Jon Eyez ပါဝင်သော ဇာတ်ကားများ

IMDb Rating - 6.1/10 #Unicode August 14 ရက်နေ့က Netflix ကနေပြသသွားတဲ့ Action, Crime, Sci-Fi ကားကောင်းလေးကို တင်ပေးချင်ပါတယ်။ ဇာတ်လမ်း အကျဥ်းလေးကိုပြောပြရရင်တော့ . . . နယူးအော်လင်းမြို့ရဲ့ လမ်းတွေပေါ်မှာ ဆေး အသစ်အဆန်းတစ်မျိုးရဲ့ သတင်းက ပျံ့နှံနေပါတယ်။ ထိုဆေးက မူးယစ်စေတဲ့ ဆေးမဟုတ်ဘဲ သောက်လိုက်တဲ့လူကို ၅ မိနစ်ခန့် စူပါစွမ်းအားပေးတဲ့ဆေးပါ။ ကိုယ်က ဘာအစွမ်းရမယ်ဆိုတာကိုတော့ သောက်ပြီးမှပဲ သိရမှာပါ။ တစ်ချို့က ကိုယ်ပျောက်နိုင်တယ်။ တစ်ချို့က သေနတ်ပြီး တယ်။ အဲဒီလိုကွဲပြားတဲ့ အစွမ်းတွေပေးတဲ့ဆေးကို အသုံးချပြီး လူတွေက ပစ်မှုတွေ ကျူးလွန်လာတဲ့အခါမှာတော့ ရဲတွေအနေနဲ့ ဘယ်လိုဖြေရှင်းကြမလဲ။ ဒီဆေးတောင့်တွေ ဘယ်ကရောက် လာတာလဲ။ ဒီဆေးကိုဖန်တီးရတဲ့ ရည်ရွယ်ချက်ကဘာလဲ ဆိုတာကို ဆက်လက်ကြည့်ရှုလိုက်ပါ။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Htet Wai Lwin ပဲဖြစ်ပါတယ်။) Quality –  1080p, 720p WebRip Duration - 1hr 51 min Subtitle – Myanmar Hardsub Format – Mp4 Genre : Action, Crime, Sci-Fi Source : 1080p.WebRip Translator – Htet Wai Lwin Encoder – SWM

Logan Lucky (2017) အက်ရှင်နဲ့ ဟာသကိုမှ တစ်မျိုးလေး ကြည့်ချင်တယ်ဆိုရင်တော့ ဒါရိုက်တာ Steven Soderbergh ရိုက်ထားတဲ့ Logan Lucky ကို ညွှန်းရလိမ့်မယ်ဗျ။ ဒီကားက တခြား ဓားပြတိုက်တဲ့ကားတွေလို အဆင့်မြင့်နည်းပညာတွေ၊ ဝတ်စုံပြည့်တွေနဲ့ ဟိတ်ဟန်ထုတ်တာမျိုး မဟုတ်ဘဲ သာမန်အရပ်သားစတိုင် ဂယက်တစ်သိန်းနဲ့ ခိုးပြသွားတဲ့ကားမျိုးပေါ့။ ဇာတ်လမ်းကတော့... ကံဆိုးလွန်းလို့ အလုပ်ပြုတ်သွားတဲ့ ခြေထောက်မသန်တဲ့ အစ်ကိုကြီးရယ်၊ စစ်ပြန်လက်တစ်ဖက်ပြတ် ညီလေးရယ်က သူတို့ရဲ့ ကံဆိုးမှုတွေကို အဆုံးသတ်ဖို့ဆိုပြီး NASCAR ကားပြိုင်ပွဲက ရရှိတဲ့ သန်းပေါင်းများစွာသော ငွေတွေကို မြေအောက်ပိုက်လိုင်းထဲကနေ ခိုးဖို့ ကြံစည်ကြတာ။ သူတို့ အစီစဉ်အောင်မြင်ဖို့ ဂျိုးဘန်းဆိုတဲ့ ဖောက်ခွဲ ဝိဇ္ဇာကြီးတစ်ဦးနဲ့ သူ့ရဲ့ အူကြောင်ကြောင် ညီလေးနှစ်ယောက်ကိုပါ လိုက်ပြီး သိမ်းသွင်းရတာပေါ့ဗျာ။ ဒီလိုနဲ့ သူတို့တွေပေါင်းပြီး ငွေတွေကို ဘယ်လိုဖောက်ကြမလဲ။ ဘယ်လိုအလွဲတွေ ဖြစ်မလဲ။ အောင်ရော အောင်မြင်ပါ့မလားဆိုတာကို ရင်တထိတ်ထိတ်နဲ့ ကြည့်ရမှာဖြစ်သလို သူတို့ရဲ့ အလွဲလေးတွေကိုပါ မနားတမ်း ရယ်နေရမှာပါ။ ဒီကားမှာ အထူးခြားဆုံးကတော့ Daniel Craig ပဲ၊ သူက ဂျိမ်းစ်ဘွန်းစတိုင်ကို လုံးဝဖျောက်ပြီး ဆံပင်အဖြူရောင်နဲ့ ဗုံးဖောက်ကျွမ်းကျင်တဲ့ ထောင်ထွက်လူမိုက်အဖြစ် တော်တော်လေး ဟာသမြောက်အောင် သရုပ်ဆောင်ထားတာ။ ကြည့်နေရင်းနဲ့ 'ဒီလို လူအူကြောင်ကြောင်တွေနဲ့တော့ တကယ်ပဲ အောင်မြင်ပါ့မလား' ဆိုပြီး စိတ်ပူနေရပေမဲ့ နောက်ဆုံးမှာတော့ တကယ့်ကို မမျှော်လင့်ထားတဲ့ အကွက်တွေနဲ့ ဇာတ်ရှိန်တက်သွားတာမို့ ပေါ့ပေါ့ပါးပါးနဲ့ ရင်ခုန်ရယ်မောချင်သူတွေအတွက် တကယ်ကို လက်မလွှတ်သင့်တဲ့ ကားကောင်းတစ်ကားပါပဲဗျာ။ File Size - 2 GB/ 1 GB Quality - BluRay 1080p/ 720p Duration - 1h 59m Format - mp4 Genre - Action, Comedy, Crime, Drama Subtitle - Myanmar Subtitle (Hard Sub)

အမေရိကန် Crime Thriller Darama ဇာတ်ကားကောင်း တစ်ကားဖြစ်သည့် Tripple 9 ကို ယခုအပတ်မှာမိတ်ဆက် ညွှန်းဆိုပေးလိုက်ပါတယ်။ Tripple 9 ကိုရိုက်သည့် ဒါရိုက်တာကတော့ John Hillcoat ဖြစ်ကာ သရုပ်ဆောင်တွေကလည်း ပရိသတ်ကြီးနှင့်ရင်းနှီးပြီးသားဖြစ်သည့် Casey Affleck, Chiwetel Ejiofor, Anthony Mackie Aaron Paul, Norman Reedus, Woody Harrelson ESith Kate Winslet တို့က အဓိကပါဝင် သရုပ်ဆောင်ထားတာဖြစ်ပါတယ်။ ဒီဇာတ်ကားကို ဖေဖေါ်ဝါရီလ ၂၆ ရက်နေ့ကစပြီး နိုင်ငံတစ်ကာမှာရုံတင်ပြသခဲ့တာပါ။ ဇာတ်လမ်း အကျဉ်းကတော့ . . . Georgia ပြည်နယ် Atlanata မြို့မှာ ဒုစရိုက်သမားတွေဖြစ်သည့် Micheal Atwood, Russel Welch နှင့် သူ့ရဲ့ ညီဖြစ်သူ Gabe တို့ဟာ အကျင့်ပျက်ရဲဝန်ထမ်းတွေဖြစ်သည့် Marcus Belmont, Franco Rodriguez တို့နှင့်အတူ ဘဏ်တစ်ခုကိုဓါးပြတိုက်ကာ အာမခံသေတ္တာတစ်ခုကိုယူလာခဲ့ကြပါတယ်။အဲဒီ သေတ္တာထဲမှာကရုရှားမာဖီးယားဂိုဏ်း ခေါင်းဆောင်ရဲ့အကြောင်းတွေကို ဖော်ထုတ်နိုင်တဲ့အချက်အလက်တွေသိမ်းထားတာပဲဖြစ်ပါတယ်။Micheal ကသေတ္တာကို မာဖီးယားခေါင်းဆောင်ရဲ့ ဇနီးဖြစ်သူ Irina ထံကိုပေးလိုက်ပေမယ့် သူမက Micheal တို့ကို ဆုကြေး ပိုက်ဆံမပေးသေးပဲ နောက်ထပ်အလုပ်တစ်ခုထပ်ခိုင်းပါတယ်။ အဲဒီအလုပ်ကလည်း အစိုးရရုံးခန်းတစ်ခုကို ဖောက် ထွင်းကာ သူမယောကျ်ားရဲ့နောက်ထပ် အချက်အလက်တွေကို ခိုးယူခိုင်းတာဖြစ်ပါတယ်။ သူတို့အုပ်စု ဒီအလုပ်ကို လုပ်အောင်လည်း သူမကခြိမ်းခြောက်ထားတာဖြစ်ပါတယ်။ Irina ရဲ့ညီမဖြစ်သူထံမှာ Micheal ရဲ့သားကရှိနေတာ ဖြစ်ပြီး အလုပ်ကိုလက်မခံပါက သူ့သားနှင့်လည်း နောက်ထပ်မတွေ့မှာစိုးရိမ်နေရတာပါ။ ဒါနှင့်ပဲသူတို့ တွေဆက်လုပ် ကြဖို့ ဆုံးဖြတ်လိုက်ပြီး Marcus ရဲ့တွဲဖက်အသစ် ဖြစ်သည့် Chris ကိုအသုံးချကာ သူတို့ရဲ့အစီအစဉ်ကိုအကောင် အထည်ဖော်ရန် ကြံစည်ကြပါတော့တယ်။ Chris ကလည်း မာဖီးယားဂိုဏ်းကိုလိုက်နေသူတစ်ဦးဖြစ်ပါတယ်။ Chris ရဲ့ ဦးလေး ဖြစ်သူ Jeffrey Allen ကတော့ ရဲစုံထောက် တပ်ကြပ်ကြီးတစ်ဦးဖြစ်ကာ ဘဏ်ဓါးပြမှု ကိုလိုက်နေသည့် သူ ဖြစ်ပါတယ်။သူကဓါးပြတွေကို ခြေရာလိုက်ခံနေရင်း Gabe ကဒီဓါး ပြမှုမှာပါဝင်သည့် သူတစ်ဦးဆိုတာလည်းတွေ့သွားခဲ့ ကာ . . .။ (ရုပ်ရှင်အညွှန်းကို Find Myanmar FB Page မှကူးယူဖော်ပြပါသည်။) File size…(999MB) Quality….BR-Rip 720p Format…mp4 Duration….01:55:46 Subtitle….Myanmar Subtitle (Hardsub) Encoder….Nyeinsaeya Aung

မင်းသားကြီး Will Smith နဲ့ ဟာလေကွင်း မင်းသမီးချော Margot Robbie တို့ အဓိကပါဝင်ထားတဲ့ ဇာတ်ကားပါ။ ဇာတ်လမ်းက လူလိမ်သူခိုးဇာတ်လမ်းဆိုတော့ ကတုံးပေါ်ထိပ်ကွက် ခွကွက် ကျော်ကွက်တွေ အများကြီးနဲ့ တင်ဆက်ထားပါတယ်... Professional လုပ်ငန်းတွေမှာ ပါစင်နယ်ကိစ္စတွေ မရောသင့်ဘူးဆိုတာမျိုးကို အနောက်နိုင်ငံမှာ ပိုသုံးကြပါတယ်။ လူလိမ်လုပ်ငန်းမှာဆိုရင်တော့ ပိုဆိုးတာပေါ့..ပါစင်နယ်ရောလို့မရဘူး။ တစ်ယောက်ကိုတစ်ယောက် လျှို့ဝှက်တတ်တဲ့ လူလိမ်ပါတ်ကား ၂ ယောက် တစ်ယောက်ကိုတစ်ယောက် ချစ်သွားကြတဲ့အခါမှာတော့... သူတို့ရဲ့မစ်ရှင်တွေအောင်မြင်ပါ့မလားဆိုတာ.......။ သရုပ်ဆောင် ၂ ယောက်ရဲ့ အက်တင်ကောင်းကောင်းနဲ့ ဇာတ်လမ်းရဲ့လှည့်ကွက်တွေကို ရှုစားရမှာပါ။ IMDb Rating (6.6) ရရှိထားပါတယ်။ File size…(4.5 GB)/(1.4 GB)/(700 MB) Quality….WEB-DL 4K HEVC /1080p/720p Format…mkv/mp4 Duration….01:44:41 Subtitle….Myanmar Subtitle (Hardsub) Encoder….Nyeinsaeya Aung Translated by Mr.Anderson

ချမ်းသာတဲ့ စီးပွားရေးမန်နေဂျာ ဂျိမ်းစ်ကင်းဟာ ငွေကြေးအလွဲသုံးစားလုပ်မှု၊ လိမ်လည်မှုစတဲ့ စွဲချက်တွေနဲ့ ဖမ်းဆီးခံရပြီး ထောင်ဆယ်နှစ် ချမှတ်ခံလိုက်ရပါတယ်။ ထောင်မဝင်ခင် လိုအပ်တာတွေ ပြင်ဆင်ဖို့ ရက်သုံးဆယ်ရပေမယ့် ဂျိမ်းစ်ကတော့ ထောင်ထဲမှာ မိနစ်ပိုင်းတောင် ခံနိုင်မှာမဟုတ်ဘူးလို့ တွေးပြီး ယောင်ယောင်ချာချာ ဖြစ်နေတယ်။ အဲဒီအချိန်မှာ ဒါနဲလ်နဲ့ တွေ့ပြီး သူ့ကို ထောင်ထွက်လူမိုက်တစ်ယောက်လို့ အထင်မှားသွားပါတယ်။ တကယ်တော့ ဒါနဲလ်ဟာ ကားရပ်နားမှုအတွက် ဒဏ်ကြေးဖြတ်ပိုင်းတောင် မရဖူးတဲ့သူပါ။ ဒါကိုမသိတဲ့ ဂျိမ်းစ်က ထောင်ထဲမှာ အသက်ရှင်နေတတ်အောင် သင်ပေးဖို့ ဒါနဲလ်ကို ဆရာတင်လိုက်တဲ့အခါ နှစ်ယောက်သား အလွဲတွေနဲ့ ကြုံကြရတော့တယ်။ ဂျိမ်းစ်က တကယ်ပဲ ငွေလိမ်ခဲ့တာလား၊ နောက်ကွယ်မှာ ဘယ်သူတွေရှိနေသလဲဆိုတာလည်း ရှင်းရဦးမှာပါ။ ၂၀၁၅ ခုနှစ်ထွက် ဒီဟာသဇာတ်ကားမှာ Will Ferrell က ဂျိမ်းစ်ကင်းအဖြစ်၊ Kevin Hart က ဒါနဲလ်အဖြစ် သရုပ်ဆောင်ထားပါတယ်။ R-rated ဖြစ်ပြီး လူကြီးကြည့်အခန်းတချို့နဲ့ ကြမ်းတမ်းတဲ့စကားအသုံးအနှုန်းတွေ ပါဝင်ပါတယ်။

Dawn of the Planet of the Apes (2014) IMDb - 7.6/10 Rotten - 90% ဒီဇာတ်ကား အကြောင်းမပြောခင်မှာ Planet of the Apes အကြောင်း နည်းနည်းပြောပြချင်ပါတယ်။ Planet of the Apes ဇာတ်လမ်းတွေက ၁၉၆၈ ထဲက စတင် ရိုက်ကူးခဲ့တာဖြစ်ပြီး၊ Planet of the Apes (February 8, 1968), Beneath the Planet of the Apes (May 27, 1970), Escape from the Planet of the Apes (May 21, 1971), Conquest of the Planet of the Apes (June 29, 1972), Battle for the Planet of the Apes (June 15, 1973) ဆိုပြီး ၅ ကားရှိခဲ့သလို၊ Mark Wahlberg ရဲ့ ၂၀၀၁ ခုနှစ် Remake ဆိုပြီး ရှိပါတယ်။ လက်ရှိဇာတ်ကားတွေကတော့ ဒီ Series ရဲ့ Reboot တွေဖြစ်ပြီး Rise of the Planet of the Ape က ပထမဆုံး ဇာတ်ကားဖြစ်ပါတယ်။ ၁၉၆၈ ခုနှစ်က ဇာတ်ကား နဲ့ ဇာတ်လမ်းမတူတော့ပဲ၊ ဇာတ်လမ်း သဘောတရားကိုပဲ ပြန်ယူသုံးထားတာဖြစ်ပါတယ်။ အခု Dawn of the Planet of the Apes ဇာတ်ကားကတော့ ၁၉၆၈ Planet of the Apes ပြီးရင် အကောင်းဆုံး ဇာတ်ကားလို့ သတ်မှတ်လို့ရ လောက်အောင်ကောင်းပါတယ်။ ဇာတ်လမ်းကတော့ Rise of the Planet of the Apes အပြီးမှာ၊ မျောက်တွေ လွတ်သွားသလို၊ သူတို့ ကို စမ်းသပ်နေတဲ့ Virus ပြန်သွားပြီး လူတော်တော်များများ သေကုန်ကြပါတယ်။ Caesar ဦးဆောင်တဲ့ မျောက်တွေကတော့ San Francisco မြို့နားကတောထဲမှာ အေးအေးဆေးဆေးနေနေ ကြပါတယ်။ ဒါပေမယ့် တစ်ရက်မှာ အမှတ်မထင် ပဲ မင်းသား Malcolm (Jason Clark) ဦးဆောင်တဲ့ လူတွေရောက်လာပြီး၊ မျောက်တစ်ကောင်ကို သေနတ်နဲ့ ပစ်မိသွားတာကနေစပြီး ဘာတွေဖြစ်လာကြမလဲဆိုတာ…………။ ဒီဇာတ်ကားက အကောင်း ဆုံး အထူးပြုလုပ်ချက်တွေနဲ့ ပုံဖော်တင်ပြထားပါတယ်။ ကောင်းမွန်တဲ့ အထူးပြု လုပ်ချက်တွေကြောင့် လူဝံတွေရဲ့ ဒေါသ၊ ဆုံးရှုံးမှု၊ နာကြည်းချက်နဲ့ ခံစားမှုတွေကို ပရိသတ်တွေကပါ လိုက်ပါခံစားရပါတယ်။ အထူးသဖြင့် လူဝံ ခေါင်းဆောင် Caesar အဖြစ် သရုပ်ဆောင်ချက် တွေဟာ အော်စကာတစ်ကြိုပေး မှုနဲ့ ထိုက်တန်တယ်လို့ ဝေဖန်ရေး ဆရာတွေက ရေးသားထားပါ တယ်။ Caesar အဖြစ် သရုပ် ဆောင် Andy Serkis က သရုပ် ဆောင်ထားတာပါ။ နောက်တစ်ခု မှတ်မှတ်ရရ ဝေဖန်ရေးဆရာတွေ ပြောကြ တာကတော့ Dawn of the Planet of the Apes ဇာတ်ကားဟာ ခေါင်းဆောင်မှုအရည်အသွေး တွေကို အထူးအမွှမ်းတင်ထားတဲ့ ကားလို့ ဆိုပါတယ်။ အရမ်းကောင်းတဲ့ဇာတ်ကားကောင်းတစ်ကားပါ။ လူနဲ့ မျောက်လို့ဆိုပေမယ့်၊ အသွင်မတူတဲ့ လူတွေ တူတူ မနေနိုင်တဲ့သဘာဝကို ထင်ဟပ်ပြထားပါတယ်။ စစ်ရဲ့ ဆိုးကျိုးနဲ့ သဘောတရားကို လည်း လူတွေ မြင်သာအောင် တင်ဆက်နိုင်ခဲ့ပါတယ်။ File size…   6.4 GB / 2 GB /  1 GB Quality… BluRay 4K /  1080p / 720p Format… mp4 Duration…. 2h 11m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by El'MoH

Parker (2013) IMDb - 6.2/10 Rotten - 41% Parker ဟာ အမေရိကန်စုံထောက်ဝတ္ထုရေးဆရာကြီး Richard Stark ခေါ် Donald E. Westlakeရဲ့ဇာတ်ကောင်ကို မှီငြမ်းအသက်သွင်းပြီး Alexander McLanughlin က ဇာတ်ညွှန်းရေးကာ ဒါရိုက်တာ Taylor Hackford ရိုက်ကူးတဲ့ စုံထောက်ဇာတ်ကြမ်းကားဖြစ်ပါတယ်...... အဓိကသရုပ်ဆောင်ထားသူတွေက အက်ရှင်မင်းသား Jason Statham, Jennifer Lopez, Micheal Chiklis နဲ့ Nick Nolte တို့ဖြစ်ကြပါတယ်.... ဒီဇာတ်ကားမှာ ခေါင်းဆောင်မင်းသားStathamဟာ သူ့စတန့်အားလုံးကို လူစားမထိုးဘဲ ကိုယ်တိုင်သရုပ်ဆောင်ကြောင်း သိရပါတယ်.... လူဆိုး က သေနတ်နဲ့ပစ်စဉ် အရှိန်ပြင်းစွာမောင်းနှင်နေတဲ့ကားပြတင်းပေါက်ကနေ ဒိုင်ဗင်ထိုးထွက်တဲ့အခန်းဟာ အသက်အန္တရာယ်ရှိပေမဲ့ ဒါရိုက်တာ စိတ်တိုင်း ကျ မဖြစ်မချင်း Jason က ငါးခါ ခြောက်ခါ သရုပ်ဆောင်ပေးခဲ့ပါတယ်..... ဒါရိုက်တာကြီးHackford ဟာ ‘Parker’ကို သူ့ရဲ့ပထမဆုံး film-noir ဇာတ်ကားဖြစ်အောင် ရိုက်ကူးရလို့ ရင်ခုန်ကြောင်းဖွင့်ပြောပါတယ်။(film-noirဆိုတာက ၁၉၆၀ပြည့်နှစ်တွေက ခေတ်စားတဲ့ ပြင်သစ်အဖြူ-အမည်းစုံထောက်ဇာတ်ကားတွေဖြစ်ပါတယ်။) Parker ဟာ ထူးဆန်းတဲ့ဇာတ်ကောင်ဖြစ်ပြီး လူ့ခွစာဆန်သူဖြစ်လု့ိ ၎င်းကို မိမိစိတ်ဝင်စားတာပါလို့ Hackford က ပြောပါတယ်။ Parkerကို ဝေဖန်ရေးဆရာ တချို့က ချီးမွမ်းပြီး တချို့က ရှုတ်ချခဲ့ပါတယ်... Stathamဟာ Parker ဇာတ်ရုပ်နဲ့ အံကိုက်ဖြစ်ကြောင်း၊ J.Loရဲ့ဇာတ်ကောင် Leslie က တော့ ပရိသတ်ကို ရယ်မောစေကြောင်း တချို့က ပြောပါတယ်... Donald Westlake ရဲ့ ပရိသတ်တစ်ဦးဖြစ်တဲ့ စာရေးသူအနေနဲ့တော့ Statham ရဲ့ပရိသတ်တွေ ကျေနပ်မှုရစေမယ့် ဖြေဖျော်ရေးအသားပေး လျှို့ဝှက်သည်းဖိုအက်ရှင်ဇာတ်ကားတစ်ကားလို့ပဲ မှတ်ချက်ချချင်ပါတယ်.... (ရုပ်ရှင်အညွှန်းကို DVD Guide မှကူးယူဖော်ပြသည်...) File size…(1 GB) Quality…Blu-Ray Rip 720p Format…mp4 Duration….01:58:00 Subtitle….Myanmar Subtitle (Hardsub) Encoder….Nyeinsaeya Aung

တစ်ချိန်တစ်ခါက ဟုန်းဟုန်းတောက်ကျော်ကြားခဲ့ပြီး အခုအချိန်မှာလည်း ပြန်လည်တွေ့မြင်နေရပြီဖြစ်တဲ့မင်းသားကြီး Nicolas Cage ရဲ့ ဇာတ်ကားဟောင်းလေးကို ပြန်လည်တင်ဆက်ပေးလိုက်ပါတယ်။ ဇာတ်ကားနာမည်ကတော့ Stolen ဖြစ်ပြီးတော့ သူ့ကိုအများဆုံးတွေ့ရတဲ့ ဇာတ်ရုပ်ဖြစ်တဲ့ ရာဇဝတ်သားတစ်ယောက်နေရာကနေ သရုပ်ဆောင်ထားတာကို တွေ့ရမှာပဲဖြစ်ပါတယ်။ ဒီထဲမှာတော့ ဝေလ်ဆိုတဲ့ဉာဏ်ကြီးရှင် သူခိုးတစ်ယောက်နေရာကနေ တွေ့ရမှာပဲဖြစ်ပါတယ်။ဇာတ်လမ်းအစမှာ ဘဏ်တစ်ခုထဲက ပိုက်ဆံတွေကို ခိုးယူပြီးထွက်ပြေးနေတာကို တွေ့ရမှာပါ။ဒါပေမယ့် အကြောင်းအရင်း တစ်ခုခုကြောင့် သူ့တွဲဖက်ဖြစ်သူ ဗင်းဆင့်နဲ့သဘောထားကွဲလွဲပြီး သူတစ်ယောက်တည်း ပိုက်ဆံတွေနဲ့ ကျန်ခဲ့ပြီးအဖမ်းခံလိုက်ရပါတော့တယ်။ ဒါပေမယ့် ထူးဆန်းတာက သူ့ကိုဖမ်းမိတဲ့အချိန်မှာ ပိုက်ဆံတွေကမရှိတော့ပါဘူး။ ဒီလိုနဲ့ ထောင်ရှစ်နှစ်ကျပြီး ပြန်ထွက်လာတဲ့အချိန်မှာတော့ သူ့ဘဝမှာ အချစ်ရဆုံးသူဖြစ်တဲ့ သူ့သမီးနဲ့သွားတွေ့ခဲ့ပါတယ်။ဒါပေမယ့် ခါးခါးသီးသီး ငြင်းလွှတ်ခံလိုက်ရလို့ လုပ်ဖော်ကိုင်ဖက်ဟောင်းတွေနဲ့ သွားတွေ့နေတဲ့အချိန်မှာ သူ့သမီးပြန်ပေးဆွဲခံလိုက်ရပြီး လွန်ခဲ့တဲ့ရှစ်နှစ်ကပိုက်ဆံတွေကို တောင်းပါတော့တယ်။ ဒီလိုနဲ့ ဝေလ်တစ်ယောက်သမီးကိုပြန်ရဖို့အတွက် ဘယ်လိုတွေရုန်းကန်ရမလဲ အဲ့ဒီပိုက်ဆံတွေကရော တကယ်တမ်းဘယ်ရောက်သွားလဲဆိုတာတွေအပြင် တခြားစိတ်ဝင်စားစရာ ဇာတ်လမ်းဇာတ်ကွက်တွေကိုလည်း ကြည့်ရမဲ့ ဇာတ်ကားဟောင်းထဲးကမှ ဇာတ်ကားကောင်း တစ်ကားပဲဖြစ်ပါတယ်။ File size…1.93 GB / 769MB Quality…Blu-Ray 1080p / 720p Format…mp4 Duration….1h 36m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

Django Unchained (2012) IMDb Rating (8.5) / Rotten Tomatoes (87%) ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဂန္တဝင်ဒါရိုက်တာကြီး Quentin Tarantino ရဲ့  နာမည်ကျော် Western ရုပ်ရှင်ကားကြီးဖြစ်ပါတယ်။ Leonardo DiCaprio, Christoph Waltz , Samuel L. Jackson , Jamie Foxx တို့လို သူနဲ့တွဲရိုက်နေကျ သရုပ်ဆောင်တွေအပြင် တခြားသရုပ်ဆောင်များစွာပါဝင်ထားပါတယ်။ ဇာတ်လမ်းဟာ လူမည်းကျွန်စနစ်ရှိတဲ့ ခေတ်ကာလကို တည်ထားတယ်။ နောက်ပြီးဒီဇာတ်ကားက တကယ့် Black Comedy။ Dr. King Schultz ဆိုတာ နယ်လှည့်သွားလာနေတဲ့ သွားဆရာဝန်အမည်ခံ ဂျာမန်လူမျိုး bounty hunter တစ်ယောက်ပဲ။ သူရှာနေတာက မြေပိုင်ရှင် ညီအစ်ကို ၃ ယောက်။ သူတို့ကို ရှာမယ်ဆိုပေမယ့် တွေ့လည်း မတွေ့ဖူးဘူး။ ညီအစ်ကို ၃ ယောက်ဆိုတာက လွဲလို့ ဘာမှ မသိဘူး။ အဲဒါကြောင့် အဲဒီညီအစ်ကို ၃ ယောက်ဆီမှာ အလုပ်လုပ်ခဲ့ဖူးတဲ့ ကျွန်တစ်ယောက်ကို လိုက်ရှာနေတယ်။ ဖြစ်ချင်တော့ တစ်ည လမ်းခရီးမှာ အဲဒီကျွန်တစ်ယောက်ကို တွေ့သွားခဲ့တယ်။ ဒါပေမယ့် အဲဒီဂျာမန်သွားဆရာဝန်ရဲ့ ပြောပုံဆိုပုံကြောင့် လူဖြူကျွန်ပိုင်ရှင်တွေက မရောင်းဘဲနဲ့ ငြင်းလိုက်တယ်။ ဒါပေမယ့်လည်း ဂျာမန်သွားဆရာဝန်ဟာ bounty hunter လေ။ သူ့ကို အဲဒီလို အချိုးမျိုး လာလုပ်လို့မရဘူးဆိုတာ လက်တွေ့ပြလိုက်တယ်။ ဒီလိုနဲ့ သူလိုချင်တဲ့ ကျွန်တစ်ယောက် ခေါ်လာနိုင်ခဲ့တော့တယ်။ အဲဒီလူမည်းနာမည်က Django ။ D silent ဂျန်ဂို တဲ့။ ဒီနေရာမှာ bounty hunter ဂျာမန်သွားဆရာဝန်ရဲ့ ကာရိုက်တာကို နည်းနည်းပြောချင်တယ်။ လူမည်းကျွန်စနစ်ခေတ်ကြီးထဲမှာ သူခေါ်လာတဲ့ လူမည်းကို လူလိုသဘောထားပြီး တန်းတူဆက်ဆံတာဆိုလို့ သူ တစ်ယောက်တည်း ရှိတယ်။ အဲဒါအပြင်သူက သူ့ကျွန်ကို အပြည့်အ၀ ကာကွယ်ပေးသေးတာ။ အဲဒီလိုသဘောထားလို့လည်း ရောက်တဲ့နေရာတိုင်းမှာ သူ့တို့နှစ်ယောက်ကို လူဖြူတွေရော လူမည်းတွေပါ အထူးအဆန်းလို ကြည့်ကြတယ်။ အဲဒီ bounty hunter က ဂျန်ဂို ကိုပြောတယ်။ ဂျန်ဂိုအနေနဲ့ ညီအစ်ကို ၃ ယောက်ကို ရှာတွေ့ပြီး သတ်ပေးနိုင်ရင် သူ့ကို ကျွန်ဘဝကနေ လွတ်လပ်ခွင့်ပေးပါမယ်တဲ့။ ဆိုတော့ သူတို့နှစ်ယောက် ညီအစ်ကို ၃ ယောက် ရှာပုံတော် ဖွင့်ကြတော့တယ်။ ဒီကားထဲမှာ Quentin Tarantino ရဲ့ ကာရိုက်တာတွေ အထိုင်ချတာကို တော်တော်သဘောကျတယ်။ ဂျာမန် bounty hunter အဖြစ် Christoph Waltz ကို လုပ်ခိုင်းပြီး သူ့ရဲ့ အဖော်ကျွန်နေရာမှာတော့ Jamie Foxx ကို လုပ်ခိုင်းတယ်။ လူဖြူသူဌေးအဖြစ် Leonardo ၊ လူဖြူသူဌေးရဲ့ သစ္စာတော်ခံလူယုံအဖြစ် Samuel Jackson က သရုပ်ဆောင်ရတယ်။ ဒီနေရာမှာ Leo Vs Christoph ထက် Samuel Jackson Vs Jamie Foxx နှစ်ယောက်ရဲ့ အားပြိုင်သရုပ်ဆောင်မှုကို ပိုပြီးတွေ့ရမယ်။ မထုံတတ်သေးနဲ့ ရန်သူကို သွေးအေးအေးနဲ့ လှည့်စားတတ်တဲ့ Christoph ရဲ့ ကာရိုက်တာကြောင့်လည်း ဒီကားက ပိုပြီးဆွဲဆောင်မှု ရှိနေတာပါ။ (Christoph Waltz ဟာ ဒီဇာတ်ကားနဲ့ ဒုတိယအကြိမ် အော်စကာဆုရခဲ့ပါတယ်။ ) နောက်ပြီး ဒီရုပ်ရှင်ထဲမှာ Spaghetti Western ရုပ်ရှင်တွေရဲ့ လွမ်းမိုးမှုတွေ ပါဝင်နေတာတွေ့ရတယ်။ အထူးသဖြင့် သေနတ်ထပစ်ကြတဲ့အခန်းတွေ။ သေနတ်ပစ်ကြတဲ့ပုံစံတွေ။ Django Unchained နဲ့ The Hatefull Eight ဟာ ခေတ်တစ်ခေတ်ကို အကြောင်းပြုပြီး ရိုက်ထားတာဆိုပေမယ့် Bounty Hunter Character ကို ယူသုံးထားတာက လွဲလို့ တစ်ခြားဇာတ်အိမ် ဆက်စပ်မှု သိပ်မရှိပါဘူး။ လုပ်မယ့်လုပ်စေချင်ရင် Django Unchated ( 2012 ) ထဲက bounty hunter ဖြစ်သွားတဲ့ လူမည်း Jamix Foxx ကာရိုက်တာဟာ sequel အနေနဲ့ The Hatefull Eight ( 2015 ) မှာ Major Warren အနေနဲ့ Bounty Hunter လာဖြစ်တယ်ဆိုတာမျိုးပဲ ဖြစ်လုပ်လို့ရမယ်ထင်တယ်။ (ရုပ်ရှင်အညွှန်းကို Cinemanto FB Page မှ ကူးယူဖော်ပြပါသည်။) File size…(13 GB)/(3 GB )/(1.8 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:45:00 Subtitle….Myanmar Subtitle (Hardsub) Encoder….Ka Naung Translated by Kiwi

IMDb Rating (7.4) / Rotten Tomatoes (93%) မင်းသားကြီး Bruce Willis , Joseph Gordon-Levitt နဲ့ မင်းသမီး Emily Blunt တို့ ဦးဆောင်ပါဝင်တဲ့ ရုပ်ရှင်ကားကြီးပါ။ Time Travel နဲ့ပတ်သက်တဲ့ကားတစ်ကားဖြစ်ပါတယ်။ 2044 မှာ အခြေတည်တယ်။ ဇာတ်လမ်းကတော့ အဲဒီအချိန်မှာ Time machine ဆိုတာ မပေါ်သေးပေမဲ့ နောက်နှစ် (၃၀) ကြာတဲ့အခါ ပေါ်ပြီတဲ့။ Future (2070) တွေမှာ Time machine ပေါ်လာပေမဲ့ ချက်ချင်းပဲ တရားမဝင်ဆိုပြီး ပိတ်ပင်ကြတယ်။ အဲဒီ့အတွက် လူဆိုးဂိုဏ်းအကြီးကြီးတွေက လျှို့ဝှက်သုံးတယ်။ အဲဒီ့ခေတ်မှာ လူတစ်ယောက်ကို သတ်ပြီး အစဖျောက်ဖို့ မလွယ်တဲ့အတွက် သူတို့တွေ သတ်ချင်တဲ့လူတွေကို ဖမ်း၊ ကြိုးတုပ်ပြီး ဒီနေ့ခေတ် (၂၀၄၄) က သတ်မှတ်နေရာတစ်ခု (ဥပမာ ပြောင်းခင်းဘေး) ကို ပို့လိုက်တယ်။ အဲဒါကိုမှ Looper ဆိုတဲ့ကောင်တွေက အဲဒီနေရာတွေမှာစောင့်နေပြီး ပေါ်လာတဲ့ကောင်ကို ပစ်သတ်၊ အစဖျောက်ပစ်တယ်။ နောက် သူတို့နဲ့ထည့်ပေးလိုက်တဲ့ ငွေပြား ရွှေပြားတွေကို payment အဖြစ်ယူတယ်။ Future ကလည်း အဲဒီလိုလုပ်နေရင်းနဲ့ သူတို့နဲ့ အလုပ်လုပ်နေတဲ့ looper တွေနဲ့ စာရင်းဖြောက်ချင်၊ စာချုပ်ဖျက်ချင်တဲ့အခါ အဲဒီ Looper ရဲ့ အအို version ဖြစ်တဲ့ (၂၀၇၀)က ကောင်ကို သူ့အငယ် version (၂၀၄၄) ဆီပြန်ပို့ပြီး သတ်ပစ်တတ်ပါတယ်။ တစ်ရက်မှာ ဒီလိုပဲ ဇာတ်လိုက်ရဲ့ အငယ် version (Josef Gordon Levitt) တစ်ယောက် အကြီးကောင် (Bruce Willis) ကိုပြန်သတ်ဖို့ ဖြစ်လာတဲ့အခါမှာတော့ ဒီလို ပုံမှန် assassination မဟုတ်တော့ဘဲ future က ပြဿနာတွေပါ လိုက်ရှင်းရပါတယ်။ ... Review နာမည်နဲ့လိုက်အောင် Loop ပတ်နေတဲ့ ဇာတ်လမ်းပါပဲ။ ဇာတ်လမ်းကို စဉ်းစားကြည့်ရင် ပုံမှန်ဆို အစမရှိ အဆုံးမရှိ လုံးဝ ပတ်လည်ရိုက်နေတဲ့ပုံပါပဲ။ ဇာတ်လမ်းက စလာတည်းက ကြမ်းတာ။ Idea ကိုတော်တော်သဘောကျပါတယ်။ ဥပမာ အကြီးကောင်ကို လိုချင်လို့ အငယ်ကောင်ကို နှိပ်စက်တာ အကြီးကောင်မှာလည်း effect တွေသွားဖြစ်တာဆို တော်တော်ကြီး ကြမ်းတယ်။ အဲဒီလို awesomeness တွေ ကြည့်ပြီး တစ်ဝက်ကျော်လောက်မှာတော့ ပျင်းဖို့ကောင်းသွားတယ်။ ဇာတ်ကွက်အချို့ကိုလည်း မှန်းလို့ရတယ်။ အရမ်းကြီး ရှုပ်တဲ့ time travel stuff တွေ မသုံးဘဲ လုပ်ထားတော့ ကြည့်ရတာ အရမ်းကြီး ရှုပ်မနေသလို အရမ်းကြီးလည်း mind blown မဖြစ်ဘူး။ Visual effect တွေ သိပ်မပါပေမဲ့ တစ်ချို့အခန်းတွေက ဆွဲထားမှန်း အရမ်းသိသာတယ်။ နောက်ဆုံး တစ်ကောင်တည်း ပွဲကြမ်းတဲ့အခန်းက ကြည့်လည်းကောင်းသလို လွယ်လွန်းအားကြီးသလိုပဲ။ မင်းသား Josef Gordon-Levitt က ဒီကားမှာ Bruce Willis နဲ့တူအောင် နှုတ်ခမ်းတွေ မေးရိုးတွေကို ပြင်ထားတယ်။ ကျွန်တော့အတွက်တော့ နှစ်ယောက်သား အဲလောက်ကြီး တူမှာမတူမှာကို ဂရုစိုက်ဖြစ်ဘဲ ပြင်ထားတဲ့အတွက် JGL ရဲ့ မျက်နှာက ထူးဆန်းပြီးတစ်ချက်တစ်ချက် မမှတ်မိတော့လောက်အောင် ရုပ်ဆိုးတယ်လို့ပဲ ထင်မိတယ်။ သရုပ်ဆောင်တာကိုလည်း သွားထိတယ်။ Bruce Willis ကြီးက တော်တော်မိုက်တယ်။ ကိုယ့် အငယ် version ကို တွေ့တော့ မင်းဘာသိလို့လည်း ငတုံး ဆိုပြီး ဖြစ်နေတာ badass ဖြစ်နေတာ သဘောကျတယ်။ Looper က အချိန်နှစ်ခုကြားက လူတစ်ယောက်တည်းအကြောင်းကို ရိုက်ထားတာပါ။ ရိုက်ထားတဲ့ ပုံစံ တင်ပြထားတဲ့ပုံစံကို သဘောကျတယ်။ ကြည့်ဖူးသမျှကားတွေထဲမှာ တော်တော်မိုက်တဲ့ကားပါ။ သို့ပေမဲ့ အရမ်းကောင်းတဲ့ လွန်အားကြီးတယ်ဆိုတဲ့ထဲတော့ မပါပါဘူး။ Sci-fi ကောင်းကောင်း ကြည့်ချင်တဲ့လူတွေ အတွက်ပါ။ ... (ရုပ်ရှင်အညွှန်းကိုတော့ DatShin Facebook Page မှ ကူးယူဖော်ပြပါသည်) File size…(9.5 GB)/ (2.3 B)/(1 GB) Quality….BluRay 4K HEVC/1080p HEVC/720p Format…mkv/mp4 Duration….01:58:40 Subtitle….Myanmar Subtitle(Hardsub) Encoder….Ka Naung

၁၉၈၀ ပြည့်နှစ်များနဲ့ ၁၉၉၀ ပြည့်နှစ်အစောပိုင်းကာလတွေမှာ တက္ကဆက်ပြည်နယ်က မြေကွက်ကျယ်တစ်ခုမှာ အမျိုးသမီးငယ်လေးဦးရဲ့ အလောင်းတွေကို တွေ့ခဲ့ကြပါတယ်။ အဲဒီနေရာက ရွှံ့မြေတွေနဲ့ ရေနံချက်စက်ရုံတွေကြား၊ ဟူစတန်နဲ့ ဂဲဗတ်စတန်ကမ်းခြေမြို့ကို ဆက်သွယ်ထားတဲ့ လမ်းကြောတစ်လျှောက်မှာ ရှိတာပါ။ နှစ်တွေခြားပြီး တွေ့ခဲ့ကြပေမယ့် လေးဦးစလုံးကို တစ်နေရာတည်းမှာ တွေ့ခဲ့တာဖြစ်ပြီး သေဆုံးမှုတွေ ဆက်စပ်နေတာလား၊ တိုက်ဆိုင်တာလားဆိုတာ အဖြေမရခဲ့ဘူး။ အဲဒီနောက် ဒီနေရာဟာ လူသတ်ကွင်းတွေ၊ The Killing Fields ဆိုတဲ့ အမည်နဲ့ လူသိများလာပါတယ်။ ဇာတ်လမ်းက ဒီအမည်တွင်လာပြီးနောက် ကာလကို အခြေခံထားတာပါ။ တက္ကဆက်မြို့ငယ်တစ်မြို့က စုံထောက် မိုက်ခ်ဆောက်ဒါနဲ့ နယူးယောက်ကနေ ပြောင်းလာတဲ့ တွဲဖက်စုံထောက် ဘရိုင်ယန်ဟေ့ဂျ်တို့က လူသတ်မှုတွေကို ဖော်ထုတ်နေကြတယ်။ အမျိုးသမီးငယ်တွေ ဆက်တိုက်ပျောက်ဆုံး၊ သေဆုံးလာတဲ့အမှုတွေကို စုံစမ်းရင်း အမည်ဆိုးနဲ့ကျော်ကြားတဲ့ ဒီနေရာနဲ့ ရင်ဆိုင်ကြရပါတယ်။ အတိတ်ကလို ဖြစ်ရပ်တွေ ထပ်ဖြစ်လာတာကို သူတို့ ရပ်တန့်နိုင်မလား၊ ဉာဏ်များပြီး ကောက်ကျစ်တဲ့ ကွင်းဆက်လူသတ်သမားကို ဖမ်းမိနိုင်မလားဆိုတာ ဥပဒေဘက်တော်သားတွေနဲ့ ရာဇဝတ်သားကြားက အားပြိုင်မှု၊ အပြန်အလှန် ဉာဏ်ကစားမှုတွေနဲ့ ဆက်ပြထားပါတယ်။