Sakina Jaffrey ပါဝင်သော ဇာတ်ကားများ

Super Troopers 3 (2026) ဒီဇာတ်ကားလေးကတော့ နယ်လှည့်ယာဉ်ကြောထိန်းသိမ်းရေးအရာရှိတွေ ဘယ်လိုဗရုတ်ကျပြီးတော့ ဘယ်လိုဇာတ်ထုပ်တွေ ဖြည်ကြမလဲဆိုတာကို အူတက်အောင် ခွီရင်း ကြည့်ရှုရမဲ့ ဟာသဇာတ်ကားကောင်းလေးပဲ ဖြစ်ပါတယ်။ ဇာတ်လမ်းအကျဉ်း အမေရိကန်နေ အိန္ဒိယလူမျိုးဖြစ်တဲ့ အာကော့ဆိုတဲ့ အကြီးတန်းအရာရှိဟာ သူ့ရဲ့ လုပ်ဖော်ကိုင်ဖက် အရာရှိတွေနဲ့အတူ ပုံမှန်အတိုင်း တာဝန်ထမ်းဆောင်နေရာကနေ တစ်နေ့မှာတော့ သူတို့နယ်ကို ဖြတ်သွားတဲ့ သကြားရည်သယ်ယူပို့ဆောင်တဲ့ကားတွေက ခဏခဏ လုယက်ဖျက်ဆီးခံရတာကို ကြုံတွေ့ရပြီး သူတို့ဟာ စတင်စုံစမ်းကြပါတော့တယ်။ အဲဒီအချိန်မှာပဲ အာကော့ရဲ့ ညီမဖြစ်သူ ဆာရီတာက အစ်ကိုဖြစ်သူရှိတဲ့ဆီ လာလည်ဖို့အတွက် ညဘက် ကားမောင်းလာရာကနေ လက်သည်မပေါ်တဲ့ ကားမောင်းသူကြောင့် ကားမှောက်သွားခဲ့ပါတယ်။ အဲဒီအချိန်မှာ အာကော့တို့ ရဲတပ်ဖွဲ့ထဲက ဗရုတ်အကျဆုံး၊ အညစ်ပတ်ဆုံး၊ အကျင့်မကောင်းဆုံး အရာရှိဖြစ်တဲ့ ဖာဗာက အရင်ရောက်သွားပြီး သူ့ညီမကို ကယ်လိုက်ရာကနေ သူ့ညီမက ဖာဗာ့ကို လုံးဝ ကြွေဆင်းသွားရာကနေ လက်ထပ်ဖို့အထိ ဖြစ်လာပါတော့တယ်။ သူ့လုပ်ဖော်ကိုင်ဖက်အကြောင်းကို အသိဆုံးဖြစ်တဲ့ အာကော့က သူ့ညီမကို ဒီလိုကောင်နဲ့ ညားသွားမှာစိုးတဲ့အတွက် ဒီမင်္ဂလာပွဲကို အစွမ်းကုန်လိုက်ဖျက်ဖို့ ကြိုးစားပါတော့တယ်။ ဒီတော့ မင်္ဂလာပွဲကို လိုက်ဖျက်ရတာကတစ်မှောင့်၊ သကြားရည်သယ်ယူပို့ဆောင်တဲ့ကားတွေကို လုယက်ဖျက်ဆီးနေတဲ့သူတွေကို လိုက်လံစုံစမ်းဖမ်းဆီးရမှာက အလုပ်တစ်လုပ်၊ ဒီနှစ်ခုကြားမှာ သူတို့တွေ ဘယ်လိုနှစ်ပါးသွားကြမလဲဆိုတာကို ပေါ့ပေါ့ပါးပါး ကြည့်ရှုရမှာဖြစ်ပါတယ်။ File size… (2.2 GB) / (1.2 GB) Quality…. WEB-DL 1080p HEVC / 720p Format…. mkv/mp4 Genre…. Comedy, Crime, Mystery Duration…. 01:44:00 Subtitle…. Myanmar Subtitle (Hardsub)

The Hating Game(2021)အညွှန်း IMDb....7.0 အသစ်စက်စက်ထွက်ရှိထားတဲ့ Romace Comedyအချစ်ကားလေးပါ။ အနုပညာရသမြောက်တဲ့စာအုပ်တွေထုတ်တဲ့ ဂေးမင်းပုံနှိပ်တိုက်ဟာ ဒေဝါလီခံရတာကြောင့် လူပြိန်းကြိုက်ပေါချာချာဝတ္ထုတွေထုတ်တဲ့ ဘတ်စ်လီပုံနှိပ်တိုက်နဲ့ ပူးပေါင်းလက်တွဲလိုက်ရပါတယ်။ ဒီအခါမှာတော့ ဂေးမင်းပုံနှိပ်တိုက်ကလူစီတစ်ယောက် သူ့မျက်နှာချင်းဆိုင်စားပွဲမှာထိုင်တဲ့ ဘတ်စ်လီဘက်ကပါလာတဲ့ ဂျော့ဆိုတဲ့ ဆွဲဆောင်မှုရှိတဲ့အလန်းစားဘဲလေး (Austin Stowell)ကို အင်မတန်မျက်မုန်းကျိုးမိနေပါတော့တယ်။ ဂျော့ကလည်း လူစီကို ကြည့်မရပါဘူး။ သူတို့နှစ်ယောက်ဟာ‌ နေ့တိုင်းရုံးမှာတကျက်ကျက်ပါ။ တစ်ယောက်ကို တစ်ယောက် ကွက်ကျော်နင်းဖို့ လစ်တာနဲ့တွယ်ဖို့ ချောင်းနေတဲ့ ဒီ(၂)ယောက်ဟာ ဒါရိုက်တာ ရာထူးကို လုဖို့ ကြိုးစားလာတဲ့အချိန်မှာတော့ မင်းသားကလည်း လန်းသလို မင်းသမီးကလည်း အလှပဂေး Sexy type လေးမို့ နင်းကန် ခံစားသင့်ပါကြောင်း.. Rom-comဖြစ်ပေမယ့် ပေါ့ရွတ်ရွတ်ဖြစ်မနေပဲ ဇာတ်အိမ်ရှိတဲ့အတွက် ကြည့်ရှုခံစားလို့ရတဲ့အချစ်ဇာတ်လမ်းလေးတစ်ပုဒ်ပါပဲ။ File Size : (1.94GB)(961 MB) and (363 MB) Quality : WEB-DL 1080P5.1Ch, 720p Format…mp4 Duration…01:42:00 Genre : Comedy , Romance Subtitle : Myanmar Subtitle (Hard Sub) Translated by Moe Lay & Lwin Lwin Aung Encoded by Phyo Pyae

ဂျိုးဂါဒင်နာ ဆိုတဲ့ အလယ်တန်းပြဂီတ ဆရာတစ်ယောက်မှာ ဂျပ်ဇ်ဂီတကို စင်မြင့်ပေါ်မှာ ဖျော်ဖြေချင်တဲ့အိမ်မက် ဟိုးငယ်ငယ်ကလေးကတည်းကရှိခဲ့ပါတယ်။ Half Note Club မှာ တစ်ခြား ဂျပ်ဇ် ပညာရှင်တွေကို အံ့သြသွားလောက်အောင် သူ့အရည်အချင်းကိုပြသနိုင်ပြီးတဲ့နောက်မှာ သူ့အိမ်မက်အတွက် ရောင်ခြည်လေးသန်းလာပါတော့တယ်။ အဲ့ဒီလိုအချိန်ကျမှ ရုတ်တရက် မတော်တဆမှုတစ်ခုနဲ့ သူ့ဝိဉာဉ်ဟာ ခန္ဓာကိုယ်ကနေ ဖယ်ခွာပြီး နောက်ဘဝကို ပြောင်းဖို့လောကထဲ ရောက်ရှိသွားတဲ့အခါ..။ တစ်သက်လုံးမက်လာတဲ့ အိမ်မက်တွေ ဆက်မက်ဖို့ မျှော်လင့်ချက်လေးကို ပျပျမြင်ရပြီဖြစ်တဲ့ ဂျိုးအတွက် နောက်ဘဝကို ပြောင်းဖို့အဆင်သင့်မဖြစ်သေးပါဘူး။ အဲ့ဒီဘုံကနေ လွတ်မြောက်ဖို့ သူအစွမ်းကုန်ကြိုးစားပါတော့တယ်။ မဖြစ်မနေဆိုသလိုပဲ သူ့အနေနဲ့ ကမ္ဘာပေါ်ကိုမစေလွှတ်ခင် ဝိဉာဉ်တွေကို ပင်ကိုယ်စရိုက် ဓလေ့တွေ ဉာဉ်တွေကို လေ့ကျင့်ပေးရတဲ့ နေရာတစ်ခုမှာ တွဲဘက်ကျလာတဲ့ ဝိဉာဉ်လေးတစ်ကောင်ကိုလေ့ကျင့်ပေးရဖို့ဖြစ်လာပါတယ်။ အဲ့ဒီဝိဉာဉ်လေးက လက်ပေါက်အကပ်ဆုံး ကမ္ဘာပေါ်ကိုပြန်မသွားချင်လို့ နည်းပေါင်းစုံနဲ့ ဒီဘုံမှာပဲကပ်တွယ်ဖို့ကြိုးစားနေတဲ့ ထူးထူးဆန်းဆန်းသတ္တဝါလေးဖြစ်နေတော့ သူမှာ အခက်အခဲပေါင်းစုံကြုံရတော့တာပါပဲ။ Studio က pixar ဆိုတော့ Animation တွေရဲ့ ရုပ်လုံးကြွပုံ အသေးစိတ်ကျပုံ လှပခမ်းနားပုံတွေကထည့်ပြောစရာမလိုလောက်အောင်ပါ။ တကယ့်ကို သဘာဝကျကျနဲ့ရယ်လဲရယ်ရပါတယ်။ ဒီလိုကားတွေ ဇာတ်ရှိန်တက်လာရင် ငိုရတာတွေလဲရှိပေမယ့် ဒီကားမှာတော့ ငိုရလောက်အောင် ဇာတ်နာပြထားတာတွေမပါပါဘူး။ ကြည်ကြည်နူးနူးပြုံးနေရင်းနဲ့ မျက်ရည်ဝိုင်းရနိုင်သလို လက်ရှိရနေတဲ့ဘဝကိုလဲ တန်ဖိုးထားတတ်လာပါလိမ့်မယ်။ :) ဒီနှစ်အတွက် ခရစ်စမတ်လက်ဆောင်တစ်ခုပါပဲ။ Imdb 8.3 နဲ့ Rotten Tomatoes 97% ကို ထိုက်ထိုက်တန်တန်ရရှိထားတဲ့ ထိပ်တန်းကားကောင်းတစ်ကားပါ။ File size…(2.3 GB) and (1.2 GB) Quality…WEB-DL 1080p & 720p Format…mp4 Duration….01:40:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

အမေရိကန်နိုင်ငံရဲ့ ညပိုင်းစကားပြောအစီအစဉ်တွေအကြောင်းရိုက်ကူးထားတဲ့ ဟာသဇာတ်မြူးလေးပါ .....ဒီဇာတ်ကားထဲမှာ အစီအစဉ်တင်ဆက်သူတစ်ယောက်က အလုပ်အရမ်းကြိုးစားသလို အချိန်ပြည့်လည်း ဒီအစီအစဉ်ကိုပဲခေါင်းထဲထည့်ထားလေ့ရှိယတ်... သို့ပေမယ့် သူဟာ ပြောင်းလဲနေတဲ့ခေတ်ကြီးမှာ သူ့အစီအစဉ်တွေဟာ ဒီပုံစံခွက်ထဲက မထွက်သလိုဖြစ်နေတယ်...ဒီတော့ အောင်မြင်သင့်သလောက် မအောင်မြင်ဘူးဖြစ်နေရှာတယ်...အဲ့ဒီအချိန်မှာပဲ သူနဲ့လုပ်ဖော်ကိုင်ဖက်တစ်ယောက်ဟာ ဒီအစီအစဉ်တွေကို တစ်ဘက်တစ်လမ်းက ကူညီဖို့ကြိုးစားတယ်... ဒီဇာတ်လမ်းက ဟာသဇာတ်မြူးလေးဆိုပေမယ့် လုပ်ငန်းခွင်နဲ့ပတ်သက်ပြီး ပေါ့ပေါ့ပါးပါးနဲ့ ပညာသားသားပါပါ ထောက်ပြထားတယ်... ရယ်လည်းရယ်ရသလို မှတ်သားစရာလေးတွေလည်း ပါတာမို့ ခံစားကြည့်ကြပါဦးလို့.... ဇာတ်လမ်းအညွှန်းနဲ့ ဘာသာပြန်သူကတော့ Initiative ပဲဖြစ်ပါတယ်... File Size : (950 MB) and (357 MB) Quality : Blu-Ray 720p Format…mp4 Duration…01:42:00 Genre : Comedy, Drama Subtitle : Myanmar Subtitle (Hard Sub) Translated by Initiative Encoded by Phyo Pyae

The Equalizer 2 (2018) IMDb Rating (6.7) / Rotten Tomatoes (52%) မင်းသားကြီး Denzel Washington ဆိုတာ ရုပ်ရှင်လောကထဲမှာတင်မက တခြားပြင်ပလောကတွေမှာပါ ဩဇာကြီးမားတဲ့ အနုပညာရှင်တစ်ဦးပါ... ဒီလိုမင်းသားကြီးကို အသုံးပြုပြီး လောကကြီးရဲ့ တလွဲတွေကို ချိန်ညှိသူအဖြစ် ရိုက်ကူးထားတဲ့ The Equalizer  ရုပ်ရှင်ကားတွေဟာ တကယ့်ထိပ်တန်း အက်ရှင်ဇာတ်ကားတွေပါပဲ.. နိုင်ရာစားလောကကြီးကို ကျွန်တော်တို့ မျက်မြင်မှာ လုပ်ငန်းခွင်တွေမှာ ဘဝတွေမှာ နေ့စဉ်မြင်တွေ့ ခံပြင်းနေကြမှာပါ... ဒီလိုနိုင်ရာစားလောကကြီးကို တရားသဖြင့် ချိန်ညှိပေးမယ့်သူအဖြစ် Denzel Washington က တကယ့်တရားသူကြီးတစ်ယောက်လို တည်ငြိမ်ရင့်ကျက်စွာသရုပ်ဆောင်ထားပါတယ်။ ထူးခြားတာကတော့ သူက လောကကြီးကို ချိန်ညှိဖို့အတွက် ရက်စက်ဖို့လဲ ဝန်မလေးတဲ့ ယမမင်းတစ်ပါးလို လက်သံပြောင်သူအဖြစ် အားရစွာမြင်တွေ့ရမှာပါ။ The Equalizer 2 (2018) မှာလဲ ပထမဇာတ်ကားထဲကလိုပဲ မတရားမှုတွေကို ဆက်လက်ချိန်ညှိနေတဲ့ Robert McCall အဖြစ် ဒန်ဇဲကိုဆက်လက်ရှုစားရမှာပါ။ The Equalizer ဇာတ်ကားတွေကို ဒီမှာ https://channelmyanmar.to/?s=the+equalizer ကြည့်ပါ။ File size…(5.6 GB)/ (1.6 GB)/(1 GB) Quality….BluRay 4K HEVC/1080p HEVC/720p Format…mkv/mp4 Duration….02:00:57 Subtitle….Myanmar Subtitle(Hardsub) Encoder….Ka Naung

ဒီရုပ်ရှင်ကားကမြန်မာပြည်မှာ ရုံတင်ခဲ့တုန်းက ဆင်ဆာဖြတ်တဲ့အခန်းတွေများလို့ နာမည်ကြီးခဲ့တဲ့ ရုံတင်ကားဖြစ်ပါတယ်။ ဒီရုပ်ရှင်ရဲ့ ထူးခြားချက်ကတော့ ခေါင်းဆောင်မင်းသမီးဖြစ်သူ Jennifer Lawrence ဟာ အရင်တုန်းက Nude Scenes တွေပါတဲ့ကားတွေဆို လုံးဝလက်မခံခဲ့ပဲ ဒီကားကိုတော့ သူကိုယ်တိုင် ဇာတ်ညွန်းကိုကြိုက်နှစ်သက်လို့ရွေးချယ်ခဲ့တာဖြစ်ပါတယ်။ ပထမဆုံးပြောချင်တာကတော့ ဒီရုပ်ရှင်ကို Nudity အသားပေးရုပ်ရှင်ကားတစ်ကားလို့ မမြင်စေချင်ပါဘူး။ ဒီရုပ်ရှင်ရဲ့ နောက်ကွယ်မှာ အဲ့လိုမျိုး ကိုယ်ခန္ဓာကိုရင်းပြီး သူလျှိုလုပ်နေရတဲ့သူတွေ တကယ်ရှိတယ်ဆိုတာ သိလာအောင် ရိုက်ပြထားတဲ့ကားတစ်ကားဖြစ်တာကို သိစေချင်ပါတယ်။ ဇာတ်လမ်းအကျဉ်းကိုပြောရမယ်ဆိုရင်တော့ ဒိုမီနီကာဆိုတဲ့ ကောင်မလေးဟာ ရုရှားကျက်သရေဆောင် ဘဲလေးကချေသည်တစ်ယောက်ဖြစ်ပြီး သူ့မိခင်နဲ့အတူ ကဇာတ်ရုံက ထောက်ပံံ့ပေးထားတဲ့တိုက်ခန်းမှာ အတူနေထိုင်ကြပါတယ်။ ဒါပေမယ့် ကံဆိုးစွာနဲ့ပဲ ဖျော်ဖြေပွဲမှာ မတော်တဆမှုတစ်ခုဖြစ်ခဲ့ပြီး ဒိုမီနီကာရဲ့ ကချေသည်ဘ၀ ပျက်စီးသွားခဲ့ပါတယ်။ မိခင်ကြီးကလဲ နာမကျန်းဖြစ်လာသလို ကဇာတ်ရုံကလဲ ကချေသည်နောက်တစ်ယောက် လူစားထိုးလိုက်တဲ့အခါ ဒိုမီနီကာတစ်ယောက် ရွေးချယ်စရာမရှိတော့ပဲ သူ့ဦးလေး အကြံပေးတဲ့အတိုင်း သူလျှိုတစ်ယောက်အဖြစ် အလုပ်လုပ်ကိုင်ဖို့ ဆုံးဖြတ်လိုက်ပါတော့တယ်။ အမျိုးသမီးသူလျှိုတွေကို ရုရှားအစိုးရက ဘယ်လိုလေ့ကျင့်သလဲ၊ ရုရှားရဲ့နိုင်ငံရေးမူဝါဒက ဘာလဲ၊ ဘယ်လိုအမှုတွေကို စုံစမ်းထောက်လှမ်းရမလဲဆိုတာ ဆက်ပြီးကြည့်ရှုခံစားကြရမှာပါ။ ဒီဇာတ်ကားကို ဘာသာမပြန်ခင်အထိ သာမန် Spy အက်ရှင်ကားတစ်ကားလို့ထင်ခဲ့မိပါတယ်။ ဒါပေမယ့် သေချာဂရုစိုက်ကြည့်တဲ့အခါ ကိုယ့်တူမကို အစိုးရသူလျှိုလောကထဲ လွှတ်ရဲတဲ့ဦးလေးတစ်ယောက်ရဲ့ လုပ်ရပ်၊ နိုင်ငံတော်ရဲ့လိုအပ်ချက်အရဆိုတဲ့ စကားတစ်ခွန်းနဲ့ အမျိုးသမီးတွေကို ပြည့်တန်ဆာသာသာဖြစ်အောင် ရက်ရက်စက်စက် လေ့ကျင့်ပေးတဲ့ အစိုးရသင်တန်းကျောင်း၊ စစ်အေးကာလမှာ အင်အားအကြီးဆုံးနဲ့ ရန်ငြိုးရန်စအများဆုံး အမေရိကန်နဲ့ ရုရှားတို့ရဲ့ သူလျှိုထောက်လှမ်းရေးအစီအစဉ်တွေအကြောင်းတွေ အများကြီး ပါဝင်သလို ရုရှားသူလျှိုတစ်ယောက်နဲ့ အမေရိကန်သူလျှိုတစ်ယောက်ရဲ့ အတွေးအမြင်မတူပုံကိုလဲ ဖော်ပြထားတာတွေ့ရပါတယ်။ ဒီဇာတ်ကားက အက်ရှင်ဝုန်းဒိုင်းကြဲ ဂျက်မ ဇာတ်ကားတစ်ကားမဟုတ်ပဲ ပညာသားပါပါလှည့်ကွက်တွေ၊ နိုင်ငံရေးလောကရဲ့ အမည်းစက်တွေ၊ သူလျှိုလောကရဲ့ ကြမ်းတမ်းခက်ထန်မှုတွေကို သေချာ ရိုက်ကူးထားတာဖြစ်ပြီး မူရင်းဝတ္ထုကို မမှီရင်တောင်မှ ဝတ္ထုကပေးချင်တဲ့ အနှစ်သာရကိုတော့ ပေးစွမ်းနိုင်တဲ့ဇာတ်ကားကောင်းတစ်ကားဖြစ်ပါတယ်။ ထပ်ပြီး အသိပေးချင်တာကတော့ ဒီဇာတ်ကားဟာ ဂျနီဖာလောရင့်စ်ရဲ့ nude scene တွေပဲ လိုက်ကြည့်ရင် တော်တော်အဓိပ္ပါယ်မဲ့တဲ့ကားတစ်ကားဖြစ်မှာပါ။ သူ ဒီဘဝကိုဘယ်လိုရောက်လာတယ်၊ ဘယ်လိုနေထိုင်ရတယ်ဆိုတာတွေကို ကြည့်မှသာ ဒီရုပ်ရှင်ကြည့်ရကျိုးနပ်မှာဖြစ်ပါတယ်။ (ဘာသာပြန်တဲ့နေရာမှာ ဇာတ်ဝင်ခန်းတော်တော်များများကို Listening နဲ့ပြန်ထားရတာဖြစ်တဲ့အတွက် အမှားတစ်စုံတစ်ရာပါခဲ့ရင် ရုရှားတွေရဲ့ မပီကလာပီကလာ အင်္ဂလိပ်စကားကို သေချာမကျွမ်းဝင်သေးတဲ့ ဘာသာပြန် ကျွန်တော့်ရဲ့အမှားသာဖြစ်ပါတယ်ခင်ဗျ။) (အညွှန်းနဲ့ဘာသာပြန်ကို Arkar Phyo မှတင်ဆက်ထားတာပါ။) File size…(3 GB)/ (1.1 GB)/ (810 MB) Quality….BluRay 4K HEVC/ 1080p HEVC /720p Format…mkv/mp4 Duration….02:20:14 Subtitle….Myanmar Subtitle(Hardsub) Encoder….Ka Naung Translated by Arkar Phyo

မာယာဝစ်မောင်နှမတွေရဲ့အဖေဟာ အရည်အချင်းရှိတဲ့ ပန်းပုဆရာတစ်ယောက် ဖြစ်ပေမဲ့ အပြစ်အနာအဆာတွေလည်း ရှိနေသူပါ။ The Meyerowitz Stories က သားသမီးတွေဟာ အဲဒီအဖေအပေါ် ဘယ်လိုခံစားကြသလဲဆိုတာကနေ မိဘနဲ့သားသမီးကြားက ဆက်ဆံရေးကို စူးစမ်းထားပါတယ်။ မိသားစုတစ်စုအတွင်းက အတက်အကျတွေကို ဟာသနဲ့ ရောယှက်ဖော်ပြရင်း မိသားစုရဲ့နွေးထွေးမှု၊ အနုပညာနဲ့ လူ့ဘဝရဲ့ရှုပ်ထွေးမှုတွေအကြောင်း ပြောပြထားတဲ့ ဇာတ်ကားပါ။

IMDb - 7.1/10 Rotten - 70% Will Hayes (Ryan Reynolds) ဆိုတဲ့ လူလတ်ပိုင်းအရွယ်ယောင်္ကျားတစ်ယောက်မှာ သမီးလေးတစ်ယောက်ရှိပြီး ဇနီးမယားနဲ့တော့ ကွဲကွာနေသူပါ... တစ်နေ့သမီးလေးဟာ ကျောင်းရဲ့ လိင်ပိုင်းဆိုင်ရာသင်ခန်းစာတွေသင်ပြီးနောက်မှာ အဖေ့ထံက တစ်သက်လုံးမကြားခဲ့ရတဲ့အမေ့အကြောင်းကို စပ်စုပါတော့တယ်.... ဖခင်ဖြစ်တဲ့သူဟာ အမေဆိုတာကြီးကိုတမ်းတပြီး သမီးလေးကိုမကြီးပျင်းစေချင်တော့ အမေ့အကြောင်းကို တစ်ကြောင်းတောင် မပြောပြထားသလို လွမ်းမောစရာအတိတ်ကြီးကိုလည်း ပြန်လည်အမှတ်မရချင်တော့တာကြောင့်ပေါ့... ကျွန်တော်တို့အားလုံးလည်း တစ်စုံတစ်ယောက်ကိုသိပ်ချစ်ခဲ့ပေမယ့် အကြောင်းကြောင်း ကြောင့်လက်တွဲဖြုတ်ခဲ့ရတဲ့အခါမှာ အတတ်နိုင်ဆုံးမေ့ပျောက်ဖို့ကြိုးစားကြတယ်... သို့ပေမယ့် ချစ်ခဲ့သူနဲ့ပတ်သက်လို့မေ့ပျောက်ဖို့ကြိုးစားတဲ့အခါမှာ ကျွန်တော်တို့ဘယ်တုန်းကများအောင်မြင်ခဲ့ဖူးလို့လဲ... နောက်ဆုံးသမီးလေးကို ကွဲသွားတဲ့မိန်းမအကြောင်းကို ပြောပြဖြစ်တယ်... သူပြောတဲ့အကြောင်းတွေက တကယ်စိတ်ဝင်စားဖို့ကောင်းသလို ရယ်လည်းရယ် ရင်လည်းခုန်ဖို့ကောင်းတယ်... ရိုက်ပြထားတာလည်း တကယ်ကြည်နူးဖွယ်ရာကောင်းတယ်... ခံစားကြည့်လိုက်ပါဦး..... ဇာတ်လမ်းအညွှန်းနဲ့ဘာသာပြန်သူကတော့ Paingပဲဖြစ်ပါတယ်.... File Size : (950 MB) Quality : Blu-Ray 720p Format…mp4 Duration…01:54:00 Genre : Comedy, Drama, Romance Subtitle : Myanmar Subtitle (Hard Sub) Translated by Paing Encoded by Phyo Pyae

The Nanny Diaries (2007) မိမိကိုယ်ကို ဘယ်သူလဲ၊ ဘယ်လိုလူလဲဆိုတာ တိတိကျကျ သိကြပါသလား။ The Nanny Diaries ထဲက ဘွဲ့ရပြီးခါစ အသက် ၂၁ အရွယ်ကောင်မလေးကတော့ သူ့ကိုယ်သူ ဘယ်လိုလူလဲဆိုတာကို အဖြေရှာရင်း နာနီလို့ခေါ်တဲ့ ကလေးထိန်းဘဝကို ရောက်ရှိသွားခဲ့ပါတယ်။ အဲဒီအကြောင်းကို The Nanny Diaries ဆိုတဲ့ ဟာသ-ဒရမ်မာ ဇာတ်လမ်းမှာ စိတ်ဝင်စားစရာကောင်းအောင် ဟာသလေးနှောပြီး ရိုက်ကူးထားတာပါ။ အန်နီဘရတ်ဒေါ့ခ်ဟာ ဘွဲ့ရပြီးချိန်မှာ အလုပ်ရှာဖွေရင်းနဲ့ မထင်မှတ်ဘဲ အထက်တန်းလွှာမိသားစု တစ်ခုရဲ့ ကလေးထိန်းဘဝကို ရောက်ရှိခဲ့ပါတယ်။ အဲဒီလိုနဲ့ အန်နီဟာ အားကျစရာကောင်းလောက်အောင် ပြီးပြည့်စုံနေပြီလို့ ထင်ရတဲ့ အိမ်ထောင်သည် အမျိုးသမီးမှာလည်း လူမသိတဲ့ ဒုက္ခတွေ ရင်ဆိုင်နေရကြောင်း သိမြင်လာခဲ့ရပါတယ်။ ငွေကြေးချမ်းသာ သလောက် မိဘတွေရဲ့ ဂရုစိုက်ခြင်းကိုမခံရဘဲ၊ အိမ်ထောင်ရေးအဆင်မပြေတဲ့ မိဘတွေကြားမှာ မြေစာပင် ဖြစ်နေရတဲ့ ဂရေယာလေးကို သံယောဇဉ် ဖြစ်မိတဲ့ အန်နီဟာ အလုပ်ထွက်ချင်ပေမဲ့ မထွက်နိုင်ခဲ့ပါဘူး။ အလုပ်ကြောင့် ရည်းစားမထားရဲခဲ့ပေမဲ့ အန်နီဟာ သူ့အလုပ်ရှင်အိမ်နားမှာနေတဲ့ ဟားဗတ်တက္ကသိုလ်ကျောင်းသားလေးတစ်ယောက်နဲ့ ချစ်ကြိုက်မိခဲ့ပါတယ်။ အဲဒီအခါ သူရုန်းမထွက်သေးတဲ့ အလုပ်နဲ့ ချစ်သူကြားမှာ ဗျာများရပါတော့တယ်။ အဲဒီလိုနဲ့ အန်နီတစ်ယောက် ကလေးထိန်းဘဝက လွတ်မြောက်နိုင်မှာလား၊ သူ့ကိုယ်သူ ရှာဖွေသိရှိသွားမှာလား၊ ဂရေယာ့အတွက်ရော ဘာတွေလုပ်ပေးမလဲ၊ ချစ်သူနဲ့ရော ရှေ့ဆက်အဆင်ပြေပါ့မလားဆိုတာကို စိတ်ဝင်စားစရာ ကြည့်ရှုရမှာပါ။ ဇာတ်လမ်းတင်ကောင်းတာမဟုတ်ဘူးနော်၊ မင်းသားသမီးတွေလည်း ကြည့်လိုက်ပါဦး၊ ညှို့အားပြင်း ဟောလိဝုဒ်မင်းသမီးချော Scarlett Johansson နဲ့ အခုအချိန်မှာ Captain America ဇာတ်ကောင်အဖြစ် လူသိများနေတဲ့ ဟောလိဝုဒ်မင်းသား Chris Evans တို့က အဓိက ပါဝင်ထားပါတယ်။ မင်းသမီးဇာတ်ဆိုတော့ မင်းသမီးအခန်းပိုများပါတယ်။ ဟာသနဲ့ အတွေးလေးတွေပါတဲ့ ပေါ့ပေါ့ပါးပါး Comedy-Drama ကြိုက်သူတွေအတွက်တော့ တကယ်ကြည့်လို့ကောင်းတဲ့ ဇာတ်လမ်းကောင်းလေး ပါပဲ။ (ရုပ်ရှင်အညွှန်းကို Cherry Mon မှရေးသားထားပြီး ဘာသာပြန်ကိုတော့ Lone Lone မှ တင်ဆက်ထားပါတယ်။) File size…(3.4 GB )/ (1.1 GB) Quality…BluRay 1080p HEVC / 720p Format…mkv/mp4 Duration….01:46:00 Subtitle….Myanmar Subtitle (Hardsub) Encoder….Ka Naung Translated by Lone Lone

၂၀၀၀ ခုနှစ်​ကျော်​ကာလတွေမှာ ခေတ်​စားခဲ့တဲ့ အမေရိကန်​ဟာသရုပ်ရှင်ကားတွေထဲက တစ်ကားနဲ့ မိတ်ဆက်​ပေးပါရစေ။ Family/Drama နဲ့ Comedy​ အမျိုး​အစား​ရုပ်ရှင်​ဖြစ်​ပြီး ၂၀၀၄ ခုနှစ်​က ထွက်ရှိ​ခဲ့ပါတယ်။ ဇာတ်လမ်း​အကျဥ်းကတော့ Helen Harris က နာမည်ကြီး​ ဖက်​ရှင်အေဂျင်စီတစ်ခုမှာ အလုပ်​လုပ်​တဲ့ ခေတ်​ဆန်​ဆန်မိန်းကလေးတစ်ဦးဖြစ်ပါတယ်။ တစ်နေ့​မှာ သူ့အစ်မအကြီးဆုံး Lindsay တို့​ဇနီး​မောင်နှံ​ ကား​မှောက်​ပြီး ကွယ်​လွန်​သွား​ကြပါတယ်။ Lindsay က သေတမ်းစာ​မှာ သူ့ရဲ့​သားသမီးသုံးယောက်ကို ညီမအလတ်ဖြစ်တဲ့ မိခင်​အဖြစ်​ အတွေ့အကြုံ​ရှိပြီးသား Jenny လက်​ထဲမအပ်ခဲ့ဘဲ ထူးဆန်း​စွာနဲ့ ညီမ​အငယ်ဆုံး Helen လက်​ထဲအပ်ခဲ့ပါတယ်။ ဒီလို​နဲ့ မိခင်​တစ်​ဦး​ဖြစ်ဖို့ အသင့်မဖြစ်သေးတဲ့ Helen နဲ့ ကလေး​သုံး​ဦး​တို့​ ဘယ်လိုစခန်းသွားကြမလဲဆိုတာကို ရယ်ရယ်မောမောကြည့်ရှုရမှာပါ။ ဟာသ​ရုပ်ရှင်​ဆို​ပေမဲ့​ မိသားစု၊ ချစ်​ခြင်း​မေတ္တာ​နဲ့ ကိုယ့်ကိုယ်ကို ပြန်​လည်ရှာဖွေခြင်း စတဲ့ theme တွေ ထိတွေ့​ထားတဲ့​ လေးနက်​ကြည်နူးဖွယ် Drama​ အငွေ့အသက်များလည်း ပါဝင်​ပါတယ်။ Lindsay​ က သူ့ကလေးတွေ အုပ်​ထိန်း​ခွင့်​ကို Helen လက်​ထဲ ဘာလို့​ထည့်ပေးခဲ့တာလဲ ဆိုတဲ့အဖြေကိုလည်း ဇာတ်လမ်း​အဆုံး​မှာ တွေ့မြင်​ရမှာဖြစ်ပါတယ်။ ၂၁ ရာစုအစပိုင်းက ဇာတ်ကား​ကောင်းလေးကို တစ်ဖန်ကြည့်ရှုခံစားလိုက်ကြပါဦး။ File size…(2.5 GB)/(1.3 GB) Quality….Webrip 1080p / 720p Format…mp4 Duration….01:49:00 Genre... Drama, Comedy, Romance  Subtitle….Myanmar Subtitle (Hardsub) Encoder….Mr. Anderson Translated by Wolfenheim

ဗိုလ်မှူးဘန်မာကိုနဲ့ ပထမတန်းဆာဂျင် ရေမွန်ရှောတို့ဟာ ၁၉၉၁ ခုနှစ် ကန္တာရမုန်တိုင်းတိုက်ပွဲမှာ ပါဝင်ခဲ့ကြပါတယ်။ အဲဒီတိုက်ပွဲမှာ ရဲရင့်စွာ တိုက်ခိုက်ခဲ့တယ်ဆိုတဲ့ အကြောင်းပြချက်နဲ့ ရေမွန်ဟာ ဂုဏ်ထူးဆောင်ဆုတံဆိပ် ချီးမြှင့်ခံရပြီး နောက်ပိုင်းမှာ လွှတ်တော်အမတ် ဖြစ်လာတယ်။ အခုတော့ ဒုတိယသမ္မတအဖြစ် ရွေးကောက်ခံဖို့အထိ ရှေ့ဆက်နေပါပြီ။ ဒါပေမဲ့ ဘန်နဲ့ အဲဒီတိုက်ပွဲမှာ ရှိခဲ့တဲ့တပ်သားတွေက ထူးဆန်းတဲ့အိပ်မက်တစ်ခုကို ထပ်ခါထပ်ခါ မက်နေကြတယ်။ အိပ်မက်ထဲမှာတော့ ဆုတံဆိပ်ရသင့်သူဟာ ရေမွန်မဟုတ်ဘဲ ဘန်ဖြစ်နေပြီး ရေမွန်ကိုသာ ထိုက်တန်သူလို့ ယုံကြည်အောင် နည်းတစ်မျိုးမျိုးနဲ့ စိတ်ကို ထိန်းချုပ်ထားသလို အပိုင်းအစတွေ မြင်နေကြရပါတယ်။ ရေမွန် ဆုတံဆိပ်ရလာတဲ့နောက်ကွယ်မှာ ဘာတွေရှိနေတာလဲ၊ တိုက်ပွဲထဲမှာ တကယ်ဘာဖြစ်ခဲ့တာလဲဆိုတာ ဘန်က စုံစမ်းဖို့ ကြိုးစားလာတယ်။ နိုင်ငံရေးလှည့်ကွက်တွေနဲ့ စိတ်ပိုင်းဆိုင်ရာလှည့်စားမှုတွေကို တွဲဖော်ပြထားတဲ့ ဒီဇာတ်ကားမှာ Denzel Washington၊ Liev Schreiber၊ Meryl Streep၊ Jon Voight နဲ့ Kimberly Elise တို့ ပါဝင်သရုပ်ဆောင်ထားပါတယ်။

Angella ဆိုတဲ့ အမျိုးသမီးငယ်ဟာ အပျော်ခရီးထွက်နေရင်း ခင်ပွန်းနဲ့ ကွာရှင်းဖို့ စဉ်းစားနေပါတယ်။ ဒါပေမယ့် အိမ်ရှိရာ ပဲရစ်မြို့ကို ပြန်ရောက်လာတော့ ခင်ပွန်း အသတ်ခံထားရပြီး တိုက်ခန်းထဲမှာလည်း ပစ္စည်းတွေမရှိဘဲ ဟောင်းလောင်းဖြစ်နေတာကို တွေ့လိုက်ရတယ်။ အဲဒီနောက် ပြင်သစ်ရဲတွေရော သူစိမ်းတွေကပါ သူ့ကို လိုက်စုံစမ်းမေးမြန်းလာကြပါတယ်။ ဒီလိုနဲ့ Angella ဟာ ခင်ပွန်း Charles ရဲ့ သရုပ်မှန်ကို တဖြည်းဖြည်း သိလာရတော့တယ်။ ၁၉၆၃ ခုနှစ်က Cary Grant နဲ့ Audrey Hepburn တို့ ပါဝင်တဲ့ Charade ကို ပြန်လည်ရိုက်ကူးထားတဲ့ လျှို့ဝှက်သည်းဖိုဇာတ်ကားဖြစ်ပြီး Mark Wahlberg၊ Thandiwe Newton နဲ့ Tim Robbin တို့ ပါဝင်ထားပါတယ်။

လက်ရှိအမေရိကန်ပြည်ထောင်စုရှိတဲ့ နေရာကြီးကို ဂျော့်ဝါရှင်တန် စပြီးတော့ ရှာမတွေ့ခင်ကတည်းက ဒီနေရာမှာနေနေတဲ့ Native American လူမျိုးတွေက ရှိပြီးသားပါ။ ယနေ့ခေတ် လူဖြူတွေများလာတဲ့အခါမှာတော့ ဒီ Native American တွေကို လူမျိုးတွေခွဲခြားဆက်ဆံတာတွေ နှိမ်ချင်တာတွေရှိကြပါတယ်။ ဒီဇာတ်လမ်းလေးထဲမှာတော့ ဒီလိုမျိုး လူမျိုးရေးတွေကို ကလေးတစ်ယောက်အမြင်ကနေ ဘယ်လိုရှိလဲဆိုတာကို ပြသထားပါတယ်။ Native American တွေက လူမျိူးစုတွေ အများကြီးရှိပြီး လူမျိုးစု တစုနဲ့တစုနဲ့ရိုးရာတွေ နေထိုင်ပုံတွေက မတူကြပါဘူး ။ ဒီဇာတ်လမ်းထဲမှာ ရိုးရာမတူညီမှုတွေနဲ့ တစ်ယောက်နဲ့တစ်ယောက် မတူညီမှုတွေကို ဘေးဖယ်ပြီးတော့ ဘယ်လို ပေါင်းစည်းရမလဲကို ပေါ့ပေါ့ပါးပါး ပြသထားပါတယ်။ ဇာတ်လမ်း အကျဉ်း အော်မရီ ဆိုတဲ့ ကောင်လေးက မွေးနေ့မှာ သစ်သားဗီရီုလေးတစ်လုံးကို လက်ဆောင်ရပါတယ် ဒီဗီရိုကိုသော့ခတ်ဖို့ သူ့အမေကလည်း သော့လေးတစ်ခုပေးပါတယ်။ သူဆီမှာရှိတဲ့ Native American အရုပ်ကလေးတစ်ရုပ်ကို ဗီဒိုထဲထည့်ဆော့ပြီးတော့ သော့ခတ်ပြီး ပြန်ဖွင့်လိုက်တဲ့အခါမှာတော့ ဒီအရုပ်လေးက လူဖြစ်ပြီးတော့ အသက်ဝင်လာခဲ့ပါတယ်။ အော်မရီ ကကလေးတစ်ယောက်မနေနဲ့ ဒီအခြေအနေကို ဘယ်လိုကိုင်တွယ်မလဲ ဒီအရုပ်ကလေးကရောဘယ်သူလဲဆိုတာကိုဇာတ်လမ်းထဲမှာ ဆက်ကြည့်ရမှာပါ။ ဒီရုပ်ရှင်က The Indian In the Cupboard ဆိုတဲ့ Lynne Reid Banks ဆိုတဲ့ ဗြိတိန်စာရေးဆရာမရဲ့ ဝတ္ထုကိုပြန်ရိုက်ထားတာဖြစ်လို့ ဇာတ်အိမ်ကောင်းကောင်းနဲ့ ကြည့်ရှုရမှာပါ။ File size…    1.7 GB /  836 MB Quality… BluRay 1080p / 720p Format… mp4 Duration…. 1h 38m Genre ..... Family/Fantasy Subtitle…. Myanmar Subtitle (Hard Sub) Encoder…. Thit San Khant Translated... by Nikobaby