Nayanthara ပါဝင်သော ဇာတ်ကားများ

Toxic_(2026) မင်းသားကြီး Yash ရဲ့ KGF နောက်ပိုင်း အကြီးမားဆုံး အလန်းစား Gangster Drama KGF ထဲက Rocky Bhai ကို သတိရနေကြတဲ့ ပရိသတ်တွေအတွက်တော့ ဒီကားက တကယ့်ကို စောင့်မျှော်ခဲ့ရတဲ့ ကားကြီးပါ။ မင်းသား Yash က KGF 2 အပြီးမှာ ခပ်ဆန်းဆန်း ခပ်ကြမ်းကြမ်းပုံစံနဲ့ ပြန်လာတာဖြစ်ပြီး ဒါရိုက်တာ Geetu Mohandas က ရိုက်ကူးထားတာပါ။ဘတ်ဂျက်အနေနဲ့ကလည်း ရူပီး ကုဋေ ၅၀၀-၁၀၀၀ အထိကိုရှယ်သုံးထားတာဖြစ်လို့ လုံးဝကို ကြမ်းရမ်းနေတဲ့အက်ရှင်အလန်းစားတွေကို ကြည့်ရှုရမှာပါ။ဇာတ်လမ်းက ပေါ်တူဂီအုပ်ချုပ်မှုအောက်က ဂိုအာ မြို့ကို အခြေခံထားပြီး ဂန်းစတား တစ်ယောက်ဖြစ်တဲ့ ရာယာ ရဲ့ ဘဝအကြောင်းပါ။ငယ်စဉ်ကတည်းက အစ်မဖြစ်သူ ဂင်္ဂါ ရဲ့ စောင့်ရှောက်မှုနဲ့ ကြီးပြင်းလာခဲ့ရတဲ့ ရာယာဟာ ဖခင်ဖြစ်သူကို သ_တ်ခဲ့တဲ့ ရာဇဝတ်ဂိုဏ်းခေါင်းဆောင်ကို လက်စားချေအပြီးမှာ မှောင်ခိုလောကထဲ ရောက်ရှိသွားပြီး သြဇာကြီးမားတဲ့ ဂန်းစတား တစ်ယောက် ဖြစ်လာတဲ့အခါ.....ဒီလိုနဲ့ ရှုပ်ထွေးလှတဲ့ အာဏာလုပွဲတွေကြား အာဏာဆိုတာ တောင်းယူရတာမဟုတ်ဘူး လုယူရတာဆိုတဲ့ Tagline အတိုင်းပဲ မင်းသား Yash ရဲ့ Dark Mode ကို အပြည့်အဝ မြင်တွေ့ရမှာပဲဖြစ်ပါတယ်။ File size… 2.76 GB / 1.8 GB Quality…WEB DL 1080p HEVC/ 720p Format…mkv/ mp4 Duration…. 3h 12m Subtitle….Myanmar Subtitle (Hard Sub)

Hi 2026 ဟိုင်း ဒိတ်ဒိတ်ကြဲတွေဖြစ်တဲ့ ကာဗင်ရာ့ဂ်ျနဲ့ နာယန်သရာတို့ရဲ့ အချိတ်အဆက်မိမိ ပါဝင်သရုပ်ဆောင်ထားတဲ့ ၂၀၂၆ ရုံတင်ကားကြီး ထွက်ရှိလာခဲ့ပါပြီ ရုံတင်ငွေအနေနဲ့လည်း အတော်လေးပြန်ရထားတဲ့ ဇာတ်ကားကောင်းတစ်ကားကို တင်ဆက်ပေးလိုက်ပါတယ် ရည်းစားမရှိတော့ အိမ်ကပေးစားတဲ့လူနဲ့ ယူရမှာကြောက်ပြီး ချန်နိုင်းကိုထွက်ပြေးလာတဲ့ မာယေးလ်။ တစ်ဖက်မှာလည်း အိမ်ကပေးစားတဲ့လူနဲ့ မယူနိုင်လို့ ထွက်ပြေးလာတဲ့ ‌ဒေဗာယာနီ။ ၂ယောက်သား ကံကြမ္မာရဲ့ ဖန်တီးမှုကြောင့် ချန်နိုင်းမြို့ပေါ်မှာ ဆုံတွေ့သွားကြပြီး သူငယ်ချင်းတွေ ဖြစ်လာခဲ့ကြပါတယ်။ အနေကြာလာတော့ ဘဝတူချင်းမို့ အချင်းချင်းနားလည်လာတာနဲ့အမျှ ခံစားချက်ချင်းလည်း ရင်းနှီးလာကြတာပေါ့။ ဒါပေမဲ့ ၂ဖက်မိဘကသိသွားပြီး အတင်းလာခေါ်ဖို့ကြံရာမှာတော့ ၂ယောက်ပေါင်းပြီး ဉာဏ်နီ ဉာဏ်နက်တွေ ထုတ်သုံးလာကြပါတော့တယ်။ အဲဒီဟန်ဆောင်ဇာတ်လမ်းက ဘာတွေဆက်ဖြစ်သွားမလဲဆိုတာ အတူကြည့်လိုက်ရအောင်။ File size… 5.8GB / 2.1 GB / 1.2 GB Quality…WEB DL 4k HEVC / 1080p HEVC/ 720p Format…mkv/ mp4 Duration….2h 24m Subtitle….Myanmar Subtitle (Hard Sub)

Patriot (2026) မျိုးချစ် သူရဲကောင်း IMDb (6.6/10) ဒါရိုက်တာ Mahesh Narayanan ရိုက်ကူးပြီး ၂၀၂၆ ခုနှစ် မေလမှာ ရုံတင်ပြသခဲ့တဲ့ Patriot ဟာ အိန္ဒိယရဲ့ ထိပ်တန်းမင်းသားကြီးနှစ်လက်ဖြစ်တဲ့ Mammootty နဲ့ Mohanlal တို့ကို ၁၇ နှစ်အကြာမှာ တစ်ကျော့ပြန် အတူတူမြင်တွေ့ရမယ့် မလေးယာလမ် နိုင်ငံရေးနဲ့ သူလျှိုအက်ရှင် ကားပဲ ဖြစ်ပါတယ်။ ဒါ့အပြင် နာမည်ကြီးမင်းသား Fahadh Faasil လည်း အဓိကဗီလိန်နေရာကနေ ပါဝင်အားဖြည့်ထားပါတယ်။အိန္ဒိယ ကာကွယ်ရေးသုတေသနအဖွဲ့ (Defence Research Wing) က ပညာရှင် ဒေါက်တာဒန်နီရယ် ဂျိမ်းစ် ကို ဝန်ကြီးချုပ်ဟောင်း နာလီနီ က အရပ်သားတွေအပေါ် တရားမဝင် အသုံးချနေတဲ့ "Periscope" စောင့်ကြည့်ရေးဆော့ဖ်ဝဲအကြောင်း လျှို့ဝှက်စုံစမ်းဖို့ တာဝန်ပေးအပ်ခဲ့ပါတယ်။ ဒီဆော့ဖ်ဝဲကို ပြည်ထောင်စုဝန်ကြီး JP ဆန်ဒရမ် နဲ့ သူ့ရဲ့သားဖြစ်သူ နည်းပညာလုပ်ငန်းရှင် ရှက်တီ တို့က ပူးပေါင်းပြီး နိုင်ငံရေးအမြတ်ထုတ်ဖို့ ကြိုးပမ်းနေကြတာပါ။ ဒါပေမဲ့ စုံစမ်းစစ်ဆေးမှု မပြီးခင်မှာပဲ ဝန်ကြီးချုပ်ဟောင်း လုပ်ကြံခံလိုက်ရပြီး ဒန်နီရယ် ကိုယ်တိုင်လည်း အစိုးရရဲ့ လိုက်လံဖမ်းဆီးခြင်းကို ခံရပါတော့တယ်။ သူဟာ ယူကေ (UK) ကို ထွက်ပြေးတိမ်းရှောင်ခဲ့ရပြီး အဲဒီနေရာကနေ ဗီမာသန် ဆိုတဲ့ အမည်ဝှက်နဲ့ Vlog တစ်ခုဖွင့်ကာ အစိုးရရဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားပါတော့တယ်။ အစိုးရက သူ့ကို တိုင်းပြည်သစ္စာဖောက်အဖြစ် သတ်မှတ်ပြီး နည်းလမ်းမျိုးစုံနဲ့ လိုက်လံနှိမ်နင်းချိန်မှာပဲ သူ့ရဲ့သူငယ်ချင်းဟောင်းကြီး ရာဟင်မ် က ဒန်နီရယ်ဘက်ကနေ မမျှော်လင့်ဘဲ ပါဝင်ကူညီပေးလာပြီး သတင်းအချက်အလက် နည်းပညာအင်ပါယာကြီးကို အတူတူ တိုက်ဖျက်ကြတဲ့အခါ.....။ဒီဇာတ်ကားဟာ ရိုးရိုးရှင်းရှင်း ရိုက်ကူးထားတဲ့ မဆလာအက်ရှင်ကားမျိုး မဟုတ်ဘဲ လက်ရှိခေတ်ကာလရဲ့ ဒီဂျစ်တယ်လုံခြုံရေး ပြဿနာတွေကို ထိထိမိမိ မီးမောင်းထိုးပြထားတဲ့ ကားကောင်းတစ်ကား ဖြစ်ပါတယ်။ ဇာတ်လမ်းအသားပေး စပိုင် thriller ဇာတ်ကားတွေကို သဘောကျတဲ့သူတွေအတွက် လက်မလွှတ်တမ်း ကြည့်ရှုသင့်တဲ့ ကားတစ်ကား ဖြစ်လို့ကြည့်ရှုခံစားလိုက်ကြပါဦး။ File size… 6.2 GB / 2.41 GB / 1.29 GB Quality…WEB DL 4K / 1080p HEVC/ 720p Format…mkv/ mp4 Duration….2h 57m Subtitle….Myanmar Subtitle (Hard Sub)

Mana Shankara Vera Prasad Guru (2026) ကိုယ်ရံတော် IMDb (6.2/10) ပရာဆတ်က အမေဖြစ်သူနဲ့ နှစ်ဦးတည်းအတူနေထိုင်တဲ့ အိမ်ထောင်ကွဲ ကလေးနှစ်ယောက် အဖေတစ်ယောက်ပေါ့ သူ့ရဲ့အလုပ်ကတော့ သက်တော်စောင့်အလုပ်ဖြစ်ပြီး သူ့အလုပ်မှာလည်း နှစ်ယောက်မရှိအောင်ပြိုင်ဘက်ကင်း ထူးချွန်သူတစ်ဦး။ ကျိကျိတက်အောင်ချမ်းသာတဲ့ သူဌေးသမီး ရှာရှီရေခါနဲ့အိမ်ထောင်ကျခဲ့ပြီး ကံမကောင်းအကြောင်း မလှဘဲ သူတို့အိမ်ထောင်ပြိုကွဲခဲ့ပါတယ် သားနဲ့ သမီးဖြစ်သူနှစ်ယောက်က မိခင်ဖြစ်သူ ရှာရှီရေခါရဲ့ အုပ်ထိန်းမှုရောက်ခ့ပြီး ငယ်စဉ်ကတည်းက ဖခင် ပရာဆတ်နဲ့ ကွဲကွာခဲ့ကြပြီး ဖခင်ဖြစ်သူကို အထင် လွဲမုန်းတီးနေကြတာပေါ့ တစ်နေ့မှာ‌တော့ ကွဲကွာနေတဲ့ ဇနီးနဲ့ ကလေးတွေကို ကလဲ့စားချေလိုတဲ့ ရဲအရာရှိဟောင်းတစ်ယောက်ရဲ့ ရန်ကနေ ကာကွယ်ပေး ဖို့အကြောင်းဖန်လာခဲ့ပြီး ခြောက်နှစ်ကြာ ဝေးကွာခဲ့တဲ့ မိသားစုအိမ်ထောင်ရေးကို ပြန်လည်ကုစားဖို့ ကြိုးစားလာရတဲ့အခါ ပရာဆတ်တစ်ယောက် မိသားစုကိုခြိမ်းခြောက်လာတဲ့အသက် အန္တရာယ်ကို ကာကွယ်ပေးနိုင်မလား။မိသားစုနဲ့ပြန်လည်အဆင်ပြေအောင်ကြိုးစားနိုင်ပါ့မလားဆိုတာကို ကြည့်ရှုခံစားကြပါဦး။ File size…9.6 GB / 3.34 GB / 1.63 GB Quality…WEB DL 4K / 1080p HEVC/ 720p Format…mkv/ mp4 Duration….2hr 35mins Subtitle….Myanmar Subtitle (Hard Sub)

Test (2025) "ဘ၀လက်ရည်စမ်းပွဲ" ဒီတစ်ခါတော့ CM Bollywood ပရိသတ်ကြီးအတွက် တမီလ်စကားပြော အားကစား-ဒရာမာဇာတ်လမ်းတစ်ပုဒ်နဲ့မိတ်ဆက်ပေးချင်ပါတယ်။ 3 Idiots ဇာတ်လမ်းထဲမှာဖာဟန်အဖြစ်ပါ၀င်ခဲ့ဖူးတဲ့ မင်းသားကြီး R. Madhavan ခေါင်းဆောင်ပါ၀င်ထားပါတယ်။ ခရစ်ကတ်အားကစားကိုနောက်ခံထားပြီး မတူညီတဲ့ဘ၀နဲ့ လူသုံးယောက်ရဲ့ဘ၀အခက်အခဲတွေကို ပုံဖော်ပေးထားတာ ဖြစ်ပါတယ်။ အာဂျွန်ဆိုတာ တစ်ချိန်ကအရမ်းလက်စွမ်းထက်ခဲ့တဲ့ နိုင်ငံ့လက်ရွေးစင် နာမည်ကြီးခရစ်ကတ်ကစားသမားတစ်ယောက်ပါ။ လက်ရှိမှာ‌တော့ အရွယ်တစ်ခုရောက်ပြီး ငွေကြေးပြည့်စုံပေမဲ့ အကျဘက်ရောက်လာတဲ့ သူ့ရဲ့အားကစားသမားဘ၀ကို ဆက်လက်ရပ်တည်နိုင်ဖို့ ရုန်းကန်နေရသူပေါ့...။ ‌‌ဆာရာဗန်နန်ကတော့ စက်တွေတီထွင်ရတာကိုရူးသွပ်လွန်းသူမို့ သိပ္ပံပညာရှင်ကြီးရယ်လို့ နာမည်ပြောင်ရထားသူပါ။ ဒါပေမဲ့ အိမ်ထောင်သည် လူလတ်တန်းစားတစ်ယောက်ပီပီ သူ့အိပ်မက်တစ်ခုဖြစ်မြောက်ဖို့အရေးတောင် အကြွေးတွေပတ်လည်ဝိုင်းရင်း ဘ၀ကိုရုန်းကန်နေရသူ ဖြစ်ပါတယ်။ ဆာရာဗန်နန်ကတော့ စက်တွေတီထွင်ရတာကိုရူးသွပ်လွန်းသူမို့ သိပ္ပံပညာရှင်ကြီးရယ်လို့ နာမည်ပြောင်ရထားသူပါ။ ဒါပေမဲ့ အိမ်ထောင်သည် လူလတ်တန်းစားတစ်ယောက်ပီပီ သူ့အိပ်မက်တစ်ခုဖြစ်မြောက်ဖို့အရေးတောင် အကြွေးတွေပတ်လည်ဝိုင်းရင်း ဘ၀ကိုရုန်းကန်နေရသူ ဖြစ်ပါတယ်။ နောက်တစ်နောက်ကတော့ ဆာရာရဲ့မိန်းမဖြစ်သူ ကျောင်းဆရာမလေးကူမူဒါပါ။ ကူမူဒါဟာ မိန်းကလေးဖြစ်ပေမဲ့ ခရစ်ကတ်အားကစားကိုရူးသွပ်သူဖြစ်ပြီး သူ့ဖခင်ကလည်း ခရစ်ကတ်နည်းပြဟောင်းကြီး ဖြစ်ပါတယ်။ သူဟာ အာဂျွန်ရဲ့အမာခံပရိသတ်ဖြစ်သလို့ အာဂျွန့်သားဖြစ်သူရဲ့ ကျောင်းဆရာမလည်း ဖြစ်နေပြန်ပါတယ်။ သူကတော့ ကလေးအရမ်းလိုချင်သူဖြစ်ပြီး ကလေးရဖို့ နည်းမျိုးစုံကြိုးစားနေသူပါ။ ဒီလိုနဲ့ သူ့နည်းသူ့ဟန်နဲ့ ဘ၀ကိုကြိုးစားရုန်းကန်နေကြတဲ့ သူတို့သုံးဦးရဲ့ကံကြမ္မာဟာ ရှေ့ဆက် ဘာတွေဖြစ်လာမလဲဆိုတာ စိတ်၀င်စားစရာကြည့်ရှုခံစားရမှာဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ Cym~KKKZ~ZweYan~Yunni ပါ။) File size… 1.9 GB / 972 MB Quality…WEB DL 1080p HEVC/ 720p Format…mkv/ mp4 Duration….1h 25m Subtitle….Myanmar Subtitle (Hard Sub) Encoder….YK Translated by Cym~KKKZ~ZweYan~Yunni

Nayanthara: Beyond the Fairy Tale (2024) အိန္ဒိယတောင်ပိုင်းရုပ်ရှင်နယ်ပယ်က လေဒီစူပါစတားလို့နာမည်ကြီးတဲ့ မင်းသမီးနာယန်သာရာအကြောင်းကို Netflixကနေ မှတ်တမ်းရုပ်ရှင်ရိုက်ကူးထားတာပါ။ အင်တာဗျူးသိပ်မဖြေတဲ့ မင်းသမီးတစ်ယောက်က ဘာလို့မှတ်တမ်းရုပ်ရှင်ရိုက်ဖို့ လက်ခံခဲ့တာလဲဆိုတော့ လူတိုင်းကို နည်းနည်းလောက်ဖြစ်ဖြစ် ပျော်စေချင်လို့ပါတဲ့။ တခြားသူတွေပျော်နေတာကိုမြင်ရတဲ့ ပျော်ရွှင်မှုလေးရစေချင်လို့တဲ့။ အဓိကကတော့ မင်းသမီးနာယန်သရာ တမီးလ်ရုပ်ရှင်ဒါရိုက်တာဗစ်ဂ်နက်ရှီဗန်နဲ့ မင်္ဂလာပွဲအတွက် ပြင်ဆင်ကြပုံတွေနဲ့၊ နာယန်သရာရယ် ဘယ်လိုဖြစ်လာလဲဆိုတာကို ကြည့်ကြရမှာပါ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 1.4 GB / 646 MB Quality…WEB DL 1080p HEVC/ 720p Format…mkv/ mp4 Duration….1h 21m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb 5.1/10 ဘတ်ဂျက် သန်း ၂၈၀ သုံးထားပြီး သတ်ခန်းဖြတ်ခန်းတွေကို ဆင်ဆာဖြတ်ထားခြင်းမရှိဘဲ သွေးသံရဲရဲနဲ့ ကျောချမ်းစရာမြင်ကွင်းတွေကို ကွင်းကွင်းကွက်ကွက်ပြသထားတဲ့ ရုံကားတစ်ကားပဲဖြစ်ပါတယ် အပြုံးလူသတ်သမား .. ဒီနာမည်ဖြစ်တည်လာပုံကတော့ စိတ္တဇလူသတ်သမားကသူသတ်တဲ့လူကို အပြုံးလှလှလေးတစ်ခုဖန်တီးပေးလိုက်လို့ပါပဲ ဘယ်လိုမျိုးလဲဆိုရင် သေရင်တောင်မှ ပီပြင်တဲ့အပြုံးတစ်ခုပေါ်လွင်လာဖို့ ပါးနှစ်ဖက်စလုံးမှာ ပါးစပ်ကိုဓားနဲ့ထိုးခွဲပြီးဖန်တီးပေးလိုက်တာပါ ဒါတင်မက မျက်လုံးတွေကိုပါဖောက်ထုတ်ပြီး တစ်ကိုယ်လုံးကိုဓားနဲ့မွှန်းပြီး လူမြင်ကွင်းမှာ သွားသွားပစ်ထားတတ်တာက သူ့အကျင့်လေးတစ်ခုပေါ့ ဒါပေမဲ့သူ့သင်္ကေတကတော့မိန်းကလေးတွေကိုပဲသတ်တာပါ ကျားဆိုယောင်လို့တောင်လှည့်မကြည့်တတ်တဲ့ ဒီအပြုံးလူသတ်သမားကြောင့်ချန်နိုင်းရဲမင်းကြီးက ဒီအမှုကို မင်းသား၂လက်ဖြစ်တဲ့ အန်ဒရူးနဲ့ အာဂျွန့်ဆီတာဝန်ပေးအပ်လိုက်ပါတယ် သိုပေတည်း ၆လကြာတဲ့အထိ အသတ်ခံရတဲ့မိန်းကလေး ၁၂ယောက်တောင်ဖြစ်လာခဲ့ပြီး လူသတ်သမားအကြောင်း တစ်စွန်းတစ်စတောင်မသိရလေတော့ ပြည်သူတွေအုံကြွပြီး ဆန္ဒတွေပြကြနဲ့ အဘက်ဘက်ကဖိအားတွေနဲ့ သူတို့၂ယောက်.. ဥာဏ်ပြေးလွန်းတဲ့ စိတ္တဇလူသတ်သမားနဲ့ ရဲတွေကြား ပညာပြိုင်ကြပုံကို ရင်တထိတ်ထိတ်နဲ့ကြည့်ရှုရမှာပဲဖြစ်ပါတယ် (အညွှန်းကိုတော့ Yunni ကရေးသားပေးထားပြီး ဘာသာပြန်တွေကတော့ Yunni ~ BpL ~V ~ Zwe ~ Alex ~ ToMo ပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…1.97GB / 828MB Quality…1080p WEB DL /720p Format…mp4 Duration….2h 32m Subtitle….Myanmar Subtitle (Hard Sub) Encoder….YK Translated by Yunni ~ BpL ~V ~ Zwe ~ Alex ~ ToMo

ဒီနှစ်ထဲမှာပဲ ဒုတိယမြောက်အောင်မြင်မှုကိုစိုက်ထူခဲ့ပြန်တဲ့ King Khanရဲ့ရုပ်ရှင်ကားကြီး Jawanကို တင်ဆက်ပေးလိုက်ပါပြီ။ King Khanရယ်လို့ ဂုဏ်ပုဒ်တစ်ခုရတဲ့အထိ အောင်မြင်ခဲ့တဲ့ အောင်မြင်နေဆဲ မင်းသားကြီးရှာရွတ်ခန်းရဲ့ အသက်၅၈မွေးနေ့ဖြစ်တဲ့ နိုဝင်ဘာ ၂ရက်နေ့မှာပဲ မွေးနေ့အထိမ်းအမှတ်အနေနဲ့ ဒီရုပ်ရှင်ကားကြီးဟာ ဒစ်ဂျစ်တယ်ပလက်ဖောင်းပေါ်ကိုရောက်ရှိလာခဲ့တာပါ။ ပထန်မှာတုန်းက အမေရိကန်ဒေါ်လာ သန်း၁၃၀ဝန်းကျင်ထိရခဲ့ပြီး ဒီရုပ်ရှင်မှာတော့ သန်း၁၄၀ဝန်းကျင်ထိ ပြန်လည်ရရှိခဲ့ပါတယ်။ ဒီကားမှာ ဘောလိ၀ုဒ်ရဲ့ဘုရင်ကြီး ကင်းခန်းနဲ့ တမီးလ်စတား မင်းသားကြီးဗီဂျေးစည်သူပတီတို့ အပြိုင်ကျဲထားတဲ့အပြင် အချောလေး ဒီပီကား မင်းသားကြီး ဆန်ဂျေးဒတ်နဲ့ ယိုဂီဘာဘူတို့လည်းပါဝင်အားဖြည့်ထားပါသေးတယ်။နောက်ပြီး မင်းသမီးချောအငယ်လေးတွေကိုလည်း တ၀ကြီးရှုစားရမှာပါ။ ဥပဒေ...။ဥပဒေဆိုတာ ယဉ်ကျေးတဲ့လူ့အသိုင်းအဝိုင်းအတွင်းမှာ မမှားသင့်တာမမှားရအောင်၊ မှားခဲ့ပြန်ရင်လည်း အမှားကိုသက်သေထူပြီး အပြစ်ဒဏ်ပေးဖို့ပဲလို့ အလွယ်ဆိုကြပါစို့။ဒီလို လူ့ယဉ်ကျေးအသိုင်းအဝိုင်းဆိုတာကြီးထဲမှာပဲ ဥပဒေကိုလက်တလုံးခြားလုပ်ရင်း ကိုယ်ကျိုးရှာတတ်တဲ့ အတ္တသမားကြီးတွေက ဥပဒေအထက်မှာရောက်နေတတ်ကြတာကလည်း ဓမ္မတာလို့ပဲဆိုကြရလေမလား။ ဒီလို ဝိသမလောဘသမားတွေကို ပညာပေးမယ့် အဖွဲ့တစ်ဖွဲ့ရှိနေပါတယ်။ အာဇဒ်နဲ့မိန်းမပျိုလေးတသိုက်ပေါ့။သူတို့တွေ ရထားတစ်စင်းကိုပြန်ပေးဆွဲကြပေမယ့် ပြန်ပေးဆွဲရတဲ့ အကြောင်းအရင်းခံကြောင့် ပြန်ပေးဆွဲခံရသူ ရထားပေါ်ကခရီးသည်တွေပါ သူတို့နဲ့တစိတ်တဝမ်းတည်းဖြစ်ကုန်ပါရောလား။ ဥပဒေရဲ့အပြင်ကနေ မလွှဲမရှောင်သာလုပ်ကိုင်နေရသူဖြစ်ပေမယ့်ရေစက်ဆုံချင်တော့လည်း ပြန်ပေးညှိနှိုင်းရေး အရာရှိအမျိုးသမီးလေးနဲ့မှ အာဇဒ်တစ်ယောက် ဖူးစာဆုံပါရော။ အာဇဒ်နဲ့အဖွဲ့က နောက်ထပ်မစ်ရှင်တစ်ခုကိုထပ်လုပ်တဲ့အချိန်...၊အာဇဒ်ရဲ့ ဖုံးကွယ်ထားတဲ့ဇာတ်ရုပ်ကိုမသိဘဲ နှစ်ဦးသားအတူချစ်ခရီးလမ်းကိုလျောက်လှမ်းနေတဲ့ အရာရှိအမျိုးသမီးကလည်း အာဇဒ်ရဲ့ ဖုံးကွယ်ထားတဲ့အမှန်တရားကို သိသွားချိန်မှာတော့။ အက်ရှင်၊အချစ်၊အလွမ်း၊မေတ္တာတရား စတဲ့ ရသစုံလင်စွာနဲ့ စောင့်မျှော်ရကျိုးနပ်တဲ့ ရုပ်ရှင်ကားကြီးကိုကြည့်ရှုအားပေးကြပါဦးလို့။ (အညွှန်းနဲ့ဘာသာပြန်သူတွေကတော့ CM BOLLYWOOD TEAMပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size....10GB / 3.6GB / 1.7GB Quality…4k HEVC / 1080p NF WEB DL /720p Format…mp4 Duration….2h 49mins Subtitle….Myanmar Subtitle (Hard Sub) Encoder….YK Translated by CM Bollywood Team

Annapoorani - The Goddess of Food (2023)"အိန္ဒိယချန်ဂင်" IMDb- 4.8/10 Netflixကနေ ထုတ်လွှင့်လိုက်တဲ့ စားဖိုမှူးမလေးအကြောင်း တမီလ်အချစ် အချက်အပြုတ်ကားလေးကို တင်ဆက်ပေးလိုက်ပါတယ်။ အဓိကဇာတ်ကောင်ကတော့ Jawan(2023)မှာ ရှရွတ်ခန်းဇနီး ရဲမေမလေးအဖြစ်သရုပ်ဆောင်ခဲ့တဲ့ မင်းသမီးချော နာယန်သရာပဲဖြစ်ပါတယ်။ ဘုရားကျောင်းမှာ ဘုရားဆွမ်းချက်ပေးရတဲ့ သက်သတ်လွတ်စားတဲ့ မျိုးရိုးဇာတ်အနွယ်မြင့် မိသားစုက အမျိုးသမီးလေးတစ်ယောက်။ ဒီအမျိုးသမီးလေးရဲ့ အိပ်မက်က အိန္ဒိယဂုဏ်ဆောင် ကမ္ဘာကျော်စားဖိုမှူးကြီးဖြစ်ဖို့။ သက်သတ်လွတ်ဟင်းတွေကို ထူးရှယ်ချက်ပြုတ်နိုင်ပေမဲ့လည်း အသားမစားတဲ့အတွက် အသားဟင်းချက်ဖို့ အသားကိုင်ဖို့ကျ အဆင်မပြေဖြစ်နေရရှာ။ သူ့ကိုပိုးပန်းနေတဲ့ ကိုယ်တော်ချောရဲ့ ကောင်းမှုနဲ့ အဖေဖြစ်သူမသိအောင် အသားဟင်းတွေချက်ပြုတ်မြည်းစမ်းလာတဲ့အခါ။ အဖေဖြစ်သူက သူ့သမီးလေး အမ်ဘီအေတက်နေတယ်အမှတ်နဲ့ ကျောင်းကိုအလာမှာ အသားဟင်းတွေချက်ပြုတ် မြည်းစမ်းနေတဲ့သမီးဖြစ်သူကိုတွေ့တဲ့အခါမှာတော့။ သူဖြစ်ချင်တဲ့အိပ်မက်ကို အကောင်အထည်ဖော်ဖို့ ဆက်လက်ကြိုးစားသွားနိုင်မှာလားဆိုတာ...။ (အညွှန်းနဲ့ ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.06GB / 980MB Quality…WEB DL 1080p / 720p Format…mp4 Duration….2h 26m Subtitle….Myanmar Subtitle (Hard Sub) Encoder….YK Translated by CM Bollywood Team

ပါဗက်သီက ကျန်းမာရေးမကောင်းတဲ့ သားလေးဗီရာကို စောင့်ရှောက်နေရတဲ့ မုဆိုးမတစ်ယောက်ပါ။ ဗီရာဟာ ငယ်ငယ်ကတည်းက cystic fibrosis ရောဂါ ခံစားနေရပြီး သွားလေရာ အောက်စီဂျင်အိုး ယူသွားရတဲ့ကလေး ဖြစ်ပါတယ်။ သားကို ခွဲစိတ်ကုသပေးဖို့ ပါဗက်သီက ကုမ်ဘာတာကနေ ကိုချင်ကို ဘတ်စ်ကားနဲ့ ခေါ်သွားပါတယ်။ သူတို့စီးလာတဲ့ကားပေါ်မှာ အကျင့်ပျက်ရဲအရာရှိတစ်ယောက်၊ ခိုးရာလိုက်ဖို့ အခွင့်အရေးစောင့်နေတဲ့ စုံတွဲတစ်တွဲ၊ လွှတ်တော်အမတ်ဟောင်းတစ်ယောက်၊ ကားမောင်းသမားနဲ့ တခြားခရီးသည်တွေလည်း ပါလာကြတယ်။ လမ်းမှာ ယာဉ်တိုက်မှုကြီးတစ်ခု ဖြစ်ထားတာကြောင့် ကိုချင်ကို သွားနေကျလမ်း ပိတ်နေပါတယ်။ အချိန်မီရောက်ဖို့ ကားမောင်းသမားက တခြားလမ်းကို ရွေးလိုက်ပေမယ့် အဲဒီလမ်းမှာ မမျှော်လင့်တဲ့ ဘေးဆိုးနဲ့ ကြုံရတော့တယ်။ မြေပြိုမှုထဲ ပါသွားပြီး ဘတ်စ်ကားတစ်စီးလုံး သဲအောက်မှာ နစ်မြုပ်သွားတာပါ။ ပိတ်မိနေကြရတဲ့နောက် လူတွေရဲ့စိတ်ထဲက မကောင်းတဲ့ဘက်တွေပါ ပေါ်လာတဲ့အခါ ပါဗက်သီနဲ့ ဗီရာတို့ အချိန်မီ လွတ်မြောက်နိုင်ပါ့မလား၊ တခြားခရီးသည်တွေကရော ဘယ်လိုဖြစ်ကြမလဲဆိုတာ ရင်ဆိုင်ရတော့မှာ ဖြစ်ပါတယ်။ Nayanthara နဲ့ ကလေးသရုပ်ဆောင် Rithvik တို့ ပါဝင်ထားပြီး Disney+ Hotstar က ထုတ်လွှင့်တဲ့ တမီးလ်သည်းထိတ်ရင်ဖိုကားပါ။ မိခင်မေတ္တာနဲ့ အသက်ရှင်လွတ်မြောက်ရေးအကြောင်းကို တွဲဖော်ပြထားပြီး အစပိုင်းရိုက်ကွက်တွေကို နောက်ပိုင်းအဖြစ်အပျက်တွေနဲ့ ပြန်ချိတ်ဆက်ထားပါတယ်။

Rambo မမွေးခင်ကတည်းက သူတို့မိသားစုဟာ ရွာထဲမှာ ကျိန်စာသင့်နေတဲ့မိသားစုလို့ နာမည်ကြီးနေပါတယ်။ ဒီမိသားစုဝင်တွေနဲ့ လက်ထပ်ရင် အိမ်ထောင်ဖက် အသက်ဆုံးရှုံးရတယ်ဆိုတဲ့ အယူအဆကြောင့် ဘယ်သူမှ သူတို့နဲ့ အိမ်ထောင်မပြုချင်ကြဘူး။ ဒါပေမယ့် Rambo ရဲ့အဖေကတော့ ချစ်သူဖြစ်တဲ့ အင်္ဂလိပ်စာဆရာမ Minah Kaif နဲ့ လက်ထပ်လိုက်ပြီး မွေးလာမယ့်ကလေးက မိသားစုဆီ ကံကောင်းခြင်းတွေ ယူဆောင်လာမယ်လို့ ပြောနေခဲ့တယ်။ Rambo မွေးတဲ့နေ့မှာပဲ အဖေက မတော်တဆမှုတစ်ခုနဲ့ ဆုံးပါးသွားပါတယ်။ မိခင်လည်း လေဖြတ်ပြီး သားဖြစ်သူကလွဲလို့ အရာအားလုံးကို မေ့သွားတယ်။ အများက “ဂြိုဟ်ဆိုးကောင်” လို့ ဝိုင်းခေါ်ကြတဲ့ကြားမှာ Rambo ဟာ သိမ်ငယ်နာကျင်မှုတွေနဲ့ ကြီးပြင်းလာခဲ့ရပါတယ်။ သူ့ကြောင့် အမေ့ဆီ ကံဆိုးမှုတွေ ထပ်ရောက်လာမှာစိုးလို့ အမေနဲ့ရွာကို စွန့်ခွာပြီး မြို့မှာ နေ့ရောညပါ အလုပ်ကြိုးစားလုပ်နေခဲ့တယ်။ မြို့မှာ Khatija နဲ့ Kanmani ဆိုတဲ့ မိန်းကလေးနှစ်ယောက်နဲ့ တွေ့လာတဲ့အခါတော့ သူ့ဘဝက ပြောင်းလဲလာပါတယ်။ နှစ်ယောက်စလုံးက သူ့ကို အလွန်ချစ်ကြပြီး တစ်သက်လုံး အပယ်ခံခဲ့ရတဲ့ Rambo အတွက် ဒီလိုချစ်ခြင်းကို တစ်ပြိုင်တည်းရလိုက်တာဟာ ဘဝက အခုမှ အသက်ဝင်လာသလိုပါပဲ။ သူကလည်း နှစ်ယောက်လုံးကို ညီတူညီမျှ ချစ်တယ်လို့ ဆိုနေတော့ ဒီသုံးယောက်ရဲ့ အချစ်ရေးက ဘယ်လိုအဆုံးသတ်သွားမလဲ။

ပြည်သူတွေရဲ့ ချစ်ခင်မှုကို ရထားတဲ့ ဝန်ကြီးတစ်ယောက် ဆုံးပါးသွားတဲ့နောက် သူ့နေရာကို ဆက်ခံဖို့ လူနှစ်ယောက် အားပြိုင်လာကြပါတယ်။ တစ်ယောက်က လူကောင်းဖြစ်ပြီး နောက်တစ်ယောက်ကတော့ လူဆိုးပါ။ နှစ်ယောက်စလုံး ဩဇာအာဏာကြီးမားကြသူတွေဖြစ်လို့ ဒီနေရာအတွက် ယှဉ်ပြိုင်ရတာ ဘယ်သူ့အတွက်မှ မလွယ်ပါဘူး။ အင်အားမကွာလှတဲ့ ပြိုင်ဘက်နှစ်ယောက်ကြားက အာဏာအားပြိုင်မှုကို နိုင်ငံရေးအကြောင်းအရာတွေနဲ့ တွဲဖော်ပြထားပါတယ်။ နာရန်သရာနဲ့ ဆယ်လ်မန်ခန်းတို့လည်း ပါဝင်သရုပ်ဆောင်ထားပါတယ်။

Netrikann (2021) Crime, Drama, Mystery IMDb 7.3/10 ဒီကားကလည်း Remake တွေထဲမှာ အကြိမ်ကြိမ် ပြန်ရိုက်လည်း မရိုးနိုင်တဲ့ Remake ထဲက တစ်ကားပါပဲ။ 2011 ခုနှစ်တုန်းက ကိုရီးယားက Blind ဆိုတဲ့ အမည်နဲ့ ရိုက်ကူးခဲ့ပါတယ်။ 2015 ခုနှစ်မှာတော့ တရုတ်က The Witness ဆိုတဲ့ အမည်နဲ့ ရိုက်ကူးခဲ့ပါတယ်။ အခု ၂၀၂၁ ခုနှစ်မှာတော့ အိန္ဒိယက Netrikann ဆိုတဲ့အမည်နဲ့ ရိုက်ကူးခဲ့ပါပြီ။ ဇာတ်လမ်းအကျဉ်းကတော့ ဒီလိုပါ ..... မတော်တဆမှုတစ်ခုမှာ မောင်ဖြစ်သူသေဆုံးပြီး ကိုယ်တိုင်မျက်စိကွယ်ခဲ့ရတဲ့ စီဘီအိုင်အရာရှိကောင်မလေး ဒူရ်ဂါဟာ မျက်စိကွယ်ခဲ့ရတဲ့အတွက် စီဘီအိုင်(ရဲ)အလုပ်ကိုလည်း ဆက်မလုပ်နိုင်တော့ဘဲ ဘဝကို သိမ်ငယ်စွာဖြတ်သန်းနေခဲ့တယ်... တစ်ရက် ကားငှားပြီးစီးလာရင်းနဲ့ ဒါရိုက်ဘာက လူတစ်ယောက်ကို တိုက်မိသွားတယ်.. ခွေးတစ်ကောင်ကို တိုက်မိတာပါလို့ ယာဉ်မောင်းက လိမ်ပေမယ့်လည်း စီဘီအိုင်အရာရှိဟောင်းဖြစ်တဲ့ဒူရ်ဂါအဖို့ မျက်စိမမြင်ပေမယ့်လည်း အဖြစ်မှန်ကို လွယ်လွယ်ခန့်မှန်းမိနေပါတယ်... လူကိုပါ ရန်ရှာလာတော့ ရဲစခန်းမှာ အမှုလာဖွင့်တယ်.... မျက်မမြင်တစ်ယောက်ရဲ့တိုင်ချက်ဆိုတော့ အရေးမလုပ်ကြဘူး အဲ့ဒီခစန်းမှာလည်း ဘယ်သူကမှ လေးစားမှုမရှိတဲ့ အူတူတူ အက်စ်အိုင်အရာရှိတစ်ယောက်ရှိတယ်... သူကလည်း စခန်းကလူတွေလေးစားခံရဖို့ ဒီအမှုကိုကိုင်တွယ်ချင်တော့ မျက်မမြင်စီဘီအိုင်အရာရှိဟောင်း ဒူရ်ဂါဆီမှာ ပြန်ပြီးအကြံဉာဏ်လာ တောင်းတယ်... သူတို့နှစ်ဦးပေါင်းပြီး ဒီအမှုကို စုံစမ်းရင်းနဲ့မှ..... မကြည့်ဖူးတဲ့လူတွေအဖို့ Thriller ကား ကောင်းပီပီ အသည်းတယားယား ရင်တဖိုဖိုနဲ့ ကြည့်ရမှာပါ။ ကြည့်ပြီးသားလူတွေအဖို့လည်း ဇာတ်လမ်းဇာတ်အိမ် ခိုင်ခိုင်မာမာနဲ့ ပြန်လည်ဖန်တီးထားတဲ့ ဇာတ်လမ်းကို ကြည့်ရှုခံစားရမှာပဲ ဖြစ်ပါတယ်။ File size… 2.69 GB and 1.66 GB and 700MB Quality….WEB-DL 1080p and 720p and 689MB Format…mp4 Duration….2h 2min Subtitle….Myanmar Subtitle (Hardsub) Translator ..... May Zin OO and Mya Encoder ..... August

Annaatthe 2021 Drama/Action အချစ်နဲ့စစ်မှာမတရားတာမရှိဘူးလို့ထင်တဲ့အယူအဆကိုယနေ့တိုင်လက်ခံထားတဲ့သူတွေရှိသလို၊ လက်မခံထားတဲ့သူတွေဆိုတာလည်းရှိ‌သပေါ့လေ။ လူတစ်ကိုယ် အကြိုက်တစ်မျိုးမို့ ရှုထောင့်အထွေထွေနဲ့ရှုစားကြရာမှာအနီးစပ်ဆုံးမှန်သွားတယ်ဆိုတဲ့ဟာတွေကိုတစ်အုပ်စုခွဲပြီးမှတ်ရတာပေါ့။ တမီးလ်ကားတွေကိုအရင်ကမြန်မာပေါကားတွေလောက်ပဲထင်ခဲ့ ဘောလိဝုဒ်ကိုမမီပါဘူးလို့ထင်ခဲ့မိပေမဲ့ တကယ့်တမီးလ်ကားကောင်းတွေကိုကြည့်မိပြီးသွားတဲ့အခါ တမီးလ်ကားတွေကြည့်ရတာလည်း ကျွန်တော်သဘောကျတတ်လာတယ်ဗျ။ တမီးလ်ကုလားကားဆိုတဲ့အတိုင်း သီချင်းလေးတွေပါ ကန်ရင်လေပေါ်လွင့်ထွက်သွားတာတွေက ယုတ္တိမတန်တာကလွဲရင် ကြည့်လို့လည်းကောင်းသလို ဇာတ်လမ်းဇာတ်ကွက်ကောင်းတာကိုတော့ တကယ်မချီးကျူးဘဲမနေနိုင်လောက်အောင်ပါဘဲ။ ဒီကားလေးဟာလည်း ဇာတ်လမ်းအစကနေအဆုံးထိတောက်လျှောက်ဆွဲခေါ်သွားနိုင်စွမ်းရှိတဲ့ တမီးလ်ကားကောင်းလေးတွေထဲကတစ်ကားပဲဖြစ်ပါတယ်။ ငယ်ငယ်တည်းကဆုံးပါးသွားတဲ့ အဖေနဲ့အမေမရှိတော့တဲ့နောက်ပိုင်း တစ်ဦးတည်းသောညီမလေးကိုအချစ်တွေတိုးလို့ချစ်ခဲ့ရတဲ့ ရွာသူကြီးအစ်ကိုကြီးတစ်ဦး၊ အစ်ကိုကြီးစကားဆိုတစ်‌သွေမတိမ်းနားထောင်တဲ့ညီမလေးအနေနဲ့ အစ်ကိုကြီးအိမ်ထောင်ဖက်အသစ်ရှာပေးတာကိုကြည်ကြည်ဖြူဖြူလက်ခံဖို့စဉ်းစားရင်း၊ ဘယ်လိုကနေဘယ်လို မြို့ပေါ်ကလူဆိုးဂိုဏ်းတစ်ခုနဲ့ပါရင်ဆိုင်သွားရမယ်၊ ဘယ်နေရာမှဘယ်လိုဇာတ်လမ်းဇာတ်ကွက်လှည့်သွားမလဲဆိုတာကို တော်တော်ကြည့်ကောင်းမယ့်ကားလေးကတော့ Annaatthe 2021 ပဲဖြစ်ပါတယ် File size…1.59Gb / 4GB Quality…720p WEBDL Format…Mp4 Duration….2h 43m Subtitle….Myanmar Subtitle (Hard Sub) Encoder….Yk Translated by San Thu Aung & Sai ThuRein Lynn

မင်းသမီးNayantharaရဲ့ Thrillerကလေး တင်ဆက်ပေးလိုက်ပါတယ် Imdb အနေနဲ့လဲ ၆.၄/၁၀ ရှိပြီး user 2.4kထိ votingပေးထားတာမို့ ကြည့်ရှုရကျိုူနပ်မယ်ရုပ်ရှင်ကားလို့ မျှော်လင့်ရပါတယ် အညွှန်း မာလာရာလမ် ရုပ်ရှင်တွေကို ဇာတ်အိမ်ခိုင်မှုကြောင့် သဘောကျမိတာကြာပါပြီ။ ဇာတ်လမ်းက မြူးချင်မှမြူးပေမယ့် သဘာ၀ကျကျ စိတ်၀င်စားဖို့ကောင်းအောင် တကွက်ခြင်း ဆွဲဆောင်တာက မာရာလာရမ် ရုပ်ရှင်တော်တော်များများရဲ့အသက်ပါပဲ။ ဒီရုပ်ရှင်မှာလဲ မတော်တဆမှု့ကြောင့် ပုံမှန်မဟုတ်တဲ့ တရားသူကြီးတစ်ဦးနဲ့ ထူးထူးဆန်းဆန်း လူသတ်မှုတွေကို ချရေးထားတဲ့ကလေးလေးတစ်ယောက်တို့ ဆုံတွေ့ရင်း ဖြစ်လာတဲ့ အံဩဖွယ်ရာတွေကို အစအဆုံး သိချင်စိတ်ဖြစ်လာအောင် ရိုက်ပြရင်းဆွဲခေါ်သွားနိုင်တဲ့ မာရာလာရမ် ရုပ်ရှင်ကားကောင်းတစ်ကားဖြစ်ပါတယ် File size…1.9GB / 1.1GB Quality…1080p HD RIP 5.1CH / 720p Format…Mp4 Duration….1h 58mins Subtitle….Myanmar Subtitle(Hard Sub) Encoder….YK  Translated by Lwin Htoo Aung & Sai ThuRein

Mookuthi Amman(2020) နေရာတိုင်းလိုလိုမဟုတ်ပေမယ့် ဘာသာရေးကိုခုတုံးလုပ်ပြီး အကျိုးစီးပွားရှာနေကြတဲ့ဘိုးတော်တု ဘိုးတော်လိမ်တွေဆိုတာ အများကြီးရှိကြပါတယ်.. အထူးသဖြင့်အိန္ဒိယလိုနိုင်ငံမျိုးတွေမှာဆိုရင် ဒုနဲ့ဒေးပါ. ..ပိုဆိုးတာကသူတို့ဆီမှာ ကိုးကွယ်စရာနတ်ဘုရားက အများကြီးရှိတဲ့အတွက် ဘိုးတော်တုတွေအတွက်ပိုပြီး ဂွင်ဖန်လို့တောင်ကောင်းပါတယ်. . အဲ့ဒီလိုဘိုးတော်တု ဘိုးတော်လိမ်တွေကို ကိုးကွယ်ယုံကြည်ရင် လူတွေ လမ်းလွှဲလိုက်ကြလို့ ငွေတွေမလိုအပ်ဘဲကုန်ကြသလို တခြားဆိုးကျိုးများစွာလည်းရှိလေတော့ တကယ့်နတ်ဘုရားတစ်ပါးက ဒီဖြစ်စဉ်ကြီးကိုကြည့်မနေနိုင်တော့ပါဘူး.. ဒါ့ကြောင့် လူ့ပြည်ကို ပညာပေးဖို့ ဆင်းသက်လာခဲ့ပါတော့တယ်... တစ်ကယ့်နတ်ဘုရားဆင်းသက်လာပြီးနောက်ပိုင်းမှာ ဘယ်လိုဆက်ဖြစ်ကြမလဲဆိုတာကိုတော့... ဒီဇာတ်ကားနင်းကန်ရယ်ရသလို တော်တော်လည်း ပညာလေးပေးတဲ့ကားဖြစ်တာမို့ Indiaကားကောင်းကြိုက်သူတို လက်မလွှတ်သင့်ပါကြောင်း... ဇာတ်လမ်းအညွှန်းနဲ့ဘာသာပြန်သူကတော့ Zwe Zan Aungပဲဖြစ်ပါတယ်... File Size :(1.04GB) and (377MB) Quality : WEB-DL 720p Format…mp4 Duration…02:15:00 Genre : Comedy, Drama, Fantasy Subtitle : Myanmar Subtitle (Hard Sub) Translated by Zwe Zan Aung Encoded by Phyo Pyae

ဘောလိဝုဒ်ဇာတ်ကားတွေပြီးတော့အခုတစ်ခါ တမီးလ်စူပါစတားကြီး Rajinikanth ရဲ့ ရုံတင်ဇာတ်ကားကြီးအလှည့်ပေါ့ဗျာ။ ဟောလိဝုဒ် ၊ ဘောလိဝုဒ်ပရိတ်သတ်တွေအဖို့အိုဗာအက်ရှင်တွေကို ညည်းငွေ့နေနိုင်ပေမယ့် အိန္ဒိယတောင်ပိုင်းရုပ်ရှင်တွေကို ကြိုက်တတ်သူအဖို့တော့ကြည့်လို့ကောင်းတဲ့ ဇာတ်ကားတစ်ကားပါပဲ။ ဘယ်လိုပဲ ဖြစ်ဖြစ် Rajinikanth ဟာလည်းတောင်ပိုင်းရုပ်ရှင်ထုတ်လုပ်ရေးတွေကြားသာကမဘောလိဝုဒ်ရုပ်ရှင်ထုတ်လုပ်ရေးတွေကြားမှာလည်း သြဇာရှိပြီး အနုပညာကြေးမြင့်တဲ့ မင်းသားကြီးမို့ပရိတ်သတ်တွေကတော့ ဒီဇာတ်ကားကို ကြည့်ရင်းလက်ခုပ်လက်ဝါးတီးပြီး အားပေးကြဦးမှာပါ။ အညွှန်း အာဒိသယာဆိုတဲ့ ရဲအရာရှိတစ်ယောက်ဟာသမီးဖြစ်သူ ဗာလီနဲ့အတူ မွန်ဘိုင်းမြို့ကို ရဲမင်းကြီး(ရဲမှူးကြီးဟု သင့်တော်သလို ဘာသာပြန်ထားသည်)အဖြစ်နဲ့ရောက်ရှိလာပြီး မြို့ထဲမှာရှိတဲ့ ဆိုးသွမ်းသူတွေကို လိုက်လံနှိမ်နင်းရာကနေ ဇာတ်လမ်းကို စထားပြီး.... ဒီနောက်ပိုင်းမှာတော့ တမီးလ်ရုပ်ရှင်တွေရဲ့ ထုံးစံအတိုင်းအကအလှတွေ ၊ ဟာသခန်းလေးတွေ ညှပ်ထည့်ပြီးဇာတ်လမ်းကို အရှိန်တက်လာအောင် စွမ်းဆောင်ထားပါတယ်။ ဇာတ်လမ်းပုံစံက ရဲနဲ့လူဆိုး အားပြိုင်ကြတဲ့ မြင်နေကျ သာမာန်ဆိုပေမယ့်ရိုက်ကူးထားပုံက ဆန်းသစ်ပြီး Rajinikanthရဲ့ ဟိုးရုပ်ရှင်ခေတ်ဦးကတည်းကသုံးစွဲလာခဲ့တဲ့  သူ့ရဲ့ကိုယ်ပိုင်အမှတ်အသားဖြစ်တဲ့ တီးလုံးကို အက်ရှင်ခန်းတွေ ၊ Tempo မြှင့်တင်တဲ့အခန်းတွေမှာသင့်တော်သလို သုံးစွဲထားပုံက သပ်ရပ်ပြီး ပရိတ်သတ်ကို တစ်မျိုးတစ်မည် ဆွဲဆောင်ထားပါတယ်။ ကဲ... အိန္ဒိယတောင်ပိုင်းဇာတ်ကားပရိတ်သတ်တို့ရေ...ကျွန်တော်တို့ငယ်စဉ်ကတည်းက စွဲလမ်းခဲ့ရတဲ့Idol ကြီးရဲ့ အသစ်စက်စက် ရုံတင်ဇာတ်ကားကြီးကို လက်မနှေးပဲ အားပေးလိုက်ကြပါစို့။ ဘာသာပြန်နှင့် အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်။ File Size : (1.30 GB ) Quality : AMZN WEB-DL 720p Running Time : 2hr 39min Format : Mp4 Genre : Action Subtitle : Myanmar Subtitle (Hard Sub) Source : 720p.AMZN.WEB-DL.DD+5.1.x264-Telly Translated by Nyi Nyi Koe And Myint Thu Encoded by Thanhtike Zaw

Genre - Drama/Mystery IMDb Rating - 7.1/10 Google user - 88% တမီးလ်မင်းသားကြီး အာဂျီးကူးမားရဲ့ ယခုနှစ်မှာရုံတင်သွားတဲ့ ဇာတ်ကားကောင်းတစ်ကားပဲ ဖြစ်ပါတယ်။ မတင်တော့ဘူးလို့ ထားပေမဲ့ တောင်းဆိုသူတွေလည်းရှိနေတာမို့ တင်ဆက်ပေးလိုက်တာပါ။ ဇာတ်လမ်းအကျဉ်း သူကူးဒူရိုင်းဆိုတဲ့ လူလတ်ပိုင်းတစ်ယောက်...လူရမ်းကားကြီးတော့ မဟုတ်ရှာ။ဒါပေမဲ့ အားလုံးက ကြောက်ချစ်ရိုသေရသူပေါ့။ ရွာဘုရားပွဲမှာလည်း သူအစီအစဉ် ချပေးမှ...ရွာသားတွေ အပေါ်လည်း ဩဇာညောင်းချက်ကနှစ်ယောက် မရှိ။ ဘုရားပွဲကာလ ကျရောက်လာတော့....သူ့ဇနီးကို သွားခေါ်ဖို့ ပတ်ဝန်းကျင်က တိုက်တွန်းလာကြတယ်။ "တချိန်က နင်တို့အတူ ဘုရားပွဲမှာ ပျော်ရွှင်ခဲ့ကြသလိုခုနေ ငါ မသေခင် မြင်သွားခဲ့ချင်သေးတယ်" တဲ့။သူ့အဖွားက ပြောရှာတယ်။ မျက်နှာကိုသာ ပြုံးထားရတာရင်ထဲမှာတော့ မိုးတွေ ထစ်ချုန်းနေတာကို.. သူ ကိုယ်တိုင်ပဲ သိပါတယ်။ နေရာဒေသတစ်ခုကို ခရီးထွက်ဖို့ ယူစရာတွေ လိုပေမဲ့အတိတ်ကအချိန်ကို ခရီးထွက်ဖို့တော့ ရင်ဘတ်တစ်ခုရှိရင် ရတယ်မဟုတ်လား။ ရင်ထဲ ပူမိသမျှကို လူသိခံရမှာလည်း ခက်ပါရဲ့။ တချိန်က ရပ်ရွာကို လာပြီး အခမဲ့ဆေးကုခန်းလေးလာဖွင့်ခဲ့တဲ့ အရမ်းလှတဲ့ ဆရာဝန်မလေး။ ရပ်ရွာကို လာပြီး ဆေးကုခန်းလေး လာဖွင့်ခဲ့တာကသူကူးဒူရိုင်းရဲ့ နှလုံးသားထဲမှာတော့ ...ယဉ်ကျေးလိမ္မာ သင်တန်း လာဖွင့်သလိုပေါ့ဗျာ။ တောကျွမ်းတဲ့ မုဆိုးလည်း သမင်ပျိုရဲ့မျက်လုံးလေးမှာ တောလည်ရတာပဲလေ။ လူမိုက်ကြီးပေမဲ့ ဆရာဝန်မလေးကို ချစ်မိတာမဆန်းပါဘူး။ သူ ချစ်ရတဲ့ အဲ့ဒီ ဆရာဝန်မလေးရယ်.... လောကအလယ်ကို အကြောင်းကံမလှဘဲရောက်လာခဲ့ရတဲ့ သမီးလေးရယ်....။ ဒါတွေဟာ အတိတ်ရဲ့ အရိပ်တွေ .... သူ ကိုယ်တိုင် မေ့ထားချင်ပေမဲ့ ...သူ ကိုယ်တိုင် နာကျင်နေရတဲ့ သူ့ဝေဒနာတွေနဲ့...ဘဝဟာ တစ်ဆစ်ချိုး အခြေအနေရောက်ခဲ့ပြီ။ ဇနီးကို တောင်းပန်ချင်ပေမဲ့...သမီးကို တောင်းပန်ချင်ပေမဲ့..ခွင့်မလွှတ်နိုင်မှန်း သိနေတဲ့ စိတ်က...သူ့အတွက် အကျဉ်းကျနေခဲ့တာ ကြာခဲ့ပြီ။ မိုက်ကြွေးတွေ ပြန်ဆပ်နေရတဲ့ တစ်ချိန်က လူမိုက်ကြီးရဲ့ မချိတင်ကဲ ဘဝတစ်ခုကို ဇာတ်လမ်းထဲ ခံစားရမှာပါ။ ဇာတ်လမ်းလေးဟာ မိသားစုမေတ္တာဖက်ကို ဦးစားပေးပြီး သင်ခန်းစာပေးထားပါတယ်။ ထို့အပြင် အချစ်နဲ့ အတူ အက်ရှင်တွေလည်းရောထားပါတယ်။ အက်ရှင်ကြိုက်သူတွေရော ဒရာမာဇာတ်လမ်း၊ အချစ်ဇာတ်လမ်း ကြိုက်သူတွေပါအကြိုက်တွေ့တဲ့ ဇာတ်ကားကောင်းလေး တစ်ကားပါပဲလို့ ပြောရင်း......။ ဇာတ်ကားထဲ အသေကပ်လျက်ပါတဲ့ စာတန်းကိုကြည့်ပြီး စာတန်းထိုးလို့ ပြီးချိန် ကြည်တောက်ရှင်းနဲ့Soft Sub တက်လာခဲ့ပါတယ်။ ပထမ ထိုးထားတဲ့ စာဖိုင်နဲ့ ဒုတိယထွက်လာတဲ့ စာဖိုင်ကို ညှိကာ နှစ်ခုပေါင်းပြီး အကောင်းဆုံး တင်ပေးလိုက်ပါတယ်။ (အညွန်းနဲ့ ဘာသာပြန်ကတော့ Myin Thu နဲ့ Nyi Nyi Koe တို့ ညီအစ်ကိုပါ) File Size :(1.20 GB ) and (500 MB) Quality : AMZN WEB-DL 720p Running Time : 2h 33min Format : Mp4 Genre : Action, Drama Subtitle : Myanmar Subtitle (Hard Sub) Source : 720p.AMZN.Web-DL.AVC.DDP.5.1-DDR Translated by Myint Thu & Nyi Nyi Koe (MLMC) Encoded by Thanhtike Zaw

Sye Raa Narasimha Reddy 2019 (မသေမျိုး နာရက်ရှီမာရက်ဒီ) IMDb - 7.2/10 ယခုတစ်ခါမှာတော့ CM ပရိသတ်ကြီးအတွက် ၂၀၁၉ တုန်းက ထွက်ရှိထားခဲ့တဲ့ ဗြိတိသျှတွေ အိန္ဒိယကို အုပ်စိုးစဉ်အချိန် အိန္ဒိယတွေဘက်ကနေ တွန်းလှန်တိုက်ခိုက်ခဲ့တဲ့အကြောင်းကိုရိုက်ကူးထားတဲ့ သမိုင်းကြောင်းဇာတ်ကားလေးတစ်ကားကို တင်ဆက်ပေးလိုက်ရပါတယ်။ ဒီကားမှာဆိုရင် အမီတာဘချမ်းပါဝင်သရုပ်ဆောင်ထားပြီး မင်းသားအနေနဲ့ Chiranjeevi ကပါဝင်ထားပြီး အရန်နေရာမှာလည်း နာမည်ကြီးတွေ အများကြီးကို ထည့်သွင်းရိုက်ကူးထားတာဖြစ်လို့ ကောင်းမယ်ဆိုတာ ပြောစရာတောင် လိုမယ်မထင်ပါဘူး။ အိန္ဒိယနိုင်ငံကို ဗြိတိသျှတွေ ကျူးကျော်လာစဉ်အချိန်က ပြန်လည်တိုက်ခိုက်ပုန်ကန်မှုတွေ ရှိခဲ့ပါတယ်။ ဒီပုန်ကန်မှုတွေထဲမှာ အကျော်ကြားဆုံးကတော့ ၁၈၅၇ခုနှစ်တုန်းက ဆီဖိုမူတီနီပုန်ကန်မှုပဲဖြစ်ပါတယ်။ ဒီပုန်ကန်မှုရဲ့ အဓိကခေါင်းဆောင်ကတော့ ဂျန်စီလက်ရှမီဖြစ်ပြီးတော့ သူတို့တွေ စတင်တိုက်ခိုက်တုန်းက လူပေါင်း ၂ထောင်လောက်နဲ့ စတင်ခဲ့ပေမယ့် ၃လလောက်လည်းကြာရော လူအယောက်၁၀၀လောက်ပဲ ကျန်ခဲ့တဲ့အတွက် စိတ်အားလျော့ကုန်ကြပါတယ်။ နယ်မြေလေးတွေကို သီးသန့်အုပ်ချုပ်တဲ့ အကြီးအကဲတွေရယ်လို့ သီးသန့်ရှိခဲ့ပါတယ်။ နယ်မြေပေါင်း ၆၁ခုရှိပြီးတော့ ဒီနယ်မြေတွေကိုလည်း ဗြိတိသျှက သိမ်းပိုက်ဖို့အတွက် ကြံစည်နေတဲ့အချိန်မှာ ကိုယ့်လူမျိုးတွေကို မတရားသတ်ဖြတ်ခံနေရတာကို မကြည့်နိုင်တဲ့ နာရက်ရှီမာရက်ဒီဟာ နယ်မြေ ၆၁ခုလုံးက အကြီးအကဲတွေကို ဖိတ်ကြား ပူဇော်ပွဲလုပ်ရင်း ဗြိတိသျှတွေကို တွန်းလှန်ဖို့အတွက် လူစုပါတော့တယ်။ နာရက်ရှီမာရက်ဒီဆိုတာလည်း နှယ်နှယ်ရရတော့မဟုတ်ပါဘူး။ မွေးခါစမှာပဲ အသက်ရှူရပ်တန့်ခဲ့ပြီး အချိန်အတော်ကြာမှ ပြန်လည်ရှင်သန်လာတဲ့အတွက် မသေမျိုးလို့ သတ်မှတ်ခံထားရသူ၊ နိုဆမ်ခံတပ်မှာ ဆက်ခံသူမရှိတဲ့အတွက် အဘိုးဖြစ်သူက မွေးစားပြီး အရိုက်အရာကို ဆက်ခံခိုင်းသူ၊ ရေနာဒူရဲ့ အနာဂတ်အတွက် ရွေးချယ်ခံထားရသူတစ်ဦးဖြစ်ပါတယ်။ ဒီလိုနဲ့ နာရက်ရှီမာရက်ဒီတစ်ယောက် ဗြိတိသျှတွေကို ဘယ်လိုတွန်းလှန်ပုန်ကန်တိုက်ခိုက်သွားမလဲ ဆိုတာကို ကြည့်ရှုရမယ့် သမိုင်းဇာတ်ကားကောင်းလေးတစ်ကားဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်) File size… 4.2 GB / 2.2 GB Quality…WEB DL 1080p HEVC/ 720p Format…mkv/ mp4 Duration….2h 47m Subtitle….Myanmar Subtitle (Hard Sub) Encoder….YK Translated by CM Bollywood Team

Bigil (2019) [ 4K Quality ထိတင်ဆက်ထားပါပြီ။] IMDb - 7.5/10 တစ်ရပ်ကွက်လုံးရဲ့ အာဏာရှိ လူမိုက် မိုက်ကယ်၊ မိန်းမလည်း မရှိ၊ ကျားလည်းမကိုက်၊ သောက်သောက်စားစား လူရမ်းကားလေး။ တနေ့တော့ သူ့သူငယ်ချင်း ကာဒီးရ်ဟာ အမျိုးသမီးဘောလုံးအသင်းရဲ့ နည်းပြအဖြစ်နဲ့ အသင်းအတူ ဒေလီသွားဖို့ သူ့ဆီ ဝင်ပါတယ်။ မမျှော်လင့်ဘဲ မိုက်ကယ်ရဲ့ ရန်ကြွေးတွေကြောင့် နည်းပြဆရာ ကာဒီးရ်ကို ဓားချက်ထိခဲ့ရတယ်။ ကြယ်ပွင့်လေး ၁၅ပွင့်ရဲ့ တစ်ဦးတည်းသော ကယ်တင်ရှင် နည်းပြကာသီဟာ တစ်နှစ်တာ အနားယူရမယ်လို့ သိလိုက်ရစဉ်မှာတော့..... ဒီဇာတ်ကားထဲမှာတော့ ဗီဂျေးကို ဘောလုံးသမား၊ လူမိုက်ကြီး၊ နည်းပြ စသဖြင့် ပုံစံမျိုးစုံ မြင်ရပြီး အဖေလိုတစ်မျိုး သားလိုတစ်ဖုံ တွေ့ရမှာပါ။ အဖေ ပေးတဲ့ အိပ်မက်ကို သားမက်ခွင့်ရခဲ့ပေမဲ့... လွဲချော်ခဲ့ရတယ်။ ဒီအိပ်မက်တွေကို သူ ပြန်လည် အကောင်အထည်ဖော်ဖို့.. ကြိုးစားရင်း ထပ်လွဲချော်ခဲ့တယ်။ သို့ပေမဲ့.... 'တချို့အိပ်မက်တွေကို ကိုယ်မဖြစ်ခဲ့လို့ သူတပါးကို ဖြစ်စေချင်မိတာ လူတိုင်းရဲ့ ဆန္ဓပါ' 'ဒါပေမဲ့ ကိုယ့်အိပ်မက်ကိုတော့ ကိုယ်တိုင်ပဲ အကောင်အထည်ဖော်ရတာပဲမလား' File size… 9.3 GB / 3.3 GB / 2.1 GB Quality…WEB DL4K / 1080p HEVC/ 720p Format…mkv/ mp4 Duration…. 2h 57m Subtitle….Myanmar Subtitle (Hard Sub)

ရဲနဲ့ ရာဇဝတ်ကောင်နဲ့ကြား ဉာဏ်ကစားတဲ့ စုံထောက်ကားကောင်းကြိုက်သူ ပရိတ်သတ်တွေအတွက် ဂျင်းမဟုတ်တဲ့ အမှန်အကန်ကားပါ plot twist တွေ အများကြီးနဲ့ကြည့်နေရင်း ဟာတွေ ဟင်တွေ ဟုတ်တယ်ဟတွေ ဘာတွေ ညာတွေ ဖြစ်ကုန်မယ် ဒီဇာတ်လမ်း ဟာ ဖြစ်ရပ်နှစ်ခုကို အခြေခံထားပါတယ် ရူဒရာဆိုတဲ့ လူသတ်သမားဟာ လူသုံးယောက်ကိုပြန်ပေးဆွဲတယ် ငွေသန်း၂၀ ဆီတောင်းပြီး ငွေရပြီးတာနဲ့ ပြန်ပေးဆွဲခံထားရသူတွေကို သွေးကြောတွေဖြတ် သွေးထွက်လွန်ပြီး သေအောင်သတ်တယ် အလောင်းတွေကို မိဘတွေဆီပြန်ပို့ ခဲ့ပါတယ် ဒီအမှုကို အန်ဂျလီ လို့ခေါ်တဲ့ CBI အရာရှိတစ်ယောက်ကဖော်ထုတ်ခဲ့ပြီး ရူဒရာကို အသေပစ်ခတ် ဖမ်းဆီးနိုင်ခဲ့ပါတယ် ဒါကတစ်ပိုင်း ဒီလိုနဲ့နောက် ငါးနှစ်ကြာတဲ့အခါ ရူဒရာ နံမည် နဲ့ပုံစံတူ လူသတ်မှုတွေ ထပ်ဖြစ်လာပြန်ပါတယ် ဒီအခါမှာလည်း အန်ဂျလီ ဦးဆောင်ပြီး ရူဒရာ ဆိုသူကို ဖမ်းဖို့ကြိုးစားခဲ့ပေမယ့် ဒီတစ်ခေါက် ရူဒရာ ဟာအရမ်းဉာဏ်များပြီး စေ့စပ်သေချာလွန်းတဲ့အစီအစဉ်တွေကြောင့် ဖမ်းဖို့ကြိုးစားတိုင်း ရဲတွေ အရူးလုပ်ခံရပြီး မီဒီယာတွေရှေ့မှာ အရှက်ကွဲရပါတော့တယ် ဒီလို ဉာဏ်များလွန်းတဲ့ ရူဒရာ ကို ဘယ်လိုဖမ်းမလဲ ရူဒရာက ရဲတွေကိုဘယ်လိုတစ်ပါတ်ရိုက်လဲ ရူဒရာဆိုတာ.ဘယ်သူလဲ လွန်ခဲ့တဲ့ ငါးနှစ်က ရူူဒရာ နဲ့ အတူတူပဲလား ဆိုတာတွေကို ဒီဇာတ်ကားထဲမှာ စိတ်ဝင်စားဖွယ်ကြည့်ရမှာပါ ................................................................... ဇာတ်လမ်းက BBC Sherlock ရဲ့ Richenbech Fall နဲ့နဲနဲ ဆင်တာလေးတွေရှိတယ် (ကော်ပီလို့ပြောတာမဟုတ် မတူပါ) ပြီးတော့ မှာချင်တာက သီချင်းသံကြားတာနဲ့ ရစ်တာမျိုး မလုပ်ပါနဲ့ သီချင်းတိုတိုလေးတွေပါ ကြားထဲကအရေးကြီးတဲ့ ဇာတ်ကွက်လေးတွေ လွတ်သွားမှာစိုးလို့ပါ ရုပ်ရှင်ကားကို Chanyein Soe မှ ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်

Dora(2017) ဖေတစ်ခုသမီးတစ်ခုနဲ့ကြီးပြင်းလာတဲ့ မိန်းကလေးတစ်ယောက်...သူမဟာ ကိုယ့်ကိုကိုယ် ထိန်းကျောင်းနေရသလိုဖြစ်နေတော့ ဒေါသက သာမန်မိန်းကလေးတွေထက်ပိုကြီးသလို စိန်ခေါ်မှုတွေကိုလည်း အမြဲရင်ဆိုင်ဖြေရှင်းလေ့ရှိတယ်... တစ်နေတော့သူ့ရဲ့အဒေါ်ကိုစိန်ခေါ်ပြီး ကားအငှားကုမ္မဏီတည်ထောင်ဖို့ ကားအဟောင်းတစ်စီးကို၀ယ်ယူခဲ့ပါတယ် အဲ့ဒီကားအိမ်ကိုရောက်လာတဲ့အခါမှာတော့ ပြဿနာအကြီးကြီးတွေ တက်ပါတော့တယ်...ဘာတွေများဆက်ဖြစ်လာမှာလဲဆိုတာကိုတော့ခံစားကြည့်ရှုကြပါကုန်.... ဇာတ်လမ်းအညွှန်းနဲ့ ဘာသာပြန်သူကတော့ Lwin Htoo Aung ပဲဖြစ်ပါတယ်... File Size : (1.16 GB) and (392 MB) Quality :HD-Rip 720p Format…mp4 Duration…02:19:00 Genre : Action, Horror, Thriller Subtitle : Myanmar Subtitle (Hard Sub) Translated by Lwin Htoo Aung (Htoo - PC) Encoded by Phyo Pyae

Iru Mugan (2016) မလေးရှားမစ်ရှင် IMDb 6.3/10 မလေးရှားနိုင်ငံရှိ အိန္ဒိယသံရုံးကိုအမည်မသိလူတစ်ဦး တိုက်ခိုက်တာခံရပြီးနောက် အိန္ဒိယကတာဝန်ရှိသူတွေက အေးဂျင့်ဟောင်းတစ်ဦးကိုပြန်ခေါ်ပြီး တာဝန်ပေးရန်စီစဉ်ကြပါတော့တယ် ‌ အာကီလန်ဟာ လွန်ခဲ့တဲ့လေးနှစ်ကနောက်ဆုံးမစ်ရှင်မှာ သူ့မိန်းမကိုဆုံးရှုံးခဲ့ပြီးနောက်ဒီလောကကထွက်ခဲ့သူတစ်ဦးပါ မငြင်းဆန်နိုင်တဲ့အဆုံးလက်ရှိမစ်ရှင်ကို မလေးရှားမှာတာဝန်ထမ်းဆောင်ဖို့ ဖြစ်လာပါတော့တယ် ရန်သူဟာအန္တရာယ်ရှိတဲ့ရှူဆေးတစ်မျိုးကို ထုတ်လုပ်နေသူဖြစ်ပြီး ထိုရန်သူကိုစုံစမ်းနေရာမှသူလိုက်နေတဲ့လူဟာ တစ်ချိန်ကသူ့ရဲ့မိန်းမကိုသတ်သွားတဲ့ ရန်သူတော်ကြီးဖြစ်နေတဲ့အခါ..... ခါးကုန်းမင်းသားကြီးဗစ်ရမ်နဲ့ မင်းသမီးချော နေရမ်သရာပါဝင်ထားတဲ့ အက်ရှင်ဇာတ်ကားကောင်းလေးကိုတင်ဆက်ပေးလိုက်ပါတယ် အညွှန်းနဲ့ဘာသာပြန် CM Bollywood Team မှပဲဖြစ်ပါတယ် File size… 3.05GB / 1.5GB Quality…WEB DL 1080p HEVC/ 720p Format…mkv/ mp4 Duration….2h 34m Subtitle….Myanmar Subtitle (Hard Sub) Encoder….YK Translated by CM Bollywood Team

ဒီတစ်ခါတော့IDM8.6အထိရရှိထားတဲ့ဘောလိဝုဒ်ကားတစ်ကားနဲ့မိတ်ဆတ်ပေးချင်ပါတယ်။ ဇာတ်ကားလေးက၂၀၁၅မှာထွက်ရှိထားတဲ့THANI ORUVAN ကားလေးပါ။ ဇာတ်ကားလေးကအက်ရှင်ကားတစ်ကားဖြစ်ပြီးရဲတစ်ယောက်ရဲ့လှုပ်ရှားပုံတွေကိုဖော်ညွန်းထားလို့လို့ စုံထောက်ကားတွေကြိုက်တဲ့သူတွေအတွတ်ကြည့်သင့်တဲ့ကားလေးပါ။ မီးလ်သရမ်ဆိုတဲ့IPS အရာရှိရဲတစ်ယောက်ဟာရာဇဝတ်မှုတွေကိုသူ့ရဲ့သူငယ်ချင်းရဲအရာရှိတွေနဲ့အတူတူလျို့ဝှက်ဖော်ထုတ်ပေးနေတာပါ။ တစ်ရက်မှာအမှုတစ်ခုကိုလိုက်ရင်းနဲ့မထင်မှတ်ဘဲသူလျို့ဝှက်စုံစမ်းထားတဲ့ အမှုတွေနဲ့ဆက်စပ်တဲ့ရာဇဝတ်ဂိုဏ်းတစ်ဂိုဏ်းကိုသိရှိသွားပါတယ်။အဲ့ဂိုဏ်းကိုချူပ်ကိုင်နေတဲ့ သူတွေဟာလည်းနှယ်နှယ်ရရလူတွေမဟုတ်ဘဲစီးပွားရေးလုပ်ငန်းရှင်တွေအစိုးရဌာနအကြီးအကဲတွေကိုယ်တိုင်ဖြစ်နေပါတယ်။ အဲ့ဂိုဏ်းရဲ့ခေါင်းဆောင်လို့ယူဆရတဲ့ဆီဒါက်ရှ်ဆိုတဲ့သိပွံပညာရှင်တစ်ယောက်ဟာဆေးဝါးတစ်ခုကိုဖော်ထုတ်နိုင်ခဲ့တဲ့သူ့လက်အောက်ငယ်သားကိုရှင်းပစ်ခဲ့ပြီးအဲ့ဆေးဝါးကိုလက်ဝါးကြီးအုပ်ဖို့ကြံစည်ခဲ့ပါတယ်။ဆီဒါက်ရှ်ဟာအဲ့ဆေးဝါးကိုခလေးငယ်တွေနဲ့စမ်းသပ်ခဲ့ပြီးခလေးငယ်တွေသေဆုံးမှုတွေလည်းဖြစ်လာပါတယ်။မီးလ်သရမ်ကလည်းနောက်ဆုံးသူလိုက်ခဲ့တဲ့အမှုနဲ့ဆက်စပ်ပြီးအဲ့ခလေးငယ်တွေသေဆုံးမှုရဲ့နောက်ကွယ်မှာရှိနေတဲ့ဆီဒါက်ရှ်ကိုဖမ်းဆီးဖို့ကြိုးစားလာပါတယ်။ဆီဒါက်ရှ်ရဲ့နောက်မှာလည်းဝန်ကြီးတွေပါတီခေါင်းဆောင်တွေရှိနေတဲ့အတွတ်သူ့အနေနဲ့ဘယ်လိုဖမ်းဆီးနိုင်မှာလဲ။ဒါမှမဟုတ်ဆီဒါက်ရှ်ကဘဲ မီးလ်သရမ်ဆိုတဲ့IPSအရာရှိကိုဒုက္ခရောက်အောင်ပေးနိုင်မလားဆိုတာဇာတ်လမ်းပြီးတဲ့အထိရင်ခုန်စွာစောင့်ကြည့်ရမှာလည်းဖြစ်ပါတယ် ဇာတ်လမ်းအညွှန်းနဲ့ဘာသာပြန်သူက ကို Crystal Light ပါ File Size…(849MB) Quality…HD-Rip 720p Format…mp4 Duration…02:41:00 Subtitle…Myanmar Subtitle(Hardsub) Encoder...Phyo Pyae Translated by Crystal Light

Masss (2015) အခုမိတ်ဆက်ပေးချင်တဲ့ ဇာတ်ကားလေးကတော့ Horror ဆိုပေမယ့် အရမ်းကြောက်စရာကောင်းနေတာမျိုးမဟုတ်ပဲ တစ်ကားလုံးကို ဆက်ကြည့်နေချင်အောင်၊ စိတ်၀င်စားစရာကောင်းအောင် ဆွဲခေါ်သွားတဲ့ အက်ရှင်ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားမှာ မင်းသား Suriya က နှစ်ကိုယ်ခွဲ သရုပ်ဆောင်ထားပြီးတော့ ဇာတ်ကောင်နှစ်ယောက်လုံးက လူအတူတူပဲလို့ကိုမထင်ရအောင် သရုပ်ဆောင်ပီပြင်လွန်းနေတာပါ။ ဇာတ်လမ်းအကျဉ်းကတော့ ငယ်ကတည်းက မိဘမဲ့ဖြစ်ခဲ့တဲ့ မားစ်ဟာ သူ့သူငယ်ချင်း ဂျက် နဲ့အတူ ကြီးပြင်းလာခဲ့ပြီး ဓားပြတိုက်လုယက်မှုတွေ လုပ်ရင်းနေခဲ့ပါတယ်။ တစ်ရက်မှာ ငွေတွေဓားပြတိုက်ပြီးပြန်လာတုန်း ကားတိုက်မှုတစ်ခုနဲ့ကြုံခဲ့ရပါတယ်။ ဒါပေမယ့် ကံကောင်းထောက်မစွာနဲ့ အသက်မသေခဲ့ပဲ ပြန်သတိရလာတဲ့အခါမှာ သူဟာ သရဲတွေကိုပါ မြင်နိုင်လာခဲ့ပါတယ်။ အစပိုင်းမှာတော့ သရဲတွေနဲ့ပူးပေါင်းပြီး စီးပွားရှာ ကြီးပွားလာခဲ့ပေမယ့် ရှက်တီ ဆိုတဲ့ သရဲပေါ်လာတဲ့အခါမှာ သူ့ဘ၀ အလှည့်အပြောင်း‌ဖြစ်သွားခဲ့ပါတယ်။ မားစ် ဟာ တဖြေးဖြေးနဲ့ သူ့ဘ၀အဖြစ်မှန်တွေကို သိလာရပြီးတဲ့အချိန်မှာ ဘယ်လိုတွေဆက်ပြီး ရှေ့ဆက်သွားမလဲဆိုတာကို စိတ်၀င်တစား ကြည့်ရှူရမှာဖြစ်ပါတယ်။ File size…3.8GB  / 1.8GB Quality…1080p WEBDL / 720p Format…mp4 Duration….2h 31m Subtitle….Myanmar Subtitle (Hard Sub) Encoder….YK Translated by Haruko

ကာဒမ်ဘရီရဲ့အဖေဟာ ရဲတစ်ယောက်ပါ။ လူမိုက်တစ်ယောက်နဲ့ ရန်ဖြစ်ခဲ့ရာက ဇနီးကို ဆုံးရှုံးလိုက်ရသလို သမီး ကာဒမ်ဘရီလည်း နားမကြားတော့တဲ့အဖြစ်ကို ရောက်သွားပါတယ်။ အဖေက ဒီသွေးကြွေးကို ပြန်ဆပ်မယ်ဆိုပြီး အိမ်ကထွက်သွားပေမယ့် ရက်အတော်ကြာတဲ့အထိ ပြန်မလာတော့ဘူး။ အဖေ့ကို လိုက်ရှာတဲ့ ကာဒမ်ဘရီဟာ ဗရုတ်ကျတဲ့ ပန်ဒီနဲ့ အမှတ်မထင် ဆုံမိပါတယ်။ ပန်ဒီက သူ့ကို မြင်မြင်ချင်း သဘောကျသွားပြီး အဖေဖြစ်သူကို ရှာပေးဖို့ ဆုံးဖြတ်လိုက်တယ်။ သူတို့နှစ်ယောက်ရဲ့ ကလဲ့စားချေမယ့်လမ်းခရီးက ဘယ်လိုဆက်ဖြစ်မလဲ၊ ပန်ဒီကရော သူမျှော်လင့်နေတဲ့အချစ်ကို ရနိုင်မလား။ ဗီဂျေးစည်သူပတီနဲ့ Nayanthara တို့ ပါဝင်သရုပ်ဆောင်ထားပါတယ်။

Boss Engira Bhaskaran (2010)"ဆရာကြီးဘာစကာရန်" မင်းသမီးချော နယန်သာရာရဲ့ ၂၀၁၀ ကထွက်ရှိခဲ့တဲ့ အချစ်ဟာသရုပ်ရှင်ဟောင်းလေးကို ပရိသတ်တွေအတွက် တင်ဆက်ပေးချင်ပါတယ်။ ဒီဇာတ်လမ်းရဲ့ ဇာတ်လိုက်ကတော့ ဘာစကာဆိုတဲ့ အလုပ်မရှိအကိုင်မရှိလူငယ်တစ်ယောက်ပါ။ သူက အလုပ်မရှိပေမဲ့ ၂၄ နာရီ အလုပ်များနေကြလို့ လူတွေက သူ့ကို ဘော့စ်လို့ နာမည်ပြောင်ပေးထားကြပါတယ်။ ဒါ့အပြင်သူဟာ အကောက်ခွန်စာမေးပွဲကို နှစ်ပေါင်းများစွာဖြေလာခဲ့သူဖြစ်ပြီး ခိုးချတာတောင် စာမေးပွဲမအောင်တဲ့သူဖြစ်ပါတယ်။ အဲဒီလိုနဲ့ ဘော့စ်ဟာ တစ်ခုသော စာမေးပွဲမှာ အခန်းစောင့်ရဲ့ ပါမောက္ခမလေးကို ကြိုက်မိသွားတဲ့အတွက် သူငယ်ချင်းဖြစ်သူနဲ့ပေါင်းပြီး စာမေးပွဲဖြေနည်းသင်တန်းဖွင့်ကာ ပါမောက္ခမလေး စိတ်ဝင်စားခံရအောင်လုပ်ရင်း တလွဲတချော် အခွီတွေဖြစ်လာပုံကို ဒီရုပ်ရှင်ထဲမှာ မြင်တွေ့ကြရမှာပါ...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 3.04 GB / 1.66 GB Quality…WEB DL 1080p HEVC/ 720p Format…mkv/ mp4 Duration….2h 41m Subtitle….Myanmar Subtitle (Hard Sub) Encoder….YK Translated by CM Bollywood Team