Miles Jupp ပါဝင်သော ဇာတ်ကားများ

Mother's Pride (2026) အကြွေးတွေဝိုင်းဝိုင်းလည်နေတဲ့ ရွာဘီယာဆိုင်ပိုင်ရှင် Mick Harley က သူ့ရဲ့သား တစ်ကိုယ်တော်ဖခင်ဖြစ်တဲ့ Jake နဲ့အတူ ငွေရေး‌ကြေးရေး အခက်အခဲ‌ဖြစ်နေကြတဲ့သူတွေပါ။ သူတို့ရဲ့ ဘီယာဆိုင်လေးက ဘီယာဆက်ချက်ဖို့ ပိုက်ဆံမရှိတော့တဲ့အပြင် ရွာကလူတွေအားလုံးကလည်း မောက်မာတဲ့ စီးပွားရေးသမား Pritchard ရဲ့ ခေတ်မီအဆင့်မြင့်တဲ့ ဘီယာဆိုင်ကြီးဆီကိုပဲ အားပေးကြပါတော့တယ်။ Pritchard ကတော့ Harley တို့ ဆိုင်နယ်မြေကို အပိုင်သိမ်းဝယ်နိုင်ဖို့ Harley မိသားစု ဒေဝါလီခံဖို့ မျှော်လင့်နေတဲ့သူတစ်ယောက်ပေါ့။ နောက်တော့ လွန်ခဲ့တဲ့သုံးနှစ်က ဂီတအိပ်မက်နောက်ကိုလိုက်ဖို့ ထွက်ပြေးသွားခဲ့ပြီး နာမည်ကြီးအဆိုတော်တစ်ယောက် ဖြစ်လာခဲ့တဲ့ Mick ရဲ့ နောက်ထပ်သားဖြစ်သူ Cal က ရွာကိုပြန်လာခဲ့တဲ့အချိန်မှာတော့ သူ့ကို ခွင့်မလွှတ်သေးတဲ့ အဖေဖြစ်သူ Mick ရဲ့ ဝမ်းပမ်းတသာ ကြိုဆိုခြင်းကိုမခံခဲ့ရပါဘူး။ ဒါပေမဲ့ Harley မိသားစုရဲ့ ဘီယာဆိုင်လေးက ဒေဝါလီခံခါနီးဖြစ်နေတာကို သိလိုက်ရချိန်မှာတော့ မိသားစုကြားက မကျေမနပ်မှုတွေရှိပေမဲ့ သူတို့ရဲ့ မိသားစုဆိုင်လေးကို ကယ်တင်ဖို့အတွက် ဘယ်လိုတွေအတူတူပူးပေါင်းပြီး စည်းစည်းလုံးလုံးကြိုးစားကြမလဲဆိုတာကို ရယ်မောစရာဟာသတွေနဲ့ ကြည်ကြည်နူးနူး ကြည့်ရှုရမှာပဲဖြစ်ပါတယ်။ File size… (1.5 GB) / (790 MB) Quality…. Blu-Ray 1080p HEVC / 720p Format…. mkv/mp4 Genre…. Comedy Duration…. 01:33:00 Subtitle…. Myanmar Subtitle (Hardsub)

Savage House (2026) အရင်က ဆင်းရဲသားတစ်ဦးဖြစ်ခဲ့ဖူးတဲ့ "ချောင်စီ"ကတော့ ငွေပေးပြီး ဘွဲထူးဂုဏ်ထူးတွေကို ဝယ်ယူပြီး အထက်တန်းလွှာအသိုင်းအဝိုင်းထဲ ​ရောက်ရှိလာသူပါ အထက်တန်းလွှာအဖြစ် ဆက်လက်ရပ်တည်နိုင်ဖိုအတွက် အထက်တန်းလွှာမျိုးရိုး​မြင့်ဖြစ်သူ လေဒီဆားဗေ့ချ်နဲ့ လက်ထပ်ခဲ့ပြီး ဆားဗေ့ချ်မျိုးရိုးနာမည်ကို ပြောင်းခဲ့ပါတယ် ​ဒါ​ပေမဲ့လည်း သူတိုရဲ့ အသုံးအဖြုန်းကြီးမှုကြောင့် အကြွေးတွေပိပြီး သူတိုပိုင်ဆိုင်တဲ့ အိမ်တော်ကြီးကလည်း စုတ်ပြတ်ပျက်စီးနေခဲ့ပါပြီ အဲဒီအချိန်မှာ အာဏာကြီးတဲ့ ​မြိုစားမင်းနဲ့ ​မြိုစားမင်းကတော်က သူတိုအိမ်ကို ညစာစားဖို လာရောက်လည်ပတ်မယ်လို အကြောင်းကြားလာတဲ့အခါမှာတော့ သူတို​တွေဟာ အခွင့်အရေးကို အမိအရဆုပ်ကိုင်ဖို ကြိုးစားပါတော့တယ် ​ဂုဏ်ပကာသန ပြချင်လွန်းတဲ့ ချောင်စီဆားဗေ့ချ်က ဟာ ရှိသမျှအမွေအနှစ် ပစ္စည်းတွေကို ရောင်းချတဲ့အပြင် အကြွေးအတင်ခံပြီး ညစာစားပွဲအတွက် ပြင်ဆင်ခဲ့ပါတယ် ဒါပေမယ့် အိမ်တော်ကြီးမှာ လျှိဝှက်ဖောက်ပြန်မှုတွေ အကြွေးပြဿနာတွေ အာဏာလိုချင်စိတ်နဲ့ လောဘတွေကြောင့် အရာအားလုံးက အရှုပ်အထွေးတွေအဖြစ် ပြောင်းလဲသွားပါတယ် ညစာစားပွဲမရောက်ခင် အိမ်တော်ကြီးထဲက အရှုပ်တွေကို ဖြေရှင်းနိုင်မလား... မြိုစားမင်းနဲ့မြိုစားမင်းကတော်အတွက် စီစဥ်ထားတဲ့ ညစာစားပွဲက ဘယ်လိုဆက်ဖြစ်သွားမလဲဆိုတာကိုတော့... ၁၈ ရာစုအပြင်အဆင်ကို ခမ်းခမ်းနားနားရိုက်ကူးထားပြီး Dark Comedy ကြိုက်တဲ့သူတွေအတွက် လက်မလွတ်သင့်တဲ့ ဇာတ်ကားကောင်းလေးပါပဲ

Belgravia: The Next Chapter (2024) Belgravia: The Next Chapter ဆိုတာကတော့ 2020 က ထွက်ရှိခဲ့တဲ့ Belgravia ဇာတ်လမ်းတွဲရဲ့ အဆက်စီးရီးပဲဖြစ်ပါတယ်။ Downton Abbey နဲ့ The Gilded Age လို နာမည်ကျော် Period Drama တွေရဲ့ ပဲ့ကိုင်ရှင်တွေရဲ့ ဇာတ်လမ်းဖြစ်ပြီး ပထမစီးရီးမှာကတည်းက IMDb မှာ 7.5/10 နဲ့ Rotten Tomatoes မှာ Audience Score 82% ရထားသလို ဆန်ခါတင်စာရင်း ၇ ခုတောင်ဝင်ထားတာဖြစ်တဲ့အပြင် ခု The Next Chapter ကိုလည်း Rating ကောင်း၊ ရဗျူးကောင်းတွေ ဆက်ပြီးရထားအောင် MGM က အကောင်းဆုံး ကြိုးစားထားပါတယ်။ ~ ဇာတ်လမ်းအကျဉ်း ~ ဖရက်ဒရစ် ထရန်းချက်ဆိုတဲ့ လူကုံထံတစ်ယောက်ရဲ့သားဟာ ငယ်စဉ်ကတည်းက အဖေဖြစ်သူရဲ့ချစ်ခြင်းတရားကို မခံစားဖူးသူပေါ့။ ဘာလို့ဆို သူဟာ သူတို့ ထရန်းချက်မိသားစုရဲ့ တရားဝင်သွေးမဟုတ်ဘဲ သူ့အမေက တခြားသူတစ်ဦးနဲ့ဖောက်ပြန်ပြီးရလာတဲ့ သားဦးဖြစ်တဲ့အတွက်ကြောင့်ပဲဖြစ်ပါတယ်။ ဒါကိုသိနေခဲ့တဲ့ ဖရက်ဒရစ်ရဲ့အဖေဟာ သွေးသားမဟုတ်တဲ့ ဖရက်ဒရစ်ကို ငယ်စဉ်ကတည်းက သားနဲ့မတူအောင်ဥပက္ခောပြု မေတ္တာတရားမပါဘဲ ဆက်ဆံခဲ့ပြီး သူ့ညီဖြစ်တဲ့ ဂျိမ်းစ်ကိုပဲ တကယ့်သွေးသားရင်းခြာလို ချစ်ခဲ့ပါတယ်။ အဖြစ်မှန်ကိုမသိတဲ့ ဖရက်ဒရစ်ဟာ နာကျည်းမှုတွေ စိတ်ဒဏ်ရာတွေရရှိခဲ့ပြီး မိသားစုခြေရာနင်းတဲ့အချိန်မှာကော အိမ်ထောင်ဖက်ရွေးချယ်ရမယ့်အချိန်မှာပါ သွေးအေးပြီး အရမ်းသတိထားစိုးရိမ်ကြီးတဲ့ လူတစ်ယောက်ဖြစ်လာခဲ့တယ်။ တစ်နေ့ ဖရက်ဒရစ်ဟာ မြို့စားကြီးရဲ့ဖိတ်ကြားမှုကြောင့် တွေ့ဆုံပွဲတစ်ခုကိုရောက်သွားခဲ့ပါတယ်။ အဲဒီမှာ အရမ်းချိုသာလှတဲ့ အသံပိုင်ရှင်ဖြစ်တဲ့ ကလာရာဆိုတဲ့ အမျိုးသမီးကိုတွေ့ပြီး မြင်မြင်ချင်း ချစ်သက်ကြွေသွားခဲ့ပါတယ်။ ကလာရာမှာကလည်း မကြာသေးခင်ကမှ ဖခင်ဆုံးသွားတာဖြစ်တဲ့အတွက် ဖခင်ဆုံးပြီးနောက်ပိုင်း အိမ်မှာအမျိုးသမီးတွေပဲကျန်တော့တာကတစ်ကြောင်း၊ ဖခင်က ကြိုးစားပမ်းစားရှာဖွေခဲ့တဲ့ အမွေဥစ္စာတွေကို ဆက်ပြီးဆောင်ထိန်းသိမ်းပေးသွားမယ့် အမျိုးသားကမရှိတာကြောင့်တစ်ကြောင်း ခင်ပွန်းကိုတတ်နိုင်သလောက်မြန်မြန်ရှာဖို့ အကြောင်းဖန်လာခဲ့ပါတယ်။ ကလာရာကို စွဲလမ်းသွားခဲ့တဲ့ဖရက်ဒရစ်ဟာ ဒီအကြောင်းကိုသိသွားတဲ့အခါမှာ ကလာရာ့ကို သူနဲ့သင့်တော်၏မသင့်တော်၏ကို ဆုံးဖြတ်ပြီးတာနဲ့ တစ်ပါတည်း ကလာရာ့ကိုထိမ်းမြားပြီး မိသားစုထဲ ဆွဲသွင်းခဲ့ပါတော့တယ်။ ဒီလိုနဲ့ ထရန်းချက်မိသားစုအပေါ် အခြေပြုထားတဲ့ ဖရက်ဒရစ်နဲ့ ကလာရာတို့ရဲ့ အိမ်ထောင်ရေးဟာ ဘယ်လိုအခက်အခဲတွေနဲ့ကြုံတွေ့ရမလဲ... နောက်ကွယ်မှာလည်း တခြားဘယ်လိုအရှုပ်အရှင်းတွေရှိနေမလဲ... ဆိုတာကို စိတ်ဝင်တစား ရှုစားရမှာပဲဖြစ်ပါတယ်။ (ဒီစီးရီးအတွက် အညွှန်းရေးသား ဘာသာပြန်ပေးသူကတော့ Mark ပဲဖြစ်ပါတယ်) Size ~ 850MB+ Total - 8 Episodes Quality – 1080p Duration ~ 45min (@Episode) Subtitle – Myanmar Hardsub Format – Mp4 Genre : Drama Source : AMZN.Web-dl.1080p Translator – Mark Encoder – Y

နာမည်ကျော် ဇာတ်ကားများစွာမှာပါဝင်သရုပ်ဆောင်ခဲ့ပြီး CMပရိတ်သတ်တို့နဲ့မစိမ်းတဲ့ မင်းသားကြီး Bill Nighy၊ Jojo Rabbit (2019) နဲ့ Late Night in Soho (2021)တို့နဲ့ လူသိများတဲ့ မင်းသမီး Thomasin McKenzieအပြင် မင်းသားချော James Norton တို့ပါဝင်သရုပ်ဆောင်ထားတဲ့ ရုပ်ရှင်တစ်ကားကိုတင်ဆက်ပေးလိုက်ချင်ပါတယ်။ ရုပ်ရှင်ကတော့ အားလုံးကြားဖူးလောက်မဲ့ ဖန်ပြွန်သန္ဓေသား နည်းပညာအကြောင်းကို အပြင်ကဖြစ်ရပ်မှန် သမိုင်းအတိုင်း ရိုက်ကူးတင်ဆက်ထားတာဖြစ်ပါတယ်။ အခုခေတ် မြန်မာနိုင်ငံရဲ့ ဒေသအချို့မှာတောင် အမျိုးသမီးတွေ ကလေးမရနိုင်ရင် "အိမ်ထောင်ရေးတာဝန်မကျေသူ၊ အမြုံမ" စသည်ဖြင့် ခေါ်ဝေါ်သတ်မှတ်နေကြတုန်းပါပဲ။ ဒါဆို ဒီလိုနည်းပညာတွေ မတိုးတက်ခင် 50s 60s ကာလတွေမှာ အမျိုးသမီးတွေဘယ်လောက်များခက်ခဲခဲ့ကြမလဲ။ ဒီမျိုးဆက်မပွားနိုင်တဲ့ပြဿနာကို ဆေးသိပ္ပံပညာပိုင်း လိုအပ်ချက်တစ်ခုပါလို့ မှတ်ယူပြီး မျိုးဆက်မပွားနိုင်တဲ့ အမျိုးသမီးတွေကို ဖန်ပြွန်သန္ဓေသားနည်းပညာနဲ့ ကလေး ရအောင်လုပ်ပေးမယ်လို့ စတင်အကောင်အထည်ဖော်ခဲ့သူက ဒေါက်တာရောဘတ် အက်ဒ်ဝက်ပါ။ သိပ္ပံပညာရှင် ဒေါက်တာရောဘတ်အက်ဒ်ဝက်ရယ်၊အရည်အချင်း အပြည့်နဲ့ သားဖွားဆရာဝန်ကြီး မစ္စတာစတပ်တိုးရယ်၊ ဓာတ်ခွဲခန်းမန်နေဂျာသူနာပြုမလေး ဂျင်းပါဒီတို့ရယ် သုံးယောက်ပေါင်းပြီး အမျိုးသမီးတွေအတွက် အနာဂတ်တစ်ခုကို ဖန်တီးပေးဖို့ကြိုးစာခဲ့ကြပါတယ်။ ပြောလို့သာလွယ်လွယ်လေးထင်ရပေမဲ့ နည်းပညာပိုင်းအရရော ဆေးသိပ္ပံပညာပိုင်းအရရော ခေတ်ကာလအရပါ အခက်အခဲတွေ အများကြီးရှိခဲ့တာကြောင့် ဖန်ပြွန်သန္ဓေသားနည်းပညာရယ်လို့ ဖြစ်ပေါ်လာဖို့ အချိန် ၁၀ နှစ်တောင်ကြာမြင့်ခဲ့ပါတယ်။ ကမ္ဘာ့ ပထမဆုံး ဖန်ပြွန်သန္ဓေသား ရင်သွေးလေး "Joy" မွေးဖွားလာဖို့ သူတို့တွေ ဘယ်လောက်ပေးဆပ်ခဲ့ကြရလဲဆိုတာ ကောင်းကောင်းကြီးမြင်တွေ့ရမှာပါ။ နာမည်ရ Actor တွေပါဝင်သရုပ်‌ ဆောင်ထားတဲ့ရုပ်ရှင် ဖြစ်တဲ့ အလျောက် သဘာဝဆန်စွာနဲ့ ရသမျိုးစုံကို သရုပ်ဆောင်ချက်တွေကနေ တဆင့်ခံစားရဦးမှာပါ။ ဖန်ပြွန်သန္ဓေသားနည်းပညာနဲ့ပတ်သတ်ပြီးလည်း ဗဟုသုတတွေ အများကြီးရနိုင်တာမို့ အချိန်ပေးကြည့်ရတာနဲ့တန်မဲ့ ရုပ်ရှင်ကားကောင်း တစ်ခုဖြစ်ကြောင်းညွှန်းဆိုလိုက်ချင်ပါတယ်။ File size… (1.24GB) / (735MB ) Quality… NF WEB-DL 1080p HEVC / 720p Format…mkv / mp4 Duration….1h 55m Genre …..Biography , Drama , History Subtitle….Myanmar Subtitle (Hard Sub) Encoder….Min Wai Translated by Muse

မင်းသားကြီး ဝါကင်းဖီးနစ်ရဲ့ သမိုင်းရုပ်ရှင်အသစ် နပိုလီယံ ထွက်လာပါပြီ။ သမိုင်းရုပ်ရှင်နဲ့သိပ္ပံစိတ်ကူးယဉ်လောကရဲ့ ဆရာကြီးတစ်ပါးဖြစ်တဲ့ Sir Ridley Scott ရိုက်ကူးထားတာဖြစ်ပါတယ်။ Ridley Scott ရဲ့လက်ရာတွေကိုတော့ လူတိုင်းအနည်းဆုံး တစ်ကားလောက်တော့ ရင်းနှီးကြမှာပါ၊ Blade Runner, Alien, Gladiator, Thelma & Louise, Hannibal, Black Hawk Down, The Martian, Kingdom of Heaven နဲ့ ယခုရုံတင်နေတဲ့ Napoleon အပါအဝင် နာမည်ကြီးရုပ်ရှင် တစ်ရာကျော်ရိုက်ခဲ့ပါတယ်။ ရုပ်ရှင်လောကမှာရတဲ့အောင်မြင်မှုကြောင့် ဆာဘွဲ့ပါ ရခဲ့တဲ့သူလည်းဖြစ်ပါတယ်။ အလှတရားမှာနာမည်ကြီးတဲ့ ဂျိုးဆက်ဖင်းနေရာမှာလည်း Vanessa Kirby က သရုပ်ဆောင်ထားတဲ့အပြင် နပိုလီယံနဲ့ ခုတင်ပေါ်က တိုက်ပွဲတွေ ဖောဖောသီသီ ပါတာကြောင့် မိသားစုနဲ့ကြည့်မိရင်တော့ မျက်နှာပူရနိုင်ပါတယ်။ ပြင်သစ် စစ်ဘုရင်ကြီး နပိုလီယံဘိုနာပတ်အကြောင်းကို ရိုက်မယ်ဆိုရင် ပြောစရာတွေအရမ်းများလွန်းလို့ အကုန်ပါဖို့မလွယ်ပါဘူး။ သူ့ရဲ့တိုက်ပွဲကြီးတွေအကြောင်းပြောမလား၊ သူ့ရဲ့ စိတ်ဝင်စားစရာ လက်စွဲတော် ဗိုလ်ချုပ်တွေအကြောင်းပြောမလား၊ ဂျိုးဆက်ဖင်းနဲ့သူ့ရဲ့အချစ်ရေးအကြောင်းပြောမလား အများကြီးပါပဲ။ ဒီရုပ်ရှင်ထဲမှာတော့ သူရဲ့ အအောင်မြင်ဆုံးတိုက်ပွဲတွေနဲ့ ကျဆုံးချိန်ရောက်သွားစေတဲ့ တိုက်ပွဲတွေအကြောင်းကို အဓိက ပြသထားပြီး ဂျိုးဆက်ဖင်းနဲ့အချစ်ဇာတ်လမ်းကို ရောယှက်ထားပါတယ်။ သရုပ်ဆောင်၊ ရိုက်ချက်တွေ ပြောစရာမလိုအောင် ကောင်းတာမို့ ကြည့်ဖြစ်အောင်ကြည့်သင့်တဲ့ ရုပ်ရှင်တစ်ကားပါပဲ။ အမြောက်တပ်ဗိုလ်ကြီးအဖြစ်ကနေ ဗိုလ်မှူးချုပ်၊ ဗိုလ်ချုပ်ရာထူးတိုးလာပြီး တိုက်ပွဲကြီးတွေ ဆက်တိုက်အောင်မြင်ခဲ့တာတွေ၊ ပြင်သစ်တော်လှန်ရေးမှာ အင်ပါယာဖြစ်လာတာတွေ၊ ရုရှားနဲ့စစ်ပွဲမှာအကြီးအကျယ်ဆုံးရှုံးပြီး နယ်နှင်ခံရတာတွေ၊ နယ်နှင်ခံရတဲ့ဘဝကနေ ပြင်သစ်ကို ပြန်တိုက်ယူဖို့ကြိုးစားတာတွေနဲ့ နောက်ဆုံးအဆုံးသတ် ဝါတာလူးစစ်ပွဲအကြောင်းတွေကို မြင်ရမှာပါ။ ကြည့်လိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(6.42 GB) / (2.45 GB) / (1.42 GB) Quality............WEB-DL 4K / 1080p / 720p Duration.........1Hr 57Min Subtitle...........Myanmar Hardsub Format............MP4 Genre..............Action, Adventure, Biography Translator.......Mr.Anderson Encoder..........SWM / Ka Naung

Why didn't they ask Evans စုံထောက်ဇာတ်လမ်းတွေကို နှစ်သက်သူတွေအနေနဲ့ စာရေးဆရာမကြီး Agatha Christieရဲ့ လက်ရာတွေကို ရင်းနှီးကြမှာပါ။ သူ့ရဲ့ဝတ္ထုတွေဖြစ်တဲ့ Murder on the Orient Expressနဲ့ Death on the Nileတို့ကို ရုပ်ရှင်အဖြစ် ပြန်လည်ရိုက်ကူးခဲ့ရာမှာလည်း ပရိတ်သတ်တွေကြား လူကြိုက်များခဲ့ပါတယ်။ ဒီတစ်ခေါက်တင်ဆက်ပေးချင်တာကတော့ Agatha Christieရဲ့ဝတ္ထုဖြစ်တဲ့ Why didn't they ask Evans?ကို ပြန်လည်ရိုက်ကူးထားတဲ့ Mini Seriesလေးပဲဖြစ်ပါတယ်။ ခပ်ဝေးဝေးကလူတစ်ယောက်ရဲ့အော်သံကြောင့် ရိုက်လျက်စဂေါက်တံကို ရပ်တန့်ပြီး ဘော်ဘီဂျုန်းစ်တစ်ယောက်အသံလာတဲ့ဖက်ကို လှမ်းကြည့်မိတယ်. လှိုင်းတွေရိုက်ခတ်နေတဲ့ချောက်ကမ်းပါးစွန်းကနေ လူတစ်ယောက်ပြုတ်ကျနေတာကိုတွေ့တော့ အကူအညီပေးဖို့ အပြေးအလွှားဆင်းသွားတဲ့ဘော်ဘီကို သေလုဆဲဆဲလူက စကားတစ်ခွန်းပဲပြောနိုင်ခဲ့တယ် 'သူတို့ဘာလို့ အီဗန်ကိုမမေးခဲ့တာလဲ'တဲ့. ဘော်ဘီဂျုန်းစ်ဆိုတာက ရေတပ်ကဒုဗိုလ်အနေနဲ့ထွက်လာတဲ့ သင်းအုပ်ဆရာရဲ့သားဖြစ်ပြီး မာ့ချ်ဘော့တ်မြို့ရဲ့ဂေါက်ကွင်းမှာအလုပ်လုပ်နေတဲ့သူတစ်ယောက်ပါ. အေးအေးဆေးဆေးနဲ့ သူတပါးကိုကူညီတတ်တဲ့သူ့ဘဝထဲကို ချောက်ကမ်းပါးကနေပြုတ်ကျသွားတဲ့ သေသွားတဲ့လူတစ်ယောက်ရဲ့နောက်ဆုံးစကားက အမြဲတဝဲလည်လည်ဖြစ်ပြီးမေးခွန်းထုတ်စရာဖြစ်လာပါတော့တယ်. ဒီမေးခွန်းကိုပိုပြီးတော့ အသက်ဝင်လာအောင်တွန်းအားပေးနေတာကတော့ လန်ဒန်မြို့ကနေပြန်လာတဲ့သူဠေးသမီးလေး လေဒီဖရန်စစ်ဒါဝက်ပါပဲ. စပ်စပ်စုစုနဲ့ သွက်လက်လွန်းတဲ့သူ့ရဲ့ဖိအားပေးမှုတွေနဲ့အတူ ဒါဟာ လူသေမှုလား လူသတ်မှုလားဆိုတာကို ရှာဖွေရင်းနဲ့ ကိုယ်တိုင်ပါအသက်အန္တရာယ်နဲ့ရင်ဆိုင်လာရတဲ့အခါမှာဘယ်လိုတွေဆက်ဖြစ်မယ်ဆိုတာကို ဇာတ်လမ်းထဲမှာအဖြေရှာရမှာပါ. စုံထောက်ဝထ္ထုတွေမှာနာမည်ကြီးတဲ့ Agatha Christieရဲ့လူကြိုက်များခဲ့တဲ့ Why didn't they asked Evans?ကိုပြန်လည်ရိုက်ကူးထားတာပဲဖြစ်ပါတယ်. မင်းသားအနေနဲ့ပါဝင်ထားတဲ့သူကတော့memeတွေမှာအမြဲတွေ့ရလေ့ရှိတဲ့ Will Poulterပဲဖြစ်ပါတယ်. We arr the Miller's တို့ midsommarဇာတ်ကားတွေမှာလဲပါဝင်ဖူးတဲ့မင်းသားပဲဖြစ်ပါတယ်. စိတ်ဝင်စားဖို့ကောင်းတဲ့ဇာတ်လမ်းမျိုးဖြစ်ပြီး ၃ပိုင်းတည်းပါဝင်တဲ့ဇာတ်လမ်းမျိုး ပေါ့ပေါ့ပါးပါးနဲ့ကြည့်လို့ကောင်းတဲ့ဇာတ်လမ်းပဲဖြစ်ပါတယ်. Quality : 1080p AMZ WEBDL / 720p Total Episodes : 3Eps Format : mp4 Genres :Drama, Mystery Duration : 1h Subtitle : Myanmar Subtitle ( Hardsub ) Translated by Spencer Potato~Moe Zac~Aye Chan Su Encoded by YK

Journey's End (2017) IMDb Rating (6.7) / Rotten Tomatoes (91%) ဒီဇာတ်ကားကတော့ 2017ကထွက်ရှိထားပြီး IMDb 6.7/10ရရှိခဲ့တဲ့ war/dramaရုပ်ရှင်အမျိုးအစားပါပဲ။ 1928 တုန်းကပြသခဲ့တဲ့ပြပွဲတစ်ပွဲကို အခြေခံပြီး ပြန်လည်ဆန်းသစ်ရိုက်ကူးထားတာပါ။ နာမည်ကျော်" The Space between us "," Hugo "အစရှိတဲ့ဇာတ်လမ်းတွေထဲက သရုပ်ဆောင် Asa Butterfield.. " Me before u","Love Rosie!" အစရှိတဲ့ Romanceကားတွေနဲ့ နာမည်ကြီးလာခဲ့တဲ့ မင်းသား Sam Clafin.. ဒီလိုနာမည်ကြီးသရုပ်ဆောင်တွေက သူတို့ရိုက်နေကြ Characterတွေကနေခွဲထွက်ကာ ဒီဇာတ်လမ်းထဲမှာပီပြင်အောင်သရုပ်ဆောင်နိုင်သွားတာလဲ ချီးကျူးစရာပါပဲ။ Rating ကပ်စေးနည်းတဲ့ Rotten Tomatoesကတောင် 91%ပေးထားတာမို့ ကြည့်ရှုသင့်တဲ့ကားလေးတစ်ကားဆိုလဲ မမှားပါဘူး။ ရုပ်ရှင်ဝေဖန်ရေးသမားတွေကလဲ Rating တွေရက်ရက်ရောရောပေးထားတာတွေ့ရပြန်ပါတယ်။ ဇာတ်လမ်းလေးကိုမြည်းစမ်းကြည့်ဖို့အတွက် ဇာတ်လမ်းအကျဉ်းလေးလဲ တင်ပြပေးပါရစေ။ ဇာတ်လမ်းအကြောင်းကတော့ ပထမကမ္ဘာစစ်တုန်းက ရှေ့တန်းမှာရောက်နေခဲ့တဲ့အင်္ဂလိပ်စစ်သားတွေရဲ့ဘဝနဲ့ အခက်အခဲတွေကိုရိုက်ကူးပြထားတာပါ။ သူတို့စခန်းချထားတဲ့နေရာရဲ့ရှေ့မှာက အင်အားများလွန်းတဲ့ရန်သူတွေဖြစ်ပြီး နောက်ကိုပြန်ဆုတ်ဖို့ကလဲ အထက်ကလူကြီးတွေက နောက်ဆုတ်ခွင့်လုံးဝမပေးလို့ ရှေ့တိုးနောက်ဆုတ်မရဖြစ်နေတဲ့အချိန်ပါ။ ဒါ့အပြင်သူတို့တပ်စိတ်ရဲ့ကပ္ပတိန်ဖြစ်သူကပါ စိတ်ဖိစီးတာတွေများပြီး အရက်တွေပဲအမြဲသောက်နေတော့ ဘယ်လိုမှရှောင်လွဲလို့မရတော့တဲ့ကံကြမ္မာကိုဘယ်လိုရင်ဆိုင်ကြမှာလဲဆိုတာကို သေသေချာချာရိုက်ကူးတင်ဆက်ပေးထားပါတယ်။ (အညွှန်းနဲ့ဘာသာပြန်ကတော့ Mastero ဖြစ်ပါတယ်။) File size…(1.3 GB) / (710 MB) Quality….Blu-Ray 1080p HEVC / 720p Format…. mkv/mp4 Genre….Drama, War Duration….01:48:36 Subtitle….Myanmar Subtitle (Hardsub) Encoder….Benjamin Translated by Mastero

Grimsby (2016) ၂၀၁၆ ထွက် စုံထောက် ဟာသကားကို တင်ပေးလိုက်ပါတယ်။ ဇာတ်လမ်းအကျဉ်း ဂရင်းစ်ဘေးမြို့သား အရမ်းချစ်ကြတဲ့ ညီအစ်ကို ၂ ယောက်ဟာ ငယ်စဉ်ကတည်းက ကွဲကွာသွားခဲ့ပါတယ်။ အစ်ကိုကြီးက အပေအတေ ဘောလုံးအားပေးသူ တစ်ယောက်ဖြစ်လာပြီး ညီငယ်ကတော့ MI-6 ရဲ့ လျို့ဝှက်စုံထောက်တစ်ယောက်ဖြစ်လာပါတယ်။ နှစ်ပေါင်း ၃၀ ကြာတဲ့ထိ ညီငယ်ဖြစ်သူကို ရှာဖွေနေတဲ့ အစ်ကိုကြီးဟာ ပါတီပွဲတစ်ခုမှာ စစ်ဆင်ရေးနဲ့ရောက်နေတဲ့ ညီငယ်ကိုပြန်ရှာတွေ့သွားလို့ ဝမ်းသာအားရ နှုတ်ဆက်မိချိန်မှာ အလွဲတွေ ဖြစ်ကုန်ပြီး လူသတ်သမားအစစ်လဲ လွတ်မြောက်သွားစေသလို ဟယ်ရီပေါ်တာမင်းသားကို AIDS ကူးသွားစေတဲ့အပြင် WHO ဥက္ကဌပါ သေဆုံးသွားစေတဲ့အခါမှာတော့ ညီအစ်ကို ၂ ယောက် ကမ္ဘာပတ်ပြေးပြီး သူတို့ အရှုပ်ထုပ်တွေကို ပြန်ရှင်းရပါတော့တယ်။ ဇာတ်လမ်းဟာ လိင်အသားပေးဇာတ်ကားမဟုတ်ပေမဲ့ ညစ်ညမ်းတဲ့ အသုံးအနှုန်းအချို့နဲ့ ပြကွက်အချို့ ပါဝင်နေတာကြောင့် မိသားစုလိုက်ကြည့်ဖို့နဲ့ ကလေးများကြည့်ဖို့ မသင့်တော်ကြောင်း သတိပေးပါတယ်။ File size… (4.9 GB) / (1.7 GB) / (970 MB) Quality… BluRay 4K HEVC / 1080p HEVC / 720p Format… mkv/mp4 Duration….01:23:00 Subtitle…. Myanmar Subtitle (Hardsub)

တာဇံဟာ ဂျိန်းနဲ့လက်ထပ်ပြီး မိဘတွေရဲ့အမွေကို ဆက်ခံကာ အင်္ဂလန်မှာ ဂျွန် ကလေတန်အဖြစ် နေထိုင်နေပါပြီ။ တောထဲကဘဝနဲ့ ဝေးကွာပြီး လူကြီးလူကောင်းတစ်ယောက်အဖြစ် နေထိုင်နေချိန်မှာပဲ ဘာလင်ကွန်ဖရင့်အပြီး ကွန်ဂိုနယ်ကို သိမ်းပိုက်ထားတဲ့ ဘယ်ဂျီယံဘုရင် လီယိုပိုးဒ်က ဒေဝါလီခံရလုနီးပါး အခြေအနေကနေ လွတ်မြောက်ဖို့ နည်းလမ်းရှာနေပါတယ်။ တာဇံနဲ့ ဂျိန်းတို့ ကြီးပြင်းခဲ့ရာ အာဖရိက ဘွန်မာကို ပြန်လာကြတဲ့အခါ ဘုရင့်လူယုံ ရွမ်ရဲ့ အကြံအစည်ထဲမှာ ကြားညပ်သွားပြီး ဂျိန်းလည်း ဖမ်းဆီးခေါ်ဆောင်ခံလိုက်ရတယ်။ ဂျိန်းကို ပြန်ကယ်ဖို့အတွက် တာဇံဟာ သူ့ရဲ့မူလဗီဇနဲ့ စွမ်းအားတွေကို ပြန်အသုံးချပြီး ထောင်နဲ့ချီတဲ့ စစ်တပ်ကို ရင်ဆိုင်ဖို့ ကြိုးစားလာပါတယ်။ သူ့ရှေ့မှာ ရွမ်ရဲ့စစ်သားတွေသာမက ရန်သူဟောင်း မ်ဘွန်ဂါလည်း ရှိနေတယ်။ တစ်ချိန်က သူနဲ့အတူရှိခဲ့တဲ့ လူဝံအုပ်စုတွေကပါ သူ့ကို စွန့်ခွာသွားသူအဖြစ် သတ်မှတ်ထားတာကြောင့် သူတို့ကြားမှာလည်း ရုန်းကန်ရဦးမှာပါ။

၂၀၀၃ ခုနှစ်က Johnny English ရဲ့အဆက်မှာတော့ ဂျွန်နီဟာ အလုပ်က ထုတ်ပယ်ခံထားရပါတယ်။ အရင်တုန်းက ဘုရင်မကြီးရဲ့ သရဖူကို ကာကွယ်နိုင်ခဲ့ပေမယ့် သမ္မတလုံခြုံရေးတာဝန်တစ်ခုမှာ မအောင်မြင်ခဲ့တာကြောင့်ပါ။ အဲဒီနောက် တိဘက်က ဘုန်းတော်ကြီးတွေဆီမှာ ပညာဆည်းပူးရင်း လူမသိသူမသိ နေနေခဲ့တယ်။ တစ်နေ့မှာတော့ ဂျွန်နီပါမှ ဖြစ်မယ့် စစ်ဆင်ရေးတစ်ခု ပေါ်လာတာကြောင့် MI-7 က သူ့ကို ပြန်ခေါ်လိုက်ပါတယ်။ ဒီလိုနဲ့ သူ့ရဲ့ စွန့်စားခန်းတွေ ပြန်စလာတော့တယ်။ အမြဲတမ်း တလွဲလုပ်တတ်တဲ့ ဂျွန်နီတစ်ယောက် ဒီတစ်ခါမှာရော သူ့ရဲ့ မရည်ရွယ်ဘဲ လုပ်မိတဲ့အမှားတွေနဲ့အတူ အင်္ဂလန်ကို ဘယ်လိုကယ်တင်ဦးမလဲ။

Sherlock Holmes (2009) (Only on Bioscope) IMDB : 7.5 Rotten Tomatoes : 7.2 Genre : Action / Thriller / Mystery Sherlock Holmes ကတော့ နာမည်ကြီး ဒါရိုက်တာ Guy Ritchie ရိုက်ကူးထားတဲ့ လူကြိုက်များခဲ့တဲ့ Detective ရုပ်ရှင်တစ်ခုဖြစ်ပါတယ်။ ဒါတင်မကသေးပဲ RDJ နဲ့ Jude Law တို့က အတွဲညီညီသရုပ်ဆောင်ထားတာမလို့ တော်တော်လေးကိုကြည့်လို့ကောင်းပါတယ်။ ဒါတင်မကသေးပဲ နောက်ခံ Score က ဆရာ့ဆရာကြီး Hans Zimmer လက်ရာဆိုတော့ ကိုယ်တိုင် ၁၈၉၀ ခုနှစ်ကိုရောက်သွားသလိုမျိုး ခံစားရမှာဖြစ်ပါတယ်။ Sherlock Holmes (2009) နဲ့ RDJ Golden Globe (Best Actor) ရခဲ့ပြီး Original Score နဲ့ Original Art Director (Academy) ဆု ဇကာတင်ခဲ့တာဆိုတော့ပြောရရင် ထိပ်တန်းအဆင့် ရုပ်ရှင်တစ်ခုလည်းဖြစ်ပါတယ်။ ဇာတ်ညွှန်း လန်ဒန်မြို့ကြီးမှာ မိန်းကလေးငယ်တွေကို ဖမ်းဆီးသ-တ်ဖြတ်ကာ ယဇ်ပူဇော်နေတဲ့ လော့ဒ်ဘလက်ဝုဒ်ကို ရှားလော့နဲ့ သူ့ရဲ့ လက်တွဲဖော် စစ်ပြန်ဒေါက်တာကြီး ဝပ်ဆန်တို့က အချိန်မှီဖမ်းဆီးနိုင်ခဲ့ပါတယ်။ ဘလက်ဝုဒ်ကို ကြိုးမိန့်ပေးခဲ့ပေမဲ့ ဘလက်ဝုဒ်က နောက်ထပ် အသ-တ်ခံရမယ့်လူတွေရှိလာဦးမယ်ဆိုပြီး ရှားလော့ကို သတိပေးခဲ့ပါတယ်။ သိပ်မကြာခင်မှာပဲ ဘလက်ဝုဒ်ကသေရွာကနေ ပြန်ရှင်လာပြီး လန်ဒန်တမြို့လုံး အုန်းအုန်းကျွတ်ကျွတ်ဖြစ်သွားခဲ့ပါတယ်။ နာမည်ကျော် ရှားလော့ဆိုတာ မမြင်ရတဲ့ အမှောင်မှော်ပညာအောက်မှာ ကျရှုံးသွားပြီလား။ သို့လောသို့လော မေးခွန်းတွေက လန်ဒန်တမြို့လုံး ပျံ့နှံ့လာခဲ့ပါတယ်။ ဒါပေမဲ့ ယုတ္တိဗေဒသမား စစ်စစ်ဖြစ်ပြီး သိပ္ပံကလွဲ ကျန်တာကို သိပ်အယုံမကြည်မရှိတဲ့ ရှားလော့ကတော့ ခေါင်းအေးအေးနဲ့ အမှုကို သုံးသပ်ခဲ့ပါတယ်။ ဒီလိုနဲ့ လျှို့ဝှက်ဆန်းကျယ်တဲ့ ဒီအမှုကို သူ့ရဲ့လက်တွဲဖော်ကြီး ဒေါက်တာ ဝပ်ဆန်နဲ့ ဘယ်လိုမျိုးဖော်ထုတ်သွားမလဲဆိုတာကို ခံစားကြည့်လိုက်ကြပါခင်ဗျာ။ ရှာလော့အဖြစ် မင်းသား RDJ ဒေါက်တာဝပ်ဆန်အဖြစ် မင်းသား Jude Law အိုင်ရင်းအဖြစ် မင်းသမီး Rachel McAdams ဘလက်ဝုဒ်အဖြစ် မင်းသား Mark Strong တို့က ပါဝင်သရုပ်ဆောင်ထားပြီး Guy Ritchie က ပုံဖော်ထားကာ နောက်ခံကို Hans Zimmer က တီးခတ်ထားတာမလို့ ဘာပြောကောင်းမလဲ။ ခံစားသာကြည့်လိုက်ကြပါ။ File size…   9 GB / 3.8 GB / 1.2 GB Quality… Blu-ray 4K/ 1080p / 720p Format… mp4 Duration…. 2h 08m Genre ..... Mystery / Action / Thriller Subtitle…. Myanmar Subtitle (Hard Sub)

Platform 9¾ ကနေ ပြန်လည် ကြိုဆိုပါတယ်။ Hogwarts ရထားကြီးနဲ့ wizarding world ကို အလည်တစ်ခေါက် ထပ်သွားပြီး Chapter တစ်ခုချင်းစီကို အစဉ်လိုက် ပြန်အလွမ်းသည်ကြမယ်ဗျာ ... ခင်ဗျားက muggle မဟုတ်ရင်တော့ အသက်ရှင်ကျန်ခဲ့သူ ကောင်လေးအကြောင်း ကြားဖူးပြီးသားဖြစ်မှာပါ ... သူ့နာမည်က Harry Potter တဲ့ .. ထင်ရှားတဲ့အမှတ်အသားဆို နဖူးမှာ အမာရွတ်လေးနဲ့ မှန်ကြောင်ကောင်လေးတစ်ယောက်ပါပေါ့ ။ ဒီ အမာရွတ်လေး ရခဲ့တဲ့ ညကနေ စလို့ သူဟာ သူကိုယ်တိုင် မသိပါဘဲ မှော်လောကမှာ ကျော်ကြားလာခဲ့တယ်... မနာခံသူ မှန်သမျှ အရှင်မထားတတ်တဲ့ မှော်ဆရာကြီး တစ်ယောက်ရဲ့ လက်က လွတ်မြောက်ခဲ့သူအဖြစ်ပေါ့... မှော်ဆရာကြီးက ဘယ်သူလဲတော့ လာမမေးပါနဲ့ ... ကျွန်တော်တို့ သူ့နာမည်ကို ထုတ်မပြောကြဘူး ... သိုပေမဲ့ Harry Potter ဆိုတဲ့ မှော်ဆရာလေးကတော့ ငယ်ငယ်ရွယ်ရွယ်နဲ့ ရဲစွမ်းသတ္တိအပြည့်မွေးပြီး ရွန်၊ ဟာမွိုင်နီဆိုတဲ့ သူငယ်ချင်း ၂ ယောက်နဲ့အတူ ဒီမှော်ဆရာကြီးနဲ့ အချိန်အကြာကြီး ရင်ဆိုင်ခဲ့ပါတယ် ... အဆိုးနဲ့အကောင်း အမှောင်နဲ့အလင်း အမည်းနဲ့အဖြူလို ဆန့်ကျင်နေတဲ့ ဒီ မှော်ဆရာ ၂ ယောက်ရဲ့ တိုက်ပွဲရှည်ကြီးကို ပြန်လှန်လေ့လာလိုက်ကြပါစို့... မြန်မြန်တက်ကြဗျို့ Hogwarts ရထားကြီး ထွက်တော့မယ် !! File size…(3.2 GB) /(1.7 GB)/(1.2 GB) Quality….BluRay 4K HEVC/1080p /720p Format…mkv/mp4 Duration….02:18:00 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo , Mr.Anderson