J. Smith-Cameron ပါဝင်သော ဇာတ်ကားများ

Murdaugh: Death in the Family (2025) S1 ( Ongoing Series ) +++++++++++ အပိုင်း ( ၁ မှ ၈ ) အထိ စ / ဆုံး IMDb Rating (7.1) / Rotten Tomatoes (70%) Murdaugh: Death in the Family ကတော့ Hulu ကနေ ၂၀၂၅ ခုနှစ် အောက်တိုဘာလ ၁၅ ရက်နေ့က စတင်ပြသနေတဲ့ အမေရိကန်ဖြစ်ရပ်မှန်အခြေခံ ရာဇဝတ်မှုဇာတ်လမ်းတွဲဖြစ်ပါတယ်။ Mandy Matney ရဲ့ Murdaugh Murders Podcast ကို အခြေခံထားပြီး တန်ခိုးအာဏာကြီးမားခဲ့တဲ့ Murdaugh မိသားစုပြိုလဲကျဆုံးခန်းကို ရိုက်ကူးတင်ပြထားတာဖြစ်ပါတယ်။ Murdaugh မိသားစုရဲ့ဇာတ်လမ်းကို ၂၀၁၉ ခုနှစ်မှာ စတင်ထားပြီး မိသားစုဝင်လူငယ်တစ်ဦးဖြစ်တဲ့ Paul Murdaugh ရဲ့ဆိုးသွမ်းမှုကြောင့် သူငယ်ချင်း Mallory Beach သေဆုံးခဲ့ရတဲ့အဖြစ်အပျက်ကနေ စတင်ထားပါတယ်။ အဲဒီအချိန်ကစလို့ မိသားစုရဲ့လူသိရှင်ကြားပြဿနာတွေ စတင်ခဲ့ပါတော့တယ်။ ၂၀၂၁ ခုနှစ် ဇွန်လ ၇ ရက်နေ့မှာတော့ Alex Murdaugh ဟာ သူ့ဇနီးနဲ့သားဖြစ်သူရဲ့အလောင်းတွေကို မိသားစုပိုင်မုဆိုးခြံမှာတွေ့ရှိခဲ့ကြောင်း ၉၁၁ ကို အကြောင်းကြားခဲ့ပါတယ်။ ဒါပေမဲ့ စုံစမ်းစစ်ဆေးမှုတွေအရ Alex ကိုယ်တိုင် အခင်းနေရာကိုရောက်ရှိခဲ့တဲ့ သက်သေအထောက်အထားတွေ တွေ့ရှိခဲ့ပြီး ၂၀၂၃ ခုနှစ်မှာတော့ သူ့ဇနီးနဲ့သားကို သူကိုယ်တိုင်သတ်ဖြတ်ခဲ့တယ်လို့ အပြစ်ဝန်ခံခဲ့ပါတယ်။ အဲဒီမတိုင်ခင်အချိန်ကာလတွေအတွင်း Murdaugh မိသားစုရဲ့ ချမ်းသာကြွယ်ဝမှု၊ လူမှုရေးဩဇာနဲ့ ဥပဒေရေးရာလွှမ်းမိုးမှုတွေကျဆုံးလာပုံကို ဇာတ်လမ်းတွဲတစ်လျှောက် ကြည့်ရှုသွားရမှာဖြစ်ပါတယ်။ Size – 811MB / 403MB Quality –WEB-DL 1080p HEVC / 720p Episodes -  8 Eps Duration -  50m Subtitle – Myanmar Hardsub Format – mkv /mp4 Genre :  Biography , Crime , Drama , Mystery , Thriller

John Green ရဲ့ Turtle all the way down ဝတ္ထုကို ပြန်လည်ရိုက်ကူးထားတဲ့ ဒီရုပ်ရှင်ကတော့ မေလ ၂ ရက် နေ့တုန်းကမှ ထွက်ရှိထားတာဖြစ်ပြီး Rotten Tomatoes ဝက်ဘ်ဆိုက်မှာ မှတ်ချက်ကောင်းတွေ ရထားတဲ့ ရုပ်ရှင်တစ်ခုလည်း ဖြစ်ပါတယ် ။ ဒီရုပ်ရှင်မှာတော့ Obsessive Compulsive Disorder (OCD) ရောဂါရှိနေတဲ့ ၁၆ နှစ်အရွယ် မိန်းကလေး အေဇာရဲ့ ရှုထောင့်ကနေ သူ့အတွေးတွေ သူ့ခံစားချက်တွေကို မြင်တွေ့ရမှာပါ ။ အေဇာဟာ OCD ရှိတဲ့မိန်းကလေး တစ်ယောက်ဖြစ်ပြီး ဘက်တီးရီးယားပိုးမွှားတွေကို အလွန်အမင်းကြောက်စိတ်ဝင်နေတတ်သူလည်း ဖြစ်ပါတယ် ။ သူ့မှာ ဒေစီနဲ့ မိုက်ကယ်ဆိုတဲ့ သူငယ်ချင်းနှစ်ယောက်ရှိပြီး တစ်ရက်မှာတော့ ဘီလီယံနာသူဌေးတစ်ယောက် ပျောက်သွားတဲ့ သတင်းကနေ သူ့ရဲ့ ငယ်သူငယ်ချင်း ဒေးဗစ်နဲ့ ပြန်လည်ဆုံစည်း လိုက်ရပါတော့တယ် ။ ဒီလိုနဲ့ အေဇာနဲ့ ဒေးဗစ်တို့ အချင်းချင်း မေတ္တာရှိလာကြတဲ့အခါ အဓိက အဟန့်အတားဖြစ်လာတာကတော့ အေဇာရဲ့ OCD ရောဂါပါပဲ ။ အေဇာရဲ့ အတွေးလွန်ဆွဲပုံတွေ ၊ ဒေးဗစ်ရဲ့ နားလည်ပေးနိုင်မှု တွေကိုတော့ သေချာလေး မြင်တွေ့ရမယ့်အပြင် အမေနဲ့သမီးရဲ့ ဆက်ဆံရေး ၊ အချစ်ဆုံးသူငယ်ချင်းနှစ်ယောက်ကြားက ပဋိပက္ခတွေကိုလည်း ရင်ထဲထိရလောက်တဲ့အထိ ကြည့်ရှု ခံစားရမှာပါ ။ အဆုံးကျရင်တော့ အေဇာရဲ့ အတွေးတိုက်ပွဲမှာ ဘယ်ဘက်က အနိုင်ရမလဲ ။ ဒေးဗစ်နဲ့ရော ဘယ်လိုဖြစ်သွားမှာလဲဆိုတာကတော့ Turtles all the way down ရုပ်ရှင်ရဲ့ Ending လှလှလေးမှာ အတူတူခံစားကြည့်ကြပါလို့ပဲ အကြံပေးချင်ပါတယ် ။ File size…3.19GB / 873 MB Quality… WEB-DL 1080p 5.1CH / 720p Format…mp4 Duration….1h 51m Genre ….. Drama , Romance Subtitle….Myanmar Subtitle (Hard Sub) Encoder….Min Wai Translated by Hazelle

IMDb Rating - 7.2/10 ဒီဇာတ်လမ်းက 1993 ခုနှစ် Davidian စခန်းမှာ ဖြစ်ပွားခဲ့တဲ့ ခြောက်ခြားစရာ အဖြစ်အပျက် နောက်ပိုင်းမှာ စတင်လာတဲ့ ဖြစ်ရပ်မှန် ဘာသာရေး တော်လှန်ရေးပွဲအကြောင်းကို ရိုက် ကူးထားတာပါ။ Waco မှာ လူတွေသေဆုံးခဲ့ပြီး လူတစ်ချို့က FBI နှင့် အစိုးရကို အပြစ်တင်နေချိန် FBI ညှိနှိုင်းရေးသမား Gary Noesner လည်း သူ့ကိုယ်သူ လိပ်ပြာမလုံဖြစ်ပြီး နောင် တရမိသည်။ Davidian စခန်းမှာ အသက်ရှင်ကျန်ရစ်ခဲ့သည့် သူများ တရား ရုံးမှာရင်ဆိုင်ရပုံ၊ ​အမေရိကန်အစိုးရနှင့် David Koresh ဦးဆောင် သည့် ခရစ်ယာန်ဘာသာရေးအဖွဲ့အစည်းတို့ကြား တော်လှန်ရေး ဖြစ်ပွားခဲ့ပုံကို ရိုက်ကူးထားပြီး မင်းသားကြီး Michael Shannon ပါဝင်တဲ့ ရာဇဝတ်၊ တရားရေးရာ စီးရီးကောင်းတစ်ပုဒ် ဖြစ်ပါတယ်။ (ဒီစီးရီးရဲ့ အညွှန်းနဲ့ ဘာသာပြန်ရေးသားပေးသူကတော့ Thwal Htoo Zin ဖြစ်ပါတယ်။) File Size.............(300 MB) / (800 MB) Quality...............WEB-DL 720p / 1080p Duration............50Min(@Episode) Subtitle..............Myanmar Hardsub Format...............MP4 Genre.................Drama Translator..........Thwal Htoo Zin Encoder..............SWM

ကလမ်မန့်စ်မစ်လာက ကောလိပ်တက်နေတဲ့ ကျောင်းသူတစ်ယောက်ပါ။ သူ့မှာ bipolar disorder ရှိမှန်း သိလိုက်ရတဲ့နောက် ကျောင်းထွက်ပြီး မိဘတွေရှိတဲ့မြို့ကို ပြန်လာနေပါတယ်။ အဲဒီကနေ သူ့စိတ်ကျန်းမာရေးအခြေအနေနဲ့အတူ နေထိုင်ဖို့ ကြိုးစားရပုံ၊ ကြုံရတဲ့ အခက်အခဲတွေနဲ့ မိသားစု၊ သူငယ်ချင်းမိတ်ဆွေတွေအပေါ် သက်ရောက်ပုံတွေကို ဆက်ပြထားတယ်။ ဒီကားရဲ့ ဒါရိုက်တာ၊ ဇာတ်ညွှန်းရေးသူနဲ့ အဓိကသရုပ်ဆောင်က Alex Heller ပါ။ မူရင်းအညွှန်းအရ သူကိုယ်တိုင်လည်း bipolar disorder ရှိသူဖြစ်ပြီး အင်တာဗျူးတစ်ခုမှာ ဒီဇာတ်ကားကို ရိုက်ကူးတဲ့ရည်ရွယ်ချက်အကြောင်း ပြောထားပါတယ်။ စိတ်ရောဂါအကြောင်း ရိုက်ကူးရာမှာ အဆိုးရွားဆုံး၊ အမှောင်မိုက်ဆုံးကာလတွေကိုသာ ပြသလေ့ရှိတာကြောင့် ဒီကားမှာ နေ့စဉ်သာမန်အချိန်တွေနဲ့ ရယ်စရာအခြေအနေတွေကိုပါ ထည့်ထားတယ်လို့ ဆိုပါတယ်။ စိတ်ကျန်းမာရေးပြဿနာက ကာယကံရှင်တစ်ယောက်တည်းအပြင် မိသားစုအပေါ်မှာပါ သက်ရောက်မှုရှိတာကိုလည်း ပြချင်ခဲ့တာပါ။

ဘန်ဟာ နာမည်ကြီး ပေါ့ဒ်ကတ်စ်ဂျာနယ်လစ်နဲ့ စာရေးဆရာတစ်ယောက်ပါ။ အချစ်ကို အယုံအကြည်မရှိဘဲ မိန်းကလေးတွေနဲ့ အပျော်တွဲတတ်တဲ့ သူ့ဆီကို တစ်ညမှာ ဖုန်းတစ်通 ဝင်လာတယ်။ အက်ဘ်လင်းဆိုတဲ့ မိန်းကလေးရဲ့အစ်ကိုက သူ့ညီမသေဆုံးသွားပြီဖြစ်လို့ ရည်းစားဖြစ်သူ ဘန်ကို ဈာပနလာပေးဖို့ ဆက်သွယ်လာတာပါ။ ဘန်ကတော့ အက်ဘ်လင်းနဲ့ သုံးခါလောက်ပဲ ချိန်းတွေ့ဖူးပြီး သူ့အကြောင်းကိုတောင် သိပ်မမှတ်မိတော့ပါဘူး။ ဒါပေမဲ့ အက်ဘ်လင်းရဲ့မိသားစုက သူ့ကို အရေးတကြီး ဖိတ်နေကြတာကြောင့် တက္ကဆက်ပြည်နယ်ထဲက အတော်ဝေးတဲ့ နေရာတစ်ခုအထိ သွားလိုက်တယ်။ ဈာပနအပြီးမှာ အက်ဘ်လင်းရဲ့အစ်ကိုက သူ့ညီမဟာ လူသတ်ခံရတာ ဖြစ်နိုင်တယ်လို့ ပြောလာပြီး တရားခံကို အတူရှာဖို့နဲ့ လက်စားချေဖို့ ဘန့်ကို တောင်းဆိုပါတယ်။ ဘန်က လူသတ်မှုလို့ မယုံပေမယ့် ဒီမိသားစုရဲ့ ရိုးအပုံတွေကို အသံဖမ်းပြီး ပေါ့ဒ်ကတ်စ်လုပ်ရင် လူကြိုက်များနိုင်တယ်လို့ တွေးမိတာကြောင့် အလိုက်သင့် လိုက်စုံစမ်းပေးတယ်။ ဇာတ်လမ်းထဲက တက္ကဆက်မှာတော့ လူသတ်မှု တကယ်ဖြစ်ရင်တောင် ဖော်ထုတ်ဖို့ မလွယ်ပါဘူး။ သေနတ်ထိတာဖြစ်ဖြစ်၊ ဓားနဲ့ခုတ်ခံရတာဖြစ်ဖြစ် ရဲတွေက မတော်တဆမှုအဖြစ်ပဲ သဘောထားပြီး ထူးထူးခြားခြား စုံစမ်းမနေကြဘူး။ အရေးပေါ်နံပါတ် ၉၁၁ ကို ဖုန်းဆက်ရင်လည်း အလေးအနက် မထားကြပါဘူး။ အသံလွှင့်ဖို့ ဇာတ်လမ်းရရုံလောက်သာ ရည်ရွယ်ခဲ့တဲ့ ဘန်ဟာ အဲဒီနေရာမှာ တကယ်လေးနက်တဲ့ ကိစ္စတွေနဲ့ ကြုံလာရပါတယ်။ ဘီဂျေ နိုဗက်က ဇာတ်ညွှန်းရေး၊ ဒါရိုက်တာလုပ်ပြီး ကိုယ်တိုင်ပါဝင်သရုပ်ဆောင်ထားတဲ့ ဟာသ၊ လျှို့ဝှက်ဆန်းကြယ်နဲ့ သည်းထိတ်ရင်ဖိုဇာတ်ကားဖြစ်ပြီး ဒဿနဆန်တဲ့ အကြောင်းအရာတွေလည်း ပါဝင်ပါတယ်။

2022 ခုနှစ် အကောင်းဆုံးရုပ်ရှင်စီးရီးအဖြစ် Emmy ဆုရရှိသွားတဲ့ စီးရီးတစ်ခုကို တင်ဆက်ပေးချင်ပါတယ်။ တစ်ကမ္ဘာလုံးမှာ ပရိသတ်တွေအများကြီးရဲ့ အားပေးမှုကို ရထားတဲ့ ဒရာမ စီးရီးတစ်ခုလည်းဖြစ်ပါတယ်။ နာမည်ကတော့ ဆက်ခံမှု ဆိုတဲ့ အဓိပ္ပါယ်ပါပဲ။ ဒီစီးရီးကိုတော့ အက်မင်က စီးပွားရေး Game of Thrones လို့ တင်စားချင်ပါတယ်။ GoT လို အတိုက်အခိုက်တွေ နဂါးတွေအစား စီးပွားရေးသမားတွေ၊ နိုင်ငံရေးသမားတွေရဲ့ ကွက်ကျော်ရိုက်ပုံတွေ၊ နောက်ကျောဓားနဲ့ထိုးပုံတွေ ကာရိုက်တာတွေ ပြောင်းလဲလာပုံတွေနဲ့ တင်ဆက်ထားတာမို့ စီးပွားရေးဗဟုသုတရော ရသပါ အတော်လေးပြည့်စုံတဲ့ ဇာတ်လမ်းတွဲပဲဖြစ်ပါတယ်။ ကာရိုက်တာတွေကလည်း Game of Thrones လိုပဲ တစ်မျိုးစီထူးခြားပြီး အကြံကိုယ်စီနဲ့ ဖြစ်နေပါတယ်။ ကြားထဲမှာ အပူးအပေါင်းတွေ အကွဲအပြဲတွေ လှည့်ကွက်တွေလည်း အတော်ကို စုံပါတယ်။ ဇာတ်လမ်းအကျဉ်း လိုဂန် ရွိုင်ဆိုတဲ့ အောက်ခြေကတက်လာတဲ့ ဘီလီယံနာ သူဌေးကြီးဟာ မီဒီယာ နဲ့ ဖျော်ဖြေရေးလောကရဲ့ အင်အားအကြီးဆုံးကုမ္ပဏီကြီးတွေထဲက တစ်ခုကို ပိုင်ဆိုင်ထားပါတယ်။ သူ အသက် ၈၀ ပြည့်တဲ့အချိန်မှာ စီအီးအို အမှုဆောင်ချုပ်အဖြစ်ကနေ အနားယူပြီး သူ့ရဲ့ သားသမီးတွေထဲက တစ်ယောက်ကိုလက်လွှဲပေးဖို့ ဆုံးဖြတ်လိုက်ပါတယ်။ ဒါပေမယ့် သူ့သားသမီးတွေကလည်း တစ်ယောက်တစ်ပေါက်နဲ့မို့ ကုမ္ပဏီကို စိတ်ချလက်ချလက်လွှဲစရာလူ ရှာမတွေ့ဖြစ်နေတုန်းပါပဲ။အဲဒီအချိန်မှာပဲ လိုဂန်တစ်ယောက် ဦးနှောက်သွေးကြောပေါက်ပြီး သတိလစ်သွားခဲ့ပါပြီ၊ လိုဂန်ရဲ့ ကျန်းမာရေးသတင်းဟာ ရှယ်ယာဈေးကွက်ကြီးတစ်ခုလုံးကို ရီုက်ခတ်သွားနိုင်တာမို့ တစ်ရက်အတွင်း လိုဂန့်နေရာကို ဆက်ခံဖို့ လူတွေကို မိသားစုဝင်တွေဘုတ်အဖွဲ့တွေ အမြန်ရွေးချယ်ရပါတော့မယ်။ အဲဒီကစပြီး ဇာတ်ရှိန်တွေတက်သွားလိုက်တာ အခု နောက်ဆုံးစီစန်အထိပါပဲ။ ဒီဇာတ်လမ်းတွဲကြည့်ပြီးသွားရင်တော့ စီးပွားရေးသမားအကြီးစားဖြစ်လာဖို့ ဘယ်လောက်ဉာဏ်များပြီးဘယ်လောက် ရက်စက်ပြတ်သားဖို့လိုလဲဆိုတာပါ တွေ့လာပါလိမ့်မယ်။ file size…600MB Quality….Webrip 1080p / 720p  Format…mp4 Duration….1hr 5 Min Genre...Action, Adventure Subtitle….Myanmar Subtitle (Hardsub) Encoder….Mr. Anderson Translated by Mr. Anderson

Man on a Ledge(2012) ((နင်းကန်လန်းတဲ့ကားမို့ Blu-Ray 1080p 5.1 CH, Blu-Ray 720p တို့ဖြင့် တင်ဆက်ပေးထားပါသည်။)) ခေါင်မိုးစွန်းပေါ်ကလူတစ်ယောက် သောင်းပြောင်းထွေလီလှတဲ့ လူ့လောကမှာလူပေါင်းများစွာကို ထောင်နှုတ်ခမ်းနားမဟုတ်တဲ့ တိုက်ခေါင်မိုးနှုတ်ခမ်းနားရောက်စေတဲ့ကိစ္စတွေအများကြီးရှိပါတယ်.... ကျွန်တော်တို့ရဲ့ ဇာတ်လိုက်ကျော် Avatar မင်းသား Sam Worthington တစ်ဖြစ်လဲ နစ်ကတ်စီဒီဆိုတဲ့လူဟာ ရုစဗဲ့ဟိုတယ်ရဲ့ ၂၁လွှာကနေခုန်ချဖို့လုပ်ပါတယ် ......သူ့ကြည့်ရတာ ဒီလိုခုန်ချဖို့အစီအစဉ်ကို သေသေချာဆွဲထားသလားထင်ရပါတယ်... ခုန်ချဖို့ ခေါင်မိုးစွန်ကိုမသွားခင် လက်ဗွေရာမကျန်အောင် နှုတ်ဆက်စာဆန်ဆန်ရေးခဲ့သလို ဝိုင်ပုလင်းတွေမနက်စာစားတုန်းက ကျန်ခဲ့တဲ့လက်ဗွေရာတွေကိုပါ ရှင်းခဲ့ပါသေးတယ်...ဒီလိုခုန်ချဖို့ စီစဉ်နေတုန်းမှာ နစ်ကတ်စီဒီ ရဲ့နောက်ကြောင်းကို တစ်ချက်ပြတယ်...သူကအရင်ကရဲဖြစ်ဖူးခဲ့ပြီး ပြဿနာတစ်ခုကြောင့် ထောင်(၂၅)နှစ်ကျသွားတယ်...ခုတော့ လူစည်ကားလွန်းတဲ့မြို့လယ်ခေါင်ရဲ့ ဟိုတယ်တစ်ခုပေါ်မှာ ခုန်ချဖို့ကြိုးစားနေပါတယ်... ခုန်ချဖို့ကြိုးစားတာက တခြားကြီးမားတဲ့အစီအစဉ်ကြီးအတွက် အစိတ်အပိုင်းတစ်ခုများဖြစ်လေမလား.... ဒီကားက အီသွားတဲ့နေရာမရှိဘူး...ဇာတ်လမ်းစစချင်းလူတစ်ယောက်တိုက်ပေါ်ခုန်ချဖို့ကြိုးစားတယ်..ပြီးတော့သူနောက်ကြောင်းကိုတစ်ချက်ပြတယ်...အက်ရှင်ခန်းတွေနဲ့ ဇာတ်ကိုပုံဖော်သွားတာ...ကိုယ်တိုင်လိုက်လံအဖြေထုတ်ရင်းဇာတ်လမ်းက တဖြည်းဖြည်းရုပ်လုံးပေါ်လာသလို အစကနေအဆုံးထိ ကြည့်ရင်း ကိုယ်ပါ ဇောချွေးပြန်လာတဲ့ဇာတ်ကားမို့ ကျန်တဲ့ဟာတွေမပြောတော့ပါဘူး...နည်းနည်း Spoiler လုပ်တာနဲ့ ရသပျက်သွားနိုင်တဲ့ကားမို့ပါ.... ဇာတ်လမ်းအညွှန်းနဲ့ ဘာသာပြန်သူကတော့ Hein That Naing ပဲဖြစ်ပါတယ်.... File Size : (2.01GB)(900 MB) and (359 MB) Quality : Blu-Ray 1080p 5.1 CH, Blu-Ray 720p Format…mp4 Duration…01:42:00 Genre : Action, Crime, Thriller Subtitle : Myanmar Subtitle (Hard Sub) Translated by Hein That Naing Encoded by Phyo Pyae

အော်စကာတော့ မရလိုက်ပေမယ့် တခြားရုပ်ရှင်ပွဲတော်တွေမှာ ဆုပေါင်း ၃၀ အထိ သိမ်းပိုက်နိုင်ခဲ့တဲ့ ဇာတ်လမ်းကောင်းတစ်ပုဒ်ဖြစ်ပါတယ်။ Hulk သရုပ်ဆောင် Mark Ruffalo နဲ့ The Big C, True Man Show တို့လို ဇာတ်ကားတွေနဲ့ နာမည်တစ်လုံးရထားတဲ့ မင်းသမီးကြီး Laura Linney တို့က ဇာတ်ကားတစ်ခုလုံးကို ဆွဲတင်သွားခဲ့ပြီး မောင်နှမနှစ်ယောက်ကြားက ချစ်ခြင်းမေတ္တာကို ပေါ်လွင်စေခဲ့ပါတယ်။ ကလေးသရုပ်ဆောင် Rory Culkin ကလည်း အကောင်းဆုံး တောက်ပခဲ့ပြီး Drama တွေ Adventure တွေကြားကနေ ကွဲထွက်နေတဲ့ အကောင်းဆုံး ဇာတ်လမ်းတစ်ပုဒ်ပဲ ဖြစ်ပါတယ်။ ဇာတ်လမ်းအကျဉ်း ကလေးဘဝကတည်းက မိဘနှစ်ပါးလုံးကို ဆုံးရှုံးလိုက်ရတဲ့ မောင်နှမ နှစ်ယောက်... ဘဝကိုရုန်းကန်ရင်း လောကဓံကို ကြံ့ကြံ့ခံနေရပေမယ့် ကံကြမ္မာက ဘယ်တော့မှ မျက်နှာသာ မပေးတဲ့အခါ... အစ်မဖြစ်သူ ဆမ်မီက အိမ်ထောင်ရေးကံမကောင်းဘဲ သားဖြစ်တဲ့ ရူဒီလေးကို တစ်ယောက်တည်း ပျိုးထောင်နေရတဲ့ Single Mom တစ်ယောက်... မောင်ဖြစ်တဲ့ တယ်ရီကလည်း ခြေသလုံးအိမ်တိုင် လျှောက်သွားရင်း ဘာလုပ်လုပ် အဆင်မပြေတဲ့သူ... တယ်ရီ ပြန်လာတဲ့အချိန် အစပိုင်း အားလုံးအဆင်ပြေပေမယ့် တယ်ရီရဲ့ စေတနာအမှားတစ်ခုကြောင့် မောင်နှမနှစ်ယောက် စိတ်အခန့်မသင့် ဖြစ်ရာကနေ... မိဘမဲ့ခဲ့ရတဲ့ မောင်နှမနှစ်ယောက်ရဲ့ ချစ်ခြင်းမေတ္တာကို မျက်ရည်ကျလောက်တဲ့အထိ ရိုက်ချက်တွေ ဇာတ်အိမ်တွေနဲ့ ရုပ်ရှင်ချစ်သူတွေကို အဆုံးထိ ဆွဲခေါ်သွားနိုင်မယ့် ဇာတ်လမ်းကောင်းတစ်ပုဒ်ဖြစ်ပါတယ်။ Quality.....Blu-Ray 1080p / 720p File Size.....(2.3 GB) / (1 GB) Genre.....Drama Duration.....01:51:00

"The Rage: Carrie 2" ဟာ Stephen King ရဲ့ နာမည်ကျော် "Carrie" ရဲ့ နောက်ဆက်တွဲအဖြစ် ထွက်ရှိလာတဲ့ ရုပ်ရှင်တစ်ကားပါ။ Stephen King ဟာ ကမ္ဘာကျော် ဟော်ရာစာရေးဆရာဖြစ်ပြီး သူ့ရဲ့ "The Shining," "IT," "The Stand" စတဲ့ ဝတ္ထုတွေဟာ ရုပ်ရှင်အဖြစ် အောင်မြင်စွာ ရိုက်ကူးခဲ့တာကြောင့် ဟောလိဝုဒ်မှာ အတော်လေး လွှမ်းမိုးမှုရှိခဲ့ပါတယ်။ ဒီဇာတ်လမ်းမှာ ရေချယ်လန် (Emily Bergl) ဆိုတဲ့ ဆယ်ကျော်သက်မိန်းကလေးရဲ့ အကြောင်းကို အဓိကရိုက်ကူးထားတာပါ။ Emily Bergl ဟာ နောက်ပိုင်းမှာ "American Crime," "Shameless" စတဲ့ TV series တွေမှာ ပါဝင်ခဲ့ပါတယ်။ မူလဇာတ်လမ်းက Sue Snell အဖြစ် ပြန်လည်ပါဝင်လာသူ Amy Irving ဟာ "Yentl," "Crossing Delancey" နဲ့ Steven Spielberg ရဲ့ "Close Encounters of the Third Kind" တို့မှာ အောင်မြင်မှုရရှိခဲ့ပြီး မူလ "Carrie" (1976) မှာလည်း ပါဝင်ခဲ့ပါတယ်။ ဒီဇာတ်လမ်းဟာ ကျောင်းတွင်း အုပ်စုဖွဲ့ဖိနှိပ်မှုတွေ၊ လက်စားချေခြင်းတွေကို အဓိကထားပြီး၊ ရေချယ်ရဲ့ စိတ်၀င်စားစရာ စွမ်းအားတွေနဲ့ ပေါင်းစပ်ထားတဲ့ ဟော်ရာဇာတ်လမ်းလေးပဲဖြစ်ပါတယ်။ File size… (2.1 GB) / (1.2 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre...Horror, Thriller, Science Fiction  Subtitle….Myanmar Subtitle (Hardsub) Encoder….Swan Min Htet Translated by Banyar Aung

ဒီဇာတ်ကားလေးကတော့ ဟဲရီရက်ဆိုတဲ့ ခြောက်တန်းအရွယ်ကောင်မလေးတစ်ယောက်ရဲ့ စပိုင်လုပ်ပြီးတော့ စာရေးဆရာဖြစ်ချင်စိတ်ပြင်းပြမှုကို ပေါ့ပေါ့ပါးပါး ရိုက်ပြထားတာပါ။ ၁၁ နှစ်ပဲ ရှိသေးတဲ့ ဟဲရီရက် ဟာ တွေ့သမျှကို မှတ်စုစာအုပ်လေးထဲမှာ ချရေးပြီးတော့ သူ့ရဲ့ စာရေးဆရာမ ဖြစ်ချင်စိတ်ကို မြင့်တင်နေတာပါ။ ဒါပေမဲ့ တစ်နေ့မှာ သူ့ကို ကလေးထိန်းပေးတဲ့ ဂေါ်လီဟာ အကြောင်းတခုခုကြောင့် အလုပ်ထွက်သွားတဲ့ အခါမှာတော့ ဟဲရီရက်တစ်ယောက် လောကဓံကို တခုပြီးတခု စတင်ခံစားရပါတော့တယ်။ ဒီဇာတ်လမ်းလေးက ကလေးတွေကို ဘယ်လိုပြုစုပျိုးထောင်သင့်လဲဆိုတာကို သေချာပြသနိုင်တဲ့ ဇာတ်ကားလေးဆိုလည်း မမှားပါဘူး။ ဒီထဲမှာ ဟဲရိရက်ရဲ့ မိဘတွေက သားသမီးကို မအားတဲ့အခါ ပစ်ထားပေမယ့် တကယ်လိုအပ်တဲ့ အခါမှာ သားသမီးတစ်ယောက်ကို ဘယ်လိုကောင်းကောင်း ကိုယ်တွယ်နိုင်တယ်ဆိုတာကို ပြသပေးနိုင်ပါတယ်။ မိသားစု သားသားမီးမီးလေးတွေနဲ့ ပေါ့ပေါ့ပါးပါး ဆုံးမစကားလေးတွေ ပြောပြီး ကြည့်နိုင်တဲ့ကားလေးဖြစ်လို့ လက်မလွှတ်သင့်ပါဘူး။ File size…    3.7 GB /  1.13 GB Quality… BluRay 1080p / 720p Format… mp4 Audio... AAC Duration…. 1h 40m Genre ..... Comedy/Drama/ Family Subtitle…. Myanmar Subtitle (Hard Sub) Encoder…. Thit San Khant Translated... by Nikobaby

Sabrina (1995) IMDb Rating (6.3) Sabrina (1995) ဆိုတဲ့ ဇာတ်ကားလေးကတော့ ၁၉၅၄ ခုနှစ်က နာမည်ကြီး ဂန္ထဝင်ဇာတ်ကားကို ပြန်လည်ရိုက်ကူးထားပြီး အချစ်၊ ဟာသနဲ့ ဒရာမာ ဇာတ်လမ်းမျိုးကြိုက်သူတွေအတွက် ဇာတ်ကားကောင်းလေးတစ်ကား ဖြစ်ပါတယ်။ ဒီကားကိုတော့ နာမည်ကျော် ဒါရိုက်တာ Sydney Pollack က ရိုက်ကူးထားပြီး အက်ရှင်မင်းသားကြီး Harrison Ford၊ မင်းသမီး Julia Ormond နဲ့ Greg Kinnear တို့က အဓိကပါဝင် သရုပ်ဆောင်ထားပါတယ်။ ဒီကားက ရိုမန်တစ်ဇာတ်ကားတွေထဲမှာ ကြည့်နေရင်းတစ်ဝက်နဲ့ ဇာတ်သိမ်းကိုခန့်မှန်းမမိနိုင်ဘဲရင်ခုန်ပြီးကြည့်ရမှာမလို့ အချစ်ကားကြိုက်တဲ့သူတွေ ကြည့်သင့်တဲ့ ဇာတ်ကားကောင်းလေးတစ်ကားဖြစ်တာမို့ တင်ဆက်ပေးလိုက်ရပါတယ်။ ဇာတ်လမ်းအကျဉ်း--------- ဇာတ်လမ်းလေးကတော့ သူဌေးကြီးလာရာဘီမိသားစုရဲ့ ခြံဝင်းကြီးထဲမှာနေထိုင်တဲ့ ယာဉ်မောင်းရဲ့ သမီးလေး ဆဘရီးနားဟာ လာရာဘီမိသားစုရဲ့ အငယ်ကောင် ဒေးဗစ်ကို ငယ်စဉ်ကတည်းက စွဲလမ်းပြီး တစ်ဖက်သတ်ချစ်နေခဲ့တာပါ။ ဒါပေမဲ့ ပွေရှုပ်တတ်တဲ့ သူဌေးသားလေး ဒေးဗစ်ကတော့ သာမန်ကောင်မလေး ဆဘရီးနားကို သတိတောင် မထားမိခဲ့ပါဘူး။ ဆဘရီးနားဟာ ဒေးဗစ်ကို စွဲလမ်းလွန်းနေတာကြောင့်ပဲ ဆဘရီးနားရဲ့ မိဘတွေဟာ ဆဘရီးနားကို ပဲရစ်မြို့ကိုသွားပြီး Vogue မဂ္ဂဇင်းမှာ အလုပ်သင်အဖြစ် သွားလုပ်ခိုင်းပါတော့တယ်။ ပဲရစ်ကိုရောက်ပြီးနောက်ပိုင်း ရုပ်ရည်ရော အနေအထိုင်ပါ လှပပြီး ဆွဲဆောင်မှုရှိတဲ့ အမျိုးသမီးတစ်ယောက်ငယ်လေးအဖြစ် ပြောင်းလဲသွားခဲ့တဲ့ ဆဘရီးနားတစ်ယောက် ပဲရစ်ကနေ အိမ်ကို ပြန်ရောက်ရောက်ချင်းမှာပဲ ဒေးဗစ်နဲ့ ပြန်တွေ့ကြပါတော့တယ်။ ဒါပေမဲ့လည်း ဒေးဗစ်ဟာ နာမည်ကြီး ဘီလျံချီတန်တဲ့ တိုင်ဆင်ကုမ္ပဏီရဲ့ သမီးနဲ့စေ့စပ်ထားပြီးသားဖြစ်သလို စီးပွားရေးသမားတွေ ပေါင်းဖက်တဲ့ စီစဥ်မှုဖြစ်တဲ့အလျောက် သူတို့ရဲ့ အချစ်လမ်းက ဖြောင့်ဖြူးပါ့မလား... ကုမ္ပဏီကို ဦးစီးနေရတဲ့ ဒေးဗစ်ရဲ့ အကိုကြီး လိုင်းနပ်စ်ကရော ဒေးဗစ်နဲ့ ဆဘရီးနားကို လွယ်လွယ် လက်ခံပါ့မလား.... ဆိုတာကတော့ ဆက်လက်ကြည့်ရှုခံစားလိုက်ပါဗျာ။ File Size : 3.01GB/ 1.48GB Quality : BluRay 1080p 5.1CH/ 720p Format…mp4 Duration… 2hr 07m Genre : Romance, Drama, and Comedy Subtitle : Myanmar Subtitle (Hard Sub)