Janice Man ပါဝင်သော ဇာတ်ကားများ

ဒီတစ်ခေါက်ဇာတ်လမ်းလေးကတော့ Daomu Biji ဆိုတဲ့ ဇာတ်လမ်းရဲ့အဆက်ကလေးပဲဖြစ်ပါတယ် ဝူရှယ်က နီပေါကနေပြည်တွင်းပြန်ရောက်လာပြီးနောက် မော့ထောခရိုင်ကစာတိုက်တစ်ခုမှာ လူငယ်တစ်ယောက်ရဲ့ နံရံဆေးပန်းချီကိုတွေ့ရှိပြီး သူ့ငြိမ်းချမ်းတဲ့ဘဝက ကျင်းဝမ်ထန်ဆိုတဲ့လူတစ်ယောက်ကြောင့် ကမောက်ကမဖြစ်သွားခဲ့ရပါတယ် ဒီလူဟာ ကျန်းချီလင် ငယ်ဘဝနဲ့ပက်သက်မှုကြီးတဲ့ ကျန်းမိသားစုရှေးဟောင်းအိမ်တော်က ကင်းမြီးကောက်ပုံသဏ္ဍာန်ဆွဲသီးကိုယူလာခဲ့လေရာ သဲလွန်စတွေကို လိုက်လံရှာဖွေရာမှ ဝူရှယ်ကနီပေါကို ထပ်မံသွားရောက်ပြီး မော့ထောသိုပြောင်းလာခဲ့ပါတယ် မော့ထောမှာ ကျန်းချီလင်နဲ့ပက်သက်တဲ့သဲလွန်စတွေကို ရရှိလာခဲ့ရာကနေ ဝူရှယ်က သူမော့ထောကိုလာပြီး ဒီအရာတွေကိုတွေ့ရှိတာ မတော်တဆမဟုတ်ပဲ လူတစ်ယောက်စီစဥ်ထားတယ်ဆိုတာ သိခဲ့ရတယ် ပြီးနောက် ဝူရှယ်နဲ့ဝမ်ဖက်တီးတိုက ကျန်းချီလင်ရဲ့မိသားစုနောက်ခံနဲ့ ကျန်းမိသားစုနောက်ကွယ်က လျှိဝှက်ဆန်းကြယ်မှုတွေကို ပိုမိုရှာဖွေလေ့လာပါတော့တယ် ဒီဇာတ်လမ်းလေးမှာ သူတိုသဲလွန်စတွေကို ဘယ်လိုရှာဖွေပြီး ဘယ်လိုလျှိဝှက်ချက်တွေ တွေ့ရှိလာဦးမလဲဆိုတာ စောင့်မျှော်ကြည့်ရှုကြပါဦးနော် Quality : WEB-DL  720p, 1080p Total Episodes : 36 Format : mp4 Genres : Action, Adventure, Mystery, Horror Runtime : 20 min Subtitle : Myanmar Subtitle ( Hardsub ) Translated by CM Team Reviewed By Mary Encoded by LK

1993ခုနှစ်မှာဖြစ်ခဲ့တဲ့ ပေကျင်းမှမော့စကိုပြေးဆွဲနေတဲ့ နိုင်ငံတကာအမြန်ရထားကိုဓားပြတိုက်မှု ဖြစ်ရပ်မှန်ကို မှီငြမ်းပြီးရိုက်ကူးထားတဲ့ ဇာတ်ကားကောင်းတစ်ကားဖြစ်ပါတယ်။ အရှေ့တိုင်းနဲ့အနောက်တိုင်းစစ်အေးခေတ်ကာလမှာ ရုရှားနိုင်ငံရဲ့စီးပွားရေးဟာ အရမ်းကိုကြပ်တည်းခဲ့ပါတယ်။ တရုတ်ပေါက်ဖော်ကုန်သည်တွေက စီးပွားရေးလုပ်ဖို့ငွေသားတွေအများကြီးကိုသယ်ပြီး မော့စကိုကိုရထားနဲ့သွာားတတ်ကြတယ်။ စီးကရက်၊ ရေမွှေး၊ အစားအသောက်စတဲ့ ကုန်ပစ္စည်းတွေကို သယ်ပြီးတော့လည်း သွားပြီးရောင်းချကြပါတယ်။ လုယက်သမားတွေရဲ့အမြင်မှာတော့ ဒီရထားကြီးက တကယ်ကိုပွပေါက် ငွေရထားကြီးဖြစ်နေတာပေါ့...... အဲဒီလိုနဲ့ရထားတစ်တွဲလုံးကိုဓားပြတိုက်မှုဖြစ်သွားခဲ့ပါတယ်။ တရုတ်နိုင်ငံရဲတပ်ဖွဲ့ကနေပြီး တရားခံကိုမော့စကိုကနေဖမ်းပြီးခေါ်လာဖို့ အထူးစုံစမ်းရေးတစ်ဖွဲ့ကိုဖွဲ့စည်းပြီးလွှတ်လိုက်ပါတယ်။ တရုတ်ရဲတပ်ဖွဲ့နဲ့ ရုရှားရဲတပ်ဖွဲ့တို့ မသမာလောဘသားတွေကို ကြိုးစားပြီးဖမ်းဆီးတဲ့အကြောင်းရိုက်ကူးထားတာပဲဖြစ်ပါတယ် ဟောင်ကောင်မင်းသားကြီး Andy Lau ကဝရမ်းပြေး မှောင်ခိုသမား မော့စကိုမှာဘာမဆိုရအောင်လုပ်ပေးနိုင်တယ်ဆိုပြီး မော့စကို တရုတ်အသိုင်းအဝိုင်းကြားကနာမည်ကျော်တစ်ယောက်အနေနဲ့သရုပ်ဆောင်ထားပါတယ်။ Andy Lau အပြင် တခြားဝါရင့်သရုပ်ဆောင်တွေပါဝင်အားဖြည့်ထားပြီးတော့ ဇာတ်လမ်းဇာတ်အိမ်ခိုင်ခိုင်နဲ့ အရည်အသွေးမီအောင် ရိုက်ကူးထားတဲ့ အက်ရှင်ဇာတ်ကားဖြစ်တာမလို့ အက်ရှင်ကားပရိသတ်တွေ ကြည့်ကြဖို့တိုက်တွန်းချင်ပါတယ်။ Quality : WEB-DL 1080p , 720p Format : mp4 Genres : Action , Crime Runtime : 2h 8 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

မနှစ်ကထွက်ရှိထားတဲ့ တရုတ်ဇာတ်ကားကောင်းလေးဖြစ်ပါတယ် ရှားရှားပါးပါးဇာတ်လမ်းကောင်းလေးမို့ လက်မလွှတ်တမ်းကြည့်သင့်တယ်လို့ပြောရမယ်ဆိုရင်လဲမမှားပါဘူး ဒီဇာတ်ကားလေးဟာဆိုရင်တကယ့်ဖြစ်ရပ်မှန်ကိုအခြေခံယူထားပြီးရိုက်ကူး တင်ဆက်ထားတဲ့ဇာတ်ကားလေးတပုဒ်ပဲဖြစ်ပါတယ်. ထိုင်းနိုင်ငံမှာဖြစ်ပျက်ခဲ့တဲ့ တရုတ်စုံတွဲရဲ့ဖြစ်ရပ်မှန်ကိုရိုက်ကူးတင်ဆက်ထားခြင်းဖြစ်ပြီးတော့ တကယ့်လက်တွေ့လောကမှာလည်း ဒီအမှုဟာ ဟိုးလေးတကျော်ကျော် ဖြစ်ခဲ့ပါသေးတယ် ၂၀၁၉ ကနေ ၂၀၂၃ ထိ အမှုရင်ဆိုင်ခဲ့ရပြီး ဒီဇာတ်ကားထွက်လာတဲ့အချိန်မှာလည်း ကာယကံရှင်ဟာ အကြိမ်ကြိမ် ဒီဇာတ်ကားအကြောင်းကို ပြောပြီး Promote လုပ်ခဲ့ပါသေးတယ် စိတ်ဝင်စားဖို့ကောင်းလွန်းပါတယ် အညွန်းလေးကတော့မင်္ဂလာနှစ်ပတ်လည်နေ့မှာ ပျောက်ဆုံးသွားတဲ့ဇနီးသည်လေးကို ဟယ်ဖေးတစ်ယောက်အပြင်းအထန်လိုက်ရှာနေပါတယ်။ ဖြစ်စဉ်ကတော့ ဟယ်ဖေးနဲ့ လီမုကျစ်တို့ဇနီးမောင်နှံလေးဟာ မင်္ဂလာနှစ်ပတ်လည်တစ်နှစ်ပြည့်အနေနဲ့ အရှေ့တောင်အာရှကျွန်းလေးတစ်ကျွန်းကို အပန်းဖြေခရီးထွက်လာခဲ့ပါတယ်။ အဲဒီအချိန်မှမထင်မှတ်ပဲ လီမုကျစ်ဟာရုတ်တရက်ပျောက်သွားခဲ့တယ်။ (၁၅)ရက်ပျောက်နေတာတောင် ဒေသခံရဲတွေက လင်မယားပြဿနာဆိုပြီးအရေးတယူမရှိခဲ့ပါဘူး။ နောက်နေ့မနက်မှာတော့ သူစိမ်းမိန်းကလေးတစ်ယောက်ဟာ သူ့ကိုယ်သူဟယ်ဖေးရဲ့ဇနီးသည်ပါဆိုပြီး ဓာတ်ပုံ၊ပတ်စ်ပို့ သက်သေအခိုင်အမာတွေနဲ့ပေါ်လာပါတယ်။ ဟယ်ဖေးကိုလဲဦးနှောက်အာရုံကြောပိုင်းမှာ ရောဂါရှိတဲ့သူဆိုပြီးတန်ပြန်စွပ်စွဲပြန်တယ်။ ဟယ်ဖေးဟာဘယ်လိုငြင်းငြင်း ဘယ်လိုသက်သေတွေပဲရှာရှာ ရှာမတွေ့ဘူးဖြစ်နေခဲ့တယ်။ မိန်းကလေးဟာ တကယ်ပဲဟယ်ဖေးရဲ့ဇနီးလား...... ဟယ်ဖေးပြောသလိုပဲ အယောင်ဆောင်တဲ့သူတစ်ယောက်လား...... ဒါမှမဟုတ် ဟယ်ဖေးကပဲတကယ်စိတ်ပိုင်းဆိုင်ရာချို့ယွင်းနေတာလား..... မထင်မှတ်တဲ့ Plot twist တွေနဲ့ဇာတ်ကားတစ်လျှောက်လုံး အရှိန်ကောင်းကောင်းနဲ့ ကြည့်တဲ့သူတွေရဲ့စိတ်ကိုဆွဲခေါ်သွားနိုင်တဲ့ အရည်အသွေးတစ်ခုရှိတဲ့ဇာတ်ကားကောင်းလေးဖြစ်လို့ မလွတ်တမ်းကြည့်သင့်တဲ့ဇာတ်ကားလေးတစ်ကားပဲဖြစ်ပါတယ်နော်။ Filesize : 3.79 GB / 1.52 GB / 850 MB Quality : WEB-DL 4K HEVC , 1080p , 720p Format : mkv Genres : Mystery , Crime , Drama , Thriller Runtime : 2h 2 min Subtitle : Myanmar Subtitle ( Hardsub ) Translated by CM Team Reviewed By Nu Mon  Encoded by LK

New Kung Fu Cult Master 1 (2022) "နဂါးနိုင်ဓါးဦးထိပ်ထား တိမ်လွှာဓါးရှင်မပေါ်လျှင် မည်သူအံတုနိုင်မည်နည်း။ " လွန်ခဲ့တဲ့ နှစ်နှစ်ဆယ်လောက်ကို ကျွန်တော်တို့ပြန်သွားကြရအောင်။ ဒီတစ်ခါတော့ Remake တွေခဏခဏရိုက်တဲ့ ဇာတ်လမ်းတွဲထဲကထွက်ပြီး နှစ်ပိုင်းလောက်နဲ့ပြီးမယ့် နဂါးနိုင်ဓား Version အသစ်လေးကို မြည်းစမ်းကြည့်ရမှာပါ။ ပထမဆုံးပြောချင်တာက Series မဟုတ်ပဲ Movie Version ဖြစ်တဲ့အတွက် တစ်ချို့ဇာတ်ကောင်တွေ ဇာတ်ကွက်တွေ မပါတော့ပဲ အရာရာကို ပေါ့ပေါ့ပါးပါး ပြသွားပြီး ဇာတ်လမ်း၀င်အောင်ရိုက်တာပါ။ ဒုတိယအချက်ကတော့ CGI တွေအများကြီး ချောမောလှပတဲ့မင်းသားလေး လေပေါ်ဝဲနေတာမျိုးမဟုတ်ပဲ လွန်ခဲ့တဲ့ နှစ် ၂၀ လောက်က မုဒ်မျိုးပြန်ပေးတဲ့တစ်ချက်ပါ။ တတိယကတော့ ကျန်းစမ်းဖုန်း ကိုယ်တော် ဒိုနီရမ်း ပါပဲ။ ဒီတော့များသောအားဖြင့် နဂါးနိုင်ဓါးခေတ်အဆက်ဆက်ကို ဖြတ်သန်းခဲ့ဖူးသူတွေချည်းမို့ ဇာတ်လမ်းတွဲမဟုတ်တဲ့ ခပ်သွက်သွက်ဇာတ်လမ်းလေးကို ခံစားပြီး အတိတ်ကိုပြန်လွမ်းကြရအောင်လားဗျာ။ Filesize : 6.91 GB / 2.32 GB / 1.22 GB Quality : WEB-DL 4K HEVC , 1080p , 720p Format : mkv Genres : Action , Fantasy Runtime : 1h 54 min Subtitle : Myanmar Subtitle ( Hardsub ) Translated by CM Team Reviewed By Lwin Htoo Aung Encoded by LK

New Kung Fu Cult Master ရဲ့ အဆက်ဖြစ်တဲ့ အတွဲ၂ ပဲဖြစ်ပါတယ် အတွဲ ၁ ကိုလဲ Cm App မှာတင်ဆက်ထားပြီးဖြစ်ပါတယ် New Kung Fu Cult Master ဆိုပီးသာ ရို့က်ရှာလိုက်လို့ရပါတယ် ပထမတွဲမှာ ကျန်းဝူကျိတယောက် အားပြောင်းအားလွဲသိုင်းကို ဘယ်လိုတတ်ခဲ့တယ် မင်ဂိုဏ်းချုပ်ဘယ်လိုဖြစ်လာခဲ့တယ် အပါအဝင် ငယ်ဘဝကိုသေချာရိုက်ကူး တင်ဆက်ထားပြီးပြီပဲဖြစ်ပါတယ် နဂါးနိုင်ဓါးနဲ့တိမ်လွှာဓားတို့ရဲ့ ဇာတ်ကြောင်းတွေအပါအဝင် မွန်ဂိုဘုရင်ရဲ့ သမီးတော် ကျောက်မိန်လဲ ပါဝင်လာခဲ့ပြီဖြစ်ပါတယ် ဂိုဏ်းကြီး ၆ ဂိုဏ်းရဲ့ တိုက်ခိုက်မှုကို တွန်းလှန်နိုင်ခဲ့တဲ့ မင်ဂိုဏ်းမှာ ကျန်းဝူကျိတယောက် ဂိုဏ်းချုပ်ဖြစ်လာပြီးတဲ့နောက် ပြောင်းလဲမှုတွေကို ဆက်လက်ကြည့်ရှုရပါတော့မယ် ပထမကားမှာ ကျောက်မိန်ဟာဝူတန်ကို ကျူးကျော်ခဲ့ပြီး ကျန်းဝူကျိကြောင့်နောက်ပြန်ဆုတ်ခဲ့ရပါတယ် ဒါ့အပြင် ကျောက်မိန်ဟာ ဂိုဏ်းကြီး ၆ဂိုဏ်းရဲ့ ဂိုဏ်းချုပ်တွေကိုလဲ ဖမ်းဆီးထားပါသေးတယ် ဒီတော့ လူတွေကယ်ချင်ရင် ဘုရားကျောင်းကို လိုက်ခဲ့ပါဆိုပြီး ပြောကာထွက်သွားရင် ဇာတ်လမ်းကိုအဆုံးသတ်ထားတာကိုတွေ့ရပါမယ် ဒီဇာတ်လမ်းမှာတော့ ကျန်းဝူကျိတယောက် ဂိုဏ်းကြီး၆ဂိုဏ်းရဲ့ ဂိုဏ်းချုပ်တွေကို ကယ်တင်မဲ့ ဇာတ်ဝင်ခန်းနဲ့စထားပါတယ် ဒီတော့ ဘယ်လိုစွန့်စားခန်းတွေ သိုင်းချကွက်တွေနဲ့ အတူ စိတ်ဝင်သွားဖွယ်တင်ဆက်သွားမလဲဆိုတာကို ဆက်လက်စောင့်ကြည့်ပါစို့ Filesize : 5.78 GB / 1.81 GB / 0.97 GB Quality : WEB-DL 4K HEVC , 1080p , 720p Genres : Action , Drama , Romance , Fantasy Runtime : 1h 53 min Subtitle : Myanmar Subtitle ( Hardsub ) Translated by CM Team Reviewed By LK Encoded by LK

Sword snow stride ကဲ ဒီတစ်ခါ CM ကနေဘာသာပြန်တင်ဆက်ပေးမယ့်ဇာတ်လမ်းလေးကတော့ သိုင်းကားပရိတ်သတ်တွေ အကြိုက်တွေ့စေမယ့် Sword Snow Stride ဆိုတဲ့ နန်းတွင်းသိုင်းကားလေးပဲ ဖြစ်ပါတယ် ဒီကားရဲ့ အဓိကဇာတ်ဆောင်တွေကတော့ Xu Fengnian အဖြစ် နာမည်ကြီးမင်းသား Zhang Ruoyun (Joy of life, Novoland: the castle in the sky) Xu Xiao အဖြစ် မင်းသားကြီး Hu Jun (Demi gods and Semi Devils ကားထဲက မင်းသားချောင်ဖုန်း) Jiang Ni အဖြစ် မင်းသမီးလေး Li Gengxi Nangong Phushe အဖြစ် မင်းသမီးချော Zhang Tianai Chen Zhipao အဖြစ် နာမည်ကြီးမင်းသား Gao Weiguang(Three lives Three world :Pillow Book) တို့က ပါဝင်သရုပ်ထားတာဖြစ်ပါတယ် ဇာတ်လမ်းလေးဟာဆိုရင် ပေလျန် ရဲ့ မင်းသားတစ်ပါးဖြစ်တဲ့ Xu Fengnian ဟာ ဖခင်ဖြစ်သူ Xu Xiao ရဲ့ မျှော်လင့်ချက်ဆန္ဒတွေကို ပုခုံးမှာထမ်းကာ သိုင်းလောကကို လှည့်လည်ရင်း သိုင်းပညာကို သိုင်းလောကအကျော်အမော်တွေဆီကနေ အပတ်တကုပ် ဆည်းပူးသင်ယူဖို့ ခရီးစဉ်ကိုစတင်ခဲ့ပါတယ် သူ့သိုင်းလောက ခရီးစဉ်ဟာ အင်မတန်မှ အတိုက်အခိုက် အတားအဆီးတွေနဲ့ ပြည့်နှက်နေခဲ့ပြီး အသက်အန္တရာယ်နဲ့ မကြာခဏရင်ဆိုင်ခဲ့ရပါတယ် ဒါပေမယ့်လည်း Xu Fengnian ဟာ အခက်အခဲတွေကြားကနေ ထိပ်တန်းသိုင်းသမားတစ်ယောက်ဖြစ်အောင် ကြိုးစားခဲ့ပါတယ် သိုင်းလောကထဲ ကျင်လည်ရင်း မိခင်အတွက် ကလဲ့စားချေဖို့ ကြိုးပမ်းခဲ့ပြီး သိုင်းလောကသားတွေကိုလည်း စုဆောင်းခဲ့ပါသေးတယ် တစ်ချိန်ထဲမှာပဲ ပေမန်ရဲ့ကျူး‌ကျော်စွက်ဖက်မှုတွေက အလယ်ပိုင်းမြေပြန့်ဒေသ ကို စစ်ရိပ်သန်းလာစေတာကြောင့် သိုင်းလောကထဲကျင်လည်ခဲ့တဲ့ Xu Fengnian ဟာ သံမဏိစစ်သည်တော်တွေကို ဦးဆောင်ပြီး စစ်ထွက်တိုက်ခဲ့ပါတော့တယ် အဆုံးသတ်မှ ာ Xu Fengnian ဟာ နန်းတွင်းမှာ ပဲ ဆက်လက်နေထိုင်သွားမှာလား ဒါမှမဟုတ် သိုင်းလောကမှာပဲ ပြန်ပြီး ကျင်လည်သွားမှာလား သူရဲကောင်းဖြစ်လာပြီဆိုမှတော့ ဘေးနားမှာ အဖော်ပြုပေးမယ့် မိန်းမလှလေးကရော ဘယ်သူဖြစ်မှာလဲ ပြီးတော့လည် းအမိုက်စားသိုင်းကွက်တွေကို ရှုစားခွင့်ရမှာဖြစ်တာကြောင့် သိုင်းကားပရိတ်သတ်‌တွေ အ‌ဖို့ အကြိုက်တွေ့‌စေမှာဖြစ်လို့ CM ကနေ မကြာခင်မှာ တင်ဆက်ပေးတော့မယ့် Sword Snow Stride ဆိုတဲ့ သိုင်း series လေးကို စောင့်မျှော်ကြည့်ရှုအားပေးကြပါဦးနော် Quality : WEBDL -720p Format :  mp4 Total Episodes : 38 During : 45 min Genres : Drama Subtitle : Myanmar Subtitle ( Hardsub ) Translated By CM Team Encoded By LK

Detective Chinatown ဟာ Rating မြင့်တဲ့ စုံထောက် အက်ရှင် စွန့်စားခန်း ဟာသ အမျိုးအစား တရုတ်ဇာတ်ကားတွေဖြစ်ပြီး ၃ ကားထွက်ရှိထားပါတယ်။ ၃ ကားလုံး အဓိကသရုပ်ဆောင်တွေ တူညီပြီးတော့ အချိတ်အဆက်မိမိနဲ့ရယ်ရပါတယ်... ၃ကားလုံးကို CM မှာ တင်ဆက်ထားပြီး  ဒီမှာ  https://www.channelmyanmar.to/?s=detective+chinatown ဒေါင်းလို့ရပါတယ်။ ++++++++++ Detective Chinatown 3 ( 2021 ) အညွှန်း စုံထောက်ဇာတ်ကားကိုမှ ကြည့်ချင်ပါတယ်ဆိုတဲ့လူတွေအတွက် ဟာသနှောစုံထောက်ကားလေး လာပါပြီနော် Detective Chinatown 3ဇာတ်ကားလေးဟာဆိုရင် အရင်က 1 2 ဆိုပြီးတော့ နှစ်ကားထွက်ဖူးတာကြောင့် ကြည့်ပြီးသားလူတွေကတော့ ဒီကားလေးထဲမှာ တူဝရီးနှစ်ယောက် ဘယ်လိုတွေ ဗရုတ်ကျပြီး ပဟေဠိဆန်ဆန် လူသတ်မှုတွေကို စုံစမ်းကြသလဲဆိုတာ သိပြီးသားဖြစ်မှာပါ အခု 3 မှာရော နှစ်ယောက်သား ဂျပန်ကိုသွားပြီး ဘယ်လိုအလွဲတွေနဲ့ ပဟေဠိဆန်တဲ့လူသတ်မှုကို ဖြေရှင်းကြမလဲ ထိုင်းစုံထောက် ဂျပန်စုံထောက်တွေနဲ့ အားလုံးဆုံမိသွားတဲ့အပြင် မာဖီးယားတွေနဲ့ အမှုက ပတ်သတ်နေတဲ့အခါ တူဝရီးနှစ်ယောက် ဟာသတွေ တစ်ပုံကြီးနဲ့ အမှုကို ဘယ်လိုဖြေရှင်းသွားမလဲဆိုတာ ကြည့်ရှုကြရမှာပါ ရှေ့နှစ်ကားမကြည့်ဖူးသေးတဲ့လူတွေအတွက်လည်း ဒီကားလေးက 1 2 နဲ့ အမှုအသွားအလာ အဆက်အစပ်မရှိတဲ့အတွက်ကြောင့်မို့လို့ ဟာသ သဲထိတ်ရင်ဖိုကြိုက်နှစ်သက်တဲ့ ပရိတ်သတ်တွေအနေနဲ့ လက်လွှတ်မခံသင့်တဲ့ ဇာတ်ကားလေးပါနော် Quality : HEVC 1080p 5.1,BLU-RAY720P Format : mp4 During : 2h 6min Subtitle : Myanmar Sub ( Hardsub ) Translated By Yamin Ei Encoded By Phyo Pyae

ဇာတ်ညွှန်းဆရာ လင်ရိချန်ဟာ အချစ်အတွက်ဆို တစ်ကမ္ဘာလုံးကိုတောင် မီးရှို့ပစ်မယ့် ဇာတ်ကောင်မျိုးတွေ ရေးလေ့ရှိပါတယ်။ သူ့မှာလည်း ချစ်ရတဲ့ ဇနီး အားလင်နဲ့ သားလေး ရှောင်ချုံတို့ ရှိတယ်။ ငွေကြေးမပြည့်စုံပေမယ့် မိသားစုသုံးယောက် နွေးနွေးထွေးထွေး နေထိုင်လာကြရာက သားလေးမှာ နှလုံးရောဂါရှိနေပြီဆိုတာ သိလိုက်ရတဲ့နေ့မှာ မိဘနှစ်ယောက်စလုံး စိတ်ပူပန်သွားကြပါတယ်။ သားကို ကုသပေးဖို့ ငွေအလျင်အမြန်လိုလာတာကြောင့် လင်ရိချန်တို့ ငွေရှာဖို့ ကြိုးစားနေကြရတယ်။ အဲဒီအတောအတွင်း ဆေးရုံထဲက အကျင့်ပျက်ခြစားမှုတွေအကြောင်း သိလာရပြီး အဲဒီလူတွေရဲ့ လုပ်ရပ်တစ်ခုက သားလေးရဲ့အသက်ကိုပါ ခြိမ်းခြောက်လာပါတယ်။ ဒီတစ်ခါမှာတော့ လင်ရိချန်က လက်ပိုက်ကြည့်မနေနိုင်တော့ဘူး။ မိသားစုအပေါ်ထားတဲ့ အချစ်နဲ့ ဒေါသကြောင့် သူရေးခဲ့တဲ့ ဇာတ်ကောင်တွေလို ပြင်းပြင်းထန်ထန် တုံ့ပြန်ဖို့ စီစဉ်လာပါတော့တယ်။

Cold War 2 ဇာတ်ကားဟာ ပထမ 2012 ခုနှစ်ကထွက်ရှိခဲ့တဲ့ Cold War 1 ရဲ့အပြီးကာလကို ဆက်လက်ရိုက်ကူးထားတာပဲဖြစ်ပါတယ် ဒီကားလေးထဲမှာဆိုရင် ဟောင်ကောင်နာမည်ကြီးသရုပ်ဆောင်တွေဖြစ်တဲ့ Eddie Peng၊Charlie Yeung၊Janice Man၊Aarif Rahman တို ပါဝင်သရုပ်ဆောင်ထားပြီး နာမည်ကြီးမင်းသားကြီး Chow Yun-fat ကလည်း အရေးပါတဲ့ နိုင်ငံရေးနဲ့ ဥပဒေရေးရာဇာတ်ကောင်အဖြစ်ပါဝင်ထားပါသေးတယ် လျိုကျယ်ဟွေးက ဟောင်ကောင်ရဲချုပ်အသစ်ဖြစ်လာပြီး ရဲတပ်ဖွဲ့အတွင်း အာဏာ နိုင်ငံရေးနဲ့ အကျင့်ပျက်ခြစားမှုတွေကို ကိုင်တွယ်နေရတဲ့အချိန်မှာ ပြဿနာအသစ်တစ်ခု ထပ်ပေါ်လာပါတယ် လီဝမ်ပင်းရဲ့သား လီကျားကျွင့်ကို အကျဉ်းထောင်ကနေ လွှတ်ပေးဖို့ အကြမ်းဖက်အဖွဲ့တစ်ဖွဲ့က လျိုကျယ်ဟွေးရဲ့ ဇနီးကို ပြန်ပေးဆွဲပြီး ဖိအားပေးလာပါတယ်…ရဲချုပ်တစ်ယောက်အနေနဲ့ ဥပဒေကို ကာကွယ်ရမလား မိသားစုကို ကယ်တင်ရမလားဆိုတဲ့ အခက်အခဲကြားမှာ လျိုကျယ်ဟွေး တဖြည်းဖြည်း ဖိစီးလာရပါတယ် ဒီအမှုနောက်ကွယ်မှာ ရဲတပ်ဖွဲ့အတွင်းက အာဏာကြီးသူတွေ နိုင်ငံရေးသမားတွေနဲ့ လျှို့ဝှက်ကြိုးကိုင်သူတွေ ပါဝင်နေကြောင်း တဖြည်းဖြည်း ဖော်ထုတ်လာနိုင်ပြီး အခြေအနေက ရိုးရိုးပြန်ပေးဆွဲမှုထက် ပိုကြီးမားတဲ့ နိုင်ငံရေးပဋိပက္ခတစ်ခုဖြစ်လာတဲ့အခါအရင်က ပြိုင်ဘက်ဖြစ်ခဲ့တဲ့ လီဝမ်ပင်းကလည်း သူ့သားကို တရားမျှတစွာ စီရင်စေချင်ပေမဲ့ ဖခင်တစ်ယောက်အနေနဲ့ စိတ်ထဲမှာ မပြတ်သားနိုင်တဲ့အခြေအနေကို ကြုံတွေ့ရပါတယ်ဇာတ်လမ်းတစ်လျှောက် ရဲတပ်ဖွဲ့အတွင်း ယုံကြည်မှု သစ္စာဖောက်မှု အာဏာလုမှုနဲ့ တရားမျှတမှုတို့ကို တင်ဆက်ထားပြီး ဘယ်သူက မိတ်ဆွေ ဘယ်သူက ရန်သူဆိုတာ ခွဲမရတဲ့အထိ လှည့်ကွက်တွေ များလာပါတယ် အဆုံးမှာတော့ အမှုတစ်ခုတည်း မဟုတ်ဘဲ ပိုကြီးမားတဲ့ လှုပ်ရှားမှုတွေ နောက်ကွယ်မှာ ရှိနေကြောင်း ပိုပြီး သိသာလာပြီး ဇာတ်ကောင်တစ်ယောက်ချင်းစီရဲ့ ရွေးချယ်မှုတွေက ဘယ်လိုအကျိုးဆက်တွေ ဖြစ်လာမလဲဆိုတာ အာဏာ မိသားစုနဲ့ သစ္စာတရားကြားမှာ ဘယ်သူက ဘာကို ရွေးမလဲ နောက်ဆုံး ဘယ်သူရပ်တည်နိုင်မလဲဆိုတာ ဆက်လက်ကြည့်ရှုကြပါဦးနော် Filesize : 2.17 GB / 955 MB Quality : WEB-DL 1080p HEVC , 720p HEVC Format : mp4 Genres : Action, Thriller, and Crime Runtime : 1h 50 min Subtitle : Myanmar Subtitle ( Hardsub )

Helios ဟာ ၂၀၁၅ခုနှစ်ကထွက်ရှိခဲ့တဲ့ ဟောင်ကောင်၊ ထိုင်ဝမ်၊ တောင်ကိုရီးယားနဲ့ တရုတ်က ထိပ်တန်းမင်းသားကြီးတွေ စုပြုံပါဝင်ထားတဲ့ Crime Action ရုပ်ရှင်ဇာတ်ကားကြီးဖြစ်ပါတယ်။ ဟောင်ကောင်ရဲ့နာမည်ကြီးဒါရိုက်တာဖြစ်တဲ့ Longman Leung နဲ့ Sunny Suk ရဲ့ ဇာတ်ရှိန်အရမ်းမြင့်တဲ့ကားကောင်းလေးဖြစ်ပါတယ်။ ဇာတ်လမ်းကတော့ တောင်ကိုရီးယားနိုင်ငံရဲ့ စစ်ဘက်ဆိုင်ရာ ဓာတ်ခွဲခန်းတစ်ခုကနေ အရမ်းအန္တရာယ်ကြီးတဲ့ သယ်ရလွယ်ကူတဲ့နျူကလီယားလက်နက် DC8 ကိုကမ္ဘာကျော်လက်နက် မှောင်ခိုသမားကြီး ဟီလီယို့စ်ကနေခိုးယူသွားပါတယ်။ ဟီလီယို့စ်က ဒီလက်နက်ကိုဟောင်ကောင်မှာအရောင်းအဝယ်လုပ်ဖို့စီစဉ်လိုက်တဲ့အခါမှာတော့ ကိုရီးယားကအထူးအဖွဲ့နဲ့ ဟောင်ကောင်ရဲတပ်ဖွဲ့တို့ပူးပေါင်းပြီး ဒီကပ်ဘေးကိုတားဆီးဖို့ကြိုးစားကြပါတော့တယ်။ ဒါပေမယ့် မတူညီတဲ့နိုင်ငံရေးအကျိုးအမြတ်တွေ တစ်နိုင်ငံနဲ့တစ်နိုင်မယုံကြည်မှုတွေကြောင့် မဟာမိတ်အဖွဲ့ကြားမှာ မမြင်ရတဲ့တင်းမာမှုတွေရှိနေသလို ဟီလီယို့စ်ရဲ့ကစားကွက်တွေကြောင့် ရဲတပ်ဖွဲ့ကအမြဲတမ်းခြေတစ်လှမ်းနောက်ကျကျန်နေခဲ့ပါတယ်။ ဒီဉာဏ်များတဲ့ရန်သူကိုဉာဏ်ချင်းယှဉ်ပြီး အမိဖမ်းဖို့နဲ့ အန္တရာယ်ရှိလက်နက်ကြီးကိုပြန်သိမ်းဆည်းဖို့ကြိုးစားရင်း အပစ်အခတ်အကြမ်းအရမ်းတွေကြားက Plot Twistတွေကို ရင်တမမနဲ့ကြည့်ရမှာပဲဖြစ်ပါတယ်။ Jacky Cheung,Nick Cheungစတဲ့ဟောင်ကောင်ဝါရင့်မင်းသားကြီးတွေအပြင် တောင်ကိုရီးယားက Ji Jin Hee နဲ့ Super Junior ရဲ့ Choi Si won ထိုင်ဝမ်မင်းသား Chang Chen စတဲ့ မင်းသားတွေ အားပြိုင်တာကိုတဝကြီးကြည့်ရမှာဖြစ်ပါတယ်။ Filesize : 2.08 GB / 1.01 GB Quality : WEB-DL 1080p HEVC , 720p HEVC Format : mp4 Genres : Action, Mystery, Adventure, and Thriller Runtime : 1h 58 min Subtitle : Myanmar Subtitle ( Hardsub )