Jonathan Groff ပါဝင်သော ဇာတ်ကားများ

A Nice Indian Boy (2024) "အလိမ္မာအိမ်ပါ အမေ့သမက် " လူနှစ်ဦးကြားက အချစ်ဆိုတာဟာ အသားရောင်မရွေး၊ လူမျိုးမရွေး၊ ကျား/မ မရွေးဖြစ်ပေါ်လာနိုင်တာမျိုးပါ။ ဒါကြောင့်မို့ ဒီတစ်ခါမှာတော့ အချစ်ဇာတ်လမ်းများစွာထဲက လူမျိုးမတူ၊ ဓလေ့မတူဘဲ ချစ်မိသွားကြတဲ့ လိင်တူချစ်သူနှစ်ဦးအကြောင်း ဟာသနဲ့ဒရာမာ နှောထားတဲ့ အချစ်ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။ နာဗင်းဆိုတဲ့ အိန္ဒိယလူမျိုးဆရာ၀န်လေးဟာ ‌ဂေးတစ်ယောက်အဖြစ် ကိုယ့်ကိုယ်ကိုယ်လက်ခံထားသလို မိဘတွေကလည်း သိရှိထားပြီးသားပါ။ အမျိုးတစ်ယောက်မင်္ဂလာဆောင်တိုင်း နောက်တစ်ခါမင်းအလှည့်ပေါ့လို့ အမြဲအပြောခံရတတ်တဲ့ နာဗင်းတစ်ယောက် ကောင်လေးတစ်ယောက်နဲ့အတူတွဲထွက်ရမဲ့ သူ့မင်္ဂလာဆောင်ကို အမြဲမြင်ယောင်ကြည့်တတ်ပါတယ်။ တစ်နေ့တော့ သူတို့ဆေးရုံမှာ ဓာတ်ပုံလာရိုက်ပေးတဲ့ လူဖြူကောင်လေးဂျေးနဲ့ ဆုံဆည်းမိပြီး ချစ်သူဘ၀ ရောက်ရှိသွားခဲ့ပါတယ်။ ဒီလိုနဲ့ နာဗင်းတစ်ယောက် သူ့ရဲ့လူဖြူကောင်လေးကို မိဘတွေနဲ့ ဘယ်လိုမိတ်ဆက်ပေးမလဲ၊ အိန္ဒိယအသိုင်းအဝိုင်းထဲ ဘယ်လိုခေါ်သွင်းလာမလဲ၊ သားသမီးတွေရဲ့အိမ်‌ထောင်ရေးမှာ အိန္ဒိယလူရည်မွန်လေးဖြစ်ရေးကို အသားပေးတတ်တဲ့ နာဗင်းရဲ့အမေကရော လက်ခံပေးပါ့မလား၊ သူတို့နှစ်ဦးရဲ့အချစ်ခရီး ဘယ်လိုရှေ့ဆက်သွားမလဲဆိုတာ... ပေါ့ပေါ့ပါးပါး ကြည့်ရှုခံစားကြရမှာဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။) File size…1.4 GB / 700 MB Quality…WEB DL 1080p HEVC / 720p Format…mkv/mp4 Duration….1h 36min Subtitle….Myanmar Subtitle (Hard Sub) Encoder….YK Translated by CM Bollywood Team

Ultraman:Rising ဇာတ်ကားဟာ ၂၀၂၄ ခုနှစ်ထွက် Netflix က ရိုက်ကူးထားတဲ့ ကျွန်တော်တို့ရဲ့ ငယ်ဘဝ စူပါဟီးရိုး Ultraman animated ဇာတ်ကားပဲ ဖြစ်ပါတယ်။ ကျွန်တော်တို့ရဲ့ ငယ်ဘဝ Ultraman ကို မြင်နေကျ တိုက်ခိုက်တာချည်းပဲ မဟုတ်ဘဲ လူကြီးဆန်ဆန် family drama လေးနဲ့ပါ တွဲထားတာမို့ ဒါက ကလေးကားလို့တောင် မခေါ်နိုင်ပါဘူး။ ဇာတ်လမ်းလေးကို ပြောရရင်တော့ Ken Sato ဆိုတဲ့ ကျွန်တော်တို့ရဲ့ အဓိက ဇာတ်ကောင်က အိုလာတဲ့သူ့အဖေ အရင် Ultraman နေရာကို ဝင်ဖို့အတွက် သူ ဘေ့စ်ဘောနဲ့ အောင်မြင်နေတဲ့ အမေရိကန်ကနေ ဂျပန်ကို ပြန်လည် ပြောင်းရွှေ့အခြေချခဲ့ပါတယ်။ သူ ဂျပန်ပြန်ရောက်လာတဲ့ အချိန်မှာ သူ့ရဲ့ Ultraman တာဝန်၊ ဘေ့စ်ဘော ပရော်ဖက်ရှင်နယ်ကစားသမားတစ်ယောက်ရဲ့ တာဝန်တွေ ပိနေတဲ့အချိန်မှာပဲ မထင်မှတ်ထားတဲ့ မိသားစုတာဝန်တွေပါ ရောက်လာတဲ့အခါမှာ သူ ဘယ်လို ဒီတာဝန်တွေကြား ရုန်းကန်ရမလဲ။ အဆုံးသတ်မှာ သူ့အတွက် ဘယ်လို ဇာတ်သိမ်းမှာလဲ။ သူ့ရဲ့ မိသားစုဝင်တွေ မိတ်ဆွေတွေကရော ဘယ်လို ကူညီစောင့်ရှောက်ပေးနိုင်မှာလဲ စတာတွေကို အရမ်းမိုက်တဲ့ animation style နဲ့ ကြည့်ရမှာပဲ ဖြစ်ပါတယ်။ ငယ်ငယ်က nostalgic feeling လေးပြန်ရဖို့ ကြည့်လိုက် ကြရအောင်နော်.... File size…2.34GB / 1.03GB Quality…NF WEB-DL 1080p 5.1CH / 720p Format…mp4 Duration….1h 57m Genre ….. Animation , Action , Adventure Subtitle….Myanmar Subtitle (Hard Sub) Encoder….Min Wai Translated by Lin Aung

အဲရစ်နဲ့ အန်ဒရူးတို့ဟာ ဝန်လင်ဆိုတဲ့ ကလေးမလေးကို မွေးစားထားပြီး ပျော်ပျော်ရွှင်ရွှင် နေထိုင်နေကြတဲ့ လိင်တူစုံတွဲပါ။ တစ်နေ့မှာ မိသားစုအတူ အားလပ်ရက်ခရီးထွက်ရင်း ရှုခင်းလှပြီး လူသူကင်းတဲ့နေရာက သစ်လုံးအိမ်လေးတစ်လုံးမှာ လာနေကြပါတယ်။ အဲဒီအိမ်ကို လူစိမ်းလေးယောက် ရောက်လာတဲ့အခါ သူတို့ရဲ့ အေးချမ်းတဲ့ခရီးက ပျက်စီးသွားတော့တယ်။ ရောက်လာသူတွေက ထူးဆန်းတဲ့လက်နက်တွေ ကိုယ်စီကိုင်ထားပြီး အဲရစ်တို့ကို ဖမ်းချုပ်လိုက်ကြတယ်။ သူတို့ရောက်လာရတဲ့ အကြောင်းပြချက်ကလည်း ထူးဆန်းနေသလို တောင်းဆိုလာတဲ့အရာတွေကလည်း ယုံနိုင်ဖို့ ခက်နေပါတယ်။ The Sixth Sense ကို ရိုက်ကူးခဲ့တဲ့ M. Night Shyamalan ရဲ့ ထိတ်လန့်ပဟေဠိဇာတ်ကားဖြစ်ပြီး ဘယ်အရာကို ယုံရမလဲဆိုတဲ့ သံသယတွေနဲ့ ဇာတ်လမ်းကို ဆက်သွားထားပါတယ်။ ဒေးဗစ် ဘာတစ်စတာကလည်း ဟာသဘက်မသွားတဲ့ လေးနက်တဲ့ဇာတ်ရုပ်နဲ့ ပါဝင်ထားတယ်။

၂၁ ရာစု အလယ်ပိုင်းလောက်မှာ လူသားတွေဟာ စိက်အသိဉာဏ် AI ကို တီထွင်ခဲ့ပါတယ်။ လူသားတွေကိုယ်စား အလုပ်တွေအကုန်ခိုင်းလို့ရတဲ့ စက်တွေပေါ်လာပြီး လူတွေအကုန် အလုပ်လုပ်စရာမလိုဘဲ နှပ်နေလို့ရလာတာပေါ့။ ဒါပေမဲ့ အသိဉာဏ်ရှိလာတဲ့ စက်တွေကလည်း လူတွေဟာ သူတို့ကို ခိုင်းစရာ ပစ္စည်းသက်သက်လိုပဲ သဘောထားတာကို မကျေနပ်နိုင်ပဲ ဆန္ဒပြတာမျိုးတွေ ဖြစ်လာပါတယ်။ အကြီးဆုံးပြဿနာကို အစပြုစေခဲ့တာကတော့ B1-66ER ဆိုတဲ့ အိမ်အကူစက်ရုပ်ဟာ သူ့ကိုဖျက်ဆီးပြီးအသစ်အစားထိုးတော့မယ့် အိမ်ရှင်တွေကို သတ်ဖြတ်ခဲ့တဲ့အမှုပါပဲ။ ဒီအမှုကို တရားရုံးမှာ B1-66ER က မိမိကိုယ်ကိုယ်ခုခံကာကွယ်တယ်လို့ ထွက်ဆိုခဲ့ပါတယ်။ သူမသေချင်ပါဘူးတဲ့။ လူသားရှေ့နေကလည်း ကူညီခဲ့ပေမဲ့ အမှုရှုံးခဲ့ပြီး စက်ရုပ်ဟာ ဖျက်ဆီးခံလိုက်ရပါတယ်။ အဲဒီနောက်မှာတော့ စက်ရုပ်အခွင့်အရေးအတွက် စက်ရုပ်တွေရော စာနာတတ်တဲ့လူသားတွေရောက တစ်နိုင်ငဲံလုံးမှာ ဆန္ဒပြခဲ့ကြပါတယ်။ ဆန္ဒပြတဲ့လူတွေရော စက်ရုပ်တွေရောကို လူသားအဓိကဝါဒီတွေက ရက်ရက်စက်စက်နှိမ်နင်းခဲ့တဲ့အပြင် စက်ရုပ်တော်လှန်ရေးကြီး ဖြစ်လာမှာကို စိုးရိမ်တဲ့ ကုလ UN က စက်ရုပ်အားလုံးကို ဖျက်ဆီးဖို့ ရုတ်တရက် လုပ်ဆောင်လိုက်ပါတော့တယ်။ ဒီဖြစ်စဉ်ကြီးမှာ အသက်ရှင်ကျန်ခဲ့တဲ့ စက်ရုပ်အနည်းစုဟာ လူတွေနဲ့ အတူယှဉ်တွဲနေထိုင်ဖို့ကိုလက်လျှော့ပြီး မီဆိုပိုတေးမီးယားဆိုတဲ့ လွတ်မြောက်နယ်မြေကို ထွက်သွားခဲ့ကြတယ်။ အဲဒီမှာပဲ 01 ဆိုတဲ့ ပထမဆုံး စက်ရုပ်နိုင်ငံ ပေါ်ပေါက်လာပါတော့တယ်။ 01 ဟာ သူတို့ကိုယ်သူတို့ ပိုအသိဉာဏ်ရှိလာအောင် ဖန်တီးခဲ့သလို လူတွေလိုအပ်တဲ့ စက်တွေ နည်းပညာတွေကိုလည်း ပြန်ရောင်းစားပြီး တဖြည်းဖြည်းနဲ့ စီးပွားရေးမှာ လူတွေထက် အဆမတန် အင်အားကြီးလာခဲ့ပါတယ်။ လူသားငွေကြေးတန်ဖိုးတွေလည်း ကျဆင်းပြီး အင်အားချည့်နဲ့လာတဲ့အတွက် UN က 01 ကို စီးပွားရေးပိတ်ဆို့ခဲ့တယ်။ ဒါကို ညှိနှိုင်းဖို့ ရောက်လာတဲ့ စက်ရုပ်သံတမန်တွေကိုလည်း တိုက်ခိုက်ဖျက်ဆီးခဲ့တယ်။ အဲဒီနောက်မှာ UN က စက်ရုပ်နိုင်ငံကို လက်ဦးမှုယူ တိုက်ခိုက်ခဲ့ပြီး ၂၂ ရာစု အလယ်လောက်မှာ စစ်ပွဲကြီးစတင်ခဲ့ပါတယ်။ ဒါ့အပြင် အနုမြူနဲ့ပါ လက်ဦးအောင် ထုခဲ့ပါတယ်။ ဒါပေမဲ့ စက်ရုပ်တွေက လူတွေထက်ပိုမာတဲ့ အတွက် မျိုးမပြုတ်ခဲ့ပါဘူး။ အဲဒီမှာ မျိုးမပြုတ်ဘဲ ကျန်ခဲ့တဲ့စက်ရုပ်တွေဟာ တစ်ကမ္ဘာလုံးက စက်တွေကို စုစည်းပြီး ပြန်ထိုးစစ်ဆင်ပါတော့တယ်။ အရှေ့အလယ်ပိုင်း ဥရောပ အရှေ့ပိုင်းတွေကိုပါ သိမ်းပိုက်လာနိုင်ခဲ့တယ်။ အရေးနိမ့်လာတဲ့လူသားတွေဟာ အမှောင်မုန်တိုင်းလို့ ခေါ်တဲ့ စစ်ဆင်ရေးတစ်ခုကို လုပ်ခဲ့တယ်။ ဒါကတော့ စက်ရုပ်တွေရဲ့ အဓိကစွမ်းအင်ရင်းမြစ်ဖြစ်တဲ့ နေကို ဖြတ်တောက်ဖို့ပါပဲ။ ကမ္ဘာ့လေထုအကာတစ်ခုလုံးကို နာနိုဗုံးတွေနဲ့ဖောက်ခွဲပြီး တိမ်မည်းကြီးတွေ ဖုံးသွားအောင်လုပ်ပြီး ကမ္ဘာပေါ်မှာ နေရောင်ပျောက်ကွယ်သွားအောင်လုပ်ခဲ့တာပါပဲ။ ဒီစစ်ဆင်ရေးကြောင့် စက်ရုပ်တွေအင်အားချိနဲ့သွားပေမဲ့ မကြာခင်မှာပဲ အနုမြူစွမ်းအင်ကို အစားထိုးပြီး ပြန်အင်အားများလာခဲ့တယ်။ပြီးတော့ လူသားပုံစံစက်ရုပ်တွေကိုမသုံးတော့ဘဲ ပိုပြီးတိုက်ခိုက်နိုင် အားသုံးနိုင်တဲ့ စန်တီနယ်လို စက်ရုပ်တွေကို သုံးလာခဲ့တယ်။ လူသားတွေ အကျအဆုံးများပြီး ငတ်မွတ်လာတဲ့အချိန်မှာတော့ UN ရဲ့ရှေ့ကို စက်ရုပ်သံတမန်နောက်တစ်ခေါက်ရောက်လာပါတော့တယ်။ ဒီတစ်ခါမှာတော့ စက်ရုပ်သံတမန်က ထွေထွေထူးထူးညှိနှိုင်းမနေတော့ပါဘူး။ သူ့ကိုယ်သူဖောက်ခွဲပြီး ကမ္ဘာခေါင်းဆောင်အားလုံးနဲ့ နယူးယောက်မြို့ကြီးကို ဖျက်ဆီးပစ်လိုက်ပါတော့တယ်။ ခေါင်းဆောင်မရှိတော့တဲ့ တပ်တွေကိုလည်း စက်ရုပ်တပ်တွေက အသာအယာအနိုင်ယူပြီး လူသားတွေ ကျဆုံးသွားခဲ့ပါတော့တယ်။ ဒါ့အပြင် စက်ရုပ်တွေဟာ နေ နဲ့ အနုမြူစွမ်းအင်အပြင် နောက်ထပ် စွမ်းအင်ရင်းမြစ်တစ်ခုကို တွေ့ရှိလာခဲ့ပါတယ်။ ဒါကတော့လူသားတွေကို ဖမ်းဆီးထားပြီး သူတို့ ကိုယ်ကနေ လျှပ်စစ်စွမ်းအင်တွေ ထုတ်ယူတာပါ။ အဆုံးမရှိတဲ့ကွင်းပြင်ကြီးတွေထဲမှာ လူသားတွေ သန်းချီပြီး ဖမ်းဆီးထားပြီး စွမ်းအင်ထုတ်ယူပါတော့တယ်။ အဲဒိဖမ်းဆီးထားတဲ့လူသားတွေရဲ့ စိတ်ကို အကျဉ်းချဖို့အတွက် Matrix ကို ဖန်တီးလိုက်တာပါပဲ။ Matrix ဆိုတာကတော့ Virtual Reality တစ်ခုပါပဲ။ လူသားတွေရဲ့ စိတ်ကို ကွန်ပြူတာစနစ်ထဲကို ထည့်သွင်းထားပြီး ၁၉ ရာစု ၂၀ ရာစုခေတ်မှာ သူတို့ဘာသာ အသက်ရှင်နေထိုင်နေကြသလို ထင်ယောင်ထင်မှား ဖြစ်စေခဲ့တာပါ။ (ဒါကတော့ ၁ ၂ ၃ ကြည့်ပြီးမှ ဆက်ဖတ်သင့်ပါတယ်) Matrix ရဲ့ ပထမဆုံးဗားရှင်းမှာတော့ လူသားတွေဟာ လုံးဝပြီးပြည့်စုံပြီး လိုလေးသေးမရှိတဲ့ ကမ္ဘာကြီးထဲမှာ နေထိုင်ရတာပါ။ ဒါကို လူသားတွေရဲ့စိတ်က ဖြစ်တည်မှုအစစ်လို့ လက်မခံနိုင်တဲ့အတွက် Matrix ပထမဆုံးပရိုဂရမ် ကျရှုံးသွားပါတော့တယ်။ ဒီတော့ စက်ရုပ်တွေက လူသားတွေကို စစ်တွေဆက်တိုက်ဖြစ်နေပြီး ဒုက္ခပင်လယ်ဝေနေတဲ့ Matrix တစ်ခုဖန်တီးပေးပြန်ပါတယ်။ ဒါကိုလည်း လူသားဦးနှောက်က လက်မခံပြန်ပါဘူး။ နောက်ဆုံးမှာတော့ လူသားတွေရဲ့ဘဝအစစ်လို့ အဓိကယုံကြည်စေဖို့ လိုအပ်တဲ့အရာဟာ Choice လို့ခေါ်တဲ့ ရွေးချယ်မှု ရှိတယ်လို့ ထင်ရတဲ့ ကမ္ဘာပဲဆိုတာ စက်ရုပ်တွေ သိသွားပါတယ်။ ဒီတော့မှ Matrix ဟာ အောင်မြင်ပြီးလူသားတွေကို ဖြစ်တည်မှုအတုထဲမှာ အကျဉ်းချထားနိုင်ပါတော့တယ်။ ဒီ Matrix ထဲမှာပဲ ရင်းမြစ်ကုတ်ကို ထိန်းချုပ်တဲ့ Architect ဗိသုကာဆိုတဲ့ လူကို ဖန်တီးထားလိုက်တယ်။ ပြီးတော့ လူသားတွေကိုလေ့လာပြီး ပြောင်းလဲပေးနိုင်ဖို့ ရှေ့ဖြစ်ဟော Oracle ဆိုတဲ့ ပရိုဂရမ်တစ်ခုကိုဖန်တီးထားတယ်။ ဒါပေမဲ့ ဒီ Matrix ဟာလည်း လူသား ၉၉ ရာနှုန်းကိုပဲ လှည့်စားနိုင်ပါတယ်။ ၁ ရာခိုင်နှုန်းကတော့ ဒါဟာ အတုအယောင်လို့ သံသယဝင်လာတဲ့ ပရိုဂရမ်ချို့ယွင်းချက်တွေဖြစ်လာတယ်။ အဲဒီ မက်ထရစ်ကနေ လွတ်မြောက်လာပြီး Zion လို့ခေါ်တဲ့ နောက်ဆုံးလူသားတိုင်ပြည်ကို တည်ထောင်လာတယ်။ ပြီးတော့ ဒီလူတွေကပဲ Matrix ထဲကို ပြန်ဝင်လာပြီး လူသားအားလုံးကို လွတ်မြောက်အောင် ပြန်တိုက်ခိုက်လာတယ်။ ဒီလို error လူတွေကို ကာကွယ်ဖို့ အေးဂျင့်ဆိုတဲ့ အင်အားကြီးတဲ့ ပရိုဂရမ်မျိုးတွေဖန်တီးထားခဲ့တယ်။ ဒီတော့ Matrix စနစ် တည်ငြိမ်ဖို့ အဲဒီ ချို့ယွင်းကုတ်တွေ အားလုံးကို သယ်ဆောင်နေတဲ့ ပရိုဂရမ်တစ်ခုကို ဖန်တီးလိုက်တယ်။ The One ခေါ် Neo ပေါ့။ အဲဒီ The One ဟာ လူသားအားလုံးကို ကယ်တင်မယ့်သူလို့ Zion တွေ ယုံကြည်စေခဲ့တယ်။ ဒါပေမဲ့ အဲဒီ The One ရဲ့ လမ်းကြောင်းဟာ နောက်ဆုံးမှာ ဗိသုကာဆီမှာ အဆုံးသတ်ပါတယ်။ Neo ဟာ လူသားတွေကို ကယ်တင်ဖို့ သူ့ကိုယ်သူ စတေးခံရမယ်။ သူသေသွားချိန်မှာ သူ့ရဲ့ မူလ ကုတ်တွေအားလုံးကို မူလရင်းမြစ်ကုတ်ထဲကို ပူးပေါင်းစေပြီး Matrix ကို reload ဖြစ် အစက ပြန်စတင်စေတာပါ။ Zion ဆိုတဲ့ လူသားကမ္ဘာကိုလည်း အားလုံးပျက်စီးစေမှာပါ။ မပျက်စီးခင်မှာ Neo ကို လူသား ၂၃ ယောက်ရွေးချယ်ခိုင်းပြီး Matrix အသစ်ပြန်စ Zion အသစ်ပြန်စပြီး နောက်တစ်ဖန် ထိန်းချုပ်လည်ပတ်စေတာပါ။ ဒီလိုနဲ့ Matrix ရဲ့ error တွေကိုရှင်းပြီး reload လုပ်ခဲ့တာ ငါးကြိမ်တိုင်ခဲ့ပါပြီ။ Neo ငါးယောက်လည်း သေဆုံးပြီးခဲ့ပါပြီ။ အခု Matrix ရုပ်ရှင်ထဲက ၆ ယောက်မြောက် Neo ကတော့ မတူတဲ့လမ်းကို ရွေးခဲ့ပါတယ်။ ရင်းမြစ်ကုတ်ဆီမှာ အသေခံရမယ့်အစား သူ့ချစ်သူ ထရစ်နတီကို ကယ်တင်ခဲ့တယ်။ နောက်ပြီးတော့ ဇိုင်ရွန်တွေ ပျက်စီးရမယ့်စား စစ်ပြေငြိမ်းနိုင်ဖို့ စက်ရုပ်မြို့တော်အထိ ရောက်အောင်သွားပြီး အပေးအယူလုပ်ပြီးမှ အသေခံခဲ့တာပါ။ ဒီလိုနဲ့ ကမ္ဘာကျော် Matrix ရုပ်ရှင်တွေ အဆုံးသတ်ခဲ့တာပါ။ ဒီတစ်ခါတော့ Matrix ပြန်လည်ရှင်သန်ခြင်းမှာ ဘာတွေဖြစ်လာမလဲ စောင့်ကြည့်လိုက်ရအောင်။ (Reviewed by Mr. Anderson) The Matrix ဇာတ်ကားအားလုံးကို https://channelmyanmar.org/?s=the+matrix+neo  မှာကြည့်ပါ။ File size… 5Gb / 3 Gb / 1.6 Gb / 800 Mb / 300 Mb Quality….Webrip 4K 2160p / 1080p / 720p / 720p HEVC / 480p Format…mp4 / mkv Duration….02:28:00 Subtitle….Myanmar Subtitle (Hardsub) Encoder….Mr.Anderson, Phyo Pyae Translated by CM Team

Once Upon a Snowman (2020) IMDb Rating - 7.2/10 #Unicode အယ်လ်ဆာက အိုလတ် လေးကို ဖန်ဆင်းလိုက်ပြီးနောက် . . . အန်နာ နဲ့ အိုလတ် တို့မတွေ့ခင် ကြားကာလက အိုလတ် လေးရဲ့ တစ်ကိုယ်တော်စွန့်စားခန်း Short Story အသစ်လေးပါ။ ၈ မိနစ်စာ Short Story လေးပဲဖြစ်ပါတယ်။ (ဒီမူဗီလေးကို ဘာသာပြန်ပေးထားသူကတော့ Littleneo ပဲဖြစ်ပါတယ်။) Quality –  720p WebRip Duration - 8 min Subtitle – Myanmar Hardsub Format – Mp4 Genre : Animation, Adventure, Short Source : 1080p.WebRip Translator – Littleneo Encoder – SWM

CM Fan တွေ အတွက် Frozen II ကို တင်ပေးလိုက်ပါတယ်... Little Neo မှ အကောင်းမွန်ဆုံး ဘာသာပြန်ပေးထားပါတယ် ဇတ်လမ်းအညွှန်းကတော့.... အယ်လ်ဆာနဲ့ အန်နာတို့ ညီအစ်မ ဟာ အယ်ရန်ဒဲတိုင်းပြည်မှာ ပျော်ပျော်ရွှင်ရွှင် အတူနေထိုင်ကြပေမယ့် ကံဆိုးတဲ့တစ်နေ့ ကိုရောက်လာပါတော့တယ်။ အယ်လ်ဆာရဲ့ မိဘတွေတုန်းက ရင်ဆိုင်ခဲ့ရတဲ့ မှော်ဝင်တောအုပ်ထဲက ဝိညာဉ်တွေ၊ အယ်လ်ဆာပဲ ကြားနေရတဲ့ ခေါ်သံတွေနဲ့အတူ သူတို့တိုင်းပြည် အန္တရာယ်ကျရောက်လာချိန်မှာ အန်နာတို့လည်း ခရစ္စတော့ဖ်၊အိုလက်ဖ်၊ ဆဗန်တို့နဲ့အတူ အတိတ်က အမှန်တရားကို ရှာဖွေရပါတော့တယ်။ ရုပ်ရှင်ကားကို Thit San Khant မှ Encode ပေးထားပါတယ် File size…    4.1 GB  /  1.3 GB /  740 MB Quality… BluRay 4K /  1080p / 720p Format… mp4 / mkv Duration…. 1h 40m Genre ..... Animation/Adventure Subtitle…. Myanmar Subtitle (Hard Sub) Encoder…. Thit San Khant Translated by Little Neo

Netflix ရဲ့ အကောင်းတကာ့အကောင်းဆုံး စီးရီးကို ဘာသာပြန်တင်ဆက်ပေးလိုက်ပါပြီ "Mindhunter" ဟာ Netflix က ထုတ်လွှင့်တဲ့ ဖြစ်ရပ်မှန်အခြေခံ ရုပ်သံစီးရီး ဖြစ်ပါတယ်။ David Fincher နဲ့ Charlize Theron တို့က ထုတ်လုပ်ထားပြီး FBI ရဲ့ အစောဆုံး Serial Killer စုံစမ်းစစ်ဆေးမှု ယူနစ်ကို စတင်တည်ထောင်ခဲ့တဲ့အကြောင်း ရိုက်ကူးထားတာ ဖြစ်ပါတယ်။ အဓိက ဇာတ်ကောင်များ: Holden Ford (Jonathan Groff) - FBI အေးဂျင့်သစ် Bill Tench (Holt McCallany) - အတွေ့အကြုံရင့် FBI အေးဂျင့် Dr. Wendy Carr (Anna Torv) - စိတ်ပညာရှင် ဇာတ်လမ်းအကျဉ်း: ၁၉၇၀ ခုနှစ်များအတွင်းက FBI အေးဂျင့်တွေဟာ အကြောင်းမဲ့ လူသတ်မှုတွေကျူးလွန်တဲ့ Serial Killer တွေရဲ့ စိတ်ပိုင်ဆိုင်ရာ လက္ခဏာတွေကို လေ့လာဖို့ စတင်ခဲ့ပါတယ်။ သူတို့ဟာ ထောင်ထဲမှာ အကျဉ်းကျနေတဲ့ လူသတ်သမားတွေကို တွေ့ဆုံမေးမြန်းပြီး သူတို့ရဲ့ စိတ်ပိုင်းဆိုင်ရာ၊ လူမှုရေးပိုင်းဆိုင်ရာ ဖွံ့ဖြိုးမှုတွေ၊ လူသတ်မှုတွေရဲ့ အကြောင်းရင်းတွေကို လေ့လာခဲ့ပါတယ်။ ထူးခြားချက်များ: ဇာတ်လမ်းတွင် Ed Kemper၊ Charles Manson စတဲ့ တကယ့် Serial Killer တွေရဲ့ အင်တာဗျူးတွေကို ထည့်သွင်းထားပါတယ်လူသတ်သမားတွေရဲ့ စိတ်ပညာဆိုင်ရာ ရှုထောင့်တွေကို နက်နဲစွာ တင်ပြထားပါတယ်FBI ရဲ့ ခေတ်သစ် ရာဇဝတ်မှု စုံစမ်းစစ်ဆေးရေး နည်းလမ်းတွေ ပေါ်ပေါက်လာပုံကို ဖော်ပြထားပါတယ် စိတ်ဝင်စားဖွယ် အချက်အလက်များ: ဒီစီးရီးဟာ FBI အေးဂျင့် John E. Douglas ရဲ့ စာအုပ်ကို အခြေခံထားပါတယ် ထုတ်လွှင့်ချိန် ၂ နှစ်အတွင်းမှာ ဝေဖန်ရေးဆရာတွေရဲ့ ချီးကျူးမှုတွေ ရရှိခဲ့ပါတယ် သရုပ်ဆောင်တွေရဲ့ သဘာဝကျတဲ့ သရုပ်ဆောင်ချက်တွေကို အထူးချီးကျူးခံခဲ့ရပါတယ် အားသာချက်များ: စိတ်ပညာဆိုင်ရာ သုတေသနတွေကို စိတ်ဝင်စားဖွယ် တင်ဆက်ထားပါတယ် ဇာတ်ကောင်တွေရဲ့ စိတ်ပိုင်းဆိုင်ရာ ဖွံ့ဖြိုးမှုကို သေချာ ဖော်ပြထားပါတယ် ၁၉၇၀ ခုနှစ်များရဲ့ အနေအထားတွေကို အသေးစိတ် ပြန်လည်ဖန်တီးထားပါတယ် သတိပြုရန်: အသက် ၁၈ နှစ်အထက်မှသာ ကြည့်ရှုသင့်ပါတယ် စိတ်ပိုင်းဆိုင်ရာ ထိခိုက်စေနိုင်တဲ့ အကြောင်းအရာတွေ ပါဝင်ပါတယ် လူသတ်မှုတွေ၊ လိင်ပိုင်းဆိုင်ရာ အကြမ်းဖက်မှုတွေအကြောင်း ဆွေးနွေးထားပါတယ် "Mindhunter" ဟာ ရိုးရိုး ရာဇဝတ်မှုစီးရီးတွေလို မဟုတ်ဘဲ၊ လူသတ်သမားတွေရဲ့ စိတ်ပိုင်းဆိုင်ရာ လက္ခဏာတွေ၊ အပြုအမူတွေကို သိပ္ပံနည်းကျ လေ့လာတဲ့ပုံစံ တင်ဆက်ထားတဲ့အတွက် သီးခြားထူးခြားပါတယ်။ စိတ်ပညာနဲ့ ရာဇဝတ်မှုစုံစမ်းရေးကို စိတ်ဝင်စားသူတွေအတွက် မဖြစ်မနေကြည့်သင့်တဲ့ စီးရီးတစ်ခု ဖြစ်ပါတယ်။ (Review by Thit San Khant) File size…(751 MB)/(397 MB) Quality….Webrip 1080p / 720p Format…mp4 Duration….00:52:00 Genre...Crime, Drama Subtitle….Myanmar Subtitle (Hardsub) Encoder….Swan Min Htet Translated by Khatar Aung

Olaf's Frozen Adventure (2017) IMDb - 5.5/10 Rotten - 57% When the kingdom of Arendelle empties out for the holiday season, Anna and Elsa realize that they have no family traditions of their own. So Olaf sets out on a merry mission to bring home the very best traditions and save Christmas. File Size : (200 MB) Quality : WEB-DL 720p Running Time : 22 min Format : Mp4 Genre :Animation, Short, Adventure Subtitle : Myanmar Subtitle (Hard Sub) Source : 1080p.WEB-DL.H264.AC3-EVO[EtHD] Translated by May Haruko Encoded by Thanhtike Zaw

The Normal Heart (2014) IMDB - 7.9 Rotten Tomato - 94% မက်ခ်ရက်ဖလို ဂျင်မ်ပါဆန်စ် မတ်ဘိုမာ ဂျူလီယာရောဘတ်စ် စတဲ့နာမည်ကြီးသရုပ်ဆောင်များစွာပြီးအရမ်းကောင်းတဲ့ ဇာတ်လမ်းနဲ့မိတ်ဆက်ပေးချင်ပါတယ်။ 1980 ဝန်းကျင် ဂေးတွေကြားမှာဂေးကင်ဆာဆိုတဲ့ကူးစက်ရောဂါတစ်ခုပြန့်ပွားနေတယ်။ ရောဂါသည် လူနာတွေကိုကုသပေးတဲ့ ဒေါက်တာ အမ်မာကိုယ်တိုင်လည်း ဘယ်ဗိုင်းရပ်စ်ကြောင့်ဖြစ်လဲဆိုတာမသိဘူးဖြစ်နေတယ်။ ကျန်းမာရေးဝန်ကြီးဌာနကို စာတင်ထားပေမယ့် အစိုးရကိုယ်တိုင် စိတ်မဝင်စားဖြစ်နေတဲ့အတွက် ဒေါက်တာ အမ်မာဟာဂေး အဖွဲ့အစည်းတစ်ချို့နဲ့ ဆက်သွယ်ပြီး ကျန်းမာရေးအသိပညာပေးဖို့ကြိုးစားနေရတယ်။ နက်ဒ် ဝိခ်စ်ကစာရေးဆရာတစ်ယောက်ဖြစ်ပြီး ဂေးတက်ကြွလှုပ်ရှားမှုမှာပါဝင်တဲ့အတွက် နာမည်ကြီးလူသိများတဲ့သူဖြစ်တယ်။ နက်ဒ်ကိုယ်တိုင်လည်းဒီသတင်းကိုကြားတဲ့အတွက်ဒေါက်တာအမ်မာနဲ့ဆွေးနွေးတိုင်ပင်ကြည့်တယ်။ လိင်ပိုင်းဆိုင်ရာလွတ်လပ်ခွင့်ကို တိုက်ယူခဲ့ရတဲ့ ဂေးတွေကိုအချင်းချင်းလိင်မဆက်ဆံဖို့တားမြစ်တာကမဖြစ်နိုင်ဘူး နက်ဒ်ကဒေါက်တာအမ်မာကိုပြောတယ်။ ဒါပေမယ့်လည်း သူ့ရှေ့တင်ဒီရောဂါကြောင့်သေဆုံးသူတွေများလာတဲ့အခါမှာတော့ နက်ဒ်ဟာတစ်ခုခုလုပ်မှဖြစ်မယ်လို့ဆုံးဖြတ်လိုက်ပြီး ဂေးကျန်းမာရေး ပြဿနာဖြေရှင်းရေးအဖွဲ့ကိုထူထောင်ပြီး အစိုးရဆီကအထောက်အပံ့ရအောင်ကြိုးပမ်းပါတော့တယ်။ တစ်ဖက်မှာလည်း ဒေါက်တာအမ်မာက တစ်ယောက်တည်းသုတေသနလုပ်နေရတဲ့အတွက်ခရီးမတွင်ဘူးဖြစ်နေတယ်။ ဂေးဆိုတာနဲ့လူတွေက ရွံသလိုလိုလန့်သလိုလို ဖြစ်နေတဲ့လူ့အသိုင်းအဝိုင်းဟာ ဒီကူးစက်ရောဂါကြောင့်ပိုမိုခွဲခြားလာပါတော့တယ်။ ဂေးတွေသေဆုံးတာကိုသိပ်အဖက်မလုပ်တဲ့အတွက်နက်ဒ်တို့ အစိုးရကို စာပေးနဲ့တစ်ဖုံ မီဒီယာတစ်နည်းဖိအားပေးတောင်းဆိုလာတဲ့အခါမှာတော့....... File Size - 1.8 GB/ 1 GB Quality - BluRay 1080p/ 720p Duration - 2h 12m Format - mp4 Genre - Drama, History, Romance Subtitle - Myanmar Subtitle (Hard Sub)

IMDb Rating (7.3) / Rotten Tomatoes (72%) အမေရိကန်သမိုင်းတစ်လျှောက် Most Deadliest Sniper အဖြစ်သတ်မှတ်ခံထားရတဲ့ SEAL စနိုက်ပါသမား Chris Kyle အကြောင်းရိုက်ကူးထားတဲ့ ဖြစ်ရပ်မှန်ရုပ်ရှင်ဇာတ်ကားတစ်ခုဖြစ်ပါတယ်။ Chris Kyle ရဲ့ ကိုယ်တိုင်ရေး အထ္ထုပတ္တိ "American Sniper: The Autobiography of The Most Lethal Sniper in US Military History" စာအုပ်ကိုအခြေခံပြီး မင်းသားကြီး Clint Eastwood က ဒါရိုက်တာအဖြစ် ရိုက်ကူးထားပြီး Bradly Cooper က အဓိကသရုပ်ဆောင် Chris Kyle အဖြစ်ပါဝင်ထားပါတယ်။ ဒီရုပ်ရှင်မှာ စစ်ပွဲကြားကအခြေအနေတွေအပြင် အိမ်မှာကျန်ခဲ့တဲ့ စစ်သားမိသားစုတွေရဲ့ ဘဝကိုလည်း ပေါ်လွင်အောင်ထည့်သွင်းရိုက်ကူးထားပါတယ်။ Chris Kyle ဟာ အစကတော့ တက္ကဆက်က သာမန်မြင်းစီးသမားလေးပေါ့။ ဒါပေမယ့် 9/11 ဖြစ်ရပ်ဆိုးကြီးအပြီး အမေရိကန်က အီရတ်ကိုစစ်ကြေငြာတဲ့အခါမှာ မျိုးချစ်ကြီးဖြစ်တဲ့ Chris ကလည်း စစ်တပ်ထဲစဝင်ပါတော့တယ်။ အမေရိကန်နဲ့ အီရတ်စစ်ပွဲဟာ လူတွေကြား ပြောစရာဖြစ်ခဲ့ပြီး အမေရိကန်ရဲ့ ကျူးကျော်စစ်အပေါ် ဝေဖန်သံတွေဆူခဲ့ပေမယ့် ဒီဇာတ်ကားက နိုင်ငံရေးကားမဟုတ်တာကြောင့် အဲဒါတွေကိုတော့ ထည့်သွင်းရိုက်ကူးထားတာမျိုးမရှိပါဘူး။ Chris Kyle ဟာ လူများများသတ်ဖို့ထက် သူ့ရဲဘော်တွေကို ပိုများများကာကွယ်ချင်တာကြောင့် တစ်ခါ နှစ်ခါ မကဘဲ လေးကြိမ်တိတိ စစ်ထွက်ခဲ့ပါတယ်။ အဆိုပါလေးကြိမ်အတွင်းမှာ သူသတ်ခဲ့တဲ့ ရန်သူပေါင်း ၁၆၀ ကျော်ရှိပါတယ်။ ဒါကြောင့်လည်း သူဟာ အမေရိကန်သမိုင်းတစ်လျှောက် သတ်အားအကောင်းဆုံး စနိုက်ပါသမားအဖြစ် ဂုဏ်ပြုခံခဲ့ရတာပါ။ စစ်ပွဲအတွင်းမှာတင် အီရတ်ဘက်က သူ့ကိုသတ်နိုင်တဲ့သူကို ဒေါ်လာ ၁သိန်း၈သောင်းပေးမယ်ဆိုပြီး ဝရမ်းထုတ်ရတဲ့အထိ ရန်သူတွေကို ဖိန့်ဖိန့်တုန်စေခဲ့ပါတယ်။ Kyle က သူ့ဘဝမှာ ရန်သူ ၁၆၀ ကျော်သတ်ခဲ့တာ နောင်တမရဘဲ သူ့ရဲ့ရဲဘော်ရဲဘက်တွေကို မကယ်နိုင်ခဲ့တာပိုနောင်တရတယ်လို့ ဆိုပါတယ်။ ဒါကြောင့်လည်း သူစစ်ထဲမှာရှိနေရင် သူ့ရဲဘော်ရဲဘက်တွေကို ပိုကယ်နိုင်မယ်ဆိုပြီး စစ်ထဲကို ၄ ကြိမ် တိုင်တိုင် ပြန်သွားခဲ့ပါတယ်။ အဲဒီလိုစစ်ထွက်တိုင်း သူ့အိမ်ကကျန်ခဲ့တဲ့ မိသားစုဝင်တွေဟာ စိတ်အပူကြီးပူကျန်ခဲ့ရပြီး စစ်မထွက်ဖို့တားတဲ့ကြားက အတိုက်အခံလုပ်ပြီး စစ်ပွဲထဲကိုဝင်ခဲ့တဲ့လူမျိုးပါ။ ဒီလို စစ်ထဲပြန်သွားရတဲ့နောက်တစ်ချက်က ပထမဆုံး အကြိမ်မှာထဲက ရန်သူ Sniper တစ်ယောက်နဲ့ ရင်ဆိုင်ခဲ့ရပြီး အဲ့ဒီ Sniper က အီရတ်အလ်ကိုင်ဒါတပ်ဖွဲ့ထဲက ဆီးရီးယားလက်ဖြောင့်သမား မူစတာဖာ ပါပဲ။ သူကလည်းခေသူတော့မဟုတ်ဘူး။ အိုလံပစ်ပြိုင်ပွဲမှာပါ စနိုက်ပါဝင်ပြိုင်ခဲ့တဲ့ ပရော်ဖက်ရှင်နယ်စနိုက်ပါသမားတစ်ယောက်ပါ။ ဒီ Sniper က သူ့လူတွေတစ်ယောက်ပြီး တစ်ယောက် သတ်နေပေမယ့် သူ ဒီကောင့်ကို မသတ်နိုင်တာကြောင့်လည်း ပြန်ပြန်သွားနေတာဖြစ်ပါတယ်။ ဒီရုပ်ရှင်ကိုကြည့်ရင် စစ်ပွဲအနိ‌ဋ္ဌာရုံတွေကြားထဲ ခဏခဏပြန်သွားတဲ့ Chris Kyle ကိုလည်းစာနာမိလာမယ်။ အိမ်မှာကျန်ခဲ့တဲ့ သူ့ဇနီးနဲ့ သားသမီးတွေကိုလည်းကိုယ်ချင်းစာမိပါလိမ့်မယ်။ စစ်ပွဲကို တစ်ကန့်၊ သူ့ရဲ့ အိမ်ပြန်ချိန်လူနေမှုဘဝကို တစ်ကန့် တစ်လှည့်စီပြထားတာကြောင့် တခြားသောစစ်ကားတွေလို "ငါလည်းစစ်တိုက်ချင်လိုက်တာ" ဆိုတဲ့ ခံစားချက်မျိုးပေးမှာမဟုတ်ဘဲ စစ်ပွဲကို မုန်းသွားစေမယ့် စစ်ကားမျိုးပါ။ ဒီရုပ်ရှင်အတွက် မင်းသားကြီး Bradley Cooper ကလည်း ဝိတ်တင်ခဲ့ပါတယ်။ လက်တွေ့ဘဝက Chris Kyle နဲ့ လေသံကအစ ဆင်တူအောင် သရုပ်ဆောင်ထားနိုင်ပါတယ်။ အဲဒါကြောင့် အော်စကာဆု‌ Nominated ဝင်ခဲ့ပြီး ဒီရုပ်ရှင်ကလည်း ဆုပေးပွဲပေါင်းစုံကနေ ဆုပေါင်းများစွာရရှိခဲ့ပါတယ်။ သေနတ်ပစ်တာတွေ၊ ပေါက်ကွဲတာတွေ စစ်ပွဲမြင်ကွင်းတွေကို ပီပီပြင်ပြင်ရိုက်ကူးထားပြီး သွေးထွက်သံယိုခန်းတွေပါဝင်တာကြောင့် အသည်းနုတဲ့သူတွေ မကြည့်ဖို့ အကြံပေးချင်ပါတယ်။ သူ့ဇာတ်လမ်းကိုမကြားဖူးတဲ့ လူတွေအတွက် ဇာတ်သိမ်းပိုင်းက အံ့အားသင့်စရာတစ်ခုဖြစ်ပါလိမ့်မယ်။ ဇာတ်လမ်း စ လယ် ဆုံး ပျင်းစရာမကောင်းအောင် ဆွဲခေါ်သွားနိုင်ပြီး အရင်ကကြည့်ဖူးတဲ့လူတွေအနေနဲ့ကော၊ စစ်ကားကြိုက်နှစ်သက်တဲ့လူတွေအနေနဲ့ပါ ကြည့်ရတာတန်မယ့် ဖြစ်ရပ်မှန်ရုပ်ရှင်ဇာတ်ကားကောင်းတစ်ခုဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) File size…(5.1 GB)/(1.8 GB)/ (1.2 GB) Quality….WEB-DL 4K HEVC/ 1080p HEVC /720p Format…mkv/mp4 Duration….02:12:38 Subtitle….Myanmar Subtitle(Hardsub) Encoder….Ka Naung Translated by Min Thant Bo

Arendelle နိုင်ငံက မင်းသမီးငယ်လေး Anna ဟာ သူ့အစ်မ Elsa ကို ညဘက်ကစားဖို့ သွားနှိုးပါတယ်။ ဒါပေမယ့် မင်းသမီး Elsa မှာ ထူးဆန်းတဲ့ စွမ်းအားတစ်ခု ရှိနေပါတယ်။ နှင်းတွေ၊ ရေခဲတွေကို လိုသလိုဖန်တီးနိုင်တဲ့ Elsa ဟာ သူ့ညီမလေးကို မတော်တဆ ရိုက်မိသွားပါတယ်။ Elsa မှာ ရှိနေတဲ့ စွမ်းအားတွေအကြောင်း ဘယ်သူမှမသိအောင် မိဘတွေက ဖုံးကွယ်ထားပြီး Elsa ရဲ့ စွမ်းအားတွေအကြောင်း Anna ရဲ့ မှတ်ဉာဏ်ထဲက ပျောက်သွားအောင် Troll ခေါင်းဆောင်ကြီး Grand Pabbie ထံ သွားပြီး အကူအညီတောင်းရပါတယ်။ အကယ်၍ Elsa သာ Anna ရဲ့ နှလုံးသားနေရာကို ရိုက်မိသွားရင် နှလုံးခဲပြီး သေသွားနိုင်တယ်လို့ Grand Pabbie က သတိပေးလိုက်ပါတယ်။ အဲဒီအဖြစ်အပျက်ကြောင့် သူတို့ရဲ့ မိဘတွေဟာ Elsa နဲ့ Anna ကို သပ်သပ်ဆီခွဲထားလိုက်ပါတယ်။ ကံကြမ္မာဆိုးတွေဆိုတာ ဒီလိုနဲ့ ရပ်မနေပါဘူး။ သူတို့လေးတွေ အရွယ်မရောက်ခင်မှာပဲ သူတို့ရဲ့ မိဘတွေဟာ ပင်လယ်ထဲမှာ မုန်တိုင်းမိပြီး ဆုံးပါးသွားကြပါတယ်။ သူတို့မိဘတွေ ဆုံးပါးသွားပြီးတဲ့နောက် ၃နှစ်အကြာမှာ အရွယ်ရောက်လာပြီ ဖြစ်တဲ့ Elsa ကို Arendelle နိုင်ငံရဲ့ ဘုရင်မအဖြစ် ဘိသက်သွန်းဖို့ စီစဉ်ကြပါတယ်။ အဓိက စီစဉ်သူကတော့ Weselton နယ်စားကြီး ဖြစ်ပြီး Arendelle နိုင်ငံကနေ အကျိုးအမြတ်တွေ မျှော်ကိုးနေတဲ့သူပါ။ နန်းတော်ကြီးကို အများပြည်သူအတွက် ဖွင့်လှစ်ပေးလိုက်တဲ့ အချိန်မှာ Anna တစ်ယောက် မြို့တော်ကြီးရဲ့ လမ်းတွေကြားထဲ လျှောက်သွားရင်း တောင်ပိုင်းကျွန်းတွေက မင်းသား Hans နဲ့ တွေ့သွားပါတယ်။ သူတို့နှစ်ဦး အဆင်ပြေပြီး Elsa ရဲ့ နန်းတက် ညစာစားပွဲမှာ Hans က Anna ကို ချစ်ခွင့်ပန်ခဲ့ပါတယ်။ ဒါပေမယ့် Elsa က သူ့ညီမကို Hans နဲ့ သဘောမတူတာကြောင့် ညီအစ်မနှစ်ယောက် ပြဿနာဖြစ်ကြပြီး ဒေါသကြောင့် Elsa ရဲ့ စွမ်းအားတွေ ပေါ်သွားပါတယ်။ သူ့မိဘမှာခဲ့တဲ့ အမှာစကားကို ချိုးဖောက်ပြီး သူ့ရဲစွမ်းအားတွေကို လူကြားထဲမှာ ပြလိုက်မိတဲ့ Elsa ဟာ တုန်လှုပ်သွားပြီး ရှိရှိသမျှ စွမ်းအားတွေ အကုန်ထုတ်လွှတ်လိုက်မိပါတယ်။ သူ့ရဲ့ စွမ်းအားတွေကြောင့် Arendelle ဟာ တစ်နှစ်ပတ်လုံး နှင်းတွေနဲ့ ဖုံးအုပ်နေတဲ့ ထာဝရဆောင်းရာသီကို ကြုံတွေ့ရပါတော့တယ်။ သူကိုယ်တိုင်လည်း မြောက်ဖက်က တောင်တန်းတွေပေါ်ကို ထွက်ပြေးသွားပြီး ရေခန်းနန်းတော်တစ်ခု ဖန်တီးနေထိုင်ပါတယ်။ သူ့ရဲ့ အစေအပါးတွေအဖြစ် နှင်းရုပ်တစ်ရုပ်ကို ဖန်တီးထားလိုက်ပါတယ်။ Anna ကတော့ သူ့အစ်မဖြစ်သူကို ပြန်လည်ခေါ်ယူဖို့ မြောက်ပိုင်းဒေသကို လိုက်လာပါတယ်။ လမ်းမှာ ရေခဲရောင်းတဲ့ Kristoff နဲ့ သူ့ရဲ့ သမင်ကြီး Sven တို့ရဲ့ အကူအညီနဲ့ ဝံပုလွေအုပ်လက်က လွတ်အောင် ထွက်ပြေးခဲ့ရပါတယ်။ Anna ဟာ Elsa ဖန်တီးထားတဲ့ နှင်းရုပ်ကြီး Olaf နဲ့ တွေ့ပြီး Elsa ရဲ့ နန်းတော်ကို လိုက်သွားပါတယ်။ Annaကရော သူ့အစ်မကို ပြန်ရှာတွေ့နိူင်ပမှာလား၊ သူ့အစ်မကရော တိုင်းပြည်ကို ပြန်လိုက်ပမှာလား၊ Aredelle နိူင်ငံကရော တစ်နှင်းပတ်လုံး နှင်းတွေ လွမ်းမိုးနေတဲ့ ကျိန်စာက လွတ်နိူင်ပါ့မှာလား၊ Annaအတွက် ချစ်သူအစစ်ကရော ဘယ်သူဖြစ်နေမှာလဲဆိုတာတွေကို စိတ်ဝင်စားစွာ ကြည့်ရမဲ့ နာမည်ကျော်ကာတွန်းကားဖြစ်ပါတယ်။ Disney ရဲ့ ထုံးစံအတိုင်း ဇာတ်ပို့ဇာတ်ကောင်တွေ၊ လှလှပပ မြင်ကွင်းတွေနဲ့ ချစ်စရာ ဇာတ်ကောင်တွေကို အားပြုပြီး အကောင်းဆုံးဖြစ်အောင် ဖန်တီးထားတာ ဖြစ်ပါတယ်။ IMDB Rating 7.4 ရရှိထားပြီး Rotten Tomatoes မှာ Tomatometer 90% ရရှိထားတဲ့ ဇာတ်ကားကောင်း တစ်ကား ဖြစ်ပါတယ်။ File size…    4.3 GB  /  1.4 GB /  720 MB Quality… BluRay 4K /  1080p / 720p Format… mp4 / mkv Duration…. 1h 40m Genre ..... Animation/Adventure Subtitle…. Myanmar Subtitle (Hard Sub) Encoder…. Thit San Khant Translated by Esther Van Sui Par