Peter Callan ပါဝင်သော ဇာတ်ကားများ

လူသိနည်းတဲ့ သီးသန့်ကျွန်းလှလှလေးတစ်ကျွန်းမှာ နင်းမ်နဲ့ သူ့အဖေ ဂျက်ခ်တို့ နှစ်ယောက်တည်း နေကြပါတယ်။ နှစ်ယောက်လုံး စွန့်စားရတာကို ဝါသနာပါကြပြီး ဂျက်ခ်က သိပ္ပံပညာရှင်တစ်ယောက်ပါ။ တစ်နေ့မှာ ဂျက်ခ်ဟာ နင်းမ်ကို ကျွန်းပေါ်မှာ တစ်ယောက်တည်းထားခဲ့ပြီး ပင်လယ်ထဲ ရှာဖွေရေးခရီး ထွက်သွားရာက မုန်တိုင်းမိပြီး လမ်းပျောက်သွားပါတယ်။ တစ်ဖက်မှာလည်း အပျော်စီးသင်္ဘောပေါ်က လူတွေက သူတို့ကျွန်းကို ရှာတွေ့သွားပြီး စီးပွားဖြစ် အသုံးချဖို့ ကြံလာကြတယ်။ ကျွန်းပေါ်မှာ တစ်ယောက်တည်း ကျန်ခဲ့တဲ့ နင်းမ်ဟာ စာရေးဆရာမ အလက်စ်ဇန်းဒြားနဲ့ အဆက်အသွယ်ရသွားပါတယ်။ အလက်စ်ဇန်းဒြားက နာမည်ကြီး စွန့်စားသမားဇာတ်ကောင် “အဲလက်စ်ရိုဗာ” အကြောင်း စာအုပ်တွေ ရေးသူဖြစ်ပေမယ့် အပြင်မှာတော့ အိမ်ပြင်တောင် မထွက်ရဲသူပါ။ အခုတော့ နင်းမ်က သူ့ဆီ အကူအညီတောင်းလာပါပြီ။ Gerard Butler ပါဝင်ထားတဲ့ ဒီစွန့်စားခန်းဇာတ်ကားမှာ နင်းမ်က ကျွန်းပေါ်ကျူးကျော်လာသူတွေကို မောင်းထုတ်နိုင်ပါ့မလား၊ ပင်လယ်ထဲမှာ လမ်းပျောက်နေတဲ့ အဖေကရော ပြန်လာနိုင်ပါ့မလားဆိုတာ စောင့်ကြည့်ရမှာပါ။ အိမ်ပြင်မထွက်ရဲတဲ့ အလက်စ်ဇန်းဒြားကရော နင်းမ်ဆီအထိ ရောက်လာနိုင်ပါ့မလား။

မီးတောက်နေတဲ့ အရိုးခေါင်းနဲ့ ဆိုင်ကယ်စီးတဲ့ Marvel ဇာတ်ကောင် Ghost Rider တွေထဲမှာ ဂျော်နီဘလေ့ဇ်က ထင်ရှားသူတစ်ယောက်ပါ။ ၂၀၀၇ ခုနှစ်ထွက် ဒီဇာတ်ကားမှာ Nicolas Cage က ဂျော်နီအဖြစ် သရုပ်ဆောင်ထားပြီး သူ Ghost Rider ဖြစ်လာပုံကို အစကနေ ပြထားပါတယ်။ ကင်ဆာကြောင့် သေခါနီးဖြစ်နေတဲ့ အဖေကို ကယ်ဖို့ ဂျော်နီက ကိုယ့်ဝိညာဉ်ကို နတ်ဆိုးဆီ ရောင်းခဲ့တယ်။ နတ်ဆိုးက စာချုပ်အတိုင်း အဖေ့ရဲ့ကင်ဆာကို ကုပေးခဲ့ပေမယ့် ဂျော်နီမှာ နှောင်ကြိုးမရှိစေချင်တာကြောင့် အဖေ့ကို ချက်ချင်းပဲ သတ်ပစ်လိုက်ပါတယ်။ ပြီးတော့ လိုအပ်တဲ့အခါ ပြန်လာရှာမယ်လို့ ပြောပြီး ပျောက်သွားခဲ့တယ်။ အဖေ အချိန်မတိုင်ခင် သေဆုံးခဲ့ရတာ ကိုယ့်ကြောင့်လို့ ယူဆတဲ့ ဂျော်နီဟာ နောင်တနဲ့ ဆက်ရှင်သန်နေရပါတယ်။ သေသွားလည်း မထူးတော့ဘူးဆိုတဲ့ စိတ်နဲ့ အန္တရာယ်များတဲ့ စတန့်တွေ လုပ်ရင်း နာမည်ကြီးလာတယ်။ အရာရာ ပြန်အဆင်ပြေလာပြီလို့ ထင်ရတဲ့ တစ်နေ့မှာတော့ နတ်ဆိုးက သူ့ဆီ ပြန်ရောက်လာပါတယ်။

တောင်းဆိုသူ များနေတဲ့ The Maskရဲ့ အဆက် Son of the Mask ကို တင်ပေးလိုက်ပါပြီ။ ဒီဇာတ်လမ်းမှာတော့ မျက်နှာဖုံးရဲ့ စွမ်းအင်နဲ့ တိုက်ဆိုင်ပြီး မွေးဖွားလာတဲ့ကလေး နဲ့ ကလေးကို မနာလိုတဲ့ ခွေးလေးက မျက်နှာဖုံးကို ခိုးပြီး တစ်ယောက်ကို တစ်ယောက် ချောက်ချကြတာတွေ..... မျက်နှာဖုံးရဲ့ မူလပိုင်ရှင် နတ်ဘုရား လိုကီဟာ သူ့ဖခင်ရဲ့ အတင်းခိုင်းစေမှုကြောင့် မျက်နှာဖုံးရှာပုံတော်ထွက်ရင်း ..... File size…(2.2 GB)/(1.4 GB) Quality….Blu-Ray 1080p / 720p Format…mp4 Duration….01:34:00 Genre... Comedy, Family, Fantasy Subtitle….Myanmar Subtitle (Hardsub) Encoder…. Mr.Anderson Translated by YeWai LynnHtut

The Three Stooges ကိုအားလုံးသိကြမှာပါ။ ငယ်ဘဝရဲ့တစ်စိတ်တပိုင်း၊ ပရိသတ်ကို ပါးစပ်မစေ့ရအောင် ဖျော်ဖြေပေးတဲ့ လူသုံးယောက်အဖွဲ့ပေါ့။ Stooge ကို မြန်မာလိုပြန်ရင် "အရူး" တဲ့။ အဲတော့ "အရူး သုံးယောက်" ပေါ့ဗျာ။ ဒါပေမယ့် ဒီတစ်ခုကတော့ ခင်ဗျားတို့မြင်နေကြ Three Stooges မဟုတ်သလို ရယ်ရတဲ့ ဇာတ်လမ်းတစ်ခုလည်းမဟုတ်ပါဘူး။ သူတို့ရဲ့ ဘဝဇာတ်ကြောင်းကို ပြန်လည်ဖော်ထားတဲ့ Docu/Drama ရုပ်ရှင်ကားတစ်ကားဖြစ်ပါတယ်။ ကျွန်တော်ဖတ်ဖူးတဲ့ စာတစ်ခုရှိတယ်။ "အမြဲတမ်းရယ်မောနေတဲ့လူက ဝမ်းနည်းစရာတွေနဲ့အမြဲလိုလိုကြုံတွေ့နေရတဲ့လူဖြစ်ပြီး၊ ပေါတောတောနေတဲ့လူတွေကလည်း ဘဝရဲ့ထိုးနှက်ချက်ကို အလူးအလဲခံဖူးတဲ့လူ" ဖြစ်ပါတယ်တဲ့။ Robert DeNiro ရဲ့ "The King of Comedy" မှာဆို "ခင်ဗျားတို့ကိုအရမ်းရယ်ရတဲ့ ဟာသတစ်ခုပြောပြမယ်" ဆိုပြီး သူ့ဘဝကို ပြန်လည်ပြောပြတဲ့အခန်းပါပါတယ်။ ဒီ Three Stooges မှာလည်းအဲလိုပါပဲ။ Moe Howard Curly Howard Larry Fine Shemp Howard သူတို့ဘယ်လိုမျိုး ဟာသလောကထဲကိုဝင်လာလဲ ခေါင်းပုံဖြတ်အမြတ်ကြီးစားခံရတဲ့ဘဝကနေပြီး "Colombia Pictures" "20th Century Fox" "Werner Bros" တို့လို ဒိတ်ဒိတ်ကြဲ ရုပ်ရှင်ထုတ်လုပ်ရေးကုမ္ပဏီကြီးတွေရဲ့ စာချုပ်ကမ်းလှမ်းခြင်းက်ုခံရအောင် ဘယ်လိုများ ကြိုးစားခဲ့ရလဲ။ မူယာမာယာများလှတဲ့ ဟောလိဝုဒ်ရုပ်ရှင်လောကကို အတန်းပညာမတက်၊ ဟာသပဲလုပ်တတ်တဲ့ အရူးသုံးကောင်က ဘယ်လိုများ ပရိသတ်ရင်ထဲစွဲအောင်လုပ်ခဲ့လဲ။ သူများကိုရယ်အောင်မောအောင်လုပ်ပေးနေပေမယ့် ကိုယ်တိုင်ရင်ထဲမှာ ဘယ်လိုတွေခံစားနေရလဲ။ ဒါတွေကို မြင်သာအောင်ရိုက်ပြထားတဲ့ Docu/Drama တစ်ကားဖြစ်တာကြောင့်လက်မလွှတ်သင့်ဖူးလို့ထင်ပါတယ်။ File Size :  2.6 GB, 992 MB Quality : WEB-DL 1080p / 720p Running Time : 1hr 28min Format : Mp4 Genre : Biography, Comedy, Documentary, Drama Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant