Narain ပါဝင်သော ဇာတ်ကားများ

Jana Nayagan (2026) ခေါင်းဆောင် ၂၀၂၆ ရဲ့ ပရိသတ်အမျှော်ရဆုံး အိန္ဒိယရုပ်ရှင်တွေထဲကတစ်ခုဖြစ်တဲ့ ဗီဂျေးရဲ့ နောက်ဆုံးထွက်ရုပ်ရှင်လေးကို တင်ဆင်ပေးလိုက်ပါတယ်။ ဒီရုပ်ရှင်ထဲမှာ ဗီဂျေးနဲ့အတူ၊ မင်းသားကြီးဘော်ဘီဒိုးနဲ့ ပူဂျာဟက်ဒ်တို့လို ဘောလိဝုဒ်စတားတွေကလည်း ပါဝင်အားဖြည့်ထားပါသေးတယ်။ ဇာတ်လမ်းကတော့ ကတိစကားတခွန်းကြောင့် မိတ်ဆွေဖြစ်သူရဲ့သမီးလေး ဗီဂျာယာကို သမီးအရင်းလို စောင့်ရှောက်ပေးနေတဲ့ သာလာပါသီ။ ဗီဂျာယာဟာ ငယ်ဘဝက အဖြစ်ဆိုးတခုကြောင့် စိတ်ဒဏ်ရာရထားသူဖြစ်ပြီး သာလာပါသီကတော့ အေးအေးချမ်းချမ်းနေဖို့ကြိုးစားနေတဲ့ ထောင်ထွက်တစ်ယောက်ဖြစ်ပါတယ်။ သာလာပါသီဟာ ဗီဂျာယာကို စိတ်ဓာတ်ကြံ့ခိုင်တဲ့အမျိုးသမီးတစ်ယောက်ဖြစ်အောင် ပျိုးထောင်ပေးရင်း ဗီဂျာယာကို စိတ်ဒဏ်ရာရအောင်လုပ်ခဲ့တဲ့သူတွေက အိန္ဒိယနိုင်ငံကို ဖျက်ဆီးဖို့ကြိုးစားနေတဲ့ အကြမ်းဖက်အဖွဲ့အစည်းနဲ့ ပတ်သက်နေမှန်းသိသွားတဲ့အခါမှာတော့...။ ဒီရုပ်ရှင်ဟာ လက်ရှိ အိန္ဒိယရဲ့နိုင်ငံရေးလောကကို မီးမောင်းထိုးပြထားပြီး ဇာတ်လမ်းဇာတ်ကွက်ကောင်းသလို အက်ရှင်တွေကလည်း အမိုက်စားတွေဖြစ်တာကြောင့် ပရိသတ်တွေခံစားနိုင်ဖို့ တင်ဆက်ပေးလိုက်ပါတယ်...။ File size… 8 GB / 3.3 GB / 2 GB Quality…4K /1080p / HEVC/ 720p Format…mkv/ mp4 Duration….3h 6m Subtitle….Myanmar Subtitle (Hard Sub)

Pharma (2025) ဆေး ဆေးဝါးလုပ်ငန်းလောကရဲ့ နောက်ကွယ်က အမှောင်ဖက်ခြမ်းတွေကို ပွင့်ပွင့်လင်းလင်း တင်ဆက်ထားတဲ့ မာလေယာလမ်စကားပြော ဆေးဘက် သည်းထိတ်ရင်ရင်ဖိုဇာတ်လမ်း တွဲတစ်ခုကို တင်ဆက်ပေးပါရစေ။ ဒီ ဇာတ်လမ်းတွဲဟာ နာမည်ကြီးမာလေယာလမ်မင်းသား နီဗင်ပေါ်လီရဲ့ ပထမဆုံးဝက်ဘ်စီးရီး ဖြစ်ပြီး ပရိသတ်တွေကြားမှာ တော်တော်လေး ရေပန်းစားနေတဲ့ ဇာတ်လမ်းတွဲတစ်ခုပါ။ ဇာတ်လမ်းကတော့ ကေပီဗီနို့ဒ်ဆိုတဲ့ လူငယ်တစ်ယောက်ဟာ ဆေးဝါးအရောင်းကိုယ်စားလှယ် အဖြစ်နဲ့ ဆေးလောကထဲကို ခြေစုံပစ်ဝင်လာပုံကနေ စတင်ထားပါတယ်။ အစပိုင်းမှာတော့ သူဟာ ကုမ္ပဏီရဲ့ ရည်မှန်းချက်တွေ ပြည့်မီဖို့နဲ့ မိသားစုအတွက် ကြိုးစားရုန်းကန် ရင်း အောင်မြင်တဲ့ အရောင်းဝန်ထမ်းတစ်ယောက် ဖြစ်လာခဲ့ပါတယ်။ ဒါပေမဲ့ ဆယ်စုနှစ်တစ်ခုကျော် ဖြတ်သန်းပြီးတဲ့နောက်မှာတော့ သူရောင်းချနေတဲ့ ဆေးဝါးတွေဟာ လူနာတွေအပေါ် ဘေးထွက်ဆိုးကျိုးတွေ အကြီးအကျယ် ဖြစ်စေတာကို သိလိုက်ရတဲ့အခါမှာတော့ အသက်မွေးဝမ်းကျောင်း လုပ်ငန်းကို ဆက်လုပ်မလား၊ ဒါမှမဟုတ် လူ့အသက်တွေကို ကယ်တင်ဖို့ အတွက် အင်အားကြီးမားတဲ့ ဆေးဝါးကော်ပိုရေးရှင်းကြီးတွေရဲ့ မကောင်းမှုတွေကို ဖော်ထုတ်မလား ဆိုတဲ့ ကျင့်ဝတ်ဆိုင်ရာဝိရောဓိတွေကို ရင်သပ်ရှုမောဖွယ် မြင်တွေ့ရမှာ ဖြစ်ပါတယ်။ File Size –700MB(Appx;)@Episode Quality – 1080p WEB DL Total Episodes:8Eps Subtitle – Myanmar Hardsub Format – Mp4 Genre –Drama

Eko 2025 မြူခိုးတွေကြားက လျှို့ဝှက်ချက် ဒီနေ့မှာတော့ "Kishkindha Kaandam" တို့လို နာမည်ကြီးကားတွေကို ဖန်တီးခဲ့တဲ့အဖွဲ့ကနေ ၂၀၂၅ မှာ ထပ်မံတင်ဆက်လိုက်တဲ့ "Eko" ဆိုတဲ့ မလေယာလမ်းကားလေးအကြောင်း ပြောပြချင်ပါတယ် ဒီကားကတော့ ထူးခြားတဲ့ ရိုက်ချက်တွေနဲ့အတူ ပရိသတ်ကို ဇာတ်လမ်းပြီးတဲ့အထ အတွေးနယ်ချဲ့စေမယ့်ကားကောင်းတစ်ကားပါ ဇာတ်လမ်းလေးကတော့ မြူခိုးတွေဖုံးလွှမ်းနေတဲ့ "Kaattukunnu" ဆိုတဲ့ တောင်ကုန်းပေါ်ကအိမ်အိုကြီးတစ်လုံးမှာ စတင်ပါတယ် အဲဒီအိမ်မှာ မလာသီဆိုတဲ့ အသက်ကြီးပိုင်း အမျိုးသမီးတစ်ယောက်နဲ့ သူမရဲ့ သားတွေက ငှားရမ်းပေးထားတဲ့ လူငယ်စောင့်ရှောက်သူ ပီယူးစ်တို့ နေထိုင်ကြပါတယ် သူတို့ရဲ့ဘဝက အေးအေးဆေးဆေးရှိလှတယ်လို့ ထင်ရပေမဲ့ တကယ်တော့ ဒီတောင်ကုန်းပေါ်မှာ လျှို့ဝှက်ချက်တွေ အများကြီး ရှိနေခဲ့တာပါ မလာသီရဲ့ ခင်ပွန်းဖြစ်သူကူရီယာချန်က လွန်ခဲ့တဲ့ ၅ နှစ်ကတည်းက ပျောက်ဆုံးနေတဲ့ နာမည်ကြီး ခွေးမွေးမြူရေးသမား တစ်ယောက်ပါ တစ်နေ့မှာတော့ လူစိမ်းတွေက ကူရီယာချန်ကို လိုက်ရှာရင်း ဒီတောင်ကုန်းပေါ်ကို ရောက်လာကြပါတယ် တချို့က လက်စားချေဖို့ တချို့ကတော့ ဥပဒေနဲ့အညီ အပြစ်ပေးဖို့ လာကြတာပါ ..... ဒီလိုနဲ့ လူစိမ်းတွေ တစ်ယောက်ပြီးတစ်ယောက် ရောက်လာတဲ့အခါမှာတော့မလာသီနဲ့ ပီယူးစ်တို့ရဲ့ ပုံမှန်ဘဝလေးက ပျက်စီးသွားပြီးအတိတ်က ဖုံးကွယ်ထားတဲ့ အမှန်တရား တွေက တဖြည်းဖြည်း ပေါ်ထွက်လာချိန်မှာတော့။ File size… 6.05 GB / 1.95 GB /1.01 GB Quality…WEB DL4K / 1080p HEVC/ 720p Format…mkv/ mp4 Duration….2hr 05mins Subtitle….Myanmar Subtitle (Hard Sub)

Sahasam (2025)"လောဘသားကောင်" အသစ်ထွက်ရှိလာတဲ့ မာလျာလမ်စကားပြော ဟာသဆန်ဆန်အက်ရှင်ကားကောင်းလေးကို တင်ဆက်ပေးချင်ပါတယ်။ ဒီရုပ်ရှင်ဟာ ဇာတ်လမ်းတည်ဆောက်ပုံမိုက်သလို ဘီဂျီအမ်တွေ ရုပ်ငြိမ်ဓာတ်ပုံတွေ သုံးထားပုံကလည်း လှတဲ့ထဲမှာပါတယ်လို့ပြောလို့ရပါတယ်။ ဇာတ်လမ်းကတော့ ဗစ်တာဆိုတဲ့ရဲတစ်ယောက်ဟာ မူးယစ်ဂိုဏ်းတစ်ခုကို ဝင်စီးတဲ့ စစ်ဆင်ရေးကနေ ပိုက်ဆံတွေအပုံလိုက်ဖြောင်လာခဲ့ပါတယ်။ ငွေအပုံလိုက်နဲ့ ဘာလုပ်ရမှန်းမသိတဲ့ ဗစ်တာဟာ ငွေတွေကို ခရစ်ပတိုထဲမှာ ထည့်ပြီး အရင်းအနှီးလုပ်လိုက်ပါတယ်။ ရင်းထားတဲ့ အရင်းအနှီးက များသလို ကံကောင်းထောက်မပြီး သူရင်းထားတဲ့ကွိုင်တွေက ဈေးအမြင့်ကြီးပွင့်သွားလို့ အချီကြီးရတော့မယ်ဆိုခါမှ ခရစ်ပတိုအကောင့်ဖွင့်ထားတဲ့ စကားဝှက်ကို မေ့နေတဲ့အခါမှာတော့...။ နောက်ကလိုက်နေတဲ့ မူးယစ်ဂိုဏ်းသားတွေကို ရှောင်ရှားရင်း၊ သတင်းရပြီး စကားဝှက်နောက်လိုက်နေတဲ့ လောဘသားကောင်တွေကိုရှောင်ရင်းနဲ့ လုပ်ဖော်ကိုင်ဖက်ဟောင်းရဲတွေဆီက ထွက်ပြေးပုံတွေကို ဒီရုပ်ထဲမှာမြင်ကြရမှာပါ...။ File size…2.2 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 26m Subtitle….Myanmar Subtitle (Hard Sub

Devara: Part 1 (2024) "ဒေဗာရာ" IMDb - 6.4/10 ဘောလိ၀ုဒ်ပရိသတ်တို့ စောင့်မျှော်နေကြတဲ့ တောင်ပိုင်းမင်းသား N.T.Rama Rao Jr၊ ဟင်ဒီမင်းသားကြီး ဆေ့ဖ်အလီခန်းတို့ရဲ့ ရုပ်ရှင်ကားကြီးကို တင်ဆက်ပေးလိုက်ပါတယ်။ တစ်လအတွင်း အိန္ဒိယက ခရစ်ကတ်ကမ္ဘာ့ဖလားပွဲကို လက်ခံကျင်းပရတော့မယ်။ ဒါပေမဲ့ အကြမ်းဖက်အဖွဲ့အစည်းရဲ့ ကြီးမားတဲ့တိုက်ခိုက်မှုတစ်ခုရှိတာကို သတင်းရထားခဲ့ရော။ ဒီမှာပဲ သံသယတရားခံတွေကို လိုက်ဖမ်းတဲ့အချိန် တကယ့်ခေါင်းဆောင်ကို ဘယ်မှာမှရှာလို့မရ။ သတင်းရဖို့အတွက်သွားရမဲ့နေရာက ပင်လယ်နီလို့ခေါ်တဲ့ ပင်လယ်ကမ်းစပ်တစ်နေရာက ရွာတစ်ခု။ ရန်သူရဲ့သွေးတွေနဲ့ ရဲရဲနီနေခဲ့လို့ ပင်လယ်နီလို့ခေါ်တဲ့နေရာ။ အဲဒီနေရာက ဒေသခံတွေချစ်ကြတဲ့ ဒေဗာရာဆိုတဲ့လူတစ်ယောက်အကြောင်း။ ဘောလိ၀ုဒ်အက်ရှင်ဇာတ်ကြမ်းနှစ်ခြိုက်သူတွေ သဘောတွေ့စေမှာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်) File size… 3.4 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 56m Subtitle….Myanmar Subtitle (Hard Sub) Encoder….YK Translated by CM Bollywood Team

Gandeevadhari Arjuna (2023) IMDb-7.7/10 Missionတွေလုပ်ရတဲ့ Agent movieတွေကို နှစ်သက်သူတို့အကြိုက်တွေ့မယ် IMDb 7.7 ရထားတဲ့ ရုပ်ရှင်ကားလေးတစ်ကားကို တင်ဆက်ပေးမှာပါ။ ဒီကားထဲမှာတော့ မင်းသားချော Varun Tej ကို အရည်အချင်းမှာ သူမတူအောင်ထက်မြက်ပေမဲ့ အမိန့်မနာခံဘဲ ထင်ရာလုပ်တတ်တဲ့အေးဂျင့်အနေနဲ့ မြင်တွေ့ရမှာပါ။ ဇာတ်လမ်းအကျဉ်း ရာသီဥတုဆိုးရွားစွာပြောင်းလဲမှုဒဏ်ကို ကမ္ဘာနဲ့အဝှမ်းခံစားလာရတဲ့အတွက် အမြဲအိပ်ပျော်နေတတ်တဲ့ UNကြီးလည်းနိုးထလာပြီး ရာသီဥတုပြောင်းလဲမှုအတွက် အဓိကကျတဲ့ နိုင်ငံ ၂၅ နိုင်ငံမှာ စောင့်ကြည့်သူတွေခန့်အပ်ဖို့ အဆိုတင်သွင်းလာပါတယ်။ အိန္ဒိယနိုင်ငံအတွက် စောင့်ကြည့်သူအဖြစ် လျာထားခံရသူကတော့ သစ်တောဝန်ကြီးအာဒီသရာပါ။ စက်ရုံစွန့်ပစ်ပစ္စည်းတွေရဲ့ စွန့်ပစ်မှုကိုကြည့်ရှုစစ်ဆေးအရေးယူရမယ့်သူအဖြစ် ခန့်အပ်ခံရခြင်းနဲ့အတူ မသမာတဲ့လုပ်ငန်းရှင်တစ်စုရဲ့ မဟာရန်သူတော်ကြီးဖြစ်လာတဲ့ဝန်ကြီးအာဒီသရာ၊ သူ့ကို ကာကွယ်ပေးနေတဲ့ ဆရာဖြစ်သူ‌ဗီဂျေးက ဒဏ်ရာရသွားတဲ့နေရာ အာဂျွန်က ဆရာ့ကိုယ်စား ဝန်ကြီးကိုကာကွယ်ဖို့ဖြစ်လာတဲ့အခါ... ဝန်ကြီးရဲ့ကိုယ်ရေးအရာရှိဖြစ်တဲ့အိုင်ရာနဲ့ တစ်ချိန်ကဇာတ်လမ်းလေးကလည်းရှိနေတော့ အာဂျွန်တစ်ယောက် နောက်ဆံတင်းနေပေမဲ့ ဆရာကလည်း အကူအညီတောင်းတာဖြစ်ပြန်၊ တစ်ဖက်မှာလည်း အမေ့ရဲ့ဆေးကုစရိတ်ကြောင့် ငွေလိုနေတဲ့အခါ အလုပ်ကိုလက်ခံပြီး ဝန်ကြီးကိုကာကွယ်ဖို့ ဖိုင်တွဲနံပါတ် ၁၃ ကိုအရယူဖို့ အာဂျွန်တစ်ယောက် ဘယ်လိုကြိုးစားသွားမလဲဆိုတာ ကြည့်ရှုလိုက်ရအောင်ပါ။ အညွှန်းနှင့်ဘာသာပြန်သူတွေကတော့ Alex ~ Dee ~ YH ~ ToMo~KKKZ တို့ပဲဖြစ်ပါတယ် File size…2.5GB/ 1.12GB Quality…1080p NF WEB DL /720p Format…mp4 Duration…2h 17m Subtitle….Myanmar Subtitle (Hard Sub) Encoder….YK Translated by Alex ~ Dee ~ YH ~ ToMo~KKKZ

2018 (2023) (IMDb 8.8/10,RT 100%) ယခုတစ်ခါ ပရိသတ်ကြီးကို ၂၀၂၃ မေလမှာထွက်ရှိလာတဲ့ ဖြစ်ရပ်မှန်အခြေခံ survival ရုံတင်ဇာတ်ကားကောင်းလေးတစ်ကားနဲ့ မိတ်ဆက်ပေးပါရစေ Vaashi,Neelavelicham တို့မှာကျရာဇာတ်ရုပ်က ပီပြင်စွာသရုပ်ဆောင်ခဲ့တဲ့ Tovino Thomas ဟာဆိုရင်ဖြင့် ဒီကားထဲမှာလည်း ပိုင်နိုင်စွာ သရုပ်ဆောင်ထားပြန်ပါတယ် ရုံတင်ငွေဟာလည်း 171ကုဋေအထိ ပြန်ရခဲ့တဲ့ကားဖြစ်လို့ Survival ကားကြိုက် ပရိသတ်တွေအတွက် အလန်းစားဇာတ်ကားတစ်ကားပါပဲ အိန္ဒိယတောင်ပိုင်း ကယ်ရာလာမှာ လွန်ခဲ့တဲ့နှစ်နှစ်ဆယ် ဝန်းကျင်မှာ ဖြစ်ပွားခဲ့တဲ့ရေကြီးမှုကြောင့် တစ်ပြည်နယ်လုံး ရေထဲမြုပ်သွားပြီ တောင်ကုန်းပါမကျန် ဘာဆိုဘာမှ မကျန်အောင် အကုန်ရေထဲ နစ်မြုပ်ပျက်စီးခဲ့ပါတယ် အဆိုပါရေလွှမ်းမိုးမှုဟာ မိုးရေချိန်များပြားစွာ ရွာသွန်းမှု ဆည်ရေလျှံမှု ‌ မြစ်ရေကြီးမှု စသည်ဖြင့် အကြောင်းရင်းများစွာရှိခဲ့ပါတယ် ယခုအချိန် ၂၀၁၈ မှာ အဆိုပါရေကြီးမှုမျိုးထပ်မံဖြစ်လာတဲ့အခါ ရုန်းကန်လှုပ်ရှား ကယ်ဆယ်ကြရတာကို ဇာတ်လမ်းကောင်းကောင်းလေးနဲ့ ဖြစ်ရပ်မှန်အခြေပြု ရိုက်ပြလိုက်တဲ့အခါမှာ အခုလို rating တွေ လန်ပြန်ထွက် ရှယ်ကောင်းတဲ့ ဇာတ်ကားတစ်ကားဖြစ်လာပါတော့တယ် Survival ကားကောင်းကောင်း ကြည့်ချင်တဲ့ပရိတ်သတ်တွေအဖို့ လက်မလွှတ်သင့်တဲ့ ဇာတ်ကားလေးဖြစ်ကြောင်း ညွှန်းဆိုရင်း သဘာဝပတ်ဝန်းကျင်ကို ထိန်းသိမ်းပေးဖို့ပါ တိုက်တွန်းပေးလိုက်ရပါတယ်ဗျာ (အညွှန်းရေးသားသူကတော့ Sai ဖြစ်ပြီး ဘာသာပြန်တွေကတော့ Sai~Thaik~Chiclon3~YH~Aditiနဲ့ Yunni တို့ပဲဖြစ်ပါတယ်) File size…2GB / 1GB Quality…1080p WEB DL  / 720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Sai~Thaik~Chiclon3~YH~Aditi~  Yunni

Queen Elizabeth (2023) "ငါသာလျှင် ဘုရင်မ" IMDb 7.5/10 လူအုပ်ကြီးနဲ့စီတန်းလှည့်လည်လာတဲ့ ဈာပနတစ်ခု ဈာပနပေမဲ့ ဝမ်းနည်းကြပုံလည်းမပေါ် နိဗ္ဗာန်ယာဉ်ကို ပန်းတွေမှုန်နေအောင်စီခြယ်ထားပြီး လှဲနေသူကိုတော့ အလှဆုံးလေး ပြင်ဆင်ထားသတဲ့။။။ နောက်ကြောင်းကိုပြန်ရရင် သူ(မ)ကအဲလိဇဘက်အိန်ဂျယ်တဲ့ ဒါပေမဲ့ကလေးတွေပေးထားတာကတော့ "နတ်ဆိုးအမျိုးသမီး" ဘာလို့ဒီလိုပေးရလဲဆိုတော့ ခေတ်စကားအတိုင်းပြောရရင်အပေါက်ဆိုးလို့ပါ အိမ်ကအိမ်ဖော်တွေကို သူနဲ့အမှိုက်ပုံးတစ်ခုတည်းအတူတူလာထည့်ရင်မကြိုက် အိမ်မှာဖုန်တစ်မှုန့်ရှိနေရင်မကြိုက် သူများတွေထက် အိမ်ဖော်ကိုရူပီ၅၀၀ပိုပေးပြီး အရာရာပြည့်စုံအောင်ဖြစ်နေစေချင်တဲ့အပျိုကြီးဒီဇိုင်းပေါ့ ကုမ္ပဏီစီးအီးအိုလည်းဖြစ် တစ်ယောက်တည်းတောက်‌ပနေတဲ့ဒီအမျိုးသမီးအနား ဘယ်သူမှမကပ်ရဲကြ သူ(မ)ကိုကြိုက်ပေမဲ့ မချဉ်းကပ်ရဲကြတဲ့လူတွေလည်း ဒုနဲ့ဒေးပေါ့ တော်လွန်းထက်မြက်လွန်းတဲ့ ဒီအမျိုးသမီးမှာ ရောဂါဆိုးကြီးပေါ်လာတဲ့အခါမှာတော့ ... ဘေးနားကလူတွေရဲ့ စိတ်ရင်းမှန်တွေ ထင်ထားသလိုမဖြစ်လာတဲ့ plot twist တွေနဲ့ ဆက်လက်ရှုစားကြပါဦး (အညွှန်းနဲ့ ဘာသာပြန်တွေကတော့ Yunni~ V ~BpL ~Alex ~ToMo တို့ပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…1.5GB/ 690MB Quality…WEB DL 1080p /720p Format…mp4 Duration….1h 59m Subtitle….Myanmar Subtitle (Hard Sub) Encoder….YK Translated by Yunni~ V ~BpL ~Alex ~ToMo

IMDb 5.1/10 ဘတ်ဂျက် သန်း ၂၈၀ သုံးထားပြီး သတ်ခန်းဖြတ်ခန်းတွေကို ဆင်ဆာဖြတ်ထားခြင်းမရှိဘဲ သွေးသံရဲရဲနဲ့ ကျောချမ်းစရာမြင်ကွင်းတွေကို ကွင်းကွင်းကွက်ကွက်ပြသထားတဲ့ ရုံကားတစ်ကားပဲဖြစ်ပါတယ် အပြုံးလူသတ်သမား .. ဒီနာမည်ဖြစ်တည်လာပုံကတော့ စိတ္တဇလူသတ်သမားကသူသတ်တဲ့လူကို အပြုံးလှလှလေးတစ်ခုဖန်တီးပေးလိုက်လို့ပါပဲ ဘယ်လိုမျိုးလဲဆိုရင် သေရင်တောင်မှ ပီပြင်တဲ့အပြုံးတစ်ခုပေါ်လွင်လာဖို့ ပါးနှစ်ဖက်စလုံးမှာ ပါးစပ်ကိုဓားနဲ့ထိုးခွဲပြီးဖန်တီးပေးလိုက်တာပါ ဒါတင်မက မျက်လုံးတွေကိုပါဖောက်ထုတ်ပြီး တစ်ကိုယ်လုံးကိုဓားနဲ့မွှန်းပြီး လူမြင်ကွင်းမှာ သွားသွားပစ်ထားတတ်တာက သူ့အကျင့်လေးတစ်ခုပေါ့ ဒါပေမဲ့သူ့သင်္ကေတကတော့မိန်းကလေးတွေကိုပဲသတ်တာပါ ကျားဆိုယောင်လို့တောင်လှည့်မကြည့်တတ်တဲ့ ဒီအပြုံးလူသတ်သမားကြောင့်ချန်နိုင်းရဲမင်းကြီးက ဒီအမှုကို မင်းသား၂လက်ဖြစ်တဲ့ အန်ဒရူးနဲ့ အာဂျွန့်ဆီတာဝန်ပေးအပ်လိုက်ပါတယ် သိုပေတည်း ၆လကြာတဲ့အထိ အသတ်ခံရတဲ့မိန်းကလေး ၁၂ယောက်တောင်ဖြစ်လာခဲ့ပြီး လူသတ်သမားအကြောင်း တစ်စွန်းတစ်စတောင်မသိရလေတော့ ပြည်သူတွေအုံကြွပြီး ဆန္ဒတွေပြကြနဲ့ အဘက်ဘက်ကဖိအားတွေနဲ့ သူတို့၂ယောက်.. ဥာဏ်ပြေးလွန်းတဲ့ စိတ္တဇလူသတ်သမားနဲ့ ရဲတွေကြား ပညာပြိုင်ကြပုံကို ရင်တထိတ်ထိတ်နဲ့ကြည့်ရှုရမှာပဲဖြစ်ပါတယ် (အညွှန်းကိုတော့ Yunni ကရေးသားပေးထားပြီး ဘာသာပြန်တွေကတော့ Yunni ~ BpL ~V ~ Zwe ~ Alex ~ ToMo ပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…1.97GB / 828MB Quality…1080p WEB DL /720p Format…mp4 Duration….2h 32m Subtitle….Myanmar Subtitle (Hard Sub) Encoder….YK Translated by Yunni ~ BpL ~V ~ Zwe ~ Alex ~ ToMo

800 (2023)"ဝစ်ကတ် ၈၀၀" IMBb 9/10 Sport drama ကြိုက်တတ်တဲ့ အိန္ဒိယရုပ်ရှင်ပရိသတ်တွေအတွက် 800 ဆိုတဲ့ တမီလ်စကားပြော ဖြစ်ရပ်မှန် Sport, biography ရုပ်ရှင်လေးကို ချန်နယ်မြန်မာကနေ တင်ဆက်ပေးလိုက်ပါတယ်။ ဒီရုပ်ရှင်ဟာဆိုရင် ခရစ်ကတ်သမိုင်းတလျှောက်မှာ Wicket တွေ အမြင့်ဆုံးထိခဲ့တဲ့ သီရိလင်္ကာခရစ်ကတ်သမား မူရာလီရဲ့အကြောင်းကို စိတ်လှုပ်ရှားဖွယ် ပြန်လည်ပုံဖော်ထားတာပဲဖြစ်ပါတယ်။ သမ္မာကျမ်းစာကို စာအုပ်ပေါင်းများစွာနဲ့ကူးယူနေရတဲ့ ပြင်သစ်ဘုန်းတော်ကြီးတွေက ရသေ့စိတ်ဖြေလုပ်ဖို့အတွက် ခရစ်ကတ်ကစားနည်းကို တီထွင်ခဲ့တယ်လို့ တချို့ကပြောကြတယ်။ တချို့ကတော့ အင်္ဂလိပ်သိုးကျောင်းသားတွေက တီထွင်ခဲ့တာတဲ့။ ဘယ်သူကပဲတီထွင်ခဲ့တီထွင်ခဲ့ အင်္ဂလိပ်တွေနဲ့အတူ အိန္ဒိယကိုရောက်လာခဲ့တဲ့ ခရစ်ကတ်ကစားနည်းကို အိန္ဒိယက မူသီယာ မူရာလီသာရန်ဆိုတဲ့ ကလေးငယ်လေးက သဘောကျသွားပြီး အရူးအမူးကစားရင်း အနိမ့်အမြင့် အတက်အကျတွေကြားထဲကနေ ကမ္ဘာ့စံချိန်ချိုးတဲ့ကစားသမားဖြစ်လာခဲ့ပုံကို ခရစ်ကတ်အကြောင်းမသိတဲ့သူတွေတောင်မှ စိတ်ဝင်စား၊ စိတ်လှုပ်ရှားဖွယ်ဖြစ်အောင် ဒီရုပ်ရှင်ထဲမှာ ပုံဖော်ပြထားပါတယ်..။ ( ဒီရုပ်ရှင်အတွက် ဘာသာပြန်ညွှန်းဆိုသူတွေကတော့ CM Bollywood Team ပဲဖြစ်ပါတယ်။ ) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.95GB / 1.35GB Quality…1080p WEBDL / 720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by CM Bollywood Team

အစိုးရအရာရှိတွေကို ပစ်မှတ်ထားပြီး ဆက်တိုက်သတ်ဖြတ်နေတဲ့ မျက်နှာဖုံးစွပ်အဖွဲ့တစ်ဖွဲ့ ရှိနေပါတယ်။ သူတို့က လူသတ်ပြီးတိုင်း ခြေရာလက်ရာနဲ့ သဲလွန်စ မကျန်အောင် လုပ်နိုင်တဲ့အပြင် သတ်ဖြတ်မှုကို ဗီဒီယိုရိုက်ပြီး ရဲဌာနဆီ ပို့တဲ့အထိ ရဲတင်းကြတယ်။ ရဲဌာနက ဒီအမှုကို မကိုင်တွယ်နိုင်တော့တဲ့အခါ ဘလက်စကွက်ဒ်ဆိုတဲ့အဖွဲ့ကို တာဝန်လွှဲပေးလိုက်ပါတယ်။ ဒီအဖွဲ့ကလည်း မဖြေရှင်းနိုင်တဲ့အမှု မရှိသလောက်ပဲလို့ နာမည်ကြီးပြီး ဉာဏ်ထက်တဲ့အဖွဲ့ပါ။ ခြေရာမချန်တဲ့ လူသတ်အဖွဲ့ကို သူတို့လိုက်စုံစမ်းရာက နှစ်ဖွဲ့ကြား အကွက်ချင်းပြိုင်ဆိုင်မှုတွေနဲ့ မမျှော်လင့်ထားတဲ့ လှည့်ကွက်တွေ ပေါ်လာပါတယ်။ ကမာလ်ဟာစန်း၊ ဗီဂျေးစည်သူပတီ၊ ဖဟဒ်ဖာဆစ်လ်နဲ့ ဆူရီးယားတို့ ပါဝင်သရုပ်ဆောင်ထားတဲ့ အက်ရှင်ဇာတ်ကားဖြစ်ပါတယ်။ ဇာတ်ကောင်တချို့ကတော့ Kaithi (2019) ထဲက ဇာတ်ကောင်တွေ ဖြစ်ကြပါတယ်။

မိန်းကလေးတစ်ယောက် ပျောက်ဆုံးနေပြီး သူနေခဲ့တဲ့အိမ်ကလည်း အနီးအနားမှာ သရဲခြောက်တယ်လို့ နာမည်ကြီးနေပါတယ်။ ပိုထူးဆန်းတာက သူ့ကို ရဲတပ်ဖွဲ့တင်မက နိုင်ငံရေးသမားတွေပါ အပူတပြင်း လိုက်ရှာနေကြတာပါ။ ဒါပေမယ့် လိုက်ရှာနေသူတွေကိုယ်တိုင်က ဘာကြောင့် ဒီမိန်းကလေးကို ရှာနေရသလဲဆိုတာ မသိကြဘူး။ ပျောက်ဆုံးနေတဲ့ မိန်းကလေး၊ သရဲခြောက်တယ်လို့ ပြောကြတဲ့အိမ်နဲ့ အကြောင်းရင်းမသိဘဲ ရှာဖွေနေကြသူတွေအကြောင်းကို တမီလ်ဇာတ်ကားတစ်ကားအဖြစ် တင်ပြထားပါတယ်။

ညတစ်ညမှာ မူးယစ်ဆေးနဲ့ လက်နက်ခဲယမ်းတွေ မှောင်ခိုသယ်လာတဲ့ ဗင်ကားတစ်စီးကို အင်စပက်တာဘီဂျွိုင်းနဲ့အဖွဲ့က ဖမ်းမိပြီး ပစ္စည်းတွေ သိမ်းဆည်းလိုက်ပါတယ်။ အဲဒီနောက် ရဲအရာရှိတစ်ယောက်ရဲ့အိမ်မှာ နယ်ထဲက အရာရှိအရာခံ အားလုံးနီးပါး စုဝေးသောက်စားကြတယ်။ သိပ်မကြာခင်မှာပဲ ဘီဂျွိုင်းကလွဲလို့ ကျန်သူအားလုံး အရက်ထဲက မူးယစ်ဆေးကြောင့် သတိလစ်ကုန်ကြပါတယ်။ ဒါဟာ သိမ်းဆည်းခံလိုက်ရတဲ့ မှောင်ခိုပစ္စည်းပိုင်ရှင်တွေ စီစဉ်ထားတဲ့အကွက်ဆိုတာ ဘီဂျွိုင်း နားလည်လိုက်တယ်။ အရာရှိတွေကို တခြားနေရာဆီ ချက်ချင်းရွှေ့ပေးရတော့မယ့်အချိန်မှာ ဘီဂျွိုင်းက ညနေခင်းကမှ သူ့လက်အောက်က ရဲတချို့ ဖမ်းခေါ်လာတဲ့ ဒီလီကို အကူအညီယူဖို့ စီစဉ်ပါတယ်။ ဒီလီကို ကုန်တင်ကားမောင်းခိုင်းပြီး သတိလစ်နေတဲ့ အရာရှိတွေကို သယ်သွားစေချင်တာပါ။ ဒီလီကတော့ ထောင်ဆယ်နှစ်ကျပြီး လွတ်ငြိမ်းချမ်းသာခွင့်နဲ့ ပြန်လွတ်လာသူပါ။ မွေးကတည်းက ဆယ်နှစ်ကြာအောင် တစ်ခါမှ မမြင်ဖူးသေးတဲ့ သမီးလေးကို တွေ့ဖို့ မိဘမဲ့ကျောင်းဆီ သွားမလို့ဖြစ်နေတယ်။ ဒီအချိန်မှာ ကြုံလာတဲ့ ဘီဂျွိုင်းခိုင်းတဲ့အလုပ်ကို သူလုပ်နိုင်ပါ့မလား၊ စောင့်မျှော်ခဲ့ရတဲ့ သမီးနဲ့ရော တွေ့ခွင့်ရပါ့မလား။ Karthi ပါဝင်သရုပ်ဆောင်ထားတဲ့ အက်ရှင်၊ သည်းထိတ်ရင်ဖိုဇာတ်ကားဖြစ်ပြီး အက၊ သီချင်းနဲ့ မင်းသမီးဇာတ်ဆောင် မပါဝင်ပါဘူး။ ဒီဇာတ်ကားထဲက ဇာတ်ကောင်တွေဟာ Vikram (2022) မှာလည်း ပြန်လည်ပါဝင်လာပါတယ်။