Aruldoss ပါဝင်သော ဇာတ်ကားများ

Nooru Saami (2026) ခရောင်းလမ်း အမျိုးသမီးတွေရဲ့ဘဝကို ထင်ဟပ်ပြနေပြီး ဖြစ်ရပ်မှန်ကိုအခြေခံထားတဲ့ တမီလ်စကားပြော မိသားစုဒရာမာရုပ်ရှင်ကောင်းလေးကိုတင်ဆက်ပေးလိုက်ပါတယ်။ ဆဲလ်ဗီဟာ အကြောင်းတခုကြောင့် ခင်ပွန်းဖြစ်သူကို ဆုံးရှုံးလိုက်ရတဲ့ ကျေးလက်နေ မုဆိုးမတယောက်ဖြစ်ပါတယ်။ သူဟာ ကျန်ရစ်ခဲ့တဲ့ သူ့သားနှစ်ယောက် သာယာတဲ့အနာဂတ်ရရှိစေဖို့ အလုပ်တွေကြိုးစားပြီး တစ်ယောက်တည်း ရုန်းကန်ပြုစုပျိုးထောင်ခဲ့ပေမဲ့ တစ်ကိုယ်တည်းဖြစ်နေတဲ့ မုဆိုးမဖြစ်တာကြောင့် ပတ်ဝန်းကျင်ရဲ့ နှိမ်ချမှုနဲ့ အခက်အခဲပေါင်းစုံကို ခါးစည်းခံခဲ့ရပါတယ်။ နှစ်တွေကြာလို့ နောက်အိမ်ထောင်ပြုဖို့စဉ်းစားတော့လည်း သားကြီးဖြစ်သူက ကန့်ကွက်ပြီး အိမ်က ထွက်သွားခဲ့တာကြောင့် မိသားစုကြား အက်ကြောင်းထင်ခဲ့ရပါတယ်။ နောက်ပိုင်းမှာတော့ သားကြီးဖြစ်သူလည်း မိခင်ရဲ့ နှစ်ပေါင်းများစွာ ရုန်းကန်မှု၊ အထီးကျန်မှုတွေကို နားလည်လာတာကြောင့် မိခင်ကို နောက်အိမ်ထောင်ချပေးဖို့ ကြိုးစားတဲ့အခါ ရှေးရိုးစွဲ ကျေးလက်အသိုင်းအဝိုင်းနဲ့ မိသားစုရဲ့ လက်ခံနိုင်စွမ်းကို ရင်ဆိုင်စိန်ခေါ်ဖို့ဖြစ်လာခဲ့ပါတယ်။ File size… 1.76 GB / 980 MB Quality…WEB DL 1080p HEVC/ 720p Format…mkv/ mp4 Duration…. 2h 11m Subtitle….Myanmar Subtitle (Hard Sub)

Con City 2026 ကဲ ရယ်လည်းရယ်ရ စိတ်ကူးလည်းယဉ်လို့ကောင်းမဲ့ ဘာဘူတို့ရဲ့ ရုံကားကြီး တင်ဆက်‌ပေးလိုက်ပါပြီ ရုံတင်တဲ့ ပထမပတ်မှာတင် ၅ ကုဋေထိ ဝင်ငွေကောင်းခဲ့တဲ့ ဇာတ်ကားကြီး‌ပေါ့ဗျာ ကံကောင်းခြင်းက လူတစ်ယောက်ကို ၃ကြိမ်လာတွေ့တတ်တယ်တဲ့ အဘက်ဘက်က ကြွေးတွေဝိုင်းနေတဲ့အပြင် တွဲနေတဲ့ ကောင်မလေးမိသားစုဘက်က အိမ်အလည်လာတုန်း ကြွေးရှင်တွေလာတောင်းလို့ ငမွဲနဲ့ သဘောမတူဘူးတွေထဖြစ်တဲ့ ဆာရာဗာနာလောက် ကံဆိုးတဲ့လူရှိဦးမလား။ ဒီလောက်ကံဆိုးတဲ့သူ့ဆီ လာရောက်တွေ့ဆုံတဲ့ ပထမကံကောင်းခြင်းက မိုးကြိုးပါပဲ ဟုတ်ပါတယ် ပြေစာရိုက်စက်ကို မိုးကြိုးထိမှန်ပြီး ထူးဆန်းစွာနဲ့ ဒီစက်ထဲကငွေ အဆက်မပြတ် ငွေစက္ကူတွေ ထွက်လာခဲ့ပါတယ် လိုသလောက်ရနေတဲ့ ငွေစက်ကြီးပိုင်ထားပြီး ဒီသတင်းက တစ်မြို့လုံးဆီ ပေါက်ကြားသွားတဲ့အခါမှာတော့....။ File size… 1.5 GB / 823 MB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Karuppu (2026) ကာရပ်ပူ ကုဋေ ၂၀၀ ကျော်ထိ အမြတ်ပြန်ရထားတဲ့ မင်းသားကြီးဆူရီယာရဲ့ တရားရုံးဒရာမာ ရုံတင်ကားသစ်လေးကိုတင်ဆက်ပေးလိုက်ပါတယ်။ သမီးဖြစ်သူရဲ့ အသည်းအစားထိုးကုသမှုအတွက် ရွှေတွေ သယ်ပြီး ချန်နိုင်းကို ရထားနဲ့လာခဲ့တဲ့ သားအဖနှစ်ယောက်ဟာ လမ်းခရီးမှာ သူတို့ရဲ့ ရွှေတွေ အလုခံလိုက်ရပါတယ်။ ရဲစခန်းက သူခိုးတွေကိုဖမ်းမိပေမဲ့ ပြန်ရတဲ့ ကျပ်သားမပြည့်တဲ့ ရွှေတွေကို တရားရုံးကနေတစ်ဆင့်ပဲ ပြန်ထုတ်ပေးမယ်လို့ ပြောလာပါတယ်။ အဲဒီမှာ သူတို့သားအဖဟာ တရားရုံးတစ်ခုလုံးကို ငွေကြေး၊ အာဏာတွေနဲ့ လွှမ်းမိုးခြယ်လှယ်ပြီး ဆင်းရဲသားတွေရဲ့ သွေးစုပ်နေတဲ့ ဘေဘီကန်နန်ဆိုတဲ့ လူမိုက်ရှေ့နေနဲ့ တွေ့ပါတော့တယ်။ ဘေဘီကန်နန်ဟာ ကူညီသယောင်နဲ့ သားအဖနှစ်ယောက်ကို ငွေညှစ်ပြီး အမှုဆွဲဆန့်နေတာကြောင့် သမီးဖြစ်သူ အသက်အန္တရာယ်ဟာ တဖြည်းဖြည်း စိုးရိမ်လာရပါတယ်။ မတရားမှုတွေကြားမှာ လုံးဝမျှော်လင့်ချက်မဲ့သွားတဲ့အခါ အဖေဖြစ်သူဟာ အစောင့်အရှောက်နတ်ဘုရားဖြစ်တဲ့ အရှင်ကာရပ်ပါ ဆီမှာ ဒူးထောက်အကူအညီတောင်းခံလိုက်တဲ့အခါမှာတော့ ကာရပ်ပါဘုရားဟာ လူ့လောကထဲကို ဆာရာဗာနန်ဆိုတဲ့ရှေ့နေအဖြစ် ဖန်ဆင်းပြီး မတရားတဲ့ ဥပဒေစနစ်ကို တရားဥပဒေအတိုင်း ပြန်လည်ရင်ဆိုင်ဖို့ ဖြစ်လာပါတော့တယ်။ File size… 7.6 GB / 2 GB / 1.3 GB Quality…WEB DL 4K / 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Thaai Kizhavi (2026) အမေကြီး Madurai အရပ်က Kadupatti ဆိုတဲ့ ရွာလေးမှာ ပါဗူနူသာယီ ဆိုတဲ့ အဖွားကြီးတစ်ယောက်ရှိပါတယ်။ သူ့ကိုတစ်ရွာလုံးက ကြောက်ရသလို မိသားစုဝင်တွေကလည်း ရိုသေရတဲ့ ဩဇာကြီးမားသူတစ်ဦးပါ။ တစ်နေ့မှာ အဖွားကြီးဟာ လေဖြတ်ပြီး ‌ေ-သအံ့ဆဲဆဲ အခြေအနေဖြစ်သွားပါတယ်။ ထူးခြားတာက အဖွားကြီး‌ေ-သတော့မယ်ဆိုတာကို သိတဲ့အခါ သူ့ရဲ့ သားသမီးတွေနဲ့ ရွာသားတွေက ဝမ်းနည်းမယ့်အစား ပျော်ပွဲရွှင်ပွဲတွေလုပ်ပြီး ပျော်နေကြတာပါ။ ဒါပေမဲ့ ဇာတ်လမ်းက အဲ့ဒီမှာတင် မပြီးသေးပါဘူး။ အဖွားကြီးရဲ့အနှစ်နှစ်အလလက စုဆောင်းထားတဲ့ ရွှေထည်တွေ ဘယ်မှာဝှက်ထားလဲဆိုတာကို သားတွေက မသိကြသေးတဲ့အတွက် အဲ့ဒီရွှေတွေကို ရှာမတွေ့မချင်း အဖွားကြီးကို မ‌ေ-သအောင် နည်းမျိုးစုံနဲ့ ပြန်ပြီးပြုစုကုသကြပါတော့တယ်။ရွှေဘယ်မှာလဲဆိုတာကို သိဖို့အတွက် သားသမီးတွေက အဖွားကြီးကို အတင်းအကျပ် အသက်ဆက်ခိုင်းတဲ့အခါမှာတော့ ဘယ်လိုပေါက်တတ်ကရအလွဲတွေနဲ့ကြုံရမလဲဆိုတာကိုရှုစားကြပါဦးခင်ဗျာ။ File size… 2.39 GB / 1.24 GB Quality…WEB DL 1080p HEVC/ 720p Format…mkv/ mp4 Duration….2hr 24m Subtitle….Myanmar Subtitle (Hard Sub)

Marutham (2025) "လယ်သမားကြီးတစ်ယောက်" တမီးလ်ကျေးလက် ဒရာမာဇာတ်လမ်းလေးကို တင်ဆက်ပေးလိုက်ရပါတယ် ကန်နီရာပန်ဆိုတဲ့ လယ်သမားကြီးက ဇနီးနဲ့ သားဖြစ်သူအတွက် ကြိုးစားလုပ်ကိုင်ရှာဖွေကျေးမွေးနေသူတစ်ယောက်ဖြစ်ပြီး သူ့ရဲ့လုံ့လဝီရိယကြောင့် မိသားစုသုံးယောက် မပူမပင်မကြောင့်မကြ နေထိုင်နိုင်ကြပါတယ် သားလေးကို ဈေးကြီးတဲ့ အင်္ဂလိပ်ကျောင်းမှာပဲ ထားချင်တဲ့အတွက် သူတို့ပိုင်တဲ့လယ်ကွက်လေးကို အပေါင်ခံဖို့ ဆုံးဖြတ်ကြပြီးနောက်မှာ မထင်မှတ်ထားတဲ့ နောက်ကွယ်က ပြဿနာအရှုပ်အရှင်းတွေ ပေါ်လာတဲ့အခါ ဘာတွေဆက်ဖြစ်မလဲဆိုတာကိုတော့ ပရိသတ်ကြီးကပဲ ဆက်လက်ကြည့်ရှုပေးပါဦး File size… 1.6 GB / 800 MB Quality…WEB DL 1080p HEVC/ 720p Format…mkv/ mp4 Duration….1h 43m Subtitle….Myanmar Subtitle (Hard Sub)

Perungobamum (2025) "မညီမျှခြင်း" ဒီတစ်ခါမှာ တမီးလ်စကားပြော ရုပ်ရှင်ကောင်းကောင်းလေးကို တင်ဆက်ပေးလိုက်ပါတယ် ဒီဇာတ်ကားမှာဆိုရင် အမျိုးဇာတ်နိမ့်/ဇာတ်မြင့်ခွဲခြားမှုပြဿနာကို မီးမောင်းထိုးပြထားပြီး ကျေးရွာတစ်ခုမှာ ဇာတ်လမ်းတည်ထားတာပဲ ဖြစ်ပါတယ် ဇာတ်လမ်းအကျဉ်းပြောရမယ်ဆိုရင် ဂျီဗာဆိုတာက အစိုးရဆေးရုံတစ်ရုံမှာအလုပ်လုပ်တဲ့ အမျိုးသားသူနာပြုတစ်ဦးပါ တစ်ရက်မှာတော့ သူတို့ဆေးရုံက အကျင့်ပျ-က်ခြစားမှုရှိပါတယ်လို့ လူသိရှင်ကြားစွပ်စွဲခံရပြီး ဆေးရုံဝန်ထမ်းဂျီဗာကိုယ်တိုင် ဒီသတင်းကိုပေးတယ်လို့ အပြောခံလာရပါတယ် ဂျီဗာတစ်ယောက် ဘယ်လိုရည်ရွယ်ချက်နဲ့ ဒီလိုလုပ်တာလဲ သူတစ်ချိန်က မျက်မြင်ကြုံတွေ့ခဲ့ရတဲ့ ဆိုးယု-တ်မှုတွေက ဘာဖြစ်မလဲ နောက်ကြောင်းပြန်ကြည့်ရမယ့် ကလဲ့စားဇာတ်လမ်းကောင်းလေးတစ်ပုဒ်အဖြစ် ညွှန်းဆိုပါရစေ အညွှန်းနဲ့ ဘာသာပြန်ကတော့ B-Team မှ ဖြစ်ပါတယ် File size…2.2 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 5m Subtitle….Myanmar Subtitle (Hard Sub) Translated by B Team

Thalaivan Thalaivii (2025) "အသွင်မတူတဲ့ အိမ်သူ" ဒီတစ်ခါမှာတော့ ပရိသတ်အချစ်တော်မင်းသားကြီးဗီဂျေးနဲ့ ယိုဂီဘာဘူတို့ ပါ၀င်သရုပ်ဆောင်ထားတဲ့ အချစ်-ဟာသ-ဒရာမာ-အက်ရှင် ရသစုံဇာတ်လမ်းကောင်းတစ်ပုဒ်ကို တင်ဆက်ပေးလိုက်ပါတယ်။ "အသွင်မတူအိမ်သူမဖြစ်" လို့ ဆိုတတ်ကြပေမဲ့ အသွင်မတူဘဲ အိမ်သူဖြစ်လာတာတွေလည်း အများကြီးပါ။ အိမ်ထောင်တစ်ခုမှာ အသွင်မတူလည်း ချစ်ခြင်း‌မေတ္တာနဲ့နားလည်မှုကသာ ပိုအဓိကကျမယ် ထင်ပါတယ်။ အခုဇာတ်လမ်းထဲမှာလည်း အာဂါဆမ်နဲ့ အာရဆီတို့အဖြစ်က ဒီလိုပါပဲ။ စားသောက်ဆိုင်တစ်ဆိုင်ကို ကျားကုတ်ကျားခဲဖွင့်ထားတဲ့ မိသားစုက ခပ်ကြမ်းကြမ်းခပ်ရမ်းရမ်း အမျိုးသားနဲ့ ပညာတတ်မိသားစုက မာစတာဘွဲ့ရမိန်းကလေးတို့ ဖူးစာဆုံခဲ့ကြပါတယ်။ အသွင်မတူတဲ့ လူနှစ်ယောက်၊ အသွင်မတူတဲ့ အသိုင်းအဝိုင်းနှစ်ခုကြားမှာ ဖြစ်ပေါ်လာတဲ့ ပြဿနာပေါင်းက သောင်းခြောက်ထောင်ပါပဲ။ အဲဒီအဖြစ်တွေကြားမှာ တကယ်ချစ်ကြတဲ့ သူတို့နှစ်ဦး ဘယ်လိုဆက်ရပ်တည်သွားမလဲ၊ ဘယ်လိုအဖြစ်တွေ ထပ်ကြုံရဦးမလဲဆိုတာကို နယ်မြို့နောက်ခံဇာတ်လမ်းပုံစံနဲ့ ရယ်စရာတစ်မျိုး ဒရာမာတစ်ဖုံ ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ B Team ဖြစ်ပါတယ်။) File size…8.59 GB / 2.8 GB / 1.4 GB Quality…WEB DL 4K / 1080p HEVC/ 720p Format…mkv/ mp4 Duration….2h 20m Subtitle….Myanmar Subtitle (Hard Sub) Translated by B Team

Love Marriage (2025) "သတို့သမီးအလိုရှိသည်" လက်ထပ်ခြင်းဆိုတာ ဘယ်က‌နေအစပြုလာလဲတော့ တကယ်တမ်း မသိပါဘူး...။ လူသားနှစ်ယောက်ချစ်ကြိုက်ရာကနေ ကတိက၀တ်တွေနဲ့ အတူပေါင်းဖက်နေထိုင်ရာက စတင်လာပုံပါပဲ။ ခေတ်တွေတဖြည်းဖြည်းပြောင်းလာတဲ့အခါ တချို့လူတွေအတွက် တချို့အရပ်ဒေသတွေအတွက် လက်ထပ်ထိမ်းမြားခြင်းဟာ မရှိမဖြစ်လို ဖြစ်လာပါတယ်။ လက်ထပ်ခြင်းဟာ ချစ်ခြင်းကြောင့်တင်မကတော့ဘဲ ပကာသနတွေ ခွဲခြားမှုတွေနဲ့ အရောင်တွေပိုစုံလာခဲ့ပါတယ်။ ဒီဇာတ်လမ်းမှာတော့ အသက် ၃၃ နှစ်အရွယ် လူပျိုကြီး 'ရမ်' တစ်ယောက် သတို့သမီးတွေ တစ်ယောက်ပြီးတစ်ယောက် ငြင်းလာရာကနေ နောက်ဆုံးမှာတော့ သတို့သမီးတစ်ယောက် ရှာတွေ့သွားခဲ့ပါတယ်။ ဖြစ်ချင်တော့ သတို့သမီး‌ဟာ သူတို့နဲ့အမျိုးဇာတ်မတူ၊ မြို့ချင်းမတူတာမို့ ဆွေမျိုးတွေကြား ပြောစရာဖြစ်လာခဲ့ပါတယ်။ 0အဲဒီလိုနဲ့ စေ့စပ်ပွဲအတွက် သတိုသမီးတောင်းဖို သွားကြတဲ့အခါ...။ သတို့သမီးမတွေ့တော့လည်း တစ်မျိုး၊ တွေ့တော့လည်း တစ်မျိုးပြောနေတဲ့ သူတို့မိသားစုအသိုင်းအဝိုင်းရယ်၊ လူပျိုကြီးရမ်ရယ်၊ သူ့ရဲ့သတို့သမီးမိသားစုတွေရယ် ဘာတွေ ဘယ်လိုဆက်ဖြစ်ပြီး ဘယ်လိုတွေခွီရမလဲဆိုတာ ဆက်လက်ကြည့်ရှုလိုက်ကြပါဦး...။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ B Team ဖြစ်ပါတယ်။) File size…2.1 GB 1 GB Quality…WEB DL 1080p HEVC/ 720p Format…mkv/ mp4 Duration….2h 6m Subtitle….Myanmar Subtitle (Hard Sub) Translated by B Team

Padai Thalaivan 2025 (ဆင်လေး မန်နီယန်) IMDb - 6.3 / 10 ဗီလူဆိုတဲ့ကောင်လေးဟာ သူ့အဖေရယ် ဆင်လေး မန်နီယန်နဲ့အတူတူ ဘဝကို လုပ်ကိုင်စားသောက်နေပါတယ်။ သူတို့ရွာမှာ ငွေတိုးချေးစားတဲ့ ကူဘယ်ရန်ဆိုတဲ့ လူကြီးလည်းရှိပါတယ်။ အဲဒီလူကြီးဆီကနေ တစ်ရွာလုံး လွတ်ကင်းတဲ့သူရယ်လို့မရှိပါဘူး။ ဗီလူတို့လည်း ကူဘယ်ရန်ဆီမှာ ငွေတိုးချေးထားပြီး အကြွေးမဆပ်နိုင်တဲ့အတွက် ကူဘယ်ရန်က ခေါ်ပြီး သူ့ဖခင်ဖြစ်သူကို ပိုက်ဆံလာမပေးမချင်း ရပ်နေဆိုပြီး ခိုင်းတဲ့အတွက် ဗီလူတစ်ယောက် ရှာလို့ရတဲ့ပိုက်ဆံတွေကို အရင်ပေးကာ ဖခင်ဖြစ်သူကို ပြန်ခေါ်ခဲ့ရပါတော့တယ်။ ဒီလိုအဖြစ်အပျက်တွေ ပြီးသွားတဲ့နောက်မှာတော့ ကူဘယ်ရန်ရဲ့ အကြွေးတွေကို ဆပ်နိုင်ဖို့အတွက် အကြံထုတ်ပါတော့တယ်။ ဒီလိုနဲ့ ရုပ်ရှင်မန်နေဂျာတစ်ယောက်ဆီ ဆင်ကို ရုပ်ရှင်မှာ ထည့်ရိုက်ဖို့ သွားရောက်ပြောကြားတဲ့အခါ ဆင်ကို အရင်လေ့ကျင့်ပေးပြီးမှ ပြန်လာခဲ့လို့ပြောလိုက်ပါတော့တယ်။ ဆင်ကို လေ့ကျင့်ပေးနိုင်ဖို့ မင်္ဂလာဆောင် ဘုရားပွဲလို ပွဲမျိုးမှာ ထည့်သွင်းပြီး အရင် လေ့ကျင့်ပေးဖို့ လုပ်ကြရင်းနဲ့ပဲ .......... ကူဘယ်ရန်ရဲ့ အကြွေးတွေကို ဗီလူတို့ သားအဖနဲ့ ဆင်လေး မန်နီယန်တို့ ဘယ်လိုများကြိုးစားပြီး ဆပ်သွားမလဲ ........ ဆင်လေးကို လိုချင်တဲ့ မတော်လောဘသမားတွေကရော ဗီလူတို့ကို ဘယ်လိုတွေ နှောင့်ယှက်မလဲ ...... ဆိုတာကို ကြည့်ရှုရမဲ့ Thriller ဇာတ်ကားကောင်းလေးဖြစ်ပါတယ်။ (အညွှန်းနဲ့ ဘာသာပြန်ကတော့ ToMo~ Cym~ Alex~ KKKZ တို့ ဖြစ်ပါတယ်) File size… 3.2 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2h 14m Subtitle….Myanmar Subtitle (Hard Sub) Encoder….YK Translated by ToMo~ Cym~ Alex~ KKKZ

Paramasivan Fathima (2025) အမု-န်းသံသရာ စည်းလုံးညီညွတ်မှုဆိုတာ ရဖို့ခဲယဉ်းသလောက် ‌ေ-သွးကွဲသွားဖို့အတွက်တော့ အသေးအဖွဲပြဿနာလေးတစ်ခုပဲလိုပါတယ်တဲ့။ ဆူဘရာမနီယာပူရမ် ယိုကိုပူရမ် ဆူလ်တန်ပက်တိုင်၊ ဒီရွာ 3 ရွာဟာ ခရိုင်တစ်ခုတည်းမှာရှိတဲ့ ရွာငယ်လေးသုံးရွာ၊ တစ်ချိန်က သိပ်ကိုစည်းလုံးခဲ့ကြတဲ့ ရွာတွေပေါ့။ ဒါပေမဲ့ ဘာအကြောင်းကြောင့်ရယ်မသိ ဆူဘရာမနီယာပူရမ်နဲ့ ယိုကိုပူရမ်ဟာ မျက်နှာချင်းတောင်ဆိုင်လို့မရတော့တဲ့ ရ-န်ဘက်ရွာနှစ်ရွာဖြစ်လာပြီး ရွာသားချင်းလည်း ပထွေးမု-န်းမု-န်းတဲ့အထိ ဖြစ်ကုန်ကြပါသတဲ့။ ဒီအမု-န်းမီးတွေက ဆူလ်တန်ပက်တိုင်ကိုပါကူးစက်ပြီး တစ်ရွာနဲ့တစ်ရွာ အမု-န်းပွားတဲ့သပွတ်အူဇာတ်လမ်းဖြစ်လာတော့တာပေါ့။ ဘယ်လောက်ထိဆိုးလဲဆိုရင် တစ်ရွာမှာ မင်္ဂလာပွဲလုပ်ပြီဆို နောက်တစ်ရွာက ရ-န်ရှာပွဲဖျက် သ-တ်ပု-တ်ကြတဲ့အထိပါပဲ။ ဒါပေမဲ့ ဒီတစ်ခါရ-န်ပွဲကတော့ လက်လွန်ကြက်သွန်ဖြစ်ပြီး လူသ-တ်မှုအထိ ဦးတည်သွားပါတယ်။ ဆူဘရာမနီယာပူရမ်က ဆူဆိုင်ဆိုတဲ့ကောင်လေးတစ်ယောက် မင်္ဂလာပွဲမတိုင်ခင်ညမှာ အသ-တ်ခံလိုက်ရတာဖြစ်ပြီး ဒီအမှုက တစ်ရွာလုံးကို ‌ေ-သွးဆူသွားစေတဲ့အခါ... တစ်ချိန်က သိပ်ချစ်ကြတဲ့ရွာနှစ်ရွာ ဘာလို့ဒီ‌လိုကမ္ဘာ့ရ-န်ဘက်တွေဖြစ်ကုန်တာလဲ။ လူသ-တ်တရားခံကိုရော အင်စပက်တာတစ်ယောက် ရှာတွေ့နိုင်မလားဆိုတာ ရှုစားကြပါဦးခင်ဗျာ။ (အညွှန်းနဲ့ဘာသာပြန်ကတော့ CM B Teamမှပဲ ဖြစ်ပါတယ်) File size…2.1 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 23min Subtitle….Myanmar Subtitle (Hard Sub) Encoder….YK Translated by CM Bollywood Team

Gangers 2025 (ရာမ်ယာလေးပျောက်ဆုံးမှု၏နောက်ကွယ်) အာဆန်ကိုတိုင်ဆိုတဲ့မြို့လေးမှာ မာလိုင်ရာဆန်နဲ့ ကိုတိုင်ရာဆန်တို့ ညီအစ်ကိုနှစ်ယောက်က တစ်မြို့လုံးကို အုပ်စိုးနေပါတယ်။ အစ်ကိုဖြစ်သူ မာလိုင်ရာဆန်ကတော့ ကျောင်းကအဖွဲ့ဝင်လိုလို လူ့အဖွဲ့အစည်းခေါင်းဆောင်လိုလိုနဲ့ လူရှေ့လူလုံးပြ ကောင်းချင်ယောင်ဆောင်ပြီး ညီဖြစ်သူ ကိုတိုင်ရာဆန်ကတော့ သတ္တုရေကုမ္ပဏီကို ဗန်းပြပြီးနောက်ကွယ်မှာ တရားမဝင်လုပ်ငန်းပေါင်းစုံလုပ်ကိုင်နေသူပေါ့။ သူတို့ဟာ တရားမဝင်လုပ်ငန်းလုပ်ရာမှာ မာလိုင်ရာဆန်ရဲ့ ကျောင်းအဖွဲ့ဝင်ဖြစ်နေတာကို အခွင့်အရေးယူပြီး ကျောင်းအတွင်းမှာ တရားမဝင်လုပ်ငန်းတွေ လုပ်ကိုင်လျက်ရှိပါတယ်။ အာဆန်ကိုတိုင်မြို့ရဲ့ အထက်တန်းကျောင်းမှာ ပညာသင်ကြားနေတဲ့ ရာမ်ယာဆိုတဲ့ကောင်မလေး ပျောက်ဆုံးသွားရာကနေ ဒီဇာတ်လမ်းစတင်ခဲ့ပါတယ်။ ရာမ်ယာပျောက်ဆုံးသွားလို့ တိုင်ချက်ဖွင့်ပေမဲ့လည်း ရဲတွေဟာ ဘယ်အမှုကိုမှ မလိုက်ဘဲ မာလိုင်ရာဆန်တို့ ညီအစ်ကိုအတွက်ပဲ အလုပ်လုပ်ခါနေနေတဲ့အတွက် ရာမ်ယာရဲ့ ဆရာမဖြစ်သူ ဆူဂျီသာက အထက် ကော်မရှင်နာရုံးကို တိုင်ချက်ဖွင့်လိုက်တဲ့အခါမှာ အထက်ကနေ အရာရှိဆာရာဗာနန်ကို ကျောင်းမှာ ကာယဆရာတစ်ယောက်အနေနဲ့ အသွင်ယူစုံစမ်းဖို့ စေလွှတ်လိုက်ပါတော့တယ်။ ဒီလိုနဲ့ ရာမ်ယာရဲ့ ပျောက်ဆုံးမှုတင်မကဘဲ အာဆန်ကိုတိုင်မြို့ရဲ့ အခြေအနေကို စုံစမ်းဖို့ရောက်လာတဲ့ အရာရှိဆာရာဗာနန်နဲ့ ဆရာမလေး ဆူဂျီသာတို့ တွေ့ဆုံကြပြီး ဒီမြို့လေးရဲ့ နောက်ကွယ်က မကောင်းမှုတွေကို ဘယ်လိုဖော်ထုတ်သွားကြမလဲ ....... ရာမ်ယာလေးကိုရော ပြန်ပြီး ရှာဖွေတွေ့ရှိသွားမှာလား ...... ရာမ်ယာလေးပျောက်သွားတဲ့ နောက်ကွယ်က အကြောင်းပြချက်ကရော ဘာဖြစ်မလဲ ..... ဆိုတာကို ကြည့်ရှုရမဲ့ ဟာသ အက်ရှင်ဇာတ်ကားလေးဖြစ်ပါတယ်။ (အညွှန်းနဲ့ဘာသာပြန်ကတော့ CM Bollywood Team ပဲဖြစ်ပါတယ်) File size… 3.1 GB / 1.7 GB Quality…WEB DL 1080p HEVC/ 720p Format…mkv/ mp4 Duration….2h 38min Subtitle….Myanmar Subtitle (Hard Sub) Encoder….YK Translated by CM Bollywood Team

Viduthalai Part 2 (2024) အသစ်ထွက်ရှိလာတဲ့ မင်းသားကြီး Vijay Sethupathi ရဲ့ အက်ရှင်ရုံကားအသစ်ကို အမြန်ဆုံးတင်ဆက်ပေးလိုက်ပါတယ် Viduthalai Part 1(2023) ရဲ့ အဆက်ဖြစ်ပြီး ဗီဂျေးက တော်လှန်ရေးခေါင်းဆောင်တစ်ယောက်အဖြစ် ပြန်လည်ပါဝင်ထားကာ Soori, Manju Warrier တို့က အားဖြည့်ထားပါတယ် ပီရူမယ်ဆိုတာ အစတုန်းက သာမန်ကျောင်းဆရာလေးတစ်ယောက်ဖြစ်ပြီး ကာရူပန်ဆိုတဲ့ စာမတတ်တဲ့ ကောင်လေးတစ်ယောက်ရဲ့စကားကြောင့် လူတန်းစား သာတူညီမျှရှိရေးကို သူသဘောပေါက်လာခဲ့တယ် ယုတ်မာရိုင်းစိုင်းတဲ့အထက်တန်းလွှာတစ်စုရဲ့ နိုင်ထက်စီးနင်းလုပ်မှုကြောင့် ကာရူပန်ဒုက္ခရောက်တဲ့အခါမှာ အတတ်နိုင်ဆုံးကယ်ဖို့ကြိုးစားခဲ့ပေမဲ့ တရားဥပဒေကိုယုံမိလို့ ကာရူပန်ကိုဆုံးရှုံးလိုက်ရတဲ့နောက်မှာ စိတ်ပိုင်းဖြတ်ပြီး သူ့လူတွေရဲ့ခေါင်းဆောင်တစ်ယောက်နေရာကို သူဘယ်လိုရောက်လာခဲ့လဲ ဒီအကြောင်းတွေ တဖြည်းဖြည်းနားလည်လာတဲ့ ကူမာရီဆာဆိုတဲ့ ရဲကရော ဘယ်လမ်းကို ရွေးချယ်သွားမလဲ ဆိုတာကတော့ ----- အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 7 GB/ 2.5 GB / 1.4 GB Quality…4k HEVC WEB DL / WEB DL 1080p HEVC/ 720p Format…mkv/ mp4 Duration….2h 50m Subtitle….Myanmar Subtitle (Hard Sub) Encoder….YK Translated by CM Bollywood Team

Soodhu Kavvum 2 (2024) "မမွှေးသင့်သောမီး" အသစ်ထွက်ရှိထားတဲ့ တမီးလ်အက်ရှင်ဟာသဇာတ်လမ်းလေးကို ပရိသတ်တို့အတွက် တင်ဆက်လိုက်ရပါတယ် ၁၉၈၇ ခုနှစ်မှာ ကျင့်ဝတ်စောင့်ထိန်းပြီး အများချစ်ခင်တဲ့ နိုင်ငံရေးခေါင်းဆောင်တစ်ဦးဟာ တမီးလ်နာဒူပြည်နယ် ဝန်ကြီးချုပ်အဖြစ် ကျမ်းသစ္စာကျိန်ဆိုပွဲမှာ မတော်တဆ ချော်လဲသွားပါတယ် ကံဆိုးပုံကတော့ သူ့တပည့်တစ်ယောက်က ကျမ်းကျိန်တဲ့နေ့မှာ သားကလေးမွေးလို့ သူ့ကို ကလေးနာမည်ပေးခိုင်းရာမှာ ကလေးက သေးပေါက်ချမိလို့ သေးစိုနေတဲ့ကြမ်းပြင်ပေါ် နောက်ပြန်လဲကျမိကာ ကိုမာဝင်သွားခဲ့ပါတယ် နှစ်များစွာအကြာ ပါတီခေါင်းဆောင် သတိပြန်ရလာချိန်မှာတော့ ခုနက ဂြိုဟ်ကောင် ကလေးက အကျင့်ပျက်ခြစားတဲ့ ဘဏ္ဍာရေးဝန်ကြီးဖြစ်နေပြီး သူ့ပါတီကလူတွေလည်း သူ့ခံယူချက်နဲ့ ဆန့်ကျင်ဘက်ဖြစ်နေပါတော့တယ် တစ်ဖက်မှာလည်း ထောင်ကလွတ်လာတဲ့ စည်းမျဉ်းတွေနဲ့အညီ လုပ်ကိုင်တတ်တဲ့ ဂုရုနဲ့ သူ့ဘော်ဒါတွေက အာဏာပါဝါရှိတဲ့လူတစ်ယောက်ကို ပြန်ပေးဆွဲဖို့ စီစဉ်တဲ့အခါမှာတော့ .... အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 3.2 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2h 9min Subtitle….Myanmar Subtitle (Hard Sub) Encoder….YK Translated by CM Bollywood Team

Glassmate 2024 သောက်ဖော်သောက်ဖက် "တစ်တန်းတည်းအတူတက်ပြီး ဘွဲ့အတူရတဲ့သူတွေကို အတန်းဖော်လို့ခေါ်ရင် တစ်ခွက်တစ်ဖလား အတူသောက်တဲ့သူကိုတော့ သောက်ဖော်လို့ခေါ်ရမှာပေါ့" အရက်သမားဖြစ်နေတဲ့ လူနာတွေရဲ့ ကယ်တင်ရှင်လို့ သတ်မှတ်ထားကြတဲ့ ဒေါက်တာဖီးလစ် ‌ပြောရရင်‌ ဒေါက်တာဖီးလစ်ဆိုတာ အရက်သမားကြောင့် ဒုက္ခရောက်နေရတဲ့ မိသားစုတိုင်းရဲ့ ကယ်တင်ရှင်ပေါ့လေ ဒါပေမဲ့ သေသောက်ကြူးယမကာလုလင်ညီနောင်နဲ့အတွေ့မှာတော့ ဒေါက်တာဖီးလစ်တစ်ယောက် ကိုယ်တိုင်ယမကာလုလင်ဘဝရောက်သွားတဲ့အထိပါပဲ။ ဒီလိုအရက်ဖြတ်ပေးမယ့်ဆရာဝန်ကိုပါ သောက်ဖော်သောက်ဖက်ဖြစ်အောင်လုပ်နိုင်တဲ့အထိ အဆွယ်ကောင်းလွန်းတဲ့ညီအစ်ကိုနှစ်ယောက်၊ ဘာလာလာနဲ့အရက်နဲ့ဓာတ်ကြမ်းကုရင်ပြောတယ်ဆိုတဲ့ ယမကာရမ်းကုနှစ်ယောက်ရဲ့ဘဝက အလွဲပေါင်းသောင်းခြောက်ထောင်ကို ရှုစားရင်း ရယ်မောခြင်းနဲ့ ဘဝအမောတွေ ဖြေဖျောက်လိုက်ရအောင်ပါ။ (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်) File size… 2.7 GB / 1.35 GB Quality…WEB DL 1080p HEVC/ 720p Format…mkv/ mp4 Duration….2h 6min Subtitle….Myanmar Subtitle (Hard Sub) Encoder….YK Translated by CM Bollywood Team

Pogumidam Vegu Thooramillai (2024) "ဤခရီး မဝေးပါ" ဇာတ်လမ်းဇာတ်အိမ်ခပ်ဆန်းဆန်းနဲ့ တမီးလ်ရုပ်ရှင်ကားကို တင်ဆက်ပေးလိုက်ပါတယ်။ တီရူနယ်ဗယ်လီမှာ စော်တအားကြည်လို့ မိန်းမတစ်ယောက်ထက်မကယူလိုက်တဲ့ နာရာယာနာဆိုတဲ့လူတစ်ယောက်ရှိတယ်။ မယားကြီးနဲ့ရော မယားငယ်နဲ့ရော မွေးလိုက်တဲ့သားတွေက စိတ်ကြမ်းကိုယ်ကြမ်း လူ့ဘီလူးတွေ။ နာရာယာနာကြီး မတော်တဆမှုနဲ့ ချန်နိုင်းမှာလျှောသွားတော့ ဈာပနကျင်းပဖို့အရေး မယားကြီးနဲ့ မယားငယ်ရဲ့ သားသမီးတွေ အလောင်းလုဖို့စိုင်းပြင်းကြပါရော။ အလောင်းသွားပို့ရမှာက မွေးခါနီးဖွားခါနီးဇနီးသည်နဲ့ ဒုက္ခများနေတဲ့ ကူးမား။ ဇနီးသည်မီးဖွားစရိတ်ရဖို့အရေး အလောင်းပို့မယ်လုပ်တော့ အလောင်းလုမဲ့အရေးသိနေတဲ့နယ်ခံတွေက ဘယ်သူမှမလိုက်ရဲကြ။ ဒါကိုမသိဘဲ ကူးမားတစ်ယောက် တီရူနယ်ဗယ်လီဆီ အလောင်းတစ်ခု ကိုယ်တစ်ခုရယ်နဲ့ခရီးနှင်လာခဲ့ပြီး လမ်းမှာ ကိုလေပေါတစ်ကောင်က လမ်းကြုံလိုက်လာရာကစ ဘယ်မှာဆုံးမလဲ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 2.4 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 13m Subtitle….Myanmar Subtitle (Hard Sub) Encoder….YK Translated by CM Bollywood Team

Saala (2024) "ဆာလာ" တမီလ်နာဒူပြည်နယ်မှာ အရက်ကိုတားမြစ်ထားပေမဲ့ ၁၉၇၁စီးပွားရေးပျက်ကပ်ကြောင့် အရက်ဆိုင်တွေ ပြန်ဖွင့်ခွင့်ပေးခဲ့ပါတယ်။ ၁၉၈၃ခုနစ်မှာ အဖွဲ့အစည်းတစ်ခုဖွဲ့ပြီး အစိုးရကနေ လူတစ်ဦးချင်းစီအတွက် အရက်ဆိုင်လိုင်စင်တွေကို လေလံတင်ရောင်းချပေးခဲ့တယ်။ နိုင်ငံရေးသမားတွေနဲ့ ဩဇာညောင်းတဲ့လူတွေက လေလံတွေကို လက်ဝါးကြီးအုပ်ပြီး အရက်ဆိုင်တွေကို ထိန်းချုပ်ထားခဲ့ကြတယ်။ ပါဗသီဘားဆိုတဲ့ အရက်ဆိုင်ကိုတော့ ဂူနာတစ်ယောက်တည်းကပဲ ခုနစ်နှစ်တိုင်အောင် လေလံအောင်ပြီး ထိန်းချုပ်ထားနိုင်ခဲ့ပေမဲ့ ဒါကိုမနာလိုတဲ့ သန်ဂါဒူရိုင်တို့ တူကြီးနှစ်ယောက်က ပါဗသီဘားကို သူတို့အပိုင်ဖြစ်ဖို့ကြိုးစားကြပါတယ်။ ဒီမှာပဲ ရန်ပွဲတွေဖြစ်ကြတဲ့အချိန် ဂူနာ့အသက်ကို မိဘမဲ့ကလေးငယ်တစ်ဦးဖြစ်တဲ့ ဆာလာက ဝင်ကယ်ရာကစ ဆာလာ့ကို ဂူနာက ညီငယ်သဖွယ် ကျွေးမွေးစောင့်ရှောက်ထားခဲ့တယ်။ ဒီကနေစလိုက်တဲ့ရန်ငြိုးက ဆာလာအရွယ်ရောက်လာချိန်ထိ တမြေ့မြေ့တောက်လောင်လာခဲ့ချိန်မှာတော့။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size…2.6 GB / 1.4 GB Quality…WEB DL 1080p HEVC / 720p Format…mkv/mp4 Duration….2h 10m Subtitle….Myanmar Subtitle (Hard Sub) Encoder….YK Translated by CM Bollywood Team

Maharaja (2024) လက်ရှ်မီး ပဟေဠိ Genre – Action, Drama, Thriller IMDB – 8.6/10 အားလုံး စောင့်မျှော်နေကြမယ့် မင်းသားကြီး ဗီဂျေးစည်သူပတိရဲ့ အသစ်စက်စက် လျှို့ဝှက်သည်းဖို အက်ရှင်ကားလေး ထွက်ရှိလာခဲ့ပါပြီ ရုံတင်ငွေကနေလဲ အမြတ်စွန်း ကောင်းကောင်းပြန်လည်ရရှိထားတဲ့ အက်ရှင်ဇာတ်ကားကြီးပဲဖြစ်ပါတယ် ဒါရိုက်တာကလည်း ၂၀၁၇ ခုနှစ်ထွက် မှုခင်းကားကောင်း Kurangu Bommai ကို ရိုက်ကူးပေးထားတဲ့ Nithilan Swaminathan ပါ။ မင်းသားကြီးကိုတော့ ဒီထဲမှာ မထုံတတ်တေးပုံစံနဲ့ အသာလေး ကြမ်းပြတာကို မြင်ရမှာပဲ ဖြစ်ပါတယ်။ ဒီတစ်ခေါက် ဇာတ်လမ်းလေးကတော့ ဆန်းပါတယ်… ဆန်းဆို “မဟာရာဇာ” ဆိုတာက ဆံပင်ညှပ်ဆိုင်လေးဖွင့်ထားတဲ့ ဆံသဆရာတစ်ယောက်၊ သမီးဖြစ်သူ ငယ်စဉ်ကတည်းက ဇနီး ဆုံးပါးသွားခဲ့တာကြောင့် အဖေတစ်ခု သမီးတစ်ခုနဲ့ ဘဝကို ရိုးရှင်းစွာ နိစ္စဓူဝ ဖြတ်သန်းနေရသူပေါ့။ သမီးဖြစ်သူ “ဂျိုသီ” က ကျောင်းစာထက် အားကစားဖက်ကို စိတ်အားထက်သန်ပြီး ထူးချွန်သူပါ။ ဒါပေမဲ့ သူတို့အိမ်မှာ သားအဖနှစ်ယောက်တည်းတင် မဟုတ်ပါဘူး “လက်ရှ်မီး” ဆိုတာ ရှိပါတယ်၊ သူတို့အမေလည်းမဟုတ် အဘွားလည်းမဟုတ် အမျိုးလည်းမဟုတ် အူကြောင်ကြောင်နဲ့ သံအမှိုက်ပုံးကြီးတစ်ခုပါ။ ဒါကြီးကို တစ်ပတ်တစ်ခါ ရေမိုးချိုးပေးရသလို အမွှေးနံ့သာတွေ ပတ်ဖြန်းပြီး သားအဖ ၂ ယောက် ဖူးဖူးမှုတ်ထားကြတာပေါ့။ ဒါလည်း အကြောင်းရှိပါတယ် ငယ်စဉ်က အိမ်မတော်မဆ ဖြစ်ပြီး အိမ်ပြိုမလို ဖြစ်တဲ့အချိန် ဒီအမှိုက်ပုံးကြောင့် သမီးဖြစ်သူ အသက်ချမ်းသာခဲ့ရတယ်လို့ ဆိုပါတယ်။ ဒီလိုနဲ့ နေလာရင်းကနေ တစ်ရက်ကျ ဒီ “လက်ရှ်မီး” ကြီး အခိုးခံလိုက်ရပါတယ်၊ အဲဒီမှာ “မဟာရာဇာ” တစ်ယောက် ရဲတွေကို သွားတိုင်ချက်ဖွင့်တော့ ရဲတွေက လူလား ပစ္စည်းဥစ္စာလားမေးတဲ့အချိန် သူကတော့ “လက်ရှ်မီး” ပျောက်တာဆိုပြီး ရဲတွေကိုရှာပေးဖို့နဲ့ ကုန်ကျသလောက်သူရှင်းပါမယ်ဆိုပြီး ဒူပေပေနဲ့ ရဲစခန်းကနေ အိမ်ကိုမပြန်တော့ပါဘူး.... ဒါပေမယ့် ရဲစခန်းကနေ သူဘာလို့အိမ်မပြန်တာလဲ “လက်ရှ်မီး” ကရော တကယ်ပျောက်သွားတာဟုတ်ရဲ့လား “မဟာရာဇာ” ဆိုတဲ့ ဒူပေပေ သူ့ဘဝကရော ရိုးရှင်းခဲ့ရဲ့လားဆိုတာ ဒီရုပ်ရှင်ရဲ့ ဇာတ်လိုက်လို့ဆိုရမယ့် လူကြမ်းမင်းသားစပေါ်ကတည်းကနေ လုံးဝထိုင်ရာမထ စိတ်ဝင်စားဖွယ်ရာ လိုက်ပါကြည့်ရှုရမှာပါ။ ဇာတ်လမ်းကို ဒါရိုက်တာက အတိတ်ကိုပြလိုက် ပစ္စုပ္ပန်ကိုပြလိုက်နဲ့ ကြည့်ရှုသူကိုယ်တိုင်လိုက်ပါစီးမျောဖို့ တင်ဆက်ထားတာမလို့ လုံးဝကျော်ကြည့်လို့မရပါဘူး... လှည့်ကွက်ပေါင်းများစွာကို ဇာတ်ကောင်တွေရဲ့လက်ရှိအခြေအနေနဲ့ ပြရင်းပြရင်း ဖြည်ချသွားတာမလို့ ဇာတ်သိမ်းရောက်မှ ဟာခနဲ ဖြစ်ကျန်တဲ့နေရာရောက်မှ ရှင်းထွက်သွားမှာပါ။ ၂၀၂၄ ရဲ့ အကောင်းဆုံး တမီးလ်ရုပ်ရှင်ကားအဖြစ် သတ်မှတ်ထားကြတာမလို့ အေးအေးဆေးဆေးလိုက်ပါကြည့်ရှုကြပါ။ File size…(4.3 GB)/ (1.8GB) / (914MB) Quality…WEB-DL 4K HEVC/ 1080p / 720p Format…mkv/mp4 Duration….2h 30m Subtitle….Myanmar Subtitle (Hard Sub) Encoder….YK , Ka Naung Translated by CM Bollywood Team

Maharaj (2024) "အများနဲ့တစ်ယောက်" IMDb 6.4 ဖြစ်ရပ်မှန် အမှုတစ်ခုကို အခြေခံပြီး ရိုက်ကူးထားတဲ့ စိတ်ဝင်စားစရာ ဒရာမာရုပ်ရှင်ကားလေးကို တင်ဆက်ပေးလိုက်ပါတယ် ကျွန်တော်တို့ငယ်ငယ်က မိဘဘိုးဘွားတွေကို ဘာသာတရား၊ ဓလေ့ထုံးတမ်းတို့ကို အကျအနကောက်ပြီး တန်ပြန်မေးခွန်းထုတ်လာတဲ့အခါကျ "ငရဲကြီးမယ် မမေးရဘူး" လို့ အပြောခံရဖူးမှာပါ ဒီလို အများနဲ့တစ်ယောက်ဆန်ဆန် အတွေးအခေါ်နဲ့ လက်တွေ့တရားကိုသာဆုပ်ကိုင်ထားသူ၊ ရှေးရိုးစွဲတွေကို မျက်စိဆံပင်မွှေးစူးနေတဲ့လူကတော့ ဂျာနယ်လစ် ကာဆန်ပါပဲ သူဟာ ၁၈၆၀ အိန္ဒိယလို ရှေးရိုးစွဲအယူဝါဒများလွန်းတဲ့ နိုင်ငံမှာ ၊ မုဆိုးမများကို တန်းညီဆက်ဆံရေး၊ ခေတ်သစ်အတွေးအခေါ်တို့ကို ဟောပြောရေးသားလေ့ရှိပြီး ချစ်ရသော ဇနီးလောင်း ကီရှိုရီကတော့ မိရိုးဖလာ ဓလေ့တို့ကို မျက်စိစုံမှိတ်ယုံကြည်သူတစ်ယောက် 'ဟိုလီ' ဆေးရောင်ခြယ်ပွဲတော်နေ့မှာ သူတို့နယ်က လူတိုင်းလေးစားရတဲ့ ဂုရုတစ်ပါးဖြစ်တဲ့ ဂျေဂျေဟာ "ချာရန်စီဗာ" ဆိုတဲ့ ခြေလက်ဆေးကြောအရိုအသေပေးတဲ့ အမှုကိုပြုဖို့ အပျိုစင်ဖြစ်သူ ကီရှိုရီကို ရွေးချယ်လိုက်တယ် လူတိုင်းလေးစားရတဲ့ ဘာသာရေးခေါင်းဆောင်တစ်ဦးဟာ ဘာသာတရားအမည်ခံပြီး ကီရှိုရီ့ကို မဖွယ်မရာလုပ်နေတာ ကာဆန်တစ်ယောက် မြင်သွားတဲ့အခါမှာတော့ … ဘယ်လိုတွေဆက်ဖြစ်မှာလဲ ပရိသတ်ကြီး အားပေးလိုက်ပါဦး အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size… 2.1GB / 917MB Quality…WEB DL 1080p / 720p Format…mp4 Duration….2h 11m Subtitle….Myanmar Subtitle (Hard Sub) Encoder….YK Translated by CM Bollywood Team

Naadu 2023 တောင်ပေါ်ရွာ‌ရောက်အရှုပ်တော်ပုံ IMDb-8.8 ဆရာဝန်ဇာတ်လမ်းတွေထဲမှာ ကျွန်တော်တို့ရင်ထဲနေရာယူခဲ့တဲ့ ဇာတ်လမ်းတစ်ပုဒ်ကိုချပြပါဆိုရင် ကြိုးကြာတောင်ပံခတ်သံပေါ့။ ဒီ‌ဇာတ်လမ်းအဆွယ်ကောင်းလို့ ဆရာဝန်ပေါက်စဖြစ်ချင်တဲ့သူတွေလည်း မနည်းမနောရှိခဲ့တာပေါ့လေ။ အခုတင်ဆက်ပေးမှာကတော့ နာဂတောင်တန်းမဟုတ်တဲ့ ကိုလီတောင်တန်းက အစစအရာရာ ခေတ်နောက်ကျနေတဲ့ တမီလ်ရွာလေးမှာ တောင်ပံခတ်မယ့် ကြိုးကြာမလေးအကြောင်းပေါ့။ ကိုလီတောင်တန်းပေါ်က တောင်ပေါ်ရွာလေးဟာ လမ်းပန်းဆက်သွယ်ရေးခက်ခဲတဲ့ အစွန်အဖျားကရွာလေးဆိုတော့ အစစအရာရာမှာ ခေတ်နောက်ကျနေတာပေါ့။ တီဗီလိုင်းမရှိ ကားမရှိတဲ့ဒီရွာလေးမှာ လျှပ်စစ်မီးနဲ့ ဖုန်းလိုင်းရနေတာကပဲအတော်လေး ကျေးဇူးတင်စရာကောင်းနေတယ်ပဲ ပြောရမလိုပါ။ လမ်းပန်းဆက်သွယ်ရေး ခက်ခဲလွန်းတဲ့အတွက် ဘာမှမရောက်ဘဲ သီးခြားကွဲထွက်နေတဲ့ ရွာလေးမှာ ဘတ်စ်ကားတောင်မှ မနက်တစ်ခါ ညနေတစ်ခါပဲရောက်ပါသတဲ့။ ဆေးရုံကားဆိုတာကလည်း အရေးပေါ်ကိစ္စနဲ့ခေါ်လိုက်ရင် လူနာသေမှ အလောင်းလာသယ်သလိုလိုအဖြစ်တွေလည်း ဒုနဲ့ဒေးပါပဲ။ ဒီလိုနဲ့ ရွာမှာကောင်မလေးတစ်ယောက် လက်ကောက်ဝတ်လှီးပြီး အဆုံးစီရင်တာကို ဆေးရုံကားခေါပြီး ဆေးရုံပို့ဖို့လုပ်ပေမဲ့ ကားကညမှရောက်ပြီး နောက်ကျလို့ လူနာအသက်မမီလိုက်တဲ့အပြင် ဆရာဝန်က မြည်တွန်တောက်တီးတာခံလိုက်ရချိန်မှာတော့ အတော်လေးရင်ခံသွားကြတဲ့ရွာသားတွေ အလောင်းလာပြန်ပို့တဲ့ဘတ်စ်ကားရှေ့မှာ ပိတ်ရပ်ပြီး ဆန္ဒပြကြပါတော့တယ်။ သူတို့ရဲ့တောင်းဆိုချက်ကတော့ အစစအရာရာနိမ့်ကျနေသည့်တိုင်အောင် သူတို့လည်း ဆေးဘက်ဆိုင်ရာအထောက်အပံ့ရခွင့်ရှိတာကြောင့် ရွာဆေးရုံမှာ ဆရာဝန်တစ်ယောက်ခန့်ထားပေးဖို့ပါပဲ။ ကြိုးကြာတောင်ပံခတ်သံကသာ ဖတ်လို့ကောင်းတာ ကိုယ်တကယ်ကြုံရမယ်ဆိုတော့ transferလျှောက်ပြီး အကုန်ပြန်ပြေးကြတာမလို့ ခရိုင်မှူးလည်း အကျပ်ရိုက်နေတာပေမဲ့ ရွာသားတွေကိုငဲ့တဲ့အနေနဲ့ အာဏာသုံးပြီး ဆရာဝန်တစ်ယောက် မရမကလွှတ်ပေးဖို့စီစဉ်ပေးလိုက်ပါတော့တယ်။ ဒါပေမဲ့ ဒီဆရာဝန်ကို ဒီရွာမှာ ဆက်နေအောင်လုပ်နိုင်ဖို့ကိုတော့ ရွာသားတွေက တာဝန်ယူရမှာပါ။ ကဲ ဒီတော့ အာဏာကြောက်လို့ ရွာကိုလွင့်လာတဲ့ ဆရာဝန်ပေါက်စကြိုးကြာမလေးရယ် လိုအပ်ချက်တွေများနေတဲ့ဒီရွာလေးရယ် ဆရာမလေးကို ပြန်မပြေးအောင် အမိအရဆွဲထားရမယ့်ရွာသားတွေရယ် ဘယ်လိုစခန်းသွားကြမလဲဆိုတာ ရှုစားကြပါဦး။ ဒီကားလေးဟာ ယနေ့ခေတ်ထိအောင် ပညာရေး ကျန်းမာရေး အသိပညာပိုင်းမှာ နှောင့်နှေးနောက်ကျနေတဲ့ တောင်ပေါ်ရွာတွေရဲ့တကယ့်ဖြစ်ရပ်မှန်ကို အခြေခံပြီး ရိုက်ကူးထားတာဖြစ်တာကြောင့် ခြေနေသိပ်မကွာခြားလှတဲ့ဒီနိုင်ငံက တချို့နေရာတွေအတွက်ပါ တွေးစရာတစ်ခုရလာစေမှာပါ။ (အညွှန်းနဲ့ဘာသာပြန်ကတော့ CM Bollywood Teamမှဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…2.86GB / 1.32GB Quality…WEB DL 1080p /720p Format…mp4 Duration….2h 8m Subtitle….Myanmar Subtitle (Hard Sub) Encoder….YK Translated by CM Bollywood Team

Kombu Vatcha Singamda (2022)"ဦးချိုပါသော ခြင်္သေ့" ၂၀၂၂ က ထွက်ရှိတဲ့ တမီလ်စကားပြော ကျေးလက် အက်ရှင်ဒရာမာရုပ်ရှင်လေးကို ပရိသတ်တွေအတွက် တင်ဆက်ပေးချင်ပါတယ်။ ဆူမာသီဆိုတဲ့ကောင်မလေးဟာ အိမ်ထောင်ကျ ကလေးတစ်ယောက်ရပြီးနောက်မှာ မပြန်ဖြစ်တာ ၅ နှစ်ကြာပြီရှိတဲ့ သူ့ရဲ့မွေးရပ်မြို့လေးဆီကို ပြန်လာခဲ့ပါတယ်။ ဒါပေမဲ့ သူ့ရဲ့ မွေးရပ်မြို့လေးဟာ သူမှတ်မိထားတဲ့ပုံစံနဲ့မတူဘဲ တိတ်ဆိတ်ခြောက်ကပ်နေပြီး သုသာန်တစပြင်လိုမျိုး လူသူကင်းမဲ့နေတာကို တွေ့လိုက်ရတယ်။ အဲဒီလိုဖြစ်နေရတဲ့အကြောင်းအရင်းကို စုံစမ်းကြည့်တဲ့အချိန်မှာတော့ သူတို့မြို့လေးအတွက် အနစ်နာခံသွားတဲ့ လူငယ်ငါးယောက်ရဲ့အကြောင်းကို သိခဲ့ရပြီး အဲဒီလူငယ်ငါးယောက်ရဲ့အကြောင်းနဲ့ သူတို့ မြို့လေး ဘယ်လိုတိတ်ဆိတ်ခြောက်ကပ်သွားတာလဲဆိုတာကို ဒီရုပ်ရှင်ထဲမှာ တွေ့ကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 3.3 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2h 13m Subtitle….Myanmar Subtitle (Hard Sub) Encoder….YK Translated by CM Bollywood Team

မာသီက သိပ္ပံနည်းကျ ပစ္စည်းတွေ တီထွင်ဖန်တီးရတာကို ဝါသနာပါတဲ့ လူငယ်တစ်ယောက်ပါ။ ကိုယ့်ဖန်တီးမှုတွေကို အသိအမှတ်ပြုခံရဖို့ နေ့တိုင်းကြိုးစားနေပေမယ့် အငြင်းခံရတာ များလွန်းလို့ အဲဒီအဖြစ်နဲ့တောင် အသားကျနေပြီ။ အိပ်မက်ကြီးကြီးရှိသလို မတရားတာမြင်ရင် ငြိမ်မနေနိုင်ဘဲ လူတွေကို ကူညီအကျိုးပြုပေးတတ်သူလည်း ဖြစ်ပါတယ်။ သူ့အကြောင်းနဲ့အပြိုင် နောက်တစ်ဖက်မှာတော့ လူခြောက်ယောက်အဖွဲ့က အစီအစဉ်တွေ အသေအချာချပြီး လက်ဝတ်ရတနာဆိုင်တွေကို လိုက်ဖောက်နေကြတယ်။ သူတို့က စိန်တွေကိုပဲ သီးသန့်ခိုးယူနေကြတာပါ။ ဒီလူခြောက်ယောက်နဲ့ မာသီ ဘယ်လိုတွေ့ဆုံကြမလဲ၊ တွေ့ဆုံမိရာက ဘယ်လိုအကျိုးဆက်တွေ ဖြစ်လာမလဲဆိုတာကို ဇာတ်အိမ်နှစ်ခု အပြိုင်တည်ပြီး ပြောပြထားပါတယ်။ အက်ရှင်နဲ့ ဒရာမာ ရောစပ်ထားတဲ့ တမီးလ်ဇာတ်ကားဖြစ်ပြီး ဇာတ်ကားအစကတည်းက သီချင်းမြူးမြူးတွေလည်း ပါဝင်ပါတယ်။

ဗီရူမန်ဟာ ညီအစ်ကိုလေးယောက်ထဲက အငယ်ဆုံးသားပါ။ သူ့အမေက ဖခင်ရဲ့ နှိပ်စက်မှုဒဏ်ကြောင့် ဆုံးပါးခဲ့ရလို့ ဗီရူမန်က ဖခင်ကို ငယ်ငယ်ကတည်းက နာကျည်းမုန်းတီးနေခဲ့တယ်။ အဖေအရင်းကို ဓားကိုင်ပြီး လိုက်ခုတ်ခဲ့ဖူးတဲ့အထိ ဖြစ်ခဲ့ပြီး နောက်တော့ ဦးလေးတွေနဲ့ပဲ နေထိုင်ကြီးပြင်းလာခဲ့ပါတယ်။ အရွယ်ရောက်လာတဲ့အခါ ဖခင်ကို သင်ခန်းစာပေးချင်သလို လုပ်ခဲ့တဲ့အပြစ်တွေအတွက် ပြစ်ဒဏ်ခံစေချင်တာကြောင့် နည်းမျိုးစုံနဲ့ နှောင့်ယှက်ဒုက္ခပေးပါတော့တယ်။ သူ့အဖေကလည်း လာဘ်စားပြီး မောက်မာဆိုးသွမ်းတဲ့ လွှတ်တော်အမတ်တစ်ယောက်ပါ။ ဗီရူမန်က အစ်ကိုသုံးယောက်ကိုပါ ဖခင်ကို ဆန့်ကျင်ဖို့ စည်းရုံးပေမဲ့ သူတို့က ငွေနဲ့ ပစ္စည်းဥစ္စာကို မျက်နှာမလွှဲနိုင်ကြလို့ အဖေ့ဘက်မှာပဲ ဆက်နေကြတယ်။ သားအဖနှစ်ယောက်ရဲ့ အားပြိုင်မှုမှာ ဖခင်က အပြစ်ကြွေးဆပ်ရမလား၊ ဗီရူမန်ကပဲ လက်လျှော့သွားရမလား။

အစိုးရအရာရှိတွေကို ပစ်မှတ်ထားပြီး ဆက်တိုက်သတ်ဖြတ်နေတဲ့ မျက်နှာဖုံးစွပ်အဖွဲ့တစ်ဖွဲ့ ရှိနေပါတယ်။ သူတို့က လူသတ်ပြီးတိုင်း ခြေရာလက်ရာနဲ့ သဲလွန်စ မကျန်အောင် လုပ်နိုင်တဲ့အပြင် သတ်ဖြတ်မှုကို ဗီဒီယိုရိုက်ပြီး ရဲဌာနဆီ ပို့တဲ့အထိ ရဲတင်းကြတယ်။ ရဲဌာနက ဒီအမှုကို မကိုင်တွယ်နိုင်တော့တဲ့အခါ ဘလက်စကွက်ဒ်ဆိုတဲ့အဖွဲ့ကို တာဝန်လွှဲပေးလိုက်ပါတယ်။ ဒီအဖွဲ့ကလည်း မဖြေရှင်းနိုင်တဲ့အမှု မရှိသလောက်ပဲလို့ နာမည်ကြီးပြီး ဉာဏ်ထက်တဲ့အဖွဲ့ပါ။ ခြေရာမချန်တဲ့ လူသတ်အဖွဲ့ကို သူတို့လိုက်စုံစမ်းရာက နှစ်ဖွဲ့ကြား အကွက်ချင်းပြိုင်ဆိုင်မှုတွေနဲ့ မမျှော်လင့်ထားတဲ့ လှည့်ကွက်တွေ ပေါ်လာပါတယ်။ ကမာလ်ဟာစန်း၊ ဗီဂျေးစည်သူပတီ၊ ဖဟဒ်ဖာဆစ်လ်နဲ့ ဆူရီးယားတို့ ပါဝင်သရုပ်ဆောင်ထားတဲ့ အက်ရှင်ဇာတ်ကားဖြစ်ပါတယ်။ ဇာတ်ကောင်တချို့ကတော့ Kaithi (2019) ထဲက ဇာတ်ကောင်တွေ ဖြစ်ကြပါတယ်။