Jeremy Strong ပါဝင်သော ဇာတ်ကားများ

Springsteen: Deliver Me from Nowhere (2025) IMDb Rating (6.9) / Rotten Tomatoes (60%) Bruce Springsteen ဆိုတာ “American rock legend” လို့ ခေါ်ရမယ့် သီချင်းရေးဆရာ၊ တေးသံရှင်ကြီးဖြစ်ပြီး The Boss လို့လည်း လူသိများတဲ့ အမေရိကန်ဂီတအထင်ကရ ပုဂ္ဂိုလ် ဖြစ်ပါတယ်။ Bruce Springsteen အကြောင်းကို အခြေခံထားတဲ့ ဒီဇာတ်ကားမှာ သူ့ရဲ့ 1982 ခုနှစ် Nebraska အယ်လ်ဘမ်ကို ဖန်တီးနေစဉ် အောင်မြင်စပြုကာလ ကို အဓိကဖော်ပြထားတယ်။ ဘရုစ်စပရင်းစတင်းအဖြစ် Shamless , The Bear ဇာတ်လမ်းတို့ထဲက နာမည်ကြီးမင်းသား Jeremy Allen White က သရုပ်ဆောင်ထားပါတယ်။ acoustic စတိုင်အယ်လ်ဘမ်ကို 4‑track recorder နဲ့၊ သူ့အိပ်ခန်းထဲမှာ အသံသွင်းဖန်တီးရာကစပြီး သူနာမည်ကြီးတစ်ယောက်ဖြစ်လာချိန် ဖိအားတွေ၊ အချစ်ရေးနဲ့ လူမှုဘဝတွေကိုဖော်ပြထားပါတယ်။ File size… (5 GB) / (1.5 GB) / (920 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama,Music Duration…. 02:00:52 Subtitle…. Myanmar Subtitle (Hardsub)

The Apprentice (2024) IMDb Rating (7.2) / Rotten Tomatoes (82%) အမေရိကန် ရဲ့ သမ္မတဟောင်းတစ်ယောက် ဖြစ်သလို လက်ရှိအချိန်မှာလည်း ရီပါဘလီကန် ပါတီဘက်ကနေ အမေရိကန် ရွေးကောက်ပွဲမှာ သမ္မတအဖြစ် ဝင်ရောက် ရွေးချယ်ခံနေတဲ့ ကမ္ဘာကျော် ဘီလျံနာ ဒေါ်နယ်ထရန့် ရဲ့ လောလော လတ်လတ် ထွက်ထားတဲ့ Biopic ရုပ်ရှင်ပဲ ဖြစ်ပါတယ်။ ဒီ ရုပ်ရှင်မှာ ဒေါ်နယ်ထရန့် ဆိုပြီး ဖြစ်လာအောင် ကူညီပေးခဲ့တဲ့ ရှေ့နေ ရွိုင်ကုမ်း နဲ့ ဒေါ်နယ်ထရန့် တို့ရဲ့ ဆက်ဆံရေး ရှုထောင့်ကနေ ပြသထားပြီး အနိုင်ရဖို့အတွက် ဘာမဆို လုပ်ရဲတဲ့ ထရန့် ရဲ့ စရိုက်ကို သေချာ ပုံဖော်ထားပါတယ်။ Winter Soldier အဖြစ် နာမည်ကြီးတဲ့ မင်းသား Sebastian Stan က ဒေါ်နယ် ထရန့် အဖြစ် သရုပ်ဆောင်ထားပြီး သူ့ရဲ့ အကောင်းဆုံး သရုပ်ဆောင်ချက်တွေထဲက တစ်ခုအဖြစ် သတ်မှတ်လို့ရတဲ့အထိ ထရန့်နေရာကို ပီပြင်စွာ သရုပ်ဆောင်နိုင်ခဲ့ပါတယ်။ Succession နဲ့ နာမည်ကြီးတဲ့ မင်းသား Jereme strong က ရှေ့နေ့ ရွိုင်ကုမ်း အဖြစ် သရုပ်ုပ်ဆောင်ထားပြီး Rating တွေလည်း ကောင်းသလို ထရန့် ဘယ်လိုလူလဲဆိုတာ၊ သူဘာကြောင့် အောင်မြင်တာလဲဆိုတာတွေကို တစ်စွန်းတစ်စ မြင်နိုင်မှာ ဖြစ်ပါတယ်။ (အညွှန်းနဲ့ဘာသာပြန်ကတော့ Marco ဖြစ်ပါတယ်။) File size…(13.4 GB) / (4.7 GB) / (1.8 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Drama, History Duration….02:02:37 Subtitle….Myanmar Subtitle (Hardsub) Encoder….Benjamin Translated by Marco

2022 ခုနှစ် အကောင်းဆုံးရုပ်ရှင်စီးရီးအဖြစ် Emmy ဆုရရှိသွားတဲ့ စီးရီးတစ်ခုကို တင်ဆက်ပေးချင်ပါတယ်။ တစ်ကမ္ဘာလုံးမှာ ပရိသတ်တွေအများကြီးရဲ့ အားပေးမှုကို ရထားတဲ့ ဒရာမ စီးရီးတစ်ခုလည်းဖြစ်ပါတယ်။ နာမည်ကတော့ ဆက်ခံမှု ဆိုတဲ့ အဓိပ္ပါယ်ပါပဲ။ ဒီစီးရီးကိုတော့ အက်မင်က စီးပွားရေး Game of Thrones လို့ တင်စားချင်ပါတယ်။ GoT လို အတိုက်အခိုက်တွေ နဂါးတွေအစား စီးပွားရေးသမားတွေ၊ နိုင်ငံရေးသမားတွေရဲ့ ကွက်ကျော်ရိုက်ပုံတွေ၊ နောက်ကျောဓားနဲ့ထိုးပုံတွေ ကာရိုက်တာတွေ ပြောင်းလဲလာပုံတွေနဲ့ တင်ဆက်ထားတာမို့ စီးပွားရေးဗဟုသုတရော ရသပါ အတော်လေးပြည့်စုံတဲ့ ဇာတ်လမ်းတွဲပဲဖြစ်ပါတယ်။ ကာရိုက်တာတွေကလည်း Game of Thrones လိုပဲ တစ်မျိုးစီထူးခြားပြီး အကြံကိုယ်စီနဲ့ ဖြစ်နေပါတယ်။ ကြားထဲမှာ အပူးအပေါင်းတွေ အကွဲအပြဲတွေ လှည့်ကွက်တွေလည်း အတော်ကို စုံပါတယ်။ ဇာတ်လမ်းအကျဉ်း လိုဂန် ရွိုင်ဆိုတဲ့ အောက်ခြေကတက်လာတဲ့ ဘီလီယံနာ သူဌေးကြီးဟာ မီဒီယာ နဲ့ ဖျော်ဖြေရေးလောကရဲ့ အင်အားအကြီးဆုံးကုမ္ပဏီကြီးတွေထဲက တစ်ခုကို ပိုင်ဆိုင်ထားပါတယ်။ သူ အသက် ၈၀ ပြည့်တဲ့အချိန်မှာ စီအီးအို အမှုဆောင်ချုပ်အဖြစ်ကနေ အနားယူပြီး သူ့ရဲ့ သားသမီးတွေထဲက တစ်ယောက်ကိုလက်လွှဲပေးဖို့ ဆုံးဖြတ်လိုက်ပါတယ်။ ဒါပေမယ့် သူ့သားသမီးတွေကလည်း တစ်ယောက်တစ်ပေါက်နဲ့မို့ ကုမ္ပဏီကို စိတ်ချလက်ချလက်လွှဲစရာလူ ရှာမတွေ့ဖြစ်နေတုန်းပါပဲ။အဲဒီအချိန်မှာပဲ လိုဂန်တစ်ယောက် ဦးနှောက်သွေးကြောပေါက်ပြီး သတိလစ်သွားခဲ့ပါပြီ၊ လိုဂန်ရဲ့ ကျန်းမာရေးသတင်းဟာ ရှယ်ယာဈေးကွက်ကြီးတစ်ခုလုံးကို ရီုက်ခတ်သွားနိုင်တာမို့ တစ်ရက်အတွင်း လိုဂန့်နေရာကို ဆက်ခံဖို့ လူတွေကို မိသားစုဝင်တွေဘုတ်အဖွဲ့တွေ အမြန်ရွေးချယ်ရပါတော့မယ်။ အဲဒီကစပြီး ဇာတ်ရှိန်တွေတက်သွားလိုက်တာ အခု နောက်ဆုံးစီစန်အထိပါပဲ။ ဒီဇာတ်လမ်းတွဲကြည့်ပြီးသွားရင်တော့ စီးပွားရေးသမားအကြီးစားဖြစ်လာဖို့ ဘယ်လောက်ဉာဏ်များပြီးဘယ်လောက် ရက်စက်ပြတ်သားဖို့လိုလဲဆိုတာပါ တွေ့လာပါလိမ့်မယ်။ file size…600MB Quality….Webrip 1080p / 720p  Format…mp4 Duration….1hr 5 Min Genre...Action, Adventure Subtitle….Myanmar Subtitle (Hardsub) Encoder….Mr. Anderson Translated by Mr. Anderson

The Gentlemen (2019) IMDb - (7.8)/ Rotten Tomatoes (75%) သူ့နာမည်က မစ်ကီပီရာဆန်.....ဥာဏ်ကောင်းပြီးအောက်စဖိုဒ့်ကျောင်းသားတစ်ယောက်ဖြစ်ပေမယ့် သူက ဆင်းရဲတယ်...သူဟာ ထက်မြက်တဲ့သူတစ်ယောက်ဆိုပေမယ့် ကျောင်းမပြီးဘူး...ဘာလို့ဆို မူးယစ်ဂိုဏ်းက လူတစ်ချို့နဲ့အဆက်အသွယ်ရပြီး အချိန်တိုအတွင်း ငွေတွေမျိုးမျိုးမျက်မျက်ဝင်တဲ့ ဒီလောကကို သူသဘောကျသွားတယ်... လူတစ်ယောက်ရဲ့ လည်ပင်းကိုလှီးပြီး သွေးစင်တာတောင် မျက်တောင်ခတ်ဖို့ သတိမရတတ်တဲ့ဒီပတ်ဝန်းကျင်မှာ ဟိုနေရာဆေးလေးပို့ ဒီနေရာဆေးလေးပို့ ငွေလေးယူလိုက် အမြတ်ငွေလေးအိပ်ထဲထည့်လိုက်ရုံနဲ့မပြီးဘူးဆိုတာသိတဲ့နောက်မှာတော့ မစ်ကီတစ်ယောက်ဟာ သူ့ကိုယ်သူ ဒီလောကရဲ့ အများသူငါမော်မကြည့်ရဲတဲ့ ဘုရင်တစ်ပါးအဖြစ်ပုံပြောင်းပါတော့တယ်.... ဒီဇာတ်ကားက ဂန်းစတားတွေအကြောင်းရိုက်ထားတာပါ...ဒုစရိုက်သမားတွေရဲ့ ကတုံးပေါ်ထိပ်ကွက်တွေ... လည်သူစားစတမ်းတွေ....လက်မရွှံတွေကြား မျက်ခုံးမွေးပေါ်စင်္ကြန်လျှောက်တဲ့သူတွေနဲ့ ဒီကားကတော်တော်မိုက်ပါတယ်... The Irishman (2019) တို့လို့ ခပ်အေးအေးနဲ့ ဇာတ်လမ်းကို ဆွဲခေါ်တတ်တဲ့အမျိုးအစားမဟုတ်ပါဘူး..သူက ဖြစ်ရပ်မှန်ကိုအခြေခံထားတာကြောင့် လည်းပါမှာပေါ့လေ...The Gentlemen (2019) ကတော့ ခပ်သွက်သွက်နဲ့ကိုဇာတ်လမ်းစထားပါတယ်...အဓိက သရုပ်ဆောင်ဖြစ်တဲ့ Matthew McConaughey ကိုတော့ အားလုံးသိကြမှာပါ...အခြားဝါရင့်ဟာသသရုပ်ဆောင်တွေ အက်ရှင်သရုပ်ဆောင်တွေ ပါဝင်ထားပါတယ်။ လူငယ်အနေနဲ့လည်း crazy rich Asian တို့ last Christmas တို့ရဲ့ မင်းသား ဟင်နရီ ဂိုးဒင်းတို့လည်း ပါဝင်ထားပါသေးတယ်။ File size…(5 GB)/(1.5 GB)/(880 MB) Quality….BluRay  4K HEVC/1080p /720p Format…mkv/mp4 Duration….01:53:40 Subtitle….Myanmar Subtitle (Hardsub) Encoder….Ka Naung Translated by Littleneo

တရားမမှုအတွက် တရားခွင်နဲ့ ရာဇဝတ်မှုအတွက် တရားခွင် ဆိုတာပဲရှိတယ်။ နိုင်ငံရေး တရားခွင်ဆိုတာ မရှိဘူးဗျ။ ဟိ...ဟိ... နိုင်ငံရေးလှည့်ကွက် အနေနဲ့ အသုံးချဖို့ တရားခွင်ကို အသုံးချတာလေ။ မကြားဖူးဘူးမလား။ ဘယ်ကြားဖူးမလဲ။ တကယ်မှမရှိတာကိုး။ ဟား...ဟား.... ဆောရီးဗျာ။ နည်းနည်းတော့ရယ်မိတယ်။ အဲဒါနဲ့ နိုင်ငံရေးတရားခွင်ဆိုတာ မရှိဘူးနော်။ ကျွန်တော်ပြောရင် ယုံလိုက်။ ငိငိ xD... ၁၉၆၈ ခုနှစ် အမေရိကန်နိုင်ငံ ချီကာဂိုမြို့မှာ အမျိုးသားဒီမိုကရက်တစ်ညီလာခံကို ကျင်းပခဲ့ပါတယ်။ ၁၉၅၅ ခုနှစ်က အစပြုခဲ့တဲ့ ဗီယက်နမ် စစ်ပွဲက အားကောင်းနေဆဲကာလလည်းဖြစ်ပါတယ်။ ဒီလို အကျိုးမရှိဘဲ အပျက်ပျက်နဲ့နှာခေါင်းသွေးထွက်ရတဲ့ စစ်ပွဲကို တားစီးနိုင်ဖို့ရည်ရွယ်ချက်နဲ့ တစ်နိုင်ငံလုံးအာရုံစိုက်နေကြတဲ့ ညီလာခံရှိရာ ချီကာဂိုမြို့ကို စစ်ပွဲကို ဆန့်ကျင်သူတွေကို ဦးဆောင်ပြီး စစ်ပွဲဆန့်ကျင်ရေးတက်ကြွ လှုပ်ရှားသူ ၇ ယောက် ချီကာဂိုမြို့ကို ငြိမ်းချမ်းစွာ ချီတက်လာခဲ့ပါတယ်။ ဒီလို ဆန့်ကျင်ဆန္ဒပြရာမှာ ဆန္ဒပြသူတွေနဲ့ ရဲတွေကြားမှာ ပဋိပက္ခတွေဖြစ်ပွားပြီး လူပေါင်းများစွာ ထိခိုက်ဒဏ်ရာရခဲ့ပါတယ်။ ဒီလို အဓိကရုဏ်းဖြစ်ပွားအောင် သွေးထိုးလှုံ့ဆော်ဖို့ ပူးပေါင်းကြံစည်မှုနဲ့ ၁၉၆၉ မတ်လ ၁၀ ရက်နေ့မှာ ခေါင်းဆောင် ၇ ယောက်ကို တရားစွဲဆိုခဲ့ပါတယ်။ နေဦး တရားစွဲတယ်လို့ ပြောမိတာလား။ မတရားအဆွဲခံရတယ်လို့ ပြောရင် ပိုမှန်မလား။ အဲဒါကို ဇာတ်ကားကို တစ်ချက်ကြည့်ပြီးမှ ဆုံးဖြတ်ကြတာပေါ့။ တကယ်ကို စိတ်ပျက်စရာကောင်းတဲ့ တရားခွင်အကြောင်းကို ရိုက်ကူးထားတာဖြစ်ပေမဲ့ အတော်ကို ဟာသမြောက်ပါတယ်။ Chicago 7 လို့ လူသိများတဲ့ ဒီ ၇ ယောက် စစ်ပွဲကို ငြိမ်းငြိမ်းချမ်းချမ်း ဆန့်ကျင်ဆန္ဒပြရင်း ထောင်ခြောက်ဆင်ခံရပြီး နိုင်ငံရေးကစားပွဲထဲက ထိုးကျွေးခံနယ်ရုပ်လေးတွေ ဖြစ်လာတဲ့ပုံကို လှလှပပလေးပြထားပါတယ်။ ဒီ လူ ၇ ယောက်ထဲက နာမည်ကျော် နိုင်ငံတကာလူငယ်ပါတီ(YIP - Yippy လို့လည်းခေါ်ပါတယ်) ခေါင်းဆောင် အက်ဘီ ဟော့ဖ်မန်း ရဲ့ပြက်လုံးတွေကတော့ အဓိကအားဖြည့်ထားတာပေါ့။ သောက်တလွဲတရားသူကြီး ဂျူလိယက် ဟော့ဖ်မန်း(တရားခံ အက်ဘီဟော့ဖ်မန်းနဲ့အမျိုးမတော်ပါ။ ဒီအကြောင်းကို ဇာတ်ကားထဲမှာ သေချာရှင်းရှင်းလင်းလင်းပြထားပါတယ်။) ရဲ့ ကြောင်တောင်တောင် ဂေါက်တောက်တောက် လုပ်တာတွေက တကယ်ကို မုန်းချင်စရာကောင်းသလို ရယ်လည်းရယ်ချင်စရာကောင်းပါတယ်။ သူတို့ ၇ ယောက် တရားရုံးမှာ မလှုပ်သာမလှည့်သာ အကြပ်ရိုက်နေကြတာကို ထေ့လုံးငေါ့လုံးတွေနဲ့ သရော်ပြထားပြီး အဓိကရုဏ်းဖြစ်တဲ့နေ့က အဖြစ်အပျက်ကို အပြည့်အစုံပြထားပါတယ်။ ဒီတရားခွင်ဖြစ်လာတဲ့ အကြောင်းကို သိရင် အပေါ်မှာ ပြောထားတဲ့အတိုင်း နိုင်ငံရေးတရားခွင်ဆိုတာ ရှိလား ဆိုတာ ပြန်ပြီးမေးခွန်းထုတ်ချင်စရာဖြစ်လာပါလိမ့်မယ်။ ပိုပြီး ထင်ရှားတာကတော့ သူတို့ ၇ ယောက်နဲ့ ဘာမှမဆိုင်တဲ့ လူမည်းအခွင့်အရေးတက်ကြွလှုပ်ရှားသူ Black Panther ပါတီ ခေါင်းဆောင် ဘော်ဘီစီးလ် ကိုပါ သူတို့ ၇ ယောက်နဲ့ အတူတရားစွဲခံထားရတာကိုသာကြည့်ပါတော့။ သူတို့တွေက အတွေးအခေါ်တစ်ခုကို ပြည်နယ်တွေကို ဖြတ်ပြီးသယ်လာရင်း တစ်နိုင်ငံလုံးကို သိလာအောင် မြင်လာအောင် ကြားလာအောင် ပြောပြဖို့ ကြိုးစားရင်းက ပါးစပ်တွေကို ပိတ်ထားလိုသူတချို့ရဲ့စနက်ကြောင့် ရာဇဝတ်သားတွေဖြစ်လာခဲ့ရတာပါ။ တရားခွင်ကျင်းပနေစဉ်မှာပါ တကယ်ကို ပါးစပ်ကို အဝတ်နဲ့ ဆို့ပြီး မပြောနိုင်အောင် ပါးစပ်ပိတ်ထားခဲ့တာကို တွေ့ရပါလိမ့်မယ်။ ဒီသောက်တလွဲ တရားခွင်က ဘယ်လိုသောက်တလွဲတွေဖြစ်မယ်ဆိုတာကို The Trial of Chicago 7(2020) ကြည့်ပြီး ခွီရင်း ဒီဇာတ်ကားရဲ့ မတ်စေ့(Message) ကြီးကို ယူလိုက်ကြပါကုန်။ "တစ်ကမ္ဘာလုံးက စောင့်ကြည့်နေကြတယ်"တဲ့ ဆန္ဒပြသူတွေရဲ့ ကြွေးကြော်သံပါ။ သူတို့ပြောတဲ့အတိုင်းပဲ တစ်ကမ္ဘာလုံးက စောင့်ကြည့်နေကြတယ်ဆိုပေမဲ့ စောင့်ကြည့်နေကြရုံပါပဲ။ မပြောဘဲ၊ မလုပ်ဘဲနေခဲ့ကြတာပါ။ ဒီနေရာမှာ အက်မွန် ဘရွတ်ရဲ့ စကားကို ကိုးကားချင်ပါတယ်။ "မကောင်းမှုအောင်မြင်ဖို့အတွက် ဘာမှမလိုပါဘူး။ လူကောင်းတွေ ဘာမှမလုပ်ဘဲ ရပ်ကြည့်နေဖို့ပဲလိုပါတယ်" ဆိုတဲ့စကားလေးပါပဲ။ လိုအပ်ရင် ကျွန်တော်တို့ ပြောဖို့လိုပါတယ်။ ပြဖို့လိုပါတယ်။ လုပ်ဖို့လိုပါတယ်။ ဒါပေမဲ့ ပြောတဲ့သူတွေ ဘာဖြစ်တတ်တယ်ဆိုတာ ဒီဇာတ်ကားမှာ မြင်မှာပါ။ ဘေးကနေ လက်ပိုက်ကြည့်နေရုံအတွက်တော့ သတ္တိမလိုဘူးပေါ့။ တစ်ယောက်ယောက်ကတော့ ပြောဖို့လိုနေပြီဆိုတာကို သိပြီး သိတဲ့အတိုင်းပြောခဲ့ကြတဲ့ သူရဲကောင်း ၇ ယောက်ကို ဒီအညွှန်းနဲ့ ဦးညွှတ်လိုက်ချင်ပါတယ်။ (အညွှန်းနဲ့ဘာသာပြန်သူကတော့ d3mon ပဲဖြစ်ပါတယ်…) File Size : (1.80 GB) , (950 MB) and (480 MB) Quality : NF WEB-DL (1080p 5.1,720p,480p) Running Time : 2hr 09min Format : Mp4 Genre : Drama, History, Thriller Subtitle : Myanmar Subtitle (Hard Sub) Source : 1080p.WEB.h264-PALEALE Translated by d3mon Encode by Thanhtike Zaw

တစ်ချိန်တစ်ခါက နှုတ်ခမ်းနီမလေးတွေရဲ့ အသည်းစွဲ ခန့်ချောမင်းသားကြီး Matthew McConaughey နဲ့ ဒရာမာဇာတ်ကားပေါင်းများစွာကို ပီပီပြင်ပြင် သရုပ်ဆောင် နိုင်ခဲ့တဲ့ မင်းသမီးချော Anne Hathaway တို့ပါဝင် သရုပ်ဆောင်ထားတဲ့ ၂၀၁၉ ခုနှစ်ကထွက်ရှိခဲ့တဲ့ ဇာတ်ကားကောင်းလေး တစ်ကားကိုတင်ဆက်ပေး လိုက်ပါတယ် .. ဒရာမာ လျှို့ဝှက်ဆန်းကြယ်အမျိုးအစား ဇာတ်ကားဖြစ်ပြီးတော့ ဇာတ်လမ်းအစအလယ်အဆုံး ကြည့်ရှုသူပရိသတ်ရဲ့အာရုံကို ဖမ်းစားထားနိုင်မဲ့ဇာတ်ကားကောင်းတစ်ကားပဲဖြစ်ပါတယ်။ ဇာတ်ကားအစမှာတော့ ပလိုင်းမောက်မြို့ရဲ့နာမည်ကြီး ငါးဖမ်းသမားဘိတ်ကာဒေးလ်ကို တွေ့ရမှာဖြစ်ပြီး သူ့ဘ၀ ကတော့ ငါးမျှားလိုက် သူတို့ဆီကိုလာတဲ့ခရီးသွားတွေကို ငါးမျှားဖို့လှေနဲ့ တင်ခေါ်ပေးသွားလိုက် အရက်သောက်လိုက် သူနဲ့အရင်ဘ၀ကတည်းက ရန်သူတော်ဖြစ်လာခဲ့သလားတောင် ထင်ရတဲ့ တူနာငါးကိုမရမက ဖမ်းဖို့ကြိုးစားလိုက်နဲ့အချိန်ကုန် ငွေတွေကုန်ပြီး လည်ပတ်နေခဲ့ပါတယ်။ သူသုံးနေတဲ့ လှေကလည်းဘဏ်ချေးငွေနဲ့ ဝယ်ထားတဲ့အတွက် သူတစ်ဝက် ဘဏ်တစ်ဝက် ပိုင်နေသလိုပါပဲ။ဒါပေမယ့် တစ်နေ့မှာတော့ သူ့ရဲ့ပျင်းစရာကောင်းတဲ့ဘ၀ကြီးထဲကို သူ့ဇနီးဟောင်းရောက်လာခဲ့ပြီး သူနဲ့ရထားတဲ့သားနဲ့သူ့ကို နှိပ်စက်နေတဲ့ လက်ရှိယောက်ျားကို ပင်လယ်ထဲခေါ်သွားပြီး သတ်ပေးဖို့ ပိုက်ဆံတွေအများကြီးကမ်းလှမ်းပြီး တောင်းဆို လာတဲ့အခါမှာတော့ သူ့ဇနီးဟောင်းတောင်းဆိုတဲ့အတိုင်း လုပ်ပေးလိုက်မလား ပိုက်ဆံတွေကိုရောလက်ခံလိုက်မလား ဒါမှမဟုတ် လူသားတစ်ယောက်ပီသစွာနဲ့ပဲငြင်းလိုက်မလား ဆိုတာတွေအပြင်တခြားမထင်မှတ်ထားတဲ့လှည့်ကွက်တွေ အများကြီးကိုပါ တွေ့ကြုံခံစားရမဲ့ဇာတ်ကားကောင်း တစ်ကားပဲဖြစ်ပါတယ်။ File size…1.74GB/888MB Quality…Blu-Ray 1080p / 720p Format…mp4 Duration….1h 46m Genre ….. Drama , Mystery Thriller Subtitle….Myanmar Subtitle (Hard Sub) Encoder….Min Wai Translated by Saw Lay

Molly's Game (2017) ဒီတစ်ခေါက်တင်ဆက်ပေးမဲ့ ရုပ်ရှင်ကားလေးမှာဆိုရင် Jessica Chastain၊ Idris Elba၊ Jeremy Strong စတဲ့နာမည်ကြီးသရုပ်ဆောင်များစွာပါဝင်ထားတဲ့ Crime အမျိုးအစား ရုပ်ရှင်ကားလေးဖြစ်ပြီး နာမည်ကြီးဟောလိဝုဒ်ကြယ်ပွင့်တွေ စီးပွားရေးပညာရှင်တွေ အားကစားသမားတွေ ဝင်ရောက် ကစားခဲ့တဲ့ပိုကာဝိုင်းတွေကို အသက် ၂၆နှစ်အရွယ်နဲ့ ဦးစီးလုပ်ဆောင်ခဲ့သူ Molly Bloomအကြောင်း ရိုက်ကူးတင်ဆက်ထားတဲ့ ဖြစ်ရပ်မှန်ဇာတ်လမ်းလေးဖြစ်ပါတယ်… ပိုကာဝိုင်းတွေကို ကော်မရှင်ခယူပြီး တရားမဝင်ဦးစီးခဲ့တဲ့အတွက် အစိုးရ ရဲ့တရားစွဲဆိုမှုအပေါ် အရည်အချင်းပြည့်လှတဲ့ရှေ့နေတစ်ဦးနဲ့ပေါင်းကာ တရားရင်ဆိုင်ကြပုံကို ရှုစားကြရမှာပါ… ဇာတ်လမ်းလေးကတော့ .. မော်လီဟာ ထိပ်တန်းနှင်းလျှောစီးအားကစားသမားတစ်ယောက်ဖြစ်ပြီး ငယ်စဉ်ကတည်းက ဖခင်ရဲ့ တင်းကြပ်တဲ့ ကွပ်ကဲမှုအောက်မှာ ဘက်စုံထူးချွန်ခဲ့သူပါ။ သို့သော်လည်း မော်လီတစ်ယောက်ဟာ ပြိုင်ပွဲဝင်နေစဉ်အတွင်း ကြီးမားတဲ့ထိခိုက်မှုကြုံကြိုက်ခဲ့ရပြီးနောက်မှာတော့ ဖခင်လောင်းရိပ်ကနေ ရုန်းထွက်ဖို့ကြိုးစားခဲ့ပါတယ်။ အိမ်ပေါ်ကဆင်းလာတဲ့ မော်လီတစ်ယောက် သူငယ်ချင်းအိမ်မှာနေရင်း အလုပ်လုပ်ရာ နောက်ပိုင်းမှာတော့ ဝင်ငွေများစွာရရှိတဲ့ မြေအောက်ပိုကာကစားပွဲစီစဉ်သူအဖြစ် လုပ်ကိုင်ဖို့ လမ်းစပေါ်လာခဲ့ပါတယ်။ အနုပညာသမား စီးပွားရေးသမား နိုင်ငံရေးသမားများစွာတို့ လာရောက်ကစားတဲ့ ပိုကာပွဲစီစဉ်သူဖြစ်တဲ့အလျောက် ငွေကြေးမြောက်များစွာ အကျိုးအမြတ်ရရှိလာပြီးနောက်မှာတော့ မော်လီတစ်ယောက် တရားမဝင်လောင်းကစားပွဲ စီစဉ်မှုအတွက် အက်ဖ်ဘီအိုင်ရဲ့ စုံစမ်းစစ်ဆေးမှုခံယူရပါတော့တယ်။ ဒီကားလေးမှာဆိုရင် မော်လီနဲ့ ရှေ့နေ ဂျက်ဖီတို့နှစ်ယောက်ရဲ့ အလုပ်နဲ့ပတ်သက်တဲ့ ကိုယ်ကျင့်တရားမဖောက်ဖျက်မိဖို့ ကြိုးစားပုံတွေ ပိုကာကစားဝိုင်းရဲ့ နယ်ပယ်မျိုးစုံ ထိပ်တန်းပုဂ္ဂိုလ်အသီးသီးတို့ရဲ့ ရည်ရွယ်ချက်မျိုးစုံနဲ့ ကစားပုံတွေကို သွက်သွက်လက်လက်ကြည့်ရှုရမှာဖြစ်ကြောင်း ညွှန်းဆိုတင်ဆက်ပေးလိုက်ရပါတယ်။ File size…2.28GB / 906MB Quality… BluRay 1080p/ 720p Format…mp4 Duration….2h 20m Genre ….. True Crime, Biography, Legal Drama Subtitle….Myanmar Subtitle (Hard Sub)

ဒီဇာတ်ကားလေးကြည့်ပြီးတော့အတွေးတစ်ခုဝင်လာတယ် လီနင်တို့ အိုဘားမားတို့လိုကမ္ဘာကျော်ပုဂ္ဂိုလ်တွေ , အူစိန်ဘော့လိုအပြေးချန်ပီယံတစ်ယောက်, ကမ္ဘာကျော်လူမည်းအထင်ကရပုဂ္ဂိုလ်တွေဘာကြောင့်ရှမ်းရှမ်းတောက်အောင်မြင်လာရသလဲဆိုတာသဘောပေါက်လာတယ် လူတစ်ယောက်ရဲ့တိုးတက်လာလမ်းကြောင်းမှာ "မခံချင်စိတ်"ဆိုတာ အရေးကြီးတဲ့ ဖောင်ဒေးရှင်းတစ်ခုပါ မခံချင်စိတ်နဲ့ရုန်းကန်လှုပ်ရှားရတဲ့မထင်မှတ်တဲ့အောင်မြင်မှုတွေရလာကြစမြဲပါ ဒီကားလေးကတော့ လူဖြူ/လူမည်းခွဲခြားရေးဝါဒကနေ သင်ခန်းစာရပြီးထိုးထွက်အောင်မြင်အောင်လုပ်ခဲ့တဲ့ဇာတ်ကြောင်းလေးပါ အမေရိကန်နိုင်ငံ Detroit မြို့က ကလပ်တစ်ခုမှာတရားမဝင်အုပ်စုဖွဲ့သောက်စားပျော်ပါးမှုကြောင့်လူမည်းတော်တော်များများဖမ်းဆီးခံခဲ့ရပါတယ် ဒါကိုမကျေနပ်နပ်တဲ့ပတ်ဝန်းကျင်ကလူတွေကရဲတွေနဲ့ကတောက်ကဆဖြစ်ရင်း "တောမီးလောင်တောကြောင်လက်ခမောင်းခတ် " ဆိုသလို အဓိကရုဏ်းကိုအကြောင်းပြပြီးကိုယ်ကျိုးရှာအကြမ်းဖက်မှုတွေလုပ်ခဲ့လို့ပြည်တွင်းစစ်အခြေအနေအထိပါဂယက်ရိုက်သွားခဲ့ပါတယ် ဒီအကြမ်းဖက်မှုတွေထဲမှာ ရိုးသားတဲ့ဘာမဆိုင်ညာမဆိုင် တက်သစ်စလူမည်းအဆိုတော်အဖွဲ့ဖြစ်တဲ့ Dramatics အဖွဲ့ပါ ရောယောင်ထိန်းသိမ်းခံခဲ့ရပါတယ် ဒီလိုနဲ့ရဲတွေရဲ့ထိန်းကွပ်မှုကြမ်းတမ်းတဲ့စိတ်တွေရယ် လူမျိုးရေးခွဲခြားမှုစိတ်အခံတွေကြောင့်ဓားစာခံအချို့ကိုမတော်တဆသတ်မိသွားပါတယ် ရှေ့ဆက်ပြီးကောဒီဖမ်းဆီးခံလူမည်းတွေနဲ့တရားစီရင်ရေးမှာဘာတွေဆက်ဖြစ်ကြမလဲ လူမည်းတွေရဲ့မခံချင်စိတ်ကြောင့်ကမ္ဘာတစ်ဝှမ်းအသိအမှတ်ပြုခံလာရအောင်ဘယ်လိုတွေအစပျိုးမလဲဆိုတာကတော့... File Size : (1.2 GB) and (448 MB)  Quality : Blu-Ray 720p Running Time : 2hr 23min  Format : Mp4  Genre :Crime, Drama, History Subtitle : Myanmar Subtitle (Hard Sub)  Source : 1080p.BluRay.x264-SPARKS  Translated by Pyae Xeinn Sett Encoded by Kyaw Ye Aung

Black Mass(2015)အညွှန်း (အလန်းစားကားမို့ 1080p5.1ch ပါပြုလုပ်ပေးထားပါတယ်....) IMDb...7.0,,,,Rottten...73% ဘော်စတွန်မှာနေတဲ့သူတွေဆိုရင် ဂျိမ်းစ်ဘော်လ်ဂျာကို မသိတဲ့လူမရှိဘူးတဲ့... သူဟာဘော်စတွန်မြို့တောင်ပိုင်းမှာ ကြီးပြင်းတယ် သူ့မှာ ဘီလီဆိုတဲ့ညီတစ်ယောက်ရှိတယ် သူ့ကို ဘော်စတွန်မြို့တောင်ပိုင်းက လူတွေတော်တော်များများချစ်ကြတယ် ဒါပေမဲ့ ဒီကောင်ကလူဆိုး လူမိုက် လူပေ လူတေ သူ့ဘဝရဲ့အရေးအကြီးဆုံး တန်ဖိုးအထားဆုံးက သစ္စာတရားပဲ ငယ်ငယ်တုန်းက ခင်ဗျားတို့တွေ ကိုယ့်ကို နာမည်ပြောင်လာခေါ်ရင် စိတ်ဆိုးရန်ဖြစ်တတ်ကြတယ်မလား.. .ပြောင်ကြီးတို့ ခေါလေးတို့... ဒီဘော်လ်ဂျာဆိုတဲ့ဘဲလည်း သူ့ကိုနာမည်ပြောင်လာခေါ်ရင် မကြိုက်ဘူး... ဒါပေမဲ့ သူက ရန်တော့မဖြစ်ဘူး... သတ်တာ... ဇာတ်ကားက အရမ်းကြမ်းပါတယ်..ကလေးသူငယ်နဲ့ သွေးသံရဲရဲကြောက်တတ်တဲ့သူတွေမကြည့်သင့်ပါဘူး.. ဖြစ်ရပ်မှန်ဇာတ်ကားဖြစ်တဲ့အပြင် Johnny Depp နဲ့ Benedict Cumberbatch အဓိကသရုပ်ဆောင်ထားလေတော့ ဒီကားကိုနင်းကန်ကြည့်သင့်ပါတယ်..စပွိုင်လာလုပ်လို့မကောင်းတဲ့ကားမျိုးမို့ ဒီလောက်ပဲပြောပါရစေ.... ဇာတ်ကားတစ်ကားလုံး အစကနေအဆုံးထိ ဘာတွေဖြစ်မလဲ စိုးတထိတ်ထိတ်နဲ့ ကြည့်ရတဲ့ကားမို့ လူမိုက်အကြမ်းစားကားတွေသဘောကျတဲ့သူတွေအဖို့လက်မလွှတ်သင့်ပါကြောင်း... File Size :(2.16GB)(1.04GB) Quality :Blu-Ray 1080p 5.1 CH, Blu-Ray 720p Format…mp4 Duration…02:02:00 Genre : Biography, Crime, Drama Subtitle : Myanmar Subtitle (Hard Sub) Translated by Paing Encoded by Phyo Pyae

The Big Short (2015) Won 1 Oscar... Another 37 wins & 80 nomination IMDb….7.8/10 Rotten….88% [Unicode] The Big Short စကားဦးသန်းချင်တာကတော့ ရုပ်ရှင်တစ်ကားကို ချဉ်းကပ်တဲ့အခါ အပျင်းပြေကျော်ကြည့်ချင်ရုံသက်သက်ဆို ဒီရုပ်ရှင်ကို လက်ရှောင်သင့်ပါတယ်။ ဘာတစ်ခုမှနားလည်လိုက်မှာ မဟုတ်ပါဘူး။ The Wolf of Wall Streetတို့ Moneyballတို့လိုကားတွေကြိုက်တယ်ဆိုရင်တော့ ဒီကားက ခင်‌ဗျားအတွက်ပါပဲ။ ဒီရုပ်ရှင်ကို Brad Pittရဲ့ Plan B Productionက ထုတ်ထားပြီး Brad Pittကိုယ်တိုင်ပါတဲ့အပြင် Christiain Bale, Steve Carell,Ryan Glosingတို့ရဲ့ မှော်ဝင်မှုတွေလည်း ခမ်းနားပါတယ်။ Margot Robbieနဲ့ Selena Gomezတို့လည်း ဧည့်သည်သရုပ်ဆောင်အဖြစ်ပါပါတယ်။ Best adapted Screenplay awardနဲ့ အော်စကာရခဲ့ပြီး Baleရဲ့ Best supporting Acotrအပါအဝင် ဆန်ခါတင်လေးဆုဝင်ထားပါတယ်။ 2010မှာထွက်ခဲ့တဲ့ The Big Shortဆိုတဲ့ စာအုပ်ကို ရိုက်ထားတာပါ။ 2008တုန်းက Financial Crisis ဘဏ္ဍာရေးပျက်ကပ်တစ်ခု ဖြစ်ခဲ့တယ်။ အမေရိကန်သမိုင်းမှာ ဒီ့ထက်ကြီးတာဆိုလို့ ၁၉၃၀က Great Depression စီးပွားပျက်ကပ်ပဲကျန်ပါတယ်။ ကျောက်တုံးကို တူနဲ့ထုခွဲရင် ကျောက်တုံးကွဲတာ နောက်ဆုံးထုချက်ကြောင့်သက်သက်မဟုတ်ပါဘူး။ အရှေ့က အားစိုက်မှုတွေပါပါတယ်။ဒီဖြစ်ရပ်က ၂၀၀၈မှာ ဖြစ်ခဲ့တယ်ဆိုပေမယ့် ဘယ်အဖြစ်အပျက်ကမှ ဝုန်းခနဲကျကွဲသွားမတတ်ပါဘူး။ ၂၀၀၅ကတည်းက ဘွန်းတွေရဲ့ ယိုယွင်းမှု အခြေအနေကို ဆရာဝန်လောကက အနားယူပြီး စီးပွားရေးလောက ရောက်နေတဲ့ ဒေါက်တာ ဘာရီ(Blae)က သတိထားမိပြီး ပြောပြခဲ့ပါတယ်။ ရုပ်ရှင်ရဲ့ အစမှာ ပြောထားတဲ့ စကားလေးလိုပါပဲ ကျွန်တော်တို့ကို အကျပ်အတည်းရိုက်စေတာက ကျွန်တော်တို့ မသိတဲ့အရာတွေမဟုတ်ပါဘူး။ ကျွန်တော်တို့ သိတယ်ထင်ပြီး မပြောင်းလဲဘူး ထင်ထားတဲ့အရာတွေကပါ။ အငြိမ်ဆုံးဈေးကွက်ဖြစ်တဲ့ အိမ်ခြံမြေဈေးကွက်ကို ပျက်စီးမယ်ပြောတဲ့ ဘာရီရဲ့ စကားကို ဘယ်သူမှ မယုံကြည်ခဲ့ကြပါဘူး။ ဒီတော့ ဒေါက်တာ ဘာရီက သူ့ယုံကြည်ချက်အတိုင်း အိမ်အရောင်းအဝယ်ဈေးကွက်ကို ပြိုင်ပြီး အိမ်အရောင်းအဝယ်ဈေးကွက်ပျက်မယ့်ဘက်က လောင်းလိုက်ပါတယ်။ မိုက်ကယ်ဘာရီစာတမ်းကို သိတဲ့ ဂျရတ် ဗန်းနတ်(Ryan Glosing)ကနေ ဆက်စပ်မိရာက မတ်ဘန်း(Steve Carell)နဲ့ ဘန် ရစ်ချက်(Brad Pitt)နဲ့ တက်သစ်စ စတော့ကစားသမားလေးနှစ်ယောက်လည်း ဒီအလောင်းအစားမှာ ပါလာပါတယ်။ 2008မှာတော့ Michael Burryမှန်သွားပြီး ဘဏ္ဍာရေးပျက်ကပ် financial crisisဖြစ်ခဲ့တယ်။ မတ်ဘန်းပြောတဲ့စကားနဲ့ပြောရမယ်ဆိုရင် ဒီအဖြစ်အပျက်မှာ သူတို့မှန်သွားတာဟာ ပျော်စရာမကောင်းလှပါဘူး။။ဘာလို့ဆို လူရှစ်သန်းလောက်က အလုပ်လက်မဲ့ဖြစ်ခဲ့ကြပြီး ၆သန်းလောက်က အိမ်ခြေရာမဲ့ဖြစ်ခဲ့ကြပါတယ်။ ဒေါ်လာ ငါးထရီလီယမ်( သန်းတစ်သန်း) ဆုံးရှုံးသွားပါတယ်။ ငါးရဲ့နောက်မှာ သုညဆယ့်နှစ်လုံး ရှိပါတယ်။ စတော့လောက ဘွန်းလောကဟာ အလျော်အစားကြီးပါတယ်။ ဒါပေမယ့် တကယ်တမ်း နစ်နာမှုကြီးသူတွေကတော့ ဘဏ်တွေရဲ့ ဘွန်းတွေနဲ့ တိုက်ရိုက်သွယ်ဝိုက်ချိတ်ဆက်မိနေကြ သူတွေပါပဲ။ လူတိုင်းနီးပါး ငွေလိုချင်ကြပါတယ်။ ရှိထိုက်တဲ့လောဘနဲ့ မရှိရင်တော့ ခင်ဗျားတို့အတွက် လမ်းဆုံးကြီးက ငုတ်တုတ်စောင့်နေပါတယ်။ ဒီရုပ်ရှင်မှာ ခင်ဗျားတို့ နားမလည်လောက်မယ့် Wall Streetအသုံးတွေပါပါတယ်။စိတ်မပူပါနဲ့ ဒါရိုက်တာက Margot Robbieတို့ Selena Gomezတို့လို စကီချောချောလေးတွေကို အပြင်လောကက ပညာရှင်တွေနဲ့အတူတွဲ Fourth Wallချိုး ရှင်းပြပေးထားပါတယ်။ စာကြွင်းပြောရရင် လောလောလတ်လတ်မှာလည်း ကိုရိုနာကြောင့် စတော့တွေထုတ်ရောင်းနေပြီး ဒေါ်လာနဲ့ရွှေ အဝယ်များနေတဲ့အတွက် ထပ်ဖြစ်နိုင်ချေရှိတယ် ဆိုပါတယ်။ ( အညွှန်းနဲ့ဘာသာပြန်သူကတော့WiRa Aung ဖြစ်ပါတယ် ) File size__( 1.16 GB ) Quality__Blu-720p IMDb Rating__7.8/10 Format__mp4 Duration__02:10:06 Type__Biography, Comedy, Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

The Judge (2014) IMDb Rating (7.4) ရင်ဘတ်ကြီးကိုဖွင့် နှလုံးသားကို စွင့်ပြီး ခံစားချင်သူတွေအတွက် ဒီဇာတ်ကားဟာ အကောင်းဆုံးကားတစ်ကားဖြစ်ပါတယ်. ပြကွက်တစ်ကွက်ချင်းစီမှာ အရေးကြီးတဲ့ စနစ်တကျခြယ်သမှုတွေနဲ့ တင်ဆက်ထားပါတယ်.. ဇာတ်လမ်းကြာချိန်ကလည်း နှစ်နာရီ ခွဲလောက်ဖြစ်တဲ့အတွက် အချိန်ကြာမြင့်စွာအရသာခံကြည့်ရှုရမယ့်ကားတစ်ကားဖြစ်ပြီး ကြည့်ပြီးချိန်မှာ ရင်ဘတ်ထဲ ခံစားချက်တွေကျန်ခဲ့စေမယ့်အပြင် နောက်တစ်ခါထပ်ကြည့်ချင်လောက်အောင် ကောင်းလှပါတယ်.. kids တွေက ပါဝါရိန်းဂျား..men တွေက DC တွေ Marvel တွေကြိုက်တယ်ဆိုရင် ဒီကားက Legend တွေကြည့်တဲ့ကားလို့ သတ်မှတ်ပေးပါရစေ… Iron Man မင်းသား Robert Downey Jr က ဒီကားထဲမှာ ထက်မြက်တဲ့ရှေ့နေတစ်ယောက်ပါ.. သူ့ရဲ့ထူးခြားတဲ့အကျင့်က အပြစ်ရှိသူတွေဖက်ကပဲ ရှေ့နေလိုက်ပေးတာပါ.. သူ့မှာ ဇနီးနဲ့ သမီးတစ်ယောက်ရှိတယ်.. တစ်နေ့ တရားရုံးမှာ အမှုတစ်ခုရှေ့နေလိုက်နေရင်း သူ့အစ်ကိုအကြီးဆုံးဆီက သူ့အမေဆုံးပြီဆိုတဲ့ ဖုန်းဝင်လာပါတယ်.. ဒါနဲ့သူ့အမေ အသုဘကိစ္စအတွက် သူ့ရဲ့နယ်မြို့လေးကို ပြန်ခဲ့သည်ပေ့ါ.. ညီအစ်ကိုသုံးယောက်ရှိတဲ့အထဲမှာမှ အလတ်ကောင်ဖြစ်သူက တရားသူကြီးတစ်ဦးဖြစ်သူ ဖခင်နဲ့မတည့်လို့ အိမ်ကိုမပြန်ခဲ့တာနှစ်ပေါင်းအတော်ကြာပါပြီ. ပြန်ရောက်တဲ့အချိန်ကနေစလို့ အသုဘကိစ္စပြီးလို့ ပြန်မယ့်အချိန်ထိ အဖေနဲ့သား တကျက်ကျက်ပါပဲ.. ဒီလိုနဲ့အဖေနဲ့ရန်ဖြစ်ပြီး အိမ်ပြန်ဖို့ လေယာဉ်ပေါ်အတက်.. အစ်ကိုအကြီးဆုံးဆီကဖုန်းဝင်လာပြန်တာက.. သူတို့အဖေတရားသူကြီး လူသတ်မှုနဲ့ ရဲစခန်းရောက်နေလို့ပါတဲ့… ဒီဇာတ်လမ်းဟာ မှုခင်း ဒရာမာကားလို့ ဆိုထားပေမယ့် ဒီထက် အများကြီးအများကြီး အတွေးတွေ ပေးနိုင်မယ့်ကားတစ်ကားဖြစ်ပါတယ်.. ရိုးရှင်းတဲ့ ရိုက်ချက်တွေနဲ့ သားအဖတွေကြားဆက်ဆံရေးတွေ .. လူ့အသိုင်းအဝိုင်းနဲ့ တရားဥပဒေအပေါ် လေးစားမှု မလေးစားမှု..တရားဥပဒေရဲ့အရေးပါမှုတွေ.. ကံတရားတစ်ပတ်လည်ပုံတွေကို အချိတ်အဆက်ကောင်းကောင်းနဲ့ ရိုက်ပြထားပါတယ် ၂၀၁၄ မှာ ထွက်ခဲ့တဲ့ကားတစ်ကားဖြစ်ပြီး IMDb – 7.4  Google users – 94%  Rotten tomatoes – 48% တို့ဖြစ်ကြပါတယ်. နောက်ဆုံးဇာတ်လမ်းပြီးစာတန်းထိုးတဲ့အခါ… The Scientist ဆိုတဲ့ သီချင်းလေးကိုလည်း နားထောင်ဖြစ်အောင်နားထောင်ဖို့ တိုက်တွန်းလိုက်ပါတယ်..။ (ရုပ်ရှင်အညွှန်းနဲ့ ဘာသာပြန်ကို Zuel Khant Thwin မှ တင်ဆက်ထားပါတယ်။) File size…(2.7 GB )/(1.3 GB)  Quality….BluRay 1080p HEVC / 720p Format…mkv/mp4 Duration….02:22:00 Subtitle….Myanmar Subtitle (Hardsub) Encoder….Ka Naung Trasnlated by Zuel Khant Thwin

၂၀ ရာစုရဲ့တစ်ဝက်ရောက်တဲ့အထိ လူမည်းတွေဖြစ်တဲ့ အာဖရိကန်အမေရိကန်တွေဟာ အဆင့်အတန်း​ခွဲခြား​မှုနဲ့ ဖိနှိပ်​ချုပ်ချယ်မှုအမျိုးမျိုးကို ရင်ဆိုင်​ခဲ့ရပါတယ်။ အထူးသဖြင့်​တောင်​ပိုင်းပြည်နယ်တွေမှာ လူမည်း သီးသန့်​ရပ်ကွက်​တွေ လူမည်းမဝင်ရတဲ့ စားသောက်​ဆိုင် ဘားနဲ့ကလပ်တွေကနေစပြီး ရေကူး​ကန် စာသင်​ကျောင်း​နဲ့ ဘတ်စ်ကားတွေအထိ လူဖြူ​တွေနဲ့အတူသုံးစွဲခွင့်မရှိပါဘူး၊ တစ်နေ့မှာတော့ အလုပ်​ကပင်ပန်းနွမ်းနယ်လာတဲ့ Rosa Parks ဆိုတဲ့လူမည်းအမျိုးသမီးဟာ ဘတ်စ်ကား​ပေါ်က​လူမည်းသီးသန့်ခုံတန်းမှာထိုင်ရင်း အိမ်​ပြန်လာခဲ့ပါတယ်။ အဲဒီအချိန်မှာ​ လူဖြူ​သီးသန့်​ခုံများပြည့်နေတဲ့အတွက် ဘတ်စ်ကား​ရဲ့အနောက်ဘက်က Rosa Park ထိုင်နေတဲ့ခုံတန်းကို လူဖြူတစ်ယောက်ထိုင်ဖို့ ကား​ဒရိုင်ဘာက ဖယ်ခိုင်းခဲ့ပါတယ်။ Rosa​ Park​ က ဖယ်ပေးဖို့ငြင်းဆန်ခဲ့လို့ ရဲက​ဖမ်းဆီး​ခဲ့ရာမှ Montogomery​ ဘတ်စ်ကား​သပိတ်​ကြီးပေါ်ပေါက်လာပြီး သမိုင်း​ဝင် အရပ်​ဘက်အခွင့်အရေး​လှုပ်ရှား​မှုကြီး (Civil Rights​ Movement) ပေါ်ပေါက်​လာပါတော့တယ်။ ဒီလှုပ်ရှားမှု​ကြီးရဲ့ အဓိက​ခေါင်း​ဆောင်​ကတော့ ဒေါက်တာ​မာတင်လူသာကင်းဂျူနီယာပဲဖြစ်ပါတယ်။ Selma ရုပ်ရှင်​က Civil Rights Movement ရဲ့နောက်ဆုံးနှစ်ကာလတွေကို အခြေတည်ထားတာဖြစ်ပြီး ဆယ်လ်မာမြို့နေ လူမည်းဒေသခံတွေ မဲပေးခွင့်ရဖို့တောင်းဆိုတဲ့ သမိုင်း​ဝင်ဖြစ်ရပ်ကိုတင်ဆက်ထားတာဖြစ်ပါတယ်။ ဇာတ်လမ်း​အစကို ဒေါက်တာ​မာတင်​လူသာကင်း ငြိမ်း​ချမ်း​ရေး​နိုဘယ်ဆုကိုလက်ခံရယူနေတဲ့အခန်းနဲ့စဖွင့်ထားပါတယ်။ မကြာ​ခင်မှာပဲ ဒေါက်တာ​ကင်းက လူမည်း​ခွဲခြားရေးစနစ်အရှိန်မကုန်သေးတဲ့ အလာဘားမားပြည်နယ် ဆယ်လ်မာမြို့ကို သူ့အဖွဲ့ SCLC နဲ့အတူရောက်ရှိလာပြီး လူမည်းမဲပေးခွင့်အတွက် လှုံ့ဆော်​ရင်း လူမည်း​မုန်း​တီးသူ ဆယ်လ်​မာ​မြို့​အာဏာပိုင်​တွေ လူဖြူ​ဒေသခံတွေနဲ့ ထိပ်​တိုက်​ရင်ဆိုင်​ရပါတော့တယ်။ အာဏာ​ပိုင်​တွေက နည်း​အမျိုး​မျိုး​နဲ့ အင်​အားသုံးပြီးဖြိုခွဲဖို့ကြိုးစားတာကို ကင်းနဲ့ဒေသခံလူမည်းတွေက အကြမ်းမဖက်​ဘဲကြံ့ကြံခံရင်း မဲပေးခွင့်​ရရှိဖို့ကြိုးစားပုံကို စိတ်ဝင်စား​ဖွယ်ကြည့်ရှုရမှာပါ။ ဇာတ်လမ်း​အမျိုးအစားက​ Drama/Documentary အမျိုးအစားဖြစ်ပြီး ၂၀၁၄ ခုနှစ်​ကထွက်ရှိခဲ့တာဖြစ်ပါတယ်။ အကောင်း​ဆုံး​ရုပ်ရှင်​အော်စကာဆုအတွက် ဆန်ကာတင်ဝင်ခဲ့ပြီး Best Original Song နဲ့ အော်စကာရခဲ့ပါတယ်။ ၂၀၁၄ ခုနှစ်​ရဲ့အကောင်းဆုံးရုပ်ရှင်တွေထဲကတစ်ခုဖြစ်ပြီး Documentary​ ထက်​ Drama​ ကိုအလေးကဲထားပြီး ဒေါက်တာ​မာတင်လူသာကင်းရဲ့ အထ္တုပ္ပတိအပိုင်းအစတစ်ခုအဖြစ်ကို ပိုဇောင်းပေးထားပါတယ်။ ဒေါက်​တာကင်းနဲ့ သူ့ဇနီးတို့အကြား ဆက်​ဆံရေး၊ သူ့ရဲ့​လုပ်​ဖော်​ကိုင်​ဖက်တွေအကြား ပဋိပက္ခ​တွေ ဆက်ဆံ​ရေးအနိမ့်အမြင့်အတက်အကျတွေကိုလည်း​ထည့်သွင်း​ပုံဖော်ထားပါတယ်။ဒီရုပ်ရှင်​မှာ ဒေါက်​တာ​ကင်းနဲ့ ခေတ်​ပြိုင်​ပုဂ္ဂိုလ်​တွေဖြစ်တဲ့ နာမည်​ကျော် အမေရိကန်နီဂရိုးခေါင်းဆောင် Malcom ​X နဲ့ အမေရိကန်​သမ္မတ​ Lyndon Johnson အက်ဖ်​ဘီအိုင်တည်ထောင်သူ J Edgar Hoover အလာဘားမားပြည်နယ်​အုပ်ချုပ်​ရေးမှူး Jim Wallace စတဲ့​သမိုင်း​ဝင်ပုဂ္ဂိုလ်များကိုလည်းတွေ့ရမှာပါ။ နိုင်ငံ​ရေး Drama​ ကားမျိုးနဲ့ အထ္တုပ္ပတိ​ရုပ်ရှင်​မျိုးနှစ်သက်သူတွေ အကြိုက်တွေ့မဲ့ဇာတ်ကားဖြစ်ပြီး သမိုင်း​ကိုစိတ်ဝင်စားသူတိုင်း ကြည့်ရှုသင့်တဲ့ဇာတ်ကားပါ။ ဖြစ်​ရပ်​မှန်​ကိုအခြေခံထားပေမဲ့ စကား​ချည်း​ထိုင်ပြောနေတာမဟုတ်လို့ ပျင်း​ရိစရာမကောင်းဘဲ သာမန်​ရုပ်ရှင်​ပရိသတ်​တွေ​လည်း ကြည့်ရှုလို့အဆင်ပြေမဲ့ဇာတ်ကားကောင်းတစ်ကားဖြစ်ပါတယ်။ File size…(1.7 GB)/(1 GB) Quality….Webrip 1080p / 720p Format…mp4 Duration….02:04:00 Genre...Drama, Biography, History Subtitle….Myanmar Subtitle (Hardsub) Encoder….Garfield Translated by Wolfenheim

IMDb Rating 7.2/10 Rotten Tomatoes 81% Pitch Perfect ကားဟာ ၂၀၁၂ ခုနှစ်က ထွက်ရှိခဲ့တဲ့ အမေရိကန် Mucical Comedy ဇာတ်ကားပဲဖြစ်ပါတယ်။ ဇာတ်လမ်းအကျဉ်းကတော့ Barden တက္ကသိုလ်မှ Cappella သီဆိုကြတဲ့ မိန်းကလေးများသာပါဝင်တဲ့ Bella အဖွဲ့ဟာ ၂၀၁၁ခုနှစ် နိုင်ငံအဆင့် Cappella ပြိုင်ပွဲမှာ ယှဉ်ပြိုင်နေစဉ် အဖွဲ့ဝင်တစ်ဦးဖြစ်တဲ့ Aubrey က စင်ပေါ်မှာ အန်ချမိခဲ့တဲ့အတွက် ပွဲပျက်ပြီး ရှုံးနိမ့်ခဲ့ရပါတယ်။ ထို့နောက် အဖွဲ့တော်တော်များများက ကျောင်းပြီးသွား၍ အဖွဲ့မှာ မပါဝင်နိုင်တော့သဖြင့် အဖွဲ့ဝင်သစ်တွေကို ပြန်လည်ရွေးချယ်ရပါတော့တယ်။ ရှေ့က Bella တွေရဲ့ပုံစံကတော့ သေးသေးသွယ်သွယ်၊ အရပ်မြင့်မြင့်နဲ့ ပရိသတ်တွေကို ဆွဲဆောင်နိုင်တဲ့ ပုံစံမျိုးတွေပဲဖြစ်ပါတယ်။ သို့သော် မနှစ်က ဖြစ်ခဲ့တဲ့ အမှားကြောင့် Bella အဖွဲ့ နာမည်ကျဆင်းခဲ့ရသောကြောင့် လူအများက ဝင်ရောက်အရွေးချယ်ခံဖို့စိတ်ဝင်စားမှုနည်းပါးခဲ့ရသောကြောင့် ရှေးက ပုံစံအတိုင်းအဖွဲ့ဝင်တွေကို မရွေးချယ်နိုင်တော့သောကြောင့် အသံကောင်းပြီး သီချင်းဆိုတတ်တဲ့ မိန်းကလေးများကိုသာ ရွေးချယ်ခဲ့ရပါတော့တယ်။ အဖွဲ့ဝင်သစ်တွေဖြစ်ကြသောကြောင့် တစ်ယောက်နဲ့တစ်ယောက်ရင်းနှီးမှုနည်းကာ နားလည်မပေးနိုင်ကြသောကြောင့် သီချင်းဆိုရာတွင် အခက်အခဲဖြစ်သည့်အပြင် ခေါင်းဆောင်သစ်ဖြစ်သည့် Aubrey ၏ ရှေးရိုးစွဲလုပ်ဆောင်မှုတွေကြောင့် ပရိသတ်ကို ဆွဲဆောင်နိုင်မှုနည်းပါးခဲ့ရပါတယ်။ နောက်ပိုင်းတွင် အဖွဲ့ဝင်သစ်ဖြစ်သည့် Beca ၏ အကြံပေးမှုများဖြင့် သီချင်းရွေးချယ်ပြီး သီဆိုမှုပုံစံကို ပြောင်းလဲခဲ့ကာမှ နိုင်ငံတကာ Cappella ပွဲကို အနိုင်ရရှိခဲ့ပါတော့တယ်။ ဤဇာတ်ကားတွင် Beca အဖြစ်သရုပ်ဆောင်သည့် မင်းသမီး Anna Kendrick မှ ခွက်ကို အသုံးပြုပြီး ကိုယ်တိုင်သီဆိုခဲ့သည့် When I Gone သီချင်းသည် Billboard Hot 100 တွင် ပါဝင်ခဲ့သည်အထိ နာမည်ကျော်ကြားခဲ့ပါတယ်။ ထူးခြားချက်အနေဖြင့် Aubrey အဖြစ်သရုပ်ဆောင်သည့် Anna Camp နှင့် Jesse အဖြစ်သရုပ်ဆောင်သည့် Skylar Astin နှင့် ၂၀၁၃ ခုနှစ်တွင် စတင် Date လုပ်ကာ ၂၀၁၆ ခုနှစ်တွင် လက်ထပ်ခဲ့ပါတယ်။ Jesse J ၏ Price Tag သီချင်းကိုလည်း Final ပွဲတွင် သီဆိုခဲ့ပြီး တခြားနာမည်ကြီးသီချင်းများစွာကိုလည်း Version အသစ်နဲ့သီဆိုသွားတာကို နားဆင်ခံစားနိုင်ပါတယ်။ လူငယ်များရဲ့ လွတ်လပ်သောဘဝ၊ ဖခင်မေတ္တာ၊ သူငယ်ချင်းသံယောဇဉ်နဲ့အတူ မဆုတ်မနစ်ကြိုးစားမှုတွေကိုလည်း ဤဇာတ်ကားတွင် ကြည့်ရူခံစားရမှာပါ။ IMDb Rating 7.2/10 ရရှိကာ Rotten Tomatoes အနေနဲ့ ၈၁ % ရရှိထားပြီး ဆုပေါင်းများစွာလည်း ရရှိခဲ့တဲ့ ဇာတ်ကားကောင်းတစ်ကားကိုကြည့်ရူနိုင်ဖို့ တင်ဆက်ပေးလိုက်ရပါတယ်။ File size…(2.2 GB)/(1.1 GB) Quality….Webrip 1080p / 720p Format…mp4 Duration….01:48:00 Genre... Comedy , Romance  Subtitle….Myanmar Subtitle (Hardsub) Encoder….Swan Min Htet Translated by Thin Thiri Aung

Zero Dark Thirty (2012) IMDb Rating (7.4) / Rotten Tomatoes (91 %) “အိုစမာ ဘင်လာဒင် ” ဆိုတဲ့ကမ္ဘာကျော် နာမည်ကိုအားလုံးကြားဖူးကြမှာပါ။ ၂၀၀၁ ခုနှစ် စက်တင်ဘာလ ၁၁ ရက်နေ့မှာ အမေရိကန်နိုင်ငံရဲ့ ကမ္ဘာ့ကုန်သွယ်ရေးစင်တာ တာဝါ ၂ ခုကို အယ်လ်ကိုင်းဒါးအကြမ်းဖက်အဖွဲ့က ပြန်ပေးဆွဲထားတဲ့ လေယာဉ်နဲ့ ဝင်တိုက်ခဲ့တာကြောင့် လူ ၃၀၀၀ ကျော် သေဆုံးခဲ့တဲ့ (၉/၁၁) ဖြစ်စဉ်ကို အဓိကကြိုးကိုင်ခဲ့သူတစ်ဦးဖြစ်ပါတယ်။ ဒီဖြစ်ရပ်အပြီးမှာ အိုစမာ ဘင်လာဒင်ဟာ ကမ္ဘာ့အလိုရှိဆုံး အကြမ်းဖက်ခေါင်းဆောင်ဖြစ်လာခဲ့ပါတယ်။ ဒါပေမဲ့လည်း ၉/၁၁ ဖြစ်စဉ်အပြီး ဆယ်စုနှစ်တစ်ခုနီးပါးကြာတဲ့အထိ ဘင်လာဒင်ရဲ့အရိပ်အယောင်ကို အမေရိကန်တွေ ရှာမတွေ့ခဲ့ကြပါဘူး။ ကမ္ဘာ့အကောင်းဆုံးနည်းပညာတွေ ပိုင်ဆိုင်ထားတဲ့ အမေရိကန်ရဲ့လက်ကနေ နှစ်အများကြီးလွတ်အောင် ဘင်လာဒင် ဘယ်လိုပုန်းကွယ်ခဲ့လဲ။ အဲဒီလိုပုန်းကွယ်နေရင်း အယ်လ်ကိုင်းဒါးအဖွဲ့နဲ့ ဘယ်လိုချိတ်ဆက်ပြီး အမေရိကန်ကိုဆက်လက်အထိနာစေတဲ့အကြမ်းဖက်လုပ်ရပ်တွေလုပ်ခဲ့လဲ။ အပုန်းကောင်းသူကြီး အိုစမာ ဘင်လာဒင်ရဲ့ နေရာကို အမေရိကန်တို့ ဆယ်နှစ်ကြာအောင် ဘယ်လို စတေးမှုတွေနဲ့ ဘယ်လိုခက်ခက်ခဲခဲရှာဖွေခဲ့ရပြီး သုတ်သင်ခဲ့ရလဲ ဆိုတာတွေကို ဒီရုပ်ရှင်မှာ အသေးစိတ်ကြည့်ရှုကြရမှာပါ။ ‌Zero Dark Thirty ဆိုတဲ့အဓိပ္ပါယ်ကတော့ သန်းခေါင်ယံကျော်လွန်ပြီး မိနစ် သုံးဆယ်အကြာကို ဆိုလိုတာဖြစ်ပြီး အဲဒီအချိန်အတွင်းမှာ ဘင်လာဒင်ကို အမေရိကန်တို့ သုတ်သင်နိုင်ခဲ့တာလဲဖြစ်ပါတယ်။ ဒီရုပ်ရှင်ကားကြီးက Rating တွေမြင့်ပြီး ကြည့်ရှုသူတိုင်းကြိုက်ကြတဲ့ ဖြစ်ရပ်မှန်အခြေပြုရုပ်ရှင်ကားဖြစ်ပြီး အော်စကာဆုတဆု ရရှိခဲ့သလို အခြားသော ဆုပေးပွဲတွေမှာလဲ ဆုပေါင်း ၈၆ ဆုထိရရှိခဲ့ပါတယ်။ File size…(9.4 GB)/ (3.3 GB )/(1.9 GB) Quality…BluRay  4K HEVC/ 1080p HEVC / 720p Format…mkv/mp4 Duration….02:37:00 Subtitle….Myanmar Subtitle (Hardsub) Encoder….Ka Naung Translated by TMMT

Lincoln (2012) IMDb Rating = 7.3/10 Directed By Steven Spielberg အေဘရာဟမ်လင်ကွန်းဆိုတဲ့ နာမည်ကြားရင် ၁၆ဆက်မြောက် အမေရိကန်သမ္မတဆိုတဲ့ဂုဏ်ပုဒ်ထက် ငွေဝယ်ကျွန်စနစ်ကို တိုက်ဖျက်ခဲ့သူဆိုတဲ့ ဂုဏ်ပုဒ်နဲ့ ပိုသိကြတယ်။ ဂျော့ဝါရှင်တန် သောမတ်ဂျက်ဖာဆန်၊ အေဘရာဟမ်လင်ကွန်း၊ သီအိုဒိုးရုစဘဲ့စတဲ့ Mount Rushmoreမှာ ထွင်းထုထားတဲ့ အကြီးကျယ်ဆုံးအမေရိကန်သမ္မတ လေးယောက်ထဲကတစ်ယောက်။ သူကသစ်လုံးအိမ်ကလေးကနေ သမ္မတဖြစ်လာသူ၊ အသွားအပြန်ရထားပေါ်စာဖတ်ရင်းလေ့လာခဲ့တဲ့သူ စသဖြင့် အချက်တွေနဲ့လည်း နာမည်ကျော်တယ်။ တစ်ချိန်တည်းမှာပဲ အမေရိကန်သမိုင်းရဲ့ လုပ်ကြံသတ်ဖြတ် ခံရတဲ့လေးဦးတည်းသော သမ္မတတွေထဲက တစ်ယောက်ဖြစ်တယ်။ ဒီရုပ်ရှင်ဟာ သူ့နာမည်ကြီးတပ်ထားပေမဲ့ သူ့အတ္ထုပ္ပတ္တိကို ရိုက်ပြထားတာတော့ မဟုတ်ဘူး။ ငွေဝယ်ကျွန်စနစ်ကို ဖျက်သိမ်းဖို့ ဘယ်လိုဘယ်ပုံ အားလုံးကြိုးပမ်းခဲ့ရလဲဆိုတဲ့ အကြောင်းအရာဘက် ပိုသွားတယ်။ အဲ့ဒီကာလအကြောင်းသိထားမှပဲ ဒီရုပ်ရှင်ကြည့်ရတာ ပိုအဆင်ပြေ‌လောက်မယ်။ လုပ်ကြံမခံရခင်အထိ ၁၈၆၁- ၁၈၆၅ လင်ကွန်းရဲ့ သမ္မသက်တမ်းတစ်လျှောက်ဟာ ပြည်တွင်းစစ် ဖြစ်ရာကာလနဲ့ အတူတူပဲ။ ပြည်တွင်းစစ်ဟာ တောင်ပိုင်းပြည်နယ် ၁၁ခုက ခွဲထွက်ဖို့ကြိုးစားရာက စခဲ့တယ်။ အဲ့ဒီတောင်ပိုင်းပြည်နယ်တွေကို ကွန်ဖက်ဒရိတ်စီလို့ ခေါ်ပြီး ဂျက်ဖာဆန်ဒေးဗစ်က ဦးဆောင်ခဲ့တယ်။ အဲ့ဒီတောင်ပိုင်းနဲ့ ပြည်တွင်းစစ်ကို လင်ကွန်းဖြေရှင်းခဲ့တဲ့ပုံကို ကျွန်တော်တို့ ဒီရုပ်ရှင်မှာ တွေ့ရလိမ့်မယ်။ ‌ဒါရိုက်တာ စတီဗင်စပီးဘတ်ချ်က အမေရိကန်ရဲ့ လက်ရှိခေတ်အထိအကြီးကျယ်ဆုံး ပြိုင်ဘက်ပါတီနှစ်ခုဖြစ်တဲ့ ရီပတ်ဘလစ်ကန်နဲ့ ဒီမိုကရက်တွေရဲ့ ငွေဝယ်ကျွန်စနစ်ဖျက်သိမ်းရေးနဲ့ ပက်သက်ပြီး အခြေအတင်တွေကိုပါ မြင်သာအောင်ပြသွားတယ်။ နောက်ရီပတ်ဘလစ်ကန်မှာမှ ကွန်ဆာဗေးတစ် ရီပတ်ဘလစ်ကန်နဲ့ ရဒီကယ်ရီပတ်ဘလစ်ကန်တို့ရဲ့ သဘောထားကွဲလွဲမှုတွေကို ရောပေါ့။ ငွေဝယ်ကျွန်စနစ်ကိစ္စနဲ့ပက်သက်ပြီး တောင်ပိုင်းရဲ့အမြင်တစ်ချို့ကို ကျွန်တော်တို့လေရူးသုန်သုန်မှာမြင်နိုင်တယ်။ ကျွန်တွေရဲ့ဘဝကိုတော့ အန်ကယ်တွမ်ရဲ့တဲကလေးတို့ ၊ 12 YEARS A SLAVE တို့မှာ မြင်နိုင်တယ်။ အခုကတော့ ကျွန်စနစ်ဖျက်သိမ်းဖို့ ဘယ်လို ကြိုးပမ်းခဲ့တယ်ဆိုတဲ့ အကြောင်းပေါ့။ ဒီလောက်ထိသိရင်ကိုပဲ ကြည့်လို့ အဆင်ပြေပါပြီ။ ကျန်တာကိုတော့ စပီးဘတ်ချ်က သူ့နည်းသူ့ဟန်နဲ့ အဖွဲ့ပေါင်းစုံရဲ့ အမြင်ပေါင်းစုံကို မြင်သာအောင် ပြောပြထားတယ်။ ပုဂ္ဂလိကအမြင်ရတော့ သူတို့ပြဿနာတွေဟာ ကျွန်တော်တို့လက်ရှိ ပြဿနာတွေနဲ့ ကျောရိုးသဘောလောက်ဆင်နေတယ်။ အကြီးဆုံး ပြဿနာကြီး၂ခုကို သူ့သက်တမ်းမှာတင် ပြေလည်အောင် ဖြေရှင်းနိုင်ခဲ့တဲ့ လင်ကွန်းရဲ့နိုင်ငံရေး စွမ်းဆောင်ရည်ကိုလည်း စပီးဘတ်ချ်က သေချာ ပြထားတယ်။နောက်လင်ကွန်းရဲ့ အတ္တကိုရောပေါ့။ ချီးကျုးထားပေမဲ့ သူတော်ကောင်းလုံးလုံးကြီး အဖြစ်တော့ ပုံဖော်မထားဘူး။ လင်ကွန်းကို အတော်များများက အချိန်ဆွဲတဲ့လူလို့ပြောကြတယ် သိတဲ့ တတ်တဲ့လူတွေပြောကြတာတော့ နိုင်ငံရေးမှာ စိတ်ရှည်တဲ့လူက အနိုင်ပဲတဲ့ ဒီရုပ်ရှင်ကြည့်ပြီးနောက် ကျွန်တော်လင်ကွန်းကို တကယ်တော်တဲ့ နိုင်ငံရေးသမားကောင်းတစ်ယောက်ဆိုတာကို သိသွားခဲ့တယ်။ စတီဗင်စပီးဘတ်ချ်ဟာ အချက်အလက်တွေကို စုံစေ့အောင် သုံးပြီး ရိုက်ပြသွားနိုင်ခဲ့တယ်။ ဒန်နီရယ်ဒေးလူးဝစ်ဟာ ဒီရုပ်ရှင်နဲ့ BEST ACTOR IN A LEADING ROLE အော်စကာဆုကို ရသွားခဲ့တယ်။ဆန်ခါတင်တွေလည်း အတော်ဝင်ခဲ့တယ်။ Terminal , Catch Me If You Can, AI, Schindler's List, Saving Private Ryan နဲ့Indiana Jonesကားတွေကို ရိုက်ထားတဲ့ ဒါရိုက်တာ စတီဗင်စပီးဘတ်ချ်ကိုတော့ အားလုံး ရင်းနှီးပြီးသား ဖြစ်မှာပါပဲ။ တစ်ခုရှိတာက ဒါရိုက်တာရဲ့ တင်ပြပုံဟာ တော်တော်တော့ ဖျော်ဖြေရေးမဆန်ဘူး။ နိုင်ငံရေးဘက် စိတ်ဝင်စား သူတွေတော့ ကြည့်သင့်တဲ့ကားပါပဲ။ ၂နာရီခွဲအတွင်းမှာ ၁၉ရာစုရဲ့ အကြီးကျယ်ဆုံးဖြစ်ရပ်ကြီးနဲ့ အမေရိကန်ရဲ့ ပြည်တွင်းစစ်အခြေအနေ၊ နိုင်ငံရေးအခြေအနေအပါအဝင် တခြားအကြောင်းအရာတွေကိုပါ အနုလုံပဋိလုံ‌ကြေကြေနဲ့ ရိုက်ပြသွားနိုင်တာကတော့ လက်ဖျားခါလောက်စရာပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) Quality__1080p , 720p IMDb Rating__7.3/10 Format__mp4 Duration__02:30:00 Type__Biography , Drama , History , War Subtitle__Myanmar Subtitle (Hardsub) Translated by WiRa Aung Encoded by Naing Aung Latt

မင်းသား Mark Wahlberg ပါဝင်သရုပ်ဆောင်ခဲ့တဲ့ ဒီကားတော်တော်ဝင်ငွေကောင်းသလို အဲ့ဒီနောက်ပိုင်း ထွက်ရှိခဲ့တဲ့ A Quiet Place , Bird Box တို့လို့ ဇာတ်ကားတွေကိုတော့ အတော်များများသိကြမှာပါ... တစ်မျိုးစီကောင်းကြတယ်ဆိုပေမဲ့ The Happening(2008) ရဲ့ လူသေခန်းတွေနဲ့ဖြစ်ရပ်တွေဟာ အတော်ကြောက်စရာကောင်းပါတယ်...ကြည့်နေရင်း ကြက်သီးမွေးညင်းတွေထောင်ထလောက်အောင်ပါပဲ... ဆိုတော့ဒီကားဘယ်လိုအမျိုးအစားလဲ ခန့်မှန်းမိလောက်မှာပါ....A Quiet Palace ကတော့ ကြားလို့မရ Bird Box ကတော့ ကြည့်လို့မရ အမျိုးအစားပေါ့... ဒီကားကိုတော့ စပွိုင်လာဖြစ်နေမှာစိုးလို့ တခြားအရာတွေမညွှန်းတော့ပါဘူး.. Mark Wahlberg လည်းပါတယ်..Suspense, thrill အဆန်ဆုံးစာရင်းဝင်လို့ ဒီလိုကားမျိုးနှစ်သက်တဲ့သူတွေအတွက်တော့  KBZ Atm မှာ ၂သိန်းထုတ်တုန်း ၁၀သိန်းလောက်တစ်ခါထဲထွက်တဲ့ ခံစားချက်မျိုးကို ရရှိစေမှာမို့ လက်မလွှတ်သင့်ပါကြောင်း... File Size :(1.7GB) (910 MB) and (380 MB) Quality : Blu-Ray 1080p, 720p and 480p Format…mp4 Duration…01:48:00 Genre : Mystery  , Drama,Sci-Fi Subtitle : Myanmar Subtitle (Hard Sub) Translated by Khin Thapyay Aung Encoded by Phyo Pyae