Yu Rongguang ပါဝင်သော ဇာတ်ကားများ

ဒီရုပ်ရှင်ဟာ မူးယစ်ဆေးဝါးနှိမ်နင်းရေး ရဲတပ်ဖွဲ့ဝင်များနဲ့ အရှေ့တောင်အာရှ မူးယစ်ရာဇာများအကြား သက်စွန့်ဆံဖျား တိုက်ခိုက်ရတဲ့ အက်ရှင်၊ ရာဇဝတ်မှုနဲ့ စုံထောက်ဒရမ်မာ အမျိုးအစား ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းအကျဉ်းကတော့ - အရှေ့တောင်အာရှ နာမည်ကြီးမူးယစ်ရာဇာ "သခင်လျောက်" ဟာ ကီလိုဂရမ် ၆၀၀ ကျော်ရှိတဲ့ မူးယစ်ဆေးဝါးတွေကို တရားမဝင် မှောင်ခိုကုန်ကူးဖို့ ပြင်ဆင်နေကြောင်း "ယန်ဟိုင်" မူးယစ်နှိမ်နင်းရေးရဲတပ်ဖွဲ့က သတင်းရရှိခဲ့ပါတယ်။ အဲဒီနောက် မူးယစ်ဂိုဏ်းကို အမြစ်ပြတ်ချေမှုန်းဖို့ အထူးစစ်ဆင်ရေးအဖွဲ့ကို အရေးပေါ် ဖွဲ့စည်းခဲ့ပါတယ်။ ပထမအကြိမ် အရောင်းအဝယ်ပြုလုပ်မှု ပျက်ပြားသွားပြီးနောက် လျှို့ဝှက်ချက်တွေ ပေါက်ကြားပြီး လူသတ်မှုတွေ၊ သစ္စာဖောက်မှုတွေ ဆက်တိုက်ဖြစ်ပွားလာပါတယ်။ ထောင်ကလွတ်လာတဲ့ "ကျောက်ထျန်းလုံ" က မူးယစ်ရာဇာနဲ့ ဆက်သွယ်ရန် ကြိုးစားပြီး သူလျှိုတွေရဲ့ အသက်လုလှည့်ကွက်တွေနဲ့ ရဲတပ်ဖွဲ့ဟာ မူးယစ်ဂိုဏ်းတစ်ခုလုံးကို အမိဖမ်းဖို့ ဗျူဟာမြောက် ထောင်ချောက်ဆင် စစ်ဆင်ရေးကို အစပြုပါတော့တယ်။ ရာဇဝတ်မှုစုံထောက်နဲ့ အက်ရှင်အကြမ်းစား ဇာတ်ကားတွေကို ကြိုက်နှစ်သက်တဲ့သူတွေအတွက် ဒီရုပ်ရှင်က ကြည့်ရှုသင့်တဲ့ တရုတ်ရုပ်ရှင်ဇာတ်ကားကောင်းတစ်ကား ဖြစ်ပါတယ်။ Filesize : 1.78 GB / 827 MB Quality : WEB-DL 1080p HEVC , 720p HEVC Format : mp4 Genres : Action and Crime Runtime : 1h 30 min Subtitle : Myanmar Subtitle ( Hardsub )

Blades of the Guardians: Wind Rises in the Desert (2026) ++++++++++++++++++++++ IMDb Rating (7.3) / Rotten Tomatoes (97%) တရုတ်သိုင်းကား ပရိသတ်တွေအတွက်ရော၊ နာမည်ကြီး Biao Ren (镖人) ကော်မစ်ဖတ်ဖူးတဲ့သူတွေအတွက်ပါ လုံးဝလက်လွတ်မခံသင့်တဲ့ ၂၀၂၆ ထွက် ဇာတ်ကားကြီး တင်ပေးထားပါပြီ။ ဒီကားက ကာတွန်းကို Live-action အနေနဲ့ ပြန်ရိုက်ထားတာဖြစ်ပြီး၊ ဒါရိုက်တာကတော့ The Matrix, Kill Bill နဲ့ Crouching Tiger, Hidden Dragon တို့မှာ Action Choreographer လုပ်ခဲ့သလို၊ Drunken Master လို ကားမျိုးတွေကို ရိုက်ကူးခဲ့တဲ့ နာမည်ကျော် ဒါရိုက်တာကြီး ယွမ်ဝူးပင်း (Yuen Woo-ping) ပါ။ သရုပ်ဆောင်တွေကလည်း မိုက်မှမိုက်ပဲ။ အဓိကဇာတ်ကောင် ဆုကြေးစားမုဆိုးကြီး တောက်မာ နေရာမှာ ဝူးကျင်း (Wu Jing) က သရုပ်ဆောင်ထားပြီး၊ နီကိုးလပ်စ်ဆဲ (Nicholas Tse)၊ ဂျက်လီ (Jet Li)၊ တိုနီလန် (Tony Leung Ka-fai) နဲ့ ကာရာဟွေ (Kara Hui) တို့လို ဝါရင့်သရုပ်ဆောင်ကြီးတွေပါ ပါဝင်အားဖြည့်ထားပါတယ်။ ဇာတ်လမ်းအကျဉ်း ++++++++++ ဇာတ်လမ်းက ဆွေ့မင်းဆက် နှောင်းပိုင်းကာလကို အခြေခံထားတာပါ။ အရင်က အင်ပါယာရဲ့ အတော်ဆုံးတပ်ဖြစ်တဲ့ လက်ဝဲသူရမြင်းတပ် က ကိုယ်ရံတော်ဟောင်းဖြစ်ပြီး အခု နာမည်ကြီး ဆုကြေးစားသမားတစ်ယောက်ဖြစ်နေတဲ့ တောက်မာဟာ ရှောင်ချီဆိုတဲ့ တူလေးတစ်ယောက်နဲ့အတူ သွားလာနေတာကနေ စထားပါတယ်။ တစ်ရက်မှာတော့ တောက်မာကို အရင်က ကူညီဖူးတဲ့ မော့မျိုးနွယ်စုခေါင်းဆောင်ကြီးက အကူအညီတစ်ခုတောင်းပါတယ်။ အဲဒါကတော့ အင်ပါယာတစ်ခုလုံးက အလိုအရှိဆုံး နံပါတ်တစ် ဝရမ်းပြေးကြီး ကျီရှီလန်ကို ချန်အန်း မြို့ဆီ လုံခြုံရေးယူပြီး ပို့ပေးဖို့ပါပဲ။ ကျီရှီလန်ကိုဖမ်းမိရင် ရမယ့်ဆုကြေးငွေကလည်း မက်လောက်စရာဖြစ်နေတော့ လမ်းတလျှောက်မှာ သူတို့အဖွဲ့ကို မျက်စိကျပြီး လိုက်ဖမ်းမယ့် အခြားဆုကြေးစားသမားတွေ၊ အစိုးရတပ်တွေ၊ ဂိုဏ်းပေါင်းစုံက လူတွေနဲ့ အကြိတ်အနယ် ရင်ဆိုင်ရမယ့် ပုံစံမျိုးပါ။ ဒီကားကို ဒါရိုက်တာ ယွမ်ဝူးပင်း ကိုယ်တိုင် ကိုင်တွယ်ထားတာမို့လို့ CGI ကို သိပ်မမှီခိုဘဲ လူကိုယ်တိုင် သရုပ်ဆောင်ရတဲ့ အက်ရှင်ခန်းတွေ၊ ဓားသိုင်းကွက် အကြမ်းစားတွေကို အားရပါးရ ကြည့်ရမှာပါ။ မူလက ၂၀၂၅ မှာ ရုံတင်ဖို့ မှန်းထားပေမယ့် မင်းသမီးတစ်ယောက်ရဲ့ ပြဿနာကြောင့် သရုပ်ဆောင်ပြောင်းပြီး ပြန်ရိုက်ရတာတွေရှိခဲ့လို့ ၂၀၂၆ ဖေဖော်ဝါရီလ ၁၇ ရက်နေ့ (တရုတ်နှစ်သစ်ကူး) ကျမှ ရုံတင်ခဲ့တာ ဖြစ်ပါတယ်။ ရိုက်ကူးရေး အများစုကို ရှင်းကျန်း (Xinjiang) ဒေသက သဲကန္တာရတွေနဲ့ ဘေဂျင်းမှာ တကယ်သွားရောက် ရိုက်ကူးထားတာပါ။ ဝူးကျင်းဆိုရင် ဒီကားထဲက တောက်မာ ဇာတ်ကောင်နဲ့ တူအောင် ဆံပင်အရှည်ထား၊ မုတ်ဆိတ်တွေမွေးပြီး မြင်းစီးတာနဲ့ သိုင်းကွက်တွေကို လပေါင်းများစွာ ကြိုတင်လေ့ကျင့်ခဲ့ရပါတယ်။ တရုတ်ရိုးရာ သိုင်းကားစစ်စစ် (Wuxia) တွေရဲ့ အငွေ့အသက်ကို ပြန်ရချင်တယ်၊ အက်ရှင်ခန်း အကြမ်းစားတွေနဲ့ မင်းသားကြီးတွေရဲ့ သရုပ်ဆောင် ကွက်တွေကို ကြည့်ချင်တယ်ဆိုရင်တော့ ဒီကားလေးက လုံးဝ အချိန်ပေးရကျိုးနပ်စေမှာပါ။ File Size… (6.90 GB) / (2.52GB) / (1.46MB) Quality… BluRay 2160p HEVC (4K) / 1080p HEVC / 720p Format…mkv / mp4 Duration…2h 6m Genre ….Action, Drama, and History Subtitle….Myanmar Subtitle (Hard Sub)

ဇာတ်လမ်းကတော့ ရာဇဝတ်မှုနှိမ်နင်းရေးအဖွဲ့ ရဲ့ အဖွဲ့ခေါင်းဆောင်ကျန်းချန်ဖုန်းကို ဗဟိုပြုထားတဲ့ဇာတ်လမ်းဖြစ်ပါတယ်။ အက်ရှင်ခန်းတွေတင်မကဘဲ စုံထောက်ဇာတ်လမ်းတွေရဲ့ ထုံးစံအတိုင်း ပဟေဠိတွေကို တစ်ဆင့်ချင်း ဖြေရှင်းသွားတဲ့အပိုင်းမှာလည်း အားကောင်းတဲ့ စိတ်ဝင်စားစရာဇာတ်ကားတစ်ကားဖြစ်ပါတယ်။ ကျန်းချန်ဖုန်းဟာ မာဖီးယားဂိုဏ်းခေါင်းဆောင် ယွီကျန့်မင်ရဲ့ မသမာတဲ့ ထောင်ချောက်ဆင်တာကြောင့် လူသတ်သမားအဖြစ် စွပ်စွဲခံရပြီး အဖမ်းခံလိုက်ရပါတယ်။ ဒါပေမဲ့ ဇာတ်လမ်းက ထောင်ထဲမှာတင်ရပ်မသွားပါဘူး။ ကျန်းချန်ဖုန်းဟာ ထောင်ထဲမှာရှိနေတဲ့အချိန်မှာပဲ မှုခင်းစုံစမ်းစစ်ဆေးရေးကျွမ်းကျင်တဲ့ကျိုးယန်နဲ့ သူတို့ရဲ့ အဖွဲ့ဝင်တွေနဲ့ ပူးပေါင်းပြီး ဒီထောင်ချောက်ကို ဘယ်လိုဖြည်မလဲဆိုတာ ကြံဆကြပါတယ်။ ဒီလိုနဲ့ အမှုမှန်ကို လိုက်ရင်းကနေ နောက်ကွယ်မှာ ဝှက်ဖုံးထားတဲ့ ကွင်းဆက်လူသတ်မှုကြီးရဲ့ တကယ့်တရားခံအစစ်ကို ဖော်ထုတ်ဖို့ ကြိုးစားကြတဲ့အခါမှာတော့...... Filesize : 1.61 GB / 775 MB Quality : WEB-DL 1080p HEVC , 720p HEVC Format : mp4 Genres : Action , Mystery Runtime : 1h 38 min Subtitle : Myanmar Subtitle ( Hardsub )

အက်ရှင်မင်းသားကြီး ဂျက်ကီချန်းရဲ့ ပန်ဒါကလေးဟူဟူ အတွဲ ၂ ရောက်ရှိလို့လာပါပြီ...ဒီ Panda Plan 2: The Magical Tribe ကတော့ အက်ရှင်ကို ဟာသနဲ့ fantasy အရသာတွေကို ပေါင်းစပ်ထားတဲ့ ပျော်ရွှင်စရာ စွန့်စားခန်း ဇာတ်ကားကောင်းလေး တစ်ကားဖြစ်ပါတယ်...အတွဲ ၂ မှာလည်း ဂျက်ကီချန်နဲ့ ချစ်စရာပန်ဒါလေးဟူဟူတို့က အဓိက ဇာတ်ဆောင်တွေဖြစ်တာပေါ... ဇာတ်လမ်းလေးကတော့ ဂျက်ကီနဲ့ ဟူဟူတို့က မတော်တဆ လျို့ဝှက်တောတစ်ခုထဲရောက်သွားပြီး ရှေးဟောင်းဝက်ဝံမျိုးနွယ်စုဆိုတဲ့ လူရိုင်းတွေနဲ့တွေ့တာပေါ့.. ထူးဆန်းစွာနဲ့ အဲ့မျိုးနွယ်စုမှာ အသက် ၆ နှစ်ပြည့်တာနဲ့ အမေလို့ ခေါ်ခွင့်ကို အားနည်းတယ်လို့ ယူဆပြီး ပိတ်ပင်တားဆီးထားတာပဲ... နောက်တစ်ခုကတော့ အချင်းချင်းပွေ့ဖက်ခြင်းဆိုတာက အားနည်းတဲ့အမူအရာလို့ ယူဆပြီး တားမြစ်ထားပြန်တယ်... အဲ့ဒီ မျိုးနွယ်စုဝင်တွေက ပန်ဒါဝက်ဝံကို နတ်ဘုရားသားရဲအနေနဲ့ ကိုးကွယ်တာဖြစ်လို့ ပန်ဒါလေးဟူဟူကိုလည်း သူတို့ရဲ့ နတ်ဘုရားလို့ ယုံကြည်ကိုးကွယ်ပြီး ဟူဟူရွေးချယ်ခဲ့တဲ့ ဂျက်ကီကိုလည်း သူရဲကောင်း တမန်တော်အဖြစ် ယုံကြည်သတ်မှတ်ခဲ့တာပေါ့...တစ်ဖက်မှာလည်း ဒီမျိုးနွယ်စုဆီကျရောက်မယ့် ကပ်ဘေးကို ကျော်လွှားနိုင်ဖို့အတွက် တောင်ထိပ်ကြီးကို ပန်ဒါလေးနဲ့ တမန်တော်က သွားပြီး ဖြေရှင်းပေးရမယ့် တာဝန်လည်း ရှိနေပြန်တယ် ဂျက်ကီ တမန်တော်ဖြစ်သွားတာကို မျိုးနွယ်စုသူရဲကောင်းတွေကလည်း ဘယ်ကျေနပ်ကြမှာလဲ... ဒါကြောင့်လည်း ဂျက်ကီနဲ့ ပန်ဒါလေးဟူဟူတို့ရဲ့ အန္တရာယ်များပြီး အကွေ့အကောက်များတဲ့ စိတ်လှုပ်ရှားဖွယ် ခရီးစဉ်တစ်ခုကို စတင်ခဲ့ရတာပေါ့... ဇာတ်ကားလေးထဲမှာ မင်းသား မင်းသမီးများစွာ ပါဝင်ပြီး အက်ရှင်တိုက်ခိုက်မှုတွေကို ဟာသနှောကာ တင်ဆက်ထားတာမို့ အားလုံး ဘဝအမောတွေကို ရယ်မောရင်း ဖြေဖျောက်နိုင်မယ့် ဇာတ်ကားကောင်းလေး ဖြစ်တဲ့အပြင် သူရဲကောင်းဆိုတာ အင်အားကြီးပြီး အထီးကျန်ဆန်တာမဟုတ်ဘဲ နာကျင်တာကို ငိုကြွေးပြတာ ပျော့ညံ့တာမဟုတ်သလို ခင်မင်ရင်းနှီးမှုကို ဖော်ထုတ်တာလည်း အားနည်းတာမဟုတ်တဲ့ သဘောတရားကို အခြေခံထားတာမလို့ မိသားစုနဲ့အတူ ကြည့်ဖို့ အထူးသင့်တော်တဲ့ကားလေးပါလို့ မိတ်ဆက်ပေးလိုက်ပါတယ်.. Filesize : 6.38 GB / 2.56 GB / 1.37 GB Quality : WEB-DL 4K HEVC ,1080p HEVC , 720p HEVC Format : mkv/mp4 Genres : Comedy , Action Runtime : 1h 40 min Subtitle : Myanmar Subtitle ( Hardsub )

ခါးပိုက်နှိုက်နှိမ်နင်းရေးတပ်ဖွဲ့က ရဲအရာရှိတစ်ယောက်ဖြစ်တဲ့ ဟော့ထောင်းရဲ့ဇာတ်ကြောင်းပဲဖြစ်ပါတယ်။ဟော့ထောင်းက အထက်လူကြီးတွေပေးတဲ့တာဝန်အရ မြို့ပြငြိမ်းချမ်းရေးကို နှောက်ယှက်နေတဲ့ ခါးပိုက်နှိုက်ဂိုဏ်းကြီးကိုဖြိုခွင်းဖို့အတွက် လျှို့ဝှက်အေးဂျင့်အဖြစ်တာဝန်ယူရပါတယ် ဟော့ထောင်းက ခါးပိုက်နှိုက်တစ်ယောက်လိုကျွမ်းကျင်လာအောင် အပီအပြင်လေ့ကျင့်ခဲ့ရပြီးတော့ ရာဇဝတ်ဂိုဏ်းရဲ့ ယုံကြည်မှုကိုရဖို့အတွက် သူ့ရဲ့နောက်ကြောင်းရာဇဝင်ကိုသေချာဖန်တီးပြင်ဆင်ခဲ့ရပါတယ်။ ခါးပိုက်နှိုက်အချင်းချင်းတောင် မယုံကြည်ကြတဲ့အခြေအနေမှာ ရဲတစ်ယောက်ဘယ်လိုရှင်သန်မလဲဆိုတာ စိတ်ဝင်စားစရာကောင်းလာပါတယ်။သူဟာ ဂိုဏ်းထဲကိုအောင်အောင်မြင်မြင်ဝင်ရောက်နိုင်ပြီးတော့ ဂိုဏ်းရဲ့ထိပ်တန်းခေါင်းဆောင်ကြီးဖြစ်တဲ့ သခင်ကြီးပေ့ဆိုတဲ့သူနဲ့ထိတွေ့ခွင့်ရလာပြီး သခင်ကြီးပေ့နဲ့ဟော့ထောင်းရဲ့ဉာဏ်စမ်းတိုက်ပွဲစတင်ပါတော့တယ် Filesize : 1.20 GB / 687 MB Quality : WEB-DL 1080p HEVC , 720p HEVC Format : mp4 Genres : Action , Crime Runtime : 1h 32 min Subtitle : Myanmar Subtitle ( Hardsub )

အမျိုးသမီးစစ်သူကြီး Mulan လို့ပြောရရင် ပရိသတ်တွေနဲ့စိမ်းမယ်မထင်ပါဘူးနော် ဒီတစ်ခါမှာလည်း မုလန်ဒဏ္ဍာရီကို စစ်ရုပ်ရှင်စတိုင်အပြည့်နဲ့ ပြန်လည်ဖန်တီးထားတဲ့ 2025 ခုနှစ်ကထွက်ရှိတဲ့ Fighting Mulan ဆိုတဲ့ ရုပ်ရှင်လေးနဲ့မိတ်ဆက်ပေးပါမယ် မဟာဝေ့မင်းဆက်ခေတ် ထိုက်ဝူဧကရာဇ်အုပ်ချုပ်စဉ်ကာလ ရိုရန်မျိုးနွယ် ခန်းမင်းကြီး ဦးဆောင်တဲ့ ၆၀၀၀၀ သောမြင်းတပ်စစ်တပ်ဟာ မဟာဝေ့တိုင်းပြည်ကို ဝင်ရောက်ကျူးကျော်လာပြီး ပြည်သူတွေကို ဖိနှိပ်သတ်ဖြတ်တာတွေ လုပ်ခဲ့တယ် အဲဒီအချိန်မှာ ဟွားမုလန်ဟာ ဖခင်ကိုယ်စား စစ်တပ်ထဲဝင်ပြီး အမျိုးသားအဖြစ် အသွင်ပြောင်းပြီးတော့ တိုက်ပွဲတွေမှာပါဝင်ခဲ့တယ် မုလန်ရဲ့ရဲစွမ်းသတ္တိနဲ့စစ်ဗျူဟာကျွမ်းကျင်မှုကြောင့် စစ်ပွဲတွေမှာ အောင်မြင်မှုတွေရရှိပြီး တင့်ယွမ်စစ်သူကြီးဘွဲ့အမည်ချီးမြှင့်ခံခဲ့ရတယ် ဒါပေမဲ့ စစ်ဗျူဟာမှားယွင်းမှုတစ်ခုကြောင့် မုလန် ဒဏ်ရာရပြီး သူ့ရဲ့မိန်းကလေးသရုပ်မှန် ဖော်ထုတ်ခံရတဲ့အခါ… အမျိုးသမီးတွေ စစ်တပ်ထဲမဝင်ရဘူးဆိုတဲ့ကန့်သတ်ချက်တွေကို ချိုးဖောက်ပြီး စစ်မြေပြင်မှာ မုလန်တစ်ယောက် ဘယ်ပုံဘယ်နည်းပြန်လည်ထမြောက်လာမလဲဆိုတာ… ဆက်ပြီးတော့လည်း သဲကန္တာရမြင်ကွင်းကြီးတွေနဲ့ မြင်းတပ်စစ်ဆင်ရေးတွေပါပြီး War Epic စတိုင်ကို အပြည့်အဝ ခံစားနိုင်တဲ့အပြင် မုလန်ဒဏ္ဍာရီကို စစ်အက်ရှင်အပြည့်နဲ့ ပြန်လည်ဖန်တီးထားတဲ့ရုပ်ရှင်တစ်ကားဖြစ်ပြီး စစ်ရုပ်ရှင်ကြိုက်နှစ်သက်သူတွေ သမိုင်းနောက်ခံဇာတ်လမ်းတွေကို စိတ်ဝင်စားသူတွေအတွက်လည်း ဆွဲဆောင်မှုရှိစေမှာအမှန်ပါ Filesize : 1.75 GB / 1 GB Quality : WEB-DL 1080p HEVC , 720p HEVC Format : mp4 Genres : Action , War Runtime : 1h 23 min Subtitle : Myanmar Subtitle ( Hardsub )

ဂျက်ကီချန်းရဲ့အကောင်းဆုံးရုပ်ရှင်တွေထဲက တစ်ကားဖြစ်လာတဲ့ The Shadow's Edge ဆိုတဲ့ ရုပ်ရှင်ဇာတ်ကားကြီး ထွက်ရှိလို့လာပါပြီ The Shadow's Edge ဆိုတဲ့ရုပ်ရှင်ကားကြီးဟာဆိုရင် ဂျက်ကီချန်းရဲ့ ရဲတပ်ဖွဲဇာတ်ကောင်အနေနဲ့ ပြန်လည်ပေါ်ထွက်လာတဲ့ ရုပ်ရှင်ကားတစ်ကားဖြစ်ပြီးတော့ 2004 ခုနှစ်ကထွက်ရှိထားတဲ့ New Police Story ကို အမီလိုက်နိုင်တဲ့ကားကောင်းတစ်ကားဖြစ်ပါတယ် ဇာတ်လမ်းအကျဉ်းလေးကတော့ ........ ခေတ်မီနည်းပညာနဲ့ AI စနစ်တွေကို ကျွမ်းကျင်စွာအသုံးချပြီး မကာအိုရဲတပ်ဖွဲ့ရဲ့ cctv ကင်မရာတွေကိုတောင် လှည့်စားနိုင်တဲ့ အဆင့်မြင့်သူခိုးဂိုဏ်းတစ်ခုဟာ cryptocurrency တွေကို အကြီးအကျယ်ခိုးယူပြီး ခြေရာဖျောက်နေပါတယ် ဒီသူခိုးဂိုဏ်းကို ရဲတပ်ဖွဲ့က ဘယ်လိုမှခြေရာမခံနိုင်တဲ့အခါမှာတော့ အရင်က နည်းလမ်းဟောင်းတွေနဲ့ လူတွေကို ခြေရာခံရာမှာ တစ်ဖက်ကမ်းခတ်ကျွမ်းကျင်ခဲ့တဲ့ အငြိမ်းစားရဲအရာရှိကြီး ဝေါင်တပ်ချွန်း (Jackie Chan) ကို ပြန်လည်ခေါ်ယူပြီး အကူအညီတောင်းခံရပါတော့တယ် ဝေါင်ဟာ ရဲအရာရှိပေါက်စလေးတွေကို သူ့ရဲ့ရိုးရာနည်းလမ်းတွေနဲ့ လေ့ကျင့်ပေးပြီး ဒီဂိုဏ်းကိုဖမ်းဖို့ ကြိုးစားပါတယ် ဒီသူခိုးဂိုဏ်းရဲ့ ခေါင်းဆောင်ကတော့ နှစ်ပေါင်းများစွာ လွတ်မြောက်နေတဲ့ ရာဇဝတ်ကောင်ကြီး "The Shadow" (Tony Leung Ka-fai) ဖြစ်နေမှန်း သူတို့သိလိုက်ရပါတော့တယ် ဒီဇာတ်ကားဟာ Jackie Chan ရဲ့ ခေတ်ဟောင်းနည်းပညာနဲ့ Tony Leung ရဲ့ ခေတ်သစ်နည်းပညာမြင့် ရာဇဝတ်မှုတွေကြားက အားပြိုင်မှုကို အဓိကထားရိုက်ကူးထားတဲ့ သည်းထိတ်ရင်ဖို အက်ရှင်ကားတစ်ကား ဖြစ်ပါတယ် ဒါ့အပြင် ဒီဇာတ်ကားဟာ 2007 ခုနှစ်ကထွက်ရှိခဲ့တဲ့ ဟောင်ကောင်ရုပ်ရှင် "Eye in the Sky" ကို ပြန်လည်အသက်သွင်းထားတာဖြစ်ပြီး မူရင်းဇာတ်ကားမှာလည်း Tony Leung Ka-fai က ဗီလိန်နေရာက ပါဝင်ခဲ့ပါတယ် Jackie Chan ဟာ ဒီကားမှာ အသက် ၇၁ နှစ်အရွယ်နဲ့ အက်ရှင်စတန့်ခန်းတွေကို သူ့ကိုယ်တိုင်ပဲ အားလုံးသရုပ်ဆောင်ထားတာကြောင့် ပရိသတ်တွေအတွက် တန်ဖိုးရှိတဲ့ဇာတ်ကားတစ်ကားဖြစ်လာမှာတော့သေချာပါတယ် Filesize : 8.02 GB / 2.70 GB / 1.38 GB Quality : WEB-DL 1080p HEVC , 720p HEVC Format : mkv/mp4 Genres : Action, Crime, Thriller Runtime : 2h 22 min Subtitle : Myanmar Subtitle ( Hardsub )

ဒီတစ်ခါမှာတော့ မူးယစ်နှိမ်နင်းရေး ဇာတ်ကားကောင်းလေးတစ်ခုကို ဘာသာပြန်တင်ဆက်ပေးလိုက်ပါတယ်... ဇာတ်လမ်းအကျဉ်းလေးကို ပြောပြရရင် ထုံးစံအတိုင်းပဲပေါ့နော်... မူးယစ်ဆေးဝါးကို ရောင်းဝယ်ဖို့အတွက် နယ်စပ်ဒေသလမ်းကြောင်းကို ဒုစရိုက်သမားတွေက အသုံးပြုတော့ နယ်စပ်ဒေသမှာ ဖြစ်တဲ့ ဇာတ်လမ်းလေးပေါ့... သူတို့သယ်သွားမယ့်ဒေသကိုတော့ မပြောထားပေမယ့်... တရုတ်နယ်စပ်ဒေသဖြစ်ပြီး တောပျော်တွေ အမဲလိုက်ကျက်စားရာ နေရာလေးမှာပေါ့... အဓိကကတော့ ပိုပြင်းပြီး ပိုအရသာကောင်းတဲ့ မူးယစ်ဆေး အမျိုးအစားသစ်ကို ဖော်စပ်ဖို့အတွက် လျို့ဝှက်နည်းကို ရှာဖွေတာမို့ တောပျော်အမဲလိုက်အဖွဲ့ရဲ့ လမ်းပြမှုကို လိုအပ်နေတာကြောင့်ပါ... တိုက်တိုက်ဆိုင်ဆိုင် မူးယစ်ဆေးဒုစရိုက်အဖွဲ့မှာလည်း အဖေနဲ့ မွေးစားသား နှစ်ဦးရဲ့ တင်းမာမှုကြောင့် ကြေးစားလူသတ်သမားအဖွဲ့ပါ ပါဝင်လာခဲ့တာပေါ့... အသေးစိတ်တော့ spoil ရာမရောက်အောင် မပြောတော့ပါဘူး ဇာတ်ကားလေးကိုသာ ဇိမ်ခံကြည့်လိုက်ပါတော့... Filesize : 1.69 GB / 1.05 GB Quality : WEB-DL 1080p , 720p Format : mp4 Genres : Action , Crime Runtime : 1h 26 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

ဒီရုပ်ရှင်ကားလေးကတော့ တရုတ်နိုင်ငံကရိုက်တဲ့ ရှားရှားပါးပါး သိပ္ပံဇာတ်ကားကောင်းတွေထဲက တစ်ကားလို့ပြောရလောက်အောင်ကို ကောင်းတဲ့ဇာတ်ကားလေးပဲဖြစ်ပါတယ် ။ သိပ္ပံကားတွေကြိုက်တတ်တဲ့ ပရိသတ်ကြီးအတွက် လက်မလွှတ်သင့်တဲ့ ဇာတ်ကားဆိုလည်း မမှားပါဘူးနော် ။ ဇာတ်လမ်းအကျဉ်းလေးအနေနဲ့ - မျိုးသုဉ်းခြင်းလျို့ဝှက်နယ်‌မြေလို့ယာယီနာမည်ပေးထားတဲ့ အာကာသယာဉ်လုံးကြီးက တရုတ်နိုင်ငံ အခြေစိုက် အာကာသနှင့်သိပ္ပံစခန်း CTC ရဲ့ လမ္ဘာအာကာသစခန်းကို ဝါးမျိုသွားပြီး ကမ္ဘာမြေပေါ်ရောက်လာခဲ့ပါတယ် ။ အဲဒီအရာကြီးရောက်လာပြီးကတည်း ကမ္ဘာမြေရဲ့ ရေအရင်းအမြစ်တွေက စတင်ပြီး ဆုံးရှုံးလာခဲ့ပါတော့တယ် ။ အဲဒီအရာကြီးကို စစ်ဆေးဖို့အတွက် ကုလသမ္မဂက doomsday Warrior အဖွဲ့တွေဖွဲ့ပြီး စေလွှတ်ခဲ့ပေမဲ့ ဘယ်သူမှ အသက်ရှင်လျက်ပြန်မလာနိုင်ခဲ့ပါဘူး ။ နှစ်ဝက်ကြာပြီးတဲ့အခါမှာတော့ ကမ္ဘာမြေဟာ ရေရှားပါးလာမှုကြောင့် အဝါရောင်ပြောင်းသွားပြီးတော့ သေကြေကုန်တဲ့လူတွေလည်း တစ်ဘီလီလျံထိမြင့်မားလာခဲ့ပါတော့တယ် ။ အဲဒီလိုနဲ့ CTC က အရေးပေါ်အခြေအနေအဖြစ် အထူးတပ်ဖွဲ့ 001 ကို မဖြစ်မနေတာဝန်ပြီးမြောက်အောင်လုပ်ဖို့ အမိန့်နဲ့အတူ ထိုအကာအကွယ်အလွှာထဲကို ဝင်ရောက်စေခဲ့ပါတယ်။ ‌ ကပ်ပတိန်ယန်ယိနဲ့အတူ သုတေသနအဖွဲ့ဝင် 2ယောက်လည်း တစ်ပါတည်းလိုက်ပါသွားခဲ့ပါတယ် ။ ဇာတ်လမ်းလေးကတော့ အထူးတပ်ဖွဲ့ 001 က ထိုနယ်မြေမှာဘယ်လို စွန့်စားခန်းတွေနဲ့ကြုံတွေ့ရမလဲ ? ထိုအရာကြီးက ထူးဆန်းတဲ့အကောင်တွေက‌ရောဘာတွေဖြစ်မလဲ ။ ဒါ့အပြင် ကမ္ဘာမြေကြီးက ရေအရင်းအမြစ်တွေဆုံးရှုံးကုန်ရတဲ့အဓိက အကြောင်းကဘာဖြစ်မလဲ ? ရှားပါးသွားတဲ့ရေကရော ကမ္ဘာမြေပေါ်မှာ တဖန်ပြန်ရရှိနိုင်မလားဆိုတာကို စိတ်ဝင်စားစွာနဲ့ ကြည့်ရှုရမှာပဲဖြစ်ပါတယ် Quality : WEB-DL 1080p , 720p Format : mp4 Genres : Action , Adventure , Science-Fiction Runtime : 1h 20 min Subtitle : Myanmar Subtitle ( Hardsub ) Translated by CM Team Reviewed By Kay Thwe Phyoe Encoded by LK

လက်ဖြောင့်စနိုက်ပါသမား ကောင်းကျန်းဟာ ကြီးမားတဲ့ စစ်ဆင်ရေးတစ်ခုမှာ သေဘေးကနေ လက်မတင်လေး လွတ်မြောက်လာခဲ့ပေမယ့် သူအယုံကြည်ရဆုံး ရဲဘော်ရဲဘက်တွေကို ဆုံးရှုံးလိုက်ရပါတယ်။ သူတို့အတွက် ဖြေမဆည်နိုင်ဖြစ်နေချိန်မှာပဲ ကောင်းကျန်းရဲ့ ဘဏ်အကောင့်ထဲ အမေရိကန်ဒေါ်လာ လေးသိန်း ရောက်နေခဲ့တာကြောင့် ရဲဘော်တွေကို သစ္စာဖောက်ခဲ့သူအဖြစ် စွပ်စွဲခံရတော့တယ်။ နာကျည်းမှုတွေနဲ့ ကျန်ခဲ့တဲ့ ကောင်းကျန်းဟာ မုန်တိုင်းအဖွဲ့နဲ့ ပူးပေါင်းပြီး လက်စားချေဖို့ လုပ်ဆောင်လာပါတယ်။ ပြန်ပေးဆွဲမှုတွေ မကြာခဏဖြစ်နေတဲ့အချိန်မှာ နောက်ကွယ်က ကြိုးကိုင်နေသူက ဘယ်သူလဲ။ သူ့ကို တမင်ချောက်ချထားသူ တကယ်ရှိနေတာလား၊ ကျဆုံးသွားတဲ့ ရဲဘော်တွေအတွက်ရော သူလက်စားချေနိုင်ပါ့မလား။

ဂျပန်တော်လှန်ရေးအပြီး ကွန်မြူနစ်နဲ့ ကူမင်တန်တို့ ပြည်တွင်းစစ်ဖြစ်နေချိန်မှာ ဇာတ်လမ်းစထားပါတယ်။ တရုတ်ပြည်အရှေ့မြောက်ပိုင်း တုံးပေဒေသက မုံဟူတောင်ခြေမြို့လေးမှာ တပ်နှစ်တပ် ရက်ပေါင်းများစွာ အပြန်အလှန်ပစ်ခတ်နေကြပြီး အခြေအနေက တင်းမာနေတယ်။ အဲဒီကြားမှာ ကူမင်တန်အရာရှိတစ်ယောက်က စစ်ပွဲကို အကြောင်းပြပြီး ရတနာသိုက်တစ်ခုကို သိမ်းယူဖို့ ကြံစည်နေပါတယ်။ မုံဟူတောင်ဂိုဏ်းခေါင်းဆောင် ကျန်းတုံးရှန်းက ဂျပန်တော်လှန်ရေးစစ်ပွဲမှာ ပါဝင်ခဲ့ဖူးတဲ့ မျိုးချစ်တစ်ယောက်ပါ။ သူ့ကို ကွန်မြူနစ်တပ်နဲ့ ပူးပေါင်းလာအောင် နားချဖို့ လက်ဖြောင့်စနိုက်ပါသမား ယန်ကျန့်ဖုန်းကို တာဝန်ပေးလိုက်တယ်။ ပြည်သူတွေအတွက် ရသမျှနည်းလမ်းနဲ့ တိုက်ပွဲဝင်နေတဲ့ ယန်ကျန့်ဖုန်းဟာ လှည့်ကွက်များတဲ့ ကူမင်တန်အရာရှိနဲ့ ဉာဏ်ချင်းပြိုင်ရတော့မှာပါ။ စစ်ပွဲတွေအပြင် တောင်တွေကို ကြီးစိုးထားတဲ့ ဓားပြဂိုဏ်းတွေရဲ့အကြောင်းနဲ့ ဒရာမာအပိုင်းတွေလည်း ပါဝင်ပါတယ်။

တက္ကသိုလ်ပါမောက္ခ ရှဝေဟာ လူသတ်မှုနဲ့ တရားစွဲခံထားရပါတယ်။ အစိုးရရှေ့နေ လီရွေ့က ဒီလူသတ်မှုကို လိုက်ရင်း အမှုဟောင်းတွေကိုပါ ပြန်ဖော်ထုတ်မိတယ်။ လူသတ်မှု၊ မုဒိမ်းမှုတွေအပြင် အစိုးရဝန်ထမ်းတွေနဲ့ စီးပွားရေးသမားတွေ ပူးပေါင်းလာဘ်စားတဲ့ အမှုတွေပါ ပါလာတဲ့အခါ ပတ်သက်သူအားလုံး ဒီအမှုရဲ့ ဝဲဂယက်ထဲ ရောက်လာကြပါတယ်။ Johnny Huang သရုပ်ဆောင်ထားတဲ့ လီရွေ့ဟာ တရားခွင်မှာ ရည်းစားဟောင်း ထုံယွီချန်နဲ့ ထိပ်တိုက်ရင်ဆိုင်ရတယ်။ ထုံယွီချန်က ရှဝေဘက်က လိုက်ပေးတဲ့ ရှေ့နေပါ။ ရှဝေက ဘာကြောင့် နှုတ်ဆိတ်နေတာလဲ၊ သူ့ခင်ပွန်းကရော ဘယ်လိုလျှို့ဝှက်ချက်တွေ ဖုံးကွယ်ထားသလဲ။ ဒီအမှုရဲ့ နောက်ကွယ်မှာ သူတို့အတွက် ဘယ်လိုမမျှော်လင့်ထားတဲ့ အန္တရာယ်တွေ ရှိနေဦးမလဲ။

စတန့်သမားဟောင်း လော့ကျီလုံမှာ သားအရင်းလို ချစ်ရတဲ့ မြင်းလေး ဖိုးနီပဲ အဖော်ရှိပါတယ်။ နှစ်ယောက်တည်း အလုပ်လိုက်ရှာပြီး ဆင်းဆင်းရဲရဲ အသက်မွေးနေရတယ်။ သမီး ရှောင်ပေါင်ကလည်း ဖခင်အပေါ် စိတ်နာစရာတွေ ရှိနေလို့ စကားမပြောဘဲ အဆက်ဖြတ်ထားပါတယ်။ အဖိုးအိုအတွက် ဖိုးနီက သူနဲ့ မခွဲချင်တဲ့ မိသားစုဝင်တစ်ယောက်ပါပဲ။ ဖိုးနီကို အရင်ကုမ္ပဏီပိုင်ရှင် ဝမ်က မသေခင် လက်ဆောင်ပေးခဲ့တာဖြစ်ပေမယ့် အဲဒီကုမ္ပဏီ ဒေဝါလီခံရတဲ့နောက်မှာ ပြဿနာပေါ်လာတယ်။ ကုမ္ပဏီအသစ်က မြင်းကို ကုမ္ပဏီပိုင်ပစ္စည်းဆိုပြီး သိမ်းဖို့ ကြိုးစားလာသလို အကြွေးရှင်တွေကလည်း အကြွေးအစား ယူချင်နေကြတယ်။ လော့ကျီလုံဟာ ဖိုးနီကို လက်လွှတ်မခံရဖို့ ရုန်းကန်ရတော့တာပါ။ ဂျက်ကီချန်းက အဓိကပါဝင်ထားပြီး CGI မတွင်ကျယ်သေးခင် ဟောင်ကောင်ရုပ်ရှင်ခေတ်က စတန့်သမားတွေရဲ့ ဘဝနဲ့ ခံစားချက်တွေကို ဂုဏ်ပြုထားတဲ့ ဇာတ်ကားဖြစ်ပါတယ်။

CM ကနေ ဘာသာပြန်တင်ဆက်ဖို့ ရွေးချယ်ထားတဲ့ ကားလေးကတော့ နန်းတွင်းကားတွေကို ကြိုက်နှစ်သက်သူတွေ သဘောကျစေမယ့် နန်းတွင်းအစားအစာ‌တွေကိုနောက်ခံထားပြီးရိုက်ကူးထားတဲ့ကားလေ း Royal Feast ပဲ ဖြစ်ပါတယ် ဒီကားလေးထဲမှာတော့ Story of Yanxi Palace ထဲက မင်းသားချော Xu Kai နဲ့ မင်းသမီးချော Wu Jinyan တို့က မင်းသား Zhu Zhanji နဲ့ စားဖိုဆောင်က နန်းတွင်းသူလေး Yao Zijin တို့အဖြစ် အဓိကပါဝင်သရုပ်ဆောင်ထားကြတာပဲဖြစ်ပါတယ် ဇာတ်လမ်း‌လေးကတော့ မင်ခေတ်မှာ တိုင်းပြည်ဟာစည်ပင်ဝဖြိုးပြီး တိုင်းတစ်ပါးကသူတွေနဲ့လည်း အဆက်အဆံလုပ်ရတာကြောင့် ယုံလဲ့ဘုရင်ဟာ သာမန်လုပ်ထုံးတွေနဲ့မတူဘဲ နန်းတွင်းမှာ စားတော်ပွဲကောင်းကောင်းတည်ခင်းနိုင်ရန် အချက်အပြုတ်စွမ်းရည်ရှိတဲ့ မိန်းကလေးတွေကို ရွေးချယ်ပြီး စားဖိုဆောင်မှာ ခစားစေခဲ့ပါတယ် ကောင်းမွန်တဲ့မိသားစုကလာသူYao Zijin ဟာ အချက်အပြုတ် အချုပ်အလုပ်စွမ်းရည် ရှိသူဖြစ်တာကြောင့် နန်းတွင်းစားဖိုဆောင်မှာ ခစားခွင့်ရခဲ့ပါတယ် နန်းတွင်းထဲကိုရောက်ပြီးနောက်မှာ Yao Zijinဟာတော်ဝင်စားတော်ပွဲအချက်အပြုတ်နည်းပညာကို ဆက်လက်ဆည်းပူးရင်း မင်းသားတစ်ပါးဖြစ်တဲ့ Zhu Zhanji နဲ့ ဆုံတွေ့ခဲ့ပြီးရင်းနှီးမှုကနေတစ်ဆင့် ချစ်ကျွမ်းဝင်ခဲ့ပါတော့တယ် ဒီဇာတ်လမ်းလေးဟာဆိုရင် မင်ခေတ်က အထင်ကရနာမည်ကြီး မိသားစု သုံးခုအကြောင်းကို ရိုက်ကူးထားတာလည်းဖြစ်ပါတယ် Yao Zijin ဟာဘယ်လိုအကြောင်းတွေကြောင့် နန်းတွင်းစားဖိုဆောင်မှာ ခစားဖို့ ရောက်လာခဲ့တာလဲဆိုတာကို နန်းတွင်းကားတို့ရဲ့ထုံးစံအတိုင်း အလှည့်အပြောင်းလေးတွေနဲ့ တင်ဆက်ထားတာဖြစ်တာကြောင့် နန်းတွင်းကားကြိုက်သူတွေ လက်မလွှတ်သင့်တဲ့ကားကောင်းတစ်ကား ဖြစ်သည့်အပြင်ကို Story of Yanxi Palace ထဲက Fuca Fuheng နဲ့ Wei Yingluo တို့အတွဲလေးကို သဘောကျတဲ့သူတွေအဖို့ အကြိုက်တွေ့စေမှာဖြစ်လို့ Royal Feast ဆိုတဲ့ နန်းတွင်းကားလေးကို CM ကနေမကြာခင်မှာ ဘာသာပြန်တင်ဆက်ပေးသွား‌တော့မှာဖြစ်လို့ စောင့်မျှော်ကြည့်ရှုအားပေးကြပါဦးနော် Quality : WEB-DL 720p Total Episodes : 40 Format : mp4 Genres : Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

ဗုံးရှင်းလင်းရေးကျွမ်းကျင်သူ Lu Yang နဲ့ သူ့သူငယ်ချင်း Xu Ming တို့ဟာ နယ်စပ်မှာ မူးယစ်ဆေးရောင်းဝယ်နေတဲ့ Kun Kang ကို ဖမ်းဆီးဖို့ တာဝန်ပေးခံရပါတယ်။ Kun Kang က မူးယစ်မှောင်ခိုသမားတစ်ယောက် ဖြစ်ရုံတင်မကဘဲ ဖောက်ခွဲရေးမှာလည်း ကျွမ်းကျင်သူပါ။ ပြင်းအားမြင့်ဖောက်ခွဲရေးကိရိယာကို ဖန်တီးပြီး ရဲတပ်ဖွဲ့ရဲ့ ဖမ်းဆီးမှုကနေ ထွက်ပြေးလွတ်မြောက်သွားတယ်။ Kun Kang နောက်ကို လိုက်ဖမ်းရင်း မမျှော်လင့်ထားတဲ့ ပေါက်ကွဲမှုတစ်ခုကြောင့် Xu Ming အသက်ဆုံးရှုံးသွားပါတယ်။ သူငယ်ချင်းကို ဆုံးရှုံးလိုက်ရတဲ့ Lu Yang က လွတ်နေဆဲ Kun Kang ကို ဖမ်းဖို့ ဆက်ကြိုးစားရတော့မယ်။ Lu Yang ဘယ်လိုချဉ်းကပ်မလဲ၊ ဖောက်ခွဲရေးကျွမ်းကျင်တဲ့ Kun Kang ကရော ဘယ်လိုနည်းတွေနဲ့ ထပ်လွတ်အောင် လုပ်ဦးမလဲဆိုတဲ့ နှစ်ဖက်အားပြိုင်မှုကို ဆက်ပြထားပါတယ်။

Sword snow stride ကဲ ဒီတစ်ခါ CM ကနေဘာသာပြန်တင်ဆက်ပေးမယ့်ဇာတ်လမ်းလေးကတော့ သိုင်းကားပရိတ်သတ်တွေ အကြိုက်တွေ့စေမယ့် Sword Snow Stride ဆိုတဲ့ နန်းတွင်းသိုင်းကားလေးပဲ ဖြစ်ပါတယ် ဒီကားရဲ့ အဓိကဇာတ်ဆောင်တွေကတော့ Xu Fengnian အဖြစ် နာမည်ကြီးမင်းသား Zhang Ruoyun (Joy of life, Novoland: the castle in the sky) Xu Xiao အဖြစ် မင်းသားကြီး Hu Jun (Demi gods and Semi Devils ကားထဲက မင်းသားချောင်ဖုန်း) Jiang Ni အဖြစ် မင်းသမီးလေး Li Gengxi Nangong Phushe အဖြစ် မင်းသမီးချော Zhang Tianai Chen Zhipao အဖြစ် နာမည်ကြီးမင်းသား Gao Weiguang(Three lives Three world :Pillow Book) တို့က ပါဝင်သရုပ်ထားတာဖြစ်ပါတယ် ဇာတ်လမ်းလေးဟာဆိုရင် ပေလျန် ရဲ့ မင်းသားတစ်ပါးဖြစ်တဲ့ Xu Fengnian ဟာ ဖခင်ဖြစ်သူ Xu Xiao ရဲ့ မျှော်လင့်ချက်ဆန္ဒတွေကို ပုခုံးမှာထမ်းကာ သိုင်းလောကကို လှည့်လည်ရင်း သိုင်းပညာကို သိုင်းလောကအကျော်အမော်တွေဆီကနေ အပတ်တကုပ် ဆည်းပူးသင်ယူဖို့ ခရီးစဉ်ကိုစတင်ခဲ့ပါတယ် သူ့သိုင်းလောက ခရီးစဉ်ဟာ အင်မတန်မှ အတိုက်အခိုက် အတားအဆီးတွေနဲ့ ပြည့်နှက်နေခဲ့ပြီး အသက်အန္တရာယ်နဲ့ မကြာခဏရင်ဆိုင်ခဲ့ရပါတယ် ဒါပေမယ့်လည်း Xu Fengnian ဟာ အခက်အခဲတွေကြားကနေ ထိပ်တန်းသိုင်းသမားတစ်ယောက်ဖြစ်အောင် ကြိုးစားခဲ့ပါတယ် သိုင်းလောကထဲ ကျင်လည်ရင်း မိခင်အတွက် ကလဲ့စားချေဖို့ ကြိုးပမ်းခဲ့ပြီး သိုင်းလောကသားတွေကိုလည်း စုဆောင်းခဲ့ပါသေးတယ် တစ်ချိန်ထဲမှာပဲ ပေမန်ရဲ့ကျူး‌ကျော်စွက်ဖက်မှုတွေက အလယ်ပိုင်းမြေပြန့်ဒေသ ကို စစ်ရိပ်သန်းလာစေတာကြောင့် သိုင်းလောကထဲကျင်လည်ခဲ့တဲ့ Xu Fengnian ဟာ သံမဏိစစ်သည်တော်တွေကို ဦးဆောင်ပြီး စစ်ထွက်တိုက်ခဲ့ပါတော့တယ် အဆုံးသတ်မှ ာ Xu Fengnian ဟာ နန်းတွင်းမှာ ပဲ ဆက်လက်နေထိုင်သွားမှာလား ဒါမှမဟုတ် သိုင်းလောကမှာပဲ ပြန်ပြီး ကျင်လည်သွားမှာလား သူရဲကောင်းဖြစ်လာပြီဆိုမှတော့ ဘေးနားမှာ အဖော်ပြုပေးမယ့် မိန်းမလှလေးကရော ဘယ်သူဖြစ်မှာလဲ ပြီးတော့လည် းအမိုက်စားသိုင်းကွက်တွေကို ရှုစားခွင့်ရမှာဖြစ်တာကြောင့် သိုင်းကားပရိတ်သတ်‌တွေ အ‌ဖို့ အကြိုက်တွေ့‌စေမှာဖြစ်လို့ CM ကနေ မကြာခင်မှာ တင်ဆက်ပေးတော့မယ့် Sword Snow Stride ဆိုတဲ့ သိုင်း series လေးကို စောင့်မျှော်ကြည့်ရှုအားပေးကြပါဦးနော် Quality : WEBDL -720p Format :  mp4 Total Episodes : 38 During : 45 min Genres : Drama Subtitle : Myanmar Subtitle ( Hardsub ) Translated By CM Team Encoded By LK

ကမ္ဘာကြီးမှာ အပင်တွေဟာ ရုတ်ချည်း သန္ဓေပြောင်းလဲကြီးမားလာပြီး လူတွေ တိရိစ္ဆာန်တွေကို အာဟာရအဖြစ်စားသုံးကာ မြေနေရာရဲ့ ၉၃ရာခိုင်နှုန်းကို ဖုံးလွှမ်းသွားပါတော့တယ် အဲ့လိုကပ်ဘေးကြီးမှာ ယန်ဟောက် နဲ့ သူ့ရဲ့သမီးဟာ နောက်ဆုံးအကြိမ်လွတ်မြောက်ရေးအဖွဲ့ထဲမှာပါမသွားဘဲ နှစ်ဦးတည်း အန္တရာယ်ဇုံထဲမှာ ကျန်ရစ်ခဲ့ပါတယ် အဲ့နောက်မှာ အစိုးရက ကပ်ဘေးမှ လွတ်မြောက်ဖို့ တာဝန်တွေထမ်းဆောင်ရမဲ့ ပူးတွဲအဖွဲ့၄၇ဖွဲ့ကို ဖွဲ့စည်းပေးပြီး ကမ္ဘာ့ နိုင်ငံအသီးသီးကို စေလွှတ်လိုက်ပါတယ် ၄၇ဖွဲ့ထဲကမှ C8683စစ်ဆင်ရေးအဖွဲ့နဲ့ သူတို့သားအဖနှစ်ယောက် တွေ့ဆုံမိကြပြီး အကြောင်းအမျိုးမျိုးကြောင့် ပူးပေါင်းစစ်ဆင်ရေးလုပ်ဖို့ ဖြစ်လာတဲ့အခါမှာတော့... သူတို့တစ်တွေ အမျိုးမျိုးသော အန္တရာယ် အခက်အခဲတွေကြားမှာ ကိုယ်ကျိုးစွန့်ကာ ကမ္ဘာကြီးကို ဘယ်လိုတွေ ​အတူတူကယ်တင်ကြမလဲဆိုတာ ရင်တမမနဲ့ စိတ်လှုပ်ရှားထိတ်လန့်ဖွယ်ဆက်လက်ကြည့်ရှုကြရမှာပါ Filesize : 1.29 GB / 702 MB Quality : WEB-DL 1080p HEVC , 720p HEVC Format : mkv During : 1h 29 min Genres : Drama , Sci-Fi Subtitle : Myanmar Subtitle ( Hardsub ) Translated By Yamin Ei Encoded By LK

“ခန်းနားကြီးကျယ်လွန်းလှတဲ့ ယဥ်ကျေးမှု အမွေအနှစ်တွေရဲ့ နောက်ကွယ်မှာ ဘယ်သူမှ မသိနိုင်တဲ့ ကြီးမားလှတဲ့ ဇာတ်လမ်း ဇာတ်ကွက်တွေကတော့ ရှိစမြဲပါပဲ” ပျူနိုင်ငံတော်(ရှေးခေတ်မြန်မာနိုင်ငံတော်) ရဲ့ ဘုရင်ဟာ ပျူမင်းသား သုနန္ဒ ဦးဆောင်တဲ့ ပျူနိုင်ငံတေးဂီတအဖွဲ့ကို စေလွှတ်ပြီး ပြည်သရေခေတ္တရာမြို့တော်မှတစ်ဆင့် ချန်အန်းမှာရှိတဲ့ ထန်မင်းဆက်နန်းတော်ကို ဖျော်ဖြေစေဖို့ စေလွှတ်ခဲ့ပါတယ် စေလွှတ်ရခြင်းရဲ့ အကြောင်းပြချက်ကတော့ ထန်မင်းဆက်နဲ့ ဆက်ဆံရေး အဒွန့်ရှည်စေဖို့ တစ်နိုင်ငံနဲ့ တစ်နိုင်ငံ အပြန်အလှန် ကူညီနိုင်စေဖို့ အတွက်ပါ သုနန္ဒဒီတာဝန်ကို ထမ်းရွက်နေစဥ်အတွင်းမှာ ခရီးစဥ်က ဖျောင့်ဖြူးခြင်းမရှိခဲ့ပါဘူး သုနန္ဒ မင်းနေပြည်တော်ကနေပြီး ထွက်သွားတာကို အခွင့်အကောင်းယူကာ ပျူနိုင်ငံတော်ရဲ့ စစ်သူကြီးဖြစ်သူ ကျားလော်နက အရှင်မင်းကြီးကို လုပ်ကြံသတ်ဖြတ်ပြီး ထီးနန်းကို အပိုင်သိမ်းယူဖို့ ကြံစည်နေခဲ့တာပါ ဒါပေမဲ့လို့ စစ်သူကြီးရဲ့ မွေးစားသားဖြစ်သူ စူးကျွယ်ဟာ သုနန္ဒနဲ့ ညီအစ်ကိုလို ခင်မင်နေခဲ့တာကိုတော့ သူမသိရှာခဲ့ပါဘူး စူးကျွယ်ဟာ သုနန္ဒကို မွေးစားအဖေရဲ့ အစီအစဥ်တွေကို ပြောပြလိုက်ပြီးနောက်မှာတော့ သုနန္ဒဟာ စူးကျွယ်ကို မိမိအနေနဲ့ ဟန်ဆောင်ခိုင်းခဲ့ပြီး ဖျော်ဖြေရေးအဖွဲ့ထဲကို လိုက်သွားစေခဲ့ပါတယ် တစ်ဆက်ထဲမှာပဲ ကြာပန်းလိုလှပ နူးညံ့လှတဲ့ မိန်းမပျိုလေး ယင်းမာစန္ဒီရဲ့ နူးညံ့လှတဲ့လှတဲ့ ပုံပန်းသွင်ပြင်နောက်ကွယ်မှာ ထိတ်လန့်စရာကောင်းတဲ့ လျှို့ဝှက်ချက်တစ်ခု သိုဝှက်ထားတယ်ဆိုတာ ဘယ်သူကမှ မသိခဲ့ပါဘူး အခက်အခဲများစွာ အတားအဆီးပေါင်းများစွာကို ဖြတ်သန်းပြီး ချန်အန်းကို ရောက်တဲ့အခါမှာတော့ - ❏ စစ်သူကြီး ကျားလော်နအပြင် သူတို့ စောင့်ကြည့်နေတဲ့ ကြောက်စရာမျက်လုံးတစ်စုံရှိသေးတယ်ဆိုတဲ့ အကြောင်း သုနန္ဒသိရှိသွားတဲ့ အခါ....? ❏ ချန်အန်းကိုရောက်ရင် အရာအားလုံးပြီးဆုံသွားပြီထင်ထားပေမဲ့ အမှန်တကယ်မှာတော့ ဇာတ်လမ်းအစပဲ ရှိသေးတယ်ဆိုတာ သုနန္ဒတစ်ယောက်သိရှိသွားတဲ့အခါ...? ❏ သူတို့ရဲ့ ဖျော်ဖြေရေးအဖွဲ့ကို အသုံးချပြီး အရှင်မင်းကြီးကို လုပ်ကြံသတ်ဖြတ်ချင်နေတဲ့သူ ရှိနေတဲ့အကြောင်း သုနန္ဒတစ်ယောက်သိရှိသွားတဲ့အခါ...? ဘာတွေဆက်ဖြစ်ကြမှာလဲဆိုတာ စိတ်ဝင်တစားနဲ့ ကြည့်ရှုရမဲ့ ဇာတ်လမ်းတွဲတစ်ကားပဲဖြစ်ပါတယ်ရှင် ဒီဇာတ်ကားလေးဟာဆိုရင် တရုတ် - မြန်မာ နှစ်နိုင်ငံ ပူးပေါင်းရိုက်ကူးထားတဲ့ ဇာတ်လမ်းတွဲလေး တစ်ခုပဲဖြစ်ပြီးတော့ ထန်မင်းဆက်နန်းတော်၊ နန်စောပြည်၊ ပျူနိုင်ငံ စတဲ့ ဒေသများအကြောင်း ရိုက်ကူးပုံဖော်ထားတဲ့ကားလေးဆိုရင်လဲမမှားပါဘူး ပါဝင်သရုပ်ဆောင်ထားတဲ့ သူများအနေနဲ့ကလဲ - ❏ ရုပ်ရည်ချောမောလှပြီး ပရိယာယ်ကြွယ်လှတဲ့ ပျူမင်းသား သုနန္ဒအဖြစ် - Lin Geng Xin ❏ နေရာစုံကိုလျှောက်သွားပြီး ပစ္စည်းတွေခိုးရတာ နှစ်သက်သူ / အပျော်အပါးမက်သူ / သွက်သွက်လပ်ရှိသူ မိန်းမပျိုလေး ယဲ့ရှားလော်အဖြစ် - Choo Ja Hyun တို့က အဓိက ပါဝင်သရုပ်ဆောင်ထားကြတဲ့အပြင် မြန်မာရုပ်ရှင်သရုပ်ဆောင်များဖြစ်ကြတဲ့ ရန်ကျော်နဲ့ မေသဥ္ဇာဦးတို့ကပါ ပါဝင်သရုပ်ဆောင်ထားပါသေးတယ်ရှင် အားလုံးရင်းနီးပြီးသား ကားလေးကို CM ကနေပြီးတော့ တစ်ဖန်ကြည့်ရှုခံစားလိုက်ကြပါဦးလားရှင် [Reviewed By Chit Mya Mya Hmwe] Quality : WEB-DL 720p Total Episodes : 42 Format : mp4 Genres : Historical, Wuxia Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

2013 ခုနှစ်က ထွက်ထားတဲ့ Police Story ဇာတ်ကားပဲဖြစ်ပါတယ် မင်းသားကြီးဂျက်ကီချန်း ပါဝင်သရုပ်ဆောင်ထားပြီး Imdb 6.1 ရရှိထားပါတယ် အက်ရှင်ကြိုက်ပရိတ်သတ်တို့အတွက် နှစ်သက်မယ့်ကားကောင်းပါပဲ ဇာတ်လမ်းအညွှန်းလေးကတော့ သမီးဖြစ်သူနဲ့တွေ့ဆုံရန်ဘားကိုရောက်လာတဲ့ ရဲအရာရှိ ကျုံးဝမ်တစ်ယောက် ဘားကိုရောက်တဲ့အချိန်မှာ..မမျှော်လင့်ဘဲပြန်ပေးဆွဲခံလိုက်ရတယ်..တခြားသောပြန်ပေးဆွဲခံရတဲ့သူတွေလည်း ရှိပြီးသားပဲဖြစ်ပါတယ်..ဒီအမှုရဲ့နောက်ကွယ်မှာဘာတွေရှိမှာလဲ ကျုံးဝမ်နဲ့ဘယ်လိုတွေပတ်သတ်နေတာလဲဆိုတာတော့Spoil မဖြစ် အောင် အညွှန်းကိုလျှော့လိုက်ရပါတယ် ဂျက်ကီချမ်းကားဖြစ်တဲ့အညီ ထွေထွေထူးထူးညွှန်းစရာမလိုတဲ့ အက်ရှင် ဒရာမာ ဇာတ်ကားကောင်းလေးပဲဖြစ်ပါတယ် File size…(2.5 GB)/(1.1 GB) Quality….Webrip 1080p / 720p Format…mp4 Duration….01:50:00 Genre...Action, Crime, Drama Subtitle….Myanmar Subtitle (Hardsub) Encoder….Garfield Translated by Ei Pyae

တရုတ်သမိုင်းဝင် ဇာတ်လမ်းတွဲတွေထဲမှာ ထိပ်တန်းစာရင်းဝင်ဖြစ်တဲ့ Three Kingdoms (2010) သုံးပြည်ထောင် ဇာတ်လမ်းတွဲကြီးကို တင်ဆက်ပေးလိုက်ရပါတယ်။ လော်ကွမ်ကျုံးရဲ့ နာမည်ကျော် ဂန္ထဝင်ဝတ္ထုကြီးကို ဒါရိုက်တာ Gao Xixi ကနေ ပရိသတ်တွေရဲ့ ရင်ထဲမှာ ဆယ်စုနှစ်တစ်ခုကျော်တိုင်အောင် စွဲထင်ကျန်ရစ်မယ့် Masterpiece တစ်ခုအဖြစ် ပုံဖော်ရိုက်ကူးထားတာပါ။ ဒီကားမှာတော့ အဓိကဇာတ်ဆောင်တွေအဖြစ် Chen Jianbin (ချောင်ချောင်း)၊ Yu Hewei (လျူပေ့) နဲ့ Lu Yi (ကျူးကယ့်လျန်) တို့ကနေပြီး အာဏာ၊ သစ္စာတရား၊ သစ္စာဖောက်မှုတွေနဲ့ ရောယှက်နေတဲ့ ခေတ်ပျက်သူရဲကောင်းတွေရဲ့ အားပြိုင်မှုတွေကို အသက်ဝင်အောင် သရုပ်ဆောင်ထားပါတယ်။ ဇာတ်လမ်းအစမှာတော့ အရှေ့ဟန်မင်းဆက် နှောင်းပိုင်းကာလမှာ တိုင်းပြည်ဟာ အကျင့်ပျက်ခြစားမှုတွေ၊ ပုန်ကန်မှုတွေနဲ့အတူ ပြိုကွဲလုနီးပါး အခြေအနေကို ရောက်ရှိနေပါတယ်။ အာဏာရှင် တုန်းကျိုးက ဧကရာဇ်ငယ်လေးကို ရုပ်သေးရုပ်သဖွယ် ကြိုးကိုင်ခြယ်လှယ်လာတဲ့အခါမှာတော့ တိုင်းပြည်ရဲ့ ကံကြမ္မာဟာ အမှောင်မိုက်ဆုံး အချိန်ကာလကို ရောက်ရှိသွားပါတော့တယ်။ ဒါပေမဲ့ ဒီလို ကမောက်ကမဖြစ်နေတဲ့ အခြေအနေဆိုးကြီးထဲကနေ တိုင်းပြည်ကို ကယ်တင်ဖို့နဲ့ ကိုယ်ပိုင်အင်ပါယာတွေ တည်ထောင်ဖို့အတွက် အရပ်ဒေသအသီးသီးက သူရဲကောင်းတွေ ပေါ်ထွက်လာတဲ့အခါမှာတော့ သမိုင်းဝင် စစ်ပွဲကြီးတွေရဲ့ အစပျိုးရာ ဖြစ်လာပါတော့တယ်။ သူရဲကောင်းတွေရဲ့ အားပြိုင်မှုတွေ စတင်လာချိန်မှာပဲ ရက်စက်ပြတ်သားပြီး ဉာဏ်နီဉာဏ်နက်များတဲ့ ချောင်ချောင်း၊ တိုင်းပြည်နဲ့ လူမျိုးအပေါ် မေတ္တာတရားကြီးမားပြီး ဖြောင့်မတ်တည်ကြည်တဲ့ လျူပေ့၊ ဉာဏ်ပညာထက်မြက်ပြီး ဗျူဟာကျွမ်းကျင်တဲ့ ဆွန်ချွမ်တို့ရဲ့ ပြိုင်ဆိုင်မှုတွေက ဇာတ်လမ်းကို ပိုမိုအသက်ဝင်လာစေပါတယ်။ သူတို့ခေါင်းဆောင်သုံးဦးဟာ မတူညီတဲ့ ခံယူချက်၊ ဆန့်ကျင်ဘက် စရိုက်လက္ခဏာတွေ ရှိကြပေမဲ့ တရုတ်ပြည်ကြီးကို တစ်ကျော့ပြန် ပေါင်းစည်းဖို့ဆိုတဲ့ ရည်ရွယ်ချက်တစ်ခုတည်းနဲ့ ဝေ့၊ ရှူ၊ ဝူ ဆိုတဲ့ ပြည်ထောင်သုံးခုကို တည်ထောင်ကာ အကြိတ်အနယ် ယှဉ်ပြိုင်ကြပါတော့တယ်။ အထူးသဖြင့် လျူပေ့ရဲ့ ညီအစ်ကိုသစ္စာတရားနဲ့ ကျူးကယ့်လျန် (ခေါ်) ခုံမင်ရဲ့ ပြိုင်ဘက်ကင်း စစ်ဗျူဟာတွေက ကြည့်ရှုသူတွေကို ရင်သပ်ရှုမောဖြစ်စေမှာပါ။ ဒီဇာတ်လမ်းဟာ သာမန် စစ်တိုက်တဲ့ ဇာတ်လမ်းမျိုးသက်သက်မဟုတ်ဘဲ၊ လူ့သဘာဝ၊ နိုင်ငံရေး လှည့်ကွက်တွေ၊ စိတ်ပညာနဲ့ အုပ်ချုပ်ရေးပညာတွေကိုပါ လေးလေးနက်နက် ထည့်သွင်းရိုက်ကူးထားတဲ့ သမိုင်းဝင် ဇာတ်ကားကြီးတစ်ကားပါပဲ။ ချီပိတိုက်ပွဲလိုမျိုး ကြီးကျယ်ခမ်းနားတဲ့ စစ်ပွဲအခန်းတွေ၊ ဇာတ်ကောင်တစ်ဦးချင်းစီရဲ့ အချိတ်အဆက်မိလွန်းတဲ့ သရုပ်ဆောင်မှုတွေနဲ့ ကြည့်ရှုသူကို တစ်ပိုင်းပြီးတစ်ပိုင်း ဆက်ကြည့်ချင်အောင် ဆွဲခေါ်သွားနိုင်တဲ့ ဇာတ်အိမ်ခိုင်မာမှုတွေကြောင့် Historical Series ကြည့်ဖူးသူတိုင်းရဲ့ ထိပ်ဆုံးက ညွှန်းဆိုခြင်းခံရတဲ့ ဇာတ်လမ်းတွဲဖြစ်ကြောင်း အာမခံလိုက်ရပါတယ်။ Total Episodes : 95 Quality : WEB-DL 1080p HEVC , 720p HEVC Format : mp4 Genres : Drama , History Runtime :45 min Subtitle : Myanmar Subtitle ( Hardsub )

The Karate Kid (2010) IMDb - 6.2/10 Rotten - 66% 2010 ခု နှစ်မှာ ထွက်ရှိခဲ့တဲ့ The Karate Kid ဇာတ်ကားမှာ မင်းသားကြီး Jackie Chan နဲ့ Jaden Smith တို့အတူတူပူးတွဲသရုပ်ဆောင်ထားကြပါတယ်...Justin Bieber နဲ့ Jaden Smith တို့ တွဲဖက်သီဆိုထားတဲ့ Never Say Never ဆိုတဲ့သီချင်းဟာလည်း..ကမ္ဘာတစ်ဝန်းမှာအောင်မြင်ကျော်ကြားခဲ့ပြီး ပရိတ်သတ်တို့ ရဲ့နှစ်ခြိုက်မှုများစွာလည်းရရှိခဲ့ပါတယ်.. ဒီဇာတ်ကားမှာမင်းသားဂျက်ကီချန်းရဲ့ ပီပြင်တဲ့သရုပ်ဆောင်မှုတွေကိုအားလုံးတွေ့မြင်ရမှာဖြစ်ပါတယ်.. ဒီဇာတ်ကားမှာပြောခဲ့တဲ့စကားလုံးတွေက အကြိုက်ဆုံးစကားလုံးကိုပြောရမယ်ဆိုရင် *ဘဝမှာ လဲကျနေတဲ့အခါ ပြန်ထနိုင်အောင်ကြိုးပမ်းရမယ်* စကားလုံးဖြစ်ပါတယ်.. ကိုယ့်ထက်အင်အားကြီးတဲ့သူဖြစ်ပါစေ..ဘယ်တော့မှအရှုံးမပေး..ပြန်လည်ရဲရဲဝင့်ဝင့်ရင်ဆိုင်ကာ အရှုံးမပေးတတ်တဲ့စိတ်ဓါတ်ကိုပြသသွားတာပဲဖြစ်ပါတယ်.. ဇာတ်လမ်းအညွှန်းဟာဆိုရင်ဖြင့် .............. ဒရေးပါကာ တို့မိသားစုဟာ တရုတ်ကိုပြောင်းရွေ့လာတဲ့အမေရိကန်မိသားစုပဲဖြစ်ပါတယ်..ပတ်ဝန်းကျင် အသစ်.ဘာသာစကားအခက်အခဲများစွာကြုံတွေ့နေရပါတယ်..မစ္စတာဟန်ကတော့ သူတို့နေတဲ့တိုက် ခန်းရဲ့ အောက်နားမှာနေပြီး အင်္ဂလိပ်စကားကောင်းကောင်းမွန်မွန်ပြောနိုင်တဲ့ သူတစ်ယောက်ဖြစ်ပါတယ် ရောက်ရောက်ချင်းနေ့မှာပဲဒရေကကောင်မလေးတစ်ယောက်နဲ့သူငယ်ချင်းဖြစ်ချင်လို့မိတ်ဆက်စကားပြောနေတာကို လူငယ်တစ်စုကဝင်ပြီးသောင်းကျန်းပါတယ်.. ဘာအကြောင်းမှမသိသေးပဲ ကွန်ဖူးလည်းမတတ်တဲ့ဒရေ တစ်ယောက် တော်တေ်ာအထိုးခံလိုက်ရပါတယ်..ဒီလိုနဲ့အကြိမ်ကြိမ်အခါခါ ပြသနာတွေတက်..ဒရေကလည်း မကျေနပ်တာနဲ့ တစ်ရက် ကျောင်းက ပွဲတော်တခုမှာ သိုင်းလေ့ကျင့်နေတဲ့ အဲ့ဒီကောင်လေးတို့တစုကို ရေနဲ့လောင်းပြီးထွက်ပြေးပါတော့တယ်..မိသွားလို့ ဝိုင်းထိုးကြိတ်နေတဲ့အချိန်မှာ မစ္စတာဟန် (ဂျက်ကီချန်း) ရောက်လာပြီး ကလေးတွေကိုပြန်ဖို့ပြောပါတယ်..မစ္စတာဟန်ကိုပါဝိုင်းထိုးကြလို့ ပြန်တိုက်ခိုက်လိုက်ပါတယ် ပြီးတော့မှ ဒရေသိလာရတာက ထိုလူငယ်အုပ်စုက နဂါးနီ သိုင်းသင်တန်းကျောင်းက အတော်ဆုံး ကလေးတွေဆိုတာပါပဲ..နဂါးနီသင်တန်းကျောင်းဆရာ နဲ့ မစ္စတာဟန် တို့ထိုကိစ္စအတွက်ကြောင့် ကတောက်ကဆ ဖြစ်ပြီး သိုင်းပြိုင်ဖို့လုပ်ကြပေမယ့် မစ္စတာဟန်က မတိုက်ခိုက်ချင်ပါဘူး... သူ့ရဲ့သင်တန်းသားတွေကို ဒရေကို မနှောက်ယှက်ဖို့ပြောခိုင်းပြီး လာမယ့်လူငယ်သိုင်းပြိုင်ပွဲမှာ ဒရေ လာရောက်ယှဉ်ပြိုင်မယ်လို့ ပြောခဲ့ပါတယ်.....အဲ့ဒီ့နောက်မှာတော့ မစ္စတာဟန်ဟာ ဒရေကို ကွန်ဖူးပညာတွေစတင်သင်ပေးပါတော့တယ်.... ဆက်လက်ကြည့်ရှုကြပါ File size…    3.3 GB /  1.7 GB Quality… BluRay 1080p / 720p Format… mp4 Duration…. 2h 20m Genre ..... Action/ Adventure/ Family Subtitle…. Myanmar Subtitle (Hard Sub) Encoder…. Thit San Khant Translated... by Nikobaby

တရုတ်ပြည်တစ်ခုတည်းအဖြစ် မပေါင်းစည်းနိုင်သေးဘဲ နိုင်ငံငယ်တွေ အချင်းချင်း စစ်ဖြစ်နေတဲ့ခေတ်မှာ ဇာတ်လမ်းစထားပါတယ်။ ဝေနဲ့ လီအန်းတို့ တိုက်ကြတဲ့ တိုက်ပွဲတစ်ပွဲမှာ နှစ်ဖက်စလုံး အထိအခိုက်များခဲ့ပေမယ့် လီအန်းဘက်က သာမန်စစ်သားတစ်ယောက်တော့ အသက်ရှင်ကျန်ခဲ့တယ်။ ဂျက်ကီချမ်း သရုပ်ဆောင်ထားတဲ့ ဒီစစ်သားလေးက ဒဏ်ရာရနေတဲ့ ရန်သူဗိုလ်ချုပ်ကို တွေ့လိုက်တဲ့အခါ အရှင်ဖမ်းပြီး ပြန်ခေါ်သွားဖို့ ဆုံးဖြတ်လိုက်ပါတယ်။ ဗိုလ်ချုပ်ကို အပ်နိုင်ရင် ဆုကြေးအပြင် မြေငါးဧကပါ ရမှာကိုး။ ဒီလိုနဲ့ စစ်သားတစ်ယောက်နဲ့ သူဖမ်းလာတဲ့ ရန်သူဗိုလ်ချုပ်တို့ လီအန်းဆီ အပြန်ခရီး ထွက်လာကြတယ်။ ဖမ်းမိထားပေမယ့် ကိုယ့်နိုင်ငံအရောက် ပြန်ခေါ်သွားနိုင်ဖို့က မလွယ်ပါဘူး။ လမ်းတစ်လျှောက် အခက်အခဲတွေနဲ့ ရန်သူတွေကို ရင်ဆိုင်ကြရသလို ပြန်သွားမယ့် နိုင်ငံငယ်လေးအတွက်လည်း ပူရသေးတယ်။ ဂျက်ကီချမ်းရဲ့ သိုင်းချခန်းတွေကြားမှာ အလွဲလေးတွေ ရောပါလာတဲ့အတွက် ရယ်နေရင်း ဒီနှစ်ယောက် အိမ်ပြန်ရောက်ပါ့မလားဆိုတာကို လိုက်ကြည့်ရမယ့် ဇာတ်ကားပါ။

တရုတ်အမျိုးသမီးသူရဲကောင်းမူလန် အကြောင်းကိုအခြေခံပြီး ရိုက်ကူးထားတဲ့ မူလန်ဇာတ်ကားဟာ 1998 ကထွက်ရှိထားခဲ့တဲ့ Walt Disney က Mulan Animation ဇာတ်ကားနဲ့မတူတဲ့ဖန်တီးချက်တွေနဲ့ တင်ဆက်ထားတာပါ။... နေမကောင်းတဲ့နေတဲ့ဖခင်ရဲ့ကိုယ်စားအတွက် သမီးဖြစ်သူဟွားမူလန်က စစ်မှုထမ်းဖို့အတွက်ယောကျာၤးလေးအယောင်ဆောင်ပြီးစစ်ထဲကိုဝင်ခဲ့ရပါတယ်... ကိုယ်ခံအားကောင်းပြီး တိုက်ရည်ခိုက်ရည်ရှိတဲ့ မူလန်ဟာတပ်ကိုဦးဆောင်နိုင်ရုံမကပဲ တရုတ်သမိုင်းတစ်လျောက်မှာအကျော်ကြားဆုံး မိန်းကလေးစစ်သူကြီးတစ်ယောက်ဖြစ်လာခဲ့ရပါတယ်... တိုက်ပွဲတိုင်းမှာအောင်နိုင်ခဲ့ပေမယ့် ပင်ကိုယ်အခံကမိန်းကလေးဖြစ်နေသောကြောင့် သနားကြင်နာတတ်တဲ့စိတ်နဲ့အကြောက်တရားဟာ သူမအတွက်အားနည်းချက်တစ်ခုလိုဖြစ်လာခဲ့ရပါတယ်... တစ်ခုသောတိုက်ပွဲမှာသူမအားထားရတဲ့ ညီအစ်ကိုတွေကိုဆုံးရှုံးလိုက်ရတဲ့အခါ သူမအတွက်အကြီးမားဆုံးထိုးနှက်ချက်တစ်ခုလိုဖြစ်လာခဲ့ရပါတော့တယ်... ဒီကားရဲ့ အဓိကဇာတ်ကောင် မူလန်နေရာမှာ တရုတ်နိုင်ငံရဲ့နာမည်ကြီးမင်းသမီးတစ်ဦးဖြစ်တဲ့ Zhao Wei ကသရုပ်ဆောင်ထားပါတယ်... ဒီဇာတ်ကားနဲ့ မင်းသမီး Zhao Wei ဟာ 10th Changchun Film Festival : Actress Award 300th Hundred Flowers Award : Best Picture Award & Best Actress Award 19th Shanghai Film Critics Award : Best Actress Award Vietnam DAN Movie Awards : Favorite Actress Award စတဲ့ဆုတို့ကို ရရှိခဲ့ပါတယ်... Rating 6.8 ရရှိထားပြီး တရုတ်နိုင်ငံအမျိုးသမီးစစ်သူကြီးတစ်ယောက်အကြောင်းကို ရိုက်ကူးထားတဲ့ Mulan 2009 ဟာတရုတ်ပြည်သူများအပြင်တခြားနိုင်ငံကလူများကပါ အထူးနှစ်သက်ခဲ့ကြတဲ့တရုတ်အက်ရှင်ကားကောင်းတစ်ခုအဖြစ်ရပ်တည်နိုင်ခဲ့ပါတယ်....။ File size…    2.6 GB /  1 GB Quality… BluRay 1080p / 720p Format… mp4 Duration…. 1h 54m Genre ..... Adventure/Drama/Romance Subtitle…. Myanmar Subtitle (Hard Sub) Encoder…. Thit San Khant Translated by Cherry Mon

ဒီတစ်ခေါက်ကတော့ တော်တော်များများသိကြမယ့် တရုတ်သမိုင်းက ဝေ့၊ဝူ၊ရှူဆိုတဲ့ သုံးနိုင်ငံအကြောင်းပါ။ ဒီ Movie ကတော့ သုံးရာစုက တရုတ်သမိုင်းပညာရှင်ချန်ရှို့ရေးသားခဲ့တဲ့ သုံးနိုင်ငံမှတ်တမ်းကို အခြေခံထားတဲ့ နာမည်ကြီးသုံးနိုင်ငံဇာတ်လမ်း၀တ္ထုကို မှီငြမ်းထားပါတယ်။ ဟန်မင်းဆက်ပြိုကွဲအပြီးမှာ တရုတ်ပြည်ကြီးဟာ ဝေ့ ၊ ဝူ ၊ ရှူဆိုပြီး သုံးနိုင်ငံကွဲထွက်သွားခဲ့ပါတယ်။ စစ်တပ်တွေကို ဝေ့ဘက်က စစ်ဘုရင်ချောင်ချောင်း၊ ရှူဘက်က စစ်ဘုရင်လျှိုပေ့နဲ့ ဝူဘက်က စစ်ဘုရင်စွန်းချွမ်တို့အသီးသီးက ဦးဆောင်ကြပါတယ်။ဒီလိုဖရိုဖရဲကာလမျိုးမှာ လျှိုနိုင်ငံကနေ ကျောင့်ကျစ်လုံဆိုတဲ့ သူရဲကောင်းတစ်ဦးပေါ်ထွန်းလာခဲ့ပါတယ်။ ချန်ရှန်းက သာမန်လူငယ်လေးအဖြစ်ကနေ မရေတွက်နိုင်တဲ့စစ်ပွဲများစွာကိုအောင်နိုင်ခဲ့ပြီး နာမည်ကျော် ကျားစစ်သူကြီးငါးယောက်ထဲက တစ်ယောက်ဖြစ်လာခဲ့ပါတယ်။ ရှူဘက်က စစ်ဘုရင်လျှိုပေ့ဆီမှာ ချောင်စစ်တပ်ကြောင့် ဇာမဏီအဟုန်ဆီ တပ်ဆုတ်ရတော့ လျှိုပေ့ရဲ့မွေးကင်းစသားလေးကိုကယ်တင်နိုင်ခဲ့တာကြောင့် အသိအမှတ်ပြုခံခဲ့ရပြီး နာမည်စတင်ကျော်ကြားလာခဲ့ပါတယ်။ နောက်ပိုင်း နိုင်ငံသုံးနိုင်ငံကို စစ်ဘုရင်သုံးပါးအုပ်စိုးခဲ့ပြီး လျှိုပေ့သေဆုံးပြီး သားတော်နန်းတက်တော့ ကျစ်လုံက အသက်ကြီးရင့်နေပါပြီ။ အမတ်မင်းကျူးကဲ့က ဧကရာဇ်ငယ်ကို ရန်သူတော်ဝေ့နိုင်ငံကို တိုက်ဖို့တိုက်တွန်းတော့ နောက်ဆုံးသောစစ်ပွဲကိုတိုက်ဖို့ စစ်မြေပြင်ကို ကျောင့်ကျစ်လုံ ပြန်ချီတက်လာတဲ့အခါ မဟာရန်သူတော်ချောင်ချောင်းရဲ့ မြေးမလေးချောင်ယင်နဲ့ ဇာမဏီအဟုန်မှာ တစ်ဖန်ပြန်ဆုံတွေ့ဖို့ဖြစ်လာပါတော့တယ်။ အဖိုးလောက်နီးနီးဉာဏ်များတဲ့ ချောင်ယင်နဲ့ တစ်မိုးအောက်တစ်ယောက်အရှုံးမရှိစစ်သူကြီးကျောင့်ကျစ်လုံ ဘယ်လိုရင်ဆိုင်သွားမလဲ ရှုစားကြည့်လိုက်ကြပါရှင့်။ ဒီဇာတ်လမ်းကို ဟောင်ကောင်၊တရုတ်ပင်မနဲ့ တောင်ကိုရီးယားတို့က ပူးပေါင်းထုတ်လုပ်ခဲ့ပြီး Cast တွေအနေနဲ့ ကျောင့်ကျစ်လုံအဖြစ် Andy Lau , ဖင်အန်းအဖြစ် Sammo Hung နဲ့ ချောင်ယင်အဖြစ် Maggie Q တို့က ပါ၀င်ထားပါတယ်။ သုံးနိုင်ငံအကြောင်းစိတ်၀င်စားတယ်ဆိုရင်တော့ လက်မလွှတ်သင့်ပါဘူး။ Old but gold movie တစ်ခုပါပဲ။ File size…(2.1 GB)/(1.3 GB) Quality….Blu-Ray 1080p / 720p Format… mp4 Duration…. 01:41:00 Genre... Action, Drama, History, War Subtitle….Myanmar Subtitle (Hardsub) Encoder….Garfield Translated by Phu Thet Khin

သမိုင်းသုတေသီ ဂျက်ဟာ ချင်ခေတ်က တပ်မှူးကြီးတစ်ယောက်နဲ့ မင်းသမီးလေးတစ်ယောက်အကြောင်းကို မကြာခဏ အိပ်မက်မက်နေပါတယ်။ အိပ်မက်ထဲက တပ်မှူးကြီးကလည်း သူကိုယ်တိုင် ဖြစ်နေတယ်။ ထူးဆန်းနေပေမယ့် ဂျက်ကတော့ ဒီအိပ်မက်တွေကို သိပ်အာရုံမစိုက်ဘဲ မေ့မေ့ပျောက်ပျောက် ထားခဲ့ပါတယ်။ တစ်နေ့ သူငယ်ချင်း ဝီလျှံ ရောက်လာပြီး သူတို့နှစ်ယောက် ပရောဂျက်တစ်ခုနောက် လိုက်ကြတဲ့အခါ အိပ်မက်ထဲကအကြောင်းတွေနဲ့ တိုက်ဆိုင်နေတဲ့ အဖြစ်တွေကို ဂျက် ကြုံလာရတယ်။ သူဟာ တကယ်ပဲ အတိတ်ဘဝက လူဝင်စားတစ်ယောက်လား၊ အိပ်မက်ထဲက မင်းသမီးလေးကရော တကယ်ရှိခဲ့သလားဆိုတဲ့ မေးခွန်းတွေ ပေါ်လာပါတယ်။ အိပ်မက်၊ ဒဏ္ဍာရီနဲ့ အချစ်တို့ကြားက ဆက်နွယ်မှုကို ဂျက်နဲ့အတူ လိုက်ရှာရမှာပါ။ ၂၀၀၅ ခုနှစ်ထွက် ဒီဇာတ်ကားကို Stanley Tong က ရိုက်ကူးထားပြီး ဂျက်ကီချန်းနဲ့ Kim Hee-sun တို့ ပါဝင်သရုပ်ဆောင်ထားပါတယ်။ ဇာတ်ဝင်တေးအဖြစ်လည်း “အဆုံးမဲ့အချစ်” သီချင်း ပါဝင်ပါတယ်။

Police Story ဆိုတာနဲ့ မင်းသားကြီး ဂျက်ကီချန်းဇာတ်ကားတွေမှန်း သိပြီးသားဖြစ်မှာပါ။ Police Story နာမည်နဲ့ ဂျက်ကီချန်းဇာတ်ကား ၆ ကားထွက်ပါတယ်။ ကျွန်တော်အစဉ်လိုက်ဖြစ်အောင် တင်ဆက်သွားပါ့မယ်။ ဒီဇာတ်ကားကတော့....Police Story ထဲမှာအကောင်းဆုံးဇာတ်ကားလို့ သတ်မှတ်ထားကြတာနဲ့အညီ IMDb Rating (7/10)ထိရရှိထားပါတယ်။ Encoded By : Xcode

ကိုရီးယားနဲ့ တရုတ်တို့ကြား သံတမန်ဆက်ဆံရေးဟာ မင်သံတမန်အဖွဲ့သေသွားချိန်မှစပြီး နှစ်နိုင်ငံကြားဆက်ဆံရေးက ယိုယွင်းခဲ့ရပါတယ်။ မင်ဧကရာဇ်က ဂိုလျောသံတမန်တွေကို သူလျှိုလို့စွပ်စွဲပြီးနယ်နှင်ဒဏ်ပေးပြီး နှင်ထုတ်လိုက်ပါတယ်။ အပြန်လမ်းမှာ သံတမန်စစ်သူကြီးတို့အဖွဲ့ဟာ မွန်ဂိုတပ်သား‌တွေ ပြန်ပေးဆွဲလာတဲ့မင်တိုင်းပြည်ရဲ့ မင်းသမီးလေးကိုမွန်ဂိုတပ်သားတွေ လက်ထဲကနေကယ်တင်ဖို့ဖြစ်လာပါတယ်… မင်းသမီးလေးကို အန္တရာယ်ကင်းကင်းနဲ့ မင်တိုင်းပြည်ကို ပြန်ပို့နိုင်ပါ့မလား မွန်ဂိုတွေက‌ရော မင်းသမီးလေးကို ပြန်ခေါ်သွားနိုင်မလားဆိုတာကို ဆက်လက်ကြည့်ရှုလိုက်ပါဦးနော် ခေါင်းဆောင်စိတ်ဓာတ်နဲ့ အနစ်နာခံမှုတွေကို သေချာလေးရိုက်ပြထားတာမလို့ လုံးဝကို အချိန်ကုန်မှန်းမသိလိုက်ပဲ ကြည့်ရတန်စေမယ့်ကားလေးပါနော်

၁၉ရာစုနှောင်းပိုင်းတုန်းက ချောင်ဝမ် ( Jackie Chan ) ဟာ အင်မတန်ကို့ရို့ကားယားနိုင်ပြီး တရုတ်နိုင်ငံရဲ့ ဘုရင့်သက်တော်စောင့်တစ်ယောက်ဖြစ်ပါတယ်… ဘုရင်ကြီးမှာ သမီးတော်တစ်ပါးရှိပြီး မင်းသမီးလေး ဖေးဖေး ( Lucy Liu) လို့ အမည်တွင်ပါတယ်… တနေ့မှာ တရုတ်ပြည်ကို ရောက်လာတဲ့ နိုင်ငံခြားသားတွေက မင်းသမီးလေးကို တစ်ဖက်လှည့်နဲ့ အမေရိကကို ပြန်ပေးဆွဲခေါ်ဆောင်သွားပါတော့တယ်…ဒီအခါမှာ ချောင်ဝမ်တို့တွေဟာ မင်းသမီးလေးကို ကယ်တင်ဖို့အတွက် တာဝန်ပေးခြင်းခံလိုက်ရပြီး အနောက်ဘက်ကိုထွက်လာခဲ့ကြပါတော့တယ်… အဲ့ဒီအချိန်မှာ မလိမ့်တပတ် လူလိမ်လုပ်စားနေတဲ့ သူခိုးတစ်ယောက်လည်းဖြစ်တဲ့ ရွိုင်းအိုဘန်နွန်နဲ့ တွေ့တဲ့ အခါမှာတော့….ချောင်ဝမ်တစ်ယောက် မင်းသမီးလေးကို ပြန်ပြီး ကယ်တင်နိုင်မှာလား ??? ဘယ်လိုပြန်ကယ်တင်မလဲ ??? ချောင်နဲ့ ရွိုင်းအိုဘန်နွန်နဲ့ရော ဘယ်လိုနှစ်ပါးသွားကြမလဲ ??? ဆိုတာတွေကိုတော့ ဆက်လက်ကြည့်ရှုခံစားပေးကြပါလို့… မင်းသားကြီးဂျက်ကီချန်းနဲ့ ဟာသသရုပ်ဆောင် အိုဝင် ဝီလ်ဆင် တို့ အတွဲညီညီ ပါဝင်သရုပ်ဆောင်ထားကြပြီး ဟာသအက်ရှင်ကားကောင်းတစ်ကားဖြစ်ပါတယ်… IMDb rating 6.6/10 ရရှိထားပြီး ဂျက်ကီချန်းပရိတ်သတ်တွေအကြိုက်တွေ့စေမယ့်ကားကောင်းတစ်ကားဖြစ်ပါကြောင်း… ကြည့်ရှုအားပေးကြပါဦး File size…(2.14 GB)/(1.27 GB) Quality….Blu-Ray 1080p / 720p Format…mp4 Duration….01:50:00 Genre... Action, Adventure, Comedy Subtitle….Myanmar Subtitle (Hardsub) Encoder….Garfield Translated by Min Khant Kyi Win

1995ခုနှစ်တုန်းက ထွက်ခဲ့တဲ့ Jet Li ကားကောင်းတစ်ကားဖြစ်ပါတယ်။ Jet Li ရဲ့ပရိသတ်တွေကိုတော့ ဇာတ်ကားအကြောင်း သိပ်မိတ်ဆက်ပေးစရာလိုမယ်မထင်ပါဘူး။ ဇာတ်လမ်းအကျဉ်းကတော့ ကုံဝေ့ဟာတရုတ်ပြည်မကြီးက ရဲဘက်ကသူလျှိုတစ်ယောက်ဖြစ်တယ်။ အလုပ်ကြောင့် မိန်းမနဲ့ကလေးကိုအချိန်မပေးနိုင်ခဲ့ဘူး။ ကိုယ်ခံပညာတော်ပြီး အရမ်းသိတတ်တဲ့သားနဲ့ ရောဂါသည်ဇနီးကို ဂရုမစိုက်ပေးနိုင်ခဲ့ဘူး။ ဇနီးသည်ကရောဂါကြောင့်သူ့ကိုလိုအပ်နေချိန်မှာ သူက အရေးကြီးတဲ့အမှုတစ်မှုအတွက် ရာဇဝတ်သားယောင်ဆောင်ပြီး ဟောင်ကောင်မှာ သူလျှိုသွားလုပ်နေခဲ့ရတယ်။ ရှေးဟောင်းပစ္စည်းမှောင်ခိုရောင်းတဲ့လူဆိုးတွေကို သားအဖနှစ်ယောက် အပီတွယ်မယ့် ဇာတ်လမ်းပဲဖြစ်ပါတယ်။ Quality : Bluray 1080p , 720p Format : mp4 Genres : Drama , Action, Crime Runtime : 1h 26 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ရှီစီဟာ အစက သာမန်မိန်းကလေးတစ်ယောက်ပါ။ အဲဒီဘဝကနေ ရက်စက်ပြီး ဘယ်သူ့ကိုမှ မငဲ့ညှာတဲ့ ဧကရီမကြီး ဖြစ်လာပုံကို Lover of the Last Empress မှာ ရိုက်ပြထားပါတယ်။ မနူးမနပ်ဘဝကနေ မင်းကြီးကို စွဲလမ်းစေဖို့ လိင်မှုရေးရာတွေ သင်ယူခဲ့ပုံကိုလည်း တွဲဖော်ပြထားတာကြောင့် အရွယ်ရောက်သူတွေအတွက် ရည်ရွယ်တဲ့ Category III ရုပ်ရှင်ဖြစ်ပါတယ်။ အဓိကသရုပ်ဆောင် Chingmy Yau ဟာ ၁၉၈၀ နှောင်းပိုင်းနဲ့ ၁၉၉၀ ကာလ ဟောင်ကောင်ရုပ်ရှင်လောကမှာ နာမည်ရခဲ့တဲ့ မင်းသမီးတစ်ယောက်ပါ။ ချောင်ယွန်ဖတ်ရဲ့ God of Gamblers Returns၊ စတီဖင်ချောင်ရဲ့ Lawyer Lawyer နဲ့ Royal Tramp နှစ်ကား၊ ဂျက်ကီချမ်းရဲ့ City Hunter၊ ဂျက်လီရဲ့ Kung Fu Cult Master၊ အန်ဒီလောင်ရဲ့ Casino Tycoon နဲ့ အာရွန်ကော့ရဲ့ Legend of the Liquid Sword တို့မှာ ပါဝင်ခဲ့ဖူးပါတယ်။ Naked Killer အပါအဝင် Category III ရုပ်ရှင်တွေမှာလည်း သရုပ်ဆောင်ခဲ့ပါတယ်။ ဒီကားကို Infernal Affairs ရဲ့ ဒါရိုက်တာတွေထဲက တစ်ယောက်ဖြစ်တဲ့ Andrew Lau က ရိုက်ကူးပြီး ဝမ်ကျင်းက ဇာတ်လမ်းရေးထားပါတယ်။ ဝမ်ကျင်းဟာ စတီဖင်ချောင်ရဲ့ ရုပ်ရှင်အတော်များများကို ရိုက်ကူးခဲ့သလို အတူလည်း သရုပ်ဆောင်ခဲ့ဖူးသူပါ။ Chingmy Yau နဲ့အတူ တိုနီလျောင်ခဖိုင်၊ Shanghai Noon မှာ ပါဝင်ဖူးတဲ့ Rongguang Yu တို့လည်း သရုပ်ဆောင်ထားကြပါတယ်။

From Beijing with Love (1994) IMDb Rating (7.2) ကျွန်တော့်အကြိုက်ဆုံးတွေထဲက တစ်ခုဖြစ်တဲ့ မင်းသားကြီးစတီဖင်ချောင်ရဲ့ Action, Comedy, Thriller အမျိုးအစားဇာတ်ကားဖြစ်ပါတယ်။ ဇာတ်လမ်းအကျဉ်းကတော့..... စတီဖင်ချောင်ဟာ အမူအကျင့် စတိုင် အတွေးအခေါ် အရာမှာ ဂျိမ်းစ်ဘွန်းနဲ့ နင်လား ငါလား ခွဲခြားမရနိုင်အောင်တူတယ်လို့ ကိုယ့်ကိုယ်ကိုယ်သတ်မှတ်ထားပေမယ့် အထက်ဌာနကတော့ သူ့ကို IQ မမှီတဲ့ အေးဂျင့်တစ်ယောက်အဖြစ် သတ်မှတ်ပြီး ဖိုင်ပိတ်ချိတ်ပိတ်ထားခဲ့တာ ကြာလှပါပြီ။ တစ်နေ့မှာတော့ တရုတ်ပြည်ရဲ့ နံပါတ်တစ်ရတနာဟာ လွန်စွာထူးဆန်းလှတဲ့ လူတစ်စုကြောင့် လုယက်ခံလိုက်ရပါတယ်။အဲ့ဒီကိစ္စမှာ စတေးဖို့လူလိုနေတာနဲ့ IQ မမှီဘူးလို့သူတို့သတ်မှတ်ထားတဲ့ စတီဖင်ချောင်ကို ထိုးထည့်ဖို့ကြံစည်ကြပါတယ်။ စတီဖင်ချောင်ကလဲ ဂျိမ်းစ်ဘွန်းလို့ ကိုယ့်ကိုယ်ကိုယ်သတ်မှတ်ထားသူဖြစ်ရာ သေပင်သေသေ ဒီကိစ္စအရှုပ်ထဲကို အလွယ်တကူလက်ခံဝင်ရောက်ခဲ့ပါတယ်။ တရုတ်ပြည်ရဲ့ နံပါတ်တစ်ရတနာကို ပြန်ရဖို့အတွက် စတီဖင်ချောင်တစ်ယောက် အခက်အခဲ..အကြပ်အတည်း ..ထောင်ချောက်တွေထဲမှာ သူ့ရဲ့အစွမ်းကို ဘယ်လိုထုတ်သုံးမလဲဆိုတာ.........။ ဂျိမ်းစ်ဘွန်းဇာတ်ကားတွေကို ဟာသသဘောမျိုးတင်ဆက်ထားရာမှာ အတော်ပဲထိရောက်ပြီး ကြည့်နေတဲ့တစ်ချိန်လုံး သဘောကျ နှစ်ခြိုက်မိတဲ့ဇာတ်ကားပါ။ +++++++++++++++++ ကျွန်တော့် Idol ကြီး စတီဖင်ချောင်ရဲ့ ဇာတ်ကားအကုန်လုံးကို 1080p BluRay Quality နဲ့ တတ်နိုင်သမျှ ပြန်လည်စုစည်းတင်ဆက်မှာ ဖြစ်ပါတယ်။ စတီဖင်ချောင်ဆိုတာနဲ့ သရုပ်ဆောင်ရော ဇာတ်လမ်းဇာတ်ညွှန်းပိုင်းမှာပါ သူမတူအောင် တင်ဆက်နိုင်တဲ့ Comedy King တစ်ယောက်လို့ တန်းမြင်ကြမှာပါပဲ… ဟာသကားတွေပေါပါတယ်…ဒါပေမယ့် အနုပညာအရ တန်းဝင်ဖို့သိပ်ခက်ခဲတယ်… စတီဖင်ချောင်ဇာတ်ကားတွေကတော့ အနုပညာအရရော ဟာသသဘောမှာရော သရော်တဲ့သဘောမှာရော သာမန်ဟာသကားတွေထက် တဆင့်မြင့်နေခဲ့တာပါ။ ရသတစ်ခုခုကို အမြဲပါဝင်လာအောင် ချပြထားနိုင်ခဲ့တာပါ။ ဒါကြောင့်လဲ သူ့ဇာတ်ကားတွေဟာ အာရှရဲ့ ထိပ်တန်းဇာတ်ကားတွေ ဖြစ်ကျန်နေခဲ့တာပါပဲ။ စတီဖင်ချောင်ဇာတ်ကားတွေရဲ့ Theme တစ်ခုက ဘဝကို ပျော်ပျော်ကြီး ခံစားဖို့ပဲ… စိတ်ညစ်စရာတွေ့လဲ ပျော်ပျော်ကြီး…လုပ်သမျှရဲရဲဝံ့ဝံ့နဲ့ ..ပြီး…လွဲတော့လဲ ပျော်ပျော်ကြီး… ဒါမျိုးဘဝမှာ နေဖို့က သိပ်ခက်ခဲတယ်မလား… ဘဝဆိုတာ ဖြတ်သန်းစဉ်က  အတည်ကြီးတွေ ခံစား ချစ်ကြ မုန်းကြ လွမ်းကြ ဆွေးကြ တိုက်ကြ ခိုက်ကြ။ ဒါပေမယ့် ပြန်တွေးကြည့်တော့လဲ ရယ်စရာအတိတ်တွေခပ်များများ။ ဘဝဆိုတာ ဘာမှလဲမဟုတ်လှ။ ဒီလိုဘာမှမဟုတ်တဲ့ ဘဝကြီးကို ဟာသတွေနဲ့ ချိတ်ဆက်ပြထားတဲ့ စတီဖင်ချောင်ရဲ့ ဇာတ်ကား‌တွေ တစ်ဝကြီးထိုင်ကြည့်ရင်း ဘဝဆိုတာကြီးကို ကျွန်တော်တို့ ဟားတိုက်နေကြရအောင်ဗျာ။ File size…(1.6 GB) and (999 MB) Quality….Blu-ray Rip 1080p 5.1CH and 720p Format…mkv Duration….01:23:38 Subtitle….Myanmar Subtitle (Hardsub) Encoder….Nyeinsaeya Aung Translated by Chuck Chuck

Swordsman 3: The East Is Red (1993) IMDb Rating (6.1) သိုင်းကားချစ်သူတိုင်းရဲ့ငယ်ဘဝအမှတ်တရတစ်ခုဖြစ်တဲ့ စာရေးဆရာကြီးကျင်းယုံရဲ့ သိုင်းလောကစိန်ခေါ်သံဝတ္ထုကို ပြန်လည်ရိုက်ကူးထားတဲ့ the swordsman 3(1993) လေးကို CM Version လေးနဲ့ ပြန်လည်ခံစားနိုင်ဖို့ တင်ဆက်ပေးလိုက်ပါပြီ။ The swordsman 3 ကတော့ မင်းသားကြီး Jet Liနဲ့ မင်းသမီးကြီး Brigette Linတို့ရဲ့ the swordsman 2ရဲ့အဆက်ဆိုတော့ ရှေ့နှစ်ကားကြည့်ပြီးမှပဲ ဇာတ်ရည်လည်မှာမလို့ မကြည့်ရသေးရင်တော့ အရင်ကြည့်ကြည့်ဖို့ တိုက်တွန်းလိုက်ရပါတယ်။ The swordsman 2ရဲ့အဆုံးသတ်မှာ တောင်နက်ကမ်းပါး တိုက်ပွဲအပြီးမှာ တုန်းဖန်းပုပိုက်တစ်ယောက် အကြီးအကျယ်ရှုံးနိမ့်ပြီးတော့ ချောက်ကမ်းပါးကနေ ပြုတ်ကျပြီးတော့ နေလဂိုဏ်းနဲ့အတူ သိုင်းလောကကနေ စုန်းစုန်းမြုပ်သွားပါတော့တယ်။ ဒါပေမဲ့ ဒီအချိန်မှာ တိုင်းပြည်ရေးရာက မတည်မငြိမ်ဖြစ်နေသလို တိုင်းပြည်တစ်ခွင်မှာ ကိုယ့်ကိုယ်ကိုယ် တုန်းဖန်းပုပိုက်လို့ နာမည်တပ်နေသူတွေ အများအပြားပေါ်ထွက်လာပြီး ဖိနှိပ်မှုတွေ သတ်ဖြတ်မှုတွေ ဖြစ်လာပြန်တာပေါ့။ ဒါပေမဲ့ တုန်းဖန်းပုပိုက်သေသွားပြီဆို‌တာကို နန်းတွင်းက ရေတပ်တပ်မှူးဖြစ်တဲ့ ကုချောင်ဖုန်းကတော့ မယုံကြည်နိုင်ဖြစ်နေခဲ့တာပါ။ ဒီအချိန်မှာပဲ နန်းတွင်းက စပိန်စစ်တပ်တစ်ဖွဲ့ကို တောင်နက်ကမ်းပါးတိုက်ပွဲမှာ မြုပ်သွားတဲ့သင်္ဘောတည်နေရာကို လိုက်ပြပေးဖို့ ကုချောင်ဖုန်းကို တာဝန်ပေးအပ်လာချိန်မှာတော့ ကုချောင်ဖုန်းတစ်ယောက် သိုင်းလောကထဲကနေ ဇာတ်မြှုပ်နေတဲ့ တုန်းဖန်းပုပိုက်ကိုပါ ရှာဖို့အတွက်ကြံရွယ်ပါတော့တယ်။ ကုချောင်ဖုန်းရဲ့ရည်ရွယ်ချက်က တုန်းဖန်းပုပိုက်အစစ်ကိုရှာပြီးတော့ တုန်းဖန်းအတုတွေရဲ့ပြဿနာကို ဖြေရှင်းဖို့ဆိုပေမဲ့ တကယ်တမ်းမှာ သူတွက်ဆထားသလို မဖြစ်လာတဲ့အခါမှာတော့ ဘာတွေဆက်ဖြစ်ကြမလဲဆိုတာ ရှုစားကြပါဦး။ (ရုပ်ရှင်အညွှန်းနဲ့ဘာသာပြန်ကို Mary မှ တင်ဆက်ထားပါတယ်။) File size…(6.6 GB)/ (3 GB )/(1.5 GB) Quality…WEB-DL 4K HEVC/ 1080p HEVC / 720p Format…mkv/mp4 Duration….01:38:00 Subtitle….Myanmar Subtitle (Hardsub) Encoder….Ka Naung Translated by Mary

Iron Monkey (1993) IMDb Rating (7.5) / Rotten Tomatoes (91%) ယခုအခါတင်ဆက်ပေးလိုက်တာကတော့ ၁၉၉၃ ခုနှစ်ကထွက်ရှိခဲ့တဲ့ တရုတ်သိုင်းကားလေးပဲဖြစ်ပါတယ်။ နာမည်ကြီးမင်းသား မင်းသမီးတွေဖြစ်တဲ့ Donnie Yan , Rongguang Yu, Jean Wang တို့ပါဝင်သရုပ်ဆောင်ထားပါတယ်။ IMDB rating 7.5 ရရှိထားပြီး ဆန်ခါတင်စားရင်နှစ်ခါဝင်ထားပါတယ်။ ဇာတ်လမ်းကတော့ ရောဘင်ဟုဒ်လိုစတိုင်မျိုးပါ။ ပြည်သူတွေသဘာဝဘေးအန္တရာယ်တွေ ရောဂါဆိုးတွေ ဆင်းရဲမွဲတေမှုတွေခံစားနေရပေမဲ့ အကျင့်ပျက်ခြစားတဲ့အရာရှိကဘာမှမလုပ်ပေးတဲ့အတွက် သိုင်းပညာလည်းတတ်ကျွမ်းတဲ့ ဆရာဝန်ဖြစ်သူဒေါက်တာယန်ဟာ သံမဏိမျောက်ဆိုတဲ့နာမည်ကိုသုံးပြီးတော့ အကျင့်ပျက်အရာရှိတွေဆီကနေ ရွှေငွေရတနာတွေပြန်ခိုးပြီး ပြည်သူတွေကိုဝေပေးနေခဲ့ပါတယ်။ အရာရှိကသံမဏိမျောက်ကိုဖမ်းမမိတဲ့အခါ ခရီးသွားရင်းရောက်လာတဲ့ ဝမ်ကျိယင်နဲ့ဝမ်ဖေးဟုန်တို့သားအဖကို သံမဏိမျောက်ကိုဖမ်းခိုင်းပါတော့တယ်။ နဂိုအရာရှိကအသုံးမကျတဲ့အတွက် သူတို့မြို့ကို စစ်ဆေးရေးမှူးအနေနဲ့ရောက်ရှိလာတဲ့ ဘုန်းကြီးဟင်ဟုန်ရောက်ရှိလာပါတယ်။ ဘုန်းကြီးဟင်ဟုန်က ဝမ်ကျိယင်နဲ့ရှောင်လင်ကျောင်းတော်မှာအတူနေထိုင်ခဲ့သူဖြစ်ပြီး ရှောင်လင်ကျောင်းတော်ကိုသစ္စာဖောက်ပြီးမီးရှို့ခဲ့တဲ့သူပါ။ ထိုအခါဝမ်ကျိယင်နဲ့သံမဏိမျောက်ကပူးပေါင်းပြီး ဘုန်းကြီးဟင်ဟုန်နဲ့ရင်ဆိုင်တိုက်ခိုက်ကြပါတော့တယ်.. (အညွှန်းနဲ့ဘာသာပြန်ကတော့ AKM ဖြစ်ပါတယ်။) File size…(10 GB) / (2.5 GB) / (1.4 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action, Crime, Drama Duration…..01:32:15 Subtitle….Myanmar Subtitle (Hardsub) Encoder….Benjamin Translated by AKM

ဒီကားလေးကတော့ ပထမကား Super Cop 1 ရဲ့ အဆက် ဂျက်ကီချန်း နဲ့ မီရှယ်ယို တို့ရဲ့ကားလေးပါပဲ........ ဒီကားလေးထဲမှာတော့ မီရှယ်ယို က အဓိကဇာတ်ဆောင်နေရာကနေ ပါဝင်သရုပ်ဆောင်ထားပြီး သူ့ရဲ့ ချစ်သူဟောင်း ရဲအရာရှိက ဘက်ပြောင်းပြီး ရာဇဝတ်သားဖြစ်သွားလို့ အချစ်နဲ့ တာဝန်ကြား ခက်ခဲတဲ့ ဆုံးဖြတ်ချက်တွေနဲ့အတူ ရင်ဆိုင်ဖြေရှင်းရတဲ့ ကားကောင်းလေးတစ်ကားပါပဲ....... အတိုက်အခိုက်တွေ ဟာသတွေ နဲ့ တင်ဆက်နေကျ ဂျက်ကီချန်းကားလေးတွေထဲမှာ ဒီကားလေးကတော့ ဝမ်နည်းလွမ်းဆွတ်စရာလေးတွေပါ ရောယှက်ထားလို့ ကြည့်ကောင်းနေမှာတော့ အသေအချာပါပဲ....... File size…( 890 Mb) Quality….DVDrip 480p Format…mp4 Duration….01:44:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield Translated by Matteo