Harry Dean Stanton ပါဝင်သော ဇာတ်ကားများ

ဒီဇာတ်ကားဟာ သရုပ်ဆောင် Harry Dean Stanton ရဲ့ ခေါင်းဆောင်မင်းသားအဖြစ် နောက်ဆုံးသရုပ်ဆောင်မှုဖြစ်ပြီး သူကွယ်လွန်ခါနီးလေးမှာ ရုံတင်ပြသခဲ့တာ ဖြစ်ပါတယ် ဝေဖန်သူတွေရဲ့ ချီးကျူးမှုကိုလည်း ရရှိခဲ့ပြီးတော့ Rotten Tomatoes မှာဆိုရင် 97%အထိ အဆင့်သတ်မှတ်ခြင်း ခံခဲ့ရတာပါ ဇာတ်လမ်းအကျဉ်းကတော့ အာရီဇိုးနားက သဲကန္တာရမြို့လေးမှာ နေထိုင်တဲ့ အသက် ၉၀ အရွယ် လပ်ကီးဆိုတဲ့ အဘိုးအိုဟာနေ့စဉ်ဘဝကို ရိုးရိုးရှင်းရှင်းပဲ ဖြတ်သန်းလေ့ရှိပါတယ် ‌ဘဝရဲ့နှောင်းပိုင်းတွေကို အေးအေးလူလူဖြတ်သန်းနေရင်းနဲ့ပဲ တစ်နေ့မှာတော့ သေခြင်းတရားက လက်တစ်ကမ်းမှာရှိနေတယ်ဆိုတာကို သူနားလည်လာခဲ့တယ် တစ်ချိန်တည်းမှာပဲ ရှင်သန်ခြင်းရဲ့အဓိပ္ပါယ်ကို မေးခွန်းထုတ်ချင်လာခဲ့ပြန်ပါတယ် ဒီဇာတ်ကားဟာ သေခြင်းတရားကို ရင်ဆိုင်ရတဲ့ သက်ကြီးရွယ်အိုတစ်ဦးရဲ့ ဘဝကို ကြင်နာမှုအပြည့်နဲ့ ရိုးရိုးရှင်းရှင်း ပုံဖော်ထားတာ ဖြစ်တဲ့အတွက် ဇာတ်ကားအဆုံးမှာ သူပေးချင်တဲ့ ရသတစ်ခုကို ရင်ထဲမှ ထိထိမိမိခံစားမိမှာတော့ သေချာပါတယ် File size…    1.19 GB /  518 MB Quality… BluRay 1080p / 720p Format… mp4 Duration…. 1h 28m Genre ..... Drama Subtitle…. Myanmar Subtitle (Hard Sub)

တစ်ချိန်က အယ်လ်အေပီဒီရဲ့ မူးယစ်ရဲတပ်ဖွဲ့မှာ ပါဝင်ခဲ့တဲ့သူတစ်ယောက်ဟာ ငါးနှစ်ကြာပြီးနောက် ဆွန်မာတန်ဆိုတဲ့ နယ်စပ်မြို့လေးမှာ နယ်ထိန်းအဖြစ် အေးအေးချမ်းချမ်း နေထိုင်နေပါတယ်။ အာနိုးသရုပ်ဆောင်ထားတဲ့ ဒီနယ်ထိန်းရဲ့ဘဝက ဒုစရိုက်သမား ဂါဘရီယယ်ကောတက်စ် ထွက်ပြေးလာချိန်မှာ ပြောင်းလဲသွားတော့တယ်။ ကောတက်စ်ဟာ အက်ဖ်ဘီအိုင်လက်ထဲကနေ လွတ်လာပြီး သူ့အဖွဲ့သားတွေနဲ့အတူ ဆွန်မာတန်ဘက်ကို ဦးတည်လာနေပါတယ်။ နယ်ထိန်းလည်း အေးအေးဆေးဆေးနေလို့ မရတော့ဘဲ သူတို့ကို တားဆီးဖို့ ကြိုးစားရတော့တယ်။ တစ်ဖက်မှာ လက်နက်အပြည့်အစုံနဲ့ လူအင်အားများတဲ့အဖွဲ့ရှိနေပြီး ဒီဘက်မှာတော့ နယ်ထိန်းရဲအနည်းငယ်ပဲ ရှိပါတယ်။ ဒီလူနည်းစုနဲ့ ကောတက်စ်တို့ကို ဘယ်လိုတားဆီးကြမလဲဆိုတာ ဇာတ်လမ်းမှာ ဆက်ပြထားပါတယ်။ ဒီကားဟာ ကိုရီးယားဒါရိုက်တာ Kim Jee Woon ရဲ့ ပထမဆုံးအမေရိကန်ရုပ်ရှင်ဖြစ်ပြီး အာနိုးအတွက်လည်း Terminator 3 နောက်ပိုင်း အဓိကဇာတ်ဆောင်အဖြစ် ပြန်ပါဝင်လာတဲ့ကားပါ။

Seven Psychopaths (2012) ဆိုတဲ့ Comedy, Crime ဇာတ်ကားလေးကတော့ ရယ်ရသလို ကြည့်လို့လဲကောင်းပါတယ်။ နက်နက်နဲနဲတွေးချင်ရင်လည်း ရပါသေးတယ်။ ဒီဇာတ်ကားကို ကျွန်တော့်ဉာဏ်လေးမတောက် တခေါက်နဲ့ ညွှန်းလိုက်ရင်ပေါ့သွားမှာ ဆိုးလို့ ကောင်းတယ်၊ရယ်ရတယ် ဒီလောက်ပဲညွှန်းပါရစေ။ ဇာတ်လမ်းအကျဉ်းကတော့ အရူး ၇ ယောက်အကြောင်းကို ဇာတ််လမ်းရေးမယ့် စာရေးဆရာ အရက်သမားတစ်ယောက် ဇာတ်လမ်း စဉ်းစားရကြပ်နေပါတယ်။ နောက်တော့ ခွေးကို ပြန်ပေးဆွဲနေတဲ့ သူ့သူငယ်ချင်းနှစ်ယောက်နဲ့ အတူ ဇာတ်ရှုပ်တစ်ခုထဲကို ဝင်မိကြပါတယ်။ အဲဒီမှာ သူ့ဇာတ်လမ်းအတွက် အရူးတွေကို ထပ်တွေ့လာပြီး သူ့သူငယ်ချင်းနှစ်ယောက်က သူ့ဇာတ်လမ်းကို ဘယ်လိုကူရေးပေးကြမလဲ ကြည့်ရမှာပါ။ Rating တွေကလည်း ကောင်းပါတယ်။ IMDB 7.2 ရှိပြီး Rotten Tomatoes 82% ရရှိထားပါတယ်။ Translated & Review By D3mon Encoded By LK

Marvel Cinematic Universe: Phase One ဆိုတာ MCU ရဲ့အစဖြစ်ပြီး စူပါဟီးရိုးရုပ်ရှင်သမိုင်းမှာ ကြီးမားကျယ်ပြန့်တဲ့ Universe ကို အောင်မြင်စွာမိတ်ဆက်နိုင်ခဲ့ပါတယ်။ ဒီ Phase 1 ထဲမှာတော့ MCU ဇာတ်ကောင်တွေကို Solo တွေအနေနဲ့ ပရိတ်သတ်တွေ စတင်ထိတွေ့ခွင့်ရခဲ့ပြီး ဇာတ်ကောင်တိုင်း ပရိတ်သတ်ရင်ထဲ ကိုယ်စီရောက်ရှိခဲ့ကြပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 1 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man (2008) The Incredible Hulk (2008) Iron Man 2 (2010) Thor (2011) Captain America: The First Avenger (2011) The Avengers (2012) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ The Avengers (2012) IMDb Rating (8.0) / Rotten Tomatoes (91 %) MCU ရဲ့  ဆဌမမြောက်ရုပ်ရှင်ကားဖြစ်ပြီး ရှေ့မှာမိတ်ဆက်ခဲ့ပြီးသား စူပါဟီးရီုးတွေကို တပေါင်းတစည်းထဲ စတင်မြင်တွေ့ရမယ့်ရုပ်ရှင်ဖြစ်ပြီး Marvel Cinematic Universe ဆိုတာ ဒါမျိုးလို့ ကြွေးကြော်နိုင်တဲ့ထိ အောင်မြင်မှုရရှိခဲ့ပါတယ်။ Infinity Stone ခေါ် စကြာဝဠာကျောက်တုံး(၆) တုံးထဲက Space Stone ခေါ် Tesseract (Blue) ကျောက်တုံးရဲ့ စွမ်းအားတွေနဲ့ စူပါဟီးရိုးတွေရဲ့ အခန်းကဏ္ဍကို ကျယ်ကျယ်ပြန့်ပြန့်မိတ်ဆက်လာနိုင်ပါတယ်။ Budget $220–225 million ကုန်ကျခဲ့ပြီး Box office ဝင်ငွေ $1.521 billion ထိပြန်လည်ရရှိခဲ့လို့ MCU ရဲ့ ပထမဆုံး ဘီလီယံကျော်တဲ့ရုပ်ရှင်ကားအဖြစ်အောင်မြင်ခဲ့ပါတယ်။ File size…(6.9 GB)/ (3 GB )/(1.9 GB) Quality…BluRay 4K HEVC/1080p HEVC / 720p Format…mkv/mp4 Duration….02:23:00 Subtitle….Myanmar Subtitle (Hardsub) Encoder….Ka Naung

Rango ဆိုတဲ့ ပုတ်သင်လေးဟာ သူရဲကောင်းဖြစ်ချင်တဲ့ စိတ်ကူးယဉ်သမားတစ်ကောင်ပါ။ သူရဲကောင်းတစ်ယောက်လို မင်းသမီးလေးကို ကယ်တင်ရဖို့က သူ့ရဲ့အကြီးမားဆုံး မျှော်လင့်ချက်ပေါ့။ တစ်နေ့မှာတော့ မမျှော်လင့်တဲ့ ဖြစ်ရပ်တစ်ခုကြောင့် သဲကန္တာရထဲ သောင်တင်သွားပြီး ရေပြတ်လပ်နေတဲ့ မြို့ငယ်လေးတစ်မြို့ကို ရောက်လာတယ်။ တကယ်တမ်း အစွမ်းအစမရှိသေးပေမယ့် အပြောကောင်းတဲ့ Rango ဟာ မြို့ခံတွေ အထင်ကြီးယုံကြည်လာအောင် လုပ်နိုင်ခဲ့ပါတယ်။ မြို့ကို ဒုက္ခပေးနေတဲ့ ငှက်ကြီးကိုလည်း အလွဲလွဲအချော်ချော်နဲ့ ရှင်းပစ်နိုင်သွားတော့ မြို့ခံတွေက သူ့ကို ပိုပြီး အထင်ကြီးလာကြတယ်။ သူတို့မြို့ရဲ့ဒုက္ခတွေကို ဖြေရှင်းပေးနိုင်မယ့် သူရဲကောင်းအဖြစ်ပါ အားကိုးလာကြတော့တာပါ။ ဒီလိုနဲ့ Rango ဟာ လိုချင်ခဲ့တဲ့ သူရဲကောင်းအမည်ကို ရလာပေမယ့် အဲဒီနာမည်နဲ့ထိုက်တန်အောင် ကြိုးစားရာမှာ ပြဿနာတွေ တစ်ခုပြီးတစ်ခု ကြုံလာရတယ်။ သူရဲကောင်းဟန်ဆောင်နေမှန်း မြို့ခံတွေ သိသွားရင် ဘယ်လိုဖြစ်မလဲ၊ သူကိုယ်တိုင်ကရော သူရဲကောင်းဆိုတဲ့ အဓိပ္ပာယ်ကို နားလည်လာနိုင်မလားဆိုတာ သူ့ရှေ့မှာ ရှိနေပါတယ်။

Inland Empire (2006) ကတော့ psychological thriller ရုပ်ရှင်တစ်ကားဖြစ်ပြီး David Lynch ရဲ့လက်ရာလည်း ဖြစ်ပါတယ်။ ဇာတ်လမ်းအစမှာ Laura Dern သရုပ်ဆောင်ထားတဲ့ ဟောလိဝုဒ်မင်းသမီး Nikki Grace ဆိုတဲ့ character က On High in Blue Tomorrows ဆိုတဲ့ ဇာတ်ကားမှာအဓိကဇာတ်ကောင်နေရာကနေ သရုပ်ဆောင်ဖို့ ရွေးခံခဲ့ရပါတယ်။ On High in Blue ရုပ်ရှင်ကလည်ရ ကျိန်စာသင့်နေလို့ ပြီးဆုံးအောင် မရိုက်လိုက်ရဘူးဆိုတဲ့ ပိုလန်ရုပ်ရှင်ဟောင်းတစ်ခုကို ပြန်ရိုက်တယ်ဆိုတာ Nikki သိလိုက်ရပါတယ်။ အဲအချိန်ကစပြီး သူ့ရဲ့လက်တွေ့ဘဝနဲ့ ရုပ်ရှင်ထဲကကာရိုက်တာနဲ့ ရောသွားပြီးတော့ စိတ်ကူးယဉ်ဆန်ဆန် အဖြစ်အပျက်တွေ ဖြစ်လာပါတော့တယ်။ ဒီရုပ်ရှင်ကိုကြည့်တဲ့အခါမှာ နားလည်အောင် ကြိုးစားတာထက် David Lynch ရဲ့ တင်ဆက်ပုံကိုပဲ ခံစားပြီးကြည့်သင့်ပါတယ်။ David Lynch ရဲ့ လက်ရာတွေနဲ့ မစိမ်းသူတွေကတော့ သူ့ရဲ့တင်ဆက်ပုံတွေကို နှစ်သက်နိုင်ပေမဲ့ ခုမှထိတွေံမဲ့လူတွေအတွက်တော့ Inland Empire က ပျင်းစရာကောင်းနေနိုင်ပါတယ်။ ဒါပေမဲ့လည်း ဒါရိုက်တာကြီး David Lynch ရဲ့လက်ရာတွေကို ဘဝမှာတစ်ခါလောက်တော့ ခံစားဖူးတယ်ရှိအောင် တင်ဆက်ပေးလိုက်ရပါတယ်။ File size…    3.24 GB /  1.41 GB Quality… BluRay 1080p / 720p Format… mp4 Duration…. 1h 40m Genre ..... Fantasy / Horror / Mystery Subtitle…. Myanmar Subtitle (Hard Sub)

ဒေ့ဗ် ဟာ အရမ်းတော်တဲ့ စီးပွားရေးသမား တစ်ယောက်ဖြစ်ပါတယ် အရာရာတိုင်းကို စည်းစနစ်တကျ လုပ်တက်ပြီး အရှက်အကြောက်လဲ ကြီးသလို ဒေါသကိုလဲ မျိုသိပ်နိုင်သူဖြစ်ပြီး အောက်ကျို့တက်သူပါ ဒါပေမဲ့ တစ်ရက်မှာတော့ အလုပ်ကိစ္စ တစ်ခုကို ချိန်းဆိုထားလို့ လေယဉ် နဲ့ ခရီးထွက်ရပါတော့တယ်... အဲ့ဒီမှာ ပြသနာက စတော့တာပါပဲ ဒေ့ဗ် ဘေးနားမှာ ကျပ်မပြည့်တဲ့ အူကြောင်ကြား ဘဲတစ်ပွေ ရောက်နေပြီး စိတ်အနှောက်အယှက်ဖြစ်စရာတွေကိုပဲ ဆက်တိုက်လုပ်နေခဲ့ပါတယ်... သက်သာလို သက်သာငြား ဆိုပြီး နားကြပ်လေးတပ်ပြီး ရုပ်ရှင်ကြည့်ဖို့ လေယဉ်မယ် ကို အကူအညီတောင်းခဲ့ပေမဲ့ တလွဲတွေ ဖြစ်ခဲ့ပြီး နောက်ဆုံး ကိုယ်ထိလက်ရောက်မှု နဲ့ တရားရုံးရောက်ခဲ့ပါတယ် တရားသူကြီးက အင်မတန်စိတ်ရှည်ပြီး ဒေါသထိန်းချုပ်နိုင်တဲ့ ဒေ့ဗ် ကိုမှ ဒေါသထိန်းချုပ်နည်း သင်တန်း တက်ဖို့ အမိန့်ချမှတ်လိုက်ပါတော့တယ် ကဲ ဒေ့ဗ် တစ်ယောက် အေးချမ်းတဲ့ ဘဝလေး ကနေ ဘယ်လို သောက်တလွဲ တွေ နဲ့ စတင်တော့မလဲ ဆိုတာ ဆက်လက်ကြည့်ရှုလိုက်ကြပါစို့ ဒီရုပ်ရှင်ကားကို Yuki Aurora က ဘာသာပြန်ပေးထားပြီး Thit San Khant မှ Encode ၍ တင်ဆက်ပေးထားပါတယ်

The Pledge (2001) ပရိသတ်ကြီးရေ၊ ဒီတစ်ခါမှာတော့ စုံထောက်ဇာတ်ကားတွေကို ကြိုက်နှစ်သက်သူတွေအတွက် အနည်းငယ်လေးနက်ပြီး စိတ်ခံစားမှု ပြင်းထန်တဲ့ ရုပ်ရှင်တစ်ကားဖြစ်တဲ့ The Pledge (၂၀၀၁) ကို မိတ်ဆက်ပေးချင်ပါတယ်။ ဒီကားကို သရုပ်ဆောင်ပိုင်းမှာ ထိပ်တန်းမင်းသားတစ်လက်ဖြစ်တဲ့ Jack Nicholson က အဓိက သရုပ်ဆောင်ပြီး၊ ဒါရိုက်တာကတော့ Sean Penn ပဲဖြစ်ပါတယ်။ ဇာတ်လမ်းအညွှန်း ဇာတ်လမ်းက ရီနိုမြို့ (Reno) က စုံထောက်ဟောင်း Jerry Black (Jack Nicholson) အကြောင်းပါ။ သူ အငြိမ်းစားယူတဲ့ညမှာပဲ၊ အသက် ၈ နှစ်အရွယ် ကလေးမလေးတစ်ယောက် ရက်ရက်စက်စက် အသတ်ခံလိုက်ရတဲ့ အမှုတစ်ခုပေါ်လာပါတယ်။ Jerry Black ဟာ အငြိမ်းစားယူပြီးသားဖြစ်ပေမဲ့၊ သေဆုံးသွားတဲ့ ကလေးမလေးရဲ့ မိခင်ကို တရားခံကို မဖြစ်မနေ ဖော်ထုတ်ပေးမယ်ဆိုပြီး သစ္စာဆို လိုက်ပါတယ်။ ရဲတွေကတော့ မသန်စွမ်းသူတစ်ဦးကို ဖမ်းဆီးပြီး အမှုကို အလွယ်တကူ ပိတ်လိုက်ပေမဲ့၊ Jerry ဟာ ဒီလူဟာ တရားခံအစစ်မဟုတ်ဘူးလို့ ယုံကြည်နေပါတယ်။ ဒါကြောင့် သူဟာ အငြိမ်းစားဘဝကို စွန့်လွှတ်ပြီး၊ ကိုယ်ပိုင် စုံစမ်းစစ်ဆေးမှုတွေကို စတင်ပါတော့တယ်။ အဲဒီအတွက် သူဟာ စုံတွဲလူသတ်သမားကို ထောင်ချောက်ဆင်ဖို့အတွက် လူသတ်မှုတွေဖြစ်ခဲ့တဲ့ နေရာတွေကြားက လမ်းဘေး ဓာတ်ဆီဆိုင်ဟောင်းလေးတစ်ခုကို ဝယ်ပြီး နေရာယူလိုက်ပါတယ်။ ထိုနေရာမှာ Jerry ဟာ မိခင်တစ်ဦးနဲ့ သူမရဲ့ သမီးငယ်လေး Chrissy နဲ့ ဆုံဆည်းပြီး၊ သူတို့မိသားစုနဲ့ အတူနေထိုင်ရင်း ချစ်ခင်တွယ်တာမှုတွေ စတင်လာပါတယ်။ ဒါပေမဲ့ ကလေးမလေး Chrissy ရဲ့ ပုံပန်းသဏ္ဍာန်ဟာ အရင် အသတ်ခံခဲ့ရတဲ့ ကလေးမလေးတွေနဲ့ ဆင်တူနေတဲ့အခါမှာတော့၊ Jerry ဟာ သူ့ရဲ့ စုံထောက်စိတ်နဲ့ ကတိတည်ချင်စိတ်ကြောင့် ဘယ်လို ဆုံးဖြတ်ချက်တွေ ချသွားမလဲဆိုတာ ရင်တထိတ်ထိတ်နဲ့ ကြည့်ရှုရမှာပဲ ဖြစ်ပါတယ်။ File Size - 1.6 GB/ 743 MB Quality - BluRay 1080p/ 720p Duration - 2h 4m Format - mp4 Genre - Crime, Drama, Mystery, Thriller Subtitle - Myanmar Subtitle (Hard Sub)

မာဗင်ဟာ ရဲဖြစ်ခဲ့တဲ့ အဖေ့လိုပဲ ရဲတစ်ယောက်ဖြစ်ချင်ပေမယ့် အရည်အချင်းမမီလို့ ဝင်ခွင့်စာမေးပွဲ ဖြေတိုင်း ကျနေသူပါ။ ရဲစခန်းမှာလည်း လူတိုင်းရဲ့ အထင်သေးတာကို ခံနေရတယ်။ သူသဘောကျနေတဲ့ မိန်းကလေးကတော့ သဘာဝပတ်ဝန်းကျင် ထိန်းသိမ်းရေးကို စိတ်ဝင်စားပြီး တိရစ္ဆာန်တွေကို ချစ်တတ်သူတစ်ယောက်ပါ။ တစ်နေ့ စခန်းကလူတွေ ဘောလုံးပွဲသွားကြည့်နေတုန်း ဓားပြမှုတစ်ခုအတွက် ဖုန်းဝင်လာပါတယ်။ အရာရှိတွေကို ဆက်သွယ်လို့ မရတဲ့အဆုံး မာဗင်က ကိုယ်တိုင်သွားကူဖို့ ထွက်လာပေမယ့် လမ်းမှာ ကားမှောက်ပြီး သေလုနီးပါး ဖြစ်သွားတယ်။ ပြန်နိုးလာတဲ့အခါ နောက်တစ်နေ့ပဲ ရှိသေးတယ်လို့ ထင်နေခဲ့တာပါ။ တကယ်တော့ သူပျောက်နေခဲ့တာ ရှစ်ရက်လောက် ရှိသွားပြီ။ အဲဒီနောက် မာဗင်ဟာ တိရစ္ဆာန်အမျိုးမျိုးလို ပြုမူမိပြီး ကိုယ့်ကိုယ်ကိုယ် ထိန်းမရတဲ့အချိန်တွေ ရှိလာပါတယ်။ အကြောင်းရင်းက ကားမှောက်နေတဲ့ သူ့ကို သိပ္ပံပညာရှင်ဆရာဝန်တစ်ယောက် တွေ့သွားပြီး အသက်ကယ်ဖို့ လိုအပ်တဲ့ ကိုယ်အင်္ဂါအစိတ်အပိုင်းတွေကို တိရစ္ဆာန်အင်္ဂါတွေနဲ့ အစားထိုးခွဲစိတ်ပေးခဲ့လို့ပါ။ တဖြည်းဖြည်းနဲ့ တိရစ္ဆာန်စိတ်က လူသားစိတ်ကို လွှမ်းမိုးလာတဲ့အခါ သူ့အပြုအမူတွေက ပိုပြီး ပရမ်းပတာဖြစ်လာတယ်။ Rob Schneider သရုပ်ဆောင်ထားတဲ့ သိပ္ပံစိတ်ကူးယဉ်ဟာသဖြစ်ပြီး မာဗင်ရဲ့ ခွေးတစ်ကောင်လို ပြုမူပုံတွေ၊ မိတ်လိုက်ချင်စိတ်ကို မထိန်းနိုင်တာတွေကို ဟာသအဖြစ် ထည့်ထားပါတယ်။ အဖော်အချွတ်နဲ့ အိပ်ရာခန်းတွေ မပါပေမယ့် လိင်အကြောင်း ဟာသတွေတော့ ပါဝင်ပါတယ်။

The Man Who Cried (2000) IMDb Rating (6.1) / Rotten Tomatoes (35%) ဒီရုပ်ရှင်လေးကတော့ ရုရှားကနေထွက်လာတဲ့ ဂျူးမိန်းမငယ်လေးတစ်ယောက်ဖြစ်တဲ့ ဆူဇီအကြောင်း ရိုက်ကူးထားတာပါ။ ဆူဇီတို့မိသားစုဟာ ရွှေ့ပြောင်းဖို့လုပ်ရင်းကနေ သူ့အဖေနဲ့သူနဲ့ လူချင်းကွဲသွားခဲ့ပါတယ်။ တစ်နေ့မှာ အမေရိကန်နိုင်ငံမှာရှိတဲ့ သူ့အဖေကို ပြန်ရှာမယ်ဆိုတဲ့ ရည်ရွယ်ချက်နဲ့ သီချင်းအဆိုကောင်းတဲ့ ဆူဇီဟာ ပါရီမြို့ပြဇာတ်ရုံတစ်ခုမှာ အကမယ်တစ်ယောက်ဖြစ်လာပါတယ်။ သူမရဲ့အခန်းဖော်ကတော့ သူ့ရုပ်ရည်ကို အသုံးချပြီး ချမ်းသာတဲ့ သူတစ်ယောက်နဲ့ယူဖို့ ကြံရွယ်နေတဲ့ လိုလာပေါ့ လိုလာက ဝင်ငွေကောင်းတဲ့ နာမည်ကြီးတဲ့ အော်ပရာအဆိုတော် ဒန်တေကို ချိန်နေချိန်မှာ ဆူဇီသဘောကျတာကတော့ ဂျစ်ပစီတစ်ယောက်ဖြစ်တဲ့ ဆီဆာပါ ဒန်တေကတော့ ဂျစ်ပစီတွေ ဂျူးတွေကိုမုန်းတဲ့ မူဆိုလီနီကို ထောက်ခံသူပေါ့.. နောက်ဆုံး ဒုတိယကမ္ဘာစစ်ရဲ့အငွေ့အသက်တွေ ပဲရစ်မြို့အထိရောက်ရှိလာချိန်မှာတော့ သူတို့လေးယောက် ဘာဆက်ဖြစ်ကြမှာလဲ.. ဆူဇီတစ်ယောက် သူချစ်တဲ့ ဆီဆာနဲ့ ဇာတ်သိမ်းမှာ ပေါင်းရမှာလား.. သူ့အဖေနဲ့ရော တွေ့ရမလား..လိုလာကရော ဒန်တေကို ပိုင်ဆိုင်နိုင်ပြီး ဘဝမှာ ပျော်ရွှင်ရမှာလား.. အတ္တသမား ဒန်တေရော ဘာဆက်ဖြစ်မလဲ... ရုပ်ရှင်လေးမှာ ဆက်လက်ရှုစားကြည့်နော်.. (အညွှန်းနဲ့ဘာသာပြန်ကတော့ Bunny ဖြစ်ပါတယ်။) File size… (2 GB) / (1.1 GB) Quality….Blu-Ray 1080p HEVC / 720p Format…. mkv/mp4 Genre….Drama, Music, Romance, War Duration….01:40:37 Subtitle….Myanmar Subtitle (Hardsub) Encoder….Benjamin Translated by Bunny

ဒီရုပ်ရှင်ကားက သူ့ နာမည်အတိုင်းပဲ Alvin Straight ဆိုတဲ့ စစ်ပြန်အဖိုးကြီး အကြောင်း ရိုက်ထားတာပါ။ သိပ်မကြာသေးခင်က ဆုံးပါးသွားတဲ့ ဒါရိုက်တာကြီး David Lynch ရဲ့ လက်ရာကောင်းတစ်ခုလည်းဖြစ်ပါတယ်။ Alvin Straight က အသက် ၇၀ကျော် ခေါင်းတအားမာပြီး လုပ်ချင်တာ ဇွတ်လုပ်တဲ့ အဖိုးကြီးပါ။ သူက Roseလို့ခေါ်တဲ့ သမီးတစ်ယောက်နဲ့ အတူ နေပါတယ်။ တစ်ရက်သူ့ဆီကို Wisconson မှာနေတဲ့ ညီဖြစ်သူက လေဖြတ်သွားပြီ ဆိုပြီး တူ ဖြစ်သူက အကြောင်းကြားလာပါတယ်။ Alvin နဲ့ Lyle တို့ ညီအစ်ကိုက ရန်ဖြစ်ပြီး စကားမပြောတာ ၁၀ စုနှစ် တစ်ခုရှိပါပြီ။ သူ့ညီ သတင်းကြားတာနဲ့ Alvin က သူ့အိမ်က မြက်ရိတ်စက်ကြီးကို နောက်တွဲတစ်ခု ဆွဲပြီး သူ့ညီဆီခရီးထွက်ဖို့ပြင်ပါတော့တယ်။ သူကိုယ်တိုင် ကျန်းမာရေးမကောင်းတာကြောင့် သမီးဖြစ်သူက တားပေမယ့် လက်မခံပဲ ဇွတ်တရွတ် ထွက်သွားတာပါ။ လမ်းမှာ ညဘက်တွေ လယ်ကွင်းထဲ စခန်းချပြီး နောက်တွဲထဲ အိပ်ပါတယ်။ သူနေတဲ့ Iowa ကနေ သူ့ညီနေတဲ့ Wisconsin ကို ၃၁၇မိုင် အကွာအဝေးရှိပါတယ်။ Alvin ရဲ့ ခရီးတစ်လျှောက်မှာ အမေရိကန် ကျေးလက် ရှုခင်းတွေကိုလည်း လှလှပပ မြင်တွေ့ရမှာပါ။ File size…(1.8 GB)/(961 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama Subtitle….Myanmar Subtitle (Hardsub) Encoder….Swan Min Htet Translated by leonie

ကျမတို့ဂြိုဟ်ကမ္ဘာမှာ တရားသဖြင့် ဆိုတဲ့စကားဟာ တကယ်ရှိရဲ့လား။ လူသားတစ်ယောက်နဲ့တစ်ယောက် နှိပ်စက်သတ်ဖြတ်ကြတာ ၊ အားငယ်သူကို အားကြီးသူက ညှဉ်းပန်းတာ ၊ မတရားမှုမှန်းသိသိကြီးတောင် ဝင်မစွက်ရဲတာ / ဝင်စွက်ဖို့ရာ အင်အားမလုံလောက်တာ ။ ကျမတို့မျက်စိရှေ့လေးတင်မှာပဲ မတရားမှုကို တွန်းလှန်နိုင်တဲ့ အင်အား နည်းပါးလို့ ကျရှုံးခဲ့ရပြီးသူတွေ ဘယ်လောက်လောက် ရှိနေပြီလဲ။ ကျမတို့ တတ်နိုင်သရွေ့ကယ်တင်ခဲ့လား။ မမြင်ချင်ယောင်ဆောင်ခဲ့ကြလား။ ဒါမှမဟုတ် ရှင်ဟာ တစ်ပါးသူနာကျင်မှုုအကြီးစားနဲ့ ညည်းတွားနေတာကို လျှာလေးတသပ်သပ်နဲ့ အရသာခံကြည့်တတ်သူလား။ ကဲ အခု ကျမဇာတ်ကားဟောင်းတစ်ခုအကြောင်း နည်းနည်း ပြန်ပြောပြမယ်လေ။ The Green Mile ဆိုတဲ့ ခြောက်အုပ်တွဲ ဝတ္ထုထဲက ပထမတွဲကို ၁၉၉၆ ခုနှစ် မာ့ချ်လကုန်လောက်မှာ စထုတ်တယ်။ ထုတ်ထုတ်ပြီးချင်းပဲ ဒုတိယတွဲအတွက် လူတွေ အုတ်အော်သောင်းနင်း ရင်ခုန်ကြသတဲ့။ ဒါနဲ့ စာရေးဆရာ Stephen King ရဲ့ The Green Mile အခန်းဆက်ဝတ္ထုရှည်ဟာ ကမ္ဘာကျော်သွားခဲ့တယ်။ ၁၉၉၉ ဒီဇင်ဘာမှာ စကြဝဠာရဲ့အကောင်းဆုံး ဇာတ်လမ်းကောင်းတွေကိုပဲ ထုတ်လုပ်တယ်လိ ့ကြေငြာထားတဲ့ Warner Bros ကနေ The Green Mile အမည်နဲ့ ဇာတ်လမ်းတစ်ပုဒ် စတင်ဖြန့်ချိလာတယ်။ Fantasy crime drama အမျိုးအစားပေါ့။ ဝတ္ထုရော ဇာတ်လမ်းရောက Paul Edgecombe လို့ အမည်ရတဲ့ ထောင်ဝါဒါဟောင်းတစ်ဦးက သူ့ရဲ့မိတ်ဆွေဖြစ်သူကို ၁၉၃၀ ဝန်းကျင် ကာလတွေတုန်းက အမေရိကရဲ့ တရားစီရင်ရေးနဲ့ ချွတ်ချော်တိမ်းပါးမှုတွေ ၊ အမှားအယွင်းနဲ့ အားနည်းချက်တွေအကြောင်းကို ပြန်ပြောပြနေဟန် ဇာတ်လမ်းတည်ထားတယ်။ အင်းစိန်ထောင်ထဲမှာ အပြင်လူတွေ မသိနိုင်တဲ့ အရမ်းစိတ်ဝင်စားဖို့ကောင်းတဲ့ အကြောင်းတွေနဲ့ တချို့ထူးဆန်းအံ့သြဖွယ် ရင်နာဖွယ်အဖြစ်တွေ ၊ တရားရေးနဲ့ဥပဒေရဲ့အားပျော့ကွက်တွေကို တဆင့်ပြန်ကြားနေရပုံနဲ့ ခပ်ဆင်ဆင်ပေါ့။ ပေါလ်ဟာ ၁၉၃၂ခုနှစ်များဆီတုန်းကတော့ ငယ်ရွယ်သန်မာတဲ့ ထောင်ဝါဒါ လူလတ်ပိုင်းတစ်ဦးပေါ့။ သူကြီးကြပ်ရတဲ့ ဝါ့ဒ်က သေဒဏ်ကျ အကျဉ်းသားတွေကို သေဒဏ်မပေးခင် ယာယီချုပ်တဲ့ ဝါ့ဒ်ပေါ့။ အင်မတန် စည်းကမ်းထားရပြီး တင်းကြပ်ထားတဲ့ဥပဒေနဲ့ လူ့နူးညွတ်မှု စိတ်ခံစားချက်နှစ်ခုကြား အလယ်တည့်တည့်မှာ ၊ ဒါမှမဟုတ် ဥပဒေဘက်ခြမ်းမှာ မတ်မတ်နေပေးရတဲ့ နေရာပေါ့။ ဒီနေရာဟာ သေဒဏ်ကျခံ အကျဉ်းသားတွေရဲ့အထီးကျန်ဆန်မှုတွေ၊ နောင်တနဲ့ ညည်းတွားသံတွေ၊ားငယ်စိတ်ပျက်ဟန်တွေကြား ထောင်အုပ်ချုပ်သူတို့ပါလိုက်ပြီး ယိမ်းယိုင်မသွားအောင် ဟန်ချက်လိုက်ညှိနေရတဲ့ နေရာပေါ့။အပြစ်လုပ်ခဲ့ရင်လည်းခံ၊ မလုပ်ခဲ့သည်ရှိသော်မှသက်သေအထောကိအထားခိုင်လုံနေခဲ့ရင်လည်း ခံပေါ့။ ဥပဒေဟာ တကယ့်ကို စာအုပ်ကြီးပဲ။ လူသားချင်း စာနာထောက်ထားစိတ် သူ့မှာမရှိဘူး။ တခါတလေမှာ စစ်မှန်တဲ့ တရားမျှတမှုဆိုတာအကြီးဆုံးဒိုင်ဖြစ်တဲ့ အဲဒီဥပဒေဆိုတဲ့ကောင်ဆီမှာတောင် မရှိဘူး။ ဒါဆို ဘာလို့ဥပဒေထားနေတော့မှာလဲ။ ဘာလို့ဥပဒေထားနေတော့မှာလဲဆိုတော့ အသိဉာဏ်နည်းတဲ့ တိရိစ္ဆန်ထက်စိတ်ဓာတ်အထားအသို ပိုနိမ့်ကျတဲ့လူ့တိရိစ္ဆာန်တွေ ရှိနေလို့ပေါ့။ ဒီတော့လည်း လက်ခံကြရုံပေါ့။ဒီဇာတ်ကားက ဘာသာရေးကိုလည်း အတန်ငယ် တိမ်းညွှတ်ထားတယ်။ low-angel လို့ပဲ ခေါ်ကြစို့ရဲ့။ အဲဒီတယောက်ဟာ သေဒဏ်ကျခံဖို့ရာ တရားခံမှားယွင်းရောက်ရှိလာသူ ။ တန်ဖိုးမြင့် တန်ခိုးအာနုဘော် ရှိသူ၊ထွားကျိုင်းသန်မာပြီး အရပ် ခြောက်ပေ ရှစ်လက်မရှိတဲ့လူမည်းကြီးပေါ့။ ဂျွန်ကော်ဖီတဲ့ ။ John Coffey ပေါ့။ သူ့နံမည်ကလွဲလို့ ကျန်တဲ့စာကို မဖတ်တတ်ရှာသူကြီးပေါ့။ သူ့နံမည်ကိုမေးတိုင်း ''ဂျွန်ကော်ဖှီပါခင်ဗျာ။သောက်တဲ့ ကော်ဖီနဲ့အသံထွက်တူပါတယ်။ စာလုံးပေါင်းတော့မတူပါဘူး။'' လို့လေးတိလေးကန် ယဉ်ယဉ်ကျေးကျေး ပြန်ပြောတတ်သူကြီးပေါ့။ဘဝမှာ တခါဘူးမျှ ရုပ်ရှင်မကြည့်ဖူးသူကြီးပေါ့။ လူတိုင်းကို ချိုချိုသာသာနဲ့မျက်ရည်တွေ ဝိုင်းပြီးသနားကရုဏာသက်ဟန်နဲ့ပြောတတ် ကြည့်တတ်သူကြီးပေါ့။ ကိုယ်တိုင်ကတော့ သူတပါးအခက်အခဲတွေကိုတတ်နိုင်သလောက် အစွမ်းကုန် ကူညီကယ်တင်ခဲ့ပေမဲ့ကိုယ့်အလှည့်မှာတော့ ကူည်ီကယ်တင်သူ မရှိရှာဘဲ ဘုရားသခင်လိုပဲ သူတပါးအပြစ်အတွက်ကိုယ့်ကိုကိုယ် စွန့်ပစ်လိုက်ရသူ သနားစရာ လူထွားကြီးပေါ့။ သေဒဏ်ကျခံဖို့ ရောက်နေတဲ့ တခြားအကျဉ်းသားလေးငါးခြောက်ယောက်လည်း ရှိသပေါ့။ သူတို့လည်း သူတို့အကြောင်းနဲ့သူတို့ပေါ့။ သေဖို့နောက်ဆုံးနေ့ရက်နဲ အချိန်အတိအကျကိုသိသိကြီးနဲ့စောင့်နေကြရတဲ့ အထီးကျန်လူသားများပေါ့။ရဒ်အင်ဒီးယန်းတယောက်ပါတယ်၊ ထောင်ထဲက ကြွက်စုတ်လေးတစ်ကောင်အပေါ် သူ့ရဲ့အဖော်အဖြစ်နောက်ဆုံးထွက်သက်ထိ သံယောဇဉ်တကြီးတွယ်ဖက်သွားတဲ့ လူတစ်ယောက်ပါတယ်၊ ဆေးအမြဲကွဲနေတဲ့ဆေးဘဲတစ်ပွေပါတယ်၊ စသဖြင့်ပေါ့လေ။ သူတို့ရဲ့နောက်ဆုံးချိန်တွေကို သူတို့နဲ့အတူကူစောင့်ပေးရင်း သူတို့ဖြစ်ချင်တဲ့ နောက်ဆုံးဆန္ဒတွေကိုတတ်နိုင်တဲ့ဘက်က ဝိုင်းဖြည့်ပေးနေကြတဲ့ထောင်ဝန်ထမ်း အရာရှိများရဲ့ ဖြစ်တည်မှုပေါ့။ ဇာတ်ကားကြည့်ရင် ငိုတတ်တဲ့အကျင့် ရှင်တို့မှာရှိလား။ ကျမကတော့ တယောက်ထဲ ဇာတ်ကားကြည့်မှစိတ်ကိုလွှတ်ပြီး ကြည့်လေ့ရှိတယ်။ ကိုယ်မျက်ရည်ကျတာကို သူများမလှောင်စေဖို့ပေါ့။ ရှင်ဟာ အကယ်၍ အဲဒီလို ခံစားမှု အားကောင်းသူဆိုရင် ၊ မကြည့်ရသေးဘူးဆိုရင် ကြည့်ဖြစ်အောင် ကြည့်ပေါ့။ ရှင်တို့ကြည်နူးရမယ်။ ဝမ်းနည်းရမယ်။ ငိုကြွေးရမယ်။ အထီးကျန်ဆန်ရမယ်။ သေဒဏ်ကျခံရတဲ့ အကျဉ်းသားတွေကိုကွပ်မျက်တဲ့ပုံစံက လျှပ်စစ်ကုလားထိုင်မှာ တကိုယ်လုံးကို ဝါယာကြိုးတွေနဲ့ စည်းပြီး စီရင်တဲ့ပုံစံပဲ။ သူတို့ကို စီရင်နေချိန်မှာ သူတို့ရဲ့ အသားတွေကိုလျှပ်စစ်ဖြတ်စီးသွားရာကနေ ရလာတဲ့လူသားညှော်နံ့တွေကို ရှင်တို့နှာခေါင်းထဲ ရလာလိမ့်မယ်။ သေခြင်းတရားကို ဘယ်လောက်ပဲ ကြံ့ကြံ့ခံ ရင်ဆိုင်ဖို့တွေးထားထားတကယ့်သေခြင်းတရားဟာ ဗို့အားထောင်ချီပြီးလျှပ်စီးကြောင်းတွေအဖြစ် ကိုယ့်ခန္ဓာကိုယ်ထဲ ဝင်လာချိန်မှာ အသက်ဓာတ်လေးနဲ့ လက်ရှိဖြစ်တည်မှုလေးအပေါ်ဖကိတွယ်ထားသေးချင်စိတ်က ဟုတ်ခနဲ တောက်ကြွလာမယ်။ သူတို့ရဲ့သေခြင်းတရားအပေါ် ရင်ဆိုင်ကြပုံဟာဒီလိုပါလားလို့ ရှင်တို့ အလမ့်တကြားတွေ့ရမယ်။ လောကကြီးရဲ့ တရားမျှတမှုအပေါ်မှာလည်းသံသယဝင်ကောင်း ဝင်လာနိုင်သေးတယ်။ ဇာတ်ညွှန်းသမားနံမည်ကို အရင်မိတ်ဆက်စို့ရဲ့။ ဒီဇာတ်ကားနဲ့အော်စကာရခဲ့တဲ့ ဇာတ်ညွှန်းခွဲသူကတော့Frank Darabont ပါတဲ့။ နံမည်ကျော် ဒါရိုက်တာတစ်ယောက်လည်းဖြစ်တာမို့ဒီဇာတ်ကားကို အစအဆုံး သူပဲဇာတ်ညွှန်းခွဲသူပဲရိုက်ကူးခဲ့တာဖြစ်တယ်။ ပရိုဂျူဆာလည်း သူပဲ။ John Coffey နေရာမှာ Michael Clarke Duncan,supporting roles နေရာတွေမှာDavid Morse, Bonnie Hunt, Jamrs Cromwell နဲ့အသက်ကြီးသွားတဲ့ ပေါလ်အဒ်ချ်ကုမ့်ဘ် နေရာမှာတော့မင်းသားကြီး Dabbs Greer တို့ပါဝင်သရုပ်ဆောင်ထားတယ်။ ကြုံတုန်း ထည့်ပြောရမယ်ဆိုရင် Dabbs Greer ဟာအဲဒီကားမှာ သရုပ်ဆောင်စဉ်အချိန်မှာအသက်ရှစ်ဆယ့်နှစ်နှစ်အရွယ် ရှိနေပြီမို့ ဒါဟာသူနောက်ဆုံးသရုပ်ဆောင်ခဲ့တဲ့ ဇာတ်ကားလည်းဖြစ်တယ်။ တဲ့။ ဒီဇာတ်ကားရဲ့အားကြီးတဲ့ သက်ရောက်မှုကြောင့်အမေရိကရဲ့ တရားစီရင်ရေးစနစ်အချို့ပြောင်းလဲခဲ့တယ်။ ဝတ္ထုမှာတင် အောင်မြင်ပြီးသား....ကမ္ဘာကျော်ပြီးသား The Green Mile ဟာဇာတိလမ်းအနေနဲ့လည်း အကောင်းဆုံးဇာတ်ကားဆု၊အကောင်းဆုံး အသံဆု၊ အကောင်းဆုံး ဇာတ်ညွှန်းဆုနဲ့အကောင်းဆုံး ဇာတ်ပို့ဆုအဖြစ်Michael Clarke Duncan (John Coffey) တို့ ရရှိခဲ့တယ်။ ကန်ဒေါ်လာ သန်း ၆၀ ကုန်ကျခံရိုက်ကူးခဲ့ပြီးဝင်ငွေ ၂၉၀.၇ သန်း ကန်ငွေ ပြန်ရခဲ့တယ်။ မကြည့်ရသေးဘူးဆိုရင် ကြည့်ဖြစ်အောင် ကြည့်စေချင်တယ်။ကြည့်ပြီးရင်လည်း ထပ်ကြည့်ချင်တတ်တဲ့ ကားမျိုးပါ။ ရုပ်ရှင်ကားအညွှန်းကို ဆရာမချိုပိန်းနောင် Facebook မှ ကူးယူဖော်ပြသည် ရုပ်ရှင်ကားကို ဘာသာပြန်ပေးထားသူက Myo Nyunt (August) ဖြစ်ပြီးThit San Khant မှ တင်ဆက်ပေးထားပါတယ်

IMDb Rating 7.2/10 Rotten Tomatoes 75% ဘတ်ဂျက် ဒေါ်လာ တစ်သိန်းသာကုန်ကျခဲ့ပြီး အမြတ်ငွေ ဒေါ်လာ ၆.၁ သန်း ရရှိခဲ့တဲ့ The Mighty ရုပ်ရှင်ဇာတ်ကားကြီး……………… The Mighty ဆိုတာ အားနည်းချက်တွေကို အားသာချက်အဖြစ် ပြောင်းလဲနိုင်တဲ့ မိတ်ဆွေစစ် မိတ်ဆွေမှန်တွေရဲ့ အရေးပါမှုကို ပြသပေးမယ့် IMDb Rating 7.2/10 အထိရရှိထားတဲ့ ရုပ်ရှင်ကားကောင်းတစ်ကား ဖြစ်ပါတယ်။ ရုပ်ပိုင်းဆိုင်ရာ ချို့ယွင်းချက်ရှိသော Kevin (ဉာဏ်ရည်ထက်မြက်သော်လည်း ခန္ဓာကိုယ်အားနည်းသူ) နှင့် Max (ကိုယ်ခန္ဓာကြီးမားသော်လည်း စာဖတ်ရန် အခက်အခဲရှိသူ) တို့ နှစ်ယောက်ကြားက မိတ်ဖွဲ့မှုနဲ့ သံယောဇဉ်တွေကို ပုံဖော်ရိုက်ကူးထားပါတယ်။ ဉာဏ်ကောင်းပေမယ့် ခန္ဓာကိုယ်အားနည်းသူ Kevin က တုံးအတဲ့ Max ကို စာသင်ကြားပေးဖို့ ဖြစ်လာကြရင်း ရင်းနှီးသွားခဲ့ကြတယ်... မီးရူးမီးပန်းပွဲတော်ကိုသွားရောက်ကြရင်း လူငယ်တစ်ချို့နဲ့ပြဿနာတက်ကာ အတူတူထွက်ပြေးကြရင်း သူတို့နှစ်ဦးကြားက ရင်းနှီးမှုတွေ ပိုတိုးလာခဲ့တယ်....... Max က Kevin အတွက် ခြေထောက်ဖြစ်ပေးကာ Kevin က Max အတွက် "ဦးနှောက်" ဖြစ်လာခဲ့ပြီး ဘယ်လိုစွန့်စားခရီးတွေကို အတူတူလုပ်ဆောင်ခဲ့ကြမလဲဆိုတာကို စိတ်ဝင်စားဖွယ်တွေ့ရှိရမှာဖြစ်လို့ ကြည့်ရှုလိုက်ကြပါအုံး.............. File size…(1.9 GB)/(1.1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Su Mon

ယခုအခါတင်ဆက်ပေးလိုက်တာကတော့ ဖြစ်ရပ်မှန်အပေါ်အခြေခံထားတဲ့ဥပဒေနောက်ခံဒရာမာဇာတ်လမ်းလေးပဲဖြစ်ပါတယ်...1998 ခုနှစ်ကထွက်ရှိခဲ့ပြီးတော့ အော်စကာဆုနှစ်ခုအတွက် nomination ဝင်ခဲ့ပါတယ်....အဓိကဇာတ်ဆောင်တွေအနေနဲ့ Pulp Fiction နဲ့နာမည်ကြီးတဲ့မင်းသားကြီး John Travolta နဲ့မင်းသားကြီး Robert Duvell တို့ပါဝင်ပါတယ် ဇာတ်လမ်းကတော့ ဂျန်ရှလစ်မန်းဟာအောင်မြင်တဲ့၊အလျှော့မပေးတတ်တဲ့ရှေ့နေတစ်ဦးပါ....သူဟာသူတရားစွဲတဲ့ကုမ္ပဏီတွေကိုငွေပေးပြီးကျေအေးချင်လာအောင်ဖိအားပေးပြီးတော့ အနိုင်ရအောင်ယူတတ်သူပါ....ဒီတော့ သူတို့ရှေ့နေလုပ်ငန်းဆီကိုအန်းအန်ဒါဆန်ဆိုတဲ့မိန်းမကအမှုအပ်လာပါတယ်....အမှုကတော့အန်းအန်ဒါဆန်ရဲ့သားအပါအဝင် Woburn ဆိုတဲ့မြို့ငယ်လေးက ကလေးတော်တော်များများဟာသွေးကင်ဆာရောဂါကိုခံစားနေရပြီးတော့ အန်းအန်ဒါဆန်တို့ကသူတို့မြို့ရဲ့သောက်သုံးရေကြောင့်လို့ထင်လို့ပါ.... သောက်သုံးရေဟာစက်ရုံတွေကထုတ်တဲ့ဓာတုပစ္စည်းတွေနဲ့ညစ်ညမ်းနေခဲ့လို့ စက်ရုံတွေကိုတရားစွဲချင်တာပါ.....အစကတော့အကျိုးရှိမှာမဟုတ်ဘူးလို့ထင်ခဲ့ပေမဲ့ ဂျန်ရှလစ်မန်းတစ်ယောက် စည်းကမ်းမရှိလုပ်ကိုင်နေတဲ့စက်ရုံတွေကိုမြင်တွေ့လိုက်ရတဲ့အခါမှာတော့ အမှုကိုလက်ခံလိုက်ပါတယ်....ဒီလိုနဲ့ဂျန်ရှလစ်မန်းက Beatrice ကုမ္ပဏီနဲ့ W. R. Grace ကုမ္ပဏီတို့ကိုတရားစွဲပါတော့တယ်....ထိုအခါသက်သေပြဖို့ကလည်းခဲယဉ်းပြီးတော့ အမှုကြာလေလေငွေကုန်ကြေးကျများလေလေဖြစ်လာတဲ့အခါမှတော့...ဂျန်ရှလစ်မန်းတစ်ယောက်အမှုကိုအနိုင်ရရှိသွားမလားဆက်လက်ကြည့်ရှုကြပါခင်ဗျာ.... File size…(1.4 GB)/(788 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by AKM

အားလုံးရဲ့အချစ်တော် ဂျွန်နီဒက်ပ်ရဲ့ Las Vegasမှာကြမ်းတဲ့ ရုပ်ရှင်လာပါပြီ။ ကျွန်တော်တို့တွေ အရမ်းကြိုက်ကြတဲ့ Spidermanသရုပ်ဆောင် တိုဘီမက်ဂွိုင်းယားလည်းပါဝင်အားဖြည့်ထားတဲ့အပြင် Cars animationမှာပါဝင်ခဲ့တဲ့ကက်သရင်း ဟယ်မွန်လည်းပါတော့ သိပ်ကိုကောင်းပေါ့။ ဂျွန်နီဒက်ပ်က ဒီကားနဲ့ Best Foreign Actorဆုကိုရထားပါသေးတယ်။ ဇာတ်လမ်းကတော့ ရာအိုးဒု(ဂျွန်နီဒက်ပ်)က သတင်းစာပညာပါရဂူတစ်ယောက်ပါ။ သူ့မှာ သွားအတူတူ၊လာအတူတူ၊စားအတူတူ၊ဆေးအတူတူသုံးနေကြ ဒေါက်တာဂွန်ဇွန်လို့ခေါ်တဲ့ သူငယ်ချင်းတစ်ယောက်ရှိပါတယ်။ သူငယ်ချင်း၂ယောက် သုံးစားနေကြတုန်း ဆိုင်ကယ်ပြိုင်ပွဲသတင်းသွားယူဖို့ Las Vegasဆီသွားဖို့ အကြောင်းဖန်လာပါတော့တယ်။ဆေးသမား၂ယောက် Las Vegasမှာ ဘာတွေမွှေကြမလဲ၊ ဘယ်လိုတွေဖြေရှင်းကြမလဲ၊ ဘယ်လိုတိုင်တွေပတ်ကြမလဲဆိုတာ စောင့်ကြည့်ရမှာဖြစ်ပါတယ်။ Personallyအရဆိုရင် Story Buildပိုင်းဖြစ်တဲ့ ရှေ့ပိုင်းမိနစ်၃၀လောက်တော့ စမ်းတဝါးဝါးဖြစ်နေပင်မယ့် အဲ့နောက်ပိုင်းမှာတော့ ရုပ်ရှင်က ကြည့်ရတာတော်တော်ကောင်းပါတယ်။ ဆေးသမား၂ယောက် ဆေးမူးပြီး တိုင်ပတ်ကြတာတွေ ပလပ်ကျွတ်နေတာတွေနဲ့ကို တစ်ခါတလေရယ်ရတဲ့အခန်းလေးတွေပါပါသေးတယ်။ ညဘက် Beerလေးသောက်ရင်း ဆေးလိပ်လေးဖွာရင်းနဲ့ chillရင် အတော်ကိုကောင်းဖို့ရုပ်ရှင်တစ်ကားဖြစ်ပါတယ်။ File size…(2.83GB)  / (1.5GB) / (761.39MB) Quality…. Web 1080P / 720p / 480p Format…mp4 Duration….01:58:00 Genre... Adventure / Comedy / Drama Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

မင်းသားကြီး Steven Seagal ရဲ့ အက်ရှင်ဇာတ်ကားကောင်း တစ်ကား ဖြစ်တာမို ထွေထွေထူးထူးပြောစရာတော့ မရှိပါဘူး။ တကယ်ကြမ်းတဲ့ ဖိုက်တင်ခန်းတွေနဲ့တင် ကြည့်ရတာတန်ပါတယ်။ ဒါအပြင် ဒီကားက ပုံမှန် အက်ရှင်အားတွေရဲ့ ဇာတ်လမ်းဇာတ်ကွက်တွေကနေ ကွဲထွက်နေပါတယ်။ ပုံမှန်ဆိုရင် မြိုပြမှာ မာဖီးယားဂိုဏ်းတွေနဲ့ ဖိုက်ရတာဆိုပေမယ့် ဒီကားမှာတော့ သဘာဝပတ်ဝန်းကျင် ထိန်းသိမ်းရေးကို ဦးစားပေး ပြသသွားပါတယ်။ အခုချိန်ထိ ရင်ဆိုင်နေရတဲ့ပြဿနာဖြစ်ပြီး ဓာတုအဆိပ်သင့် စွန့်ပစ်ပစ္စည်းတွေကို တရားမဝင် စွန့်ပစ်တာကြောင့် ဒေသတွင်း အန္တရာယ်ကြီးမားလာမှုကို ဖြေရှင်းတဲ့ ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းအကျဉ်း ဇာတ်လမ်းလေးရဲ့အစမှာ ဂျက်ရဲ့သူငယ်ချင်းဖြစ်သူဟာ အမှုကိုတစ်ခုကို လိုက်ရင်း သေဆုံးသွားခဲ့ပါတယ်။ ယာဉ်မတော်တဆမှုပုံစံမျိုး ဖြစ်နေပေမယ့် ဒါဟာ မဟုတ်မှန်း ဆရာသမား ဂျက်က ကောင်းကောင်းကြီး သိပါတယ်။ ဒါကြောင့် ဒီအမှုကို ရေဆုံးမြေဆုံး လိုက်ဖိုအတွက် သွေးအေးအေးနဲ့ နယ်မြိုလေးဆီ ထွက်လာခဲ့ပါပြီ။ နယ်မြိုလေးမှာ ထုံးစံအတိုင်း သူဌေးတစ်ယောက်က ကြီးစိုးနေပြီး နယ်မြေအတွက် လိုအပ်သမျှ ထောက်ပံ့ထားပါတယ်။ ဒါပေမဲ့ တရားမဝင် အဆိပ်သင့်စွန့်ပစ်အမှိက်တွေကြောင့် ပတ်ဝန်းကျင်ဟာ ထိခိုက်လာပြီး ငါးတွေကလည်း သေကုန်သလို ကလေးတွေလည်း ရောဂါ ရလာပါတယ်။ ဒီအတိုင်းသာဆိုရင် သောက်သုံးရေ ပြဿနာ ဖြစ်လာနိုင်တာကြောင့် ဒီကိစ္စကို ဖြေရှင်းဖို ဂျက်တစ်ယောက် ရေဆုံးမြေဆုံး လိုက်ရပါတယ်။ စစချင်း သူဌေးသားနဲ့သာ ညိပေမယ့် ဂျက်ရဲ့အစွမ်းကြောင့် ဂိုဏ်းချုပ်အထိ ဒုက္ခလှလှ ပေးနိုင်ခဲ့ပါတယ်။ ဒါပေမဲ့ သူဌေးကလည်း ခေသူမဟုတ်တာကြောင့် သူဌေးနဲ့ ဂျက်တိုအကြား တိုက်ပွဲကို အက်ရှင်ဇာတ်ဝင်ခန်းအလန်းတွေလည်း ထူးရှယ်ကြည့်ရှုရမယ့် ဇာတ်ကားကောင်းတစ်ကားပဲ ဖြစ်ပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

Twin peaks fire walk with me ဆိုတဲ့ဇာတ်ကားကတော့ 1992 ကထွက်ရှိထားတဲ့ဇာတ်ကားဖြစ်ပြီး Horror / crime အမျိုးအစားဖြစ်ပါတယ်။ FBI အေးဂျင့်နှစ်ယောက်ဖြစ်တဲ့ ဆမ်နဲ့ချက်က စားပွဲထိုးမလေးထရီဆာရဲ့အသတ်ခံရတဲ့အမှုကိုလိုက်လံစုံစမ်းရာကနေစပါတယ်။အမှု့ရဲ့သဲလွန်စကိုရှာတွေ့ပြီလို့ထင်တဲ့အချိန်မှာချက်က ရုတ်တရက်ကြီးပျောက်သွားပါတော့တယ်။ဇာတ်လမ်းတစ်လျှောက် မြုပ်ကွက်နဲ့သဲလွန်စတွေကို ကြည့်ရှုသူတွေကိုယ်တိုင်စဉ်းစားသွားရမှာမလို့ တကယ်စိတ်ဝင်စားဖို့ကောင်းတဲ့ဇာတ်လမ်းလေးတစ်ပုဒ်ဖြစ်ပါတယ်။ File size…(1.8 GB)/(800 Mb) Quality….Blu-Ray 1080p / 720p Format…mp4 Duration….02:14:00 Genre...Drama, Horror, Mystery Subtitle….Myanmar Subtitle (Hardsub) Encoder….Garfield Translated by Lycoris

Wild at Heart (1990) IMDb Rating (7.2) / Rotten Tomatoes (66%) မင်းသားကြီး နစ်ခ်ကိတ်ခ်ျလို့ပြောလိုက်ရင် မသိတဲ့ဘယ်သူမှမရှိပါဘူး။ ဒီ Wild at Heart ဇာတ်ကားကတော့ နာမည်ကျော်မင်းသားကြီး Nicolas Cage ရဲ့ ငယ်စဉ်ဘဝက ပွဲဦးထွက်ဇာတ်ကားတွေထဲ Old But Gold ဇာတ်ကားကောင်းတစ်ကားပဲဖြစ်ပါတယ်။ ဇာတ်လမ်းအကျဉ်း ဆေလာဆိုတဲ့သူဟာ မကြာသေးခင်ကမှ ထောင်ထဲကနေ ခံဝန်နဲ့ထွက်လာသူပါ။ ထောင်ထဲမရောက်ခင်က လူမိုက်တွေနဲ့ပေါင်းပြီး မျိုးစုံပေတေခဲ့ပေမယ့် ချစ်ရတဲ့ကောင်မလေးတစ်ယောက်ကြောင့် ပြောင်းလဲကာ ထောင်ထဲဝင်ပြီး ပြစ်ဒဏ်တွေကိုခံယူခဲ့ပါတယ်။ ထောင်ထဲနေ ပြန်ထွက်လာတဲ့အခါမှာလည်း ကောင်မလေးနဲ့အတူတူ သမ္မာသမတ်ကျကျနေဖို့လည်း ဆုံးဖြတ်ခဲ့ပါတယ်။ ဒါပေမဲ့ကောင်မလေးရဲ့ စိတ္တဇဖြစ်နေတဲ့အမေဟာ ကောင်မလေး ဆေလာနဲ့အခြေကျသွားမှာကို စိုးရိမ်သွားတဲ့အခါမှတော့ နည်းလမ်းမျိုးစုံနဲ့ ဆေလာတို့အတွက်ကို ဒုက္ခပေးဖို့ကြိုးစားပါတော့တယ်။ (18+ အခန်း တချို့ နဲ့  ဝတ်လစ်စလစ်အခန်း တချို့ပါဝင်သောကြောင့်မိသားစုနဲ့ အတူတူကြည့်ရန်မသင့်တော်ပါ။) (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size…(2.9 GB) / (1.2 GB) Quality….Blu-Ray 1080p HEVC /720p Format…. mkv/mp4 Genre….Crime,Romance,Thriller Duration….02:05:20 Subtitle….Myanmar Subtitle (Hardsub) Encoder….Double K Translated by Mark

ဒီကားလေးကတော့ ၁၉၈၄တုန်းကထွက်ရှိခဲ့တဲ့ action, drama , thrillerဇာတ်ကားလေးဖြစ်ပါတယ်။ ဇာတ်လမ်းအကျဉ်းကတော့ ရုရှားနဲ့ကူဘန်(ကျူးဘား)စစ်တပ်က အမေရိကန် ကော်လိုရာဒိုနယ်ကို ၀င်ကျူးကျော်ပြီး တတိယကမ္ဘာစစ်ကိုစတင်ခဲ့တဲ့ဇာတ်ကြောင်းမျိုးဖြစ်ပါတယ်။ ဆိုဗီယက်တွေက မြို့ထဲ လေထီးနဲ့ဆင်းလာကြလို့ ဂျတ်နဲ့မတ်ညီအစ်ကိုနဲ့အတူ ကျောင်းသားအချို့က တောင်ပေါ်မှာ စစ်ပွဲ‌သွားရှောင်ကြပါတယ်။ နောက်တော့ ရှောင်လွှဲလို့မရဘဲ ပြောက်ကျားတပ်အဖြစ်နဲ့ ကျူးကျော်သူတွေကို ခုခံတိုက်ခိုက်ကြပါတယ်။ ဒီကားလေးက ဆယ်ကျော်သက်အရွယ်ကြည့်ခဲ့ရတုန်းက အရမ်းကြိုက်ခဲ့ရတဲ့ကားဖြစ်ပါတယ်။ အခုပြန်ကြည့်တော့ plot holeတွေ တပုံတပင်နဲ့ အရင်ကလောက် စိတ်ကျေနပ်စရာမကောင်းတော့ပင်မဲ့ သူ့အခြေအနေနဲ့သူကြည့်ကောင်းနေဆဲ ဖြစ်တာကြောင့် ဘာသာပြန်တင်ဆက်ပေးလိုက်ရပါတယ်။ File size…(2.5 GB)/(1.5 GB) Quality….BrRip 1080p / 720p Format… mp4 Duration…. 01:54:00 Genre... Action, Drama, Thriller, War Subtitle….Myanmar Subtitle (Hardsub) Encoder….Garfield Translated by Soe thiri swe

ဒီဇာတ်ကားထဲက ပဲရစ်က အီဖယ်တာဝါရှိတဲ့ ပြင်သစ်မြို့တော်မဟုတ်ဘဲ အမေရိကန်ပြည်ထောင်စု၊ တက္ကဆက်ပြည်နယ်ထဲက မြို့ငယ်လေးတစ်မြို့ပါ။ ဇာတ်လမ်းကတော့ ကိုယ့်ကိုယ်ကိုယ် ဘယ်သူမှန်းတောင် မသိတော့ဘဲ သဲကန္တာရထဲမှာ ဦးတည်ရာမဲ့ လျှောက်သွားနေတဲ့ ထရာ့ဗစ်ဆီက စပါတယ်။ သူစိမ်းတစ်ယောက်က သူ့ကိုတွေ့ပြီး ကယ်တင်ပေးရာကနေ ညီဖြစ်သူနဲ့ ပြန်ဆုံခွင့်ရလာတယ်။ ထရာ့ဗစ်ဟာ လေးနှစ်လုံး သတင်းအစအနမရဘဲ ပျောက်နေခဲ့သူဖြစ်ပြီး လတ်တလောဘဝနဲ့ပတ်သက်တဲ့ မှတ်ဉာဏ်တွေလည်း ပျောက်ဆုံးနေပါတယ်။ ညီဖြစ်သူက သူ့ကို လူ့အသိုက်အဝန်းထဲ ပြန်ဝင်ဆံ့လာအောင် ကူညီဖို့ ကြိုးစားပေမယ့် သူပြန်ရောက်လာတာက ညီရဲ့မိသားစုကို မငြိမ်မသက် ဖြစ်စေတယ်။ အဲဒီမိသားစုထဲမှာ ထရာ့ဗစ် တစ်ချိန်က ထားခဲ့တဲ့ သားငယ်လေးလည်း ရှိနေပါတယ်။ အဖေမရှိခဲ့တဲ့ လေးနှစ်ဟာ ကလေးအတွက်တော့ သူ့ဘဝသက်တမ်းတစ်ဝက်စာပဲ။ မှတ်ဉာဏ်တွေ ပြန်ရလာတဲ့အခါ ထရာ့ဗစ်က သားကိုခေါ်ပြီး တစ်ချိန်က အလွန်ချစ်ခဲ့ရတဲ့ ဇနီးကို ရှာဖို့ ခရီးထွက်လာပါတယ်။ အမေရိကန်ရုပ်ရှင်ဖြစ်ပေမယ့် ဒါရိုက်တာနဲ့ အမျိုးသမီးဇာတ်ဆောင်က ဂျာမန်တွေဖြစ်ပြီး တင်ပြပုံမှာလည်း ဥရောပရုပ်ရှင်အငွေ့အသက်တွေ ပါနေတယ်။ တက္ကဆက်က အထီးကျန်အဝေးပြေးလမ်းတွေနဲ့ သဲကန္တာရတွေကို နောက်ခံထားတဲ့ ဒီခရီးသွားဇာတ်လမ်းဟာ ချစ်ခြင်းမေတ္တာ၊ နားလည်မှုနဲ့ လူတစ်ယောက်ရဲ့ အရေးပါမှုဟာ ဘယ်အတိုင်းအတာအထိ ရောက်နိုင်သလဲဆိုတာကို မေးခွန်းထုတ်ထားပါတယ်။ ဆုစုစုပေါင်း ၁၈ ဆု ရထားပြီး ကိန်းစ်ရုပ်ရှင်ပွဲတော်မှာ ရရှိခဲ့တဲ့ သုံးဆုထဲမှာ အမြင့်ဆုံးဆုဖြစ်တဲ့ Palme d'Or လည်း ပါဝင်ပါတယ်။

ဒီဇာတ်ကားလေးကတော့ မင်းသကြီး Kurt Russell ငယ်ငယ်ကဇာတ်ကားလေးပဲဖြစ်ပါတယ်။ ဇာတ်လမ်းအကျဉ်းကတော့ New Yorkမြို့ကြီးဟာ အမေရိကန်တစ်နိုင်ငံလုံးရဲ့အကျဉ်းထောင်အဖြစ်သတ်မှတ်ခံလိုက်ရပြီး Manhattan ကျွန်းကြီးပတ်ချာလည် တံတိုင်းတွေခတ်လိုက်ပါတယ်။ အထဲမှာလည်း ရာဇဝတ်သားတွေအပြည့်နဲ့ ရဲတွေကတော့တံတိုင်းအပြင်ကသာစောင့်ကြပါတယ်။ ထိန်းမယ့်သူမရှိတော့အထဲမှာက ရာဇဝတ်သားတွေဟာ သူတလူငါတမင်းအုပ်ချုပ်နေကြပြီး ရမ်းကားလို့ကောင်းပြီးရင်းကောင်းနေတာပါ။ ဖြစ်ချင်တော့တစ်နေ့မှာ သမ္မတကြီးလေယာဉ်ဟာ မျိုးချစ်ဝါဒီအစွန်းရောက်တွေရဲ့ ပြန်ပေးဆွဲခြင်းခံရပြီး New York မြို့ထဲကိုပျက်ကျစေခဲ့ကာ သမ္မတကြီးကိုထောင်ထဲရောက်စေခဲ့ပါတယ်။ သမ္မတကြီးကိုကယ်ဆယ်ဖို့ကလည်း လူအင်အားသုံးလို့မရတာကြောင့်အကျဉ်းကျဖို့ရောက်လာတဲ့ Snake ကိုပဲအပေးယူသဘောနဲ့ခိုင်းစေရပါတော့တယ်။ Snake ထွက်ပြေးမှာကိုသိနေလို့ လည်ပင်းထဲမှာပါ မိုင်းအသေးစားလေးလိုတပ်ဆင်ပေးထားလိုက်ပြီး 24 နာရီအတွင်းပြန်မရောက်ပါက သေမှာဖြစ်ပါတယ်။ ဆိုတော့ Snake တစ်ယောက်သမ္မတကြီးကိုဘယ်လိုကယ်မလဲ။ သူရောအသက်ရှင်လျက်ပြန်ထွက်လာနိုင်မလားဆိုတာကတော့ ဇာတ်ကားလေးကိုကြည့်ရှု့ဖို့တိုက်တွန်းချင်ပါတယ်။ File size…(1.2 GB)/(630 Mb) Quality….BrRip 1080p / 720p Format… mp4 Duration…. 01:39:00 Genre... Action, Adventure, Sci-Fi Subtitle….Myanmar Subtitle (Hardsub) Encoder….Garfield Translated by S4L

Oscar Nomination ဝင်ထားတဲ့ဇာတ်ကားဖြစ်ပြီး ခရမ်းချဉ်သီး 82%, IMDb 6.2 ရရှိထားတဲ့ Comedy Movie ကောင်းတစ်ကားပဲ ဖြစ်ပါတယ်။ ဇာတ်လမ်းအစမှာကတည်းက ခွီနေရပြီး နံကြားထောက်ရယ်ရအောင် ပေါတောတော ဟာသတွေ လုံးဝမဟုတ်ပါဘူး။ ဘဝမှာ ကြုံတွေရမယ့် အခက်အခဲတွေကို ဟာသမြောက်အောင် ရိုက်ကူးထားပြီး နောက်ဆုံးမှာ Women Empowerment ကို လှလှပပ ဖော်ပြသွားနိုင်ပါတယ်။ အဓိကဇာတ်ဆောင် ကောင်မလေးရဲ့ Character Development က တော်တော်လေး သပ်ရပ်ပြီး လုံးဝ Cringe ဖြစ်မနေခဲ့ပါဘူး။ အိမ်ထောင်နှစ်ခါကွဲ အမျိုးသမီးတစ်ယောက်အနေနဲ့ စစ်ထဲရောက်သွားပြီး ဘဝကို ပြန်လည်တည်ဆောက်ဖို့ ကြိုးစားတဲ့ ဟာသဇာတ်လမ်းကောင်းပဲ ဖြစ်ပါတယ်။ ဇာတ်လမ်းအကျဉ်း ဂျူဒီဘန်ဂျမင်ဆိုတဲ့ အသက်ငယ်ငယ် မုဆိုးမလေးဟာ သူ့ရဲ့ ဒုတိယအကြိမ် မင်္ဂလာပွဲမှာ အရမ်းကို ပျော်ရွှင်နေခဲ့ပါတယ်။ ဒါပေမဲ့ သူနဲ့လက်ထပ်တဲ့အမျိုးသားဟာ Dinner Party မှာတောင် မရှောင်ဘဲ ကားပေါ်မှာ ရေနံတူးတဲ့သူပါ။ သူတို့ရဲ့ မင်္ဂလာဦးညမှာတင် အဲဒီအမျိုးသားဟာ ရေနံတူးနေရင်း တန်းလန်း အမောဖောက်ပြီး ကွယ်လွန်သွားပါတယ်။ ဘယ်လိုမှ ဖြေဆည်မရတော့တဲ့ ဘန်ဂျမင်ဟာ စည်းရုံးရေးမှူးရဲ့ အဆွယ်ကောင်းမှုကြောင့် စစ်တပ်ထဲ ရောက်သွားပါတယ်။ စစ်တပ်ထဲမှာ သူထင်ထားသလို မလွယ်ကူမှန်း သိသွားတာကြောင့် ထွက်ပြေးဖို့ ကြိုးစားပါတယ်။ သူ့မိဘတွေ ရောက်လာခဲ့ပြီး ပြည့်ပြည့်စုံစုံ ထားရဲ့သားနဲ့ စစ်ထဲရောက်သွားတဲ့ သမီးကို ဖခင်ဖြစ်သူက အသားကုန် အော်ငေါက်ပါတယ်။ ဒါကြောင့် အပြင်ကဘဝထက် စစ်တပ်ထဲမှာပဲ ဆက်နေဖို့ ဆုံးဖြတ်ရင်း အခက်အခဲမှန်သမျှကို ရင်ဆိုင်ခဲ့ပါတယ်။ ဂျူဒီတစ်ယောက် စစ်သမီးဘဝမှာ အကောင်းဆုံးဖြတ်သန်းနိုင်မလား။ အချစ်ရေး ကံမကောင်းတဲ့ ဂျူဒီဟာ နောက်ဆုံးမှာ ချစ်ရသူ အမျိုးသားတစ်ယောက်နဲ့ လက်ထပ်နိုင်သွားမလား။ ပေါ့ပေါ့ပါးပါး ဟာသတွေနဲ့အတူ အဆုံးထိ ခံစားကြည့်ရှုနိုင်ပါပြီခင်ဗျာ။ Quality.....Blu-Ray 1080p / 720p File Size.....(2.3 GB) / (1.3 GB) Genre.....Satire, Comedy, War Duration.....01:49:00

ဂန္ဓဝင် စိတ်ကူးယဥ်သိပ္ပံရုပ်ရှင်တစ်ကားဖြစ်တဲ့ Alien ကို ပြန်လည်တင်ဆက်ပေးလိုက်ပါတယ် "အာကာသမှာ သင့်အော်သံကို မည်သူမှ မကြားနိုင်ပါ" တဲ့... ၁၉၇၉ လို ကာလမှာ အဲဒီလို မားကတ်တင်းဆင်းခဲ့တဲ့ ဇာတ်ကားဟာ ဂြိုဟ်သားရှေ့ပြေးရုပ်ရှင်ဖြစ်ခဲ့ပြီးနောက်ဆက်တွဲရုပ်ရှင်တွေအများကြီးထွက်တဲ့အထိ ဆက်လက်အောင်မြင်ခဲ့တယ် ဇာတ်လမ်းအကျဥ်းကတော့ လုပ်ငန်းသုံး Nostromo အာကာသယာဥ်တစ်စင်းမှာ လိုက်ပါလာတဲ့ အဖွဲ့သားတွေ လုပ်ငန်းစဥ်တွေအားလုံးပြီးလို့ အိမ်ပြန်မယ့်ဆဲဆဲ... သူတို့ကို အလုပ်ခန့်အပ်ညွှန်ကြားသူ "Mother" ကနေ အရင်းအမြစ်တစ်ခုကို အပြင်ထွက်ပြီးရှာဖွေခိုင်းလာပြီး အမိန့်မလိုက်နာရင် ဝေစုမရဘူးဆိုတာ ဖြစ်လာပါတယ် ဒီကနေ အဆင့်မြင့်သက်ရှိတစ်မျိုးဖြစ်ပြီး ဝန်းကျင်နဲ့ လိုက်လျောညီထွေအောင် ပြင်ဆင်ပြောင်းလဲတတ်ရုံသာမက ရန်လိုပြီးရိုင်းစိုင်းတဲ့ Alien နဲ့ အတွေ့မှာတော့ .... နောက်ဆက်တွဲကားတွေလို action ရုပ်ရှင်မဟုတ်ဘဲ horror ကားတစ်ကားလို ခံစားရမယ့် ဒီခေတ်ဟောင်းကားလေးကို ပရိသတ်အတွက် တင်ဆက်ပေးလိုက်ရပါတယ် File size…(2.4 GB)/(1 GB) Quality….Webrip 1080p / 720p Format…mp4 Duration….01:57:00 Genre... Horror, Sci-fi Subtitle….Myanmar Subtitle (Hardsub) Encoder….Garfield Translated by Sike Tan

Farewell, My Lovely (1975) ကမ္ဘာကျော် စုံထောက်စာရေးဆရာကြီး Raymond Chandler ရဲ့ နာမည်ကြီးဝတ္ထုကို ပြန်လည်ရိုက်ကူးထားပြီး ၁၉၄၀ ခုနှစ်တွေရဲ့ Film Noir (မှုခင်းရုပ်ရှင်) အငွေ့အသက်တွေကို အကောင်းဆုံး ပြန်လည်အသက်သွင်းထားတဲ့ Neo-Noir Crime Thriller ဂန္ထဝင်ကားကောင်းတစ်ကား ဖြစ်ပါတယ် ဇာတ်လမ်းကတော့ ၁၉၄၁ ခုနှစ် လော့စ်အိန်ဂျလိစ်မြို့ကြီးရဲ့ အမှောင်ထုကို အခြေခံထားပါတယ်။ ဝါရင့်အလွတ်တန်းစုံထောက် Philip Marlowe ဟာ ထောင်ကလွတ်ခါစ လူမိုက်ကြီး Moose Malloy ရဲ့ ငှားရမ်းခြင်းကို ခံခဲ့ရပါတယ်။ Moose ရဲ့ တောင်းဆိုချက်ကတော့ လွန်ခဲ့တဲ့ ၈ နှစ်ကတည်းက ပျောက်ဆုံးသွားခဲ့တဲ့ သူ့ရဲ့ချစ်သူ ကလပ်တစ်ခုက အပျော်မယ်လေး Velma ကို ရှာဖွေပေးဖို့ပါ။ စုံထောက် မာလိုဟာ ဒီပျောက်ဆုံးမှုကို လိုက်လံစုံစမ်းရင်းနဲ့ မြို့ပြရဲ့ အကျင့်ပျက်ခြစားမှုတွေ၊ လူသတ်မှုတွေ၊ ပြည့်တန်ဆာလောကနဲ့ လောင်းကစားဝိုင်းတွေကြားထဲကို တဖြည်းဖြည်း နက်နက်ရှိုင်းရှိုင်း ရောက်ရှိသွားပါတော့တယ်။ အဆိုးဆုံးကတော့ စုံစမ်းမှုတွေ ပြုလုပ်ရင်း သူကိုယ်တိုင် လူသတ်မှုနဲ့ပါ မတရားစွပ်စွဲဂွင်ဆင် ခံရတဲ့အခါမှာတော့... အမှန်တရားပေါ်ပေါက်ဖို့နဲ့ သူ့ရဲ့အသက်ကို ကယ်တင်ဖို့အတွက် ဘယ်လိုအကွက်ကျကျ စုံစမ်းဖော်ထုတ်သွားမလဲဆိုတာကို ရိုက်ပြထားတဲ့ ဂန္တဝင်ကားကောင်းတစ်ကားပါ

(ဒီကားက ယခင် ကျွန်တော် channelmyanmar မှ တင်ဆက်ပေးဖူးပါတယ်..သို့ပေမယ့် စာတန်းထိုးလိုအပ်ချက်တစ်ချို့ရှိလို့ ယခု အသစ်ဘာသာပြန်ပြီးတင်ဆင်ပေးထားပါတယ်…) Part 2 လာပါပြီ ...ထုံးစံအတိုင်းပေါ့ဗျာ... ဒီကားရဲ့အညွှန်းကိုတော့ မရေးရဲလို့မရေးတော့ဘူး... တစ်ခုတော့ပြောလို့ရတယ်...ခင်ဗျားတို့ရဲ့ ရုပ်ရှင်ကြည့်သမိုင်းမှာ ထာဝရအကောင်းဆုံးဆိုသော ဇာတ်ကားစာရင်းထဲမှာ အခုရော နောင်ရော အမြဲရှိနေလိမ့်မယ်လို့ပါ... ကိုင်းခံစားကြည့်လိုက်ပါဦးဗျို့...1080p တော့မတင်တော့ဘူးစဉ်းစားထားတယ်...720p ကို အကောင်းမွန်ဆုံးတင်ပေးထားပါတယ်.. ဘာသာပြန်သူကတော့ Ko Ye Pye Sone ပဲဖြစ်ပါတယ်... File Size : (1.84GB) Quality : Blu-Ray 720p Format…mp4 Duration…03:22:00 Genre : Crime , Drama  Subtitle : Myanmar Subtitle (Hard Sub) Translated by Ye Pye Sone Encoded by Phyo Pyae

ဒုတိယကမ္ဘာစစ်အတွင်း မဟာမိတ်တပ်တွေ အိုမာဟာကမ်းခြေကနေ ကမ်းတက်လာပြီး ပြင်သစ်နယ်စပ်မှာ အထိုင်ချထားချိန်ကို ဇာတ်အိမ်တည်ထားပါတယ်။ နာဇီဂျာမန်တပ်တွေနဲ့ ရင်ဆိုင်နေရတဲ့အထဲမှာ ကယ်လီတို့ တပ်စိတ်လေးလည်း ပါတယ်။ သူတို့က စစ်ရည်ဝနေပြီဖြစ်သလို စစ်ကိုလည်း မုန်းနေကြတဲ့ အရာရှိမဟုတ်သူ စစ်သားတွေဖြစ်ပြီး တပ်ကြပ်ကြီးတစ်ယောက်ရဲ့ အုပ်ချုပ်မှုအောက်မှာ ရှိနေကြတာပါ။ ရန်သူဘက်က ဗိုလ်မှူးကြီးတစ်ယောက်ကို ဖမ်းမိပြီးနောက်မှာတော့ ဒေါ်လာ ၁၆ သန်းတန်တဲ့ ရွှေချောင်းတစ်သောင်းလေးထောင်အကြောင်း သတင်းရသွားကြတယ်။ အဲဒီရွှေတွေက ရန်သူစစ်မျက်နှာရဲ့ နောက်ဘက် မိုင် ၃၀ အကွာက မြို့လေးတစ်မြို့ရဲ့ ဘဏ်ထဲမှာ ရှိနေပါတယ်။ ကယ်လီတို့က ရွှေတွေကို သွားလုဖို့ စီစဉ်ပြီး ဗြိတိသျှသံချပ်ကာတပ်ရင်းက ရှားမန်းတင့်ကားသုံးစင်းရဲ့ အကူအညီကိုပါ ရယူလိုက်ကြတယ်။ ဒါက တရားဝင်စစ်ဆင်ရေးလည်း မဟုတ်သလို နိုင်ငံအတွက် လုပ်နေတာလည်း မဟုတ်ပါဘူး။ ဖမ်းဆီးရမိထားတဲ့ ရွှေချောင်းအနည်းငယ်ကို ပြပြီး ဆိုင်ရာလူတွေကို စည်းရုံးကြတယ်။ အဲဒီနည်းနဲ့ လက်နက်၊ ကျည်ဆန်နဲ့ ရိက္ခာတွေ ထုတ်ယူပြီး ရန်သူ့နယ်မြေထဲ တိုးဝင်သွားကြပါတယ်။ ကလင့်တ် အိစ်ဝုဒ် ပါဝင်ထားတဲ့ စစ်နောက်ခံစွန့်စားဟာသကားဖြစ်ပြီး စိန်ပြောင်းပစ်တာ၊ လေယာဉ်နဲ့ ဗုံးကြဲတာ၊ တင့်ကားချင်းတိုက်တာကနေ စက်သေနတ်နဲ့ လက်ပစ်ဗုံးသုံးတဲ့ တိုက်ခိုက်ခန်းတွေအထိ ပါဝင်ပါတယ်။ သေဆုံးသူတွေကို သင်္ဂြိုဟ်ပေးတဲ့ တပ်ခွဲကိုပါ တွေ့ရတယ်။ ဇာတ်လမ်းက စစ်သူရဲကောင်းတွေကို ဂုဏ်ပြုဖော်ပြတာထက် စစ်ပွဲကြားက လူတွေရဲ့ လောဘနဲ့ အကွက်မြင်တတ်ပုံကို အလေးပေးထားပါတယ်။

The Wrong Man 1956 IMDB : 7.6 Rotten Tomatoes : 98 % Genre : Noir / Thriller Psycho, Vertigo တို့လို့ ဂန္ဓဝင်ရုပ်ရှင်တွေရဲ့ ပဲ့ကိုင်ရှင် ဂန္ဓဝင်ဒါရိုက်တာကြီး အဲဖရက်ဟစ်ကော့ခ်ျရဲ့ The Wrong Manဆိုတဲ့ Old But Gold ကားကောင်းလေးတစ်ကားကိုတင်ဆက်ပေးလိုက်ပါတယ်။ ဒီကားကို ဖြစ်ရပ်မှန်အပေါ် အခြေတည်ရိုက်ကူးထားပြီး ဒါရိုက်တာကြီး အဲဖရက်ဟစ်ကော့ချ်ကတော့ သူရိုက်ဖူးတဲ့ သည်းထိတ်ရင်ဖိုရုပ်ရှင်တွေထက်တောင် ဆန်းကြယ်တယ်လို့ ညွှန်းထားပါတယ်။ အာမခံရုံးကို ဓားပြတိုက်မှု ကျူးလွန်သူအဖြစ်စွပ်စွဲခံရတဲ့ အိမ်ထောင်သည်၊သားနှစ်ယောက်ဖခင် ခရစ္စတိုဖာဘလက်စတယ်ရိုဆိုသူကို အခြေခံထားပြီး အပြစ်မရှိကြောင်း သက်သေပြဖို့ကြိုစားရပုံကို ရိုက်ကူးထားပါတယ်။ ဒါပေမယ့် ဒီလိုပုံစံရုပ်ရှင်တွေနဲ့ မတူတာက မှားယွင်းဖမ်းဆီးခံရ နောက်ဆုံးမှာ အပြစ်မရှိကြောင်း သက်သေပြနိုင် ဆိုတာ မျိုးနဲ့ ဇာတ်သိမ်းထားတာ မဟုတ်ပဲ ဘလက်စတယ်ရိုရဲ့ မတရားဖမ်းဆီးရမှုက သူ့ရဲ့ဇနီးဖြစ်သူနဲ့ မိသားစုကို ရိုက်ခတ်ပုံတွေကို ရင်နှင့်ဖွယ်ကြည့်ရှူရမှာ ဖြစ်ပါတယ်။