Ali Fazal ပါဝင်သော ဇာတ်ကားများ

Raakh (2026) (Season-1) IMDb (7.6) [ 4K Quality ထိတင်ဆက်ထားပါပြီ။] ဒီဇာတ်လမ်းတွဲဟာ ၁၉၇၈ ခုနှစ်က ဒေလီမြို့မှာ အမှန်တကယ် ဖြစ်ပွားခဲ့ပြီး နာမည်ဆိုးနဲ့ ကျော်ကြားတဲ့ မောင်နှမနှစ်ယောက် ရက်စက်စွာအသ_တ်ခံခဲ့ရသော Ranga-Billa Case ကို အခြေခံပြီးတော့ ရိုက်ကူးထားတာပဲဖြစ်ပါတယ်။မိုးရွာနေတဲ့ ညနေစောင်းတစ်ခုမှာ အသက် ၁၆ နှစ်အရွယ် မောင်နှမနှစ်ဦးဖြစ်သူ ဆူမန် နဲ့ ဆာဟေးလ် တို့ဟာ ရေဒီယိုအစီအစဉ်တစ်ခုတွင်ပါဝင်ဖို့ ကားကြုံစီးရာကနေ ထူးဆန်းစွာနဲ့ပျောက်ဆုံးသွားကြပါတယ်။ ကလေးနှစ်ယောက်ရဲ့ဖခင်ဟာ စစ်တပ်အရာရှိတစ်ဦးဖြစ်ပြီးတော့ မိခင်က ကျောင်းဆရာမပါ။ ကလေးနှစ်ယောက် ပျောက်ဆုံးသွားမှုကြောင့် မိသားစုဝင်တွေ ဝမ်းနည်းရသလို တစ်မြို့လုံးလည်း ထိတ်လန့်တုန်လှုပ်သွားခဲ့တော့တာပေါ့။ ဒီအမှုကို တာဝန်ယူစုံစမ်းရသူက အတွေ့အကြုံနုနယ်သေးပေမဲ့ ကြိုးစားအားထုတ်မှုရှိတဲ့ ရဲအရာရှိ ဂျေပရာကက်ရှ် ပဲဖြစ်ပါတယ်။ စုံစမ်းစစ်ဆေးမှုများ ပြုလုပ်ရင်း သာမန်ပြန်ပေးဆွဲမှုကနေ ရက်စက်ကြမ်းကြုတ်တဲ့ လူသ_တ်မှုတစ်ခုဖြစ်ကြောင်း သိရှိသွားပြီး ဂျေပရာကက်ရှ် ဟာတရားခံများကို ဖမ်းဆီးနိုင်ရန် တစ်နိုင်ငံလုံးအတိုင်းအတာနဲ့ အသည်းအသန် လိုက်လံစုံစမ်းရတော့တဲ့အခါ.....။ File Size – 3GB / 600MB / 300 MB (Appx;)@Episode Quality –4K / 1080p WEB DL / 720p Total Episodes: 8Eps Subtitle – Myanmar Hardsub Format – mkv / mp4 Genre – Crime

Mirzapur :The Movie 2026 IMDb 7.6 ကဲ မီရ်ဇာပူရ် ပရိသတ်တွေအတွက် ဝက်ဘ်စီးရီးကနေ ရုပ်ရှင်ကားကြီးအဖြစ် အဆင့်မြှင့်ထားတဲ့ Mirzapur The Movie ထွက်ရှိလို့ လာခဲ့ပါတယ် ။ ရုံတင်ပြီး လက်ရှိအချိန်အထိ ကုဋေ ၃၀၀ ကျော် ရရှိထားပြီပဲဖြစ်ပါတယ်။ ရာဇဝတ်မှုတွေ ဖုံးလွှမ်းနေတဲ့ မီရ်ဇာပူရ်မြို့ကြီးမှာဆိုရင် ဂူဒူးတို့ ညီအစ်ကိုကလည်း အင်အားကြီးလာသလို တစ်ဖက်မှာကလည်း ရန်သူရဲ့ ရန်သူက မိတ်ဆွေဆိုသလိုမျိုး ရန်သူတွေပူးပေါင်းပြီး အင်အားကြီးမားလာခဲ့ကြတယ်။ အတိတ်က အနာတရတွေနဲ့ လက်စားချေလိုစိတ်တွေက မြို့တစ်ခွင်ကို တစ်ခါပြန်ပြီး သွေးစွန်းစေဖို့ တွန်းပို့နေတဲ့အခါ..။ အာဏာကို လက်ဝယ်ပိုင်ဆိုင်ဖို့၊ ကိုယ့်ရဲ့ နယ်မြေနဲ့ ဂုဏ်သိက္ခာကို ကာကွယ်ဖို့အတွက် ဘယ်သူက ဘယ်သူ့ကို သစ္စာဖောက်မလဲ၊ ဘယ်သူတွေက ရပ်တည်ကျန်ရစ်မလဲဆိုတာကို ရင်ဖိုစိတ်လှုပ်ရှားစရာ အက်ရှင်ဇာတ်ဝင်ခန်းတွေနဲ့ ရိုက်ကူးတင်ဆက်ထားပါတယ်။ File size…2.8 GB / 1.5 GB Quality…WEB DL 1080p HEVC/ 720p Format…mkv/ mp4 Duration….3h 15m Subtitle….Myanmar Subtitle (Hard Sub)

Lust Stories 3 (2026) ဖုံးကွယ်ထားသော ဆန္ဒများ Netflix ရဲ့ နာမည်ကြီး Anthologies Series တစ်ခုဖြစ်တဲ့ ဒီဇာတ်ကားကတော့ ဒါရိုက်တာ ၄ ယောက်ရဲ့ ကွဲပြားခြားနားတဲ့ အချစ်၊ တပ်မက်မှုနဲ့ ရာဂဆိုင်ရာ ဇာတ်လမ်းတို ၄ ပုဒ်ကို ပေါင်းစည်းရိုက်ကူးထားတာဖြစ်ပြီး "Lust Stories" ရဲ့ တတိယမြောက် ထွက်ရှိလာတာပဲဖြစ်ပါတယ်။ ဇာတ်လမ်းတို တစ်ခုချင်းဆီက ခေတ်သစ် လူမှုဆက်ဆံရေးတွေအကြောင်းကို အဓိကထား ရိုက်ကူးပုံဖော်ထားပြီး၊ ရာဂနဲ့ တပ်မက်မှုတွေကို ပုံစံမျိုးစုံနဲ့ ပြသထားပါတယ်။ ဒါ့အပြင် ရင်ဖွင့်ရလွယ်တဲ့ နူးညံ့ပျော့ကွက်တွေနဲ့ ထုတ်မပြောဘဲ စိတ်ထဲမျိုသိပ်ထားရတဲ့ တင်းမာမှုတွေဟာ လူတွေရဲ့ ဆက်ဆံရေးအပေါ် ဘယ်လိုလွှမ်းမိုးနေသလဲဆိုတာကိုလည်း ဆန်းစစ်တင်ပြထားပါတယ်။ မတူညီတဲ့ လူမှုဘဝတွေထဲက အချစ်နဲ့ တပ်မက်မှုတွေကို ဒါရိုက်တာအသီးသီးရဲ့ လက်ရာဆန်းတွေနဲ့ ရှုထောင့်အမျိုးမျိုးကနေ ကြည့်ရှုခံစားလိုက်ကြပါဦး။ File size… 10 GB / 2.7 GB / 1.5 GB Quality…WEB DL 4K / 1080p HEVC/ 720p Format…mkv/ mp4 Duration…. 2h 45m Subtitle….Myanmar Subtitle (Hard Sub)

Metro... in Dino (2025) "ခေတ်ရဲ့ မြို့ပြ" IMDb - 7.3/10 အသစ်ထွက်ရှိလာတဲ့ ဟင်ဒီရုပ်ရှင်အလန်းစားတစ်ပုဒ် တင်ဆက်ပေးလိုက်ပါတယ်။ musicalလည်းဖြစ် romanceလည်းဖြစ်တဲ့အတွက်ကြောင့် ဆွတ်ပျံ့ကြည်နူးဖွယ်ကောင်းတဲ့ သံစဉ်တွေ သီချင်းတွေအပြင် သမားရိုးကျဘ၀တွေထဲက အချစ်ဇာတ်လမ်းတွေကို ပုံဖော်ထားတာ ရှုမြင်ခံစားကြရမှာပါ။ သရုပ်ဆောင်တွေအနေနဲ့ဆိုလည်း အာဒီတယာ၊ ပန်ကာ့ချ်တရီပါသီ၊ ဆာရာအလီခန်း၊ ဖာတီမာဆာနာရှိတ်ခ်၊ နီနာဂုပ်တာ၊ ကွန်ကိုနာဆန်ရှာမာ၊ အာလီဖိုင်ဇယ်တို့လို အိန္ဒိယရုပ်ရှင်ပရိသတ်တို့အတွက် မစိမ်းတဲ့ ဝါရင့်သရုပ်ဆောင်လူကြီးလူငယ်များစွာ တခမ်းတနားပါဝင်ထားပါသေးတယ်။ အချစ်တစ်ခုဖြစ်ပေါ်လာချိန် အတူတူပေါင်းဖက်ကြဖို့က ပန်းတိုင်တစ်ခုဆို အဲဒီပန်းတိုင်ရဲ့ နောက်ဆက်တွဲကရော...။ ပျော်ရွှင်စွာပေါင်းဖက်နေထိုင်သွားကြလေသတည်းနဲ့ပဲ ဇာတ်သိမ်းတတ်ကြတာလား။ မဟုတ်ပါဘူး။ လူရယ်ဖြစ်တည်လာသူတိုင်း ကြုံတွေ့ခံစားရပြီး မြင်တွေ့နေကျ သမားရိုးကျအဖြစ်အပျက်တစ်ခုလိုပါပဲ။ ဒီတော့ အချစ်ရယ်ဆိုတာကြီးရဲ့ ပန်းတိုင်ဖြစ်တဲ့ ပေါင်းဖက်ပြီးချိန်မှာ အခက်အခဲတွေ၊ ဝေးကွာလာမှုတွေနဲ့ နားလည်မှုဆိုတာတွေကို ဒီရုပ်ရှင်ထဲက လူငယ်တွေ လူကြီးတွေကြားက ဆက်ဆံရေးမှာ သိပ်ကောင်းတဲ့သံစဉ်စာသားတွေရယ် ဖြစ်တည်မှုတွေရယ်နဲ့ ဖန်တီးတင်ဆက်ထားတာမို့ ခံစားကြည့်ရှုကြပါဦး။ (ဘာသာပြန်ကတော့ B-Teamဖြစ်ပါတယ်) File size… 2.75 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2:40:26 Subtitle….Myanmar Subtitle (Hard Sub) Translated by B-Team

Thug Life (2025) "သေမင်းနဲ့စစ်ခင်းဝံ့သူ" နာမည်ကျော်တမီးလ်မင်းသားကြီး ကာမယ်ဟာဆန်ရဲ့ ရုံတင်ကားသစ်ကြီးကို တင်ဆက်ပေးလိုက်ပါတယ်။ ဆက်သီဗယ်ဆိုတာ မမွေးခင်ကတည်းက သေမင်းနဲ့စစ်ခင်းလာခဲ့တဲ့သူ။ အရွယ်ရောက်လာကတည်းက သူ့ကိုယ်သူ မာဖီးယားတစ်ယောက်လို့သတ်မှတ်ပြီး သေမင်းနဲ့စစ်ခင်းရင်း ကြမ်းခဲ့ရမ်းခဲ့တာပေါ့။ တစ်နေ့ ဂိုဏ်းအချင်းချင်းညှိနှိုင်းနေတုန်း ရဲတွေရောက်လာလို့ ထွက်ပြေးချိန်မှာ အာမာဆိုတဲ့ကလေးတစ်ယောက်ကို ခေါ်လာခဲ့တယ်။ ရဲတွေလက်ကလွတ်မြောက်သွားချိန်မှာတော့ အာမာ့ကို ခေါ်ထားပြီး အာမာအရွယ်ရောက်ချိန် နှစ်ယောက်သား လက်တွဲညီညီနဲ့ ပြိုင်ဖက်တွေကိုရှင်းရင်း တစ်စင်ထောင်ထားနိုင်ခဲ့တယ်။ တစ်ရက် လူသတ်မှုတစ်ခုကြောင့် ဆက်သီဗယ် ထောင်ထဲရောက်သွားချိန် ကိစ္စတွေရှုပ်ထွေးကုန်ပြီး အာမာနဲ့ ဆက်သီဗယ်တို့ မပြေလည်ကြချိန်မှာတော့...။ ဂိုဏ်းအချင်းချင်းတိုက်ပွဲတွေ၊ မိသားစုကြားက မပြေလည်မှုတွေ ပြဿနာတွေ သံယောဇဉ်တွေကို ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့CM Bollywood Teamတို့ပဲဖြစ်ပါတယ်) File size… 10.3 GB / 3.18 GB /1.56 GB Quality… WEB DL 4K HEVC / 1080p HEVC/ 720p Format…mkv/ mp4 Duration….2h 45m Subtitle….Myanmar Subtitle (Hard Sub) Encoder….YK Translated by CM Bollywood Team

အမျိုးသမီးတွေရဲ့ပညာသင်ကြားခွင့်ကိုဖိနှိပ်ထားတဲ့ အာဖဂန် နစ္စတန်နိုင်ငံမှာ ထက်မြက်တဲ့ရိုယာဆိုတဲ့မိန်းကလေးဟာ ပညာရေးမှာထူးချွန်ရုံတင်မကဘဲ မိန်းကလေးတွေကိုင်ခွင့် မရှိတဲ့ကွန်ပျူတာကိုမှကိုင်ပြီး အာဖဂန်နစ္စတန်နိုင်ငံရဲ့ပထမဆုံး အမျိုးသမီးဆော့ဖ်ဝဲလုပ်ငန်းရှင်တစ်ယောက်ဖြစ်လာခဲ့ပါတယ်။ ဒါပေမဲ့ ရိုယာဟာ အာဖဂန်အမျိုးသမီးတွေရဲ့ပညာရေးကို မြေတောင်မြှောက်ပေးချင်တာကြောင့် တစ်ရက်မှာတော့ ပထမဆုံးသောအာဖဂန်အမျိုးသမီးစက်ရုပ်အသင်းကိုဖန်တီးဖို့ စိတ်ကူးရခဲ့ပါတယ်။ အမျိုးသမီးတွေရဲ့ပညာရေးကိုအားမပေးတဲ့အပြင် အရွယ်ရောက် လာတာနဲ့ မိသားစုဝင်တွေက အိမ်ထောင်ချပေးချင်ကြတဲ့ ရှေးရိုးစွဲအသိုင်းအဝိုင်းကြီးထဲမှာ အမျိုးသမီးကျောင်းသူ လေးယောက်ကို ခဲရာခဲဆစ်ရှာဖွေသိမ်းသွင်းနိုင်ခဲ့ပေမယ့် ရိုယာနဲ့အသင်းဟာ နိုင်ငံတကာပြိုင်ပွဲတွေမှာသွားရောက် ယှဉ်ပြိုင်ဖို့ တာလီဘန်တွေရဲ့ခြိမ်းခြောက်မှု၊ ငွေကြေးအခက်အခဲ အစရှိသဖြင့် အတားအဆီးတွေအများကြီးကိုကျော်ဖြတ်ကြရပုံကို ရိုက်ကူးတင်ပြထားတဲ့ ဖြစ်ရပ်မှန်ဇာတ်လမ်းဖြစ်ပါတယ်။ အဖွင့်ရက်သတ္တပတ်မှာတင် ရုံတင်ဝင်ငွေ ၁.၅ သန်းရရှိထားတဲ့ ရုပ်ရှင်ဇာတ်ကားကောင်းဖြစ်ပါတယ်။ File size… (1.78 GB) / (1.05 GB) Quality… WEB-DL 1080p HEVC / 720p Format…mkv / mp4 Duration….2h Genre …..Drama Subtitle….Myanmar Subtitle (Hard Sub) Encoder….Min Wai Translated by JULY

ဒီတစ်ခါမှာတော့ Fukrey ရဲ့ တတိယမြောက်ဇာတ်ကားလေးကို တင်ဆက်ပေးလိုက်ပါတယ်။ အရင် ဇာတ်လမ်းတွေအတိုင်းပဲ သူငယ်ချင်းလေးယောက် ဘယ်လိုတွေ ဗရမ်းဗတာလုပ်ကြဦးမလဲဆိုတာကို မြင်တွေ့ရမှာပါ။ ဒီဇာတ်ကားမှာတော့ သူငယ်ချင်းလေးယောက်ဟာ စတိုးဆိုင်လေးဖွင့်ထားရင်းနဲ့ပဲ ဘိုလီရဲ့ ရေအရင်းအမြစ်ဝန်ကြီး လုပ်မယ့်ကိစ္စမှာ ပံ့ပိုးဖို့ ဖြစ်လာခဲ့ပါတယ်။ ဘိုလာဟာ အာဏာရှိတဲ့အရသာကို မြည်းစမ်းမိရင်းနဲ့ တကယ့်ကို အာဏာရှိတဲ့ ဝန်ကြီးတစ်ယောက်ဖြစ်ဖို့အတွက်နဲ့ ပြည်သူလူထုအပေါ်မှာလည်း မဖြစ်နိုင်တာတွေ ကတိပေး တစ်ဖက်မှာလည်း ရေနံဂိုဏ်းမာဖီးယားတွေနဲ့ အဆက်အသွယ်လုပ်ရင်းနဲ့ပဲ ဘိုလီရဲ့ ဝန်ကြီးဖြစ်အောင် လုပ်မယ့်လမ်းမှာ သူငယ်ချင်းလေးယောက် ဘယ်လိုတလွဲတွေလုပ်ကြဦးမလဲ ဆိုတာကို ဟာသ‌‌လေးတွေနဲ့ ရယ်ရင်းမောရင်း မှုခင်းပိုင်းလေးတွေနဲ့ တွဲပြီးတော့ ကြည့်ရှုရမယ့် ဇာတ်ကားလေးပဲဖြစ်ပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ကတော့ CM Bollywood Team ပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.67GB / 1.3GB Quality…1080p WEB DL / 720p Format…mp4 Duration….2h 27m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-6/10 ယောကျာ်ားက မိန်းမကို ပစ် သားသမီးကိုပစ်ပြီး အချစ်သစ်ရှာတဲ့သာမန် အိမ်ထောင်ရေးဇာတ်လမ်းတွေနဲ့ကွဲထွက်ပြီး မိန်းမက သူသိပ်ချစ်ရတဲ့အမျိုးသမီးအတွက် သူ့အိမ်ထောင််ရေးကိုစွန့်ခွာကွဲထွက်တဲ့ ဘောလိဝုဒ်ရုပ်ရှင်အသစ်တခုကို တင်ဆက်ပေးချင်ပါတယ် Netflix ကထုတ်လွှင့်လိုက်တဲ့ တဘူးရဲ့ Spy / Thriller ကားပါ ဒီကားက Amur Bhushan ရဲ့ Escape to Nowhere စာအုပ်ကိုအခြေခံပြီးရိုက်ကူးထားတာလို့ ပြောကြတာတွေလည်းရှိသလို ဒီကားရဲ့ ဒါရိုက်တာ Vishal Bhardwaj ကလည်း သူ့ဇာတ်လမ်းတွေမှာ ရှိတ်စပီးယားပြဇာတ်တွေထဲကနေ အလျဉ်းသင့်သလိုယူပြီး ထည့်သွင်းရိုက်ကူးတတ်သူလို့လည်းပြောကြပါတယ် ဒီကားထဲက စစ်ဆေးရေးတွေနာမည်ကိုက ဂျုးလီးယက်ဆီဇာတို့ ဘရူးတက်စ်တို့ ဖြစ်နေတာပါပဲ ဇာတ်လမ်းအညွှန်း ကရစ်ရှနာ(တဘူး) တို့ စပိုင်အဖွဲ့ကလူတွေ စစ်ဆင်ရေးလုပ်တဲ့အချိန်မှာ ရန်သူဘက်ကအမြဲအသာစီးရနေပြီး စပိုင်အဖွဲ့ဝင်တွေပဲ အရင်ရှင်းပစ်ခံနေရတဲ့အချိန် ဟီနာဆိုတဲ့ စပိုင်တစ်ယောက်လည်း အဲဒီလိုအဖြစ်ဆိုးမျိုးကြုံလိုက်ရတယ် ဒီကိစ္စကိုစုံစမ်းဖို့အတွက် စပိုင်အဖွဲ့က ကရစ်ရှ်နာကိုတာဝန်ပေးလိုက်တယ် အလုပ်ကနေအနားယူတော့မဲ့ ကရစ်ရှ်နာတစ်ယောက် အဖွဲ့အတွက်အရေးကြီးဆုံးတာဝန်လည်းဖြစ် ချစ်ရသူသေရတဲ့ကိစ္စလည်းဖြစ်နေတော့ မနေသာပဲဝင်ပါရပြန်တယ် ဒီလိုအဖြစ်အပျက်တွေအတွက် အဖွဲ့ကနေအဓိကသံသယရှိသူက ရာဗီ သူကလည်း သူ့ကိုသိသွားကြမှန်းသိ‌တာနဲ့ ချက်ချင်းမိသားစုပါခေါ်ပြီး လစ်ပြေးတော့တာပဲ ဒါပေမဲ့သူကခိုင်းစေခံရသူသာသာပဲ သူ့နောက်ကွယ်မှာအဓိကတရားခံကရှိနေသေးတယ် စပိုင်တွေကိုတောင် အသာစီးယူပြီးရှင်းပစ်နိုင်နေတဲ့ရန်သူကိုအနိုင်ယူဖို့.... ခင်ပွန်းနဲ့ သားကိုဖုံးကွယ်ထားတဲ့ ချစ်ခြင်းတရားတစ်ခုအတွက်လက်စားချေဖို့... ဒါတွေကို ကရစ်ရှ်နာတစ်ယောက်အဆုံးထိအောင်မြင်အောင်လုပ်နိုင်သွားမလား ဆိုတာ မင်းသမီးချောသုံးယောက်ရဲ့အလှကို ရှူစားရင်းခံစားကြည့်ပါဦး အညွှန်းနှင့် ဘာသာပြန်သူတွေကတော့ BpL ~ Alex ~ ToMo ~ KKKZ ~ Zwe ~ Aditi တို့ပဲဖြစ်ပါတယ် File size…13GB / 2.13GB  / 885MB Quality…4k NF WEB DL / 1080p WEB DL / 720p Format…mp4 Duration….2h 37m Subtitle….Myanmar Subtitle (Hard Sub) Encoder…YK Translated by BpL ~ Alex ~ ToMo ~ KKKZ ~ Zwe ~ Aditi

အမေရိကန်တပ်တွေ အာဖဂန်ကနေ ဆုတ်ခွာသွားပြီး တာလီဘန်တွေ ကြီးစိုးနေတဲ့ကာလမှာ ဇာတ်လမ်းစထားပါတယ်။ အီရန်နဲ့ အနောက်နိုင်ငံတွေကြား အနုမြူလက်နက်လျှော့ချရေး သဘောတူညီချက်ရဖို့ ကြိုးစားနေကြချိန်လည်း ဖြစ်တယ်။ စစ်ပြန်တစ်ယောက်ဖြစ်တဲ့ တွမ်ဟားရစ်က အမ်အိုင်-၆ အဖွဲ့ဝင်ဟောင်းဖြစ်ပြီး အခုတော့ စီအိုင်အေအတွက် အငှားအေးဂျင့်အဖြစ် လုပ်နေပါတယ်။ သူ့တာဝန်က အီရန်နိုင်ငံထဲ အသွင်ယူဝင်ရောက်ပြီး အနုမြူဓာတ်ပေါင်းဖိုတွေကို လျှို့ဝှက်ဖျက်ဆီးဖို့ပါ။ နောက်ဆုံးစစ်ဆင်ရေးတစ်ခု စခါနီးမှာတော့ ပင်တဂွန်ကနေ သတင်းပေါက်ကြားသွားပြီး တွမ်ရဲ့နာမည်နဲ့ ဓာတ်ပုံက အီရန်နဲ့ အာဖဂန်တစ်ဝန်း ပျံ့သွားပါတယ်။ တာလီဘန်၊ အိုင်းစစ်၊ အီရန်နဲ့ အယ်ကိုင်ဒါ စတဲ့ဘက်အသီးသီးက သူ့ကို လိုက်ဖမ်းဖို့ ကြိုးစားလာကြတယ်။ တွမ်နဲ့ စကားပြန် မိုဟာမက်တို့နှစ်ယောက်ဟာ အသက်ရှင်လွတ်မြောက်ဖို့ တိုက်ခိုက်ရင်း ထွက်ပြေးကြရတော့မှာပါ။ ဂျရက်ဘတ်တလာ ပါဝင်သရုပ်ဆောင်ထားပြီး Angel Has Fallen နဲ့ Greenland တို့ကို ရိုက်ကူးခဲ့တဲ့ Ric Roman Waugh က ဒါရိုက်တာအဖြစ် ရိုက်ကူးထားပါတယ်။

နိုင်းမြစ်ထဲက သင်္ဘောကြီးတစ်စီးပေါ်မှာ လူသတ်မှုဖြစ်လာပြီး စုံထောက်ကြီး ဟာကျူလီ ပွာရိုးနဲ့ ဘုခ်တို့ အမှုလိုက်ကြရပါတယ်။ တရားခံဟာ သင်္ဘောပေါ်က ခရီးသည်တွေထဲမှာပဲ ရှိနေတာမို့ တစ်ယောက်ချင်းစီကို စစ်မေးပြီး ရလာတဲ့သဲလွန်စတွေကို ဆက်စပ်ဖော်ထုတ်ရတော့တယ်။ Murder on the Orient Express ရဲ့ နောက်ဆက်တွဲဖြစ်တဲ့ ဒီရုပ်ရှင်မှာ ဘယ်သူအသတ်ခံရမလဲဆိုတာကစလို့ ဘာကြောင့်သတ်တာလဲ၊ ဘယ်သူက ဘယ်လိုသတ်ခဲ့တာလဲအထိ မေးခွန်းတွေ တစ်ခုပြီးတစ်ခု ပေါ်လာပါတယ်။ နာမည်ကျော်သရုပ်ဆောင်များစွာ ပါဝင်ထားပြီး အမှုရဲ့အဖြေတွေကို နောက်ဆုံးပိုင်းရောက်မှ ရှင်းပြထားတာဖြစ်လို့ စုံစမ်းမှုတစ်လျှောက် သဲလွန်စတွေနဲ့အတူ လိုက်ခန့်မှန်းရမှာပါ။

ဘောလီဝုဒ်ဖန်တွေအတွက် မင်းသားကြီးဆန်ဂျေဒတ်၏ ၂၀၁၉ ထွက် ဇာတ်ကားသစ်ကြီးကို တင်ဆက်ပေးလိုက်ပါတယ် နိုင်ငံရေး၊ အက်ရှင်၊ ဒရာမာကားကောင်းတစ်ကားဖြစ်လို့ ဘောလီဝုဒ်ဖန်တွေ အကြိုက်တွေ့မှာပါ ဇာတ်လမ်းကတော့ ရွေးကောက်ပွဲ ၄ နှစ်ဆက်အနိုင်ရထားတဲ့ လွှတ်တော်အမတ်ကြီး ဘဲလ်ဒေ့ဗ် ပရာတပ်ဆင့်မှာ အာယွရှ်နဲ့ ဗီဗန်းဆိုပြီး သားနှစ်ယောက်ရှိပါတယ် အဲ့ဒိသားနှစ်ယောက်ထဲမှာ အာယွရှ်ဟာဆိုရင် သူ့ရန်သူတွေဆီက ဒီလိုစကားနာထိုးတာကို အမြဲခံရလေ့ရှိပါတယ် "မင်းက ငါ့တို့လွှတ်တော်အမတ်ကြီးရဲ့သားလား သူ့မိန်းမရဲ့သားလား" တဲ့ ဟုတ်ပါတယ် အာယွရှ်ဟာ မယားပါသားပါ ဒါပေမဲ့ ဘဲလ်ဒေ့ဗ်ရဲ့ နိုင်ငံရေးအမွေအားလုံးကိုတော့ လက်ခံနိုင်စွမ်းရှိသူဟာ သူပါပဲ ဒါကိုကောင်းကောင်းကြီးသိတဲ့ ဘဲလ်ဒေ့ဗ်ဟာလည်း သူ့ကိုပဲ နိုင်ငံရေးအမွေပေး အဲ့ဒိနောက်မှာတော့ သားအရင်းဖြစ်သူဗီဗန်း၏ မကျေနပ်မှုတွေကြောင့် အာယွရှ်နဲ့ ဗီဗန်းထိပ်တိုက်တွေ့ဖို့ဖန်လာသောအခါ ------ ဇာတ်လမ်းအညွှန်းနဲ့ဘာသာပြန်သူကတော့ Zaw Htoo ပဲဖြစ်ပါတယ်…. File Size : (950 MB) and (480 MB) Quality : AMZN WEB-DL 720p Running Time : 2hr 21min Format : Mp4 Genre : Action, Drama Subtitle : Myanmar Subtitle (Hard Sub) Source : 1080p.AMZN.WEB-DL.DD+5.1.x264-Telly Translated by Zaw Htoo Encoded by Thanhtike Zaw

Mirzapur(2018/2020)SE1/SE2 အညွှန်း စ/ဆုံး (ဒီစီးရီး တခြားအိန္ဒိယကားတွေနဲ့ ကွဲပြားလိမ့်မယ်လုိ့ထင်ပါတယ်...Overတွေမပါသလို ရွေးကောက်ပွဲမတိုင်ခင် မဲဆွယ်ကာလနဲ့စတင်ပြီး မူးယစ်ဂိုဏ်းတွေ၊လူမိုက်ပေါင်းစုံတွေ ခရိုနီတွေနဲ့ အာဏာရဖို့အရေး နည်းမျိုးစုံနဲ့ကြိုးစားတဲ့သူတွေနဲ့ဖွဲ့စည်းထားပြီး အတော်ကြီးကိုကြမ်းပါတယ်...) တရးဥပဒေစိုးမိုးမှုမရှိတဲ့ မီဇာပူးမြို့မှာမီလျံနာသူဌေးတစ်ဖြစ်လဲ မာဖီယားဂိုဏ်းစတားဖြစ်သူ အခန်ဒနန် ထရီပါသီ ဟာသြဇာအာဏာကြီးမားပြီး တစ်မြို့လုံးကိုချုပ်ကိုင်ထားတယ်... သူ့ရဲ့တစ်ဦးတည်းသောသားဖြစ်သူ မူနာ ထရီပါသီ ကတော့ အရည်အချင်းမရှိ ဖခင်ဖြစ်သူရဲ့အမွေစရိုက်အရာနဲ့ထိုက်တန်ခြင်းမရှိဘဲ အာဏာပါဝါ မက်မောတမ်းတနေတဲ့လူတစ်ယောက်... သူဟာမင်္ဂလာပွဲတစ်ခုရဲ့အဖြစ်အပျက်တစ်ခုကြောင့် ရိုးဖြောင့်မှန်ကန်တဲ့ရှေ့နေတစ်ဦးဖြစ်သူ ရမခန်ပါဒစ် နှင့် သူ့သားများဖြစ်ကြတဲ့ ဂူဒူနဲ့ဘာလူး တို့မိသားစုနဲ့ရင်ဆိုင်လာရတော့တယ်.. .ဂူဒူနဲ့ဘာလူးတို့ဟာ သူ့အဖေကိုမီပူဇာမြို့ဘုရင်ရဲ့သားဖြစ်သူရဲ့ အနှောင့်အယှက်အန္တရာယ်ပေးမှုအောက်မှ ကာကွယ်ဖို့အတွက် မီပူဇာမြို့ဘုရင် အခန်ဒနန်ထရီပါသီရဲ့လက်အောက်မှာ အလုပ်လုပ်ဖို့ဆုံးဖြတ်ခဲ့ကြတယ်. .ဒီလိုလောကမျိုးကြီးဟာ ဝင်ပြီးရင်ပြန်ထွက်မရဘူးဆိုတာသူတို့သိပေမယ့် အဖေကိုလဲကာကွယ်နိုင် ငွေလဲအလွယ်တကူရှာနိုင်မှာဖြစ်တဲ့အတွက် မျက်စိစုံမှိတ်ကာညီအစ်ကိုနှစ်ယောက် ရှေ့ဆက်တိုးခဲ့ကြတဲ့ပြီး မီပူဇာမြို့ဘုရင်ကြီးရဲ့ ခြင်္သေ့များဖြစ်လာကြတဲ့အခါမှာတော့... (၁၉)ပိုင်းထွက်ရှိထားပါတယ်..တစ်ရက်တစ်ပိုင်းတင်ဆက်ပေးသွားပါ့မယ်... Quality – WEB-DL  720p Duration – 60Min (@Episode) Subtitle – Myanmar Hardsub Format – Mp4 Genres- , Action ,Crime ,Drama Translated by Zwel Zan Aung ,Paing ,& MarTizas Encoder – Phyo Pyae

၂၀၁၆ ခုနှစ်ထွက် Happy Bhag Jayegi ရဲ့ နောက်ဆက်တွဲဖြစ်ပြီး ပထမကားမှာ ပါကစ္စတန်မှာ ကြုံခဲ့ရတဲ့ အလွဲတွေကနေ ဒီတစ်ခါ တရုတ်ပြည်ဘက်ကို ရောက်လာပါတယ်။ ဇာတ်လမ်းထဲမှာ ဟတ်ပီးလို့ နာမည်တူတဲ့ ကောင်မလေးနှစ်ယောက်ရှိတယ်။ တစ်ယောက်က လူဆိုးဂိုဏ်း အလိုရှိနေတဲ့ ဟတ်ပီးဖြစ်ပြီး နောက်တစ်ယောက်က ရုက္ခဗေဒပညာရှင် ပရော်ဖက်ဆာ ဟတ်ပီးပါ။ တရုတ်လူဆိုးဂိုဏ်းက လေဆိပ်မှာ ပရော်ဖက်ဆာဟတ်ပီးကို လူမှားပြီး ဖမ်းသွားမိရာက ပြဿနာတွေ စတော့တာပါပဲ။ ပရော်ဖက်ဆာဟတ်ပီးက လိုက်ဖမ်းသူတွေလက်က အသက်လုပြေးနေရချိန်မှာ နောက်ဟတ်ပီးတစ်ယောက်ကတော့ ဘာဖြစ်နေမှန်းမသိဘဲ မိန့်ခွန်းတွေ ပြောနေပါတယ်။ နာမည်တူလို့ လူမှားသွားတဲ့ကိစ္စက အဲဒီမှာတင် မရပ်ဘဲ နောက်ထပ်အထင်လွဲမှုတွေ၊ အမှားတွေ တစ်ဆင့်ပြီးတစ်ဆင့် ဆက်ဖြစ်လာပါတော့တယ်။

ဒီတစ်ခါမှာတော့စီအမ်ပရိတ်သတ်တွေအတွတ်ဘောလိဝုကားလေးတစ်ကားနဲ့မိတ်ဆက်ပေးချင်ပါတယ်။ Fukrey Returns (2017) ဆိုတဲ့ ဟာသကားလေးပါ။ IMDb rating 6.8/10 ရထားတာဆိုတော့ဒီလောက်ကြီးညွှန်းစရာမလိုတော့ပါဘူး။ ဒါပေမယ့်ဘောလိဝုပေါကားလေးတစ်ကားလို့လည်းသတ်မှတ်လို့တော့ရပါတယ်။ ပေါကားဆိုပေမယ့်ဇာတ်လမ်းထဲမှာပြောတဲ့စကားလုံးတွေကမြန်မာပေါကားတွေလိုအောက်ပိုင်းပြက်လုံးတွေနဲ့ရူးတူးတူးစကားလုံးတွေမဟုတ်ပါဘူး။ ဇာတ်လမ်းရဲ့ဖြစ်စဉ်ထဲမှာပဲအလွဲလွဲအချော်ချော်လေးတွေဖြစ်သွားရင်းနဲ့ရယ်ရမယ့်ဟာသမျိုးတွေပါ။ မြန်မာတွေအတိုင်းပဲအိမ်မက် မက်တဲ့ဟာလေးကိုအတိတ်ကောက်ပြီး၂လုံး၃လုံးထိုးကြသလိုဒီဇာတ်လမ်းလေးထဲမှာလည်းကောင်လေးတစ်ယောက်ရဲ့အိမ်မက်နဲ့လူငယ်လေးယောက်ကံစမ်းရင်းပိုက်ဆံတွေအများကြီးရလာပါတယ်။ အဲ့အချိန်ကောင်မလေးတစ်ယောက်ကလည်းသူတို့လေးယောက်နဲ့ပူးပေါင်းပြီးအလုပ်အတူတူလုပ်ခဲ့ကြပေမယ့်ကောင်လေး၄ယောက်ရဲ့ထောင်ချောက်ဆင်ခံရမှုကြောင့်ထောင်ကျသွားခဲ့ပါတယ်။ ထောင်ကလွတ်ဖို့နိုင်ငံရေးသမားတစ်ယောက်နဲ့ကတိလုပ်ပြီးပြန်လွတ်လာချိန်မှာကောင်လေး၄ယောက်ဆီကနေအကြွေးပြန်တောင်းပါတော့တယ်။ တစ်ဖက်ကကောင်လေးတွေမှာလည်းလုပ်ငန်းတစ်ခုလုပ်ကိုင်ရင်းနဲ့မီလီယံပေါင်းများစွာအရှုံးပေါ်နေခဲ့ပါတယ်။ အဲ့အချိန်မှာပဲအိမ်မက် မက်တဲ့ကောင်လေးကရတနာပစ္စည်းတွေကိုမြင်မက်လာပါတယ်။ ဒီရတနာပစ္စည်းတွေကသူတို့အတွတ်ရည်မှန်းချက်တစ်ခုဖြစ်လာပါတယ်။ ဒါပေမယ့်တစ်ဖက်မှာလည်းအကြွေးတွေပေးဖို့ရှိနေတော့ဒီရတနာတွေကိုရှာဖို့အကြောင်းဖန်လာပါတော့တယ်။ ဒီရတနာတွေရဖို့ကိုတော့ဘယ်လိုဆက်ကြိုးစားမလဲ ဒီရတနာတွေကဘယ်လောက်တောင်အဖိုးတန်နေလဲ ဒီရတနာတွေကိုရောတကယ်ပဲရလာပါ့မလား ဘယ်လိုအန္တရာယ်မျိုးတွေနဲ့ရင်ဆိုလာရမလဲ စတဲ့မေးခွန်းတွေကိုတော့ဇာတ်လမ်းအဆုံးမှာပရိသတ်ကြီးကအဖြေရှာတွေ့ကြမှာပါ။ဇာတ်လမ်းလေးကိုပေါ့ပေါ့ပါးပါးနဲ့ကြည့်ရှုခံစားရင်းရယ်မောလိုက်ကြပါဦး (ဇာတ်လမ်းအညွှန်းနဲ့ဘာသာပြန်သူကတော့ ကိုနေမျိုးပါ) File Size : (999 MB) and (400 MB) Quality : WEB-DL 720p Running Time : 2hr 21min Format : Mp4 Genre : Comedy Subtitle : Myanmar Subtitle (Hard Sub) Source : 1080p.WEB-DL.H264.AAC2.0-DTOne Translated by Nay Myo Encoded by Thanhtike Zaw

ဒီနေ့အတွက် ဇာတ်လမ်းကောင်းလေးတစ်ခုကို တင်ပေးချင်ပါတယ်။ ဒီဇာတ်လမ်းဟာ တရုတ်ပြည်ကနေစတင်ထားပြီး အနောက်အရပ်ဖြစ် တဲ့ အိန္ဒိယကို တရားရှာသွားတဲ့ဇာတ်ကားတစ်ကားပါတယ်။ နာမည်ကြီး Journey to The West ဇာတ်ကားတွေကို ကြိုက်နှစ်သက် တဲ့သူတွေ အတွက်တော့ လုံးဝကို လက်မလွှတ်တန်းကြည့်ရှုသင့်တဲ့ကား ကောင်းလေးပါ။ ရှန်ကျွမ်းဆိုတဲ့ ဘုန်းကြီးတစ်ပါးဟာ ကလေးဘဝတုန်းက သူနေထိုင်ရာမြို့ မှာ ရေကြီးမှုကြောင့် အသက်ဘေးကင်းလွတ်အောင် မိခင်ကရေစီးအတိုင်း လုံခြုံစွာမျောချလိုက်ရာကနေ ဘုန်းကြီးကျောင်းဆီသို့ တန်းတန်းမတ်မတ် ရောက်သွားပြီး . ကလေးဘဝထဲကဘုန်းတော်ကြီးအဖြစ် ကြီးပြင်းလာရသူပါ။ သူဟာ ဗုဒ္ဓ္ဓ္ဓ္ဓ္ဓကိုအလွန်ကိုးကွယ်ယုံကြည်ပြီး တရားတော်ကိုလေ့လာဆည်းပူး ရာမှာ တရုတ်ပြည်မှာရှိတဲ့ တရားတော်တွေဟာ လူတွေရဲ့လိုရာပြုပြင်ထား မှုတွေကြောင့် တရားအစစ်အမှန်မဟုတ်တာကို သဘောပေါက်ပြီး . တရားစစ် တရားမှန်တွေရှိမယ့် အနောက်အရပ်ကို တရားရှာဖို့ဆုံးဖြတ်ခဲ့ပြီး စတင်ထွက် ခွာခဲ့ပါတယ်။ အဲ့ဒီခေတ်အချိန်အခါမှာ ဘုရင်က အနောက်အရပ်သွားခြင်းကို တားဆီးထားမှုကြောင့် လမ်းခရီးမှာမြောက်များစွာသော ခက်ခဲမှုတွေနဲ့ရင်ဆိုင် ကြုံတွေ့ခဲ့ရပါတယ်။ ရာသီဥတုဘေးဆိုများ . ဘုရင်ရဲ့တားဆီးမှုများ အပြင် တစ်ခြားသောအခက်အခဲတွေဟာ သူ့ကိုတားဆီပိတ်ပင်ပင်မယ့် အသက်ကို ရင်းပြီး ရှာဖွေမှုကို တစ်မေ့တစ်မောရင်သက်ရှုမောဖွယ်ရာကြည့်ရှုရမှာပါ။ Quality….. BluRay_720p Duration….. 01 hr 3 min File Size… (800 MB) Translator…. Cho Qiao Encoder….. San Win Maung

ဟက်ပီးက ဖျတ်လတ်တက်ကြွပြီး ဘဝကို အပူအပင်နည်းနည်းနဲ့ ပျော်ပျော်နေတတ်တဲ့ အိန္ဒိယကောင်မလေးတစ်ယောက်ပါ။ သူရှိတဲ့နေရာမှာ ပတ်ဝန်းကျင်ကလူတွေပါ ပျော်လာတတ်ပေမယ့် ကိုယ်မချစ်တဲ့သူနဲ့ အတင်းပေးစားခံရတဲ့အခါတော့ ဒီအတိုင်း လက်မခံနိုင်တော့ဘူး။ သူ့ချစ်သူနောက်ကို လိုက်ပြေးဖို့ ဆုံးဖြတ်ပြီး မင်္ဂလာပွဲနေ့မှာပဲ ထွက်ပြေးခဲ့ပါတယ်။ ပြတင်းပေါက်ကနေ ခုန်ချပြီး သူ့ကိုလာခိုးတဲ့ကားပေါ် လိုက်သွားပြီလို့ ထင်ထားပေမယ့် ကားက မှားနေတယ်။ အဲဒီအလွဲတစ်ခုကြောင့် အိန္ဒိယကနေ ပါကစ္စတန်နိုင်ငံထဲအထိ ရောက်သွားပါတော့တယ်။ ချစ်သူဆီရောက်ဖို့ ထွက်လာတဲ့ ဟက်ပီးအတွက် မထင်ထားတဲ့ အခက်အခဲတွေနဲ့ အလွဲတွေ ဆက်တိုက်ကြုံရတော့မှာပါ။ သူ့အဖြစ်အပျက်တွေကို ဟာသနဲ့ ပြောပြရင်း အိန္ဒိယနဲ့ ပါကစ္စတန်ကြားက ဆက်ဆံရေးကိုလည်း အနည်းငယ် ထည့်သွင်းထားပါတယ်။ ဘဝကို ပေါ့ပေါ့ပါးပါး ဖြတ်သန်းတတ်တဲ့ သူ့စိတ်နေစိတ်ထားက ဒီအလွဲတွေနဲ့ တွေ့တဲ့အခါ ဘယ်လိုဖြစ်လာမလဲဆိုတာ ဆက်ကြည့်ရမှာပါ။

အသဲကွဲပြီး ဇာတ်လမ်းအသစ်ရှာဖို့ ခရီးထွက်လာတဲ့ စာရေးဆရာ.... လူသေကောင်နဲ့ နှစ်ပါးသွားနေတဲ့ ညှို့ဓါတ်ပြင်း မိန်းကလေး.... သူတို့နှစ်ယောက် မကောင်းဆိုးဝါး တည်းခိုခန်း တစ်ခုတည်းမှာ တွေ့ဆုံကြသောအခါဝယ်......။ File size...(950MB) Quality...DVD-Rip 720p Format...mp4 Duration....01:58:13 Subtitle....Myanmar Subtitle (Hardsub) Encoder....Nyeinsaeya Aung

Fast and Furious ရုပ်ရှင်ကားတွေအကုန်လုံးကို 4K DD.5.1 Quality နဲ့  Extended Version တွေချည်း တင်ဆက်လိုက်ပါတယ်... ဒီမှာ  https://www.channelmyanmar.to/category/special-package/fast-and-furious/ ကြည့်ပါ။ Family အဓိက...ဘော်ဒါအဓိကဆိုတဲ့ Fast & Furious Franchise ဟာ ရုပ်ရှင်ထွက်လာလိုက်တိုင်း Box Office ဝင်ငွေကြမ်းခဲ့တာချည်းပါပဲ။ 1. The Fast & The Furious (2001) - $ 207 M 2. 2 Fast 2 Furious (2003) - $ 236 M 3. The Fast & The Furious : Tokyo Drift (2006) - $ 158 M 4. Fast & Furious (2009) - $ 360 M 5. Fast Five ( 2011 ) - $ 626 M 6. Fast & Furious 6 ( 2013 ) - $ 788 M 7. Furious 7 (2015) - $ 1.515 B 8. The Fate Of The Furious (2017) - $ 1.236 B 9. Fast & Furious Presents: Hobbs & Shaw ( 2019 ) - $ 760 M 10. F9 ( 2021 ) - $ 726 M 11. Fast X (2023) - $ 714 M +++++++++++++++++++ Furious 7 (2015) IMDb Rating (7.1) / Rotten Tomatoes (82%) Review မလုပ်ခင် တစ်ခုပြောချင်တာက ဒီကားက ၂ပတ်အတွင်းမှာတင် US မှာ သန်း ၂၆၀ ကျော်သွားပြီဖြစ်သလို၊ World Wide မှာ အပို သန်း ၇၀၀ နဲ့ စုစုပေါင်း သန်း ၁ထောင်ကျော်သွားပါပြီ။ ၂ပတ်အတွင်းမှာ မှာတင် All Time ဝင်ငွေအကောင်းဆုံးစာရင်းမှာ နံပါတ် ၂၀ ဖြစ်သွားပြီး၊ ဒီအတိုင်း ဆက်သွားရင် ထိပ်ဆုံး ၅ ကားစာရင်းဝင်မှာဖြစ်ပါတယ်။ ဒီကားက မင်းသား Paul Walker ရဲ့ နောက်ဆုံး ဇာတ်ကားဖြစ်ပြီး၊ Fast & Furious ဇာတ်လမ်းတွဲရဲ့ ၇ကားမြောက်ဖြစ်ပါတယ်။ ဒီစီးရီးက Fast 5 ကနေစပြီး ဇာတ်လမ်း ပုံစံပြောင်းလိုက် ပြီးတဲ့နောက်မှာမှ လူတွေပိုစိတ်ဝင်စားလာတာ တွေ့ရပါတယ်။ ပထမသုံးကားက ကားပြိုင်တဲ့ ဇာတ်လမ်းတွေပဲဖြစ်ပြီး နံပါတ်လေးမှာ Tokyo Drift ဒါရိုက်တာ Justin Lin က နေ လူစိတ်ဝင်စားလာအောင် ပုံစံပြောင်း ရိုက်ကူးခဲ့ပြီး Fast Five က ဒီစီးရီးရဲ့ အကောင်းဆုံး ဇာတ်ကား အဖြစ် ပရိတ်သတ်တွေ လက်ခံထားကြပါတယ်။ ဒီ Fast & Furious ကားတွေ က Birdman တို့ American Sniper တို့လို ဇာတ်လမ်းပိုင်း ကောင်းမကောင်း ဝေဖန်ဖို့ မလွယ်ပါဘူး။ ဘာလို့လည်းဆိုတော့ ဒီကားက ဇာတ်လမ်းကောင်းလို့ပြောဖို့ထက်၊ Action ကားကောင်းလို့ပဲ ပြောလို့ရပါတယ်။ အခု Furious 7 ကလည်း အက်ရှင်တွေ၊ ပြိုင်ကားတွေ၊ သေနတ်၊ ဗုံး စတာတွေ အများအပြားပါသလို၊ ကြည့်လို့လည်း ကောင်းတဲ့ ဇာတ်ကားတစ်ကားဖြစ်ပါတယ်။ ဒါပေမယ့် Visual Effect နဲ့ Action ကိုပဲ အားကိုးထားတာတော့မဟုတ်ပါဘူး။ သူ့မှာ စိတ်ဝင်စားစရာ ဇာတ်ကွက်၊ လူရှိန်လောက်တဲ့ ဗီလိန် တွေပါသလို ဗီလိန်တွေရဲ့ ဇာတ်ကောင်ကလည်း အဓိပ္ပာယ်ရှိပါတယ်။ Transformer ကားတွေလို လုံးဝယုတ္တိမရှိတာမျိုးမဟုတ်ပါဘူး။ ဇာတ်လမ်းမပြောခင် Fast & Furious ဇာတ်ကားတွေရဲ့ အစီစဉ်က The Fast & the Furious, 2 Fast 2 Furious, Fast & Furious (2009) နံပါတ်လေးကားမြောက်ပါ ပြီးတော့မှ Fast Five, Fast & Furious 6, Tokyo Drift (2003), နဲ့ အခု Furious 7 တို့ဖြစ်ပါတယ်။ နံပါတ်ခြောက်မှာ သူတို့ နှိမ်နင်းပေးခဲ့တဲ့ Owen Shaw ရဲ့ အကို Deckard Shaw (Jason Statham) က သူ့ညီအတွက် လက်စားချေဖို့ သူတို့အဖွဲကို တစ်ယောက်ပြီးတစ်ယောက် လိုက် နှိမ်နင်းပါတယ်။ ပထမဆုံးအနေနဲ့ Han ကို Tokyo မှာ သတ်လိုက်ပြီးနောက် Dom ရဲ့ အိမ်ကို ဗုံးခွဲခဲ့ပါတယ်။ ဒါကြောင့် Dom က Deckard Shaw ကို လက်တုန့်ပြန်ရမှာဖြစ်သလို သူတို့ ကို လိုက်သတ်နေတာကိုလည်း ကာကွယ်ရမှာဖြစ်ပါတယ်။Deckard Shaw က British Special Forces က Black Ops Assassin တစ်ဦးဖြစ်ပါတယ်။ သူ့ကို အစိုးရကလည်း လိုချင်နေပြီး အခုထိရှာလို့မတွေ့သေးပါဘူး။ ဒီနေရာမှာ U.S အစိုးရဘက်က လူတစ်ယောက် (Kurt Russell)က Dom ကို အလုပ်တစ်ခု ခိုင်းလာပါတယ်။ British Hacker တစ်ယောက်က တစ်ကမ္ဘာလုံးမှာ ရှိသမျှ ကင်မရာ ဆဲလ်ဖုန်းတွေ ကို ဟက်လုပ်နိုင်တဲ့ Chipset လေးတစ်ခု ထွင်ထားပြီး အဲ့ဒီ ဟက်ကာကို လူဆိုးလက်က ပြန်ကယ်ပေးရမှာ ဖြစ်ပါတယ်။ တကယ်လို့ ကယ်နိုင်ရင် Shaw ကို ဒီ Chipset ရဲ့ အကူအညီနဲ့ ရှာပေးမှာဖြစ်တယ်လို့ ကတိပေးပါတယ်။ ဇာတ်လမ်းက တော့ ထုံးစံအတိုင်း ကားတွေ၊ ထွေလာထဲမှာပါသလို စတန့်တွေနဲ့ ပဲ ပြီးသွားတာဖြစ်ပါတယ်။ Action Scene တွေက ကောင်းပေမယ့် ဇာတ်လမ်းက တော့ Fast Five လောက်မကောင်းလှပါဘူး။ တစ်ခု ထူးထူးခြားခြားကောင်းတာက၊ ဇာတ်လမ်းအစကတည်းက Brian (Paul Walker) က မိသားစုဘ၀ ကို ပျင်းရိနေတဲ့ ပုံစံပြထားသလို၊ ဇာတ်လမ်းတစ်လျှောက်မှာလည်း မိန်းမနဲ့ ခွဲသွားရတော့ မယ်ဆိုတဲ့ အရိပ်အယောင်လေးတွေပြထားပါတယ်။ ဒီနေရာမှာ ဒါရိုက်တာ James Wan နဲ့ Justin Lin ကွဲသွားတာ သိသာပါတယ်။ Justin Lin က အက်ရှင်ကို ဦးစားပေး ပြီး အက်ရှင်ကားကောင်းတွေ နဲ့ လိုက်ဖက်တဲ့ ဇာတ်လမ်း မျိုးရွေးချယ်ပေမယ့်၊ James Wan ကတော့ ဒီကားမတိုင်ခင်အထိမှာ Horror ကားတွေပဲ ရိုက်ကူးထားပါတယ်။ Saw, Conjuring, Insidious စတဲ့ ဇာတ်ကားကောင်းတွေ ရိုက်ကူးထားဖူးလို့ ဇာတ်ကားမှာ ဗီလိန်ကောင်းကောင်း ကို ဇာတ်လမ်းနဲ့ကိုက်အောင် အသုံးချတတ်ပါတယ်။ ဒီကားမှာပါတဲ့ Vin Diesel နဲ့ The Rock တို့ လို ဇာတ်ကောင်မျိုးတွေ အတွက် လောက်လောက်လားလား ဗီလိန် ဆိုတာရှားပါးလှပါတယ်။ သူတို့နှစ်ယောက်ကို ယှဉ်ပြီး ချနိုင်ဖို့ ဒုက္ခပေးနိုင်ဖို့ အတွက် အဓိက ဗီလိန် Jason Statham ကို ရွေးထားတာ မှန်ကန်ပြီး ဇာတ်လမ်းအရလည်း အံဝင်ပါတယ်။ Jason ကလည်း ဒီလို ဇာတ်ရုပ်မျိုးတွေပဲ သရုပ်ဆောင် လေ့ရှိတာဖြစ်ပြီး၊ သူရဲ့ Martial Art Skill ကို သူနဲ့တွဲရိုက်သမျှထဲမှာ ယှဉ်နိုင်တာ Jet Li တစ်ယောက်ပဲရှိပါတယ်။ ဒီကားမှာဆိုလည်း သူက Vin Diesel တို့ The Rock တို့ ကိုအသာလေး အနိုင်ယူနိုင်ပေမယ့်၊ ဇာတ်လမ်းအရ သူက တော်တော်နှေးပေးထားရပါတယ်။ နောက်ထပ်တစ်ဦးဖြစ်တဲ့ Ong Bak မင်းသား Tony Jaa ကတော့ ဇာတ်လမ်းမှာသိပ်မပါရပေမယ့် ပါရတဲ့အခန်းမှာတော့ သရုပ်ဆောင်မဆိုးဘူးလို့ဆိုရပါမယ်။ ဇာတ်လမ်းက သာမန်ပဲဖြစ်ပေမယ့် ဇာတ်လမ်း တစ်ခုလုံးမှာ နောက်ဆုံး Scene လေးက ပရိတ်သတ်ရင်ကို ထိမှန်စေတဲ့ အခန်းလေး တစ်ခန်းပါပြီး၊ ဒီတစ်ခန်းထဲနဲ့တင် ဇာတ်ကားရဲ့ ဟာကွက်တွေကို ခွင့်လွှတ်ပေးလို့ရပါတယ်။ ဒီဇာတ်ဝင်ခန်းအကြောင်း ပြောရင်တော့ Spoiler လို့ပြောလို့ရပေမယ့်၊ ရုပ်ရှင် မထွက်ခင်ကတည်းက ဒါရိုက်တာ James Wan က Paul Walker ရဲ့ ဇာတ်ကောင်ကို ဇာတ်လမ်းထဲမှာ သေခိုင်းမှာ မဟုတ်ဘူးလို့ဆိုထားပါတယ်။ Studio က ဇာတ်လမ်းထဲမှာပါ ဇာတ်ကောင်ကို သေခိုင်းဖို့ လုပ်ထားပေမယ့်၊ James Wan ရဲ့ ဇာတ်သိမ်းလေးက ပိုကောင်းပါတယ်။ ဟုတ်ပါတယ် Brian O'Conner (Paul Walker) က နောက်ဆုံးမှာ မိသားစုနဲ့အတူ ကမ်းစပ်မှာ ရေကစားနေပြီး၊ သူတို့နှစ်ယောက်ကို Dom (Vin Diesel), Letty (Michelle Rodriguez), Roman (Tyrese Gibson), Tej (Ludacris) နဲ့ Ramsy တို့က နောက်ကနေ ကြည့်နေကြပြီး၊ ဒါနောက်ဆုံးပဲဆိုတဲ့ ခံစားချက်တွေ သူတို့မျက်နှာ်မှာပေါ်လွင်ပါတယ်။ အပြင်မှာ တကယ်သေသွားပြီဖြစ်တဲ့ Paul က နောက်ထပ်ဇာတ်ကားတွေမှာ ပါဝင်နိုင်တော့မှာမဟုတ်သလို၊ ဒီ ဇာတ်ဝင်ခန်းလေးက သူတို့ နောက်ဆုံး နုတ်ဆက်တဲ့ဇာတ်ဝင် ခန်းလေးဖြစ်တာနဲ့အညီ Vin Diesel နဲ့ Tyrese Gibson တို့ရဲ့ မျက်နှာ်မှာ ဝမ်းနည်းနေတာ၊ အရမ်းသိတာသလို၊ တကယ့် ဝမ်းနည်းဖို့လည်းကောင်းပါတယ်။ ကျွန်တော်ပြောတာနဲ့တင်မလုံလောက်ပဲ ဇာတ်ကားကို ရုံမှာသွားကြည့်သင့်ပါတယ်။ No Sex, No Nudity ဆိုပေမယ့် ထုံးစံအတိုင်း ဘီကီနီ နဲ့မိန်းကလေးတွေ တော့ ပါပါတယ်။ မိသားစုတူတူ ကြည့်နိုင်ပါတယ်။ ဒီကားထဲမှာ နောက်ဆုံး ဇာတ်ဝင်ခန်းက အကောင်းဆုံး လို့ပြောလို့ရသလို၊ ပထမဆုံး Jason Statham နဲ့ The Rock ရဲ့ Fight Scene ကလည်း တစ်ကားလုံးမှာ အကောင်းဆုံး Fight Scene လို့ပြောလို့ရပါတယ်။ အဲ့ဒီအခန်းမှာ The Rock က Jason ကို Smack Down သုံးပြီး ချတာ လည်းပါပြီး၊ ရုံမှာကြည့်ရတာပိုမိုက်ပါတယ်။ (ရုပ်ရှင်အညွှန်းကို Movies For Myanmar ရုပ်ရှင်မိတ်ဆက် Facebook Page မှ ကူးယူတင်ပြပါသည်။) File Size : (8.4 GB) /(2.6 GB) / (1.4 GB) Quality : BluRay 4K HEVC/ 1080p HEVC/ 720p Running Time : 2hr 17 min Format : Mkv/Mp4 Genre :Action, Crime, Thriller Subtitle : Myanmar Subtitle (Hard Sub) Translated by Thar Htet Encoded by Phyo Pyae/Ka Naung

IMDb rating 5.5 ရရှိထားပြီး ၂၀၁၄ ခုနှစ်ကထွက်ရှိထားတဲ့ ဘောလိဝုဒ် အချစ်ဟာသကားလေးကိုတင်ဆက်ပေးလိုက်ပါတယ် ဇာတ်လမ်း အကျဉ်းလေးကတော့ ဘော်ဘီ ဟာ ဟိုက်ဒရာဘတ် မြို့ဟောင်းမှာနေထိုင်သူတစ်ယောက်ဖြစ်ပြီးတော့ စုံထောက်အလုပ်ကို ရူးသွပ်သူတယောက်ဖြစ်ပါတယ် ပြီးတော့ သူစုံထောက်လုပ်ခြင်တာက သူ့အဖေ သက်သေမပြနိုင်ခဲ့တဲ့ အမှုကို ဆက်လက်စုံစမ်း ဖော်ထုပ်ခြင်တာကြောင့်လဲဖြစ်ပါတယ် နောက်ဆုံးမှာတော့ သူဟာာ ချမ်းသာတဲ့ အလုပ်ရှှုင်တယောက်နဲ့ ချိတ်ဆက်မိပြီး ငွေကြေးမြောက်မြားစွာပေးကာ သူ့သမီး၂ယောက်ကို စုံစမ်းခိုင်းတဲ့ အခါမှာတော့ ဘယ်လို ဟာတွေက ယုန်ထောင်ကြောင်မိ ပေါ်လာလေမလဲ ဆိုတာကို အလွဲလွဲအချေျာ်မချော်တွေနဲ့ ဟာသဆန်ဆန် ရိုက်ကူးထားတာကြောင့် ဘောလိဝူဒ်ဇာတ်မြူးကြိုက်တဲ့ ပရိတ်သတ်ကြီးအနေနဲ့ကတော့ ကြည့်သင့်တဲ့ဇာတ်ကားတစ်ကားပါပဲဗျ :D

IMDb (8.4/10) /Rotten Tomatoes (100%) December 23, 2009 (USA) မှာ ရုံတင်ပြသခဲ့ပြီး Director: Rajkumar Hirani ရိုက်ကူးထားတဲ့ 3 Idiots အမည်ရှိ India ဟာသ ရုပ်ရှင်ကားလေးဟာ ဟာသ တစ်ခုထဲတင်မကပဲ Aamir Khan ရိုက်ကူးလေ့ရှိသော ဇာတ်ကောင်များအတိုင်း ပရိတ်သတ်ကို အတွေးသစ်အမြင်သစ်နဲ့ ထိုးထွက်လာသော ရုပ်ရှင်ကားကောင်းတစ်ခုဖြစ်ပါတယ်... မိဘတွေဟာ သားသမီးတွေအပေါ် ငယ်စဉ်ကတည်းက အရမ်းမျှော်လင့်ချက် ရှိကြတယ် လမ်းမှားမသွားအောင်လို့ ပဲ့ပြင်ဆုံးမကြတယ်...ဒါ့အပြင် အရှေ့တိုင်းမိဘတော်တော်များများမှာ သူတို့သားသမီးကို ဆရာဝန်ကြီး အင်ဂျင်နီယာကြီး စတဲ့ လူကြိုက်များတဲ့ပညာရပ်ကိုသာလေ့လာစေချင်ကြတယ်။ ဒါပေမယ့် ကလေးတွေဖက်ကနေ သူတို့ ဘာဖြစ်ချင်ပါတယ်ဆိုတာကို ဘယ်သူမှ မတွေးပေးကြသလို မေးလဲ မမေးကြပါဘူး....သိလဲ မသိချင်ကြသလို စိတ်လဲမဝင်စားကြပါဘူး ကလေးတွေဟာ စက်ရုပ်တွေလိုပဲ မိဘတွေ ဖြစ်စေချင်တဲ့ စီးပွားရေးသမား အစိုးရဝန်ထမ်း ဆရာဝန် အင်ဂျင်နီယာ ရှေ့နေတွေ ဖြစ်လာကြပေမယ့် သူတို့ဝါသနာပါပြီးထူးချွန်နိုင်မယ့် အားကစားလို အနုပညာလို ဘာသာရပ်တွေမှာ မှေးမှိန်ခဲ့ကြရပါတယ်။ ဒီအကြောင်းတွေကို ဒီရုပ်ရှင်လေးမှာ #ရန်ချို #ဖာရ်ဟန်း #ရာဂျူး ဆိုတဲ့ အင်ဂျင်နီယာကျောင်းက သူငယ်ချင်း ၃ ယောက်နဲ့ ပုံဖော်ရိုက်ကူးထားပါတယ်။ ဘယ်ကလာမှန်းမသိ ဘယ်လိုလူမှန်းမသိ လူထူးလူဆန်း ဖြစ်နေတဲ့ ရန်ချို.. ပင်စင်လစာလေး တစ်ပဲခြောက်ပြားနဲ့ လေဖြတ်နေတဲ့ အဖေကို ဆေးကုနေရင်း အမေဖြစ်သူရဲ့ ချာပါတီရောင်းပြီး ရတဲ့ပိုက်ဆံနဲ့ ကျောင်းလခ ပေးရင်း ချို့တဲ့စွာ စာသင်ယူနေရတဲ့ ရာဂျူး... ငယ်စဉ်ကတည်းက အနုပညာကိုဝါသနာပါပေမယ့် ဖခင် ဖြစ်စေချင်တဲ့ အင်ဂျင်နီယာကြီးဖြစ်ဖို့အတွက် မိဘစကား နားထောင်ပြီး ရိုးရိုးကုတ်ကုတ် စာကြိုးစားတတ်သူ ဖာရ်ဟန်း... သူတို့ ၃ ယောက်ဆုံကြတာက နာမည်ကြီး အင်ဂျင်နီယာကျောင်းတစ်ခုမှာ... ရက်စက်ပြီး စက်ရုပ်လိုနှလုံးသားနဲ့ စည်းကမ်းကြီးတဲ့ ကျောင်းအုပ်ကြီးလက်အောက်မှာ သူတို့ ၃ ယောက် ကိုယ့်ဝါသနာနဲ့ပညာရပ်တွေကို ဘယ်လိုပုံဖော်ကြမယ်ဆိုတာ ကြည့်ရှုရမှာပါ...။ ဆုတွေတစ်သီကြီးရရှိထားတဲ့ ဒီဇာတ်ကားဟာ အိန္ဒိယရဲ့အကောင်းဆုံးဇာတ်ကားထဲက တစ်ကားဖြစ်ပြီး အတွေးအမြင်တွေကို သမားရိုးကျကနေ လူသားဆန်ဆန်ဖောက်ထွက်သွားနိုင်တာမို့ ကြည့်ပြီးရင် သိမ်းထားရမယ့်ဇာတ်ကားမျိုးပါပဲ။ BluRay 4K HEVC , 1080p ,720p Quality တွေနဲ့သိမ်းထားရအောင် ပြန်လည်တင်ဆက်ထားပါတယ်။ (သီချင်းတွေကအစ ခံစားပြီး ဘာသာပြန်တင်ဆက်ထားသူများကတော့ Nyi Koe & Myint Thu တို့ပဲဖြစ်ပါတယ်။) File size…(4.3 GB ) / (3 GB) / (1.7 GB) Quality…BluRay 4K HEVC / 1080p / 720p Format…mp4 Duration….02:51:07 Subtitle….Myanmar Subtitle (Hardsub) Encoder….Nyeinsaeya Aung Translated by Nyi Koe & Myint Thu