Zhang Mingming ပါဝင်သော ဇာတ်ကားများ

ဇာတ်လမ်းကို တရုတ်-ဂျပန်စစ်ပွဲအတွင်း ကွမ်းဆော့လင်ဒေသရှိ ထွင်ပေါင်လို့ခေါ်တဲ့ ခံတပ်ရွာလေးတစ်ခုကို အခြေခံထားပါတယ်။ အဲဒီရွာမှာ နေထိုင်ကြတဲ့ တင်းဟူနဲ့ ရှန်ရှောက်ဖေးတို့ဟာ လွန်ခဲ့တဲ့ နှစ်ပေါင်း ၈၀၀ ခန့်က မင်မင်းဆက်စစ်သည်တော် မျိုးဆက်များဖြစ်ကြပါတယ်။ သူတို့နှစ်ဦးစလုံးဟာ အေးချမ်းသာယာလှတဲ့ ကျေးလက်တောရွာလေးထဲမှာ လက်ဖက်ခူးရောင်းတဲ့ မိန်းကလေး ကျင်းအာကို ပြိုင်တူချစ်မိနေကြသူများ ဖြစ်ကြပါတယ်။ ဒါပေမဲ့ သူတို့နေထိုင်ရာ ဒေသမှာ စစ်ရေးအရ အချက်အချာကျလွန်းတဲ့ လမ်းဆုံလမ်းခွဖြစ်တဲ့အတွက် ဂျပန်စစ်တပ်တွေ သိမ်းပိုက်ဖို့ အဓိကပစ်မှတ် ဖြစ်လာခဲ့ပါတယ်။ တိုင်းပြည်နဲ့ လူမျိုးအတွက် အန္တရာယ်ကျရောက်လာချိန်မှာ တင်းဟူနဲ့ ရှန်ရှောက်ဖေးတို့ဟာ မိမိတို့ကြားရှိ အချစ်ရေးနဲ့ ပုဂ္ဂိုလ်ရေးအာဃာတတွေကို ဘေးဖယ်ထားလိုက်ကြပြီး အမျိုးသားရေးတာဝန်ကို ရှေ့တန်းတင်ကာ ရန်သူ့ထံမှ ထိပ်တန်းလျှို့ဝှက်စစ်မြေပုံများကို လုယူဖို့နဲ့ ဇာတိမြေကို ကာကွယ်ဖို့ ကွမ်းဆော့လင်တောင်တန်းကို စစ်မြေပြင်အဖြစ် ပြောင်းလဲကာ ရေကုန်ရေခမ်း တိုက်ပွဲဝင်ကြမဲ့ ရဲရင့်လှတဲ့ ဇာတ်လမ်းဖြစ်ပါတယ်။ ဒီကားကို ဟောင်ကောင်ဒါရိုက်တာ ယွီဝေကော်က ၇ နှစ်တိုင်တိုင် သေချာပြင်ဆင်ရိုက်ကူးခဲ့ပြီး မင်းသမီး Chen Duling က အားဖြည့်ထားပြီး သူမရဲ့ အက်ရှင်နဲ့ သမိုင်းဝင်ရုပ်ရှင်နယ်ပယ်ကို ပထမဆုံးခြေလှမ်းသစ်တစ်ခုအဖြစ် ပရိသတ်တွေကြား အလွန်ရေပန်းစားခဲ့တဲ့ ဇာတ်ကားကောင်းတစ်ကား ဖြစ်တဲ့အတွက် တရုတ်ရုပ်ရှင်တွေကို ကြိုက်နှစ်သက်ကြတဲ့ ပရိသတ်တို့ကို ကြည့်ရှုဖို့ တိုက်တွန်းပါရစေ ။ Filesize : 1.54 GB / 850 MB Quality : WEB-DL 1080p HEVC , 720p HEVC Format : mp4 Genres : Action, History, and War Runtime : 1h 30 min Subtitle : Myanmar Subtitle ( Hardsub )

Detective Dee ရဲ့နောက်ဆုံးထွက်ရှိထားတဲ့ လူသားရုပ်သေးရုပ်အမှုဖြစ်ပါတယ်။ ဒီတစ်ခါတော့ စုံထောက်ကြီးဒီးနေရာမှာ ထိုင်ဝမ်မင်းသားချော Dylan Kuo ကသရုပ်ဆောင်ထားတာဖြစ်ပါတယ်။ ဇာတ်လမ်းအကျဉ်းလေးကတော့ မိဖုရားခေါင်ကြီးရဲ့အပန်းဖြေနန်းဆောင်မှာ မီးအကြီးအကျယ်လောင်ရာကစတင်ပါတယ်။ မိဖုရားခေါင်ကြီးရဲ့ အပန်းဖြေနန်းဆောင်မီးလောင်တဲ့အတွက် ဒါကမိဖုရားခေါင်ကြီးကို ပစ်မှတ်ထားတာဖြစ်နိုင်တယ်ဆိုပြီးတော့ စုံထောက်ကြီးဒီးကို နန်းတွင်းကိုဆင့်ခေါ်ပြီး အမှုကိုစုံစမ်းခိုင်းပါတယ်။ မီးလောင်သွားတဲ့နန်းဆောင်မှာ အရွယ်ရောက်ပြီးသားလူအရွယ်အစားရှိတဲ့ သစ်သားရုပ်တစ်ရုပ်ကိုတွေ့ရပါတယ်။ ထူးခြားတာကတော့ သစ်သားရုပ်ရဲ့နောက်ကျောမှာ မိဖုရားခေါင်ကြီးရဲ့ဇာတာကိုထွင်းထားပြီး သစ်သားရုပ်ဟာသွေးထွက်တတ်နေတာပဲဖြစ်တယ်။ ဒီဂန္ဘီရဆန်တဲ့ဖြစ်ရပ်တွေရဲ့ နောက်ကွယ်ကအမှန်တရားဟာဘာဖြစ်နေမလဲ။ စုံထောက်ကြီးဒီးရဲ့ထုံးစံအတိုင်း ရှေးခေတ်မှုခင်းဇာတ်လမ်းတွေကြိုက်တဲ့သူတွေ စိတ်မပျက်စေရတဲ့အပြင် အရည်အသွေးရှိတဲ့သရုပ်ဆောင်တွေပါဝင်ထားပြီးတော့ ပီပြင်တဲ့အက်ရှင်နဲ့ Effectsတွေနဲ့သေချာရိုက်ထားတာကြောင့် စိတ်ကျေနပ်စရာဇာတ်ကားတစ်ကားဖြစ်ပါတယ်။ Filesize : 913 MB / 559 MB Quality : WEB-DL 1080p , 720p Format : mp4 Genres : Drama , Action , Mystery Runtime : 1h 27 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ဒီတစ်ခေါက်တင်ဆက်ပေးချင်တဲ့ Right Way ရုပ်ရှင်ကားဟာဆိုရင် 90's ခုနှစ်တွေအတွင်း တရုတ်ပြည်တွင်းကို ဂျပန်လူမျိုးတွေ ဘိန်းတွေမှောင်ခိုတင်သွင်းကြတဲ့အကြောင်းကိုရိုက်ကူးထားတာဖြစ်ပါတယ် ။ ရှန့်ဟိုင်မြို့မှာ သယ်ယူပို့ဆောင်ရေးဆိုင်ရာအချက်အခြာကျတဲ့ ဆိပ်ကမ်းတွေကို ခွဲဝေယူထားကြတဲ့ လူဆိုးဂိုဏ်းနှစ်ဂိုဏ်းရှိပြီး တစ်ဂိုဏ်းကိုတော့ ကျန့်ယိုတောက်လို့ခေါ်တဲ့ ခေါင်းဆောင်ကဦးဆောင်ပြီး နောက်တစ်ဂိုဏ်းကိုတော့ ချန်ထျန်းဝေလို့ခေါ်တဲ့ခေါင်းဆောင်ကဦးဆောင်ပါတယ် ။ ဒါပေမဲ့ ဂိုဏ်းခေါင်းဆောင်နှစ်ဦးကအမြဲတမ်းမတည့်ကြပါဘူး ။ မတည့်ရတဲ့အကြောင်းအရင်းကတော့ ကျန့်ယိုတောက်က မျိုးချစ်စိတ်အပြည့်ရှိသူဖြစ်ပြီးတော့ ပြည်တွင်းကို ဂျပန်တွေဘိန်းတွေ မှောင်ခိုကူးနေတာကို အလွန်ကိုမှ တင်းတင်းကြပ်ကြပ်တားမြစ်ထားတဲ့သူတစ်ဦးဖြစ်ပြီး ချန်ထျန်းဝေကတော့သူနဲ့ပြောင်းပြန် ဂျပန်တွေဘိန်းမှောင်ခိုကူးတာကို ကူညီပေးနေလို့ပဲဖြစ်ပါတယ် ။ ကျန့်ယိုတောက်တစ်ယောက် ဘိန်းမှောင်ခိုကူးတာကို ဘယ်လိုတားမြစ်မလဲ , အဲ့အချိန် တရုတ်အစိုးရကရော လူဆိုးဂိုဏ်းခေါင်းဆောင်ဖြစ်နေတဲ့သူ့ကိုကူညီပါ့မလား , ထိုခေတ်ထိုအခါက တရုတ်ပြည်တွင်းမှာ ဂျပန်တွေဘယ်လိုဆိုးယုတ်ခဲ့သလဲဆိုတာကို ဒရမ်မာဆန်ဆန် ၊ ဇာတ်လမ်းဇာတ်ကွက်အပြည့်အစုံ ၊ အက်ရှင်အလန်းစားတွေနဲ့ကြည့်ရမှာပဲဖြစ်ပါတယ် ။ ဇာတ်လမ်းက ဇာတ်လမ်းဇာတ်အိမ်ကောင်းကောင်းနဲ့ ဝါရင့်မင်းသားမင်းသမီးတွေနဲ့ရိုက်ထားတာမို့ မကောင်းမှာတော့မပူရဘူးဆိုတော့ ဇာတ်လမ်းထဲမှာဆက်လက်ကြည့်ရှု့ပေးကြပါအုံးရှင် ။ Quality : WEB-DL 1080p , 720p Format : mp4 Genres : Action , Crime Runtime : 1h 25 min Subtitle : Myanmar Subtitle ( Hardsub ) Translated by CM Team Reviewed By Kay Thwe Phyo Encoded by LK

လွန်ခဲ့တဲ့ နှစ်ပေါင်းရာချီက မသေမျိုးတွေနဲ့ နတ်ဆိုးတွေ အပြိုင်အဆိုင် တိုက်ခိုက်ခဲ့ကြပါတယ်။ ရှန်းကျန့်ဂိုဏ်းလို့ခေါ်တဲ့ မသေမျိုးဓားဂိုဏ်းရဲ့ ဘိုးဘေးတွေနဲ့ နတ်ဆိုးဂိုဏ်းခေါင်းဆောင် ဧကရာဇ်မင်းယိုတို့ ခုနှစ်ရက်၊ ခုနှစ်ည တိုက်ပွဲဝင်ခဲ့ကြပြီး နောက်ဆုံးမှာ နတ်ဆိုးဘုရင် အရေးနိမ့်သွားခဲ့တယ်။ နှစ်ပေါင်းများစွာ ကြာလာတဲ့အခါ ကျန်းကျီလင်က ရှန်းကျန့်ဂိုဏ်းရဲ့ ဂိုဏ်းချုပ်အသစ် ဖြစ်လာပါတယ်။ နတ်ဆိုးဘုရင်ကို ချေမှုန်းနိုင်တဲ့ ဇီချင်းဓားနှစ်သွယ် ပြန်အသက်ဝင်လာသလို နတ်ဆိုးဘုရင်ကလည်း ပြန်ပေါ်လာတော့တယ်။ အဲဒီအချိန်မှာပဲ ရွာထဲက မိန်းမပျိုတွေ ထူးထူးခြားခြား ပျောက်ဆုံးလာကြပါတယ်။ နတ်ဆိုးတွေကို နှိမ်နင်းပြီး လောကကို ကယ်တင်ဖို့ ရှန်းကျန့်ဂိုဏ်းက ထျန်းကန်းပေသိုဆိုတဲ့ ဓားသိုင်းအဖွဲ့ကို ဖွဲ့စည်းလိုက်တယ်။ မကျေအေးသေးတဲ့ ရန်ငြိုးတွေကြားမှာ အပြစ်မဲ့ပြည်သူတွေအတွက် နတ်ဆိုးဘုရင်ကို သူတို့ ဘယ်လိုရင်ဆိုင်ကြမလဲ။

ပုဆိန်ဂိုဏ်းသားတစ်ယောက် ဖြစ်ချင်နေတဲ့ လူငယ်တစ်ယောက်က ဆင်းရဲတဲ့ရပ်ကွက်တစ်ခုမှာ ပြဿနာသွားရှာမိပါတယ်။ သူအထင်သေးထားတဲ့ ရပ်ကွက်မှာ တကယ့်သိုင်းဆရာကြီးတွေ ဇာတ်မြှုပ်နေတာကိုတော့ မသိခဲ့ဘူး။ လူမိုက်လုပ်ချင်တဲ့ သူ့ကြောင့် စလာတဲ့အရှုပ်အထွေးက သိုင်းပညာရှင်တွေ ပါဝင်လာတဲ့ တိုက်ပွဲတွေဆီ ရောက်သွားပါတော့တယ်။ စတီဖင်ချောင် ကိုယ်တိုင် ဒါရိုက်တာလုပ်ပြီး ပါဝင်သရုပ်ဆောင်ထားတဲ့ကားဆိုတော့ အတည်ပေါက်နဲ့ လွဲနေတဲ့ဟာသတွေ၊ အပြိုင်အဆိုင် ထုတ်သုံးကြတဲ့ သိုင်းကွက်တွေကို တွဲကြည့်ရမှာပါ။ တိုက်ခိုက်ခန်းတွေကို ကြည့်နေရင်း ရုတ်တရက် ရယ်စရာ ဖြစ်သွားတတ်တဲ့ပုံစံကို ကြိုက်ရင် ဒီကားနဲ့ အဆင်ပြေမယ်။ ဇာတ်လမ်းထဲက ရပ်ကွက်ကိုလည်း စတီဖင်ချောင် ကြီးပြင်းခဲ့တဲ့ ဟောင်ကောင်တိုက်ခန်းအိမ်ယာတစ်ခုကို ပုံစံယူ တည်ဆောက်ထားတာဖြစ်ပါတယ်။