Mathieu Amalric ပါဝင်သော ဇာတ်ကားများ

A Private Life (2025) ဒီတစ်ခါတော့ ပြင်သစ်ဒါရိုက်တာ Rebecca Zlotowski ရိုက်ကူးထားပြီး အော်စကာဆုရှင် မင်းသမီးကြီး Jodie Foster ပါဝင်ထားတဲ့ A Private Life (မူရင်းနာမည် - Vie privée) ဆိုတဲ့ ပြင်သစ် စုံထောက်-ဟာသ သည်းထိတ်ရင်ဖို ကားသစ်လေ တင်ပေးထားပါတယ်။ ဇာတ်လမ်းအကျဉ်း ဇာတ်လမ်းကတော့ ပဲရစ်မြို့မှာနေတဲ့ အမေရိကန် စိတ်ရောဂါကုဆရာဝန်မကြီး လီလီယန် (Lilian) ဟာ သူ့ဆီမှာ နှစ်ရှည်လများ ဆေးကုသနေတဲ့ လူနာ ပေါ်လာ (Paula) ရုတ်တရက် ကိုယ့်ကိုယ်ကိုယ် -တ်သေသွားတယ်ဆိုတဲ့ သတင်းကြားလိုက်ရတာကနေ စထားတယ်။ လီလီယန်က ဒါဟာ -တ်သေတာမဟုတ်ဘဲ သေချာပေါက် လူ-တ်မှုပဲဆိုပြီး သံသယဝင်သွားတယ်။ အဲဒီတော့ ဆရာဝန်မကြီးကနေ စုံထောက်အဖြစ် အသွင်ပြောင်းပြီး သူ့ရဲ့ ခင်ပွန်းဟောင်း ဂါဘရီရယ် (Daniel Auteuil) ကိုပါ အဖော်စပ်လို့ သူတို့ကိုယ်တိုင် တရားခံကို လိုက်ရှာကြပါတော့တယ်။ လူ-တ်သမားက ပေါ်လာရဲ့ ခင်ပွန်းလား၊ သမီးဖြစ်သူလား ဆိုတာတွေကို လီလီယန်တို့ ဇနီးမောင်နှံဟောင်းနှစ်ယောက် တလွဲတချော်တွေနဲ့ ဘယ်လို လိုက်စုံစမ်းကြမလဲဆိုတာ စိတ်ဝင်စားစရာ ကြည့်ရမှာပါ။ ဒီကားမှာ အမိုက်ဆုံးကတော့ မင်းသမီးကြီး Jodie Foster ကို တကယ့်အထာကျကျ ပြင်သစ်စကားပြောစတိုင်နဲ့ မြင်တွေ့ရမှာပဲဗျ။ သာမန် စုံထောက်ကားတွေလို အလေးအနက်ကြီး အသည်းအသန် လိုက်ရှာနေတာမျိုး မဟုတ်ဘဲ၊ လီလီယန်နဲ့ သူ့ခင်ပွန်းဟောင်းတို့ရဲ့ ပေါ့ပေါ့ပါးပါးနဲ့ ဟာသနှောထားတဲ့ စုံထောက်အလွဲလေးတွေက တော်တော်လေး ဆွဲဆောင်မှုရှိတယ်။ ဒါ့အပြင် အတိတ်ဘဝက ဒုတိယကမ္ဘာစစ်အတွင်းက ဂျူး-ပြင်သစ် အဖြစ်အပျက်တွေကိုပါ အိပ်မက်တွေကနေတစ်ဆင့် ရောယှက်ပြသသွားတာမို့ ထူးခြားတဲ့ စိတ်ပညာပိုင်းဆိုင်ရာ ဇာတ်ကွက်လေးတွေပါ ပါသေးတယ်။ ဇာတ်ကောင်တွေရဲ့ အတွင်းစိတ်ခံစားချက်တွေကို Art House ဆန်ဆန် အနုပညာမြောက် ရိုက်ချက်တွေနဲ့ ရိုက်ပြထားတာကလည်း တကယ့်ကို သဘောကျစရာပါပဲ။ ဒီကားလေးက သွေးထွက်သံယို အကြမ်းစား စုံထောက်ကားတွေထက်၊ ဥရောပစတိုင် အေးအေးဆေးဆေးနဲ့ ပေါ့ပေါ့ပါးပါး စိတ်ပညာလျှို့ဝှက်ချက်တွေကို လိုက်ရှာရတဲ့ အငွေ့အသက်မျိုးကို သဘောကျတဲ့သူတွေအတွက် အကြိုက်တွေ့စေမှာ အသေအချာပါပဲဗျာ။ ပြင်သစ်ရုပ်ရှင်တွေကို ခုံမင်တဲ့သူတွေ၊ Jodie Foster ရဲ့ သရုပ်ဆောင်ကွက်တွေကို အလန်းစား ပြင်သစ်ဘာသာစကားနဲ့ ခံစားကြည့်ချင်တဲ့ ရုပ်ရှင်ချစ်သူတွေအတွက်တော့ အေးဆေး အပန်းဖြေကြည့်လို့ကောင်းမယ့် ကားကောင်းတစ်ကားအဖြစ် ညွှန်းပေးလိုက်ပါတယ်ဗျ။ File size… (1.7 GB) / (850 MB) Quality…. WEB-DL 1080p HEVC / 720p Format…. mkv/mp4 Genre…. Crime, Drama, Mystery, Thriller Duration…. 01:47:00 Subtitle…. Myanmar Subtitle (Hardsub)

ဒီဇာတ်ကားလေးကတော့ အရင်လကမှ ထွက်ရှိထားပြီးတော့ ဟောလိဝုဒ် ဒိတ်ဒိတ်ကြဲထိပ်တန်းသရုပ်ဆောင်တွေများစွာ ပါဝင်ထားတဲ့အပြင် Rating အားဖြင့် IMDb 6.9/10, Rotten Tomatoes မှာ 78% တောင် ရရှိထားပါတယ်။ ဇာတ်လမ်းအကျဉ်း +++++++++++ အန်နာတိုး ကိုဒါ တဖြစ်လည်း ဇာဇာဟာ တကယ့်ကို ကျိကျိတက်ချမ်းသာပြီးတော့ ဉာဏ်နီဉာဏ်နက် ရောင်စုံထွက်တဲ့ စီးပွားရေးသမားဖြစ်ပါတယ်။ သူဟာ ခေါင်းပုံဖြတ်အမြတ်ကြီးစားမှု အခွန်ရှောင်မှု ဈေးကွက်ချုပ်ကိုင်မှု လာဘ်ပေးလာဘ်ယူမှု အစရှိတဲ့ စွပ်စွဲချက်ပေါင်းစုံနဲ့ နာမည်ဆိုးနဲ့ကျော်ကြားပြီး သူ့ကို မကျေနပ်တဲ့ စီးပွားပြိုင်တွေ ဂိုဏ်းတွေ အဖွဲ့အစည်းတွေက သူ့ကို ဘုံရန်သူအနေနဲ့ သတ်မှတ်ကာ စုပေါင်းပြီး လုပ်ကြံဖို့ အမျိုးမျိုးကြိုးစားကြပါတယ်။ ဒီလိုနဲ့ အသက်ပြင်းတဲ့ ကိုဒါဟာ လုပ်ကြံရေးသမားတွေလက်ချက်နဲ့ ခြောက်ကြိမ်မြောက်လေယာဉ်ပျက်ကျပြီးတဲ့နောက်မှာ သူ့ရဲ့ တစ်ဦးတည်းသောသမီး သီလရှင်လောင်းလေးကို အမွေဆက်ခံခိုင်းဖို့ စီစဉ်ပါတော့တယ်။ ဖြစ်ချင်တော့ အဲအချိန်မှာပဲ စီးပွားပြိုင်လုပ်ငန်းတွေ စုပေါင်းပြီး ဈေးကွက်ကို ကစားလိုက်တဲ့အခါ ဇာဇာတစ်ယောက် သူ့လုပ်ငန်းကိုင်ငန်းတွေ ကမောက်ကမဖြစ်သွားပြီးသူ့ခမျာ စည်းစိမ်မပျောက်အောင် သူ့သမီး သီလရှင်ပေါက်စလေးနဲ့အတူ သူနဲ့လက်တွဲထားတဲ့ မိတ်ဖက်စီးပွားရေးလုပ်ငန်းရှင်တွေ စီပွားရေးလက်မဲကြီးတွေကို လိုက်ပြီးတော့ ညှိနှိုင်းရပါတော့တယ်။ ဒီဇာတ်ကားကို ကြည့်ရင်တော့ နားလည်သလိုလို မလည်သလိုလို မမဆောင်း vibe နဲ့ ကြည့်ရမှာဖြစ်ပြီးတော့ သူတို့သားအဖ ဘယ်လိုနှစ်ပါးသွားမလဲဆိုတာကို စိတ်ဝင်တစား ကြည့်ရှုရမှာပါ။ File Size… (6.55GB)/(1.57GB)/(939MB) Quality… WEB-DL 4K HEVC/1080p HEVC /720p Format…mkv / mp4 Duration…1h 41m Genre …..Action , Comedy , Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Act Molemy & Matteo

Serpent's Path (2024) IMDb Rating (6.2) Japanese horrorတွေဟာ ဟော်ရာလောကကို လွှမ်းမိုးမှုကြီးခဲ့တယ်ဆိုတဲ့ အချက်ကိုတော့ ကျွန်တော်တို့ ငြင်းမရဘူး။ ဂျပန်ဟော်ရာတွေက ဆိုက်ကိုလိုဂျစ်ကယ်ဟော်ရာဘက်ကို အလေးပေးပြီး ဇာတ်ကောင်တွေရဲ့ စိတ်အားပြိုင်မှုကို အခြေတည်တည်ဆောက်တတ်တာများတယ်။ ၁၉၅၀ဝန်းကျင် ဂျပန်ရုပ်ရှင်လောကရဲ့ ဟော်ရာတွေမှာတော့ တစ္ဆေဇာတ်လမ်းတွေ , သဘာဝလွန်တွေ , ဂေါ်ဇီလာတို့လို ခိုင်ဂျူတွေ များခဲ့တယ်။ လက်ရှိခေတ်ရဲ့ Master of Horrorလို့ သတ်မှတ်ကြတဲ့ psychological horrorတွေချည်းရိုက်တဲ့ ခိရိုရှိကူရိုဆာဝါကတော့ သူ့ဟော်ရာတွေကို မတည်ငြိမ်တဲ့ နောက်ခံအခြေအနေတွေ အဖြေမပေးသွားတဲ့ အမေးတွေ , ဒီအခြေအနေဆီ တွန်းပို့လိုက်တဲ့ ဇာတ်ကောင်တွေရဲ့ စိတ်အနေတွေနဲ့ တည်ဆောက်တတ်တယ်။ တစ်ချို့ကတော့ ခိရိုရှိကူရိုဆာဝါဟာ ဟော်ရာကားရိုက်ဖို့ သူ့ပရိသတ်ကို ခြောက်ပြစရာမလိုတော့တဲ့ အနေကို ရောက်နေပြီလို့ ပြောကြတယ်။ ကျွန်တော်လည်း အဲဒီလိုပဲမြင်ပါတယ်။ Seperent's Path (1998)နဲ့ Eyes of the Spider (1998)ကို ခိရိုရှိက သူ့ရဲ့နာမည်ကျော် Cureကို ရိုက်ပြီး နောက်နှစ်မှာ ရိုက်ခဲ့တယ်။ ထူးတာက ဒီ၂ကားမှာ အဓိကဇာတ်ကောင်က အတူတူပဲ။ ဇာတ်နောက်ခံအကြောင်းအရာလည်း အတူတူပဲ။ ဒါပေမဲ့ ဇာတ်လမ်းကတော့ လုံးဝကွဲပြားခဲ့တယ်။ ဒီလိုမျိုး အခြေခံတူတဲ့၂ကားကို တစ်နှစ်တည်း ထုတ်လိုက်တာက တော်တော်ထူးခြားသလို သတ္တိလည်းမသေးဘူးလို့ ပြောရမှာပဲ။ အဲဒီထက်ပိုသတ္တိကောင်းတာက ဒီနှစ်မှာ Seperent's Pathကို ပြင်သစ်သရုပ်ဆောင်တွေပါ ထည့်သုံးပြီး ပြင်သစ်စကားပြောနဲ့ သူ့ကားကို သူ့ဘာသာသူပြန်ရိုက်ခဲ့တာပါပဲ။ မကြည့်ခင်ကတော့ သူ့မှာပြင်စရာတစ်ခုခုရှိလို့လို့ ထင်ခဲ့ပေမဲ့ တကယ်တမ်း ဒီဇာတ်၂ခုမှာ အသစ်မှာ ပိုရှင်းလင်းသွားတာကလွဲလို့ ဘာမှမပြောင်းလဲသွားဘူး။ ဒီပိုရှင်းလင်းသွားတဲ့အချက်ကိုလည်း ကျွန်တော်တော့ သိပ်သဘောကျလှတယ်မဟုတ်ဘူး။ သူ့ဟန်ပျက်ပါတယ်။ ဒါပေမဲ့ ခိရိုရှိအနေနဲ့ မရိုက်ဘဲပျောက်နေတဲ့နှစ်တွေရှိခဲ့သလို ဒီနှစ်မှာတော့ တစ်နှစ်တည်း သုံးကားတောင်ထွက်ဖို့ရှိတော့ ( Chimeနဲ့ အခုကားကတော့ ထွက်ပြီးပြီ) အပြစ်ပြောရလည်း ခက်ပါတယ်။ ဘာလို့ဆို ထွက်ပြီးတဲ့ ဒီကားနဲ့ Chimeကတော့ သာမန်လူတစ်ယောက်ကနေ မူမမှန်တဲ့အခြေအနေတစ်ခုကို ဘယ်လိုရွေ့သွားနိုင်လဲပြထားတဲ့ ကားတွေဖြစ်နေတော့ ဒီလိုပုံစံမျိုးကိုသူပြန်ရိုက်ကြည့်ချင်ခဲ့လို့လည်း ဖြစ်နိုင်တယ်။ 98ကားရဲ့ ကွဲပြားတဲ့ အသိရခက်ခြင်းအရသာကို ပေးစွမ်းနိုင်တဲ့ အဓိကအချက်တွေထဲ Sho Aikawaရဲ့ နိဂျိမဇာတ်ကောင်က တော်တော်လေး အေးစက်ပြီး အသိရခက်နေတာကြောင့်လည်း ပါလိမ့်မယ်။ ၂၀၂၄ကားမှာတော့ ဇာတ်ကောင်က ဒီလိုဇာတ်ကောင်အဖြစ်ကနေ ပိုပြီး သာမန်ဆန်တဲ့လူတစ်ယောက်အဖြစ်ကို လျောဆင်းသွားတယ်။ သူ့နောက်ပိုင်းကားတွေအရတော့ ခိရိုရှိကတော့ ဒါကိုလိုချင်တာဖြစ်နိုင်ပေမဲ့ ပရိသတ်အနေနဲ့ ကျွန်တော်တော့ မလိုချင်လှဘူး။ ပြောရရင် ၉၈ကားမှာတော့ ခိရိုရှိဟာ ဇာတ်ကောင်ရဲ့အသိရခက်မှုနဲ့ အေးစက်မှုကို အသုံးချသွားပေမဲ့ ၂၀၂၄ကားမှာတော့ ခိရိုရှိဟာ ဒီနှစ်တွေထဲ သူရိုက်ခဲ့တဲ့ပုံစံတွေအတိုင်း ဘာမှမထူးခြားတော့တဲ့ သာမန်လူတစ်ယောက်ကနေ ရွေ့သွားတဲ့ အရွေ့ကိုပဲ တင်ပြသွားတယ်။ ဆိုတော့ သူ့ဟော်ရာတွေဟာ ဟော်ရာအဖြစ်ရိုက်ပြထားတာမဟုတ်တဲ့ လောကကြီးက ဟော်ရာတွေကိုပဲ တင်ပြတဲ့ အဆင့်ကိုရောက်သွားတယ်လို့ မြင်တာပါပဲ။ နောက်ထွက်မယ့် Cloud (2024 )လည်း ဒီလိုပဲလာဦးမယ် ထင်ပါတယ်။ ဇာတ်အိမ်ကတော့ တော်တော်လေးကျဉ်းသလို အဖြစ်အပျက် ငါးခုထက်မပိုတာမို့ ကားအရသာမပျက်စေဘဲ ဇာတ်အိမ်ကို ပြောပြဖို့တော့ မဖြစ်နိုင်ဘူး။ ဒါပေမဲ့ ပြောနိုင်တာက psychological horror ဖန်ဆိုရင်တော့ ၉၈ကားကိုကြည့်သင့်ပြီး ခိရိုရှိကူရိုဆာဝါ ဖန်ဆိုရင်တော့ ၉၈ကားကြည့်ပြီးလည်း ၂၄ကားကို ဆက်ကြည့်သင့်ပါတယ်။ သူ့အရွေ့ကို ကျွန်တော်တို့ မြင်ရမှာပါပဲ။ တစ်ချက်ရှိတာက ၂၄ကားမှာ ဇာတ်ကောင်သာ ပိုသာမန်ဆန်သွားတာမဟုတ်ဘဲ Serpent's Path ဆိုတဲ့ အဓိပ္ပာယ်ကိုပါ သူ့ဘာသာ အဓိပ္ပာယ်ပြန်ဖွင့်ပေးသွားခဲ့တယ်။ ၉၈ကားမှာတော့ မဖြေထားတဲ့အမေးတွေက များပေမဲ့ ခေါင်းစားနေစရာတော့ မလိုပါဘူး။ အနုပညာဖန်တီးမှုတွေတိုင်းက ဖန်တီးသူတည်ဆောက်ထားတဲ့ အပေါ်ယံမျက်နှာပြင်ကြောတွေပါပဲ။ သူ့အနက်ကို ခံစားသူက ကိုယ်ပိုင်နည်းလမ်းနဲ့ ကိုယ်သွားချင်သလို သွားခွင့်ရှိတဲ့ အရာတွေပါပဲ။ အငြင်းပွားစရာတော့ မရှိဘူး။ (အညွှန်းနဲ့ဘာသာပြန်ကတော့ Wira Aung ဖြစ်ပါတယ်။) File size…(1.5 GB) / (720 MB) Quality….WEB-DL 1080p HEVC / 720p Format…. mkv/mp4 Genre….Crime, Drama, Thriller Duration….01:54:18 Subtitle….Myanmar Subtitle (Hardsub) Encoder….Benjamin Translated by Wira Aung

ပြင်သစ်စကားပြော ဒရာမာရုပ်ရှင်လေးပဲ ဖြစ်ပါတယ်  ဂျန်ဟာ ၂၄ နှစ်အရွယ် အိပ်မက်တွေနဲ့ မိန်းကလေးဖြစ်ပြီး ငွေကြေးပိုင်းစိတ်ဝင်စားသူပါ  ယောကျာ်းလေးလိုဖြစ်အောင် ရင်သားကို ပတ်တီးတွေနဲ့ကျပ်နေအောင် စည်းထားပြီး သူသဘောကျတဲ့ suit ကိုလည်း ဆိုင်ကမရမက ခိုးဝတ်ပါတယ် အမေလည်းမရှိသလို အဖေကလည်း အလုပ်များတာကြောင့် မောင်လေးညီမလေးတွေကို အစ်မကြီးအမိအရာလို စောင့်ရှောက်ရတဲ့ ကောင်မလေး  သူ့ကို အလုပ်ရှင်ကသဘောကျသွားတဲ့အခါမှာ... နောက်ပြီးတစ်ပြိုင်နက်တည်းမှာပဲ စစ်သားတစ်ယောက်ဖြစ်တဲ့ သူ့ရည်းစားဟောင်းက လေးနှစ်အကြာမှာ ပြန်ရောက်လာတဲ့အခါ... File size…(1.2 GB)/(677 MB) Quality….Webrip 1080p / 720p Format…mp4 Duration….01:38:00 Genre...  Drama Subtitle….Myanmar Subtitle (Hardsub) Encoder….Swan Min Htet Translated by Sike Tan

A Prince (2023) ယခုဇာတ်ကားဟာဆိုရင် ထူးဆန်းတဲ့တင်ဆက်ပုံမျိုးနဲ့ ဇာတ်ကားလို့ပဲ ဆိုရမှာပါ။ ကြည့်ရှုသူရဲ့အမြင်ပေါ်မှာ မူတည်ပြီး ခံစားချက်အမျိုးမျိုး ပေးနိုင်မယ်လို့ ထင်ပါတယ်။ IMDb rating အနေနဲ့တော့ 5.6, Rotten Tomatoes 70% ရရှိထားပါတယ်။ ဇာတ်လမ်းအကျဉ်းကတော့ ပီရဲယ်ဂျိုးဆက်ဖ်ဟာ ဥယျာဉ်ပန်းမန် စိုက်ပျိုးခြင်းပညာကို သင်ကြားနေတဲ့ ကျောင်းသားတစ်ယောက်ပါ။ သူ့အဖေဟာ မုဆိုး၊ သူ့အမေဟာ တိရစ္ဆာန်ရုပ်လုံးသွင်းတဲ့ပညာရှင်တို့နဲ့အတူ ကြီးပြင်းခဲ့ရတဲ့သူပါ။ ဒါပေမယ့် သူ့အဖေနဲ့အမေဟာ အမြဲတမ်း ငြင်းခုန်ရန်ဖြစ်နေကြတာမို့လို့ စိတ်ဒဏ်ရာရခဲ့သူပါ။ ပီရဲယ်ဂျိုးဆက်ဖ်ဟာ အတန်းထဲမှာ ထူးခြားနေတဲ့သူမို့ အတန်းထဲကို စာလာသင်တဲ့ ဆရာရဲ့ ဂရုစိုက်မှုကို ခံရပါတယ်။ ပီရဲယ်ဟာ ဥယျာဉ်မှူးအလုပ်လုပ်ရင်း သူ့ရဲ့ ဆန်းပြားတဲ့ လိင်ပိုင်းဆိုင်ရာ စွဲလန်းမှုပွင့် ထွက်လာပြီး ဘဝကို ရှေ့ဆက်လျှောက်ဖို့ကြိုးစားပါတော့တယ်..... အညွှန်းနဲ့ဘာသာပြန်ကတော့ Leonard Lin ပဲ ဖြစ်ပါတယ် Genre..... Drama Quality…. 1080p WEB-DL | 720p WEB-DL File size… 1.3GB | 573MB Format… mp4 Duration…. 1h 22min Subtitle…. Myanmar Subtitle (Hardsub) Translator ..... Leonard Lin Encoder ..... Aaron

IMDb 7.6 ရထားတဲ့ ပြင်သစ် သိပ္ပံစိတ်ကူးယဥ် animation လေးကို တင်ဆက်ပေးလိုက်ပါတယ် ခေတ်လွန်မားစ်ဂြိုဟ်မှာ ဇာတ်လမ်းတည်ထားပြီး Aline ဆိုတဲ့ အလွတ်စုံထောက်မလေးနဲ့ သူ့ရဲ့ပါတနာ Carlos ဆိုတဲ့ စက်ရုပ်တစ်ရုပ်တို့က ဟက်ကာတစ်ယောက်ကို လိုက်ဖမ်းရင်း ... နက်နဲတဲ့ လျှို့ဝှက်ကြံစည်မှုတစ်ခုကို သိလာတဲ့ ဇာတ်လမ်းပါ သူတို့ခေတ်မှာ စက်ရုပ်တွေနဲ့ လူသားတွေ ယှဥ်တွဲနေထိုင်ကြပြီး Aline ရဲ့ ပါတနာ Carlos ဟာဆိုရင်လည်း တစ်ချိန်က လူသားတစ်ယောက်ပါပဲ သေဆုံးသွားပြီးနောက်မှာမှ Back-up လို့ ခေါ်တဲ့ စက်ရုပ်အမျိုးအစားအဖြစ် ပြန်အသက်သွင်းခြင်း ခံလိုက်ရတာပါ လူသားနဲ့စက်ကြားက ဆက်နွယ်မှု ခေတ်လွန်ကာလက နေ့စဥ်ဘဝ အခက်အခဲတွေကို တွေ့မြင်ရမှာဖြစ်ပြီး စိတ်ဝင်စားစရာ ဇာတ်လမ်းလေးမို့ ညွှန်းပေးလိုက်ရပါတယ်

အကြွေးတွေပတ်လည်ဝိုင်းနေတဲ့ အဲလ်ဘတ်နဲ့ဘရူနိုဆိုတဲ့ ကလိမ်ကျတတ်တဲ့လူလိမ်နှစ်ယောက်ဟာ အမှတ်မထင်တွေ့ဆုံမိရာကနေခင်မင်သွားခဲ့ပါတယ် သူတို့နှစ်ယောက်ဟာ သဘာဝပတ်ဝန်းကျင်ထိန်းသိမ်းစောင့်ရှောက်ဖို့လှုံ့ဆော်တဲ့တက်ကြွလှုပ်သူများအဖွဲ့ရဲ့ ဟောပြောဆွေးနွေးပွဲမှာ မုန့်နဲ့ဘီယာတွေအခမဲ့တိုက်ကျွေးတယ်ဆိုလို့ တက်ရောက်ရာကနေ ထိုအဖွဲ့ထဲသို့ ဘုမသိဘမသိနဲ့အဖွဲ့ဝင်ဖြစ်လာပါတယ် အဲ့အဖွဲ့မှာတက်ကြွလှုပ်ရှားမှုတွေလုပ်ရင်းနဲ့ သူတို့အတွက် ကိုယ်ကျိုးစီးပွားအမြတ်ထွက်အောင်ခိုးပြီးလုပ်လေ့ရှိပါတယ် ဒါပေမဲ့ အဲလ်ဘတ်တစ်ယောက် အဲ့အဖွဲ့ရဲ့ဦးဆောင်သူ"ဗယ်လန်တိုင်း"ဆိုတဲ့ကောင်မလေးကိုချစ်မိသွားတဲ့အခါမှာ........... ဗယ်လန်တိုင်းကရော အဲလ်ဘတ်က တက်ကြွလှုပ်ရှားမှုတွေမှာ တကယ်စိတ်ပါလို့မဟုတ်ဘဲ အကျိုးစီးပွားအတွက် ပါဝင်ခဲ့တာဆိုတာကိုသိသွားမလား........ File size…(1.8 GB)/(1 GB) Quality….Blu-Ray 1080p / 720p Format…mp4 Duration….02:00:00 Genre...Comedy Subtitle….Myanmar Subtitle (Hardsub) Encoder….Garfield Translated by Ruby Jane

သိပ္ပံစိတ်ကူးရင် Thriller ကားကောင်းလေးနဲ့ မိတ်ဆက်ပေးပါရစေ။ ခရိုင်အိုဂျန်းနစ်လို့ခေါ်တဲ့ အလုံပိတ်အသက်ကယ် ပြွန်ကြီးထဲမှာ အမျိုးသမီးတစ်ယောက်ဟာ နိုးလာခဲ့ရာကနေစပါတယ်။ သူ့စိတ်ထဲမှာ အားလုံးက ဝေဝါးနေခဲ့ပြီး သူဘယ်သူလဲ၊ ဘာကြောင့်ဒီထဲကိုရောက်နေတာလဲဆိုတာကိုလုံးဝမမှတ်မိပါဘူး ... သူနဲ့အဖော်ရှိတာဆိုလို့ မိုင်လိုလို့ခေါ်တဲ့ AI(ဥပမာ Siri လိုမျိုး) ပဲရှိပါတယ်။ တစ်ချိန်ထဲမှာပဲ သူရောက်နေတဲ့ပြွန်ကြီးရဲ့ အောက်ဆီဂျင်လယ်ဗယ်ဟာလည်း ကျဆင်းလာပြီး အချိန်အနည်းငယ်ပဲရှင်သန်နိုင်တော့မှာပါ။ သူဘာကြောင့် ဒီထဲကို ရောက်နေတာလဲ သူဘယ်သူလဲဆိုတာကို တစ်စတစ်စချင်း အဖြေရှာသွားရင်းနဲ့  မေးခွန်းပေါင်းများစွာနဲ့ ဆွဲခေါ်သွားမယ့် ကားကောင်းတစ်ကားပဲဖြစ်ပါတယ်။ ဒီဇာတ်ကားဟာ အဓိကသရုပ်ဆောင် တစ်ယောက်ရယ် . အလုံပိတ် Cube တစ်ခုနဲ့ တစ်ကားလုံးစိတ်ဝင်စားစရာဖြစ်အောင် ရိုက်ပြသွားနိုင်တာတော့ အသေအချာပါပဲ။ အဲ့လို မေးခွန်းတွေကနေမှ နောက်ဆုံး သူဘယ်သူလဲသိလိုက်ရချိန်ဟာတော့ . . . (ဒီဇာတ်လမ်းရဲ့ အညွှန်းကို Thiha Yan Naing မှရေးသားပေးပြီး၊ ဘာသာပြန်ရေးသားပေးသူကတော့ CM Team မှဖြစ်ပါတယ်။) Quality – 1080p, 720p,360p WebRip Duration - 1h 40min Subtitle – Myanmar Hardsub Format – Mp4 Genre : Drama, Fantasy, Sci-Fi Source : 1080p.WebRip Translator – CM Team Encoder – SWM

ရုပ်ရှင်တစ်ပုဒ်ဟာ ပြဇာတ်တစ်ပုဒ်လို အိပ်ရာဝင်ပုံပြင်တစ်ပုဒ်လို စိတ်ကူးယဉ်ဆန်ပြီးလှပ​နေပြီဆိုရင် Director Wes Andersonရဲ့လက်ရာ​တွေနဲ့ မကင်းနိုင်ပါဘူး၊ သူ့ဇာတ်ကား​တွေရဲ့ narrativeပုံစံ ဇာတ်လမ်းတင်ဆက်ပုံနဲ့ Uniqueဖြစ်သလို Colorfulလည်းဖြစ်တဲ့ ရိုက်ကွင်းအပြင်အဆင်တွေ​ကြောင့် ရုပ်ရှင်နဲ့မတူဘဲ ပုံပြင်ကမ္ဘာထဲ လက်​တွေ့​ရောက်သွားသလို ခံစားချက်မျိုး၊ The Palais Garnier ပြဇာတ်ရုံမှာ ကိုယ်တိုင်ပြဇာတ်ကြည့်​နေရသလို ခံစားချက်မျိုး ရ​စေတာကို - The Grand Budapest Hotel (2014) နဲ့ - Moonrise Kingdom (2012)မှာ ခံစားခဲ့ရပြီးပါပြီ၊ ဒီ ဇာတ်လမ်းကလည်း Wes Andersonရဲ့ ​နောက်ထပ် ရုပ်ရှင်မဟုတ်​သောရုပ်ရှင်၊ ပြဇာတ် မဟုတ်​​သော ပြဇာတ်လို့ ထပ်ရည်ညွှန်းရမယ်ထင်ပါတယ် ဒီဇာတ်လမ်းက​​တော့ Andersonရဲ့ ဝတ္ထုတို​တွေကို ချစ်မြတ်နိုးမှု၊ စာနယ်ဇင်း​လောကကို နှစ်ခြိုက်မှုအ​ပေါ် ရုပ်ရှင်ဇာတ်ကားအဖြစ် အသက်သွင်းလိုက်တဲ့ လက်ရာမွန်တစ်ခုပါပဲ၊ Cast​တွေကလည်း ​ပြေးကြည့်စရာမလို​​​​အောင်ကို ဒိတ်ဒိတ်ကြဲ​ဖြစ်တဲ့၊ သူ့လက်စွဲ​တွေ ဖြစ်တဲ့ - Tilda Swinton (Dr. Strange, The Grand Budapest Hotel) - Ghostbusters မင်းသားကြီး Bill Murray၊ - The Pianistရဲ့မင်းသားကြီး Adrien Brody၊ - Edward Norton (Fight Club) တို့အပြင် Timothée Chalamet, Saoirse Ronan, Owen Wilson, Léa Seydoux, William Dafoe တို့လို အရှိန်အဝါကြီးတဲ့ Cast​တွေဖြစ်တာမလို့ Wesရဲ့လက်ရာဟာ ပိုကြွသလို ပိုလည်း လှပ​စေပါတယ်၊ USA ..Kansasမြို့ လုပ်ငန်းရှင်ကြီးတစ်ဦးရဲ့သားဖြစ်သူ ပထမနှစ်​ကျောင်းသား​လေး Arthur Juniorရဲ့ ခရီးသွားမှတ်တမ်း​စာစဉ်မှအစပြုခဲ့တဲ့ The French Dispatch မဂ္ဂဇင်းဟာ သူဆုံးပါးချိန်မှာပဲ ​နောက်ဆုံးထုတ်​ဝေမှုနဲ့ ပိတ်သိမ်းရ​တော့မှာပါ၊ နှုတ်ဆက်စာအုပ်မှာအထူးစာမူအဖြစ် ထည့်​ဝေဖို့ မဂ္ဂဇင်းရဲ့ထိပ်သီးစာမူရှင်​တွေဆီက စာမူ​တောင်းတဲ့အချိန်မှာ စာမူ၄ပုဒ်ထွက်လာပါတယ်၊ မဂ္ဂဇင်းတိုက်ရဲ့ဘဏ္ဍာ​ရေးအ​ခြေအ​နေအရ စာမူတိုင်းကိုထည့်ဖို့ခက်ခဲ​နေတဲ့အချိန်မှာ တစ်ပုဒ်ချင်းစီကို အယ်ဒီတာ​တွေအ​​နေနဲ့ အ​သေးစိတ်အကဲဖြတ်ရင်း ဇာတ်လမ်းတို​လေး ၄ပုဒ်အဖြစ် ကွဲထွက်သွားပါတယ် ဇာတ်လမ်း၁ပုဒ်ချင်းစီတိုင်းဟာ Arc တစ်ခုလို စာမူရှင်ရဲ့အာ​ဘော်အရ အ​ရေးအသား၊ တင်ဆက်ပြသပုံ၊ အ​ကြောင်းအရာ​တွေ အမျိုးမျိုးကွဲထွက်​နေတဲ့အခါ တစ်ပိုင်း​ရောက်တိုင်း အရသာတစ်မျိုးခံစားရင်း ချိုချဉ်ငန်ဖန်စပ်ခါး ​သောင်း​ပြောင်း​ထွေလာအရသာကို တပြိုင်တည်းရရှိစေမှာပါ၊ ဝတ္ထုတို​တွေဖြစ်တဲ့အတွက်​ကြောင့် တစ်ပိုင်းချင်းစီဟာ ပုံပြင်ဖတ်​နေရသလို ခံစားမိ​စေတဲ့ Wesရဲ့အာ​ဘော်က​နေလည်း ​သွေဖီမသွားပြန်ပါဘူး၊ တစ်ပိုင်းချင်းစီက ရသတစ်မျိုး​ပေးသလို ကိုယ့်အ​တွေးနဲ့ ကိုယ်​​​သောက်ကြသည် ဆိုသလို ဇာတ်လမ်းက​ပေးတဲ့ အမြင်​တွေ၊ ခံစားချက်​တွေ အ​တွေးအ​ခေါ်​တွေ တစ်ဦးနဲ့တစ်ဦးတူမှာ မဟုတ်ပါဘူး၊ ဒီလိုမတူခြားနားတဲ့ အမြင်​တွေကိုပဲ Wes Anderson အ​နေနဲ့ ​ပေးချင်ပုံရပါတယ် ဇာတ်ကား​ကောင်းကြီးဖြစ်တာနဲ့အညီ သူနဲ့ထိုက်တန်တဲ့ rating​တွေ အသိအမှတ်ပြုခံရမှု​တွေ ကပ်ပါလာမြဲပါပဲ၊ ရုပ်ရှင်အသိုင်းအဝိုင်းမှာ အရှိန်အဝါကြီးတဲ့ Cannes နဲ့ Golden Globe award ​တွေအတွက် Nominations ​ဝင်ထားသလို လက်ရှိမှာ စုစု​ပေါင်း nomi 44ခုထိ စာရင်းရှိတဲ့ဇာတ်ကားဖြစ်ပါတယ်။ Detroit Film Critics Society (DFCS) နဲ့ Southeastern Film Critics association မှာ Best Ensemble 2 ဆုကိုလည်း ပူပူ​နွေး​နွေးရရှိထားတာပါ၊ ပုံမှန် ရုပ်ရှင်ကြည့်ပရိတ်သတ်​တွေနဲ့ မစိမ်းတဲ့ - IMDbမှာ 7.5, -Rotten Tomatoes မှာ review​ပေါင်း 273ခုနဲ့ Tomatometer 74%အထိ ​မှတ်​ကျောက်တင်ထားနိုင်ပါတယ်၊ ဒါရိုက်တာ Wes Andersonရဲ့ရုပ်ရှင်မဟုတ်​သောရုပ်ရှင်ကို ခံစားကြည့်ရှုရင်း စိတ်ကူးယဉ်ကမ္ဘာမှာ ​ပျော်​မွေ့နိုင်ဖို့ CMမှ တင်ဆက်​ပေးလိုက်ပါပြီ အညွှန်းကိုတော့ JimX က ရေးထားပေးပြီးတော့ ဘာသာပြန်ထားတာကတော့ JYJ ပဲ ဖြစ်ပါတယ်။ Genre.....Comedy, Drama, Romance Quality….WEB-DL 1080p and 720p File size…1.5GB and 894MB and 293MB Format…mp4 Duration….1h 47min Subtitle….Myanmar Subtitle (Hardsub) Translator ..... JYJ Encoder ..... August

ဟီရိုအင်းဆေးသမားဖြစ်ခဲ့တဲ့ Punk-Metalတီးဝိုင်းတစ်ခုရဲ့ ဒရမ်သမား ရူဘင်စတုန်းအတွက်တော့ ဒီအလုပ်က တော်တော်လေးကောင်းတဲ့အစားထိုးမှုတစ်ခုပါ။ ဒီလိုနဲ့ ဆေးလိပ်၊မူးယစ်ဆေးတွေဖြတ်လိုက်ပြီး လေးနှစ်ကြာသွားတယ်။ ဒီအလုပ်ကိုလည်း သူ့ရည်းစား(လူ)နဲ့ ပျော်ပျော်ကြီး ဆက်လုပ်ရင်းပေါ့။ ဒါပေမယ့် သူ့အကြားအာရုံ ချို့ယွင်းလာတာကို တဖြည်းဖြည်းသတိထားမိလာတယ်။ ဆရာဝန်ဆီသွားပြကြည့်တော့ ရက်အနည်းငယ်အတွင်းမှာပဲ သူ့အကြားအာရုံ ၇၀%ကနေ ၈၀%အထိ ဆုံးရှုံးနေတာကို သိလိုက်ရတယ်။ ဆရာဝန်က အသံကျယ်ကျယ်ကြီးတွေကို ရှောင်ဖို့ပြောပေမယ့် Music Industry ထဲကလူဖြစ်နေတဲ့အပြင် Metal Bandတစ်ခုက ဒရမ်သမားလည်းဖြစ်နေတာကြောင့် ဘာမှ မတတ်နိုင်လိုက်ဘူး။ စိတ်ဖိစီးမှုတွေကြောင့် ရူဘင်က မသောက်တာလေးနှစ်ရှိပြီဖြစ်တဲ့ ဆေးလိပ်ကိုပါ ပြန်သောက်နေလို့ လူက စိတ်ပူလာတယ်။ ဒါကို ကုဖို့ အနည်းဆုံး ဒေါ်လာလေးသောင်းလိုတာကြောင့် မကုတော့ဘဲ လူက ရူဘင်ကို (နားမကြားတဲ့လူတွေအတွက်)ပြန်လည်ထူထောင်ရေးစခန်းဆီ ပို့တယ်။ ရူဘင်တစ်ယောက် အဲ့စခန်းမှာ“နားမကြားသူဖြစ်ရခြင်း”အကြောင်းသင်ယူသွားပြီး ဘဝအသစ်စဖို့ ပြင်မှာလား မပြင်ဘူးလား ဆိုတာကိုတော့……… “Much like heavy metal music, Sound of Metal isn't trying to give us warm, pleasant feelings.” -Emily Clark(plugged in) ဒီကားကိုကြည့်ပြီး ခံစားချက်တွေ စုံနေအောင် ရတယ်။ နားမကြားတဲ့သူတစ်ယောက်ဖြစ်လာတာနဲ့ ရူဘင်ဆီကနေ အကြောက်တရား၊ စိတ်ဖိစီးမှု၊ ဝမ်းနည်းမှုတွေ ခံစားလာရတယ်။ Emily Clarkပြောထားခဲ့တဲ့အတိုင်းပဲ ဒီဇာတ်ကားက Heavy Metal သီချင်းတစ်ပုဒ်နားထောင်နေရတာနဲ့တူတယ်။ နွေးထွေးမှုတွေမပါတာ မဟုတ်ပေမယ့် ဒါတွေကို ပြချင်တာ မဟုတ်ဘူး။ လူတစ်ယောက် သူ့ရဲ့ စွဲလမ်းမှုကို ကျော်ဖြတ်ရပုံတွေ၊ လုံးဝပြောင်းလဲသွားတဲ့ ဘဝအသစ်နေထိုင်မှုအသစ်မှာ ကြိုးစားနေကြည့်ရပုံတွေကို ပြသွားတာ။ Drummer ဘဝက ဆူညံသံတွေနဲ့ Deafဘဝက တိတ်ဆိတ်မှုတွေကို ယှဉ်ပြသွားတယ်။ Deaf Communityကြီးလည်း ချပြသွားပြီး Community ထဲကလူတွေအချင်းချင်း ဖေးမတာတွေ၊ Deafဖြစ်တာက အားနည်းချက်မဟုတ်ဘူးဆိုတာကိုပါ လှလှပပပြသွားတယ်။ ဒီဇာတ်ကားမှာတော့ Deaf Personတစ်ယောက်ရဲ့ခံစားချက်တွေကို ကြည့်ရှုသူတွေပါ ခံစားမိအောင် သရုပ်ဆောင်နိုင်ခဲ့တဲ့ Riz Ahmedကို ချီးကျူးရမှာပါ။ အော်စကာစုနဲ့ လွဲခဲ့ပေမယ့် သူ့သရုပ်ဆောင်ချက်ကိုတော့ အသိအမှတ်ပြုသင့်ပါတယ်။ Sound of Metalဇာတ်ကားဟာ အော်စကာဆန်ခါတင်ခြောက်ဆုဝင်ခဲ့ပြီး နှစ်ဆု(Best Sound & Best Editing)ရရှိခဲ့ပါတယ်။ အခြား ဆုပေါင်း ၈၀ နဲ့ အခြားရုပ်ရှင်ပွဲတော်တွေရဲ့ ဆန်ကာတင်စာရင်းမှာ ၁၆၃ ခါ ဝင်ခဲ့ပါတယ်။ Reviewed and Translated by Daniel Lawwai Encoded by : August File Size : 2,3 GB and 1.4GB Quality : 1080p and 720p Subtitle : Myanmar (Hard Sub) Genre : Drama, Music Duration : 2h

At Eternity's Gate (2018) IMDb Rating (6.9) / Rotten Tomatoes (79%) အချိန်မှားပြီးမွေးဖွားခဲ့တဲ့ ခေတ်အဆက်ဆက်တည်မြဲနေဦးမယ့် ပန်းချီကားတို့ရဲ့ ဖန်တီးရှင်ဗင်းဆင့်ဗန်ဂိုးဟာ ဒတ်ချ်လူမျိုးပန်းချီဆရာတစ်ယောက်ပါ။ သူ့ရဲ့စိတ်ခံစားချက်ကို အရောင်များနဲ့ဖော်ပြတတ်သူဖြစ်ပြီး သူ့ရဲ့ပန်းချီကားတွေမှာ ပြင်းပြတဲ့စိတ်ဆန္ဒကို ကြက်သီးထဖွယ်တွေ့မြင်ရတတ်ပါတယ်။ သူဟာပန်းချီကို အလွန်ရူးသွပ်သူတစ်ယောက်ဖြစ်ပြီး အသက် ၂၇နှစ်မှစတင်ပြီး ပန်းချီဆွဲခဲ့တာပါ။ လောကမှ နာမည်အကျော်ကြားဆုံးနဲ့ ကံအဆိုးဆုံး ပန်းချီဆရာတစ်ယောက်ဆိုရင်လည်း မမှားပါဘူး။ ဘာလို့လဲဆိုတော့ သူဟာ အချိန်မှားပြီးမွေးဖွားလာခဲ့လို့ပါပဲ။ သူ့ခေတ်က ပန်းချီပညာရှင်အများစုက သူ့ကို အသိအမှတ်မပြုခဲ့ကြပေမယ့် ခေတ်သစ်ပန်းချီဆရာတွေကတော့ သူ့ပန်းချီကားတွေရဲ့ထူးခြားချက်ကို အသိအမှတ်မပြုဘဲ မနေနိုင်ကြပါဘူး။ သူ့ပန်းချီကားတွေဟာ သူသေဆုံးပြီး နှစ်၃၀ဆယ်ခန့်ကြာမှ စတင်နာမည်ကျော်ကြားလာခဲ့တာဖြစ်ပါတယ်။ ဘဝတစ်လျှောက်လုံး ဆင်းရဲနွမ်းပါးစွာနေလာခဲ့ရပြီး သေသွားသည့်တိုင်အောင်သူ့ကို ဘယ်သူကမှ အသိအမှတ်မပြုခဲ့ပါဘူး။ ဒါပေမယ့် ၁၀နှစ်လုံးလုံး ပန်းချီဆွဲတဲ့အလုပ်ကို စိတ်ဓာတ်ကြံ့ခိုင်စွာနဲ့ ဇောက်ချလုပ်ခဲ့ပါတယ်။ အသက် ၃၇နှစ်မှာသေဆုံးခဲ့ပြီး ပန်းချီဆွဲခဲ့တဲ့ ၁၀နှစ်တာ ကာလတစ်လျှောက်မှာပန်းချီကားချပ်ပေါင်း ၁၆၀၀ခန့်ရေးဆွဲခဲ့ပါတယ်။ ပန်းချီကားတိုင်းဟာ သူပြောပြချင်တဲ့ အကြောင်းအရာတွေသူဖော်ပြချင်တဲ့ စိတ်ခံစားမှုအခြေအနေတွေ ပြည့်နှက်နေပါတယ်။ သူအသက်ရှင်စဉ်ကာလတစ်လျှောက်မှာ ပန်းချီကားက ၁ချပ်ပဲရောင်းခဲ့ရပါတယ်။ အဲ့ဒါတောင်မှ သူ့မိတ်ဆွေနာမည်ကြီး ပန်းချီဆရာတစ်ယောက်ကခင်မင်မှုသဘောနဲ့ဝယ်ယူခဲ့တာပါ။ အစမှာပြောခဲ့သလိုပဲသူဟာ အချိန်မှားပြီး မွေးဖွားလာခဲ့တာပါ။ အခုချိန်မှာဆိုရင်တော့ သူ မသေခင်ကရေးဆွဲခဲ့တဲ့ "Portrait of Dr Gachet" ဆိုတဲ့ ပန်းချီကားဟာ ဒေါ်လာ ၁၀၀ မီလီယံကျော်တန်ကြေးရှိပါတယ်။ ဒါတွေကတော့ ဇာတ်ကားလေးမကြည့်ခင် သိထားသင့်တဲ့သူ့ရဲ့သနားစဖွယ် ဇာတ်ကြောင်းလေးတစ်ခုပါ။ ဒီဇာတ်ကားလေးထဲမှာတော့ အနုပညာကိုရူးသွပ်ပြီး သိပ်ကိုသံယောဇဉ်ကြီးမားတဲ့ ဗင်ဆင့်ကိုဂရုဏာသက်ဖွယ် တွေ့ရှိရမှာပါ။ ဒီဇာတ်ကားလေးဟာ အနုပညာရှင်ကြီး ဗင်ဆင့်ဗန်ဂိုးရဲ့ အတ္ထုပ္ပတ္တိဆိုရင်လည်း မမှားပါဘူး။ ဒါ့အပြင် ကမ္ဘာကျော် ပန်းချီဆရာကြီး ဗင်ဆင့်ဗန်ဂိုးရဲ့ အနုပညာအပေါ်သဘောထားနဲ့ ခိုင်မာတဲ့စိတ်ဓာတ်ကို ဒီဇာတ်ကားထဲမှာ လေးစားဖွယ်တွေ့ရှိရမှာပဲဖြစ်ပါတယ်။ File size… (2.4 GB) / (1.9 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History Duration…. 01:51:37 Subtitle…. Myanmar Subtitle (Hardsub)

IMDb - 8.1/10 Rotten - 91% Won 4 Oscars. Another 130 wins & 225 nominations. ဒီရုပ်ရှင်အကြောင်းမပြောခင် ဒီရုပ်ရှင်ကားနဲ့ ရခဲ့တဲ့ Award တွေ အရင်ပြောပြပါမယ်... 1. Best Achievement in Costume Design 2. Best Achievement in Makeup and Hair styling 3. Best Achievement in Music Written for Motion Pictures, Original Score 4. Best Achievement in Production Design ဆိုတဲ့ အော်စကာ ဆု လေးဆု ရရှိခဲ့ပြီး တစ်ခြား Award များစွာကိုလဲ ရရှိပိုင်ဆိုင်ထားပါတယ်... ဒီရုပ်ရှင် ကြည့်နေတုန်းမှာ မျက်လုံးကို အနားမပေးပါနဲ့ ဆံပင်ဒီဇိုင်း ဆက်တင်အခန်းအနား မျက်နှာအမူရာတွေကို မလွတ်တန်း လိုက်ကြည့်နေပါ အဖိုးတန်လွန်းပါတယ်... သင်ဟာ ပုံပြင်နားထောင်ရတာ ကြိုက်တယ်ဆိုရင် ပိုသင့်တော်ပါမယ် ဘာလို့ ဆိုတော့ ပုံပြင်ကောင်းတစ်ပုဒ်ကိုနားထောင်နေရတဲ့ အတိုင်း ဇတ်လမ်းကို ပြောပြနေလို့ပါ... ဒီရုပ်ရှင် ရဲ့ အဓိက နေရာကတော့ Grand Budapest ဆိုတဲ့ ပန်းရောင် အဆင်းချယ်ထားတဲ့ ဟိုတယ်ကြီး ဖြစ်ပြီး.... အဓိက ဇတ်ကောင်ကတော့ ဟိုတယ်အုပ်ချူပ်သူ ဂူစ်စတေ့စ် နဲ့ သူ့ရဲ့ တပည့်ကျော်လေး ဧည့်ကြို ဇီးရိုး တို့ပဲ ဖြစ်ပါတယ်... ဒီဇတ်လမ်းကို သင်ကြည့်နေတုန်း ဂူစ်စတေ့စ် နဲ့ ဇီးရိုး ရဲ့ ရာဇဝင်ကို ခန့်မှန်းမိအုံးမှာမဟုတ်ပါဘူး ဇတ်လမ်း ရဲ့ ၃ ပုံ ၂ ပုံ ရောက်ရင် မျက်ရည်သုတ်ရမှာမို့ လက်ကိုင်ပုဝါလေးတော့ ဆောင်ထားပါ.... အစပိုင်း အခန်းတစ်ချို့မှာ 18+ အခန်းတစ်ချို့ ဖြတ်ခနဲ ပါတာကလွဲရင် မိသားစု ကြည့်လို့ အဆင်ပြေတဲ့ ရုပ်ရှင်ကား ဖြစ်ပေမယ့် နားလည်လွယ်ဖို့ ခက်ပါတယ် ပေါတောတော ကားတွေ ကြည့်နေတဲ့ သူတွေ အဖို့ နားမလည်ပေမယ့် စဉ်းစားတက် တွေးတက် တဲ့ သူတွေ အတွက်ကတော့ လက်မလွှတ်နိုင်တဲ့ ရုပ်ရှင်ကားကောင်း တစ်ကား ဖြစ်ကြောင်း အာမခံပါတယ်... ဒီဇတ်လမ်း ရဲ့ အကြောင်းကို နည်းနည်းလေးမှ ရှင်းမပြချင်ပါဘူး ဘာဖြစ်လို့လဲ ဆိုတော့ ပြောပြလိုက်ရင် ကြည့်ရတဲ့ နေရာမှာ အရသာ ပျက်သွားမှာ ဆိုးလို့ပါ အဓိက အချက်ကတော့ ဂူစ်စတေ့စ် နဲ့ ဇီးရိုး တို့ ရဲ့ ကမောက်ကမ စွန့်စားခန်းတွေက ပေါတောတော မဆန်ပဲ ရယ်ရတာရယ် ဆရာတပည့် ၂ ယောက်ရဲ့ သံယောဇဉ် တစ်ခုရယ် အချစ်တွေ ဟာသတွေ သစ္စာရှိမှု နဲ့ အလွမ်းအဆွေး တွေ တစ်နေရာထဲမှာ ခံစားလို့ရမှာ ဖြစ်တဲ့အတွက်ပါ အခုပဲ Channel Myanmar ကနေ တဆင့် ကြည့်ရှုလိုက်ပါတော့.... ဒီရုပ်ရှင်ကားကို ဘာသာပြန်ပေးထားသူကတော့ Archi Thang Gyi ဖြစ်ပါတယ် File size - ( 944 MB ) Quality - BluRay Rip Format - MP4 Duration -1h 40m Subtitle - Myanmar Subtitle Translator - Archi Thang Gyi Encoder - Thit San Khant

အသက် ၂၈ နှစ်အရွယ် ဘီလျံနာ အဲရစ်ပက်ကာဟာ မနက်ခင်းတစ်ခုမှာ ငယ်ငယ်ကတည်းက ဆံပင်ညှပ်ပေးခဲ့တဲ့ ဆရာဆီ သွားဖို့ လီမိုဇင်းဇိမ်ခံကားကြီးနဲ့ မန်ဟက်တန်မြို့ထဲကို ထွက်လာပါတယ်။ ဒါပေမယ့် အဲဒီနေ့မှာပဲ သမ္မတယာဉ်ကြောင်း၊ နာမည်ကြီး ရက်ပ်အဆိုတော်တစ်ယောက်ရဲ့ ဈာပနနဲ့ မင်းမဲ့ဝါဒီတွေရဲ့ ဆန္ဒပြပွဲတို့ တိုက်ဆိုင်နေတယ်။ တစ်ဖက်မှာလည်း ယွမ်ဈေးက အဆမတန် ထိုးကျနေပြီး သူ့ရင်းနှီးမြှုပ်နှံမှုတွေထဲက သန်းပေါင်းများစွာကို တစ်ရက်အတွင်း ဆုံးရှုံးရတော့မယ့် အခြေအနေ ရောက်နေပါတယ်။ Robert Pattinson က အဲရစ်ပက်ကာအဖြစ် သရုပ်ဆောင်ထားပြီး ဇာတ်လမ်းကို အက်ရှင်ထက် စကားပြောခန်းတွေနဲ့ အဓိက ဆက်သွားထားပါတယ်။ တစ်နေ့တာအတွင်း သူ့ဇနီး၊ လုပ်ဖော်ကိုင်ဖက်နဲ့ ဆံပင်ညှပ်ဆရာတို့အပါအဝင် သူတွေ့ဆုံစကားပြောရသူတွေရဲ့ အမြင်နဲ့ အတွေးအခေါ်တွေကို တစ်ခန်းချင်း ဖော်ပြထားတယ်။ သူတို့ရဲ့ စကားဝိုင်းတွေကနေ နိုင်ငံရေးနဲ့ စီးပွားရေးအကြောင်းတွေကိုလည်း ဆွေးနွေးထားပါတယ်။ လိင်ဆက်ဆံခန်းအချို့ ပါဝင်ပါတယ်။

အဒဲဟာ ပြင်သစ်က နာမည်ကျော် ဆောင်းပါးရေးဆရာမတစ်ယောက်ဖြစ်ပြီး သူသိပ်ချစ်တဲ့ အမွှာညီမတစ်ယောက် ရှိပါတယ်။ အဒဲရဲ့ နမော်နမဲ့နိုင်မှုတစ်ခုကြောင့် ညီမဖြစ်သူဟာ ခေတ်ပေါ်ဆရာဝန်တွေ မကုသနိုင်တဲ့ ဝေဒနာရပြီး သေလုမျောပါး ဖြစ်နေတယ်။ ညီမကို ဒီအတိုင်း မကြည့်ရက်တော့တဲ့ အဒဲက ရှေးခေတ်မှော်ပညာနဲ့ ကယ်တင်ဖို့ နည်းလမ်းရှာရင်း အီဂျစ်က မံမီတွေနောက် လိုက်ပါတော့တယ်။ သူ့အကြံက မံမီတွေကို အသက်ပြန်သွင်းပြီး ညီမကို ကယ်ဖို့ပါ။ မံမီတွေ၊ ရှေးခေတ်ငှက်တွေနဲ့ မှော်ပညာတွေ ပါဝင်တဲ့ ဒီစွန့်စားခရီးမှာ အခက်အခဲတွေအပြင် အလွဲအချော်တွေလည်း ကြုံရတယ်။ အဒဲရဲ့အကြံ အောင်မြင်နိုင်မလားဆိုတာကို အတည်ပေါက် ဟာသတွေနဲ့ ဆက်ပြထားတဲ့ ပြင်သစ်စွန့်စားခန်းဟာသဇာတ်ကားပါ။

Genre – Action, Biography, Crime IMDB – 7.4/10 ပြင်သစ် လမ်းမတော်ဖိုးတုတ်ကြီးရဲ ဒုတိယကား လာပါပြီ။ ဒီကားကြည့်မယ်ဆို ပထမကား ဖြစ်တဲ့ Mesrine: Killer Instinct ကို အရင်ကြည့်ပေးကြပါ တင်ထားတာရှိပါတယ် မဟုတ်ရင် ဇာတ်လမ်းကို နားမလည်ပဲ နေမှာစိုးလို့ပါ။ ဒီတော့ ပထမကားမှာ တဖြည်းဖြည်းနဲ့ ဆရာကြီးလူမိုက် ဖြစ်ပြီးနောက် ဒီ ဒုတိယကားမှာတော့ ပြင်သစ်တစ်နိုင်ငံလုံးရဲ့ အလိုအရှိဆုံး ဝရမ်းပြေး နံပါတ် ၁ ဖြစ်သွားခဲ့ပါပြီ။ ဒီ ဂျက်မယ်ရင်းဆိုတာက ပြင်သစ်နိုင်ငံ ၁၉၇၀ ခုနှစ်ဝန်းကျင် လောက်မှာ အပြင်မှာတကယ်ရှိခဲ့တဲ့ လူမိုက်ကြီးတစ်ယောက်ပါ သူ့ရဲ့ ကြမ်းတမ်းပုံတွေ ဘဏ်လုယက်တာ ထောင်ဖောက်တာ ပြန်ပေးဆွဲတာ မိန်းမတွေနဲ့ ကြူးတာ စသဖြင့် လမ်းမတော်ဖိုးတုတ်လုပ်ပုံတွေကို ရိုက်ကူးပြထားတဲ့ ဖြစ်ရပ်မှန်ကားကောင်းပါ။ ဒီ ဒုတိယကားမှာတော့ အရင်ကားလို သာမညလူဆိုးတစ်ယောက်မဟုတ်တော့ပဲ တစ်တိုင်းပြည်လုံးက သိတဲ့လူဆိုးဖြစ်နေပြီး ထောင်တွေ ဉာဏ်ပါပါ ဖောက်ခဲ့တာတွေ၊ တရားရုံးမှာ ဘယ်လိုသောင်းကျန်းပြီး တရားသူကြီးကို ဘယ်လိုတွေဖြဲခဲ့တာ၊ တောထဲမှာ သက်စွန့်ဆံဖျား ရဲလက်ကနေ ပြေးရတာတွေ၊ တဖြည်းဖြည်းနဲ့ လူမိုက်လုပ်ရာကနေ စနစ်ကို တော်လှန်ချင်တဲ့ စိတ်ကူးတွေပေါက်လာတာတွေ၊ သူဌေးကြီးတွေကို ပြန်ပေးဆွဲပြီး ငွေညှစ်ကြတာတွေ၊ သတင်းထောက်တွေနဲ့ ညှိကြတာတွေ၊ နောက်ဆုံး လူမိုက်တို့သွားရာလမ်း သေလမ်းကို ဘယ်လိုဘယ်ပုံရောက်ခဲ့တာတွေနဲ့ အတော် ကြည့်လို့ကောင်းတဲ့ Biography ကားတစ်ကားပါ။ မင်းသားနေရာက ဟောလိဝုဒ်ကား တွေမှာပါ သရုပ်ဆောင်ဖူးတဲ့ ပြင်သစ်မင်းသားကြီး Vincent Cassel က ပိုင်နိုင်စွာ သရုပ်ဆောင်ထားပါတယ်။ ဒါရိုက်တာနေရာမှာဆိုလည်း ၂၀၂၃ ခုနှစ်တုန်းက ထွက်ထားတာ မကြာသေးတဲ့ Gerald Butler ရဲ့ Plane လေယာဉ်ပျက်ကျပြီး သက်စွန့်ဆံဖျား ရုန်းကန်ရတဲ့ကားကို ရိုက်ပေးထားတဲ့ ပြင်သစ်ဒါရိုက်တာ Jean-François Richet ပဲ ဖြစ်ပါတယ်။ လူမိုက်ဇိုးဘဲကြီးကား ဖြစ်တဲ့အတွက် အိပ်ရာပေါ်အခန်းတွေ အသတ်အဖြတ်တွေပါတဲ့အတွက် သတိထားပြီး ကြည့်ရှုစေလိုပါတယ်ဗျ။ ပြင်သစ် ဖိုးတုတ်ကြီးကို ခံစားလိုက်ကြပါဦး။ File size…2.96GB / 1.06GB Quality…WEB-DL 1080p / 720p Format…mp4 Duration….2h 13m Genre ….. Action , Biography , Crime Subtitle….Myanmar Subtitle (Hard Sub) Encoder….Min Wai Translated by Thura Aung

James Bond ဇာတ်ကားတွေ ထွက်ရှိခဲ့တာ မင်းသားကြီး ရှောင်ကွန်နရီရဲ့ Dr.No (1962) ကနေ အခုနောက်ဆုံးထွက် Spectre (2015) ထိ (၂၄) ကားရှိပါတယ်။ Quantum of Solace ဇာတ်ကားမှာ ၂၁ ကားမြောက် ဂျိမ်းဘွန်းဇာတ်ကား Casino Royal ဇာတ်ကားနဲ့ ဆက်နွယ်မှု ရှိပါတယ်။ Casino Royal ဇာတ်ကားမှာ ဘွန်းနှင့် မစ္စတာဝှိုက်တို့ ကာစီနိုကစားပွဲအပြီး နောက်တစ်နာရီ အကြာ ဖြစ်ပျက်သော ဖြစ်ရပ်တခုနဲ့ Quantum of Solace ဇာတ်ကားကို စဖွင့်ထားတာပါ။ ဒီဇာတ်ကားကတော့ IMDb Rating(6.7/10) နဲ့ Rotten Tomatoes (65%) ရရှိထားပါတယ်။ File size…(2.3 GB) and (1.2 GB) Quality….BluRay 1080p and 720p (HEVC Encode) Format…mkv Duration….01:46:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

The Diving Bell and the Butterfly (2007) ဘဝတစ်လျှောက်လုံး တစ်ခါမှရှုံးနိမ့်မှုကိုမခံစားရဘဲ ပျော်ပျော်ရွှင်ရွှင်နဲ့ ဖြတ်သန်းလာခဲ့တဲ့ ဂျွန်ဒိုမီနစ်ခ်ဘူဘီတစ်ယောက် တစ်နေ့မှာ ရုတ်တရက် လေဖြတ်သွားပါတော့တယ်။ တစ်ဘဝလုံး ကိုယ့်စိတ်တိုင်းကျနေလာခဲ့တဲ့ ဂျွန်ဒိုတစ်ယောက် လေဖြတ်ပြီး မျက်လုံးတစ်ဖက်ကလွဲလို့ ဘယ်အရာမှစိတ်တိုင်းကျမလှုပ်ရှားနိုင်တဲ့အတွက် စိတ်ဓာတ်ကျလာပါတယ်။ ဒါပေမဲ့ မိသားစုဝင်တွေ ဆရာဝန်တွေရဲ့အကူအညီနဲ့ ပြန်လည်ထူထောင်ရေးလုပ်ငန်းစဉ်တွေကို လုပ်ဆောင်ပြီးနောက်မှာတော့ ဘဝကိုအရှုံးမပေးဘဲ လုပ်ချင်ခဲ့တဲ့အရာတွေ ပြန်လုပ်ဖို့ ကြိုးစားလာပါတယ်။ ဒီလိုနဲ့ သူနာပြုမလေးအကူအညီနဲ့ စာအုပ်ရေးဖို့ဖြစ်လာခဲ့ပြီး ဒီစာအုပ်ထဲကတစ်ဆင့် သူပြောချင်တာတွေကို ထုတ်ပြောနိုင်ခဲ့ပါတယ်။ အခုဇာတ်ကားလေးက ဂျွန်ဒိုမီနစ်ခ်ရေးခဲ့တဲ့ The Diving Bell and the Butterflyဆိုတဲ့ စာအုပ်ကို ပြန်လည်ရိုက်ကူးထားတာဖြစ်ပြီး လေဖြတ်နေတဲ့ရောဂါသည်တစ်ယောက်ရဲ့ ခံစားချက် အတွေးအမြင်တွေကို သိရှိခံစားနိုင်မှာပဲဖြစ်ပါတယ်။ Rating အနေနဲ့လည်း IMDb မှာ 8/10 နဲ့ Rotten Tomatoes မှာ 94%ရထားတဲ့အပြင် ၂၀၀၇ခုနှစ်မှာ ထွက်ရှိခဲ့တဲ့ အကောင်းဆုံးဇာတ်ကားတွေထဲက တစ်ကားအဖြစ် မှတ်တမ်းဝင်ထားတဲ့ကားလေးပဲဖြစ်ပါတယ်။ File size…      2.8 GB /  1.1 GB Quality… BluRay 1080p / 720p Format… mp4 Duration…. 1h 52m Genre ..... Drama Subtitle…. Myanmar Subtitle (Hard Sub) Encoder…. Thit San Khant Translated by Benni

Marie Antoinette(2006) အညွှန်း IMDb...7.0 ၁၇ ရာစုမှာ ပြင်သစ်တော်လှန်ရေးဖြစ်ခဲ့ပြီး တော်လှန်ရေးမဖြစ်ခင် နောက်ဆုံးစိုးစံခဲ့တဲ့ ဘုရင်မက မာရီအန်တွီနက်ပါပဲ သူကတော့ တခြားသူမဟုတ်ပါဘူး ‘ပေါင်မုန့်မရှိရင် ကိတ်မုန့်စား’ ဆိုပြီး ရာဇဝင်တွင်မယ့် စကားကိုဆိုခဲ့တဲ့သူပဲဖြစ်ပါတယ် ဒီဇာတ်ကားဟာ သူ့ကိုဗဟိုပြုပြီး ရိုက်ကူးထားတာဖြစ်ပြီး spiderman မင်းသမီးဟောင်း Christen Dunst ပါဝင်ထားပါတယ် မာရီတစ်ယောက် အမျိုးသမီးပင် ဖြစ်လင့်ကစား ပြင်သစ်နန်းတွင်းမှာ ဝင်ဆန့်အောင်ကြိုးစားရပုံတွေ ထီးနန်းဆက်ခံမယ့်သားတော်မွေးစေချင်တဲ့ ဖိအားတွေကို ဘယ်လိုရင်ဆိုင်မလဲဆိုတာ ကြည့်ရှုခံစားရမှာပါ... File Size :(2.1GB)(1.1GB) and (239MB) Quality : Blu-Ray 1080p5.1Ch, 720P Format…mp4 Duration…02:03:00 Genre : , Drama ,Biography , History Subtitle : Myanmar Subtitle (Hard Sub) Translated by May Myat Thu Encoded by Phyo Pyae

Munich (2005) IMDb - 7.5/10 Rotten - 78% ပါလက်စတိုင်းမြေကို ဂျူးတွေက သူတို့ဘိုးဘွားတွေပိုင်တဲ့ မြေဆိုပြီး ကျူးကျော်ဝင်ရောက် နေထိုင်တယ် ။ ပါလက်စတိုင်းပြည်သူတွေဟာ သူတို့မြေကို ဖယ်ပေးလိုက်ရပြီး ဒုက္ခသည်စခန်းတွေမှာ လူမသိ သူမသိပဲ ၂၄ နှစ်တိတိ နေလိုက်ရတယ် ။ နှစ်စဉ်နှစ်တိုင်း အစ္စရေးတွေကြောင့် ပါလက်စတိုင်းတွေ သွေးမြေကျတာ ဘယ်သူမှ မသိဘူး ။ သူတို့ရင်ထဲမှာတော့ တစ်နေ့တော့ ပါလက်စတိုင်း နိုင်ငံတော်ကြီးပြန်လည်တည်ဆောက်ကြမယ့် အိပ်မက်တွေ ဆုပ်ကိုင်ထားတယ် ။ ကမ္ဘာကြီးပေါ်က အမေ့အလျော့ခံ ပါလက်စတိုင်းတွေဟာ တစ်နေ့တော့ ဂျာမဏီနိုင်ငံမှာ ကျင်းပနေတဲ့ ၁၉၇၂ အိုလံပစ်ပွဲမှာ အစ္စရေး အားကစားသမားတွေကို ပြန်ပေးဆွဲပြီး သတ်ပစ်လိုက်ကြတယ် ။ လူတွေဟာ ပါလက်စတိုင်း ဒုက္ခသည်တွေကို ဂရုစိုက်မိအောင်ပေါ့ ။ အစ္စရေးအစိုးရဟာ ချက်ချင်းပဲ ဂျူးမျိုးချစ်လူငယ် လူလေးယောက်ကို စေလွှတ်ခဲ့တယ် ။ မြူးနစ်အိုလံပစ်အကြမ်းဖက်မှုရဲ့နောက်ကွယ်က လူ ၁၁ ယောက်ကို တိတ်တဆိတ် လုပ်ကြံသတ်ဖြတ်ဖို့ပေါ့ ။ ဂျူးနဲ့ ပါလက်စတိုင်းဘယ်သူတွေဟာ ကမ္ဘာ့အလယ်မှာ တကယ် သနားဖို့ကောင်းလဲ ဆိုတာ ဒီရုပ်ရှင်ကပြသသွားတယ် ။ တကယ်တမ်း တွေးစရာအချက်က ပါလက်စတိုင်းတွေဟာ တကယ်ပဲ အကြမ်းဖက် ခဲ့သလား ? ဂျူးတွေဟာ သူတို့နိုင်ငံ ပြန်ပေးရမှာကြောက်လို့ ပါလက်စတိုင်းတွေကို လူတွေ မုန်းပြီး အထင်လွဲအောင် သူတို့ကိုယ်တိုင်ပဲ တမင်တကာ ပြုလုပ်ခဲ့သလား? ဆိုတာတော့ စိတ်ဝင်စားစရာပါပဲ ။ ကမ္ဘာ့အလယ်မှာ အထူးသဖြင့် မူဆလင်နိုင်ငံတွေရဲ့ အလယ်မှာ တစ်ကိုယ်တည်း ရပ်တည်ဖို့ဆိုတာ လှည့်ကွက်တွေ မျက်ရည်ခြူကွက်တွေ မပါပဲနဲ့တော့ ဘယ်နိုင်ငံကမှ အစ္စရေးနိုင်ငံဖြစ်လာဖို့ ထောက်ခံခဲ့မှာ မဟုတ်ဘူး ဆိုတာပါပဲ ။ ဂျူးတွေကပဲ လုပ်ဇာတ်နဲ့ မျက်ရည် ခြူမလား? ပါလက်စတိုင်းတွေကပဲ တကယ်ဆိုးသလား ? ဆိုတာတော့ .... ဇာတ်ကားနဲ့မဆိုင်ပါဘူး ဒါ ကျနော့ အတွေး သက်သက်ပါ File Size : (1.2 GB)  Quality : Blu-Ray 720p Running Time : 2hr 44min Format : Mp4 Genre :Action, Drama, History, Thriller Subtitle : Myanmar Subtitle (Hard Sub) Source :1080p.BluRay.x264-GECKOS Synchronization by Wai Linn Kyaw Review by Wai Linn Kyaw Encoded by Thanhtike Zaw

နှုတ်ခမ်းမွှေး မရိတ်ဘဲထားလာတာ ကြာပြီဖြစ်တဲ့ အမျိုးသားတစ်ယောက်ဟာ တစ်နေ့မှာ ရိတ်လိုက်ပြီး ဇနီးနဲ့အတူ မိတ်ဆွေတွေရဲ့ ကလေးမွေးနေ့ပွဲကို သွားပါတယ်။ သူ့အသွင် ပြောင်းသွားတာကို ဇနီးအပါအဝင် ဘယ်သူကမှ သတိမထားမိကြဘူး။ အပြန်မှာတော့ အားလုံးက သူ့ကို ဝိုင်းနောက်နေကြတာလားဆိုပြီး ဒေါသထွက်လာပါတယ်။ ဇနီးရဲ့အဖြေက သူထင်ထားသလို မဟုတ်ဘူး။ သူ့မှာ အရင်ကတည်းက နှုတ်ခမ်းမွှေး မရှိခဲ့ဖူးဘူးလို့ ပြောလာတာပါ။ ကိုယ့်မှာ ရှိခဲ့တယ်လို့ မှတ်မိနေတဲ့အရာကို အနီးဆုံးလူကပါ ငြင်းနေတော့ သူလည်း လက်ခံဖို့ ခက်နေတယ်။ ဒါနဲ့ သူ့ဘဝထဲက တခြားလူတွေကို လိုက်မေးပြီး သူ့နှုတ်ခမ်းမွှေး ပျောက်သွားတာ သတိထားမိကြသလားဆိုတာ စမ်းကြည့်ပါတယ်။ မေးလေလေ အရင်ကတည်းက မရှိခဲ့သလို ဖြစ်လာလေလေဆိုပေမယ့် သူ့အတွက်တော့ ရှိခဲ့တာလား၊ မရှိခဲ့တာလား မသေချာနိုင်သေးပါဘူး။ ပြင်သစ်ဒါရိုက်တာ Emmanuel Carrère ရိုက်ကူးထားတဲ့ လျှို့ဝှက်ဆန်းကြယ် စိတ်ပိုင်းဆိုင်ရာဒရာမာဖြစ်ပြီး Vincent Lindon နဲ့ Emmanuelle Devos တို့ ပါဝင်သရုပ်ဆောင်ထားပါတယ်။ Vincent Lindon က ကိန်းရုပ်ရှင်ပွဲတော်မှာ မင်းသားဆုရထားသူဖြစ်ပြီး Emmanuelle Devos ကတော့ César အကောင်းဆုံးမင်းသမီးဆု ရထားသူပါ။