Rupert Friend ပါဝင်သော ဇာတ်ကားများ

Dreams (2025) IMDb Rating (5.8) / Rotten Tomatoes (70%) Dreams (2025) ရုပ်ရှင်ဟာ ဒါရိုက်တာ Michel Franco ရိုက်ကူးထားပြီး နာမည်ကြီး မင်းသမီး Jessica Chastain နဲ့ မက္ကဆီကန် ဘဲလေးကချေသည် Isaac Hernández တို့ အဓိကပါဝင်သရုပ်ဆောင်ထားတဲ့ အချစ်ဒရာမာရုပ်ရှင်တစ်ကား ဖြစ်ပါတယ်။ ဒီဇာတ်ကားဟာ ၂၀၂၅ ခုနှစ်၊ ဘာလင်နိုင်ငံတကာရုပ်ရှင်ပွဲတော် (Berlin International Film Festival) မှာ ပွဲဦးထွက်ပြသခဲ့ပြီး ဝေဖန်ရေးဆရာတွေရဲ့ ချီးကျူးမှုတွေကို ရထားပါတယ်။ ဇာတ်လမ်းအကျဉ်း Jennifer (Jessica Chastain) ဟာ ဆန်ဖရန်စစ္စကိုမြို့က ကြွယ်ဝချမ်းသာတဲ့ အထက်တန်းလွှာအမျိုးသမီးတစ်ဦးဖြစ်ပြီး ဖောင်ဒေးရှင်းတစ်ခုကို ဦးစီးလုပ်ကိုင်နေသူပါ။ သူဟာ မက္ကဆီကိုစီးတီးက အကကျောင်းတစ်ခုကို ထောက်ပံ့ကူညီရင်း အဲဒီကျောင်းက အရည်အချင်းရှိတဲ့ ဘဲလေးကချေသည် Fernando (Isaac Hernández) နဲ့ တိတ်တဆိတ် ချစ်ကြိုက်ခဲ့ကြပါတယ်။ Fernando ဟာ အမေရိကန်မှာ အကပညာရှင်အဖြစ် အောင်မြင်ဖို့ အိပ်မက်ရှိသူဖြစ်ပြီး Jennifer နဲ့ အတူနေထိုင်ဖို့အတွက် အသက်အန္တရာယ်များတဲ့ နယ်စပ်ဖြတ်ကျော်မှုကို စွန့်စားလုပ်ဆောင်ခဲ့ပါတယ်။ သူ ဆန်ဖရန်စစ္စကိုကို ရောက်လာပြီးနောက် Jennifer နဲ့ ပြန်ဆုံတွေ့ကြပေမယ့် သူတို့နှစ်ဦးကြားက ဆက်ဆံရေးဟာ မျှော်လင့်ထားသလို ရိုးရှင်းမနေခဲ့ပါဘူး။ Jennifer ဟာ Fernando ကို ချစ်ပေမယ့် သူ့ လူမှုအသိုင်းအဝိုင်းနဲ့ ဂုဏ်သိက္ခာကြောင့် သူတို့ရဲ့ ဆက်ဆံရေးကို လူသိရှင်ကြား ထုတ်မပြရဲဖြစ်နေပါတယ်။ Fernando ကတော့ ချစ်သူဆီကနေ အသိအမှတ်ပြုမှုနဲ့ လေးစားမှုကို လိုချင်လာတဲ့အခါမှာတော့ သူတို့နှစ်ဦးကြားက ငွေကြေး၊ အာဏာနဲ့ လူတန်းစားကွာဟမှုတွေက ပြဿနာအဖြစ် ကြီးထွားလာပါတော့တယ်။ ရိုးရှင်းတဲ့ အချစ်ဇာတ်လမ်းသက်သက်မဟုတ်ဘဲ ချမ်းသာသူတွေရဲ့ ဟန်ဆောင်မှု ကြောင်သူတော်ဆန်ပုံတွေ (Hypocrisy)၊ လူတန်းစားကွဲပြားမှုနဲ့ ပါဝါမညီမျှမှုတွေကို ဒါရိုက်တာက ဝေဖန်ပိုင်းခြား တင်ပြထားပါတယ်။ ဇာတ်လမ်းအစပိုင်းမှာ အချစ်ကားတစ်ကားလို ထင်ရပေမယ့် နောက်ပိုင်းမှာ စိတ်ပိုင်းဆိုင်ရာ တင်းမာမှုတွေ (Psychological tension) နဲ့ မမျှော်လင့်ထားတဲ့ အလှည့်အပြောင်းတွေ ပါဝင်လာပါတယ်။ ဒီရုပ်ရှင်ဟာ "အိပ်မက်" ဆိုတဲ့ ခေါင်းစဉ်နဲ့ ဆန့်ကျင်ဘက်ဖြစ်တဲ့ လက်တွေ့ဘဝရဲ့ ခါးသီးမှုတွေကို ရိုက်ပြထားပါတယ်။ အချစ်စစ်ပေမယ့် လူတန်းစားကွာဟမှုနဲ့ လူမှုရေးအတားအဆီးတွေကြားမှာ ယိမ်းယိုင်သွားနိုင်ပုံကို ပညာသားပါပါ တင်ဆက်ထားတဲ့အတွက် ဒရာမာရုပ်ရှင် ကောင်းကောင်း ကြိုက်နှစ်သက်သူတွေ ကြည့်ရှုသင့်တဲ့ ဇာတ်ကားတစ်ကား ဖြစ်ပါတယ်။ (18+ အခန်းတချို့နှင့် ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (880 MB) / (570 MB) Quality…. WEB-Rip 1080p HEVC / 720p Format…. mkv/mp4 Genre…. Drama,Romance Duration…. 01:38:37 Subtitle…. Myanmar Subtitle (Hardsub)

Jurassic World Rebirth (2025) IMDb Rating (6.2) / Rotten Tomatoes (51%) စောင့်မျှော်နေကြတဲ့ Jurassic World Rebirth လေးကတော့ ထွက်ရှိလို့လာခဲ့ပါပြီ။ 2022 ခုနှစ်က ထွက်ရှိခဲ့တဲ့ Jurassic World Domination ရဲ့ အဆက် ထွက်ရှိလာတဲ့ ဇာတ်ကားလေးဖြစ်ပါတယ်။ ဒီတစ်ခါမှာတော့ အားလုံးရဲ့ အချစ်တော် မမ Scarlett Johansson ပါဝင်သရုပ်ဆောင်ထားပါတယ်။ ဒါရိုက်တာ Gareth Edwards ရိုက်ကူးထားပြီး Scarlett Johansson,Mahershala Ali , Jonathan Bailey, Rupert Friend စတဲ့ သရုပ်ဆောင်များစွာ ပါဝင်ထားပြီး IMDb rating ကတော့ 6.2 ပါ။ ဇာတ်လမ်းအကျဉ်း Jurassic World Domination(2022) အပြီး 5 နှစ် အကြာ timeline မှာ ဇာတ်အိမ်တည်ထားပြီး ဒီတစ်ခါမှာတော့ InGen ရဲ့ လျှို့ဝှက်သုတေသနစခန်းဟောင်းတစ်ခုဖြစ်တဲ့ ကျွန်းတစ်ကျွန်းပေါ်ကို ကျွမ်းကျင်သူအဖွဲ့တစ်ဖွဲ့ဖွဲ့ကာ လူသားမျိုးနွယ်အတွက် အသက်ကယ်ဆေးတစ်မျိုး ဖန်တီးဖို့ရန် ဒိုင်နိုဆောတွေရဲ့ မျိူးဗီဇပစ္စည်းတွေကို ရယူဖို့ ခရီးထွက်ခဲ့ကြပါတယ်။ သူတို့ရဲ့အဓိကမစ်ရှင်ကတော့ အကြီးဆုံးဒိုင်နိုဆောမျိုးစိတ်တွေဖြစ်ကြတဲ့ ရေနေ မိုဆာဆောရက်စ်(Mosasaurus)၊ကုန်းနေ တိုက်တန်နိုဆောရက်စ်(Titanosaurus) နဲ့ ငှက်မျိုးနွယ် ကက်တ်ဇယ်လ်ကိုအာလက်စ်(Quetzalcoatlus) တို့ဆီကနေ မျိုးဗီဇနမူနာတွေ ရယူဖို့ပဲဖြစ်ပါတယ်။ ဒီလိုအန္တရာယ်များတဲ့ ခရီးစဉ်အတွင်းမှာ သူတို့အဖွဲ့ဟာ သင်္ဘောပျက်ပြီး ကျွန်းပေါ်မှာ ပိတ်မိနေတဲ့ အရပ်သားမိသားစုတစ်စုနဲ့ တွေ့ဆုံခဲ့ပါတယ်။ အဲ့ဒီနောက်မှာတော့ အဖွဲ့သားအားလုံးဟာ အသက်ရှင်သန်ဖို့အတွက် အတူတကွ ရင်ဆိုင်တိုက်ခိုက်ကြရပါတော့တယ်။ ကျွန်းပေါ်မှာ မျိုးဗီဇပြောင်းလဲထားတဲ့ အန္တရာယ်များတဲ့ ဒိုင်နိုဆောတွေလည်း ရှိနေတာကြောင့် သူတို့ဘယ်လိုရင်ဆိုင်ကျော်ဖြတ်ပြီး လိုချင်တဲ့မျိုးဗီဇနမူနာတွေ ရယူသွားမလဲဆိုတာ စိတ်လှုပ်ရှားစွာ စောင့်ကြည့်ရမှာပဲ ဖြစ်ပါတယ်။ File size… (8.3 GB) /(3.3 GB) / (1.8 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action, Adventure, Sci-Fi, Thriller Duration…. 02:14:00 Subtitle…. Myanmar Subtitle (Hardsub) Encoder…. Benjamin & Thit San Khant Translated by Act, Cyberboy, Nay

ဒီဇာတ်ကားလေးကတော့ အရင်လကမှ ထွက်ရှိထားပြီးတော့ ဟောလိဝုဒ် ဒိတ်ဒိတ်ကြဲထိပ်တန်းသရုပ်ဆောင်တွေများစွာ ပါဝင်ထားတဲ့အပြင် Rating အားဖြင့် IMDb 6.9/10, Rotten Tomatoes မှာ 78% တောင် ရရှိထားပါတယ်။ ဇာတ်လမ်းအကျဉ်း +++++++++++ အန်နာတိုး ကိုဒါ တဖြစ်လည်း ဇာဇာဟာ တကယ့်ကို ကျိကျိတက်ချမ်းသာပြီးတော့ ဉာဏ်နီဉာဏ်နက် ရောင်စုံထွက်တဲ့ စီးပွားရေးသမားဖြစ်ပါတယ်။ သူဟာ ခေါင်းပုံဖြတ်အမြတ်ကြီးစားမှု အခွန်ရှောင်မှု ဈေးကွက်ချုပ်ကိုင်မှု လာဘ်ပေးလာဘ်ယူမှု အစရှိတဲ့ စွပ်စွဲချက်ပေါင်းစုံနဲ့ နာမည်ဆိုးနဲ့ကျော်ကြားပြီး သူ့ကို မကျေနပ်တဲ့ စီးပွားပြိုင်တွေ ဂိုဏ်းတွေ အဖွဲ့အစည်းတွေက သူ့ကို ဘုံရန်သူအနေနဲ့ သတ်မှတ်ကာ စုပေါင်းပြီး လုပ်ကြံဖို့ အမျိုးမျိုးကြိုးစားကြပါတယ်။ ဒီလိုနဲ့ အသက်ပြင်းတဲ့ ကိုဒါဟာ လုပ်ကြံရေးသမားတွေလက်ချက်နဲ့ ခြောက်ကြိမ်မြောက်လေယာဉ်ပျက်ကျပြီးတဲ့နောက်မှာ သူ့ရဲ့ တစ်ဦးတည်းသောသမီး သီလရှင်လောင်းလေးကို အမွေဆက်ခံခိုင်းဖို့ စီစဉ်ပါတော့တယ်။ ဖြစ်ချင်တော့ အဲအချိန်မှာပဲ စီးပွားပြိုင်လုပ်ငန်းတွေ စုပေါင်းပြီး ဈေးကွက်ကို ကစားလိုက်တဲ့အခါ ဇာဇာတစ်ယောက် သူ့လုပ်ငန်းကိုင်ငန်းတွေ ကမောက်ကမဖြစ်သွားပြီးသူ့ခမျာ စည်းစိမ်မပျောက်အောင် သူ့သမီး သီလရှင်ပေါက်စလေးနဲ့အတူ သူနဲ့လက်တွဲထားတဲ့ မိတ်ဖက်စီးပွားရေးလုပ်ငန်းရှင်တွေ စီပွားရေးလက်မဲကြီးတွေကို လိုက်ပြီးတော့ ညှိနှိုင်းရပါတော့တယ်။ ဒီဇာတ်ကားကို ကြည့်ရင်တော့ နားလည်သလိုလို မလည်သလိုလို မမဆောင်း vibe နဲ့ ကြည့်ရမှာဖြစ်ပြီးတော့ သူတို့သားအဖ ဘယ်လိုနှစ်ပါးသွားမလဲဆိုတာကို စိတ်ဝင်တစား ကြည့်ရှုရမှာပါ။ File Size… (6.55GB)/(1.57GB)/(939MB) Quality… WEB-DL 4K HEVC/1080p HEVC /720p Format…mkv / mp4 Duration…1h 41m Genre …..Action , Comedy , Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Act Molemy & Matteo

Companion (2025) IMDb Rating (7.3) / Rotten Tomatoes (94%) ဒီကားက ဟော်ရာကားဖြစ်ပြီး IMDb 7 ကျော် ရထားတာပါ။ ထိုက်ထိုက်တန်တန်ကိုရထားတာပါ။ Substance တုန်းကလိုပဲ ဇာတ်လမ်းဆန်းသစ်ပြီး တင်စားထားတာတွေ အရမ်းကောင်းပါတယ်။ မထတမ်း ကြည့်ချင်စေမဲ့ ရုပ်ရှင်မျိုးပါပဲ။ ဒါရိုက်တာ Drew Hancock ရဲ့အကောင်းဆုံးလက်ရာလို့ ပြောလို့ရပါတယ်။ မင်းသမီးက Heretic တို့ Yellowjackets တို့မှာ အရမ်းလန်းထားတဲ့ Sophie Thatcher ပါ။ မင်းသားကတော့ The Boys ထဲက အားလုံးအချစ်တော် ဟူဝီဖြစ်တဲ့ Jack Quaid ပါပဲ။ ဇာတ်လမ်းအကျဉ်း +++++++++++ ဟော်ရာထုံးစံအတိုင်း လူသူမနီးတဲ့ ရေကန်အိမ်ကြီးထဲကို အလည်အပတ်ထွက်လာတဲ့ အတွဲသုံးတွဲရှိတယ်။ အဓိက အတွဲကတော့ဂျော့ရှ် နဲ့ အိုင်းရစ် တို့အတွဲပါ။ အိုင်းရစ်က ဂျော့ရှ်ကို အသေအလဲချစ်နေတဲ့ကောင်မလေးပေါ့။ နောက်တစ်တွဲကလည်း အီလိုင်ဆိုတဲ့ကောင်လေးရယ် သူ့ကိုအသေအလဲချစ်နေတဲ့ ပတ်ထရစ်ရယ်ပါမယ်။ နောက်တစ်တွဲကတော့ ရုရှားခပ်ဆိုးဆိုးကောင်ကြီး ဆာဂေ နဲ့သူ့စမောလေး ကတ် တို့ပါပဲ။ အိမ်ထဲမှာ ကြောက်စရာတွေကြမယ် ဘာညာတော့ သိမှာပါ။ ကျန်တာတော့ ဘာမှမညွှန်းချင်တော့ပါဘူး ဟာ ဟာ နဲ့ ကြည့်လို့ရအောင် ဒီအတိုင်းပဲတင်ပေးထားလိုက်ပါတယ်။ ဘာမှမသိဘဲသာ ဆက်ကြည့်လိုက်ပါ။ကြိုက်သွားပါလိမ့်မယ်။ File size…(3.6 GB) / (1.13 GB) / (647 MB) Quality… WEB-DL 4K HEVC / 1080p HEVC / 720p Format…mkv / mp4 Duration….1h 37m Genre ….. Sci-Fi , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

Amazon Prime ကနေထုတ်လွှင့်တဲ့ အက်ရှင်ကားအသစ် ဖြစ်ပါတယ် အစိုးရအေးဂျင့်အဖြစ် လျှို့ဝှက်လုပ်ကိုင်နေတဲ့ အေဗရီဂရေဗ့်ဟာ သူ့ရဲ့ personal life မှာတော့ မိသားစုမရှိပေမယ့် ချစ်ရတဲ့ ယောက်ျားနဲ့ အိမ်ထောင်သက် ၂ နှစ်ပြည့်သွားတဲ့ သာမန်အိမ်ထောင်ရှင်မလေးတစ်ယောက်ပါပဲ ... တစ်နေ့မှာတော့ သူ့ယောက်ျားကိုပြန်ပေးဆွဲသွားပြီး ကမ္ဘာ့ထိပ်တန်းခေါင်းဆောင်တွေ နိုင်ငံတွေရဲ့ စတော့ဈေးကွက် စီးပွားရေး တစ်ခုလုံးကို ဖျက်စီးပစ်နိုင်နဲ့ အနက်ရောင်ကနေရီလို့ခေါ်တဲ့ ဖိုင်လ်တစ်ခုနဲ့ အလဲအလှယ်လုပ်ဖို့ လူတစ်စုက အကြပ်ကိုင်လာပါတယ်...ဒီအရာကိုရဖို့အတွက် သူ့ရဲ့အေဂျင်စီကိုပါ သစ္စာဖောက်ခဲ့ရပြီး... အစိုးရတွေ လူဆိုးဂိုဏ်းတွေရဲ့ လိုက်လံဖမ်းဆီးမှုတွေကို ရှောင်တိမ်းရင်း ယောက်ျားဖြစ်သူနဲ့ ကမ္ဘာကြီးကို အလဲအလှယ်လုပ်မယ့် ထိပ်တန်းအေးဂျင့် အေဗရီဂရေဗ့်ရဲ့ စွန့်စားခန်းတွေကို တွေ့မြင်ရမှာဖြစ်ပါတယ်... (အညွန်းနဲ့ဘာသာပြန်ကိုတော့ Thiha Yan Naing ကရေးသားထားပါတယ်) File size…(1.2 GB)/(779 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Action, Thriller, Crime Subtitle….Myanmar Subtitle (Hardsub) Encoder….Swan Min Htet Translated by Thiha Yan Naing

နာမည်ကြီး ဒါရိုက်တာ Wes Anderson ရိုက်ကူးထားတဲ့ ဇာတ်လမ်းတို လေးပုဒ်ပါဝင်တဲ့ ရုပ်ရှင်ကားလေးပါ ကလေးပုံပြင်စာရေးဆရာ Roald Dahl ရဲ့ ဝတ္ထုတွေကို ပြန်အသက်သွင်းထားတာ ဖြစ်ပြီး Wes Anderson ရဲ့တမူထူးတဲ့ တင်ဆက်ဟန်က ပရိသတ်နှစ်ဖွဲ့ကွဲစေမှာပါ တစ်ဖွဲ့က သူ့ရဲ့ ကိုယ်ပိုင်ဟန်ကို သဘောကျမယ့်လူနဲ့ နောက်တစ်ဖွဲ့ကတော့ စတိုင်မလိုင်တွေ များလွန်းတယ်ဆိုပြီး မျက်စိဆံပင်မွှေးစူးမယ့် ပုံစံမျိုးပါ ဒီထဲမှာဆိုရင် - အိန္ဒိယက ကျင့်စဥ်တစ်ခုကို ကျင့်ပြီး ကာစီနိုလောင်းသူ - ငန်းဖြူပုံပြင် - ထူးဆန်းတဲ့ ကြွက်ဖမ်းသမား - ဗိုက်ပေါ်က မြွေဆိုတဲ့ ပုံပြင်လေးပုဒ်ကို တမူထူးခြားစွာ ရသမြောက်အောင် တင်ဆက်ထားတာကို ကြည့်ရှုရမှာ ဖြစ်ပါတယ် File size…(1.4 GB)/(1 GB) Quality….Webrip 1080p / 720p Format…mp4 Duration….01:28:00 Genre... Fantasy, Adventure Subtitle….Myanmar Subtitle (Hardsub) Encoder….Mr. Anderson Translated by Sike Tan

အမေရိကန်နိုင်ငံကို ကြည့်လိုက်ရင် အရမ်းပျော်စရာကောင်းပြီး တိုးတက်နေတဲ့ နိုင်ငံဖြစ်တဲ့အတွက် တခြားနိုင်ငံတိုင်းက အားကျနေရတဲ့ နိုင်ငံတစ်နိုင်ငံဖြစ်နေပါတော့တယ်။ဒါပေမယ့် အဲ့လိုခေတ်မှီ တိုးတက်နေတဲ့နိုင်ငံမှာ အခုထက်ထိတိုင် မပျောက် ပျက်ဘဲ ကျန်ရှိနေသေးတဲ့အရာကတော့ Racist ဆိုတဲ့ လူမျိုးရေးခွဲခြားတဲ့ လူတွေပဲဖြစ်ပါတယ်။တခြားနိုင်ငံတွေ မှာလည်းရှိပေမဲ့ သူတို့နိုင်ငံရဲ့ လူဖြူလူမည်း ခွဲခြားမှုကတော့ အခုထက်ထိကို မဆွေးမြေ့ပဲ ကျန်ရှိနေသေးတဲ့ နာမည်ကြီး လူမျိုးရေး ခွဲခြားမှုပဲဖြစ်ပါတယ်။လူဖြူရဲတွေက လူမည်းတွေကို တွေ့တာနဲ့ ရန်ရှာတယ် ပစ်သတ်တယ်ဆိုတာတွေက သူတို့နိုင်ငံမှာ မထူးခြားတော့ပါဘူး။အဲ့လိုလူမျိုးရေးခွဲခြားမှုတွေ ပပျောက် သွားအောင် ကြိုးစားနေတဲ့လူတွေရှိပေမဲ့ အနည်းနဲ့အများတော့ ကျန်ရှိနေပါသေးတယ်။အဲ့ဒါကြောင့် အဲ့လိုလူမျိုးရေးခွဲခြားမှုတွေကို ရပ်တန့်ပြီး လူမည်းတွေရဲ့ခံစားချက်တွေကို နားလည်အောင် ကွက်ကွက်ကွင်းကွင်းရိုက်ကူးပြသထားတဲ့ The American Society Of Magical Negroes ဆိုတဲ့ဇာတ်ကားကိုတင်ဆက် ပေးလိုက်ပါတယ်။ အယ်ရန်ဆိုတဲ့ လူငယ်လူမည်းတစ်ယောက်ဟာ လူဖြူတွေကြားမှာ သွားလာ ဆက်ဆံရတိုင်း အမြဲတမ်းအနှိမ်ခံရပြီး ဘယ်သူ့ရဲ့ အသိအမှတ်ပြုခြင်းကိုမှလည်း မခံရသူ တစ်ဦးပါ။တစ်ညမှာ ဘယ်သူမှ အဖက်မလုပ်တဲ့ သူ့ရဲ့အနုပညာလက်ရာကို ပြခန်းမှာ ပြပြီး ပြန်လာတဲ့လမ်းမှာ လူဖြူတွေနဲ့ပြဿနာတက်တော့မလို ဖြစ်တုန်း တခြားလူမည်းအဖိုးကြီးတစ်ယောက်က ဝင်ကူညီပေးခဲ့လို့ အယ်ရန်တစ်ယောက် အထောင်းသက်သာသွားပါတော့တယ်။ နောက်တော့ အဲ့ဒီလူမည်းအဖိုးကြီးက သူ့ကိုအလုပ်တစ်ခု ကမ်းလှမ်းခဲ့ပါတယ်။အဲ့ဒီ အလုပ်ကတော့ ရိုးရိုးတန်းတန်း အလုပ်မဟုတ်ဘဲ ဇာတ်ကားနာမည်အတိုင်း မှော်ဝင်နီဂရိုး အမေရိကန် အဖွဲ့အစည်းမှာ ဝင်အလုပ်လုပ်ဖို့ပါပဲ။အဲ့ဒီအဖွဲ့ အစည်းရဲ့ အဓိကတာဝန်ကတော့ သူတို့လူမည်းတွေ လူဖြူတွေရဲ့ ရန်ပြုခြင်းတွေ ရန်လိုခြင်းတွေမခံရဖို့အတွက် မှော်ပညာနဲ့ ပေါင်းစပ်ပြီး လူဖြူတွေကိုစိတ်ချမ်းသာအောင်လုပ်ပေးရတာပါပဲ။ ကြားရတာ ထူးထူးဆန်းဆန်းကြီးတော့ ဖြစ်နေမယ်ဆိုပေမဲ့ တကယ်တမ်း ဇာတ်လမ်းကိုကြည့်လိုက်တဲ့အခါမှာ မှော်ပညာ အပိုင်းတွေကို ဖယ်လိုက်ရင်ကျန်တဲ့အရာတွေအားလုံးက ဖြစ်ရပ်မှန်တစ်ခုလိုတောင် ဖြစ်နေမှာပါ။ဒီတော့အထက်မှာ ပြောခဲ့တဲ့အတိုင်း ယနေ့တိုင်မပြီးဆုံးနိုင်သေးတဲ့ ပြဿနာ တစ်ခုကို အမြင်တစ်မျိုးနဲ့ စိတ်ဝင်စားစရာကောင်းအောင် ရိုက်ကူးထားတဲ့ ဇာတ်ကားလေးဖြစ်တဲ့အတွက် ကောင်းတယ် မကောင်းဘူးကတော့ ကိုယ်တိုင်ပဲဝေဖန်ကြည့်ကြဖို့ပြောလိုက်ချင်ပါတယ်။ File size…1.66GB / 694MB Quality…WEB-DL 1080p 5.1CH / 720p Format…mp4 Duration….1h 44m Genre ….. Comedy , Fantasy Subtitle….Myanmar Subtitle (Hard Sub) Encoder….Min Wai Translated by Saw Lay

~ IMDb - 6.2/10, Rotten Tomatoes - 70% ~ စုံထောက် ဟာသ Series လေးပါ။ A Nightmare on Elm Street 3 က မင်းသမီးကြီး Patricia Arquette, Hitman: Agent 47 က မင်းသား Rupert Friend, Herbie: Fully Loaded က မင်းသား Matt Dillion တို့လို Cast အကြီးစားကြီးတွေပါဝင်သရုပ်ဆောင်ထားပါတယ်။ ဇာတ်လမ်းကတော့ ဆေးမှောင်ခိုကုန်သည် အကြီးစားကြီး ဘဝကနေ အထည်ကြီးပျက်ဖြစ်သွားပြီး ပက်ဂီ နယူးမန်းတစ်ယောက် ဟိုက်ဒီဆက်လို့ခေါ်တဲ့ မြို့လေးက ကောင်းဘွိုင်ခေတ်ပုံစံနဲ့ ခရီးသွားတွေကို ဆွဲဆောင်တဲ့နေရာလေးတစ်ခုမှာ ဖျော်ဖြေသူတစ်ယောက်အနေနဲ့ အသက်ဆက်နေရပါတယ်။ ငွေက မရှိ မောင်နှမတွေကို မလေးစားတဲ့ အခြေမဲ့အနေမဲ့ ဘဝကို ရောက်နေတာပေါ့။ အဲဒီအချိန်မှာ လုပ်ဖော်ကိုင်ဖက်တစ်ယောက်ရဲ့ ပြဿနာကို လိုက်ဖြေရှင်းပေးဖို့ လုပ်ရင်းကနေ အလွတ်စုံထောက်လုပ်ဖို့ စိတ်ကူးရသွားပါတော့တယ်။ လူရည်လည်သလောက် ဗဟုသုတကများတဲ့ ပက်ဂီနယူးမန်း ဘာလိုလိုနဲ့ အလွတ်စုံထောက် ရုံးခန်းမှာ ကိုယ့်ဘာသာ အလုပ်နေရာဝင်ယူပြီး ကိုယ့်ဘာသာ ရှာလာတဲ့ အမှုတွေကို ရှင်းရတာကို ဟာသနှောပြီး တင်ဆက်ပြထားတာကို ခွီနေရမယ့် စီးရီးကောင်းပါပဲ။ (ဒီစီးရီးကို အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 450MB Total - 8 Episodes Quality – 1080p Duration ~ 30min (@Episode) Subtitle – Myanmar Hardsub Format – Mp4 Genre : Comedy Source : ATVP.Web-dl.1080p Translator – 666 Encoder – Y

The Swan (2023) IMDb Rating – 6.8/10 ဇာတ်လမ်းအညွှန်း Netflix ကနေ ထပ်မံထွက်ရှိလာတဲ့ Roald Dahl ရဲ့ နောက်ထပ် Short story လေးတစ်ပုဒ်ဖြစ်ပါတယ်။ ဇာတ်လမ်းအမျိုးအစားကတော့ Comedy/ Drama ဖြစ်ပြီး ပီတာဝက်ထ်ဆန်လို့ခေါ်တဲ့ ကောင်လေးတစ်ယောက်ကို ရက်စက်ပြီး လက်နက်ကိုင်ထားတဲ့ ကောင်လေးနှစ်ယောက်က ပြန်ပေးဆွဲသွားတဲ့ ဇာတ်လမ်းတစ်ခုဖြစ်ပါတယ်။ ပီတာက ထက်မြက်ပြီးတော့ ငှက်လေးတွေကို စူးစမ်းလေ့လာရတာ ဝါသနာပါတဲ့ကောင်လေးတစ်ယောက်ပါ။ အနိုင်ကျင့်သူနှစ်ဦးက လှပတဲ့ ငန်းလေးတစ်ကောင်ကို ပစ်သတ်လိုက်တဲ့အခါမှာတော့ အနိုင်ကျင့်သမျှကို ငြိမ်ခံနေတဲ့ ပီတာရဲ့ သည်းခံစွမ်းအားတွေ ကုန်ဆုံးလာပါတော့တယ်။ အညွှန်းနဲ့ ဘာသာပြန်သူကတော့ nway oo k zaw ဖြစ်ပါတယ်။ File size…(440 MB)/(196 MB) Quality….Webrip 1080p / 720p Format…mp4 Duration….00:17:00 Genre...Drama Subtitle….Myanmar Subtitle (Hardsub) Encoder….Mr. Anderson Translated by Nway Oo K Zaw

Asteroid City က ပြဇာတ်တစ်ပုဒ်နဲ့ အဲဒီပြဇာတ်နောက်ကွယ်က အကြောင်းတွေကို အပိုင်းသုံးပိုင်းနဲ့ တင်ဆက်ထားတဲ့ Wes Anderson ရဲ့ ရုပ်ရှင်ပါ။ တစ်ပိုင်းမှာ တင်ဆက်သူက ပြဇာတ် ဘယ်လိုဖြစ်ပေါ်လာသလဲဆိုတာ မိတ်ဆက်ပေးတယ်။ နောက်တစ်ပိုင်းမှာ ပြဇာတ်နောက်ကွယ်က သရုပ်ဆောင်တွေရဲ့ ပုံရိပ်တွေနဲ့ အကြောင်းတွေကို ပြထားပြီး ရုပ်ရှင်ရဲ့ အချိန်အများစုမှာတော့ ပြဇာတ်ထဲက ဇာတ်လမ်းကို ကြည့်ရမှာ ဖြစ်ပါတယ်။ ဒီအပိုင်းသုံးခုကို သိထားရင် ဇာတ်လမ်းနောက်ကို လိုက်ရတာ ပိုရှင်းပါလိမ့်မယ်။ Isle of Dogs၊ The Grand Budapest Hotel နဲ့ Moonrise Kingdom တို့ကို ရိုက်ကူးခဲ့တဲ့ ဒါရိုက်တာရဲ့ ဒီကားမှာ Jason Schwartzman၊ Scarlett Johansson၊ Tom Hanks၊ Jeffrey Wright၊ Tilda Swinton၊ Bryan Cranston၊ Edward Norton၊ Adrien Brody၊ Steve Carell၊ Hong Chau နဲ့ Willem Dafoe တို့ ပါဝင်ထားကြပါတယ်။ အချစ်၊ ဟာသနဲ့ ဒရာမာ ရောစပ်ထားပြီး ဇာတ်လမ်းနဲ့ ရိုက်ချက်တွေကို အဓိပ္ပာယ်တစ်မျိုးထက်မက ကောက်ယူနိုင်အောင် တင်ဆက်ထားပါတယ်။

ယခင်ကအရမ်းတော်ခဲ့တဲ့ ရဲစုံထောက်ဟောင်းချာလီ ဝေါလ်ဒိုဟာ အခုတော့တောင်ပေါ်မှာတယောက်တည်း ခြိုးခြံတဲ့ ပုံစံနဲ့နေထိုင်နေပါတယ်။တရက်မှာတော့သူ့အရင်ရည်းစားဟောင်းကရောက်လာပြီး အလုပ်ကမ်းလှမ်းတဲ့အခါမှာ ဝေါလ်ဒိုတ‌ယောက်လည်း ၀န်လေးပေမယ့် အခြေအနေအမျိုးမျိုးကြောင့်သူထားပစ်ခဲ့တဲ့လောကကိုပြန်လည်၀င်ရောက်ရပါတော့တယ်။သူအရင်ကကျင်လည်ခဲ့တဲ့ LA မြို့ကြီးကိုပြန်လာပြီးမိန်းမကိုမူးရူးပြီးသတ်တယ်ဆိုပြီးစွပ်စွဲခံရတဲ့ နာမည်ကြီးရုပ်ရှင်မင်းသားတယောက်ကိုကူညီဖို့ အလွတ်စုံထောက်တယောက်အနေနဲ့စုံစမ်း‌ ပေးဖို့ဖြစ်လာရပါတယ်။အများထင်သလိုရိုးရှင်းမနေတဲ့ လူသတ်မှုရဲ့ တကယ့်လက်သည်ကဘယ်သူလဲ၊ဝေါလ်ဒိုကရော ဘာလို့သုံးနှစ်လုံးလုံးလူတိုင်းနဲ့အဆက်အသွယ်ဖြတ်ပြီးတောင်ပေါ်မှာနေနေရတာလဲ၊သူ့အရင်ရည်းစားကရောဘယ်လိုလူတွေနဲ့ပတ်သက်နေတာလဲဆိုတာကြည့်ရှူရမှာပါ။ စုံထောက်ဇာတ်လမ်းကြိုက်သူတွေအတွက် သင့်တော်တဲ့ရုပ်ရှင်ဖြစ်ပါတယ်။ဒါရိုက်တာTim Kirkby ရိုက်ကူးထားပြီးCharlie Hunnam,Mel Gibson,Morena Baccarin,Lucy Fry တို့ပါ၀င်ထားပါတယ် File size…(1.7 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:50:00 Subtitle….Myanmar Subtitle (Hardsub) Encoder….Mr. Anderson Translated by Sett Paing

သိပ္ပံစိတ်ကူးယဉ် အက်ရှင် ကောင်းတာလေး ကြည့်လို့ရအောင် တင်ပေးလိုက်ပါတယ်။ မင်းသားမင်းသမီးတွေကလည်း သိပြီးသားလူတွေပါပဲ။ ဇာတ်လမ်းကတော့ လူဝင်စားအယူအဆတွေကို အခြေခံထားပါတယ်။ ကမ္ဘာကြီးထဲက လူအချို့မှာအတိတ်ဘဝတွေအကုန်လုံးကို မှတ်မိနိုင်တဲ့ အစွမ်းပါလာတဲ့ လူတွေရှိနေပါတယ်။ သူတို့ သင်ခဲ့သမျှ တတ်ခဲ့သမျှတွေကိုပါ မှတ်မိနေတာဖြစ်တဲ့အတွက်ဘဝတွေ ကြာရှည်လာလေလ ပိုပြီး တော်လာလေလေပါပဲ။ ဒီလို လူတွေထဲမှာမှ နှစ်မျိုးကွဲနေပါတယ်။ တစ်ဖွဲ့ကတော့ ဒီအစွမ်းနဲ့ အသိပညာတွေကို လူသားတွေကော်းဖို့ သုံးသင့်တယ်လို့ထင်တဲ့အဖွဲ့ပါ။ နောက်တစ်ဖွဲ့ကတော့ ဒီလိုတွေ ပြန်ဝင်စားနေရတာဟာ ဆင်းရဲဒုက္ခမို့ ဒီဘဝကနေ လွတ်မြောက်ဖို့ အတွက် ကြိုးစားမယ့်အဖွဲ့ပါ။ သူတို့ ကြိုးစားတာကတော့ ရိုးရှင်းပါတယ်။ ပြန်ဝင်စားစရာမရှိအောင် သက်ရှိတွေ တစ်ယောက်မကျန် သတ်လိုက်ရင် သံသရာအေးသွားမယ်ဆိုတာပါပဲ။ အဲဒီလို နှစ်ဖွဲ့ နှစ်ပေါင်းများစွာ အားပြိုင်လာရင်းနဲ့ တစ်နေ့မှာ သူ့ကိုယ်သူ လူဝင်စားမှန်းမသိဘဲ စိတ်ရောဂါရှိနေတယ်ထင်လို့ ပြဿနာတွေ တက်နေတဲ့ မင်းသားကိုတွေ့သွားတဲ့အခါ အဲဒီမင်းသားက သူတို့ နှစ်ဖွဲ့လုံးအတွက် အရေးအကြီးဆုံးလူဖြစ်နေတာကြောင့် အပြိုင်အဆိုင် လာလုကြပါတော့တယ်။ ကမ္ဘာကြီးရဲ့ ကံကြမ္မာကပါ သူ့အပေါ်မှာ မူတည်နေတာကို သိသွားတဲ့အခါ... File Size :(900 MB) Quality : Web-DL 720P Format…mp4 Duration…01:48:00 Genre : Sci-Fi, Thriller Subtitle : Myanmar Subtitle (Hard Sub) Translated by Mr.Anderson Encoded by Phyo Pyae

ရုပ်ရှင်တစ်ပုဒ်ဟာ ပြဇာတ်တစ်ပုဒ်လို အိပ်ရာဝင်ပုံပြင်တစ်ပုဒ်လို စိတ်ကူးယဉ်ဆန်ပြီးလှပ​နေပြီဆိုရင် Director Wes Andersonရဲ့လက်ရာ​တွေနဲ့ မကင်းနိုင်ပါဘူး၊ သူ့ဇာတ်ကား​တွေရဲ့ narrativeပုံစံ ဇာတ်လမ်းတင်ဆက်ပုံနဲ့ Uniqueဖြစ်သလို Colorfulလည်းဖြစ်တဲ့ ရိုက်ကွင်းအပြင်အဆင်တွေ​ကြောင့် ရုပ်ရှင်နဲ့မတူဘဲ ပုံပြင်ကမ္ဘာထဲ လက်​တွေ့​ရောက်သွားသလို ခံစားချက်မျိုး၊ The Palais Garnier ပြဇာတ်ရုံမှာ ကိုယ်တိုင်ပြဇာတ်ကြည့်​နေရသလို ခံစားချက်မျိုး ရ​စေတာကို - The Grand Budapest Hotel (2014) နဲ့ - Moonrise Kingdom (2012)မှာ ခံစားခဲ့ရပြီးပါပြီ၊ ဒီ ဇာတ်လမ်းကလည်း Wes Andersonရဲ့ ​နောက်ထပ် ရုပ်ရှင်မဟုတ်​သောရုပ်ရှင်၊ ပြဇာတ် မဟုတ်​​သော ပြဇာတ်လို့ ထပ်ရည်ညွှန်းရမယ်ထင်ပါတယ် ဒီဇာတ်လမ်းက​​တော့ Andersonရဲ့ ဝတ္ထုတို​တွေကို ချစ်မြတ်နိုးမှု၊ စာနယ်ဇင်း​လောကကို နှစ်ခြိုက်မှုအ​ပေါ် ရုပ်ရှင်ဇာတ်ကားအဖြစ် အသက်သွင်းလိုက်တဲ့ လက်ရာမွန်တစ်ခုပါပဲ၊ Cast​တွေကလည်း ​ပြေးကြည့်စရာမလို​​​​အောင်ကို ဒိတ်ဒိတ်ကြဲ​ဖြစ်တဲ့၊ သူ့လက်စွဲ​တွေ ဖြစ်တဲ့ - Tilda Swinton (Dr. Strange, The Grand Budapest Hotel) - Ghostbusters မင်းသားကြီး Bill Murray၊ - The Pianistရဲ့မင်းသားကြီး Adrien Brody၊ - Edward Norton (Fight Club) တို့အပြင် Timothée Chalamet, Saoirse Ronan, Owen Wilson, Léa Seydoux, William Dafoe တို့လို အရှိန်အဝါကြီးတဲ့ Cast​တွေဖြစ်တာမလို့ Wesရဲ့လက်ရာဟာ ပိုကြွသလို ပိုလည်း လှပ​စေပါတယ်၊ USA ..Kansasမြို့ လုပ်ငန်းရှင်ကြီးတစ်ဦးရဲ့သားဖြစ်သူ ပထမနှစ်​ကျောင်းသား​လေး Arthur Juniorရဲ့ ခရီးသွားမှတ်တမ်း​စာစဉ်မှအစပြုခဲ့တဲ့ The French Dispatch မဂ္ဂဇင်းဟာ သူဆုံးပါးချိန်မှာပဲ ​နောက်ဆုံးထုတ်​ဝေမှုနဲ့ ပိတ်သိမ်းရ​တော့မှာပါ၊ နှုတ်ဆက်စာအုပ်မှာအထူးစာမူအဖြစ် ထည့်​ဝေဖို့ မဂ္ဂဇင်းရဲ့ထိပ်သီးစာမူရှင်​တွေဆီက စာမူ​တောင်းတဲ့အချိန်မှာ စာမူ၄ပုဒ်ထွက်လာပါတယ်၊ မဂ္ဂဇင်းတိုက်ရဲ့ဘဏ္ဍာ​ရေးအ​ခြေအ​နေအရ စာမူတိုင်းကိုထည့်ဖို့ခက်ခဲ​နေတဲ့အချိန်မှာ တစ်ပုဒ်ချင်းစီကို အယ်ဒီတာ​တွေအ​​နေနဲ့ အ​သေးစိတ်အကဲဖြတ်ရင်း ဇာတ်လမ်းတို​လေး ၄ပုဒ်အဖြစ် ကွဲထွက်သွားပါတယ် ဇာတ်လမ်း၁ပုဒ်ချင်းစီတိုင်းဟာ Arc တစ်ခုလို စာမူရှင်ရဲ့အာ​ဘော်အရ အ​ရေးအသား၊ တင်ဆက်ပြသပုံ၊ အ​ကြောင်းအရာ​တွေ အမျိုးမျိုးကွဲထွက်​နေတဲ့အခါ တစ်ပိုင်း​ရောက်တိုင်း အရသာတစ်မျိုးခံစားရင်း ချိုချဉ်ငန်ဖန်စပ်ခါး ​သောင်း​ပြောင်း​ထွေလာအရသာကို တပြိုင်တည်းရရှိစေမှာပါ၊ ဝတ္ထုတို​တွေဖြစ်တဲ့အတွက်​ကြောင့် တစ်ပိုင်းချင်းစီဟာ ပုံပြင်ဖတ်​နေရသလို ခံစားမိ​စေတဲ့ Wesရဲ့အာ​ဘော်က​နေလည်း ​သွေဖီမသွားပြန်ပါဘူး၊ တစ်ပိုင်းချင်းစီက ရသတစ်မျိုး​ပေးသလို ကိုယ့်အ​တွေးနဲ့ ကိုယ်​​​သောက်ကြသည် ဆိုသလို ဇာတ်လမ်းက​ပေးတဲ့ အမြင်​တွေ၊ ခံစားချက်​တွေ အ​တွေးအ​ခေါ်​တွေ တစ်ဦးနဲ့တစ်ဦးတူမှာ မဟုတ်ပါဘူး၊ ဒီလိုမတူခြားနားတဲ့ အမြင်​တွေကိုပဲ Wes Anderson အ​နေနဲ့ ​ပေးချင်ပုံရပါတယ် ဇာတ်ကား​ကောင်းကြီးဖြစ်တာနဲ့အညီ သူနဲ့ထိုက်တန်တဲ့ rating​တွေ အသိအမှတ်ပြုခံရမှု​တွေ ကပ်ပါလာမြဲပါပဲ၊ ရုပ်ရှင်အသိုင်းအဝိုင်းမှာ အရှိန်အဝါကြီးတဲ့ Cannes နဲ့ Golden Globe award ​တွေအတွက် Nominations ​ဝင်ထားသလို လက်ရှိမှာ စုစု​ပေါင်း nomi 44ခုထိ စာရင်းရှိတဲ့ဇာတ်ကားဖြစ်ပါတယ်။ Detroit Film Critics Society (DFCS) နဲ့ Southeastern Film Critics association မှာ Best Ensemble 2 ဆုကိုလည်း ပူပူ​နွေး​နွေးရရှိထားတာပါ၊ ပုံမှန် ရုပ်ရှင်ကြည့်ပရိတ်သတ်​တွေနဲ့ မစိမ်းတဲ့ - IMDbမှာ 7.5, -Rotten Tomatoes မှာ review​ပေါင်း 273ခုနဲ့ Tomatometer 74%အထိ ​မှတ်​ကျောက်တင်ထားနိုင်ပါတယ်၊ ဒါရိုက်တာ Wes Andersonရဲ့ရုပ်ရှင်မဟုတ်​သောရုပ်ရှင်ကို ခံစားကြည့်ရှုရင်း စိတ်ကူးယဉ်ကမ္ဘာမှာ ​ပျော်​မွေ့နိုင်ဖို့ CMမှ တင်ဆက်​ပေးလိုက်ပါပြီ အညွှန်းကိုတော့ JimX က ရေးထားပေးပြီးတော့ ဘာသာပြန်ထားတာကတော့ JYJ ပဲ ဖြစ်ပါတယ်။ Genre.....Comedy, Drama, Romance Quality….WEB-DL 1080p and 720p File size…1.5GB and 894MB and 293MB Format…mp4 Duration….1h 47min Subtitle….Myanmar Subtitle (Hardsub) Translator ..... JYJ Encoder ..... August

A Simple Favor (2018) IMDb Rating (6.8) / Rotten Tomatoes (88%) ဒိတ်ဒိတ်ကြဲမင်းသမီးနှစ်ယောက်ဖြစ်တဲ့ Blake Lively နဲ့ Anna Kendrick တို့ တက်ညီလက်ညီသရုပ်ဆောင်ထားတဲ့ Comedy/Mystery ရုပ်ရှင်ကားလေးပါ ဇာတ်လမ်းနာမည်ကသာ A Simple Favor ဖြစ်ပေမယ့် တစ်ကားလုံး Twist တွေ Turn တွေအပြည့်နဲ့မို့ ကြည့်ရတာတန်စေရမယ်လို့အာမခံပါတယ် ဇာတ်လမ်းအကျဉ်းကတော့.. စတက်ဖနီက ငယ်ငယ်ရွယ်ရွယ်လေးနဲ့ မုဆိုးမဖြစ်ပြီး သားလေးမိုင်းစ်ကိုတစ်ကိုယ်တည်း ပျိုးထောင်နေသူလေးပါ ကျောင်းကိစ္စဆိုလည်း ဘယ်နေရာမဆိုတက်ကြွလွန်းလို့ တခြားကလေးမိဘတွေကတောင် အမြင်ကတ်ရသူဖြစ်ပါတယ်။ အမ်မလီကတော့ အထက်တန်းကျကျ ဖက်ရှင်ကုမ္ပဏီတစ်ခုရဲ့ အရေးပါအရာရောက်သူ အနေအထိုင် အပြောအဆိုကအစ ခေတ်ရှေ့ပြေးသလောက် သားဖြစ်သူနစ်ကီ့ကို အလုပ်ကိစ္စတွေကြောင့် အာရုံသိပ်မစိုက်နိုင်သူ စရိုက်မတူတဲ့သူတို့နှစ်ယောက် ကလေးတွေကိုအကြောင်းပြုပြီး ခင်မင်သွားကြပါတော့တယ် တစ်ရက်တော့ အလုပ်ကိစ္စကြောင့် နစ်ကီ့ကိုကြိုပေးဖို့ စတက်ဖနီကိုအကူအညီတောင်းပြီး အမ်မလီတစ်ယောက် ထူးဆန်းစွာ ပျောက်ဆုံးသွားပါတော့တယ်။ အချစ်ဆုံးသူငယ်ချင်းအမ်မလီကို စတက်ဖနီကိုယ်တိုင်ရှာပုံတော်ဖွင့်ရာမှ မထင်မှတ်တာတွေ တခုပြီးတခုထွက်ပေါ်လာတဲ့အခါမှာတော့...။ ဒါရိုက်တာ Paul Feig ကရိုက်ကူးထားပြီး Crazy Rich Asians က မင်းသားချော Henry Golding လည်းပါဝင်အားဖြည့်ထားပါတယ်။ File size…(5.5 GB)/(1.7 GB )/(1.1 GB) Quality…BluRay 4K HEVC/ 1080p HEVC / 720p Format…mkv/mp4 Duration….01:57:00 Subtitle….Myanmar Subtitle (Hardsub) Encoder….Ka Naung Translated by May Myat Thu

At Eternity's Gate (2018) IMDb Rating (6.9) / Rotten Tomatoes (79%) အချိန်မှားပြီးမွေးဖွားခဲ့တဲ့ ခေတ်အဆက်ဆက်တည်မြဲနေဦးမယ့် ပန်းချီကားတို့ရဲ့ ဖန်တီးရှင်ဗင်းဆင့်ဗန်ဂိုးဟာ ဒတ်ချ်လူမျိုးပန်းချီဆရာတစ်ယောက်ပါ။ သူ့ရဲ့စိတ်ခံစားချက်ကို အရောင်များနဲ့ဖော်ပြတတ်သူဖြစ်ပြီး သူ့ရဲ့ပန်းချီကားတွေမှာ ပြင်းပြတဲ့စိတ်ဆန္ဒကို ကြက်သီးထဖွယ်တွေ့မြင်ရတတ်ပါတယ်။ သူဟာပန်းချီကို အလွန်ရူးသွပ်သူတစ်ယောက်ဖြစ်ပြီး အသက် ၂၇နှစ်မှစတင်ပြီး ပန်းချီဆွဲခဲ့တာပါ။ လောကမှ နာမည်အကျော်ကြားဆုံးနဲ့ ကံအဆိုးဆုံး ပန်းချီဆရာတစ်ယောက်ဆိုရင်လည်း မမှားပါဘူး။ ဘာလို့လဲဆိုတော့ သူဟာ အချိန်မှားပြီးမွေးဖွားလာခဲ့လို့ပါပဲ။ သူ့ခေတ်က ပန်းချီပညာရှင်အများစုက သူ့ကို အသိအမှတ်မပြုခဲ့ကြပေမယ့် ခေတ်သစ်ပန်းချီဆရာတွေကတော့ သူ့ပန်းချီကားတွေရဲ့ထူးခြားချက်ကို အသိအမှတ်မပြုဘဲ မနေနိုင်ကြပါဘူး။ သူ့ပန်းချီကားတွေဟာ သူသေဆုံးပြီး နှစ်၃၀ဆယ်ခန့်ကြာမှ စတင်နာမည်ကျော်ကြားလာခဲ့တာဖြစ်ပါတယ်။ ဘဝတစ်လျှောက်လုံး ဆင်းရဲနွမ်းပါးစွာနေလာခဲ့ရပြီး သေသွားသည့်တိုင်အောင်သူ့ကို ဘယ်သူကမှ အသိအမှတ်မပြုခဲ့ပါဘူး။ ဒါပေမယ့် ၁၀နှစ်လုံးလုံး ပန်းချီဆွဲတဲ့အလုပ်ကို စိတ်ဓာတ်ကြံ့ခိုင်စွာနဲ့ ဇောက်ချလုပ်ခဲ့ပါတယ်။ အသက် ၃၇နှစ်မှာသေဆုံးခဲ့ပြီး ပန်းချီဆွဲခဲ့တဲ့ ၁၀နှစ်တာ ကာလတစ်လျှောက်မှာပန်းချီကားချပ်ပေါင်း ၁၆၀၀ခန့်ရေးဆွဲခဲ့ပါတယ်။ ပန်းချီကားတိုင်းဟာ သူပြောပြချင်တဲ့ အကြောင်းအရာတွေသူဖော်ပြချင်တဲ့ စိတ်ခံစားမှုအခြေအနေတွေ ပြည့်နှက်နေပါတယ်။ သူအသက်ရှင်စဉ်ကာလတစ်လျှောက်မှာ ပန်းချီကားက ၁ချပ်ပဲရောင်းခဲ့ရပါတယ်။ အဲ့ဒါတောင်မှ သူ့မိတ်ဆွေနာမည်ကြီး ပန်းချီဆရာတစ်ယောက်ကခင်မင်မှုသဘောနဲ့ဝယ်ယူခဲ့တာပါ။ အစမှာပြောခဲ့သလိုပဲသူဟာ အချိန်မှားပြီး မွေးဖွားလာခဲ့တာပါ။ အခုချိန်မှာဆိုရင်တော့ သူ မသေခင်ကရေးဆွဲခဲ့တဲ့ "Portrait of Dr Gachet" ဆိုတဲ့ ပန်းချီကားဟာ ဒေါ်လာ ၁၀၀ မီလီယံကျော်တန်ကြေးရှိပါတယ်။ ဒါတွေကတော့ ဇာတ်ကားလေးမကြည့်ခင် သိထားသင့်တဲ့သူ့ရဲ့သနားစဖွယ် ဇာတ်ကြောင်းလေးတစ်ခုပါ။ ဒီဇာတ်ကားလေးထဲမှာတော့ အနုပညာကိုရူးသွပ်ပြီး သိပ်ကိုသံယောဇဉ်ကြီးမားတဲ့ ဗင်ဆင့်ကိုဂရုဏာသက်ဖွယ် တွေ့ရှိရမှာပါ။ ဒီဇာတ်ကားလေးဟာ အနုပညာရှင်ကြီး ဗင်ဆင့်ဗန်ဂိုးရဲ့ အတ္ထုပ္ပတ္တိဆိုရင်လည်း မမှားပါဘူး။ ဒါ့အပြင် ကမ္ဘာကျော် ပန်းချီဆရာကြီး ဗင်ဆင့်ဗန်ဂိုးရဲ့ အနုပညာအပေါ်သဘောထားနဲ့ ခိုင်မာတဲ့စိတ်ဓာတ်ကို ဒီဇာတ်ကားထဲမှာ လေးစားဖွယ်တွေ့ရှိရမှာပဲဖြစ်ပါတယ်။ File size… (2.4 GB) / (1.9 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History Duration…. 01:51:37 Subtitle…. Myanmar Subtitle (Hardsub)

The Death of Stalin (2017) IMDb....7.3,,,Rotten......96% စစ်အာဏာရှင်ဆိုပြီး စတာလင်ကို မသိတဲ့သူ ခပ်ရှားရှားပါပဲ... သူ့ရဲ့ အကြောင်းတွေဟာ   သမိုင်းစာမျက်နှာရဲ့ ဆိုးယုတ်မှုဆိုတဲ့ခေါင်းစဉ်အောက်မှာ အမြဲနေရာယူထားလေ့ရှိတယ်... လူသန်းပေါင်း (၂၀)ခန့်ကို သတ်ခဲ့တဲ့သူ.. သတ်ခဲ့ရတဲ့ အကြောင်းရင်းတွေကလည်း သူ့အတ္တနဲ့ သူ့မာနတွေကြောင့်က ခပ်များများ..... ဒီလို အာဏာရှင်ကို လူတိုင်းက သေချင်နေကြနေကြတယ်.... ဒီဇာတ်ကားကတော့ စတာလင် ရုတ်တရက်ကွယ်လွန်သွားပြီးတဲ့နောက်ပိုင်းမှာ အုပ်ချုပ်ရေးပိုင်းက လူကြီးတွေကရော ဘယ်လိုတွေတုန့်ပြန်ကြလဲ...ဘယ်လိုတွေရှေ့ဆက်ကြလဲ.... ဒါတွေအားလုံးကို ဟာသလေးနှောပြီး ပြောင်မြောက်စွာပုံဖော်ထားတယ်... ဟာသနှောတယ်ဆိုပြီး ဒီကားကရဲ့ ပုံစံကိုတစ်မျိုးမထင်လိုက်နဲ့ဦး... အကုန်လုံးက ပညာသားပါပါနဲ့ လှလှပပလေးထိုးနှက်သွားတာ.. မူရင်းပုံစံတွေနဲ့ အနှစ်သာရလည်းမပျောက်ပျက်အောင် သမိုင်းကြောင်းကိုလည်း သွေဖီမသွားအောင် အားလုံးကို အပြောင်မြောက်ဆုံးတင်ဆက်ထားတယ်... ဒါကြောင့်လည်း  ဆုပေါင်း(၁၈)ဆု အခြားဆုများအတွက် ဆန်ကာတင်(၃၂)ဆု ရွေးချယ်ခံရသလို Rating တွေအနေနဲ့လည်းအမြင့်ဆုံးကိုရရှိထားတယ်... ကိုင်း နိုင်ငံရေးကိုလည်း လေ့လာဖြစ် ဟာသလေးတွေလည်း သဘောကျတဲ့အဖြစ်ကို ရောက်ရှိစေမယ့် ကားဆိုတော့ ကြည့်လိုက်ကြပါဦးဗျို့.... File Size : 2.18GB/ 840MB Quality : Blu-Ray 1080p 5.1 CH/ Blu-Ray 720p Format…mp4 Duration…01:47:00 Genre :  Comedy, Drama, History Subtitle : Myanmar Subtitle (Hard Sub) Translated by Paing Encoded by Tiff

IMDb Rating 5.7 ရရှိထားတဲ့ ဇာတ်ကားကောင်းတစ်ကားဖြစ်ပါတယ်။ အေးဂျင့်47 ဟာ မျိုးဗီဇပြုပြင်ထားတဲ့ အဆင့်မြင့်ကြေးစားလူသတ်သမားတစ်ယောက်ဖြစ်ပြီး သူဟာ သာမန်ကြေးစား လူသတ်သမားထက် ပိုမိုတဲ့ စွမ်းအင်တွေရှိပြီး သူ့ကို အလွယ်တကူ သတ်ဖြတ်လို့ မရပါဘူး။ သူ့ဦးခေါင်းနောက်စေ့မှာ သူ့ကိုယ်ပိုင်နံပတ် ၄၇ ဆိုတာပါရှိပြီး အဲဒီနေရာကို ဖျက်ဆီးပစ်နိုင်မှာသာ အေးဂျင့်47လိုမျိုးဗီဇပြင်အဆင့်မြင့် ကြေးစားလူသတ်သမားတွေကိုသတ်ဖြတ်နိုင်မှာ ဖြစ်ပါတယ်။ ဇာတ်ကားစစချင်းမှာ အေးဂျင့်47ဟာ ကောင်မလေး တစ်ယောက်ကို ရှာဖွေပါတယ်။အဲဒီကောင်မလေးဟာ ဥရောပတိုက်ကဖြစ်ပြီးအဲဒီကောင်မလေး နောက်ကို အေးဂျင့်47လိုက်နေချိန်မှာအေးဂျင့်47  နောက်ကိုလည်း အခြားသူတွေက လိုက်နေပါတယ်။ အေးဂျင့် 47 လိုက်ရှာနေတဲ့ ကောင်မလေး ကတော့ ကတ်တီးယား ဆိုတဲ့ ကောင်မလေးပဲ ဖြစ်ပါတယ်။  အဲဒီကောင်မလေးဟာ ဘေးကြုံခါနီးမှာ သူ့ဘေးကို ကြိုမြင်နိုင်တဲ့ အစွမ်းရှိပြီး အေးဂျင့် 47 သူဆီ လာနေတာကိုကြိုသိလိုက်တာနဲ့ ခြေရာဖျောက်ထွက်ပြေးပါတယ်။ အေးဂျင့်47 ကို ခြေရာဖျောက် ပြေးလာတဲ့ ကတ်တီးယား မြေအောက် ဘူတာရုံ အရောက်မှာ  ဂျွန်စမစ်ဆိုတဲ့ လူတစ်ယောက် သူ့ဆီ ချည်းကပ်လာပြီး စကားပြောဖို့ ကြိုးစားချိန်မှာ မြေအောက် ဘူတာရုံထဲ အေးဂျင့် ၄၇ ရောက်လာပြီး လုပ်ကြံ သတ်ဖြတ်တဲ့ အတွက် သူတို့နှစ်ယောက် ထွက်ပြေးရပါတယ်။ စမစ်ဟာ ကတ်တီးယားကို တမင် အဖမ်းခံရအောင် လုပ်ပြီး အမေရိကန်သံရုံးထဲဆီ ခေါ်သွားပါတယ်။ အမှန်တော့ အေးဂျင့် ၄၇ လက်က လွတ်အောင် အမေရိကန် သံရုံးထဲ ရောက်အောင် လုပ်ခဲ့တာ ဖြစ်ပါတယ်။ အမေရိကန် သံရုံးထဲ ရောက်ရင် အေးဂျင့်  ၄၇ လက်ထဲက လွတ်သွားမယ်လို့ ထင်ခဲ့ပေမယ့် ထင်သလို ဖြစ်မလာခဲ့ပါဘူး။ ဖခင်ကို တွေ့ဖို့လိုက်ရှာနေတဲ့ ကတ်တီးယား တစ်ယောက် အခက်အခဲအန္တရာယ်တွေရင်ဆိုင်ရင်း အေးဂျင့် 47 နဲ့ အတူ ထွက်ပြေးလွတ်မြောက်ခဲ့ပုံ၊ အေးဂျင့် 47 နဲ့အတူ စွန့်စားခဲ့ပုံများကို ရင်သပ်ရှုမောဖွယ်ရာခံစားနိုင်ဖို့ Movie ကိုသာ ကြည့်ကြပါကုန်။ ဒီဇာတ်ကားဟာ နာမည်ကျော် ဗီဒီယိုဂိမ်း “Hitman” အတွဲလိုက်ကို ရုပ်ရှင်အဖြစ် အသက် သွင်းထားတာ ဖြစ်ပြီး ရုပ်ရှင်ဇာတ်ကားကြီး အဖြစ်လည်း ထွက်ရှိခဲ့ဖူးပါတယ်။ ဒီဇာတ်ကားကို ဒါရိုက်တာအဖြစ် အလက်ဇန်းဒါးဘတ်ရှ်က ဆောင်ရွက် ရိုက်ကူးတာဖြစ်ပြီး ဇာတ်လမ်းကိုတော့ စကစ်ဝုဒ် ရေးသားခဲ့တာ ဖြစ်ပါတယ်။ (ဇာတ်ကားအညွှန်းကိုThe Messenger မှ ကူးယူဖော်ပြထားပါတယ်။ ဇာတ်လမ်းကိုဘာသာပြန်ပေးသူ ကတော့ Ye Kyaw Htet ဖြစ်ပါတယ်။) File Size : 895 MB and 3.4GB Quality : HDRip 720P and 4K(BluRay) Running Time : 1h 36m Source : Ganool Translated : Ye Kyaw Htet Encoded : San Win Maung

အသက် ၁၉ နှစ်အရွယ် Eric Love ဟာ လူကြီးထောင်ကို ပြောင်းရွှေ့ခံလိုက်ရပါတယ်။ အဲဒီထောင်မှာ သူ့အဖေ Neville ကလည်း အကျဉ်းသားအဖြစ် ရှိနေပြီးသားပါ။ ဒေါသကြီးပြီး စိတ်ဆတ်တဲ့ Eric အတွက် ကြမ်းတမ်းတဲ့ အကျဉ်းသားတွေကြား နေထိုင်ရတာဟာ ရုန်းကန်ရမယ့် ဘဝသစ်တစ်ခု ဖြစ်လာတယ်။ အဖေဖြစ်သူကလည်း သား ထောင်ထဲမှာ အခြေကျနိုင်ဖို့ ကူညီပေးဖို့ ကြိုးစားပါတယ်။ ဗြိတိသျှဒါရိုက်တာ David Mackenzie ရိုက်ကူးထားပြီး Eric အဖြစ် Jack O’Connell ပါဝင်ထားပါတယ်။ အုတ်နံရံနဲ့ သံတိုင်တွေကြားက ကြမ်းတမ်းတဲ့ဘဝ၊ အမုန်းတရားနဲ့ ဒေါသတွေအပြင် သားအဖနှစ်ယောက်ကြားက မေတ္တာကိုပါ ပြထားတယ်။ အက်ရှင်ခန်းတွေနဲ့ စကားအသုံးအနှုန်းတွေကလည်း ကြမ်းတမ်းပါတယ်။

The Boy in the Striped Pyjamas(2008) (ဒီကားကို ကျွန်တော်တို့ Channelmyanmar ကနေ ၂၀၁၅ ခုနှစ်လောက်က ဘာသာပြန်တင်ဆက်ပေးခဲ့ပြီးပါပြီ... သို့ပေမယ့်လည်း   မူရင်းဇာတ်ကားအနှစ်သာရကိုထိခိုက်သွားစေမဲ့ စာသားတွေပါသွားပါတယ်...ဒီအတွက် မဆီလျော်ကြောင်းလာရောက်အကြံပြုလာပါတယ်... ကားကောင်းလေးလည်းဖြစ်တော့  ဘာသာပြန် Sherlock ကိုပြန်လည်ပြင်ဆင်ခိုင်းပြီး တင်ဆက်ပေးထားပါတယ်..နောက်ပိုင်းမှာလည်း ကျွန်တော်တို့ဆီမှ မူရင်းဇာတ်ကားကို သွေဖီစေတဲ့စာသားတွေ မပါအောင်အတတ်နိုင်ဆုံး ဂရုစိုက်နေပါတယ်..လာရောက်အကြံပြုပြောဆိုတဲ့သူတွေကိုရော အားပေးတဲ့သူတွေကိုရော ကျေးဇူးတင်ပါတယ်....)))) ဒီဇာတ်ကားလေးက IMDb rating 7.8 အထိရရှိထားပြီး ဒုတိယကမ္ဘာစစ်ကိုအခြေခံကာရိုက်ကူးထားတဲ့ Drama ဇာတ်ကားကောင်းလေးတစ်ကား ဖြစ်ပါတယ်။ Action အားပေးနေကြ ပရိတ်သတ်တွေအတွက်လည်း အပြောင်းအလဲလေးဖြစ်အောင်ကြည့်သင့်ပါတယ်။ ဒီဇာတ်ကားလေးကိုကြည့်ပြီးတဲ့အခါ message တစ်ခုခုချန်ထားပေးခဲ့မယ့် ဇာတ်ကားလေးဆိုတာကိုတော့ အာမခံပြောချင်ပါတယ်။ လူသားချင်း ထောက်ထားညှာတာမှုတွေကိုတွေ့မြင်နိုင်မယ့်ဒီဇာတ်ကားလေးဟာ ဖြူစင်သန့်ရှင်းတဲ့ ကလေးငယ်တွေရဲ့စိတ်ကိုလည်းသိမြင်နိုင်မယ့် တကယ့်ဇာတ်ကားကောင်းလေးပါ။ ဇာတ်လမ်းကတော့ ဒုတိယကမ္ဘာစစ်အတွင်း ဂျူးလူမျိုးတွေထားတဲ့အကျဉ်းစခန်းကို အုပ်ချုပ်ရတဲ့ဂျာမနီတပ်အရာရှိကြီးရဲ့ (၈)နှစ်အရွယ်သားလေးကို ဇာတ်အိမ်တည်ထားပြီးရိုက်ကူးထားပါတယ်။ ဂျူးအကျဉ်းသားတစ်ဦးရဲ့ သားဖြစ်သူ ရွယ်တူကောင်လေးတစ်ယောက်နဲ့ အကျဉ်းစခန်းမှာ မထင်မှတ်ပဲတွေ့ကြတဲ့နောက်မှာ ရန်ဘက်မျိုးနွယ်စုကြီး(၂)စုက အပြစ်မဲ့ကလေး(၂)ယောက်ရဲ့ သံယောဇဉ်ကို ပီပြင်အောင် ရိုက်ပြထားတာဖြစ်ပါတယ်။ ဒီဇာတ်ကားထဲမှာ ခိုးစားရတဲ့အသီးဟာ ချိုတယ်ဆိုတဲ့ စကားပုံလိုပဲ သူငယ်ချင်းဖြစ်လို့မရတဲ့ရန်သူမျိုးနွယ်စု (၂)ဖက်က ကလေး(၂)ယောက်ကြားထဲက Forbidden Friendship ကို ကြည်နူးဖွယ်ရာနဲ့စတင်ထားပြီးတော့ ကြေကွဲဖွယ်ရာဇာတ်လမ်းဆင်ထားတာကို တွေ့ရမှာဖြစ်ပါတယ်။ File Size : (879 MB) Quality : Blu-Ray 720p Format…mp4 Duration…01:34:00 Genre :  Drama , War Subtitle : Myanmar Subtitle (Hard Sub) Translated by Sherlock Encoded by Phyo Pyae

၂၀၀၇ ခုနှစ်ကထွက်ရှိခဲ့တဲ့ သမိုင်းနောက်ခံအက်ရှင်စွန့်စားခန်း ရုပ်ရှင်ဖြစ်တဲ့ The Last Region နဲ့ မိတ်ဆက်ပေးချင်ပါတယ်။ ဒါရိုက်တာ Doug Lefler က ရိုက်ကူးပေးထားပြီး ၂၀၀၂ ခုနှစ်ကထွက်ရှိခဲ့တဲ့ Valerio Massimo Manfredi ရဲ့ The Last Region ဝတ္တုကို အခြေခံထားပါတယ်။ Colin Firth ၊ Ben Kingsley နဲ့အိန္ဒိယရုပ်ရှင်မင်းသမီး Aishwarya Rai တို့လိုအကျော်အမော်တွေ ပါဝင်သရုပ်ဆောင် ထားပါတယ်။ အနောက်ရောမအင်ပါယာပြိုလဲခဲ့တဲ့ ၅ ရာစု ဥရောပသမိုင်းကြောင်းကဖြစ်ရပ်တွေကို စိတ်ကူးဉာဏ်ကွန့်မြူးပြီး ရိုက်ကူးထားတာဖြစ်ပါတယ်။ King Arthur ဒဏ္ဍာရီဖြစ်ပေါ်လာစေဖို့ အခြေခံအကြောင်းအရာတွေလည်း ထည့်သွင်းရိုက်ကူးထားတာ မြင်တွေ့ရပါတယ်။ ဇာတ်လမ်းအကျဉ်း ရောမအင်ပါယာပြိုလဲပြီးတဲ့နောက် အသက် ၁၂ နှစ်အရွယ် နောက်ဆုံးဧကရာဇ် Romulus Augustus ဟာ ကာပရီကျွန်းပေါ်မှာ အကျဉ်းသားဖြစ်လာခဲ့ပါတယ်။ ဒါပေမဲ့ Romulus ရဲ့ ပညာရှိဆရာဖြစ်တဲ့ Ambrosinus နဲ့တော်ဝင်အစောင့်တပ်မှူး Aurelius တို့ရဲ့ကယ်တင်မှုနဲ့ ကာပရီကျွန်းကနေ လွတ်မြောက်လာခဲ့ပါတယ်။ ရောမကိုသိမ်းပိုက်ခဲ့တဲ့ဂေါ့သ်တွေ လက်ကထွက်ပြေးရင်း Romulus နဲ့သူ့လူတွေဟာ ဒဏ္ဍာရီလာနဂါး တပ်ဖွဲ့ကိုရှာဖွေဖို့ ဘရစ်တားနီးယားကိုရောက်ရှိလာပြီး ဘုရင်အာသာမွေးဖွားလာဖို့အတွက်လည်း အစပျိုးလာခဲ့ပါတော့တယ်။ File size…2.23GB / 1.3GB Quality…WEB-DL 1080p 5.1CH / 720p Format…mp4 Duration….1h 41m Genre ….. Action , Adventure , History Subtitle….Myanmar Subtitle (Hard Sub) Encoder….Min Wai Translated by JULY

Pride & Prejudice (2005) IMDb Rating (7.8) / Rotten Tomatoes (87%) မင်းသမီး Keira Knightley ကို စတင်နာမည်ကြီးစေခဲ့တဲ့ရုပ်ရှင်ဖြစ်သလို အသက် ၂၀ အရွယ်လေးမှာ ရိုက်ထားတာမလို့ ဒီကားထဲမှာ အရမ်းချစ်စရာကောင်းနေတာ မြင်တွေ့ရမှာပါ။ မင်းသားကြီး Matthew Macfadyen နဲ့အတူ တခြားနာမည်ကြီးမင်းသမီးတွေဖြစ်ကြတဲ့ Rosamund Pike, Carey Mulligan,Jena Malone တို့လဲပါဝင်ထားပါတယ်။ ၁၈၁၃ ခုနှစ်တုန်းက Jane Austen ရေးသားခဲ့တဲ့ ဝတ္ထုတစ်ပုဒ်ဖြစ်ပြီးတော့ ပြဌာန်းစာအုပ်တွေမှာလည်း ဖော်ပြခြင်းခံရတဲ့ နာမည်ကျော်ဝတ္ထုလေးကို 2005 ခုနှစ်မှာ ဒါရိုက်တာ Joe Wright က ဇာတ်လမ်းအဖြစ်အသက်သွင်းခဲ့တဲ့ဇာတ်ကားလေးပါ.. Drama အချစ်ဇာတ်လမ်းအေးအေးလေးတစ်ပုဒ်ဖြစ်ပေမယ့် စိတ်ဝင်စားစရာလေးပါ... ဇာတ်လမ်းလေးက ၁၈ရာစုနှောင်းပိုင်းဂျော်ဂျီယန် အင်္ဂလန်ခေတ် တစ်နည်းအားဖြင့်ပြောရရင် အတန်းစားခွဲတဲ့ခေတ်ပေါ့ ..အဲ့ခေတ်မှာအခြေတည်ထားပါတယ်... သာမန်လူတန်းစားဖြစ်ကြတဲ့ Bennet မိသားစုက သမီးတွေချည်းပဲ၅ယောက်မွေးထားတော့ သူတို့အမေရဲ့ဘဝမှာတစ်ခုတည်းသောမျှော်မှန်းချက်က သူ့သမီးတွေကိုလူချမ်းသာယောက်ျားတွေနဲ့ အိမ်ထောင်ပြုခိုင်းဖို့ပဲပေါ့.. အဓိကဇာတ်ဆောင်မင်းသမီးဖြစ်တဲ့ Elizabeth (Keira Knightly) ကညီအစ်မတွေတည်းမှာ ခပ်သွက်သွက်နဲ့ စိတ်ထဲရှိရာထုတ်ပြောရဲတဲ့ မိန်းကလေးပေါ့.. တစ်နေ့မှာသူတို့မြို့ကို အထက်တန်းလွှာထဲက လူပျိုလူလွတ်၂ယောက်ကရောက်လာတော့ သူ့သမီးတွေ အဆင်ပြေရေးအတွက် Bennet မိခင်ကြီးပျာယာတွေခတ်ပြီပေါ့... ဖြစ်ချင်တော့တော်ရုံသဘောမကျတတ်တဲ့ Elizabeth တစ်ယောက် မာနကြီးတဲ့ Mr.Darcy(Matthew Macfadyen) ဆိုတဲ့ အထက်တန်းလွှာလူပျိုတစ်ယောက်ကိုသဘောကျမိသွားတယ်ပေါ့ .. ဒီကားဟာ အဓိကနဲ့သာမညအပေါ်စဉ်းစားဆင်ခြင်နိုင်စွမ်းကိုအလေးပေးထားပါတယ်.. ရည်ရွယ်ချက်ကောင်းသလို ဇာတ်လမ်းထဲက ဒိုင်ယာလော့တွေကလည်း ပြောင်မြောက်ပါတယ်.. ပေးချင်တဲ့ Message လေးတွေကလည်း လှပလွန်းတော့ ခံစားကြည့်လိုက်ပါဦးလို့. အော်စကာ (၄)ဆုဆန်ကာတင်စာရင်းဝင်ခဲ့သလို အခြားဆုပေါင်း (၁၃)ခုလည်းရရှိခဲ့ပါတယ်... ရုပ်ရှင်အညွှန်းနဲ့ဘာသာပြန်သူကတော့ ညီမငယ်  JtheKoala ဖြစ်ပါတယ်... (Open Matte Version နဲ့တင်ဆက်ထားတာမလို့ BluRay ထက်ပိုမိုပြည့်စုံပြီး Screen အပြည့်နဲ့ အပို View တွေပါမြင်ရမှာဖြစ်ပါတယ်။ 4K Version ကိုလဲ အကောင်းဆုံး ကြည်တောက်ရှင်း ရုပ်ထွက် Version ကိုရွေးချယ်တင်ဆက်ထားပေမယ့် ဒီ Version မှာတရုတ်စာအသေပါနေတာကိုတော့ ပြင်ဆင်နိုင်ခြင်းမရှိကြောင်း ကြိုတင်ရှင်းပြထားချင်ပါတယ်။ 1080p/720p ကိုတော့ Clean Version နဲ့ပဲ တင်ထားပါတယ်။) File size…(6.5 GB) / (3.1 GB )/ (1.5 GB) Quality…Open Matte  4K HEVC/ 1080p HEVC / 720p Format…mkv/mp4 Duration….02:01:00 Subtitle….Myanmar Subtitle (Hardsub) Encoder….Ka Naung Translated by JtheKoala