Mackenyu ပါဝင်သော ဇာတ်ကားများ

Neflix ကနေ အသစ်ထွက်ရှိလာတဲ့ Lego ရုပ်လေးတွေနဲ့ One Piece စီးရီးပဲ ဖြစ်ပါတယ်။ ဒီထဲမှာဆိုရင်တော့ One Piece LA ထဲက အူဆော့နဲ့ ချော်ပါတို့ ၂ ယောက်သား စကားပြောရင်း ဇာတ်ကြောင်းပြန်တာမျိုး ပြထားတာပါ။ တကယ်တမ်းကတော့ အူဆော့တစ်ယောက် ချော်ပါကို သူ့ဝသီအတိုင်း လေလုံးထွားပြီး လိုတာထက်ပိုပြီး ဇာတ်ကြောင်းပြန်နေတာမျိုးပါပဲ။ ဇာတ်လမ်းကတော့ ပြောရမယ်ဆိုရင် One Piece LA ကို အတိုချုံး Recap ပုံစံသဘောဖြစ်ပြီး Lego ထုံးစံအတိုင်း ဖောက်လုံး ပြက်လုံးလေးတွေနဲ့ ခွီနေရမှာမျိုး ဖြစ်ပါတယ်။ ဒီတော့ လူဖီ ဇောရိုး နာမီ ဆန်ဂျီ အူဆော့တို့ ပါဝင်ထားတဲ့ ကောက်ရိုးဦးထုပ်သားတွေကို Lego လေးတွေအဖြစ် တစ်ဖန် ပြန်လည်ခံစားလိုက်ကြပါဦးစို့...။

ONE PIECE (2023) S1 [ Complete ] +++++++++++ ONE PIECE [2026] S2 ++++++++++ အပိုင်းသစ် ( ၁ မှ ၈ ) အထိ စ / ဆုံး Anime fan ဟုတ်ဟုတ် မဟုတ်ဟုတ် One Piece ကိုတော့ လူတိုင်း ကြားဖူးကြမှာပါ။ ဒါကတော့ anime ကို live action အဖြစ် ပြန်လည် ဆန်းသစ်ထားတဲ့ စီးရီးလေးပါပဲ။ ဇာတ်လမ်းကတော့ လူတိုင်း သိနေပြီးသားမို့ အထူးတလည် ပြောနေစရာ လိုမယ်မထင်ပါဘူး။ ပင်လယ်ဓားပြတွေ ကြီးစိုးနေတဲ့ လောကကြီးမှာ အကြမ်းဆုံးဖြစ်ပြီး ပင်လယ်ဓားပြ ဘုရင်ကြီးလို့ ခေါ်ရတဲ့ Gol D. Roger ရဲ့ ရတနာသိုက်ကို ရှာပုံတော် ဖွင့်မဲ့ Monkey D Luffy နဲ့ သူ့ရဲ့ Strawhat crew တို့ရဲ့ စွန့်စားခန်းပေါ့။ ပင်လယ်ဓားပြတွေနဲ့ ရေတပ်တွေရဲ့ အားပြိုင်မှုတွေပါမယ်၊ ထူးခြားတဲ့ အစွမ်းတွေရှိတဲ့ နတ်ဆိုးသစ်သီး (devil fruit) စားသုံးသူရဲ့ အစွမ်းတွေ မြင်ရမယ်။ battle ခပ်ကြမ်းကြမ်းတွေ ကြည့်ရမယ်။ Anime က ဇာတ်ကွက်တွေကို live action မှာ ဘယ်လို ဆန်းသစ် သွားမလဲ၊ ဘယ်လို ဖန်တီးထားမလဲ၊ ဘယ်လို မတူတဲ့ အမြင်နဲ့ ရိုက်ကူးထားလဲဆိုတာတော့ ကိုယ်တိုင်ပဲ ကြည့်ရှု အားပေးလိုက်ကြပါအုံး။ ပရိသတ်ကြီးအကြိုက်တွေ့စေဖို့ English version ရယ် Japan version ရယ်ဆိုပြီး တင်ဆက်ပေးသွားမှာဖြစ်ပါတယ်။ 4K Version မှာတော့ တစ်ဖိုင်ထဲမှာပဲ Japan သံရော English သံပါ ထည့်ပေးထားပါတယ်..နှစ်သက်ရာ Audio Truck ကိုရွေးပြီး ကြည့်ရှုခံစားလို့ရပါတယ်။ 1080p နဲ့ 720p မှာတော့ သီးခြားဆီ တင်ပေးထားပါတယ် စိတ်ပါရာကနေ download ပါ။ (မူရင်းအသံကတော့ Eng အသံပဲဖြစ်လို့ Eng အသံနဲ့ကြည့်ရင် ပါးစပ်လှုပ်တဲ့အတိုင်းကွက်တိပါပဲ၊ ဂျပန်အသံကတော့ မူရင်းအသံသရုပ်ဆောင်တွေရဲ့အသံဖြစ်လို့ ဝမ်းပိစ်ဖန်တွေအမှတ်တရပြန်ကြည့်လို့ရအောင် တင်ပေးထားတာပါ) File size… (2 Gb)/ (1 Gb) / (540 Mb) Quality….WEB-DL 4K HEVC / 1080p /720p Format…mkv/mp4 Duration….01:04:00 Genre...Comedy, Action, Adventure Subtitle….Myanmar Subtitle (Hardsub)

Dragons of Wonderhatch (2023) Complete ~ IMDb – 7.2/10, MyDramaList – 7.7/10 ~ Mackenyu ရဲ့ နောက်ဆုံးထွက် ဒစ္စနေးပလက် ဂျပန်ဇာတ်လမ်းတွဲအသစ်ပါ။ ဇာတ်လမ်းလည်းဆန်းသလို တင်ဆက်ပုံကလည်း အန်နီမေးရှင်းတစ်ဝက်ရောပြီး တင်ဆက်ထားတာမို့ အင်တာမှာတော့ လူကြိုက်များနေပါတယ်။ ဇာတ်လမ်းက ကမ္ဘာနှစ်ခုမှာတည်ထားတယ်။ တစ်ခုက ကျွန်တော်တို့ကမ္ဘာ။ နောက်တစ်ခုကတော့ နဂါးတွေရှိတဲ့ကမ္ဘာ။ ကျွန်တော်တို့ကမ္ဘာဘက်ကို ပြတာကတော့ ကျောင်းဒရာမာဆန်ဆန်လေး ပြထားတယ်။ ဒီကမ္ဘာဘက်က အဓိကဇာတ်ကောင်ကလည်း ကျောင်းသူကိုး။ သူ့အမေက မန်ဂါဇာတ်လမ်းတွေရေးတဲ့ စာရေးဆရာမ။ ဇာတ်လမ်းစစမှာတင် ကောင်မလေးက စာမေးပွဲဖြေနေရင်း စာသင်ခန်းထဲ ရုတ်တရက်ကြီး မေ့လဲသွားတယ်။ ကျောင်းဆေးပေးခန်းရောက်သွားတယ်။ အဲဒီမှာပဲ သူမေ့လဲသွားတဲ့အချိန် သူ့စိတ်ကူးထဲမြင်နေရတဲ့ ကမ္ဘာကို ဆက်ပြတယ်။ ဒီဘက်ကမ္ဘာကိုတော့ လူတွေနဲ့ ရိုက်ပြရင် စီဂျီအိုင်ဖိုးနဲ့ မွဲမစိုးလို့လား ဒါမှမဟုတ် ပုံစံသစ်နဲ့ပြချင်လို့ပဲလားမသိ။ ဒီဘက်ကမ္ဘာကိုရောက်သွားရင် အန်နီမေးရှင်းနဲ့ပြောင်းပြတယ်။ ဒီဘက်ကမ္ဘာက ပျက်တော့မယ့်လုဆဲဆဲကမ္ဘာ။ ကမ္ဘာကိုဖျက်နေတဲ့ ဗီလိန်ရှိတယ်။ သူ့ကိုတားမယ့် သူရဲကောင်းတွေလည်း ရှိတယ်။ ဒါပေမဲ့ အားမမျှတော့ နိုင်တော့မနိုင်နေဘူး။ အဲဒီသူရဲကောင်းတွေက နဂါးစီးသူရဲကောင်းတွေ။ ဒီလိုနဂါးကို စီးနိုင်ဖို့ဆိုတာကလည်း သာမန်လူတွေမကြားရတဲ့ နဂါးရဲ့အသံကို ကြားနိုင်တဲ့လူတွေဖြစ်ဖို့လိုတယ်။ အဲဒီကမ္ဘာရဲ့ သူရဲကောင်းတွေထဲက အတော်ဆုံးက အက်သာ။ အားလုံးက သူ့ကို သူတို့ကမ္ဘာကိုကယ်တင်နိုင်မယ့် မျှော်လင့်ချက်လို့မြင်ကြတယ်။ အက်သာရဲ့သူငယ်ချင်း သိမ်းကတော့ စီးတဲ့နဂါးကလည်း ပေါက်စလေး။ သူကလည်း နဂါးရဲ့အသံကိုမကြားရဘူး။ သူ့ကို အက်သာ ကယ်ရတာလည်း ခဏခဏပဲ။ ဒီလိုနဲ့ သိမ်းကိုကယ်ရင်း အက်သာက ဗီလိန်အစွမ်းနဲ့မိပြီး ဒီဘက်ကမ္ဘာကိုရောက်လာတယ်။ နိမိတ်တွေအရလည်း သူတို့ကမ္ဘာကို ကယ်တင်နိုင်တဲ့အရာက သူတို့ကမ္ဘာအပြင်ဘက်မှာရှိနေတာဆိုတော့ အက်သာဒီကိုရောက်လာတာက အကြောင်းမဲ့တော့မဟုတ်တန်ဘူး။ ဒီဘက်ကမ္ဘာက စာရေးဆရာမသမီး ကောင်မလေးကလည်း သူမေ့လဲနေတာတွေက သူ့အမေ စာရေးဆရာမ မသေခင် ဖြစ်ခဲ့တဲ့လက္ခဏာတွေဆိုတာ သိလာတယ်။ ဒီလိုနဲ့ ကမ္ဘာနှစ်ခုကို ပေါင်းကူးထားတဲ့ ကောင်မလေးရယ်။ ကမ္ဘာမှား ရောက်လာကြသူတွေရယ် ဆုံတွေ့ပြီး ဘယ်ကမ္ဘာမှာ ဘာတွေဆက်ဖြစ်ဦးမလဲ လတ်တလောတော့ မသိနိုင်သေးပေမဲ့ ဆက်စောင့်ကြည့်ရမယ့် စီးရီးကောင်းပါပဲ။ ဇာတ်လမ်းရဲ့ အန်နမဲဘက်ခြမ်းက အန်နမဲဆန်သလို ဒီကမ္ဘာဘက်က ဇာတ်လမ်းမှာလည်း ဟိုဘက်ကကောင်တွေပါလာတော့ စီဂျီအိုင်တွေသုံးပြီး နဂါးတွေဘာတွေထည့်ကြဦးမှာမို့လို့ LA အရသာကိုရော Anime အရသာကိုရော တစ်ပေါင်းတည်းပေးမယ့် ဂျပန်ဇာတ်လမ်းတွဲအသစ်ပါပဲ။ မန်ဂါတို့ အန်နမဲတို့ကို LA ပြန်ရိုက်တာတော့မဟုတ်ပါဘူး။ သူ့ကိုယ်ပိုင်ဇာတ်လမ်းကို ဒီလိုပုံနဲ့ပြထားတာပါပဲ။ အန်နမဲကမ္ဘာရဲ့ Final Fantasy ဆန်ဆန် စွန့်စားခန်းဇာတ်လမ်းကို ဒီဘက်ကမ္ဘာက လူတွေနဲ့ ဘယ်လိုချိတ်ဆက်ပြမလဲ နောက်ထပ်အပိုင်းတွေမှာ မြင်ရဦးမှာပါ။ စုစုပေါင်း ၈ပိုင်းထွက်သွားမှာပါ။ စွန့်စားခန်းဇာတ်လမ်းတွေ တောင့်တနေတဲ့လူတွေအတွက်တော့ ရွှေဖြစ်ပါလိမ့်မယ်။ (ဒီစီးရီးကို အညွှန်းရေးသား ဘာသာပြန်ပေးသူကတော့ W ပဲဖြစ်ပါတယ်) Size ~ 800MB+ Total - 8 Episodes Quality – 1080p Duration ~ 40min (@Episode) Subtitle – Myanmar Hardsub Format – Mp4 Genre : Action, Adventure, Animation Source : DSNP.Web-dl.1080p Translator – W Encoder – Y

သမိုင်းအစမှာ နတ်ဘုရားတွေက လူသားတွေကို နှိပ်စက်ကြတဲ့အခါ စစ်နတ်ဘုရားမ အသီနာက လူသားတွေဘက်ကနေ ကာကွယ်ပေးခဲ့ပါတယ်။ လူသားသူရဲကောင်းတွေလည်း အသီနာဆီမှာ သစ္စာခံပြီး ကော့စ်မိုလို့ခေါ်တဲ့ ကြယ်တွေရဲ့စွမ်းအားကို အသုံးပြုကာ နတ်ဘုရားတွေကို ရင်ဆိုင်တိုက်ခိုက်ခဲ့ကြတယ်။ နောက်ဆုံး နတ်ဘုရားတွေ ဆုတ်ခွာသွားရပြီး ကမ္ဘာကြီးဟာ ယာယီငြိမ်းချမ်းသွားခဲ့ပါတယ်။ ဒါပေမဲ့ အသီနာက လူသားကောင်မလေးတစ်ယောက်အဖြစ် ပြန်ဝင်စားလာချိန်မှာတော့ တိုက်ပွဲတွေ ပြန်အစပျိုးလာတယ်။ အသီနာကို စောင့်ရှောက်ပေးမယ့် သူရဲကောင်းတွေ လိုအပ်လာသလို သူ့ကို သတ်ဖို့ကြိုးစားမယ့် အဖွဲ့တွေလည်း ပေါ်လာကြပါတယ်။ ဂျပန်မန်ဂါ Saint Seiya ကို အခြေခံရိုက်ကူးထားတဲ့ စိတ်ကူးယဉ်အက်ရှင်ဇာတ်ကားဖြစ်ပြီး Mackenyu က အဓိကပါဝင်ထားပါတယ်။ သူဟာ One Piece ရဲ့ လူသရုပ်ဆောင်စီးရီးမှာ Roronoa Zoro၊ Rurouni Kenshin: Final Chapter Part I မှာ Enishi Yukishiro အဖြစ် သရုပ်ဆောင်ထားသူပါ။ ရှောင်ဘင်းနဲ့ Mark Dacascos တို့လည်း ပါဝင်ထားကြပါတယ်။

Fullmetal Alchemist : the Revenge of Scar (2022) အန်နမှာ အောင်မြင်ထားပြီး သူ့ကိုယ်ပိုင်ပရိသတ်နဲ့ သူရှိပြီးသားFullmetal Alchemistကို 2017တုန်းက live actionရိုက်ခဲ့ပါတယ်။ အန်နမဲကြည့်ထားတဲ့သူအတွက် ဘယ်လိုနေမလဲမသိပေမဲ့ ဒီတိုင်းကြည့်ရင်တော့ မဆိုးပါဘူး။ ကြည့်ကောင်းပြီး စိတ်ဝင်စားစရာလည်းကောင်းပါတယ်။ ရိတ်တင်အနေအထားအရ အန်နမဲ ပရိသတ်အတွက်တော့ စိတ်ပျက်စရာဖြစ်သွားပုံရပါတယ်။ ဇာတ်လမ်းကတော့ ပထမကားအတိုင်းပဲ Edward Elricက ခန္ဓာမရှိတဲ့ သူ့ညီအတွက် ခန္ဓာပြန်ရအောင်လုပ်ပေးဖို့ ကြံပါတယ်။ ဒီလိုနဲ့ သူတို့ မြို့တော်ကို လာတဲ့လမ်းမှာ နိုင်ငံခြားက Alchemistဆန်ဆန်ပညာသည်တွေနဲ့ မင်းသားတစ်ပါးက သူတို့ဆီ အဂ္ဂရိတ်ဓာတ်လုံးအကြောင်းမေးရင်း ရန်ထဖြစ်ကြတယ်။ နောက် scarလို့ခေါ်တဲ့ သူတို့မြို့က alchemistတွေ ဖျက်ဆီးလိုက်တဲ့ Ishvalan က လူတစ်ယောက်က လက်စားချေဖို့ alchemistတွေတစ်ယောက်ပြီးတစ်ယောက်လိုက်သတ်နေပါတယ်။ ဒီလိုနဲ့ Edward နဲ့ scarတို့ ထပ်တိုက်တိုးကြပါရော။ ဒီလိုနဲ့ဘာတွေဆက်ဖြစ်မလဲတော့ ကိုယ်တိုင်ပဲကြည့်ရှုကြည့်ကြပါ။ ဇာတ်က အန်နမဲလောက်အရသာတော့ ကောင်းမှာမဟုတ်ပေမဲ့ အန်နမဲဖန်မဟုတ်ဘဲ ဒီတိုင်းကြည့်ချင်ရင်တော့ တော်တော်စိတ်ဝင်စားစရာကောင်းတဲ့ဇာတ်ပါ။ ၂၀၁၇ကားကို သဘောကျတဲ့သူတွေလည်း ကြည့်သင့်ပါတယ်။ တိုက်ရိုက်ဆက်ထားပါတယ်။ သို့ပေမဲ့ ဒီဇာတ်လမ်းဟာ ကောင်းခန်းမှဖြတ်ပြီး to be continuedဆိုပြီးလုပ်ချသွားပါတယ်။ သိပ်မကြာခင်ထွက်လာမယ်လို့တော့ ယူဆရပါတယ်။ အန်နမဲမကြည့်ဖူးလည်း ဒီတိုင်းမှော်စွမ်းအားကား ခပ်လန်းလန်းလေးတွေ သဘောကျတဲ့သူတွေ ကြည့်လို့မမှားမယ့် ရုပ်ရှင်ပါပဲ။ ( ဘာသာပြန်ပြီး အညွှန်းရေးသားထားသူကတော့ W ပါ ) File Size__(1.7GB) / (950MB) Quality__WEB-DL_1080p, 720p IMDb Rating__5.6/10 Format__mp4 Duration__02:02:00 Type__Action, Adventure, Fantasy Subtitle__Myanmar Subtitle (Hardsub) Translated by W Encoded by Naing Aung Latt

မန်ဂါနဲ့ အန်နီမေးပုံစံတွေကနေ လူသိများလာတဲ့ Fullmetal Alchemist ကို ၂၀၁၇ ခုနှစ်မှာ လူသရုပ်ဆောင်တွေနဲ့ ရုပ်ရှင်အဖြစ် ပြန်ရိုက်ကူးခဲ့ပါတယ်။ ၂၀၂၂ ခုနှစ်မှာတော့ အဆက်ဖြစ်တဲ့ Fullmetal Alchemist: Final Chapter – The Avenger Scar ထွက်လာပြီး အဲဒီကားအပြီး ဇာတ်လမ်းကို ဆက်ထားတဲ့ နောက်ဆုံးပိုင်းက The Final Alchemy ပါ။ ဒီအပိုင်းမှာ အဓိကရန်သူ ပါဝင်လာပြီး တိုက်ပွဲခန်းတွေနဲ့အတူ ဇာတ်လမ်းအလှည့်အပြောင်းတွေလည်း ပါလာပါတယ်။ ရုပ်ရှင်သုံးကားတစ်လျှောက်မှာတော့ ဇာတ်ကောင်တွေကြားက သူငယ်ချင်းသံယောဇဉ်၊ ညီအစ်ကိုသံယောဇဉ်နဲ့ ရဲဘော်ရဲဘက်စိတ်တွေကို တိုက်ပွဲခန်းတွေနဲ့ တွဲဖက်တင်ဆက်ထားပါတယ်။

ဒီတစ်ခါမှာတော့ လောလောလတ်လတ်ကထွက်ခဲ့တဲ့ Rurouni Kenshin: Final Chapter မှာလည်းပါဝင်ခဲ့တဲ့ ဂျပန်နာမည်ကြီးမင်းသား Mackenyu ရဲ့ အချိန်ခရီးသွားတဲ့ ဇာတ်ကားလေးကို တင်ဆက်ပေးလိုက်ပါတယ် ။ သူပဲလားဆိုတော့ မဟုတ်ပါဘူး လူတိုင်းနီးပါးသိတဲ့ Death Note ထဲ့မှာ "L" လို့သိကြတဲ့ Ken'ichi Matsuyama လည်း ပါဝင်ထားပါသေးတယ် ။ ဇာတ်ကြောင်းလေးကတော့... စဲအိတိုခု အားကစားအထက်တန်းကျောင်းလေးမှာ ဆန်းကျယ်မှုတစ်ခုဖြစ်ပွားခဲ့ပြီး သူတို့တစ်ကျောင်းလုံး ၁၅၆၀ခုနှစ်မှာ ဖြစ်ပွားခဲ့တဲ့ စစ်ပွဲအချိန်ကို ရောက်ရှိသွားခဲ့ပါတယ် အဲ့ဒီအချိန်ဟာဆိုရင် စစ်ပွဲကာလဖြစ်တဲ့အတွက် ရုတ်ချည်းဆိုသလို အေးချမ်းနေတဲ့ သူတို့ကျောင်းလေးထဲကို အရင်ခေတ်က စစ်သည်တွေဝင်ရောက်လာပြီး အကြမ်းဖက်ပါတော့တယ် တချို့သူငယ်ချင်းတွေလည်း အသတ်ခံရ တချို့တွေလည်း အဖမ်းခံ နှိပ်စက်ခံရတဲ့အခါမှာတော့ အားကစားထူးချွန်ကျောင်းသားတွေပူးပေါင်းပြီး ရှေးခေတ်စစ်သည်တော်တွေကို ညီညွှတ်ခြင်းအင်အား ခေတ်သစ်နည်းပညာတွေနဲ့ ဘယ်လိုရဲရဲဝင့်ဝင့် ရင်ဆိုင် တိုက်ခိုက်ကြမလဲဆိုတာကို စိတ်လှုပ်ရှားဖွယ် ဆက်လက် ကြည့်ရှုကြရမှာပါ ။ ( အညွှန်းရေးသားထားသူကတော့ Yamin Ei ပါ ) File Size_2.1 GB , 1.1 GB Quality__1080p,720p,360p IMDb Rating__6.3/10 Format__mp4 Duration__02:00:00 Type__Adventure , Fantasy , History Subtitle__Myanmar Subtitle (Hardsub) Translated by Yamin Ei Encoded by Naing Aung Latt

Rurouni Kenshin : The Final (2021) လူသတ်သမား ဘတ်တိုဆိုင်း၊ ကင်ရှင်း ပြန်လာပါပြီ။ ဒီရုပ်ရှင်မှာတော့ အစိုးရသစ်ခေတ်သစ်မှာ ကင်ရှင်းတစ်ယောက် တိုကျိုမှာ ခါအိုရူ တို့နဲ့အတူ ငြိမ်းချမ်းစွာ အတူရှိနေပါပြီ။ ဒါပေမယ့် အတိတ်က ရန်သူတွေလိုက်လာပြီး သူ့ကိုလက်စားချေဖို့ ကြိုးစားလာပြန်တယ်။ ဒီတစ်ခါတော့ သူ့ကိုမသတ်ခင် သူချစ်ခင်တဲ့သူတွေကို အရင်သတ်ဖို့ ကြိုးစားလာတဲ့အခါ လူမသတ်ဘူးဆိုတဲ့ သစ္စာကို ဖျက်ရတော့မလား????? အသွားပြောင်းပြန်ဓားကို လှည့်ခုတ်ဖို့ အချိန်တန်ပြီးလား???? ဆက်ကြည့်ကြတာပေါ့။ ဇာတ်လမ်းအညွှန်း နဲ့ ဘာသာပြန်ကတော့ Mr.Anderson ပဲ ဖြစ်ပါတယ်။ File size…2.8 GB and 1.44 GB Quality….WEB-DL 1080p and 720p Format…mp4 Duration….2h 18min Subtitle….Myanmar Subtitle (Hardsub) Translator ..... Mr.Anderson Encoder ..... August

Takusya Fujiwara တစ်ယောက် 2011လောက်က ထွက်ခဲ့တဲ့ တတိယမြောက်Kiiji Series ပြီးတဲ့နောက် 10လောက်အကြာမှ မှန်သားပြင်ပေါ်မှာ ထပ်တွေ့ရမှာပါ ဒီမှာဆိုရင် ‌ဂျပန်နိုင်ငံမှာငွေကြေးဖောင်းပွတာတွေ ဖြစ်လာတာတဲ့အခါမှာ ငွေမဲဆိုပြီးကြေညာလိုက်ပါတယ် ငွေမဲကြေညာတယ်ဆိုတာက အစိုးရက သူကိုယ်တိုင်ထုတ်ထားတဲ့ ပိုက်ဆံတွေကိုသူဘဲတရားမ၀င်ပါဘူး‌ေကြညာပြီး အစိုးရက ပြည်သူကိုအနိုင်ကျင့်တာကို ငွေမဲလုပ်တယ်ခေါ်တာပါ ဒီကိစ္စကိုတားဆီးနိုင်ဖို့အတွက် ကံတရားနဲ့ကိုယ်ရည်ကိုယ်သွေးကိုအခြေခံတဲ့ ဂိမ်းတွေကိုယှဉ်ပြိုင်ရမှာဖြစ်ပါတယ် အချို့ဇာက်၀င်ခန်းတွေက Animeတွေထဲမှာအဆင်ပြေပေမဲ့ Live actionမှာ မင်းသားအနေနဲ့ ဒေါသဖြစ်တဲ့အခန်းတွေမှာ မလိုအပ်ဘဲစူးစူးဝါးဝါးအော်တာကြီးတွေကတော့ အနည်းငယ်စိတ်အနှောက်ယှက်ဖြစ်ရပါတယ် Anime ၊Manga အနေနဲ့လူကြိုက်များခဲ့တဲ့ ဒီဇာက်ကားကို ပြန်လည်ရိုက်ကူးတဲ့အခါမှာ Manga Seriesနဲ့ အနဲငယ်ကွဲပြားမူ ရှိပေမဲ့လည်း Kaijiရဲ့ရသတစ်မျိုးကို Live actionအနေနဲ့ ပြန်ကြည့်ရတဲ့အခါမှာလည်း သဘောကျလိမ့်မယ်ထင်ပါတယ် File Size - 1.4 gb Quality - WEB DL 1080p Subtitle - burmese Translator - Yamin Ou Encoder - Thit San Khant

(English title Kiss that kills) ဒီဇာတ်ကားဟာ ၁လပိုင်း ၇ရက်နေ့မှာစထွက်ခဲ့တာပါ အပတ်တိုင်း တနင်္ဂနွေနေ့တွေမှာ ဂျပန်က NTV Network မှာပြသပါတယ် Rating ကလဲမြင့်ပါတယ် စာဖိုင်ထွက်တာနောက်ကျလို့ ခုမှတင်ပေးရပါတယ် ဒီကားမှာအဓိက ဆွဲဆောင်မှုကတော့ ဂျစ်တီးဂျစ်ကန်အပြုံးလေးတွေနဲ့ဖမ်းစားတတ်တဲ့ Death Note ကားထဲမှာ L အဖြစ်သရုပ်ဆောင်ခဲ့တဲ့ Yamzaki kento ပါပဲ မြန်မာနိုင်ငံမှာတော့ သူ့ကိုချစ်စနိုးနဲ့ ken ken လို့ခေါ်ကျပါတယ် ဒီကားမှာသူကအဓိကသရုပ်ဆောင်ထားပါတယ် မင်းသမီးကလဲ မျက်လုံးဝိုင်းဝိုင်းလေးနဲ့ချစ်စရာကောင်းတဲ့ Mugi Kadowaki ကသရုပ်ဆောင်ထားပါတယ် (မင်းသမီးအကြောင်းတော့ ကိုယ်ကသိပ်စိတ်မဝင်စားလို့မသိဘူး မင်းသားပဲစိတ်ဝင်စားတယ်) ဒါဖြင့်ရင် ဇာတ်လမ်းလေးအမြည်းကျွေးပါမယ် မင်းသားမှာကညီလေးရှိတယ် ငယ်ငယ်လေးမှာ မတော်တဆမှုတစ်ခုကသူ့မျက်စိရှေ့တင်ဖြစ်ပြီးပါသွားတာတွေ့ခဲ့ရတယ် ဒီလိုနဲ့ ကြီးလာရတဲ့ Ken Ken လေးက လောကကြီးမှာ အချစ်မရှိမှသာယာမယ် ငွေနဲ့ သူကြိုက်တဲ့ပစ္စည်းတွေရှိမှသာ ပျော်ရွှင်ရမယ်လို့ ဆိုတဲ့အတွေးအခေါ်ရှိတဲ့ ဧည့်ကြိုကောင်လေးဖြစ်လာတယ် ဧည့်ကြိုဆိုတာ ယဉ်အောင်ပြောတာတကယ်တော့ မမတွေကိုကပ်ခြူစားတဲ့ ကလပ်ကဝန်ထမ်းကောင်ချောလေးပေါ့ သူကမမတွေဆီကရသမျှအကုန်ယူတယ် အဲ့မှာပဲ ထူးထူးဆန်းဆန်း ပြစ်မှုတစ်ခုဖြစ်လာတယ် မိန်းမတစ်ယောက်က နှုတ်ခမ်းကိုအဆိပ်သုတ်ပြီး ယောင်္ကျားတွေကို နမ်းပြီးသတ်နေတာတဲ့ ပိုင်းလုံးတွေ ဖောက်ပြန်တဲ့သူတွေကိုဆိုတော့ အken လေးတစ်ချက်တွေသွားသေးတယ် ဒါပေမယ့်သူကမမူဘူး ပြီးမှသူလက်တွေ့ကြုံရတော့တယ် ထူးထူးဆန်းဆန်းမိန်းမက သူ့ကိုအတင်းဖက်နမ်း သူသေ အတိတ်ကိုပြန်ရောက် ထပ်သေ အဲ့ဒါနဲ့.... ဒီလောက်ပဲပြောပြတော့မယ် ဘာတွေဆက်ဖြစ်မလဲဆိုတာကို ဒေါင်းပြီးတော့သာကြည့်လိုက်ကျပါနော် ken ken လေးကလိမ်ကျစ်ကျပုံလေးတွေ မိသားစအြရှုတ်အရှင်းကိစ္စလေးတွေ သူ့ညီလေးကသေသွားတာလား မသေဘူးလား ဆိုတာနဲ့ မထင်မှတ်တဲ့ အလှည့်အပြောင်းလေးတွေလဲ ပါလို့ ကြည့်ကောင်းမှာပါ နောက်အပတ်တွေမှာ မျှော်ရမဲ့ ကားသစ်တစ်ကားတိုးလာတော့မှာပါ အားပေးတာကိုကျေးဇူးတင်ပါတယ် ဒီဇတ်လမ်းတွဲ အညွှန်းကို Thin Zar Htet က ရေးပေးထားပါတယ် Thin Zar Htet နှင့် May Thazin Soe မှ ဘာသာပြန်ပေးထားပါတယ် Thit San Khant

IMPOSSIBILITY DEFENSE (2018) IMDb... 6.4 လူသားတွေဟာ ဒေါသအလျှောက် လူသတ်ချင်တဲ့စိတ်ဖြစ်ပေါ်လာကြပေမဲ့ တကယ်တမ်းတော့ မသတ်ရဲကြပါဘူး။ ဒီလိုကိစ္စမျိုးအတွက် ကိုယ်စားလူသတ်ပေးတဲ့သူတစ်ယောက် ပေါ်ပေါက်လာခဲ့ပါတယ်။ ပန်းခြံတစ်ခုရဲ့ ဖုန်းရုံတစ်ခုမှာ သတ်ချင်တဲ့သူရဲ့နာမည်နဲ့ သတ်ချင်တဲ့အကြောင်းပြချက်၊ ဆက်သွယ်နိုင်မဲ့ လိပ်စာထည့်ရေးပြီး မှတ်စုချန်ထားခဲ့ရင် ဖုန်းရုံလူသားဆိုတဲ့သူက ကိုယ်စားသတ်ပေးတာဖြစ်ပါတယ်။ ဒါပေမဲ့လည်း လူသတ်ချင်တဲ့ အကြောင်းပြချက်ကတော့ ဖြူစင်ရမယ်ဆိုတဲ့ စည်းကမ်းချက်ရှိပါတယ်။ ဖုန်းရုံလူသားဟာ လူသတ်တဲ့အချိန်မှာ အဲဒီလူရဲ့ စိတ်ကိုညှို့လိုက်ပြီး မရှိတာကို အရှိမြင်အောင် လှည့်စားလိုက်ပြီးတဲ့နောက်မှာ သတ်တာဖြစ်တဲ့အတွက် တရားခံ၊ သက်သေ ဘာမှမကျန်ခဲ့ပါဘူး။ ဒီအမှုကို ကိုင်ရတဲ့ စုံထောက်ကတော့ တာဒါဆိုတဲ့ စုံထောက်မလေးပါ။ စုံထောက်မလေး တာဒါတစ်ယောက် ဒီအမှုကို ဘယ်လိုတွေ စုံစမ်းဖော်ထုတ်မလဲ...... ဖုန်းရုံလူသားကရော ဘယ်လိုလူတွေရဲ့ တောင်းဆိုချက်တွေကို ဖြည့်ဆည်းကာ လူသတ်ပေးမလဲ...... စုံထောက်မလေး တာဒါနဲ့ ဖုန်းရုံလူသား ဘယ်လိုမျိုး တွေ့ဆုံပြီး ဘာတွေဆက်ဖြစ်မလဲဆိုတာကို ဆက်လက်ကြည့်ရှုပေးကြပါဦး။ File Size… 1.26GB/ 650MB Quality…WEB-DL 1080p/ 720p Format…mp4 Duration…1h 47m Genre …..Thriller, Mystery, Psychological, Supernatural Subtitle….Myanmar Subtitle (Hard Sub)

Pacific Rim: Uprising (2018) Pacific Rim ရဲ့ ဒုတိယမြောက်ကားလေး ၅နှစ်ကြာတဲ့အခါ ပရိသတ်ရှေ့ ရောက်လာပါပြီ။ IMDb Ratinf  5.6/10 ရထားပြီးတော့ ဘတ်ဂျပ် $ ၁၇၀millionကျော် အကုန်အကျခံပြီး ရိုက်ကူးတင်ဆက်ထားတာပါ။ ဇာတ်လမ်းအကျဉ်းလေးကတော့ Pacifim Rim တုန်းက ကိုင်ဂျူးလို့ခေါ်တဲ့ ဂြိုလ်သားတွေရဲ့ ကျူးကျော်မှုကိုတိုက်ခိုက်မှုကို ယေဂါလို့ခေါ်တဲ့ ဧရာမစက်ရုပ်ကြီးတွေနဲ့ တန်ပြန်တိုက်ခိုက်လို့အောင်မြင်ခဲ့ပြီး ကမ္ဘာနှစ်ခုဆက်သွယ်ထားတဲ့ တွင်းပေါက်ကြီးကို ဖျက်ဆီးပစ်နိုင်ခဲ့တာ ၁၀ နှစ်ကျော်ကာလကို ရောက်ရှိနေပါပြီ။ ဒါပေမယ့် ယေဂါတွေရဲ့ အားနည်းချက်ကတော့ စက်ရုပ်ရဲ့ တိုက်ခိုက်နိုင်စွမ်းဟာ သူ့ကိုမောင်းနှင်တဲ့ ပိုင်းလော့ဒ်နှစ်ယောက်ရဲ့ သဟဇာတဖြစ်မှု ပိုင်းလော့ဒ်တွေရဲ့ ကျွမ်းကျင်မှုအပေါ်မူတည်နေသလို ကျူးကျော်လာတဲ့ကိုင်ဂျူးဆီကို သွားတိုက်တဲ့အခါမှာ စက်ရုပ်အကြီးကြီးမို့ သယ်ယူပို့ဆောင်ရေးမှာ ကြံ့ကြာနေတဲ့အချက်ပါပဲ။ ဒါကြောင့် ပိုင်းလော့ဒ်ကောင်းတွေရအောင် ငယ်စဉ်ကတည်းက လေ့ကျင့်ပေးရပါတယ်။ ဒါကြောင့် လူသားတွေအနေနဲ့ ဒါတွေကို ဖြေရှင်းနိုင်ဖို့နည်းလမ်းတွေ ကြံစည်လာပါတယ်။ ဒီမှာ တရုတ်နိုင်ငံ “ရှောင်-စက်မှုလုပ်ငန်း” ကနေ နည်းပညာအသစ်တွေနဲ့ ရှာကြံပြီး လူတစ်ယောက်တည်းကသာ မောင်းနှင်နိုင်ပြီး အဝေးထိန်းနဲ့ ထိန်းချုပ်နိုင်တဲ့ ယေဂါဒရုန်းစက်ရုပ်ကြီးတွေကို ပိုင်းလော့ဒ်တွေရှာရတဲ့ဒုက္ခ ကိုင်ဂျူးတွေနဲ့ တိုက်ခိုက်ရင်း ပိုင်းလော့ဒ်တွေမသေအောင်ဆိုပြီး တီထွင်နိုင်လိုက်ပြီး တစ်ကမ္ဘာလုံးအနှံ့တပ်ဖြန့်ထားနိုင်အောင် လုပ်ဆောင်နေပါပြီ……. -ဒီလိုအဖက်ဖက် အဆင်သင့်ပြင်ထားပေမယ့် ကိုင်ဂျူးတွေဖက်ကရော ကျူးကျော်ဖို့ ဘာတွေဘယ်လိုပြင်ဆင်နေကြသလဲ -ကိုင်ဂျူးတွေအရင်က အကောင်သေးတွေကနေ တဖြည်းဖြည်း ဆင့်ကဲတိုးတက်လာလို့ အရင်က အဆင့်-၄ အဆင့်-၅ လောက်ရှိတဲ့အကောင်ကြီးတွေက အခုရောဘယ်အဆင့်ထိ သတ်မှတ်နိုင်တဲ့ ကိုင်ဂျူးအကောင်ကြီးမျိုးတွေဖြစ်လာမှာလဲ -ဒီကားထဲမှာ ယေဂါတွေထဲက နာမည်ကျော်စက်ရုပ်တွေဖြစ်တဲ့ ဂျစ်ပစီအဗန်းဂျား…နိုဝင်ဘာအေဂျက်….ဆေဗာအသီနာ…..ဂါးဒီးယမ်းဘရာဗို….ဘရေဇာဖီးနစ် အစရှိတဲ့ဧရာမစက်ရုပ်ကြီးတွေက ဘယ်လိုအစွမ်းအစရှိသလဲဆိုတာ.....။ File size…(8.8 GB)/ (2.6 GB )/(1.8 GB) Quality…BluRay  4K HEVC/ 1080p HEVC / 720p Format…mkv/mp4 Duration….01:51:00 Subtitle….Myanmar Subtitle (Hardsub) Encoder….Ka Naung Translated by Little Twinlay