Simon Farnaby ပါဝင်သော ဇာတ်ကားများ

The Magic Faraway Tree (2026) ++++++++++++++ IMDb Rating (6.8) / Rotten Tomatoes (91%) ဒီကားလေးက ကလေးစာရေးဆရာမကြီး Enid Blyton ရဲ့ နာမည်ကျော်စာအုပ်ကို အသက်သွင်းရိုက်ကူးထားတဲ့ Fantasy Adventure ကားကောင်းလေးတစ်ကားပါ။ Rotten Tomatoes မှာ 91% အထိ ရထားပြီး မိသားစုနဲ့အတူတူ အပန်းဖြေကြည့်လို့ကောင်းတဲ့ ရုပ်ရှင်မျိုးပါ။ ဇာတ်လမ်းအကျဉ်း +++++++++++ ဇာတ်လမ်းက Thompson မိသားစုကို အဓိကထားရိုက်ကူးထားတာပါ။ အဖေဖြစ်သူ Tim (Andrew Garfield) နဲ့ အမေ Polly (Claire Foy) တို့က မြို့ပြမှာနေပြီး နည်းပညာတွေနဲ့ပဲ အချိန်ကုန်နေကြသူတွေပေါ့။ သူတို့ရဲ့ ကလေးသုံးယောက်ဖြစ်တဲ့ Beth, Joe နဲ့ အငယ်ဆုံးလေး Fran တို့ကလည်း ဖုန်းနဲ့ အင်တာနက်မရှိရင် မနေနိုင်တဲ့ ကလေးတွေပါ။ တစ်ရက်ကျတော့ Polly ရဲ့ ကုမ္ပဏီက ပြဿနာတစ်ခုကြောင့် သူ အလုပ်ထွက်လိုက်ရတယ်။ အဲဒီအချိန်မှာ Tim ကလည်း သူတို့ရဲ့ အိပ်မက်ဖြစ်တဲ့ နယ်ဘက်ကိုပြောင်းပြီး ခရမ်းချဉ်သီးဆော့စ် စီးပွားရေးလုပ်ဖို့ ဆုံးဖြတ်လိုက်ပါတယ်။ အဲဒါနဲ့ သူတို့မိသားစု နယ်က ကျီအဟောင်းကြီးတစ်ခုကို ပြောင်းသွားကြတယ်။ လယ်သမားတွေက အိမ်ကို ပြင်ဆင်ဖို့ သူတို့ကို ၃ ပတ်လောက် အချိန်ပေးထားတယ်။ အဲဒီမှာက လျှပ်စစ်မီးလည်း မရှိ၊ အင်တာနက်လည်း မရတော့ ကလေးတွေအတွက် အခက်တွေ့တာပေါ့။ ဒါပေမဲ့ ခြံထဲမှာဆော့ရင်းနဲ့ စကားမပြောတဲ့ Fran လေးက Silky ဆိုတဲ့ နတ်သမီးလေးတစ်ပါးနဲ့ တွေ့ရာကနေ တစ်ခါမှ မမြင်ဖူးတဲ့ မှော်သစ်ပင်ကြီး (The Magic Faraway Tree) ကို သွားတွေ့ကြတယ်။ အဲဒီသစ်ပင်ကြီးပေါ်မှာ Moonface, Saucepan Man, Dame Washalot စတဲ့ ထူးဆန်းပြီး ချစ်စရာကောင်းတဲ့ သတ္တဝါတွေ နေထိုင်ကြပါတယ်။ အဲဒီသစ်ပင်ကြီးရဲ့ ထိပ်ဆုံးကနေတစ်ဆင့် နေ့တိုင်း မတူညီတဲ့ မှော်ကမ္ဘာတွေကို ရောက်သွားနိုင်တယ်။ ကလေးသုံးယောက်စလုံး The Land of Goodies (မုန့်တွေအများကြီးရှိတဲ့ကမ္ဘာ), The Land of Spells (ဂါထာမန္တန်ကမ္ဘာ) တွေကို ရောက်သွားပြီး စွန့်စားခန်းတွေ ဖွင့်ကြတာကို စိတ်ဝင်စားစရာ ကြည့်ရမှာပါ။ အခက်အခဲတွေ တွေ့လာတဲ့အခါ ဂါထာမန္တန်တွေ ရှာပြီး အဖေ့ရဲ့ စီးပွားရေးကို ကယ်တင်ဖို့ ကြိုးစားကြရင်း တဖြည်းဖြည်းနဲ့ ကလေးတွေက ဖုန်းတွေ၊ ဂိမ်းတွေကို မေ့လာပြီး သဘာဝတရားနဲ့ မိသားစုရဲ့ တန်ဖိုးကို နားလည်လာကြပုံကို ရိုက်ကူးထားတာပါ။ Andrew Garfield, Claire Foy, Rebecca Ferguson, Nicola Coughlan (Bridgerton ထဲက မင်းသမီး) တို့လို နာမည်ကြီး သရုပ်ဆောင်တွေ အများကြီး ပါဝင်ထားပါတယ်။ ရုပ်ထွက်ပိုင်း အရမ်းလှပြီး အရောင်အသွေး စုံလင်တယ်။ Paddington ဇာတ်ညွှန်းရေးဆရာ Simon Farnaby က ရေးထားတာဆိုတော့ ဟာသလေးတွေနဲ့ ချစ်စရာကောင်းအောင် တင်ဆက်ထားပါတယ်။ နည်းပညာတွေကြားထဲမှာ ပျောက်ဆုံးနေတဲ့ မိသားစုဆက်ဆံရေးကို ပြန်လည်တည်ဆောက်ပုံ၊ သဘာဝတရားကို ချစ်မြတ်နိုးဖို့ စတဲ့ မက်ဆေ့ချ်ကောင်းကောင်းလေးတွေ ပေးထားပါတယ်။ အရမ်းလေးနက်တဲ့ ဇာတ်လမ်းကြီး မဟုတ်ပေမဲ့ ပေါ့ပေါ့ပါးပါးနဲ့ စိတ်ကူးယဉ်ကမ္ဘာထဲကို ရောက်သွားသလို ခံစားရမယ့် ကားလေးမို့ သေချာပေါက် ကြည့်သင့်တဲ့ ရုပ်ရှင်ကားကောင်း တစ်ကားဖြစ်ပါတယ်။ File Size… (1.57GB) / (843MB) Quality… WEB-DL 1080p HEVC / 720p Format…mkv / mp4 Duration…1h 50m Genre ….Adventure , Family , Fantasy Subtitle….Myanmar Subtitle (Hard Sub)

Paddington in Peru (2024) IMDb Rating (6.8) / Rotten Tomatoes (94%) ဒီကားလေးကတော့ ပိတ်ရက်မှာ ကာတွန်းကားကောင်းကောင်းကြည့်ချင်သူတွေ အကြိုက်တွေ့စေမယ့် Paddington in Peru ဆိုတဲ့ ဇာတ်ကားလေးပဲဖြစ်ပါတယ်။ ကာတွန်းကားကြိုက်သူတော်တော်များများကတော့ စကားပြောတဲ့ဝက်ဝံ‌လေး Paddington ကို သိကြမှာပါ။ ဒီဇာတ်လမ်းလေးဟာ ရှေ့မှာလည်း နှစ်ကားထွက်ရှိထားပြီးဖြစ်ပြီး အတော်ကိုအောင်မြင်ခဲ့တဲ့ ဇာတ်ကားလေးဖြစ်ပါတယ်။ ဒီတစ်ကားနဲ့ဆိုရင်တော့ Paddington Trilogy ပြည့်စုံသွားပြီပေါ့ဗျာ။ ဇာတ်လမ်းအကျဉ်း ပက်ဒင်တန်ဟာ ပျောက်ဆုံးသွားတဲ့သူ့ရဲ့အန်တီလူစီကို လိုက်ရှာဖို့အတွက် ပီရူးနိုင်ငံကိုခရီးထွက်တဲ့ ဇာတ်ကြောင်းလေးပဲဖြစ်ပါတယ်။ အမေဇုံမိုးသစ်တောတွေကိုဖြတ်ကျော်ပြီး စွန့်စားခန်းဖွင့်ကြပုံကို စိတ်လှုပ်ရှားစရာ ကြည့်ရှုကြရမှာပါ။ အရင်ကားတွေကြည့်ဖူးသူတွေရော မကြည့်ဖူးသူတွေပါ ကြည့်လိုက်ဖို့ အကြံပေးပါရစေ။ (အညွှန်းနဲ့ဘာသာပြန်ကတော့ Vader ဖြစ်ပါတယ်။) File size… (6.4 GB) / (2.2 GB) / (1.2 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Adventure, Comedy, Family, Mystery Duration….01:46:39 Subtitle….Myanmar Subtitle (Hardsub) Encoder….Benjamin Translated by Vader

Wonka (2023)  ~ IMDb - 7.3/10, RT - 82%, Meta - 66% ~ အားလုံးမျှော်နေတဲ့ ချစ်စရာ Willy Wonka ရဲ့ မအောင်မြင်ခင်အရွယ်က Musical ဇာတ်လမ်းလေး လာပါပြီ။ ဒီဇာတ်လမ်းမှာ ဝမ်ကာဟာ ငယ်ငယ်က သူ့အမေနဲ့ ထားခဲ့တဲ့ ကတိတစ်ခု ရည်ရွယ်ချက်တစ်ခုကို ဖြည့်ဆည်းဖို့၊ သူ့ရဲ့ ချောကလက်ပညာတွေကို ထုတ်ပြဖို့ မြို့လေးတစ်မြို့ကို ရောက်ခဲ့ပါတယ်။ အောင်မြင်မှုဆိုတာတော့ လွယ်လွယ်နဲ့ မရနိုင်တာ လူတိုင်းအသိပါ။ အလားတူပဲ ဝမ်ကာဟာလည်း သူ့ရဲ့ ပန်းတိုင်ကို လျှောက်လှမ်းတဲ့ ခရီးမှာ အခက်အခဲတွေ ပြဿနာတွေ ရန်သူတွေ မိတ်ဆွေတွေ ရခဲ့ပါတယ်။ မိမိဘက်က လက်မလျှော့သ၍ အိပ်မက်တွေဟာ ပျက်စီးမသွားဘူးဆိုတဲ့ Message လေးကို အကအလှတွေ မြိုင်ဆိုင်တဲ့ သီချင်းတွေ သီဆိုရင်း Timothée Chalamet က အဓိကဦးဆောင် တင်ဆက်ထားပြီး ဟောလိဝုဒ်ရဲ့ အ‌ကျော်အမော်တွေဖြစ်တဲ့ အော်စကာဆုရှင် Olivia Colman, မင်းသားကြီး Rowan Atkinson နဲ့ Hugh Grant တို့အပြင် ဟာသမင်းသား Keegan-Michael Key ကလည်း ဇာတ်ရံနေရာကနေ အကောင်းဆုံးပါဝင်အားဖြည့်ပေးထားပါသေးတယ်။ ဂန္ထဝင်မင်းသားကြီး Gene Wilder နဲ့ Johnny Depp တို့ရဲ့ အရင်နှစ်ကားက Willy Wonka အတိတ်ဘဝဇာတ်ကြောင်းအစစ်ရယ်မဟုတ်ဘဲ Standalone ခွဲထွက်ထားတာဖြစ်လို့ ဒါကြည့်ဖို့ အရင်ကားတွေကို ကြည့်စရာမလိုပါဘူး။ အဲဒီတော့ ဒီအတိုင်း Musical ကားတစ်ကားအနေနဲ့ပဲ အကအလှတွေ ခံစားနားဆင်လိုက်ကြပါဦး။ (အညွှန်းကို Act Molemy ကရေးသားပေးထားပြီး ဇာတ်ကားကိုတော့ Mr. Anderson နဲ့ Act Molemy တို့က တင်ဆက်ပေးထားပါတယ်) Size - 3.8GB, 1.9GB. 1GB Quality - 4K HEVC, 1080p, 720p IMDb Rating - 7.3/10 Format - mp4 Duration - 1H 56Min Genre - Adventure, Comedy, Family Subtitle - Myanmar Subtitle (Hardsub) Translated by Mr. Anderson & Act Molemy Encoded by Ka Naung

Trailerတွေထွက်ကတည်းက အားလုံးစိတ်ဝင်စားစွာ စောင့်မျှော်ခဲ့ရတဲ့ ဇာတ်ကားသစ်လေးတစ်ကားကို Channel Myanmarပရိသတ်ကြီးအတွက်တင်ဆက်ပေးလိုက်ပါတယ်။ ဇာတ်လမ်းလေးကတော့ အားလုံးရဲ့အချစ်တော် Winnie the Pooh နဲ့ သူ့ရဲ့သူငယ်ချင်းလေး Christopher Robin တို့အကြောင်းရိုက်ကူးထားတဲ့ Christopher Robin (2018) ပါ။ ကာတွန်းဇာတ်ကောင်ကိုရိုက်ထားတာက ဘာများအထွေအထူးကောင်းစရာရှိမလဲလို့ မေးချင်မေးပါလိမ့်မယ်။ ဒါပေမယ့် ဒီကားလေးက ဇာတ်လမ်းအရရော ဇာတ်ဆောင်အရရော သူပေးချင်တဲ့ Theme အရရော တော်တော်လေးအဓိပ္ပါယ်ရှိပြီး မပျင်းမရိကြည့်လို့ရတဲ့ကားလေးတစ်ကားပါ။ Imdb Rating 7.7/10 Rotten Tomatoes 71%တောင်ရရှိထားတာမို့ ဒီလိုညွှန်းထားတာပိုရာမကျပါဘူး။ ဇာတ်လမ်းအကျဉ်းလေးကိုလဲ အနည်းငယ်လောက်တင်ဆက်ပေးလိုပါသေးတယ်။ အားလုံးပဲသိကြတဲ့အတိုင်း Winnie the Poohနဲ့ ခရစ္စတိုဖာရော်ဘင်တို့ဟာ အတူသွားအတူကစားရင်းအရမ်းချစ်ကြတဲ့ သူငယ်ချင်းတွေပါ။ ဒါပေမယ့် လောကရဲ့ထုံးစံအတိုင်း ဆော့ကစားနေရုံနဲ့ပြီးမသွားတဲ့ အတွက် ခရစ္စတိုဖာရော်ဘင်တစ်ယောက် တောထဲကသူ့သူငယ်ချင်းတွေနဲ့ခွဲကာ လန်ဒန်မှာကျောင်းသွားတက်ရပါတော့တယ်။ အဲဒီလိုနဲ့ အလုပ်တွေအရမ်းကြိုးစားကာ မက်ဒီလင်းန်ဆိုတဲ့သမီးလေးတောင်ရရှိနေတဲ့ အရွယ်ရောက်လာပါပြီ။ ကလေးဘဝကသူအရမ်းချစ်ရတဲ့သူငယ်ချင်းတွေကိုလဲ မေ့ပစ်လိုက်ပါပြီ။ တစ်နေ့မှာတော့ Poohတစ်ယောက် သူ့သူငယ်ချင်းတွေအကုန်လုံးတောထဲမှာပျောက်သွားလို့လိုက်ရှာရင်း ခရစ္စတိုဖာရော်ဘင်ဆီကိုဆန်းကြယ်စွာရောက်ရှိလာပါတော့တယ်။ Poohကတော့သူအရမ်းချစ်ရတဲ့ ခရစ္စတိုဖာရော်ဘင် နဲ့တွေ့ရပါပြီ။ ခရစ္စတိုဖာရော်ဘင်ကရော... ကလေးမဟုတ်တော့တဲ့ လူကြီးတစ်ယောက်ရဲ့တာဝန်ဝတ္တရားတွေအလုပ်တွေနဲ့ ဘယ်လိုဆက်စခန်းသွားကြမှာလဲ? စတဲ့မေးခွန်းတွေနဲ့ အဆုံးထိမပျင်းမရိကြည့်ရှူရမှာပါ။ ဒီဇာတ်ကားလေးကိုကြည့်ရင်း ငယ်ငယ်ကကြည့်ခဲ့ဖူးတဲ့ ကလေးဘဝအချိန်တွေကို တစ်ဖန်ပြန်လည်ရှာဖွေလိုက်ရအောင်လား... File Size : (904 MB) and (326 MB) Quality : BluRay 720p Running Time : 1hr 44min Format : Mp4 Genre : Action , Adventure , Comedy Subtitle : Myanmar Subtitle (Hard Sub) Source : BluRay 1080p Translated by Aye Mon Kyaw & Hin Kyi Thar Oo Encoded by Moe Myint Lwin

ဘရောင်းမိသားစုနဲ့အတူ လန်ဒန်မှာ အခြေချနေထိုင်တဲ့ ဝက်ဝံလေးပက်ဒင်တန်ဟာ ဘာ လုပ်လုပ် အလွဲလွဲအချော်ချော် ဖြစ်ပေမယ်လို့ လူတိုင်းကိုကူညီလို စိတ်ရှိတဲ့အတွက် ချစ်ခင်သူများပါ တယ်။ ဘရောင်းမိသားစုမှာလည်း အိုလံပစ်ယာဉ်မောင်းဖြစ်ဖို့ ကြိုး ပမ်းနေတဲ့ မေရီ၊ ရာထူးမတိုးသေး တဲ့ ဟင်နရီ၊ ချစ်သူနဲ့လမ်းခွဲလိုက် တဲ့ ဂျူဒီ၊ အရွယ်ရောက်လာတဲ့ ဂျိုနသန်စတဲ့ အပြောင်းအလဲ များစွာနဲ့ပါ။ တစ်ရက်မှာတော့ အန်တီ လူစီရဲ့ အသက်ရာပြည့်မွေးနေ့မှာ အမှတ်တရ လက်ဆောင်အဖြစ် ဆင်မြူရယ်ဂရူဘာရဲ့ ရှေး ဟောင်းပစ္စည်းဆိုင်က Pop Up စာအုပ်လေးဝယ်ပေးဖို့ စိတ်ကူး ထားတာကြောင့် ပက်ဒင်တန်ဟာ အလုပ်မျိုးစုံလုပ်ရင်း ငွေစုခဲ့ပါ တယ်။ ပိုက်ဆံပြည့်တဲ့နေ့မှာ စာ အုပ်သွားဝယ်ရင်း သူဝယ်မယ့် စာအုပ်သူခိုးခိုးသွားတာ တွေ့ပေ မယ့်လို့ ပက်ဒင်တန်ဟာ စာအုပ် သူခိုးအဖြစ် မှားယွင်းစွပ်စွဲခံရပြီး သက်သေမပြနိုင်တဲ့အတွက် အ ဖမ်းခံခဲ့ရပါတယ်။ ဘရောင်းမိသားစုကလည်း ပက်ဒင်တန် မလုပ်ဘူးဆိုတာကို သက်သေပြနိုင်ဖို့အတွက် ကြိုး ပမ်းရင်း ရှေ့ဖြစ်ဟောသူ တစ် ယောက်နဲ့ ဆုံခဲ့ပြီး ပျောက်သွား တဲ့ Pop Up စာအုပ်ရဲ့ နောက် ကွယ်မှာ ဆန်းကြယ်တဲ့ဖြစ်ရပ် ရှိတဲ့အကြောင်း ပြောပြခဲ့ပါတယ်။ တကယ်တော့ စာအုပ်ကို ဘရောင်းမိသားစု အိမ်နားမှာနေ တဲ့ ဖီးနစ်ဘက်ချနန်ဆိုတဲ့ သူက ခိုးယူထားတာဖြစ်ပြီး ဟင်နရီနဲ့ မေရီက အဲဒီလူရဲ့ အိမ်ထဲခိုးဝင် ရှာဖွေကြတဲ့အခါ ပျောက်နေတဲ့ စာအုပ်ကိုတွေ့ခဲ့ပေမယ့် ဘက်ချနန် အိမ်ပြန်ရောက်လာတဲ့အတွက် ဘာသက်သေမှ မယူလာနိုင်ခဲ့ပါဘူး။ ပက်ဒင်တန်ဟာလည်း ထောင်ထဲမှာဆုံတဲ့ မိတ်ဆွေတွေနဲ့အတူ ထောင်ဖောက်ထွက်ပြေးခဲ့ပြီး ဘရောင်းမိသားစုနဲ့ ပြန် ချိတ်ဆက်မိခဲ့ပါတယ်။ Pop Up စာအုပ်ရဲ့ နောက်ကွယ်မှာ ဘယ်လိုလျှို့ဝှက်ချက်တွေ ရှိနေလဲ။ ဘက်ချနန်ဟာ စာအုပ်သူခိုးအစစ်ဖြစ်တယ်ဆိုတာ ဘယ်လိုဖော်ထုတ်မလဲဆိုတာတော့ ဆက်ကြည့်ဖို့ ဖော်ပြပေးလိုက်ပါတယ်။ ဒီဇာတ်ကားလေးမှာ ဟျူဘွန်နဗီလ်၊ ဆယ်လီဟော့ကင်း၊ ဘရန်ဒန်ဂလီဆန်၊ ဂျူလီဝေါ်လ်တာ၊ ဂျင်မ်ဘရော့ဘန့်၊ ပီ တာကက်ပယ်ဒီ၊ ဟျူဂရန့် စသူတွေရဲ့ သရုပ်ဆောင်မှုတွေနဲ့အတူ ရယ်ရယ်မောမော ကြည့်လိုက်ပါဦးလို့ ...။ (ဇာတ်လမ်းအညွှန်းကို 7Daily Website မှ ကူးယူဖော်ပြပါသည်) File Size : (900 MB) and (350 MB) Quality : Blu-Ray 720p Running Time : 1h 44min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Source : 1080p.BluRay.x264-SPARKS Translated by Arkar Phyo & Wai Yan Maung Encoded by Thanhtike Zaw

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Rogue One: A Star Wars Story (2106) Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ (ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File size…(8.1 GB)/(2.1 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:13:00 Subtitle….Myanmar Subtitle (Hardsub) Encoder….Ka Naung Translated by Little Neo

After a deadly earthquake destroys his home in Peruvian rainforest, a young bear makes his way to England in search of a new home. The bear, dubbed "Paddington" for the london train station, finds shelter with the family of Henry and Mary Brown. Although Paddington's amazement at urban living soon endears him to the Browns, someone else has her eye on him: Taxidermist Millicent Clyde has designs on the rare bear and his hide. File Size : (850 MB) and (330 MB) Quality : Blu-Ray 720p Running Time : 1hr 35min Format : Mp4 Genre :Animation, Adventure, Comedy Subtitle : Myanmar Subtitle (Hard Sub) Source : 720p.BluRay.x264-SPARKS Translated by Moe Sat Encoded by Thanhtike Zaw