Tony Cook ပါဝင်သော ဇာတ်ကားများ

A Gangster's Life (2026) တိုနီနဲ့ ဒစ်ခ်တို့ဟာ လန်ဒန်မြို့မှာ ငွေလိမ်စားပြီး ပိုက်ဆံရှာနေကတဲ့ အသေးစားလူမိုက်တွေဖြစ်ပါတယ်။ ဒါပေမဲ့ဖြစ်ချင်တော့ သူတို့ဟာ လန်ဒန်မြို့က ဒုစရိုက်ဂိုဏ်းကြီးတစ်ခုကိုလိမ်မိသွားပြီး သူတို့ရဲ့ပိုက်ဆံကိုပြန်လျော်ပေးဖို့ဖြစ်လာပါတယ်။ တကယ်တော့ သူတို့လုပ်နေတာက အခုခေတ်စားနေတဲ့ကျားဖြန့်စတိုလ်မျိုး ဖုန်းအက်ပ်တွေကနေတစ်ဆင့် လက်ကားပစ္စည်းတွေကို စျေးလျှော့ဟန် ဟန်ဆောင်ပြီး ပစ္စည်းတုတွေကို ငွေလိမ်နေတာဖြစ်ပါတယ်။ ဒီလိုနဲ့ တိုနီတို့ကိုမ ဒီဒုစရိုက်ဂိုဏ်းကြီးမိသွားတဲ့အခါ သူတို့အက်ပ်ကို အသုံးချပြီး ဂိုဏ်းရဲ့တရားမဝင်ငွေလမ်းကြောင်းတွေကနေ ငွေသီးအောင်လုပ်ဖို့ကြိုးစားခဲ့ကြပါတယ်။ ခိုင်းတဲ့အတိုင်းလုပ်ရင်တောင်မှ သေကံပါလာတာကို တိုနီနဲ့ ဒစ်ခ်တို့သိသွားတဲ့အခါမှာ တိုနီရဲ့ကောင်မလေးရှိတဲ့ ဂရိမြို့ကိုပြေးသွားကြပါတယ်။ အစပိုင်းမှာတော့ ဂရိလိုမျိုး သမပိုင်းနေရာမှာ အေးဆေးနေပြီး အရိုးထုတ်ရတော့မယ်လို့ ထင်ခဲ့ပေမယ့်လည်း တိုနီရဲ့ကောင်မလေးက အလွဲလွဲအချော်ချော်လုပ်လိုက်ပြီး တိုနီတို့ပုန်းနေတဲ့နေရာကို ပေါ်အောင်လုပ်လိုက်တဲ့အခါမှာတော့ တိုနီတို့ ဘယ်လိုဒုက္ခတွေနဲ့ထပ်ကြုံရမလဲဆိုတာကို ဟာသဆန်ဆန် စောင့်မျှော်ရှု့စားရမှာပဲဖြစ်ပါတယ်။ File size… (1 GB) / (580 MB) Quality…. WEB-DL 1080p HEVC / 720p Format…. mkv/mp4 Genre…. Crime Duration…. 01:33:00 Subtitle…. Myanmar Subtitle (Hardsub)

ဒါရိုက်တာ Stuart Brennan ရိုက်ကူးပြီး ၎င်းကိုယ်တိုင် ဇာတ်ညွှန်းရေးသားထားတဲ့ စိတ်ကူးယဉ်အက်ရှင်စွန့်စားခန်းရုပ်ရှင်ဖြစ်ပါတယ်။ ဒီဇာတ်ကားမှာ Rosanna Miles၊ Stuart Brennan၊ Suzanne Packer နဲ့ Mark Paul Wake တို့ ပါဝင်သရုပ်ဆောင်ထားပါတယ်။ ဇာတ်လမ်းဟာ အိုရီယွန်ဦးဆောင်တဲ့ အုပ်စုတစ်စုကို ဗဟိုပြုထားပြီး သူတို့ဟာ ဘုရင်ထံ အရေးကြီးသတင်းပေးပို့ဖို့ တာဝန်ယူထားတဲ့ သံတော်ဆင့်တစ်ဦးကို ခရီးစဥ်တစ်လျှောက် ကာကွယ်ပေးရမှာပါ။ ဂရစ်ဖ်နဲ့အာကီနပ်စ်တို့ရဲ့ ပံ့ပိုးမှုနဲ့အတူ အိုရီယွန်ဟာ သံတော်ဆင့်ရဲ့ ရည်ရွယ်ချက်တွေကို သံသယဝင်လာပြီး၊ မှော်အတတ်နဲ့ အန္တရာယ်တွေကို ရင်ဆိုင်ရင်း အုပ်စုအတွင်း ယုံကြည်မှုပြိုကွဲမှုတွေကို ကိုင်တွယ်ရပါတော့တယ်။ ခရီးတစ်နေရာအရောက်မှာ ဂိုဘလင်တွေရဲ့တိုက်ခိုက်ခြင်းကို ခံရပြီး အိုရီယွန်ရဲ့အဖော်ြဖစ်သူသေဆုံးဖို့ ကံကြမ္မာဆိုက်ရောက်လာချိန်မှာ‌တော့.... ဒီခရီးစဉ်မှာ သူတို့ကို ဘယ်လိုအရာတွေကို စောင့်ကြိုနေမလဲဆိုတာ ကြည့်ရှုလိုက်ကြပါဦး File Size… (1.31GB) / (797MB) Quality… WEB-DL 1080p HEVC /720p Format…mkv / mp4 Duration…1h 30m Genre ….Fantasy Subtitle….Myanmar Subtitle (Hard Sub)

Dune: Part Two (2024) ထွက်ရှိလာပါပြီ... အညွှန်းကိုတော့ part 1က ဟာကိုပဲ စပွိုင်လာရှောင်တဲ့အနေနဲ့ထည့်ပေးထားပါတယ်... သာမန် Sci- fic​တွေထက် အပုံကြီးကျယ်ပြန့်တဲ့ Frank Herbertရဲ့ Duneစာအုပ်​တွဲ​တွေကို မှီငြမ်းရိုက်ကူးထားတဲ့ ဇာတ်လမ်း၊ ​Timotheé Chalamet, Zendaya, Oscar Issac, တို့အပါအဝင် ကောင်း​ပေ့ဆိုတဲ့ Cast​တွေ၊ Legendary soundtrack ​တွေပဲ တီးခတ်တဲ့ Hans Zimmer၊ ​ ပြောင်​မြောက်လွန်းတဲ့ VFXနဲ့ CGI​တွေရဲ့ ​​ပေါင်းစပ်မှုအပြီးမှာ DUNE 2021ဇာတ်ကားဟာ ပရိတ်သတ်​တွေ အ​​မျှော်လင့်ဆုံး ဇာတ်ကားဆိုရင်လည်း မမှားနိုင်ပါဘူး။ အနာဂတ်နှစ်​ပေါင်း၂၀၀၀၀​ကျော်မှာ အ​ခြေပြုထားတဲ့ ​ ခေတ်လွန် Dune Universeထဲမှာ Known Universeကို အုပ်ချုပ်​နေတဲ့ Emperorဆိုတာရှိပြီး သူတို့ရဲ့လက်​အောက် မှာ​တော့ Houses​တွေက နယ်​မြေအသီးသီးကို အုပ်ချုပ်ပါတယ်။ ဒီဇာတ်လမ်းရဲ့ အဓီကအ​ကြောင်းရင်းက​တော့ House​ Harkonnen​တွေ နှစ်​ပေါင်း၈၀ကြာ​​​အောင် အုပ်ချုပ်လာတဲ့ Planet Dune တဖြစ်လဲ Planet Arrakisကို Emperorရဲ့ အထက်အမိန့်အရ House Atreides​တွေကို ​ပြောင်းလဲ အုပ်ချုပ်​စေခြင်းကစပါတယ်။ ဒါ​ပေမဲ့ Harkonnen​တွေဟာ Arrakis ဂြိုလ်​​ပေါ်ကရတဲ့ Spiceဆိုတဲ့အရာ​ကြောင့် ဂြိုလ်ကိုလွယ်လွယ်လက်လွှတ်မခံနိုင်ပါဘူး၊ Spiceဆိုတာဟာ Dune universeတစ်ခုလုံးမှာ အဖိုး အတန်ဆုံးအရာပါ၊ Spiceကိုစားသုံးရင် စိတ်အာရုံနိုးကြားကာ အသိဉာဏ်ပညာတိုးပွားလာခြင်း၊ သက်ရှည်ကျန်းမာ​စေခြင်းစတဲ့ စွမ်းအား​တွေရရှိမှာဖြစ်ပြီး သူ့ကိုလည်း Arrakisဂြိုလ်တစ်ခုထဲ မှာပဲ တူး​ဖော်နိုင်မှာပါ၊ တူး​ဖော်ခွင့်ရှိတဲ့ Houseဟာလည်း Emperorထက်​တောင် ပိုပြီးချမ်းသာသွားမှာပါ။ ဒါ​ကြောင့်မလို့ နိုင်ငံ​ရေးအရ​ရော၊ စီးပွား​ရေးအရပါ အချက်အချာ ဖြစ်​နေတဲ့ Duneဂြိုလ်ကို လွှဲ​ပြောင်းယူလိုက်ရတဲ့ House Atreides အ​နေနဲ့ House Harkonnenရဲ့ ဒုက္ခ​ပေးလာမှု​ရော၊ Emperorနဲ့ တခြားHouse​တွေရဲ့ ရန်စလာမှုကိုပါ ဘယ်လိုကြံ့ကြံ့ခိုင်ရမလဲ၊ House Atreidesရဲ့ သား​​​​တော်... အိမ်​တော်ရဲ့အနာဂတ် The Oneအဖြစ် တင်စားခံရတဲ့ Paulက​ရော Atreides​တွေကို ဘယ်​​လောက်ထိ ​ ခေါင်း​ဆောင်​ပေးသွားမလဲ...... Dune: Part Two (2024) ဇာတ်လမ်းအကျဉ်း Dune ဒုတိယမြောက်ရုပ်ရှင်မှာတော့ အေထရီးဒီး အိမ်တော်ကျဆုံးပြီး ပေါလ်အေထရီးဒီးတို့သားအမိ ဖရေးမန်းတွေနဲ့ပူးပေါင်းမိသွားတာကနေ စပါတယ်။ ဖရေးမန်းတွေထဲက ဘာသာရေးယုံကြည်သူတွေအလိုအရ အေထရီးဒီးရဲ့ မိခင်က မယ်တော်ကြီးဖြစ်လာပြီး ပေါလ်အေထရီးဒီးကလည်း သူ့ကို လီဆန် အာ-ဂါရစ်ဆိုတဲ့ ကယ်တင်ရှင်ပရောဟိတ်လို့ ယုံကြည်နေကြသူတွေနဲ့ မယုံကြည်ကြသူတွေကို စည်းရုံးပြီး ဟာကွန်နင်အိမ်တော်နဲ့ အင်ပါယာကို ဖြုတ်ချဖို့ ကြိုးစားပါတော့တယ်။ ပထမ ရုပ်ရှင်က ဇာတ်လမ်းအပျိုးမို့ နိုင်ငံရေးနဲ့တိုက်ပွဲအသေးစားတွေပဲ ပါပေမယ့် ဒီရုပ်ရှင်မှာတော့ အဆုံးအဖြတ်တိုက်ပွဲကြီးတွေ ဖြစ်လာပြီး နောက်ရုပ်ရှင်အတွက် ပိုကြီးတဲ့တိုက်ပွဲတွေကိုလည်း အစပျိုးသွားပါပြီ။ ကြည့်လိုက်ကြပါဦး..... File size…  (7.3 GB)/ (1.77 GB) / (928MB) Quality…WEB-DL 4K HEVC/1080p  / 720p Format…mp4 Duration….2h 46m Genre ….. Action , Adventure , Drama Subtitle….Myanmar Subtitle (Hard Sub) Encoder….Min Wai , Ka Naung Translated by Mr. Andreson

A Christmas Gift From BOB 2020 A street cat name BoBထဲက BoB ဆိုတဲ့ကြောင်လေးကိုအကုန်လုံးသိကြမှာပါ ဒီကားက 2020ခရစ်စမတ်အတွက်ထွက်ထားတဲ့ BoBလေးရဲ့ ဒုတိယမြောက်ကားလေးပါ ဘော့ပ်နဲ့သူ့သခင်တို့ဟာအမြဲတမ်းအတူသွားအတူစားအတူနေကြတဲ့အချစ်ဆုံးသူငယ်ချင်းကြီးတွေလိုပါပဲ ဒါပေမယ့်ဘော့ပ်သခင်ဘိုဝမ်ကလမ်းဘေးမှာသီချင်းဆိုပြီးငွေတောင်းရတော့ ပိုက်ဆံလည်းများများစားစားမရရှာပါဘူး ခရစ်စမတ်ရောက်ခါနီး ဆောင်းတွင်းအအေးလှိုင်းဖြတ်တော့ ရေပူဝယ်ဖို့တောင်ပိုက်ဆံမရှိရှာပါဘူး စားဖို့တောင်အနိုင်နိုင်ဖြစ်နေတဲ့သူနဲ့သူ့ကြောင်လေးကြားဂြိုလ်ဆိုးကဝင်လာပါတော့တယ် သူနဲ့ဘော့ပ်လမ်းဘေးမှာသီချင်းဆိုနေတုန်းတိရစ္ဆာန်စောင့်ရှောက်ရေးအဖွဲ့ကတွေ့ပြီး ဘော့ပ်ကိုသူတို့ဆီပို့ဖို့အကြံလာပေးပါတော့တယ် ဘိုဝမ်ခမျာသူ့ကြောင်လေးကိုတအားချစ်တော့ဘယ်သူ့ကိုမှမပေးနိုင်ဘူးလို့ငြင်းလိုက်ပေမယ့် ဘော့ပ်အတွက်စားစရာတောင်သူမဝယ်ပေးနိုင်တော့တဲ့အချိန်မှာ ဘယ်လိုတွေဆက်ဖြစ်မလဲဆိုတာ ကြည့်ကြပါဦးလို့ BoBလေး မရှိတော့ပေမယ့် BoBလေးကိုသတိရတဲ့အမှတ်တရအနေနဲ့ ဒီကားလေးကိုကြည့်ကြည့်ပါလို့... We Miss You BoB Review and Translated by : Dolly Encoded by : YK

Rise of the Footsoldier 3: The Pat Tate Story (2017) IMDb Rating (5.8) / Rotten Tomatoes (42%) Rise of the Footsoldierရဲ့ တတိယာကားပေမဲ့ တကယ်ဆို Spin-offကားလို့ ပြောရင်ပိုမှန်ပါမယ်။ ပထမ၂ကားလို ဖြစ်ရပ်မှန်သက်သက်တော့ မဟုတ်တော့ပါဘူး။ ဖြည့်စွက်ထားတာတွေ ရှိပေမဲ့ ဂန်းစတားကားတစ်ကားအနေနဲ့တော့ ကြည့်ကောင်းပါတယ်။ ၂ထက် ပိုကောင်းတယ်ပြောရမယ်။ ပထမဆုံးဖြစ်ရပ်မှန်ကားမှာ ပတ်တိတ်ကို တစ်ကားလုံးထဲက အကြမ်းအရမ်းဆုံး လူကြမ်းလူရမ်းကြီးအနေနဲ့ ပြခဲ့ပါတယ်။ ထိန်းမနိုင်သိမ်းမရ အရိုင်းအစိုင်း အစစ်ကြီးအနေနဲ့ပေါ့။ ဒီထဲမှာတော့ ပထမ၂ကားက အဓိကဇာတ်ကောင်က မပါတော့ပါဘူး။ ပထမကားထဲက တကယ်ဖြစ်ခဲ့တဲ့အမှုထဲမှာ သေသွားခဲ့တဲ့လူကြမ်းကြီး ၃ယောက်ရဲ့ ခင်မင်မှုကိုပဲ ပြထားတယ်။ ပထမကားမှာတော့ ပတ်တိတ်ဟာ ပလိန်းကြီး ကြောင်တောင်တောင်နဲ့ ရိုက်ပုတ်နေတဲ့ ရက်စက်တဲ့ လူသန်ကြီးလို့ ပုံဖော်ထားပေမဲ့ သူ့ဇာတ်လမ်းကို အသားပေးထားတဲ့ ဒီကားမှာတော့ ပတ်တိတ်မှာလည်း သူ့အကြောင်းနဲ့သူရှိနေတာကို ပုံဖော်ထားပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2.9 GB) / (1.4 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime,Drama,Thriller Duration…. 01:39:42 Subtitle…. Myanmar Subtitle (Hardsub)

ဒီဇာတ်ကားက 1865တုန်းကထွက်ခဲ့တဲ့ Alicec's Adventures in Wonderland novel ကို အကြမ်းဖျင်းမှီငြမ်းပြီးရိုက်ကူးထားတဲ့ fantasy ကားတစ်ကားပါ။ တက္ကသိုလ်ကျောင်းသူတစ်ဦးဖြစ်တဲ့ Maggie Graceဟာ လန်ဒန်မြို့အလယ်မှာ တက္ကစီတစ်စီးတိုက်တာခံလိုက်ရပြီး သူ့မှတ်ဉာဏ်တွေ‌ဆုံးရှုံးလိုက်ရပြီး ပြန်နိုးလာတဲ့အခါမှာတော့ တခြားကမ္ဘာတစ်ခုလိုနေရာကိုရောက်နေတာသိလိုက်ရပါတယ်။ အဲဒီနောက်မှာတော့ တက္ကစီသမားရဲ့အကူအညီနဲ့ အိမ်ပြန်ဖို့ကြိုးစားတဲ့အခါမှာတော့ ခရီးတစ်လျှောက် ဘာတွေကြုံတွေ့ရမလဲ၊ ဘယ်လိုထူးဆန်းတဲ့အရာတွေက သူ့ကိုစောင့်ကြိုနေမလဲ၊ တက္ကစီနဲ့အတိုက်ခံရပြီး မှတ်ဉာဏ်တွေမဆုံးရှုံးခင်ကရော သူကမဘယ်သူလဲဆိုတာ ကြည့်ရှုလိုက်ကြပါဦး။ ရိုင်းစိုင်းတဲ့အသုံးအနှုန်းတွေပါ၀င်တာကြောင့်မိသားစုနဲ့အတူကြည့်ရှုဖို့မသင့်ပါဘူး။ File size…(1.7 GB) Quality….Webrip 1080p Format…mp4 Duration….01:28:00 Genre...Drama, Fantasy, Adventure Subtitle….Myanmar Subtitle (Hardsub) Encoder….Mr. Anderson Translated by Steven Khant

ပိုကောင်းတဲ့ဘဝတစ်ခု ရချင်တဲ့ ရုရှားအမျိုးသမီးတစ်ယောက်ဟာ နိုင်ငံခြားပြန်သူငယ်ချင်းရဲ့ အလုပ်ကောင်းကောင်းရမယ်ဆိုတဲ့စကားကို ယုံပြီး လန်ဒန်ကို လိုက်လာခဲ့ပါတယ်။ ဒါပေမဲ့ တစ်နေ့မှာတော့ လန်ဒန်က ဆေးရုံတစ်ရုံမှာ ကလေးမွေးရင်း အသက်ဆုံးရှုံးသွားခဲ့တယ်။ သူ့ကို ကလေးမွေးပေးခဲ့တဲ့ သားဖွားဆရာမက ရုရှားဘာသာနဲ့ ရေးထားတဲ့ ဒိုင်ယာရီတစ်အုပ်ကို မထင်မှတ်ဘဲ တွေ့သွားပါတယ်။ သေဆုံးသူရဲ့မိသားစုကို ဆက်သွယ်ပေးချင်တာကြောင့် ဒိုင်ယာရီကို ဘာသာပြန်ပေးနိုင်မယ့်သူ လိုက်ရှာရာက ဒီသေဆုံးမှုနောက်ကွယ်မှာ လူဆိုးဂိုဏ်းတစ်ဂိုဏ်းနဲ့ ပတ်သက်နေကြောင်း ပေါ်လာတယ်။ အဲဒီဂိုဏ်းက ပြည့်တန်ဆာလုပ်ငန်းနဲ့ လူကုန်ကူးမှုတွေ လုပ်ကိုင်နေပြီး အာဏာပိုင်တွေ အသည်းအသန်လိုက်ဖမ်းနေတဲ့ နာမည်ကြီးဂိုဏ်းတစ်ဂိုဏ်းပါ။ သေဆုံးသွားတဲ့အမျိုးသမီးက ဒီဂိုဏ်းနဲ့ ဘယ်လိုပတ်သက်ခဲ့တာလဲ။ မိသားစုကို ရှာပေးဖို့ ကြိုးစားနေတဲ့ သားဖွားဆရာမကရော ဘယ်လိုအန္တရာယ်တွေ ကြုံလာရမလဲ၊ အဖြစ်မှန်ကို ဖော်ထုတ်နိုင်ပါ့မလား။

V For Vendetta (2005) IMDB - 8.2/10 Rotten - 73% နိုဝင်ဘာ၅ရက်နေ့ဟာ ဗြိတိန်နိုင်ငံမှာတော့နိုင်ငံရေးအခြေခံအားလပ်ရက်တရက်ပဲဖြစ်ပါတယ်။ ခုနောက်ပိုင်းမှာကျေးဇူးတော်နေ့ဆိုပြီးကျင်းပကြတယ်လို့လည်းဆိုကြပါတယ်။ အဲဒီနေ့ကို GuyFawkes နေ့လို့လည်းခေါ်ခဲ့ကြပါတယ်။ အဲဒီနေ့လေးရဲ့ဖြစ်လာပုံကတော့၁၆၀၅ခုနှစ်နိုဝင်ဘာလ၅ရက်နေ့မှာ GuyFawkes ဆိုတဲ့ ကတ်တလစ်ဂိုဏ်းဝင်တယောက်ဟာ သူ့အဖွဲ့ဝင်တွေနဲ့အတူ ကတ်တလစ်ဧကရာဇ်ကိုပြန်လည်နန်းတင်ဖို့အတွက်အင်္ဂလန်ဘုရင်ဂျိမ်း(JameI)ကိုလုပ်ကြံဖို့ကြံစည်ခဲ့ပါတယ်။ ယမ်းအိုးတွေများစွာကိုပါလီမန်အဆောက်အအုံရဲ့မြေအောက်ခန်းထဲကိုသယ်ဆောင်ပြီးဖောက်ခွဲလုပ်ကြံဖို့ကြိုးစားခဲ့ကြတာပါ။ သို့ပေမယ့်ကံမကောင်းချင်တော့ အမည်မသိသတင်းပေးစာတစောင်ကြောင့် သူ့တို့အားလုံးအဲဒီနေ့မှာပဲအဖမ်းခံခဲ့ရပြီးဇန်နဝါရီလ၃၁ရက်မှာကွပ်မျက်ခံခဲ့ရပါတယ်။ ဟောဒီဇာတ်ကားလေးမှာလည်းအဲဒီဖြစ်စဉ်ကိုအခြေခံထားပြီးတရားမျှတမှုဆိုတာဘာလဲ။ ဖိနှိပ်ခံရတဲ့အချိန်မှာဘယ်လိုတုံ့ပြန်ကြမလဲ။ အိုင်ဒီယိုလော်ဂျီတစ်ခုကို ဘာနဲ့မှသတ်လို့မရဘူးဆိုတာတွေ စတဲ့စတဲ့ စိတ်ဝင်စားဖို့ကောင်းတဲ့အချက်တွေအပြင် ကမ္ဘာကျော်ဟက်ကာအဖွဲ့Anonymousအဖွဲ့သုံးတဲ့မျက်နှာဖုံးရဲ့မူလဇစ်မြစ်ကဘယ်ကလဲ။ ဘယ်လိုရည်ရွယ်ချက်နဲ့အဲဒီမျက်နှာဖုံးကိုအသုံးပြုကြတာလဲ... အဲဒီမျက်နှာဖုံးလေးရဲ့တကယ်ဆိုလိုရင်းအစစ်အမှန်ကဘာလဲဆိုတာကိုတွေ့ရဦးမှာပါ။ ဇာတ်ကားကိုတော့ဇာတ်ကြောင်းလေးတွေပြောပြီးမမိတ်ဆက်တော့ပါဘူး။ ကိုယ်တိုင်ကြည့်ပြီးအားရပါးရခံစားစေချင်လို့ပါ။ သုံးတဲ့စကားလုံးတွေဒိုင်ယာလော့တွေဟာလည်းတကယ်ကိုအနှစ်ပါတာကိုတွေ့ရမှာပါ။ စိတ်ကိုဖျော်ဖြေပေးရုံရုပ်ရှင်သက်သက်မဟုတ်ဘဲ ကြည့်ရတာတကယ်ကိုအကျိုးရှိစေမှာဖြစ်ပြီး တကယ်လည်းကြည့်သင့်တဲ့ဇာတ်ကားလေးတကားဖြစ်ပါတယ်။ ဘယ်လိုအကြောင်းကြောင့်ပဲဖြစ်ဖြစ်ကြည့်ဖြစ်အောင်ကြည့်ဖို့တိုက်တွန်းချင်ပါတယ်ဗျာ။ Rating မြင့်ကားလေးတကားဖြစ်ပြီး imdb rating 8.2ထိရထားပါတယ်။ File size…(900 MB) and 3GB Quality…Blu-Ray Rip HEVC 1080p 5.1 / 720p Format…mp4 Duration….02:12:00 Subtitle….Myanmar Subtitle (Hardsub) Translator…..The Fridays Encoder….CM