Ge You ပါဝင်သော ဇာတ်ကားများ

ဒီဇာတ်ကားက နိုင်ငံတော် တည်ထောင်ခြင်းလို သမိုင်းဝင် အခိုက်အတန့်ကြီးရဲ့ နောက်ကွယ်က "မမြင်ရတဲ့ သူရဲကောင်းတွေ" ရဲ့ ပုံပြင်ပဲလို့ ဆိုရမှာပါ.... ၁၉၄၉ ခုနှစ်၊ တရုတ်ပြည် နိုင်ငံတော် တည်ထောင်ခြင်း အခမ်းအနားကြီး မတိုင်ခင် တစ်ရက်အလိုမှာ၊ ထျန်းအန်းမင် ရင်ပြင်ကို စစ်အမိန့်နဲ့ လုံခြုံရေး အပြည့်အဝ ချထားတဲ့ တင်းမာတဲ့ အခြေအနေကို ပုံဖော်ထားတာပါ... တရုတ်ပြည်ရဲ့ ပထမဆုံးအကြိမ် နိုင်ငံတော် အလံလွှင့်တင်မယ့် လျှပ်စစ်စနစ် ဖြစ်တာကြောင့် အမှားအယွင်း လုံးဝမရှိရဘူးဆိုတဲ့ ခေါင်းဆောင်တွေရဲ့ အမိန့်ကို သတ်မှတ်ထားတဲ့ နာရီပိုင်းအတွင်းမှာ စနစ်ကြီးတစ်ခုလုံးနဲ့ အတိအကျတူညီတဲ့ အချိန်ကုန်ခံပြီး တည်ဆောက်ခဲ့တဲ့ အကြောင်း ဇာတ်လမ်းလေးနဲ့ အစပြုခဲ့တာ ယနေ့ခေတ် စမှတ်ချင်းမတူ လျှောက်လမ်းချင်း မတူညီတဲ့ကြားက တိုက်ပွဲဝင်နေတဲ့ အမျိုးသမီး လေတပ်မှူးတွေရဲ့ အောင်မြင်မှုနောက်ကွယ်က ပေးဆပ်မှုကို ပုံဖော်ပြတဲ့အထိ ဇာတ်လမ်းအသေးလေးတွေကို စုစည်းထားတဲ့ ဇာတ်ကားမလို့ အတော်လေး စိတ်ဝင်စားဖို့ကောင်းပါတယ်.... File Size : 2.77 GB / 1.44 GB Quality : WEB-DL 1080p HEVC , 720p HEVC Format : mp4 Duration : 2h 34 min Genre : History, Drama Subtitle : Myanmar Subtitle (Hard Sub)

Cook Up a Storm (2017) IMDb - 6.4/10 Rotten - 61% ဒီကနေ့ ပရိသတ်တွေခံစား ဖို့ကိုတော့ IMDb Rating (6.4/10) ရရှိထားတဲ့ ဟောင်ကောင်ဟာသ ဇာတ်ကားလေး ရွေးထားပါတယ်။ နာမည်ကျော် စားဖိုမှူး နှစ်ဦးရဲ့ အရှေ့တိုင်းနဲ့ အနောက်တိုင်း လက်ရာ ဟင်းလျာချက်ပြုတ်အား ပြိုင်မှုတွေကို ကြည့်ရမယ့် ဇာတ် ကားလေးမို့ ပရိသတ်တွေအတွက် ရသအပြောင်းအလဲလေးပေးစွမ်း နိုင်မယ်လို့ ထင်ပါတယ်။ စကိုင်းကိုဟာ ကန်တုန်လမ်း ဘေး စားသောက်ဆိုင်တစ်ဆိုင် က ကျွမ်းကျင်စားဖိုမှူးတစ်ယောက်ဖြစ်ပြီး ဟင်းလျာ အမည်ပေါင်းများစွာကို အချိန်ခဏလေး အတွင်းမှာ စီမံချက်ပြုတ်နိုင်သူပါ။ ပေါလ်အန်းကတော့ ပြင်သစ်နိုင်ငံမှာ ကမ္ဘာ့နာမည်ကြီး ဟင်းလျာချက်ပြုတ်နည်းတွေကို သင်ယူလာခဲ့တဲ့ မီချီလင်စတားစားဖိုမှူး တစ်ယောက်ပါ။ စကိုင်းရဲ့ဆိုင်ကလည်း လမ်းဘေးဆိုင်လို့ဆိုပေမယ့် နှစ်ပေါင်း များစွာကတည်းက စားသုံးသူတွေ ရဲ့ အကြိုက်ဟင်းလျာတွေကို ရိုး ရာချက်ပြုတ်နည်းတွေ ချက်ပြုတ် ဝန်ဆောင်မှုပေးရင်း အောင်မြင်နေတဲ့ ဆိုင်တစ်ခုဖြစ်သလို ပေါလ်အန်းကတော့ ကြယ်သုံးပွင့်စားဖိုမှူးတစ်ယောက်အဖြစ်နဲ့ ခမ်းနားတဲ့ စားသောက်ဆိုင်ကြီးမှာ နောက်ဆုံးပေါ် ဟင်းချက်နည်းတွေနဲ့ ပြင်ဆင်ချက်ပြုတ်မှုတွေကို တွေ့ရမှာပါ။ တစ်ရက်မှာတော့ အကြီးကျယ်ဆုံး ဟင်းလျာချက်ပြုတ်ပြိုင်ပွဲတစ်ခုမှာ နှစ်ယောက်စလုံး ဝင်ရောက်ယှဉ်ပြိုင်ဖို့ ဖြစ်လာတဲ့အခါ မှာ နှစ်ယောက်သားဟာ ပွဲမဝင်ခင်ကတည်းက အပြင်မှာ မကျေလည်မှုလေးတွေ ရှိနေခဲ့ပါတယ်။ စကိုင်းက သူ့ရဲ့ချက်ပြုတ်မှု စွမ်းရည်အတွက် ဟင်းချက်ရာမှာ ဆရာတစ်ဆူဖြစ်တဲ့ အန်ကယ်ဆဲ ဗင်းဆီမှာ သင်ယူချင်ပေမယ့် သူငယ်စဉ်ဘဝ ဟင်းကောင်းကောင်းမချက်တတ်ခင်က အငြင်းခံထားရတဲ့ ရာဇဝင်ရှိတာမို့ စိုးရိမ်မှုတွေရှိနေခဲ့ပါတယ်။ တစ်ဖက်မှာ လည်း ပေါလ်အန်းဟာ ပြင်သစ် မှာ သင်လာခဲ့တဲ့ အသစ်အသစ် သော ဟင်းချက်နည်းတွေနဲ့ ပြိုင် ဘက်ကို ယှဉ်ပြိုင်နိုင်ဖို့ ပြင်ဆင် ခဲ့ပါတယ်။ အချက်အပြုတ် ဦးစားပေး ဇာတ်ကားမို့ အသီးအရွက်၊ သား ငါးလှီးချွတ်တာတွေ၊ အလှဆင် တာတွေ၊ ပြင်ဆင်ချက်ပြုတ်တာ တွေကလည်း ဇာတ်လမ်းအကြောင်းအရာနဲ့အတူ ဆွဲဆောင်ဦးမှာ သေချာပါတယ်။ ကျွမ်းကျင်စားဖိုမှူး နှစ်ဦးအကြားက အရှေ့တိုင်းနဲ့ အနောက်တိုင်းစတိုင် ချက်ပြုတ်မှုတွေကြား ဘယ်လို အားပြိုင်မှု တွေ ရှိမလဲဆိုတာ ဆက်ကြည့် လိုက်ဦးနော်။ ဒီဇာတ်ကားမှာ စကိုင်းကို အဖြစ် နီကိုလက်စ်စီ၊ ပေါလ်အန်း အဖြစ် ဂျန်ယောင်းဝှာ၊ အန်ကယ် ဆဲဗင်းအဖြစ် ဂဲယို၊ ယူနီအဖြစ် တစ်ဖနီတန်၊ မာယိုအဖြစ် မစ် ရှဲယ်ပိုင် စတဲ့ သရုပ်ဆောင်တွေ ပါဝင်ထားပါတယ်။ (ရုပ်ရှင်အညွှန်းကို 7daydaily.com မှကူးယူဖော်ပြပါသည်။) File size…(900 MB) Quality…Blu-Ray Rip 720p Format…mp4 Duration….01:37:00 Subtitle….Myanmar Subtitle (Hardsub) Encoder….Nyeinsaeya Aung Translated by Missy Win

2010 ခုနှစ်က ထွက်ရှိထားတဲ့ နန်းတွင်းအရှုပ်တော်ပုံ ရုပ်ရှင်ကြီးကို ဘာသာပြန်တင်ဆက်ပေးလိုက်ပါတယ်။ တရုတ်သမိုင်းမှာ နာမည်ကြီးဝတ္ထုကို အခြေခံပြီးရိုက်ကူးထားတာ ဖြစ်ပြီး နာမည်ကြီးသရုပ်ဆောင်တွေက အားဖြည့်ထားတာဖြစ်တဲ့အတွက် ကြည့်ရှုလိုက်ဖို့ တိုက်တွန်းလိုက်ပါတယ်။ ဇာတ်လမ်းအကျဉ်းကတော့- ချွင်းချိုးခေတ်မှာ ကျင့်လင်ဘုရင်ဟာ အာဏာရှိအမတ် ထူအန်းကူအာဏာရနေတာကို မနှစ်မြို့တဲ့အပြင် အမတ်ချုပ် ကျောက်ရှော့ရဲ့ စိတ်ထင်တိုင်းပြုမူပုံကိုလည်း မုန်းတီးခဲ့ပါတယ်။ ကျောက်ရှော့ရဲ့သား ကျောက်စွမ်းဟာ စစ်ပွဲမှာ ထူးချွန်တဲ့ စွမ်းဆောင်ရည်တွေ ရရှိခဲ့တဲ့အပြင် ဇနီးဖြစ်သူ ကျွမ်းကျီးဟာလည်း ကိုယ်ဝန်လွယ်ထားရတဲ့အတွက် ပျော်ရွှင်မှုများ ရရှိနေခဲ့ပါတယ် ထူအန်းကူဟာ အဲဒါကို ခြိမ်းခြောက်မှုကြီးအဖြစ် သတ်မှတ်ပြီး နန်းတော်ထဲမှာ အဆိပ်ခတ်ဖို့ ကြံစည်ပြီး လင်မင်းကြီးရဲ့အမိန့်ကို အသုံးချကာ ကျောက်မျိုးနွယ်ကို မျိုးတုံးသတ်ဖြတ်ခဲ့ပါတယ် ကျွမ်းကျီးဟာ သမားတော် ချန်ယင်းမှ သွေးခုန်နှုန်းစမ်းသပ်နေစဉ် ခင်ပွန်းဖြစ်သူ ကျောက်စွမ်း သေဆုံးသွားတာကို မျက်မြင်တွေ့ခဲ့ရပြီး ဝမ်းနည်းပူဆွေးမှုများကြားမှာ ကလေးကို မွေးဖွားဖို့ ဆုံးဖြတ်ခဲ့ပါတယ်။ အဲဒီအချိန်မှာ ထူအန်းကျားရဲ့ လက်အောက်ငယ်သား ဟန်ကျွယ်ဟာ မျိုးတုန်းသတ်ဖို့ ရောက်ရှိလာခဲ့ပါတယ်။ အရေးပေါ်အခြေအနေမှာ ကျွမ်းကျီးဟာ ကလေးငယ်ကို ချန်ယင်းလက်ထဲ အပ်နှံပြီး ကုန်းစွန်းချူကျို့ဆီ ပေးပို့စေပြီးနောက် ဓားနဲ့ မိမိကိုယ်ကို အဆုံးစီရင်ခဲ့ပါတယ် အဲဒီနောက် ဟန်ကျွယ်ကို ထူအန်းကူက ဓားနဲ့ ခုတ်ခဲ့ပြီး ထူအန်းကူက မြို့ကိုပိတ်ဆို့ပြီး တစ်အိမ်တက်ဆင်း ကလေးငယ်များကို ရှာဖွေဖို့ အမိန့်ပေးခဲ့ပါတယ် အရေးတကြီးအခြေအနေမှာ ချန်ယင်းရဲ့ဇနီးဟာ ကျောက်မျိုးနွယ်မိဘမဲ့ကလေးကို အပ်နှံလိုက်ပါတယ်။ ချန်ယင်းဟာ ကျောက်မျိုးနွယ် မိဘမဲ့ကလေးကို ကယ်တင်ဖို့သွားပြီး ချန်ယင်းဇနီးဟာ ကုန်းစွန်းချူကျို့ထံ သွားတွေ့ပါတယ် မြို့ပိတ်ထားတဲ့အတွက် ချန်ယင်းဇနီးနဲ့ ကလေးဟာ လျှို့ဝှက်နံရံထဲမှာ ပုန်းအောင်းနေခဲ့ရပါတယ်။ ထူအန်းကူဟာ ကလေးငယ်ရဲ့ တည်နေရာကို ချန်ယင်းဆီက ဖွင့်ဟဝန်ခံလာစေဖို့ ညှဉ်းပန်းနှိပ်စက်ခဲ့ပြီး ကုန်းစွန်းချူကျို့နဲ့ ချန်ယင်းဇနီးနဲ့ကလေးကို တစ်ဆက်တည်း သတ်ဖြတ်ခဲ့ပါတယ်။ ချန်ယင်းဟာ ဝမ်းနည်းပူဆွေးမှုကို မြိုသိပ်ပြီး ကျောက်မျိုးနွယ် မိဘမဲ့ကလေးကို တစ်ဦးတည်း ပြုစုပျိုးထောင်ခဲ့ပါတယ်။ ဟန်ကျွယ်ဟာ ဆေးကုသမှုခံယူချိန်မှာ အမှန်တရားကို သိရှိသွားပြီး ချန်ယင်းနဲ့ သေအတူရှင်မကွဲ မဟာမိတ်ဖွဲ့ခဲ့ပါတယ်။ ချန်ယင်းဟာ ကျောက်မျိုးနွယ် မိဘမဲ့ကလေးကို ခေါ်ဆောင်ကာ ထူအန်းကူရဲ့ လက်အောက်ကို ဝင်ရောက်ခဲ့ပြီး ထူအန်းကူကို ကျောက်မျိုးနွယ် မိဘမဲ့ကလေးကို မွေးစားသားအဖြစ် လက်ခံစေခဲပါတယ် အဲဒီအချိန်ကစပြီး ၁၅ နှစ်ကြာလက်စားချေခြင်း အစီအစဉ်ကြီး စတင်ခဲ့ပါတော့တယ် Filesize : 3.06 GB / 1.45 GB Quality : WEB-DL 1080p HEVC , 720p HEVC Format : mp4 Genres : History, Drama, Action, and Thriller Runtime : 2h 8 min Subtitle : Myanmar Subtitle ( Hardsub )

ဒီကားလေးကတော့ ၁၉၂၀ ဝန်းကျင်လောက်က တရုတ်နယ်မြို့လေးတမြို့ကို အခြေခံပြီး ဂိုဏ်တွေကြားက ပြဿနာလေးကို ရိုက်ပြထားတဲ့ကားလေး တစ်ကားဖြစ်ပါတယ်။ နာမည်ကျော် မင်းသားကြီးတွေ့ဖြစ်တဲ့ Chow Yun Fat, Wen Jiang နဲ့ You Ge တို့ ပါဝင်သရုပ်ဆောင်ထားတာမို့ ကြည့်မကောင်းမှာကို စိုးရိမ်နေစရာမလိုပါဘူး..... ဇာတ်လမ်းလေးကတော့ လူသူအရောက်အပေါက်နည်းလှတဲ့ နယ်မြို့လေးကို ဓားပြခေါင်းဆောင်နဲ့ အဖွဲ့က ခြယ်လှယ်အုပ်စိုးဖို့ ရောက်လာကြပါတယ်......သူတို့ အုပ်စိုးခြယ်လှယ်ဖို့ မပြင်ဆင်နိုင်သေးမှာခင် နယ်ခံ သူခိုးအကြီးစားကြီးနဲ့ အရင်ဆုံး ရင်ဆိုင်ရပါတော့တယ်...... နယ်မြို့လေးကို ခြယ်လှယ်ဖို့လာတဲ့ ဂိုဏ်းကြီးနဲ့ အရင်ကတည်းက အုပ်စိုးနေတဲ့ သူခိုးအကြီးစားကြီးတို့ ထိပ်တိုက်ရင်ဆိုင်ရတဲ့အချိန် လက်ရုံးရည် နှလုံးရည် ဘယ်လိုယှဉ်ကြမလဲဆိုတာ ကြည့်ရှုလိုက်ကြပါဦးလို့ File size…(2.7 GB)/(1.6 GB) Quality….Blu-Ray 1080p / 720p Format… mp4 Duration…. 02:12:00 Genre... Action, Comedy, Drama, Western Subtitle….Myanmar Subtitle (Hardsub) Encoder….Garfield Translated by Dar Dar

ဒီတစ်ခါမှာတော့ ၂၀၀၉ ခုနှစ်ထွက် တရုတ်ပြည်သူ့သမ္မတနိုင်ငံ ထူထောင်ခြင်း နှစ် ၆၀ ပြည့် အထိမ်းအမှတ်အဖြစ် ထုတ်လုပ်ခဲ့တဲ့ The Founding of a Republic (建国大业) ဇာတ်လမ်းနဲ့ မိတ်ဆက်ပေးချင်ပါတယ်။ ဒီဇာတ်လမ်းဟာ ၁၉၄၅ ခုနှစ်၊ ဂျပန်တို့ လက်နက်ချပြီးနောက် ချန်ကေရှိတ် ဦးဆောင်တဲ့ အမျိုးသားရေးအစိုးရ (ကူမင်တန်) နဲ့ မော်စီတုန်း ဦးဆောင်တဲ့ တရုတ်ကွန်မြူနစ်ပါတီ (CCP) တို့ကြားက တင်းမာတဲ့ ငြိမ်းချမ်းရေးဆွေးနွေးပွဲတွေ၊ နိုင်ငံရေးနဲ့ စစ်ရေးပဋိပက္ခတွေ များစွာဖြစ်ပွားခဲ့တဲ့ ကာလကို အခြေတည်ပြီးရိုက်ကူးထားတာပါ။ ပါတီနှစ်ခုကြား ကနဦး သဘောတူညီချက်တွေ ရှိခဲ့ပေမဲ့ နောက်ပိုင်းမှာ အတွေးအခေါ်ကွာဟတာများလာတဲ့အတွက် ပေါင်းကူးရန် မဖြစ်နိုင်တဲ့အခါ အစတည်းက နုနယ်လွန်းလှတဲ့ ငြိမ်းချမ်းရေး‌ လျင်မြန်စွာ ပြိုကွဲသွားပြီး တရုတ်ပြည်တွင်းစစ် ပြန်ဖြစ်လာပါတော့တယ်။ ဒီဇာတ်လမ်းမှာတော့ ကွန်မြူနစ်ပါတီနဲ့ ကူမင်တန်တို့ကြားက အားပြိုင်မှုတွေ၊ နိုင်ငံရေးကစားကွက်တွေနဲ့ အတွေးအခေါ်ယူဆချက်တွေကို တွေ့မြင်နိုင်မှာဖြစ်ပါတယ်။ မော်စီတုန်းအဖြစ် Tang Guoqiang၊ ချန်ကေရှိတ်အဖြစ် Zhang Guoli အပါအဝင် တရုတ်နိုင်ငံရဲ့ ထိပ်တန်းသရုပ်ဆောင်တွေ မြိုင်မြိုင်ဆိုင်ဆိုင် ပါဝင်ထားတဲ့အတွက် ၂ နာရီကျော်ကြာမြင့်တဲ့ ဒီဇာတ်ကားကို တရုတ်နိုင်ငံရဲ့ သမိုင်းကြောင်းနဲ့ နိုင်ငံရေးကို စိတ်ဝင်စားတဲ့သူတွေ ကြည့်ရှုသင့်ကြောင်း အကြံပေးလိုပါတယ်။ အသုံးအနှုန်းများမှားတာရှိရင် ကြိုတင်ခွင့်လွှတ်ပေးစေလိုပါကြောင်း。。。 Quality.....WebRip 1080p / 720p File Size.....(3.2 GB) / (1.4GB) Genre.....Drama, History, War Duration.....02:18:00

မင်းသမီးကျန်းကျိရိပါဝင်ထားတဲ့ ခမ်းနားတဲ့အချစ်ဇာတ်ကားလေးပါပဲ... အချစ်ဇာတ်ကားဆိုပေမယ့် သိုင်းကစားပြီး Crouching Tiger, Hidden Dragon လို ဇာတ်လမ်းကိုပုံဖော်ထားပါတယ်... ရိုက်ကူးထားတဲ့ပုံစံတွေ သိပ်ကိုခမ်းနားပါတယ်..ကြည့်ကြည့်ပါ။ မင်းသား Daniel Wu တို့ မင်းသမီး Xun Zhou တို့လဲ ပါပါသေးတယ်.. အချိန်ကတော့ တရုတ်ပြည်ဖရိုဖရဲဖြစ်နေတဲ့ "မင်းဆက်ငါးဆက်..နိုင်ငံဆယ်နိုင်ငံ" ၉ ရာစုခေတ်ကာလကိုအခြေခံထားပါတယ်.. နိုင်ငံငယ်တွေ ရောထွေးနေတဲ့အပြင် ဘုရင် မှူးမတ်တွေ အချင်းချင်းပြန်သတ်ကြပြီး အာဏာလုနေကြတာနဲ့ တစ်နိုင်ငံလုံး သွေးချောင်းစီးနေချိန်ပေါ့... ဒီအချိန်မှာ ဘုရင်ကို ညီတော်မောင်ကသတ်ပြီး ဘုရင်ထလုပ်ရော... ပြီးတော့ သေသွားတဲ့ဘုရင်ရဲ့မိဖုရားခေါင်ကြီး ဝမ်ကို ထပ်ယူဖို့ကြံပြန်ရော.. ဖြစ်ချင်တော့ မိဘုရားခေါင်ကြီးဝမ်ကလဲ သေသွားတဲ့ဘုရင်ကိုယူသာယူထားတာ... သူနဲ့ချစ်ကြိုက်နေတာက ဘုရင့်သား အိမ်ရှေ့မင်းသား... ဒီတော့ မိဖုရားခေါင်ကြီးနဲ့ အိမ်ရှေ့မင်းသားနဲ့ ခုမှ ဘုရင်ထလုပ်တဲ့ဦးရီးတော်တို့ကြား ဘယ်လိုရှေ့ဆက်ကြမယ်ဆိုတာ...။ အချစ်နဲ့စစ်ဆိုတာ နှစ်ခုလုံးကြေကွဲစရာချည်းပါပဲ။ File size…(2.2 GB)/ (1.1 GB) / (500 MB) Quality…BluRay 1080p /720p/480p Format…mp4 Duration….02:11:00 Subtitle….Myanmar Subtitle (Hardsub) Encoder….Nyeinsaeya Aung Translated by Omi

ရှကန်းဟာ အသက် ၁၆ နှစ်ကတည်းက အိမ်ကနေထွက်လာပြီး တိဗက်တောင်တန်းဒေသမှာ ဘုန်းကြီးကျောင်းတွေပြန်‌ဆောက်တဲ့အလုပ်လုပ်လာခဲ့တာ ၅ နှစ်ရှိသွားခဲ့ပြီ။ ၅ နှစ်လုံးလုံးအိမ်မပြန်ခဲ့ရတဲ့ရှကန်းဟာ နှစ်သစ်ကူးလို သူများတွေအိမ်ပြန်ချိန်မှာ သူဟာတောင်ပေါ်ဒေသမှာ ဝံပုလွေလေးတွေနဲ့ပဲ သူငယ်ချင်းလုပ်ပြီးနေခဲ့တယ်။ ၅ နှစ်အတွင်းစုဆောင်းငွေ ၆ သောင်းနဲ့ မွေးရပ်မြေပြန်ပြီး အိမ်ဆောက်မယ် မိန်းမယူမယ်ပေါ့။ ဝံ‌ပုလွေတွေနဲ့တောင် သူငယ်ချင်းလုပ်နိုင်တဲ့ ရှကန်းရဲ့လောကကြီးမှာ လူတွေက ဝံပုလွေထက်ပိုဥာဏ်ကောင်းတာမို့လို့ သူခိုးဆိုတာလည်းမရှိဘူးလိုယုံကြည်တာကြောင့် ငွေ ၆ သောင်းကိုပိုက်ပြီး တစ်ယောက်တည်း ရထားစီးပြီး အိမ်ပြန်တယ်။ သူ့မှာ ငွေ ၆ သောင်းပါတာကို ရထားတစ်စီးလုံးနီးပါးသိသွားခဲ့ပြီး ရထားပေါ်မှာ ကျွမ်းကျင်သူခိုးအုပ်စုတစ်စုရယ်၊ ခြိမ်းခြောက်ငွေညှစ်တာ၊ ခါးပိုက်နှိုက်တာ၊ ခိုးတာအကုန်လုပ်တဲ့ စုံတွဲတစ်တွဲလည်းပါလာတော့ ရှကန်းရဲ့ ‌သူခိုးမရှိတဲ့လောကကြီးက ပြောင်းလဲသွားလေမလား။ သူထင်ထားတဲ့အတိုင်းပဲ ဆက်ဖြစ်မလား ကြည့်ရှုလိုက်ကြပါဦး။ File size…(1.7 GB)/(890 Mb) Quality….Blu-Ray 1080p / 720p Format… mp4 Duration…. 01:53:00 Genre... Action, Crime, Drama Subtitle….Myanmar Subtitle (Hardsub) Encoder….Garfield Translated by Su

တရုတ်ပြည်မှာ ခေတ်အပြောင်းအလဲတွေကို ဖြတ်သန်းရတဲ့ သာမန်မိသားစုတစ်စုအကြောင်းပါ။ မဟာခုန်ပျံကျော်လွှားမှုနဲ့ ယဉ်ကျေးမှုတော်လှန်ရေး မတိုင်ခင်ကာလကနေ စထားပြီး အဲဒီကာလတွေထဲ သူတို့မိသားစု ဘယ်လိုနေထိုင်ခဲ့ကြရသလဲဆိုတာကို ဆက်ပြထားပါတယ်။ ကြီးမားတဲ့ သမိုင်းဖြစ်ရပ်တွေကြားက နေ့စဉ်ဘဝမှာ ဝမ်းနည်းစရာတွေ ကြုံရသလို မျှော်လင့်စရာလေးတွေလည်း ရှိနေတယ်။ မွေးဖွားခြင်း၊ အိုမင်းခြင်း၊ နာမကျန်းခြင်းနဲ့ သေဆုံးခြင်းတွေကို ရင်ဆိုင်ရင်း သူတို့ဘဝက ရှေ့ဆက်နေပါတယ်။ ၁၉၉၃ ခုနှစ်မှာ ထွက်ရှိခဲ့တဲ့ Yu Hua ရဲ့ To Live ဝတ္ထုကို Zhang Yimou က ရုပ်ရှင်အဖြစ် ရိုက်ကူးထားတာပါ။ Farewell My Concubine နဲ့ ခေတ်ကာလချင်း နီးစပ်ပေမယ့် ဒီဇာတ်ကားမှာတော့ သဘင်သည်တွေရဲ့ဘဝထက် သာမန်မိသားစုရဲ့ အနိမ့်အမြင့်တွေကို အာရုံစိုက်ထားတယ်။ Gong Li က မိသားစုကို ချစ်တဲ့ အိမ်ထောင်ရှင်မအဖြစ် သရုပ်ဆောင်ထားပြီး သူ့ခင်ပွန်းနေရာမှာ Ge You ပါဝင်ထားပါတယ်။ Ge You ဟာ ဒီဇာတ်ကားနဲ့ အကောင်းဆုံးသရုပ်ဆောင်ဆုလည်း ရခဲ့ပါတယ်။ ဇာတ်ကားဖန်တီးရာမှာ မူရင်းစာရေးဆရာရဲ့ အကူအညီရခဲ့သလို ဒါရိုက်တာ Zhang Yimou ကိုယ်တိုင်လည်း ယဉ်ကျေးမှုတော်လှန်ရေးကာလကို ဖြတ်သန်းခဲ့သူဖြစ်ပါတယ်။ ဇာတ်လမ်းက အားတက်စေမယ့်စကားတွေ တမင်ပြောပြနေခြင်းမရှိဘဲ မိသားစုတစ်စုရဲ့ဘဝကိုပဲ တင်ပြထားတာပါ။ ဒါပေမယ့် အာရှရုပ်ရှင်ပရိသတ်တချို့ကတော့ ကိုယ့်ဘဝခက်ခဲနေချိန်မှာ ဒီဇာတ်ကားက မျှော်လင့်ချက်ပေးခဲ့တယ်လို့ ပြောကြပါတယ်။

Farewell My Concubine (1993) "မောင်းမငယ် နေလေရစ်" 1993ဩဂုတ်မှာ နယူးယောက်တိုင်းသတင်းစာထဲ " တရုတ်က သူ့‌မြေကရုပ်ရှင်ကို သူ့ဘာသာ ပြန်ပိတ်ဆို့လိုက်ပြီး ကိန်းရုပ်ရှင်ပွဲတော်ကတော့ အဲဒီရုပ်ရှင်ကို အမြင့်ဆုံးဆု ပေးလိုက်တယ်"ဆိုတဲ့ ‌ခေါင်းစဉ်နဲ့ ဆောင်းပါးတစ်ပုဒ်ပါခဲ့တယ်။ အဲဒီရုပ်ရှင်ဟာ 46ကြိမ်မြောက် ကိန်းရုပ်ရှင်ပွဲတော်ရဲ့ Palme d'Or ရခဲ့တဲ့ Farewell My Concubine ပါပဲ။ ဇာတ်လမ်းရဲ့ဦးအစဟာ ၁၉၂၄။၁၉၁၂မှာ ပုရီကို နန်းချပြီးနောက်ပိုင်း ဘုရင်ခေတ်ကနေ သမ္မတနိုင်ငံခေတ်ကိုကူးတဲ့ မတည်မငြိမ်ကာလတွေ ထဲမှာပေါ့။တရုတ်ပြည်မှာ အဲဒီနောက်ပိုင်းကာလတွေဟာ အပျက်ပျက် ကာလတွေချည်းပါပဲ။ ၁၉၁၆ကနေ ၁၉၂၈အတွင်းဖြစ်တဲ့ ငတ်မွတ်သေကြေမှုများခဲ့တဲ့ စစ်နယ်ရှင်ကာလအတွင်းက ခုနှစ်တစ်ခု။ အဲဒီကာလမှာ ပခြုပ်သည်မတစ်ယောက်ဟာ သူရဲ့ လူမမယ်သားကို ပေကျင်းအော်ပရာ လေ့ကျင့်ရေးကျောင်းတစ်ခုကို လာရောင်းခဲ့တယ်။ သူရောင်းခဲ့တဲ့ကလေးက လတ်စလီချောင်ရဲ့ ဇာတ်ကောင်ဖြစ်တဲ့ ပဲစေ့လေး ခေါ် တျဲ့ရီ ။ ပေကျင်းအော်ပရာရော ခေတ်ပျက်တွေရောက ဒီရုပ်ရှင်ရဲ့ သက်မဲ့ဇာတ်ဆောင်တွေဆိုတော့ ဒီရုပ်ရှင်အကြောင်းပြောမယ်ဆို ပေကျင်းအော်ပရာ အကြောင်းလည်း မပါမဖြစ် ထည့်ပြောမှရမယ်။ ပီကင်းအော်ပရာ (ဝါ) ပေကျင်းအော်ပရာဆိုတာ တရုတ်ပြည်ရဲ့ ရှေးဂန္တ၀င်အော်ပရာတစ်မျိုးပဲ။ ခုတော့ခြွင်းချက်ထားလာပေမဲ့ ဟိုးတုန်းကတော့ ပေကျင်းအော်ပရာမှာ ယောကျာ်းတွေပဲ ကပြခွင့် ပေးထားတယ်။ပေကျင်းအော်ပရာကို ပိုင်နိုင်အောင် ကတတ်ဖို့ ဆယ်နှစ်‌ကျော် ကျားကုတ်ကျားခဲ အကြမ်းပတမ်း လေ့ကျင့်ရတယ်။ အဲဒီလိုကျင့်ရတဲ့သူတွေမှာ မိဘမဲ့တွေ စွန့်ပစ်ခံကလေးတွေ အများစုပါတယ်။ မိဘတွေကိုယ်တိုင်က မကျွေး‌မွေးနိုင်လို့ ဇာတ်အဖွဲ့ကိုကျွန်အဖြစ်ရောင်းခဲ့ကြတာတွေရောပေါ့။ သူတို့ကို စခန်းသွင်းပြီး စစ်သားတွေလို ပြင်းပြင်းထန်ထန်လေ့ကျင့် ပေးခဲ့ကြတယ်။ အပြစ်ပေးမှုတွေဟာလည်း ပြင်းထန်တာပါပဲ။ ပေကျင်းအော်ပရာသမားတွေဟာ မိတ်ကပ်ကအစ ကိုယ်တိုင်ခြယ်တတ်အောင် သင်ယူခဲ့ရတယ်။ ဇာတ်ရဲ့အစမှာ တျဲ့ရီရဲ့ ပေကျင်းအော်ပရာ သင်ယူခဲ့တဲ့ ကြမ်းတမ်းကာလတွေနဲ့ စဖွင့်ထားတယ်။ အစောတင်ကပြောခဲ့သလို ပေကျင်းအော်ပရာမှာ မိန်းကလေးတွေ ပါ၀င်ကပြဖို့ကို တင်းတင်းကျပ်ကျပ် တားမြစ်ထားတယ်။အမျိုးသမီးဇာတ်ကောင်တွေလည်း ရှိတဲ့အတွက် ယောကျာ်လေးတွေကပဲ မိန်းကလေးလို သရုပ်ဆောင်ခဲ့ရတာပါပဲ။ ဒီရုပ်ရှင်မှာဆို အဓိက ကပြတဲ့ အော်ပရာ "မောင်းမငယ် နေလေရစ်"ပေါ့။ ချူဘုရင်နဲ့ ဟန်ဘုရင်စစ်မက်ဖြစ်ခဲ့တဲ့ အကြောင်း။ အဲဒီအော်ပရာရဲ့ အဓိကဇာတ်ကောင်က ကိုယ်လုပ်တော်ယွီ။ သူ့ အော်ပရာရဲ့ အဓိကဇာတ်ကောင်ကိုက မိန်းကလေးဖြစ်နေတော့ အဲဒီ‌ဇာတ်ကောင်ကို ပိုင်ပိုင်နိုင်နိုင် ကပြဖို့ သိပ်အရေးကြီးတယ်။ တျဲ့ရီဟာ အစပိုင်းမှာတော့ ဇာတ်စကားဖြစ်တဲ့ "ငါက အမိ၀မ်းကကျွတ်ကတည်းက မိန်းကလေးပဲ ယောကျာ်းမဟုတ်ဘူး"ဆိုတဲ့ စာသားကို ဘယ်လိုမှ ပြောမထွက်ခဲ့ဘူး။ သူက ယောကျာ်းလေးကိုး။အထုအထောင်းခံရတာတွေ များလာတဲ့အပြင် သူ့အချစ်ဆုံးသူငယ်ချင်း‌တွေဖြစ်တဲ့ လိုင့်ကျစ်နဲ့ ရှောင်လုံကိုပါ သူ့အမှုက ရွာပတ်လာတဲ့အချိန် သူမ‌ပြောချင်တဲ့စကားကို သူပြောလိုက်ရတယ်။ တျဲ့ရီဟာ အစကတည်းက ဆောင်ကြာမြိုင်မှာမွေး မိန်းမတွေကြားကြီးလာတဲ့သူလည်းဟုတ်တယ်။ ဒီအဖြစ်ကလည်း သူ့ရင်ထဲက တစ်စုံတစ်ရာကို ပေါက်ကွဲထွက်စေခဲ့တယ်။နောက်ဆုံးလက်ကျန် တံတိုင်းကို ပြိုကျစေမယ့် နောက်အဖြစ်တစ်ခုလည်း ဖြစ်ခဲ့တယ်။ အဲဒီနောက်မှာတော့ တျဲ့ရီဟာ ပုလ္လိင်ရော ဣတ္ထိလိင်ရော မဟုတ်တော့တဲ့ သူတစ်ယောက်ဖြစ်သွားတယ်။ Queerစစ်စစ်လို့တော့ ကောက်ချက်မချရဲဘူး။ ဒါရိုက်တာ Chen Kaige ပြထားတဲ့ အဲဒီမျဉ်းက အရမ်းကို ပါးလျလွန်းတယ်။ ၁၉၃၇- ဂျပန်တွေကျူးကျော်၀င်ရောက်လာတဲ့ ကနဦးကာလ။၁၉၃၇-‌၄၅အတွင်းဖြစ်ခဲ့တဲ့ တရုတ်ဂျပန်စစ်ပွဲဟာ ဒုတိယကမ္ဘာစစ်ရဲ့ အစိတ်အပိုင်းတစ်ခုလည်းဟုတ်တယ်။ ဒီအချိန်မှာ တျဲ့ရီနဲ့ ရှောင်လုံဟာ ချူဘုရင်နဲ့ ကိုယ်လုပ်တော်ယွီနေရာက သရုပ်ဆောင်တာ ပီပြင်လွန်းတဲ့အတွက် နာမည်ကျော်သရုပ်ဆောင်တွေ ဖြစ်နေကြပြီ။ တျဲ့ရီဟာ သူ့ရဲ့Queerလိုလို မကွဲသလိုလို ဖြစ်နေတဲ့လိင်စိတ်တိမ်းညွတ်မှုကြောင့်ရော သံယောဇဉ်ကြောင့်ရောကျောက်လုံအပေါ် အင်မတန်သံယောဇဉ်ကြီးတယ်။ ဒီအချိန်မှာ သူတို့၂ယောက်ဘ၀ထဲကို ဂေါင်လီရဲ့ ဇာတ်ကောင်ဖြစ်တဲ့ ဆောင်ကြာမြိုင်က ထိပ်တန်း အပျော်မယ်လေး ကျွီရှန်းက ၀င်လာခဲ့တယ်။ ဒီတော့ ရှောင်လုံကို သိပ်ချစ်တဲ့ တျဲ့ရီအတွက် ကျွီရှန်းဟာ မျက်မုန်းကျိုးစရာဖြစ်လာတော့တာပါပဲ။ ဒီအချိန်အထိကတော့ သူတို့ဘ၀တွေရဲ့ ‌ နေရယ်သာတဲ့နေ့ရက်နေ့တွေ ဖြစ်ခဲ့ကြတယ်။ ဒါရိုက်တာဟာ ‌ဇာတ်သဘင်သည် ဝါ အော်ပရာသမားတွေရဲ့ ဘ၀ကို မီးကုန်ယမ်းကုန် ရှိဂုဏ်မြှင့်တင် ဖော်ကျူးထားတယ်။ ဇာတ်သမားဟာ ဇာတ်ကရင်းပဲ သေတယ်ဆိုတဲ့ စကားလိုပေါ့။ ၁၉၄၅ ဂျပန်တွေလက်နက်ချပြီးတဲ့ အချိန်မှာတော့ တျဲ့ရီရဲ့ ကျခေတ်တွေရောက်လာခဲ့တယ်။ အော်ပရာနဲ့ ရှောင်လုံကို ချစ်တဲ့စိတ်ကလွဲ တိုင်းပြည်လူမျိုး ဘာကိုမှမချစ်တဲ့ တျဲ့ရီဟာ ဂျပန်‌တွေခေတ်ကောင်းစဉ်က ရှောင်လုံအတွက်ရော အော်ပရာကိုချစ်တဲ့ ဂျပန်ဗိုလ်ကြောင့်ရော ဂျပန်တွေကို ပီကင်းအော်ပရာနဲ့ ဖျော်ဖြေကပြခဲ့ဖူးတဲ့အတွက်ကြောင့် သစ္စာဖောက်လို့ တံဆိပ်ကပ်ခံခဲ့ရပါပြီ။ ဒီနောက် ၁၉၄၈မှာတော့ ကူမင်တန်ဟာ ထိုင်၀မ်ကိုပြောင်းရွှေ့ခွဲထွက်သွားခဲ့တယ်။ တရုတ်သမိုင်းအရ တရုတ်ပြည်သူ့သမ္မတနိုင်ငံဦးအစ ကမ္ဘာ့သမိုင်းအရတော့ တရုတ်ပြည်ပြိုကွဲရာဦးအစကာလပေါ့။ တစ်စစီပြိုကွဲနေတဲ့ ရတတ်မအေးရတဲ့ နိုင်ငံကြီးထဲက ပီကင်းအော်ပရာသမားတစ်ယောက်နဲ့ လင်မယားနှစ်ယောက်ရဲ့ ဘ၀တွေကို နားလည်နိုင်အောင် ကွက်ကွက်ကွင်းကွင်း ပြသွားတယ်။အများအမြင် ဖက်ခွက်စားနဲ့ ပခြုပ်သည်မတို့ရဲ့ အိမ်ထောင်ရေးဟာ တကူးတက ရိုပြမနေပေမဲ့ အတော်လေး ရိုမန့်တစ်ဆန်နေတယ်။ ဒီရုပ်ရှင်ထဲက ဂေါင်လီဟာ မင်းသမီးတစ်ယောက်နဲ့မတူဘဲ ဂေါင်လီနဲ့မတူဘဲ မိန်းမလိုမိန်းမ အမေလိုမိန်းမနဲ့ တူနေတယ်။ဒီအချက်ကပဲ သူတို့လင်မယားကို ဖော်ကျူးထားတာကို ပိုအရောင်တင်ပေးလိုက်တာပါပဲ။ နောက် ရှောင်လုံနဲ့ သူ့အိမ်ထောင်ရေးကလည်း ကိုယ်ပိုင်ဇာတ်လမ်း တစ်ခုအဖြစ် ခွဲထွက်နေသလို ဇာတ်လမ်းပမာဏနဲ့ ကြည့်ရင်တော့ သူတို့ဟာ ဇာတ်ပို့ကို တစ်ဆင့်မြှင့်ထားတာ သာသာပါပဲ။ခံစားမှုပေးစွမ်းနိုင်စွမ်းအရ ကြည့်ရင်တော့ သူတို့ကိုယ်တိုင်ကိုကလည်း ဇာတ်လိုက်တွေပါပဲ၊ ဒီရုပ်ရှင်မှာ ဇာတ်ရဲ့အဓိကဟာ ပေကျင်းအော်ပရာပဲလို့ ဆိုလို့ရပါတယ်။ နောက်တော့ တရုတ်ပြည်ရဲ့ မတည်ငြိမ်သော နှစ်ကာလများပေါ့။သို့ပေမဲ့ တျဲ့ရီအစ ရှောင်လုံ၊ ကျွီရှန်း၊ သူတို့ဆရာအပါ၊ သူတို့တပည့်အပါ၊ နောက်ဆုံး ဇာတ်အစမှာတင် အခါနှောင်းခဲ့လေသော လိုင့်ကျစ့်လေးအဆုံး တစ်ယောက်မှဇာတ်ပို့မဟုတ်ခဲ့ဘူးလို့ ကျွန်တော်တော့ သေချာတယ်။သူတို့အားလုံးဟာ သူ့ဘ၀သူသေချာ ဖော်ကျူးပြီး ကြည့်ရှုသူကို သူတို့ဘ၀ကို နားလည်စေခဲ့တဲ့ သူတွေပါပဲ။ " ၁၉၄၉တွင် ပြည်သူ့လွတ်မြောက်ရေးတပ်မတော်သည် ပီကင်းသို့ ၀င်လာသည်။ မျိုးချစ်စိတ်ဓာတ်မထားသူ မည်သူ့လူမျိူးကိုမဆို ခံစားတတ်က ဖျော်ဖြေလိုသော သူ့အနုပညာသာ သူအဓိကထားသော ဘိန်းစွဲနေသူ လိင်တိမ်းညွတ်မှု ကွဲပြားနေသူ တျဲ့ရီအတွက် မျက်ခုံးလှုပ်စရာ အခြေအနေ ဖြစ်လာလေပြီ။ ၁၉၆၆တွင် ယဉ်ကျေးမှုတော်လှန်ရေးစခဲ့သည်။ထိုကာလတွင် ရှေးယဉ်ကျေးမှုနဲ့ ပက်သက်ဆက်နွယ်သည်များကို ဖျက်ဆီး စွန့်ပစ်ခဲ့ကြ၏။ ၁၉၇၆အထိ ဆယ်နှစ်တိုင်အောင် ရှည်ကြာခဲ့သည်။ " ဒါရိုက်တာ Chen Kaigeကို ၁၉၅၂မှာမွေးခဲ့ပါတယ်။ ယဉ်ကျေးမှုတော်လှန်ရေးအစမှာ သူ့အသက်ဟာ ၁၄နှစ်ရှိနေပါပြီ။အဆုံးထိဆို ၂၄နှစ်ပါ။ ဒီဆယ်နှစ်လုံးကို သူဖြတ်သန်းခဲ့ရတဲ့ သဘောပါပဲ။၀င်းဖေပြောဖူးတဲ့ စကားရှိပါတယ်။၀တ္တုရဲ့ ဇာတ်ညွှန်းကို နားလည်ကြေညက်ဖို့ဟာ ရုပ်ရှင်ရိုက်ခြင်းမှာ အင်မတန်အကျိူးကျေးဇူးကြီးတယ်ဆိုတဲ့ စကားပါ။ ဒါရိုက်တာဟာ ဝတ္တုကို ကြေညက်နေတာတင်ပဲ မဟုတ်ပါဘူး။ပေကျင်းသား ၁၉၅၂ဖွားဆိုတော့ ဒီရုပ်ရှင်ရဲ့ဇာတ်ရှိန်အတက်ဆုံးအပိုင်းဖြစ်တဲ့ ယဉ်ကျေးမှုတော်လှန်ရေးကာလမှာ သူဟာ အသက် ၂၀ဝန်းကျင် ရှိနေပြီး ကိုယ်တွေ့ကြုံမြင် ခံစားခဲ့ဖူးတဲ့သူပါ။ ဒုတိယ အချို့အဖြစ်မျိုးတွေလည်း သူက ဖြစ်ဖူးတဲ့သူပါ။ဒါကြောင့်လည်း ဒီရုပ်ရှင်ရဲ့ ယဉ်ကျေးမှုတော်လှန်ရေးကာလဟာ ပိုအသက်ဝင်နေတာပါပဲ။ ဒါရိုက်တာဟာ ယဉ်ကျေးမှုတော်လှန်ရေးကို ခပ်ကြမ်းကြမ်းပုတ် ကျန်တဲ့ဟာတွေကို ပါးပါးလေးပုတ်ပြီး လက်ရဲဇက်ရဲရိုက်သွားခဲ့တယ်။ ကျွန်တော့်အမြင်အရတော့ ဒီရုပ်ရှင်ရဲ့ ဇာတ်လိုက်က ပီကင်းအော်ပရာဆိုရင် ပီကင်းအော်ပရာကို ဖျက်စီးခဲ့တဲ့ ဗီလိန်အဖြစ် ယဉ်ကျေးမှုတော်လှန်ရေးကို ထည့်သွင်းသွားတယ်ပဲ ယူဆပါတယ်။နောက် ဒီလိုပုတ်သွားတဲ့နေရာမှာ တျဲ့ရီနဲ့ သူ့ဆရာကြားက ဆရာကိုတုန်နေအောင်ကြောက်တဲ့ဆက်ဆံရေးနဲ့ ဘာမှမဟုတ်တဲ့ သူ့တပြည့်လေးက သူ့ကို လူလို့တောင်မမြင်တဲ့ ဆက်ဆံရေးကြားက ခြားနားမှုနဲ့ ပါးပါးလေးပုတ်ပြသွားတာလည်း ဒဲ့ကြီးမဟုတ်ပေမဲ့ အတော့်ကို မြင်သာထင်သာရှိပါတယ်။ အတော့်ကို လက်ရဲဇက်ရဲ ဒါရိုက်တာပါပဲ။ တစ်ခုရှိတာက တရုတ်ပြည်မှာ မော်စီတုန်းရဲ့ "မဟာရှေ့သို့ခုန်ပျံကျော်လွှားမှု"ဆိုတဲ့ စီမံကိန်းကြီးအကြောင်း နှောင်းပိုင်းတွေမှာ မကောင်းစကား ဟခွင့်မပြုပါဘူး။ ဒီရုပ်ရှင်မှာလည်း တရုတ်ပြည်ရဲ့ ခေတ်ဆိုးတွေအကြောင်း တစ်ခုမချန်နီးပါးပြသွားပေမဲ့၁၉၅၈ - ၁၉၆၁အတွင်း ဖြစ်ခဲ့တဲ့ မော်စီတုန်းလုပ်ခဲ့တဲ့ ပျက်ကပ်ကြီးကိုတော့ ခုန်ပျံကျော်လွှားသွားပါတယ်။ ဒီအနုပညာဟာ အတော်လေးမလွတ်မလပ်နဲ့ လုပ်ခဲ့ရတာတော့ အမှန်ပါပဲ။ဒီထက်များလွတ်လပ်ခဲ့ရင် ဒီထက်ကောင်းတဲ့ ရုပ်ရှင်ထွက်လာမလားတော့ မသိပါဘူး။ဒီရုပ်ရှင်တောင် နိုင်ငံရေးအရရော လိင်တူသဘောကျတာကြောင့်ရော သတ်သေတဲ့အခန်းပြလို့ရော တရုတ်ပြည်မှာ အပိတ်ခံခဲ့ရပါတယ်။ "မောင်းမငယ် နေလေရစ်" ဟာ အတော်ကျယ်ပြန့်တဲ့ ရုပ်ရှင်တစ်ကားပါ။ ကျယ်ပြန့်တယ်ဆိုတာက Perspective အမျိုးမျိုးကနေ အမြင်အမျိုးမျိုး ပေးနိုင်တာကိုဆိုလိုတာပါ။ ကြည့်ရှုသူရဲ့ အခြေခံအသိကိုမူတည်ပြီး အမြင်အမျိုးမျိုးကို ပေးနိုင်မှာပါပဲ။တရုတ်ပြည်ရဲ့ ပြိုကွဲကပ်ဆိုက်ခဲ့တဲ့ နှစ်ပေါင်းငါးဆယ်အတွင်းက အခြေအနေတွေနဲ့ ထိုခေတ်ထိုအခါက လူတွေ သဘင်သည်တွေအ‌ကြောင်းကို ဒီရုပ်ရှင်မှာ ကျွန်တော်တို့ ကောင်းကောင်းကြီး ခံစားလို့ရပါတယ်။ ခုများတော့ Chen Kaige လည်း ကားကောင်းတွေမရိုက်တော့သလို ဂေါင်လီလည်း အရွယ်လွန်ခဲ့ပါပြီ။ တျဲ့ရီရော ကိုယ်လုပ်တော်ယွီရော မရှိတော့ပါဘူး။ လတ်စလီချောင်လည်း အခါနှောင်းခဲ့ပါပြီ။ သို့ပေမဲ့ "မောင်းမငယ် နေလေရစ်"နဲ့အတူ သူတို့ အနုပညာတွေကတော့ ယန်ဇီမြစ်ထဲ စီးဆင်းနေဦးမှာပါပဲ......... ( ဘာသာပြန်ထားတဲ့ဟန်နဲ့ ပက်သက်ပြီးလည်း ပြောစရာရှိပါတယ်။ အော်ပရာသီချင်းတွေဟာ ဇာတ်‌ဆောင်ကိုယ်တိုင် ဆိုတာဆိုတော့ ဖယ်ထုတ်လို့လည်းမရပါဘူး။ အတော်လည်း အရေးပါပါတယ်။ ဒဲ့ပြန်ရမှာ အဆင်မပြေသလို ခေတ်သီချင်းဟန်သွားလို့လည်း မ‌ပြေပါဘူး။ ပီကင်းအော်ပရာဟာ အရမ်းရှေးကျတဲ့ အော်ပရာဆိုတော့ ဘာသာစကားအကူးအပြောင်းမှာပါ သူ့ရှေးငွေ့ပါအောင်ကျွန်တော်တို့ဆီက ရှေးကဗျာ‌တွေရဲ့ ရေးဟန်ကို ယူသုံးလိုက်ရပါတယ်။ လေးလုံးစပ်တွေမှာ ရှေးဟန်ပါစေချင်တော့ ရှေးက လေးလုံးစပ်တွေထဲက မူလEစာနဲ့ ကိုက်တာတွေ ရှာကြံယူသုံးထားတာမျိုးတွေ ပါပါတယ်။တိုက်တိုက်ဆိုင်ဆိုင် ဂျပန်တွေကို သီချင်းဆိုပြတဲ့ ရာသီနဲ့ပန်းအကြောင်းသီချင်းမှာဆို ရှင်ဥတ္တမကျော်ရဲ့ တောလားထဲက အချို့စာကြောင်းတွေနဲ့ အတော်လေး‌ အံ၀င်ခွင်ကျဖြစ်နေတဲ့အတွက် ယူသုံးလိုက်ပါတယ်။ ဒီတိုင်းလျှောက်ဖြည့်ထားတာမျိုး လုံး၀မဟုတ်ပါဘူး။ မူလ အင်္ဂလိပ်စာရဲ့ အဓိပ္ပာယ်ကိုပဲ တရုတ်သံရဲ့ ရှေးငွေ့ရအောင် ဗမာစာထဲမှာရှိတဲ့ အစားထိုးလို့ရတဲ့ ရှေးဟန်နဲ့ ယူသုံးလိုက်ခြင်းပါ။ ခုနယူသုံးတဲ့ကဗျာတွေမှာ Eစာနဲ့ကိုက်အောင် ပြင်ဆင်ဖြည့်စွက်ရတာရှိသလို အများစုမှာ ရှေးမူပေါက်အောင် ရှေးကဗျာတွေက တစ်လုံးစနှစ်လုံးစ ယူထားပေမဲ့ ကိုယ်တိုင် ရေးသားထားတွ များပါတယ်။အကုန်လုံး ကိုယ်တိုင်ရေးလည်း ရကောင်းရနိုင်ပေမဲ့ ခေတ်လူ ကျွန်တော်ရွေးတဲ့ စကားလုံးတွေဟာ ရှေးမူဖြစ်နေမှာ မဟုတ်ပါဘူး။ ဒါကြောင့် လိုအပ်ချက်အရ ယူသုံးလိုက်ရပါတယ်။ ရှင်ဥတ္တမကျော်တောလားတစ်ခုကိုပဲ အရမ်းကိုက်ညီနေလို့စာကြောင်းလိုက်ယူသုံးထားတာရှိပြီး။ ကျန်တာတွေမှာတော့ "ကြငှန်း၊တပ်တော်ဦး၊"အဲဒီလိုရှေးစကားလုံးတွေကို ယူသုံးထားတာကလွဲ ကိုယ်တိုင်ရေးထားတာတွေပါ။ ရှေးကဗျာဆရာတွေကိုရော ဒီရုပ်ရှင်ကားကိုရော ကပြက်ကချော် ပြုထားခြင်း အလျဉ်းမပါဘဲ သူ့အရသာကို အပြည့်အ၀ ရစေချင်တဲ့စိတ်နဲ့ သူ့အဓိပ္ပာယ်အတိုင်းကိုပဲ ရှေးဟန်ပြင်ထားတာပါ) ~ အစက အညွှန်းကို Admin Yနဲ့ ပေါင်းရေးဖို့လုပ်ထားပေမဲ့ အရမ်းရှည်လို့ အဆင်မပြေလို့ အညွှန်းကို တိုလိုက်ရပါတယ်။ အကျယ်ဖတ်လိုက CM Official Groupထဲမှာ Admin Yရဲ့အညွှန်းရော ကျွန်တော့်မူလ အညွှန်းရော shareထားပါတယ်။ တရုတ်နာမည်များ မှန်ကန်အောင်တော့ "ထျန်းရှတိယိ "မှ ကိုစွမ်းထက်က ကူညီပေးထားပါတယ် ~ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 2.42GB, 1.5GB Quality - 1080p, 720p IMDb Rating - 8.1/10 Format - mp4 Duration - 2H 51Min Type - Romance, Drama Subtitle - Myanmar Subtitle (Hardsub) Translated by WiRa Aung Encoded by Y