Johnny Depp ပါဝင်သော ဇာတ်ကားများ

ပေါ့ပေါ့ပါးပါး သားသားမီးမီးတို့ကြည့်ဖို့ကာတွန်းကားလေး တစ်ကားကိုတင်ဆက်ပေးလိုက်ပါတယ်။ကာတွန်းကားလေးရဲ့ နာမည်ကတော့ Johnny Puff : Secret Mission ဖြစ်ပြီး 2020 တုန်းက ထွက်ရှိခဲ့တဲ့ Puffins ဆိုတဲ့ တီဗီ Series လေးရဲ့ အဆက်ဖြစ်ပါတယ်။ဇာတ်ကားနာမည်က Johnny Puff ဖြစ်သလို အသံသရုပ်ဆောင်ကလည်း ဂျက်စပဲရိုးသရုပ်ဆောင် Johnny Depp ပဲ ဖြစ်ပါတယ်။ ဒီကာတွန်းကားလေးရဲ့အဓိကဇာတ်ဆောင်တွေကတော့ ပင်လယ်ပျော် ငှက်ကလေး ၄ ကောင်နဲ့ သူတို့ရဲ့ရန်သူတော်အင်ဂျင်နီယာ ဖျံကြီးတို့ပဲ ဖြစ်ပါတယ်။အဲ့ဒီပင်လယ်ပျော်ငှက်ကလေး ၄ ကောင်ကစွန့်စားခန်းတွေ ထွက်ရတာကြိုက်ပြီး တစ်နေ့မှာတော့ ဥက္ကာခဲကြီးတစ်ခုနဲ့တွေ့ကာ တစ်ကောင်ကိုအစွမ်းတစ်မျိုးစီရခဲ့တဲ့စူပါငှက်ကလေးတွေဖြစ်တဲ့အတွက် သူတို့ရဲ့ရန်သူတော် လူဆိုးဖျံကြီးက သူတို့ကိုနှောင့်ယှက်ဖို့ပစ္စည်းတစ်ခု တီထွင်လိုက် မအောင်မြင်လိုက်နဲ့လုံးလည်ချာလည်လိုက်နေပုံတွေကို ရယ်စရာရိုက်ကူးထားတာဖြစ်တဲ့အတွက် သားသားမီးမီးတွေသဘော ကျမဲ့ကာတွန်းကားလေးတစ်ကားပဲဖြစ်ပါတယ်။ File size…1.17GB / 710MB Quality…WEB-Rip 1080p HEVC / 720p Format…mkv / mp4 Duration….1h 37m Genre ….. Animation Subtitle….Myanmar Subtitle (Hard Sub) Encoder….Min Wai Translated by Saw Lay

ဂျန်ဘူဘာယာနေး ဆိုတဲ့ကလေးတစ်ယောက်ဟာ ဘုန်းတော်ကြီးနဲ့ စာဖိုဆောင်ကအမျိုးသမီးတို့က တရားမဝင်မွေးဖွားလာတဲ့အတွက် လောကကြီးမှာလူမသိသူမသိသိုသိုသိပသိပ်နေတာခဲ့ရတယ်။ မစ္စတာဒူမူဆို ဆိုတဲ့လူချမ်းသာတစ်ယောက်က ဂျန်ကိုချစ်မြတ်နိုးလို့ စောင့်ရှောက်ပေးထားတယ်။ ဂျန်အရွယ်ရောက်လာတော့ စော်ကားပြုမှုခံရတာတွေလွှတ်ကင်းဖို့အတွက် သားအမိနှစ်ယောက်သာ ပဲရစ်မြို့ကြီးထွက်ခွာလာခဲ့တယ်။ ကာလအတန်ကြာ နေထိုင်ပြီးနောက်မှာ ဂျန်ဟာ လွတ်လပ်စွာနေထိုင်ရပြီး နေထိုင်စားသောက်နိုင်မယ့် ဘဝ ဖြစ်တဲ့ ပြည့်တန်ဆာအလုပ်ကိုရွေးချယ်လုပ်ကိုင်ခဲ့တယ်။ ဂျန်ရဲ့ အလှတရားတွေကြောင့် မှူးမတ်တွေ အရာရှိလူချမ်းသာတွေကြားမှာ နာမည်ကြီးလာတယ်။ အမတ်ကြီး ရီရှယ်လူရူ နဲ့ မြို့စား ဘာရီတို့ဟာ ဂျန်ကို သူတို့ကိုယ်ကျိုးအတွက် အသုံးချဖို့ကြံစည်နေက့တယ်။ ဂျန်ကို ဘုရင်ကြီးနဲ့ ပေးတွေ့ပြီး နန်တော်မှာ နေရာတစ်နေရာရအောင်ဖန်တီးပါတော့တယ်။ ဘုရင်ကြီးဟာ ဂျန်ကိုမြင်မြင်ချင်းသဘောကျသွားပါတော့တယ်။ လမ်းဘေးဘဝ‌ကနေ ချက်ခြင်းနန်းတော်ကိုရောက်သွားတဲ့အခါ သူ့အတွက် အခက်အခဲပေါင်းစုံကြုံလာပါတော့တယ်။ ဘုရင်ကြီးရဲ့အနှစ်သက်ဆုံးဂျန်ကို တော်ဝင်မိသားစုက အမြင်မကြည့်တဲ့အခါမှာတော့....... File size…2.23GB / 869MB Quality…WEB-DL 1080p 5.1 CH/ 720p Format…mp4 Duration….1h 53m Genre ….. Biography , Drama , History Subtitle….Myanmar Subtitle (Hard Sub) Encoder….Min Wai Translated by Tin Myo Lwin

IMDb Rating - 7.9/10 ၁၉၇၁ ခုနှစ်က ဂျပန်နိုင်ငံ၊ မီနာမာတာမြို့လေးမှာ ဖြစ်ပွားခဲ့တဲ့ မာကျူရီအဆိပ်သင့်မှုကို အခြေခံပြီးရိုက်ကူးထားတဲ့ ဖြစ်ရပ်မှန်ဇာတ်လမ်းလေးနဲ့ မိတ်ဆက်ပေးချင်ပါတယ်။ မီနာမာတာမြို့လေးဆိုတာ သိပ်ကိုလှပတဲ့ ကမ်းရိုးတန်းမြို့လေး၊ ဒေသခံ‌တွေမှာလည်း တံငါလုပ်ငန်းနဲ့အသက် မွေးဝမ်းကျောင်းပြုနေသူတွေအများကြီးရှိပြီး ပင်လယ်ငါးတွေကို အဓိကစားသုံးကြတဲ့မြို့လေးပေါ့၊ ဒါပေမယ့် ချီဆိုဆိုတဲ့ဓာတုစက်ရုံကြီး မီနာမာတာမြို့လေးကိုရောက်လာတဲ့အခါမှာ စက်ရုံကနေပင်လယ်ထဲကိုစွန့်ထုတ်တဲ့ ဓာတုပစ္စည်းတွေကြောင့် ငါးတွေအဆိပ်သင့်၊ အဲဒီကတစ်ဆင့် လူတွေအဆိပ်သင့်ပြီး ကလေးလူကြီးမကျန် ဦးနှောက်တစ် သျှူးတွေထိခိုက်ပြီး ခြေလက်တွေအကြောဆိုင်း၊ မျက်စိကွယ်၊ စကားမပြောနိုင် စတဲ့ ရောဂါလက္ခဏာတွေခံစားရရှာပါတယ်။ ဒီလိုနဲ့ ဆယ်စုနှစ်တစ်စုကျော်အကြာ ၁၉၇၁ခုနှစ်မှာ နယူးယောက်မြို့ လိုက်ဖ်မဂ္ဂဇင်းက ဓာတ်ပုံဆရာကြီး ယူဂျင်းစမစ်ဟာ ဘာသာပြန်ဂျပန်မလေး အိုင်လင်းရဲ့တောင်းဆိုမှုကြောင့် မီနာမာတာကို ကင်မရာတစ်လုံးနဲ့ရောက်လာပြီး ဒေသခံတွေနဲ့အတူ တရားမျှတမှုအတွက် ဆန့်ကျင်လှုပ်ရှားကြပါတော့တယ်။ ဒီဖြစ်ရပ်မှန် ဇာတ်ကားထဲမှာ လောကကြီးကိုစိတ်ကုန်နေတဲ့ ထေ့ငေါ့ငေါ့ဓာတ်ပုံဆရာကြီးယူဂျင်းစမစ်အဖြစ် မင်းသားကြီး Johnny Depp က  အဓိကပါဝင် သရုပ်ဆောင်ထားပါတယ်။ အားလုံးပဲ ကြည့်ရှုခံစားလိုက်ကြပါဦး။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ MTA ပဲ ဖြစ်ပါတယ်။) Quality – 1080p, 720p, 360p BluRay Duration - 1h 55min Subtitle – Myanmar Hardsub Format – Mp4 Genre : Drama Source : 1080p.BluRay Translator – MTA Encoder – SWM

London Fields (2018) IMDb တွေ ဘာညာ Rating တွေအသာထားလိုက်. မင်းသမီး Amber Heard ရဲ့ ပုံရိပ်တွေကိုတစ်ခမ်းတနားအလေးပေးပြီး စုပေါင်းရိုက်ကူးပြထားတာနဲ့တင် ဒီကားက နင်းကန်လှနေပါပြီ။ ပုရိသတွေ ကြွေကျ မြေခရမယ့် အလှတရားတွေနဲ့ အဲ့ဒီအချိန်တုန်းကတော့ မမ Amber Heard က နင်းကန်လှခဲ့တာပါ။ ကိုင်း မည်သို့ပင်ဆိုစေကာမူ ဇာတ်လမ်းအကြောင်းလေးကိုနည်းနည်းဆက်ရရင်ဖြင့်.... ဒီကားထဲမှာ မင်းသမီး Amber Heard က ညှို့အားပြင်းထန်လွန်းတဲ့ Nicola Six အဖြစ်ပါဝင်သရုပ်ဆောင်ထားပြီး မင်းသားကြီး Johnny Depp လည်း အခန်းအနည်းငယ်ပါဝင်ထားပါတယ်… ဇာတ်ကားက စိတ်ကူးယဉ်ဆန်ပြီး မထင်မှတ်ထားတဲ့အလှည့်အပြောင်းတွေနဲ့ အရောင်အသွေးစုံလင်တဲ့ ရိုက်ချက်တွေ တွေ့မြင်ရမှာပါ။ ဇာတ်လမ်းအစလေးကတော့… ဆမ်ဆင် ယန်း ဆိုတဲ့ သိပ်မစွံတဲ့ အမေရိကန် စာရေးဆရာတစ်ယောက်ဟာ ဝတ္ထုတစ်ပုဒ်ရလိုရငြား လန်ဒန်ကို ထွက်လာခဲ့ပြီး အသိမိတ်ဆွေစာရေးဆရာတစ်ယောက်ရဲ့ နေအိမ်အလွတ်မှာ နေထိုင်နေခဲ့ပါတယ်… တစ်နေ့ အရက်ဆိုင်တစ်ခုမှာ အသုဘတစ်ခုက ပြန်လာတဲ့ မိန်းကလေးတစ်ယောက်နဲ့တွေ့ဆုံခဲ့တယ်… အမျိုးသမီးလေးဟာ စွဲမက်ဖွယ် လှပလွန်းပြီး ဖြစ်ချင်တော့ မိန်းကလေးက သူ့တိုက်ခန်းရဲ့အပေါ်တိုက်ခန်းမှာနေထိုင်တဲ့သူဖြစ်နေတယ်… ဒီထက်ထူးဆန်းတာတစ်ခုက မိန်းကလေးဟာ အနာဂတ်ကိုကြိုမြင်နိုင်ပြီး သူသေမယ့်နေ့ရက်ကိုပါ သူသိထားပြီးဖြစ်နေတယ်.. ဒီကိစ္စကို စာရေးဆရာသိသွားပြီးနောက်မှာ ကောင်မလေး အသတ်ခံရတဲ့အကြောင်း ဖြစ်ရပ်မှန်ဝတ္ထုရေးဖို့ ကောင်မလေးကိုတောင်းဆိုရာကနေ ဘာတွေဆက်ဖြစ်လာမလဲဆိုတာ.....။ Amber Heard ရဲ့ Nudity အခန်းတွေ တော်တော်များများပါတဲ့အတွက် မိသားစုနဲ့တော့ ကြည့်လို့မပြေပါဘူး။ (ရုပ်ရှင်အညွှန်းနဲ့ ဘာသာပြန်ကို Zuel Khant Thwin မှ တင်ဆက်ထားပါတယ်။) File size…(2.1 GB )/ (1 GB) Quality…BluRay 1080p HEVC / 720p Format…mkv/mp4 Duration….01:48:00 Subtitle….Myanmar Subtitle (Hardsub) Encoder….Ka Naung Translated by Zuel Khant Thwin

City of Lies (2018) Who Shot Biggie??? ဒီဇာတ်ကားရဲ့ ကြာမြင့်ချိန် 1 နာရီ 52 မိနစ်ဟာ အဲဒီမေးခွန်းလေးတစ်ကြောင်းနဲ့ ဆက်စပ်ပြီးရိုက်သွားတာပါ... အကြောင်းအရာတစ်ခုတည်းကို 1 နာရီ 52 မိနစ်တောင် ရိုက်ထားလို့ ပျင်းစရာကောင်းမှာပဲလို့ တွေးမိရင် တက်တက်စင်အောင် လွဲပါလိမ့်မယ်... ဒီဇာတ်ကားဟာ ဖြစ်ရပ်မှန်ဇာတ်ကားတစ်ကားဖြစ်ပြီး တကယ့်အပြင်မှာလည်း Who Shot Biggie? ဆိုတဲ့မေးခွန်းကို နာမည်ကျော် FBI အဖွဲ့အပါအဝင် LAPD စုံထောက်တွေပါ ပူးပေါင်းစုံစမ်းခဲ့တာ နှစ် 20 ကျော်ကြာခဲ့ပါတယ်... မြန်မာနိုင်ငံက Rapper တွေ Mainstream နဲ့ Underground အပြန်အလှန်လှော်နေကြသလို Los Angeles မြို့ကြီးမှာလည်း East Coast နဲ့ West Coast ဆိုပြီး နှစ်ဖွဲ့ကွဲ လှော်ကြပါတယ်... 1996 ခုနှစ်လောက်ကဖြစ်ခဲ့တဲ့လူသတ်မှုဖြစ်တဲ့အတွက် လူဖြူလူမည်းပဋိပက္ခတွေလည်း ရှိနေတဲ့အချိန်ပါ... ဒီအမှုကို နှစ်ပေါင်းအကြာကြီး စုံစမ်းနေသူကတော့ Poole ဆိုတဲ့ စုံထောက်တစ်ယောက်ပါ... နောက်ထပ်ဒီအမှုကို စိတ်ဝင်စားပြီး သတင်းလိုက်နေတဲ့သူကတော့ Jackson ဆိုတဲ့ သတင်းထောက်တစ်ယောက်ဖြစ်ပါတယ်... အမှုတစ်ခုတည်းကို နှစ်ရှည်လများ စုံစမ်းလာခဲ့တဲ့ စုံထောက်တစ်ယောက်နဲ့ လုပ်ငန်းအတွင်း နာမည်ကောင်းတစ်ခုရဖို့ ကြိုးစားနေတဲ့ သတင်းထောက်တို့ ပူးပေါင်းမိချိန်မှာတော့ ဘာတွေဆက်ဖြစ်ကြမယ်ဆိုတာ ရှုစားကြပါဦး... နာမည်ကျော်မင်းသားကြီး Johnny Depp နဲ့ Forest Whitaker တို့က အဓိကပါဝင်သရုပ်ဆောင်ထားပါတယ် File Size : (1.75GB) and (606 MB) Quality : Blu-Ray 1080p, 720p Format…mp4 Duration…01:52:00 Genre : Biography, Crime, Drama Subtitle : Myanmar Subtitle (Hard Sub) Translated by Paing Encoded by AHtet

The Professor(2019) IMDb....7.0 " ရစ်ချက်မင်းမှာ အဆင့်(၄)ရှိတဲ့ ကင်ဆာဖြစ်နေပြီ.... ရောဂါကအတော်လေးပျံနှံနေပြီ...မင်းရဲ့ကျောင်းကိုလည်းအသိပေးသင့်သလို မိန်းမနဲ့သမီးကိုလည်း အသိပေးသင့်နေပြီ....အမြန်ဆုံးလည်းကုသသင့်နေပြီ" " ကျုပ်မှာ အချိန်ဘယ်လောက်ကျန်သေးလဲ" "ကုသရင် ၁နှစ်ပေါ့ ကံကောင်းလွန်းနေရင် တစ်နှစ်ခွဲ... မကုသရင်တော့ ၆လပေါ့..." ရစ်ချစ်တစ်ယောက်ဟာ ဆရာဝန်ရဲ့ စိတ်မကောင်းပါဘူးဆိုတဲ့နှစ်သိမ့်စကားကို လောလောလတ်လတ်ကြားလိုက်ရဲ့ သတင်းစကားကြားမှာပင် အတတ်နိုင်ဆုံး ပြန်ပြုံးပြလိုက်တယ်.... ဒီအပြုံးတွေဟာ ဘယ်လောက်တောင်အသက်မဲ့နေလိုက်မလဲ... အနည်းငယ်သာကျန်ရှိတော့ သူ့ဘဝသက်တမ်းကိုတွေးရင်း ရစ်ချက်တစ်ယောက်ရဲ့ခြေလှမ်းတွေ ... ကောင်းကင်ကိုမော့ကြည့်တဲ့သူ့မျက်လုံးတွေ... လူတစ်ချို့ရဲ့ ရယ်မောသံတွေကိုကြားရတဲ့သူ့နားတွေ... အားလုံးဟာ သူ့အတွက်အဓိပ္ပါယ်မဲ့နေသလိုပင်... ဒီကားမှာသရုပ်ဆောင်ထားတဲ့မင်းသားကြီး Johnny Depp ကိုတော့ အထွေအထူးမိတ်ဆက်ပေးစရာလိုတော့မယ် မထင်ပါဘူး... သူဟာ ကောလိပ်ကပရော်ဖက်ဆာတစ်ယောက်ဖြစ်ပါတယ်... တခြားဇာတ်ကားတွေလို ကျန်ရှိတဲ့သက်တမ်းမှာ ကောင်းမှုတွေကို သူတော်စင်တစ်ပါးလိုလုပ်...ဘဝရဲ့တန်ဘိုးဆိုတာဘာညာဆိုပြီး ကောင်းပြီးရင်းကောင်းတဲ့ ဇာတ်ဟန်မဟုတ်ဘူး... ပထမတစ်ခန်းမှာတင်သူ့ဘဝလက်ကျန်ချိန်ဟာ အနည်းငယ်ပဲသိပြီးတဲ့နောက် သူလုပ်သွားတာတွေက တကယ့်ကိုစိတ်ဝင်စားစရာကောင်းတယ်.. သူ့ရဲ့သရုပ်ဆောင်ဟန်ကြောင့်ပဲ ဒီဇာတ်ကားဟာ ပိုရုပ်လုံးကြွလာတယ်လို့တောင်ပြောရမယ်ထင်တယ်... ကိုင်းခံစားကြည့်လိုက်ပါဦး....ခင်ဗျားတို့ရဲ့အကောင်းဆုံးသော ဇာတ်ကားစာရင်းထဲမှာ ဒီကားကိုကြည့်ပြီးရင် ဒီကားအပါအဝင်ပဲဆိုပြီးထည့်ဖြစ်သွားလိမ့်မယ်လို့ ကျွန်တော်ထင်တယ်... ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်.. File Size : (859 MB) and (333 MB) Quality : WEB-DL 720p, Format…mp4 Duration…01:30:00 Genre : Comedy, Drama | Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

Fantastic Beasts 2: The Crimes of Grindelwald (2018) IMDb - 6.6/10 Rotten - 36% 2018 ထွက် မှော်ရုပ်ရှင်ဇာတ်လမ်းအသစ်ကို တင်ပေးထားပါတယ်။ ဒီရုပ်ရှင်ကိုတော့ စာရေးဆရာမ ဂျေကေရိုးလင်းရေးသားခဲ့တဲ့ စိတ်ကူးယဉ်မှော်ကမ္ဘာထဲမှာပဲ အခြေခံထားပါတယ်။ ဒီဇာတ်လမ်းတွေရဲ့ အရှေ့မှာတော့ ဟယ်ရီပေါ်တာ ရုပ်ရှင် ၈ ကား ထွက်ရှိခဲ့ပြီးဖြစ်ပါတယ်။ လက်ရှိရုပ်ရှင်ကတော့ ဟယ်ရီပေါ်တာတို့ မမွေးခင် ကျောင်းအုပ်ကြီး ဒမ်ဘယ်လ်ဒိုး လူလတ်ပိုင်းကာလကို အခြေခံထားပါတယ်။ ဒါဟာ ဒုတိယမြောက်ရုပ်ရှင်ဖြစ်ပြီး ပထမရုပ်ရှင်ကတော့ 2016မှာ ထွက်ခဲ့ပြီး ဖြစ်ပါတယ်။ အဓိကဇာတ်ကောင်ကတော့ နျု့ စကာမန်ဒါဆိုတဲ့ မှော်ဆရာပါပဲ။ သူက မှော်ဝင်သတ္တဝါဆန်းတွေကို စိတ်ဝင်စား လေ့လာနေပြီး သူရေးခဲ့တဲ့ စာအုပ်ဟာ ဟယ်ရီပေါ်တာတို့ခေတ်မှာ ကျောင်းသုံးဖတ်စာအုပ်ဖြစ်လာခဲ့ပါတယ်။ ဇာတ်လမ်းအကျဉ်း ရှေ့ကထွက်ထားတဲ့ ရုပ်ရှင်မှာ အဲဒီခေတ်ရဲ့ အတော်ဆုံးမှော်ဆရာနှစ်ယောက်ထဲက တစ်ဦးဖြစ်တဲ့ ဂရင်ဒယ်ဝေ့ါဒ် ကို နျု့ရဲ့ အကူအညီနဲ့ နယူးယောက်မှာ ဖမ်းမိခဲ့ပါတယ်။ အော့စကူးရပ်စ်ဖြစ်တဲ့ ခရီးဒန့်စ်ကတော့ မသေဘဲ လွတ်မြောက်သွားခဲ့ပါတယ်။ ခရီးဒန့်စ်ကတော့ သူ့ရဲ့ မိဘနဲ့ဘဝအမှန်ကိုလိုက်ရှာနေပါပြီ။ ဂရင်ဒယ်ဝေါ့ဒ်ကတော့ ခရီးဒန့်စ်ကို သူ့ဘက်ပါအောင်စည်းရုံးဖို့ ကြိုးစားလာပါတယ်။ ဒမ်ဘယ်လ်ဒိုးကတော့ နျုကိုစေလွှတ်ပြီး ဂရင်ဒယ်ဝေါ့ဒ်ရဲ့ အစီအစဉ်ကို ပျက်အောင် တားဆီးခိုင်းပါတော့တယ်။ ဒီလောက်ဆိုရင် ဒီရုပ်ရှင်ကို ကြည့်လို့ရမှာပါ။ မထင်မှတ်ထားတဲ့ မြှပ်ကွက်တွေနဲ့ အံ့သြအောင်လုပ်သွားပြီး နောက်ရုပ်ရှင်အတွက် တွေးစရာတွေ ချန်ခဲ့ပါလိမ့်မယ်။ File Size : (2.07 GB) and (0.99 GB) Quality : Blu-Ray (1080p 5.1 and 720p) Running Time : 2hr 14min Format : Mp4 Genre : Adventure, Family, Fantasy Subtitle : Myanmar Subtitle (Hard Sub) Source : 1080p.BluRay.DD5.1.x264-iFT Translated by EL'MoH and Littleneo Encoded by Thanhtike Zaw

IMDb - 6.5/10 Rotten - 61% စာရေးဆရာမ အဂါသာ ခရစ္စတီးရဲ့ ၁၉၃၄ တုန်းက နာမည်ကျော်ဝတ္ထုကို အခြေခံပြီး ဒါရိုက်တာကဲနက်ဘရာနက် က ရိုက်ကူးထားတာပါ။ ၁၉၃၄ ဆောင်းရာသီကာလ မြင်ကွင်းနဲ့အတူ နာမည်ကျော် ဘယ်လ်ဂျီယံစုံထောက် ဟာဂျူလီပွိုင်ရော့တ်ဟာ ဂျေရုဆလင်က ခိုးမှုတစ်ခုကို ဖော်ထုတ်ပြီးနောက် ခရီးသွားပြီးအပန်းဖြေဖို့ စီစဉ်ခဲ့ပါတယ်။အဲဒါနဲ့ အစ္စတန်ဘူလ်ကို သွားခဲ့ပြီးOrient Express ရထားကုမ္ပဏီ ဒါရိုက်တာ သူ့မိတ်ဆွေဘော့နဲ့ တွေ့ဆုံခဲ့ပါတယ်။ လန်ဒန်ကနေ သံကြိုးစာရတဲ့အတွက် ပွိုင်ရော့တ်တစ် ယောက်ဘော့စီစဉ်ပေးတဲ့ရထား ခရီးစဉ်နဲ့ အရေးပေါ်အိမ်ပြန်ဖို့ ဖြစ်ခဲ့ပါတယ်။ အဲဒီနောက်ပွိုင် ရော့တ်ကို ဆမ်မြူရယ်ရက်ချက် ဆိုတဲ့ အမေရိကန်သူဌေးတစ် ယောက်က သုံးရက်တာ ရထား ခရီးစဉ်အတွင်းမှာ သက်တော် စောင့်လုပ်ဖို့ကမ်းလှမ်းခဲ့ပါတယ်။ အမည်မသိပါတီတစ်ခုရဲ့ အသက်အန္တရာယ်ခြိမ်းခြောက်စာပို့ခံရတဲ့ အတွက် ပွိုင်ရော့တ်ကိုငှားတာ ဖြစ်ပေမယ့် ပွိုင်ရော့တ်ကလက် မခံခဲ့ပါဘူး။ နောက်တစ်နေ့ မနက်မှာ တော့ မစ္စတာဆမ်မြူရယ်ဟာ ဓားနဲ့အချက်ပေါင်းများစွာ အထိုး ခံရပြီး အသတ်ခံရတာကြောင့် ပွိုင်ရော့တ်ဟာဘော့နဲ့အတူ စုံစမ်းဖော်ထုတ်ဖို့လုပ်ခဲ့ပါတယ်။ အခင်းဖြစ်တဲ့နေရာက သဲလွန်စတွေ၊ သက်သေတွေရဲ့ ထွက်ဆိုချက်အရ အမျိုးသားတစ် ယောက်က ဆမ်မြူရယ်ကို သတ်သွားခဲ့တာဖြစ်ပြီး ဆမ်မြူရယ်ဟာလည်း လူသတ်မှုတစ်ခုကို ကျူးလွန်ပြီး နာမည်ပြောင်းလဲနေ ထိုင်သူတစ်ယောက်ဖြစ်တယ်ဆို တာကိုပါ သိခဲ့ကြပါတယ်။ သို့လောသို့လောအခြေအ နေတွေနဲ့အတူ သဲလွန်စတွေကိုဆက်စပ်ရင်း မသင်္ကာစရာတွေ များနေတဲ့ ဆမ်မြူရယ်ရဲ့လူသတ် မှုကို ပွိုင်ရော့တ်တစ်ယောက် ဘယ်လိုနည်းနဲ့ ဖော်ထုတ်မှာလဲ ဆိုတာကို ဆက်ကြည့်ရအောင်လို့ ဖော်ပြလိုက်ပါတယ်။ ဒီဇာတ်ကားမှာ ကဲနက်ဘရာ နက်၊ တော်မ်ဘိတ်မန်း၊ ပန်နီလိုပီခရုဇ်၊ ဝီလျံဒါဖိုး၊ ဂျော်နီဒက်ပ်စတဲ့သရုပ်ဆောင်များစွာ ပါဝင် ထားကြပါတယ်။ (ဇာတ်လမ်းအညွှန်းကို 7daily Website မှကူးယူဖော်ပြသည်) File Size : (3.7 GB) / (1 GB)/ (952 MB) Quality : Blu-Ray 4K HEVC /1080p HEVC/ 720p Running Time : 1hr 54min Format : Mp4 Genre :Crime, Drama, Mystery Subtitle : Myanmar Subtitle (Hard Sub) Translated by Lex Luthor Encoded by Thanhtike Zaw,Nyeinsaeya Aung

ဂျက်စပဲရိုး အရင်တုန်းက လှည့်ကွက်သုံးခဲ့တဲ့ လုပ်ရပ်တစ်ခုကြောင့် ကျိန်စာမိနေတဲ့ ကပ္ပတိန်တစ်ယောက်က သူ့ကိုသတ်ဖို့ လိုက်ရှာလာပါတယ်။ အဲဒီသူကတော့ ဆိုင်းလင့်န်မေရီသင်္ဘောရဲ့ ကပ္ပတိန် ဆလာဇာပါ။ သူဦးဆောင်လာတဲ့ သင်္ဘောသားတွေကလည်း စာနာစိတ်မရှိကြဘူး။ ဒီတစ်ကြိမ်မှာ ဆလာဇာက အထာနပ်နေပြီမို့ ဂျက်အနေနဲ့ အရင်လို လှည့်ကွက်သုံးပြီး ဖြေရှင်းလို့ မရတော့ပါဘူး။ ဆလာဇာကို အနိုင်ယူနိုင်မယ့် တစ်ခုတည်းသောလက်နက်ကို ရှာဖို့ ဖြစ်လာတယ်။ အဲဒါက သမုဒ္ဒရာခုနစ်စင်းလုံးကို ပိုင်စိုးတဲ့ နတ်ဘုရားပိုဆိုက်ဒန်ရဲ့ ခက်ရင်းခွပါ။

Alice through the Looking Glass (2016) IMDB : 6.2 Rotten Tomatoes : 29% Genre : Fantasy/Drama/Adventure Alice through the Looking Glass ကတော့ Alice in Wonderland(2010) ရဲ့ Sequel ရုပ်ရှင်ဖြစ်တာကြောင့် သိပ်ပြီးတော့ အထွေအထူးမညွှန်းတော့ပါဘူး။ ဇာတ်ကြောင်းကိုပဲတန်းပြောလိုက်ပါတော့မယ်။ ဇာတ်ညွှန်း အဲလစ်စ်လေး အသက် ၂၂ နှစ်ကျော်ခဲ့ပါပြီ။ သူ့အဖေပိုင်တဲ့ သင်္ဘော"အံ့ဖွယ်" ရဲ ကပ္ပတိန်တစ်ယောက်ဖြစ်နေခဲ့ပါပြီ။ ဒီလိုနဲ့ တရက်မှာ ကြည့်မှန်တစ်ခုကနေပြီး အဲလစ်စ်ဟာ အံ့ဖွယ်ကမ္ဘာကိုပြန်ရောက်သွားခဲ့ပါတယ်။ ရောက်သွားတဲ့အချိန်မှာ ဟက်တာတစ်ယောက် စိတ်ဖောက်နေပါပြီ။ ဘာလို့စိတ်ဖောက်လည်းဆိုတော့ သူ့မိသားစုဟာ ဂျက်ဘာဝေါ့ကီလက်ချက်နဲ့ အသက်မဆုံးပဲ အသက်ရှင်နေတယ်ဆိုတဲ့ အသိကြောင့်ဖြစ်ပါတယ်။ သူတို့ကိုကယ်တင်နိုင်မယ်ဆိုလည်း အဲဒါက အဲလစ်စ်တစ်ယောက်တည်းပဲရှိကြောင်း ဟက်တာကပြောခဲ့ပါတယ်။ ဒါပေမဲ့ အဲလစ်စ်က မဖြစ်နိုင်ကြောင်းပြောခဲ့ပါတယ်။ နည်းလမ်းတစ်ခုရှိနေတာကလွဲလို့ပေါ့လေ။ အဲဒါကတော့ အချိန်နောက်ပြန်ခရီးသွားပြီးပြန်ကယ်တာပါပဲ။ အချိန်ကလည်း အဲလစ်စ်တစ်ယောက်တည်းပဲ နောက်ပြန်သွားလို့ရပါတယ်။ ဘာလို့လည်းဆိုတော့ အဲလစ်စ်က မြေအောက်ကမ္ဘာရဲ့အတိတ်မှာ ရှိမနေတဲ့ တစ်ဦးတည်းသောလူဖြစ်နေတာကြောင့်မလို့ပါ။ ကဲ အချိန်နောက်ပြန်သွားရင်း ဘာတွေဆက်ဖြစ်မလည်းဆိုတာကို ကြည့်လိုက်ကြပါခင်ဗျာ။ File size…7.3 GB /3.2GB / 1.6 GB Quality…4K /WEB DL 1080p HEVC / 720p Format…mkv/mp4 Duration….1hr 53 minute Subtitle….Myanmar Subtitle (Hard Sub) Encoder….Thit San Khant Translated by Lucifer Maximoff

ဒီဇာတ်လမ်းဟာ ဟယ်ရီပေါ်တာဇာတ်လမ်းတွေရဲ့ မှော်လောကထဲမှာ ဖြစ်ပျက်ခဲ့တဲ့အကြောင်းတွေပါပဲ။ ဒါပေမယ် ဖြစ်ပျက်နေတဲ့ကာလဟာ ၁၉၂၆ ဖြစ်ပြီး ကျောင်းအုပ်ဆရာကြီး အဲဘတ်စ် ဒန်ဘယ်လ်ဒိုးရဲ့လူငယ်ကာလဖြစ်ပါတယ်။ အဲဒီကာလရဲ့ နာမည်ကြီးမှော်နက်ဆရာကတော့ ဟယ်ရီစာအုပ်ထဲမှာ နာမည်ဖော်ပြခဲ့တဲ့ ဂရင်ဒီဝေါလ်ပါ။ ဒီဇာတ်ကားရဲ့ အဓိကဇာတ်ကောင်ကတော့ မှော်ပညာ နဲ့ မှော်သတ္တဗေဒ ပညာရှင်  နျု စကန်မန်ဒါပါ(ဟယ်ရီတို့ ကာလမှာ နျုရဲ့စာအုပ်တွေဟာ ကျောင်းအတွက် ပြဌာန်းစာအုပ်ဖြစ်လာခဲ့ပါတယ် ဟက်ဂရစ်လက်စွဲပေါ့)။ နျုဟာ လန်ဒန်ကနေ နယူးယောက်ကို မှော်သတ္တဝါဆန်းတွေ အပြည့်ပါတဲ့ လက်ဆွဲအိတ်တစ်လုံးနဲ့ ရောက်လာခဲ့ပါတယ်။ အဲဒီအချိန်မှာပဲ နယူးယောက်မှာ အဖြေရှာမရတဲ့ ထူးဆန်းတဲ့တိုက်ခိုက်မှုတွေ ပေါ်ပေါက်နေပါတယ်။ အမေရိကန်အခေါ် No-Maj (ဗြိတိန်အခေါ် မက်ဂယ်) မှော်ပညာမတတ်တဲ့ သာမာန်လူသားတစ်ဦးနဲ့ မတော်တဆအလွဲတွေ ဖြစ်ရင်း သူ့ရဲ့သေတ္တာထဲကနေ သတ္တဝါအချို့လွတ်မြောက်သွားတဲ့အခါ တိုက်ခိုက်မှုတွေရဲ့အကြောင်းရင်းဟာ သူ့ကြောင့်လို့ သံသယဖြစ်စရာတွေပေါ်လာပြီး ဖြေရှင်းဖို့ကြိုးစားရပါတော့တယ်။ ဒီဇာတ်ကားဟာ ၅ ကားအထိ ဆက်ရိုက်ဖို့ သတင်းထုတ်ပြန်ထားတာမို့ ဒီကားလေးကြည့်ပြီးရင် နောက်နှစ်တွေအတွက် ဆက်ပြီး စောင့်မျှော်ကြတာပေါ့ဗျာ။ File Size     :   952 MB File Type    :   mp4 Duration    :   2: 13: 38 Quality       :   Bluray rip Translator :   Litttleneo Encoder     :   Littleneo

ဒီဇာတ်ကားက ၂၀၁၅ခုနှစ်က ထွက်ရှိခဲ့တာဖြစ်ပြီး Johnny Depp, Paul Bettanyနဲ့ Gwyneth Paltrowတို့လို နာမည်ကြီးတွေပါဝင်ထားတဲ့ ဟာသအက်ရှင်ဇာတ်ကားပဲ ဖြစ်ပါတယ်။ ဇာတ်လမ်းအကျဉ်းကတော့ ပန်းချီပွဲစား၊နယ်စားမော့ဒီကိုင်းတစ်ယောက် လူမွဲစာရင်း သွင်းခံရမဲ့အချိန် ပန်းချီကား ပြုပြင်ထိန်းသိမ်းရေးသမားတစ်ဦး အသတ်ခံရပြီး ပန်းချီကားတစ်ချပ်ပျောက်သွားတဲ့အမှုကို စုံစမ်းပေးဖို့ MI5က သူ့ရဲ့ မိတ်ဆွေဟောင်းစုံထောက်မာ့တ်လန်းက အမှုလာအပ်ပါတယ်။ အမှုလိုက်နေရင်းနဲ့ အဲဒီ ပန်းချီက ဟိုးယခင် စပိန်ဘုရင်ခေတ်ကတည်းက လက်ရာကောင်း တစ်ခုဖြစ်နေပြီး ဒုတိယကမ္ဘာစစ်ပြီးကထဲက ပျောက်ဆုံးနေတဲ့ ပန်းချီကား ဖြစ်နေခဲ့တာပါ။ ဒါ့အပြင် အဲဒီပန်းချီကားရဲ့ ကျောဘက်မှာ ပန်းချီကားကို နောက်ဆုံးပိုင်ခဲ့သူက သူ့ရဲ့လျှို့ဝှက်ဘဏ်နံပါတ်ကို ချရေးခဲ့တယ်ဆိုတဲ့ ကောလာဟလကြောင့် အဲဒီပန်းချီကားဟာ ပန်းချီလောကမှာ နာမည်ကြီးပြီး လိုချင်သူတွေ ဝိုင်းဝိုင်းလည်နေတာပါ။ အဲဒီပန်းချီကားကို မော့ဒီကိုင်း တစ်ယောက် အရယူနိုင်ပါ့မလား။ ဘယ်လိုလူမျိုး‌တွေ အခက်အခဲတွေကို ကျော်ဖြတ်ပြီး ပြိုင်လုရမလဲဆိုတာ Jonny Deppရဲ့ သရုပ်ဆောင်ချက်နဲ့ အတူ ခံစားလိုက်ပါဦး File Size :  1.9 GB, 792 MB Quality : Blu-Ray 1080p / 720p Running Time : 1hr 47min Format : Mp4 Genre : Action, Comedy, Mystery Subtitle : Myanmar Subtitle (Hard Sub) Translated by : JimX Encode by : Thit San Khant

Black Mass(2015)အညွှန်း (အလန်းစားကားမို့ 1080p5.1ch ပါပြုလုပ်ပေးထားပါတယ်....) IMDb...7.0,,,,Rottten...73% ဘော်စတွန်မှာနေတဲ့သူတွေဆိုရင် ဂျိမ်းစ်ဘော်လ်ဂျာကို မသိတဲ့လူမရှိဘူးတဲ့... သူဟာဘော်စတွန်မြို့တောင်ပိုင်းမှာ ကြီးပြင်းတယ် သူ့မှာ ဘီလီဆိုတဲ့ညီတစ်ယောက်ရှိတယ် သူ့ကို ဘော်စတွန်မြို့တောင်ပိုင်းက လူတွေတော်တော်များများချစ်ကြတယ် ဒါပေမဲ့ ဒီကောင်ကလူဆိုး လူမိုက် လူပေ လူတေ သူ့ဘဝရဲ့အရေးအကြီးဆုံး တန်ဖိုးအထားဆုံးက သစ္စာတရားပဲ ငယ်ငယ်တုန်းက ခင်ဗျားတို့တွေ ကိုယ့်ကို နာမည်ပြောင်လာခေါ်ရင် စိတ်ဆိုးရန်ဖြစ်တတ်ကြတယ်မလား.. .ပြောင်ကြီးတို့ ခေါလေးတို့... ဒီဘော်လ်ဂျာဆိုတဲ့ဘဲလည်း သူ့ကိုနာမည်ပြောင်လာခေါ်ရင် မကြိုက်ဘူး... ဒါပေမဲ့ သူက ရန်တော့မဖြစ်ဘူး... သတ်တာ... ဇာတ်ကားက အရမ်းကြမ်းပါတယ်..ကလေးသူငယ်နဲ့ သွေးသံရဲရဲကြောက်တတ်တဲ့သူတွေမကြည့်သင့်ပါဘူး.. ဖြစ်ရပ်မှန်ဇာတ်ကားဖြစ်တဲ့အပြင် Johnny Depp နဲ့ Benedict Cumberbatch အဓိကသရုပ်ဆောင်ထားလေတော့ ဒီကားကိုနင်းကန်ကြည့်သင့်ပါတယ်..စပွိုင်လာလုပ်လို့မကောင်းတဲ့ကားမျိုးမို့ ဒီလောက်ပဲပြောပါရစေ.... ဇာတ်ကားတစ်ကားလုံး အစကနေအဆုံးထိ ဘာတွေဖြစ်မလဲ စိုးတထိတ်ထိတ်နဲ့ ကြည့်ရတဲ့ကားမို့ လူမိုက်အကြမ်းစားကားတွေသဘောကျတဲ့သူတွေအဖို့လက်မလွှတ်သင့်ပါကြောင်း... File Size :(2.16GB)(1.04GB) Quality :Blu-Ray 1080p 5.1 CH, Blu-Ray 720p Format…mp4 Duration…02:02:00 Genre : Biography, Crime, Drama Subtitle : Myanmar Subtitle (Hard Sub) Translated by Paing Encoded by Phyo Pyae

တီနာဟာ ဘားသွား၊ကလပ်တက်၊ဆေးချ၊ဘီယာသောက်၊ပါတီကဲ ဘက်စုံတော်တဲ့ကောင်မလေးပါ။ ကျောင်းသူဘဝကို သူငယ်ချင်းတွေ တရုန်းရုန်းနဲ့ သူ့နည်းသူ့ဟန်အတိုင်း ပျော်ပျော်ရွှင်ရွှင်ဖြတ်သန်းနေခဲ့ ပါတယ်။ အဲဒီနေ့မတိုင်ခင်ထိပေါ့...။ တစ်နေ့ကျ ရေကူးကန်ပါတီတစ်ခုကအပြန် ကားတစ်စီးဝင်ကြုံးတာ ခံလိုက်ရပြီး အဲဒီအချိန်ကစလို့ သူ့ဘဝကြီးပြောင်းလဲခဲ့တော့တာပါပဲ။ ခြေကျိုးလက်ကျိုးဒုက္ခိတဖြစ်တယ်လို့မထင်လိုက်ပါနဲ့။ သူနဲ့ စိတ်ချင်း ဆက်သလိုဖြစ်နေတဲ့ သတ္တဝါတစ်ကောင်ကို မြင်မြင်နေရတာပါ။ အဲဒီ သတ္တဝါနာရင် သူပါနာတယ်၊ အဲဒီသတ္တဝါသွေးထွက်ရင် သူပါလိုက်ပြီး သွေးထွက်တယ်။ အဲဒီသတ္တဝါကို တခြားလူတွေကလည်းမမြင်ရတော့ သူ့ရဲ့ပြောင်းလဲ လာတဲ့ရူးကြောင်ကြောင် အပြုအမူတွေကြောင့် စိတ်ကျန်းမာရေး ဆေးရုံကိုပါ ပို့ခံထိတော့မလိုပါ။ တီနာတစ်ယောက် အဲဒီထူးဆန်းတဲ့ သတ္တဝါနဲ့ ဘယ်လိုရှေ့ဆက်နှစ်ပါးသွားမလဲဆိုတာကို ဇာတ်ကားထဲမှာပဲ ဆက်လက်ကြည့်ရှုလိုက်ကြပါဗျာ။ (ပါဝင်သောဇာတ်ဝင်ခန်းတချို့ကြောင့်ကလေးသူငယ်များကြည့်ရှုရန်မသင့်ပါ။) (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(1.56 GB) / (557 MB) Quality............WEB-DL 1080p / 720p Duration.........1Hr 31Min Subtitle...........Myanmar Hardsub Format............MP4 Genre..............Documentary, Horror Translator.......Ngwe Zin Encoder..........SWM

ငယ်ငယ်တုန်းကစွဲလမ်းခဲ့ရတဲ့ အိပ်ယာဝင်ပုံပြင်တွေကိုအကုန်ချိတ်ဆက်ပြီးစိတ်ကူးယဉ်မိတဲ့အခိုက်အတန့် အားလုံးရဲ ့ကလေးဘဝမှာ ရှိခဲ့ဖူးကြမှာပါ။ ဒီလိုအချိတ်အဆက်မိမိ Fairytalesတွေကို ဇာတ်လမ်းကျောရိုးတစ်ခုထဲမှာ ပေါင်းစုဖို့ဆိုတာလွယ်တော့မလွယ်ပေမယ့် ဒါကပဲ ဒီကားလေးရဲ ့ထူးခြားချက်လို့ပဲပြောပါရစေ။ Johny Deep,Anna Kendrick,Emily Bluntစတဲ့နာမည်ကျော်တွေအများအပြား ပါဝင်ထားတဲ့ ဒီကားလေးကတော့ မှော်ဆန်ဆန်ကားလေးတွေကို သဘာဝကျကျကြည့်ချင်သူတွေအဖို့တော့အံကိုက်ပါပဲ။ Musical Dramaသဘောမျိုးလေးလဲပါလို့ မပျင်းမရိမြူးမြူးကြွကြွကြည့်ရှုခံစားရမှာပါ။ Imdb Rating 6/10 Rotten Tomatoes 71%ရရှိထားတဲ့ကားကောင်းလေးပါ။ File Size : (950 MB) and (420 MB) Quality : Blu-Ray 720p Running Time : 2hr 5min Format : Mp4 Genre :Adventure, Comedy, Drama Subtitle : Myanmar Subtitle (Hard Sub) Source : 1080p BluRay x264-DRONES Subtitle by Kyaw Lwin Tun Encoded by Thanhtike Zaw

Tusk (2014) Tusk ဟာ နာမည်ကျော် A24 ကနေ ၂၀၁၄က ထွက်ခဲ့တဲ့ကားပေမဲ့ A24 ပရိသတ်တွေကြား အခုထိ တခုတ်တရထည့်ထည့်ပြောနေရတဲ့ ကားပါ။ A24 က ဒီလိုကား အခုထိ ဒီတစ်ကားပဲရှိနေတော့ သူ့ဖန်တွေအတွက် ဒီကားက အမြဲအမှတ်တရလို ဖြစ်နေမယ့်ကားလည်းဖြစ်နေပါတယ်။ A24 က ဒီလိုကားတွေလည်း ဖြန့်တာလားဟလို့လည်း ပြောချင်ပြောလို့ရသလို တကယ်တမ်းပြောကြတာကတော့ ဒီကားရဲ့ စိတ်ညစ်ညူးအောင်လုပ်နိုင်စွမ်းကို ပြောကြတာက ပိုများတာပေါ့။ ဟာသမင်းသား ကီဗင်စမစ်က ရိုက်ထားတာမို့လို့လည်း ဒီကားက Comedy Horror ကားဖြစ်နေတယ်။ ဒီကားရဲ့ Horror ကတော့ Body Horror ပါ။ အားလုံးလည်းသိကြတဲ့အတိုင်း Body Horror ဆိုတာမျိုးက ကြည့်ရတဲ့သူတင်မဟုတ် တစ်ခါတလေကျ ဘာသာပြန်တဲ့လူကိုပါ တော်တော်စိတ်ထဲစွဲပြီး စိတ်ညစ်အောင်လုပ်နိုင်တယ်။ သေချာတာကတော့ ဒီဇာတ်ကားရဲ့ အကြောင်းအရာနဲ့ အပြတွေဟာ ထူးထူးခြားခြားနဲ့ ရှားပါးပါတယ်။ ဘယ်လိုပဲဖြစ်ဖြစ်ပါ ဒါမျိုးမကြိုက်ရင် စိတ်ညစ်မခံနိုင်ရင်တော့ မကြည့်သင့်ပါဘူး။ Body Horror ကို မြည်းစမ်းကြည့်ချင်ပါတယ်ဆိုတဲ့သူတွေနဲ့ နှစ်ခြိုက်ပါတယ်ဆိုတဲ့သူတွေကိုပဲ ကြည့်ဖို့ညွှန်းချင်ပါတယ်။ ~ ဇာတ်လမ်းအကျဉ်း ~ ဝေါလေ့စ်က ဟာသပေါ့ကတ်စ်ချန်နယ်တစ်ခုကိုလုပ်နေတာဖြစ်ပြီး အင်တာဗျူးလုပ်ဖို့ လော့စ်အိန်ဂျလိစ့်ကနေ ကနေဒါကိုခရီးထွက်ခဲ့ပါတယ်။ ဒါပေမဲ့ အင်တာဗျူးလုပ်မယ့်သူက သေနေပြီဖြစ်လို့ ဘုံဆိုင်မှာထိုင်ညစ်နေတုန်း "အခန်းလည်းငှားမယ် အတွေ့အကြုံ‌တွေကိုမျှဝေမယ်ဆိုတဲ့" ကြော်ငြာစာတစ်ခုတွေ့ပြီး လိပ်စာအတိုင်းသွားပါတယ်။ ကံဆိုးချင်တော့ သူသွားတွေ့တဲ့သူက ကွင်းဆက်လူသတ်သမားဖြစ်နေတဲ့အပြင် ဆိုက်ကိုပါ ၀င်နေတဲ့သူကြီးဖြစ်နေတော့ အရှင်လတ်လတ် လူဘ၀ကနေ ဖျံဘ၀ကို အပြောင်းခံလိုက်ရပါတော့တယ်။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 1.35GB, 565MB Quality - BluRay 1080p, 720p IMDb Rating - 5.3/10 Format - mp4 Duration - 1H 42Min Genre -Comedy, Horror Subtitle - Myanmar Subtitle (Hardsub) Translated by Soe Thiri Swe Encoded by Y

Transcendence(2014) 2014 ထွက် Drama | Mystery | Sci-Fi ဇာတ်ကားတစ်ကားပါ... Dr. Will Caster နဲ့ Evelyn တို့ ဇနီးမောင်နှံဟာ သူငယ်ချင်းဖြစ်သူ Max Waters နဲ့ အတူ Pinn ကို တီထွင်နိုင်ခဲ့ကြပါတယ်.... PINN ဆိုတာဟာ သူ့ဆီမှာ ရှိတဲ့ အချက်အလက်အကုန်လုံးကို လျှင်မြန်စွာ တွက်ချက်ပြီး အဖြေထုတ်နိုင်ပေမယ့် ကိုယ်ပိုင်အသိဉာဏ် ဖြင့် စဉ်းစားဆင်ခြင်နိုင်တဲ့အဆင့်ထိတော့ မရသေးပါဘူး... နည်းပညာရပ်ဆိုင်ရာ ဟောပြောပွဲ တခုမှာ Will Caster ဟာ လုပ်ကြံခံခဲ့ရပြီး သူ့ရဲ့တခြားသော team တွေအကုန်လုံးလဲ လုပ်ကြံသတ်ဖြတ်ခံလိုက်ရတဲ့အပြင် သူတို့ Research တွေလည်း လုံးဝဖျက်ဆီးခံလိုက်ရပါတယ်... နည်းပညာကလူတွေကိုလွှမ်းမိုးလာတာကိုမလိုလားတဲ့လူတစ်စုကြောင့်ပေါ့.. သူတို့ကတော့ "Revolutionary Independence From Technology" (R.I.F.T.)ပါ.. လုပ်ကြံမှုကြီးပြီးတဲနောက်မှာတော့  Will Caster ဟာ  သူ့အတွက် ရွေးချယ်မှုတစ်ခုသာရှိပါတော့တယ်.. အဲဒါနောက်ဘာတွေဆက်ဖြစ်မလဲဆိုတာကိုတော့..... ဒီကားက ရဲ့ခေါင်းဆောင်မင်းသားကြီး Johnny Depp  ကိုတော့ ထွေထွေထူးထူး မိတ်ဆက်ပေးစရာမလိုတော့ဘူးထင်ပါတယ်...ဒါအပြင် Morgan Freemanလည်းပါနေသေးရဲ့.. ဒီဇာတ်ကားဟာ ၂၀၁၄တုန်းက ရိုက်ခဲ့တာဖြစ်ပေမယ့် ဒီနှစ်အတွင်းမှာ Google က announce လုပ်လိုက်တဲ့ Google Assistant ရဲ့ version အသစ်ဟာဆိုရင် ဒီကားထဲကရိုက်ပြထားတာတွေနည်းနည်းလောက်ဖြစ်လာနေပါပြီ A.Iအကြောင်းစိတ်ဝင်စားတယ်  Sci-Fi  ဇာတ်ကားတွေကို နှစ်ခြိုက်သဘောကျတဲ့သူတွေအဖို့ မိုးအေးအေးလေးနဲ့ကြည့်လို့ကောင်းတဲ့ဇာတ်ကားပါလို့ညွှန်းဆိုပါရစေ. ဇာတ်လမ်းအညွှန်းနဲ့ဘာသာပြန်သူကတော့JtheKoala ပဲဖြစ်ပါတယ်... File Size : 1.78GB & 740MB Quality : Blu-Ray 1080p 5.1 CH, Blu-Ray 720p Format…mp4 Duration… 2h 00m Genre : Drama, Mystery, Sci-Fi Subtitle : Myanmar Subtitle (Hard Sub) Translated by JtheKoala Encoded by Thit San Khant , Phyo Pyae

IMDb - 6.4/10 Pirates of the Caribbean ဇာတ်ကား ဖန်တီးရှင် ထုတ်လုပ်သူ Jerry Bruckheimer နဲ့ ဒါရိုက်တာ Gore Verbinski တို့ရဲ့ လက်ရာ ဖြစ်ပြီး Tonto အဖြစ် မင်းသား Johnny Depp ၊ Lone Ranger ခေါ် John Reid အဖြစ် Armie Hammer ၊ Latham Cole အဖြစ် Tom Wilkinson Butch Cavendish အဖြစ် William Fichtner ၊ Red Harrington အဖြစ် Helena Bonham Carter ၊ Dan Reid အဖြစ် James Badge Dale နဲ့ Rebecca အဖြစ် Ruth Wilson တို့ ပါဝင်ထားတဲ့ ဇာတ်ကားပါ………ဇာတ်လမ်းကတော့….. ၁၉၃၃ ခုနှစ် ကာနေဗယ်တော် ကျင်းပနေသည့် ရက်တွင် ဖြစ်သည်။ ဆန်ဖရန်စစ္စကိုတွင် Golden Gate တံတားကြီး စတင်ဆောက်လုပ်နေဆဲ ကာလဖြစ်သဖြင့် ထိုနေရာတွင် လူစည်ကားနေသည်။ Will ဟု အမည်ရသော ချာတိတ်တစ်ယောက်က က ရာဇဝင်ထဲက လူစွမ်းကောင်း Lone Ranger (တစ်ကိုယ်တော် လူစွမ်းကောင်း) ပုံစံ ကောင်းဘွိုင်ဝတ်စုံ ဝတ်ဆင်ပြီး ကာနေဗယ်ပွဲတော်ကျင်းပရာ နေရာကို လှည့်လည် ကြည့်ရှုနေသည်။ ထိုနေရာတွင် Tonto ဟု အမည်ရသော ကိုမန်ချီ အင်ဒီယန်းလူမျိုး တစ်ဦးနှင့် တွေ့ဆုံမိသည်။ Will သတိရလိုက်သည်က Lone Ranger ရဲ့ မိတ်ဆွေ Tonto ကလည်း ကိုမန်ချီ အင်ဒီယန်းဖြစ်သည် ဆိုတာကိုပင်။Tonto က သူနဲ့ Lone Ranger တို့ အနောက်ခြမ်းက ကန္တာရမှာ စွန့်စားခဲ့ကြောင်း၊ မျက်နှာဖုံးစွပ် Lone Range နဲ့ သူနဲ့ နှစ်ယောက်အတူ ဘဏ်ကို ဓားပြတိုက်ခဲ့ကြောင်း ပြောပြသည်။ သို့သော် Will လက်မခံနိုင်။ သူသိထားသည့် Lone Ranger က တရားဥပဒေ စိုးမိုးရေး စွမ်းဆောင်ခဲ့သည့် သူရဲကောင်း၊ ဘဏ် ဓားပြမဟုတ်……….. အဲဒီတော့မှ Tonto က ၁၈၆၉ ခုနှစ်မှာ သူနဲ့ အတူတူ တက္ကဆပ်ပြည်နယ် ကော်ဘီမှာ သောင်းကျန်းခဲ့ဖူးသည့် လူတစ်ယောက်အကြောင်း ပြန်ပြောပြသည်။ ၁၈၇၉ တွင် အမေရိကန်နိုင်ငံရဲ့ အရှေ့ဖက်နဲ့ အနောက်ဖက်ကို ဆက်သွယ်ဖို့ ပြည်နယ်အများအပြားကို ဖြတ်ပြီး ရထားလမ်းဖောက်လုပ်နေသည်။ ရထားလမ်းကို Latham Cole ဆိုသည့် သူဌေးတစ်ဦးက ထိန်းချုပ်ထားသည်။ John Reid ဆိုသည့် လူငယ်လေးက ဒီရထားကို စီးပြီး ဇာတိသို့ ပြန်လာသည်။ John Reid စီးတဲ့ ရထားပေါ်မှာ Texas Ranger တစ်ဦးဖြစ်တဲ့ သူ့အစ်ကို Dan Reid ဖမ်းလာသည့် လူဆိုးကြီး Butch Cavendish လည်း ပါလာသည်။ Tonto ကလည်း အဲဒီရထားကိုပဲ စီးလာသည်ပေါ့………..သို့ပေမယ့် အခြေအနေက အစိုးမရသည်မို့ Butch လွတ်သွားပြီး သူ့ကို ဖမ်းလာသည့် Texas Ranger တွေ အသတ်ခံရသည်။ Tonto က ဒီလူသတ်မှုမှာ ကြားက ဓားစာခံဖြစ်ပြီး ရထားကို အပိုင်စီးခံရသည်။ ဒါပေမယ့် John နဲ့ Dan တို့က ပြန်လည်တိုက်ခိုက်ပြီး Tonto ကို Butch ရဲ့ အဖွဲ့ကလို့ ထင်သွားကြသည်။ အကျိုးဆက်အနေနဲ့ Tonto ကို Dan က ဖမ်းဆီးထားလိုက်ပြီး Butch ကတော့ လွတ်မြောက်သွားသည်။Dan က John ကို Texas Ranger တွေနဲ့အတူ Butch ကို လိုက်လံဖမ်းဆီးဖို့ အကူအညီတောင်းသည်။ တောင်ကြားတစ်ခုတွင် Dan ၊ John နဲ့ Ranger တွေ ပိတ်မိနေစဉ် Ranger တွေ အကုန်အသတ်ခံရပြီး Butch က John ရဲ့ ရှေ့မှာတင် Dan ရဲ့ နှလုံးကို ထုတ်ပြီး စားပြသည်။ John လည်း ဒဏ်ရာကြောင့် မျောသွားပြီး ကိုမန်ချီအင်ဒီယန်းတွေ ယုံကြည်ကြတဲ့ Silver အမည်ရှိ ဝိဉာဏ်မြင်းတစ်ကောင်က သူ့ကို ပြန်အသက်သွင်းပေးလိုက်သည်။ ထောင်က ထွက်ပြေးလာတဲ့ Tonto က ဒီအကြောင်းကို ပြောပြပြီး John တစ်ယောက် တိုက်ပွဲမှာ သူများသတ်လို့ မသေနိုင်တော့ဟု ရှင်းပြသည်။ဒါ့အပြင် တိုက်ပွဲမဖြစ်ခင် ပျောက်ဆုံးသွားသည့် Collins အမည်ရှိ Ranger က သစ္စာဖောက်လို့ Dan သေဆုံးရတာ ဖြစ်ကြောင်း Tonto က သတင်းပေးသည်။ Collins မကြာခင်ကမှ ရောက်ခဲ့သည့် ပြည့်တန်ဆာအိမ်သို့ သွားရှာကြရင်း Red Harrington နဲ့ တွေ့ဆုံမိပြီး Dan နဲ့ Collins တို့ ရန်ဖြစ်သည့်အကြောင်းကို သိရသည်။ အဲဒီအချိန်မှာ ကိုမန်ချီ အင်ဒီယန်းယောင်ဆောင်ထားသည့် Butch ရဲ့ အဖွဲ့ဝင်တွေက ကိုမန်ချီနဲ့ အမေရိကန်တွေရဲ့ နယ်စပ်ကို ဝင်ရောက်တိုက်ခိုက်ကြသည်။ဒီလို ဝင်ရောက်တိုက်ခိုက်တာကြောင့် Dan ရဲ့ မိန်းမ Rebecca နဲ့ သား Danny တို့ ပိတ်မိသွားကြသည်။ သို့သော် မီးရထားလမ်းပိုင်ရှင် Latham Cole က ဝင်ရောက်ကယ်ဆယ်ပြီး Collins ကို ပစ်သတ်လိုက်သည်။ ဒါ့အပြင် ရထားလမ်း ဆက်လက်ဖောက်လုပ်ဖို့နဲ့ ကိုမန်ချီအင်ဒီယန်းတွေကို တိုက်ခိုက်ဖို့ အမေရိကန် မြင်းတပ်ဗိုလ်ကြီး Jay Fullerကို အကူအညီတောင်းသည်။တကယ်တော့ Cole ရော Butch ကပါ ကိုမန်ချီ တွေ ပိုင်ဆိုင်တဲ့ ငွေသတ္ထုတွင်းကို လိုချင်လို့ ဒီဒေသကို ထိုးဖောက်ဝင်ရောက်လာခြင်း ဖြစ်သည်။ ဒီအကြောင်းကို သိသွားရတဲ့ တရားခံဟာ အင်ဒီယန်းကြီး Tonto ဖြစ်သည့်အကြောင်း John သိသွားသည့်အခါ …… File Size : 1 GB Quality : HD 1080p Running Time : 2h 30min Format : Mp4 Genre : Action, Adventure, Western Subtitle : mmsubtitle Encoder : Tariq L Walker

ဒရက်ဂူလာ ဟာသကားလေးပါ… မင်းသား Johnny Depp ပါဝင်သရုပ်ဆောင်ထားပါတယ်။ ၁၉၆၆ ခုနှစ်က တင်ဆက်ပြသသော opera ကို ဇတ်လမ်းအဖြစ် ပြန်လည်ကာ ဖန်တီးထားခြင်းဖြစ်ပါတယ်။ ၁၇၆၀ ခုနှစ်မှာ Collins Family ဟာ လီဗာပူးကနေ အမေရိကန်ကိုပြောင်းရွေ့လာရာက ဇတ်လမ်းစထားတာပါ။ ၁၄ နှစ်လောက်ကြာတဲ့အခါ မင်းသား Barnabas ဟာ အိမ်ဖော်အမျိုုးသမီးဖြစ်သူ Angelique နဲ့အချစ်ဇတ်လမ်းဖြစ်ပွားခဲ့ပါတယ်။ ငယ်စဉ်တည်းက မင်းသားကိုပြုစားထားတဲ့ စုန်းမဖြစ်ပါတယ်။ အဲ Angelique ဟာ မင်းသားရဲ့ မိဘတွေကိုလဲခတ်ပစ်ပီး မင်းသားကိုလဲ မသေနိုင်တဲ့ သွေးစုပ်ဖုတ်ကောင်ဘဝကို ပြောင်းခဲ့ပါတယ်….အခေါင်း တစ်ခုတွင်းမှာထည့်သွင်းကာ စီရင်ခဲ့ပါတယ်။ နောက် ၁၉၆ နှစ်အကြာ ၁၉၇၂ ခုနှစ်မှာတော့.. အလုပ်သမားတစ်ယောက်က မမျှော်လင့်ပဲ Barnabas ရဲ့ အခေါင်းကိုဖွင့်ပီး လွတ်စေခဲ့သောအခါ……. နောက် Victoria ဆိုတဲ့ကောင်မလေး…. မင်းသားနဲ့ဘယ်လိုပက်သက်မှာလဲ နောက်ဆုံး ကျိန်စာတွေပြယ်တဲ့အခါ ….. ဗစ်တိုးရီးယားကတော့ ပြတင်းပေါက်ကနေ ခုန်ချလိုက်ပီးသားဖြစ်နေခဲ့တယ်… သူ့အသက်ကိုမင်းသားက ဘယ်လိုကယ်မလဲ။ ဇတ်လမ်းနားထောင်ရတာ ..စိတ်ဝင်စားစရာကောင်းသလို ကြောက်စရာထင်ရပေမဲ့ တကယ်လဲကြည့်ရော ရယ်နေရပါတယ် … ရယ်စရာ သရဲ (သွေးစုပ်ဖုတ်ကောင် ) ဇတ်ကားလေးဆိုတော့ အပျင်းပြေစေမှာပါ။ ကြည့်လိုက်ရအောင်….။ (ရုပ်ရှင်အညွှန်းကို swannyeelover.blogspot မှကူးယူဖော်ပြပါသည်။)

21 Jump Street (2012) IMDb Rating (7.2) / Rotten Tomatoes (85%) ဒီတစ်ခေါက်ကတော့ ဟာသဇာတ်လမ်းတွေကြားမှာ နာမည်ကြီးပြီးသားရုပ်ရှင်ဖြစ်တဲ့ 21 jump street ရုပ်ရှင်ပဲဖြစ်ပါတယ်။ ရှမစ် နဲ့ ဂျန်ကို တို့နှစ်ယောက်ဟာ အထက်တန်းကျောင်းတုန်းက အစေးမကပ်ခဲ့ကြပေမယ့် နှစ်ယောက်လုံး ရဲ ဖြစ်လာတဲ့အခါမှာတော့ ပါတနာတွေ အဖြစ် အတူတာဝန် ထမ်းဆောင်ရပါတော့တယ်။ စိတ်ထင်ရာနင်းကန်ချကြလို့ အထက်လူကြီးက တကယ့်နေရာကိုပို့လိုက်ပါတော့တယ်... ဒါကတော့ အထက်တန်းကျောင်းတစ်ခုမှာ ပျံ့နေတဲ့ မူးယစ်ဆေးအသစ်တစ်မျိုးအတွက် တာဝန်ရှိတဲ့သူကို ရှာဖွေရမှာဖြစ်ပါတယ်။ အဲ့အတွက် ရှမစ် နဲ့ ဂျန်ကိုတို့ဟာ အထက်တန်းကျောင်းကို ကျောင်းသားအသစ်အဖြစ် ဟန်ဆောင်ဝင်ရောက်ပြီး လျှို့ဝှက်ထောက်လှမ်းရေး လုပ်ရပါတော့တယ်။ ရုပ်ရှင်ကြည့် ပရိသတ်တွေ ရင်းနှီးပြီးသားဖြစ်တဲ့ Jonah Hill နဲ့ Channing Tatum တို့ ဦးဆောင်ပါဝင်ထားပြီး ဘော်ဒါနှစ်ကောင် အထက်တန်းကျောင်းမှာ ဘယ်လိုတလွဲတချော်တွေ ဖြစ်မလဲဆိုတာ ရယ်မောရင်းကြည့်ရှုရမှာပါ။ Brie Larson , Dave Franco , Ice Cube , Dakota Johnson တို့လို နာမည်ကြီးသရုပ်ဆောင်တွေလဲကူညီအားဖြည့်ထားတာမလို့ တကယ့်ကိုကြည့်ပျော်တဲ့ရုပ်ရှင်ပါပဲ။ 21 jump street(2012) နဲ့ 22 Jump Street (2014) ဆိုပြီး ၂ ကားထွက်ခဲ့ပြီးတော့ ၂ ကားလုံးတခွီးခွီးနဲ့ ရယ်နေရပါတယ်။ Jump Street ရုပ်ရှင်တွေကြည့်ပြီးသွားရင် Jonah Hill နဲ့ Channing Tatum တို့ ပရိတ်သတ်ဖြစ်သွားနိုင်ပါတယ်။ (ရုပ်ရှင်အညွှန်းနဲ့ဘာသာပြန်ကို Marco မှတင်ဆက်ထားပါတယ်။) File size…(5.3 GB)/(1.7 GB )/(1.1 GB) Quality…BluRay 4K HEVC/ 1080p HEVC / 720p Format…mkv/mp4 Duration….01:50:00 Subtitle….Myanmar Subtitle (Hardsub) Encoder….Ka Naung Translated by Marco

ဂျက်စပဲရိုးနဲ့ လူမှားခံရတဲ့ ဂစ်ဘ်ကို ကြိုးပေးတော့မယ့်အချိန်မှာ ဂျက်က ဝင်ကယ်ပေးလိုက်ရပါတယ်။ အဲဒီနောက် သူတို့နှစ်ယောက်ဟာ ကိုယ့်အတွက်တော့ အဆင်ပြေနေတဲ့ ဘာဘိုဆာဆီ ရောက်သွားကြပြန်တယ်။ ဒါပေမဲ့ အဲဒီမှာ ဂစ်ဘ်ပဲ ကျန်ခဲ့ပါတယ်။ ဂျက်ကတော့ အချစ်ဟောင်း အန်ဂျလီကာကြောင့် မုတ်ဆိတ်နက်ဆီ ရောက်သွားပြီး ထာဝရသက်ရှည်ရေပန်းကို ရှာဖို့ ကြိုးစားရပြန်တယ်။ ဒီရှာဖွေရေးမှာ စပိန်တွေက သူတို့ထက် ခြေတစ်လှမ်းသာနေပြီဖြစ်ပါတယ်။

Rango ဆိုတဲ့ ပုတ်သင်လေးဟာ သူရဲကောင်းဖြစ်ချင်တဲ့ စိတ်ကူးယဉ်သမားတစ်ကောင်ပါ။ သူရဲကောင်းတစ်ယောက်လို မင်းသမီးလေးကို ကယ်တင်ရဖို့က သူ့ရဲ့အကြီးမားဆုံး မျှော်လင့်ချက်ပေါ့။ တစ်နေ့မှာတော့ မမျှော်လင့်တဲ့ ဖြစ်ရပ်တစ်ခုကြောင့် သဲကန္တာရထဲ သောင်တင်သွားပြီး ရေပြတ်လပ်နေတဲ့ မြို့ငယ်လေးတစ်မြို့ကို ရောက်လာတယ်။ တကယ်တမ်း အစွမ်းအစမရှိသေးပေမယ့် အပြောကောင်းတဲ့ Rango ဟာ မြို့ခံတွေ အထင်ကြီးယုံကြည်လာအောင် လုပ်နိုင်ခဲ့ပါတယ်။ မြို့ကို ဒုက္ခပေးနေတဲ့ ငှက်ကြီးကိုလည်း အလွဲလွဲအချော်ချော်နဲ့ ရှင်းပစ်နိုင်သွားတော့ မြို့ခံတွေက သူ့ကို ပိုပြီး အထင်ကြီးလာကြတယ်။ သူတို့မြို့ရဲ့ဒုက္ခတွေကို ဖြေရှင်းပေးနိုင်မယ့် သူရဲကောင်းအဖြစ်ပါ အားကိုးလာကြတော့တာပါ။ ဒီလိုနဲ့ Rango ဟာ လိုချင်ခဲ့တဲ့ သူရဲကောင်းအမည်ကို ရလာပေမယ့် အဲဒီနာမည်နဲ့ထိုက်တန်အောင် ကြိုးစားရာမှာ ပြဿနာတွေ တစ်ခုပြီးတစ်ခု ကြုံလာရတယ်။ သူရဲကောင်းဟန်ဆောင်နေမှန်း မြို့ခံတွေ သိသွားရင် ဘယ်လိုဖြစ်မလဲ၊ သူကိုယ်တိုင်ကရော သူရဲကောင်းဆိုတဲ့ အဓိပ္ပာယ်ကို နားလည်လာနိုင်မလားဆိုတာ သူ့ရှေ့မှာ ရှိနေပါတယ်။

Alice In Wonderland(2010) IMDB : 6.4 Rotten Tomatoes : 50% Genre : Family/Adventure/Fantasy Alice in Wonderland ကို လူတိုင်းသိကြမယ်လို့ထင်ပါတယ်။ ကျွန်တော်တို့ရဲ့ ငယ်ဘဝတစ်စိတ်တပိုင်းဆိုလည်းမမှားပါဘူး။ ငယ်ငယ်ကတည်းက လောကကြီးကိုရင်ဆိုင်ပြီးတိုက်ခိုက်နေရတဲ့ အသက်အရွယ်ရောက်လာတာတောင်မှ Tim Burton ရဲ့ရုပ်ရှင်တွေကိုကြည့်ပြီး Tim Burton Universe ထဲကိုသွားချင်တဲ့စိတ်ကမကုန်သေးပါဘူး။ Fantasy လောကရဲ့ ဖခင်ကြီး Tim Burton ရဲ့ရုပ်ရှင်တွေဟာ ကြည့်လိုက်တိုင်း ရင်ထဲမှာတော့ တစ်ခုခုကျန်ခဲ့ပါတယ်။ Alice in Wonderland လည်းအဲလိုပါပဲ။ ကျွန်တော်တို့ဟာ ဘဝမှာ တစ်ခါတော့ အံ့ဖွယ်ကမ္ဘာကိုရောက်သွားတဲ့ Alice တော့ဖြစ်ချင်ခဲ့မှာပါ။ ရှုပ်ထွေးလှတဲ့ လောကကြီးကနေ အံ့ဖွယ်ကမ္ဘာကိုရောက်သွားတဲ့ Alice ကို အားကျခဲ့မိမှာပါ။ Alice in Wonderland ဟာ Rating အရကြည့်မယ်ဆိုရင်တော့ သိပ်ပြီးအားရစရာမဟုတ်ပေမယ့် Academy ၂ ဆုသိမ်းပိုက်ထားတဲ့ ရုပ်ရှင်ဖြစ်ပြီး ပရိသတ် လူငယ်/လူကြီး ကြိုက်ကြတဲ့ ရုပ်ရှင်တကားဖြစ်ပါတယ်။ Alice in Wonderland Theme Song က ကြက်သီးထစေသလို Avril Lavigne ရဲ့ Alice (Underground) သီချင်းကလည်း တခုခုကိုလွမ်းသွားစေမှာပါ။ ဘဝအမောတွေပြေအောင်လို့ ကြည့်လိုက်ကြပါ၊ ကြည့်ပြီးတဲ့လူတွေလည်း အမြင်တမျိုးနဲ့ပြန်မြင်ရမယ်ထင်ပါတယ်။ ဇာတ်ညွှန်း ချားလ်စ်ဆိုတဲ့ ကုန်သည်တစ်ယောက်မှာ အဲလစ်စ်ဆိုတဲ့ သမီးလေးတစ်ယောက်ရှိတယ်။ အဲလစ်စ်လေးဟာ ငယ်ငယ်ကတည်းက အိမ်မက်တစ်ခုတည်းကိုမက်ပါတယ်။ အဲဒီအိမ်မက်ထဲမှာ ဝစ်စ်ကုတ်ဝတ်ထားတဲ့ယုန်ပါတယ်၊ ဒိုဒိုငှက်ကြီးတစ်ကောင်ပါတယ်၊ ပြုံးနေတဲ့ကြောင်ကြီးတစ်ကောင်ပါတယ်။ အိမ်မက်ဆိုတော့ အတည်မှတ်လို့မရဘူးပေါ့လေ။ "သမီးရူးသွားပြီလား" တဲ့။ ဒါက အဲလစ်စ်လေးရဲ့ သူ့အဖေ ချားလ်စ်ကိုမေးတဲ့အမေး။ ချားလ်စ်ကပြန်ဖြေတယ် "ဟုတ်တယ်၊ သွက်သွက်ခါအောင်ပဲတဲ့။ ဒါပေမဲ့ လျှို့ဝှက်ချက်တစ်ခုအဖေပြောပြမယ်။ အတော်ဆုံးလူတွေအကုန်လုံးက ရူးနေကြတာပဲ" တဲ့။ ဒီလိုနဲ့ အဲလစ်စ်လေး ၁၉ နှစ်သမီးရောက်တော့ ရှေးခေတ်အင်္ဂလန်ပြည်ကြီးရဲ့ထုံးစံအတိုင်း ယောက်ျားပေးစားဖို့ကြံပါတော့တယ်။ ဒါပေမဲ့ လက်ထပ်ခွင့်ကို လက်ခံသည်/မလက်ခံသည် မပြောရသေးခင်မှာ အဲလစ်စ်ဟာ ယုန်တွင်းထဲပြုတ်ကျပြီး အံ့ဖွယ်ကမ္ဘာကြီးကိုရောက်သွားပါတော့တယ်။ ဒီလိုနဲ့ အဲလစ်စ်ဟာ မြေအောက်အံ့ဖွယ်ကမ္ဘာကြီးကို ကယ်တင်ဖို့အကြောင်းဖန်လာပါတော့တယ်။ အဲလစ်စ်လေးတစ်ယောက် အံ့ဖွယ်ကမ္ဘာကြီးကိုဘယ်လိုကယ်တင်မလဲဆိုတာ စိတ်ဝင်စားစွာနဲ့ကြည့်လိုက်ကြပါဦးခင်ဗျာ။ အရူးဦးထုပ်သမား အဖြစ် မင်းသားကြီး Johnny Depp အဲလစ်စ် အဖြစ် မင်းသမီး Mia Wasikowska ခန်းဆောင်နီဘုရင်မအဖြစ် Tim Burton ကားမှာ မပါမဖြစ် မင်းသမီး Helena Bonham Carter ခန်းဆောင်ဖြူဘုရင်မအဖြစ် အချစ်တော်မင်းသမီး မကြာနု Anne Hathaway ပညာရှိ ပေါက်ဖတ်အဖြစ်အသံသရုပ်ဆောင် မင်းသားကြီး Alan Rickman ခန်းဆောင်နီဘုရင်မ တပ်မှူးအဖြစ် မင်းသား Crispin Glover တို့က ပါဝင်သရုပ်ဆောင်ထားကြပါတယ်။ File size…2.8 GB / 1.1 GB Quality…Bluray 4k /1080p / 720p Format…mp4 Duration….1hr 48 minute Subtitle….Myanmar Subtitle (Hard Sub) Encoder….Thit San Khant Translated by Lucifer Maximoff

ရုရှားမာဖီယားဂိုဏ်းတစ်ခုမှာ ငွေထိန်းလူယုံအဖြစ် လုပ်နေတဲ့ အလက်ဇန္ဒား ပီးရက်ဟာ သူ့သူဌေးဆီက ဒေါ်လာသန်း ၂၀၀ ကျော်ကို ဘုံးပြီး ပျောက်သွားပါတယ်။ စကော့တလန်ယာဒ့် စုံထောက်အဖွဲ့ဆီကလည်း ပေါင် ၇၃၃ သန်း ဘုံးသွားခဲ့တယ်။ သူ့ကို နှစ်နှစ်လုံး လိုက်ရှာပေမယ့် အစအနတောင် မတွေ့ခဲ့ကြဘူး။ စကော့တလန်ယာဒ့်ဘက်ကလည်း သူ့ကိုဖမ်းမိဖို့ ပေါင် ၈ သန်းကျော် သုံးခဲ့ပြီးပါပြီ။ အထူးစုံထောက် အာချက်ဆင် ဦးဆောင်တဲ့အဖွဲ့က ပီးရက်ရဲ့ဇနီး အဲလစ်နောက်ကို မျက်ခြည်မပြတ် လိုက်စုံစမ်းနေပါတယ်။ ဒါပေမဲ့ အဲဒီလို စောင့်ကြည့်နေတဲ့ကြားကပဲ လင်မယားနှစ်ယောက် ဆက်သွယ်မိသွားပြီး ပီးရက်က အဲလစ်ကို အီတလီနိုင်ငံ ဗင်းနစ်မြို့မှာ တွေ့ဖို့ ခေါ်လိုက်တယ်။ ပဲရစ်ကနေ ဗင်းနစ်ကို သွားတဲ့ရထားပေါ်မှာ အဲလစ်ဟာ ကမ္ဘာလှည့်ခရီးသည်တစ်ယောက်နဲ့ ဆုံမိပါတယ်။ အဲဒီတွေ့ဆုံမှုကနေ ပြဿနာတွေ စလာပြီး ရုရှားဂိုဏ်းခေါင်းဆောင်၊ စကော့တလန်ယာဒ့်စုံထောက်တွေ၊ ပီးရက်နဲ့ အဲလစ်တို့ကြားမှာ ဒီခရီးသည်က ဘယ်လိုပါဝင်ပတ်သက်လာမလဲဆိုတာ ဆက်တွေ့ရမှာပါ။ ဂျော်နီဒပ်နဲ့ အန်ဂျလီနာဂျိုလီတို့ အဓိကပါဝင်ထားတဲ့ အက်ရှင်၊ မှုခင်းနဲ့ လျှို့ဝှက်သည်းထိတ်ရင်ဖို ဇာတ်ကားဖြစ်ပါတယ်။

Public Enemies (2009) ဇာတ်ကားဟာ 1993 ခုနှစ်က နာမည်ကျော် ဘဏ်ဓားပြတစ်ဦးဖြစ်တဲ့ John Dillinger အကြောင်းကို ဖြစ်ရပ်မှန်ရိုက်ကူးထားတဲ့ ဇာတ်ကားတစ်ကားပဲဖြစ်ပါတယ်။ မင်းသားကြီး Johnny Depp အဓိကပါဝင်ရိုက်ကူးထားပြီး စိတ်ဝင်စားဖွယ်ကောင်းသော အက်ရှင် Crime ရုပ်ရှင်အမျိုးအစားဖြစ်ပြီး IMDB rating 7.0 ရရှိထားသော ရုပ်ရှင်ကားတစ်ကားဖြစ်ပါတယ်။ File Size : 850 MB Quality : Bluray 720P Running Time : 2hr 20minutes Format : Mp4 Genre : Biography, Crime, Drama Fixed & Synced : Wai Linn Kyaw Encoder :Thanhtike Zaw

The Imaginarium of Doctor Parnassus (2009) ~ The Last Of Heath Ledger ~ ဒီရုပ်ရှင်ရဲ့ ဇာတ်လမ်းအဆုံးမှာ " A Film From Heath Ledger and Friends " လို့ ရေးထိုးထားပါတယ်။ အတော်၀မ်းနည်းစရာကောင်းတဲ့ စာ‌ကြောင်းပါပဲ။ "Heath Ledger, Johnny Depp, Jude Law, Colin Farell, Christopher Plummer, Andrew Garfield" ဒီရုပ်ရှင်လောက် နာမည်ကြီး ထိပ်တန်း cast တွေစုနေတဲ့ ရုပ်ရှင်မရှိလောက်ဘူးလို့ ပြောရမယ်။ ဒီလိုလူတွေကို တစ်စုတစ်စည်းထဲမြင်ရတာ ၀မ်းသာစရာကောင်းလား‌ပြောရရင်လည်း ဘာကြောင့် ဒီလိုဖြစ်သွားလဲဆိုတဲ့အချက်က အတော် ၀မ်းနည်းစရာကောင်းပါတယ်။ အကြောင်းရင်းကတော့ ဒီရုပ်ရှင်ရိုက်ကူးနေရင်း တန်းလန်းမှာပဲ Heath Ledger ဟာ အဆုံးမဲ့လွင်ပြင်တစ်ခုဆီ ပျံသန်းထွက်ခွာသွားခဲ့လို့ပါပဲ။ Heath မရှိတော့တဲ့နောက် သူ့သူငယ်ချင်းတွေက သူ့ရဲ့မပြီးသေးတဲ့တာ၀န်ကို အပြီးသတ်ပေးခဲ့ကြလို့ ဒီရုပ်ရှင်မှာ နာမည်ကြီး Cast တွေစုနေတာပါပဲ။ Johnny Depp, Jude Law, Colin Farell စတဲ့သူတွေဟာ Heath ရဲ့ ဇာတ်ကောင် တိုနီနေရာကပဲ သရုပ်ဆောင်ထားခဲ့ကြတယ်။ ဘာလို့ အစားထိုးတစ်ယောက်တည်းမထည့်ဘဲ သုံးယောက်တောင် ထည့်ချပစ်လိုက်တာလဲဆိုတာကို ဒါရိုက်တာ Gilliam က Heath နေရာကို ဘယ်သရုပ်ဆောင်နဲ့မှ အစားထိုးလို့မရလို့လို့ ဖြေထားပါတယ်။ သူသုံးသွားတဲ့ စကားလုံးက အတော်ထိပါတယ် "no one actor"တဲ့ ။ သို့ပေမဲ့ ဒါရိုက်တာကလည်း အတော်တော်ပါတယ်။ ဒီတိုင်းကြည့်ရင် Heath သေသွားလို့ လူစားထိုးထားတယ်လို့ကို မထင်ရဘဲ ဇာတ်ကိုက ဒီလိုဖြစ်နေတာလို့ ထင်ရလောက်အောင် ရိုက်သွားတယ်။ ဒါရိုက်တာကပြောပါသေးတယ်။ "Heath ကိုယ်တိုင် အစအဆုံးသရုပ်ဆောင်ရင် ဒီရုပ်ရှင်က ဘယ်လောက်တောင် ထူးခြားတဲ့ရုပ်ရှင်ဖြစ်လာမလဲ ကျွန်တော်တို့မသိနိုင်တော့ပေမဲ့ သူပါခဲ့သမျှ အခန်းတိုင်းကတော့ မှော်ဆန်ခဲ့တယ်" တဲ့။ ဒါရိုက်တာဟာ 12 monkeys တို့၊ Monty Python and the Holy Grail တို့၊ Fear and Loathing in Las Vegas တို့လို နာမည်ကျော်ကားတွေကိုရိုက်ခဲ့တဲ့သူပါ။ နောက် အရုပ်မလေးလိုလှပြီး ဆွဲဆောင်မှုရှိတဲ့ မင်းသမီး Lily Cole က မပေါ့တပေါ် ညှို့ပြအားဖြည့်ထားပြီး မကြိုက်တဲ့သူမရှိသလောက်ရှားတဲ့ Big Fish ရဲ့အရသာမျိုးကိုပေးနိုင်တဲ့ ရုပ်ရှင်ဆိုလည်း မမှားပါဘူး။ စိတ်ကူးယဉ်ဆန်ဆန် မှော်ဆန်ဆန်နဲ့ အတော့်ကိုလှနေတဲ့ကားပါပဲ။ Heath Ledger ကို Tribute ဖို့ သူဘယ်လောက်တော်တဲ့ သရုပ်ဆောင်တစ်ယောက်ဖြစ်ခဲ့တယ်ဆိုတာ ကျွန်တော်ရေးပြစရာမလိုပါဘူး။ ရုပ်ရှင်ကိုချစ်တဲ့သူတွေတိုင်း Heath Ledger က ဘာဆိုတာသိပြီးသားပါပဲ။ ဒီရုပ်ရှင်ဟာ Heath Ledger ရဲ့ မပြီးဆုံးသေးတဲ့ တာ၀န်ကို သူ့သူငယ်ချင်းတွေ ဆက်ထမ်းပေးသွားတဲ့ သူ့ရဲ့ နောက်ဆုံးရုပ်ရှင်တစ်ဖြစ်လဲ သူ့ရဲ့နောက်ဆုံးအနုပညာမှော်၀င်စားမှုပါပဲ။ ဒီရုပ်ရှင်ရဲ့ Concept ကို ကျွန်တော်လိုက်မမီပါဘူး။ သို့ပေမဲ့ ဒီရုပ်ရှင်ကြည့်ပြီး မင်းဘယ်လိုခံစားရလဲ မေးလာရင်တော့ အောက်ကအတိုင်းပဲ ရေးပြရလိမ့်မှာပါပဲ။ " ကိုယ်တိုင်ကပဲညစ်ထေးနေခဲ့တာလား ညစ်ထေးနေတဲ့ ကမ္ဘာ‌ကြောင့်လား ကိုယ်တိုင်လည်းမသိတော့ပေမဲ့ အရွယ်တွေလွန်လာပြီးတဲ့အခါ ဖန်တရာတေအမှားနဲ့ကမ္ဘာမှာ တစ်ခါတလေတော့လည်း အိပ်မက်တွေ တစ်ခါတလေတော့လည်း ချစ်ခြင်းတွေ ကြာလာလေ ပျောက်ရှလေ ငါဟာ ငါထင်ဖူးတဲ့ငါ မဟုတ်တော့တဲ့အခါ ငါ့ကိုယ်ငါပြန်မတွေ့တဲ့မှန်တစ်ချပ်ထဲမှာ ငါ့ကိုယ်ငါပြန်ရှာရင်းနဲ့ ကြာခဲ့ပြီပဲ အိပ်မက်ဟောင်းရေ။ ။ " " A Film From Heath Ledger and Friends" (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.9GB, 1.23GB Quality - 1080p, 720p IMDb Rating - 6.8/10 Format - mp4 Duration - 2H 2Min Type - Fantasy, Adventure Subtitle - Myanmar Subtitle (Hardsub) Translated by WiRa Aung Encoded by Y

Sweeney Todd: The Demon Barber Of Fleet Street (2007) IMDb - 7.7 Directed By Tim Burton Big Fish တို့ Charlie and the Chocolate Factory တို့လို Narrator လန်းလန်းနဲ့ ရုပ်ရှင်‌တွေ Edward Scissorhands, Sleepy Hollow, Dark Shadows တို့လို Gothicဆန်ဆန်ရုပ်ရှင်တွေ အရိုက်များတဲ့ Tim Burtonကို အားလုံး ရင်းနှီးပြီးသားဖြစ်မှာပါပဲ။ Sweeny Todd ကလည်း သူ့ရဲ့ အကောင်းဆုံး ရုပ်ရှင်တွေထဲက တစ်ခုပါပဲ။ သူ့ဟန်ဖြစ်တဲ့ Gothicဟန်ကို အပြည့်အဝပုံဖော်ထားတဲ့အပြင် သူ့ရုပ်ရှင်တွေနဲ့ အလိုက်ဖက်ဆုံး သရုပ်ဆောင်တွေဖြစ်တဲ့ သူ့ရုပ်ရှင်တွေမှာမကြာ မကြာတွဲလျက်ပါတတ်တဲ့ အလိုက်ဖက်ဆုံအတွဲ Johnny Deep နဲ့Helena Bonham Carterကို သုံးထားတယ်။ ဒီလိုရုပ်ရှင်မျိုးတွေက Johnny Deepရဲ့ Typeလို့ ပြောလို့ရ‌လောက်အောင် Johnnyနဲ့ ဇာတ်ကောင်ဟာ အံဝင်ခွင်ကျဖြစ်နေခဲ့တယ်။ Sweeney Toddဟာ Musicalအမျိုးစားကိုမှ သွေးသံရဲရဲတွေ မှိုင်းညှို့တဲ့အမှောင်ဆန်တဲ့လမ်းတွေ အဆောက်အဦးတွေ၊ Gothicဆန်ဆန်ဇာတ်ကောင်တွေနဲ့ လန်ဒန်ရဲ့ အမှောင်ဘက်ခြမ်းကို ပုံဖော်ထားတဲ့ Horrorရုပ်ရှင်ပါ။ Musical Horrorလို့ဆိုပါတယ်။ ရုပ်ရှင်အစအဆုံး စကားပြောခန်းမရှိသလောက် ရှားပါတယ်။ ဇာတ်ကောင်တွေဟာ ပြောချင်တဲ့ စကားတွေကို အော်ပရာဆန်ဆန် သီချင်းလုပ် ဆိုပြီးပြောကြတယ်။ Musicalနဲ့ Horrorကို ရောထားတဲ့ ထူးခြားတဲ့အရသာကို ပေးအပ် ထားတယ်။ ဟိုးရှေးရှေးတုန်းက လန်ဒန်မှာ ဘင်ဂျမင်ဘိတ်ကာဆိုတဲ့ နာမည်ကျော် ဆံသဆရာလေးတစ်ယောက်ရှိခဲ့တယ်။ အချိန်တစ်ခုမရောက်ခင်အထိတော့ သူ့ဇနီးလူစီရယ် သူ့သမီးလေးဂျိုအန်နာရယ်နဲ့ သူ့ဘဝရဲ့ နေရယ်သာတဲ့ နေ့ရက်နေ့တို့ဟာ တောက်လို့ပလို့ပါပဲ။ တစ်နေ့မှာတော့ ဆိုးယုတ်တဲ့ တရားသူကြီး တာပင်ဟာ လူစီလေးရဲ့ အလှကိုတပ်မက်ရာကနေ ဘိတ်ကာကို အမှုဆင်ထောင်ချပြီး ဘိတ်ကာရဲ့ ‌မှောင်ချိန်မတိုင်ခင် လင်းတဲ့နေ့တွေကို အဆုံးသတ်ပစ်လိုက်တယ်။ ဆံသဆရာကလေးဟာ ထောင်အချခံခဲ့ရပြီး ၁၅နှစ်အကြာမှာတော့ လန်ဒန်ကိုပြန်‌ရောက်လာခဲ့တယ်။ သူ့အိမ်ရှိရာ ဖလိဒ်လမ်းဟာ ဟိုအရင်လို ပြာရီဝင်းပနေတဲ့ တိမ်တွေ၊ရောင်စိုတောက်ပနေတဲ့နေရာတွေ စုတည်ရာ နေရာတစ်ခု မဟုတ်တော့ဘူး။ အစာရှာနေတဲ့မြေကြွက်တွေ ၊ နူနာနေတဲ့သူဆင်းရဲတွေ ၊ ဒုစရိုက်သမားတွေ ပြန့်ကျဲနေတဲ့ မှုန်ရီမှိုင်းပြညစ်ထေးတဲ့ အမှောင်လောကနေရာတစ်ခု ဖြစ်နေခဲ့ပြီ။ သူ့ဇနီးဟာ အဆိပ်သောက်သတ်သေသွားခဲ့သလို၊ သူ့သမီးဟာလည်း သူ့ရန်သူ တရားသူကြီးမွေးစားခံခဲ့ရပြီး သူ့ကိုတောင်မသိတော့ဘူး။ ရက်စက်တဲ့လောကရဲ့ လှိုက်စားမှု ဒဏ်ကိုခံခဲ့ရတဲ့ သူကလည်း အရင်က သူထပ်မဟုတ်တော့ဘူး။ သူဟာ ဘင်ဂျမင်ဘိတ်ကာမဟုတ်တော့တဲ့ ဆွီးနီတော့ဒ် ဖြစ်လာခဲ့ပြီ။ သူဟာ ဆွီးနီတော့ဒ်ရဲ့ ဆံသဆိုင်ကို ဖွင့်ခဲ့တယ်။ အတော်ဆုံးဆံသဆရာဖြစ်တဲ့ သူ့ဆိုင်ကို လူတွေကတော့ ဝင်လာမစဲတသဲသဲပါပဲ။ သတိထားမိရင်တော့ ဆံသဆိုင်ကို ဝင်သွားကြတဲ့သူတွေဟာ ဘယ်တော့မှ ပြန်ထွက်မလာကြတော့ဘူးဆိုတာ တွေ့ကြမှာပဲ။ သူ့ဆံသဆိုင်အောက်ထပ်က ပိုင့်မုန့်ဆိုင်‌ရဲ့ မီးခိုးခေါင်းတိုင်ကတော့ လူတွေဟာ ညှော်နံ့တွေ ရနေကြတယ်။ အချိန်တစ်ခု မတိုင်ခင်အထိပေါ့။ သို့ပေမဲ့ အချိန်တစ်ခုရောက်လာတဲ့အခါမှာတော့..... ( အညွှန်းရေးသားထားသူကတော့ WiRa Aung ပါ ) Quality__Bluray _1080p 5.1 CH , 720p IMDb Rating__7.3/10 Format__mp4 Duration__0:: Type__Drama , Horror , Musical Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဂျက်စပဲရိုးဟာ အားလုံးအတွက် ပေးဆပ်ပြီး ဓားတစ်ချောင်းနဲ့ ကရာကန်ကြီးရဲ့ ပါးစပ်ထဲ ဝင်သွားခဲ့ပါတယ်။ အဲဒီနောက် ဝီလ်တန်နာနဲ့ အဲလိဇဘက်တို့က ကပ္ပတိန်ဘာဘိုဆာနဲ့ ပူးပေါင်းပြီး ဂျက်ကို ဒေဗီဂျုန်းဆီကနေ ကယ်ထုတ်ဖို့ ကြိုးစားကြရတယ်။ တစ်ဖက်မှာတော့ လော့ဒ်ဘက်ကပ်တ်က ဒေဗီဂျုန်းကို ထိန်းချုပ်ထားပြီး ပင်လယ်ပြင်တစ်ခွင်က သင်္ဘောတွေကို ဖျက်ဆီးခိုင်းနေပါတယ်။ ဒီအန္တရာယ်ကို ရင်ဆိုင်ရတဲ့အခါ ဝီလ်၊ အဲလိဇဘက်နဲ့ ဘာဘိုဆာတို့အပြင် ကပ္ပတိန်ဂျက်စပဲရိုးပါ တိုက်ပွဲထဲ ဝင်ပါလာရတော့တယ်။

ကပ္ပတိန်ဂျက်စပဲရိုးတစ်ယောက် အကြွေးဆပ်ရမယ့်အချိန် ရောက်ပြီလို့ အသိပေးခံလိုက်ရပါတယ်။ သူအကြွေးတင်နေသူကတော့ ငရဲက သင်္ဘောသားတွေနဲ့အတူ တစ္ဆေသင်္ဘောကို ရွက်လွှင့်နေတဲ့ ပင်လယ်သရဲကြီး ဒေဗီဂျုန်းပါ။ ဉာဏ်များတဲ့ဂျက်တောင် ပြေးလို့မလွတ်နိုင်တဲ့ အခြေအနေဖြစ်နေလို့ ကိုယ့်ကိုယ်ကိုယ် ကယ်တင်ဖို့ အကြံထုတ်ရပြန်ပါတယ်။ ဒီတစ်ခါတော့ ဝေလ်တန်နာနဲ့ အဲလစ်ဇဘတ်သ်ဆွမ်းတို့ရဲ့ အကူအညီကို မဖြစ်မနေ ယူရတော့မှာပါ။ သူတို့က ကြည်ကြည်ဖြူဖြူ ကူညီကြပါ့မလား၊ ဂျက်က ဘယ်လိုစည်းရုံးမလဲဆိုတဲ့အကြားမှာ အခက်အခဲတွေ၊ ဟာသအလွဲတွေနဲ့ တိုက်ခိုက်မှုတွေပါ ကြုံလာရပါတယ်။ ဂျက်အဓိက ရှာနေတာက ဒေဗီဂျုန်း ဖွက်ထားတဲ့ နှလုံးသားဖြစ်ပြီး ဒေဗီဂျုန်းမှာလည်း အချစ်ရေးနဲ့ပတ်သက်တဲ့ လျှို့ဝှက်ချက်တွေ ရှိနေပါသေးတယ်။ ဝေလ်တန်နာကလည်း ဂျက်နဲ့အတူ ထူးဆန်းပြီး ကြောက်စရာကောင်းတဲ့ စွန့်စားခန်းထဲ လိုက်ပါရပါတယ်။ ဒေဗီဂျုန်းရဲ့ တစ္ဆေသင်္ဘောကြီးပေါ်မှာ ဘာတွေရှိနေမလဲဆိုတာကလည်း သူတို့ခရီးမှာ စောင့်ကြိုနေတဲ့ မေးခွန်းတစ်ခုပါ။

Charlie and the Chocolate Factory(2005) IMDb....6.7,,,,Rotten...82% ဝီလီဝန်ကာဟာ အကောင်းဆုံး ချောကလက်လုပ်တဲ့လူပါ...သူရဲ့ သူမတူတဲ့ချောကလက်လုပ်နည်းတွေကြောင့် လူတိုင်း သူ့ချောကလက်တွေကို နှစ်သက်ခဲ့ကြတယ်။ ဆိုင်ကလေးကနေ စက်ရုံကြီး တည်ထောင်နိုင်တဲ့အထိအကြီးအကျယ် အောင်မြင်ခဲ့တဲ့ ချောကလက်လုပ်တဲ့သူ ဖြစ်ခဲ့တယ်။အောင်မြင်မှုတိုင်းမှာ တန်ဖိုးဆိုတာ ရှိပါတယ်. ...ဒီလိုနဲ့ သူရဲ့ အကျနေ့တွေရောက်လာခဲ့တယ်။ တခြား ချောကလက်လုပ်သူတွေဟာ ဝီလီရဲ့ နည်းတွေကို သူလျှိုထည်ပြီး ခိုးခဲ့ကြပါတယ်...ဝန်ကာဟာ သိပ်မကြာခင်မှာပဲချောကလက်စက်ရုံကို ထာဝရ ပိတ်သိမ်းလိုက်ပါပြီလို့ ကြေညာခဲ့ပါတယ်..။ ထာဝရဆိုတာ...အချိန်အကြာကြီးဆိုတာကို ပြောတဲ့ နာမ်စားတစ်ခုပါပဲ...လူတွေကတော့ ထာဝရ ပိတ်သွားပြီပဲ ထင်ခဲ့ကြပါတယ်...စက်ရုံထဲကချောကလက်တွေ ထွက်မလာခင်အထိပေါ့.....။ ပြန်မွေးဖွားလာတဲ့ဝန်ကာရဲ့ စက်ရုံနဲ့ အတူ ပဟေဠိတွေ ပေါ်ပေါက်ခဲ့ပါတယ်... စက်ရုံထဲမှာ ဘယ်သူတွေ အလုပ်လုပ်နေကြာတာလဲ... . မစ္စတာဝန်ကာရော ဘာဖြစ်သွားခဲ့တာလဲ....။စက်ရုံတံခါးကြီးကတော့ ပိတ်ဆဲ.. လူတွေလည်း အံ့သြမြဲ..တစ်နေ့မှာ တော့...နှစ်ပေါင်းများစွာ လူအဝင်မခံခဲ့တဲ့ သူရဲ့ ချောကလက်စက်ရုံကြီးထဲကို ဝင်ဖို့ဖိတ်ခေါ်ခဲ့ပါတယ်။ ဖိတ်စာကတော့ ရွှေရောင် လက်မှတ် ၅စောင် ဖြစ်ပြီး ဒီ လက်မှတ်တွေကို ချောကလက်တွေရဲ့ အခွံံအောက်မှာ ထည့်သွင်းထားပါတယ်။ ၅ယောက်ထဲက တစ်ယောက်ကိုလည်း အထူးဆု တစ်ခုပေးဦးမယ်လို့ ပြောခဲ့တယ်။ တစ်ကမ္ဘာလုံးက ကလေးတွေ... ဒီ လက်မှတ် ၅စောင်ကို မရမက ရှာနေတဲ့အချိန်..မြို့အပြင် အိမ်အစုတ်ကလေးက ချာလီဆိုတဲ့ ကောင်လေးနဲ့ သူ့မိသားစုကတော့ရင်ခုန်စွာနဲ့ပဲ ဘယ်သူရသွားတယ်ဆိုတဲ့ သတင်းတွေကို စောင့်မျှော်နေခဲ့ရတယ်..။ မထင်မှတ်ပဲ ရွှေရောင် လက်မှတ်တစ်ခုကို ရလိုက်တဲ့ ချာလီကလေးဟာ.... ဝန်ကာရဲ့စက်ရုံထဲ တခြားကလေး လေးယောက်နဲအတူ ဝင်ခွင့်ရခဲ့တယ်။ ဝီလီဝန်ကာရဲ့ ချောကလက်စက်ရုံထဲမှာ ဘာတွေဖြစ်ဦးမလဲအထူးဆု ဆိုတာရော ဘာလဲ။ ဘယ်သူ ရမှာလဲ။...ဒါတွေကိုစက်ရုံထဲ ဝင်ခွင့်ရတဲ့ ကလေး၅ယောက်နဲ့အတူ လိုက်ပါစီးမျောကြည့်လိုက်ပါ။ဇာတ်လမ်းအညွှန်းနဲ့ ဘာသာပြန်သူကတော့ WiRa Aung ဖြစ်ပါတယ်.... File Size : (1.2 GB) and (2.1 GB) Quality : Blu-Ray 720p and Blu-Ray 1080p 5.1CH Format…mp4 Duration…01:55:00 Genre :  Adventure, Comedy, Family Subtitle : Myanmar Subtitle (Hard Sub) Translated by WiRa Aung Encoded by Xcode

ဒီနေ့အတွက်မိတ်ဆက်ပေးချင်တဲ့ ဇာတ်ကားလေးကတော့ IMDb Rating -7.3 ရရှိထားပြီး.... မြူးကြွတဲ့တေးသီချင်းလေးများ...Romanceဆန်တဲ့ပြကွက်လေးများနဲ့ ....အချစ်တို့ရဲ့ ပြယုဒ်ကိုထင်ပေါ်အောင်ပြသပေးနိုင်ခဲ့တဲ့ Best Romance Horror Animation Movies ကောင်းတွေထဲကတစ်ကားဖြစ်ခဲ့တဲ့ CORPSE BRIDE ဇာတ်ကားလေးနဲ့မိတ်ဆက်ပေးချင်ပါတယ်ခင်ဗျ… ဇာတ်လမ်းအကျဉ်းကိုပြောပြရမယ်ဆိုရင်ဖြင့်..... လွန်ခဲ့တဲ့နှစ်ပေါင်း ၁၈၀၀ခန့်လောက်က Victorian villageလို့ခေါ်တဲ့ ရွာလေးတစ်ရွာမှာ ဆွေစဉ်မျိူးဆက်ချမ်းသာလာပြီး အထည်ကြီးပျက်ဘဝကိုရောက်ရှိတော့မဲ့လူကုန်ထန်မိသားစုတစ်စု..... ပိုက်ဆံရှိပေမဲ့ လူကုန်ထံအသိုင်းအဝိုင်းကမဟုတ်တဲ့ငါးရောင်းစားရင်း ကြီးပွားချမ်းသာလာတဲ့ ငါးကုန်သည်မိသားစုတစ်စုမှ တစ်ဦးတည်းသောသားလေး Victa... မိသားစုနှစ်ခုရဲ့လိုအပ်နေတဲ့ ကွက်လပ်ကိုယ်စီကိုဖြည့်ဖို့ရန် တစ်ယောက်ကိုတစ်ယောက် တစ်ခါမှမမြင်ဖူးကြတဲ့ VIctoria နဲ့ Victaတို့နှစ်ယောက်ကို လက်ထပ်ပေးဖို့ အစမ်းလေ့ကျင့်တဲ့အခမ်းနားလေးနဲ့ ဇာတ်လမ်းလေးကိုစတင်ခဲ့ပါတယ်...... ဒါမဲ့ မိဘတွေအတင်းပေးစားလို့ယူရမှာဖြစ်ပြီး....တစ်ခါမှမမြင်ဖူးတဲ့သူကို လက်ထပ်ချင်စိတ်မရှိတဲ့ သူတို့နှစ်ဦး တစ်ဦးကိုတစ်ဦးတွေ့ရှိသွားကြတဲ့အခါ....Victa တစ်ယောက် လက်ထပ်ပွဲ Rehersalမှာအယောင်ယောင်အမှားမှားဖြစ်စေခဲ့ပြီး လက်ထပ်ပွဲအစမ်းလေ့ကျင့်မှုကို သေချာလုပ်ဆောင်နိုင်မှ မဂ်လာပွဲကျင်းပရတော့မဲ့အဖြစ်ရောက်သွားခဲ့ပါတယ်…. အစမ်းလေ့ကျင့်မှုကိုသေချာလေ့ကျင့်ဖို့ တောထဲကိုပြေးထွက်သွားကာ တစ်ယောက်တည်းလေ့ကျင့်နေချိန် သူလေ့ကျင့်နေတဲ့ လက်ထပ်ခွင့်စကားကြောင့် ချစ်သူပြန်အလာကိုမျှော်နေရင်းသေဆုံးသွားတဲ့ Amali မိန်းကလေး သေရာမှနိုးထလာတဲ့ အခါ.. Victaတစ်ယောက် Amaliနဲ့လက်ထပ်လိုက်ရပြီး သရဲတွေနေတဲ့နေရာသို့ ဘုမသိဘမသိပါသွားရရှာပေါတော့တယ်... တစ်ဖက်မှာလည်းချစ်သူပြန်အလာကိုမျှော်နေရှာတဲ့ Victoriaတစ်ယောက်.... Victaပြန်မလာတာနဲ့ အရန်သင့်သူ့နေရာကိုအစားထိုးပြီး... Victoriaမိသားစုရဲံ စည်းစိမ်တွေကိုလိုချင်နေတဲ့ သူကလည်းအခွင့်အရေးကို စောင့်မျှော်နေပါတယ်..... အဲ့လိုအရန်သင့်စောင့်နေတဲ့သူရဲ့ချစ်သူကတော့ Victaဘုမသိဘမသိလက်ထပ်လိုက်ရတဲ့ သေရွာက မင်းသမီးလေးAmaliပါ.... အဲ့ဒီသူဟာ Amaliကို လက်ထပ်မယ်လို့ပြောပြီး သူ့မှာပါလာတဲ့စည်းစိမ်တွေယူကာ ဝက်သစ်ချပင်ရင်းအောက်မှာစောင့်ခိုင်းခဲ့ရာကနေ အမ်မလီတစ်ယောက်သေဆုံးသွားခဲ့ရပါတယ်..... အချစ်ရဲ့စွန့်ပစ်ခြင်းကို ခံရရှာပြီး အချစ်ငတ်နေတဲ့ AmaliလေးVictaနဲ့တွေ့ရှိကာ သံယောဇဉ်နှောင်ကြိုးတွယ်ငြိသွားမှာလား........? Victaကကော Amaliကိုပြန်ချစ်နိုင်ပါ့မလား.....ဒါမှမဟုတ် လူ့ဘဝကသူချစ်ခဲ့တဲ့ ချစ်သူလေ းVictoriaဆီကိုပြန်လာနိုင်အောင်ကြိုးစားမှာလား....? Victoriaကကော သူ့မိဘစည်းစိမ်ချမ်းသာကိုမက်ပြီးသူ့ကိုအတင်းလက်ထပ်ချင်နေတဲ့ သူနဲ့ လက်ထပ်လိုက်ရတော့မှာလား...?စတဲ့စိတ်ဝင်စားစရာ လေးပွင့်ဆိုင်ချစ်ဇာတ်လမ်းလေးကိုတော့ ဇာတ်လမ်းလေးထဲမှာဆက်လက်ကြည့်ရှုခံစားကြည့်ရအောင်စို့လားခင်ဗျာ…. File size…1.3GB / 700MB Quality…1080p Blu Ray / 720p Format…mp4 Duration….1h 17min Subtitle….Myanmar Subtitle (Hard Sub) Encoder….Thit San Khant Translated by Zoey

Secret Window (2004) IMDb - 6.6/10 Rotten - 46% တချို့ဇာတ်လမ်းတွေက ဇာတ်လမ်းအကျဉ်းချုပ်ရေးလိုက်ရင် မကြည့်ရသေးတဲ့လူတွေအတွက် အရသာပျက်သွားတာမျိုးဖြစ်သွားတတ်တဲ့အတွက် ဒီဇာတ်လမ်းကိုတော့ နည်းနည်းလောက်ပဲပြောပြထားချင်ပါတယ်… ဘာလို့လဲဆိုတော့ ဇာတ်လမ်းကအရမ်းကောင်းနေလို့ပါ.. ဇာတ်လမ်က အေးပါတယ် .. ဒုန်းဒုန်း ဒိုင်းဒိုင်းတွေမပါပါဘူး.အေးပါတယ် ဒါပေမယ့် ပျင်းစရာမကောင်းပါဘူး… မင်းသားကြီး Johnny Depp ရဲ့ထုံးစံအတိုင်း စိတ်ဝင်စားစရာတွေအပြည့်နဲ့ သေသေချာချာအာရုံစိုက်ကြည့်ရှုပါမှ ဇာတ်ရည်လည်မယ့် ဇာတ်လမ်းမျိုးပါ.. ဒီဇာတ်လမ်းက ဘာဖြစ်ပါသည်ခင်ဗျာ..ဆိုတာမျိုး ပြောမပြချင်တော့ပါဘူး သည်းထိတ်ရင်ဖို လျှို့ဝှက်ဆန်းကြယ်အမျိုးအစားလို့ပဲပြောပါရစေ..။ စဉ်းစားတွေးခေါ်ချင်သူတွေအတွက်တော့ ဇာတ်လမ်းကောင်းတစ်ခုဖြစ်ပါတယ်..။ အရုပ်ဆိုးတဲ့အိမ်ထောင်ရေးဖောက်ပြန်မှုကြောင့် စာရေးဆရာဟာ သူ့မိန်းမကို နယူးယောက်မြို့ကသူပိုင်တဲ့အိမ်မှာထားခဲ့ပြီး သူကတော့ တောအိမ်ကလေးမှာ တစ်ယောက်တည်း အထီးကျန်စွာနေရင်း စာရေးနေခဲ့ပါတယ်။ ဒီလိုနဲ့နေလာတာ ခြောက်လလောက်ကြာလာတော့ အိမ်တံခါးကိုလူတစ်ယောက်လာခေါက်ပြီး အဲ့ဒီလူက စာရေးဆရာကို သူ့စာတစ်ပုဒ်ကို ပုံတူကူး ခိုးယူရေးသားခဲ့တယ်လို့ စွပ်စွဲပါတော့တယ်..။ စာရေးဆရာက ငြင်းဆိုတဲ့အခါ အဲ့ဒီညမှာ စာရေးဆရာရဲ့ခွေးကိုသတ်သွားပြီးနောက် နောက်ထပ်ခြိမ်းခြောက်မှုတွေနဲ့အတူ. .နောက်ထပ်လူသတ်မှုတွေ…????? 2004 မတ်မှာ ထွက်ခဲ့တာဖြစ်ပြီး Rating တွေက IMDb- 6.6/10 Roger Ebert – ¾ rotten tomatos 46% (ဇာတ်လမ်းအညွှန်း နဲ့ ဘာသာပြန်သူက ကိုကြီး ဇွဲပါ) File Size : (800 MB) Quality : Blu-Ray 720p Running Time : 1hr 36min Format : Mp4 Genre : Drama, Mystery, Thriller Subtitle : Myanmar Subtitle (Hard Sub) Source : 1080p.BluRay.x264-HDMI Translated by Zuel Khant Thwin Encoded by Thanhtike Zaw

Finding Neverland(2004) IMDb...7.7,,,,Rotten...88% (အတော်ကြီးလန်းတဲ့ကားမို့ Blu-Ray 1080p 5.1 CH, Blu-Ray 720p တို့ဖြင့်တင်ဆက်ပေးထားပါသည်...) ဒီတစ်ခေါက်မှာတော့ ကားကောင်းကားဟောင်းတစ်ခုဖြစ်တဲ့ Johnny Depp နဲ့ Kate Winslet တို့ရဲ့ Finding Neverland ဆိုတဲ့ ဇာတ်ကားနဲ့ မိတ်ဆက်ပေးပါရစေ။ Finding Neverlandဟာ ပြဇာတ်ရေးဆရာ J.M Barrie (Johnny Depp) နှင့် Peter Pan ဆိုတဲ့ ဇာတ်ကောင်ကို ဖန်တီးဖြစ်စေခဲ့တဲ့ မိသားစုတစ်ခုကြားက ဆက်နွယ်မှုကို ရိုက်ကူး‌ပုံဖော်ထားတာဖြစ်ပြီး ဆုပေါင်းများစွာ Oscar Nomination ဝင်ခဲ့တဲ့ ဇာတ်ကားလည်းဖြစ်ပါတယ်။ ဒီဇာတ်ကားဟာ သာမာန်ကြည့်နေကြ စိတ်အပန်းဖြေစရာ မိသားစုအပျော်ကြည့် ဇာတ်ကားတစ်ကားတော့မဟုတ်ပါဘူး။ . ရိုးရှင်းသလိုနဲ့ ရှုပ်ထွေးလှတဲ့ မေတ္တာတရားတွေ ဒီဇာတ်လမ်းထဲပါဝင်ပါတယ်။ Neverland ဘယ်မှာရှိတယ်ဆိုတာကို ရှာဖွေတဲ့ ဇာတ်ကားလည်းမဟုတ်ပြန်ပါဘူး။ တစ်နေရာမှာ သေချာပေါက်ရှိနေပြီး ပျောက်ဆုံးနေတယ်လို့ တွေးမိနေတဲ့ ပျော်ရွှင်မှုအစစ်အမှန်ကို ကျွန်တော်တို့လို သာမာန်လူတစ်ယောက်က ရှာဖွေတွေ့ရှိသွားတဲ့အကြောင်းပါပဲ။ ကျွန်တော်တို့တတွေလည်း ယနေ့အထိ ပျော်ရွှင်မှုအစစ်အမှန်ကို ရှာဖွေနေရဆဲပဲမဟုတ်လား။ ဇာတ်လမ်းအကျဉ်းကတော့... ပျင်းရိဖွယ်ပြဇာတ်တွေကိုသာ ဖန်တီး‌မိနေတဲ့ ပြဇာတ်ရေးဆရာ J.M Barrie ဟာ တရက်မှာတော့ ပန်းခြံထဲသွားရင်း ကလေးလေးယောက်မိခင် မုဆိုးမ Sylvia နဲ့ တွေ့ဆုံခဲ့ပါတယ်။ တရက်ထက်တရက် ခင်မင်ရင်းနှီးမှုတွေ တိုးပွားလာပြီး ကလေးလေးယောက်ရဲ့ ဖခင်တစ်ယောက်ပမာ သူ့ရဲ့ အချိန်အများစုကို ကလေးတွေနဲ့ပဲ အချိန်ဖြုန်းဖြစ်နေပါတယ်။ J.M Barrie ရဲ့ဇနီးဖြစ်တဲ့ Mary ဟာ အဲဒီလို အခြားမိသားစုတစ်စုနဲ့ ချည်းအချိန်ဖြန်းနေခြင်းကို မကြည်လင်ဖြစ်ကာ သူမနဲ့ အဲဒီမိသားစု တစ်ခုခုကို ရွေးချယ်ခိုင်းလိုက်တာကစပြီး J.M Barrie ရဲ့ နာမည်ကြီးဇာတ်ကောင် တစ်ခုစတင်ဖို့အကြောင်းဖန်လာပါတော့တယ်...ဘာတွေဖြစ်မလဲဆိုတာကိုတော့ခံစားကြည့်ကြပါဉီး.... ဇာတ်လမ်းအညွှန်းနဲ့ဘာသာပြန်သူကတော့ Thit Htoo Zaw ပဲဖြစ်ပါတယ်.... File Size : (1.92GB)(900 MB) and (378 MB) Quality :Blu-Ray 1080p 5.1 CH, Blu-Ray 720p Format…mp4 Duration…01:46:00 Genre :  Biography, Drama, Family Subtitle : Myanmar Subtitle (Hard Sub) Translated by Thit Htoo Zaw Encoded by Phyo Pyae

ဘယ်လူမိုက်ကိုမှ အထာမထားဘဲ သမတတ်တဲ့ ဂီတာအိတ်ကြီးလွယ်ထားတဲ့သားသတ်သမား လူထွားကောင်ကြီး ဇာတ်လမ်းတွေကို ကြည့်ဖူးကြမှာပါ။ ဟုတ်ပါတယ်....အဲ့ဒီရုပ်ရှင်တွေကတော့... Mexico Trilogy ဆိုပြီး နာမည်ကျော်ကြားတဲ့ ဒါရိုက်တာ Robert Rodriguez ရဲ့ El Mariachi (1992), Desperado (1995), Once Upon a Time in Mexico (2003) ရုပ်ရှင် ၃ ကားပဲဖြစ်ပါတယ်။ ပထမဆုံးရုပ်ရှင် El Mariachi (1992)ဇာတ်ကားဆိုရင် ဘတ်ဂျတ် ဒေါ်လာ ၇၀၀၀ လောက်သာစရင်းပြီး ဒေါ်လာ ၂သန်းလောက်ထိပြန်လည်ရရှိခဲ့တာကြောင့် အားလုံးရဲ့ချီးကျူးမှုကိုရရှိခဲ့ပါတယ်။ ဒါရိုက်တာကြီး Quentin Tarantino က ဒီရုပ်ရှင်ကို ကြွေလွန်းလို့ ဒုတိယရုပ်ရှင် Desperado (1995) မှာ ကိုယ်တိုင်ပါဝင်သရုပ်ဆောင်ခဲ့ပြီး Trilogy ဖြစ်အောင် Once Upon a Time in Mexico (2003) ကိုပါဆက်ရိုက်ဖို့ မြှောက်ပေးခဲ့ပါတယ်။ ၃ ကားလုံးကို CM App နဲ့ Website  https://www.channelmyanmar.to/?s=Mexico+Trilogy  မှာ ကြည့်လို့ရပါတယ်။ ++++++++++++++++ Once Upon a Time in Mexico (2003) IMDb Rating (6.6) / Rotten Tomatoes (63%) ဒီဇာတ်ကားကတော့ Mexico Trilogy ရဲ့ နောက်ဆုံးဇာတ်ကားပါ။ မင်းသားကြီး Johnny Depp , Antonio Banderas တို့အပြင် မင်းသမီးတွေဖြစ်တဲ့ Salma Hayek နဲ့ Eva Mendes တို့လို နာမည်ကျော်တွေနဲ့အပြင်းစားရိုက်ကူးထားတာပါ။ ဒီခါတော့ CIA တွေရော မက္ကဆီကိုရဲ့နိုင်ငံရေးတွေရောစတဲ့ ကိစ္စအကြီးကြီးတွေကိုပါ ပေါ်တင်ဒဲ့ရှင်းကြမှာမလို့ Cast အမိုက်စားတွေနဲ့ အက်ရှင်အလန်းတွေကြည့်ရမှာပါ။ File size…(3.8 GB )/(1.3 GB) Quality….BluRay 1080p HEVC / 720p Format…mkv/mp4 Duration….01:41:42 Subtitle….Myanmar Subtitle (Hardsub) Encoder….Ka Naung Translated by May Thu

မြို့တော်ဝန်ရဲ့သမီး အဲလစ်ဇဘတ်သ်ဆွမ်း ငယ်ငယ်က သင်္ဘောပေါ်ကနေ ပင်လယ်ကို ငေးကြည့်နေတုန်း ရေထဲမှာ မျောပါလာတဲ့ ကောင်လေးတစ်ယောက်ကို တွေ့ခဲ့ပါတယ်။ အဲဒီကောင်လေး ဝေလ်တန်နာဟာ ကြီးပြင်းလာတဲ့အခါ သာမန်ပန်းပဲသမားတစ်ယောက် ဖြစ်လာပေမယ့် သူ့မှာ လူမသိတဲ့ နောက်ကြောင်းတစ်ခု ရှိနေတယ်။ တစ်နေ့မှာ ကပ္ပတိန်ဘာဘိုဇာက အဲလစ်ဇဘတ်သ်ကို ပြန်ပေးဆွဲသွားပါတယ်။ ဘာဘိုဇာဟာ ရတနာသိုက်တစ်ခုနဲ့ပတ်သက်ပြီး ကပ္ပတိန်ဂျက်စပဲရိုးနဲ့ သဘောထားကွဲခဲ့သူဖြစ်သလို ဂျက်ဆီက ပုလဲနက်သင်္ဘောကိုလည်း လုယူထားသူပါ။ ဒါပေမယ့် သူနဲ့ သူ့သင်္ဘောသားတွေမှာ ရှေးဟောင်းကျိန်စာတစ်ခု သင့်နေပြီး အသက်ရှင်တယ်လို့လည်း မဆိုနိုင်၊ သေဆုံးလို့လည်း မရတဲ့ဘဝကို ရောက်နေကြတယ်။ အဲဒီကျိန်စာပြယ်ဖို့ သွေးနဲ့ ယဇ်ပူဇော်ရမှာဖြစ်ပါတယ်။ ဘာဘိုဇာတို့ ကျိန်စာကို ဖျက်ဖို့ ကြိုးစားနေချိန်မှာပဲ ဂျက်နဲ့ ပြန်ဆုံကြပြီး ပုလဲနက်သင်္ဘောနဲ့ ရတနာသိုက်ကို ပတ်သက်နေတဲ့ သူတို့ရဲ့အရေးကိစ္စတွေ ပြန်ရှုပ်ထွေးလာပါတော့တယ်။

CM Fan တွေ အတွက် မင်းသားကြီး Johnny Depp ငယ်စဉ်က သရုပ်ဆောင်ခဲ့တဲ့ ရုပ်ရှင်ကားကောင်း တစ်ခုနဲ့ မိတ်ဆက်ပေးချင်ပါတယ် ၂၀၀၁ ခုနှစ်က ထွက်ရှိခဲ့တဲ့ From Hell ဆိုတဲ့ သည်းထိတ်ရင်ဖို စုံထောက် ရုပ်ရှင်ကားဖြစ်ပါတယ် IMDb Rating 6.8 ထိ ရရှိထားပါတယ် Johnny Depp နဲ့ အတူ မင်းသမီး Heather Graham ပါ သရုပ်ဆောင်ထားပါတယ် ဇတ်လမ်းပုံစံကတော့ ဒုစရိုက်မှုတွေ ကြီးစိုးတဲ့ မြို့တစ်ခုမှာ ရဲစုံထောက် နာမည်ကျော် အက်ဗာလိုင်း ဆိုတဲ့ လူတစ်ယောက်ရှိတယ် သူက ဘယ်လောက်ထိ နာမည်ကြီးလဲဆိုရင် သေနေတဲ့သူရဲ့ အလောင်းကို ကိုင်ကြည့်ရုံနဲ့ လူသတ်မှုကို ခြေရာခံနိုင်ပါသတဲ့ စိတ်စွမ်းအင်လဲ ရှိပြီး လူသတ်မှုတွေ မဖြစ်ခင် ကြိုတင်အာရုံရတက်ပါတယ် သူက လူထူးလူဆန်းလို ဖြစ်နေပြီး မြို့နယ် ရဲတပ်ဖွဲ့ရဲ့ အားကိုးရာလဲဖြစ်ပါတယ် ပုံစံ အရ ပြောရရင် မင်းသိင်္ခ ဝတ္တုထဲက ဆားပုလင်း နှင်းမောင် လိုပေါ့... တစ်ရက်မှာတော့ အဲ့ဒီ မြို့သေးသေးလေးမှာ အမှုအခင်း ထူးထူးဆန်းဆန်း တစ်ခုဖြစ်ခဲ့ပါတယ်... အဲ့ဒါကတော့ ပြည့်တန်ဆာ တွေကို လိုက်သတ်နေတဲ့ ကွင်းဆက်လူသတ်သမား တစ်ယောက် ရှိနေပြီး ပြည့်တန်ဆာတွေကို သတ်ပြီးရင် လိင်အင်္ဂါကို လှီးယူသွားတက်ပါတယ် ရဲတွေလဲ အတော် ခေါင်းစားနေပါပြီ ဒီအမှု ကို ဖြေရှင်းနိုင်မယ့်သူကလဲ တစ်ယောက်ပဲ ရှိပါတယ် သူကတော့ အက်ဗာလိုင်း ပေါ့.... ဇတ်လမ်းက စကြည့်ကတည်းကနေ အဆုံးထိ အင်မတန် စိတ်ဝင်စားဖို့ကောင်းပါတယ် အင်္ဂလန်ဘုရင်မကြီး နဲ့ တော်ဝင်မျိုးဆက်တွေ အပါအဝင် မြန်မာပြည်မှာနာမည်ကြီးတဲ့ ပလျှူးခေါင်းဖြတ် ဂိုဏ်းလို့ နာမည်ကြီးတဲ့ ဖရီးမေဆင် လို ဂိုဏ်းတွေပါ ပါဝင်လာခဲ့ပါတယ် Firday ည အတွက် ညစာ လို့ သက်မှတ်ပြီး ကြည့်ရှုနိုင်ပါပြီ... ဇတ်လမ်းကို မေသူ က ဘာသာပြန်ပေးထားပါတယ်