Brandon Scott ပါဝင်သော ဇာတ်ကားများ

Big Baby (2025) IMDb Rating (7.0) / Rotten Tomatoes (55%) ဒီဇာတ်ကားကတော့ Horror နဲ့ Thriller အမျိုးအစား ရုပ်ရှင်ဇာတ်ကားပဲ ဖြစ်ပါတယ်။ ဒါရိုက်တာ J.R. Poli က ရိုက်ကူးထားပြီး သရုပ်ဆောင်တွေအဖြစ် Patrick Censoplano, Danielle Baez, Robert LaSardo နဲ့ Josh Server တို့က ပါဝင်သရုပ်ဆောင်ထားကြပါတယ်။ ဇာတ်ညွှန်းရေးဆရာ အာဒမ်ဟာ သူရေးသားခဲ့တဲ့ ရုပ်ရှင်ဇာတ်ကားပေါ် ပေါ့ဒ်ကတ်စ် သုံးသပ်သူတွေရဲ့ အဆိုးမြင် ဝေဖန်မှုတွေကြောင့် စိတ်ဓာတ်ကျပြီး ပြင်းထန်တဲ့ စိတ်ဖိစီးမှုတွေကို ရင်ဆိုင်နေရရာကနေ ဇာတ်လမ်းစတာပါ။ အဲဒီ စိတ်ဖိစီးမှုတွေကြားထဲကနေပဲ သူဟာ "ကလေးကြီး" လို့ အမည်ရတဲ့ ခန္ဓာကိုယ်ထွားကြိုင်းပြီး ကလေးမျက်နှာဖုံး စွပ်ထားတဲ့ ရက်စက်လွန်းလှတဲ့ မိစ္ဆာလူသတ်သမားတစ်ယောက်အကြောင်း ဇာတ်ညွှန်းအသစ်ကို စတင်ရေးသားခဲ့ပါတယ်။ ဒါပေမဲ့ မထင်မှတ်ဘဲ သူ ရေးသားနေတဲ့ စာအုပ်ထဲက ထိတ်လန့်စရာ သတ်ဖြတ်မှုတွေဟာ လက်တွေ့ပြင်ပမှာပါ တကယ့်အဖြစ်အပျက်တွေလို အစဉ်လိုက် ဖြစ်ပေါ်လာပါတော့တယ်။ စိတ်ကူးနဲ့ လက်တွေ့ကြား ခွဲခြားရခက်လာတဲ့ အာဒမ်ဟာ သူ့ရဲ့ ဇာတ်ညွှန်းကြောင့် ချစ်သူ ကိတ် နဲ့ ဘေးပတ်ဝန်းကျင်က လူတွေ အန္တရာယ်ကြုံတွေ့လာရတာကို သိလိုက်ရတဲ့အခါ ရူးသွပ်မှုတွေ၊ စိတ္တဇဖိအားတွေကြားထဲကနေ ဒီကျိန်စာဆိုးကို ရပ်တန့်နိုင်ဖို့နဲ့ ဇာတ်လမ်းကို အပြီးသတ်နိုင်အောင် အသည်းအသန် ကြိုးစားသွားရမယ့် သည်းထိတ်ရင်ဖို Horror ဇာတ်ကားကောင်းတစ်ကားပဲ ဖြစ်ပါတယ်။ File size… (1.1 GB) / (760 MB) Quality…. WEB-Rip 1080p HEVC / 720p Format…. mkv/mp4 Genre…. Horror Duration…. 01:42:59 Subtitle…. Myanmar Subtitle (Hardsub)

ဒီတစ်ခေါက်မှာတော့ ထူးထူးခြားခြား အတွေးများစေမဲ့ Psychological sci-fi ရုပ်ရှင်တစ်ကားကိုတင်ဆက်ပေးလိုက်ပါရစေ။ ဒီဇာတ်ကားရဲ့ အဓိကဇာတ်လိုက် ရှောင်က သာမန်လူလတ်တန်းစား ပုဂ္ဂလိက လုံခြုံရေးဝန်ထမ်းတစ်ဦးပါ။ သူ့မှာ အန်ဒရေယာဆိုတဲ့ ဇနီးလည်းရှိပြီး ကိုယ်ဝန်လွယ်ထားရတာလည်း လရင့်နေပြီဖြစ်ပါတယ်။ ရှောင်ကတော့ ကလေးမွေးတဲ့အခါ သူတို့မိသားစု ၃ယောက် ‌ရှေ့ရေးကို စိတ်အေးအေးနေနိုင်ဖို့ အလုပ်မှာ စိတ်နှစ်ပြီး ကြိုးကြိုးစားစားနေထိုင်ပါတယ်။ တစ်ညမှာတော့ သူအလုပ်လုပ်တဲ့နေရာမှာရှိတဲ့ အချက်ပေးခေါင်းလောင်းပျက်သွားလို့ ပြင်ဖို့သွားရင်း ခေါင်မိုးပေါ်က မီးသီးကျွမ်းနေတာကိုပါ တက်လဲခဲ့ပါတယ်။ ခေါင်မိုးပေါ် မီးသီးတက်လဲနေတုန်း ကောင်းကင်ပေါ်ကနေ အလင်းတန်းကြီးတစ်ခု ရှောင်ရဲ့ခေါင်းပေါ် ကျလာခဲ့ပြီး ရှောင်လည်း ခေါင်မိုးပေါ်ကနေ ပြုတ်ကျသွားပါတော့တယ်။ ဆေးရုံမှာ ပြန်နိုးလာတဲ့အခါ ရှောင်ဟာ အရင်လိုပုံမှန်မဟုတ်တော့ဘဲ ရုတ်တရက် ပန်းချီ‌တွေဆွဲတတ်လာပြီး ထင်ယောင်ထင်မှားဖြစ်တာတွေ အကြားအာရုံထူးခြားလာတာတွေပါ ကြုံလာရပါတယ်။ အိမ်ထောင်ဦးစီးတာဝန်ကိုလည်း ထမ်းနေရတဲ့ ရှောင်တစ်ယောက် ဒီလို အခြေအနေတွေကို ဘယ်လိုရင်ဆိုင်သွားမလဲဆိုတာကိုကြည့်ရှုရမှာပါ။ ဒီဇာတ်ကားက အစပိုင်းမှာတော့ ဇာတ်အထနှေးပေမဲ့ turning point ကနေစလို့ တဖြည်းဖြည်း နောက်ဆုံးထိ tempo ဆက်တိုက်တက်သွားပြီး ဆွဲ ခေါ်သွားတာပါ။ ဇာတ်သိမ်းမှာလည်း ကြည့်ရှုသူတွေကို စဉ်းစားခန်းဖွင့်စေမဲ့ open ending မျိုးနဲ့အဆုံးသတ်ထားတာမလို့ အတော်လေး စိတ်ဝင်စားဖို့ကောင်းတဲ့ ရုပ်ရှင်မျိုးဖြစ်ကြောင်း ညွှန်းဆိုလိုက်ချင်ပါတယ်။ File Size… (1.00GB) / (505MB) Quality… WEB-DL 1080p HEVC /720p Format…mkv / mp4 Duration…1h 36m Genre ….Drama , Horror , Mystery , Sci-Fi , Thriller Subtitle….Myanmar Subtitle (Hard Sub)

စီးရီးနာမည်လေးက ရိုးသလိုလိုနဲ့ ခန့်မှန်းမရဘူးဟုတ်။ "The Girls on the Bus" ဆိုတော့ ဘာလားပေါ့။ ဇာတ်လမ်းလေးကလည်း ရိုး သလိုလိုနဲ့ မရိုးဘဲကြည့်ကောင်းတယ်ဗျ။ ရုတ်တရက် ပရိတ်သတ် ကြီးတို့က ဘက်စ်ကားနဲ့ခရီးထွက်ရင်း သရဲအခြောက်ခံရတဲ့ကားတို့ ဘာတို့ ထင်ကောင်းထင်နိုင်ပေမဲ့ တကယ်တော့ The Girls on the Bus ဆိုတာ ဒီလို။ အမေရိကန်မှာ ရွေးကောက်ပွဲနီးလာလို့ မဲဆွယ်‌စည်းရုံးရေးတွေဆင်း ကြပြီဟေ့ဆိုရင် အဲဒီကိုယ်စားလှယ်လောင်းတွေအကြောင်း သတင်း ရေးရတဲ့ သတင်းဌာနအသီးသီးက သတင်းထောက်တွေက စည်းရုံး ရေးဆင်းတဲ့နေရာတွေကို နောက်ကနေ ဘက်စ်ကားနဲ့ လိုက်ပြီး သတင်း ယူရတယ်။ ဘက်စ်ကားပေါ်မှာ သတင်းစာတိုက်အစုံရဲ့ သတင်းထောက် တွေစုံပလုံစေ့ပြွတ်သိပ်ထိုးနေတာပေါ့။ အဲ့ထဲကမှ အမျိုးသမီးသတင်း ထောက်(၄)ယောက်က "The Girls on the Bus"ရဲ့ ဇာတ်ဆောင်တွေပါပဲ။ ဆေဒီက ခံစားချက်အသားပေးပြီးရေးမိလို့ နိုင်ငံရေးသတင်းထောက်အဖြစ် ကနေ နာရေးသတင်းရေးတဲ့သူပဲဖြစ်သွားပြီး သူ့နေရာပြန်ရဖို့ ဒီတစ်ခေါက်မှာ အကောင်းဆုံးလုပ်ပြဖို့လိုနေတဲ့သူ။ ဂရေ့စ်က ဆေဒီ့သူငယ်ချင်း၊ ပရော်ဖက် ရှင်နယ်ကျတဲ့သတင်းထောက်။ ကင်ဘာလင်ကတော့ ရွေးကောက်ပွဲပြီးမှ လက် ထပ်မဲ့ လူမည်းအမျိုးသမီးသတင်းထောက်။ လိုလာကကျ အဲဒီသုံးယောက်ဆီ ကနေ တရားဝင်သတင်းထောက်လို့ အသတ်မှတ်မခံရတဲ့ ဆိုရှယ်မီဒီယာက ဆယ်လီမမ။ သူတို့သတင်းထောက်တစ်ယောက်ချင်းစီမှာ ကိုယ်ပိုင်ခံယူချက်တွေ၊ ကိုယ်ပိုင် နည်းလမ်းတွေရှိတယ်။ အဲဒါကိုရိုက်ပြသွားတာ‌လေးက အတော်လှတယ်လို့ထင် ပါတယ်။ ကိုယ်စားလှယ်လောင်းတွေရဲ့အားပြိုင်မှုတွေ၊ သတင်းထောက်တွေရဲ့ ရပ်တည်မှုတွေ၊ မီဒီယာလောကရဲ့လုပ်ရိုးလုပ်စဉ်တွေ အတော်လေးမြိုင်မြိုင်ဆိုင် ဆိုင်ကြည့်ရမှာပါ။ ချတာတိုက်တာခိုက်တွေမပါဝင်ဘဲ ကိုယ်မသိတဲ့နယ်ပယ်တစ် ခုအကြောင်း ထဲထဲဝင်ဝင်သိလိုက်ရသလိုမျိုးဖြစ်စေမဲ့ကားပါ။ ကြည့်ရှုခံစားလိုက် ကြပါဦး။ ဆေဒီအဖြစ် သရုပ်ဆောင်ထားသူကတော့ အချစ်တော် ကာရာ . စူပါဂဲလ်လေးပဲ ဖြစ်ပါတယ်။ (ဒီစီးရီးရဲ့ အညွှန်းကို Ngwe Zin မှရေးသားပေးပြီး၊ ဘာသာပြန်ရေးသားပေးသူ များကကတော့ CM Team မှ ဖြစ်ပါတယ်။) File Size.............(700 MB) / (350 MB) Quality...............WEB-DL 720p / 1080p Duration............47Mins(@Episode) Subtitle..............Myanmar Hardsub Format...............MP4 Genre.................Drama Translator..........Ngwe Zin, Khant Sett, Thwal Htoo Zin, Act Molemy, Thiha Yan Naing Encoder..............SWM

ဆန်ဖရန်စစ္စကိုက စိတ်ရောဂါကုဆရာဝန်မတစ်ယောက်ဟာ အချိန်အကြာကြီး တွဲခဲ့တဲ့ ချစ်သူနဲ့ လမ်းခွဲပြီး အုတ်ခ်လန်ရဲ့ ဆင်ခြေဖုံးရပ်ကွက်လေးကို ပြောင်းလာပါတယ်။ နေရာသစ်မှာ အိမ်နီးနားချင်းတွေနဲ့ အသားကျအောင် ကြိုးစားရင်း သူတို့နဲ့ ဘယ်လိုရင်းနှီးခင်တွယ်လာမလဲဆိုတာကို ဆက်ပြထားတဲ့ အချစ်ဟာသဇာတ်လမ်းပါ။

ဒီခရစ်စမတ်အထူးအပိုင်းမှာ Boss Baby တစ်နှစ်သားအရွယ်တုန်းက ပထမဆုံးကြုံခဲ့ရတဲ့ ခရစ်စမတ်ကို နောက်ကြောင်းပြန်ထားပါတယ်။ ခရစ်စမတ်မတိုင်ခင် နာရီပိုင်းအလိုမှာ သူနဲ့ ဆန်တာ့ရဲ့ အားအကိုးရဆုံး နတ်သူငယ်လေးတို့ နေရာချင်းလွဲသွားကြတယ်။ အဲဒီလိုနဲ့ Boss Baby ဟာ ဆန်တာရှိတဲ့ မြောက်ဝင်ရိုးစွန်းကို ရောက်သွားပါတယ်။ နဂိုကတည်းက ခရစ်စမတ်ရိုးရာတွေကို မကြိုက်တဲ့သူက ဆန်တာ့လက်ဆောင်စက်ရုံထဲ ရောက်ပြီး ကလေးတွေအတွက် အရုပ်တွေ လုပ်ပေးရတဲ့အခါ အဆင်မပြေတာတွေ စတော့တာပါပဲ။ Boss Baby က ဆန်တာ့ဆီမှာ ဘယ်လိုဆရာလုပ်ဦးမလဲဆိုတာနဲ့အတူ သူ့နေရာကို ရောက်သွားတဲ့ နတ်သူငယ်လေး ဘာတွေကြုံရမလဲဆိုတာကိုလည်း တွဲပြထားပါတယ်။ မိသားစုလုပ်ငန်းဆိုတဲ့ အမည်အောက်မှာ အလုပ်သမားအခွင့်အရေးတွေ ကန့်သတ်ခံရပုံနဲ့ လုပ်ငန်းရှင်တွေက ကိုယ့်အကျိုးကိုပဲ ရှေ့တန်းတင်ပုံတွေကို စကားပြောခန်းတွေကနေ သရော်ထားတဲ့ အန်နီမေးရှင်းအပိုင်းပါ။

Christoph Waltz သရုပ်ဆောင်ထားတဲ့ ဆုကြေးစားဟာ အလိုရှိနေတဲ့ လူဆိုးတွေကို ဖမ်းဆီးတာ၊ သတ်ဖြတ်တာတွေနဲ့ ဆုကြေးယူပြီး အသက်မွေးသူပါ။ တစ်နေ့မှာ သူဌေးတစ်ယောက်က သူ့ဇနီးကို ပြန်ခေါ်ပေးဖို့ အလုပ်အပ်လာတယ်။ သူဌေးပြောပြချက်အရ တပ်ပြေးတစ်ယောက်က ဇနီးကို ပြန်ပေးဆွဲပြီး နယ်စပ်တစ်ဖက်ဆီ ခေါ်သွားကာ ပြန်ပေးငွေ တောင်းထားတာပါ။ ဆုကြေးစားနဲ့အတူ တပ်ပြေးရှိတဲ့နေရာကို သိထားတဲ့ သူ့သူငယ်ချင်းတစ်ယောက်ကိုလည်း အဖော်ထည့်ပေးလိုက်ပါတယ်။ ဟိုဘက်ကို ရောက်တော့ တပ်ပြေးက မြို့တစ်မြို့လုံးကို ချုပ်ကိုင်ထားတဲ့ လူဆိုးတွေနဲ့ အပေးအယူလုပ်ထားတာကြောင့် လူပြန်ခေါ်ရမယ့်အလုပ်က ထင်သလောက် မလွယ်တော့ဘူး။ သေနတ်တွေနဲ့ ဖြေရှင်းရတဲ့ ပြဿနာတွေထဲ ပါဝင်လာရပါတယ်။ Christoph Waltz နဲ့ Willem Dafoe တို့ ပါဝင်တဲ့ ဒီကောင်းဘွိုင်သည်းထိတ်ရင်ဖိုကားကို ၇၉ ကြိမ်မြောက် ဗင်းနစ်ရုပ်ရှင်ပွဲတော်မှာလည်း ပြသခဲ့ပါတယ်။

ဂျိမ်းစ်ဆိုတဲ့လူငယ်တစ်ယောက်ဟာ ငယ်စဉ်ကပျောက်ဆုံးသွားခဲ့တဲ့ သူရဲ့ အစ်မဖြစ်သူပါဝင်တဲ့ ဗွီဒီယိုတိပ်ခွေတစ်ခွေကိုရှာဖွေတွေ့ရှိခဲ့ပါတယ်... အဲ့ဒီ တိပ်ခွေထဲမှာပဲ မိန်းမကြီးတစ်ယောက်ကိုတွေ့ ခဲ့ပါတယ်... သူတို့ဟာအဲ့ဒီမိန်းမကြီးကို Blair စုန်းမလို့သတ်မှတ်ခဲ့ကြပြီး... အဲ့ဒီနောက်မှာတော့ ဂျိမ်းစ်နဲ့ သူ့ရဲ့သူငယ်ချင်းတစ်စုဟာ Blairစုန်းမနဲ့သက်ဆိုင်နေတဲ့ တောအုပ်ကြီးထဲကို သူ့အစ်မဖြစ်သူကိုရှာဖို့ထွက်လာကြတဲ့အခါမှာတော့ သူတို့လုံးဝထင်မှတ်မထားတဲ့ အဖြစ်ဆိုးတွေနဲ့  ရင်ဆိုင်ရတော့တာပါပဲ.... Blair စုန်းမဆိုတာ ငယ်စဉ်ကလို သူတို့ အတွက် ယုံတမ်းပုံပြင် တစ်ခုလား... အပြင်မှာ တစ်ကယ်လား ဆိုတာ ကတော့ ကြောက်လန့်စဖွယ်ကြည့်ရမှာပဲဖြစ်ပါတယ်... Rating 5.2 ရရှိထားပြီးတော့ တစ်ယောက်တည်းကြည့်ရှု့ရန်မသင့်တဲ့ Horror ကားကောင်းတစ်ကားပဲဖြစ်ပါတယ်...( ဒီကားကို ဘာသာပြန်သူ Hnin Pwint မှခံစားတင်ဆက်ပေးထားပါတယ်...) File size…(810MB) Quality…BluRay 1080p Format…mp4 Duration….01:29:11 Subtitle….Myanmar Subtitle (Hardsub) Translator…Hnin Pwint  Encoder….Moe Myint Lwin

2014 ခုနှစ်မှာထွက်ရှိခဲ့တဲ့ ဇာတ်ကားတစ်ကားဖြစ်ပြီး ဒါရိုက်တာ Steven Brill ကရိုက်ကူးတင်ဆက်ထားပါ တယ်..IMDb Rate မှာလည်း 6 ရရှိထားတာမို့အတော်အသင့်ကောင်းတယ်လို့ဆိုရမှာပဲဖြစ်ပါတယ်.. ဇာတ်လမ်းပုံစံလေးကတော့ ပေါ့ပေါ့ပါးပါးနဲ့ဟာသဆန်ဆန်ရိုက်ကူးတင်ဆက်ထားခြင်းပဲဖြစ်ပါတယ်.. Meghan ဟာ သတင်းကြော်ငြာတင်ဆက်သူအမျိုးသမီးတစ်ဦးပဲဖြစ်ပါတယ်..တစ်ရက်သူပါတီမှာ အကဲလွန် ပြီး သောင်းကျန်းရာကနေ နောက်နေ့နိုးလာတော့ အရမ်းအရေးကြီးတဲ့သတင်းတစ်ခုအတွက်မမှီဖို့ရာခိုင် နှုန်းအရမ်းများသွားခဲ့ပါတယ်..အကြောင်းအမျိုးမျိုးကြောင့်ပိုက်ဆံလည်းမရှိ..ဖုန်းလည်းမရှိ..လိုက်ပို့ပေးဖို့ ဆက်သွယ်ရေးဝန်ဆောင်မှုတွေမရှိတဲ့နေရာကနေ သူ့ဘဝအတွက်အရမ်းအရေးကြီးတဲ့အင်တာဗျူးတစ်ခုကို ဘယ်လိုအခက်အခဲတွေ..ဘယ်လိုပုံစံတွေနဲ့ရောက်သွားမလဲဆိုတာကြည့်ရမှာပါ Filesize : 575 MB Quality : BlurayRip-720p Source : Yify Format : mp4 Subtitle : Myanmar Subtitle (Hardsub) Encoded By LK

Ralph ဟာ သူ့ဂိမ်းထဲ က ပြီးပြည့်စုံပြီး တော်နေတဲ့ ကောင်လိုမျိုး အချစ်ခံချင်သူပါ ပြသနာက လူဆိုးတွေကို ဘယ်သူမှမချစ်ကြတာပါပဲ ဒါပေမဲ့ သူရဲကောင်းတွေကိုတော့ ချစ်ကြပါတယ် ဒီတော့ ဆားဂျင့်အဖြစ်ဆော့ရတဲ့ ဂိမ်းပေါ်လာတဲ့အခါမှာတော့ အဲ ဂိမ်းကို သူ့အတွက် သူရဲကောင်းဖြစ်ဖို့ အခွင့်အရေးလို့ မြင်သွားပါတယ် သူဟာ ဂိမ်းထဲ ကို ရိုးရှင်းတဲ့ပလန်နဲ့ ဝင်သွားတယ် နိုင်ခဲ့ပေမယ့် မကြာခင်မှာပဲ အရာအားလုံးပျက်စီးသွားခဲ့ပါတယ် ဒီအခါမှာ သူဘာတွေဆက်လုပ်မလဲ ဘာတွေ ဆက်ဖြစ်လာမလဲ သူဖြစ်ချင်တဲ့ သူရဲကောင်းရော ဖြစ်လာပါ့မလားဆိုတာတော့ Wreck-It Ralph ဆိုတဲ့ ၂၀၁၂ ထွက် Animation ကားလေးထဲမှာ ဆက်လက်ကြည့်ရှုကြပါ IMDb rating 7.7 ထိရထားတဲ့ ကာတွန်းလေးမို့ လက်မလွတ်သင့်တဲ့ ဇာတ်ကားလေးပါ File Size : 4 GB / 1.4 GB/ 900 MB Quality : Blu-Ray 4K / 1080p / 720p Running Time : 1hr 41min Format : Mp4 Genre :Animation, Adventure, Comedy Subtitle : Myanmar Subtitle (Hard Sub)