Rolf Saxon ပါဝင်သော ဇာတ်ကားများ

Mission: Impossible - The Final Reckoning (2025) IMDb Rating (7.4) / Rotten Tomatoes (80%) Mission Impossible ရုပ်ရှင်တွဲတွေရဲ့ နောက်ဆုံးရုပ်ရှင်ဖြစ်ပါတယ်။ ကြည်တောက်ရှင်း 4K အထိကြည့်နိုင်ပါပြီ။ နောက်ဆုံးပိတ်အိတ်နဲ့လွယ်ဆိုသလို အရမ်းကောင်းပါတယ်။ ဒီရုပ်ရှင်မကြည့်ခင် အနည်းဆုံးတော့ Mission: Impossible – Dead Reckoning ကို ကြည့်ဖို့လိုပါတယ်။ ဒါမှ ဆက်စပ်မိမှာပါ။ ဇာတ်လမ်းအကျဉ်း Part One မှာတုန်းက AI အန်တတီဟာ ကမ္ဘာကြီးကို ဖျက်ဆီးဖို့ စတင်ကြိုးစားတာကို တွေ့ခဲ့ရတာဖြစ်ပြီး အခုရုပ်ရှင်အစမှာတော့ အတော်လေးအောင်မြင်နေပါပြီ။ အနုမြူပိုင်ဆိုင်တဲ့နိုင်ငံကြီးအများစုကို ဟက်ခ်နိုင်သွားပြီး လက်နက်တွေကို ထိန်းချုပ်နိုင်ပြီးဖြစ်ပါတယ်။ဒါပေမဲ့ အမေရိကန် နျူစနစ်ကိုတော့ ဟက်ဖို့ ကြိုးစားနေတုန်းပါပဲ။ နိုင်ငံအားလုံးရဲ့ အနုမြူလက်နက်တွေကို ရပြီဆိုရင်လူသားတွေကို စမုန်တုံးပေးတော့မှာပဲ ဖြစ်ပါတယ်။ ဒါပေမဲ့ ဒီလိုတုံးဖို့ဆိုရင် သူကိုယ်တိုင် အနုမြူဘေးက ဘေးကင်းတဲ့ ဆာဗာတစ်ခုထဲကိုရောက်နေဖို့လိုတာမို့ အရင်ကြိုးစားနေတာပဲဖြစ်ပါတယ်။ အဲဒီအချက်ကို အသုံးချပြီး အီသန်နဲ့ သူ့ရဲ့အဖွဲ့ဟာ အန်တတီကို ဘယ်လိုတားမလဲ ဂေဘရီရယ်ကို ဘယ်လိုတားမလဲဆိုတာ မဖြစ်နိုင်တဲ့ မိနစ်အတိအကျ‌တောင်လွဲလို့မရတဲ့ စစ်ဆင်ရေးတွေနဲ့အတူ ကြည့်ရမှာပါ။ အားရပါးရကြည့်လိုက်ကြပါဦး။ နောက်ဆို MI တွေအသစ်မကြည့်ရတော့ဘူးမို့ အဟောင်းတွေကိုပဲ အလွမ်းပြေကြည့်ရတော့မှာပါ။ File size… (11 GB) / (3.3 GB) / (1.7 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action, Adventure, Thriller Duration…. 3hrs Subtitle…. Myanmar Subtitle (Hardsub)

ယခုတစ်ခါတင်ဆက်ပေးလိုက်တာကတော့ သမိုင်းနောက်ခံဖြစ်ရပ်မှန်ဇာတ်လမ်းလေးပဲဖြစ်ပါတယ်။ IMBD rating - 7.3 အထိရရှိထားပြီး nomination 6 ခုဝင်ခဲ့ပါတယ်။ ဇာတ်လမ်းအကြောင်းမပြောခင် နောက်ခံသမိုင်းကြောင်းလေးအရင်ပြောပြချင်ပါတယ်။ ပထမကမ္ဘာစစ်အပြီးမှာ ဩစတြီးယားနိုင်ငံနဲ့ဂျာမနီနိုင်ငံတို့ကိုပေါင်းစည်းမယ်ဆိုတဲ့ အတွေးအခေါ်စတင်ဖြစ်တည်လာပါတယ်။ ဂျာမနီနိုင်ငံပိုမိုကြီးမားလာစေဖို့နဲ့ ဩစတြီးယားရဲ့စီးပွားရေးအခက်အခဲကိုပြေလည်စေဖို့ပါ။ ပေါင်း‌စည်းစေချင်သူတွေကတော့ ဂျာမန်လူ‌မျိုးတွေပါ။ ဒီလိုနဲ့ ၁၉၃၃ ခုနှစ်မှာ ဟစ်တလာရဲ့နာဇီပါတီအာဏာကြီးမားလာခဲ့ပြီး ထိုအတွေးအခေါ်ဟာ ပိုပြီးကျယ်ပြန့်လာခဲ့ပါတယ်။ ၁၉၃၈ ခုနှစ်မှာ ဩစတြီးယားနဲ့ ဂျာမနီနိုင်ငံတို့ကို ပေါင်းစည်းခဲ့ပါတယ်။ ဩစတြီးယားနိုင်ငံအတွင်းဝင်ရောက်လာတဲ့ နာဇီစစ်သားတွေကို ဩစတြီးယားနေ ဂျာမန်ပြည်သူတွေက သောင်းသောင်းဖြဖြ ကြိုဆိုခဲ့ကြပေမဲ့ ဩစတြီးယားနေ ဂျူးလူမျိုးများအတွက်တော့ ထိတ်လန့်စရာကိစ္စဖြစ်လာခဲ့ပါတယ်။ နာဇီစစ်သားတွေဟာဂျူးလူမျိုးတွေကိုနှိပ်စက်တယ်၊သတ်ဖြတ်တယ်၊ ပိုင်ဆိုင်တဲ့ပစ္စည်းတွေ၊ အိမ်တွေ၊ စက်ရုံတွေကိုသိမ်းပစ်ကြပါတယ်။ ဒီလိုအသိမ်းခံရတဲ့မိသားစုတစ်စုကတော့ ဘလော့ဘောက်ဝါမိသားစုပါ။ ဘလော့ဘောက်ဝါမိသားစုဟာ လူကုံထံမိသားစုတစ်ခုပါ။နာဇီစစ်သားတွေသိမ်းစည်းသွားတဲ့ ဘလော့ဘောက်ဝါမိသားစုရဲ့ ပိုင်ဆိုင်မှုတွေထဲမှာ တန်ဖိုးကြီးပစ္စည်းတွေကတော့ နာမည်ကျော်ပန်းချီဆရာ Gustav Klimt ရေးဆွဲခဲ့တဲ့ Adele Bloch-Bauer ရဲ့ပုံတူပန်းချီကားနဲ့ အခြားပန်းချီကားတွေပါ။ ထိုပန်းချီကားတွေကို အတင်းအဓမ္မသိမ်းယူသွားခဲ့ပြီး ဩစတြီးယားနိုင်ငံ၊ ဗီယန်နာမြို့မှာရှိတဲ့ Belvedere ပြခန်းမှာ ပြသထားခဲ့ပါတယ်။ ဇာတ်လမ်းအကြောင်းပြောရရင်တော့ အဓိကဇာတ်ဆောင်ဖြစ်‌တဲ့ Maria Altmann ဟာ Adele Bloch-Bauer ရဲ့တူမပါ။ 1998 ခုနှစ်မှာ ဩစတြီးယားအစိုးရက မတရားသိမ်းယူခံထားရတဲ့အနုပညာပစ္စည်းတွေကို ပိုင်ရှင်ဆီပြန်လည်အပ်နှင်းဖို့ ရီစတီကျူးရှင်းကော်မတီကိုဖွဲ့စည်းခဲ့ပါတယ်။ ထိုအခါ Maria Altmann ဟာလည်းသူမအဒေါ်ရဲ့ ပုံတူပန်းချီကားကိုပြန်လည်ရရှိနိုင်ဖို့အတွက် ရှေ့နေတစ်ယောက်ကိုငှားခဲ့ပါတယ်။ Eric Randol Schoenberg ပါ။ Maria နဲ့ Randol တို့နှစ်ယောက် ဩစတီးယားနိုင်ငံကိုသွားခဲ့ပြီး သူမရဲ့ပန်းချီကားနဲ့စပ်လျဉ်းတဲ့အမှုကိုစဉ်းစားရာမှာ ထည့်သင့်တဲ့အချက်အလက်တစ်ချို့ကို ကော်မတီကိုသွားပေးခဲ့ပါတယ်။ တကယ်တော့ ဩစတြီးယားအစိုးရက လူထုအာရုံစိုက်ရုံမျှသာ ရီစတီကျူးရှင်းကော်မတီကိုဖွဲ့စည်းခဲ့တာဖြစ်ပြီး အနုပညာပစ္စည်းများကို ပြန်လည်အပ်နှင်းလိုတဲ့ဆန္ဒမရှိပါဘူး။ ထိုအခါ Maria Altmann နဲ့ Randol Schoenberg တို့နှစ်ယောက်ဘာဆက်လုပ်ကြမယ်ဆိုတာကို ရုပ်ရှင်ထဲမှာကြည့်ရှုခံစားကြပါခင်ဗျာ။ File size…(1.7 GB)/(1 GB) Quality….Webrip 1080p / 720p Format…mp4 Duration….01:49:00 Genre...Drama, Biography, History Subtitle….Myanmar Subtitle (Hardsub) Encoder….Garfield Translated by Akm

Entrapment ကတော့ မင်းသားကြီး Sean Connery ရဲ့ ၁၉၉၉ ခုနှစ်မှာထွက်ရှိခဲ့တဲ့ thriller, crime အမျိုးအစား ရုပ်ရှင်တစ်ကားပဲဖြစ်ပါတယ်။ ဇာတ်လမ်းလေးကတော့ အာမခံကုမ္ပဏီအေးဂျန့် ဗာဂျီးနီးယား ဘာကာဆိုတဲ့အမျိုးသမီးငယ်လေးဟာ အခိုးခံလိုက်ရတဲ့နာမည်ကျော် တန်ဖိုးကြီးပန်းချီကားအမှုကိုစုံစမ်းနေရင်း သံသယဖြစ်စရာတရားခံကဟာ ဂန္တဝင်သူခိုးကြီးတစ်ဦးဖြစ်ကြောင်း သိလိုက်ရပြီးနောက် သူမအနေနဲ့ ဒီပန်းချီကားကိုပြန်ရဖို့ ဘယ်လိုတွေအကွက်ချစီစဉ်ပြီး သူခိုးကြီးအနားကိုရောက်သွားမလဲဆိုတာကို ဇာတ်အိမ်တည်ထားတာပါ… ဒါပေမယ့် ဒီကောင်မလေးကတစ်ကယ်ပဲအမှုစုံစမ်းနေတာလား တစ်ခြားဘာရည်ရွယ်ချက်တွေရှိနေသေးလဲ … ဂန္တဝင်သူခိုးကြီးကရော ကောင်မလေးရဲ့လှည့်ကွက်ကိုကြိုမမြင်နိုင်ဘူးလား … ဘယ်သူကဘယ်သူ့ကိုလှည့်စားအသုံးချနေတာလဲဆိုတာကို စိတ်ဝင်စားဖွယ် အကွက်ကျကျဖန်တီးရိုက်ကူးထားတဲ့ ဇာတ်ကားကောင်းလေးတစ်ကားပဲဖြစ်ပါတယ် … မင်းသားကြီး Sean Connery နဲ့ မင်းသမီးချော Catherine Zeta-Jones တို့ရဲ့တွဲဖက်ညီညီ chemistry မိမိသရုပ်ဆောင်ချက်တွေကို mind game ဆန်ဆန် action လန်းလန်း mission ကြမ်းကြမ်းတွေအပြင် romance လေးပါရောထားတော့ ရသစုံစုံနဲ့ Old but gold ဆိုတဲ့ဇာတ်ကားလေးတစ်ကားမို့ ကြည့်ရှူခံစားကြည့်လိုက်ကြပါဦး… File size…(1.5 GB)/(832 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Romance drama , Mystery  Subtitle….Myanmar Subtitle (Hardsub) Encoder….Swan Min Htet Translated by Khin Sakr Khin

Saving Private Ryan (1998) IMDb Rating (8.6) / Rotten Tomatoes (94%) အကောင်းဆုံးစစ်ကားတွေအကြောင်းပြောကြရင် Saving Private Ryan က ထိပ်ဆုံးကပါလာတတ်ပါတယ်။ နာမည်ကြီးမင်းသားတွေဖြစ်တဲ့ Tom Hanks , Matt Damon , Vin Diesel တို့ပါဝင်သရုပ်ဆောင်ထားပြီး သရုပ်ဆောင်ချက်၊ ဇာတ်လမ်းပိုင်းတွေမှာ ပြောစရာမရှိကောင်းမွန်လှသလို ဒါရိုက်တာကလည်း နာမည်ကြီး Steven Spielberg ဖြစ်လို့ ပိုလို့တောက်ပြောင်ပါတယ်။ အော်စကာဆု ၅ခုကို ဆွတ်ခူးနိူင်ခဲ့သလို တစ်ခြားဆုပေါင်း ၇၀ကျော်ကိုလဲ ရယူနိူင်ခဲ့ပါတယ်။ IMDBမှာလဲ Rating 8.6 အထိ ရရှိထားတဲ့ ဇာတ်ကားကောင်းတစ်ကားပါ။ ဇာတ်လမ်းကတော့ ဒုတိယကမ္ဘာစစ်ကာလက တကယ့်အဖြစ်အပျက်တချို့ကို ဇာတ်အိမ်တည်လို့ ရိုက်ကူးတင်ဆက်ထားတာဖြစ်ပါတယ်။ ဒုတိယကမ္ဘာစစ်ရဲ့အလှည့်အပြောင်းဖြစ်တဲ့ Normandy ကမ်းခြေ တိုက်ပွဲနဲ့ အစပြုထားပြီး Normandy ကမ်းခြေကို အမေရိကန်တို့ရဲ့ မဟာမိတ်တပ်တွေ ဝင်သိမ်းတဲ့ ရိုက်ကွက်ကိုလည်း ပီပီပြင်ပြင် ရှုစားရမှာဖြစ်တယ်။ ဒီကားအကြောင်းတော်တော်များများကြားဖူး သိဖူးနေလို့ထွေထွေထူးတော့မညွှန်းတော့ပါဘူး။ တကယ့် ဂန္တဝင်ကားမို့ အရည်အသွေးကောင်းကောင်းလေးနဲ့ ခံစားစေချင်တဲ့အတွက် 4K Quality နဲ့ထပ်မံဖြည့်တင်းတင်ဆက်လိုက်ပါတယ်။ File Size : (8.8 GB)/ (3.03GB) / (1.18 GB ) Quality : BluRay 4K HEVC/ 1080p HEVC/ 720p Format…mkv/mp4 Duration…02:50:00 Genre : Drama, War Subtitle : Myanmar Subtitle (Hard Sub) Translated by War Dog Encoded by Phyo Pyae/Ka Naung

ဒီ ဇာတ်ကားကတော့ မင်းသား Pierce Brosnan ရဲ့ ဒုတိယမြောက်ဘွန်းဇာတ်ကားဖြစ်ပါတယ်.. Pierce Brosnan ရဲ့ဘွန်းဇာတ်ကောင်ကို ပရိတ်သတ်တော်တော်များများနှစ်သက်ကြောင်းတွေ့ရပါတယ်... ကြင်အင်လက္ခဏာ...တည်ငြိမ်မှု..ဝတ်စားဆင်ယင်မှု..သရုပ်ဆောင်မှုတွေအရ Pierce Brosnan နဲ့ ဘွန်းကို တစ်ထပ်တည်းကိုက်ညီစေတဲ့ ရသကို ပေးစွမ်းနိုင်ခဲ့တာပါ.... နောက်တစ်ချက်က သူ့ရဲ့ဇာတ်ကားတွေမှာ Action ပိုင်း အတော်လေး ပြည့်စုံတာကို တွေ့ရမှာပါ.. ဒီဇာတ်ကားမှာတော့ အရှေ့တိုင်းရဲ့ နာမည်ကျော် မင်းသမီး မီရှဲယိုလဲပါဝင်ထားပါတယ်... IMDb Rating (6.5/10) ရရှိထားပါတယ်...။ File size…(2.6 GB) and (1.4 GB) Quality….BluRay 1080p and 720p (HEVC Encode) Format…mkv Duration….02:00:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

IMF အေးဂျင့် အီသန်ဟန့်နဲ့ သူ့အဖွဲ့ဟာ တာဝန်တစ်ခုကို ဆောင်ရွက်နေရင်း အီသန်ကလွဲလို့ ကျန်အဖွဲ့ဝင်အားလုံး အသတ်ခံလိုက်ရပါတယ်။ တကယ်တော့ အဲဒီတာဝန်ဟာ ဗဟိုအဖွဲ့အစည်းက သစ္စာဖောက်ကို ဖော်ထုတ်ဖို့ စီစဉ်ထားတာပါ။ တစ်ယောက်တည်း အသက်ရှင်ကျန်ခဲ့တဲ့ အီသန်ဟာ သံသယဝင်ခံရပြီး CIA ရဲ့ ဖမ်းဆီးဖို့ ကြိုးစားမှုကို ရင်ဆိုင်လာရတယ်။ ဒီသစ္စာဖောက်မှုက ထိပ်တန်းလျှို့ဝှက်ဖိုင်နဲ့ ပတ်သက်နေတဲ့အတွက် အီသန်က တရားခံအစစ်ကို ကိုယ်တိုင်လိုက်ရှာဖို့ ကြိုးစားပါတယ်။ လျှို့ဝှက်ချက်တွေကို ဝယ်ယူမယ့်ဘက်ဆီ သူလျှိုအဖြစ် ဝင်ပူးပေါင်းပြီး သစ္စာဖောက်အစစ်ကို ဖော်ထုတ်နိုင်ဖို့ CIA ရုံးချုပ်ထဲက လျှို့ဝှက်အချက်အလက်တွေကို ပြန်ခိုးယူရပါတော့တယ်။ ၁၉၉၆ ခုနှစ်မှာ ထွက်ရှိခဲ့တဲ့ ဒီဇာတ်ကားကို Brian De Palma က ရိုက်ကူးထားပြီး Tom Cruise ပါဝင်တဲ့ Mission: Impossible ဇာတ်ကားတွဲရဲ့ ပထမဆုံးကားဖြစ်ပါတယ်။

1984(1984) IMDb Rating .... 7.1/10 1984ရုပ်ရှင်ဟာ စာအုပ်ကိုအရမ်းသစ္စာရှိတဲ့ ရုပ်ရှင်လို့ဆိုကြတော့ နိုင်တီးအိတ်တီဖိုးရဲ့ မူလစာရေးဆရာဖြစ်တဲ့ ဂျော့အော်ဝဲလ် အကြောင်းပြောတာပဲ ပိုကောင်းပါမှာပါပဲ။ ဂျော့အော်ဝဲလ်ဟာ မြန်မာပြည်မှာ နေသွားဖူးခဲ့တဲ့ ကမ္ဘာကျော်ဂန္တဝင် စာရေးဆရာ၊ မြန်မာပြည်နဲ့ပက်သက်တဲ့ Burmese Daysလို့ခေါ်တဲ့စာအုပ်ကိုလည်း ရေးခဲ့ဖူးတယ်။ ပဝေဏသီကတည်းက သခင်ဘသောင်းဘာသာပြန်ထားတဲ့ ဂျော့အော်ဝဲလ်ရဲ့ ခြေလေးချောင်းတော်လှန်ရေးခေါ် Animals Farmကို စာပေနဲ့မစိမ်းတဲ့သူတွေ ဖတ်ဖူးကြမှာပါပဲ။ ထိုစာအုပ်မှာလည်း အော်ဝဲလ်ဟာ လက်ဝဲစနစ်ထဲက လျှိုဝင်လာတဲ့ အာဏာရှင်ဝါဒကို သရော်စာဆန်ဆန် ပုံဖော်ထားခဲ့တယ်။ ဒီ1984ကတော့ သူ့ရဲ့Classicတန်းဝင်လက်ရာ မာစတာပိစ်တစ်ပုဒ်ကို ပြန်ရိုက်ထားတာပါ။ ၁၉၈၄ဟာ ကမ္ဘာကြီးကိုပြောင်းလဲစေခဲ့တဲ့ စာအုပ်တစ်အုပ်လို့လည်းဆိုကြတယ်။ ဒီရုပ်ရှင်ဟာလည်း စာအုပ်ကိုသစ္စာရှိစွာနဲ့ ရိုက်ထားတယ်လို့ ဝေဖန်ရေးသမားများက ဆိုပါတယ်။ ဂျော့အော်ဝဲလ်ဟာ ဆိုရှယ်လစ်တစ်ယောက်ပေမဲ့ သူ့စာတွေဟာ သူပြောသလို အနုပညာရော နိုင်ငံရေးရော ပါဝင်နေတဲ့ အကောက်အယူလွဲကြတဲ့အခါ သူ့စာတွေကို ဆိုရှယ်လစ်ကိုဖိနှိပ်ဖို့ အသုံးခံခဲ့ရတဲ့အထိဖြစ်ခဲ့တယ်။ သူ့တစ်ချို့စာတွေဟာ ခေတ်ရှေ့ပြေးလွန်းတာကြောင့် ဖော်ပြဖို့ငြင်းခဲ့တဲ့သူတွေတောင် နောက်ပိုင်းနှစ်အတော်ကြာမှာ ပြန်တောင်းပန်ခဲ့ရတယ်။ သူဟာ နိုင်ငံရေးရည်မှန်းချက်နဲ့ အနုပညာရည်မှန်းချက်ကို ပေါ်လွင်အောင်ရေးချင်ခဲ့တဲ့သူပါ။ ၁၉၃၆ခုနှစ်ကတည်းကစ သူအလေးအနက်ရေးတာမှန်သမျှဟာ တိုက်ရိုက်ဖြစ်စေ သွယ်ဝိုက်ဖြစ်စေ အကြွင်းမဲ့အာဏာရှင်စနစ်ကို ဆန့်ကျင်တာနဲ့ ဒီမိုကရက်တစ်ဆိုရှယ်လစ်စနစ်ဘက်က သူနားလည်သလို ရပ်တည်တာဖြစ်တယ်လို့ဆိုထားတော့ ၁၉၄၉မှာထုတ်ခဲ့တဲ့ 1984ရဲ့ ရပ်တည်ချက်ကလည်း ထိုနည်းလည်းကောင်းပဲ ဆိုရပါလိမ့်မယ်။ တကယ်တမ်းပြောရရင် လူဟာ သူများဝေဒနာကို ကိုယ်တိုင်ကြုံတွေ့ရချိန်မှာကလွဲ နားလည်ပေးနိုင်ခြင်း အပြည့်အဝမရှိပါဘူး။ ဟိုးတုန်းကသာ ကြည့်ခဲ့မိရင် ဒီရုပ်ရှင်ထဲက ဇာတ်ကောင်ဝင်စတန်ရဲ့ ဝေဒနာကို ကျွန်တော်နားလည်မိမှာမဟုတ်ဘူး။ အခုတော့ အားလုံးနည်းတူ ဝင်စတန်ဟာ ကျွန်တော်တို့အတွက် ခံစားလို့ရတဲ့ ဇာတ်ကောင်တစ်ခုဖြစ်လာခဲ့တယ်။ ဂျော့်အော်ဝဲလ်ဟာ နိုင်ငံရေးအရေးအသားကို အနုပညာတစ်ခု ဖြစ်အောင်လုပ်ချင်ခဲ့သူ၊ ထုတ်ဖော်စရာ မုသားတချို့ ရှိလို့... လူတွေသတိပြုမိစေ ချင်တဲ့ အချက်အလက်အချို့ ရှိနေလို့ စာရေးခဲ့တဲ့သူဆိုတော့ သူသတိပြုစေချင်တဲ့အရာကို ကျယ်ပြန့်တဲ့အနုပညာပစ္စည်းတစ်ခုအတွင်းက အတိအကျနှိုက်ယူနိုင်ပါ့မလားဆိုတာကတော့ ခံစားသူအပေါ်သာ မူတည်ပါလိမ့်မယ်။ ပုဂ္ဂလိကအမြင်အရတော့ စိတ်အရမ်းမမာရင်တော့ မကြည့်စေချင်ပါဘူး။ ဘာမှပါတာတော့မဟုတ်ပေမဲ့ ဘာရယ်ကြောင့်လဲတော့မသိ ကျွန်တော့်အတွက်တော့ စိတ်ဓာတ်ကျစရာ ရုပ်ရှင်တစ်ကားဖြစ်သွားခဲ့တယ်။ ကိုးကား - ကိုတာ ဂျော့အော်ဝဲလ်စာရေးရသောအကြောင်းအရင်း ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(1.8GB) / (1GB) Quality__1080p, 720p IMDb Rating__7.1/10 Format__mp4 Duration__01:53:00 Type__Drama , Sci-Fi Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဆက်ဒရစ်လေးဟာ မုဆိုးမဖြစ်သူအမေရယ် သူ့ကိုမွေးပေးခဲ့တဲ့၀မ်းဆွဲသည်ရယ်နဲ့ အမေရိကားက လူပေါင်းစုံတဲ့ ဆင်းရဲသားရပ်ကွက်လေးမှာနေတယ်။ တစ်နေ့မှာတော့ သူ့ဘ၀ကိုပြောင်းသွားစေမဲ့ အလှည့်အပြောင်းကြီးတစ်ခုဖြစ်လာတယ်။ ဆုံးပါးသွားတဲ့သူ့အဖေဟာ အင်္ဂလန်ကမင်းမျိုးမင်းနွယ်တစ်ယောက်ရဲ့သားဖြစ်တာကြောင့် အဖိုးဖြစ်သူ အမတ်ကြီးက မျိုးရိုးကိုဆက်ခံဖို့ ဆက်ဒရစ်ကို ခေါ်လာခိုင်းလိုက်တာဖြစ်တယ်။ နိုင်ငံလည်းမတူ တစ်ခါမှလည်း မတွေ့ဖူးတဲ့အဖိုးဟာ သူ့အမေကို ကြည့်မရလောက်အောင်မုန်းနေမှန်းလည်းမသိဘူး အင်္ဂလန်ကိုလိုက်သွားရတယ်။ အဖိုးဖြစ်သူကရော သူ့ကို လက်ခံနိုင်ပါ့မလား ချစ်မြတ်နိုင်းနိုင်ပါ့မလား ကြည့်ရှုလိုက်ကြပါဦး။ File size…(2.2 GB)/(1.1 GB) Quality….Blu-Ray 1080p / 720p Format… mp4 Duration…. 01:43:00 Genre... Drama, Family, Romance Subtitle….Myanmar Subtitle (Hardsub) Encoder….Garfield Translated by Su