Pugazh ပါဝင်သော ဇာတ်ကားများ

4 Idiots (2026) ခါးလေးကောင် တကယ်ရယ်ရမယ့် တမီလ်စကားပြော ဟာသရုပ်ရှင်လေကို တင်ဆက်ပေးလိုက်ပါတယ်။ ကင်း၊ ကွင်း၊ ဂျက်ခ်နဲ့ အေ့စ်တို့ဟာ ရိုးသားတဲ့တမီလ်လူငယ်လေးတွေ မဟုတ်ကြပါဘူး။ တစ်ယောက် တနယ်စီကနေလာကြပြီး မြို့မှာ တူရာစု ပေါင်းမိသွားကြတဲ့ ခါးပိုက်နှိုက်တွေဖြစ်ကြပါတယ်။ သူတို့လေးယောက်ဟာ ဖမ်းဖို့လာတဲ့ရဲရဲ့ ဖုန်းကိုတောင် ရအောင်နှိုက်နိုင်ပြီး ဘတ်စ်ကားပြေးနေသရွေ့ထမင်းမငတ်ဘူးကွလို့ ကြွေးကြော်ထားကြတဲ့ ကျွမ်းကျင်သူတွေပါ။ ဒါပေမဲ့ သူတို့အတွက်ကံဆိုးစွာပဲ ကိုဗစ်ကြောင့် ဘတ်စ်ကားလိုင်းတွေပြေးဆွဲတာ ရပ်သွားခဲ့ပါတယ်။ အဲဒါကြောင့် သူတို့လေးယောက်ဟာ မငတ်ခင်အချီကြီးကြံမယ်ဆိုပြီး ဆရာဝန်တစ်ယောက်ရဲ့အိမ်ကို ဖောက်ထွင်းဖို့ကြံကြပါတယ်။ ဒါပေမဲ့ ကံဆိုးစွာနဲ့ပဲ သူတို့ဖောက်ထွင်းမယ့် ဆရာဝန်ဟာ လူဖမ်း၊ ကျောက်ကပ်ရောင်းနေတဲ့ မှောင်ခိုဆရာဝန်ဖြစ်ပြီး သူတို့လေးယောက်ကို မိသွားတဲ့အခါ...။ File size… 2 GB / 1.2 GB Quality…WEB DL 1080p HEVC/ 720p Format…mkv/ mp4 Duration…. 2h 11m Subtitle….Myanmar Subtitle (Hard Sub)

Mustafa Mustafa 2026 အလွဲများ IMDb 6 ကာသစ်ခ်ဆိုတဲ့ လူပျိုလေးတစ်ယောက် ဆရာဝန်မလေးတစ်ယောက်ကို မြင်မြင်ချင်းသဘောကျမိသွားတယ် ဒီဆရာဝန်မထိုင်တဲ့ဆေးခန်းတိုင်း ဆေးရုံတိုင်းကို အိမ်က တစ်ယောက်မဟုတ် တစ်ယောက်ကို ရောဂါအစရှာပြီး လိုက်လိုက်ပို့ရင်းက ကောင်မလေးနဲ့ ချိတ်မိသွားပါလေရော ရည်းစားမျက်နှာ တစ်ကမ္ဘာပေမဲ့ ကာသစ်ခ်က အထုံပါရမီအရ ခိုးလုပ်တတ်တဲ့အကျင့်လေးက ပါလာတယ်ပေါ့ ရည်းစားလေးကလည်း ဒါကိုအထိမခံ ရွှေပန်းကန်ဆိုတော့ ယူဖို့လုပ်ပြီးကာမှ လိမ်ပါတယ်ဆိုပြီး လက်ထပ်ပွဲတွေ ဖျက်တာမျိုးတွေလုပ်ဖူးတော့ ကာသစ်ခ်တစ်ယောက် ချစ်လည်းချစ် ကြောက်လည်းကြောက်ပေါ့ ဒီလိုနဲ့ ဘဝကိုကောင်းကောင်းနေမယ်ဆုံးဖြတ်ပြီးကာမှ ရည်းစားဟောင်းနဲ့ရိုက်ထားတဲ့ ဟာသအပြာကားက လိုင်းပေါ်ပေါက်သွားပါလေရော ဘယ်သူဘယ်ဝါဖြန့်တယ်လည်းမသိရ ရည်းစားမသိအောင်လည်း ဖုံးရဖိရနဲ့ ကာသစ်ခ်ဘဝကြီး ဘာဆက်ဖြစ်မလဲ ကြည့်လိုက်ပါဦး File size… 1.8 GB / 1 GB Quality…WEB DL 1080p HEVC/ 720p Format…mkv/ mp4 Duration….1h 58m Subtitle….Myanmar Subtitle (Hard Sub)

Om Kali Jai Kali (2025)"ကျိန်စာ" ၂၀၂၂ တုန်းက နာမည်ကြီးခဲ့တဲ့ Kantara ရုပ်ရှင်လိုမျိုး အိန္ဒိယရဲ့ နတ်ကိုးကွယ်ယဉ်ကျေးမှုတွေ၊ ရိုးရာတွေ၊ သဘာဝလွန်ဖြစ်ရပ်တွေနဲ့ အက်ရှင်ဒရာမာကို အချိုးကျကျ ပေါင်းစပ်ထားတဲ့ တမီလ်စကားပြော ခပ်မိုက်မိုက် သည်းထိတ်ရင်ဖို ဝက်ဘ်စီးရီးလေးတစ်ခုကို ပရိသတ်တွေအတွက် တင်ဆက်ပေးချင်ပါတယ်။ အိန္ဒိယတောင်ပိုင်းရဲ့ တောမြို့လေးတစ်မြို့မှာ နတ်ကိုးကွယ်တဲ့သူတွေပေါများပြီး ရိုးရာနတ်ပွဲတွေကိုလည်း အကြီးအကျယ် ကျင်းပတတ်ကြပါတယ်။ တစ်ညမှာ အဲဒီမြို့လေးက နတ်ဝင်သည်အဖွဲ့ဟာ ပူဇော်ပွဲလုပ်နေရင်းနဲ့ သတိလစ်နေတဲ့ ကိုယ်ဝန်သည်ကောင်မလေးကိုတွေ့လို့ မြို့ကို ခေါ်လာပြီး ဆွေမျိုးသားချင်းလို စောင့်ရှောက်ထားကြပါတယ်။ အစပိုင်းနှစ်တွေမှာတော့ အေးအေးဆေးဆေးဖြစ်ခဲ့ပေမဲ့ နှစ်အနည်းငယ်ကြာပြီးတဲ့နောက်မှာ အဲဒီအမျိုးသမီးရဲ့အတိတ်က နောက်က လိုက်လာတဲ့အချိန်မှာတော့ သူတို့မြို့လေးတစ်ခုလုံး တွေးတောင်မတွေးဖူးတဲ့အဖြစ်အပျက်တွေနဲ့ တွေ့ကြုံရပုံတွေကို ဒီဇာတ်လမ်းတွဲထဲမှာ ဇာတ်လမ်းဇာတ်အိမ်ကောင်းကောင်းနဲ့ တွေ့မြင်ကြရမှာဖြစ်ပါတယ်...။ (ဒီဇာတ်လမ်းတွဲအတွက် အညွှန်းနဲ့ဘာသာပြန်ကတော့ Zwe Yan နဲ့ Star ပါ။) File Size –1 GB (Appx;)@Episode Quality – 1080p WEB DL Duration –50 minute (@Episode) Total Episodes: 5Eps Subtitle – Myanmar Hardsub Format – Mp4 Genre : Crime, Drama, Action & Adventure Translator – Zwe Yan, Star Encoder – YK

Mr. Zoo Keeper (2025) တိရစ္ဆာန်ရုံစောင့် ချင်နာသမ်ဘီ အခုတစ်ခါမှာတော့ "Cook with Comali" ချက်ပြုတ်ပြိုင်ပွဲအစီအစဉ်ကနေ နာမည်ကြီးလာခဲ့တဲ့ ဟာသသရုပ်ဆောင် ပူဂါ့ချ်မင်းသား ဇာတ်ဆောင်အနေနဲ့ ပါဝင်သရုပ်ထားတဲ့ တမီးလ်ဘာသာရုပ်ရှင်နဲ့မိတ်ဆက်ပေးချင်ပါတယ် ။ မင်းသား ချင်နာသမ်ဘီနဲ့ သူ့ဇနီးဒီပီကာတို့ ပျော်ရွှင်စွာလက်ထပ်ထားပြီး သားတစ်ယောက်နဲ့ဘဝကိုဖြတ်သန်းနေစဉ် မထင်မှတ်ထားတဲ့ အဖြစ်အပျက်တစ်ခုနဲ့ရင်ဆိုင်ခဲ့ရပါတယ် ။ တစ်နေ့ သားဖြစ်သူကျူရှင်ကအပြန်မှာ တောထဲက ကျားပေါက်လေးကို ကြောင်အထင်နဲ့အတင်းခေါ်ယူမွေးစားဖို့ အဖေဖြစ်သူကို တိုက်တွန်းပါတော့တယ်။ တိရစ္ဆာန်တွေကို မချစ်တတ်တဲ့ဇနီးဖြစ်သူ မသိအောင် လျှို့ဝှက်ထားပြီး ကျားလေးကို အိမ်မှာမွေထားခဲ့ပါတယ်။ ဒီပီကာကလည်း သူ့အိမ်ထောင်ဖက်ရဲ့လျှို့ဝှက်ချက်တွေကို တဖြည်းဖြည်းသံသယဝင်လာပြီး နှစ်ဦးကြားမှာ နားလည်မှုလွဲမှုတွေဖြစ်လာပါတယ်။ တစ်ဖက်မှာလည်း တောအုပ်ထိန်းသိမ်းရေးဌာနက အရာရှိတွေကကျားပေါက်လေးပျောက်လို့ အသည်းအသန်လိုက်ရှာနေပါတယ်။ သူတို့ရဲ့စုံစမ်းမှုတွေက ချင်နာသမ်ဘီတို့အိမ်နားရောက်လာတဲ့အခါ ဇာတ်လမ်းရဲ့စိတ်လှုပ်ရှားဖွယ်အကောင်းဆုံးကိုရောက်လာပါတော့တယ် ။ တောအုပ်ထဲက ကျားကလေးကို တရားမဝင်ခိုးယူပြီးမွေးထားတာ တောအုပ်အရာရှိတွေသိသွားမလား။ ချင်နာသမ်ဘီရဲ့မိန်းမရော သူ့ရဲ့လျှို့ဝှက်ချက်ကိုသိပြီး ခွင့်လွှတ်ပေးနိုင်ပါ့မလားဆိုတာ ဒီဇာတ်လမ်းမှာ စိတ်လှုပ်ရှားဖွယ်ကြည့်ရှုခံစားပေးကြပါဦး။ File size… 2.2 GB / 1.1 GB Quality…WEB DL 1080p HEVC/ 720p Format…mkv/ mp4 Duration….1h 56m Subtitle….Myanmar Subtitle (Hard Sub)

Sotta Sotta Nanaiyuthu (2025) "ကိုပြောင်ကြီးရဲ့အရှုပ်တော်ပုံ" အခုတစ်ခေါက်မိတ်ဆက်ပေးမဲ့ဇာတ်လမ်းကတော့ ဆံပင်ကျွတ်ခြင်းကြောင့် ဖြစ်ပေါ်လာတဲ့ စိတ်မလုံခြုံမှုတွေကို အချစ်နဲ့ပေါင်းစပ်ရိုက်ကူးထားတဲ့ ရိုမန့်တစ်ဒရာမာဟာသဇာတ်လမ်းဖြစ်ပါတယ်။ ရာဂျာက ချမ်းသာပေမဲ့ ဆံပင်ကျွတ်ခြင်းဝေဒနာကြောင့် စိတ်မလုံခြုံမှုကိုခံစားရပြီး အဲဒီစိတ်ကြောင့် သူ့ဘဝနဲ့အချစ်ရေးကိုပါ ထိခိုက်လာပါတယ်။ ဒါပေမဲ့ သူ့ရဲ့စိတ်ကိုလုံခြုံမှုပေးနိုင်ခဲ့တဲ့ ပရီယာဆိုတဲ့ မိန်းကလေးကိုချစ်ကြိုက်ခဲ့ပေမဲ့ ရာဂျာရဲ့ကိုယ့်ကိုယ်ကိုယုံကြည်မှုမရှိခြင်းတွေကြောင့် သူတို့နှစ်ယောက်ဝေးကွာသွားပြီး မိသားစုရဲ့ဖိအားတွေကြောင့် ရှာရုတီနဲ့လက်ထပ်ဖို့တိုက်တွန်းခံရပါတယ်။ ဒီဇာတ်လမ်းမှာ ရာဂျာက မိသားစုဆန္ဒနဲ့ သူ့ရဲ့စစ်မှန်တဲ့ချစ်ခြင်းနှစ်ခုကြားမှာ ရွေးချယ်ရမဲ့အခြေအနေနဲ့ရင်ဆိုင်လာရမှာဖြစ်ပါတယ်။ရာဂျာနောက်ဆုံးမှာ သူချစ်ရတဲ့ပရီယာနဲ့အဆင်ပြန်ပြေသွားမလား မိဘသဘောတူတဲ့ရှာရုတီနဲ့ပဲလက်ထပ်သွားမလားဆိုတာ ဒီဇာတ်လမ်းမှာ ကြည့်ရှုရမှာဖြစ်ပါတယ် ။ 0အဲဒါတွေအပြင် ဒီဇာတ်လမ်းက လူတစ်ယောက် အပြင်ပန်းမှာဘယ်လိုပဲဖြစ်နေပါစေ ကိုယ့်ကိုယ်ကိုယုံကြည်မှုရှိမှသာ ဘဝကိုရှေ့ဆက်လျှောက်လှမ်းနိုင်မယ်ဆိုတဲ့ မက်ဆေ့ချ်ကောင်းကိုပေးထားတာဖြစ်ပြီး ပရိသတ်တွေအတွက် သုတ၊ရသရစေမဲ့ဇာတ်ကားကောင်းတစ်ပုဒ်လည်းဖြစ်လို့ ကြည့်ရှုခံစားကြဖို့တိုက်တွန်းလိုက်ရပါတယ်။ File size…1.8 GB / 900 MB Quality…WEB DL 1080p HEVC/ 720p Format…mkv/ mp4 Duration….2h 7m Subtitle….Myanmar Subtitle (Hard Sub)

Desingu Raja 2 (2025) ဒီဆင်းဂူရာဂျာ ၂ IMDb 7.6 ဒီဇာတ်လမ်းကတော့ ၂၀၂၃ မှာထွက်ရှိထားတဲ့ Desingu Raja ရဲ့နောက်ဆက်တွဲဇာတ်လမ်းဖြစ်ပေမဲ့ အဆက်မဟုတ်ဘဲ ဇာတ်လမ်းအသစ်တစ်ပုဒ်အဖြစ် ရိုက်ကူးထားတဲ့ တမီးလ်အက်ရှင် ဟာသဇာတ်ကားဖြစ်ပါတယ် ။ စိုက်ပျိုးရေးကောလိပ်မှာ အတူတူတက်ခဲ့ပြီး အမြဲတပူးပူးတွဲတွဲဖြစ်ခဲ့ကြတဲ့ သူငယ်ချင်းသုံးယောက်ဖြစ်တဲ့ ကူလာဆီဂါရာပန်ဒီယန်၊ဆတ်သယာနဲ့ နောက်သူငယ်ချင်းတစ်ယောက်တို့အကြောင်းကို အခြေခံရိုက်ကူးထားတာဖြစ်ပါတယ်။ အရွယ်ရောက်တော့ ဘဝလမ်းကြောင်းကွဲလွဲသွားပြီး နှစ်ဦးက ရဲအရာရှိဖြစ်သွားပြီး ကျန်တစ်ဦးမှာ လူဆိုးဂိုဏ်းခေါင်းဆောင်ဖြစ်သွားပါတယ်။ တာဝန်ကိုယ်ဆီထမ်းဆောင်နေတဲ့အချိန်မှာ လျို့ဝှက်ဆန်းကြယ်အမှုကိစ္စနှစ်ခုဖြစ်လာပြီးတဲ့နောက် သူတို့တွေပြန်လည်ဆုံစည်းဖို့ အကြောင်းဖန်လာပါတော့တယ်။ ရဲအရာရှိနှစ်ဦးကလည်း အမှုကိုတရားသောဘက်မှဖြေရှင်းရန်ကြိုးစားကြပြီး သူတို့ရဲ့ရာထူး၊သစ္စာစောင့်သိမှုနဲ့ အရင်ကခင်မင်ခဲ့တဲ့သူငယ်ချင်းသံယောဇဉ်တွေကို ပဋိပက္ခဖြစ်စေတဲ့အခြေအနေတွေနဲ့ ရင်ဆိုင်ရတဲ့အခါ သူတို့သူငယ်တွေဘယ်လိုဖြေရှင်းကြမလဲ။ သူတို့တွေကိုင်တွယ်ဖြေရှင်းရမဲ့လျို့ဝှက်ဆန်းကြယ်တဲ့အမှုနှစ်ခုက ဘာဖြစ်မလဲဆိုတာ ဒီဇာတ်လမ်းမှာ ကြည့်ရှုခံစားပေးကြပါဦး။ File size… 3 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub)

Goli Soda Rising (2024)"ဂိုလီဆိုဒါ ရာဇဝင်" Disney plus ကနေ အသစ်ထွက်ထားတဲ့ တမီလ်စကားပြော အက်ရှင်ဒရာမာစီးရီးလေးကို ပရိသတ်တွေအတွက် တင်ဆက်ပေးချင်ပါတယ်။ ဒီဇာတ်လမ်းတွဲဟာရင် ဈေးတစ်ခုထဲမှာနေကြတဲ့ တောက်တိုမည်ရလူငယ်လေး လေးယောက်ကိုအခြေခံပြီး ဇာတ်အိမ်တည်ထားပါတယ်။ တောက်တိုမည်ရ ဘဝကနေ အာချီမက်စ်ဆိုတဲ့ စားသောက်ဆိုင်တစ်ဆိုင်ဖွင့်ပြီး ပုံရိပ်တည်ဆောက်ဖို့ ကြိုးစားကြတဲ့ လူငယ်လေးလေးယောက်။ သူတို့လေးယောက်ဟာ တည်ဆောက်ထားတဲ့ပုံရိပ်ကို ထိန်းသိမ်းဖို့ကြိုးစားရင်း နိုင်ငံရေးသမားတွေရဲ့ ကစားကွက်မှာ အမှတ်မထင်ကြားညှပ်ကာ တဖြည်းဖြည်း ဂိုဏ်းစတားတွေလို ဖြစ်လာကြပုံကို ဒီဇာတ်လမ်းတွဲထဲမှာ မြင်တွေ့ကြရမှာပဲဖြစ်ပါတယ်...။ (ဒီဇာတ်လမ်းတွဲအတွက် အညွှန်းနဲ့ဘာသာပြန်ကတော့ CM Bollywood Team ပါ။) File Size – 1 GB(Appx;)@Episode Quality – 1080p WEB DL Duration –30minute (@Episode) Total Episodes:9Eps Subtitle – Myanmar Hardsub Format – Mp4 Genre : Crime~Drama Translator – CM Bollywood Team Encoder – YK

IMDb-8.3/10 အရာရာကိုအလိုမကျ ဒေါသကြီးနေတဲ့လူတစ်ယောက်နဲ့နေရတာ ဘယ်လိုနေမလဲ...? ဇနီးမိသားစုကိုလည်းစိတ်မရှည် အရာရာကိုအလိုမကျနေသူ ၊ အိမ်ထောင်ဦးစီးဆိုတဲ့စိတ်နဲ့ အမြဲခေါင်းငုံ့ခံလာတဲ့ဇနီး ၊ ဆယ်ကျော်သက်သမီး နဲ့ မူလတန်းကျောင်းသားလေးတို့ မိသားစု ဘုရားဖူးထွက်လာတဲ့ခရီးမှာ ဒေါသကြောင့်ပဲ ကားအက်ဆီးဒင့်ဖြစ်ပြီးဇနီးဖြစ်သူဆေးရုံရောက်သွားပါတော့တယ် ဇနီးရဲ့ အသက်လုပွဲအတွက်ဆေးရုံပြောင်းရချိန်မှာလည်း သူ့ဒေါသမာနကြောင့်နဲ့ လူနာတင်ကားရှာမရချိန်... သမီးဖြစ်သူရဲ့တောင်းပန်မှုကြောင့် သူစော်ကားခဲ့တဲ့ကားသမားရဲ့ သူငယ်ချင်းကပဲ ပွဲတော်ရက်မှာ မိသားစုကိုပစ်ပြီး ဆေးရုံကိုမောင်းပို့ပေးခဲ့ပါတယ် ဒေါသမာနကြီးတဲ့ လူကြီးတစ်ယောက်ဘဝအချိုးတစ်ကွေ့မှာ ပေးဆပ်မှုကြီးကြီးပေးလိုက်ရချိန် သူ့ဗီဇတွေရော ပြောင်းလဲလာမလား... ကိုယ်ချင်းစာနာစိတ်‌ဆိုတာဘယ်လောက်ထိတောင် စွမ်းအားကြီးသလဲဆိုတာကို ရှုစားရမှာဖြစ်ပါတယ် အညွှန်းနှင့်ဘာသာပြန်သူတွေကတော့ BpL ~ Alexia ~ Dee ~ KKKZ တို့ပဲဖြစ်ပါတယ် File size…2GB / 1GB Quality…1080p WEB DL /720p Format…mp4 Duration….2h 1m Subtitle….Myanmar Subtitle (Hard Sub) Encoder….YK Translated by BpL ~ Alexia ~ Dee ~ KKKZ

အိန္ဒိယနိုင်ငံ လွတ်လပ်ရေးရခါနီးကာလမှာ ဗြိတိသျှအုပ်ချုပ်သူတွေက လက်လွှတ်ရတော့မယ့် နိုင်ငံဆီက သယံဇာတတွေကို ရနိုင်သလောက် ဆက်အမြတ်ထုတ်နေကြပါတယ်။ အိန္ဒိယတောင်ပိုင်းက ဝေးလံခေါင်ဖျားတဲ့ ရွာတစ်ရွာမှာလည်း ဝါဂွမ်းအထွက်ကောင်းတာကြောင့် ဗြိတိသျှတွေအတွက် စတာလင်ပေါင် သိန်းရာနဲ့ချီ အမြတ်ရနေတယ်။ ဒါကြောင့် လွတ်လပ်ရေးပေးရတော့မယ့်အချိန်အထိ ဒီလုပ်ငန်းကို ဆက်ချုပ်ကိုင်ထားချင်ကြတုန်းပါပဲ။ ရွာကို အုပ်ချုပ်နေတဲ့ ဗိုလ်ချုပ်ရောဘတ်နဲ့ သူ့သားဂျက်စတင်တို့က ရွာသားတွေကို လွတ်လပ်ရေးသတင်း မသိရအောင် ဖုံးကွယ်ထားပြီး ဆက်နှိပ်စက်နေကြတယ်။ သူတို့ရဲ့ ဖိနှိပ်မှုအောက်မှာ ဆက်မနေနိုင်တော့တဲ့ ရွာသားတွေ ပြန်လည်တော်လှန်ပုန်ကန်လာကြပုံကို ရိုက်ကူးထားတဲ့ တမီလ်ရုပ်ရှင်ပါ။

ကိုဗစ်ကာလမှာ သွားလာဆက်သွယ်မှုတွေ ပြတ်တောက်ပြီး လူတွေ သီးခြားနေကြရတဲ့အချိန်၊ ချစ်သူရဲ့ပစ်ပယ်တာကိုပါ ခံထားရတဲ့ မိန်းကလေးတစ်ယောက်ဟာ သူငယ်ချင်းရဲ့အကူအညီနဲ့ ရှေးဟောင်းစာကြည့်တိုက်တစ်ခုမှာ စာသွားဖတ်ဖို့ အခွင့်အရေးရလာပါတယ်။ အဲဒီမှာ သူဖတ်မိသွားတာက စာကြည့်တိုက်စတည်ကတည်းက ရှိနေခဲ့တဲ့ နှစ်တစ်ရာကျော်သက်တမ်းရှိ ‘မဟူရာ ပုံပြင်များ’ ဆိုတဲ့ စာအုပ်ပါ။ အဲဒီပုံပြင်တွေထဲမှာ ဘယ်လိုအဖြစ်အပျက်တွေ ပါနေသလဲ၊ အပြင်လောကနဲ့ ဘယ်လိုဆက်စပ်နေသလဲ၊ စာဖတ်နေတဲ့ သူနဲ့ရော ဘာပတ်သက်မှုရှိနေနိုင်သလဲဆိုတဲ့ မေးခွန်းတွေကနေ ဇာတ်လမ်းဆက်သွားပါတယ်။ ကိုဗစ်ကာလရဲ့ အိပ်မက်ဆိုးလို အတွေ့အကြုံတွေကို ဟာသအနည်းငယ်နဲ့ ရောစပ်တင်ဆက်ထားပြီး Kajal Aggarwal၊ Regiana Cassandra နဲ့ ဘာဘူတို့ ပါဝင်သရုပ်ဆောင်ထားပါတယ်။

ငါတို့ဘယ်ရထားမှာ လွဲခဲ့လဲ တစ်ခါလွဲရင် နှစ်ပေါင်းဘယ်လောက် ကြာတတ်လဲ။ - အောင်ချိမ့် " Love and Life is all about timing.'' လူတွေက ပြောကြတယ်။ အချစ်နဲ့ဘဝဆိုတာ အချိန်ကိုက်လည်ပတ်နေမှုတစ်ခုပဲတဲ့။ အချစ်ကိုပဲဖြစ်ဖြစ် ဘဝကိုပဲဖြစ်ဖြစ် ကျွန်တော်တို့ အချိန်မှန် ဖမ်းဆုပ်နိုင်ခဲ့ကြရဲ့လား။ ကျွန်တော်တို့ ဘာတွေကို လက်လွှတ်လိုက်ရလဲ။ " ကိုယ့်ဘဝထဲကို Right Person ဆိုတဲ့ဖြစ်တည်မှုတစ်ခု ဝင်ရောက်လာခဲ့ရင်တောင် Wrong Time ဖြစ်နေခဲ့ရင်။ အချစ်စစ်ဖြစ်နေပါစေဦး ငါတို့ လွဲချော်ကြရတာပဲ။ '' - ဗစ်ကရမ် " ဗစ်ကရမ် ရှင့်အတွက် ကျွန်မက ရွေးချယ်စရာတစ်ခုဆိုတာမျိုး မဖြစ်ချင်ဘူး '' - အမ်ဂျလီ " အတုအယောင်ဇာတ်လမ်းထဲက အချစ်စစ်ဖြစ်နေပါစေဦး ကျွန်မတို့ ဒါကို မပိုင်ဆိုင်နိုင်ဘူး။ '' - ပရီသီ သူတို့ရဲ့ သုံးပွင့်ဆိုင်အချစ်ထဲမှာ ဘယ်သူတွေကများ အချစ်ကို အမိအရ ဆုပ်ကိုင်နိုင်ခဲ့သလဲ။ ဘယ်သူတွေက လက်လွှတ်ဆုံးရှုံးလိုက်ရသလဲဆိုတာ ဒီ Rom-Comedy ရုပ်ရှင်ကောင်းလေးမှာ ခံစားလိုက်ပါဦးနော်။ File size…2.48GB / 1GB / 350MB Quality…1080p True Web DL AAC 5.1CH / 720p / 360p Format…mp4 Duration….2h 26min Subtitle….Myanmar Subtitle (Hard Sub) Encoder….YK Translated by Haruko & HM & Poe

Arjun က အရည်အချင်းရှိပြီး အမှုကိုင်တွယ်ပုံ ထူးခြားတာကြောင့် နာမည်ရနေတဲ့ ရဲအရာရှိတစ်ယောက်ပါ။ ချန်နိုင်းမြို့မှာ လူသတ်မှု၊ ဓားပြမှု၊ မူးယစ်ဆေးဝါးမှုနဲ့ ဆွဲကြိုးလုယက်မှုတွေ များလာတဲ့အခါ အဲဒီအမှုတွေကို ကိုင်တွယ်ဖို့ သူ့ကို ပြောင်းရွှေ့တာဝန်ပေးလိုက်ပါတယ်။ တစ်နေ့မှာ ကိုယ့်ကိုယ်ကို သေကြောင်းကြံစည်တယ်လို့ ယူဆထားတဲ့ အမှုတစ်ခုကို စစ်ဆေးရင်း တကယ်တော့ လူသတ်မှုဖြစ်နေမှန်း သူသိလာတယ်။ ဆက်စုံစမ်းလေလေ မြို့ထဲက မှုခင်းအများအပြားဟာ ဆိုင်ကယ်ဂိုဏ်းတစ်ဂိုဏ်းတည်းနဲ့ ဆက်စပ်နေနိုင်တယ်ဆိုတဲ့ အရိပ်အယောင်တွေ တွေ့လာရလေလေပါပဲ။ ဒါပေမဲ့ အမှုဖော်ထုတ်ဖို့ အခက်အခဲတွေ ရှိနေသေးတာကြောင့် Arjun ဘယ်လိုကျော်ဖြတ်မလဲ၊ ရှေ့မှာ ဘယ်လိုလှည့်ကွက်တွေ စောင့်နေဦးမလဲ။

ရှေ့နေကန်နာဘီရန်ရဲ့ မိဘတွေက သားဖြစ်သူ လမ်းမှားမလျှောက်ဘူးလို့ အမြဲယုံကြည်ထားကြသူတွေပါ။ သားသဘောကျတဲ့ ကောင်မလေးကို တင်တောင်းလို့မရရင် ခိုးပြေးဖို့တောင် ဝိုင်းမြှောက်ပေးကြလို့ ဒီမိသားစုရဲ့အဖြစ်တွေက အလွဲအချော်တွေနဲ့ ရယ်စရာဖြစ်နေတတ်တယ်။ ဒါပေမယ့် ခိုးပြေးဖို့ စီစဉ်ထားတဲ့နေ့မှာ မထင်မှတ်တဲ့ကိစ္စတစ်ခု ပေါ်လာပါတယ်။ သူနဲ့ ခိုးပြေးမယ့်မိန်းကလေးရဲ့ သူငယ်ချင်း အန္တရာယ်ကြုံနေရတယ်ဆိုတဲ့ သတင်းရလာလို့ ကန်နာဘီရန်က သွားကယ်တင်ပါတယ်။ အဲဒီကနေ သိလာရတဲ့ အမှန်တရားတွေနောက်မှာ တစ်မြို့လုံးက မိန်းကလေးတွေကို အသုံးချပြီး အကျပ်ကိုင်ခြိမ်းခြောက်တဲ့ ကိစ္စအထိ ရောက်လာတယ်။ နောက်ကွယ်က အကျပ်ကိုင်နေသူဟာ သူအလွယ်တကူ ရင်ဆိုင်နိုင်တဲ့လူ မဟုတ်တဲ့အခါ ကန်နာဘီရန် ဘယ်လိုလှည့်ကွက်တွေနဲ့ တုံ့ပြန်မလဲဆိုတာ ဆက်တွေ့ရမှာပါ။

လွန်ခဲ့တဲ့ ခုနစ်နှစ်က ဖြစ်ခဲ့တဲ့အမှုတစ်ခုကြောင့် သားတွေကို ဆုံးရှုံးခဲ့ရတဲ့ Samudharam မိသားစုနဲ့ အဲဒီသေဆုံးမှုမှာ တာဝန်ရှိနေတဲ့ PRV မိသားစုတို့ကြား ရန်ငြိုးရှိနေပါတယ်။ နှစ်ဖက်စလုံးက ငွေကြေးချမ်းသာပြီး နာမည်ရှိတဲ့ မိသားစုတွေဖြစ်တာကြောင့် သူတို့ရဲ့ပဋိပက္ခနဲ့အတူ ရွာလည်း နှစ်ခြမ်းကွဲနေခဲ့တယ်။ Arun Vijay သရုပ်ဆောင်ထားတဲ့ ရာဗီးက PRV မိသားစုရဲ့ အငယ်ဆုံးသားပါ။ ဖအေတူ မအေကွဲ အစ်ကိုတွေနဲ့ စရိုက်ချင်းကွာပြီး ကြင်နာတတ်တာကြောင့် လူချစ်လူခင်များတယ်။ တစ်ဖက်မိသားစုရဲ့ သားသေဆုံးမှုအတွက် တာဝန်ရှိတယ်လို့ ခံယူထားသူကလည်း သူတစ်ယောက်တည်းပါ။ အငယ်ဆုံးဖြစ်ပေမယ့် မိသားစုတစ်ခုလုံးကို ဆင်တစ်ကောင်လို ထမ်းပိုးကာကွယ်ပေးမယ်ဆိုတဲ့ ဇာတာကြောင့် ဖခင်က ရာဗီးကို အားကိုးထားပါတယ်။ နှစ်ဖက်မိသားစုကြားက ပဋိပက္ခတွေမှာ သူ့မိသားစုကို ဘယ်လိုကယ်တင်မလဲဆိုတာကို အက်ရှင်ခန်းတွေနဲ့အတူ ဆက်ပြထားပြီး အချစ်ဇာတ်လမ်းလည်း ပါဝင်ပါတယ်။ ဗီလိန်နေရာမှာတော့ KGF ထဲက ဗီလိန်သရုပ်ဆောင် ပါဝင်ထားပါတယ်။

ညတစ်ညမှာ မူးယစ်ဆေးနဲ့ လက်နက်ခဲယမ်းတွေ မှောင်ခိုသယ်လာတဲ့ ဗင်ကားတစ်စီးကို အင်စပက်တာဘီဂျွိုင်းနဲ့အဖွဲ့က ဖမ်းမိပြီး ပစ္စည်းတွေ သိမ်းဆည်းလိုက်ပါတယ်။ အဲဒီနောက် ရဲအရာရှိတစ်ယောက်ရဲ့အိမ်မှာ နယ်ထဲက အရာရှိအရာခံ အားလုံးနီးပါး စုဝေးသောက်စားကြတယ်။ သိပ်မကြာခင်မှာပဲ ဘီဂျွိုင်းကလွဲလို့ ကျန်သူအားလုံး အရက်ထဲက မူးယစ်ဆေးကြောင့် သတိလစ်ကုန်ကြပါတယ်။ ဒါဟာ သိမ်းဆည်းခံလိုက်ရတဲ့ မှောင်ခိုပစ္စည်းပိုင်ရှင်တွေ စီစဉ်ထားတဲ့အကွက်ဆိုတာ ဘီဂျွိုင်း နားလည်လိုက်တယ်။ အရာရှိတွေကို တခြားနေရာဆီ ချက်ချင်းရွှေ့ပေးရတော့မယ့်အချိန်မှာ ဘီဂျွိုင်းက ညနေခင်းကမှ သူ့လက်အောက်က ရဲတချို့ ဖမ်းခေါ်လာတဲ့ ဒီလီကို အကူအညီယူဖို့ စီစဉ်ပါတယ်။ ဒီလီကို ကုန်တင်ကားမောင်းခိုင်းပြီး သတိလစ်နေတဲ့ အရာရှိတွေကို သယ်သွားစေချင်တာပါ။ ဒီလီကတော့ ထောင်ဆယ်နှစ်ကျပြီး လွတ်ငြိမ်းချမ်းသာခွင့်နဲ့ ပြန်လွတ်လာသူပါ။ မွေးကတည်းက ဆယ်နှစ်ကြာအောင် တစ်ခါမှ မမြင်ဖူးသေးတဲ့ သမီးလေးကို တွေ့ဖို့ မိဘမဲ့ကျောင်းဆီ သွားမလို့ဖြစ်နေတယ်။ ဒီအချိန်မှာ ကြုံလာတဲ့ ဘီဂျွိုင်းခိုင်းတဲ့အလုပ်ကို သူလုပ်နိုင်ပါ့မလား၊ စောင့်မျှော်ခဲ့ရတဲ့ သမီးနဲ့ရော တွေ့ခွင့်ရပါ့မလား။ Karthi ပါဝင်သရုပ်ဆောင်ထားတဲ့ အက်ရှင်၊ သည်းထိတ်ရင်ဖိုဇာတ်ကားဖြစ်ပြီး အက၊ သီချင်းနဲ့ မင်းသမီးဇာတ်ဆောင် မပါဝင်ပါဘူး။ ဒီဇာတ်ကားထဲက ဇာတ်ကောင်တွေဟာ Vikram (2022) မှာလည်း ပြန်လည်ပါဝင်လာပါတယ်။