Kyle Soller ပါဝင်သော ဇာတ်ကားများ

Jay Kelly (2025) IMDb Rating (6.7) / Rotten Tomatoes (77%) ဒီရုပ်ရှင်ကတော့ ဟောလိဝုဒ်က နာမည်ကြီး မင်းသားကြီးနှစ်လက်ဖြစ်တဲ့ George Clooney (ဂျော့ချ် ကလူးနီ) နဲ့ Adam Sandler (အဒမ် ဆန်းဒလား) တို့ အဓိကပါဝင်သရုပ်ဆောင်ထားတဲ့ ဟာသ-ဒရာမာ (Comedy, Drama) ဇာတ်ကားကြီး ဖြစ်ပါတယ်။ ဒီကားက Netflix မှာ ဒီဇင်ဘာ ၅ ရက်နေ့က ထွက်ရှိလာတာပါ။ ဇာတ်လမ်းအကျဉ်းချုပ် ဇာတ်လမ်းက နာမည်ကျော် ရုပ်ရှင်မင်းသားတစ်ဦးဖြစ်တဲ့ ဂျေ ကယ်လီ (Jay Kelly) အကြောင်းပါ။ သူဟာ သူ့ရဲ့သစ္စာရှိတဲ့ မန်နေဂျာ ရွန် (Ron) နဲ့အတူ ခရီးတစ်ခု ထွက်ခွာလာပါတယ်။ ဒီခရီးစဉ်ဟာ ရိုးရိုးခရီးစဉ်မဟုတ်ဘဲ ကိုယ့်ကိုကိုယ်ကိုပြန်လည်ရှာဖွေတဲ့ (Self-discovery) ခရီးစဉ်ဖြစ်ပါတယ်။ ခရီးလမ်းတစ်လျှောက်မှာ ဂျေ ကယ်လီဟာ သူ့ရဲ့အတိတ်နဲ့ ပစ္စုပ္ပန်ကို နှိုင်းယှဥ်ပြီး မြင်ယောင်လာပါတယ်။ သူ့ဘဝရဲ့ နောင်တတွေ (Regrets) နဲ့ အောင်မြင်ကျော်ကြားမှုတွေ (Glories) ကြားက အခြေအနေတွေကို ပြန်လည်သုံးသပ်ရတာပေါ့။ ဒီဇာတ်ကားက ဝမ်းနည်းမှုတွေလည်း ပေးစွမ်းနိုင်သလို၊ ဟာသတွေနဲ့လည်း ပြည့်နှက်နေတဲ့၊ သူငယ်ချင်း သံယောဇဉ် (Buddy Comedy) ကို အသားပေးထားတဲ့ ကားကောင်းတစ်ကား ဖြစ်ပါတယ်။ File size… (8.9 GB) / (3.2 GB) / (1.6 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 02:14:23 Subtitle…. Myanmar Subtitle (Hardsub)

IMDb Rating (7.5) / Rotten Tomatoes (83%) မတူညီတဲ့ Timeline ၄ ခုစလုံးမှာ တစ်ယောက်ထဲသေနေတဲ့ ဆန်းကြယ်စုံထောက်မှုခင်းဇာတ်လမ်းတွဲကြီးလာပါပြီ။ ၁၈၉၀ ခုနှစ် အင်္ဂလိပ်-မြန်မာကျူးကျော်စစ်ကာလ ၊ ၁၉၄၁ ခုနှစ် ၊ လက်ရှိအချိန် ၂၀၂၃ နဲ့ အနာဂတ် ၂၀၅၃ ခုနှစ် စတဲ့မတူညီတဲ့ Timeline ၄ ခုစလုံးမှာ အလောင်းတစ်ခုဟာ တပြိုင်တည်း တစ်နေရာထဲမှာ ရောက်ရှိနေပြီး မတူညီတဲ့ စုံထောက် ၄ ယောက်က ဒီကိစ္စကိုဖော်ထုတ်ကြမှာပါ။ တစ်သက်မှာ တစ်ခါပဲသေရသတဲ့။ စစ်ထွက်ကာနီး စစ်သူကြီးတွေ ကြုံးဝါးကြ။ သေအံ့မူးမူးလူတွေ အားတင်းကြ။ ဒီစကားလုံးနဲ့ပေါ့။ တစ်သက်မှာ တစ်ခါပဲသေရ ဘာကြောက်စရာရှိလဲပေါ့လေ။ ဂေဘရီယယ် ဒီဖိုး ကတော့ တစ်ခါတည်းသေရုံနဲ့ အားမရပါဘူးတဲ့။ 1890 ခုနှစ် လောင်းဟားဗက်လမ်းပေါ်မှာ ဝတ်လစ်စားလစ် အမျိုးသားတစ်ယောက်ရဲ့အလောင်းကိုတွေ့တယ်။ ဘယ်ဘက်မျက်လုံးကနေ ခေါင်းခွံထဲကို ကျည်ဆံဝင်ထားတဲ့သေနတ်ဒဏ်ရာနဲ့။ ကျည်ဆံပြန်ထွက်သွားတဲ့အပေါက်မရှိ။ ရင်ခွဲစစ်ဆေးကြည့်ချိန်မှာ ဦးနှောက်ထဲ ကျည်ဆံရှာမတွေ့။ ဒီလိုနဲ့ အမည်မသိအလောင်း ဂျွန်ဒိုး က 1890 ခုနှစ်မှာ ပတ်ရှုပ်ခဲ့ပြီးတော့ 1941 ကို ရောက်သွားပြန်ရော။ အမည်မသိအဖွဲ့ကြီးတစ်ခုက အဲဒီအလောင်းကိုလိုချင်ကြတယ်။ သူတို့ပြောတတ်တဲ့ စကားဝှက်က "သင့်အား ကိုယ်တော်က မေတ္တာထားတာကို သိပါ" တဲ့။ 1941 လောင်းဟားဗက်လမ်းမှာပဲတွေ့တဲ့ ဂျွန်ဒိုး က 1980 ခုနှစ်က အလောင်းပါပဲ။ ဒါပေမဲ့ ထူးခြားတာက အလောင်းပေါ်လာမှာကို ကြိုသိနေတဲ့ အဖွဲ့တစ်ခုရှိနေတယ်ဆိုတာပါ။ ဒီလောက်နဲ့လည်း ဂေဘရီယယ် ဒီဖိုး က မကျေနပ်နိုင်ပါဘူး။ 2023 ကို ဆက်သွားပါတယ်။ လောင်းဟား‌ဗက်လမ်းပေါ်မှာပါပဲ။ ကြိုသိနေတဲ့အဖွဲ့ကြီးက အလောင်းကို တွေ့ရမယ့်သူဖြစ်တဲ့ အမျိုးသမီး ရဲတပ်ကြပ် ဟာဆန် ကို အလောင်းနား မျှားခေါ်သွားပြန်ရော။ ဒီဖိုး ရဲ့ ပန်းတိုင်က မပြီးသေးပါဘူးလေ။ 2053 ကို ဆက်သွားပါတယ်။ နောက်ထပ် အမျိုးသမီး ရဲတပ်ကြပ်ကပဲ အလောင်းတွေ့ရပြန်တာပဲ။ အဲဒီမှာ ဂျွန်ဒိုး က ဒီဖိုး ဖြစ်နေမှန်း သိရတာပေါ့။ ဒီတော့ ခေတ်လေးခေတ်ရဲ့ မတူညီတဲ့ ရဲတပ်ကြပ်စုံထောက်ကြီးလေးယောက်။ အမျိုးသားနှစ်ယောက်နဲ့ အမျိုးသမီးနှစ်ယောက်။ အလောင်းတစ်လောင်းတည်းနဲ့ တိုင်ပတ်ကြတဲ့ဇာတ်လမ်းပါ။ ခေတ်တိုင်းမှာ ဒီအလောင်းအကြောင်းကို သိနေတဲ့အဖွဲ့ကြီးကလည်း ရှိနေပြန်။ အမှုပိတ်သိမ်းပြီး အလောင်းကို တိတ်တဆိတ်ပြန်လိုချင်ကြတဲ့ အဖွဲ့ကြီး။ သူတို့တွေရဲ့ သပွတ်အူဇာတ်လမ်းနဲ့ လူကြီးမင်းကို ဆွဲဆောင်သွားမယ့်ဇာတ်ကား။ ဗြိတိန်အသံထွက် လှလှပပတွေနဲ့ အင်္ဂလန်စကားလုံးဆန်းဆန်းတွေ တသီကြီးပြောကြတဲ့ဇာတ်ကား။ အင်္ဂလိပ်စာလေ့လာရင် ဗြိတိန်လေယူလေသိမ်းကိုလေ့လာချင်ရင် ဒီဇာတ်ကားက တော်တော်အဆင်ပြေမှာပဲ။ ဇာတ်လမ်းကလည်း အချိန်ခရီးသွား လျှို့ဝှက်ဆန်းကြယ်ဖြစ်လို့ ထမင်းစားရင်းကြည့်ရင် ထမင်းလုတ်နဲ့ ပါးစပ် လွဲနိုင်တဲ့ဇာတ်ကားဖြစ်ပါကြောင်း။ File size…(1 GB)/(463 MB) Quality….Webrip 1080p / 720p Format…mp4 Duration….00:56:00 Genre...Crime, Mystery, Sci-fi and fantasy and Drama Subtitle….Myanmar Subtitle (Hardsub) Encoder….Mr. Anderson Translated by CM Team

Season 01/02 (complete) Star Wars : Andor (2022-2025) IMDb Rating (8.4) / Rotten Tomatoes (97%) Star Wars ဖန်တွေအတွက် စိတ်ဝင်စားစရာ စီးရီးတစ်ခု ထပ်ထွက်လာပါပြီ။ Star Wars မကြည့်ဖူးရင်တောင် ဒီစီးရီးကနေ စကြည့်လို့ရပါတယ်။ ဒီစီးရီးကို Rogue One ရုပ်ရှင် Timeline မစခင် ၅ နှစ်အကြာမှာ စတင်ထားတာပါ။ သူခိုးဘဝကနေ တော်လှန်ရေးသမားဖြစ်လာတဲ့ ကတ်စီရန်အန်ဒေါ်အကြောင်းကို ပြသထားတာပဲဖြစ်ပါတယ်။ Rogue One ဟာ Star Wars ဖန်တွေ အားလုံးနီးပါး သဘောကျခဲ့တဲ့ spin-off ရုပ်ရှင်မို့ ဒီစီးရီးကိုလည်း ဖန်အတော်များများက စောင့်မျှော်နေတာပါပဲ။ မူလ Star Wars သမိုင်းအရတော့ ဒီစီးရီးဟာ Revenge of the Sith ရုပ်ရှင် နဲ့ A New Hope ကြားထဲက အချိန်ပါပဲ။ တော်လှန်ရေးကို စတင်တည်ဆောက်နေဆဲ၊ ဂျဒိုင်းတွေ ပျောက်ကွယ်သွားပြီး အင်ပါယာ အာဏာရနေတဲ့အချိန်အတွင်းဖြစ်ပါတယ်။ ဒီတော့ ကတ်စီရန်ရဲ့ စွန့်စားခန်းတွေနဲ့အတူ ထုံးစံအတိုင်း ဘယ်နာမည်ကြီးဇာတ်ကောင်တွေ ပါဝင်လာမလဲ စောင့်ကြည့်လိုက်ရအောင်။ File size… (2 GB) / (600 MB) / (350 MB) Quality….WEB-DL 4K HEVC / 1080p HEVC / 720p Format… mkv / mp4 Duration…. 00:50:00 Genre...Action, Adventure Subtitle….Myanmar Subtitle (Hardsub) Encoder….Mr. Anderson, Benjamin Translated by Mr. Anderson, El' Moh

The Titan (2018) IMDb - 4.8/10 ဒီဇာတ်ကားကတော့ သိပ္ပံဇာတ်ကားတွေကိုရိုက်လေ့ရှိတဲ့ Avatar ထဲကမင်းသား Sam Worthington ကအထိကပါဝင် သရုပ်ဆောင်ထားပါတယ်။ အခုကားကလည်း သိပ္ပံဇာတ်ကားပါပဲ။ ဇာတ်လမ်းကို အကျဉ်းကတော့.... လူသားမျိုးနွယ်ဟာ တစ်ဖက်နဲ့တစ်ဖက် အပြိုင်အဆိုင် စစ်မက်ယှဉ်ပြိုင်တိုက်ခိုက်ရင်းကနေ ရှင်သန်နေထိုင်ဖို့ မှီခိုအားထားရမဲ့ ကမ္ဘာကြီးကိုပါ ဖျက်ဆီးပစ်နေကြပါတယ်။ အဲဒီလိုဖျက်ဆီးရင်းကနေ ကမ္ဘာတစ်ခြမ်းစာလောက်က လူနေလို့မရတော့တဲ့ အခြေနေထိ ဖြစ်လာပါတော့တယ်။ ဒီတော့ နောက်လာမဲ့လူသားမျိုးဆက်အတွက် စဉ်းစားရတော့တာပေါ့။ အဲဒီအချိန်မှာ အမေရိကန်က ဇီဝသိပ္ပံပညာရှင် တစ်ယောက်ဖြစ်တဲ့ ပါမောက္ခကောလင်းဝုသ်က အဖြေတစ်ခုကို ရှာကြံခဲ့ပါတယ်။ အဲဒါကတော့ စနေဂြိုဟ်ရဲ့ ဂြိုဟ်သိမ်တစ်ခုဖြစ်တဲ့ Titan ဆိုတဲ့ဂြိုဟ်မှာ သွားနေဖို့ပြင်ဆင်တာပါ။ အဲဒီ Titan ဂြိုဟ်က စင်္ကဝြဠာအဖွဲ့စည်းမှာ ဒုတိယအကြီးဆုံး ဂြိုဟ်တစ်လုံးပါ။ လေရှိတယ်၊ ရေရှိတယ်။ လုပ်နေကြပုံစံအတိုင်းဆိုရင် နေထိုင်ဖို့အတွက် အဆောက်အဦးတွေ သီးသန့်ဆောက်လုပ်ရတာပေါ့။ ဒါပေမဲ့ အဲဒါက ကြာရှည်နေထိုင်ဖို့ အတွက်ဆိုရင် အလုပ်မဖြစ်ဘူးလေ။ ဘာလို့လဲဆိုတော့ Titan မှာက အသက်ရှူဖို့အတွက် အောက်ဆီဂျင်က ၂၀% လောက်ပဲရှိတာ။ ကျန်တဲ့ ၈၀% လောက်က နိုင်ထရိုဂျင်တွေပေါ့။ ရေဆိုရင်လည်း မီသိန်းအရည်တွေနဲ့ ပျော်ဝင်နေတာမို့လို့ သောက်ဖို့ သုံးဖို့ မဖြစ်နိုင်ပါဘူး။ ဒီတော့ ရေရှည်သွားနေဖို့အတွက်ဆိုရင်တော့ လူသားမျိုးနွယ်ရဲ့ နေထိုင်မှုပုံစံကိုပါ ပြောင်းမှဖြစ်တော့မှာပေါ့။ တစ်နည်းအားဖြင့် revolution (ဆင့်ကဲဖြစ်စဉ်) ကို အားကိုးရမှာပေါ့။ သာမန်အားဖြင့် သဘာဝကပေးတဲ့ revolution ဖြစ်ဖို့အတွက် နှစ်ပေါင်းသန်းများစွာ စောင့်ယူရပါတယ်။ (ဥပမာ မျောက်ကနေ လူအသွင်ကို ပြောင်းလာသလိုမျိူးပေါ့။) အဲဒီလိုပဲ ဒေသတစ်ခုမှာ အံဝင်ဂွင်ကျဖြစ်ဖို့အတွက် နှစ်ပေါင်းသန်းပေါင်းများစွာ စောင့်ဖို့လိုတာပေါ့။ အဲဒီလောက်ထိစောင့်နေလို့မဖြစ်ဘူးလေ၊ ဘာလို့လဲဆိုတော့ လူတွေက ဒီနှုန်းအတိုင်း စစ်ဖြစ်နေကြမယ်၊ သယံဇာတတွေ ထုတ်သုံးနေကြမယ်ဆိုရင် နောက်ထပ် ဆယ်နှစ်လောက်ဆို အားလုံးမျိုးပြုတ်တော့မှာ (ရုပ်ရှင်ဇာတ်ကားအရ)။ ဒီတော့ မျိုးရိုးဗီဇကို ပြောင်းလဲရတော့တာပေါ့။ တစ်နည်းအားဖြင့် လူသားမျိုးနွယ်အမြစ်မပြတ်အောင် အာကာသထဲအထိ ခြေဆန့်ပြီးတော့ နေထိုင်နိုင်အောင် လုပ်ယူတဲ့သဘောပေါ့။ အဲဒီမှာ ဇီဝသိပ္ပံပညာရှင်ကြီးက နေတိုး ၁၆ နိုင်ငံထဲက လူပေါင်း ၅၀၀၀ လောက်ထဲကနေ လက်ရွေးစင် လူအယောက် ၂၀ လောက်ကိုရွေးပြီးတော့ စတင်ခဲ့ပါတယ်။ သူတို့ကို စမ်းသပ်ရင်းနဲ့ အသက်သေဆုံးတဲ့အထိ ဖြစ်နိုင်တယ်လို့လည်း အတိအလင်း ကြေညာထားပါတယ်။ အဲဒီအချိန်မှာ မျိုးရိုးဗီဇသိပ္ပံပညာကို အသုံးချပြီးတော့ စတင်ပြုပြင်ပါတော့တယ်။ တနည်းအားဖြင့် သူတို့ကို Titan ဂြိုဟ်မှာ နေထိုင်နိုင်အောင်လို့ စူပါလူသားတွေအဖြစ် ပြောင်းလဲပစ်တာပါ။ နိုက်ထရိုဂျင်ကိုပဲ အထိကထားပြီးတော့ အသက်ရှင်သန်နိုင်အောင်၊ မီသိန်းအရည်တွေကို ခံနိုင်ရည်ရှိအောင် ဆေးတွေထိုးသွင်းပြီး ပြုပြင်ယူပါတော့တယ်။ အဲဒီလိုပြုပြင်ရင်းကနေ ဘာတွေဆက်ဖြစ်မလဲ? သူတို့တွေ Titan မှာသွားနေနိုင်ကြမလား? သူတို့တွေခံနိုင်ရည်ရှိပါ့မလား၊ ဘယ်လိုပြဿနာတွေ တွေ့ကြုံရမလဲ ဆိုတာကိုတော့ ဇာတ်ကားကြည့်ရင်း ခံစားကြပါလို့ ညွှန်းလိုက်ပါရစေ။ (ဇာတ်လမ်းအညွှန်းနဲ့ဘာသာပြန်သူကတော့ ကိုရာဇာထွန်းပါ) File Size : (850 MB) Quality : WEB-Rip 720p Running Time : 1hr 37min Format : Mp4 Genre : Drama, Mystery, Romance, Sci-Fi Subtitle : Myanmar Subtitle (Hard Sub) Source : 1080p.NF.WEBRip.DD5.1.x264-NTG Translated by Yazar Tun Encoded by Thanhtike Zaw

Marrowbone (2017) IMDb Rating (6.7) ပုလဲမ Mia Goth ရယ် Anya Taylor Jay ရယ် George MacKay ရယ်  Strangers Things က Charlie ရယ်စတဲ့ တက်သစ်စလူငယ်သရုပ်ဆောင်တွေနဲ့ ပွဲထွက်ခဲ့ပြီးတော့ ဒါရိုက်တာ Sergio G. Sanchez ရိုက်ကူးခဲ့တဲ့ Marrowbone အမည်ရ Drama/Horror ကားကို နာမည်ကျော်ရုပ်ရှင်ထုတ်လုပ်ရေးကုမ္ပဏီကြီးတစ်ခုဖြစ်တဲ့ Universal မှ 2017 October မှာ ထုတ်လွှင့်ခဲ့ပါတယ်။ အမေဖြစ်သူနဲ့ သားသမီးလေးယောက်တို့ဟာ လူတစ်ယောက်ရဲ့ရန်ကိုကြောက်ရွံ့တာကြောင့် အင်္ဂလန်မှ အမေရိကန်မှာရှိတဲ့ မဲရိုးဘုန်းလို့အမည်ရတဲ့အိမ်ကြီးတစ်အိမ်ကိုပြောင်းရွှေ့နေထိုင်ခဲ့ကာ ဘဝအသစ်ကိုစတင်ခဲ့ပါတယ်။ ရောဂါကြောင့် အမေဖြစ်သူသေဆုံးသွားတဲ့အခါမှာတော့ ညီငယ် ညီမငယ်တွေကို စောင့်ရှောက်ဖို့တာဝန်ဟာ သားအကြီးဖြစ်သူ ဂျက်ပခုံးပေါ်ကျရောက်လာပါတယ်။ ဒါ့အပြင်မဲရိုးဘုန်းအိမ်ကြီးရဲ့နံရံအတွင်းမှာ အမျိုးအမည်မသိတဲ့အန္တရာယ်တစ်ခုဟာလည်းတည်ရှိနေပါတယ်။ ဂျက်ဟာ သူ့အမေကိုကတိပေးခဲ့သလိုမျိုး သူ့မိသားစုကိုစောင့်ရှောက်နိုင်ပါ့မလား၊ သူတို့အိမ်ရဲ့နံရံအတွင်းမှာရှိနေတဲ့ အရာကဘာလဲစတဲ့ သည်းထိတ်ရင်ဖိုစိုးရွံ့စရာတွေနဲ့ ဇာတ်လမ်းဟာ Horror ထက် Mystery ဘက်ကိုပိုကဲတဲ့အတွက် ဘာမှသိပ်မသိပဲကြည့်ရတာပိုပြီးအရသာရှိပါလိမ့်မယ် File size…(3.1 GB )/(1.1 GB)/ (810 MB) Quality….BluRay Unrated 4K HEVC/1080p HEVC / 720p Format…mkv/mp4 Duration….01:50:41 Subtitle….Myanmar Subtitle (Hardsub) Encoder….Ka Naung Translated by Myo Thant Kyaw

Blu-Ray 1080p 5.1 CH,720P IMDB rating .....7.6 ၁၉၄၅ ခုနှစ်၊ ဧပြီလ။  ဒုတိယကမ္ဘာစစ် ဥရောပစစ်မြေပြင်။  အင်အားကြီးစစ်နိုင်ငံဖြစ်တဲ့ နာဇီ ဂျာမနီနိုင်ငံအား အမေရိကန်မှ နောက်ဆုံးထိုးစစ်ဆင် တိုက်ခိုက်နေတဲ့အချိန်။ အမေရိကန်စစ်တပ် တပ်မဟာ ၆၆၊ တပ်ခွဲ ၂မှ တပ်ကြပ်ကြီး ကော်လီရာ ( Collier ) က ယင်းစစ်မြေပြင်မှာ ဖျူရီ (fury)  လို့ခေါ်တဲ့ တင့်ကား ကိုဦးဆောင်ကာ တိုက်ပွဲဝင်နေသူဖြစ်ပါတယ်။ ဖျူရီ ရဲ့ တခြားတပ်ဖွဲ့ဝင်တွေဖြစ်တဲ့  သေနတ်သမား ဘိုင်ဘယ် (Bible) ၊ လက်နက်ကြီးကျည်ဖြည့်တာဝန် ကွန်းအက်စ် (Coon-Ass) ၊ တင့်ကားမောင်းသူ ဂေါ်ဒို (Gordo) တို့ဟာ စစ်စကတည်းက တွဲဖက်ညီညီ နဲ့တိုက်ပွဲဝင်ခဲ့ကြတဲ့ ဝါရင့်စစ်သားတွေပဲဖြစ်ပါတယ်။ အလန်းစားတင့်တိုက်ပွဲတွေတွေ့ရမြင်ရမှာဖြစ်သလို၊ရဲဘော်ရဲဘက်စိတ်၊စစ်အတွင်း လူသားအချင်းချင်း တစ်ယောက်နဲ့တစ်ယောက်သဘောထားတွေကို အကောင်းဆုံးရိုက်ပြနိုင်တဲ့ကားဖြစ်ပါတယ်... ခံစားကြည့်လိုက်ပါဦး File Size : (2.7GB)၊(950MB) Quality : Blu-Ray 1080p 5.1 CH,Blu-Ray 720P Format…mp4 Duration…02:14:00 Genre :  Action , Drama , War  Subtitle : Myanmar Subtitle (Hard Sub) Encoded by Phyo Pyae

Anna Karenina (2012) IMDb Rating - 6.6/10 အချစ်မှာ "ဘာလို့လဲ" ဆိုတာ မရှိဘူးတဲ့..... တစ်ဦးက ဂုဏ်သိက္ခာ တစ်ဦးက ချစ်မေတ္တာ တစ်ဦးက ရမ္မက် ကွဲပြားတဲ့ ကိုယ်စီအလေးထားမှုတွေနဲ့ လူသုံးယောက်ရဲ့ အရှုပ်တော်ပုံလို့ပဲ တင်စားလိုက်ပါရစေ။ အထူးသဖြင့် အန်နာ ကရီနီနာဆိုတဲ့ သားတစ်ယောက်မိခင် အိမ်ထောင်ရှင် အမျိုးသမီးတစ်ယောက်ရဲ့ ရင်နင့်ဖွယ် ဇာတ်လမ်းလေး တစ်ပုဒ်ပေါ့။ အဖြစ်အပျက်တွေ အားလုံးရဲ့ မြစ်ဖျားခံရာကတော့ အစ်ကိုဖြစ်သူရဲ့ အိမ်ထောင်ရေး အခြေအနေ အဆင်မပြေမှုအတွက် ဖြောင်းဖျဖို့ သွားခဲ့ရာ မော်စကိုမြို့လေးပါပဲ..... ဗရွန်စကီဆိုတဲ့ ချောမောခန့်ညားတဲ့ အသက်ငယ်ငယ် မြို့စားတစ်ယောက်နဲ့ သူဆုံဆည်းခဲ့ပုံကလည်း ရထားလေးပေါ်မှာ အမှုမဲ့အမှတ်မဲ့ပါပဲ..... သို့ပေမဲ့ အမှတ်တမဲ့မှ အမှတ်တရတွေ ဖြစ်ခဲ့ကြသည်ပေါ့ မပြတ်နိုင်တဲ့ သံယောဇဉ်တွေကြောင့် ရပ်တန့်ဖို့ ကြိုးစားချိန်မှာ အရမ်း နောက်ကျသွားခဲ့ပြီ..... ပြင်ဆင်ဖို့ နောက်ကျခဲ့ခြင်းကြောင့် ရေပြင်လို တည်ငြိမ်အေးချမ်းနေတဲ့ အိမ်ထောင်တစ်ခုဟာ ဘောင်ဘင်ရိုက်ခတ်ခဲ့ရပါပြီ .... နာမည်ကြီး ရုရှား စာရေးဆရာကြီး Leo Tolstoy ရဲ့ ၀တ္ထုကို အခြေခံရိုက်ကူးထားတဲ့ masterpiece ဇာတ်လမ်းကောင်းပါ ဇာတ်လမ်းတစ်လျှောက်လုံးမှာ Cinematography , music တွေကလည်း အံ၀င်ဂွင်ကျတယ် ဒါရိုက်တာကြီးကလည်း နယ်နယ်ရရမဟုတ်ပါဘူး Pride & Prejudice, Atonement စတဲ့ masterpiece တွေကို ရိုက်ကူးသူ ဒါရိုက်တာကြီး Joe Wright ဖြစ်ပါတယ် Cast တွေကလည်း ကျရာဇာတ်ရုပ်ကို အပီအပြင် သရုပ်ဆောင်ပြနိုင်ကြတော့ Runtime 130 mins ရှိတဲ့ ဇာတ်လမ်းတစ်ပုဒ်ဟာ ပြီးလို့ ပြီးသွားမှန်းတောင် သိလိုက်ရမှာမဟုတ်ပါဘူးခင်ဗျာ ဒါ့အပြင် ဒီဇာတ်လမ်းမှာ မင်းသမီး Keira Knightley ရဲ့လှပမှုတွေ Jude Law ရဲ့ တည်ကြည်မှုတွေ နဲ့ Aaron Taylor Johnson ရဲ့ ချောမောမှုတွေကို တွေ့မြင်နိုင်မှာပါ မိန်းမတွေအတွက် ဆုံးဖြတ်ပိုင်ခွင့်နည်းပြီး နေတတ်ထိုင်တတ်မှ လူရာ၀င်တဲ့ ၁၈ ရာစုနှစ်လောက်က ဆန္ဒကို ဦးစားပေးတတ်တဲ့ အမျိုးသမီးတစ်ယောက်ရဲ့ဘ၀ကို ကွင်းကွင်းကွက်ကွက် စိတ်၀င်စားဖွယ် ရိုက်ကူးတင်ဆက်ထားပါတယ်။ (ဒီဇာတ်လမ်းရဲ့ အညွှန်းကိုနဲ့ဘာသာပြန်ရေးသားပေးသူကတော့ Yoon Sandi Aung ဖြစ်ပါတယ်။ ) File Size - (2.39 GB / 1.21 GB / 680 MB) Quality – BluRay 5.1 CH 1080p, 720p, 480p Duration - 2hrs 09min Subtitle – Myanmar Hardsub Format – MP4 Genre : Drama, Romanc3 Translator – Yoon Sandi Aung Encoder – San Win Maung