Huang Shengyi ပါဝင်သော ဇာတ်ကားများ

ဒီတစ်ခါမှာတော့ ၂၀၀၉ ခုနှစ်ထွက် တရုတ်ပြည်သူ့သမ္မတနိုင်ငံ ထူထောင်ခြင်း နှစ် ၆၀ ပြည့် အထိမ်းအမှတ်အဖြစ် ထုတ်လုပ်ခဲ့တဲ့ The Founding of a Republic (建国大业) ဇာတ်လမ်းနဲ့ မိတ်ဆက်ပေးချင်ပါတယ်။ ဒီဇာတ်လမ်းဟာ ၁၉၄၅ ခုနှစ်၊ ဂျပန်တို့ လက်နက်ချပြီးနောက် ချန်ကေရှိတ် ဦးဆောင်တဲ့ အမျိုးသားရေးအစိုးရ (ကူမင်တန်) နဲ့ မော်စီတုန်း ဦးဆောင်တဲ့ တရုတ်ကွန်မြူနစ်ပါတီ (CCP) တို့ကြားက တင်းမာတဲ့ ငြိမ်းချမ်းရေးဆွေးနွေးပွဲတွေ၊ နိုင်ငံရေးနဲ့ စစ်ရေးပဋိပက္ခတွေ များစွာဖြစ်ပွားခဲ့တဲ့ ကာလကို အခြေတည်ပြီးရိုက်ကူးထားတာပါ။ ပါတီနှစ်ခုကြား ကနဦး သဘောတူညီချက်တွေ ရှိခဲ့ပေမဲ့ နောက်ပိုင်းမှာ အတွေးအခေါ်ကွာဟတာများလာတဲ့အတွက် ပေါင်းကူးရန် မဖြစ်နိုင်တဲ့အခါ အစတည်းက နုနယ်လွန်းလှတဲ့ ငြိမ်းချမ်းရေး‌ လျင်မြန်စွာ ပြိုကွဲသွားပြီး တရုတ်ပြည်တွင်းစစ် ပြန်ဖြစ်လာပါတော့တယ်။ ဒီဇာတ်လမ်းမှာတော့ ကွန်မြူနစ်ပါတီနဲ့ ကူမင်တန်တို့ကြားက အားပြိုင်မှုတွေ၊ နိုင်ငံရေးကစားကွက်တွေနဲ့ အတွေးအခေါ်ယူဆချက်တွေကို တွေ့မြင်နိုင်မှာဖြစ်ပါတယ်။ မော်စီတုန်းအဖြစ် Tang Guoqiang၊ ချန်ကေရှိတ်အဖြစ် Zhang Guoli အပါအဝင် တရုတ်နိုင်ငံရဲ့ ထိပ်တန်းသရုပ်ဆောင်တွေ မြိုင်မြိုင်ဆိုင်ဆိုင် ပါဝင်ထားတဲ့အတွက် ၂ နာရီကျော်ကြာမြင့်တဲ့ ဒီဇာတ်ကားကို တရုတ်နိုင်ငံရဲ့ သမိုင်းကြောင်းနဲ့ နိုင်ငံရေးကို စိတ်ဝင်စားတဲ့သူတွေ ကြည့်ရှုသင့်ကြောင်း အကြံပေးလိုပါတယ်။ အသုံးအနှုန်းများမှားတာရှိရင် ကြိုတင်ခွင့်လွှတ်ပေးစေလိုပါကြောင်း。。。 Quality.....WebRip 1080p / 720p File Size.....(3.2 GB) / (1.4GB) Genre.....Drama, History, War Duration.....02:18:00

Race To Witch Mountain (2009) ကိုယ်နေထိုင်ရာဂြိုလ်ကြီးက ပျက်ဆီးသေဆုံးတော့မယ်ဆိုတော့ စကြာဝဠာကို ခြေဆန့်ခရီးထွက်ပြီး အိမ်အသစ်ရှာကြမယ့် ဂြိုလ်သားများ ကမ္ဘာမြေပေါ်ကို တည့်တည့်ကြီး ရောက်လာပါတော့တယ် တစ်ချို့က ကမ္ဘာပေါ်က ဇီဝရုပ်တွေကိုလေ့လာပြီး မိမိတို့ဂြိုလ်ကို ပြန်အသက်သွင်းဖို့ ကြံစည်ကြတဲ့ သိပ္ပံပညာရှင်ဂြိုလ်သားတွေရှိသလို လက်နက်အားကိုး ကမ္ဘာကိုသိမ်းပြီး ကျူးကျော်နေထိုင်မယ့် စစ်သားဂြိုလ်သားတွေလည်းရှိတာပေါ့။ အဲဒီကြားထဲကမှာ မိမိတို့ဂြိုလ်ကိုပဲ ကယ်တင်ချင်တဲ့ ဂြိုလ်သား ကလေးအရွယ် နှစ်ယောက်ဟာ ကမ္ဘာပေါ်က သူတို့မိဘတွေ လုပ်လက်စ စမ်းသပ်မှုတွေကို လာယူမှာပါ။ အဲဒီစမ်းသပ်မှုက သူတို့ဂြိုလ်ကို ပြန်လည်ကောင်းမွန်အောင်လုပ်နိုင်တာကို ခေါင်းဆောင်တွေကို ပြန်ပြလို့ ကမ္ဘာမြေကို ဒုက္ခမပေးမယ့်လမ်းကို ရွေးချင်သူတွေပါ။ သူတို့ရဲ့ ကမ္ဘာမြေခရီးမှာ ရာဇဝတ်မှုတွေနဲ့ ကြီးပြင်းလာပြီးမှ ရိုးရိုးသားသား အငှားယာဉ်မောင်းစားနေတဲ့ ကျွန်တော့်အကြိုက်ဆုံးမင်းသား Dwayne Johnson ရယ်၊ နက္ခတ္တရူပဗေဒပညာရှင် ဒေါက်တာမမရယ်တို့နဲ့ ပေါင်းမိပြီး ဘာတွေဖြစ်လို့ ဘာတွေဖြစ်ကြမယ်ဆိုတာ ကြည့်ရှုရပါမယ်။ Fantasy ကားတွေရိုက်တဲ့နေရာမှာ နာမည်ကြီးတဲ့ Walt Disney က တင်ဆက်ပေးထားတာဖြစ်ပြီး မင်းသားကလည်း Dwayne Johnson ဆိုတော့ မကောင်းမှာ မပူကြပါနဲ့လို့... ကြည့်ပြီးသားဆိုရင်တောင် ပြန်ကြည့်ဖို့အတွက် ထိုက်တန်တဲ့ ဇာတ်ကားလေးပါ... (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 1.7GB, 1GB Quality - 1080p, 720p IMDb Rating - 5.7/10 Format - mp4 Duration - 1H 38Min Type - SciFi, Adventure, Family Subtitle - Myanmar Subtitle (Hardsub) Translated by Arr Khun Winchester Encoded by Y

မင်မင်းဆက် နှောင်းပိုင်းကာလ၊ တိုင်းပြည်က ပျက်လုဆဲဆဲ၊ သိုင်းလောကမှာလည်း သွေးထွက်သံယိုမှုတွေက နေရာအနှံ့... ဒီလို ကမောက်ကမ အချိန်ကာလကို နောက်ခံထားပြီး ဆရာကြီးကျင်းယုံ ရဲ့ ဂန္ထဝင်ဝတ္ထုကို အသက်သွင်းထားတဲ့ ၂၀၀၇ ခုနှစ်ထွက် "Sword Stained with Royal Blood" (碧血剑) ဇာတ်လမ်းတွဲကြီးနဲ့ မိတ်ဆက်ပေးပါရစေ ဇာတ်လမ်းက တိုင်းပြည်အတွက် အသက်ပေးကာကွယ်ခဲ့ပေမဲ့ ဧကရာဇ်ရဲ့ သံသယကြောင့် မတရား ကွပ်မျက်ခံလိုက်ရတဲ့ စစ်သူကြီး ယွမ်ချုံးဟွမ်ရဲ့ ဇာတ်ကြောင်းနဲ့ စတင်ပါတယ်။ သေဘေးကနေ သီသီလေး လွတ်မြောက်သွားတဲ့ သူ့ရဲ့သား ယွမ်ချန်ကျိ ဟာ တောင်ပေါ်မှာ သိုင်းပညာတွေ သင်ယူရင်း အရွယ်ရောက်လာခဲ့ပါတယ်။ တစ်နေ့မှာတော့ သူဟာ တောင်ဂူတစ်ခုထဲကနေ သိုင်းလောကကို တစ်ခေတ်ဆွဲလှုပ်ခဲ့တဲ့ 'ရွှေမြွေသိုင်းသမား' ရှာရွှယ်ယီရဲ့ အစွမ်းထက် ရွှေမြွေဓားနဲ့ သိုင်းကျမ်းကို မထင်မှတ်ဘဲ ရရှိသွားခဲ့ပါတယ်။ ဖခင်ရဲ့ ကလဲ့စားကိုချေဖို့ တောင်ပေါ်က ဆင်းလာတဲ့ ယွမ်ချန်ကျစ်တစ်ယောက်၊ မင်မင်းဆက်ကို ပုန်ကန်နေတဲ့ သူပုန်တပ်တွေနဲ့ ပူးပေါင်းမိတဲ့အခါမှာတော့ သူထင်ထားသလို အဖြူနဲ့အမည်း သဲသဲကွဲကွဲ မရှိတဲ့ နိုင်ငံရေး လှည့်ကွက်တွေကြားကို ရောက်သွားပါတော့တယ်။ ဒီကြားထဲ ရွှေမြွေသိုင်းသမားရဲ့ သမီးဖြစ်သူ ဉာဏ်များတဲ့ ဝမ်ချင်းချင်းနဲ့ မင်ဧကရာဇ်ရဲ့ သမီးတော် မင်းသမီး အာကျိုတို့နဲ့ ဆုံတွေ့တဲ့အခါ... ရန်သူ့သမီးတော်နဲ့ ကျေးဇူးရှင်ရဲ့သမီးကြားက ရှုပ်ထွေးလှတဲ့ သုံးပွင့်ဆိုင် အချစ်ဇာတ်လမ်းက ဇာတ်ကားကို ပိုပြီး အရှိန်တက်လာစေပါတယ်။ ဒီကားက သာမန်သိုင်းကားတွေလို မင်းသားက သိုင်းတတ်၊ ရန်သူကိုနိုင်၊ ပြီးရင် ပျော်ရွှင်စွာ ဇာတ်သိမ်းသွားတဲ့ ပုံစံမျိုး မဟုတ်ပါဘူး။ တိုင်းပြည်ပျက်လုဆဲဆဲ အချိန်မှာ သူရဲကောင်းတစ်ယောက်ရဲ့ ခွန်အားက ဘယ်လောက်ထိ သေးငယ်သွားလဲဆိုတာကို လက်တွေ့ကျကျ ရိုက်ပြထားတာပါ။ သူရဲကောင်းဆိုတာ ဓားတစ်လက်နဲ့ အရာအားလုံးကို ဖြေရှင်းလို့မရဘူးဆိုတဲ့ အမှန်တရားကို ယွမ်ချန်ကျစ်ရဲ့ ဘဝကနေတစ်ဆင့် မြင်ရပါလိမ့်မယ်။ ဒါ့အပြင် ရွှေမြွေသိုင်းသမား ရှာရွှယ်ယီရဲ့ အတိတ်က အမုန်းတရားတွေ၊ နာကြည်းချက်တွေက ပစ္စုပ္ပန်ကာလအထိ အရိပ်မည်းကြီးလို လွှမ်းမိုးနေပုံတွေကိုလဲ သေချာစွာရိုက်ကူးတင်ဆက်ထားပါတယ် ။ဆရာကြီးကျင်းယုံရဲ့ ဝတ္ထုတွေထဲကအတိုင်း လူ့သဘာဝရဲ့ အမှောင်ဘက်ခြမ်းတွေ၊ နိုင်ငံရေးရဲ့ ရက်စက်မှုတွေကို သိုင်းကွက်ကြမ်းကြမ်းတွေနဲ့အတူ ကြည့်ရှုရမယ့် ကားကောင်းတစ်ကားမို့ သိုင်းချစ်သူပရိသတ်တွေအတွက် လက်မလွတ်သင့်ကြောင်း ညွှန်းဆိုလိုက်ရပါတယ် Total Episodes : 30 Quality : WEB-DL 1080p HEVC , 720p HEVC Format : mkv Genres : Romance, Wuxia Runtime :45 min Subtitle : Myanmar Subtitle ( Hardsub )

နိုင်ငံတကာက အလိုရှိနေတဲ့ ဟောင်ကောင်ရာဇဝတ်သား ကျားသစ်ဒွမ်ကို ရုံးထုတ်ဖို့ စီစဉ်နေချိန်မှာ ဇာတ်လမ်းစပါတယ်။ သူ့ကို တရားစွဲပြီး ထောင်ထဲပို့နိုင်ဖို့၊ တရားဝင်နဲ့ တရားမဝင် စီးပွားရေးလုပ်ငန်းတွေကိုပါ ရပ်တန့်နိုင်ဖို့ အင်တာပိုလ်ကလည်း ပါဝင်ဆောင်ရွက်နေတယ်။ ဒါပေမယ့် ရုံးထုတ်တဲ့နေ့မှာပဲ ပြည်ပကြေးစားအဖွဲ့တစ်ဖွဲ့က လုံခြုံရေးယာဉ်တန်းကို ဝင်တိုက်ပြီး ကျားသစ်ဒွမ်ကို ခေါ်သွားပါတယ်။ ကျားသစ်ဒွမ်ကတော့ ကိုယ့်ကို လာကယ်တာလို့ ထင်ပြီး ဝမ်းသာနေမိတယ်။ တကယ်တမ်းမှာ အဲဒီလူတွေဟာ သူနဲ့ သူ့အစ်ကို ကျားကြီးဒွမ်တို့ကို လက်စားချေချင်နေသူတွေပါ။ ဟောင်ကောင်ရဲတွေကလည်း လိုက်နေသလို အငယ်တန်းအင်တာပိုလ်ရဲအဖွဲ့ကလည်း ပါလာတယ်။ ကြေးစားတွေလက်ထဲက ညီကို ပြန်ကယ်ဖို့ ကျားကြီးဒွမ်တို့အဖွဲ့ပါ လှုပ်ရှားလာတော့ အဖွဲ့လေးဖွဲ့ကြား ထိပ်တိုက်တွေ့ကြရပါတော့တယ်။

ပုဆိန်ဂိုဏ်းသားတစ်ယောက် ဖြစ်ချင်နေတဲ့ လူငယ်တစ်ယောက်က ဆင်းရဲတဲ့ရပ်ကွက်တစ်ခုမှာ ပြဿနာသွားရှာမိပါတယ်။ သူအထင်သေးထားတဲ့ ရပ်ကွက်မှာ တကယ့်သိုင်းဆရာကြီးတွေ ဇာတ်မြှုပ်နေတာကိုတော့ မသိခဲ့ဘူး။ လူမိုက်လုပ်ချင်တဲ့ သူ့ကြောင့် စလာတဲ့အရှုပ်အထွေးက သိုင်းပညာရှင်တွေ ပါဝင်လာတဲ့ တိုက်ပွဲတွေဆီ ရောက်သွားပါတော့တယ်။ စတီဖင်ချောင် ကိုယ်တိုင် ဒါရိုက်တာလုပ်ပြီး ပါဝင်သရုပ်ဆောင်ထားတဲ့ကားဆိုတော့ အတည်ပေါက်နဲ့ လွဲနေတဲ့ဟာသတွေ၊ အပြိုင်အဆိုင် ထုတ်သုံးကြတဲ့ သိုင်းကွက်တွေကို တွဲကြည့်ရမှာပါ။ တိုက်ခိုက်ခန်းတွေကို ကြည့်နေရင်း ရုတ်တရက် ရယ်စရာ ဖြစ်သွားတတ်တဲ့ပုံစံကို ကြိုက်ရင် ဒီကားနဲ့ အဆင်ပြေမယ်။ ဇာတ်လမ်းထဲက ရပ်ကွက်ကိုလည်း စတီဖင်ချောင် ကြီးပြင်းခဲ့တဲ့ ဟောင်ကောင်တိုက်ခန်းအိမ်ယာတစ်ခုကို ပုံစံယူ တည်ဆောက်ထားတာဖြစ်ပါတယ်။