Mark Adam ပါဝင်သော ဇာတ်ကားများ

Padu (2024)"ရွှေအိပ်မက်" မလေးရှား အမျိုးသမီး ဘတ်စကတ်ဘောအသင်းအကြောင်း ဖြစ်ရပ်မှန်ကို အခြေခံရိုက်ကူးထားတဲ့ စိတ်ခွန်အားရစရာ ရုပ်ရှင်ကောင်းလေးတစ်ခုကို ပရိသတ်တွေအတွက် တင်ဆက်ပေးချင်ပါတယ်။ ၁၉၉၇ ခုနှစ်ကစပြီး ၂၀၀၇ ခုနှစ်အထိ ဆီးဂိမ်းပြိုင်ပွဲတွေမှာ ရွှေတံဆိပ် ၁၁ ခု ယူနိုင်ထားတဲ့ မလေးရှား အမျိုးသမီးဘတ်စကတ်ဘောအသင်းဟာ ရွှေတံဆိပ်နဲ့ ဝေးကွာခဲ့တာ ဆီးဂိမ်းနှစ်ခုရှိသွားခဲ့ပါပြီ။ သူတို့တွေဟာ ၂၀၁၃ မြန်မာဆီးဂိမ်းမှာလည်း ရွှေတံဆိပ်ပြန်ရဖို့ အတတ်နိုင်ဆုံးကြိုးစားခဲ့ကြပေမဲ့ ရွှေတံဆိပ်နဲ့ ဆက်လက်ဝေးကွာနေဆဲပါပဲ။ အဲဒါကြောင့် ၂၀၁၅ ဆီးဂိမ်းမှာ ရွှေတံဆိပ်ပြန်ယူနိုင်ဖို့အတွက် နည်းလမ်းရှာကြရင်းနဲ့ သူတို့အဖွဲ့ဟာ ကာလိုင်ဆိုတဲ့ မလေးရှားနိုင်ငံသူ အိန္ဒိယလူမျိုး ပါရမီရှင်ကောင်မလေးကို အဖွဲ့ထဲခေါ်ပြီး အတွေ့အကြုံရင့် ကစားသမားတွေနဲ့ ပူးပေါင်းကာ ၂၀၁၅ ဆီးဂိမ်းအတွက် တိုဂာ်ပွဲဝင်ဖို့ ပြင်ဆင်ကြပုံကို ဒီရုပ်ရှင်ထဲမှာ စိတ်အားတက်ဖွယ်ရာမြင်တွေ့ရမှာပဲဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Team ပါ။) File size… 1.8 GB / 971 MB Quality…WEB DL 1080p HEVC/ 720p Format…mkv/ mp4 Duration….1h 37m Subtitle….Myanmar Subtitle (Hard Sub) Encoder….YK Translated by CM Team

ပထမဆုံးဖြစ်တဲ့ The Terminator နဲ့ ဒုတိယကားဖြစ်တဲ့ Terminator 2 The Judgement Day ကို ကျောရိုးယူပြီး ဆန်းသစ်တဲ့ အိုင်ဒီယာတွေထည့်ပေါင်းထားတဲ့ နံပါတ် ၅ ဇာတ်ကားဖြစ်ပါတယ်။ ဝေဖန်သူတွေဆီမှာ မျက်နှာပန်းမလှခဲ့ပေမဲ့ ဝင်ငွေအရတော့ ဒုတိယဇာတ်ကား Terminator 2 The Judgement Day ပြီးရင် ဝင်ငွေအကြမ်းဆုံးဖြစ်ခဲ့ပါတယ်။ အာနိုး ကြီး Terminator အဖြစ် ပြန်ပါဝင်လာတဲ့အပေါ် ချီးကျူးကြိုဆိုကြပေမဲ့ ကျန်သူတွေရဲ့ သရုပ်ဆောင်အပေါ်မှာတော့ ပျစ်ပျစ်နှစ်နှစ် ဝေဖန်ခဲ့ကြတာပါ။ ဘယ်လိုပဲဖြစ်ဖြစ် ရုပ်ရှင်ရိုက်ကူးထုတ်လုပ်ခြင်းဆိုတာ ငွေရှာတဲ့စီးပွားရေးလုပ်ငန်းပဲဖြစ်လို့ ဝင်ငွေကြမ်းရင် အောင်မြင်တယ်ပဲ သက်မှတ်ကြပါစို့ရဲ့။ နောက်ပြီး ကွမ်တန်ရူပဗေဒသီအိုရီတွေ ခေတ်ထလာတဲ့အချိန်မှာ ပေါ်ပင်လိုက်ပြီး ကွမ်တန်သံလိုက်စက်ကွင်းတွေ၊ အချိန်စက်ဝန်းကွဲပြားမှုတွေ၊ အချိန်စက်ဝန်းနှစ်ခုကြားက ဆုံမှတ်၊ အဲဒီဆုံမှတ်ကနေပြီး အချိန်စက်ဝန်းနှစ်ခုကြား ကူးလူးသွားလာပြီး အနာဂတ်ကို ပြုပြင်ပြောင်းလဲပုံတွေနဲ့ ဝေဝေဆာဆာဖြစ်လွန်းတော့ ဇာတ်ကားရဲ့ မူလကျောရိုးဖြစ်တဲ့ Terminator တွေရဲ့ အခန်းကဏ္ဍတောင် ပါသင့်သလောက် မပါဘဲဖြစ်သွားတယ်။ ဂျွန် ကော်နာ တို့တတွေ စကိုင်းနက်ကို ဝင်စီးတယ်။ ပင်မစခန်းကိုဖြိုတယ်။ အဲဒီမှာ စက်တွေက မော်ဒယ် ၁၀၁ စက်ရုပ်တစ်ရုပ်ကို အတိတ်ကိုလွှတ်လိုက်ပြီး ဂျွန် ကော်နာ ရဲ့ အမေကို သတ်ခိုင်းတယ်။ အဲဒီမှာ ဂျွန် ကော်နာ က တစ်ကိုယ်တော်စစ်သည်တစ်ယောက်ကို လွှတ်ပြီး သူ့အမေကို ကာကွယ်ခိုင်းရတယ်။ ကာကွယ်ရုံတင်မက သူ့အမေနဲ့ချစ်ကျွမ်းဝင်ပေါင်းဖက်ပြီး သူ့ကို သန္ဓေတည်စေဖို့ပါ ရည်ရွယ်တာပေါ့။ ဒါဟာ ပထမဆုံးဇာတ်ကားဖြစ်တဲ့ The Terminator ရဲ့ အစပါပဲ။ ဒါပေမဲ့ ဒီတစ်ခါမှာတော့ တစ်ကိုယ်တော်စစ်သည် ကိုင်းလ် ရိစ် က အချိန်စက်ဝန်းနောက်တစ်ခုထဲကို ရောက်သွားခဲ့တယ်။ အဲဒီအချိန်စက်ဝန်းမှာ တီ ၁၀၀၀ စက်ရုပ်တစ်ရုပ်ရယ်၊ ‌တီ ၈၀၀ စက်ရုပ်တစ်ရုပ်ရယ်၊ သူလာမယ်ဆိုတာ ကြိုသိနေတဲ့ ဆာရာ ကော်နာ ရယ်တို့က သူလာမယ့်လမ်းမှာ အသင့်စောင့်ကြိုနေတာကို တွေ့လိုက်ရတာပါပဲ။ ဒီလိုနဲ့ ပထမတာဝန်ဖြစ်တဲ့ ဆာရာ ကော်နာ ကိုကာကွယ်ပြီး ဂျွန် ကော်နာ ဖြစ်လာမယ့် သန္ဓေသားလောင်းကို မျိုးစေ့ချပေးဖို့အဖြစ်ကနေ ဂျန်နင်းစစ် အဖြစ် ရုပ်ဖျက်ထားတဲ့စကိုင်းနက်ကို ဖောက်ခွဲဖျက်ဆီးဖို့ဖြစ်လာခဲ့တယ်။ အဲဒီအချိန်မှာပဲ အနာဂတ်က ဂျွန် ကော်နာ ကိုယ်တိုင် ရောက်ရှိလာပြီး ဇာတ်လမ်းသပွတ်အူဖြစ်ရပုံတွေကို ရှုစားကြရမှာဖြစ်ကြောင်းပါဗျာ။ File size…5.3 GB / 2 GB/ 1 GB Quality….BluRay 4K / 1080p / 720p Format…mp4 Duration….02:06:00 Genre...Action, Adventure, Sci-Fi Subtitle….Myanmar Subtitle (Hardsub)

ရေတပ်က စတစ်ဂ်မန်းနဲ့ မူးယစ်အရာရှိ ဘော်ဘီတို့ဟာ အသီးသီး အသွင်ယူထောက်လှမ်းနေကြပေမယ့် တစ်ယောက်ရဲ့ အလုပ်အမှန်ကို တစ်ယောက်မသိကြပါဘူး။ အချင်းချင်း ရာဇဝတ်သားတွေလို့ပဲ ထင်ထားကြတဲ့ သူတို့နှစ်ယောက်က ဆေးမှောင်ခိုဂိုဏ်းခေါင်းဆောင်ရဲ့ငွေတွေ ရှိမယ်ထင်တဲ့ ဘဏ်တစ်ခုကို အတူဓားပြဝင်တိုက်ကြပါတယ်။ ဘဏ်ထဲမှာ ရှိနေတဲ့ငွေက သူတို့ထင်ထားတာထက် ဆယ်ဆလောက် ပိုများနေတယ်။ ဂိုဏ်းခေါင်းဆောင်ရဲ့ငွေတွေအပြင် CIA ရဲ့ တရားမဝင်ရန်ပုံငွေတွေပါ ရှိနေတာပါ။ အဲဒီနောက် စတစ်ဂ်မန်းက တပ်ပြေးအဖြစ် ထောင်ချောက်ဆင်ခံရပြီး ဘော်ဘီကလည်း အထက်အရာရှိကို သတ်မှုနဲ့ အကွက်ဆင်ခံရပါတယ်။ ဒေါ်လာ ၄၃ သန်းနဲ့အတူ သူတို့နှစ်ယောက်ဟာ CIA၊ စတစ်ဂ်မန်းရဲ့ ရေတပ်အရာရှိနဲ့ ဆေးမှောင်ခိုဂိုဏ်းတို့ကြားမှာ တိုင်ပတ်ကုန်ကြတယ်။ ၂၀၁၃ ခုနှစ်ထွက် အက်ရှင်၊ သည်းထိတ်ရင်ဖိုဇာတ်ကားဖြစ်ပြီး Denzel Washington၊ Mark Wahlberg နဲ့ Paula Patton တို့ ပါဝင်ထားပါတယ်။ နှစ်ယောက်သား အကျပ်အတည်းတွေ ရင်ဆိုင်ရတဲ့အကြား ဟာသအခန်းတွေလည်း ရောပါနေပါတယ်။

၁၉၈၀ ပြည့်နှစ်များနဲ့ ၁၉၉၀ ပြည့်နှစ်အစောပိုင်းကာလတွေမှာ တက္ကဆက်ပြည်နယ်က မြေကွက်ကျယ်တစ်ခုမှာ အမျိုးသမီးငယ်လေးဦးရဲ့ အလောင်းတွေကို တွေ့ခဲ့ကြပါတယ်။ အဲဒီနေရာက ရွှံ့မြေတွေနဲ့ ရေနံချက်စက်ရုံတွေကြား၊ ဟူစတန်နဲ့ ဂဲဗတ်စတန်ကမ်းခြေမြို့ကို ဆက်သွယ်ထားတဲ့ လမ်းကြောတစ်လျှောက်မှာ ရှိတာပါ။ နှစ်တွေခြားပြီး တွေ့ခဲ့ကြပေမယ့် လေးဦးစလုံးကို တစ်နေရာတည်းမှာ တွေ့ခဲ့တာဖြစ်ပြီး သေဆုံးမှုတွေ ဆက်စပ်နေတာလား၊ တိုက်ဆိုင်တာလားဆိုတာ အဖြေမရခဲ့ဘူး။ အဲဒီနောက် ဒီနေရာဟာ လူသတ်ကွင်းတွေ၊ The Killing Fields ဆိုတဲ့ အမည်နဲ့ လူသိများလာပါတယ်။ ဇာတ်လမ်းက ဒီအမည်တွင်လာပြီးနောက် ကာလကို အခြေခံထားတာပါ။ တက္ကဆက်မြို့ငယ်တစ်မြို့က စုံထောက် မိုက်ခ်ဆောက်ဒါနဲ့ နယူးယောက်ကနေ ပြောင်းလာတဲ့ တွဲဖက်စုံထောက် ဘရိုင်ယန်ဟေ့ဂျ်တို့က လူသတ်မှုတွေကို ဖော်ထုတ်နေကြတယ်။ အမျိုးသမီးငယ်တွေ ဆက်တိုက်ပျောက်ဆုံး၊ သေဆုံးလာတဲ့အမှုတွေကို စုံစမ်းရင်း အမည်ဆိုးနဲ့ကျော်ကြားတဲ့ ဒီနေရာနဲ့ ရင်ဆိုင်ကြရပါတယ်။ အတိတ်ကလို ဖြစ်ရပ်တွေ ထပ်ဖြစ်လာတာကို သူတို့ ရပ်တန့်နိုင်မလား၊ ဉာဏ်များပြီး ကောက်ကျစ်တဲ့ ကွင်းဆက်လူသတ်သမားကို ဖမ်းမိနိုင်မလားဆိုတာ ဥပဒေဘက်တော်သားတွေနဲ့ ရာဇဝတ်သားကြားက အားပြိုင်မှု၊ အပြန်အလှန် ဉာဏ်ကစားမှုတွေနဲ့ ဆက်ပြထားပါတယ်။

Front of the Class (2008) "Hichki" ဆိုတဲ့ ဘောလိဝုဒ် ဇာတ်ကားတစ်ကားကို လူကြီးမင်းတို့ မှတ်မိကြမှာပါ။ အကြောဆွဲရောဂါရှိပြီး လည်ပင်းတဆတ်ဆတ်၊ အသံပေါင်းစုံ ထွက်နေတဲ့ ဆရာမလေးတစ်ယောက်က လူဆိုးတွေစုဝေးတဲ့ အတန်းတစ်တန်းကို ဘယ်လိုထိန်းကျောင်း သင်ကြားသွားတယ်ဆိုတာပေါ့။ အခုတင်ဆက်မယ့် ဇာတ်ကားကတော့ ဟောလိဝုဒ် ဇာတ်ကားဖြစ်ပြီး အကြောဆွဲရောဂါရှိတဲ့ ကလေးလေးတစ်ယောက်အကြောင်းပါပဲ။ သူများနဲ့မတူ ထူးဆန်းနေပြီး စိတ်အနှောင့်အယှက်ဖြစ်စရာအသံဗလံတွေထွက်နေတဲ့ ကလေးငယ်ဟာ မိဘအတွက်၊ ဆရာတွေအတွက်၊ အတန်းဖော်တွေအတွက် စိတ်ပျက်စရာ ဒုက္ခအိုးလေးဖြစ်နေခဲ့ပါတယ်။ ဒီကောင်လေးကို မိဘက ဆူငေါက်၊ ဆရာတွေက အပြစ်ပေး၊ အတန်းဖော်ချင်းက အနိုင်ကျင့်ကြတယ်။ အချိန်မရွေး ခွေးဟောင်သံလိုလို အသံဗလံတွေ ထွက်နေလေ့ရှိတဲ့သူ့ကို စိတ်ပျက်ကြ၊ ဒေါသဖြစ်ကြ၊ ရွံရှာကြ။ ဒီကလေးက လောကငရဲမှာ လူလားမြောက်ခဲ့ရတဲ့သူ။ ဒီအချိန်မှာ သူ့ကိုနားလည်ပြီး၊ သူ့အခက်အခဲ၊ သူ့သိမ်ငယ်မှုကို အများသိအောင် ပညာသားပါပါ ကြေညာမောင်းခတ်နိုင်တဲ့သူ၊ သူ့ရဲ့ကျေးဇူးရှင် ကျောင်းအုပ်ကြီးကို လေးစားအားကျလွန်းလို့ သူ့ဘဝရည်မှန်းချက်ကို ဆရာတစ်ယောက်ဖြစ်လာစေရေး ပန်းတိုင်သတ်မှတ်ခဲ့တယ်။ သာမန်လူတွေအတွက်တောင် မလွယ်ရေးချမလွယ်တဲ့ ဆရာအလုပ်ကို ဒီအကြောဆွဲရောဂါသည်လေး ဘယ်လိုရအောင်လုပ်မလဲ။ သူ့ကလေးတွေနဲ့ ဘယ်လိုနှစ်ပါးသွားမလဲဆိုတဲ့ ရသမျိုးစုံ ဇာတ်ကွက်လေးတွေကို ကြည့်ရှုရမယ့် ဇာတ်ကားတစ်ကားပါပဲ။ မူရင်းစာရေးဆရာ ဘရက်ဒ် ကိုဟန် ရေးခဲ့တဲ့ Front of the Class နာမည်ကိုပဲ တိုက်ရိုက်ပြန်ယူပြီး ဇာတ်ကောင်နာမည်ကလည်း ဘရက်ဒ် ကိုဟန် ပါပဲ။ "ကျွန်တော်မတွေ့ခဲ့ဖူးတဲ့ဆရာတစ်ယောက် ကျွန်တော်ဖြစ်ရမယ်" ဆိုတဲ့စာသားကို ကျွန်တော် သိပ်သဘောကျတာပေါ့။ ဒီဇာတ်ကားက Rating 8.1 ကို ထိုက်ထိုက်တန်တန်ရထားတယ်လို့ ဆိုချင်ပါတယ်။ မင်းသားကြီး James Wolk ရဲ့ လက်ဖျားခါလောက်စရာ သရုပ်ဆောင်ချက်က ဒီဇာတ်ကားကို အဓိက သယ်သွားတာပါ။ သူ့ရဲ့အကြောဆွဲရောဂါကို သူကနာမည်ပေးထားတယ်။ "ထာဝရအဖော်မွန်"တဲ့။ ခြောက်ပေလေးပေ မြေကြီးထဲရောက်တဲ့အထိ အပါခေါ်သွားရမယ့် ရောဂါပေါ့။ ဒီရောဂါက သူ့ကို အနိုင်မယူစေဖို့အရေး၊ ဒီရောဂါက သူ့အိပ်မက်တွေ မတားဆီးနိုင်စေရေး၊ သူကျော်ဖြတ်ခဲ့ရတဲ့ နာရီ တစ်နာရီချင်းစီကို ကျွန်တော်တို့ ကိုယ်ချင်းစာကြည့်လိုက်ရအောင်လားဗျာ။ အညျွန်း နဲ့ ဘာသာပြန်ကတော့ Arr Khun Winchester ပဲ ဖြစ်ပါတယ်။ Genre..... Biography, Drama Quality…. 720p | 480p File size… 1.1GB | 537MB Format… mp4 Duration…. 1h 35min Subtitle…. Myanmar Subtitle (Hardsub) Translator ..... Arr Khun Winchester Encoder ..... Aaron