Geraldine James ပါဝင်သော ဇာတ်ကားများ

အင်္ဂလိပ်ကဗျာဆရာ Siegfried Sassoon ဟာ ပထမကမ္ဘာစစ်အတွင်း မျိုးချစ်စိတ်အပြည့်နဲ့ စစ်ထဲဝင်ခဲ့သူပါ။ စစ်မှုထမ်းစဉ်မှာ ထူးထူးချွန်ချွန် တာဝန်ထမ်းဆောင်ခဲ့လို့ ဆုတံဆိပ်တွေလည်း ရခဲ့ပါတယ်။ ဒါပေမယ့် စစ်ပွဲရဲ့ အနိဋ္ဌာရုံတွေကို ကိုယ်တိုင်မြင်တွေ့လာရတဲ့နောက် စစ်ကို ရှည်ကြာအောင်လုပ်နေတဲ့ နိုင်ငံရေးသမားတွေကို စိတ်ပျက်လာပြီး စစ်ဆန့်ကျင်ရေးကဗျာတွေ ရေးသားလာတယ်။ သူ့ရဲ့ စစ်ဆန့်ကျင်ရေးသဘောထားတွေကြောင့် စစ်ခုံရုံးတင်ခံရမယ့်အစား စိတ်ကျန်းမာရေးမကောင်းသူအဖြစ် သတ်မှတ်ပြီး ဆေးရုံပို့ခံလိုက်ရပါတယ်။ ဆေးရုံမှာ မိတ်ဆွေအသစ်တွေနဲ့ ဆုံရသလို ဖုံးကွယ်ထားခဲ့တဲ့ သူ့ရဲ့ လိင်စိတ်အကြောင်းကိုလည်း စတင်သိမြင်လာတယ်။ သူတွဲခဲ့တဲ့ ချစ်သူတွေနဲ့ ဆက်ဆံရေးတွေကို သူ့ကဗျာတွေနဲ့အတူ ပြထားပြီး ငယ်ရွယ်စဉ်နဲ့ အသက်ကြီးလာချိန်ကို တစ်လှည့်စီ ပြန်လှန်တင်ပြထားပါတယ်။ Terence Davis ရိုက်ကူးထားတဲ့ ဒီအတ္ထုပ္ပတ္တိဇာတ်ကားမှာ Jack Lowden၊ Calam Lynch၊ Peter Capaldi နဲ့ Kate Phillips တို့ ပါဝင်ထားပါတယ်။ ဇာတ်လမ်းကို ဖြည်းဖြည်းချင်း ပြောပြရင်း Sassoon ရဲ့ ဘဝနဲ့ လူ့သဘောသဘာဝကို ကဗျာတွေနဲ့ တွဲဖက်ဖော်ပြထားတာပါ။

အင်္ဂလန်ဘုရင်နဲ့ ဘုရင်မတို့ နယ်လှည့်ခရီးထွက်ရင်း ဒေါင်းတွန်ကို လာမယ်ဆိုတဲ့သတင်းကြောင့် တစ်နယ်လုံး ဝမ်းသာဂုဏ်ယူနေကြပါတယ်။ အထူးသဖြင့် ဘုရင်နဲ့ ဘုရင်မတို့ တည်းခိုမယ့် မြို့စားအိမ်က အလုပ်သမားတွေက ပိုလို့တောင် စိတ်လှုပ်ရှားနေကြတယ်။ အနီးကပ်တွေ့ခွင့်ရသလို ကိုယ်တိုင် အလုပ်အကျွေးပြုခွင့်လည်း ရတော့မယ်လို့ မျှော်လင့်ထားကြတာပါ။ ဒါပေမယ့် နန်းတော်ဘက်က အစေခံတွေ၊ အိမ်တော်ထိန်းတွေနဲ့ စားဖိုမှူးတွေ အကုန်လိုက်လာပြီး အိမ်မှာရှိသမျှကိစ္စကို သူတို့ပဲ စီမံကြမယ်ဆိုတာ သိလိုက်ရတော့ မျှော်လင့်ထားသလို မဖြစ်တော့ဘူး။ ကိုယ့်အိမ်မှာ ကိုယ်တိုင်ဧည့်ခံခွင့်ရဖို့ အိမ်ကအလုပ်သမားတွေ ဘယ်လိုတုံ့ပြန်ကြမလဲဆိုတာ စောင့်ကြည့်ရပါတော့မယ်။ တစ်ဖက်မှာလည်း ဒေါင်းတွန်ကို အုပ်စိုးနေတဲ့ မိသားစုရဲ့ အဖွားကြီးနဲ့ မိသားစုထဲကနေ ခွဲထွက်သွားပြီး ဘုရင်မနားမှာ အထိန်းတော်လုပ်နေသူတို့ကြား အမွေကိစ္စ အငြင်းပွားမှုတွေ ရှိနေတယ်။ မိသားစုဝင်တွေဆီမှာလည်း တစ်ယောက်တစ်မျိုး ကိုယ့်အကြောင်းနဲ့ကိုယ် ရှိကြသေးတယ်။ ကွန်မြူနစ်ဝါဒီတွေနဲ့ ဘုရင်ကို လုပ်ကြံဖို့ ရည်ရွယ်သူပါ ပေါ်လာတဲ့အခါ ဒီခရီးစဉ်အတွက် ဘာတွေထပ်ကြုံလာရဦးမလဲ။ Maggie Smith ပါဝင်သရုပ်ဆောင်ထားပြီး မိသားစုအကြောင်းတွေနဲ့အတူ ဟာသလည်း ရောယှက်ထားပါတယ်။

နက်ဖလစ်ရဲ့အကောင်းဆုံး ရိတ်တင်အမြင့်ဆုံး စီးရီးတွေထဲကတစ်ခု။ ကြီးပြင်းလာတဲ့လူငယ်လေးတွေဘဝနဲ့ ရိုးရှင်းတဲ့ မေတ္တာတွေအကြောင်း ရိုက်ကူးထားတဲ့ စီးရီးတွေထဲက လူကြိုက်အများဆုံးတစ်ခု၊ ချန်နယ်မြန်မာ ပရိသတ်တွေ အတောင်းဆိုဆုံးထဲကတစ်ခုကို ထပ်မံတင်ဆက်ပေးလိုက်ပါပြီ။ ရွက်ကြမ်းရေကျိုအသွင်အပြင် ဆံပင်နီနီကြမ်းကြမ်း မှဲ့ခြောက်ထူထူနဲ့ ဆယ်ကျော်သက်အရွယ် မိဘမဲ့ကလေးမလေးက သာမန်လူကြီးတွေတောင် နားမလည်နိုင်တဲ့ စကားကြီးစကားကျယ်တွေ ပြောနေတဲ့အခါ ဆိုဆုံးမမခံခဲ့ရလို့ လူ့ဘောင်စည်းမျဉ်းတွေနဲ့ လွတ်ကင်းတဲ့အပြုအမူတွေက သူတစ်ပါးအမြင်မှာ မျက်စိစပါးမွှေးစူးစရာဖြစ်လာတဲ့အခါ နာမည်မှာ E တစ်လုံးပိုတဲ့ Anne တစ်ယောက် ဖတ်ထားဖူးတဲ့ ပုံပြင်ဇာတ်လမ်းတွေထဲစိတ်နှစ်ရင်း လောကဓံကို အံတုရပါတော့တယ် 1908 ခုနှစ်ထုတ် Anne of Green Gables ဝတ္ထုကို မှီးပြီးပြန်ရိုက်ထားတဲ့ ဒီဒရာမာဇာတ်လမ်းတွဲကို CBC နဲ့ Netflix မှာ 2017 က စတင်ပြသခဲ့ပြီး Season ၃ ခု အပိုင်း ၂၇ ပိုင်းပါဝင်ပါတယ်။ 1896 ခုနှစ်က ကနေဒါကျေးလက်ဒေသရဲ့ လူနေမှုဘဝကို ထင်ဟပ်ပြသနေတဲ့ ဒီစီးရီးကို ကြည့်ပြီးရင် အဲ့ဒီခေတ်အခါက ဒီလိုဇာတ်လမ်းမျိုး ရေးသားနိုင်တဲ့ ထုတ်ဝေရဲတဲ့ စာရေးဆရာကို ချီးကျူးမိမှာပါ။ ဘာလို့လဲဆိုတော့ ခေတ်အနေအထားအရ ထုတ်ဖော်ပြသဖို့မလွယ်ကူတဲ့ ကျားမတန်းတူညီမျှရှိရေး၊ လူမျိုးရေးခွဲခြားမှု၊ LGBT၊ လွတ်လပ်စွာပြောဆိုခွင့်ရရေးနဲ့ ဓလေ့ထုံးတမ်းတွေကို ဆန့်ကျင့်တဲ့အကြောင်းတွေကို ဖောဖောသီသီတင်ပြထားလို့ပါပဲ။ အပျိုဖော်ဝင်ရာသီပန်းပွင့်တယ်ဆိုတာ ရှက်စရာလို့ သတ်မှတ်ထားတဲ့ဓလေ့ကို လောကဓမ္မတာဟာ ဘယ်နားကရှက်စရာကောင်းနေတာလဲလို့ မေးခွန်းပြန်ထုတ်တတ်တဲ့ ကလေးမလေး Anne ရဲ့ ထုံးတမ်းအစဉ်အလာတွေကြားထဲ ရုန်းကန်ရပုံဟာ ကနေဒီးယန်း အကောင်းဆုံးဒရာမာဇာတ်လမ်းတွဲအဖြစ် ဆုချီးမြှင့်ခံထားရတာကြောင့် CM ပရိသတ်တွေအတွက် တင်ဆက်ပေးလိုက်ပါတယ်။ File size…300 Mb Quality….Webrip 720p Format…mp4 Genre...Drama, Family Total Episode...27 Subtitle….Myanmar Subtitle (Hardsub) Encoder….Mr. Anderson Translated by SPK

ဖြစ်ရပ်မှန်ကားကောင်းလေးတွေကိုမှကြိုက်တဲ့သူတွေအတွက်၂၀၁၇ထွက် rating7.1ထိရထားတဲ့ခွေးကားကောင်းလေးတစ်ကားလာပြီ။ တကယ့်အပြင်ကဖြစ်ရပ်မှန်ကိုအခြေပြုရိုက်ကူးထားတာပါ။ ဒုတပ်ကြပ်မီဂန်လီဗီနဲ့ သူ့ရဲ့ရဲဘော်ရဲဖက်စစ်ခွေးလေးတို့ရဲ့အကြောင်းလေးကိုရိုက်ကူထားတာပါ။ မီဂန်ဟာအိမ်တွင်းရေးအဆင်မပြေမှုတွေကြားကအလုပ်ကပြုတ်တဲ့အပြင်သူ့ရဲ့အချစ်ဆုံးသူငယ်ချင်းသေဆုံးသွားပြီးနောက်မှာတော့အမေရိကန်မရိန်းတပ်ထဲဝင်ဖို့ဆုံးဖြတ်လိုက်ပါတော့တယ်။ စစ်တပ်ထဲရောက်တဲ့အချျိန်မှာတော့မီဂန်ရဲ့ခြောက်သွေ့နေတဲ့ဘဝလေးဟာရက်စ်ဆိုတဲ့ခွေးလေးနဲ့တွေ့ပြီးပြန်လည်စိုပြေလာပါတော့တယ်။ ရက်စ်ဆိုတာကအမေရိကန်စစ်တပ်ကလေ့ကျင့်ပေးထားတဲ့တိုက်ပွဲဝင်စစ်ခွေးလေးတစ်ကောင်ပါ။ ရက်စ်ကိုထိန်းကျောင်းရဖို့ကံကြမ္မာပါလာတဲ့မီဂန်တစ်ယောက်သူတို့နှစ်ဦးကြားဘယ်လိုချည်နှောင်မှုတွေရှိလာမလဲ။ ဘယ်လိုတိုက်ပွဲတွေအလီလီအတူတူဖြတ်ကျော်ကြမဘဲဆိုတာဇာတ်ကားလေးကိုဆက်ကြည့်ပြီးခံစားလိုက်ပါ။ တကယ့်အပြင်မှာမီဂန်နဲ့ရက်စ်တို့ဟာအတူတူတိုက်ပွဲပေါင်း၁၀၀၀ကျော်ဆင်နွဲခဲ့ပြီးလူ့အသက်ပေါင်းများစွာကိုကယ်တင်နိုင်ခဲ့ကြတဲ့စစ်သည်ကောင်းတွေအဖြစ်အသိအမှတ်ပြုခံခဲ့ရသူများဖြစ်ပါတယ်။ ဇာတ်ကားလေးဟာလည်းသူတို့နှစ်ယောက်ရဲ့ကြားကဖြစ်တည်မှုလေးကိုသေသေချာချာရင်ထဲထိအောင်ရိုက်ပြထားတာတွေ့ရမှာပါ။ တကယ့်ဖြစ်ရပ်မှန်အခြေခံရိုက်ထားတဲ့ကားကောင်းလေးတွေကိုကြိုက်နှစ်သက်သူများအတွက်ဒီကားလေးဟာကြည့်သင့်တဲ့ကားလေးပါလို့ညွန်းပါရစေဗျာ။ Rotten Egg ratingအနေနဲ့လည်း84%အထိရရှိထားတာဆိုတာ့အထူးတလည်ပြောနေစရာမလိုဘူးထင်ပါတယ်ဗျာ။ (ဘာသာပြန်သူကတော့ သားပြည့်စုံဇော်ပါ) File Size : (850 MB) and (378 MB) Quality : 720p Bluray Running Time : 1hr 56min Format : Mp4 Genre :Biography, Drama, War Subtitle : Myanmar Subtitle (Hard Sub) Translated by Thar Pyae Sone Zaw Encode by Thanhtike Zaw

Alice through the Looking Glass (2016) IMDB : 6.2 Rotten Tomatoes : 29% Genre : Fantasy/Drama/Adventure Alice through the Looking Glass ကတော့ Alice in Wonderland(2010) ရဲ့ Sequel ရုပ်ရှင်ဖြစ်တာကြောင့် သိပ်ပြီးတော့ အထွေအထူးမညွှန်းတော့ပါဘူး။ ဇာတ်ကြောင်းကိုပဲတန်းပြောလိုက်ပါတော့မယ်။ ဇာတ်ညွှန်း အဲလစ်စ်လေး အသက် ၂၂ နှစ်ကျော်ခဲ့ပါပြီ။ သူ့အဖေပိုင်တဲ့ သင်္ဘော"အံ့ဖွယ်" ရဲ ကပ္ပတိန်တစ်ယောက်ဖြစ်နေခဲ့ပါပြီ။ ဒီလိုနဲ့ တရက်မှာ ကြည့်မှန်တစ်ခုကနေပြီး အဲလစ်စ်ဟာ အံ့ဖွယ်ကမ္ဘာကိုပြန်ရောက်သွားခဲ့ပါတယ်။ ရောက်သွားတဲ့အချိန်မှာ ဟက်တာတစ်ယောက် စိတ်ဖောက်နေပါပြီ။ ဘာလို့စိတ်ဖောက်လည်းဆိုတော့ သူ့မိသားစုဟာ ဂျက်ဘာဝေါ့ကီလက်ချက်နဲ့ အသက်မဆုံးပဲ အသက်ရှင်နေတယ်ဆိုတဲ့ အသိကြောင့်ဖြစ်ပါတယ်။ သူတို့ကိုကယ်တင်နိုင်မယ်ဆိုလည်း အဲဒါက အဲလစ်စ်တစ်ယောက်တည်းပဲရှိကြောင်း ဟက်တာကပြောခဲ့ပါတယ်။ ဒါပေမဲ့ အဲလစ်စ်က မဖြစ်နိုင်ကြောင်းပြောခဲ့ပါတယ်။ နည်းလမ်းတစ်ခုရှိနေတာကလွဲလို့ပေါ့လေ။ အဲဒါကတော့ အချိန်နောက်ပြန်ခရီးသွားပြီးပြန်ကယ်တာပါပဲ။ အချိန်ကလည်း အဲလစ်စ်တစ်ယောက်တည်းပဲ နောက်ပြန်သွားလို့ရပါတယ်။ ဘာလို့လည်းဆိုတော့ အဲလစ်စ်က မြေအောက်ကမ္ဘာရဲ့အတိတ်မှာ ရှိမနေတဲ့ တစ်ဦးတည်းသောလူဖြစ်နေတာကြောင့်မလို့ပါ။ ကဲ အချိန်နောက်ပြန်သွားရင်း ဘာတွေဆက်ဖြစ်မလည်းဆိုတာကို ကြည့်လိုက်ကြပါခင်ဗျာ။ File size…7.3 GB /3.2GB / 1.6 GB Quality…4K /WEB DL 1080p HEVC / 720p Format…mkv/mp4 Duration….1hr 53 minute Subtitle….Myanmar Subtitle (Hard Sub) Encoder….Thit San Khant Translated by Lucifer Maximoff

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Rogue One: A Star Wars Story (2106) Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ (ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File size…(8.1 GB)/(2.1 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:13:00 Subtitle….Myanmar Subtitle (Hardsub) Encoder….Ka Naung Translated by Little Neo

45 Years (2015) IMDb Rating (7.1) / Rotten Tomatoes (97%) Andrew Haighရဲ့ပုံစံအတိုင်း လူ၂ယောက်ရဲ့ Relationshipကို အဖြစ်အပျက်နည်းနည်း အချိန်ကာလတိုတိုကိုပြပြီး အဲဒီကာလတိုတိုမှာ ဟိုးအဆက်ဆက်ကတည်းက သူတို့ရဲ့ ခံစားချက်တွေရဲ့ သက်ရောက်မှုကို ပြထားတဲ့ ရုပ်ရှင်ပါပဲ။ အဓိကဇာတ်ကောင်က အိမ်ထောင်သက်၄၅နှစ်ပြည့် နှစ်ပတ်လည်ကို ကျင်းပတော့မယ့် ၇၀ နား ၇၀ကျော်က စုံတွဲတစ်တွဲပဲ။ ပြောရရင် အငြိမ်းစားယူပြီးသား အဘိုးကြီးအဘွားကြီး၂ယောက်ပေါ့။ ၄၅နှစ်ပြည့် နှစ်ပတ်လည်နေ့နားနီးတဲ့အချိန်မှာ သူတို့ဘဝထဲကို ဘဝဟောင်းက တစ်ပတ်ပြန်လည်လာခဲ့တယ်။ အဘိုးကြီးရဲ့ မေ့ထားသလား မေ့ချင်ယောင်ဆောင်ထားသလား မေ့မေ့ပျောက်ပျောက်ပဲဖြစ်နေခဲ့သလားမသိတဲ့ အတိတ်က လူတစ်ယောက်ရဲ့ သတင်းရောက်လာတယ်။ လွန်ခဲ့တဲ့အနှစ်၅၀လောက်က ရေခဲမြစ်ထဲပြုတ်ကျပြီး ဆုံးသွားတဲ့ သူ့ရည်းစားဟောင်းရဲ့ အလောင်းကို ရှာတွေ့ပါပြီဆိုတဲ့ သတင်းပေါ့။ ဟိုဘက်က အတည်ပြုဖို့ အဘိုးကြီးကို လာပေးဖို့ အကြောင်းကြားတယ်။ ဒါက ဇာတ်ရဲ့ပင်မကျောရိုးပါပဲ။ အဲဒီပင်မကျောရိုးကို ပြန်ယှက်ထားတာက အသက်၇၀နားနီးနေတဲ့အဘွားကြီးရဲ့ သူ့ယောက်ျားကို ဝန်တိုစိတ်တွေနဲ့ အသက်၇၀ကျော်အဘိုးကြီးရဲ့ ဘဝဟောင်းမှာ ကျန်နေတဲ့ အလွမ်းတွေပါပဲ။ ဒီ၂ခုက အားပြိုင်တယ်လို့တောင် ပြောမရလောက်ဘူး။ ပျော့ပျော့လေး တွန်းနေဆွဲနေတာလို့ပြောရမယ်။ သူတို့အသက်ရဲ့လက်ကျန်အင်အားနဲ့ပေါ့။ ဒီဘာမှမပါတဲ့ဇာတ်ရဲ့အသက်ကလည်း အပျော့စားအားပြိုင်မှုလေးတွေနဲ့ နောက်ဆုံးရလဒ်တွေပဲ။ ရွေးချယ်မှုတွေ အချစ်တွေ ခင်ဗျားဖွင့်ချင်သလို ဖွင့်လို့ရတယ်။ ဘယ်လိုပဲဖွင့်ဖွင့် သူ့အခြေအနေကြီးက မတရားဘဝမြောက်လွန်းနေတယ်။ အဘိုးကြီးက အဲဒီအတိတ်ကို သွားကြည့်ချင်ခဲ့တယ်။ ဒါကိုလည်း အဘွားကြီးကသိတယ်။ ဘယ်လိုသိဆို မိန်းမတွေရဲ့အလိုလိုသိစိတ်နဲ့သိတယ်။ ယောက်ျားတွေမှာလည်း ဒီလို အလိုလိုသိစိတ်ရှိတတ်ပေမဲ့ သူတို့ကိုတော့ မမီဘူးကိုး။ ခေတ်အဆက်ဆက် လူနေမှုမှာကိုက မိန်းမတွေဟာ စတင်သူမဟုတ်ခဲ့ဘူး။ ယောက်ျားတွေကတော့ သူတို့လိုချင်တာကို ထုတ်ပြထုတ်ပြောပြီး ယူဖို့ကြိုးစားခွင့်ရှိခဲ့ပေမဲ့ မိန်းမတွေကတော့ များသောအားဖြင့် သူတို့လိုချင်တာကိုရဖို့ လမ်းကြောင်းပေးရတာ အခြေအနေအချိန်အခါ စိတ်ကိုအကဲခတ်တာတွေက ဒီဘက်ခေတ်အထိတောင် သုံးနေရသေးတာပဲ။ ဒီတော့ သူချစ်လို့ယူထားတဲ့ နှစ်ပေါင်းများစွာပေါင်းလာတဲ့ ယောက်ျားကို သူပိုအကဲခတ်လို့ရ ပိုရိပ်မိတယ်။ လေ့ကျင့်လာသလိုဖြစ်သွားလို့ ကျွမ်းကျင်အဆင့်ဖြစ်နေပြီကိုး။ ဒီတော့ အဘိုးကြီးဘယ်ခြေလှမ်း လှမ်းလှမ်းအဘွားကြီးက သိတယ်။ သိတော့ စကားနဲ့ဖြစ်စေ သက်သေနဲ့ဖြစ်စေ မကြီးပေမဲ့ ထိခတ်တဲ့ပြဿနာလေးတွေကလာတယ်။ အဘွားကြီးက အကုန်သိနေတော့ အဘိုးကြီးမှာ ဘယ်လိုမှမလှိမ့်တပတ်လည်းလုပ်မရ အကြောင်းပြချက်လည်းပေးမရဘူး။ ဒီတော့ နောက်ဆုံးရွေးချယ်မှုပေါ့။ ခင်ဗျားတို့ ကျွန်တော်တို့ယုံကြည်တဲ့ အချစ်ဆိုတဲ့အရာတော့ တကယ်ရှိမရှိတော့ မသိဘူး။ သေချာတာကတော့ ခံစားချက်တွေကတော့ တကယ်ရှိတယ်။ ကျွန်တော့်မိတ်ဆွေတစ်ယောက်ကတော့ အချစ်ဆိုတဲ့ ဘော်ဒီကြီးတစ်ခုလုံးကို မသေချာပေမဲ့ အဲဒီဘော်ဒီကြီးကို ဖွဲ့စည်းထားတဲ့ ခံစားချက်ဆိုတဲ့ အစိတ်အပိုင်းလေးတွေကိုတော့ သေချာတယ်လို့ ပြောဖူးတယ်။ ဒါလည်းဟုတ်တာပါပဲ။ ကျွန်တော်သိပ်မသေချာတာက ခံစားချက်ဆိုတာက ဘော်ဒီကြီးဖြစ်ပြီး အချစ်က အဲဒီထဲက အစိတ်အပိုင်းဖြစ်နေမလားဆိုတာကိုပဲ။ အချစ်ထဲမှာပဲ ခံစားချက်ရှိရှိ ခံစားချက်ထဲမှာပဲ အချစ်ရှိရှိ ဘာနေနေ လိုရင်းကတော့ အတူတူပါပဲ။ ဒါတွေဟာ တစ်ဦးဆိုင်တစ်ဦးပိုင်ဆိုတာရဲ့ သဘောကိုကျော်ပြီး ရွေ့လျောတတ်တယ်။ အဲဒီရွေ့လျောမှုကို ရွေ့လျောမှုအတိုင်း အမြဲလိုက်ရွေ့လျောနေကြတာမျိုးတော့ မဟုတ်ဘူးပေါ့။ အတွေ့အကြုံနဲ့ ကံတရားကို မူတည်ပြီး တစ်ယောက်နဲ့တစ်ယောက်ကွဲပေမဲ့ လူအများစုမှာတော့ ပြန်ထိန်းကျောင်းသွားတဲ့ အရာတွေတော့ ရှိလာတတ်တယ်။ အရင်းအနှီးသိပ်ကြီးတဲ့အရာတွေရောပေါ့။ ဒီတော့ အဘိုးကြီးရဲ့ ခံစားချက်က အတိတ်ကိုရွေ့လျောနေတာကို ကျွန်တော်တို့မြင်နေရပေမဲ့ အဆုံးသတ်မှာ အဘိုးကြီးဟာ ထိန်းကျောင်းမှုအတိုင်းပဲ ရွေးချယ်ခဲ့တယ်။ ဒါရွေးချယ်တာလည်း ဟုတ်ချင်မှဟုတ်ပါမယ်။ သူပြောသလို ဘဝမှာ ရွေးချယ်စရာတွေအများကြီးနဲ့လာခဲ့ကြပေမဲ့ ကြာလာလေ ရွေးချယ်မှုတွေက သုံးလို့ကုန်လာလေဖြစ်ပြီး ဒါဟာရွေးချယ်ရမယ့်အပိုင်းမဟုတ်တော့လို့လည်း ဖြစ်နိုင်တယ်။ အဘိုးကြီးဟာ သူ့ခံစားချက်ရဲ့လမ်းကြောင်းကိုလိုက်ရင် ပေးရမယ့် အရင်းအနှီးသိပ်ကြီးလို့လည်းဖြစ်နိုင်တယ်။ အဘိုးကြီးဟာ သူတကယ်ရွေးသင့်တယ်လို့ ထင်ရတဲ့အရာကိုပဲ ရွေးမှန်းမသိ ရွေးသွားခဲ့တယ်။ ဒါကို အဘွားကြီးကလည်း သိခဲ့ပါတယ်။ ဇာတ်လမ်းအဆုံးသတ်က အဘွားကြီးရဲ့မျက်နှာဟာ သူ့အလိုလိုသိစိတ်ရဲ့အဖြေလို့ပြောလို့ရတယ်။ ဒီဘာမှမပါတဲ့ ရုပ်ရှင်ဟာ ကျွန်တော်တို့ဘာသာတောင် ဝန်ခံဖို့ခက်တဲ့ အချစ်နဲ့ ရွေးချယ်မှုရဲ့ တကယ့်သဘာဝအမှန်ကို ကောင်းကောင်းကြီး ပုံဖော်သွားနိုင်ခဲ့တယ်လို့ ကျွန်တော်တော့မြင်တယ်။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size…(2.6 GB) / (890 MB) Quality….Blu-Ray 1080p HEVC / 720p Format…. mkv/mp4 Genre….Drama,Romance Duration….01:35:27 Subtitle….Myanmar Subtitle (Hardsub) Encoder….Double K Translated by WiRa Aung

The Girl with the Dragon Tattoo (2011) IMDb - 7.8/10 Rotten - 86% Won 1 Oscar. Another 26 wins & 91 nominations ငယ်စဉ်ကစပြီး ကြမ်းတမ်းတဲ့ဘဝတစ်ခုမှာနေထိုင်ဖြတ်သန်းလာရတဲ့နဂါးရုပ်ပုံဆေးမင်ကြောင်နဲ့ မိန်းကလေးတစ်ယောက်ဟာ မိသားစုမရှိ အုပ်ထိန်းသူမရှိပဲ တိုင်းပြည်ရဲ့ထောက်ပံမှုနဲ့ ဘဝကိုဆိုးပေတေရင်း ဖြတ်သန်းနေခဲ့ပြီးတစ်ဖက်မှာတော့သူဟာ ထက်မြက်တဲ့စုံစမ်းရေးစိတ်ကို ပိုင်ဆိုင်ထားတဲ့ အလွတ်စုံထောက်တစ်ဦးဖြစ်ပါတယ်ဂျာနယ်လစ်မီကယ်ဘလွန်းကစ်အဖြစ် သရုပ်ဆောင်ထားတဲဂျိမ်းစ်ဘွန်းမင်းသား ဒန်နီယယ်ခရိတ် ကတော့ဒီဇာတ်လမ်းမှာ နိုင်ငံရဲ့အကြီးမားဆုံးငွေကြေးအလွဲသုံးစားလုပ်မှုကို သက်သေမခိုင်ပဲဖော်ထုတ်မိလို့ အသရေဖျက်မှုနဲ့ရင်ဆိုင်နေရသူတစ်ဦးဖြစ်ပါတယ် ကျွန်းတစ်ကျွန်းပေါ်မှာနေထိုင်တဲ့ ဆွီဒင်ရဲ့အချမ်းသာဆုံးမိသားစုတစ်ခုက သူဋ္ဌေးကြီးတစ်ယောက်ဟာ လွန်ခဲ့တဲ့အနှစ်၄၀ကဖြစ်ပွားခဲ့တဲ့ လက်သည်မပေါ်ခဲ့တဲ့မိသားစုအတွင်းလူသတ်မှုတစ်ခုကို သူ့ဘဝလက်ကျန်အချိန်တွေမှာအဖြေသိရဖို့ မီကယ်ဘလွန်းကစ်ကိုငြင်းဆန်လို့မရတဲ့ကမ်းလှမ်းမှုနဲ့ အဖြေရှာပေးဖို့ ကမ်းလှမ်းလိုက်ပါတော့တယ် ထိုအမှုဟာ ဘလွန်းကစ်ရဲ့ဂုဏ်သိက္ခာကိုပြန်လည်ဆယ်ယူဖို့ တိုင်းပြည်ရဲ့အကြီးမားဆုံး ငွေကြေးအလွဲသုံးစားလုပ်မှုတို့နဲ့ ပတ်သက်နေခဲ့ပြီး ဘလွန်းကစ်နဲ့အတူ နဂါးရုပ်ဆေးမင်ကြောင်နဲ့မိန်းကလေးပါ စုံစမ်းရေးထဲကို ပါဝင်လာတဲ့အခါမှာတော့.... Millennium Trilogy ရဲ့အောင်မြင်ခဲ့တဲ့ပထမဆုံးဝတ္တု ဖြစ်တဲ့ The girl with the dragon tattoo ဝတ္တု ကိုရုပ်ရှင်အဖြစ်ပြန်လည်ရိုက်ကူးထားတဲ့ ဒီဇာတ်ကားဟာလည်းအောင်မြင်ခဲ့ပြီး IMDb7.8နဲ့ RT86%ရရှိထားတဲ့ crime flim အမျိုးအစားဖြစ်ပါတယ် actionခန်းတွေပါဝင်မှုနည်းပြီး action ဇာတ်လမ်း ကြိုက်သူတွေ မကြည့်သင့်တဲ့ရုပ်ရှင်မျိုး ဖြစ်ပါတယ် 18+အခန်းတစ်ချို့လိင်ပိုင်းဆိုင်ရာ ကြမ်းတမ်းတဲ့ဇာတ်ဝင်ခန်းတချို့ ပါဝင်ပါတယ် တစ်စိမ့်စိမ့်ကြည့်ရင်း တွေးတောရတာကို ကြိုက်နှစ်သက်သူတွေအတွက် Crime flimတစ်ခုကပေးစွမ်းတဲ့ ရသကိုအပြည့်အဝ ပေးစွမ်းစေမှာပဲဖြစ်ပါတယ်... File Size : (1.2 GB) Quality : 720p BluRay Running Time : 2hr 38min Format : Mp4 Genre : Crime,Drama,Mystery Subtitle : Myanmar Subtitle (Hard Sub) Source : 1080p BluRay Translated by Ye Pyae Sone Tun Encoded by Moe Myint Lwin

Sherlock Holmes: A Game of Shadows (2011) IMDB : 7.4 Rotten Tomatoes : 60% Genre : Action / Thriller / Mystery Sherlock Holmes: A Game of Shadows ကတော့ Sherlock Holmes (2009) ရဲ့ အဆက် ဒါရိုက်တာ Guy Ritchie ရဲ့ လက်ရာ ရုပ်ရှင်ဖြစ်ပါတယ်။ ဒီရုပ်ရှင်မှာတော့ ရှားလော့ဟာ မဟာပြိုင်ဘက် ပရော်ဖက်ဆာ ဂျိမ်းစ်မော်ရီရာတီနဲ့ ဉာဏ်ချင်းပြိုင်ရတော့မှာဖြစ်ပါတယ်။ ဇာတ်ညွှန်း ဥရောပတခွင်မှာ ဗုံးခွဲတာတွေ နိုင်ငံရေးသမား လုပ်ကြံခံရတာတွေက ခပ်စိတ်စိတ်ဖြစ်လာခဲ့ပါတယ်။ ဒါတွေက သာမန် အစီအစဉ်မကျတဲ့ လုပ်ရပ်မျိုးမဟုတ်ပဲ နောက်ကွယ်မှာ သင်္ချာပညာရှင် ပရော်ဖက်ဆာ ဂျိမ်းစ်မော်ရီရာတီရှိတာကို ရှားလော့ရိပ်မိသွားခဲ့ပါတယ်။ ဒီလိုနဲ့ ရှားလော့တစ်ယောက် ဂျိမ်းစ်ကို လိုက်လံတားဆီးဖို့ကြိုးစားခဲ့ပါတယ်။ ဒါပေမဲ့ ခက်တာက ဂျိမ်းစ်ဆိုတာ Evil Sherlock လို့ဆိုရလောက်အောင် ရှားလော့လိုမျိုး ဉာဏ်ပြေးတယ် အကွက်မြင်တယ် ရှားလော့တစ်လှမ်းဆိုသူက တစ်လှမ်း တစ်ခါတလေ နှစ်လှမ်း သုံးလှမ်းလောက်တောင်ရှေ့ကိုကြိုရောက်နေသူဖြစ်ပါတယ်။ ဒီလိုနဲ့ လက်တွဲဖော်ကြီး ဒေါက်တာဝပ်ဆန်နဲ့ ဘယ်လိုမျိုး တားဆီးသွားမှာလဲဆိုတာကို ခံစားကြည့်လိုက်ကြပါခင်ဗျာ။ File size…    2.8 GB / 1 GB Quality… Blu-ray 1080p / 720p Format… mp4 Duration…. 2h 09m Genre ..... Action / Thriller / Mystery Subtitle…. Myanmar Subtitle (Hard Sub)

Alice In Wonderland(2010) IMDB : 6.4 Rotten Tomatoes : 50% Genre : Family/Adventure/Fantasy Alice in Wonderland ကို လူတိုင်းသိကြမယ်လို့ထင်ပါတယ်။ ကျွန်တော်တို့ရဲ့ ငယ်ဘဝတစ်စိတ်တပိုင်းဆိုလည်းမမှားပါဘူး။ ငယ်ငယ်ကတည်းက လောကကြီးကိုရင်ဆိုင်ပြီးတိုက်ခိုက်နေရတဲ့ အသက်အရွယ်ရောက်လာတာတောင်မှ Tim Burton ရဲ့ရုပ်ရှင်တွေကိုကြည့်ပြီး Tim Burton Universe ထဲကိုသွားချင်တဲ့စိတ်ကမကုန်သေးပါဘူး။ Fantasy လောကရဲ့ ဖခင်ကြီး Tim Burton ရဲ့ရုပ်ရှင်တွေဟာ ကြည့်လိုက်တိုင်း ရင်ထဲမှာတော့ တစ်ခုခုကျန်ခဲ့ပါတယ်။ Alice in Wonderland လည်းအဲလိုပါပဲ။ ကျွန်တော်တို့ဟာ ဘဝမှာ တစ်ခါတော့ အံ့ဖွယ်ကမ္ဘာကိုရောက်သွားတဲ့ Alice တော့ဖြစ်ချင်ခဲ့မှာပါ။ ရှုပ်ထွေးလှတဲ့ လောကကြီးကနေ အံ့ဖွယ်ကမ္ဘာကိုရောက်သွားတဲ့ Alice ကို အားကျခဲ့မိမှာပါ။ Alice in Wonderland ဟာ Rating အရကြည့်မယ်ဆိုရင်တော့ သိပ်ပြီးအားရစရာမဟုတ်ပေမယ့် Academy ၂ ဆုသိမ်းပိုက်ထားတဲ့ ရုပ်ရှင်ဖြစ်ပြီး ပရိသတ် လူငယ်/လူကြီး ကြိုက်ကြတဲ့ ရုပ်ရှင်တကားဖြစ်ပါတယ်။ Alice in Wonderland Theme Song က ကြက်သီးထစေသလို Avril Lavigne ရဲ့ Alice (Underground) သီချင်းကလည်း တခုခုကိုလွမ်းသွားစေမှာပါ။ ဘဝအမောတွေပြေအောင်လို့ ကြည့်လိုက်ကြပါ၊ ကြည့်ပြီးတဲ့လူတွေလည်း အမြင်တမျိုးနဲ့ပြန်မြင်ရမယ်ထင်ပါတယ်။ ဇာတ်ညွှန်း ချားလ်စ်ဆိုတဲ့ ကုန်သည်တစ်ယောက်မှာ အဲလစ်စ်ဆိုတဲ့ သမီးလေးတစ်ယောက်ရှိတယ်။ အဲလစ်စ်လေးဟာ ငယ်ငယ်ကတည်းက အိမ်မက်တစ်ခုတည်းကိုမက်ပါတယ်။ အဲဒီအိမ်မက်ထဲမှာ ဝစ်စ်ကုတ်ဝတ်ထားတဲ့ယုန်ပါတယ်၊ ဒိုဒိုငှက်ကြီးတစ်ကောင်ပါတယ်၊ ပြုံးနေတဲ့ကြောင်ကြီးတစ်ကောင်ပါတယ်။ အိမ်မက်ဆိုတော့ အတည်မှတ်လို့မရဘူးပေါ့လေ။ "သမီးရူးသွားပြီလား" တဲ့။ ဒါက အဲလစ်စ်လေးရဲ့ သူ့အဖေ ချားလ်စ်ကိုမေးတဲ့အမေး။ ချားလ်စ်ကပြန်ဖြေတယ် "ဟုတ်တယ်၊ သွက်သွက်ခါအောင်ပဲတဲ့။ ဒါပေမဲ့ လျှို့ဝှက်ချက်တစ်ခုအဖေပြောပြမယ်။ အတော်ဆုံးလူတွေအကုန်လုံးက ရူးနေကြတာပဲ" တဲ့။ ဒီလိုနဲ့ အဲလစ်စ်လေး ၁၉ နှစ်သမီးရောက်တော့ ရှေးခေတ်အင်္ဂလန်ပြည်ကြီးရဲ့ထုံးစံအတိုင်း ယောက်ျားပေးစားဖို့ကြံပါတော့တယ်။ ဒါပေမဲ့ လက်ထပ်ခွင့်ကို လက်ခံသည်/မလက်ခံသည် မပြောရသေးခင်မှာ အဲလစ်စ်ဟာ ယုန်တွင်းထဲပြုတ်ကျပြီး အံ့ဖွယ်ကမ္ဘာကြီးကိုရောက်သွားပါတော့တယ်။ ဒီလိုနဲ့ အဲလစ်စ်ဟာ မြေအောက်အံ့ဖွယ်ကမ္ဘာကြီးကို ကယ်တင်ဖို့အကြောင်းဖန်လာပါတော့တယ်။ အဲလစ်စ်လေးတစ်ယောက် အံ့ဖွယ်ကမ္ဘာကြီးကိုဘယ်လိုကယ်တင်မလဲဆိုတာ စိတ်ဝင်စားစွာနဲ့ကြည့်လိုက်ကြပါဦးခင်ဗျာ။ အရူးဦးထုပ်သမား အဖြစ် မင်းသားကြီး Johnny Depp အဲလစ်စ် အဖြစ် မင်းသမီး Mia Wasikowska ခန်းဆောင်နီဘုရင်မအဖြစ် Tim Burton ကားမှာ မပါမဖြစ် မင်းသမီး Helena Bonham Carter ခန်းဆောင်ဖြူဘုရင်မအဖြစ် အချစ်တော်မင်းသမီး မကြာနု Anne Hathaway ပညာရှိ ပေါက်ဖတ်အဖြစ်အသံသရုပ်ဆောင် မင်းသားကြီး Alan Rickman ခန်းဆောင်နီဘုရင်မ တပ်မှူးအဖြစ် မင်းသား Crispin Glover တို့က ပါဝင်သရုပ်ဆောင်ထားကြပါတယ်။ File size…2.8 GB / 1.1 GB Quality…Bluray 4k /1080p / 720p Format…mp4 Duration….1hr 48 minute Subtitle….Myanmar Subtitle (Hard Sub) Encoder….Thit San Khant Translated by Lucifer Maximoff

Sherlock Holmes (2009) (Only on Bioscope) IMDB : 7.5 Rotten Tomatoes : 7.2 Genre : Action / Thriller / Mystery Sherlock Holmes ကတော့ နာမည်ကြီး ဒါရိုက်တာ Guy Ritchie ရိုက်ကူးထားတဲ့ လူကြိုက်များခဲ့တဲ့ Detective ရုပ်ရှင်တစ်ခုဖြစ်ပါတယ်။ ဒါတင်မကသေးပဲ RDJ နဲ့ Jude Law တို့က အတွဲညီညီသရုပ်ဆောင်ထားတာမလို့ တော်တော်လေးကိုကြည့်လို့ကောင်းပါတယ်။ ဒါတင်မကသေးပဲ နောက်ခံ Score က ဆရာ့ဆရာကြီး Hans Zimmer လက်ရာဆိုတော့ ကိုယ်တိုင် ၁၈၉၀ ခုနှစ်ကိုရောက်သွားသလိုမျိုး ခံစားရမှာဖြစ်ပါတယ်။ Sherlock Holmes (2009) နဲ့ RDJ Golden Globe (Best Actor) ရခဲ့ပြီး Original Score နဲ့ Original Art Director (Academy) ဆု ဇကာတင်ခဲ့တာဆိုတော့ပြောရရင် ထိပ်တန်းအဆင့် ရုပ်ရှင်တစ်ခုလည်းဖြစ်ပါတယ်။ ဇာတ်ညွှန်း လန်ဒန်မြို့ကြီးမှာ မိန်းကလေးငယ်တွေကို ဖမ်းဆီးသ-တ်ဖြတ်ကာ ယဇ်ပူဇော်နေတဲ့ လော့ဒ်ဘလက်ဝုဒ်ကို ရှားလော့နဲ့ သူ့ရဲ့ လက်တွဲဖော် စစ်ပြန်ဒေါက်တာကြီး ဝပ်ဆန်တို့က အချိန်မှီဖမ်းဆီးနိုင်ခဲ့ပါတယ်။ ဘလက်ဝုဒ်ကို ကြိုးမိန့်ပေးခဲ့ပေမဲ့ ဘလက်ဝုဒ်က နောက်ထပ် အသ-တ်ခံရမယ့်လူတွေရှိလာဦးမယ်ဆိုပြီး ရှားလော့ကို သတိပေးခဲ့ပါတယ်။ သိပ်မကြာခင်မှာပဲ ဘလက်ဝုဒ်ကသေရွာကနေ ပြန်ရှင်လာပြီး လန်ဒန်တမြို့လုံး အုန်းအုန်းကျွတ်ကျွတ်ဖြစ်သွားခဲ့ပါတယ်။ နာမည်ကျော် ရှားလော့ဆိုတာ မမြင်ရတဲ့ အမှောင်မှော်ပညာအောက်မှာ ကျရှုံးသွားပြီလား။ သို့လောသို့လော မေးခွန်းတွေက လန်ဒန်တမြို့လုံး ပျံ့နှံ့လာခဲ့ပါတယ်။ ဒါပေမဲ့ ယုတ္တိဗေဒသမား စစ်စစ်ဖြစ်ပြီး သိပ္ပံကလွဲ ကျန်တာကို သိပ်အယုံမကြည်မရှိတဲ့ ရှားလော့ကတော့ ခေါင်းအေးအေးနဲ့ အမှုကို သုံးသပ်ခဲ့ပါတယ်။ ဒီလိုနဲ့ လျှို့ဝှက်ဆန်းကျယ်တဲ့ ဒီအမှုကို သူ့ရဲ့လက်တွဲဖော်ကြီး ဒေါက်တာ ဝပ်ဆန်နဲ့ ဘယ်လိုမျိုးဖော်ထုတ်သွားမလဲဆိုတာကို ခံစားကြည့်လိုက်ကြပါခင်ဗျာ။ ရှာလော့အဖြစ် မင်းသား RDJ ဒေါက်တာဝပ်ဆန်အဖြစ် မင်းသား Jude Law အိုင်ရင်းအဖြစ် မင်းသမီး Rachel McAdams ဘလက်ဝုဒ်အဖြစ် မင်းသား Mark Strong တို့က ပါဝင်သရုပ်ဆောင်ထားပြီး Guy Ritchie က ပုံဖော်ထားကာ နောက်ခံကို Hans Zimmer က တီးခတ်ထားတာမလို့ ဘာပြောကောင်းမလဲ။ ခံစားသာကြည့်လိုက်ကြပါ။ File size…   9 GB / 3.8 GB / 1.2 GB Quality… Blu-ray 4K/ 1080p / 720p Format… mp4 Duration…. 2h 08m Genre ..... Mystery / Action / Thriller Subtitle…. Myanmar Subtitle (Hard Sub)

မင်းသားကြီး Bill Murray ဦးဆောင်ပါဝင်ထားတဲ့ ဟာသကားလေးတစ်ကားနဲ့ မိတ်ဆက်ပေးချင်ပါတယ်။ Wallace Ritchie တစ်ယောက် သူ့ညီရှိတဲ့ လန်ဒန်ကို အလည်ရောက်လာခဲ့ပါတယ်။ သူ့မွေးနေ့ကို ညီဖြစ်သူနဲ့ ဖြတ်သန်းဖို့ပါ။ ညီဖြစ်သူ James Ritchie က ဘဏ်မန်နေဂျာတစ်ယောက်ဖြစ်ပြီး တိုက်တိုက်ဆိုင်ဆိုင် အဲ့ဒီနေ့မှာပဲ သူ့ရဲ့ မိတ်ဆွေတွေနဲ့ ညစာစားပွဲ ကျင်းပဖို့ စီစဥ်ထားတာပါ။ အစ်ကိုဖြစ်သူက ပေါ့ပေါ့ပါးပါးနေတတ်ပြီး ဟာသတွေ ဖြစ်သလိုလျှောက်ပြောတတ်တာကြောင့် သူ့ရဲ့ ဧည့်ကောင်းဆောင်ကောင်းတွေကြားမှာ အနှောင့်အယှက်ဖြစ်မှာ စိုးနေပါတယ်။ လန်ဒန်ရဲ့ ကိုယ်တိုင်ပါဝင်သရုပ်ဆောင်ရတဲ့ ဘဝရဲ့ဇာတ်ခုံ ပြဇာတ်မှာ ပါဝင်ဖို့ အစ်ကိုဖြစ်သူကို ခေါ်သွားခဲ့ပါတယ်။ အဲ့ဒီပြဇာတ်ဟာ တိုက်ခန်းအစစ် လမ်းအစစ် နေရာအစစ်တွေမှာ တကယ် သရုပ်ဆောင်နေသလိုမျိုး ပါဝင်ရတာ ဖြစ်ပါတယ်။ James နဲ့ Wallace တို့ ညီအစ်ကို နှစ်ယောက် လမ်းဘေးကဖုန်းရုံနားမှာ ပြဇာတ်အဖွဲ့က ဖုန်းခေါ်လာမှာကို စောင့်နေချိန်မှာ ဖုန်းဝင်လာပြီး တစ်ဖက်ကလူတစ်ယောက်က Spenser ဆိုတဲ့လူကို လိပ်စာတစ်ခုပေးပြီး အဲ့ဒီလိပ်စာရောက်ရင် အပေါ်ထပ်မှာ ရှိတဲ့ အမျိုးသမီးငယ် တစ်ယောက်ကို သတ်ပြီး အလောင်းဖျောက်ဖို့ တာဝန်ပေးပါတယ်။ James က သူ့အစ်ကိုကို ဖုန်းခေါ်လာသူဟာ ပြဇာတ်အဖွဲ့ကဖြစ်ကြောင်းပြောပြီး ထိုသူပေးတဲ့ လိပ်စာကိုခေါ်သွားပေးခဲ့ပါတယ်။ တကယ်က လူသတ်သမားရဲ့ ဖုန်းနဲ့ မှားဆက်သွယ်မိပြီး Wallace တစ်ယောက်အလွဲလွဲအချော်ချော်ဖြစ်ရပုံကိုကြည့်ရမှာပါ။ ဇာတ်လမ်းဇာတ်အိမ်ကောင်းတဲ့ ဟာသကားကောင်းမို့လို့ ခံစားကြည့်ရှုဖို့ တိုက်တွန်းပါတယ်။ File size…(1.7 GB)/(962 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

မိုက်ကယ်ကော်ဘန်ဟာ ကျောင်းပြေးတတ်ပြီး အရာရာကို ပေါ့ပေါ့ပဲ သဘောထားတဲ့ ဆယ်ကျော်သက်ကျောင်းသားတစ်ယောက်ပါ။ လုပ်စရာရှိတာကိုလည်း ပြီးအောင်မလုပ်တတ်တော့ ဆရာမတွေရဲ့ မျက်မုန်းကျိုးတာကို ခံနေရတယ်။ အတန်းပျက်တာများလာတဲ့အခါ အထက်တန်းအောင်ဖို့ ပြင်သစ်ဆရာမ ဂရော်ဘာဆီက အမှတ်လိုလာပါတယ်။ အဲဒီအချိန်မှာ ဆရာမက နွေရာသီသင်တန်းအတွင်း ပြင်သစ်ကလပ်နဲ့အတူ ပြင်သစ်နိုင်ငံကို လေ့လာရေးခရီးထွက်ဖို့ ပြင်ဆင်နေတော့ ကော်ဘန်လည်း ခရီးစဉ်ထဲ ပါလာရတာပါ။ အဖေသဘောတူအောင်တော့ အထက်တန်းအောင်ဖို့ သွားရတာလို့ ပြောထားပေမယ့် ကော်ဘန်ရဲ့စိတ်ထဲမှာ ပါရီက မိန်းကလေးတွေနဲ့ ညဘက်လျှောက်လည်ဖို့ပဲ စီစဉ်နေတယ်။ ဆရာမကလည်း ဒီခရီးမှာ သူ့ကို ပညာပေးဖို့ ရည်ရွယ်ထားပါတယ်။ ဒါပေမယ့် သူတို့စီးလာတဲ့ လေယာဉ်ပေါ်မှာ မိုက်ကယ်ကော်ဘန်ဆိုတဲ့ နာမည်တူ နောက်တစ်ယောက် ပါလာတာကနေ မထင်မှတ်တဲ့ကိစ္စ ဖြစ်လာတော့တယ်။ နောက်ကော်ဘန်တစ်ယောက်က အမေရိကန်အသွင်ယူအေးဂျင့်ပါ။ ဘဏ္ဍာရေးဝန်ကြီးတွေ ထူးထူးဆန်းဆန်း အသတ်ခံနေရတဲ့အချိန်မှာ အော်ရန့်ဘာ့ဂ်ရဲ့ ဘဏ္ဍာရေးဝန်ကြီးလည်းဖြစ်၊ ဥရောပဘဏ္ဍာရေးအဖွဲ့အစည်းရဲ့ ဥက္ကဋ္ဌလည်းဖြစ်တဲ့ ဩဂက်စ်တက်စတာရန်ကိုကို ကာကွယ်ပေးဖို့ လာတာဖြစ်ပါတယ်။ ဒါပေမယ့် အေးဂျင့်အစစ်က လုပ်ကြံခံလိုက်ရပြီး ကျောင်းသားကော်ဘန်ကို အေးဂျင့်လို့ မှားယူကြတော့တယ်။ ပြင်သစ်မှာ ပျော်ဖို့ပဲ စိတ်ကူးထားတဲ့ ကောင်လေးဟာ နာမည်တူနေတာကြောင့် နိုင်ငံရေးပြဿနာတွေထဲ ဘုမသိဘမသိ ဝင်ပါမိသွားပြီး အလွဲအချော်တွေ ကြုံလာရပါတယ်။

IMDb Rating - 8.0/10 ခေတ်သစ် Civil Disobidence အယူအဆကို ဖန်တီး‌ဖော်ထုတ်ခဲ့တာကတော့ အိန္ဒိယလွတ်လပ်ရေးဖခင်ကြီး မဟတ္တမဂန္ဒီ လို့ဆိုပါတယ်။၊Civil Disobedience Movementရဲ့ သက်ရောက်မှုကို သိပ်အယုံအကြည်မရှိတဲ့လူတွေ ရှိကောင်းရှိပါလိမ့်မယ်။ ဂန္ဒီလုပ်ခဲ့တဲ့ CDMရဲ့ သက်ရောက်မှုဟာ တစ်စတစ်စနဲ့ ဗြိတိသျှတို့ရဲ့ ကြီးမားလှတဲ့ အင်ပါယာကြီးကိုတောင် အတော်လေး အထိနာစေခဲ့ပါတယ်။ သူရဲ့ဝါဒကတော့ ရှင်းပါတယ်။ အကြမ်းမဖက်ဘူး မပူးပေါင်း မနာခံဘူး။ အကြမ်းမဖက်တာက အ‌ပြောတော့လွယ်ပါတယ် တစ်ဖက်က အကြမ်းဖက်လို့ ကိုယ့်အသားနာလာရင် သွေးရူးသွေးတန်းနဲ့ ပြန်အကြမ်းဖက်မိနိုင်‌ခြေသိပ်များပါတယ်။ အထူးသဖြင့် အကြမ်းမဖက်လို့ ရနိုင်မယ့် အကျိုးကျေးဇူးကို မသိရင်ပေါ့။ပြောရရင် CDMရဲ့ နောက်ဆက်တွဲအကျိူးကျေးဇူးကို မသိရင်ပေါ့။ ဂန္ဒီလက်ကိုင်ထားခဲ့တဲ့ဝါဒဟာ Civil Disobidenceပါပဲ။ CDMနဲ့ ပက်သက်ပြီး ဒီရုပ်ရှင်မှာ ဖြစ်ရပ်မှန် သာဓကတွေအများကြီးပါပါတယ်။ CDMကို ဒီရုပ်ရှင်သာမကြည့်ခဲ့မိရင် ဒီလောက်အထိစွမ်းမယ်လို့ လုံး၀ဥဿုံ ထင်ချင်မှလည်းထင်မိမှာပါ။ မိတ်ဆွေတို့ကိုတော့ မဆိုလိုဘူးပေါ့။ ဒါကျွန်တော့်ရဲ့တုံးအမှုပါပဲ။ ဂန္ဒီပြောသလိုပါပဲ "သူတို့ ကျုပ်တို့ကို ကြိုက်တာလုပ်လို့ရပါတယ်။ ဒါပေမဲ့ ကျုပ်ရဲ့ နာခံမှုကိုတော့ ကျုပ်မပေး မချင်းသူတို့မရနိုင်ပါဘူး"CDMဟာ အင်အားချင်းမတုံ့ပြန်နိုင်တဲ့လူတွေအတွက် အကောင်းဆုံးလက်နက်ပါပဲ။မိတ်ဆွေ ဒီထက်နားလည်သွားမှာတွေအများကြီး ပိုပါပါသေးတယ်။ ဒါပေမဲ့ ကျွန်တော် မပြောပြတတ်ပါဘူး။ မပြောချင်တာ မဟုတ်ပါဘူး။ နိုင်ငံရေးနဲ့ပက်သက်ပြီး ကျွန်တော် ဘာမှနားလည်တဲ့လူတော့ မဟုတ်ပါဘူး ဒါပေမဲ့ သေချာတာက ခင်ဗျား ဒီရုပ်ရှင်ကိုကြည့်ပြီး CDMအစစ်ရဲ့ သက်ရောက်မှုကို ကောင်းကောင်းကြီးသိသွားမှာပါ။ ဒါပါပဲ။ CDMနဲ့တစ်နိုင်ငံလုံး ပက်သက်နေတဲ့အချိန်မှာ ဒီရုပ်ရှင်ကို ကြည့်ဖြစ်အောင်ကြည့်လိုက်ကြပါ။ ကြည့်ကြစေချင်ပါတယ်။ ဒါကျွန်တော့်ရဲ့ စိတ်‌စေတနာအမှန်ပါပဲ။ တစ်ခါတလေကျ ဒီကမ္ဘာကြီးမှာ ကျွန်တော်တို့ ဘာမှမတတ်နိုင်ပါဘူးလို့ ထင်ကောင်းထင်ရတဲ့ နေ့တွေရှိမယ်။ ကိုယ့်ဖြစ်တည်မှုရဲ့ သိမ်ဖျင်းသေးနုပ်မှုကို စိတ်ပျက်အားငယ်မိတဲ့နေ့တွေရှိမယ်။ တစ်ခါတလေ ဒီကမ္ဘာကြီးက အဓိပ္ပာယ်မရှိပါဘူးလို့တွေးမိတဲ့ အခါတွေများမှာ အဓိပ္ပာယ်ရှိခဲ့တဲ့လူတစ်ယောက်ရဲ့ ဘ၀အကြောင်းကို သိထားတာဟာ ကျွန်တော်တို့ ဘာမှမတတ်နိုင်ဘူးထင်ရတဲ ကမ္ဘာကြီးမှာ မျှော်လင့်စရာကလေးတွေ ကျန်သေးကြောင်း အသိပေးကောင်းပေး နိုင်ပါလိမ့်မယ်။ တကယ်လို့်များ မိတ်ဆွေစိတ်ပျက်အားငယ်မိရင် ဂန္ဒီပြောဖူးတဲ့စကားလေးတစ်ခုကို သတိရလိုက်ပါ။ " ကျုပ်စိတ်ပျက်အားငယ်တဲ့အခါ အမှန်တရားနဲ့ ချစ်ခြင်းမေတ္တာရဲ့ လမ်းစဉ်က အမြဲအောင်နိုင်ခဲ့တယ်ဆိုတာကို သတိရမိတယ်။ ကမ္ဘာကြီးမှာ မင်းဆိုးမင်းညစ် အာဏာရှင်တွေ လူသတ်သမားတွေ ရှိခဲ့ကြပြီးပြီ အချိန်တစ်ခုထိတော့ သူတို့လိုလူတွေက မကျရှုံးနိုင်ဘူးထင်ရတယ်။ အဆုံးမှာတော့ သူတို့ အမြဲကျရှုံးရတာပါပဲ ဒါကိုအမြဲတွေးပါ" (ဒီဇာတ်လမ်းရဲ့ အညွှန်း နဲ့ ဘာသာပြန်ရေးသားပေးသူကတော့ WiRa Aung ပဲဖြစ်ပါတယ်။) Quality – 1080p, 720p WebRip Duration - 3h 11min Subtitle – Myanmar Hardsub Format – Mp4 Genre : Biography, Drama, History Source : 1080p.WebRip Translator – WiRa Aung Encoder – SWM