Jackson Pace ပါဝင်သော ဇာတ်ကားများ

Bad Counselors (2026) Grayson Fuller က နယူးယောက်ခ်မှာ အလုပ်ရဖို့ အစီအစဉ်ရှိပြီးသား Emerson တက္ကသိုလ်က စီနီယာကျောင်းသားတစ်ယောက်ပေါ့။ သူသာ နောက်ဆုံး semester ကို ပြီးအောင်ဖြေနိုင်ရင်ရပြီ။ ဒါပေမဲ့ သူ့ရဲ့ဘော်ဒါအဖွဲ့က ပါတီအရမ်းမက်တဲ့ နာမည်ပျက်ကျောင်းသားဆိုးအဖွဲ့ Beta Alpha Delta (B.A.D.) ပါပဲ။ တစ်ညမှာ သူတို့ မူးမှောက်ပြီး ပိုင်နက်ဖျက်ဆီးလို့ ကျောင်းဝန်းရဲတွေ ဖမ်းတာကို ခံလိုက်ရကာ Grayson နဲ့ သူ့အချစ်ဆုံးသူငယ်ချင်း Tyler တို့နှစ်ယောက် နှစ်ပတ်အတွင်း နာရီပေါင်း 120 ပြည့်အောင် လူမှုလုပ်အားပေး လုပ်၊ မလုပ်ရင် ကျောင်းထုတ်ခံရမယ်‌ဆိုတဲ့ ရာဇသံကြီး ရလိုက်ကြပါတယ်။ အသည်းအသန်ဖြစ်နေတာနဲ့ပဲ Tyler က အနီးနားက Burning Bush စခန်းက အကြံပေး counselor တွေ အမြန်လိုအပ်နေတာကို ‌သိသွားပါတယ်။ အပြင်ထွက်လှုပ်ရှားမှုတွေကို မုန်း၊ ကလေးတွေနဲ့ အတွေ့အကြုံမရှိဘဲ ဘုရားကျောင်းကို ခြေတစ်လှမ်းမချဖူးကြပေမဲ့ သူတို့သူငယ်ချင်းနှစ်ယောက် နာရီပြည့်ဖို့အတွက် ဘာသာရေးကိုင်းရှိင်းတဲ့ ဘုရားကျောင်းဘရိုတွေပုံစံ ဟန်ဆောင်ပြီး ဘယ်လိုတွေ ဂျင်းထည့်အသက်ရှင်နိုင်ကြမလဲဆိုတာကို ဒီဟာသကားထဲမှာ ဆက်ကြည့်လိုက်ကြပါဦးဗျာ။ File size… (1.7 GB) / (850 MB) Quality…. WEB-DL 1080p HEVC / 720p Format…. mkv/mp4 Genre…. Comedy, Family Duration…. 01:40:00 Subtitle…. Myanmar Subtitle (Hardsub)

Above the Line (2025) +++++++++ ဟောလိဝုဒ်မှာ အိပ်မက်တွေ အဖျက်ဆီးခံလိုက်ရတဲ့ နေရာအသီးသီးက အညတရ သရုပ်ဆောင်တွေနဲ့ ရုပ်ရှင်ထုတ်လုပ်ရေးအဖွဲ့သား ၆ ယောက်ဆီကို တစ်ရက်မှာတော့ ထူးဆန်းတဲ့ ဖိတ်စာတစ်စောင် ရောက်လာခဲ့ပါတယ်။ အဲ့ဒါကတော့ သူတို့ကို ဒုက္ခပေးခဲ့တဲ့ အကျင့်ပျက် ပရိုဂျူဆာကြီး ဂျက်ဝုဒ်ရိုး (Jack Woodrow) ရဲ့ ဗီလာအိမ်ကြီးထဲကနေ သူ အသက်ထက်မြတ်နိုးတဲ့ အော်စကာဆု ၅ ဆုကို သွားခိုးပေးရင် တစ်ယောက်ကို ဒေါ်လာ ၁ သန်းစီ ပေးမယ် ဆိုတဲ့ လျှို့ဝှက်ဆန်းကြယ်သူတစ်ယောက်ရဲ့ ခိုင်းစေချက်ပါပဲ။ ဒီလိုနဲ့ ပေါင်းမိသွားတဲ့ လူမွဲတသိုက်ဟာ ဒေါ်လာသန်းချီရဖို့အရေး ဂျက်ရဲ့အိမ်ထဲ ဖောက်ထွင်းဝင်ရောက်ရင်း ကြုံတွေ့ရမယ့် လွဲချော်မှုတွေ၊ ဟာသတွေနဲ့ ရင်တထိတ်ထိတ်ကြည့်ရမယ့် Action-Comedy Heist ဇာတ်ကားကောင်းတစ်ကား ဖြစ်ပါတယ်။ လူရွှင်တော်မင်းသားကြီး Cedric the Entertainer နဲ့အတူ သရုပ်ဆောင်ပေါင်းများစွာက ပေါ့ပေါ့ပါးပါးနဲ့ အသက်ဝင်အောင် သရုပ်ဆောင်ထားကြပြီး၊ ရိုက်ချက်တွေနဲ့ နောက်ခံတေးဂီတတွေကလည်း တကယ့်ကို လန်းပါတယ်။ ဟောလိဝုဒ်ရဲ့ ကွယ်ရာက အမှောင်ခြမ်းတွေကို ဟာသနှောပြီး ပဟေဠိဆန်ဆန် တင်ဆက်ထားလို့ ရုပ်ရှင်ချစ်သူတွေ လက်မလွတ်တမ်း ကြည့်သင့်တဲ့ ကားကောင်းလေးတစ်ကားဖြစ်ကြောင်း ညွှန်းဆိုပေးလိုက်ချင်ပါတယ်။ File Size… (1.04GB) / (615MB) Quality… WEB-DL 1080p HEVC / 720p Format…mkv / mp4 Duration…1h 30m Genre ….Action , Comedy , Drama , Crime Subtitle….Myanmar Subtitle (Hard Sub)

လီယိုနဲ့ သူ့ဇနီး အန်ဂျလာရူဆိုတို့ဟာ အီတလီ-အမေရိကန် ရူဆိုမိသားစုဝင်တွေဖြစ်ပြီး လီယိုက မိသားစုရဲ့ ဆောက်လုပ်ရေးလုပ်ငန်းမှာ အလုပ်လုပ်ပါတယ်။ သူတို့ရဲ့သား စတစ်ကတော့ ဘတ်စကတ်ဘောကစားရာမှာ ထူးချွန်သူတစ်ယောက်ပါ။ တစ်နေ့ ကျောင်းဘတ်စကတ်ဘောပြိုင်ပွဲအပြီးမှာ လီယိုက ကစားသမားရှာဖွေသူတစ်ယောက်နဲ့ ဆုံဖြစ်ရာက သားအတွက် ဘတ်စကတ်ဘောကစားရင်း ကောလိပ်တက်နိုင်မယ့် ပညာသင်ဆုအခွင့်အရေးရှိနေကြောင်း သိလိုက်ရတယ်။ လီယိုက ဒီအခွင့်အရေးကို အလွန်စိတ်လှုပ်ရှားပြီး သားကို ရစေချင်ပေမယ့် ရူဆိုမိသားစုကတော့ အကောင်းမမြင်ကြပါဘူး။ စတစ်ကလည်း ပညာသင်ဆုအတွက် လေ့ကျင့်မှုမစရသေးခင်မှာ ချစ်သူရဲ့လမ်းခွဲခြင်းကို ခံလိုက်ရတယ်။ အဲဒီနောက် စိတ်ဓာတ်ကျပြီး မစားနိုင်မသောက်နိုင် ဖြစ်နေတဲ့သားကို တွေ့ရတော့ လီယိုလည်း ဒီအတိုင်းမနေနိုင်တော့ဘဲ အစွမ်းကုန် ကူညီမြှင့်တင်ပေးဖို့ ကြိုးစားပါတော့တယ်။ သားအပေါ် မျှော်လင့်ချက်ကြီးထားတဲ့ ဖခင်တစ်ယောက်ရဲ့အကြောင်းကို ရိုက်ကူးထားတဲ့ မိသားစုဇာတ်ကားဖြစ်ပြီး လူရွှင်တော် Ray Romano က ဒါရိုက်တာအဖြစ် တာဝန်ယူသလို ကိုယ်တိုင်လည်း ပါဝင်သရုပ်ဆောင်ထားပါတယ်။

9-1-1 Lone Star ကတော့ 9-1-1 ရဲ့ Spin off ဇာတ်လမ်းတွဲပဲ ဖြစ်ပါတယ်။ ဒီဇာတ်လမ်းမှာတော့ တက္ကဆပ်ပြည်နယ်ကို ယခင်က Lone Star လို့ ခေါ်ခဲ့တာပါ။ ဒီဇာတ်လမ်းကတော့ တက္ကဆပ်ပြည်နယ်အတွင်းမှာ ဖြစ်ပေါ်ခဲ့တဲ့ ဘေးအန္တရာယ်တွေကို အမှတ် ၁၂၆ မီးသတ်နဲ့ အရေးပေါ်ကယ်ဆယ်ရေးဌာန၊ ရဲဌာန တို့ရဲ့ ကြိုးပမ်းမှုတွေကို ဇာတ်လမ်းအချိတ်အဆက်မိမိ ဇာတ်အိမ်ကောင်းကောင်းနဲ့ တင်ပြထားတာပါ။ ဇာတ်လမ်းအကျဉ်းကတော့ မီးသတ်ဌာနမှူး ကပ္ပတိန် အိုဝင် စထရန်းဟာ တက္တဆပ်ပြည်နယ်၊ အော်စတင်မြို့လေးဆီကို ပြောင်းဖို့ အကြောင်းဖန်လာခဲ့ပါတယ်။ သူနဲ့အတူ သူ့ရဲ့သား တီကေ စထရန်းလည်း ပါလာခဲ့ပါတယ်။ အော်စတင်မြို့ရဲ့ အမှတ် ၁၂၆ မီးသတ်ဌာနမှူး ဂျဒ်ဟာလည်း တစ်ဦးတည်းသော အသက်ရှင်ကျန်ရစ်သူအနေနဲ့ စိတ်ဒဏ်ရာ ရနေခဲ့ပါတယ်။ ခေါင်းဆောင်အဟောင်း နဲ့ အသစ်တို့ကြားက အားပြိုင်မှုတွေကို မြင်တွေ့ရမှာ ဖြစ်သလို ရယ်မောစရာ ဟာသခန်းတွေကိုလည်း သဘာဝကျကျ မြင်ရမှာ ဖြစ်လို့ 9- 1-1 ပရိသတ်များ သဘောတွေ့စေဦးမယ့် ဇာတ်လမ်းတွဲတစ်ခုပဲ ဖြစ်ပါတယ်။ အညွှန်းကိုတော့ August က ရေးသားထားပြီး ဘာသာပြန်ထားသူတွေကတော့ August, Pyi.T.Nyein, Jerrica, Amelia, Thet Hnin Hsu, MTA တို့ပဲ ဖြစ်ပါတယ်. Quality: 1080p File Size -500MB Encoder -Thit San Khant & August