Jamie Harding ပါဝင်သော ဇာတ်ကားများ

IMDb (7.1/10) အီရတ် အာဏာရှင် ဆက်ဒမ်ဟူစိန်ရဲ့ အကြီးဆုံးသား အူဒေး ဟူစိန်အကြောင်းကို ရိုက်ကူးပြခဲ့တဲ့ ဇာတ်ကားဖြစ်ပါ တယ်။ ဒီဇာတ်ကားကို ရိုက်ကူးဖို့အတွက် အီရတ်နိုင်ငံသား လာတစ်ဖ်ရာဟိုင်း ရေးသားထားတဲ့ စာအုပ်ကို အခြေခံခဲ့တာ ဖြစ်ပါတယ်။ စာအုပ်နာမည်ကလည်း The Devil’s Double ပါပဲ။ လာတစ်ဖ် ရာဟိုင်း ဆိုတာက အူဒေးဟူစိန်နဲ့ရုပ် ချင်းဆင်ပြီး အူဒေးရဲ့ ကိုယ်ပွားလူတစ်ဦးအဖြစ် နေထိုင်ခဲ့ရ သူပါ။ အီရန်-အီရတ်စစ်ပွဲကာလမှာ အီရတ်စစ်မှုထမ်းတစ် ဦးဖြစ်ခဲ့ပြီး နိုင်ငံတကာ ဥပဒေ ပညာပါရဂူဘွဲ့ ရရှိထားတဲ့ အီရတ်ဘလောဂါ၊ စာရေးဆရာတစ်ဦးဖြစ်ပါတယ်။ လာတစ်ဖ် ကိုယ်တိုင်က ဆက်ဒမ်ကို ထောက်ခံခဲ့သူတစ် ဦးဖြစ်ပေမဲ့ ဆက်ဒက်ရဲ့ မှားယွင်းတဲ့ လုပ်ရပ်တွေကို မြင်တွေ့ ပြီးချိန်မှာ ဆက်ဒမ်အစိုးရအဖွဲ့ကို မုန်းတီးစိတ်ဝင်လာခဲ့ပါ တယ်။ အီရန်-အီရတ်စစ်ပွဲက ပြန်ရောက်လာချိန်မှာ အူဒေး ရဲ့ အကြပ်ကိုင်စေခိုင်းမှုကို ကြုံရချိန်မှာတော့ လာတစ်ဖ်ရဲ့ နာကျည်းစိတ်က အဆုံးစွန်ကို ရောက်ရှိသွားပါတယ်။ အူဒေးနဲ့စတွေ့ချိန်မှာတော့ ငယ်စဉ်က ကျောင်းအတူ တက်ခဲ့ဖူးတာကို ထောက်ထားပြီး လိုက်လျော စကားပြုလုပ် ခဲ့ပေမယ့် အူဒေးနေရာမှာ ကိုယ်ပွားတစ်ဦးအဖြစ် နေထိုင်ရ မယ်ဆိုတာကို လာတစ်ဖ်က ငြင်းဆန်ခဲ့ပါတယ်။ ဒီအ ချိန်မှာပဲ လာတစ်ဖ်ရဲ့ မိသားစုကို တန်ဆာခံ ထားပြီး အူဒေးက ကြိုးကိုင်ဖို့ လုပ်ဆောင် လာပါ တယ်။ လာတစ်ဖ်မှာ ရွေးချယ်စရာမရှိတော့ ပါဘူး။ လက်မခံချင်ပေမဲ့ အူဒေးကိုယ်ပွား အဖြစ် နေထိုင်ဖို့ဆုံးဖြတ်ခဲ့ပါတယ်။ အူဒေးရဲ့ကိုယ်ပွား လာတစ်ဖ်ကို ဆက်ဒမ်ကိုယ် တိုင်တွေ့လိုက်ချိန်မှာတော့ သူ့အတွက် သား တစ်ဦးထပ်တိုးပြီလို့ မှတ်ချက်ချခဲ့ပါတယ်။ ဆက်ဒမ်ကိုယ်တိုင်က အူဒေးရဲ့ မိန်းမကိစ္စ ရှုပ်ပွေမှုတွေ၊ နိုင်လိုမင်းထက်ပြုမှုပုံတွေကို သဘောမတွေ့ခဲ့ပါဘူး။ ဒါပေမဲ့ သားဆိုတဲ့ သံယောဇဉ်က ဆက်ဒမ်ကိုအနိုင်ယူခဲ့ပါတယ်။ အူဒေးနေရာမှာ ကိုယ်ပွားတစ်ခုထား ပြီး လှုပ်ရှားခြင်းအားဖြင့် အူဒေးအတွက် အန္တရာယ်လျော့ပါးနိုင်တယ်လို့ ဆက်ဒက် က သဘောတူခဲ့ပါတယ်။ အန္တရယ်များတဲ့ နေရာတွေကို စေလွှတ်ရာမှာတော့ လာတစ်ဖ် က အူဒေးကိုယ်စားသွားရောက်ခဲ့ရပါတယ်။ ကူဝိတ်ကို ကျူးကျော်မှုပြုလုပ်ချိန် ၁၉၉၀ ပြည့်လွန်ကာလတွေအထိ အူဒေးနေရာမှာ လာတစ်ဖ်က နေထိုင်ခဲ့ရပါတယ်။ ၁၉၉၂ခု နှစ်အချိန်မှာတော့ ထွက်ပြေးလွတ်မြောက် သွားခဲ့ပါတယ်။ အူဒေးဟူစိန်ကတော့ အီရတ်-အမေရိကန်စစ်ပွဲကာလ ၂ဝဝ၃ခုနှစ် မှာ ကွယ်လွန်သွားခဲ့ပါတယ်။ ဒီအကြောင်းတွေကို အခြေခံပြီး မှတ်တမ်းကားနှစ်ကား ထွက်ခဲ့ဖူးပါတယ်။ The Journey of an Olive Tree ဇာတ်ကားနဲ့  Tao of Peace  ဇာတ်ကားတို့ဖြစ်ကြပါတယ်။ The Devil’s Double ဇာတ်ကားကို ရုပ်ရှင် ဝေဖန်သူ အများစု က ချီးကျူးခဲ့ကြပါတယ်။ အထူးသဖြင့်တော့ အူဒေးနဲ့ လာတစ်ဖ် နေရာမှာ နှစ်ကိုယ်ခွဲသရုပ်ဆောင်ခဲ့တဲ့ ဒေါ(မ်)နစ် ကူးပါးကို ချီးကျူးခဲ့တာဖြစ်ပါတယ်။ (ရုပ်ရှင်အညွှန်းကို notyetnow.wordpress.com မှကူးယူဖော်ပြပါသည်။) File size…(800MB) Quality…BR-Rip 720p Format…mp4 Duration….01:48:52 Subtitle….Myanmar Subtitle (Hardsub) Encoder….Nyeinsaeya Aung

O' Jerusalem (2006) အို ဂျေရုစလင်..သင့်ကိုကျွန်ုပ်မေ့ခဲ့ပါမူ...ညာလက်တော်သည် တီးခတ်နိုင်စွမ်းပျောက်ဆုံးပါစေ...ကျွန်ုပ်ပျော်ရွှင်မှုကို ဂျေရုစလင်ထက် ဦးစားပေးခဲ့ပါမူ ကျွန်ုပ်လျှာသည်အာခေါင်ဖြင့်ကပ်၍ သီဆိုနိုင်စွမ်းတို့ အားလုံးပျောက်ကွယ်ပါစေ။  (:ဆာလံ-၁၃၇) အားလုံးပဲ လတ်တလော ပဋိပက္ခဖြစ်နေတဲ့ အစ္စရေး-ဟားမတ်စ်ကိစ္စကို အားလုံးစိတ်၀င်စားနေကြမှာပါ။ အစ္စရေးနဲ့ ပါလက်စတိုင်းအရေးက မနေ့တစ်နေ့ကမှ ထဖြစ်တာမဟုတ်ဘဲ ဒုတိယကမ္ဘာစစ်ပြီးကတည်းက စလာခဲ့ကြတာပါ။ အစ္စရေးနဲ့ အာရပ်နိုင်ငံများရဲ့ နာမည်ကျော် ၆ရက်စစ်ပွဲဆိုရင်လည်း မသိသူရှားပါလိမ့်မယ်။ ဒီကားလေးကတော့ "O Jerusalem" ဆိုတဲ့စာအုပ်ကို ပြန်ရိုက်ကူးထားတဲ့ဇာတ်ကားလေးပါ။ ဒီကားထဲမှာ ဗြိတိသျှတွေရဲ့မလည်ရှုပ်ပုံတွေ၊ ဂျူးတွေနဲ့ အာရပ်တွေနဲ့ ကမ္ဘာမကြေတဲ့ရန်ပွဲစဖြစ်လာပုံတွေအပြင် အစ္စရေးနိုင်ငံဖြစ်တည်လာတဲ့အကြောင်းတွေ ဘာသာကြီးသုံးခုရဲ့အထွတ်အမြတ်ဖြစ်တဲ့ဂျေရုဆလင်မြေပေါ်က သွေးချောင်းစီးတိုက်ပွဲတွေကို သူငယ်ချင်းနှစ်ယောက်ရဲ့ချစ်ခြင်းမေတ္တာနဲ့ ရောစပ်တင်ဆက်ထားပါတယ်။ "O Jerusalem" စာအုပ်ကို Dominique Lapierre နဲ့ Larry Collins ဆိုတဲ့ စာရေးဆရာ ၂ဦးက ၂နှစ်တာ အချိန်ယူ သုတေသနလုပ်ရေးသားခဲ့ပြီး အင်တာဗျူးထောင်ပေါင်းများစွာနဲ့ တခြားကိုးကားချက်များစွာကို လေ့လာရေးထားတာပါ။ လက်ရှိအစ္စရေးတိုင်းပြည် မွေးဖွားလာပုံအကြောင်းကို တင်ဆက်ပြသထားတဲ့ စာအုပ်လည်းဟုတ်ပါတယ်။ Dominique Lapierre ကိုတော့ မြန်မာစာဖတ်သူ တော်တော်များများ ရင်းနှီးကြမှာပါ။ မြသန်းတင့်ရဲ့ သုခမြို့တော်၊ မောင်ပေါ်ထွန်းရဲ့ သန်းခေါင်ယံလွတ်လပ်ရေးတို့ကိုရေးခဲ့တဲ့ မူရင်းစာရေးဆရာပါပဲ။ ဒီစာအုပ်ကိုလည်း အိုဂျေရုဆလမ်ဆိုပြီး ကျော်အောင်က မြန်မာဘာသာပြန်ဆိုရေးသားဖူးပါတယ်။ အကြောင်းအရာကတော့ "ဒုတိယကမ္ဘာစစ်အပြီး အရှေ့အလယ်ပိုင်း ပါလက်စတိုင်းဒေသတွင် အစ္စရေးနိုင်ငံတည်ထောင်ရန် ကြိုးပမ်းသူများနဲ့ ဟန့်တားသူ အာရပ်တို့၏ ခါးသည်းပြင်းထန်သော ပဋိပက္ခများ" လို့ ကျော်အောင်က ရေးထားဖူးတယ်။ ရုပ်ရှင်ကတော့ အဲဒီဂျူးနဲ့အာရပ်လူမျိုးတွေထဲက လူမျိုးကွဲ သူငယ်ချင်း၂ယောက်ရဲ့ ဇာတ်လမ်းပေါ့။ စာအုပ်မှာတော့ အာရပ်ရော ဂျူးရောရဲ့ နှစ်နိုင်ငံအခြေအနေတွေကို ဘက်မလိုက်ဘဲ တင်ပြသွားပေမဲ့ ရုပ်ရှင်ကတော့ ဝါဒဖြန့်ရုပ်ရှင်ဆန်သွားခဲ့တယ်လို့ ဆိုကြတယ်။ ကားက ကျန်တာအကုန်ကောင်းပေမဲ့ ဝါဒဖြန့်ဖို့လုပ်ရင်း မလှမပဖြစ်သွားတာလေးတော့ ရှိခဲ့တယ်။ နှစ်ဖက်စလုံးက အဆိုးအကောင်းတွေကို ဒီရုပ်ရှင်မှာ သေချာပြသွားပေမဲ့ ကြည့်ရှုသူကို တစ်ဖက်အပေါ် မသိမသာသနားစိတ်လေးဝင်သွားအောင် ရိုက်ပြသွားတယ်လို့ဆိုတယ်။ ဒါကိုကလည်း ဝါဒဖြန့်ချိရေးကားတွေရဲ့ အထာပဲတဲ့။ ဒီလိုဝတ္ထုထူကြီးတွေကို ရိုက်တဲ့ကားတွေထဲ အကောင်းထွက်လာတဲ့ ကားကတော်တော်ရှားတော့ ဒီလောက်ကိုပဲ တော်တော်လေး တော်လှပါပြီ။ အားလုံးကြည့်သင့်ကြည့်ထိုက်တဲ့ အရှေ့အလယ်ပိုင်းအကြောင်း ရုပ်ရှင်ပါပဲ။ ( ရုပ်ရှင်အညွှန်းနဲ့ဘာသာပြန်ကို Soe Thiri Swe မှ တင်ဆက်ထားပါတယ်။) File size…(2.8 GB)/(1.3 GB) Quality….BluRay 1080p/720p Format…mp4 Duration….01:41:31 Subtitle….Myanmar Subtitle(Hardsub) Encoder….Ka Naung Translated by Soe Thiri Swe

9/11 ကိစ္စ ကို မှတ်မိကြအုံးမယ် ထင်ပါတယ် အမေရိကန် လေကြောင်းလိုင်းက လေယဉ် (၄) စီးအား အနုကြမ်းစီးကာ အမေရိကန်နိုင်ငံ ရဲ့ လူနေထူထပ်ပြီး တန်ဖိုးရှိတဲ့ နေရာတွေကို အသေခံ မောင်းချတိုက်ရန် စစ်သွေးကြွ အကြမ်းဖက်သမားများ က အကွက်ချ စီစဉ်ခဲ့တဲ့ ကိစ္စပါ... ဒီလေယဉ်တွေထဲမှာ United Flight 93 ခရီးသယ်တင် လေယဉ်ကြီး လဲ ပါဝင်ခဲ့ပါတယ်.... ဒီရုပ်ရှင်ကား ဟာ အကြမ်းဖက်ခံရတဲ့ လေယဉ် အမှတ် ၉၃ ရဲ့ ဖြစ်ရပ်မှန်ကို ရိုက်ကူးထားတာဖြစ်ပြီး ခရီးသယ်များ ရဲ့ ဖုန်းအဆက်အသွယ် ပိုင်းလော့တွေ ရဲ့ သတင်းပို့ချက်တွေ အပေါ် ကိုးကားရိုက်ကူးထားတာဖြစ်ပါတယ် ရင်ထိတ်သည်းဖို ကြည့်ရှုရမှာ ဖြစ်ပြီး ဒီဇတ်ကားကို ဘာသာပြန်ပေးထားသူကတော့ ညို့မျက်ဝန်း ဖြစ်ပါတယ် Thit San Khant က Encode ၍ တင်တက်ပေးထားပါတယ်