Beyond Goodbye

ဇာတ်လမ်းအကြောင်း

Beyond Goodbye (2024) အပိုင်း (၁ မှ ၈) စ/ဆုံး ကော်ဖီတစ်ခွက်ကြောင့် ဘဝရှေ့ဆက်ဖို့ ခွန်အားတွေရခဲ့တဲ့ ဆာအဲကိုဆိုတဲ့ မိန်းကလေးဟာ ကော်ဖီကုမ္ပဏီတစ်ခုမှာ ဝင်အလုပ်လုပ်ဖို့ ဆုံးဖြတ်ပြီးနောက် အမှတ်မထင် ယုဆူကဲဆိုတဲ့ ကောင်လေးတစ်ယောက်နဲ့ တွေ့ဆုံဖို့ အကြောင်းဖန်လာခဲ့တယ်။ ရှေးဘဝက ဖူးစာဖက်တွေလို ချစ်ကြိုးသွယ်သွားခဲ့တဲ့ သူတို့နှစ်ဦးဟာ ပျော်ရွှင်မှုအမှတ်တရများစွာနဲ့ နေထိုင်ရှင်သန်ရင်းနဲ့ပဲ ကံအကြောင်းမလှစွာနဲ့ ယုဆူကဲဟာ ကားမတော်တဆဖြစ်ပြီး သေဆုံးသွားတော့တယ်။ ကျန်ရစ်ခဲ့တဲ့ ဆာအဲကိုဟာ ပြောပြလို့မကုန်နိုင်လောက်အောင် ပူဆွေးကြေကွဲရင်းနဲ့ပေါ့။ ဒီလိုနဲ့ သူမဟာ တစ်နေ့မှာ ချစ်ရသူ ယုဆူကဲနဲ့ စရိုက်အမူအရာ ထူးထူးဆန်းဆန်းတူနေတဲ့ နာရူဆဲဆိုတဲ့ အမျိုးသားတစ်ဦးနဲ့ ကြုံကြိုက်စရာအကြောင်း ဖြစ်လာခဲ့တယ်။ အဖြေရှာမရအောင်တူနေတဲ့ နာရူဆဲဟာ အမှန်တော့ ယုဆူကဲရဲ့ နှလုံးကို အစားထိုးခွဲစိတ်ထားတဲ့လူဆိုတာ သူမ မသိခဲ့ပါဘူး။ ယုဆူကဲရဲ့ မှတ်ဉာဏ်တွေ၊ အမှတ်တရတွေ၊ ခံစားချက်တွေကို သယ်ဆောင်ထားတဲ့ နှလုံးသားဟာ နာရူဆဲရဲ့ ကိုယ်ခန္ဓာထဲ ရောက်လာတဲ့အခါ ချစ်သူမိန်းကလေး ဆာအဲကို ကိုလည်း အလိုလိုမှတ်မိနေတာပေါ့။ ဆာအဲကိုနဲ့ နာရူဆဲ တဖြည်းဖြည်းနီးကပ်လာတာနဲ့အမျှ ကိစ္စတွေ ပိုရှုပ်ထွေးလာမလား၊ ဒါမှမဟုတ် ရှင်းလင်းသွားမလား? အချစ်နဲ့သံသရာဟာ ဘယ်လို လုံးလည်ချာလည်လိုက်နေမလဲ? ခံစားချက်အတိုင်း လိုက်မလား၊ ဦးနှောက်နဲ့‌ ရွေးချယ်ကြမလား? ဆိုတာတွေကို ခါးသက်သက်နဲ့ ကြည့်ရှုရမဲ့ အချစ်ဇာတ်လမ်းတစ်ပုဒ်ပဲ ဖြစ်ပါတယ်။ “ရှင်က ကျွန်မကိုချစ်တာလား ရှင့်ခန္ဓာကိုယ်ထဲက ယုဆူကဲက ကျွန်မကိုချစ်တာလား မသိတော့ဘူး...” လက်တလောတင် နာမည်ကြီးသွားခဲ့တဲ့ ဂျပန်-ကိုရီးယားကား What Comes After Love ထဲက မင်းသား Kentaro Sakaguchi ပါဝင်ထားပြီး Netflix က ထုတ်လွှင့်ထားတဲ့ အေးအေးလူလူငြိမ့်ငြိမ့်‌ညောင်းညောင်းနဲ့ ခံစားကြည့်ရှုရမဲ့ ဇာတ်လမ်းကောင်းတစ်ပုဒ် ဖြစ်တာမို့ ပိတ်ရက်မှာ ရုပ်ရှင်ကြည့်ပြီး ကိုယ်စိတ်အနားပေးချင်တဲ့ လူတွေအတွက် recommend ပေးချင်ပါတယ်။ (အညွှန်းကို Esther Oo မှ ရေးသားပေးထားပါတယ်) Episodes: 8 Aired: Nov 14, 2024 Aired On: Thursday Original Network: Netflix Genres:  Romance, Drama Translated by Lai Laii, Thin Thinzar, Wutyi, Vanessa & Esther  Encoded by AHtet