်တဲ့အခါမှာ ဒီကစားနည်းကို နှစ်သက်လာသလို ဒီကစားနည်းမှာလည်း ထူးချွန်ခဲ့ပါတယ်။ ဒါ့အပြင် လူတွေမှာ အရေးအကြီးဆုံးဖြစ်တဲ့ မိသားစုနဲ့ သူငယ်ချင်းဖွဲတဲ့ Memory ကလည်း သူမထံမှာရှိနေသလို အမှန်အတိုင်းဝန်ခံတတ်တဲ့ အကျင့်ကလည်း သူမရဲ့ Core memory ထဲမှာရှိနေပါတယ်။ ဒီနေရာမှာ Core Memory တွေဆိုတာက သူမရဲ့ ကလေးဘဝက အမှတ်တရ အဖြစ်အပျက်လေးတွေနဲ့ ဖွဲ့စည်းထားပြီး၊ မိသားစု နဲ့ပတ်သက်တဲ့ Memory တွေ၊ အဖေနဲ့ ရေခဲပြင်ဟော်ကီ ကစားတုန်းက ပထမဆုံး ဂိုးသွင်းလိုက်တဲ့ အခိုက်အတန့်လေးတွေ၊ ကလေးဘဝမှာ အဖေနဲ့ နောက်ပြောင်ပြီး အရှက်အကြောက်မရှိ သေးတဲ့အရွယ်မှာ တုံးလုံးပတ်ပြေးခဲ့တွေ၊ မိသားစု ခရီးသွားတာတွေပါပါတယ်။ ဒီလိုနဲ့ ဇာတ်လမ်းအစမှ ဇာတ်လမ်းသဘောတရားကို ရှင်းပြပြီးနောက်၊ သူတို့မိသားစုက Minnesota ကနေ အနောက်ဘက် ပြည်နယ် California က San Francisco ကို ပြောင်းပြီးနေရပါတယ်။ ဒီအချိန်မှာ ၁၁ နှစ်လုံး နေလာခဲ့တဲ့ အိမ်ရယ်၊ သူငယ်ချင်းတွေရယ်၊ ဟော်ကီအသင်းရယ်ကို စွန့်ခွာပြီး နေရာသစ်ကိုပြောင်းလာရတဲ့ Riley တစ်ယောက် မြို့သစ်မှာ အခြေကျအောင် နေရာပုံကို ဇာတ်လမ်းလုပ်ထားပါတယ်။ ဒါက ဇာတ်လမ်း အကြမ်းဖြင်းပါ။ သူမရဲ့ ခေါင်းထဲမှာ Joy က အဓိက ကျပြီး သူမပျော်ရွှင်အောင် ထားပေးနေရတာဖြစ်သလို၊ San Francisco ကိုရောက်လာတဲပအချိန်မှာ ဝမ်းနည်းနေတဲ့စိတ်ကို ဖုံးပြီး မပျော်ပျော်အောင်လုပ်နေပါတယ်။ ဒါကြောင့် Sadness ကို နေရာမပေးပဲ Core Memory တွေနားကနေ ဝေးဝေးနေခိုင်းပါတယ်။ ဘာလို့လည်းဆိုတော့ Sadness က ထိလိုက်တာနဲ့ Core Memory တွေက အရောင်ပြောင်းသွားပြီး Riley ကလည်း ဝမ်းနည်းသွားတတ်လို့ပါ။ ဒါကြောင့် Joy ကသူမကိုပျော်အောင်ထားဖို့ Sadness ကိုချောင်ထိုးထားပါတယ်။ ဒီလိုနဲ့ အတန်းသစ်သွားတက် ပြီးဆရာမက အတန်းထဲမှာ မိတ်ဆက်ခိုင်းတဲ့အခိုက်မှာ Minnesota က အကြောင်းကို ပြန်ပြောပြနေတုန်း Sadness ကလည်း သူမကိုသူမ ထိမ်းချုပ်လို့မရပဲ Core Memory ကို ထိမိသွားပြီး ဝမ်းနည်းသွားရာက စာသင်ခန်းထဲမှာ ငိုမိပါတော့တယ်။ ဒါကြောင့် Joy နဲ့ Sadness က လုနေကြရင်းနဲ့ အမှတ်မထင်ပဲ Memory တွေသိမ်းတဲ့ ပိုက်လိုင်းကနေ ဦးနောက်ရဲ့ Long-term Memory Storage မှတ်ဉာဏ်တွေထားတဲ့အခန်း ကိုရောက်သွားပါတယ်။ ဒီနေရာမှာ Fear, Disgust နဲ့ Anger တို့ပဲ ကျန်ခဲပပြီး အပြင်မှာလည်း အတန်းထဲမှာငိုမိတဲ့ Riley တစ်ယောက် ရှက်ကြောက် မိသလို ကိုယ့်ကိုကိုလည်း ဒေါသထွက် လာပါတယ်။ Joy မရှိတဲ့တဲ့ ခေါင်းထဲမှာ ကျန်တဲ့သုံးယောက်ဘာလုပ်ရမှန်းမသိဖြစ်နေပြီး၊ ဟော်ကီအသင်း သစ်အတွက် လူရွေးခံရာမှာလည်း အဆင်မပြေဖြစ်ခဲ့ပါတယ်။ ဒီအချိန်မှာ Joy နဲ့ Sadness တို့ နှစ်ယောက် ဌာနချုပ်ကို ပြန်ရောက်အောင် သွားနေရာက Core Memory တွေမရှိတော့လို့ Hockey ကစားတာ အဆင်မပြေဖြစ်သွားတာကြောင့် Riley ရဲ့ Hockey နဲ့ ပတ်သက်တဲ့ memory က ပျက်ဆီးသွားပါတယ်။ Core Memory တွေနဲ့အတူ ဌာကိုပြန်ရောက်ရေးအတွက် Joy တစ်ယောက် အသည်းအသန်ကြိုးစားပုံကို စိတ်ကူးကောင်းကောင်းနဲ့တင်ဆက်ထားပါတယ်။ ဒီလိုအပြန်ခရီးမှာ သူမရဲ့ Subconscious လို့ခေါ်တဲ့ မသိစိတ် ထဲမှာဘာတွေရှိတယ်၊ သူမရဲ့ ကလေးဘဝတုန်းက imaginary friend (စိတ်ကူးထဲက သူငယ်ချင်း၊ ဥပမာ ကလေးဘဝတုန်းက ဆော့စရာအဖော်မရှိရင် ကိုယ်စိတ်ကူးလေးနဲ့ကိုယ်ကစားတတ်သလို တစ်ချို့ကလည်း အနားမှာကစားဖော်ရှိသလိုမျိုး စိတ်ကူးယဉ်တတ်ပါတယ်။) ဖြစ်တဲ့Bing Bong ကို Joy က လမ်းမှာသွားတွေ့သလို သူ့ရဲ့အကူအညီနဲ့ ဌာနချုပ်ကို အရောက်သွားဖို့ ကြိုးစားကြပါတယ်။ ဒီနေရာမှာ အများကြီး ရှင်းပြဖို့မလိုပေမယ့် ပြောချင်တာ နှစ်ခုရှိပါတယ်။ တစ်ခုက ဟောင်းသွားတဲ့ မှတ်ဉာဏ်တွေ စွန့်ပစ်တဲ့ချောက်ကြီးရှိပြီး အဲဒီအထဲကျသွားရင် ဘယ်တက်လို့မရတော့ပါဘူး။ နောက်တစ်ချက်က Sadness ကို အစပိုင်းမှာ မကောင်းဘူးလို့ ပြထားပေမယ့် Sadness ဆိုတာ ဘာလို့ရှိရတယ်၊ လူတွေဘာလို့ ဝမ်းနည်းတယ်ဆိုတာ ပညာသားပါပါနဲ့ သရုပ်ဖော်ထားပါတယ်။ ဒီအကြောင်းကို အဆုံးမှာ ထည့်ပေးထားမှာဖြစ်ပြီး Spoiler မဖတ်ချင်တဲ့သူတွေက ဒီနေရာမှာတင်ရပ်လိုက်ပြီး ဇာတ်ကားကိုသွားကြည့်သင့်ပါတယ်။ ကလေးတွေအတွက်သီးသန့်ရိုက်ထားတာ မဟုတ်ပါဘူး။ လူတိုင်းကြည့်သင့်တဲ့ကားပါ။ ဒီကားက တစ်သက်မှာ တစ်ခါ၊ Generation (မျိုးဆက်) တစ်ခုမှာ တစ်ခါ ကြုံတောင့်ကြုံခဲ ထွက်လာတဲ့ ဇာတ်ကားမျိုးဖြစ်ပြီး၊ ဒါမျိုးဇာတ်ကား အရင်က မရှိခဲ့သလို နောက်ထပ် ထပ်ရှိဖို့လည်းမလွယ်တော့ပါဘူး။ (Sequel ကိုမဆိုလိုပါဘူး။) ဥပမာ ရုပ်ရှင်လောကမှာ Godfather နဲ့ Citizen Kane က Masterpiece ဆိုရင် Toy Story နဲ့ Inside Out က ကာတွန်းတွေထဲမှာ တစ်သက်မှ တစ်ခါကြည့်ရခဲ့တဲ့ ကာတွန်းမျိုးတွေပါ။ ဒီကားက ပြီးခဲ့တဲ့ ၅ နှစ်အတွင်းမှာ ကျွန်တော်ကြည့်ဖူးသမျှကားတွေထဲက အကောင်းဆုံး ရသပေးနိုင်တဲ့ ကားဖြစ်ရုံသာမက အကောင်းဆုံး ပညာပေးနိုင်တဲ့ ဇာတ်ကားလည်းဖြစ်ပါတယ်။ လက်မလွှတ်တမ်း ကြည့်သင့်တဲ့ဇာတ်ကားဖြစ်ပါတယ်။ လူတိုင်းကြည့်သင့်ပါတယ်။ အထက်ကပြောခဲ့တဲ့ Sadness က ဘာလို့ရှိရတယ် လူတွေဘာကြောင့်ဝမ်းနည်းတယ်ဆိုတာကို ကျွန်တော် ဒီမှာနည်းနည်းရှင်းပြပါမယ်။ ဒါက ဒီကားတစ်ကားလုံးနဲ့ အဓိက ကျတဲ့ဇာတ်ဝင်ခန်းဖြစ်ပါတယ်။ Joy နဲ့ Sadness တို့ ဌာနချုပ်ကိုပြန်နေရင်းနဲ့ လမ်းမှာ Joy က memory လေးတစ်ခုကို ရှာတွေ့သွားပါတယ်။ ဒီမှာ သူမရဲ့ အသင်းက သူမကို ဝိုင်းအားပေးနေကြတာဖြစ်ပြီး အဖေနဲ့အမေက လည်း အနားမှာ အားပေးနေကြပါတယ်။ ဒါကြောင့် သူမက Sadness ကို နင်ဒီနေ့လေးကိုမှတ်မိလား Riley ပျော်နေတဲ့နေ့လေ လို့ ပြောတော့ Sadness က သူမမှတ်မိတာ အဲ့ဒီနေ့က ကောင်မလေးက အသင်းအတွက် အရေးပါတဲ့ဂိုးကိုမသွင်းပေး နိုင်လို့ အသင်းရှုံးသွားတာကြောင့် ဝမ်းနည်းနေတာကိုမှတ်မိတယ်လို့ပြန်ပြောပါတယ်။ ဒီအခါမှာ Joy က Sadness ကို ဆက်မပြောဖို့တားပြီး ပျော်အောင်နေဖို့ပြောပါတယ်။ ဒီကနေ နောက်ဆုံးအခန်းမှာ Joy နဲ့ Riley ရဲ့ စိတ်ကူးယဉ်သူငယ်ချင်း Bing Bong တို့ Memory စွန့်ပစ်တဲ့ ချောက်ထဲကို ကျသွားခဲပါတယ်။ ဒါကြောင့် Joy က အထက်ကို ပြန်တက်ဖို့ကြိုးစားရင်းနဲ့ မရတဲ့အဆုံးမှာ ဝမ်းနည်းပြီး သူမနဲ့အတူ သယ်လာတဲ့ Memory လေးတွေကိုပြန်ကြည့်မိပါတယ်။ ဒီနေရာမှာ ခုနက အသင်းသားတွေနဲ့အဖေအမေ တို့အားပေးနေတဲ့ Memory လေးမှာ အမှတ်မထင် နောက်ကို ပြန်ရစ်ကြည့်လိုက်မိတဲ့အခါမှာ Sadness ပြောသလိုပဲ သူမကြောင့် အသင်းရှုံးလို့ အားငယ်နေတဲ့ Riley ကိုတွေ့ရလိုက်ရပါတယ်။ ဒီအချိန်မှာပဲ အဖေနဲ့အမေက ရောက်လာပြီး အားပေးကြသလို၊ သူငယ်ချင်းတွေက လည်းလာအားပေးကြပါတယ်။ ဒီမှာ Joy သဘောပေါက်သွားတာက ဝမ်းနည်းတဲ့အချိန်မှာ မိသားစုရော သူငယ်ချင်းတွေပါ အနားကိုလာပြီး အားပေးကြလို့ ပျော်ရွှင်သွားရတယ်ဆိုတာဖြစ်ပါတယ်။ ဒါကြောင့် Sadness မရှိရင် Joy လည်းမရှိနိုင်သလို၊ ကိုယ်ဝမ်းနည်းနေတာကို ထုတ်မပြရင် ကိုယ့်ကိုချစ်တဲ့သူတွေကလည်း ကိုယ့်ကိုအားပေးဖြစ်မှာ မဟုတ်တော့ပါဘူး။ ဒါကြောင့် Riley ရဲ့ Core Memory တွေကို Sadness က ထိလိုက်တဲ့အခါ အရောင်ပြောင်သွားတာဖြစ်ပါတယ်။ ဘာလို့လည်းဆိုတော့ သူမရဲ့ Core Memory အဟောင်းတွေက Minnesota က မှတ်ဉာဏ်တွေဖြစ်ပြီး ဒါတွေက အတိတ်မှာ ကျန်ခဲ့လေတော့ ဝမ်းနည်းစရာတွေဖြစ်သွားတာဖြစ်ပါတယ်။ ဒီလို နဲ့ Joy က အပေါ်ပြန်ရောက်အောင်လုပ်ပြီး Sadness နဲ့ အတူ ဌာနချုပ်ကို ပြန်သွားရပါတော့တယ်။ ဒီလို ချောက်ထဲက ပြန်တက်တဲ့အခန်းလေးက အရမ်း ပညာသားပါပြီး၊ ကြေကွဲဖို့ကောင်းသလို သေချာတွေးကြည့်ရင် အရမ်းကောင်းတဲ့ အခန်းလေးဖြစ်ပါတယ်။ ဘာလည်းဆိုတာတော့ ကျွန်တော်ပြောတာထက် ကိုယ်တိုင်ကြည့်ရင်ပိုကောင်းပါတယ်။ ဒီအခန်းမှာ စိတ်မနိုင်သူတွေဆို မျက်ရည်ကျရတဲ့အထိကိုကောင်းပြီး ကျွနေ်တာ်ကိုယ်တိုင်တောင် မျက်ရည်ဝဲမိတဲ့ အခန်းဖြစ်ပါတယ်။ လူတွေအားလုံးလည်း အသံတိတ်နေပြီး တကယ်ကိုကောင်းပါတယ်။ အထူးသဖြင့် ဘယ်သူမှ မထင်မှတ်ထားပဲ ရုတ်တရက်ဖြစ်သွားတာလေးပါ။ တစ်ကားလုံးမှာ အကောင်းဆုံး ဇာတ်ဝင်ခန်းဖြစ်ပါတယ်။ ဒါ့အပြင် ဒီကားတစ်ကားလုံးမှာ ပရိတ်သတ်အမှတ် ရနေစေမယ့် စကားတစ်ခွန်းလည်း ရှိပါတယ်။ ဌာနချုပ်ရောက်တဲ့အခါမှာတော့ Anger ရဲ့ မဆင်မခြင်လုပ်မှုကြောင့် Riley က အိမ်ကနေထွက်ပြေးပြီး Minnesota ပြန်ပြေးဖို့ လုပ်နေပါတယ်။ ဒါကို မှားမှန်းသိပေမယ့် ပြင်ဆင်လို့မရတော့ပါဘူး။ Riley တစ်ယောက် ခံစားချက်မဲ့သွားပြီး သူမရဲ့ Emotion တွေ သူမကို ထိန်းချုပ်တာမခံတော့ပါဘူး။ ဒီအချိန်မှာ Joy နဲ့ Sadness တို့အချိန်မှီ ပြန်ရောက်လာပြီး Joy က သူမကမထိန်းချုပ်တော့ပဲ Sadness ကို ထိန်းချုပ်ခိုင်းပါတယ်။ Sadness ကြောင့် ဝမ်းနည်းသွားရတဲ့ Riley က အရင်တုန်းက မိသားစုတူတူ ရှိခဲ့တာတွေ ပြန်သတိရလာပြီး ဘတ်စ်ကားပေါ်ကနေ ဆင်းပြေးကာ အိမ်ကို အရောက်ပြန်သွားပါတယ်။ အိမ်ရောက်တဲ့အခါမှာ ဝမ်းနည်းပက်လက် နဲ့အဖေနဲ့အမေကို သူမခံစားနေရတာကိုဖွင့်ပြောခဲ့ပါတယ်။ သူမက အရင်အိမ်နဲ့သူငယ်ချင်းတွေကို လွမ်းတဲ့အကြောင်း ပြောပြရင်း အဖေအမေက နှစ်သိမ့်တာကိုခံယူ ရပြီးနောက် ဝမ်းနည်းမှုနဲ့အတူ မိဘရဲ့ အားပေးမှုကြောင့် စိတ်ကျေနပ်သွားခဲ့ပါတယ်။ ဒါကြောင့် သူမမှာ New Core Memory ဖြစ်လာပြီး ဒီ Core Memory က Gold နဲ့ Blue (ဝမ်းနည်းဝမ်းသာဖြစ်နေပြီး) နှစ်ရောင်ထွက်နေသလို၊ ဒီ Core Memory က သူမရဲ့ အိမ်အသစ် ဖြစ်တဲ့ San Francisco ကအိမ်မှာ အဖေအမေ ရဲ့အားပေးမှု့ကိုရသွားတဲ့ အကြောင်းဖြစ်ပါတယ်။ ၀မ်းနည်းနေတဲ့အချိန်မှာ ဝမ်းနည်းတာကို အတင်းမျိုသိပ်ထားရင် ကိုယ့်ပတ်ဝန်းကျင်က ကိုယ့်ကို ဂရုစိုက်တဲ့သူတွေက ဘာမှလုပ်ပေးလို့ရမှာမဟုတ်သလို၊ ရင်ထဲကခံစားနေရတာကို ထုတ်ပြဖို့ သင်ခန်းစာပေးထားပါတယ်။ ဒီဇာတ်ကားအတွက်ဘာသာပြန်သူကတော့ ကိုညီသံလွင်ပဲဖြစ်ပါတယ်.. အညွှန်းကိုတော့ ရုပ်ရှင်မိတ်ဆက် Movies For Myanmar မှ ပြန်လည်တင်ပြပါတယ်. File size…  6.3 GB / 2.1 GB / 1 GB Quality…2160p Blu Ray/1080p / 720p Format…Mp4 Duration….1h 34min Subtitle….Myanmar Subtitle(Hard Sub) Encoder….Thit San Khant Translated by Nyi Thant Lwin

အန်နီမေးရှင်းရုပ်ရှင်ကြိုက်တတ်သူများတိရစ္ဆာန်လေတွေကိုချစ်တတ်သူများအတွက်နာမည်ကြီးဇတ်ကားကောင်းတစ်ခု အီလိုက်ဇာသွန်းဘယ်ရီဆိုတဲ့၁၂နှစ်အရွယ်ကောင်မလေးဟာတောနက်ထဲမှာကွန်ဗီးလို့ခေါ်တဲ့ကားအိမ်လေးနဲ့တောရိုင်းတိရစ္ဆာန်တွေကိုလေ့လာရုပ်ရှင်ရိုက်တဲ့မိဘတွေနဲ့အတူ အစ်မတစ်ယောက်ပါအပါ အတူခရီးလှည့်သွားနေခဲ့ကြပါတယ်။အီလိုက်ဇာဟာနတ်ဆရာတစ်ယောက်ဆီကနေ တိရစ္ဆာန်တွေကိုစကားပြောနိုင်တဲ့စွမ်းရည်ရထားခဲ့ပြီး ဒါက မိဘတွေ အဘိုးအဘွားနဲ့အစ်မဖြစ်သူအတွက် ထူးဆန်းတာတွေလုပ်နေတဲ့ကောင်မလေးဖြစ်လို့နေပါတယ်။အီလိုက်ဇာမှာ ဒါဝင်လို့ခေါ်တဲ့ ချန်ပင်ဇီမျောက်လေးတစ်ကောင်လည်းရှိပါတယ်။ တစ်နေ့မှာအီလိုက်ဇာရဲ့ကြီးကြပ်မှုနဲ့သစ်ကျုတ်ပေါက်လေးသုံးကောင်အပြေးပြိုင်ကြရင်း တောရိုင်းတိရစ္ဆာန်ခိုးဖမ်းပြီးသတ် တဲ့သူတွေနဲ့ တွေ့ပြီး တာလီလို့ခေါ်တဲ့သစ်ကျုတ်ပေါက်ကလေးကိုဖမ်းသွားပါတယ်။အီလိုက်ဇာက လိုက်ကယ်ရင်း သူကိုယ် တိုင်အန္တရာယ်ဖြစ်လာတဲ့အခြေအနေကိုတွေ့တဲ့အခါ အဘွားဖြစ်က သူ့ကိုလန်ဒန်က ဘော်ဒါကျောင်းကိုပို့လိုက်ပါတယ်။ ဘော်ဒါကျောင်းမှာဘာကြုံရမလဲ။နတ်ဆရာမိုင်ယန်ဘိုက အီလိုက်ဇာကိုဘာလို့ တိရစ္ဆာန်တွေနဲ့စကားပြောနိုင်တဲ့စွမ်းရည်လက်ဆောင်ကိုပေးခဲ့တာလဲ။ဒီစွမ်းရည်က ဘယ်လိုဆိုရင်ပျက်ပြယ်မလဲ။တာလီ့ကို အီလိုက်ဇာကယ်တင်နိုင်မလား။ ကွန်ဂိုတောနက်ထဲက ဒဏ္ဍာရီကဘာဖြစ်မလဲ ။ဒါက တကယ်ဖြစ်လာမလား။တောရိုင်းတိရစ္ဆာန်ခိုးဖမ်းတဲ့သူတွေရဲ့ရည်ရွယ် ချက်ကဘာလဲ။ဒါကိုတော့ ရုပ်ရှင်ပိတ်ကားပေါ်မှာဆက်ကြည့်နိုင်ပါတယ်။ ဖခင်ရဲ့မေတ္တာတွေကိုဖော်ကျူးထားတဲ့သီချင်းလေးက အဓိပ္ပါယ်ပြည့်ဝလှသလိုအဖေတွေကိုသတိရစေမှာဖြစ်ပါတယ်။အော်စကာဆုအတွက် အကောင်းဆုံးမူလသီချင်းဆုအတွက် ပေါလ်ဆီမွန်ရဲ့ Father and Daughter(အဖေနဲ့သမီး) သီချင်းကအမည်စာရင်းတင်သွင်းခံရပါတယ်။ မှတ်မှတ်သားသားစကားလေးတွေကတော့- - “ပြီးတော့ မင်းကဒါကိုလုပ်ခဲ့တယ် မင်းရဲ့ လက်ဆောင်နဲ့မဟုတ်ဘူး ဒါပေမယ့်မင်းရဲ့နှလုံးသားနဲ့လုပ်ခဲ့တာ တကယ်လို့ ဒါကမင်းရဲ့စွမ်းအားမပါပဲနဲ့ မင်းလုပ်နိုင်ခဲ့တဲ့ဟာဖြစ်မယ်ဆိုရင် ငါသိထားခဲ့တာထက်တောင်မှမင်းမှာ ပိုကောင်းတဲ့ကံကြမ္မာတစ်ခုရှိတယ်” လူ့လောကမှာ စွမ်းရည်တွေထက်အရေးကြီးတာက နှလုံးသားထဲက မေတ္တာတရားနဲ့ကိုယ်ချင်းစာတရားပါပဲ။ကြည့်ရှု့ခံစားကြည့်လိုက်ပါ။ File size…(1.7 GB)/(933 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Animation, Adventure, Family Subtitle….Myanmar Subtitle (Hardsub) Encoder….Swan Min Htet Translated by Khin Sakar Khin

The Big Lebowski (1998) လော့စ်အိန်ဂျယ်လ်စ်မြို့မှာ Lebowski ဆိုတဲ့နာမည်နဲ့လူ(၂)ယောက်ရှိတယ်...သူတို့က နာမည်သာတူတာ ... အရည်အချင်းနဲ့ပိုင်ဆိုင်မှုကတော့ ဆီနဲ့ရေလို့ပြောရမလားပဲ။ တစ်ယောက်က သန်းကြွယ်သူဌေးကြီးဖြစ်ပြီးတော့... နောက်တစ်ယောက်ကတော့ ဘီယာလေးငုံလိုက် ဘော်ဒါတွေနဲ့ ပေါက်ကရပြောလိုက်နဲ့ ငပျင်းဘဲကြီး Lebowski... တစ်နေ့မှာ သူဌေးကြီး Lebowskiရဲ့အိမ်ကို...ကြေးစားလူမိုက်နှစ်ယောက်က ဖျက်ဆီးဝင်ရောက်ပြီး ငွေညှစ်ကြတယ်။ ကံဆိုးချင်တော့ သူတို့ဝင်တဲ့အိမ်ဟာ နာမည်တူ ငပျင်းငမွဲ Lebowskiရဲ့အိမ်ဖြစ်နေပါတယ်...ဒါ့ကြောင့်စိတ်တိုတိုနဲ့ ... အိမ်မှာရှိတဲ့ကော်ဇောကိုသေးနဲ့ပန်းသွားကြတယ်...ဒါက သန်းကြွယ်သူဌေးLebowskiမှာ တာဝန်ရှိတယ်လို့ ယူဆပြီး... ငပျင်းကြီးက ကော်ဇောအစားတစ်ခုပြန်ပေးဖို့သွားတောင်းပါတယ်။ သွားတောင်းတဲ့အချိန်မှာပဲ သူဟာ ပြန်ပေးဆွဲမှုတစ်ခုမှာ... ပါဝင်ပတ်သက်မိပြီးတော့ ပြဿနာအားလုံးဟာ သူ့ခေါင်းပေါ်ကျလာပါတော့တယ်။ ဘဲကြီးLebowskiအနေနဲ့ ... အရှုပ်တွေကြားထဲကနေ ဘယ်လိုအခက်အခဲတွေကိုရင်ဆိုင်ရမလဲ ...ဘယ်လိုရုန်းထွက်မှာလဲ... ဒီကားက imdb ရော Rotten ရော လန်ထွက်နေသလို ဆုပေါင်း ၅ဆုရရှိထားပြီး အခြားဆု ၁၇ဆုအတွက်လည်း... ဆန်ကာတင်စာရင်းဝင်ထားပါတယ်။ ကားသစ်တချို့ကြောင့်စိတ်ပျက်နေတဲ့သူတွေအတွက် ဒီကားကတော့... နင်းကန်မိုက်ကြောင်း သတင်းကောင်းပါးပါရစေ။ ဇာတ်လမ်းအညွှန်းနဲ့ဘာသာပြန်သူက MarTizas ဖြစ်ပါတယ်... File Size : 2.11GB / 997MB Quality : 1080p 5.1ch / 720p Duration : 01:57:00 Genre : Comedy, Crime, Sport Subtitle : Myanmar Subtitle (Hard Sub) Translated by MarTizas Encoded by Heather Oo

အားလုံးရဲ့အချစ်တော် ဂျွန်နီဒက်ပ်ရဲ့ Las Vegasမှာကြမ်းတဲ့ ရုပ်ရှင်လာပါပြီ။ ကျွန်တော်တို့တွေ အရမ်းကြိုက်ကြတဲ့ Spidermanသရုပ်ဆောင် တိုဘီမက်ဂွိုင်းယားလည်းပါဝင်အားဖြည့်ထားတဲ့အပြင် Cars animationမှာပါဝင်ခဲ့တဲ့ကက်သရင်း ဟယ်မွန်လည်းပါတော့ သိပ်ကိုကောင်းပေါ့။ ဂျွန်နီဒက်ပ်က ဒီကားနဲ့ Best Foreign Actorဆုကိုရထားပါသေးတယ်။ ဇာတ်လမ်းကတော့ ရာအိုးဒု(ဂျွန်နီဒက်ပ်)က သတင်းစာပညာပါရဂူတစ်ယောက်ပါ။ သူ့မှာ သွားအတူတူ၊လာအတူတူ၊စားအတူတူ၊ဆေးအတူတူသုံးနေကြ ဒေါက်တာဂွန်ဇွန်လို့ခေါ်တဲ့ သူငယ်ချင်းတစ်ယောက်ရှိပါတယ်။ သူငယ်ချင်း၂ယောက် သုံးစားနေကြတုန်း ဆိုင်ကယ်ပြိုင်ပွဲသတင်းသွားယူဖို့ Las Vegasဆီသွားဖို့ အကြောင်းဖန်လာပါတော့တယ်။ဆေးသမား၂ယောက် Las Vegasမှာ ဘာတွေမွှေကြမလဲ၊ ဘယ်လိုတွေဖြေရှင်းကြမလဲ၊ ဘယ်လိုတိုင်တွေပတ်ကြမလဲဆိုတာ စောင့်ကြည့်ရမှာဖြစ်ပါတယ်။ Personallyအရဆိုရင် Story Buildပိုင်းဖြစ်တဲ့ ရှေ့ပိုင်းမိနစ်၃၀လောက်တော့ စမ်းတဝါးဝါးဖြစ်နေပင်မယ့် အဲ့နောက်ပိုင်းမှာတော့ ရုပ်ရှင်က ကြည့်ရတာတော်တော်ကောင်းပါတယ်။ ဆေးသမား၂ယောက် ဆေးမူးပြီး တိုင်ပတ်ကြတာတွေ ပလပ်ကျွတ်နေတာတွေနဲ့ကို တစ်ခါတလေရယ်ရတဲ့အခန်းလေးတွေပါပါသေးတယ်။ ညဘက် Beerလေးသောက်ရင်း ဆေးလိပ်လေးဖွာရင်းနဲ့ chillရင် အတော်ကိုကောင်းဖို့ရုပ်ရှင်တစ်ကားဖြစ်ပါတယ်။ File size…(2.83GB)  / (1.5GB) / (761.39MB) Quality…. Web 1080P / 720p / 480p Format…mp4 Duration….01:58:00 Genre... Adventure / Comedy / Drama Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

My Own Private Idaho IMDB - 7.1 Rotten Tomatoes - 79% Narcolepsy လို့ခေါ်တဲ့ ဦးနှောက်တုံ့ပြန်မှုပုံမမှန်ဝေဒနာသည် ခြေသလုံးအိမ်တိုင် မိုက်ဝေါတားစ်(River Phoenix)က gay prostitute အဖြစ် လုပ်စားနေသူပါ။ စကော့တ်ဖေဗာ(Keanu Reeves)က မြို့တော်ဝန်ရဲ့သား ဖြစ်ပေမယ့် မိဘတွေနဲ့ သဘောထားချင်းမတိုက်ဆိုင်လို့ အိမ်ပေါ်က ဆင်းပြီး မိုက်တို့လို လိုက်လုပ်ပြီး နေတယ်။ သူတို့လို လမ်းဘေးလူငယ်လေးတွေက ဘော့ပ်လို့ ခေါ်တဲ့ လူဝကြီးတဦးကို ခေါင်းဆောင်တင်ထားတယ်။ ငယ်ငယ်ကတည်းက မေတ္တာငတ်ခဲ့တဲ့ မိုက်ဟာ ပျောက်ဆုံးနေတဲ့ မိခင်ကို ရှာဖွေရင်း စကော့တ်ကို သံယောဇဉ်တွယ်လာခဲ့တယ်။ အခြေအနေတခုကြောင့်သာ လမ်းဘေးဘဝကို ရွေးချယ်ခဲ့တဲ့ စကော့တ်က အချိန်တန်ရင် မိဘဆီ ပြန်မှာလို့ ပြောထားပြီးသား။ ဘော့ပ်တို့ကလည်း စကော့တ်ကို မျှော်မှန်းပြီး ဆင်ဖြူတော်မှီကြံစုပ်ဖို့ ရည်ရွယ်ထားတယ်။ အဆင့်အတန်းနဲ့ ဘဝ မိုးနဲ့မြေလို ကွာခြားတဲ့ သူငယ်ချင်းနှစ်ယောက် ခွဲရမယ့် တနေ့ကို ရောက်လာတဲ့အခါမှာတော့...။ ဒီကားကို ရှိတ်စပီးယားရဲ့ Henry IV ပြဇာတ်ကို မှီငြမ်းပြီး indepentdant film အဖြစ် ရိုက်ထားတာ ဖြစ်ပါတယ်။ ကျနော်တို့ဂျွန်ဝစ်ကြီး ငယ်ငယ်က River Phoenix နဲ့ ရိုက်ခဲ့တဲ့ bromance ဇာတ်ကားဖြစ်ပါတယ်။ (Joaquin Phoenix ရဲ့အကိုလို့ ပြောစရာ မလိုအောင်) River Phoenix က သရုပ်ဆောင် ကောင်းလွန်းလို့ ဒီကားနဲ့ ဗင်းနစ်ရုပ်ရှင်ပွဲတော်မှာ Best Actor ဆုရခဲ့သလို Best Supporting Actor အဖြစ် အော်စကာတစ်ကြိုစာရင်းထဲ ဝင်ခဲ့ပါတယ်။ ကီနူးရိဗ်က ဒီရုပ်ရှင်ရဲ့ ဇာတ်အကြမ်းမူကို သူ့အချစ်ဆုံးသူငယ်ချင်း River ဆီ မိုင်တထောင်ကျော်ခရီးကို ဆိုင်ကယ်စီးပြီး သွားပြခဲ့သတဲ့။ ဝမ်းနည်းစရာကောင်းတာက River ဟာ ဒီကားရိုက်ပြီး နှစ်နှစ်အကြာ အသက် ၂၃ အရွယ်မှာ overdose ဖြစ်ပြီး ကွယ်လွန်ခဲ့ပါတယ်။ လူကြီးများနှင့် အတူကြည့်ဖို့ မသင့်တော်တဲ့ ဇာတ်ဝင်ခန်းနဲ့ စကားလုံးတွေ ပါဝင်ပါတယ်။ ဖောင်းဒိုင်းအခန်းတွေကို သရုပ်ဖော်ထားပုံက ထူးခြားပါတယ် (ကြည့်ပြီးရင်တော့ မဆဲပါနဲ့ :3 )။ (အညွှန်းနဲ့ဘာသာပြန်ကိုတော့ Waiyan Philip မှ တင်ဆက်ထားတာပါ။) File size…(1.8 GB) and (1.1 GB) Quality…BluRay 1080p & 720p 5.1CH Format…mp4 Duration….01:45:00 Subtitle….Myanmar Subtitle (Hardsub) Encoder….Nyeinsaeya Aung Translated by Waiyan Philip

ဒီတစ်ခေါက်part 3မှာတော့ part 1 နဲ့ part 2 မှာတုန်းကလို အနာဂတ်ကိုပြန်သွားမှာမဟုတ်ဘဲ အတိတ်ကိုပြန်သွားတာကို ရိုက်ပြထားတာဖြစ်ပါတယ်ခင်ဗျာ.. back to the future 1 ရဲ့ဇာတ်သိမ်းခန်းနဲ့ချိတ်ဆက်ပြီးရိုက်ပြထားပါတယ်။ မာတီနဲ့ဒေါက်တာတို့ရဲ့သံယောဇဉ်ကို ဒီအပိုင်း၃မှာ ပိုပြီးကွက်ကွက်ကွင်းကွင်းမြင်တွေ့ရမှာပါ။ ကောင်းဘွိုင်ခေတ်မှာပိတ်မိနေခဲ့တဲ့ဒေါက်တာဟာ အသက်ရှည်ရှည်မနေရဘဲ အသတ်ခံလိုက်ရတဲ့အတွက် မာတီဟာ ဒေါက်တာ့ကိုကယ်ဖို့ အတိတ်ကိုခရီးလွှင့်လာပါတော့တယ်။ ကောင်းဘွိုင်ခေတ်စွန့်စားခန်းတွေနဲ့သိပ္ပံပေါင်းစက်ထားတဲ့ ဤဇာတ်ကားကိုပရိသတ်ကြီးအကြိုက်တွေ့စေမှာအမှန်ပါပဲခင်ဗျာ.. ဤpart 3 ကို part 1 နဲ့ part 2 ကိုကြည့်ပြီးကြည့်မှသာပိုသဘောပေါက်နိုင်မှာမို့ ပထမ၂ကားကိုအရင်ကြည့်ကြပါလို့တိုက်တွန်းလိုက်ပါတယ်ခင်ဗျာ.. ပရိသတ်ကြီးပေးလိုက်ရတဲ့အချိန်နဲ့တန်အောင်ရသမျိုးစုံပေးမယ့် ဇာတ်ကားကောင်းတစ်ကားဖြစ်ပါတယ်။ Quality__480p, 720p and 1080p Bluray IMDb Rating__7.4/10 Format__mp4 Duration__1h 58min Type__Adventure, Comedy, Sci-Fi Subtitle__Myanmar Subtitle (Hardsub) Translated by Yoon Sandi Aung Encoded by Htet Wai Lwin

ဒီကားလေးကတော့ Channel Myanmar မှာ တစ်ခါ တင်ပေးဖူးတဲ့ Back To The Future ရဲ့ အဆက်လေးပါ။ အဆက်ဆိုတဲ့ အတိုင်း ပထမပိုင်းကို ကြည့်ဖူးမှပဲ ဒီအပိုင်းကို ကြည့်ရတာ အရသာ ပိုရှိမှာပါ။ ပထမပိုင်းကို ကြည့်ဖူးတဲ့သူတွေဆိုရင်လဲ ဒီအပိုင်းကို မကြည့်ပဲကို နေနိုင်ကြမှာ မဟုတ်ပါဘူး။ reviewတစ်ခုမှာ ရေးထား သလို ပါပဲ...Back To The Future ကို ရုပ်ရှင် အဖြစ် အသက်မသွင်းခင်က ဖန်တီးသူတွေ ဖြစ်ကြတဲ့ Robert Zemeckis နဲ့ Bob Gale တို့ကိုယ်တိုင်တောင် ဒီလောက် အောင်မြင်မှုနဲ့ ဝင်ငွေတွေ ရလိမ့်မယ်လို့ ထင်မိကြမှာ မဟုတ်ဘူးတဲ့။ ၁၉၈၉ မှာ ထွက်ရှိခဲ့တဲ့ ဒီအချိန်ခရီးသွား ဇာတ်ကားမှာ Marty Mcfly တစ်ယောက် အတိတ်ကနေ ပြန်ရောက်ရောက်ချင်းပဲ Dr.Emmett နဲ့အတူ အနာဂတ်ကို ဆက်သွားရဖို့ အကြောင်းဖန်လာပါတယ်။ Marty လုပ်ရမယ့် အလုပ်က သူ့ကိုယ်တိုင်ရဲ့ သားအဖြစ်နဲ့ သူ့ကို ထောင်ကျမယ့် အရေးက ကာကွယ်ပေးရမှာပါ။ ဒါပေမယ့် အနာဂတ်အဖြစ်အပျက်တွေက ပစ္စုပ္ပန် ကို ပြောင်းပစ်လိုက်တဲ့ အခါမှာတော့ အခြေအနေတွေက ပိုဆိုးရွား သွားပါတော့တယ်။ ၁၉၈၉ က သိပ္ပံဇာတ်ကား က IMDb 7.8 ရရှိထားတာကလဲ အထင်ကြီးစရာပါ။ Quality__480p, 720p and 1080p Bluray IMDb Rating__7.5/10 Format__mp4 Duration__1h 48min Type__Adventure, Comedy, Sci-Fi Subtitle__Myanmar Subtitle (Hardsub) Translated by Myat Shaw Encoded by Htet Wai Lwin

ဒီရုပ်ရှင်ကားက S.E Hinton ရဲ့ နာမည်တူဝတ္ထုကို ရုပ်ရှင်ပြန်ရိုက်ထားတာဖြစ်ပြီး 1960 ခုနှစ် ဝန်းကျင်မှာ ဇာတ်အိမ် တည်ထားပါတယ်။ Greaserလို့ ခေါ်တဲ့ အမေရိကရဲ့ လမ်းသရဲလူငယ်လေးတွေ နဲ့ Soc လို့ခေါ်တဲ့ အထက်တန်းလွှာ လူငယ်တွေရဲ့ ရန်ပွဲ ပဋိပက္ခကို နောက်ခံထားပြီး သူငယ်ချင်း ညီအစ်ကို ဆက်ဆံရေးတွေကို လှပအောင် ရိုက်ထားတာပါ။ Castတွေ အနေနဲ့လည်း အများသိပြီးသား နာမည်ကျော်တွေ ပါဝင်ထားပြီး The Godfather တို့ Apocalypse Now တို့ရဲ့ Director Francis Ford Coppola ပဲ ရိုက်ထားတာ ဖြစ်ပါတယ်။ ဇာတ်လမ်းအကြောင်း ဆက်ရရင် Ponyboy နဲ့ Johnny ဆိုတဲ့ သူငယ်ချင်း နှစ်ယောက်ဟာ သူတို့ သူငယ်ချင်းအဖွဲ့ထဲမှာ အငယ်ဆုံးတွေ ဖြစ်သလို Socs တွေရဲ့ အနိုင်ကျင့်ရိုက်နှက်တာကိုလည်း ခံနေရသူတွေပါ။ တစ်ည ရုပ်ရှင်ရုံက အပြန်မှာ Socs တွေနဲ့ ကြုံပြီး တိုက်ခိုက်ခံခဲ့ရပါတယ်။ အဲ့ဒီနောက်ပိုင်းမှာ Socsထဲက တစ်ယောက်က သေဆုံးသွားတဲ့ အခါမှာ အရာအားလုံး ပြောင်းလဲသွားပြီး Greasers တွေနဲ့ Socs တွေရဲ့ ထိပ်တိုက် ရန်ပွဲ ဖြစ်လာပါတော့တယ်။ File size…(1.9 GB)/(990 Mb) Quality….Blu-Ray 1080p / 720p Format… mp4 Duration…. 01:31:00 Genre... Coming of Age, Teen Drama, Crime, Drama Subtitle….Myanmar Subtitle (Hardsub) Encoder….Garfield Translated by Leonie