Sam Shepard ပါဝင်သော ဇာတ်ကားများ

CM ပရိသတ်ကြီးတို့ကို Sci-fi ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ရှုပ်ရှုပ်ယှက်ယှက်နဲ့ သိပ္ပံဗဟုသုတ အများကြီးရှိမှ ကြည့်လို့နားလည်မယ့် ဇာတ်ကားမျိုးလည်း မကြည့်ချင်ဘူး Sci-fi အမျိုးအစားလည်း ကြည့်ချင်တယ်ဆိုရင်တော့ ဒီကားလေးက သေချာပေါက် ပရိသတ်ကြီးတို့အကြိုက်ပါ။ ဇာတ်ကားနာမည်လေးက Midnight Special လို့ ခေါ် ပြီးတော့ ၂၀၁၆ ခုနှစ်က ထွက်ရှိခဲ့တဲ့ ဇာတ်ကားလေးပါ။ ဇာတ်လမ်းအကျဉ်းကို ပြောပြရရင်တော့ အယ်တွန်မာယာလို့ခေါ်တဲ့ အသက် ၈ နှစ်အရွယ်ကောင်လေးကို အဖေဖြစ်သူ ရွိုင်တွန်လင်က ပြန်ပေးဆွဲသွားရာကနေ ဇာတ်လမ်းအစပြုပါတယ်။ အဖေအရင်းက ပြန်ပေးဆွဲတယ်ဆိုလို့ မအံ့ဩပါနဲ့။ တကယ်တော့ အယ်တွန်ကို ရန့်ချ်လို့ခေါ်တဲ့ ဘာသာရေးအဖွဲ့အစည်းခေါင်းဆောင်က မွေးစားထားတာပါ။ အယ်တွန်လေးက သူများနဲ့မတူဘဲ စူပါမန်းလို မျက်လုံးကနေ ရောင်ခြည်တွေထွက်တတ်တဲ့ ကလေးဖြစ်နေတာပါ။ ကလေးဟာ နေရောင်ထဲကို ထိလို့မရသလို သူ့အစွမ်းအရှိန်က ပစ္စည်းတွေကို ကွဲကြေပျက်စီးစေပါတယ်။ ဒါပေမဲ့ ရန့်ချ်အဖွဲ့အစည်းကတော့ ဒါဟာ ဘုရားသခင်က ဆက်သွယ်တာဆိုပြီး ယုံကြည်ကြတယ်။ ကလေးရဲ့ နာကျင်မှုတွေကို မမြင်ရက်တော့တဲ့အဆုံးမှာ အဖေဖြစ်သူက ကလေးကိုခေါ်ပြီး ထွက်ပြေးခဲ့တာပါ။ တစ်ချိန်တည်းမှာပဲ အစိုးရဘက်ကလည်း ဒီကလေးကို လက်နက်တစ်ခုလို့သဘောထားပြီး လိုက်လံရှာဖွေခဲ့ပါတယ်။ ဆိုတော့ အယ်တွန်လေးက ဘာလို့အစွမ်းတွေရှိနေတာလဲ၊ သူတို့တွေ ဘယ်ကိုထွက်ပြေးကြမလဲ၊ ထွက်ပြေးတဲ့ လမ်းတစ်လျှောက်မှာရော ဘယ်လိုထူးဆန်းထွေလာ ဖြစ်ရပ်တွေကို ကြုံတွေ့ရမလဲ၊ ဘာသာရေးအဖွဲ့အစည်းနဲ့ အစိုးရအဖွဲ့အစည်းတွေက ဘယ်လိုမျိုးဆက်လုပ်ဆောင်ကြမလဲဆိုတာကိုတော့ ပရိသတ်ကြီးတို့ကိုယ်တိုင် ဒီဇာတ်ကားထဲမှာပဲ ကြည့်ရှုလိုက်ကြပါနော်။ File size…    1.4 GB /  630 MB Quality… BluRay 1080p / 720p Format… mp4 Duration…. 1h 52m Genre ..... Drama/Sci-Fi Subtitle…. Myanmar Subtitle (Hard Sub) Encoder…. Thit San Khant Translated by Elizabeth Khant

မိသားစုကိုချစ်မြတ်နိုးတဲ့ Richard Dane က ညနက်သန်းခေါင် သူ့အိမ်ထဲကို ကျူးကျော်ပြီးဝင်လာတဲ့ Freddy Russell ဆိုတဲ့သူကို မတော်တဆသတ်မိသွားတဲ့အခါ၊ ထင်မှတ်မထားတဲ့အဖြစ်ကြောင့် Freddy အဖေ ထောင်ထွက် လူမိုက်ကြီးက Richard Dane တို့မိသားစုကို လက်စားချေဖို့ ကြံစည်လာတဲ့အခါ... Richard တယောက် ကြံရာမရဖြစ်ပြီး ရဲတပ်ဖွဲ့ကို အကူအညီတောင်းပါတော့တယ်။ ဒါပေမဲ့ Freddy အဖေကို ရဲတွေက လူမသိသူမသိလုပ်ကြံဖို့ ကြိုးစားတဲ့အခါ ဒီနောက်ကွယ် မှာတော့ FBI ရဲ့ ဘယ်လိုပူးပေါင်းကြံစည်မှုတွေ၊ လှည့်ကွက်တွေရှိနေတာလဲ။ Richard Dane တယောက် ဘယ်လိုလှည့်စားခံခဲ့ရတာလဲ။ Richard က Freddy အဖေကိုကယ်ထုတ်ပြီး သူတို့နှစ်ယောက်ပူးပေါင်းလိုက်ကြတဲ့အခါ Freddy အစစ်ကို ရှာပုံတော်ဖွင့်ကြမှာဖြစ်ပါတယ်။ ဒီဇာတ်လမ်းက အစပိုင်းမှာ ရိုးရိုးရှင်းရှင်းစတင်ထားတယ်ဆိုပေမဲ့ နောက်ပိုင်းမှာတော့ အထူးစုံထောက်ကြီး Johnson ကပါ ပူးပေါင်းပါဝင်လာတဲ့အခါ ရာဇဝတ်မှုအရှုပ်တော်ပုံကြီးကို တဆင့်ပြီးတဆင့် ဖော်ထုတ် သွားကြမှာဖြစ်ပါတယ်။ အချိန်ပေးပြီး ကြည့်ရကျိုးနပ်စေမယ့် မှုခင်းစုံထောက်ဇာတ်ကားကောင်းဖြစ်လို့ အသည်းတအေးအေး ကြည့်ရှုကြရမှာဖြစ်ပါတယ်။ File size…1.38GB / 656MB Quality…Blu-Ray 1080p 5.1CH / 720p Format…mp4 Duration….1h 49m Genre …..Crime , Thriller Subtitle….Myanmar Subtitle (Hard Sub) Encoder….Min Wai Translated by AICOG

2012 ခုနှစ်ကထွက်ရှိခဲ့ပြီးတော့ IMDb rating 7.4 ထိရရှိခဲ့တဲ့ ဒရာမာကားကောင်းလေးတစ်ကားကိုတင်ဆက်ပေးလိုက်ပါတယ်ဗျ ဇာတ်လမ်းး အကျဉ်းလေးကတော့ အသက် ၁၄ နှစ်အရွယ် အဲလစ်ဟာ မိဘများနဲ့ အတူတူနေထိုင်နေသူတယောက်ဖြစ်ပြီးတော့ တစ်နေ့မှာသူဟာ သူ့သူငယ်ချင်းကို တွေ့ဖို့အတွက် အိမ်ကနေ ခိုးထွက်လာခဲ့ပြီး သူငယ်ချင်းနှ်စ်ယောက်ဟာ မစ္စပီ မြစ်ကမ်းဘေးမှာ လှေအိမ်လေးနဲ့ သွားပြီး ကမာကောင်တွေကောက်ကာ ကစားကြပါတယ် ဒီလိုနဲ့ ပျော်မြူးနေကြရင်း သူတို့ လှေအိမ်လေးထဲမှာခြေရာတွေ တွေ့ခဲ့သလိုပဲ သူတို့ ကမ်းခြေမှာကမာကောင်တွေကိုကောက်တော့လဲ ခြေရာတွေကိုတွေ့ ရတဲ့ အခါမှာတော့ သူတို့ ဟာ ကမ်းခြေကိုလိုက်ရှာကြတဲ့အခါမှာတော့ ရေမျောကမ်းတင် မတ် နဲ့ တွေ့ကြပါတော့တယ် ကဲ ပရိတ်သတ်ကြီးက မတ် ဟာ ဘယ်လိုကြောင့် ရေမျောကမ်းတင်နေတာလဲ ဘာတွေကိုဆက်ဖြစ်အုံးမလဲဆိုတာကို ဆက်လက်ကြည့်လိုက်ကြပါတော့ဗျာ

အိုကလာဟိုးမားက အိမ်တစ်အိမ်မှာ အရက်စွဲနေတဲ့ခင်ပွန်းနဲ့ ပါးစပ်ကင်ဆာဖြစ်ပြီး စိတ်ငြိမ်ဆေးတွေ စွဲနေတဲ့ဇနီးတို့ အတူနေကြပါတယ်။ တစ်နေ့ ခင်ပွန်းဖြစ်သူ ပျောက်သွားတော့ သမီးသုံးယောက်လည်း ငယ်ငယ်က နေခဲ့တဲ့အိမ်ကြီးကို ပြန်ရောက်လာကြတယ်။ မိသားစုဝင်တွေ ပြန်ဆုံပေမဲ့ တစ်ယောက်စီမှာ ကိုယ့်ပြဿနာနဲ့ကိုယ်ပါ။ သမီးအကြီးက အိမ်ထောင်ရေး အဆင်မပြေဖြစ်နေသလို ထိန်းရခက်တဲ့ ဆယ်ကျော်သက်ကလေးတစ်ယောက်လည်း ရှိတယ်။ မိခင်အနားမှာနေတဲ့ သမီးအလတ်ကတော့ အိမ်ထောင်မကျသေးတဲ့အကြောင်း မကြာခဏ အပြောခံနေရပါတယ်။ သမီးအငယ်ဆုံးက အလှအပမက်ပြီး စိတ်ကူးယဉ်တတ်သူဖြစ်သလို အမျိုးသားအမျိုးမျိုးနဲ့ တွဲခဲ့သူပါ။ ဒီစုဝေးမှုမှာ အဒေါ်တို့မိသားစုလည်း ပါလာတယ်။ အဒေါ်က ခင်ပွန်းကို အမြဲရန်ရှာတတ်သလို ကိုယ့်သားကိုလည်း ဉာဏ်ရည်မပြည့်မီသူလို့ နှိမ့်ချပြောတတ်တယ်။ သားကိုချစ်တဲ့ ဦးလေးကတော့ ဒီလိုပြောဆိုတာကို မနှစ်သက်ဘူး။ အဲဒီလို လူတွေ အိမ်တစ်အိမ်ထဲ ဆုံလာတဲ့အခါ မိခင်နဲ့သမီးတွေကြား၊ ညီအစ်မတွေကြား၊ လင်မယားတွေကြားသာမက သားအမိနဲ့ ဝမ်းကွဲမောင်နှမတွေကြားက ပြဿနာတွေပါ ပေါ်လာပါတော့တယ်။ Meryl Streep က ဆေးစွဲနေပြီး စကားကို ရိုင်းရိုင်းစိုင်းစိုင်း တည့်တည့်ပြောတတ်တဲ့ မိခင်အဖြစ် ပါဝင်ထားတယ်။ Julia Roberts ကတော့ ကိုယ်ပိုင်ပြဿနာတွေအပြင် မိခင်နဲ့လည်း အပြိုင်ရန်ဖြစ်ရတဲ့ သမီးအကြီးနေရာက သရုပ်ဆောင်ထားပါတယ်။ Ewan McGregor နဲ့ Benedict Cumberbatch တို့လည်း ပါဝင်ကြပြီး မိသားစုညစာစားဝိုင်းမှာတောင် အချင်းချင်း တင်းမာမှုတွေကို ကြုံရတဲ့ ဇာတ်လမ်းပါ။

ရပ်ဆဲလ်ဗေ့ဇ်ဟာ အမေရိကန် နယ်မြို့လေးတစ်မြို့က စတီးစက်ရုံအလုပ်သမားတစ်ယောက်ပါ။ သာမန်ဘဝလေးမှာ ရိုးရိုးရှင်းရှင်း နေထိုင်ဖို့ ကြိုးစားနေပေမယ့် မမျှော်လင့်ထားတဲ့ ကားတိုက်မှုတစ်ခုကြောင့် ထောင်ကျသွားခဲ့တယ်။ အဲဒီနောက်မှာတော့ ဖခင်က ဆုံးပါး၊ ချစ်သူနဲ့လည်း အဆင်မပြေတော့ဘဲ သူ့ဘဝမှာ ဆုံးရှုံးမှုတွေ ဆက်တိုက်ကြုံလာရပါတယ်။ တစ်ဦးတည်းသော ညီလေးကလည်း လောင်းကစားအကြွေးတွေ ပိနေပြီး ကြေးစားလက်ဝှေ့ ထိုးနေရသူပါ။ လူဆိုးဂိုဏ်းတစ်ခုဆီက အပြန်မှာ ညီလေး ရုတ်တရက်ပျောက်ဆုံးသွားတဲ့အခါ ရပ်ဆဲလ်တစ်ယောက် လိုက်ရှာရပါတော့တယ်။ ရပ်ဆဲလ်အဖြစ် Christian Bale သရုပ်ဆောင်ထားပြီး Casey Affleck နဲ့ Zoe Saldaña တို့လည်း ပါဝင်ထားတဲ့ မှုခင်းဒရာမာကားပါ။

Safe House (2012) Denzel Washington နဲ့ Ryan Reynolds တို့ပါဝင်ထားတဲ့ ဒီရုပ်ရှင်ကားက Action Thriller အမျိုးအစား ဇာတ်ကြမ်းကားဖြစ်ပါတယ်။ ဒီရုပ်ရှင်ထဲမှာတော့ Ryan Reynolds ကို CIA Agent အငယ်လေးတစ်ယောက်အဖြစ်မြင်တွေ့ရမှာဖြစ်ပြီး Denzel  ကိုတော့ အထာကျကျ ဉာဏ်ကစားမယ့် ဆရာကြီးအဖြစ် မြင်တွေ့ရမှာပါ။ No One is Safe ဆိုတဲ့အတိုင်း ဘယ်လောက်ပဲ လုံခြုံအောင်လုပ်ထားထား တစ်နေရာရာကနေတော့ ယိုပေါက်က ရှိလာတတ်တာပါပဲ။ တစ်ယောက်ကိုတစ်ယောက်ထိုးချပြီး အမှားမခံနိုင်ဘဲ ဘဝပျက်သွားနိုင်တဲ့ ကစားပွဲမှာ အပြိုင်အဆိုင်ဉာဏ်ကစားရင်းနဲ့ နောက်ကွယ်က လက်မည်းကြီးတွေကိုဖော်ထုတ်နိုင်ပါ့မလားဆိုတာ...။ File size…(3.5 GB )/(1.7 GB) Quality….BluRay 1080p HEVC / 720p Format…mkv/mp4 Duration….01:54:54 Subtitle….Myanmar Subtitle (Hardsub) Encoder….Ka Naung

IMDb Rating - 6.2/10 Rotten Tomatoes - 74% ဒီရုပ်ရှင်ကို ဘာလို့ကြည့်ဖြစ်ခဲ့လဲဆိုရင် ဖြေရမယ့် အဖြေက တစ်ခုတည်းရှိမယ်။ ဘရက်ပစ်ပဲ။ ပုံမှန်အားဖြင့်ဆိုရင်တော့ ဇာတ်ကားတစ်ကားကို ကြည့်သင့်လားဆိုတာ ဒါရိုက်တာကြည့် ဆုံးဖြတ်ကြတာများပေမဲ့ ကိုယ်သဘောကျတဲ့ သရုပ်ဆောင်တစ်ယောက်ရဲ့ သရုပ်ဆောင်ပုံကို မြင်ရမှာကိုလည်း ထည့်တွက် ဆုံးဖြတ်ကြတာပဲမလား။ ဒီကားဟာ ဒီအချက်အတွက်တော့ စိတ်မပျက်စေခဲ့ဘူး။ဘရက်ပစ်ဟာ မျှော်လင့်ထားတဲ့အတိုင်း သူ့ကိုမြင်နေကျ သူ့ဟန်အတိုင်းပဲ ပေါ်လာခဲ့တယ်။ ဇာတ်လမ်းကတော့"မနူးမနပ်လူမိုက်ကလေးတွေက ဝါရင့်လူမိုက်ကြီးတွေကို ကတုံးပေါ်ထိပ်ကွက် လုပ်ဖို့ ကြံတဲ့အကြောင်းပါပဲ။ ဒီဇာတ်အိမ်ကို အမေရိကန် ဘဏ္ဍာရေးပျက်ကပ်ခေတ်မှာတည်ပြီး အဲ့ဒီကာလက သတင်းတွေ မိန့်ခွန်းတွေကို တစ်ချိန်လုံးနီးပါး နောက်ခံအသံထည့်ထားတယ်။ ထည့်ထားရတဲ့အကြောင်းရင်းက ဘာလဲ ဒီမနူးမနပ် လူမိုက်တွေရဲ့အဖြစ်နဲ့ ဘဏ္ဍာရေးပျက်ကပ်ကို သရော်ချင်တာလား ဘာလားတော့ စီးပွားရေးပျက်ကပ်နဲ့ပက်သက်ပြီး ဂဃနဏမသိလို့ ညဏ်မမှီဘူး။ မှီတဲ့သူတွေအတွက် ပိုသဘောကျချင်စရာ ကောင်းလောက်မယ်။ ခပ်ကြမ်းကြမ်း ရွဲ့ရွဲ့ စကားတွေပြောနေမယ့် ဘရက်ပစ်အပြင် Goodfellasထဲက Ray Liottaလည်းပါတယ်။ Cogan's Tradeဆိုတဲ့ ဝတ္တုကိုပြန်ရိုက်ထားပြီး ကားကောင်းတွေ ထုတ်တာများတဲ့ ဘရက်ပစ်ရဲ့ Plan Bကပဲ ထုတ်ထားတယ်။ ဆဲတာဆို‌တာတွေလည်း တစ်ကားလုံးနီးပါးပါပဲ။ ပမာဏတစ်ခုအထိတော့ ဖော့ရေးထားတယ်။ ကြမ်းကြမ်းရမ်းရမ်း ရိုင်းရိုင်စိုင်းစိုင်း သတ်လိုက်ဖြတ်လိုက် ဆဲလိုက်ဆိုလိုက်ကားတွေ မကြိုက်တတ်ရင်တော့ လက်ရှောင်သင့်တဲ့ကားပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__2 GB, 1 GB Quality__1080p, 720p IMDb Rating__6.3/10 Format__mp4 Duration__01:37:00 Type__Action , Crime , Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Brothers (2009) IMDb - 7.1/10 Rotten - 64% မင်းသား Tobey Maguire , Jake Gyllenhaal , မင်းသမီး နာတာလီပေါ့ထ်မန်းတို့ပါဝင်ထားတဲ့ စစ်ပွဲအခြေပြု Drama,Thriller,War အမျိုးအစား ဇာတ်ကားဖြစ်ပါတယ်။ IMDb Rating  (7.1) ရရှိထားတဲ့ဇာတ်ကားပါ။ Tobey နဲ့ နာတာလီပေါ့ထ်မန်း က လင်မယား....ကလေးနှစ်ယောက်လဲရှိတယ်....Jake နဲ့ Tobey က ညီအစ်ကိုတွေ... Tobey ကတော့ အမေရိကန်မရိန်းတပ်ကဗိုလ်ကြီး... Jake ကတော့ ထောင်ထွက်အပေအတေ... အာဖဂန်နစ်စတန်ကစစ်ဆင်ရေးတစ်ခုမှာ Tobey တစ်ယောက် အဖမ်းခံလိုက်ရပြီး ပျောက်ဆုံးသွားတဲအခါမှာတော့..........။ File size…(900 MB) Quality…BluRay 720p Format…mp4 Duration….01:50:00 Subtitle….Myanmar Subtitle (Hardsub) Encoder….Nyeinsaeya Aung Translated by Bonne Fille

သာမန်စီးပွားရေးသမား ဝိတ်ဒ်ဟာ ဘဝမှာ မျှော်မှန်းထားတာတွေ ဖြစ်လာခါစမှာပဲ မရည်ရွယ်ဘဲ လူတစ်ယောက်ကို သတ်မိခဲ့လို့ ထောင်ကျသွားပါတယ်။ ကိုယ့်ဘက်က ရှင်းပြခွင့်တောင် မရခဲ့တဲ့ သူက ဖြစ်လာသမျှကို အကောင်းဆုံး ရင်ဆိုင်မယ်လို့ စိတ်ကူးထားပေမယ့် ဆုံးဖြတ်ချက်အမှားတွေ ထပ်ခါထပ်ခါ ချမိရင်း အခြေအနေက ပိုဆိုးလာတယ်။ ထောင်ထဲမှာ ဝိတ်ဒ် ဆုံရသူက ဂျွန်စမစ်ပါ။ ဇနီးနဲ့ သမီးကို ဆုံးရှုံးထားတဲ့ ဂျွန်ဟာ လက်စားချေခဲ့ပြီးနောက် ထောင်ထဲမှာ အသက်ရှင်နေပေမယ့် ရှင်လျက်သေသလို နေထိုင်နေရသူ ဖြစ်ပါတယ်။ အကျဉ်းထောင်အတွင်းက လူမိုက်ဂိုဏ်းတွေနဲ့ ထောင်စောင့်တွေကြား ပဋိပက္ခတွေကို ဖြတ်သန်းရင်း ဝိတ်ဒ်ကိုယ်တိုင်လည်း သတိမထားမိခင်မှာပဲ စီးပွားရေးသမားဘဝကနေ ဒုစရိုက်ဂိုဏ်းသားတစ်ယောက်လို တဖြည်းဖြည်း ပြောင်းလဲလာပါတယ်။ အပြင်မှာ ကျန်ခဲ့တဲ့ ဇနီး လော်ရာကလည်း ခင်ပွန်းကို အားကိုးလို့ မရတော့တဲ့အခါ အခက်အခဲတွေကို ကိုယ်တိုင် ဖြေရှင်းရတယ်။ ဝိတ်ဒ်က ထောင်တွင်းဘဝနဲ့ ရုန်းကန်နေရချိန်မှာ လော်ရာက ကလေးကို တစ်ယောက်တည်း ပြုစုပျိုးထောင်ရင်း အပြင်လောကမှာ ရင်ဆိုင်နေရပါတယ်။

စပိန်လို 'အမျိုးသမီးရာဇဝတ်ကောင်များ' လို့အဓိပ္ပါယ်ရပါတယ်။ မက္ကဆီကိုမှာ ဇာတ်အိမ်တည်ထားတဲ့ ဇာတ်ကားလေးပါ။ မင်းသမီးတွေကတော့ စပိန်မင်းသမီးချော Penélope Cruz နဲ့ မက္ကဆီကိုမင်းသမီး Salma Hayek တို့ပါ။ မင်းသမီးတွေရဲ့ဇာတ်လမ်းဆို ပိုမှန်ပါမယ်။ ချမ်းသာပြီး လိုတရဘဝနဲ့ ဥရောပမှာ ကျောင်းတတ်လာခဲ့တဲ့ မက္ကဆီကိုဘဏ်သူဌေးသမီး ဆယ်လ်ဗာဒို အဖြစ် Salma Hayek ဆင်းရဲတဲ့လယ်သမားသမီးဖြစ်ပေမယ့် ပွင့်လင်းရဲရင့်တဲ့ တောသူမလေး မာရီယာအဖြစ် Penélope Cruz တို့က ပိုင်နိုင်စွာသရုပ်ဆောင်ထားပါတယ် ဆယ်လ်ဗာဒိုရဲ့အဖေနဲ့လာပြီးအလုပ်လုပ်တဲ့ အမေရိကန်ဘဏ်ကကိုယ်စားလှယ် တေလာဂျက်ဆင် (Dwight Yoakam) ဟာ ရထားလမ်းဖောက်ဖို့ အတွက် ဆင်းရဲတဲ့မက္ကဆီကိုလယ်သမားတွေကို သတ်ပြီး သူတို့မြေတွေကို တစ်ပီဆိုတည်းနဲ့ရောင်းခဲ့ပါတယ်လို့ စာချုပ်အတုတွေလုပ်ပါတယ်။ နောက်ဆုံး ဆယ်လ်ဗာဒိုရဲ့အဖေကိုပါ သတ်ပြီး သူ့အဖေပိုင်ဆိုင်တဲ့ဘဏ်တွေကိုပါ သိမ်းယူခဲ့ပါတယ်။ ဂျက်ဆင်သတ်တဲ့လယ်သမားတွေထဲမှာ မာရီယာရဲ့အဖေလည်းပါဝင်ခဲ့ပါတယ်။ ဒါကြောင့် ဆယ်လ်ဗာဒိုနဲ့မာရီယာတို့ပေါင်းပြီး မစ္စတာဂျက်ဆင်ကို လက်စားချေတဲ့အနေနဲ့ ဘဏ်တွေကို ဓါးမြတိုက်ပါတော့တယ်။ သူတို့ကို ဖမ်းဖို့ သိပ္ပံနည်းကျမှုခင်းဖော်ထုတ်တဲ့စုံထောက် ကွမ်တင်ကွက်ခ် (Steve Zahn) ကို နယူယော့ခ်က စေလွှတ်ခဲ့ပါတယ်။ ဒါပေမယ့် ကွမ်တင်က ဂျက်ဆင်ရဲ့ယုတ် မာမှုကို သိသွားပြီး မာရီယာတို့နဲ့ပူးပေါင်းကာ ဂျက်ဆင်ကို နှိမ်နင်းတဲ့ဇာတ်ကားလေးဖြစ်ပါတယ်။ ( ဒီဇာတ်ကားအတွက် အညွန်းနဲ့ ဘာသာပြန်သူကတော့ Channel Myanmarပရိသတ်ဖြစ်တဲ့ ကို Nyi Nyi Kyaw Myintပဲဖြစ်ပါတယ်) @joker

နည်းပညာတွေတိုးတက်လာတဲ့ ခေတ်မှာ လူနဲ့လုပ်ဆောင်သောအရာတွေကို စက်တွေအစားထိုးပြီးလုပ်ဆောင်လာကြပါပြီ.... အထူးသဖြင့် စစ်မြေပြင်တိုက်ပွဲတွေမှာ လူသားစစ်သားတွေ အသေကြေနည်းပါးအောင်လျော့ချဖို့အတွက် အသုံးပြုလာကြပါတယ်... ဒီထဲမှာမှ ရေတပ်စစ်သဘောၤၤအုပ်စုတစ်ခုမှာ အသံထက်မြန်အောင် မောင်းနှင်နိုင်တဲ့ ဂျက်လေယာဉ်အုပ်စုတစ်ခုရဲ့ ၄ ယောက်မြောက်အဖွဲ့ဝင်အဖြစ် လူသားကဲ့သို့အသိဉာဏ်ရှိတဲ့ မောင်းသူမဲ့တိုက်လေယာဉ်တစ်စင်းကို အသုံးပြုဖို့အတွက် အကြောင်းဖန်လာပါတော့တယ်.... EDI လို့အမည်ပေးထားတဲ့ စွမ်းအားမြင့်မောင်းသူမဲ့လေယာဉ်ဟာ  အနာဂါတ်စစ်ပွဲတွေမှာ စိုးမိုးနိုင်ဖို့အတွက် ဖန်တီးထားတာဖြစ်ပြီးတော့ သူ့အတွက်လိုအပ်တဲ့တိုက်ခိုက်ရေးအချက်လက်တွေကို  ထည့်ပေးလိုက်ရုံနဲ့ သူကိုယ်တိုင် ရှာဖွေဝင်ရောက်နိုင်စွမ်းလည်းရှိပါတယ်.... တခြားတိုက်လေယာဉ်တွေနဲ့မတူတာကတော့ သူဟာ လူသားတစ်ယောက်နီးပါး ခံစားတတ်ပါတယ်... သို့ပါသော်ငြားလည်း သူဟာ လူသားတွေဖန်တီးတီထွင်ထားတဲ့ စက်ပစ္စည်းတစ်ခုသာဖြစ်ပါတယ်... စက်ပစ္စည်းတစ်ခုဖြစ်တာကြောင့် နည်းပညာပိုင်းအခက်ခဲတွေရှိတယ်လို့ မထင်စေလိုပါဘူး...ဘာလို့လဲဆိုတော့ သူဟာ အမိန့်ကိုတိကျစွာလိုက်နာနိုင်ပါတယ်... ဒါကြောင့်လည်း စစ်ဆင်ရေးတစ်ခုမှာ ချပေးလိုက်တဲ့အမိန့်တစ်ခုကို တိကျစွာလိုက်နာဆောင်ရွက်နေရင်းကနေ  သူ့ရဲ့တွဲဖက်လေယာဉ်မှုးသုံးယောက်လုံး ကံကြမ္ပာဆိုးကျရောက်ဖို့စတင်လာပါတော့တယ်.... အသေးစိတ်ကိုတော့ ကိုယ်တိုင်ကြည့်ရင်းခံစားကြပါ... ဒီကားရဲ့ထူးခြားချက်ကတော့ မြန်မာဆိုတဲ့ ကျွန်တော်တို့ရဲ့နိုင်ငံလည်းပါနေတာပါပဲ... ကားတိုင်းကားတိုင်းမှာ ကိုယ့်နိုင်ငံပါနေရင်ပဲလူတိုင်းကကြည့်ချင်နေကြပါပြီ... Rating 5 ၂၀၀၅ ခုနှစ်ကထွက်ထားတဲ့ကားမို့အထင်မသေးစေချင်ပါဘူး... ဇာတ်ကားတစ်ကားရဲ့ကောင်းကွက်ဆိုးကွက်တွေကို ကြည့်သူတွေကပဲ ဆုံးဖြတ်ပေးလိုက်ကြပါဦး...... ကားကောင်းလေးတစ်ကားလို့ထင်မြင်မိပါတယ်...... File Size : (951MB) and (277 MB) Quality : BluRay 720p Running Time : 2h 01 min Format : Mp4 Genre :  Action , Sci-Fi , Adventure Subtitle : Myanmar Subtitle (Hard Sub) Translated by Zuri Encoded by Moe Myint Lwin

အချစ်ကားတစ်ကား ရွေးကြည့်ချင်တဲ့အခါ The Notebook ကို ထည့်စဉ်းစားလို့ရပါတယ်။ အချစ်ဝတ္ထုတွေနဲ့ လူသိများတဲ့ Nicholas Sparks ရဲ့ ဝတ္ထုကို ရုပ်ရှင်အဖြစ် ပြန်ရိုက်ထားပြီး Ryan Gosling နဲ့ Rachel McAdams တို့ အဓိကပါဝင်ထားကြတယ်။ ချစ်ခြင်းမေတ္တာအပေါ် ယုံကြည်မှုနဲ့ အချစ်ကြောင့် လှပလာတဲ့ဘဝကို ခံစားချင်သူတွေအတွက် ရွေးကြည့်စရာပါ။

The Pledge (2001) ပရိသတ်ကြီးရေ၊ ဒီတစ်ခါမှာတော့ စုံထောက်ဇာတ်ကားတွေကို ကြိုက်နှစ်သက်သူတွေအတွက် အနည်းငယ်လေးနက်ပြီး စိတ်ခံစားမှု ပြင်းထန်တဲ့ ရုပ်ရှင်တစ်ကားဖြစ်တဲ့ The Pledge (၂၀၀၁) ကို မိတ်ဆက်ပေးချင်ပါတယ်။ ဒီကားကို သရုပ်ဆောင်ပိုင်းမှာ ထိပ်တန်းမင်းသားတစ်လက်ဖြစ်တဲ့ Jack Nicholson က အဓိက သရုပ်ဆောင်ပြီး၊ ဒါရိုက်တာကတော့ Sean Penn ပဲဖြစ်ပါတယ်။ ဇာတ်လမ်းအညွှန်း ဇာတ်လမ်းက ရီနိုမြို့ (Reno) က စုံထောက်ဟောင်း Jerry Black (Jack Nicholson) အကြောင်းပါ။ သူ အငြိမ်းစားယူတဲ့ညမှာပဲ၊ အသက် ၈ နှစ်အရွယ် ကလေးမလေးတစ်ယောက် ရက်ရက်စက်စက် အသတ်ခံလိုက်ရတဲ့ အမှုတစ်ခုပေါ်လာပါတယ်။ Jerry Black ဟာ အငြိမ်းစားယူပြီးသားဖြစ်ပေမဲ့၊ သေဆုံးသွားတဲ့ ကလေးမလေးရဲ့ မိခင်ကို တရားခံကို မဖြစ်မနေ ဖော်ထုတ်ပေးမယ်ဆိုပြီး သစ္စာဆို လိုက်ပါတယ်။ ရဲတွေကတော့ မသန်စွမ်းသူတစ်ဦးကို ဖမ်းဆီးပြီး အမှုကို အလွယ်တကူ ပိတ်လိုက်ပေမဲ့၊ Jerry ဟာ ဒီလူဟာ တရားခံအစစ်မဟုတ်ဘူးလို့ ယုံကြည်နေပါတယ်။ ဒါကြောင့် သူဟာ အငြိမ်းစားဘဝကို စွန့်လွှတ်ပြီး၊ ကိုယ်ပိုင် စုံစမ်းစစ်ဆေးမှုတွေကို စတင်ပါတော့တယ်။ အဲဒီအတွက် သူဟာ စုံတွဲလူသတ်သမားကို ထောင်ချောက်ဆင်ဖို့အတွက် လူသတ်မှုတွေဖြစ်ခဲ့တဲ့ နေရာတွေကြားက လမ်းဘေး ဓာတ်ဆီဆိုင်ဟောင်းလေးတစ်ခုကို ဝယ်ပြီး နေရာယူလိုက်ပါတယ်။ ထိုနေရာမှာ Jerry ဟာ မိခင်တစ်ဦးနဲ့ သူမရဲ့ သမီးငယ်လေး Chrissy နဲ့ ဆုံဆည်းပြီး၊ သူတို့မိသားစုနဲ့ အတူနေထိုင်ရင်း ချစ်ခင်တွယ်တာမှုတွေ စတင်လာပါတယ်။ ဒါပေမဲ့ ကလေးမလေး Chrissy ရဲ့ ပုံပန်းသဏ္ဍာန်ဟာ အရင် အသတ်ခံခဲ့ရတဲ့ ကလေးမလေးတွေနဲ့ ဆင်တူနေတဲ့အခါမှာတော့၊ Jerry ဟာ သူ့ရဲ့ စုံထောက်စိတ်နဲ့ ကတိတည်ချင်စိတ်ကြောင့် ဘယ်လို ဆုံးဖြတ်ချက်တွေ ချသွားမလဲဆိုတာ ရင်တထိတ်ထိတ်နဲ့ ကြည့်ရှုရမှာပဲ ဖြစ်ပါတယ်။ File Size - 1.6 GB/ 743 MB Quality - BluRay 1080p/ 720p Duration - 2h 4m Format - mp4 Genre - Crime, Drama, Mystery, Thriller Subtitle - Myanmar Subtitle (Hard Sub)

၂၀၀၁ ထွက် အက်ရှင်ကားလေးတစ်ကားကိုတင်ဆက်ပေးလိုက်ပါတယ်။ ဒီကားလေးမှာ လိုဂန် အဖြစ် လူသိများတဲ့ Hugh Jackman က ဟက်ကာ တစ်ယောက်အဖြစ်ပါဝင်ထားပါတယ်။စတန်လီ ဂျော့ဘ်ဆန် (Hugh Jackman) ဟာဆိုရင် FBI ရဲ့ ကွန်ပျုတာ စနစ်တစ်ခုကို ဗိုင်းရပ်စ် တစ်ခု နဲ့ ဖောက်ဝင်ပြီး FBI ရဲ့ လုပ်ငန်းတွေကို နှစ်ပေါင်းများစွာ နှောင့်နေးစေခဲ့ပါတယ်။ဒီအတွက် ကြောင့်ပဲ ဆိုရင် အေးဂျင့်ရောဘတ် ဆိုသူရဲ့ ဖမ်းဆီးခြင်းကို ခံရပြီး ထောင် ၂ နှစ်ကျခဲ့ပါတယ်။ သူ့ရဲ့ ဇနီးဟောင်း မယ်လီဆာကလည်း သူ့ သမီးလေးကို စတန်လီနဲ့တွေ့ခွင့် ပိတ်ထားပါတယ် တစ်ရက်မှာ သူ့ဆီကို ဂျင်ဂျာ လို့ခေါ်တဲ့ မိန်းကလေးတစ်ယောက်ရောက်လာပြီး ဂေဘရီရယ်လ် ဆိုတဲ့ လူတစ်ယောက်အတွက် ဟက်ကင်း လုပ်ပေးဖို့ မြူဆွယ်ပါတယ်။ဒီလိုနဲ့ သူတို့ သဘောတူညီမှု့ရပြီး ဂေဘီရယ်လ် နဲ့တွေ့ကျတာပေါ့။ ဂေဘရီရယ်လ် က စတန်လီ ကို အစိုးရငွေတွေကို ခိုးယူတဲ့ နေရာမှာ ကွန်ပျုတာ ထဲဖောက်ဝင်ခိုးယူပေးဖို့ ပြောပါတယ်။ သူကလဲ Black Cell ဆိုတဲ့ အဖွဲ့တစ်ခုကဖြစ်ကြောင်း သူတို့ အဖွဲ့ က အကြမ်းဖက် သမားတွေကို တန်ပြန်တိုက်ခိုက်တာဖြစ်ကြောင်း သူတို့ အဖွဲ့ကို အစိုးရက မထောက်ပံ့တော့လို့ ခိုးယူရတာဖြစ်ကြောင်းရှင်းပြပါတယ်။ဒါပေမဲ့ ဂေဘရီရယ်လ် ဟာ အဖ်ဘီအိုင်ရဲ့ ခြေရာခံတာကို ခံရပြီး သိသွားခဲ့လို့ Black Cell ခေါင်းဆောင်ဟာ ဂေဘရီရယ်လ် ကို အစီအစဉ် ရပ် ခိုင်းရာမှာ မရပ်တဲ့ အတွက် ဂေဘရီရယ်လ် ကို သတ်ဖို့ လုပ်ပါတော့တယ်။ပိုက်ဆံတွေရပြီးမှ စတန်လီ သိလာရတာက ဂေဘရီရယ်လ် ဆိုတာ နာမည်အတု သာဖြစ်ကြောင်းပါ။ ဂေဘရီရယ်လ် က ဘယ်သူလဲ Black Cell ခေါင်းဆောင်ကကော သူ့ကို သတ်မှာလား …. ပိုက်ဆံတွေကို ခိုးယူကူတဲ့ စတန်လီတစ်ယောက် ဘယ်လို ဆက်လုပ်မလဲ ဆိုတာကို စိတ်ဝင်စားဖွယ် ကြည့်ရှု့ရမှာပါ။ File Size : 600MB /350 MB Quality : Blu Ray Running Time :    1h 39min Format : Mp4 Genre : Action, Crime, Thriller Subtitle : Wai Linn Kyaw Encoder : Tariq L Walker

IMDb - 7.7/10 Rotten - 76% Won 2 Oscars. Another 9 wins & 37 nominations ဆိုမာလီနိုင်ငံဟာ ၁၉၉၀ဝန်းကျင်က ငတ်မွတ်မှုကြောင့် ပြည်သူသုံးသိန်းကျော်သေဆုံးခဲ့ပါတယ် အကြောင်းရင်းကတော့ ယခုထိတိုင်မပြီးဆုံးနိုင်သေးတဲ့ တစ်နိုင်ငံထဲနေမျိုးနွယ်စုတွေ အချင်းချင်းဖြစ်ပွားတဲ့ ကာလရှည်ပြည်တွင်းစစ်ကြောင့်ဖြစ်ပါတယ် ဆိုမာလီယာအစိုးရဟာ မထိန်းချုပ်နိုင်ပဲ ငါတလူမင်းမူနေတဲ့ ခေါင်းဆောင်တွေကြားမှာ Mohamed Farrah Aididဟာ အာဏာအရှိဆုံးဖြစ်ခဲ့ပြီး ထိုအချိန်က မြို့တော်မိုဂါဒစ်ရှူ;ကို အုပ်စိုးခဲ့ပါတယ် နိုင်ငံတကာကထောက်ပံတဲ့ရိက္ခာ အထောက်အပံတွေကို ငတ်မွတ်နေတဲ့ပြည်သူတွေဆီမဝေငပဲ အရက်စက်ဆုံးထင်ရာဆိုင်းမင်းမူနေတဲ့ Aididကိုဖယ်ရှားပစ်မယ် အစီအစဉ်တွေထဲကတစ်ခုကို ၁၉၉၃ခုနှစ်အတွင်း မြို့တော်မိုဂါဒစ်ရှူးမှာ ထုံးစံအတိုင်းအမေရိကန်တို့ လုပ်ခဲ့ပါတယ် Aididအစိုးရအဖွဲ့ရဲ့အစည်းအဝေးတစ်ခုကိုဝင်စီးကာ ဝန်ကြီးတွေကိုဖမ်းဖို့ဖြစ်ပြီး တစ်နာရီအတွင်းအပြီးသတ်ဖို့စနစ်တကျ စီစဉ်ထားတဲ့စစ်ဆင်ရေးဟာ Aididစစ်တပ်ရဲ့ မထင်မှတ်တဲ့ အပြင်းအထန်ခုခံမှုတွေကြောင့် ဘလက်ဟော့ဟယ်ရီကော်ပတာ တွေပျက်ကျမှုမှစတင်ကာ အလွဲလွဲချော်ချာ်ဖြစ်ပြီး အမေရိကန်စစ်တပ်ဟာ အချိန်မှီမြို့ထဲကပြန်မထွက်နိုင်ပဲ ပိတ်မိကာ တစ်ရက်နီးပါးကြာမြင့်သွားပါတယ် ဒီဇာတ်ကားဟာထိုအခါက အမေရိကန်နဲ့ဆိုမာလီတွေရဲ့ အပြင်းအထန်တိုက်ခဲ့ကြပုံတွေ စစ်ရဲ့မာန် စစ်ရဲ့ဓလေ့နဲ့ စစ်ရဲ့ကြေကွဲဖွယ်ရာတွေကို အပီပြင်ဆုံးရိုက်ကူးပြထားပြီး အကယ်ဒမီဆုတွေကို သိမ်းပိုက်သွားခဲ့တဲ့ဇာတ်ကားဖြစ်ပါတယ် Imdb 7.7နဲ့ RT 76%ထိရရှိထားပြီး စစ်ကားဆိုမှစစ်ကားကိုကြိုက်တဲ့သူတွေအနေနဲ့ ကြည့်ဖူးတဲ့စစ်ကားတွေထဲမှာ ဒီကားမပါသေးရင် အမြန်ဆုံးသာ download လုပ်လိုက်ပါလို့တိုက်တွန်းချင်ပါတယ် File Size :(4.3GB) (1.4GB) Quality : Web-Dl1080p/720p Format…mp4 Duration…02:24:00 Genre : Action, Drama,  History Subtitle : Myanmar Subtitle (Hard Sub) Translated by  Chan Myae Thu Aung Encoded by Phyo Pyae

All the Pretty Horses (2000) ဒီကားလေးကတော့ (၂၀၀၀)ခုနှစ်ထွက် Western ရုပ်ရှင် ရိုမန့်စ်ဒရာမာကားလေးဖြစ်ပြီး "Best Seller" စာအုပ်တစ်အုပ်ဖြစ်တဲ့ "All the Pretty Horses" ကို ပြန်အသက်သွင်းထားတဲ့ကားလေးတစ်ကားဖြစ်ပါတယ်။ Blockbuster ဆုနှစ်ခုရခဲ့တဲ့အပြင် Golden Globe ဆုအတွက်ပါ ဆန်ခါတင်၀င်ခဲ့တဲ့ကားလေးပါပဲ။ Matt Damon ရဲ့နုစဉ်ကာလက ကားကောင်းလေးဖြစ်ပြီး မင်းသမီးကလည်း Penélope Cruz ဆိုတော့ Cast တွေနဲ့တင် ကြည့်ရတန်တဲ့ကားလေးပါ။ ဇာတ်လမ်းအကျဉ်းကတော့... တက္ကဆက်ကနေထွက်လာတဲ့ ကောင်းဘွိုင်သူငယ်ချင်းနှစ်ယောက် အလုပ်ရှာဖို့ မက္ကဆီကိုဖက်ကိုရောက်လာပါတယ်။ လမ်းမှာ အသက်မပြည့်သေးတဲ့ကောင်လေးတစ်ယောက်နဲ့တွေ့ပြီး ကံအကြောင်းမလှလို့ ဒေသခံတွေနဲ့လည်း မြင်းပြဿနာတက်ခဲ့ပါ‌သေးတယ်။ မက္ကဆီကိုခြံပိုင်ရှင်ရဲ့သမီးနဲ့လည်း ချစ်ကြိုက်မိပြီး မမှီတဲ့ပန်းကိုတုံးခုလှမ်းမိတဲ့အချိန်မှာတော့ မူလရှိရင်းစွဲပြဿနာတွေပါပြန်တက်ပြီး သူငယ်ချင်းနှစ်ယောက် သေချင်တဲ့ကျားတောပြောင်းဆိုသလို ဒုက္ခတွေရောက်ပြီး သူတို့နှစ်ယောက်ရဲ့ခရီးကြမ်း ဘယ်လိုအဆုံးသတ်မလဲဆိုတာ စိတ်၀င်တစားကြည့်ရှုရမှာပါ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2.25GB, 946MB Quality - 1080p, 720p IMDb Rating - 5.8/10 Format - mp4 Duration - 1H 56Min Genre - Drama, Romance, Western Subtitle - Myanmar Subtitle (Hardsub) Translated by Soe Thiri Swe Encoded by Y

The Pelican Brief (1993) IMDB Rating -------- 6.6 ဒီရုပ်ရှင်ရဲ့ မူရင်းဝတ္တုဟာ The Firm တို့ A Time To Kill တို့ Rain Makerတို့လို နာမည်ကျော် Legal Thriller တွေပဲရေးခဲ့တဲ့ John Grisham ပါ။ သူရဲ့ ပထမဆုံးဝတ္တု A time to kill ဟာ ၂၀၁၂အထိ စစ်တမ်းအရ ၂၇၅သန်းအထိ ကော်ပီရောင်းရပြီးပါပြီ။ ဒီနောက်ရေးတဲ့ The Firm ဟာ Best Seller စာရင်းဝင်ခဲ့ပြီး သူ့ကို စအောင်မြင်စေခဲ့တဲ့ Legal Thriller လည်း ဖြစ်ပါတယ် ။ အခုတော့ သူရဲ့ နာမည်ကျော်ဝတ္တုတစ်ပုဒ်ကိုပဲ Julia Roberts နဲ့ Denzel Washington တို့လို ထိတ်ထိတ်ကြဲတွေ သရုပ်ဆောင်ထားတဲ့ The Pelican Brief ဆိုတဲ့ ကားနဲ့ ထပ်မိတ်ဆက်ပေးပါရစေ။ ဗဟိုတရားရုံး ဂျူဒီ နှစ်ယောက်ကို Khamelလို့ အမည်တွင်တဲ့ လူလတ်သမားတစ်ယောက်ဟာ လုပ်ကြံသတ်ဖြတ်သွားပါတယ်။ ဒီအဖြစ်အပျက်အပြီး နှစ်နှစ်တာ အကြာမှာ Tulane တက္ကသိုလ်က ရှေ့နေကျောင်းသူ Darby Shaw ဟာ ဒီအဖြစ်အပျက်နဲ့ ပက်သက်ပြီး ဘာလို့ သူတို့ အသတ်ခံရလဲဆိုတာကို သီအိုရီထုတ်ပြီး လျှောက်လဲချက်တစ်ခု ရေးခဲ့ပါတယ်။ ဒီလျှောက်လဲချက်ကို သူမရဲ့ ဥပဒေပါမောက္ခကိုပေးခဲ့ပြီး သူ့ဆရာက Gavin Verheek ဆိုတဲ့ FBI ဒါရိုက်တာ ရဲ့အထူးရှေ့နေတစ်ယောက်ကို မူပွားပေးခဲ့ပါတယ်။ ဒီနောက်မှာ..ပါမောက္ခဟာ ဗုံးခွဲအသတ်ခံခဲ့ရပါတယ်။ Darby ကိုယ်တိုင်လည်း တိုက်ခိုက်မှူ တချို့ကြုံရပြီးတဲ့အခါ သူ မသေအောင်ရှောင်ဖို့ လုပ်ရပါတော့တယ်။ဒီအချိန်မှာပဲ သူ သီအိုရီ ထုတ်ထားတဲ့ လျှောက်လဲချက်ဟာ မမှားလို့ သူ့ကို လုပ်ကြံဖို့ ကြံစည်နေကြောင်း သဘောပေါက်ခဲ့တယ်။ ဒီလိုနဲ့ သူမ ပုန်းကွယ်ပြီး Verheek ဆီက အကူအညီတောင်းခဲ့ရပါသတဲ့..။ တစ်ဖက်မှာ Garciaလို့ သူ့ကိုယ်သူ ခေါ်တဲ့ သတင်းပေးတစ်ယောက်ဟာ သတင်းထောက် Gray Granthamကို လုပ်ကြံမှုတွေနဲ့ ပက်သက်တဲ့ သတင်းပေးပြီး ချက်ချင်း ပျောက်ကွယ်သွားခဲ့တယ်။ ဒီနောက် Darby ဟာ သူ့ လျှောက်လှဲချက်တွေ မှန်ကန်တာတွေ့ရှိခဲ့တဲ့ သတင်းထောက်နဲ့ ဆက်သွယ်ခဲ့ပါတယ်။ Darby ဟာ ထပ်အတိုက်ခိုက်ခံရပြီး လွတ်မြောက်သွားပေမဲ့ သူ့ကွန်ပျူတာ ဖိုင် ဒေတာတွေ အကုန်ပျောက်ကွယ် သွားခဲ့တယ်။ Verheek နဲ့ တွေ့ဆုံဖို့ စီစဉ်တဲ့အခါလည်း Verheek အသတ်ခံခဲ့ရပြီး လူသတ်သမားက အယောင်ဆောင်လာတွေ့ခဲ့ပါတယ်။ ဒါပေမဲ့ ဘယ်ဆီကရောက်လာမှန်းမသိတဲ့ ကျည်တစ်တောင့်က သူ့ အသက်ကို ကယ်တင်သွားခဲ့ပါတယ်။ Grantham နဲ့ Darbyတို့ နယူးယောက်မှာ တွေ့ကြပြီး သူရဲ့ Palican လျှောက်လဲချက်ထဲက ခန့်မှန်းချက်တွေ အကြောင်း Granthamကို ပြောပြခဲ့ပါတယ်။ Granthamကလည်း သတင်းပေးလူအကြောင်းပြောပြရရင်း သတင်းပေးတဲ့လူကို သူကို သူတို့သိပြီးတဲ့အခါ.... သက်သေဘယ်လိုရှာရင်း သူရဲ့ Palican လျှောက်လဲချက်ကို ဘယ်လို သက်သေပြမလဲ ဘယ်လောက်ထိ အဆင့်မြင့်တဲ့ အုပ်ချူပ်ရေးပိုင်းက လူတွေပါပါနေလဲဆိုတာတော့ ကိုယ်တိုင်ပဲ ကြည့်ရှုရင်ခုန်လိုက်ကြပါ....။ ဒီရုပ်ရှင်ရဲ့ မူရင်းဝတ္တုရေးဆရာ John Grishmanဟာ ရှေ့နေလည်းဟုတ်သလို နိုင်ငံရေးသမားတစ်ဖြစ်လဲ စာရေးဆရာလည်း ဟုတ်ပါတယ်။ ဒီတော့ သူ့ရဲ့ Legal Thriller ဝတ္တုတွေဟာ သေသပ်ပြည့်စုံပါတယ်။ သူ့ စာအုပ်ကို ရိုက်ထားတဲ့ Julia Roberts တို့ Danzel Washington တို့လို လူတွေ သရုပ်ဆောင်ထားတဲ့ ဒီကားဟာလည်း Rating မများလှပေမဲ့ ကားကောင်းတစ်ခုမို့လို့ ပြန်လည်တူးဖော် တင်ဆက်ပေးလိုက်ပါတယ်။ ဇာတ်လမ်းအညွှန်းကိုတော့ Wira Aung မှရေးသားပေးပြီး ဘာသာပြန်သူကတော့  Pinky Barbie ပဲဖြစ်ပါတယ်... File size…2.42GB / 865MB Quality… Blu-Ray 1080p/ 720p Format…mp4 Duration….2h 22m Genre ….. Crime, Drama, Mystery Subtitle….Myanmar Subtitle (Hard Sub) Translated by Pinky Barbie Encoded by AHtet

ဒီရုပ်ရှင်က Robert Harling ရဲ့ ပြဇာတ်ကို ဒါရိုက်တာ Herbert Ross က ပြန်လည် ရိုက်ကူးထားတာ ဖြစ်ပြီး မင်းသမီးတွေအနေနဲ့ Sally Fields, Julia Robert, Dolly Parton,Shirley MacLaine, Olympia Dukakis တို့လို နာမည်ကြီးတွေ ပါဝင်ပြီး Julia Robert ဟာလည်း 1990 မှာ ဒီရုပ်ရှင်နဲ့ ရွှေကမ္ဘာလုံးဆုကို ဆွတ်ခူးခဲ့ပါတယ်။ Robert Harling ရဲ့ အစ်မဖြစ်သူ Susan Harling အကြောင်းကို ပြန်လည် ပုံဖော်ရိုက်ကူးထားတာ ဖြစ်ပြီး ရုပ်ရှင်ထဲမှာ အမေနဲ့ သမီး ချစ်မေတ္တာတွေ၊ အမျိုးသမီး အချင်းချင်း ရိုင်းပင်းကူညီမှုတွေကို နွေးနွေးထွေးထွေး ကြည့်ရမယ့် ရုပ်ရှင်တစ်ကား ဖြစ်ပါတယ်။ ဒီ ရုပ်ရှင်ထဲမှာ Julia Robert ရဲ့ Character Shelbyကလည်း ပီပြင်သလို သူ့အမေရဲ့ character Miss M'Lynn ကလည်း သိပ်ကို အသက်ဝင်လှပါတယ်။ ကျန်တဲ့ supporting actressတွေကလည်း ကိုယ်စီဝါရင့်တဲ့ သရုပ်ဆောင်တွေဖြစ်ပြီး ဟာသလေးတွေလည်း ပါဝင်တာမို့လို့ မပျင်းမရိပဲ ကြည့်ရမယ့်ကားလေးပါ။ ဇာတ်လမ်းအကြောင်းပြောရရင် Shelby က တက်ကြွ လှပတဲ့ အမျိုးသမီးငယ်လေး ဖြစ်ပြီး Jackson ဆိုတဲ့ လူငယ်လေးနဲ့ မကြာခင်မှာ လက်ထပ်တော့မှာဖြစ်ပါတယ်။ Shelby ရဲ့ အမေ M'Lynnက Shelby ကို အရမ်းချစ်ပြီး ဂရုစိုက်တဲ့သူပါ။ ဒါပေမယ့် သားအမိနှစ်ယောက်က တစ်ခါတလေ လည်း တကျက်ကျက်နဲ့ပါ။ Shelbyက ဆီးချိုရောဂါရှိတဲ့အတွက် ဆရာဝန်က ကလေး မမွေးသင့်ဘူး အကြံပေးထားပါတယ်။ ဒါပေမယ့် Jackson နဲ့ လက်ထပ်ပြီး တစ်နယ်တစ်ကျေး ပြောင်းသွားတဲ့ Shelbyဟာ ခရစ္စမတ်မှာ အမေ့အိမ်ကို ပြန်လာပြီး ကိုယ်ဝန်ရှိနေကြောင်း အသိပေးခဲ့ပါတယ်။ သမီးကို သိပ်ချစ်တဲ့ M'Lynn က စိုးရိမ်ခဲ့ပေမယ့် Shelby ကိုယ်တိုင်က သူ ကိုယ်တိုင် လိုချင်လို့ မွေးတာဖြစ်ကြောင်း အမေဖြစ်သူကို ဖြောင်းဖြခဲ့ပါသေးတယ်။ ဒီလိုနဲ့ Shelbyက သားလေးတစ်ယောက်ကို အောင်အောင်မြင်မြင်နဲ့ မွေးခဲ့ပေမယ် ကံတရားက ကြိုမမြင်နိုင်တဲ့ အရာတွေကို သယ်ဆောင်လာပါတယ်။ ဒီရုပ်ရှင်က အရမ်းအောင်မြင်ခဲ့ပြီး ရုပ်ရှင်ထဲက ဒိုင်ယာလော့တွေဆိုရင်လည်း တော်တော်နာမည်ကြီးပါတယ်။ Old but gold ဆိုတဲ့အတိုင်း ကားဟောင်းဆိုပေမယ့် အဲ့အချိန်က အမေရိကန်တောင်ပိုင်းဒေသက အလှအပတွေ ပွဲတော်တွေ ရိုးရာတွေကိုလည်း မြင်နိုင်ပါတယ်။ File size…(2.6 GB)/(1.65 GB) Quality….Blu-Ray 1080p / 720p Format…mp4 Duration….01:57:00 Genre...Comedy, Drama, Romance Subtitle….Myanmar Subtitle (Hardsub) Encoder….Garfield Translated by Leonie

Baby Boom (1987) IMDb Rating (6.3) / Rotten Tomatoes (67%) J.C Wiatt ဆိုတာ အောင်မြင်တဲ့စီးပွါးရေပညာရှင်မိန်းမတစ်ယောက်ပါ။ သူဟာ စားလည်းအလုပ် သွားလည်းအလုပ် အလုပ်နဲ့ပဲလက်ထပ်ထားပြီး သူတွဲနေတဲ့သူကအစ အလုပ်ချိုးတစ်ယောက်ပါ။ တစ်နေ့မှာ ဖြစ်ချင်တော့ တစ်ခါလောက်ပဲတွေ့ဖူးတဲ့ ဝမ်းကွဲဖြစ်သူ Andrew Wiatt နဲ့ ဇနီးဟာ မတော်တဆမှုနဲ့ကွယ်လွန်သွားပြီး တစ်ဦးတည်းသောဆွေမျိုးဖြစ်သူ J.C ကိုပဲ အမွေဆက်ခံစေပါတယ်။ J.C လည်း အမွေရပြီဆိုပြီး ပျော်နေတုန်းရှိသေးတယ် ဖြစ်ချင်တော့ အမွေဆိုတာ ငွေမဟုတ်ဘဲ သူတို့ရဲ့သမီးဖြစ်သူ နှစ်နှစ်အရွယ် Elizabeth ကိုစောင့်ရှောက်ဖို့ပေးခဲ့တာဖြစ်ပါတယ်။ တစ်သက်လုံးအလုပ်နဲ့လမိုင်းကပ်အောင်နေလာတဲ့ J.C တစ်ယောက်ကလေးတစ်ယောက်နဲ့ ဗျာများနေရင်း အလုပ်လည်းပြုတ် ရည်းစားကလည်းပစ်သွားနဲ့ ဘဝတစ်ဆစ်ချိုးပြောင်းသွားပါတော့တယ်။ ဆိုတော့ J.C နဲ့ Elizabeth လေးတို့ဘဝကိုဘယ်လိုပြန်လည်တည်ဆောက်ကြမလဲဆိုတာ ပေါ့ပေါ့ပါးပါးနဲ့ မိသားစုနှင့်အတူကြည့်ရှု့လို့ကောင်းမယ့်ဇာတ်ကားလေးဖြစ်လို့ ကြည့်ဖို့တိုက်တွန်းပါရစေ။ ဒီဇာတ်ကားထဲမှာပါတဲ့ Elizabeth ကလေးကလည်း တော်တော်ချစ်ဖို့ကောင်းတာမလို့ ကလေးချစ်သူတွေကြည့်ရှု့သင့်တဲ့ဇာတ်ကားကောင်းလေးပါ (အညွှန်းနဲ့ဘာသာပြန်ကတော့ S4L ဖြစ်ပါတယ်။) File size…(4.4 GB) / (1.4 GB) Quality….Blu-Ray 1080p HEVC / 720p Format…. mkv/mp4 Genre….Comedy,Drama,Romance Duration….01:50:33 Subtitle….Myanmar Subtitle (Hardsub) Encoder….Double K Translated by S4L

Days of Heaven ဟာ ဒါရိုက်တာ Terrence Malick ရဲ့ ဒုတိယမြောက်ရုပ်ရှင်ဖြစ်ပြီး ဒရာမာနဲ့ အချစ်ဇာတ်ကားအမျိုးအစားပါ။ ဇာတ်ကြောင်းပြောပုံနဲ့ ရုပ်ပုံအလှကို တွဲဖက်ပုံဖော်ထားပေမယ့် သူ့နောက်ပိုင်းလက်ရာတွေလို ဇာတ်ကြောင်းကို အပိုင်းပိုင်းခွဲပြီး တင်ပြထားတာမျိုးတော့ သိပ်မများသေးပါဘူး။ ရစ်ချက်ဂီရိ ပါဝင်သရုပ်ဆောင်ထားပြီး သူ့ရဲ့ငယ်ရွယ်စဉ် ရုပ်သွင်ကို တွေ့ရပါတယ်။ ဇာတ်ဝင်ခန်းအများစုကို Golden Hour၊ ရုပ်ရှင်ဓာတ်ပုံဆရာတွေ အခေါ်အရ Magic Hour လို့ခေါ်တဲ့ အချိန်တွေမှာ ရိုက်ကူးထားပါတယ်။ နေထွက်ပြီးစနဲ့ နေမဝင်ခင် သဘာဝအလင်းရောင် နူးညံ့နေတဲ့အချိန်တွေကို အသုံးပြုထားတာပါ။ ဒီရုပ်ရှင်ဟာ အော်စကာဆုပေးပွဲမှာ အကောင်းဆုံးရုပ်ရှင်ဓာတ်ပုံဆု ရရှိခဲ့သလို ၁၉၇၉ ခုနှစ် ကိန်းရုပ်ရှင်ပွဲတော်မှာလည်း အကောင်းဆုံးဒါရိုက်တာဆု ရရှိခဲ့ပါတယ်။ ဇာတ်အိမ်နဲ့ စကားပြောခန်းတွေထက် ရုပ်ပုံတွေကတစ်ဆင့် ခံစားမှုကို ပေးတဲ့ Malick ရဲ့ဟန်ကို ဒီကားမှာလည်း တွေ့ရပါတယ်။ Days of Heaven ဆိုတဲ့ နာမည်နဲ့ ဇာတ်လမ်းအခြေအနေက ဆန့်ကျင်နေပေမယ့် မြင်ကွင်းတွေကိုတော့ လှလှပပ ပုံဖော်ထားပါတယ်။