Richard Glover ပါဝင်သော ဇာတ်ကားများ

Mother's Pride (2026) အကြွေးတွေဝိုင်းဝိုင်းလည်နေတဲ့ ရွာဘီယာဆိုင်ပိုင်ရှင် Mick Harley က သူ့ရဲ့သား တစ်ကိုယ်တော်ဖခင်ဖြစ်တဲ့ Jake နဲ့အတူ ငွေရေး‌ကြေးရေး အခက်အခဲ‌ဖြစ်နေကြတဲ့သူတွေပါ။ သူတို့ရဲ့ ဘီယာဆိုင်လေးက ဘီယာဆက်ချက်ဖို့ ပိုက်ဆံမရှိတော့တဲ့အပြင် ရွာကလူတွေအားလုံးကလည်း မောက်မာတဲ့ စီးပွားရေးသမား Pritchard ရဲ့ ခေတ်မီအဆင့်မြင့်တဲ့ ဘီယာဆိုင်ကြီးဆီကိုပဲ အားပေးကြပါတော့တယ်။ Pritchard ကတော့ Harley တို့ ဆိုင်နယ်မြေကို အပိုင်သိမ်းဝယ်နိုင်ဖို့ Harley မိသားစု ဒေဝါလီခံဖို့ မျှော်လင့်နေတဲ့သူတစ်ယောက်ပေါ့။ နောက်တော့ လွန်ခဲ့တဲ့သုံးနှစ်က ဂီတအိပ်မက်နောက်ကိုလိုက်ဖို့ ထွက်ပြေးသွားခဲ့ပြီး နာမည်ကြီးအဆိုတော်တစ်ယောက် ဖြစ်လာခဲ့တဲ့ Mick ရဲ့ နောက်ထပ်သားဖြစ်သူ Cal က ရွာကိုပြန်လာခဲ့တဲ့အချိန်မှာတော့ သူ့ကို ခွင့်မလွှတ်သေးတဲ့ အဖေဖြစ်သူ Mick ရဲ့ ဝမ်းပမ်းတသာ ကြိုဆိုခြင်းကိုမခံခဲ့ရပါဘူး။ ဒါပေမဲ့ Harley မိသားစုရဲ့ ဘီယာဆိုင်လေးက ဒေဝါလီခံခါနီးဖြစ်နေတာကို သိလိုက်ရချိန်မှာတော့ မိသားစုကြားက မကျေမနပ်မှုတွေရှိပေမဲ့ သူတို့ရဲ့ မိသားစုဆိုင်လေးကို ကယ်တင်ဖို့အတွက် ဘယ်လိုတွေအတူတူပူးပေါင်းပြီး စည်းစည်းလုံးလုံးကြိုးစားကြမလဲဆိုတာကို ရယ်မောစရာဟာသတွေနဲ့ ကြည်ကြည်နူးနူး ကြည့်ရှုရမှာပဲဖြစ်ပါတယ်။ File size… (1.5 GB) / (790 MB) Quality…. Blu-Ray 1080p HEVC / 720p Format…. mkv/mp4 Genre…. Comedy Duration…. 01:33:00 Subtitle…. Myanmar Subtitle (Hardsub)

ဒီတစ်ခါမှာတော့ After ထဲက မင်းသားချော Hero Fiennes Tiffin ရဲ့ Romance Comedy ဇာတ်ကားတစ်ကားကို တင်ဆက်ပေးလိုက်ပါတယ် ။ ဇာတ်လမ်းအကျဉ်းကတော့ ယောကျ်ားမယူဘဲ career woman လုပ်မယ်ရယ်လို ကြွေးကြော်နေတဲ့ ဓာတ်ပုံဆရာမလေး Pia ကို သူ့မိသားစုဝင်တွေက အိမ်ထောင်ဘက် ဝိုင်းရှာပေးကြတဲ့ ဇာတ်လမ်းပါပဲ ။ ညီမဖြစ်သူရဲ့ မင်္ဂလာဆောင်မှာ ရှေ့ဖြစ်ဟောဆရာတစ်ယောက်က Pia အတွက် ဟောလိုက်တဲ့ ဟောကိန်းကတော့ နောက်ထပ် တွေ့ရမယ့် ကြင်ဖက် ၅ ယောက်ထဲမှာ သူ့ရဲ့ ဖူးစာရှင် ရှိပါတယ်တဲ့ ။ ဒီစကားကို ကြားတဲ့ မိသားစုဝင်တွေက Pia အတွက် ကြင်ဖက် တစ်ယောက်စီ ရှာပေးဖို တာဝန်ယူလိုက်ကြပါတော့တယ် ။ ဖြစ်ချင်တော့ ညီမဖြစ်သူရဲ့ မင်္ဂလာပွဲမှာ Pia ရဲ့ အချစ်ဦး ဖြစ်သလို ရည်းစားဟောင်းလည်း ဖြစ်တဲ့ Charlie က သတိုသားအရံ ဖြစ်နေပါသေးတယ် ။ ဒါဆိုရင်တော့ Pia ရဲ့ ကြင်ဖက် ငါးယောက်ထဲမှာ ဘယ်တစ်ယောက် ကများ သူ့အိမ်ထောင်ဘက် ဖြစ်နိုင်မလဲ ။ ဒါမှမဟုတ် ရည်းစားဦး ဖြစ်တဲ့ Charlie နဲ့ပဲ ပြန်ပေါင်းထုပ် သွားမလားဆိုတာကိုတော့ Picture This ဆိုတဲ့ ရုပ်ရှင်လေးမှာ ဆက်လက်ကြည့်ရှုလိုက်ရအောင်နော် ။ File size… (2.26 GB) / (1.23 GB) Quality… WEB-DL 1080p HEVC / 720p Format…mkv / mp4 Duration….1h 41m Genre …. Comedy , Romance Subtitle….Myanmar Subtitle (Hard Sub) Encoder….Min Wai Translated by Hazelle & Muse

မင်းသား ဂျေဆန်စတက်သန်ရဲ့ ငမန်းကား ဒုတိယပိုင်းလာပါပြီ။ ဒီအပိုင်းက ပထမဆုံးငမန်းကားလောက် ငမန်းအရသာမပေးတဲ့အတွက် rating နည်းပြီး ရုံဝင်ငွေနည်းနေပေမဲ့ အက်ရှင် ဟာသကားအဆင့်အနေနဲ့ဆို ဖျော်ဖြေမှုပေးနိုင်တဲ့ ကားကောင်းလို့ ပြောလို့ရပါတယ်။ ဂျေဆန်နဲ့အတူ တရုတ် မင်းသား ဝူကျင်းလည်း ပါဝင်ထားပါတယ်။ ဇာတ်လမ်းအကျဉ်း ကျောက်မင်ဟာ သမုဒ္ဒရာထိန်းသိမ်းရေးနဲ့လေ့လာရေးအဖွဲ့ကြီးကို တည်ထောင်ထားတဲ့သူဖြစ်ပါတယ်။ ဂျိုးနက်ဖမ်းမိခဲ့တဲ့ မက်ဂါလိုဒန်ငမန်း ပေါက်စလေးကိုလည်း မွေးထားပေးတဲ့သူပါပဲ။ အဲဒီအဖွဲ့အစည်းကနေ ပင်လယ်ရေအောက် ပေ ၂၅၀၀၀ ကျော်ကို သွားဖို့ ယာဉ်တွေနဲ့ ဝတ်စုံတွေ တီထွင်ပြီး ကျောက်မင်နဲ့ဂျိုးနက်တို့ ရေနက်တူးမြောင်းကြီးထဲကို လေ့လာရေး ခရီးအတူထွက်ခဲ့ကြပါတော့တယ်။ ဒါပေမဲ့ ခရီးလမ်းက မချောမွေ့ဘဲ မက် ငမန်းတွေနဲ့တွေ့ ယာဉ်တွေပျက် ရန်သူတွေတွေ့ပြီး အသက်ရှင်ဖို့ ရုန်းကန်ကြရတဲ့အခါ... File size… 5GB/2.35 GB /  1.01 GB Quality…WEB-DL 4K HEVC./1080p 5.1 CH /  720p Format…mp4 Duration….1h 56m Genre ….. Action , Adventure , Horror Subtitle….Myanmar Subtitle (Hard Sub) Encoder….Min Wai Translated by Mr.Anderson

Censor (2021) IMDb Rating - 6.0/10 နိုင်ငံခြားတွေမှာ ရုပ်ရှင်တစ်ကားကို ကြည့်မယ်ဆို Rating အရင်ကြည့်ပါတယ်။ ၁၅ နှစ်အထက်လား? ၁၈ နှစ်အထက်လား? ကလေးအတွက်၊လူကြီးအတွက် စသဖြင့် အဆင့်ခွဲပေးရပါတယ်။ အဆင့်သတ်မှတ်ချက်အလိုက်လည်း မပါသင့်တဲ့ဇာတ်ဝင်ခန်းတွေကို တည်းဖြတ်ရပါတယ်။ ဘယ်သူတွေခွဲပေးလဲဆိုတော့ ဆင်ဆာလူကြီးမင်းတွေပါ။ ရုပ်ရှင်ကနေတစ်ဆင့် မှုခင်းတွေတိုးပွားလာတယ်ဆိုပြီးတော့ ၁၉၈၄ ခုနှစ်ကတည်းက သူတို့ခွင့်ပြုပေးတဲ့ ရုပ်ရှင်ကားမှ ထုတ်လွှတ်ခွင့်ရပါတယ်။ ဆင်ဆာတစ်ခုကို ကောင်းကောင်းတည်းဖြတ်ရင်း လူတွေကိုကာကွယ်ပေးချင်တဲ့ အီနစ်တစ်ယောက်ကတော့ ညီမပျောက်ဆုံးမှုနဲ့အတူ စိတ်ဝေဒနာခံစားနေရသူပါ။ မကြာမီ အီနစ် ခွင့်ပြုခဲ့တဲ့ ဇာတ်ကားတစ်ကားအတိုင်း လူသတ်မှုဖြစ်ပွားခဲ့ပြီး သူ့ကြောင့် လူသတ်မှုဖြစ်ပါတယ်လို့ အပြစ်တင်ဝေဖန်ခံခဲ့ရပါတယ်။ ဒါပေမဲ့ သူ့ရဲ့လက်သုံးစကားကတော့ ဇာတ်လမ်းနဲ့လိုက်လျောညီထွေဖြစ်အောင် မှန်ကန်အောင်ပဲ တည်းဖြတ်ပါတယ်တဲ့... ဘယ်သူတွေဘာပဲပြောပြော သူ့ခံယူချက်အတိုင်း ဇာတ်လမ်းတစ်ပုဒ်ကို ကောင်းအောင် တည်းဖြတ်ရင်း သူမသိလိုက်တာကတော့ သူ့ဘဝ၊သူ့ဇာတ်လမ်းကို သူကိုယ်တိုင် လိုက်လျောညီထွေဖြစ်အောင် ဘယ်လိုဆင်ဆာဖြတ်ခဲ့လဲဆိုတာပါပဲ... မြှုပ်ကွက်တွေများပြားပြီးတော့ ပုံမှန်ဇာတ်လမ်းတွေထဲကနေ ကွဲထွက်နေတဲ့ အတွက် ဒရာမာဆန်ဆန် ခြောက်ခြားတဲ့ကားမျိုးကို ကြိုက်နှစ်သက်သူအဖို့ကြည့်သင့်တဲ့ကားလေးပဲဖြစ်ပါတယ်။ (ဒီဇာတ်လမ်းရဲ့ အညွှန်းကို Jo Jo Vaမှရေးသားပေးပြီး ဘာသာပြန်ရေးသားပေးသူကတော့ Jo Jo Va, Jerrica ပဲဖြစ်ပါတယ်။) Quality – 1080p, 720p WebRIP Duration - 1h 24min Subtitle – Myanmar Hardsub Format – Mp4 Genre : Horror Source : 1080p.WebRIP Translator – Jo Jo Va, Jerrica Encoder – SWM

နောက်ပိုင်းမှာ အိန္ဒိယကားကောင်းတွေ အသားပေးရိုက်ကူးလာတဲ့ Amazonက အသစ်ထွက်လာတဲ့ ဒုတိယကမ္ဘာစစ်နဲ့ အိန္ဒိယနိုင်ငံ တော်လှန်ရေးနောက်ခံ ဖြစ်ရပ်မှန် Crime thriller biographicalအမျိုးအစား ဇာတ်ကားကို တင်ဆက်ပေးလိုက်ပါတယ် ခေါင်းဆောင်မင်းသားကတော့ Uri:The Surgical Strike နဲ့ ပါကစ္စတန်ပြည်ရောက်အိန္ဒိယစပိုင်အကြောင်း ရိုက်ကူးထားတဲ့ Ra ဇာတ်လမ်းအကျဉ်းကတော့ လူ400သေဆုံးခဲ့ပြီး၊ 1000ကျော်ထိ ဒဏ်ရာရရှိခဲ့တဲ့ 1919 အိန္ဒိယပြည် ဂျူလီယန်ဝါလာဘာ့ဂျ် အရေးအခင်းကြီးမှာ အသက်ရှင်ကျန်ခဲ့သူ Urham Singhဟာ အဲ့ဒီလူသတ်ပွဲကြီးရဲ့ ကြိုးကိုင်သူ Sir Michael O'Dweyerကို နှစ်ပေါင်း ၂၀ကြာတဲ့အထိ ကလဲ့စားပြန်ချေဖို့ကြိုးစားတဲ့အကြောင်းပါ အိန္ဒိယလွတ်မြောက်ရေး တပ်ဖွဲ့ဝင်တစ်ဦးဖြစ်တဲ့ Urham Singhဟာ 1919မှာ ဖမ်းဆီးချုပ်နှောင်ခံရပြီး ပြန်လွတ်လာတဲ့နောက် အင်္ဂလန်ကိုလက်စားခြေဖို့ လိုက်သွားတဲ့အကြောင်း၊ အင်္ဂလန်မှာ ၆နှစ်ကြာအောင် အိန္ဒိယနိုင်ငံသားအနေနဲ့ ရုန်းကန်လှုပ်ရှားရင်း ကလဲ့စားချေဖို့တဖုံ၊ နေမဝင်အင်ပါယာကြီးရဲ့ ထောက်လှမ်းရေးတွေကြားထဲကနေ အမိမြေအိန္ဒိယနိုင်ငံရဲ့လွတ်လပ်ရေးရဖို့ကြိုးပမ်းမှုအတွက် ဂျာမဏီ၊ စပိန်နဲ့ ရုရှားနိုင်ငံတွေပါ လှည့်လည်ပြီး လက်နက်ထောက်ပံ့မှုရဖို့ကတမျိုးကြိုးပမ်းမှုတွေကို Amazonထွက်ဇာတ်ကားတို့ရဲ့ထုံးစံအတိုင်း Settingအားကောင်းကောင်းနဲ့ ရိုက်ကူးထားတဲ့အတွက် ဖြစ်ရပ်မှန် ဒရမ်မာကားကောင်းကြိုက်သူတွေအတွက်ရော၊ အိန္ဒိယကားကောင်းတွေကို သဘောကျတဲ့သူတွေအတွက်ပါ စိတ်ကျေနပ်စေမယ့် ဇာတ်ကားကောင်းတစ်ပုဒ်ပဲ ဖြစ်ပါတယ် ။ ( အညွှန်းရေးသားထားသူကတော့ Jim X ပါ ) File Size__8.5GB, 2.8GB , 1.7 GB Quality__4K, 1080p, 720p IMDb Rating__9.2/10 Format__mp4 Duration__02:45:00 Type__Biogrraphy, Crime, Drama Subtitle__Myanmar Subtitle (Hardsub) Translated by JimX, Pyi T.Nyein, Chit Tee Encoded by Naing Aung Latt

သေပြီးတဲ့နောက်မှာ ဘဝကြီးက ချက်ချင်းပြီးသွားတာ မဟုတ်ဘူးဆို ဘယ်လိုလုပ်မလဲ။ ကိုယ့်ရဲ့ အသိစိတ်ကို ခဏသိမ်းထားလို့ရပြီး နောက်မှာ ကျန်ခဲ့မယ့်လူတွေကို နှုတ်ဆက် စကားပြောခွင့်ရမယ်ဆိုရဂ်ရော။ Artificial intelligence(ညဏ်ရည်တု)နည်းပညာနဲ့ ပက်သက်တဲ့ နယ်ပယ်မှာ ပညာရှင်တိုင်းဖြေဖို့ကြိုးစားနေတဲ့မေးခွန်းတစ်ခုရှိတယ်။ "အသိ စိတ်ကို ဖန်တီးလို့ရလား"ဆိုတဲ့မေးခွန်းပါ။ ဒီဇာတ်ကားထဲမှာတော့ ဒီမေးခွန်းကိုရိုးရိုးလေး ဖြေပြသွားတာကိုတွေ့ရမှာပါ။ 1238ခုနှစ်မှာ စက်ရုပ်ပညာရှင်တစ်ယောက်က ဂျပန်နိုင်ငံရဲ့ နှင်းတောထဲက အလုပ်ရုံတစ်ခုမှာ လူလိုအသိညဏ်ရှိတဲ့စက်ရုပ်တွေကို ကြိုးစားပြီးဖန်တီး နေတယ်။ သူ့ရဲ့အသိစိတ်ရှာပုံတော်က တော်တော်တောင်ခရီးရောက်နေပြီပြောရမယ်။ လိုအပ်နေတာလေးတွေတော့ရှိသေးတာပေါ့။ ဒါပေမယ့် သူကတိကျတဲ့ရည်ရွယ်ချက်တစ်ခု အတွက် လူသားတစ်ယောက်နဲ့ထပ်တူကျတဲ့ စက်ရုပ်တစ်ရုပ်ကိုလိုချင်တာ။ တိတိကျကျပြော ရရင် သေသွားတဲ့သူ့မိန်းမနဲ့တူတဲ့ စက်ရုပ်တစ်ရုပ်ကိုလိုချင်တာ။တဖြည်းဖြည်းနဲ့ သူ့ရဲ့အလုပ် က အန္တရာယ်များလာပြီး စွန့်စားရမှာတွေရှိလာတယ်။ သူအောင်မြင်ပါ့မလား။ ဘယ်လိုပြဿ နာတွေကိုကြုံရဦးမလဲဆိုတာသိချင်ရင်တော့ ဇာတ်ကားလေးကို ကြည့်လိုက်ပါ။ ဇာတ်ကားက IMDB Rating 6.3/10 ရရှိထားပြီး si-fi ဇာတ်ကားတစ်ကားအနေနဲ့ဆို မဆိုးဘူး လို့ပြောရမှာပါ။ ခပ်အေးအေးဇာတ်လမ်းနဲ့ မထင်မှတ်ထားတဲ့ အဆုံးသတ်နဲ့ ပရိတ်သတ်ကို ဪ ဒီလိုလားဆိုပြီးဖြစ်သွားစေပါလိမ့်မယ်။ ညဏ်ရည်တုနည်းပညာနဲ့ပတ်သက်ပြီး ညဏ်ရည်တုနဲ့ လူသားတွေရဲ့ကြားထဲမှာရှိလာနိုင်တဲ့ သံယောဇဉ်တွေကိုပါချပြထားပါတယ်။ စိတ်ကူးယဉ်သိပ္ပံဇာတ်ကားတွေကိုကြိုက်နှစ်သက်သူတွေအနေနဲ့ လက်မလွှတ်သင့်တဲ့ဇာတ်ကားတစ်ကားပါ။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Nay Myo Thu ပဲဖြစ်ပါတယ်။) Quality – 720p WebRip Duration - 1 hr 49 min Subtitle – Myanmar Hardsub Format – Mp4 Genre : Sci-Fi Source : 1080p.WebRip Translator – Nay Myo Thu Encoder – SWM

War Machine (2017) IMDb Rating (6.0) / Rotten Tomatoes (48%) ဘရက်ပစ်ရဲ့ Plan B Entertainmentက ထုတ်တဲ့ကားတွေအားလုံးက ကောင်းတာများပါတယ်။ မာစတာပိစ်အဆင့်တွေတောင် မနည်းဘူး။ ဒီကားကိုလည်း ပလန်ဘီကပဲ ထုတ်ထားတယ်။ ဇာတ်ကတော့ အာဖဂန်နစ္စတန်က တာလီဘန်တွေကို အမေရိကန်တွေ အမြစ်ဖြတ်ဖို့ လုပ်ခဲ့တဲ့အကြောင်းကို ဇာတ်အိမ်တည်ထားတယ်။ သူတို့ပြန်ရိုက်တဲ့ စာအုပ်ကတော့ ရိုးလင်းစတုန်းက သတင်းထောက်က အတည်ကြီး အာဖဂန်အရေးကိုကိုင်တဲ့ အမေရိကန်ဗိုလ်ချုပ်နောက် တကောက်ကောက်လိုက်ပြီး ရေးထားတဲ့ စာအုပ်။ ဆိုပေမဲ့ ဒီရုပ်ရှင်ကတော့ သရော်တဲ့ပုံစံနဲ့ နာမည်တွေပြောင်းပြီး ရိုက်ပြထားတယ်။ စစ်ကားစစ်စစ်တော့မဟုတ်ဘဲ စစ်ရေးအခြေအနေတွေကို သရော်ထားတဲ့ စစ်ဟာသကားဆို ပိုမှန်တယ်။ ဆိုပေမဲ့ နောက်ခံအကြောင်းအရာတွေကတော့ အမှန်ပါပဲ။ တစ်ဘက်မှာတော့ ဒီကားကို ကျွန်တော်တော့ စစ်ကားထက် နိုင်ငံရေးကို သရော်ထားတဲ့ကားလို့ ပိုမြင်တယ်။ အမေရိကန်အစိုးရပိုင်းရဲ့ အမြင်တွေ သူတို့ယုံတဲ့စနစ်တွေ တစ်ချို့ကိုလည်း မြင်ရသလို သူတို့အပေါ် သူတို့ပြည်သူတွေရဲ့ အမြင်ကိုလည်း ပါပါးတော့ ပုတ်ပြထားတယ်။ တစ်ဘက်က စစ်ရေးသမားတွေရဲ့ စိတ်ဓာတ်နဲ့ ဖလော်ဆော်ဖီကိုလည်း ပြထားတယ်။ တော်တော်များများ သိပြီးသားအကြောင်းအရာတွေပဲ ဖြစ်မှာပါ။ ဒီလိုဆို ဒီအထာပဲဆိုတဲ့ လူ့သဘာဝကို ပိုအတည်ပြုလို့ရတာပေါ့။ နောက်စနစ်တစ်ခုမှာ လူဟာ ဘယ်တော့မှ အရေးမပါဘူးဆိုတဲ့ သဘောသဘာဝမျိုးကိုလည်း မြင်ရလိမ့်မယ်။ ဆိုတော့ ဒီအကြောင်းကြောင်းတွေကြောင့် ကျွန်တော်တော့ ဒီကားကို စစ်ကားထက် နိုင်ငံရေးဟာသကားလို့ ပိုမြင်တယ်။ မင်းသားကလည်း ဘရက်ပစ်ကြီးဖြစ်သလို ဇာတ်လမ်းကလည်း ကြည့်ကိုကြည့်သင့်တဲ့ ခေတ်ကာလနဲ့ ကိုက်ညီတဲ့ ရုပ်ရှင်ပါပဲ။ File size… (5.5 GB) / (1.5 GB) / (790 MB) Quality…. WEB-DL 4K HEVC / WEB-Rip 1080p HEVC / 720p Format…. mkv/mp4 Genre…. Comedy,Drama,War Duration…. 02:02:59 Subtitle…. Myanmar Subtitle (Hardsub)

ဒါကတော့ ယခုနှစ်မှာ ထွက်ရှိလာတဲ့ The Hippotamus ဆိုတဲ့ comedy မျိုးအစားဇာတ်ကားလေးဖြစ်ပါတယ် တစ်ချိန်ကလျှမ်းလျှမ်းတောက်အောင်မြင်ခဲ့ပေမယ့် သတင်းစာတိုက်မှာအလုပ်လုပ်နေရတဲ့ ကဗျာဆရာ တက်ဒ်ဝေါလေ့စ်ကဆိုရင် ဝီစကီကိုအရမ်းနှစ်ခြိုက်တဲ့သူပါ တနေ့သူအလုပ်ပြုတ်သွားပြီးပိုက်ဆံမရှိလို့ စိတ်ညစ်နေတဲ့အချိန်မှာ သူ့ရည်းစားဟောင်းရဲ့သမီး ဂျိမ်းက သူ့ဆီရောက်လာပြီး အလုပ်တစ်ခုလာအပ်ပါတယ် ဂျိမ်းမှာသွေးကင်ဆာရှိနေပြီး သိပ်မကြာခင်သေဆုံးတော့မယ်လို့ဆရာဝန်တွေက ပြောပါတယ် ဒါပေမယ့် ဂျိမ်းကသူ့ဦးလေးမိုက်ကယ်လိုဂန်ပိုင်တဲ့ ဆွာ့ဖော့မှာနေခဲ့စဉ်က သူ့ရောဂါကို ကုသမှုခံယူခဲ့ရတဲ့ အံ့ဖွယ်ကိစ္စတွေရှိနေတယ်လို့ ပြောပါတယ် တက်ဒ်ကိုစရန်ငွေ ဒေါ်လာ ၂၅၀၀၀ ပေးပြီး အံ့ဖွယ်ကိစ္စတွေကို စုံစမ်းဖို့ စေလွှတ်လိုက်ပါတယ် တက်ဒ်ဟာ တစ်ချိန်က မိုက်ကယ်ရဲ့အချစ်ဆုံးသူငယ်ချင်းဖြစ်တဲ့အပြင် မိုက်ကယ့်ညီမရဲ့ရည်းစားဟောင်းလဲဖြစ်နေပါတယ် ဒီတော့ မိုက်ကယ်က တက်ဒ်အပေါ်ဘယ်လိုသဘောထားတွေရှိနေမလဲ တက်ဒ်တစ်ယောက် ဆွာ့ဖော့မှာ နေဖို့ဘယ်လိုကြိုးစားရမလဲ တက်ဒ်က သူဖော်ထုတ်စုံစမ်းရမယ့်အံ့ဖွယ်ကိစ္စတွေကို ဘယ်လိုဖော်ထုတ်မလဲဆိုတာတွေကို ဟာသလေးနှောပြီးရိုက်ပြထားတာပါ ဘယ်လိုအံ့ဖွယ်တွေတွေ့ရမှာလဲဆိုတာ ရင်တထိတ်ထိတ်နဲ့ ကြည့်ရှူရမှာပါ ဒီဇာတ်ကားထဲမှာ အခုဖော်ပြထားတဲ့ ကာရိုက်တာတွေအပြင် တခြားအဓိကကာရိုက်တာတွေလဲ ပါဝင်ထားပါသေးတယ် အဲဒါတွေကိုတော့ အရသာပျက်သွားမှာစိုးလို့မပြောပြတော့ပါဘူး ဇာတ်လမ်းအပြည့်အစုံကို ကြည့်ရှုအားပေးကြပါဦး (ဘာသာပြန်သူကတော့ မေသရဖီလွင် ပါ) File Size : (650 MB) and (260 MB) Quality : Bluray 720p Running Time : 1hr 29minutes Format : Mp4 Genre :Comedy Translated By May Tharaphi Lwin Encode By Thanhtike Zaw

Gary Oldman တစ်ယောက် Darkest Hour ရုပ်ရှင်နဲ့ Golden Globe Best Actor Award ရသွားပြီ၊ Academy Awards မှာလဲ Best Picture နဲ့ Best Actor Nomination ဝင်ထားပြန်ပြီ။ လူတိုင်းသိတဲ့ ဝင်စတန်ချာချီအကြောင်း ရိုက်ထားတဲ့ရုပ်ရှင်က ဘာလို့များ ဒီလောက်နာမည်ကြီးနေရတာလဲ? Darkest Hour ဟာ ဗြိတိန်ဝန်ကြီးချုပ် ဝင်စတန်ချာချီအကြောင်းရိုက်ကူးထားတဲ့ရုပ်ရှင်ကားတစ်ကားဖြစ်ပေမယ့် ဝင်စတန်ချာချီရဲ့ ဘဝတစ်ခုလုံးကိုပြတာလဲမဟုတ်သလို ဒီကားထဲမှာ စစ်တိုက်တာတွေလဲ မပါပြန်ပါဘူး။ ဒီရုပ်ရှင်မှာ အဓိကပြသွားတာကတော့ ချာချီ ဝန်ကြီးချုပ်ဘယ်လိုဖြစ်လာတယ်၊ ဂျာမနီရဲ့ကျူးကျော်စစ်ကြီးကို ပြန်အံတုနိုင်ဖို့ သူ့ရဲ့ပါတီ၊ လွှတ်တော်ထဲမှာတင် ဘယ်လောက်တောင် လုံးလည်ချာလည်လိုက်ခဲ့ရလဲဆိုတာတွေပါ။ ဒီလောက်ရိုးရှင်းတဲ့ရုပ်ရှင်က ဘာလို့များ ဒီလိုဆုတွေအတွက် လျာထားခံရသလဲ? အဖြေကရှင်းပါတယ်။ ဒီရုပ်ရှင်ထဲမှာ Gary Oldman ဟာ တကယ့်ဝင်စတန်ချာချီ ဝင်သရုပ်ဆောင်နေသလား အောက်မေ့ရလောက်အောင် တူလွန်းလှပါတယ်။ တစ်နေ့ကို ၁၈ နာရီရိုက်ကူးရေးလုပ်ရပြီး ၆ နာရီသာအိပ်ခဲ့ရပါတယ်။ ဝင်စတန်ချာချီလို ဗိုက်ပူပူနဲ့ လူကောင်လုံးလုံးကြီးဖြစ်အောင် ပိန်ပိန်ပါးပါး Gary Oldman ဟာ လူခန္ဓာကိုယ်ပုံစံတူပြုလုပ်ထားတဲ့ဝတ်စုံအကြီးကြီးကိုဝတ်ဆင်ပြီး သရုပ်ဆောင်ခဲ့ရပါတယ်။ ဆေးလိပ်တွေသောက်ရလွန်းလို့ အဆိပ်သင့်တဲ့အထိလဲ ဖြစ်ခဲ့ပါသေးတယ်။ အဲ့လောက်အထိကို ကြိုးစားခဲ့ရတာပါ ဒီဇာတ်လမ်းရဲ့ထူးခြားချက်ကတော့ ဝင်စတန်ချာချီကို ဘယ်တုန်းကမှမမြင်ဖူးတဲ့ အမြင်နဲ့ တွေ့ရတာပါ။ ဇာတ်လမ်း အစအလယ်အဆုံး ဆူပုတ်ပုတ် ဂျစ်ကန်ကန်ပုံစံ ဝင်စတန်ချာချီကို မြင်တွေ့ရမှာဖြစ်ပြီး သူ့ရဲ့နာမည်ကျော် မိန့်ခွန်းတွေကိုလဲ နားထောင်ရမှာဖြစ်သလို ဘုကလန့်ဂွစာပုံစံတွေကိုလဲ ကြည့်ရှူရမှာပါ။ ဇာတ်လမ်းက တခြားအတ္ထုပတ္တိရုပ်ရှင်တွေလိုမျိုး ဇာတ်အိမ်အရမ်းနက်နဲမှုမရှိပဲ ပေါ့ပေါ့ပါးပါးနဲ့ သမိုင်းရုပ်ရှင်တစ်ကားကို စိတ်ဝင်စားအောင်တင်ဆက်ထားပါတယ်။ သမိုင်းအချက်အလက်တွေလဲ အများကြီးပါဝင်သလို ပါဝင်အားဖြည့်ပေးထားတဲ့ ဇာတ်ပို့သရုပ်ဆောင်တွေကလဲ Gary Oldman ရဲ့ ချာချီဇာတ်ကောင်ကို အများကြီးထောက်ပံ့ပေးနိုင်ခဲ့ပါတယ်။ ဒီဇာတ်လမ်းရဲ့ နောက်ခံသမိုင်းကြောင်းအနေနဲ့ ဒန်းကတ်ကမ်းခြေမှာသောင်တင်နေတဲ့ စစ်သား ၄သိန်းကို ကယ်ထုတ်ဖို့ကြိုးစားတဲ့ဖြစ်ရပ်ကို အခြေခံထားပြီး ဝင်စတန်ချာချီအနေနဲ့ ဒီလူ ၄ သိန်းကို ကယ်ထုတ်ဖို့၊ သူ့ကို ဗြိတိန်လွှတ်တော်၊ ဘုရင်၊ သူ့ရဲ့ပါတီဝင်တွေ ယုံကြည်လာအောင်၊ ပြည်သူတွေ သူ့ကိုထောက်ခံအားပေးလာအောင် ဘယ်လိုအားထုတ်ခဲ့ရတယ်ဆိုတာကို မြင်တွေ့ရမှာပါ။ ဒီရုပ်ရှင်ကိုကြည့်ပြီးရင် ချာချီရဲ့စိတ်နေစိတ်ထား၊ သူ့ရဲ့ခံယူချက်၊ သူ့ရဲ့သတ္တိကို ပိုပြီးနားလည်သဘောပေါက်လာမှာသေချာပါတယ်။ ဒီနှစ် Academy Awards မှာတော့ The Disaster Artist မင်းသား James Franco မရမှာသေချာနေပြီဆိုတော့ Gary Oldman ကိုတော့ တစ်ပေးထားလိုက်ပါပြီ။ ဆုတွေလဲအများကြီးဆွတ်ခူးထားတဲ့ရုပ်ရှင်ဖြစ်သလို Academy Award Best Picture Nominee ရုပ်ရှင်ကားတစ်ကားဖြစ်တဲ့အတွက် ကြည့်ဖြစ်အောင်ကြည့်သင့်တဲ့ ရုပ်ရှင်တစ်ကားဖြစ်ပါတယ်။ ဒီဇာတ်ကားကြည့်ပြီးရင် Christopher Nolan ရဲ့ Dunkirk ရုပ်ရှင်ကိုလဲ ကြည့်ဖြစ်အောင်ကြည့်စေချင်ပါတယ်။ ဒီဇာတ်ကားနှစ်ကားက ဆက်စပ်မှုရှိနေသလို နှစ်ကားလုံးကလဲ အကောင်းဆုံးရုပ်ရှင်ဆု လျာထားခံထားရတဲ့အတွက်ကြောင့်ပါ။ (ဇာတ်လမ်းအညွှန်းနဲ့ဘာသာပြန်ကတော့ ကိုအာကာဖြိုးပါ) File Size : (953 MB) Quality : WEB-DL 720p Running Time : 2hr 5min Format : Mp4 Genre :Biography, Drama, History Subtitle : Myanmar Subtitle (Hard Sub) Source : 720p.WEB-DL.DD5.1.H264-FGT Translated by Arkar Phyo Encoded by Thanhtike Zaw

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Rogue One: A Star Wars Story (2106) Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ (ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File size…(8.1 GB)/(2.1 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:13:00 Subtitle….Myanmar Subtitle (Hardsub) Encoder….Ka Naung Translated by Little Neo

ငယ်ငယ်တုန်းကစွဲလမ်းခဲ့ရတဲ့ အိပ်ယာဝင်ပုံပြင်တွေကိုအကုန်ချိတ်ဆက်ပြီးစိတ်ကူးယဉ်မိတဲ့အခိုက်အတန့် အားလုံးရဲ ့ကလေးဘဝမှာ ရှိခဲ့ဖူးကြမှာပါ။ ဒီလိုအချိတ်အဆက်မိမိ Fairytalesတွေကို ဇာတ်လမ်းကျောရိုးတစ်ခုထဲမှာ ပေါင်းစုဖို့ဆိုတာလွယ်တော့မလွယ်ပေမယ့် ဒါကပဲ ဒီကားလေးရဲ ့ထူးခြားချက်လို့ပဲပြောပါရစေ။ Johny Deep,Anna Kendrick,Emily Bluntစတဲ့နာမည်ကျော်တွေအများအပြား ပါဝင်ထားတဲ့ ဒီကားလေးကတော့ မှော်ဆန်ဆန်ကားလေးတွေကို သဘာဝကျကျကြည့်ချင်သူတွေအဖို့တော့အံကိုက်ပါပဲ။ Musical Dramaသဘောမျိုးလေးလဲပါလို့ မပျင်းမရိမြူးမြူးကြွကြွကြည့်ရှုခံစားရမှာပါ။ Imdb Rating 6/10 Rotten Tomatoes 71%ရရှိထားတဲ့ကားကောင်းလေးပါ။ File Size : (950 MB) and (420 MB) Quality : Blu-Ray 720p Running Time : 2hr 5min Format : Mp4 Genre :Adventure, Comedy, Drama Subtitle : Myanmar Subtitle (Hard Sub) Source : 1080p BluRay x264-DRONES Subtitle by Kyaw Lwin Tun Encoded by Thanhtike Zaw

ခရစ်နဲ့ တီနာတို့စုံတွဲက နောက်တွဲယာဉ်နဲ့ အားလပ်ရက်ခရီးတစ်ခု ထွက်လာကြပါတယ်။ နှစ်ယောက်အတူ ချစ်ချစ်ခင်ခင် ပျော်ပျော်ရွှင်ရွှင် ဖြတ်သန်းဖို့ စီစဉ်ထားတဲ့ခရီးပါ။ တီနာရဲ့အမေက ခရစ်ကို မယုံကြည်ပေမယ့် တီနာကတော့ ဝမ်းပန်းတသာပဲ လိုက်လာခဲ့တယ်။ ခရီးစမှာ သာမန်စုံတွဲတစ်တွဲရဲ့ ပျော်စရာအပန်းဖြေခရီးလို ဖြစ်နေပေမယ့် ခရစ်က လူတစ်ယောက်ကို ကားနဲ့ တိုက်သတ်မိသွားတဲ့အခါ အခြေအနေ ပြောင်းသွားပါတယ်။ ဒါက မတော်တဆဖြစ်တာလား၊ ခရစ် တမင်လုပ်လိုက်တာလားဆိုတာ မေးစရာဖြစ်လာတယ်။ ခရီးကို မပျက်စေချင်တဲ့ တီနာကလည်း အိမ်ပြန်လာဖို့ ခေါ်နေတဲ့အမေနဲ့ ဒီအဖြစ်ဆိုးကြားမှာ ဘယ်လို တုံ့ပြန်မလဲ။ အဲဒီနောက်မှာတော့ သူတို့နှစ်ယောက်ရဲ့ နားလည်ရခက်တဲ့စိတ်နဲ့ မထင်မှတ်ထားတဲ့ အခြေအနေတွေကို ဆက်တွေ့လာရပါတယ်။ Ben Wheatley ရိုက်ကူးထားတဲ့ ဒီဟာသအမည်းဇာတ်ကားမှာ သွေးထွက်သံယိုမြင်ကွင်းတွေ၊ လိင်ဆက်ဆံတဲ့အခန်းတွေနဲ့ ညစ်ညမ်းအသုံးအနှုန်းတွေ ပါဝင်ပါတယ်။