Ned Dennehy ပါဝင်သော ဇာတ်ကားများ

Peaky Blinders: The Immortal Man (2026) +++++++++++++++ IMDb Rating (7.7) / Rotten Tomatoes (91%) Peaky Blinders ပရိသတ်တွေ မျှော်နေကြတဲ့ ဇာတ်သိမ်းပိုင်း ရုပ်ရှင်ကတော့ ဒီနေ့ပဲ ထွက်လာပြီနော်။ ရုပ်သံစီးရီး ပြီးသွားပြီး နှစ်အနည်းငယ်အကြာကို ဆက်ရိုက်ပြထားတာဆိုတော့ Cillian Murphy ရဲ့ Tommy Shelby ကို နောက်ဆုံးအနေနဲ့ အားရပါးရ ကြည့်ရမယ့် ကားပါပဲ။ ဇာတ်လမ်းအကျဉ်း +++++++++ ဇာတ်လမ်းက ဒုတိယကမ္ဘာစစ်ဖြစ်နေတဲ့ ၁၉၄၀ ခုနှစ်လောက်ကနေ စထားတယ်။ အရင်က ဘာမထီ လူမိုက်ဂိုဏ်းခေါင်းဆောင်ကြီး Tommy တစ်ယောက် အခုတော့ အရာအားလုံးကို ကျောခိုင်းပြီး အထီးကျန်ဆန်ဆန် သွားနေနေတယ်။ ပြီးတော့ သူ့အစ်ကို Arthur နဲ့ သမီးလေး Ruby တို့ သေဆုံးသွားတဲ့ ဒဏ်တွေကြောင့် အတိတ်က အရိပ်မည်းတွေရဲ့ ခြောက်လှန့်တာကို ခံနေရတာပေါ့။ အဲဒီလို ငြိမ်နေပေမဲ့ သူ့ရဲ့ တရားမဝင်သား Duke က Peaky Blinders ဂိုဏ်းကို ဆက်ခံပြီး နာဇီတွေနဲ့ပေါင်းကာ ဗြိတိန်စီးပွားရေးကို ကမောက်ကမဖြစ်အောင် လုပ်မယ့် အစီအစဉ်မှာ ပါဝင်ပတ်သက်လာတဲ့အခါမှာတော့ Tommy လည်း ဆက်ပြီး ပုန်းမနေနိုင်တော့ဘူး။ နိုင်ငံရော၊ မိသားစုကိုရော ကယ်တင်ဖို့အတွက် သူ့ရဲ့ မူလနေရာကို ပြန်လာပြီး သားဖြစ်သူနဲ့ ထိပ်တိုက်ရင်ဆိုင်ရတော့တာပါပဲ။ ဒီကားက အရင်စီးရီးတွေတုန်းကလို နိုင်ငံရေးတွေ သိပ်မရှုပ်တော့ဘဲ Tommy ရဲ့ စိတ်ခံစားချက်နဲ့ သူ့ရဲ့ အတွင်းစိတ် ရုန်းကန်မှုတွေကို ပိုပြီး ပေါ်လွင်အောင် ရိုက်ပြထားတယ်။ သရုပ်ဆောင်ပိုင်းမှာတော့ Tommy နေရာက Cillian Murphy က ပြောစရာမလိုအောင် မိုက်တုန်းပဲ။ အသစ်ပါလာတဲ့ သူ့သား Duke နေရာက Barry Keoghan ကလည်း ခေါင်းမာပြီး အရမ်းကြမ်းတဲ့ လူသတ်သမားလေးပုံစံကို တော်တော်ပီပြင်အောင် သရုပ်ဆောင်သွားတယ်။ ဖခင်နဲ့ သားကြားက အားပြိုင်မှုတွေက အဲဒီကားရဲ့ အသက်လို့တောင် ပြောလို့ရတယ်။ ရုပ်ရှင်စတိုင်လ်နဲ့ သေသေချာချာ ရိုက်ထားတော့ မြင်ကွင်းတွေရော၊ နောက်ခံတေးဂီတတွေရော တော်တော်လေးမိုက်တယ်။ Action အခန်းတွေလည်း အများကြီးပါသလို၊ စီးရီးကနေ အစချီလာတဲ့ ဇာတ်လမ်းတစ်ပုဒ်ကို ပီပီပြင်ပြင် အဆုံးသတ်ပေးလိုက်နိုင်တဲ့ ကားကောင်းတစ်ကားမို့ အရင်ကတည်းက ကြည့်လာတဲ့ ပရိသတ်တွေဆိုရင်တော့ လုံးဝ လက်မလွတ်သင့်ဘူးနော်။ File Size… (7.51GB) / (1.62GB) / (840MB) Quality… WEB-DL 4K HEVC / 1080p HEVC / 720p Format…mkv / mp4 Duration…1h 52m Genre ….Crime , Drama , History Subtitle….Myanmar Subtitle (Hard Sub)

ဒီဇာတ်ကားလေးကတော့ ၂၀၂၄ မှာထွက်ရှိခဲ့တဲ့ အမေရိကန်ကောင်းဘွိုင် ဇာတ်ကားလေးဖြစ်ပါတယ်။ ဒီဇာတ်ကားမှာ ယနေ့ခေတ် အမေရိကန်မဖြစ်လာခင် ခေတ်ဟောင်းအမေရိကန်ရဲ့ ခက်ခဲကြမ်းတမ်းတဲ့ ဘဝနေထိုင်မှုပုံစံတွေကို ရှုစားကြရမှာပါ။ ဂျက် နဲ့ လူလာတို့ မောင်နှစ်မနှစ်ယောက်က မိဘနှစ်ပါးဆုံးပါးသွားတဲ့အခါ အဘိုးဖြစ်သူခေါ်ရာနောက်လိုက်ရင်းနဲ့ ခရီးရှည်ကြီး စ ထွက်ခဲ့ပါတယ်။ လမ်းမှာ ဓားပြဗိုလ်ဖြစ်သူ ဘေလ်လီ က ညီမငယ်လေး လူလာ ကို မျက်စိကျ သွားရာကနေ ဖမ်းခေါ်သွားတဲ့အခါ မောင်နှစ်မနှစ်ယောက် တကွဲတပြားစီ ဖြစ်သွားပါတော့တယ်။ ညီမလေးကို ချစ်ရှာတဲ့ ဂျက် က ဓားပြတွေနောက်ကိုလိုက်ဖို့ ပြင်ရပါတော့တယ်။ ဂျက် နဲ့ လူလာတို့ လမ်းခရီးမှာ ကြုံတွေ့ရတဲ့အခက်အခဲတွေ၊ တိုက်ခိုက်ကြတဲ့ အက်ရှင်ခန်းတွေနဲ့ ငေးမောဖွယ်ရာသဘာဝရှုခင်းတွေကို ခံစားကြည့်ရှုကြရမှာပါ။ ဒီဇာတ်ကားလေးမှာတော့ ခေတ်ဟောင်းအမေရိကန်ရဲ့ ကောင်းဘွိုင်တွေ၊ လူနေမှုဘဝတွေအပြင် ကျယ်ပြန့်တဲ့လွင်ပြင်ကျယ်ကြီးတွေ တောတောင်သဘာဝ ရှုခင်းတွေကို ပေါ်လွင်အောင် နောက်ခံထားပြီးရိုက်ကူးထားတာကြောင့် ကောင်းဘွိုင် ရုပ်ရှင်နှစ်သက်သူတွေအနေနဲ့ ကြည့်ရှုသင့်တဲ့ ဇာတ်ကားကောင်းလေးတစ်ကားပဲ ဖြစ်ပါတယ်ခင်ဗျာ။ File size…1.71GB / 658MB Quality…WEB-DL 1080p HEVC / 720p Format…mkv / mp4 Duration….1h 48m Genre ….. Crime , Drama , Western Subtitle….Myanmar Subtitle (Hard Sub) Encoder….Min Wai Translated by Wil

IMDb Rating - 6.8/10 အိပ်မက်ထဲမှာ မွေ့ပျော်နေတတ်တဲ့သူတွေက ဖုံးကွယ်ထားတဲ့ လျှို့ဝှက်ချက်ကြီးတစ်ခုတော့ ရှိလို့နေတတ်ပါတယ်။ အမှန်အ တိုင်းပေါ်ပေါက်ခွင့်‌ပေးကြမလား၊ ဆက်ပြီးပဲ အိပ်မက်မက်နေ ကြမလား ဆိုတာကတော့ ကိုယ်တိုင်ရွေးချယ်ရမဲ့အရာတစ်ခုပါ။ ဒီဇာတ်လမ်းကတော့ အိပ်မက်နဲ့ လက်တွေ့ကမ္ဘာနှစ်ခုလုံးကို ချိတ် ဆက်တင်ပြထားခဲ့ပါတယ်။ ဂျိုး နဲ့ ဂျူးစ်တို့က စေ့စပ်ထားကြတဲ့ လိင်တူချစ်သူနှစ်ဦးပါ။ ဂျူးစ်ရဲ့ အရင်အိမ်ထောင်ကနေ ပါလာတဲ့ ကလေးနှစ်ယောက်နဲ့ မိသားစုဘဝ လေးကို ပျော်ပျော်ရွှင်ရွှင် ဖြတ်သန်းနေကြတဲ့သူတွေပေါ့။ တစ်ညမှာ ဂျိုးတစ်ယောက် အိပ်မပျော်လို့ ကားမောင်းထွက်ရာကနေ ကားအက် ဆီးဒန့်တစ်ခုရဲ့ အရေးကြီးမျက်မြင်သက်သေတစ်ဦး ဖြစ်လာခဲ့ပါတယ်။ အဲဒီ အက်ဆီးဒန့်မှာ ကားနဲ့ တိုက်မိပြီး ထွက်ပြေးသွားခဲ့တဲ့သူက နာမည် ကြီးတစ်ယောက် ဖြစ်နေခဲ့တဲ့အချိန်မှာတော့ ဂျိုးအတွက် အန္တရာယ်တွေ ကျရောက်လာခဲ့ပါပြီ။ အသက်အန္တရာယ်ခြိမ်းခြောက်မှုတွေအပြင် ကွင်းဆက်အနေနဲ့ ဆက်သိ လိုက်ရတာက ဂျိုးက ဂိုဏ်းကြီးတစ်ခုက အဖွဲ့ဝင်ဟောင်းတစ်ဦး ဖြစ်နေ ခဲ့ပြီး ရာဇဝတ်မှုကြီးကို ကျူးလွန်ထားတဲ့ တရားခံတစ်ဦး ဖြစ်နေတယ် ဆိုတာပါပဲ။ သံသရာတစ်ပတ် ပြန်လည်လာပြီး ဂိုဏ်းသားတွေ ပြန်စုစည်း မိကြတဲ့အချိန်မှာ ဂျိုး ဘာဆက်လုပ်မလဲ၊ အိပ်မက်ကနေ နိုးထပြီး လက် တွေ့ကမ္ဘာထဲကို ပြန်သွားမလား၊ အိပ်မက်ထဲမှာပဲ ဆက်ပြီး မွေ့ပျော်နေမ လားဆိုတာကို စိတ်ဝင်တစား ကြည့်ရှုကြရမှာပဲ ဖြစ်ပါတယ်။ (ဒီစီးရီးရဲ့ အညွှန်းကို May Thet Khine Soe မှရေးသားပေးပြီး၊ ဘာသာပြန် ရေးသားပေး သူများကတော့ May Thet Khine Soe, Thwal Htoo Zin တို့ ဖြစ်ပါတယ်။) File Size.............(400 Mb) / (1.4 Gb) Quality...............WEB-DL 720p / 1080p Total Episodes...8 Duration............50Mins(@Episode) Subtitle..............Myanmar Hardsub Format...............MP4 Genre.................Comedy, Crime, Thriller Translator..........May Thet Khine Soe, Thwal Htoo Zin Encoder..............SWM

ဇာတ်လမ်းကို စဖွင့်ထားတာကတော့ နေစရာမရှိလို့ သူငယ်ချင်းနဲ့အကူအညီကို ရယူနေရတဲ့ အိုင်းရစ်စ် ဆိုတဲ့ အိမ်ခြေရာမဲ့ကောင်မလေးနဲ့ပါ... တစ်နေ့မှာတော့ သူ့အဖေ ဆုံးသွားလို့ အလောင်းကို အတည်ပြုပေးဖို့ဆိုပြီး အဆက်အသွယ်ရလာပါတယ်... နေစရာမရှိတဲ့အချိန်မှာ သူ့အဖေရဲ့ ပိုင်ဆိုင်မှုဆိုတာကို ကြည့်လိုက်တော့ အရက်ဆိုင်ဖွင့်ခဲ့တဲ့ ရှေးဟောင်း အဆောက်အဦကြီး ဖြစ်နေပါတော့တယ်... အဲဒါကြောင့် ဝမ်းသာအားရနဲ့ မကြာခင်မှာတင် သူ့အဖေရဲ့ အရက်ဆိုင်ဟောင်းမှာ စနေဖြစ်ခဲ့ပါတယ်။ သူမသိခဲ့တာက အမွေလွှဲပြောင်းစာချုပ်မှာ ဒီအဆောက်အအုံကို လက်လွှဲယူပါတယ်ဆိုပြီး လက်မှတ်ထိုးမိလိုက်တာနဲ့ ပြန်လှည့်လို့မရတဲ့ လမ်းကိုလျှောက်ပြီးသား ဖြစ်သွားပြီဆိုတာပါပဲ... အဲဒါရဲ့ အကြောင်းရင်းကတော့ အဆောက်အအုံကြီးအပြင် မြေအောက်ခန်းမှာ ရှိနေတဲ့ ကျိန်စာသင့် စုန်းမတစ်ကောင်ကိုပါ လက်လွှဲယူပြီးသား ဖြစ်နေလို့ပါပဲ... ဒီစုန်းမမှာ သေပြီးသားလူတွေကို ခဏတာ ပြန်ခေါ်ပေးနိုင်တဲ့ အစွမ်းရှိပါတယ်... အဲဒါကို တလွဲဆံပင်ကောင်း အသုံးချခဲ့တဲ့လူတွေကတော့ ဇာတ်သိမ်းမလှခဲ့ကြပါဘူး.. ဒါတွေကို တစ်ခုမှ မသိသေးတဲ့ အိုင်းရစ်စ်က ညဘက်ကြီး ဆိုင်ကို အသံမပေးဘာမပေး ဝင်လာပြီး ဒေါ်လာ ၄၀၀၀ အထိ ကမ်းလှမ်းကာ မြေအောက်ခန်းကမိန်းမနဲ့ တွေ့ချင်လို့ပါလို့ ပြောလာတဲ့ နေးလ် ဆိုတဲ့ ယောကျ်ားတစ်ယောက်နဲ့ တွေ့အပြီးမှာတော့ သူ့ဘဝကြီးက သိသိသာသာ စတင်ပြောင်းလဲဖို့ဖြစ်ပါတယ်... ချစ်ရတဲ့ ဆုံးပါးသွားသူတွေနဲ့ ပြန်တွေ့ဆုံပြီး စကားလက်ဆုံပြောဖို့ဆိုတာ လူတိုင်းအတွက် အင်မတန်ရခဲတဲ့ အခွင့်အရေးကောင်းတစ်ခုပေမဲ့ အဲဒီနောက်ကွယ်မှာ ဘာတွေကို ပေးဆပ်လိုက်ရမလဲဆိုတာတော့... File size…963MB / 442MB Quality…WEB-DL 1080p 5.1CH / 720p Format…mp4 Duration….1h 34m Genre ….. Horror Subtitle….Myanmar Subtitle (Hard Sub) Encoder….Min Wai Translated by Chothet_mlmt

Memento ထဲက မင်းသားကြီး Guy Pearce , Vikings နဲ့ Warcraft ထဲက မင်းသား Travis Fimmel နဲ့ Revenge ဖိုက်တာဇာတ်ကားထဲက အီတလီမင်းသမီး Matilda Lutz တို့လို ဇာတ်ဆောင်တွေနဲ့ ရိုက်ကူးထားပါတယ်။ ဇာတ်လမ်းအကျဉ်းလေးကတော့ ဒေးဗစ်ကာမိုက်ကယ်ဟာ မရိန်းတပ်သားဟောင်းတဖြစ်လဲ ရဲစုံထောက်ဟောင်းတစ်ဦးဖြစ်ပြီးတော့ အမှုတစ်ခုနဲ့ထွက်လာခဲ့တဲ့နောက်ပိုင်း အလွတ်စုံထောက်အဖြစ်အသက်မွေးနေပါတယ်။ တစ်နေ့တော့ သူ့ကို ဇုန် ၄၁၄ လို့ခေါ်တဲ့ လူသားအသွင်နဲ့စက်ရုပ်တွေရဲ့နယ်မြေ ရိုဘော့မြို့တော်လို့ခေါ်ကြတဲ့ နေရာကြီးကိုတည်ထောင်ထားတဲ့ မာလွန်ဗိဒ်ဆိုသူကဆက်သွယ်လာခဲ့ပြီး အဲ့ဒီဇုန်ထဲကိုထွက်ပြေးသွားခဲ့တဲ့ သူ့သမီးကို ရှာဖွေပြီးပြန်ခေါ်လာခဲ့ဖို့ အမှုအပ်လာပါတယ်။ အဲ့ဒီဇုန်ထဲမှာ ပထမဆုံးတွေ့ဆုံရတဲ့သူကတော့ ဂျိန်းဆိုတဲ့ဖောက်သည်တွေဆန္ဒကို နည်းမျိုးစုံနဲ့ဖြည့်ဆည်းပေးဖို့တာဝန်ယူထားတဲ့စက်ရုပ်မလှလှလေးတစ်ယောက်ဖြစ်ပါတယ်။ ဗိဒ်သမီးရဲ့ ပျောက်ဆုံးမှုဟာ သာမန်အိမ်ပြေးမှုတစ်ခုအဖြစ်စတင်ခဲ့ပေမယ့် ရှုပ်ထွေးပွေလီတဲ့လူတွေရဲ့အကောက်ဉာဏ်၊ ရူးသွပ်မှု ၊ အတ္တတွေကြားမှာ သူတို့အတွက် အန္တရာယ်ဟာ ပိုမိုနက်ရှိုင်းလာပါတော့တယ်။ မြင်နေတွေ့နေကျဇာတ်လမ်းမျိုးဖြစ်ပေမယ့် ပုံဖော်ထားတဲ့ CGI တွေ Cinematography အမိုက်စားတွေနဲ့အတူ 90s ဝန်းကျင်ကခေတ်စားခဲ့တဲ့စက်ရုပ်လူသားကားတွေ ခေတ်လွန်မြို့တော်တွေရဲ့ vibe မျိုး တစ်ခါတစ်လေ Blade runner လိုပုံစံမျိုးကိုတောင်ပြန်အမှတ်ရစေတဲ့ စိတ်ကူးယဉ်သိပ္ပံဇာတ်ကားကောင်းတစ်ကားဖြစ်ပါတယ်။ File size…(1.7 GB) / (999 MB) / (500 MB) Quality…WEB-DL 1080p/720p/480p Format…mp4 Duration….01:38:49 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Pixie (2020) IMDb Rating(5.9)/ Rotten Tomatoes (93%) ဇာတ်လမ်းအညွှန်း ဇာတ်ကားနာမည် ပစ်စီဆိုတာက ဖျတ်ဖျတ်လတ်လတ်နဲ့ ဘာမဆို လက်ရဲဇက်ရဲလုပ်ရဲတဲ့ လည်လည်ဝယ်ဝယ် ကောင်မလေးတစ်ယောက်ပါ ဆန်ဖရန်စစ္စကိုသွားပြီး ဘဝကိုအသစ်ကပြန်စဖို့ ကြိုးပမ်းနေတဲ့အစီအစဥ်​ပျက်သွားပြီးနောက်ပိုင်းမှာ သူ့ဘဝအရှုပ်တော်ပုံထဲ ပြန်ပြီးခြေချရပါတော့တယ် သူ့ကိုဘားမှာတွေ့ပြီး လာကြောင်တဲ့နှစ်ယောက်ခမျာမှာလည်း မသိမသာနဲ့ ပစ်စီ့အရှုပ်တော်ပုံထဲ ယောင်လည်လည်ပါသွားပြီး သုံးယောက်ပေါင်းလောင်းကျော်ကြပါတော့တယ် ဆိုတော့ ပစ်စီ့ဘဝမှာ ဘာတွေကရှုပ်ထွေးနေတာလဲ ဇာတ်လမ်းအစမှာ အမေ့အုတ်ဂူရှေ့ရပ်ပြီး အမေ့အ​ပေါ်သူတို့လုပ်ခဲ့တဲ့လုပ်ရပ်တွေအတွက်လက်စားချေမယ်ဆိုတော့ အဲဒီ "သူတို့" ဆိုတာကရော ဘယ်သူလဲ ဆိုတာတွေကိုတော့ ပစ်စီကိုယ်တိုင်ပဲဖြေပေးသွားပါလိမ့်မယ် Crime comedy ဆိုတော့ အရမ်း serious မဖြစ်ဘဲ အလွဲလေးတွေနဲ့ ပေါ့ပေါ့ပါးပါးပဲကြည့်ရမယ့်ဇာတ်ကားမျိုးပါပဲ။ File size…(1.7 GB) and (1 GB) Quality….BluRay 1080p and 720p Format…mp4 Duration….01:33:00 Subtitle….Myanmar Subtitle (Hardsub) Encoder….Nyeinsaeya Aung Translated by MTA

ညစ်ပတ်ပြီး ကြမ်းတမ်းတဲ့ ဟာသ အက်ရှင် အမျိုးအစားဖြစ်လို့ မိသားစုနဲ့ အတူမကြည့်သင့်ပါဘူး။ ကောင်းတာတော့ အတော်ကောင်းပါတယ်။ ဟယ်ရီပေါ်တာ မင်းသားက ဒီလိုကားတွေနဲ့ အတော်အကျိုးပေးပုံပါပဲ။ ဒီကားမှာတော့ မိုင်လ် ဆိုတဲ့ ကောင်လေးတစ်ယောက်ပေါ့။ မိုင်လ်ဟာ ကုမ္ပဏီတစ်ခုမှာ ကွန်ပြူတာလေး တစ်လုံးနဲ့ အလုပ်လုပ်ရတဲ့ ကောင်လေး၊ လက်တွေ့ဘဝမှာဘယ်သူမှ အထင်မကြီးသလို၊ ဘာမှလည်း အရာမရောက်တဲ့ ကောင်လေးပါ။ ဒီလိုလူတွေရဲ့ ထုံးစံအတိုင်း အင်တာနက်ပေါ်မှာ ထရိုးလိုလို ဂိလိုလိုနဲ့ ဖောင်းထုပြီး ဖင်နာရှာရင်း ပျော်နေရတဲ့ သူပေါ့။ ဒါပေမယ့် သူဖောင်းထုတာ လူမှားသွားပါတယ်။ လူတွေကိုဖမ်းပြီး လူသတ်ပွဲတွေလုပ်ခိုင်းရင်း တိုက်ရိုက်ထုတ်လွှင့်တဲ့ ကောင်တွေကို သွားပြီး ဖောင်းထုမိတာပါပဲ။ ဟိုက တည်နေရာကိုရှာပြီး အိမ်အထိ လာရိုက်တဲ့ အခါမှ ခြေသလုံးဖက်တောင်းပန်ပေမယ့် မမှီတော့ပါဘူး။ ရလာဒ်ကတော့ လူသတ်ကစားပွဲထဲကို အသွင်းခံရပြီး၊ အတော်ဆုံး ကစားသမားနဲ့ အသက်လု ချရဖို့ ဖြစ်လာတော့တာပါပဲ။ ဒီလိုသောက်ပေါနဲ့ တကယ့် လူသတ်သမားအကြမ်းစားတို့ ပြေးကြလွှားကြ တိုက်ကြရင်း အဲဒီပွဲက အင်တာနက်မှာလူကြည့်အများဆုံးဖြစ်လာပြီး သူလည်း တစ်ရက်ထဲနဲ့ နာမည်ကျော်လာပါတော့တယ်။ ဒီလောက်ဆို ဆက်ကြည့်ချင်မယ်ထင်ပါတယ်၊ ဆက်မပြောပြတော့ဘူးနော်။ စကားလုံးရော ရိုက်ချက်တွေရော ကြမ်းလို့ အိမ်မှာ မိသားစုနဲ့ ကြည့်လို့မသင့်တာ သတိပေးပါရစေ။ File Size : ( 916 MB , 334 MB ) Quality : WEB-DL 720p Running Time : 1 hr 35 min Format : Mp4 Genre : Action , Comedy Subtitle : Myanmar Subtitle (Hard Sub) Translated by Little Neo Encoded by Moe Myint Lwin

နာမည်ကျော် မင်းသားကြီး နီကိုးလက်စ် ကေ့ဂျ်  အကြာကြီးပျောက်နေပြီးမှ ပြန်ပေါ်လာတဲ့ ရုပ်ရှင်ကားလို့ပဲ ပြောရမလား မင်းသားကြီးကို လွမ်းနေတဲ့သူတွေ အတွက် အကောင်းဆုံး သရုပ်ဆောင်ထားပေးပါတယ် ဒီ Mandy ဆိုတဲ့ ရုပ်ရှင်ကားဟာ ဘာသာရေး အစွန်းရောက် တဲ့ ပုံစံမျိုးကို ပြသထားပြီး သွေးထွက်သံယို အခန်းတွေ ၊ ညစ်ညမ်းတဲ့ အခန်းတွေ အတော်များများ ပါဝင်လို့ နှလုံးရောဂါ ရှိသူများ ကလေးသူငယ်များ မကြည့်သင့်ပါ မိသားစု အတူ ကြည့်ရှုရန် မသင့်တော်ပါ ဇတ်လမ်းကို ၁၉၈၃ ခုနှစ် ဝန်းကျင် ပုံစံဖန်တီးထားပြီး ရဒ် နဲ့ မန်ဒီ ဆိုတဲ့ လင်မယား ၂ ယောက် ဟာ လူတွေ နဲ့ ဝေးတဲ့ နေရာတစ်ခုမှာ အိမ်လေး ဆောက်ပြီး ပျော်ပျော်ရွှင်ရွှင် နေကြတာပေါ့... ဒါပေမယ့် တစ်ရက်မှာတော့ ရဒ် ရဲ့ အမျိုးသမီး မန်ဒီ ကို ဘာသာရေးအစွန်းရောက် ခေါင်းဆောင် တစ်ဦးက လမ်းတစ်နေရာမှာ ဖြတ်ခနဲ မြင်ပြီးနောက် မနေနိုင် မထိုင်နိုင်တွေ ဖြစ်ပြီး သူ့ အနား ခေါ်ထားချင်တာနဲ့ လူသတ် သမား အုပ်စု ကို ရဒ် နဲ့ မန်ဒီ တို့ဆီ လွှတ်ပြီး ဖမ်းခိုင်းပါတော့တယ်... XP Powerbank များကို  —-> ဒီနေရာ မှာ ဈေးသက်သာစွာဝယ်နိုင်ပါပြီ။ ရဒ် နဲ့ မန်ဒီ တို့ဟာ ငရဲခန်း တမျှ ဆိုးရွားလှတဲ့ ဘာသာရေး အရူးတွေလက်က လွတ်မလား သေပဲ သွားကြမလား ဆိုတာတော့ CM Fan တို့ ဆက်လက်ကြည့်ရှုလိုက်ကြပါအုံး ဒီရုပ်ရှင်ကားကို ဘာသာပြန်ပေးထားတာကတော့ Shain Htet Naing ဖြစ်ပြီး Thit San Khant မှ Encode ၍ တင်ဆက်ပေးထားပါတယ်....

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Rogue One: A Star Wars Story (2106) Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ (ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File size…(8.1 GB)/(2.1 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:13:00 Subtitle….Myanmar Subtitle (Hardsub) Encoder….Ka Naung Translated by Little Neo

ဒုတိယကမ္ဘာစစ်ရဲ့ စစ်ပြန် ဆိုဗီယက် သူရဲကောင်းလီယိုဒီမီဒေါ့ဟာ စစ်ကြီးအပြီးမှာတော့ နိုင့်ငံရဲ့ လျှိုဝှက်ထောက်လှမ်းရေးအဖွဲ့မှာ ရာထူးကြီးကြီးနဲ့ထမ်းဆောင်နေပြီး ဇနီးလှလှလေးရိုင်စာနဲ့ တိုက်ခန်းကောင်းကြီးမှာတူတူနေနေပါတယ်။ စစ်အေးခေတ်ကြီးရဲ့မတည်ငြိမ်တဲ့အချိန်နဲ့ ဆိုဗီယက် ကွန်မြူနစ်စနစ် ရဲ့ဖိနှိပ်မှုတွေရှိနေတဲ့ကြားက လီယိုတယောက် ကလေးငယ်တွေကိုပဲ လိုက်သတ်နေတဲ့ စိတ္တဇ လူသတ်သမားကိုဖော်ထုတ်အရေးယူဖို့ဖြစ်လာရပါတယ်။ ဒါပေမဲ့ လုပ်ဖော်ကိုင်ဖက်တွေရဲ့မနာလို၀န်တိုမှုတွေရှိနေတဲ့အပြင် ဇနီးသည်နဲ့ဆက်ဆံရေးကလည်းထင်သလိုရိုးရှင်းမှုမရှိပါဘူး။ လီယိုအနေနဲ့ ဒီလိုအခက်အခဲတွေကြားက ဘယ်လိုရုန်းထွက်သွားမလဲ။ နာမည်ကြီးသရုပ်ဆောင်တွေဖြစ်တဲ့ Tom Hardy နဲ့ Noomi Rapace တို့ကခေါင်းဆောင်နေရာကပါ၀င်ပြီး ဇာတ်ပို့‌နေရာမှာလည်း Joel Kinnama n,Paddy Considine တို့အပြင် ဝါရင့်မင်းသားကြီး Gary Oldman တို့ပါ အားဖြည့်ထားပါတယ်။ စုံထောက်ဇာတ်လမ်းတွေကြိုက်တဲ့အပြင် စစ်အေးခေတ်နိုင်ငံရေးကိုစိတ်၀င်စားသူ‌တွေအတွက် ရုပ်ရှင်ကောင်းတစ်ကားပါပဲ။ File size…(2.6 GB) / (1.3 Gb) / (600 Mb) Quality….Webrip 1080p / 720p / 480p Format…mp4 Duration….02:17:00 Genre...Crime, Drama, History Subtitle….Myanmar Subtitle (Hardsub) Encoder….Mr. Anderson Translated by Sett Paing

The Woman in Black 2: Angel of Death (2014) ဒီဇာတ်လမ်းကိုတော့ ပထမဇာတ်ကား (The Woman in Black (2012) က အဖြစ်အပျက်တွေနောက် နှစ် ၃၀ အကြာ London Blitz လို့လူသိကြတဲ့ လန်ဒန်မြို့ကြီးဗုံးကြဲတိုက်ခိုက်ခံရစဉ်ဒုတိယကမ္ဘာစစ်ကာလကိုအခြေခံထားပါတယ်။ ကျောင်းအုပ်ကြီး ဂျင်းန်ဟော့ဂ်နဲ့ဆရာမ အိဗ်ပါကင်းစ်တို့ဟာ ကျောင်းက ကလေးတစ်ချို့နဲ့အတူဝေးလံတဲ့ နယ်မြို့လေးတစ်မြို့ကိုစစ်ရှောင်ထွက်ခဲ့ကြပါတယ်။ သူတို့သွားရောက်တဲ့နေရာကတော့ ခရစ်သင်းဂစ်ဖိုဒ့်ရွာပဲဖြစ်ပြီး အခုချိန်မှာတော့ ရွာသားတွေ စွန့်ခွာထွက်ပြေးသွားတဲ့ ရွာပျက်ကြီးတစ်ခုဖြစ်နေပါပြီ။ တိုက်တိုက်ဆိုင်ဆိုင် သူတို့တည်းခိုဖို့စီစဉ်ထားတဲ့ နေရာကလည်း ဇာတ်လိုက်ကျော် အယ်လ် စိမ့်တောအိမ်ကြီးဖြစ်နေပါတယ်။ အိမ်ကြီးကိုရောက်ပြီးမကြာခင်မှာပဲ သူတို့ကျောင်းသားတွေထဲက မိဘတွေကိုလတ်တလောဆုံးရှုံးလိုက်ရလို့စိတ်ထိခိုက်နေတဲ့ ကျောင်းသားလေးအက်ဒွပ်ဟာ အမူအယာတွေထူးခြားလာခဲ့ပြီး သူ့ကိုအနိုင်ကျင့်တဲ့ ကျောင်းသားတစ်ယောက် စိမ့်တောထဲမှာသေဆုံးမှုစတင်ဖြစ်ပေါ်လာခဲ့ပါတယ်။ ဆရာမ ပါကင်းစ်ဟာလည်း ထူးခြားတဲ့ အရိပ်အယောင်တွေ အသံတွေကြားရတာတွေရှိလာတဲ့အတွက် ကျောင်းအုပ်ဆရာမကြီးကိုပြောပြပေမယ့် ခေါင်းမာတဲ့ ဆရာမကြီးက လက်မခံပါဘူး။ အမျိုးသမီးနှစ်ယောက်နဲ့ လူမမယ်ကျောင်းသားတစ်သိုက်၊ရွာပျက်အောင်စွမ်းတဲ့ တစ္ဆေတစ်ကောင်နဲ့ ဘယ်လိုရင်ဆိုင်ကြမလဲဆိုတာ ဆက်လက်ရှုစားကြပါ။ The Woman in Black: Angel of Death ဟာ ပထမဇာတ်ကားအခြေခံတဲ့၀တ္ထုရဲ့နောက်ဆက်တွဲနာမည်တူ၀တ္ထုကိုပဲအခြေခံထားတာဖြစ်ပါတယ်။ ဇာတ်လမ်းဇာတ်အိမ်ရော ခြောက်လှန့်တဲ့အခန်းတွေပါ အတော်မိုက်ပါတယ်။ (ရုပ်ရှင်အညွှန်းနဲ့ဘာသာပြန်ကို Alias မှ တင်ဆက်ထားပါတယ်။) File size…(1.1 GB )/(600 MB)  Quality….BluRay 1080p HEVC / 720p Format…mkv/mp4 Duration….01:38:00 Subtitle….Myanmar Subtitle (Hardsub) Encoder….Ka Naung Trasnlated by Alias

ရည်မှန်းချက်ကြီးတဲ့ သစ်လုပ်ငန်းရှင် ဂျော့်ဟာ ဆရီနာကို မြင်မြင်ချင်း ချစ်သွားပြီး တွေ့တွေ့ချင်းမှာပဲ လက်ထပ်ခွင့်တောင်းလိုက်ပါတယ်။ ဆရီနာကလည်း သစ်လုပ်ငန်းရှင်တစ်ဦးရဲ့သမီးဖြစ်တာကြောင့် ဂျော့်နဲ့ လက်တွဲပြီးနောက် သူ့ရဲ့စီးပွားရေးကိုပါ ဝင်ဦးစီးနိုင်လာတယ်။ ဒါပေမဲ့ သူတို့နှစ်ယောက်လုံးမှာ ကိုယ်စီဖုံးကွယ်ထားတဲ့ လျှို့ဝှက်ချက်တွေ ရှိနေကြပါတယ်။ အဲဒီလျှို့ဝှက်ချက်တွေ ပေါ်လာတဲ့အခါ သူတို့ရဲ့ဆက်ဆံရေးကို ဘယ်လိုဆက်ထိန်းကြမလဲ၊ ရှေ့ဆက် ဘယ်လိုဖြတ်သန်းကြမလဲဆိုတာကို Bradley Cooper နဲ့ Jennifer Lawrence တို့ အဓိကသရုပ်ဆောင်ထားတဲ့ အချစ်ဒရာမာကားပါ။

IMDb - 6.3/10 ~ Rotten tomatoes - 70% အိုင်ယာလန်နိုင်ငံက ‌အယ်ရန်ကျွန်းလေးဟာ လူအနည်းစုပဲနေထိုင်ကြပြီး သာယာအေးချမ်းနေတဲ့ ကျွန်းလေးပါ။ ရဲစခန်းမှာလည်း အရာရှိနှစ်ယောက်သာရှိပြီး မှုခင်းလည်းတော်ရုံဖြစ်ခဲပါတယ်။ တနေ့မှာတော့ စခန်းမှူးက ပိတ်ရက်ခွင့်ယူတဲ့အတွက် ဒပ်ဗလင်မြို့ကနေပြီး နှစ်ပတ်အစားထိုးပေးမဲ့ ဂါဒါ (အရာရှိ) နိုလန် ကိုလွှတ်ခဲ့ပါတယ်။ ဒီလိုနဲ့ စခန်းမှာကျန်ခဲ့တဲ့ အိုရှေးနဲ့တွဲပြီးအလုပ်လုပ်ကြရင်း ကမ်းခြေမှာ ဝေလငါးတွေ သောင်သာတင်တဲ့သတင်းကို သွားစစ်ရင်း ဝေလငါးတွေရဲ့ ကိုယ်ပေါ်ကပုံမှန်အဟုတ်တဲ့ အမည်မသိဒဏ်ရာတွေကိုတွေ့ခဲ့ကြရပါတယ်။ တဖက်မှာလည်း ဘဝကိုငါးဖမ်းလိုက်၊ အရက်သောက်လိုက်နဲ့ ဖြတ်သန်းနေတဲ့ ပက်ဒါဆိုတဲ့ အဘိုးကြီးရဲ့ ကျောက်ပုစွန်ထောင်ခြောက်မှာ အမျိုးအမည်မသိ အကောင်တကောင်မိခဲ့ပြီး ပက်ဒါကိုတိုက်ခိုက်ရင်း သေသွားခဲ့တာကြောင့် အဏ္ဏဝါဗေဒပညာရှင် စမစ်နဲ့စစ်ဆေးကြည့်ရင်း ဒီသတ္တဝါတွေဟာ သွေးကိုစားသုံးပြီး အသက်ရှင်ဖို့ရေလိုအပ်တဲ့ အမျိုးအမည်မသိမျိုးစိတ်ဖြစ်နေပြီး သေသွားရတဲ့အကြောင်းအရင်းကလည်း ပက်ဒီလို ရှက်ကီပေါင်းစုံထုထားတဲ့ ရှက်ဘီဘဲကြီးရဲ့ သွေးကိုစုပ်မိသွားတာကြောင့် ဖြစ်နေခဲ့ပါတယ်။ ဖြစ်ချင်တော့ ပက်ဒါမိထားတဲ့အကောင်က အမဖြစ်နေပြီး သူ့နောက်ကိုပိုပြီးအားကြီးတဲ့ အဖိုတကောင်ကလိုက်နေတာကို သိလိုက်ရတဲ့အခါမှာတော့ အေးချမ်းသာယာတဲ့ အယ်ရင်ကျွန်းပေါ်မှာ လူသေမှုတွေဆက်တိုက်ဖြစ်နေခဲ့ပြီးပါပြီ။ ဒီကောင်ကြီးတွေရဲ့ လက်ကနေ လွတ်မြောက်နိုင်ဖို့ တစ်ခုထဲသောနည်းက အရက်မူးအောင် သောက်ဖို့ ဖြစ်နေတဲ့အခါမှာတော့ ဘယ်လိုတွေမူးအောင်သောက်ပြီး ဘယ်လိုတွေနှိမ်နင်းကြမလဲဆိုတာကို ရယ်ရယ်မောမောနဲ့ဆက်လက်ကြည့်ရှုလိုက်ကြပါဦးဗျ။

၂၀၁၁ က ထွက်ရှိခဲ့တဲ့ ၂နာရီကြာ ရုပ်ရှင်ကို Cary Fukunaga ရိုက်ကူးခဲ့ပြီး အဓိကဇာတ်ဆောင်အနေနဲ့ Alice in Wonderland မင်းသမီးဖြစ်တဲ့ Mia Wasikowskaနဲ့ မင်းသား Michael Fassbenderတို့ သရုပ်ဆောင်ထားပါတယ်။ ဗြိတိန်လူမျိုး စာရေးဆရာမ Charlotte Bronteရဲ့ ဝတ္ထုကို မှီငြမ်းပြီး ရိုက်ကူးထားတာဖြစ်ပါတယ်။ ဒီဝတ္ထုကို ပြန်ပြီး ရိုက်ကူးထားတဲ့ ရုပ်ရှင်တွေထဲမှာ ဒီဇာတ်ကားက စာအုပ်ရဲ့အလွမ်းအဆွေးmoodကို အမိအရပုံဖော်နိုင်လို့အအောင်မြင်ဆုံးရုပ်ရှင်ဖြစ်ပါတယ်။ ဇာတ်လမ်းအစကို Jane Eyreဟာ မျက်ရည်တွေနဲ့ Thornfield Hallကနေ ထွက်ပြေးခဲ့ပြီး အိမ်တစ်အိမ်ရဲ့ တံခါးဝမှာ မေ့မြောလဲသွားခဲ့တာကနေ စထားပါတယ်။Janeရဲ့ ငယ်ဘဝမှာ သူမရဲ့ အဒေါ်နဲ့ အစ်ကိုဝမ်းကွဲဖြစ်သူဆီကနေ အနိုင်ကျင့် နှိပ်စက်ဒဏ်ကို ခံခဲ့ရပါတယ်။ သူမရဲ့အဒေါ်က Lowood Schoolကို ပို့လိုက်စဥ်မှာလည်း စည်းကမ်းတင်းကြပ်လှတဲ့ကျောင်းမှာ ရှင်သန်ရပ်တည်ဖို့ ကြိုးစားခဲ့ရပါတယ်။Janeက စိတ်ဓာတ်ပြင်းထန်ပြီး မတရားမှုအပေါ်လည်း စိတ်ထဲရှိတဲ့အတိုင်း ပြောတတ်ဆိုတတ်တာကြောင့် သူ့ဘဝက အရွယ်ရောက်တဲ့အထိအထီးကျန်စွာ ဖြတ်သန်းခဲ့ရပါတယ်။ ကျောင်းကနေ ထွက်လာပြီး Thornfield Hallဆိုတဲ့ အိမ်ကြီးမှာ Mr. Rochester ဆိုသူရဲ့ အုပ်ထိန်းခံပြင်သစ်ကလေးမလေးကို စာသင်ကြားပေးရတဲ့ ဆရာမအနေနဲ့ ဝင်ရောက်လုပ်ကိုင်ခဲ့ပါတယ်။ Mr. Rochesterရဲ့ ပုံစံအရ မာနကြီးပြီး တော်ရုံလူကိုတန်းတူညီမျှ သဘောမထားတတ်တဲ့သူက Jane နဲ့ တွေ့ပြီးနောက်မှာ နူးညံ့ပျော့ပြောင်းတဲ့အသွင်ပြောင်းလဲလာခဲ့ပါတယ်။ ဒါပေမယ့်လည်း သူ့မှာ လူသိမခံတဲ့ လျှို့ဝှက်ချက်တစ်ခုရှိပါတယ်။ အဲ့ဒါကို Jane သိသွားတဲ့ အခါမှာ ဘာဆက်ဖြစ်မလဲ Janeကရော ဘာဖြစ်လို့ထွက်ပြေးလာတာလဲ Jane ထွက်ပြေးလာတဲ့နေရာအသစ်ကရော ဘယ်လိုပုံစံမျိုးလဲ ရုပ်ရှင်ကားက ဆက်ပြောပြသွားမှာပါ။ Pride & Prejudice နဲ့ romanceက နည်းနည်းလေးဆင်သလိုလို ရှိပြီးတော့ သူ့ပုံစံနဲ့ သူ ခံစားကြည့်ရှုလို့ကောင်းတဲ့ကားပါ။ File size…(2.3 GB)/(1.08 GB) Quality…. 1080p / 720p Format…mp4 Duration….02:00:00 Genre...Drama, Romance Subtitle….Myanmar Subtitle (Hardsub) Encoder….Garfield Translated by Hsu Hlyun

မင်းသားကြီး  Jason Statham  နဲ့ မင်းသား Paddy Considine တို့ တွဲဖက်ပါဝင်ရိုက်ကူးထားပြီး action ဇာတ်ကားကောင်းများနှစ်သက်သူများအတွက် အထူးကောင်းမွန်ပြီး IMDb Rating 6.2 ရရှိထားတဲ့ဇာတ် ကားတစ်ပုဒ်ဖြစ်ပါတယ်။ ဇာတ်ကားရဲ့ နာမည်ဟာ ရဲတွေကို အထူးပစ်မှတ်ထားပြီး လိုက်သတ်တဲ့ လူသတ်သမားရဲ့ နာမည်ဖြစ်ပါတယ်။ ဘရန့် ( jason statham ) ဟာ သူ့ကိုလိုက်လံဖမ်းဆီးခဲ့ပြီး သူ့ကိုဖမ်းမိတဲ့ အချိန်မှာတောင် ခိုင်လုံတဲ့သက်သေအထောက်အထားမပြနိုင်လို့ ပြန်လွတ်ခဲ့ရတဲ့ ဘယ်ရီ ( ဘလစ် ) ကို . ဘရန့် ( jason statham ) က လှလှပပ ဇာတ်သိမ်းပြခဲ့ပုံများ . အထူးသဖြင့် ဘလစ်ဟာ သူ့ကိုဖမ်းဆီးဖူးခဲ့တဲ့ ရဲတွေကိုတစ်ယောက်ချင်းစီ ကလဲ့စားချေလိုက်လံသတ်ဖြတ်မှုတွေဟာ ဒီဇာတ်လမ်းရဲ့ အဓိက ကျောရိုးလည်းဖြစ်လို့နေပါတယ်။ 2011က ထွက်ရှိခဲ့ပြီး Transporter မင်းသားကြီး Jason Statham ပါဝင်ရိုက်ကူးထားတဲ့ ဇာတ်ကားကောင်းတစ်ကားမို့အထူးတလည်ညွှန်းမနေတော့ပါဘူး Movie သာကြည့်ရှုဖို့ ပြောပါရစေ။ File size…(1.8 GB)/(1.1 GB) Quality….Blu-Ray 1080p / 720p Format… mp4 Duration…. 01:37:00 Genre... Action, Adventure, Crime, Mystery, Thriller Subtitle….Myanmar Subtitle (Hardsub) Encoder….Garfield

မားကပ်စ်ဟာ နိုင်ငံရဲ့ အဖိုးတန်ဆုတံဆိပ်ဖြစ်တဲ့ ရွှေလင်းယုန်ငှက်ရုပ်တု ပျောက်ဆုံးမှုကြောင့် နာမည်ပျက်ခဲ့ရတဲ့ တပ်မှူးတစ်ယောက်ရဲ့ သားပါ။ ဖခင်ရဲ့ဂုဏ်သိက္ခာကို ပြန်အဖတ်ဆယ်ဖို့ တိုက်ပွဲဝင်နေရာက ဒဏ်ရာရသွားပြီး တပ်ကနေ ထွက်လိုက်ရပါတယ်။ အက်စကာကတော့ မားကပ်စ်ရဲ့အမိန့်ကြောင့် မိသားစုဝင်အားလုံးကို ဆုံးရှုံးခဲ့ရပြီး ကျွန်ဘဝရောက်နေသူပါ။ လူသတ်ပွဲတစ်ပွဲမှာ မားကပ်စ်က အက်စကာ့အသက်ကို ကယ်လိုက်ပြီးနောက် သူတို့နှစ်ယောက်ဟာ လူရိုင်းတွေရဲ့နယ်မြေထဲက လင်းယုန်ငှက်ရုပ်တုကို အတူသွားရှာကြပါတယ်။ အနိုင်ကျင့်သူနဲ့ အနိုင်ကျင့်ခံရသူ၊ သခင်နဲ့ကျွန်ဆိုတဲ့ ဆက်ဆံရေးရှိနေတဲ့ ဒီနှစ်ယောက် ခရီးလမ်းမှာ တစ်ဖန် ရန်သူတွေဖြစ်သွားကြမလား။ Channing Tatum ပါဝင်သရုပ်ဆောင်ထားတဲ့ စွန့်စားခန်းအက်ရှင်ဇာတ်ကားပါ။

Platform 9¾ ကနေ ပြန်လည် ကြိုဆိုပါတယ်။ Hogwarts ရထားကြီးနဲ့ wizarding world ကို အလည်တစ်ခေါက် ထပ်သွားပြီး Chapter တစ်ခုချင်းစီကို အစဉ်လိုက် ပြန်အလွမ်းသည်ကြမယ်ဗျာ ... ခင်ဗျားက muggle မဟုတ်ရင်တော့ အသက်ရှင်ကျန်ခဲ့သူ ကောင်လေးအကြောင်း ကြားဖူးပြီးသားဖြစ်မှာပါ ... သူ့နာမည်က Harry Potter တဲ့ .. ထင်ရှားတဲ့အမှတ်အသားဆို နဖူးမှာ အမာရွတ်လေးနဲ့ မှန်ကြောင်ကောင်လေးတစ်ယောက်ပါပေါ့ ။ ဒီ အမာရွတ်လေး ရခဲ့တဲ့ ညကနေ စလို့ သူဟာ သူကိုယ်တိုင် မသိပါဘဲ မှော်လောကမှာ ကျော်ကြားလာခဲ့တယ်... မနာခံသူ မှန်သမျှ အရှင်မထားတတ်တဲ့ မှော်ဆရာကြီး တစ်ယောက်ရဲ့ လက်က လွတ်မြောက်ခဲ့သူအဖြစ်ပေါ့... မှော်ဆရာကြီးက ဘယ်သူလဲတော့ လာမမေးပါနဲ့ ... ကျွန်တော်တို့ သူ့နာမည်ကို ထုတ်မပြောကြဘူး ... သိုပေမဲ့ Harry Potter ဆိုတဲ့ မှော်ဆရာလေးကတော့ ငယ်ငယ်ရွယ်ရွယ်နဲ့ ရဲစွမ်းသတ္တိအပြည့်မွေးပြီး ရွန်၊ ဟာမွိုင်နီဆိုတဲ့ သူငယ်ချင်း ၂ ယောက်နဲ့အတူ ဒီမှော်ဆရာကြီးနဲ့ အချိန်အကြာကြီး ရင်ဆိုင်ခဲ့ပါတယ် ... အဆိုးနဲ့အကောင်း အမှောင်နဲ့အလင်း အမည်းနဲ့အဖြူလို ဆန့်ကျင်နေတဲ့ ဒီ မှော်ဆရာ ၂ ယောက်ရဲ့ တိုက်ပွဲရှည်ကြီးကို ပြန်လှန်လေ့လာလိုက်ကြပါစို့... မြန်မြန်တက်ကြဗျို့ Hogwarts ရထားကြီး ထွက်တော့မယ် !! File size…(5 GB) /(1.6 GB)/(900 MB) Quality….BluRay 4K HEVC/1080p /720p Format…mkv/mp4 Duration….02:26:02 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

ရော်ဘင်လောင်းစတွိုက်ဟာ ဘုရင်ရစ်ချတ်ရဲ့ ခရူးဆိတ်စစ်ပွဲမှာ ပါဝင်တိုက်ခိုက်နေတဲ့ လေးသည်တော်တစ်ယောက်ပါ။ အင်္ဂလန်ကို ပြန်ဖို့ကြိုးစားနေချိန် ပြင်သစ်နဲ့ အင်္ဂလန်ကြားက နိုင်ငံရေးအခြေအနေတွေကြောင့် နော့တင်ဟမ်က ဆာရောဘတ်လော့ဇ်စလေအဖြစ် အယောင်ဆောင်ပြီး ပြန်ရဖို့ အကြောင်းဖန်လာပါတယ်။ အင်္ဂလန်ရောက်လာတဲ့ ရော်ဘင်အတွက် တခြားလူတစ်ယောက်ရဲ့အမည်နဲ့ ဆက်နေရမယ့်အပြင် ရောဘတ်ရဲ့ဇနီးဖြစ်ခဲ့သူ မယ်ရီယွန်နဲ့လည်း ဘယ်လိုဆက်ဖြစ်လာမလဲဆိုတာ ရှိနေပါတယ်။ တစ်ဖက်မှာလည်း ပြင်သစ်ရဲ့ ကျူးကျော်စစ်က နီးကပ်လာပြီး အင်္ဂလန်က ပြည်တွင်းစစ်ဖြစ်လုနီးပါး အခြေအနေကို ရောက်နေတယ်။ ဒီလိုအချိန်မှာ သာမန်လေးသည်တော်တစ်ယောက်က နိုင်ငံကို ကယ်တင်နိုင်ပါ့မလား၊ သူ့ဘဝကနေ ဒဏ္ဍာရီတစ်ခု ဘယ်လိုဖြစ်လာမလဲဆိုတဲ့ အကြောင်းကို ဆက်ပြထားပါတယ်။ Russell Crowe နဲ့ Cate Blanchett တို့ ပါဝင်သရုပ်ဆောင်ထားတဲ့ အက်ရှင်၊ စွန့်စားခန်းနဲ့ ဒရာမာဇာတ်ကားပါ။

ဒီဇာတ်ကားက နာမည်ကြီး မင်းသား Cillian Murphy ရဲ့ ဇာတ်ကားကောင်းတွေထဲက တစ်ကားဖြစ်ပါတယ်။ ဒီကားထဲမှာ Cillian Murphy ကို ဘဝရည်မှန်းချက် ပျောက်နေတဲ့ ငပျင်းတစ်ယောက်အဖြစ် မြင်ရမှာ ဖြစ်ပြီး သူ့ရဲ့ အဖေဖြစ်သူရယ် .. အိမ်နီးချင်း ကောင်မလေးတစ်ယောက်ရယ်နဲ့ အိုင်းရစ် လူဆိုးတွေရဲ့ အမဲလိုက်ခံရခြင်းကနေ ဘယ်လို ထွက်ပြေး ကြမလဲဆိုတာကို ဟာသဆန်ဆန်နဲ့ တစ်ချိန်တည်းမှာပဲ တစ်ကားလုံး စိတ်လှုပ်ရှားရင်ခုန်စွာ ကြည့်ရမှာ ဖြစ်ပါတယ်။ ဘဝမှာ နောင်တရစရာ ကိစ္စတွေ ဖြစ်မလာဖိုအတွက် ရင်ဆိုင်စရာ ရှိတာကို ထိပ်တိုက်ချက်ချင်း ရင်ဆိုင်ရမယ်ဆိုတဲ့ အချက်ကိုလည်း ဒီဇာတ်ကားကြည့်ရင်း ရရှိသွားမှာဖြစ်လို မသေခင် ကြည့်သွားသင့်တဲ့ ကားတစ်ကားဖြစ်တယ်လိုပဲ သေချာပေါက် ပြောလိုက်ပါရစေ။ File size…1.50GB / 651MB Quality…Blu-Ray 1080p 5.1CH / 720p Format…mp4 Duration….1h 28m Genre ….. Action , Comedy , Crime Subtitle….Myanmar Subtitle (Hard Sub) Encoder….Min Wai Translated by BZW

Sherlock Holmes (2009) (Only on Bioscope) IMDB : 7.5 Rotten Tomatoes : 7.2 Genre : Action / Thriller / Mystery Sherlock Holmes ကတော့ နာမည်ကြီး ဒါရိုက်တာ Guy Ritchie ရိုက်ကူးထားတဲ့ လူကြိုက်များခဲ့တဲ့ Detective ရုပ်ရှင်တစ်ခုဖြစ်ပါတယ်။ ဒါတင်မကသေးပဲ RDJ နဲ့ Jude Law တို့က အတွဲညီညီသရုပ်ဆောင်ထားတာမလို့ တော်တော်လေးကိုကြည့်လို့ကောင်းပါတယ်။ ဒါတင်မကသေးပဲ နောက်ခံ Score က ဆရာ့ဆရာကြီး Hans Zimmer လက်ရာဆိုတော့ ကိုယ်တိုင် ၁၈၉၀ ခုနှစ်ကိုရောက်သွားသလိုမျိုး ခံစားရမှာဖြစ်ပါတယ်။ Sherlock Holmes (2009) နဲ့ RDJ Golden Globe (Best Actor) ရခဲ့ပြီး Original Score နဲ့ Original Art Director (Academy) ဆု ဇကာတင်ခဲ့တာဆိုတော့ပြောရရင် ထိပ်တန်းအဆင့် ရုပ်ရှင်တစ်ခုလည်းဖြစ်ပါတယ်။ ဇာတ်ညွှန်း လန်ဒန်မြို့ကြီးမှာ မိန်းကလေးငယ်တွေကို ဖမ်းဆီးသ-တ်ဖြတ်ကာ ယဇ်ပူဇော်နေတဲ့ လော့ဒ်ဘလက်ဝုဒ်ကို ရှားလော့နဲ့ သူ့ရဲ့ လက်တွဲဖော် စစ်ပြန်ဒေါက်တာကြီး ဝပ်ဆန်တို့က အချိန်မှီဖမ်းဆီးနိုင်ခဲ့ပါတယ်။ ဘလက်ဝုဒ်ကို ကြိုးမိန့်ပေးခဲ့ပေမဲ့ ဘလက်ဝုဒ်က နောက်ထပ် အသ-တ်ခံရမယ့်လူတွေရှိလာဦးမယ်ဆိုပြီး ရှားလော့ကို သတိပေးခဲ့ပါတယ်။ သိပ်မကြာခင်မှာပဲ ဘလက်ဝုဒ်ကသေရွာကနေ ပြန်ရှင်လာပြီး လန်ဒန်တမြို့လုံး အုန်းအုန်းကျွတ်ကျွတ်ဖြစ်သွားခဲ့ပါတယ်။ နာမည်ကျော် ရှားလော့ဆိုတာ မမြင်ရတဲ့ အမှောင်မှော်ပညာအောက်မှာ ကျရှုံးသွားပြီလား။ သို့လောသို့လော မေးခွန်းတွေက လန်ဒန်တမြို့လုံး ပျံ့နှံ့လာခဲ့ပါတယ်။ ဒါပေမဲ့ ယုတ္တိဗေဒသမား စစ်စစ်ဖြစ်ပြီး သိပ္ပံကလွဲ ကျန်တာကို သိပ်အယုံမကြည်မရှိတဲ့ ရှားလော့ကတော့ ခေါင်းအေးအေးနဲ့ အမှုကို သုံးသပ်ခဲ့ပါတယ်။ ဒီလိုနဲ့ လျှို့ဝှက်ဆန်းကျယ်တဲ့ ဒီအမှုကို သူ့ရဲ့လက်တွဲဖော်ကြီး ဒေါက်တာ ဝပ်ဆန်နဲ့ ဘယ်လိုမျိုးဖော်ထုတ်သွားမလဲဆိုတာကို ခံစားကြည့်လိုက်ကြပါခင်ဗျာ။ ရှာလော့အဖြစ် မင်းသား RDJ ဒေါက်တာဝပ်ဆန်အဖြစ် မင်းသား Jude Law အိုင်ရင်းအဖြစ် မင်းသမီး Rachel McAdams ဘလက်ဝုဒ်အဖြစ် မင်းသား Mark Strong တို့က ပါဝင်သရုပ်ဆောင်ထားပြီး Guy Ritchie က ပုံဖော်ထားကာ နောက်ခံကို Hans Zimmer က တီးခတ်ထားတာမလို့ ဘာပြောကောင်းမလဲ။ ခံစားသာကြည့်လိုက်ကြပါ။ File size…   9 GB / 3.8 GB / 1.2 GB Quality… Blu-ray 4K/ 1080p / 720p Format… mp4 Duration…. 2h 08m Genre ..... Mystery / Action / Thriller Subtitle…. Myanmar Subtitle (Hard Sub)

IMDb Rating - 6.3/10 ဗြိတိန်ပြည်ရဲ့နန်းတည်ဘုရင် အာသာ.. စားပွဲဝိုင်းက သူရဲကောင်းများ.. သူတို့အကြောင်းကို ကျွန်တော်တို့ ကလေးဘဝကတည်းက ဇာတ်လမ်းအမျိုးမျိုးမှာ ပုံစံအမျိူးမျိုးနဲ့ မြင်ခဲ့သိခဲ့ ရပြီးပါပြီ။ သမိုင်းသုတေသီတွေက ၁၅ရာစုက ဘုရင်အာသာနဲ့ သူ့ရဲ့ သူရဲကောင်းတွေအကြောင်း ဂန္တဝင်ဇာတ်လမ်းဟာ အမှောင်ခေတ်လို့ခေါ်ကြတဲ့ ၅ရာစုဝန်းကျင်ကာလမှာ တကယ်ရှိခဲ့တဲ့ သူရဲကောင်းတစ်ယောက်ကနေ ပေါ်ပေါက်လာတယ်လို့ လက်ခံထားကြပါတယ်။ အထောက်အထားတစ်ချိူ့လည်းတွေ့ထားတယ် ဆိုပါတယ်။ တကယ့်အာသာဟာ ဒဏ္ဍာရီထဲက အာသာထက် ဆယ်ရာစုစောပေါ်ခဲ့တာပါတဲ့။ ဒီတစ်ခါဇာတ်လမ်းကတော့ ရှေးဟောင်းသုတေသနနဲ့ သမိုင်းတွေ့ရှိချက်တွေအရ အာသာရဲ့ ဖြစ်ရပ်မှန်နဲ့ အနီးစပ်ဆုံးလို့ဆိုရပါမယ်။ အာသာကို လွတ်လပ်မှုနဲ့ သာတူညီမျှ ဝါဒကိုလက်ကိုင်ထားတဲ့ ရောမသူရဲကောင်းအနေနဲ့ ပုံဖော်ထားပါတယ်။ သူရဲ့သူရဲကောင်းတွေကိုတော့ ရောမကို ကျေးဇူးကြွေးဆပ်နေရတဲ့ ဆာမားတီးယန်း မြင်းသည်တော်တွေအနေနဲ့ပုံဖော်ထားပါတယ်။ သူရဲကောင်းတွေကို တာဝန်မှကင်းလွတ်ခွင့်ပေးရမဲ့ အချိန်မှာ ရောမပြည်က နောက်ဆုံးတာဝန်တစ်ခု ပေးအပ်ခဲ့ပါတယ်....။ လွတ်လပ်မှုကိုရဖို့ နောက်ဆုံးတာဝန်ကို ထမ်းဆောင်ရတဲ့ အာသာနဲ့ သူရဲကောင်းတွေရဲ့ ခရီးနဲ့ တိုက်ပွဲကို ဇာတ်အိမ်တည်ထားပါတယ်။ Clive Owen, Keira Knightley Mads Mikkelsen,Ioan Gruffudd လို နာမည်ကျော်သရုပ်ဆောင်တွေပါပါတယ်။ ရိုက်ချက်တွေ Battle Sceneတွေလှပါတယ်။ Rating အရမ်းလွင့်နေအောင် ကောင်းတဲ့ထဲမပါပေမယ့် ကြည့်ကောင်းတဲ့ရုပ်ရှင်ပါပဲ။ ကျွန်တော်တော့ King arthurကားတွေထဲ ဒီကား အကြိုက်ဆုံးပါပဲ။ သမိုင်းဆိုတာတွေက ဘယ်အခါမှာမှ တိတိပပ မမှန်ခဲ့ပါဘူး...။ ရှေ့လွဲနောက်ပြင်ပါပဲ။ ဒီရုပ်ရှင်က ဇာတ်လမ်းဟာ King Arthurရဲ့ ဒဏ္ဍာရီအမှန်နဲ့ အနီးစပ်ဆုံး ယူဆရပါတယ်။ ပြောရရင် မ‌အအောင် ကြည့်ထားတာကောင်းပါတယ်။ ဒီရုပ်ရှင်က Knightတွေရဲ့ ပေးဆပ်ခဲ့မှုတွေကတော့ မှန်သည်ဖြစ်ဖြစ် မမှန်သည်ဖြစ်ဖြစ် ဝမ်းနည်းတသသ ဖြစ်စေပါလိမ့်မယ်။ ( ဘာသာပြန်ပြီး အညွှန်းရေးထားသူကတော့ WiRa Aung ပါ ) Quality__HEVC 1080p 5.1 CH , 720p IMDb Rating__6.3/10 Format__mp4 Duration__02:21:00 Type__Action , Adventure , Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Game of Thrones ထဲက နဂါးကြီးတွေကို သဘောကျ နှစ်ခြိုက်ကြတဲ့သူတွေ အများအပြားရှိပါလိမ့်မယ်။ ဝံ့ကြွားလှပတဲ့ကိုယ်ဟန်နဲ့၊ ဝါညီးထွန်းတောက်တဲ့ မီးတောက်တွေ မှုတ်ထုတ်လို့ ခံ့ညားလှတဲ့ သတ္တဝါကြီးတွေပေါ့။ ဒီတော့ လူကြီးမင်းရဲ့ အိမ်အောက်မှာ အ‌ပေါက်တစ်ခုတွေ့လို့ ဆင်းကြည့်ရင်း နဂါးကြီးတစ်ကောင်နဲ့ ပက်ပင်းတိုးမိတယ်ဆိုပါစို့။ အကြံပေးချင်တာကတော့ Game of Thrones ကို မေ့လိုက်ပြီး ဖနောင့်နဲ့တင်ပါး တသားတည်းကျအောင်သာပြေးပါ။ ဘာလို့လဲဆိုတာကို ဒီဇာတ်ကားထဲမှာ ရှုစားနိုင်ပါတယ်။ ခေတ်မီစက်မှုကာလ မျက်မှောက်ခေတ်၊ လူတွေဟာ ငွေနောက်လိုက်ရင်း ငွေရှာရင်း အသက်ကြီးလာ၊ ငွေနောက်လိုက်ရင်းပဲ သေကြရတဲ့အချိန်ပေါ့။ ဒီတော့ လောကဇာတ်ဆရာက ပျင်းရိငြီးငွေ့လာပုံရပါတယ်။ မြေကြီးထဲမှာ အိပ်ပျော်နေတဲ့ နဂါးတစ်ကောင်ကို နိုးထစေလိုက်တယ်။ သံချပ်ကာ အကြေးခွံချပ်တွေနဲ့၊ နိုက်ထရို နက်ဖလင်းမီးတောက်တွေမှုတ်ထုတ်နေတဲ့ နဂါးကြီးဟာ လှပသလောက် အန္တရာယ်မ‌ျားလှပါသတဲ့။ စာရေးဆရာက ဘယ်လောက်တောင် ညွှန်းလိုက်သလဲဆိုရင် ဒိုင်နိုဆောတွေကို မီးလောင်တိုက်သွင်းခဲ့တာ သူတို့ပါတဲ့။ သူတို့ကြောင့် ရေခဲခေတ်ကိုရောက်၊ သူတို့က သက်ရှိမှန်သမျှ စားပစ်ကြပြီး စားစရာမရှိ ငတ်မွတ်လာတဲ့အခါမှာ မြေအောက်ကိုဝင်ပြီး တစ်ရေးအိပ်နေကြပါသတဲ့။ ကမ္ဘာပေါ်မှာ သက်ရှိတွေ ပြန်ပြည့်လာမယ့်အချိန်ကို စောင့်နေကြတာပေါ့။ နဂါးကြီးဟာ အဖော်အပေါင်းတွေနဲ့ ပြန်လည်နိုးထလာပြီး လူ့လောကကို သိမ်းပိုက်လိုက်ပါတယ်။ တွေ့သမျှကို မီးလောင်တိုက်သွင်း၊ အသက်ရှိသမျှ စားလာလိုက်တာ လူ့ပြည်ပျက်တဲ့အထိပေါ့။ ရှိသမျှလက်နက်တွေ နျူတွေနဲ့ ခုခံခဲ့ပေမဲ့ သူတို့ဘက်ကနေ ကမ္ဘာကို ကူဖျက်ပေးမိသလိုပဲ ဖြစ်ခဲ့တယ်ဆိုပဲ။ ဂွတော့အကျသားဗျ။ ဒီတော့ လူအနည်းငယ်သာ ထွက်ပြေးလွတ်မြောက်လာပြီး အကာအကွယ်နေရာတွေမှာ စားစရာကြံဖန်ပြီး မြေအောင်းကြွက်တွေလို နေရတဲ့ခေတ် ရောက်သွားတာပေါ့လေ။ ဒီတော့ နဂါးအုပ်စိုးတဲ့ နဂါးတို့ပလ္လင်ကို လူတွေ ဘယ်လိုပြန်လုကြမလဲဆိုတာ ကြည့်ရမယ့် ဇတ်ကားတစ်ကားပါ။ ခေတ်မီကာလမှာ ခေတ်ဟောင်းသတ္တဝါကို ထည့်ရိုက်ထားတဲ့ ကမ္ဘာပျက်ကားတစ်ကားပေါ့။ Cast တွေကလည်း မညံ့လှဘူးဗျ။ Interstellar ဇာတ်ကားရဲ့မင်းသားကြီး McConaughey က အဓိကသရုပ်ဆောင်ထားပြီး ၊ Christian Bale , Gerard Butler တို့လို မင်းသားကြီးတွေနဲ့ အလန်းပါပဲ။ IMDb 6.2 ဆိုတော့ apocalypse ကားတစ်ကားအတွက် တော်တော်မြင့်နေပါပြီ။ ပြန်လည်ရှုစားကြပါစို့။ File size…(2.4 GB)/(700 MB) Quality….BluRay 1080p / 720p Format…mp4 Duration….01:42:00 Subtitle….Myanmar Subtitle (Hardsub) Encoder….Nyeinsaeya Aung Translated by Arr Khun Winchester

The General (1998) IMDb Rating (7.2) / Rotten Tomatoes (83%) ဇာတ်လမ်းအကျဉ်း ဒီဇာတ်ကားကတော့ အိုင်ယာလန်နိုင်ငံ ဒပ်ဘလင်မြိုရဲ့ နာမည်ကျော် ရာဇဝတ်သားကြီး မာတင် ကာဟေးလ် (Martin Cahill) ရဲ့ ဖြစ်ရပ်မှန်ကို ရိုက်ကူးထားတာပါ။ သူ့ကို လူတွေက "The General" လို လူသိများကြပြီး ရဲတွေ ဖမ်းမမိအောင် အမြဲတမ်း ပါးပါးနပ်နပ်နဲ့ အစီအစဉ်ချပြီး ခိုးမှုကြီးတွေကို ကျူးလွန်ခဲ့ကြသူ ဖြစ်ပါတယ်။ သူဟာ ဘယ်လောက်ပဲ နာမည်ကြီးတဲ့ ရာဇဝတ်သားဖြစ်ပါစေ... သူ့ရဲ့ မိသားစုနဲ့ နောက်လိုက်တွေအပေါ်မှာတော့ အရမ်းကို သစ္စာရှိပြီး စောင့်ရှောက်တတ်သူပါ။ ဒါပေမဲ့ တစ်ဖက်မှာလည်း ရဲတွေက သူ့ကို ဖမ်းဆီးဖို နည်းမျိုးစုံနဲ့ ကြိုးစားလာသလို၊ အိုင်ယာလန်ရဲ့ လက်နက်ကိုင် အဖွဲအစည်းတွေနဲ့ပါ ထိပ်တိုက်တွေ့လာတဲ့အခါမှာတော့... သူတိုရဲ့ ကစားပွဲက ဘယ်လို အဆုံးသတ်သွားမလဲဆိုတာကို ရင်တထိတ်ထိတ်နဲ့ ကြည့်ရှုရမှာ ဖြစ်ပါတယ်။ File size… (1.5 GB) / (840 MB) Quality…. WEB-Rip 1080p HEVC / 720p Format…. mkv/mp4 Genre…. Crime,Drama Duration…. 01:59:04 Subtitle…. Myanmar Subtitle (Hardsub)