Seo Beom-sik ပါဝင်သော ဇာတ်ကားများ

Hope (2026) IMDb Rating (7.2) *4K ထွက်ဖို့ကြာဦးမှာမို့ ဒီဟာကိုပဲ အရင်ကြည့်ဖို့ ညွှန်းလိုက်ပါတယ်ရှင်* နောက်ဆုံးတော့ အားလုံး စောင့်မျှော်နေခဲ့ရတဲ့ The Wailing ဒါရိုက်တာ Na Hong-Jin ရဲ့ သိပ္ပံစိတ်ကူးယဉ်နဲ့ သည်းထိတ်ရင်ဖို ဇာတ်လမ်းအမျိုးအစားကို ပေါင်းစပ်ဖန်တီးထားတဲ့ ရုံတင်ကားသစ်လေး ထွက်ရှိလို့လာပါပြီ။ မင်းသား Hwang Jung-Min, Zo In-Sung နဲ့ မင်းသမီး Jung Ho-Yeon အစရှိတဲ့ ကိုးရီးယား ထိပ်တန်း မင်းသား၊ မင်းသမီးတွေအပြင် ဟောလိဝုဒ် နာမည်ကျော် အနုပညာရှင်များစွာကပါ ပါဝင်အားဖြည့်ပေးထားပါတယ်။ ဝေးလံခေါင်သီတဲ့ ရွာငယ်လေးတစ်ရွာရဲ့ လမ်းမအလယ်မှာ အစိမ်းလိုက် ကိုက်ဖြဲသတ်ဖြတ်ထားခံရတဲ့ နွားထီးတစ်ကောင်ရဲ့ အလောင်းကို စတင်တွေ့ရှိရာကနေ ဇာတ်လမ်းစထားပါတယ်။ စစ်ကူအင်အားစုကလည်း တောမီးငြှိမ်းသတ်ဖို့ ထွက်သွားကြပြီ။ ဆက်သွယ်ရေးလိုင်းတွေကလည်း ပြတ်တောက်လို့... ရွာထဲမှာ ကျန်ရစ်နေခဲ့သူတွေကလည်း အကုန်လုံး သက်ကြီးရွယ်အိုတွေသာ... ကျား ဒါမှမဟုတ် သတ္တဝါဆိုးတစ်ကောင်ရဲ့ လက်ချက်များလားဆိုပြီး စခန်းမှူး ဂိုဘုမ်းဆော့ (Hwang Jung-Min)၊ အမဲလိုက်မုဆိုး ဂိုဆောင်းဂီ (Zo In-Sung)၊ ရဲမေ အင်ဆောင်းအယ် (Jung Ho-Yeon) တို့က အဆိုပါ သတ္တဝါကြီးကို လိုက်လံဖမ်းဆီးဖို့အတွက် တောထဲ ဝင်သွားကြပါတော့တယ်။ ဒါပေမဲ့ သူတို့ ထင်ထားသလို သာမန် တောရိုင်းတိရစ္ဆာန်ရဲ့ လက်ချက်မဟုတ်ဘဲ တခြားကမ္ဘာက ဂြိုဟ်သားတစ်စုရဲ့ ကျူးကျော်မှုတစ်ခု ဖြစ်နေရာ.. အမဲလိုက်ဖို့ ကြိုးစားရာကနေ မထင်မှတ်ဘဲ သားကောင်နေရာ ရောက်သွားရတဲ့ သူတို့ ၃ ဦးက ရွာငယ်လေးကို ဘယ်လိုမျိုး အသက်နဲ့ရင်းပြီး ကာကွယ်သွားကြမလဲ... မသိနားမလည်မှုနဲ့ ပေါ့ဆမှုတို့ကနေ စတင်ခဲ့တဲ့ အမှားတစ်ခုဟာ စကြဝဠာနဲ့ချီတဲ့ ဘေးဒုက္ခဆိုးကြီးအဖြစ် ဘယ်လို အဆုံးသတ်သွားမလဲဆိုတာကို ရင်တမမနဲ့ ခံစားကြည့်ရှုရမှာပဲ ဖြစ်ပါတယ်။ File Size : 3.79GB/ 1.51GB Quality : AMZN WEB-DL 1080p 5.1CH/ 720p Format : mp4 Duration : 2hr 38m Genre : Action, Thriller, Mystery, Sci-Fi Subtitle : Myanmar Subtitle (Hard Sub)

Mission Possible (2021) Yoo Da Hee က တရုတ်နိုင်ငံရဲ့ လျှို့ဝှက်လုံခြုံရေးအရာရှိတစ်ဦး ဖြစ်ပါတယ်။ သူမရဲ့ဌာနက တောင်ကိုရီးယားက သေနတ်မှောင်ခိုမှုတစ်ခုရဲ့သတင်းကို ရရှိတဲ့အခါမှာတော့ မှောင်ခိုသမားတွေကို ချဉ်းကပ်ဖို့ သူမ ကြိုးစားရပါတော့တယ်။ အစီအစဉ်ရဲ့တစ်စိတ်တစ်ပိုင်းကတော့ ကိုရီးယားက အေးဂျင့်တစ်ယောက်နဲ့ လက်တွဲလုပ်ကိုင်ရမှာပဲ ဖြစ်ပါတယ်။ ဒါပေမယ့် မှတ်ပုံတင် မှားယွင်းမှု တစ်ခုကြောင့် မမျှော်လင့်ဘဲ Woo Soo-Han နဲ့ ဆုံတွေ့ဖို့ ဖြစ်လာပါတော့တယ်။ Woo Soo-Han ဆိုတာကတော့ ကိုရိုးကားရားနိုင်ပြီးတော့ အတွေ့အကြုံမရှိတဲ့ အလွတ်တန်းစုံထောက်တစ်ယောက်ပဲ ဖြစ်ပါတယ်။ သူ လုပ်တဲ့ စုံထောက်အလုပ်ကလည်း ခွေးရှာကြောင်ရှာ အလုပ်လောက်ပဲ တတ်တာပါ။ Yoo Da Hee ကတော့ Woo Soo-Han အကြောင်းကို မသိဘဲနဲ့ သူမနဲ့ လက်တွဲလုပ်ကိုင်စေတာပဲ ဖြစ်ပါတယ်။ Woo Soo-Han ကတော့ သူ့ကို လျှို့ဝှက်အေးဂျင့်အနေနဲ့ အရွေးခံရပြီလို့ မှားပြီးတော့ ထင်နေတာပါပဲ။ ဒါပေမယ့် အဓိကသက်သေတွေ အသတ်ခံလိုက်ရချိန်မှာတော့ ...... ကိစ္စတွေက တကယ်ကို အတည်ကြီး ဖြစ်လာပါတော့တယ်။ စုံထောက်အက်ရှင်ကားကို ဟာသသဘောနှောပြီး ရိုက်ထားတာမို့ အတော်လေး ကြည့်ကောင်းတဲ့ ရုပ်ရှင်ပဲ ဖြစ်ပါတယ်။ IMDb - 6.8 ရရှိထားပြီးတော့ Mydrama List မှာ 7.9 ရရှိထားတဲ့ ဇာတ်ကားကောင်းတစ်ကားပဲ ဖြစ်ပါတယ်။ ဘာသာပြန်ထားတာကတော့ Aung Tayza ပဲ ဖြစ်ပါတယ်။ Encoder - August File size… 2.3 GB and 1.2 GB Quality….WEB-DL 1080p and 720p Format…mp4 Duration…. 1h 45min Subtitle….Myanmar Subtitle (Hardsub) Translator ..... Aung Tayza Encoder ..... August

The Villainess (2017) ဒီတစ်ခါမှာတော့ La Femme Nikita လို့ အမည်ရတဲ့ ပြင်သစ်ရုပ်ရှင်ကို မှီငြမ်းရိုက်ကူးထားတဲ့ The Villainess ဆိုတဲ့ ရုပ်ရှင်လေးမှာ Arthdal Chronicles ထဲက မင်းသမီးကြီး Kim Ok Bin၊ Beyond Evil ထဲက မင်းသားကြီး Shin Ha Kyun၊ Island ထဲက မင်းသားချော Sung Joon၊ SKY Castle ထဲက မင်းသမီးကြီး Kim Seo Hyung တို့ အဓိက ပါဝင်သရုပ်ဆောင်ထားပါတယ်။ ဇာတ်လမ်းကိုတော့ လူမိုက်တစ်အုပ်ကို တစ်ယောက်တည်းနဲ့ အပြတ်ရှင်းခဲ့တဲ့ ဆုဟီးတစ်ယောက် ကိုးရီးယားသူလျှိုအေဂျင်စီကို ရောက်လာခဲ့တာနဲ့ စထားပြီး အဲဒီအချိန်မှာ ကိုယ်ဝန်ရှိနေပြီ ဖြစ်တဲ့ ဆုဟီးဟာ အေဂျင်စီရုံးချုပ်မှာပဲ အွန်းဟယ် ဆိုတဲ့ ကလေးလေးကို မွေးဖွားခဲ့ပါတယ် ။ အဲဒီနောက် အေဂျင်စီကနေ ဆုဟီးကို plastic surgery လုပ်ကာ ချယ်ယွန်းဆူ ဆိုတဲ့ နာမည်အသစ် တစ်ခုပေးပြီး အပြင်လောကကို မစ်ရှင်အတွက် လွှတ်လိုက်ပါတော့တယ် ။ ယွန်းဆူ အိမ်အသစ်ကို စပြောင်းလာတဲ့နေ့မှာပဲ ဘေးအခန်းကိုလည်း တိုက်တိုက်ဆိုင်ဆိုင်ပြောင်းလာတဲ့ ဂျောင်ဟျွန်းဆူနဲ့ မိတ်ဆွေတွေဖြစ်ရာကနေ မိသားစုလေး တစ်ခု ထူထောင်ဖို့ ဖြစ်လာခဲ့ပါတယ် ။ ဒီလိုနဲ့ သူတို့ လက်ထပ်ပွဲနေ့မှာ ယွန်းဆူအတွက် မစ်ရှင်တစ်ခု ရောက်လာတဲ့အခါ အဲဒီ မစ်ရှင်ရဲ့ ပစ်မှတ်က ဘယ်သူလဲ ။ ယွန်းဆူ မဖြစ်ခင် ဆုဟီးမှာ ဘယ်လို နောက်ကြောင်းတွေ ရှိခဲ့တာလဲ ။ ဟျွန်းဆူနဲ့ရော သာယာတဲ့ မိသားစုဘဝလေးကို ထူထောင်သွားနိုင်မှာလားဆိုတာကို သည်းထိပ်ရင်ဖို အက်ရှင်ကားကောင်း တစ်ခု ဖြစ်တဲ့ The Villainess မှာ ဆက်လက်ကြည့်ရှုဖို့ အကြံပေးပါရစေနော် ။ File size…1.77GB / 950MB Quality… WEB-DL 1080p/ 720p Format…mp4 Duration…. 2 hr. 3 min. Genre ….. Action, Thriller, Mystery, Romance, Drama Subtitle….Myanmar Subtitle (Hard Sub)

Chasing (2016) ဒီတစ်ခေါက်မှာတော့ ပရိသတ်ကြီးတို့အတွက် 2016ခုနှစ်မှာ ထွက်ရှိခဲ့တဲ့ Chasingဆိုတဲ့ ဟာသကားလေးတစ်ကားနဲ့မိတ်ဆက်ပေးချင်ပါတယ်။ ဒီကားလေးထဲမှာတော့ Irisထဲမှ မင်းသားကြီး Kim seungwoo, Miracle in Cell No. 7မှ Kim jungtaeနဲ့ Business proposalထဲမှ Kim minkyuတို့ပါဝင်ပါတယ်။ ဂင်ဆွန်းဂျူ ( Kim seungwoo )က SGကုမ္ပဏီရဲ့ ကိုယ်စားလှယ်ဖြစ်ပြီး ဂျောင်ထက် ( Kim jungtae )ကတော့ အကြမ်းဖက်မှုခင်းဌာနရဲ့ စုံထောက်တစ်ဦးပါ။ သူတို့နှစ်ဦးဟာ ငယ်သူငယ်ချင်းတွေဖြစ်ပေမဲ့ ဂျောင်ထက်ကတော့ ဆွန်းဂျူဟာ မကောင်းမှုတွေကို လုပ်နေတဲ့သူလို့ယုံကြည်ပြီး ဖမ်းဆီးဖို့ အမြဲစောင့်ကြည့်နေခဲ့ပါတယ်။ တစ်နေ့မှာတော့ ဆွန်းဂျူက ခပ်ဆိုးဆိုး ကျောင်းသားလေးယောက်ဆီကနေ ဖုန်းအလုခံလိုက်ရပြီး ဂျောင်ထက်က ပြန်ယူပေးဖို့ ကူညီပေးရာကနေ သူ့ရဲ့သေနတ်ပါ အလုခံလိုက်ရပါတော့တယ်။ အချင်းချင်းမတည့်ကြတဲ့ ငယ်သူငယ်ချင်းနှစ်ဦး သူတို့ရဲ့ ပစ္စည်းတွေကို ဘယ်လိုပြန်ယူကြမှာလဲ.... ကုမ္ပဏီ ကိုယ်စားလှယ်ဖြစ်တဲ့ ဆွန်းဂျူအတွက် ဒီဖုန်းလေးကို ပြန်ယူဖို့ ဘာကြောင့် အရေးတကြီးဖြစ်နေရတာလဲဆိုတာကို ရယ်မောရင်းနဲ့ ခံစားကြည့်ရှုလိုက်ရအောင်နော်။ File Size - 672 MB/ 1.5 GB Quality - BluRay 1080p/ 720p Duration - 1h 37m Format - mp4 Genre - Action, Comedy Subtitle - Myanmar Subtitle (Hard Sub)

IMDb rating 8.7/10, Rotten Tomatoes 100% Korea Series တွေကို ကြိုက်နှစ်သက်တဲ့ ပရိတ်သတ်တွေအတွက် 2013 ခုနှစ်မှာထွက်ရှိခဲ့ပြီး IMDb rating 8.7/10 ထိရရှိထားတဲ့ ဇာတ်လမ်းကောင်းကောင်း ဇာတ်ကားကောင်းကောင်းလေးကို တင်ပေး လိုက်ပါပြီ။ နောက်ပြီး ဒီဇာတ်ကားဟာ Rotten Tomatoes မှာလည်း rating 100% အထိကို ရရှိထား တယ်ဆိုတော့ကာ ဇာတ်လမ်းရဲ့ကောင်းမွန်မှုကို ထွေထွေထူးထူးများ ညွှန်းစရာမလိုလောက်ဘူးထင်ပါ တယ်။ စုစုပေါင်း အပိုင်း 51 ပိုင်းထိရှိပြီး နောက်ထပ်လက်ကျန်ပိုင်းများကို စဉ်ဆက်မပြတ်အပြီးအထိ ကျွန်တော်တင်ပေးသွားပါမယ်။ (ဒီကိုရီးယားဇာတ်လမ်းတွဲကို ဘာသာပြန်ပေးထားသူကတော့ Starlet ပဲဖြစ်ပါတယ်။) @Sanwinmaung

ကိုရီးယားဖိုက်​တင်​းကားတွေနဲ့ အဆက်​ပြတ်​နေတဲ့ပရိသတ်​ကြီအတွက်​ကိုရီးယား အက်​ရှင်​ကားကောင်​းလေးတကားနဲ့မိတ်​ဆက်​ပေးချင်​ပါတယ်​နော်​။ အဲ့ကားလေးကတော့2013 April လက ထွက်​ရှိခဲ့တဲ့ Fists of Legend (2013)လို့ အမည်​ရတဲ့တောင်​ကိုရီးယားအက်​ရှင်​ကားလေးပဲဖြစ်​ပါတယ်​။ တခြားအက်​ရှက်​ကားတွေနဲ့မတူတဲ့ထူးခြားချက်ကတော့​ဒီကားဟာ Webtoonတခုကို အခြေခံပြီးတော့ရိုက်​ကူးထားခဲ့တာဖြစ်​ပါတယ်​။ ဒါ့အပြင်​ကားထဲမှာသရုပ်​ဆောင်​ထားကြတဲ့ လူတွေကလည်​း နာမည်​ကြီးတောင်​ကိုရီးယားသရုပ်​ဆောင်တွေဖြစ်​ကြတဲ့ Hwang Jung-min, Yoo Jun-Sang, Yoon Je-Moon, Lee Yo-wonn and Jung Woong-inတို့ဖြစ်​လို့ ကြည်​့ရူသူတွေကိုဆွဲဆောင်​နိုင်​မှာအမှန်​ပါပဲနော်​။ ဇာတ်​လမ်​းလေးကတော့ ငယ်ဘဝကဆိုးတူကောင်းဖက် သူငယ်​ချင်​းသုံးယောက်​နဲ့ ပြိုင်​ဖက်​တို့ဟာ တီဗီမှာပြသတဲ့ ကမ္ဘာ့အကြီးကျယ်​ဆုံးတိုက်​ခိုက်​ရေးပြိုင်​ပွဲမှာဘယ်​လိုမျိုးယှဉ်​ပြီးတော့ အနိုင်​ရအောင်​တိုက်​ခိုက်​ကြသလဲ သူတို့ကြားကအခြေအနေတွေကရော ဘယ်​လိုလဲ ဝေးကွာပီးမှပြန်တွေ့ရတဲ့့သူငယ်ချင်းသံယောဇဉ်နဲ့ နောက်​ဆုံးဘယ်​လိုအနိုင်​ယူသွားခဲ့လဲဆိုတာကို အက်​ရှင်​ကားအစစ်​အမှန်​ကိုကြည်​့ရှု့ ခံစားကြရမှာဖြစ်​လို့ လက်​လွတ်​မခံဘဲကြည်​့ရှုသင်​့တဲ့ ကိုရီးယားကားကောင်​းလေး တကားဖြစ်​ပါတယ်​နော်​။ (ကောျင်းတက်ခဲ့တဲ့ငယ်ဘဝ ဆိုးပေတဲ့အချိန်လေးတွေကိုပြန်မြင်ရောင်မိမှန်ပါပဲ ကြည့်သင့်တဲ့ကားကောင်းလေးလဲဖြစ်တာမို့ကြည့်ဖြစ်အောင်ကြည့်လိုက်ပါလို့ပြောချင်ပါတယ်) File Size : (1 GB) & (455MB) Quality : .1080p.BluRay Running Time :2hr  33min Format : Mp4 Genre    :  Action Subtitle : Myanmar Subtitle (Hard Sub) Translated by Jake & Su Encoded by Arkar Phyo (Yrfatt)

The Great Queen Seondeok (2009) အပိုင်း ( ၁ မှ ၆၂) စ/ဆုံး တစ်ခေတ်တစ်ခါက ဟုန်းဟုန်းတောက် နာမည်ကြီးခဲ့ပြီး ဒီနေ့အထိ ပရိသတ်တွေရင်ထဲ ကျန်ရစ်ခဲ့တဲ့ ကိုရီးယားနန်းတွင်းကားလေးကို ကြည်တောက်ရှင်း ဗားရှင်း၊ သာသာပြန် quality အမိုက်စားနဲ့ ပြန်လည်တင်ဆက်ပေးလိုက်ပါတယ်။ ဒီဇာတ်လမ်းထဲက မင်းသမီးကြီး မီရှီကို ငယ်ဘဝတုန်းက အမေတွေ၊ အဘွားတွေကပါ အသားတဆတ်ဆတ်တုန်အောင် မုန်းခဲ့ရတာပေါ့။ ဒီကားလေးက iMDB rating 8.6 နဲ့ ဆုပေါင်းများစွာ ရရှိထားပြီး Lee Yo Won, Go Hyun Jung, Park Ye Yin, Yoo Seung Ho, Kim Nam Gil နဲ့ Uhm Tae Woong, Nam Ji Hyun, Shin Sae Kyeong, Lee Hyun Woo တို့လို နာမည်ကြီး ထိတ်ထိတ်ကြဲ သရုပ်ဆောင်တွေက အဓိက ပါဝင်အားပြိုင်ထားကြပါတယ်။ ဇာတ်လမ်းကတော့ .. နတ်ဘုရားတွေရဲ့ မျက်နှာသာပေးမှုကို ခံရပြီး ပြည့်ရှင်ဘုရင်၊ မှူးမတ်၊ စစ်သူကြီးစတဲ့ အရည်အချင်းရှိယောက်ျားတွေကို မိမိဦးဆောင်မှုနောက် ပြားပြားဝပ်စေလောက်အောင် ထူးချွန်ထက်မြက်လှတဲ့ မီရှီ...။ သူမဟာ နတ်ဘုရားတွေရဲ့ မျက်နှာသာပေးမှုကို ခံရပြီး မင်းဆက် ၃ ဆက်တိုင်အောင် နောက်ကွယ်ကနေ တိုင်းပြည်ကို ကြိုးကိုင်နိုင်ခဲ့တယ်။ ဒါပေမဲ့ ဧကရီတစ်ပါးမဖြစ်မချင်း မကျေနပ်နိုင်တဲ့ သူမဟာ ရက်စက်တဲ့ လှည့်ကွက်မျိုးစုံကိုသုံးပြီး ပန်းတိုင်ကို အရောက်သွားဖို့ ကြံစည်နေသူတစ်ဦးပေါ့။ မီရှီကို အံတုနိုင်မဲ့ ကံကြမ္မာမျိုးနဲ့ မဟာကြယ်တာရာရဲ့ ဇာတာအောက်မှာ မွေးဖွားလာတဲ့ ‌ဒေါ့မန်...။ တော်ဝင်မင်းသမီးအနေနဲ့ မွေးဖွားလာခဲ့ပေမဲ့ မီရှီရဲ့ အန္တရာယ်ရန်စွယ်ကနေ လွတ်မြောက်နိုင်ဖို့ မွေးစကတည်းက မိမိရဲ့ ခမည်းတော်၊ မယ်တော်နဲ့ ဝေးရာမှာ ကြီးပြင်းလာရပြီးနောက် .. ရဲစွမ်းသတ္တိအပြည့်နဲ့ နန်းတွင်းထဲ ပြန်ရောက်လာတဲ့ အချိန်မှာတော့......။ သူမတို့နှစ်ဦးကြားက လွန်ဆွဲမှုတွေ၊ လှည့်ကွက်တွေတင်သာမက ရှီလာပြည်ရဲ့ နတ်ကိုးကွယ်မှု ဓလေ့ထုံးတမ်းများကိုပါ ရှုစားနိုင်ပြီး ကိုရီးယားပြည်ရဲ့ သမိုင်းကြောင်းကိုပါ တစ်စွန်းတစ်စ လေ့လာနိုင်မှာမို့လို့ binge-worthy ဖြစ်တဲ့ ဇာတ်လမ်းတစ်ခုဖြစ်ကြောင်း ညွှန်းလိုက်ပါတယ်။ Episodes: 62 Aired: May 25, 2009 - Dec 22, 2009 Aired On: Monday, Tuesday Original Network: MBC Genres: Historical, Romance, Drama, Political

Hello Brother (2005) အခုတစ်ခါမှာ တင်ဆက်ပေးချင်တဲ့ ဇာတ်ကားလေးကတော့ ဖြစ်ရပ်မှန်ကို အခြေခံပြီး ရိုက်ကူးထားတဲ့ ဇာတ်ကားလေးဖြစ်ပြီး မိသားစုဒရာမာ အမျိုးအစား ဇာတ်ကားလေးဖြစ်တာကြောင့် ငြိမ့်ငြိမ့်လေးနဲ့ ရင်ထဲထိထိမိမိ ခံစားသွားရစေမဲ့ ဇာတ်ကားလေးလည်းဖြစ်ပါတယ်။ ဒီဇာတ်ကားလေးကတော့ ဦးနှောက်အကျိတ်ဖြစ်နေတဲ့ ၁၂နှစ်အရွယ် အစ်ကိုဖြစ်သူ ဟန်ဗြောနဲ့ အစ်ကို့အပေါ်အမြဲအနိုင်ယူပြီး အမြဲ ပြဿနာရှာ စနောက်တတ်တဲ့ ဟာနီ ဆိုတဲ့ ၉နှစ်အရွယ် ကောင်ဆိုးလေးတစ်ယောက်တို့အကြောင်းနဲ့ အစပြုပါတယ်။ အဲဒီနောက် အစ်ကိုဖြစ်သူက ဦးနှောက်အကျိတ်ကြောင့် ဆေးရုံတက်လိုက်ရတဲ့အခါ မိဘတွေရဲ့ဂရုစိုက်မှုတွေက အစ်ကို့အပေါ်ကိုရောက်ရှိသွားချိန်မှာ ဟာနီတစ်ယောက် မနာလိုစိတ်၊စိတ်ပျက်မှုတွေနဲ့ ကြုံတွေ့ခဲ့ရပါတယ်။ အဲဒီလိုနဲ့ အစ်ကိုဖြစ်သူဆေးရုံတက်နေစဉ်အတွင်း ဆေးရုံကိုသွားရင်းကနေ အစ်ကိုဖြစ်သူရဲ့ နံဘေးကုတင်က ကင်ဆာရောဂါသည်ကောင်လေးနဲ့ သိကျွမ်းခဲ့ကြပါတယ်။ အဲဒီလို သိကျွမ်းခင်မင်ခဲ့ကြရာကနေ အစ်ကိုဖြစ်သူ ဂျန်ဟန်ဗြောနဲ့ ကင်ဆာရောဂါသည်ကောင်လေးတို့ကြောင့် ပြဿနာရှာတတ်တဲ့လူဆိုးလေးဂျန်ဟာနီတစ်ယောက် တစ်ကိုယ်ကောင်းဆန်တဲ့စိတ်တွေ လျော့ကျပြီး၊ မိသားစုမေတ္တာရဲ့ တန်ဖိုးနဲ့ ကြီးပြင်းခြင်းကို သင်ယူရင်း အစ်ကိုအတွက် တစ်ခုခုလုပ်ပေးဖို့ စိတ်အားထက်သန်လာပုံကို ရယ်ရွှင်ဖွယ်၊ ဝမ်းနည်းဖွယ် ခံစားချက်မျိုးစုံနဲ့ ထိထိမိမိ ပုံဖော်ထားပါတယ်။ အဲဒါကြောင့် ဒီဇာတ်ကားဟာ ရောဂါဝေဒနာနဲ့ ရင်ဆိုင်ရတဲ့ မိသားစုတစ်ခုထဲက ဆိုးသွမ်းတဲ့ ညီငယ်လေးတစ်ဦးရဲ့ စိတ်ပိုင်းဆိုင်ရာ ရင့်ကျက်လာမှုနဲ့ နွေးထွေးတဲ့ မျှော်လင့်ချက်တွေကို ပေးစွမ်းသွားတဲ့ ရုပ်ရှင်ကား ဖြစ်တာကြောင့် မိသားစုဒရာမာဇာတ်ကားအမျိုးကြိုက်နှစ်သက်သူ ပရိသတ်ကြီးတို့ ကြည့်ရှုသင့်တယ်လို့ ညွှန်းဆိုလိုက်ရပါတယ်။ File Size - 2.12 GB/ 821 MB Quality - WEB-DL 1080p/ 720p Duration - 1h 37m Format - mp4 Genre - Drama Subtitle - Myanmar Subtitle (Hard Sub)

Double Agent (2003) ဒီတစ်ခေါက် မိတ်ဆက်ပေးမဲ့ "Double Agent" ဆိုတဲ့ ရုပ်ရှင်ဇာတ်ကားဟာ ၂၀၀၃ ခုနှစ်မှာ ဒါရိုက်တာ Kim Hyeon-jeong က ရိုက်ကူးထားပြီးတော့၊ ဝါရင့်မင်းသားကြီး Han Suk-kyu နဲ့ မင်းသမီး Ko So-young တို့က အဓိကဇာတ်ဆောင်တွေအနေနဲ့ ပါဝင်ထားပါတယ်။ မြောက်ကိုရီးယားကနေ တောင်ကိုရီးယားဘက်ကို အလင်းဝင်လာတဲ့ ထောက်လှမ်းရေးအရာရှိ အင်ဗြောင်ဟိုရဲ့ ဘဝကို အခြေခံထားပြီး၊ ယုံကြည်ချက်နဲ့ သံသယတွေကြားမှာ ရှုပ်ထွေးနေတဲ့ဘဝကို ရိုက်ကူးထားတာပါ။ သူက နိုင်ငံရေးအဖွဲ့အစည်းတွေရဲ့ ကစားကွက်ထဲမှာ နှစ်ဖက်စလုံးက မယုံကြည်ခြင်းကို ခံရပြီး၊ သူလျှိုတစ်ယောက်ရဲ့ အထီးကျန်လှတဲ့ ဘဝကို ဖြတ်သန်းနေရသူ ဖြစ်ပါတယ်။ သူ့ရဲ့ ရည်ရွယ်ချက်ကတော့ နိုင်ငံရေး ဝါဒဖြန့်မှုတွေကနေ ကင်းဝေးပြီး လွတ်လပ်စွာ၊ သာမန်လူတစ်ယောက်လို အေးချမ်းတဲ့ဘဝကို နေထိုင်ချင်တာပဲ ဖြစ်ပါတယ်။ ဒါပေမဲ့ သူ့ရဲ့ မူလတာဝန်တွေ၊ နိုင်ငံနှစ်ခုကြားက တင်းမာမှုတွေနဲ့ လက်တွေ့ဘဝကြား ပဋိပက္ခတွေက ကြီးလာတဲ့အခါ… သူ့ရဲ့ ရွေးချယ်မှုက မှန်ကန်နေပါဦးမလား ရင်ခုန်စိတ်လှုပ်ရှားဖွယ် သူလျှိုဇာတ်လမ်းနဲ့အတူ အတွေးအခေါ်ကိုပါ တစ်ပြိုင်နက်တည်း ရရှိစေတဲ့ ရုပ်ရှင်ကားလေးဖြစ်တာကြောင့် တူတူကြည့်ရှုခံစားလိုက်ကြရအောင်ပါနော်။ File Size - 1.8 GB/ 858 MB Quality - BluRay 1080p/ 720p Duration - 2h 4m Format - mp4 Genre - Action, Thriller Subtitle - Myanmar Subtitle (Hard Sub)

My Tutor Friend (2003) ထိတ်ထိတ်ကြဲ သရုပ်ဆောင်တွေဖြစ်တဲ့ Kwon Sang Woo၊ Gong Yoo၊ Kim Ha Neul တို့ ငယ်စဥ်က သရုပ်ဆောင်ထားတဲ့ အချစ်ဟာသကားကောင်းလေးကို တင်ဆက်ပေးလိုက်ပါတယ်။ ဇာတ်လမ်းအညွှန်း အမေ့ရဲ့တိုက်တွန်းမှုကြောင့် ဂိုက်ဆရာမ အလုပ်လုပ်နေတဲ့ ဆူဝမ်တစ်ယောက် စာသင်တဲ့ ကာလတစ်လျှောက် ‌ဆိုးဝါးလှတဲ့ကျောင်းသားတွေပဲ ကြုံတွေ့ခဲ့ရတာပါ။ ဒါပေမဲ့ တစ်နေ့မှာတော့ အမေ့ရဲ့ ချမ်းသာတဲ့သူငယ်ချင်းတစ်ယောက်က သားဖြစ်သူ ဂျီဟွန်းကို စာသင်ပေးဖို့ သူ့ကိုခေါ်ခဲ့ပါတယ်။ ဂျီဟွန်းဆိုတာက သူကြုံတွေ့ခဲ့ရဖူးတဲ့ ကျောင်းသားတွေထက် အများကြီးပိုဆိုးသွမ်းပြီး စာဆို ဘာစာမှသင်မရတဲ့ ကျောင်းသားတစ်ယောက်ဖြစ်နေတဲ့အခါ.. လာသမျှဂိုက်ဆရာတွေအားလုံးကို လက်လျှော့ပြီး ထွက်ပြေးအောင်လုပ်နိုင်ခဲ့တဲ့ ဂျီဟွန်းတစ်ယောက် ဆူဝမ့်ကိုရော အဲဒီလိုဖြစ်အောင်လုပ်နိုင်မလား.. ဒါမှမဟုတ် ဆူဝမ်ကပဲ ဆိုးသွမ်းလှပါတယ်ဆိုတဲ့ ဂျီဟွန်းကို နိုင်အောင်ထိန်းနိုင်မလား၊ သူတို့ကြားထဲ ဘယ်လိုဆက်ဆံရေးလေး ပေါက်ဖွားလာမလဲဆိုတာ.... My Tutor Friend ဆိုတဲ့ဇာတ်ကားလေးကို ကြည့်ရှူအားပေးလိုက်ကြပါဦး။ (အညွှန်းကို Rainy Rina မှ ရေးသားထားပါတယ်) File size… 2.64 GB/ 1.02 GB Quality… WEB-DL 1080p/ 720p Format…mp4 Duration….1h 54m Genre ….. Action, Comedy, Romance Subtitle….Myanmar Subtitle (Hard Sub) Translated by Rainy Rina Encoded by AHtet

Volcano High (2001) ကိုရီးယားဇာတ်ကား ကြည့်ရှုသူတိုင်း မစိမ်းမဲ့ မင်းသား၊ မင်းသမီးတွေ မြိုင်မြိုင်ဆိုင်ဆိုင် ပါဝင်ထားတဲ့ ရုပ်ရှင်ဇာတ်ကားဟောင်း တစ်ကားကို တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ ဖရိုဖရဲဖြစ်နေတဲ့ လောကကြီးကို အုပ်စိုးနိုင်မယ့် ဆက်ခံသူသာ လက်ဆင့်ကမ်းနိုင်မယ့် "လျှို့ဝှက်ကျမ်းစာအုပ်" တစ်အုပ် ရှိပါတယ်။ ဝမ်ဆန်ဟိုအထက်တန်းကျောင်းမှာလည်း ကျောင်းအုပ်ဆီကနေ ဒီကျမ်းစာအုပ်ကို ရနိုင်ဖို့ လှုပ်လှုပ်ခတ်ခတ်နဲ့အချင်းချင်း သူတစ်လူ ငါတစ်မင်း အုပ်စုဖွဲ့ အားပြိုင်နေကြချိန်။ ဒီလိုနဲ့ မိုးကြီးလေထန်တဲ့တစ်နေ့မှာ ၉ ကျောင်းမြောက် ကျောင်းပြောင်းလာတဲ့ ဂင်မ်ဂယောင်ဆူးလည်း ဝမ်ဆန်ဟိုအထက်တန်းကျောင်းဆီ ရောက်လာပါတော့တယ်။ ဒီကျောင်းမှာတော့ အေးအေးချမ်းချမ်းနဲ့ ကျောင်းပြီးဖို့ပဲ မျှော်လင်ထားတဲ့ ဂင်မ်ဂယောင်ဆူးတစ်ယောက် ဝမ်ဆန်ဟိုကျောင်းက တိုက်ပွဲတွေကို ရှောင်ရှားနိုင်မလားဆိုတာကို ဟာသနှောပြီး ကြည့်ရှုရမှာပဲဖြစ်ပါတယ်။ အညွှန်းနဲ့ဘာသာပြန်ကတော့ Su Myat ဖြစ်ပါတယ် Genre..... Action, Comedy, Fantasy Quality…. 1080p WEB-DL | 720p WEB-DL File size… 3.1GB | 1.5GB Format… mp4 Duration…. 2h  Subtitle…. Myanmar Subtitle (Hardsub) Translator ..... Su Myat Encoder ..... Aaron