Bryan Cranston ပါဝင်သော ဇာတ်ကားများ

ငယ်ငယ်က တီဗီရှေ့မှာ ထိုင်ပြီး ကြည့်ခဲ့ရတဲ့ Malcolm in the Middle ဇာတ်လမ်းတွဲကြီး အနှစ် ၂၀ အကြာမှာ ပြန်လာပြီဆိုတော့ အားလုံးပဲ ရင်ခုန်နေကြမယ်ထင်ပါတယ်။ ဒီနေ့ပဲ မှာ Hulu နဲ့ Disney+ ကနေ ထွက်ရှိလာတဲ့ Malcolm in the Middle: Life's Still Unfair ဟာ အပိုင်း (၄) ပိုင်းတည်းပါတဲ့ Miniseries လေး ဖြစ်ပေမယ့်၊ ငယ်ဘဝအမှတ်တရတွေကို အကောင်းဆုံး ပြန်လည်အသက်သွင်းပေးသွားနိုင်ပါတယ်။ များသောအားဖြင့် နာမည်ကြီး ဇာတ်လမ်းတွဲဟောင်းတွေကို ပြန်ရိုက်တဲ့အခါ (Reboot/Revival) အရင်လောက် အရသာမတွေ့တော့ဘဲ ပျင်းစရာကောင်းသွားတာ များပါတယ်။ ဒါပေမယ့် ဝေဖန်ရေးဆရာတွေဆီကနေ Rotten Tomatoes မှာ 81% အထိ ရရှိထားတဲ့ ဒီကားကတော့ တကယ့်ကို ခြွင်းချက်ပါပဲ။ ဒီတစ်ခေါက်မှာတော့ Malcolm က ကလေးမဟုတ်တော့ပါဘူး။ သူကိုယ်တိုင်က ဆယ်ကျော်သက်သမီးလေး (Leah) ကို ပြုစုပျိုးထောင်နေတဲ့ ဖခင်တစ်ယောက်ဖြစ်နေပြီဖြစ်သလို၊ ချစ်သူ Tristan နဲ့အတူ ပုံမှန်အေးချမ်းတဲ့ဘဝလေးကို တည်ဆောက်ထားပါတယ်။ သူ့ရဲ့ ရှုပ်ယှက်ခတ်နေတဲ့ မိသားစု (အထူးသဖြင့် အမေ Lois ရဲ့ လွှမ်းမိုးချုပ်ကိုင်မှု) တွေကြောင့် စိတ်ဒဏ်ရာရခဲ့လို့ ဝေးရာမှာ ဆယ်စုနှစ်တစ်ခုလောက် အဆက်အသွယ်ဖြတ်ပြီး နေလာခဲ့တာပါ။ ဒါပေမယ့် အဖေနဲ့အမေ (Hal နဲ့ Lois) တို့ရဲ့ အနှစ် ၄၀ ပြည့် မင်္ဂလာနှစ်ပတ်လည်ပွဲကို မဖြစ်မနေ ပြန်လာရဖို့ အကြောင်းဖန်လာတဲ့အခါ... ရှောင်ပြေးနေခဲ့တဲ့ မိသားစု ပြဿနာဟောင်းတွေ၊ ဖုံးကွယ်ထားတဲ့ လျှို့ဝှက်ချက်တွေ အကုန်ပြန်ပေါ်လာပါတော့တယ်။ Reese (Justin Berfield) နဲ့ Francis (Christopher Masterson) တို့ ညီအစ်ကိုတွေအပြင်၊ မိသားစုဝင်အသစ်ဖြစ်တဲ့ ဉာဏ်ကောင်းလွန်းတဲ့ Nonbinary ဆယ်ကျော်သက် Kelly (Vaughan Murrae) ဆိုတဲ့ ဇာတ်ကောင်သစ်လည်း ထပ်တိုးပါဝင်လာပါတယ်။ ဒီကားရဲ့ အသက်က မိသားစုသံယောဇဉ်နဲ့ ပဋိပက္ခတွေကို ပကတိအတိုင်း တင်ဆက်ထားတာ ပါပဲ။ မိသားစုဆိုတာ ရှောင်ပြေးချင်တိုင်း ပြေးလို့မရတဲ့အရာ၊ နားလည်မှုလွဲတာတွေ ဘယ်လောက်ပဲရှိရှိ နောက်ဆုံးတော့ မိသားစုက မိသားစုပဲဆိုတဲ့ အချက်ကို ရယ်စရာ ဟာသတွေ၊ စိတ်လှုပ်ရှားစရာ အချိုးအကွေ့တွေနဲ့ သေသေချာချာ ရောနှောပြီး တင်ဆက်ထားပါတယ်။ Malcolm in the Middle ကို ကြိုက်နှစ်သက်ခဲ့တဲ့သူဆိုရင် ဒီ ၄ ပိုင်းပါ Miniseries ကို လုံးဝ လက်မလွှတ်သင့်ပါဘူး။ ဇာတ်ကောင်တွေ ကြီးပြင်းလာတာကို မြင်ရတဲ့ လွမ်းဆွတ်မှု (Nostalgia) အပြင်၊ ရယ်ရမလို ငိုရမလို ခံစားချက်မျိုးစုံကို အပြည့်အဝ ပေးစွမ်းနိုင်တဲ့ ကားကောင်းလေး တစ်ကားဖြစ်ပါတယ်။ File size… 650 MB/ 300 MB(Appx;)@Episode Quality… WEB DL 1080p / 720p Format… mp4 Duration…. 30m@Episode Genre ..... Comedy , Drama Subtitle…. Myanmar Subtitle (Hard Sub)

The Sheep Detectives (2026) 4K HEVC +++++++++++ IMDb Rating (7.6) / Rotten Tomatoes (96%) မင်းသားကြီး Hugh Jackman ရဲ့ ဒီကားလေးကတော့ မိသားစုနဲ့အတူ ပေါ့ပေါ့ပါးပါး ကြည့်လို့ကောင်းမယ့် ဟာသနဲ့ လျှို့ဝှက်ဆန်းကြယ် စုံထောက်ကားလေးပါ။ Leonie Swann ရဲ့ နာမည်ကြီးဝတ္ထု "Three Bags Full" ကို အခြေခံပြီး ဒါရိုက်တာ Kyle Balda က ရိုက်ကူးထားတာ ဖြစ်ပါတယ်။ ဇာတ်လမ်းအကျဉ်းလေးကတော့ ဂျော့ချ်ဆိုတဲ့ သိုးကျောင်းသားကြီးဟာ ညတိုင်း သူ့ရဲ့ချစ်လှစွာသော သိုးလေးတွေကို စုံထောက်ဝတ္ထုတွေ ဖတ်ပြလေ့ရှိပါတယ်။ သိုးတွေဆိုတော့ နားလည်မှာမဟုတ်ပါဘူးလေ ဆိုပြီး ဖတ်ပြနေပေမယ့် တစ်နေ့ကျတော့ ခြံထဲမှာ ဂျော့ချ် အသတ်ခံလိုက်ရတဲ့အခါ ဇာတ်လမ်းစပါတော့တယ်။ သိုးလေးတွေက သူတို့သခင်ကို သတ်သွားတဲ့ လူသတ်သမားကို ရှာဖို့ ဆုံးဖြတ်လိုက်ကြပါတယ်။ ညတိုင်း နားထောင်ခဲ့ရတဲ့ စုံထောက်ဝတ္ထုတွေထဲက အသိပညာတွေနဲ့ သိုးလေးတွေဟာ သဲလွန်စတွေရှာ၊ မသင်္ကာစရာ လူတွေကို စုံစမ်းရင်း တကယ့် စုံထောက်တွေလို အမှုလိုက်ကြပါတော့တယ်။ လူတွေ မထင်မှတ်ထားတဲ့ သိုးလေးတွေရဲ့ ဉာဏ်ရည်နဲ့ အမှုအခင်းကို ဘယ်လို စုံစမ်းဖော်ထုတ်မလဲဆိုတာကို ရယ်မောစရာလေးတွေနဲ့ ကြည့်ရမှာပါ။ Hugh Jackman က ဂျော့ချ်နေရာကနေ ပါဝင်ထားပြီး သိုးလေးတွေရဲ့ အသံတွေနေရာမှာတော့ Julia Louis-Dreyfus, Bryan Cranston, Emma Thompson, Patrick Stewart နဲ့ Bella Ramsey တို့လို နာမည်ကြီး သရုပ်ဆောင်တွေ အများကြီး ပါဝင်အားဖြည့်ထားပါတယ်။ CGI သိုးလေးတွေရဲ့ အမူအရာတွေကလည်း အရမ်းချစ်စရာကောင်းသလို၊ ဟာသလေးတွေနဲ့မို့ အပျင်းပြေကြည့်ဖို့ အရမ်းကောင်းတဲ့ ကားလေးတစ်ကားလို့ ညွှန်းပါရစေ။ File Size… (4.9GB) / (1.78GB) / (987MB) Quality… WEB-DL 4K HEVC / 1080p HEVC / 720p Format…mkv / mp4 Duration…1h 49m Genre ….Comedy, Family and Mystery Subtitle….Myanmar Subtitle (Hard Sub)

Everything's Going to Be Great (2025) IMDb Rating (5.5) / Rotten Tomatoes (63%) ဒီတစ်ခါမှာတော့ Comedy/Drama ဇာတ်ကားလေးတစ်ခုကိုတင်ဆက်ပေးချင်ပါတယ်။ ဒီဇာတ်ကားမှာ Breaking Bad ထဲကမင်းသားကြီး Bryan Cranston, Allisson Janneyနဲ့ Benjamin Evan Ainsworth တို့က အဓိကပါဝင်ထားပါတယ်။ ဇာတ်လမ်းအကျဥ်း ဖျော်ဖြေရေးလောကမှာ စားဝတ်နေရေးအတွက် ပြဇာတ်ကစားပြီးရပ်တည်နေတဲ့ ဘက်ဒီနဲ့မေစီစမတ်တို့ဟာ ဒဲရစ်နဲ့လက်စတာဆိုတဲ့သားနှစ်ယောက်နဲ့အတူနေထိုင်ကြပါတယ်။ ဒေသခံပြဇာတ်ရုံအသေးလေးမှာပဲပြဇာတ်ကရင်း အိမ်ရဲ့စီးပွားရေးက ပြေလည်တစ်လှည့် ကြပ်တည်းတစ်လှည့်ပေါ့။ သားနှစ်ယောက်ကလည်း ဝါသနာမတူဘဲ မကြာခဏအချင်းများလေ့ရှိကြတယ်။ သားအငယ်လက်စတာကတော့ အဖေတူသားပီပီ ပြဇာတ်တွေမှာပါဝင်သရုပ်ဆောင်ရတာကိုခုံမင်ပေမဲ့ အကြီးဖြစ်သူဒဲရစ်ကတော့ ဘောလုံးအားကစားကိုဝါသနာပါပေမဲ့ လိုအပ်တဲ့အခါဖျော်ဖြေမှုမှာပါဝင်ရပါတယ်။ တစ်ရက်မှာ နယူးဂျာစီမှာရှိတဲ့ပြဇာတ်အကြီးမှာဖျော်ဖြေဖို့အခွင့်အရေးရလာပြီး ထိုဖျော်ဖြေမှုအောင်မြင်ခဲ့ပါက ဘဝပြောင်းနိုင်မယ့်အခွင့်အရေးကြီးမလို့ ရည်မှန်းချက်ကြီးမားတဲ့ဘက်ဒီတစ်ယောက် အားလုံးကိုပုံအောလောင်းကြေးထပ်ပြီး နယူးဂျာစီမြို့ကိုပြောင်းလာပါတယ်။ အောင်မြင်ရင်ရရှိမယ့်ဆုလဒ်ကကြီးမားသလို ဆုံးရှုံးခဲ့ရင်လည်းဘာမှမကျန်တော့တဲ့အထိဖြစ်မှာမလို့........သူတို့အောင်မြင်သွားကြပါ့မလား။ မမျှော်လင့်ထားတဲ့အခက်အခဲတွေ အခြေအနေတွေကြုံတွေ့ရပါတော့တယ်။ (အညွှန်းနဲ့ဘာသာပြန်ကတော့ Rybujane ဖြစ်ပါတယ်။) File size… (3.8 GB) / (1.3 GB) / (660 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 01:35:37 Subtitle…. Myanmar Subtitle (Hardsub) Encoder…. Double K Translated by Rybujane

ဒီဇာတ်ကားလေးကတော့ အရင်လကမှ ထွက်ရှိထားပြီးတော့ ဟောလိဝုဒ် ဒိတ်ဒိတ်ကြဲထိပ်တန်းသရုပ်ဆောင်တွေများစွာ ပါဝင်ထားတဲ့အပြင် Rating အားဖြင့် IMDb 6.9/10, Rotten Tomatoes မှာ 78% တောင် ရရှိထားပါတယ်။ ဇာတ်လမ်းအကျဉ်း +++++++++++ အန်နာတိုး ကိုဒါ တဖြစ်လည်း ဇာဇာဟာ တကယ့်ကို ကျိကျိတက်ချမ်းသာပြီးတော့ ဉာဏ်နီဉာဏ်နက် ရောင်စုံထွက်တဲ့ စီးပွားရေးသမားဖြစ်ပါတယ်။ သူဟာ ခေါင်းပုံဖြတ်အမြတ်ကြီးစားမှု အခွန်ရှောင်မှု ဈေးကွက်ချုပ်ကိုင်မှု လာဘ်ပေးလာဘ်ယူမှု အစရှိတဲ့ စွပ်စွဲချက်ပေါင်းစုံနဲ့ နာမည်ဆိုးနဲ့ကျော်ကြားပြီး သူ့ကို မကျေနပ်တဲ့ စီးပွားပြိုင်တွေ ဂိုဏ်းတွေ အဖွဲ့အစည်းတွေက သူ့ကို ဘုံရန်သူအနေနဲ့ သတ်မှတ်ကာ စုပေါင်းပြီး လုပ်ကြံဖို့ အမျိုးမျိုးကြိုးစားကြပါတယ်။ ဒီလိုနဲ့ အသက်ပြင်းတဲ့ ကိုဒါဟာ လုပ်ကြံရေးသမားတွေလက်ချက်နဲ့ ခြောက်ကြိမ်မြောက်လေယာဉ်ပျက်ကျပြီးတဲ့နောက်မှာ သူ့ရဲ့ တစ်ဦးတည်းသောသမီး သီလရှင်လောင်းလေးကို အမွေဆက်ခံခိုင်းဖို့ စီစဉ်ပါတော့တယ်။ ဖြစ်ချင်တော့ အဲအချိန်မှာပဲ စီးပွားပြိုင်လုပ်ငန်းတွေ စုပေါင်းပြီး ဈေးကွက်ကို ကစားလိုက်တဲ့အခါ ဇာဇာတစ်ယောက် သူ့လုပ်ငန်းကိုင်ငန်းတွေ ကမောက်ကမဖြစ်သွားပြီးသူ့ခမျာ စည်းစိမ်မပျောက်အောင် သူ့သမီး သီလရှင်ပေါက်စလေးနဲ့အတူ သူနဲ့လက်တွဲထားတဲ့ မိတ်ဖက်စီးပွားရေးလုပ်ငန်းရှင်တွေ စီပွားရေးလက်မဲကြီးတွေကို လိုက်ပြီးတော့ ညှိနှိုင်းရပါတော့တယ်။ ဒီဇာတ်ကားကို ကြည့်ရင်တော့ နားလည်သလိုလို မလည်သလိုလို မမဆောင်း vibe နဲ့ ကြည့်ရမှာဖြစ်ပြီးတော့ သူတို့သားအဖ ဘယ်လိုနှစ်ပါးသွားမလဲဆိုတာကို စိတ်ဝင်တစား ကြည့်ရှုရမှာပါ။ File Size… (6.55GB)/(1.57GB)/(939MB) Quality… WEB-DL 4K HEVC/1080p HEVC /720p Format…mkv / mp4 Duration…1h 41m Genre …..Action , Comedy , Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Act Molemy & Matteo

ကွန်ဖူးပန်ဒါ ၄ ကားမြောက်ရုပ်ရှင်ထွက်လာပါပြီ မင်းသား ဂျက်ဘလက်ပဲ အသံသရုပ်ဆောင်ထားပြီး မင်းသမီး Awkwafina က ကျန်းအဖြစ် သရုပ်ဆောင်ပေးထားပါတယ်။ အရင်ထွက်ခဲ့တဲ့ ၃ ကားလုံးကိုလည်း ချန်နယ်မြန်မာ web နဲ့ app တွေမှာ ကြည့်နိုင်ပြီဖြစ်ပါတယ်။ ဇာတ်လမ်းအကျဉ်း ဒီ ၄ ကားမြောက်မှာတော့ ပိုဟာ ရန်သူပေါင်းစုံကိုနိုင်ပြီး နဂါးစစ်သည်တော်လည်းဖြစ်နေတာကြာပြီဆိုတော့ ပိုခက်တဲ့ ရန်သူနဲ့ တာဝန်တွေ ပေါ်လာပါပြီ။ ပိုဟာ ဆရာအူးဂွေးရဲ့ ပညာရှိခေါင်းဆောင်နေရာကို ဆက်ခံရတော့မှာဖြစ်ပြီး သူ့ရဲ့ နဂါးစစ်သည်တော်နေရာမှာ ဆက်ခံဖို့လည်း လူသစ်ရွေးရတော့မှာဖြစ်ပါတယ်။ အပြောင်းအလဲတွေမလုပ်ချင်တဲ့ ပိုအတွက်တော့ တကယ့် ပြဿနာကြီးပါပဲ။ အဲဒီအချိန်မှာပဲ ခမီလီရန် ဆိုတဲ့ မှော်ဆရာမကလည်း ပိုရဲ့ ရန်သူအားလုံးပေါင်းထားတဲ့အစွမ်းတွေကို ရအောင်ကြိုးစားပြီး ကမ္ဘာကြီးကို သိမ်းပိုက်ဖို့ ကြိုးစားလာပါတယ်။ ခမီလီရန် နဲ့ ရင်ဆိုင်ရင်း ပိုတစ်ယောက် ဘယ်လိုထပ်ပြီး အလင်းတွေရအဆင့်တွေမြင့်လာမလဲ ကြည့်ရမှာပဲ ဖြစ်ပါတယ်။ File size…    3.4GB /1.8 GB /    874 MB Quality… Web-Rip 4K/1080p / 720p Format… mp4 Duration…. 1h 34m Genre ..... Comedy/Animation Subtitle…. Myanmar Subtitle (Hard Sub) Encoder…. Thit San Khant Translated by Thiha Yan Naing

Kingsmen ဒါရိုက်တာ Matthew Vaughn ရဲ့ လက်ရာအသစ် အက်ရှင် သရေလာ ကားပါ။ ကင်းမန်းစတိုင် ဖိုက်တင်ခန်း ကောင်းကောင်းတွေနဲ့ စပိုင်ဇာတ်လမ်းရိုက်ကူးထားတာပါပဲ။ စူပါမန်းမင်းသား Henry Cavill၊ John Cena နဲ့ Dua Lipa တို့ကတော့ ဧည့်သည်သရုပ်ဆောင်အဖြစ် ပါဝင်ထားပါတယ်။ အဓိက မင်းသမီးကတော့ Bryce Dallas Howard ပါပဲ။ ဇာတ်လမ်းအကျဉ်း အယ်လီကွန်ဝေးဆိုတဲ့ စာရေးဆရာမ တစ်ယောက်ဟာ ၅ နှစ်အတွင်း ရောင်းအကောင်းဆုံး ကမ္ဘာကျော် စပိုင် ဝတ္ထု ၄ အုပ်ကို ထုတ်ဝေခဲ့တဲ့သူပါ။ ၅ အုပ်မြောက်စာအုပ်ကို အဆုံးသတ်ပြီး စာမူကြမ်းထွက်တဲ့အချိန်မှာပဲ သူ့ကို လုပ်ကြံမဲ့ အေးဂျင့်တွေ စပိုင်တွေ၊ သူ့ကိုကယ်မဲ့ စပိုင်တွေ တကယ်တွေ့လာရပြီး သူ့စာအုပ်တွေထဲက အဖြစ်တွေက အပြင်မှာပါ တကယ်ဖြစ်နေတာကို သိလိုက်ရပါတယ်။ ကြောက်စရာကောင်းတဲ့ လျို့ဝှက်အဖွဲ့ကြီးနဲ့ အေးဂျင့်တွေက သူ့ကို ဘာလို့ အသည်းအသန်လိုချင်နေတာလဲဆိုတာကို တဖြည်းဖြည်းနဲ့ သူကိုယ်တိုင်သိလာရပြီး အသက်ရှင်ဖို့အတွက် ရုန်းကန်ရပါတော့တယ်။ File size…(2.45GB) Quality….Webrip 1080p\ Format…mp4 Duration….02:19:00 Genre...Action, Thriller, Comedy  Subtitle….Myanmar Subtitle (Hardsub) Encoder….Mr. Anderson Translated by Mr.Anderson

Asteroid City က ပြဇာတ်တစ်ပုဒ်နဲ့ အဲဒီပြဇာတ်နောက်ကွယ်က အကြောင်းတွေကို အပိုင်းသုံးပိုင်းနဲ့ တင်ဆက်ထားတဲ့ Wes Anderson ရဲ့ ရုပ်ရှင်ပါ။ တစ်ပိုင်းမှာ တင်ဆက်သူက ပြဇာတ် ဘယ်လိုဖြစ်ပေါ်လာသလဲဆိုတာ မိတ်ဆက်ပေးတယ်။ နောက်တစ်ပိုင်းမှာ ပြဇာတ်နောက်ကွယ်က သရုပ်ဆောင်တွေရဲ့ ပုံရိပ်တွေနဲ့ အကြောင်းတွေကို ပြထားပြီး ရုပ်ရှင်ရဲ့ အချိန်အများစုမှာတော့ ပြဇာတ်ထဲက ဇာတ်လမ်းကို ကြည့်ရမှာ ဖြစ်ပါတယ်။ ဒီအပိုင်းသုံးခုကို သိထားရင် ဇာတ်လမ်းနောက်ကို လိုက်ရတာ ပိုရှင်းပါလိမ့်မယ်။ Isle of Dogs၊ The Grand Budapest Hotel နဲ့ Moonrise Kingdom တို့ကို ရိုက်ကူးခဲ့တဲ့ ဒါရိုက်တာရဲ့ ဒီကားမှာ Jason Schwartzman၊ Scarlett Johansson၊ Tom Hanks၊ Jeffrey Wright၊ Tilda Swinton၊ Bryan Cranston၊ Edward Norton၊ Adrien Brody၊ Steve Carell၊ Hong Chau နဲ့ Willem Dafoe တို့ ပါဝင်ထားကြပါတယ်။ အချစ်၊ ဟာသနဲ့ ဒရာမာ ရောစပ်ထားပြီး ဇာတ်လမ်းနဲ့ ရိုက်ချက်တွေကို အဓိပ္ပာယ်တစ်မျိုးထက်မက ကောက်ယူနိုင်အောင် တင်ဆက်ထားပါတယ်။

~ IMDb – 6.9/10, Rotten Tomatoes – 62% ~ အငြိမ်းစားဘဝဆိုတာ တော်တော်ကို ပျင်းစရာကောင်းတဲ့ ဘဝပါပဲ။ ဂျယ်ရီလို အလုပ်ကြိုးစားတဲ့ စံပြဝန်ထမ်းတစ်ယောက်အတွက်ဆိုရင်တော့ အတိုင်းအထက်အလွန်ပေါ့။ ၄၂ နှစ်လုံးလုံး အလုပ်ကလွဲပြီး ဘဝရယ်လို့ မယ်မယ်ရရ မရှိခဲ့တဲ့သူပါ။ ကံကောင်းထောက်မလို့ ပါရမီဖြည့်ဖက် မာ့ဂ်ျနဲ့ သားသမီးနှစ်ယောက်တော့ ထွန်းကားခဲ့ပေမဲ့ အလုပ်ကလွဲပြီး ကျန်တာကို မတွေးတတ်တဲ့ သင်္ချာဉာဏ်ကြီးရှင် ဂျယ်ရီ အလုပ်က အငြိမ်းစားယူရတော့မယ်ဆိုတော့ အကြီးအကျယ်စိတ်ဆင်းရဲသွားရပါတယ်။ ဝီရိယအားကိုးတဲ့ ဉာဏ်ကြီးရှင် ဂျယ်ရီက ကံကိုအားကိုးတဲ့ ထီကို လုံးဝစိတ်မဝင်စားပါဘူး။ ထီထိုးရမှာတောင်ရှက်နေမိတတ်တဲ့လူမျိုးပါ။ ဒါပေမဲ့ အငြိမ်းစားယူထားတဲ့လူတွေရဲ့ ထုံးစံအတိုင်း စိတ်ဝင်စားစရာရှာဖို့ ဟိုဟိုဒီဒီလျှောက်ကြည့်ရင်း WinFall ထီမှာ ထိုးတိုင်းပေါက်နိုင်တဲ့ ဟာကွက်တစ်ခုကို ရှာတွေ့သွားပါတယ်။ ဇာတ်လမ်းကတော့ အဲဒီမှာပဲ စတာပေါ့ဗျာ။ သင်္ချာဉာဏ်ကြီးရှင်တစ်ယောက် ဘဝက ဂဏန်းတွေနဲ့ပဲ ဖွဲ့စည်းထားတာ မဟုတ်ဘူးဆိုတာကို သိလာပြီး ရှင်သန်ခြင်းဆိုတာကို ရှာတွေ့လာတာကို ရိုက်ကူးထားတဲ့ ဖြစ်ရပ်မှန်ဇာတ်လမ်းလေးပါ။ ရင်ထဲကိုနွေးထွေးသွားစေမယ့် ဇာတ်ကားမျိုးပါပဲ။ ဒီကားဟာ တကယ်ဖြစ်ခဲ့တဲ့ ဖြစ်ရပ်မှန်ဇာတ်လမ်းတစ်ပုဒ်ဖြစ်တဲ့အပြင်ကို ဂျယ်ရီနေရာက သရုပ်ဆောင်ထားတဲ့ မင်းသားကြီးကလည်း Breaking Bad မှာ Walter White အနေနဲ့ ကျွန်တော်တို့ အတော်လေးကို ကြိုက်ခဲ့ရတဲ့ မင်းသားကြီး Bryan Cranston ဆိုတော့ ဘယ်ပြောကောင်းမလဲ။ သူနဲ့တင် တန်နေပါပြီ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 1.3GB, 740MB Quality – 1080p, 720p IMDb Rating – 6.9/10 Format – mp4 Duration – 1H 36Min Genre – Biography, Comedy, Drama Subtitle – Myanmar Subtitle (Hardsub) Translated by 666 Encoded by Y

ဒီလောကကြီးမှာ တရားမျှတမှုဆိုတဲ့ စကားလုံးနဲ့ လူတိုင်း မစိမ်းကြပါဘူး တရားမျှတမှု ဆိုတာနဲ့အတူ မတရားမှုဆိုတာလည်း ဒွန်တွဲရှိနေပါသေးတယ် ဒီလိုနဲ့ တရားမျှတမှုဘက်တော်သားတွေနဲ့ မတရားသူတွေဆိုတာလည်း အလိုလို ပေါ်လာတယ် ဒါပေမဲ့ တရားမျှတမှုဘက်တော်သားတိုင်း တကယ်တရားမျှတမှုရှိကြရဲ့လား .. လောကီရေးရာတွေ သံယောဇဉ်ဆိုတာတွေ ပါလာတဲ့အခါ တရားမျှတမှုတစ်ခု ဖန်တီးပေးလိုက်ရင် ကိုယ်ချစ်တဲ့သူ တစ်ဦးတစ်ယောက် ထိခိုက်ရမယ်ဆိုရင် တရားမျှတမှုကို လိုချင်ပါဦးမလား ... မိုက်ကယ်ဒက်စီယာတိုဆိုတာ တရားသူကြီးတစ်ဦးပါ .. သူဟာ လူတိုင်းကို စာနာတတ်သူဖြစ်လို့ တရားခံအများစုကို အတတ်နိုင်ဆုံးအပြစ်လွတ်အောင် စီရင်ချက် ချတတ်ပါတယ် .. ဒီလိုလုပ်တတ်တဲ့ သူ့အကျင့်ကို ဥပဒေလောကသားတွေကတော့ သိပ်တော့ သဘောမတွေ့လှပါဘူး သူတို့ဖြစ်စေချင်တာက အပြစ်ရှိရင် အပြစ်ပေးရမယ် ညှာတာနေဖို့ မလိုဘူးပေါ့ .. ဒါပေမဲ့ အထက်မှာပြောခဲ့သလို မိုက်ကယ်ကား မေတ္တာရှင်ကြီး ... ဒီလိုနဲ့ တစ်နေ့မှာ မိုက်ကယ့်ရဲ့သားဖြစ်သူ အဒမ်ဟာ ... လမ်းပေါ်မှာ လူတစ်ယောက်ကို ကားနဲ့တိုက်မိပြီး ထွက်ပြေးလာခဲ့ပါတယ် ..အစပိုင်းမှာတော့ မိုက်ကယ်ဟာ ဒီကိစ္စကို တရားဥပဒေအရ အတတ်နိုင်ဆုံး ဖြေရှင်းဖို့ ဆုံးဖြတ်ပြီး သားဖြစ်သူနဲ့ ရဲစခန်းကို သွားခဲ့ပါတယ် သို့ပေမဲ့ ရဲစခန်းရောက်တဲ့အခါ သိလိုက်ရတာက တစ်ဖက်က သေဆုံးသွားတဲ့ ကောင်လေးဟာ မြို့ရဲ့ ဒိတ်ဒိတ်ကြဲ မျက်လုံးတစ်လုံးဆို မျက်လုံးတစ်လုံးပြန်ယူတတ်သူ လူဆိုးဂိုဏ်းချုပ်ကြီးရဲ့သားဖြစ်နေတဲ့အခါ... သားကို ကာကွယ်ဖို့အရေး တရားသူကြီးဖြစ်သူ မိုက်ကယ်ဒက်စီယာတိုဟာ မတရားမှုတွေကို ဖန်တီးရပါတော့တယ် ... File size…(700 MB) Quality….Webrip 1080p Format…mp4 Duration….01:04:00 Genre...Drama, Crime Subtitle….Myanmar Subtitle (Hardsub) Encoder….Mr. Anderson Translated by Act Molemy

El Camino: A Breaking Bad Movie (2019) "Breaking Bad" ဆိုတဲ့စီးရီးကြီးရဲ့ အဆုံးသတ်မှာ လူတိုင်းရဲ့ ရင်ထဲမှာ ကျန်ရစ်ခဲ့တဲ့ မေးခွန်းတစ်ခုရှိပါတယ်... ဂျက်စီ တစ်ယောက် ဘာဆက်ဖြစ်သွားသလဲ ဆိုတာပါပဲ။ အခုဇာတ်ကားဟာ အဲဒီမေးခွန်းကို အဖြေပေးဖို့နဲ့ ဆယ်စုနှစ်တစ်ခုစာ အမှောင်ကျခဲ့တဲ့ လူငယ်တစ်ယောက်ရဲ့ "ဒုတိယအခွင့်အရေး"ကို ရင်နင့်စရာပုံဖော်ထားတဲ့ ဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားဟာ သာမန်အက်ရှင်ကားတစ်ကားထက် ပိုပါတယ်။ ဒါဟာ အမှားပေါင်းများစွာနဲ့ ဘဝပျက်ခဲ့ရတဲ့ လူတစ်ယောက်ရဲ့ "လွတ်မြောက်ခြင်း" နဲ့ "အတိတ်ကိုရင်ဆိုင်ခြင်း"ကို ဖော်ကျူးထားတာပါ။ နှိပ်စက်ညှဉ်းပန်းမှုတွေကြားမှာ သံတိုင်တွေနောက်ကွယ် ဆယ်စုနှစ်တစ်ခုစာ အကျဉ်းကျခဲ့တဲ့ ဂျက်စီတစ်ယောက် လွတ်လပ်ခွင့်ရတဲ့နေ့မှာ သူအလိုချင်ဆုံးက"ပျော်ရွှင်မှု"မဟုတ်ပါဘူး။ "သူ့ဘဝသူ ပြန်ရှာတွေ့ဖို့" ပဲ ဖြစ်ပါတယ်။ ဒါပေမဲ့ ကံကြမ္မာက သူ့ကို လွတ်လပ်ခွင့်ဆီအသွား လမ်းခုလတ်မှာတင် ရက်စက်တဲ့ စမ်းသပ်မှုတစ်ခု လုပ်ခဲ့ပြန်ပါတယ်။ ရဲတပ်ဖွဲ့ဝင် ရာပေါင်းများစွာရဲ့ ဝိုင်းရံပိတ်ဆို့မှုကြားကနေ သားကောင်တစ်ယောက်လို ထွက်ပြေးနေရတဲ့ဂျက်စီရဲ့ စက္ကန့်နဲ့အမျှ အပြိုင်လုတိုက်ပွဲဝင်ရပုံတွေက သင့်ကို ရင်တထိတ်ထိတ် ဖြစ်နေစေမှာအမှန်ပါပဲ... File size…1.98GB / 868MB Quality… WEB-DL 1080p/ 720p Format…mp4 Duration….2h 02m Genre ….. Thriller, Crime, Drama Subtitle….Myanmar Subtitle (Hard Sub)

The Upside (2017) IMDB : 7.1 Genre : Comedy / Drama ဒီရုပ်ရှင်ကတော်တော်လေးကို ရှားတယ်ပြောရပါမယ်။ ဘာလို့လဲဆိုတော့ မင်းသား Kevin Hart ရုပ်တည်နဲ့ ဟာသသိပ်မလုပ်တဲ့ ရှားပါးရုပ်ရှင်တွေထဲက တစ်ခုမလို့ဖြစ်ပါတယ်။ ဒါပေမဲ့ ဒီရုပ်ရှင်ရဲ့ အဓိကမင်းသားက Kevin Hart တင်မဟုတ်ပဲ အချစ်တော်မင်းသားကြီး Bryan Cranston လည်း ပါဝင်နေတာဖြစ်ပါတယ်။ ဒါတင်မကသေးပဲ မင်းသမီး Nicole Kidman ကပါ ပါဝင်အားဖြည့်ထားတာမလို့ ကြည့်ရတာ တော်တော်လေးကို တန်မယ့်ရုပ်ရှင်မျိုးပါပဲ။ ဒီရုပ်ရှင်ကိုကြည့်မိတော့ ၁၉၄၆ ခုနှစ်ထွက် It's a Wonderful Life ကို သွားသတိရမိတယ်။ It's a Wonderful Life ကတော့ Top Tier ရုပ်ရှင်ဆိုတော့ The Upside အနေနဲ့ ပုခုံးချင်းတော့ သွားတန်းလို့မရပေမဲ့ ပေးချင်တဲ့ ရုပ်ရှင်အနှစ်သာရကတော့ အတူတူပါပဲ။ The Upside ကတော့ ပြင်သစ်ရုပ်ရှင် The Intouchables (2011) ကို ပြန်လည်ရိုက်ကူးထားတဲ့ ရုပ်ရှင်ဖြစ်ပါတယ်။ ဇာတ်ညွှန်း ဒဲလ်ဆိုတာက ကောင်းမှုကလွဲရင် အကုန်လုပ်တဲ့ အိမ်ထောင်ကွဲ ကလေးအဖေတစ်ယောက်ဖြစ်ပါတယ်။ ကလေးအဖေဆိုပေမဲ့ ကလေးကလည်း သူနဲ့လိုက်မနေသလို အိမ်ထောင်ကလည်း ကန်ထုတ်ခံရပြီး ကွဲတဲ့ အနေအထားမျိုးဖြစ်ပါတယ်။ ထောင်ကထွက်ပြီး အလုပ်လုပ်ကြောင်း၊ အလုပ်အမှန်တကယ်ရှာဖွေနေကြောင်း ပြဖို့အတွက် အလုပ်ရတာ မရတာထား အလုပ်လျှောက်ခဲ့တဲ့နေရာမှန်သမျှမှာ လက်မှတ်ထိုးခိုင်းရင်း ခံဝန်အရာရှိကို ပြန်ပြန်ပြနေရပါတယ်။ ဒီလိုနဲ့ တစ်ရက်မှာ သန့်ရှင်းရေးအလုပ်သွားလျှောက်ခဲ့ပါတယ်။ ဒါပေမဲ့ ရောက်သွားတဲ့အချိန်မှာ သန့်ရှင်းရေးအလုပ်မဟုတ်ပဲ လူမှုဝန်ထမ်းလုပ်ရမယ့် အလုပ်ဆိုတာကို သိလိုက်ရပါတယ်။ ဖိလစ်ဆိုတာက မတော်တဆမှုတစ်ခုကြောင့် ပါးစပ်ကလွဲပြီး ကျန်တာလှုပ်လို့မရတော့တဲ့ သူဌေးကြီးတစ်ယောက်ဖြစ်ပါတယ်။ တစ်ရက်သူ့ကို ပြုစုစောင့်ရှောက်ဖို့ အလုပ်ခေါ်တဲ့နေရာမှာ သန့်ရှင်းရေးအလုပ်ထင်လို့ လာလျှောက်တဲ့ ဒဲလ်ကိုတွေ့ရာကနေ သဘောကျသွားပြီး အတွင်းရေးမှူး အီဗွန်တားနေတဲ့ကြားကနေ ခန့်လိုက်ပါတယ်။ ဆိုတော့ တွေးကြည့်ရရင် အရာအားလုံးမှာ ဆန့်ကျင်ဘက်ဖြစ်နေတဲ့ ဒဲလ်နဲ့ ဖိလစ်တို့နှစ်ယောက် ဘယ်လိုမျိုး ရှေ့ဆက်ကြမှာလဲ… ဆိုတာကို ခံစားကြည့်လိုက်ကြပါခင်ဗျာ။ File size…    2.1 GB / 1 GB Quality… BluRay1080p / 720p Format… mp4 Duration…. 2h 5m Genre ..... Comedy / Drama Subtitle…. Myanmar Subtitle (Hard Sub)

Isle of Dogs (2018) IMDb - 7.9/10 Rotten - 90% ဒီဇာတ်လမ်းလေးအကြောင်းကို စမပြောခင် Animation ရဲ့ Graphic ပုံစံဟာ မြင်တွေ့နေကြပုံစံမျိုးမဟုတ်ပါဘူးလို့ စကားဦးခံထားပါရစေ ဘာလို့လဲဆိုတော့ ဘာသာပြန်ဖို့စကြည့်တဲ့အချိန်မှာ မိမိကိုယ်တိုင်လည်း ဘယ်လိုကြီးလဲဆိုပြီး အတွေးဝင်မိလို့ဖြစ်ပါတယ် ဒါပေမယ့် ဒီကားဟာ IMDb 7.9 တောင်ရရှိထားပြီး အသံသရုပ်ဆောင်တွေကလည်း ထိပ်ထိပ်ကြဲတွေဖြစ်တဲ့ Scarlett Johnson တို့ Breaking Bad ကမင်းသားကြီး Bryan Cranston တို့ Bill Murray တို့ပါဝင်သရုပ်ဆောင်ထားကြဖြစ်လို့ ပေါ့သေးသေးတော့မဟုတ်ပါဘူး ကဲ ဇာတ်လမ်းအကြောင်း ဆက်လိုက်ကြရအောင် လွန်ခဲ့တဲ့ ရာစုနှစ်ဆယ်စုစာတုန်းက ခွေးတွေဟာ လူတွေရဲ့ အမိန့်ကို နာခံတတ်ကြတဲ့ အိမ်မွေးတိရစ္ဆာန်တွေမဟုတ်ကြပါဘူး အဲ့အချိန်မှာ ခွေးမုန်းတီးရေးဝါဒီကိုဘာယားရှီမျိုးနွယ်တွေဟာ ခွေးတို့ိကို စစ်အင်အားအလုံးအရင်းနဲ့ဝင်တိုက်ပါတော့တယ် အဲ့အချိန်မှာ ခွေးတွေဘက်က ရပ်တည်ပေးတဲ့ သူရဲကောင်းကလေးတစ်ဦး ပေါ်ပေါက်လာတာတော့တယ် ခွေးတွေကတော့ လူတွေရဲ့ အိမ်မွေးတိရစ္ဆာန်တွေဖြစ်လာပါတယ် နောက်နှစ် နှစ်ဆယ်ကြာလာတဲ့အခါ ခွေးတုပ်ကွေးရောဂါပြန့်ပွားမှုဟာ ပြင်းထန်တဲ့အဆင့်ကို ရောက်ရှိနေပါတယ် အဲ့အချိန်မှာ ခွေးမုန်းတီးတဲ့ ကိုဘာယားရှီအာဏာပိုင်တွေဟာ ရောဂါပိုးကူးစက်ခံထားရတဲ့ ခွေးတွေကို အမှိုက်ကျွန်းကို ပို့ပစ်ပါတော့တယ် ကိုဘာယားရှီရဲ့တူဖြစ်သူ အာတာရီရဲ့ ခွေးလေး စပေါ့ကိုပါ ပို့ပစ်လိုက်တဲ့အတွက် အာတာရီဟာ လေယာဉ်တစ်စီးကိုခိုးပြီး အမှိုက်ကျွန်းကို သွားပါတော့တယ် အမှိုက်ကျွန်းမှာ လမ်းဘေးခွေးချိဖ်တို့တစ်အုပ်နဲ့တွေ့ပြီး စပေါ့စ်ရှာဖွေရေးကြီးစတင်ပါတော့တယ် လမ်းခရီးတစ်လျှောက် ဘာတွေဆက်ဖြစ်မလဲ စပေါ့စ်ကိုပြန်တွေ့ပါမလား ခွေးတွေကို အမြစ်ဖြတ်သုတ်သင်ချင်နေတဲ့ အာဏာပိုင်တွေကိုရော တားဆီးနိုင်ပါ့မလားဆိုတာကို ဆက်လက်ကြည့်ရှုရမှာဖြစ်ပါတယ် သခင်ဆိုတာကို အယုံအကြည်မရှိတဲ့ ချိပ်တစ်ကောင် အာတာရီကို ဘယ်လိုသံဃောဇဉ်တွယ်သွားမလဲ Man and his best friend လို့တင်စားရတဲ့ လူနဲ့ခွေးကြားက မေတ္တာတရားကို ခံစားကြည့်ရှုရမှာမလို့ ခွေးချစ်သူတွေအတွက် ကြည့်လို့ကောင်းမယ့်ကားလေးတစ်ကားပါပဲလို့ ပြောကြားလိုက်ပါရစေ (ဘာသာပြန်သူကတော့ မေမြတ်သူပါ) File Size : (800 MB) Quality : Blu-Ray 720p Running Time : 1hr 41min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Source : 720p.BluRay.x264-DRONES Translated by May Myat Thu Encoded by Thanhtike Zaw

Mighty Morphin Power Rangers 2017 Reboot Movie နာမည်ကြားရုံနဲ့ ခင်ဗျားတို့တွေကြက်သီးတဖျန်းဖျန်းထရုံမကပဲ အသားတွေပါတဆတ်ဆတ်တုန်သွားမယ်ဆိုတာ ကောင်းကောင်းကြီးအာမခံပါတယ်…. တကယ်တော့ဒီရုပ်ရှင်ကို အညွှန်းတောင်တကူးတကရေးပြီးတော့ ညွှန်းနေစရာမလိုလောက်ပါဘူး… ဘာကြောင့်လဲဆိုတော့ အားလုံးနဲ့ရင်းနှီးပြီးသားဖြစ်တဲ့အပြင် ကျွန်တော်တို့နဲ့အတူတကွကြီးပြင်းလာတဲ့ ငယ်ဘဝဇာတ်ကောင်လူစွမ်းကောင်းများဖြစ်တဲ့ Power Rangers တွေဖြစ်တာကြောင့် အားလုံးလည်း ရင်းနှီးပြီးသားဖြစ်ကြပါလိမ့်မယ်….. ဒါပေမယ့် တစ်ခုပြောစရာရှိတာက ဒီရုပ်ရှင်ထဲကအဓိကဇာတ်ကောင်တွေ Power Rangers တွေဖြစ်လာမယ့် Angel Groove မြို့ရဲ့အထက်တန်းကျောင်းသားတွေဖြစ်ကြတဲ့ Power Rangers တွေဖြစ်လာကြမယ့် အထက်တန်းကျောင်းသားလေးတွေဖြစ်တဲ့ Jason,Kimberley,Billy,Zack,Trini တို့ဟာ ကျွန်တော်တို့ငယ်ငယ်ကရင်းနှီးခဲ့ကြတဲ့အတိုင်း လူတော်လူကောင်း အများအကျိုးသယ်ပိုးကြတဲ့ လူငယ်လေးတွေမဟုတ်ကြဘဲ ကျောင်းရဲ့ လူပေလူတေလေးများဖြစ်နေတာကို အံ့အားသင့်ဖွယ် မြင်ရမှာပဲဖြစ်ပါတယ်…. ဒါ့အပြင် ဒီရုပ်ရှင်ဟာလှည့်ကွက် မြှပ်ကွက်များစွာနဲ့ တင်ဆက်ထားတဲ့အပြင်ကို ဇာတ်လမ်းအစမှာကိုပဲ ကြည့်ရှု့သူပရိတ်သတ်တွေအားလုံးကို ”ဟာ ဒါကဒီလိုပါလား” ဆိုပြီး အံ့အားသင့်ရေရွတ်ရလောက်အောင်ကို တင်ဆက်ထားတာကိုလည်း ကြည့်ရှု့ရဦးမှာဖြစ်ပါတယ်…. ဇာတ်လမ်းအကျဉ်းလေးကိုတော့ အခုပြောပြတာထက် ကိုယ်တိုင်ခံစားကြည့်ရှု့လိုက်တာက ပိုပြီးတော့ ရင်ခုန်စိတ်လှုပ်ရှားမှု့တွေပေးစွမ်းနိုင်မှာမို့ အခုပဲ  ဒေါင်းကြည့်ကြဖို့အတွက် တိုက်တွန်းချင်ပါတယ်… နောက်ပြီး Original Power Rangers ရဲ့ Theme Song ကိုထပ်မံမွန်းမံထားပြီးတော့ နောက်အသစ်ထည့်ထားတဲ့ နောက်ခံတီးလုံးတွေက ဇာတ်ကိုလုံးဝအထွတ်ထိပ်ရောက်စေပြီး ကောင်းမွန်လှပစေခဲ့ပါတယ်… ကျွန်တော်တို့တွေ ဒီရုပ်ရှင်မထွက်လာခင်ကတည်းက Ranger တွေရဲ့ Suit တွေ Morpher တွေ Zord တွေကိုကြည့်ပြီးစိတ်ပျက်ခဲ့ရတာတွေက ဒီရုပ်ရှင်ကိုတကယ်တမ်းကြည့်လိုက်ရတဲ့အခါမှာတော့ အကုန်ပျောက်သွားမယ်ဆိုတာ လုံးဝအာမခံပါတယ်…. နောက်ပြီးတော့ Mid-Credits Scene ကိုလည်း မလွတ်စေပဲ ကြည့်ပေးဖို့ကို ထပ်ပြီးတော့ သတိပေးချင်ပါသေးတယ်…. PG-13 အဆင့်ရှိပြီး ကြာချိန် ၂ နာရီကြာမြင့်ထားတဲ့ Rating 5.9 အဆင့်ထိရှိတဲ့ Movie ဖြစ်ပါတယ်… Quality…..BluRay 1080p 5.1 CH / 720p Duration…..02:04:00 Format…Mp4 File Size…(2 GB)(976MB) Translators……..Moe Myint Lwin & Moe Oo Mann Encoder…..Moe Myint Lwin

IMDb - 7.4/10 Rotten - 91% နိုင်ငံတိုင်းမှာ ရုပ်ရှင်လောကတိုင်းမှာ ပေါကားဆိုတာရှိစမြဲပါ။ ပေါတဲ့ခံယူချက်ကတော့ တူကြမှာမဟုတ်ပါဘူး။ သရုပ်ဆောင်မကောင်းလို့၊ ဇာတ်အိမ်မကောင်းလို့၊ ကိုယ့်အနုပညာကို ပရိသတ်မြင်လာအောင်မချပြနိုင်လို့ပေါကားဖြစ်သွားကြတာတွေရှိသလို သူများနဲ့မတူအောင် ရိုက်ရာကနေ ပေါသွားတာမျိုး၊ ပိုက်ဆံရရင်ပြီးရော ပရိသတ်ကိုနားလည်ပါးရိုက်လုပ်နေတဲ့ ပေါကားတွေလဲ ဒုနဲ့ဒေးပါပဲ။ ဒီ Disaster Artist ဆိုတဲ့ရုပ်ရှင်ကားကတော့၂၀၀၃ ခုနှစ်မှာထွက်ရှိခဲ့တဲ့ ကမ္ဘာ့အဆိုးဆုံးရုပ်ရှင်၊ အပေါဆုံးရုပ်ရှင်ဆိုတဲ့ ဂုဏ်ပုဒ်တွေရယူထားနိုင်တဲ့ The Room ဇာတ်ကားရဲ့ပဲ့ကိုင်ရှင် Tommy Wiseau အကြောင်းကို ရိုက်ကူးပြထားတာပဲဖြစ်ပါတယ်။ ဘယ်ကလာတယ်၊ အသက်ဘယ်နှနှစ်လဲ၊ ဘယ်မှာမွေးတာလဲ၊ ပိုက်ဆံတွေဘယ်လိုရလာသလဲဆိုတဲ့ နောက်ကြောင်းရာဇဝင် ဘာဆိုဘာမှမသိရတဲ့ Tommy Wiseau နဲ့ သရုပ်ဆောင်ဖြစ်ရရင်၊ အောင်မြင်ရရင် ကျေနပ်ပါပြီဆိုတဲ့ Greg။ သူတို့နှစ်ယောက် လော့အိန်ဂျလိစ်ရဲ့လမ်းမထက်မှာ အိပ်မက်ကိုယ်စီမက်ခဲ့ကြတယ်။ တစ်ယောက်ကိုတစ်ယောက် အားပေးဖို့၊ ကိုယ့်အိပ်မက်ကို ဘယ်တော့မှလက်မလျှော့ဖို့ ကတိပေးခဲ့ကြတယ်။ ဟောလိဝုဒ်မှာ နေရာတစ်နေရာရလာဖို့ အမျိုးစုံကြိုးစားခဲ့ပေမယ့် ဟောလိဝုဒ်က သူတို့ကိုငြင်းပယ်လာတဲ့အခါ..... သူတို့နှစ်ယောက်မှာ ကမ္ဘာ့အဆိုးဆုံးရုပ်ရှင်တစ်ကားဖြစ်လာဖို့ ကမ္ဘာ့အကောင်းဆုံးအကြံတစ်ခုထွက်လာကြပါတယ်။ အဲ့ဒါကတော့ ကိုယ့်ပိုက်ဆံနဲ့ကိုယ် ရုပ်ရှင်တစ်ကားရိုက်ဖို့ပါတဲ့။ ပိုက်ဆံနဲ့လုပ်ချင်စိတ်ကလွဲပြီး ဘာဆို ဘာမှမသိနားမလည်ပေမယ့် Tommy Wiseau နဲ့ Greg တို့ The Room ရုပ်ရှင်ကို အခက်အခဲပေါင်းများစွာကြားထဲကနေ မရရအောင် ဖန်တီးကြပါတော့တယ်။ Shakespeare, Tennessee Williams တို့ခေတ်နောက်ပိုင်း အကောင်းဆုံးဒရမ်မာရုပ်ရှင်လို့တောင် ကြွေးကြော်ခဲ့တဲ့ Tommy Wiseau နဲ့ Greg တို့ ဒီရုပ်ရှင်ကို ဘယ်လိုဖန်တီးရိုက်ကူးခဲ့ကြသလဲ၊ ရုပ်ရှင်ပရိသတ်တွေကရော ဘယ်လိုထင်မြင်ကြသလဲ။ ဒါတွေကိုတော့ The Disaster Artist ရုပ်ရှင်ထဲမှာအဖြေပေးသွားပါလိမ့်မယ်။ ဒီရုပ်ရှင်ကိုတော့ Spiderman 1,2,3 , 127 Hours ဇာတ်ကားတွေနဲ့လူသိများတဲ့ James Franco က ဒါရိုက်တာအဖြစ်၊ Tommy Wiseau အဖြစ်ပါဝင်သရုပ်ဆောင်ထားပြီး Now You See Me ကားထဲက မင်းသားချောလဲဖြစ်၊ James Franco ရဲ့ ညီအရင်းလဲဖြစ်တဲ့ Dave Franco က Greg အဖြစ် ပါဝင်ထားပါတယ်။ ပေါလှပါတယ်ဆိုတဲ့ကားက ဘာကြောင့်များ အတ္ထုပတ္တိရုပ်ရှင်တစ်ကားအဖြစ် ပြန်ရိုက်ရလောက်အောင် အောင်မြင်သွားတာပါလဲ၊ The Disaster Artist ရုပ်ရှင်ထွက်လာအပြီးမှာ The Room ရုပ်ရှင်ကို လူတွေက ဘာကြောင့်သဘောကျသွားကြတာပါလဲ။ အဖြေကတော့ ရှင်းပါတယ်။ Tommy Wiseau ဟာ အနုပညာချစ်စိတ်အပြည့်အဝနဲ့ စိတ်ရောကိုယ်ပါနှစ်ပြီး ပေါကားတစ်ကားကို ရိုက်မှန်းမသိ ရိုက်ခဲ့တာပါ။ ဒါကို ဘယ်လောက်ပဲ ဆိုးဝါးတဲ့ရုပ်ရှင်လို့ပြောပြော Tommy Wiseau ရဲ့လက်ရာ The Room ရုပ်ရှင်ဟာ အခုခေတ် မင်းသား၊မင်းသမီးဗန်းပြပြီး အောက်လုံးတွေနဲ့ပြက်လုံးထုတ်နေ၊ ပရိသတ်ကို ကလိထိုးရယ်ခိုင်းပြီး ပိုက်ဆံညာယူနေတဲ့ရုပ်ရှင်ကားတွေထက်စာရင် အပုံကြီးသာပါတယ်။ The Disaster Artist ရုပ်ရှင်ဟာ ဒီအချက်ကို ကောင်းကောင်း မီးမောင်းထိုးပြသွားနိုင်ခဲ့ပါတယ်။ ယခုနှစ် အော်စကာ အကောင်းဆုံးရုပ်ရှင်ဆုအတွက်လဲ ဆန်ကာတင်စာရင်းမှာ ရွေးချယ်ခံထားရတဲ့ရုပ်ရှင်ကားဖြစ်ပြီး ဆုပေါင်းများစွာလဲ ဆွတ်ခူးထားပါတယ်။ အနုပညာပါတဲ့ရုပ်ရှင်နဲ့ ပိုက်ဆံရရုံရိုက်တဲ့ရုပ်ရှင်ရဲ့ ကွာခြားချက်ကို သိလာဖို့၊ပေါကားနွံနစ်နေတဲ့ ရုပ်ရှင်ချစ်ပရိသတ်တွေ ပေါတာနဲ့အနုပညာရူးသွပ်တာကို ခွဲခြားလာတတ်ဖို့၊ အသိပညာပေးနိုင်ဖို့ ဒီကားဟာ ကြည့်ကိုကြည့်သင့်တဲ့ကားတစ်ကားဖြစ်ပါတယ်။ မကြာခင်မှာလဲ CM က Tommy Wiseau ရဲ့ ကမ္ဘာ့အဆိုးဝါးဆုံးရုပ်ရှင် "The Room" ကို ဘာသာပြန်တင်ဆက်ပေးသွားမှာဖြစ်ပါတယ် (ဇာတ်လမ်းးအညွှန်းနဲ့ဘာသာပြန်သူက ကွီးအာကာဖြိုးပါ) File Size : (900 MB) Quality : WEB-DL 720p Running Time : 1hr 44min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p.WEB-DL.X264.AC3-EVO[EtHD] Translated by Arkar Phyo Encoded by Thanhtike Zaw

Get a Job (2016) IMDb ~~~ 5.3 ဇာတ်လမ်းအညွှန်း ~~~~~~~~~~~~~~~~ ဒီဇာတ်ကားလေးကတော့ ၂၀၁၆ တုန်းကထွက်ရှိခဲ့တဲ့ ဟာသဇာတ်ကားတစ်ကားဖြစ်ပြီးတော့ ဒါရိုက်တာ Dylan Kidd က ရိုက်ကူးထားပါတယ်။ Breaking Bad Series ထဲက မင်းသားကြီး Bryan Cranston အပြင် တခြားနာမည်ကြီးသရုပ်ဆောင်တွေဖြစ်တဲ့ Miles Teller, Anna Kendrick, Brandon T. Jackson တို့က ပါဝင်ပေးထားပါတယ်။ ကောလိပ်ကနေကျောင်းပြီးလို့ ပြင်ပလောကထဲရောက်လာတဲ့ သူငယ်ချင်းအုပ်စုတစ်စုဟာ သူတို့ရဲ့အိပ်မက်အလုပ်တွေကို လိုက်ရှာရင်း ကြုံတွေ့ရတဲ့အခက်အခဲတွေကို ဟာသဆန်ဆန်ရိုက်ကူးထားတာပါ။ ထူးဆန်းတဲ့အင်တာဗျူးတွေ အပေါက်ဆိုးတဲ့အထက်လူကြီးတွေ မမျှော်လင့်ထားတဲ့အပြောင်းအလဲတွေကို ကျော်ဖြတ်ရင်း သူတို့ရဲ့ပန်းတိုင်ဆီရောက်အောင် ဘယ်လိုကြိုးစားကြမလဲဆိုတာကို ရယ်ရွှင်ဖွယ် ကြည့်ရှုကြရမှာဖြစ်ပါတယ်။ ပေါ့ပေါ့ပါးပါး ဟာသဇာတ်ကားကောင်းလေးတွေကို ကြည့်ချင်တဲ့ပရိတ်သတ်တွေအတွက် ဒီဇာတ်ကားလေးက သင့်တော်ပြီးတော့ ဘဝက ဘယ်လောက်ပဲခန့်မှန်းရခက်ပါစေ ရှေ့ဆက်သွားဖို့အတွက် စိတ်ခွန်အားတွေကိုလည်း ပေးစွမ်းနိုင်ပါတယ်။ File Size ~~~ (1.91 GB)/ (635 MB) Quality  ~~~ BluRay (1080P)/ (720P) Duration ~~~ 1:24:43 Genre~~~ Comedy, Drama Subtitle~~~ Myanmar Subtitle Translated by Austin Encoded by Treasure Htet

2016 ထွက် IMDB 7.0 ရ ဒရာမာစုံထောက်ကားကောင်းတစ်ကားပါ။ ၁၉၈၀ မှာ ဖြစ်ခဲ့တဲ့ ဖြစ်ရပ်မှန်တစ်ခုကို အခြေခံထားပါတယ်။ အမေရိကန် Undercover အေးဂျင့်တစ်ယောက်ရဲ့ ကမ္ဘာအကြီးဆုံး စပိန်ဒုစရိုက်ဂိုဏ်းကြီးထဲကို အသွင်ယူစိမ့်ဝင်ပြီး ဒုစရိုက်ခေါင်းဆောင်တွေနဲ့အတူ ငွေကြေးခဝါချပေးနေတဲ့ ကမ္ဘာ့ နံပါတ် ၇ အကြီးဆုံး ဘဏ်ကြီးကိုပါ သက်သေနဲ့အတူ ဖမ်းမိစေခဲ့တဲ့ဇာတ်ကြောင်းပါပဲ။ လူဆိုးတွေကြားမှာ သရုပ်တူအောင်နေရင်း စကားတစ်ခွန်းမှားတာနဲ့ အသက်ပျောက်သွားနိုင်တဲ့ အသွင်ယူစုံထောက်တွေရဲ့ ဘဝ၊ နောက်ဆုံးဖမ်းဆီးရတော့မယ် အချိန်မှာ တကယ်အကြာကြီးပေါင်းသင်းလာတဲ့ ဒုစရိုက်ခေါင်းဆောင်မိသားစုနဲ့ မိတ်ဆွေသံယောဇဉ်၊ အသွင်ယူနေစဉ် မိမိမိသားစုအစစ်နဲ့ ဆက်ဆံရေး အခက်အခဲတွေကို လှလှပပ ပုံဖော်ပြတားတဲ့ ဇာတ်ကားပါပဲ။ ရင်တဖိုဖိုနဲ့ စုံထောက်ဖြစ်ရပ်မှန်ကြိုက်သူတွေအတွက်တော့ အရသာရှိမယ့် ဟင်းကောင်းတစ်ခွက်လိုပါပဲဗျာ။ File size…(3.3 GB)/(1.3 GB) Quality….Webrip 1080p / 720p Format…mp4 Duration….01:46:00 Genre...  Drama, Crime  Subtitle….Myanmar Subtitle (Hardsub) Encoder….Swan Min Htet Translated by Sherlock

socially awkward Silicon Valley billionaire boyfriend, Laird. A rivalry develops and Ned's panic level goes through the roof when he finds himself lost in this glamorous high-tech world and learns Laird is about to pop the question. နက်ဟာဆိုရင် သာမန်ဘဝကနေ အောင်မြင်တဲ့ စီးပွားရေးလုပ်ငန်းတစ်ခု တည်ထောင်နိုင်ခဲ့သူပါ။ သူ့မှာ သားတစ်ယောက် သမီးတစ်ယောက်လည်းရှိပါတယ်။ဒီနေ့ကတော့ သူ့ရဲ့ မွေးနေ့ပေါ့ သူ့မိတ်ဆွေတွေ သူငယ်ချင်းတွေ နဲ့ အတူ သူ့သားငယ်ရဲ့ စီစဉ် ပေးမှု့ကြောင် မွေးနေ့ပွဲလေး တစ်ပွဲကို ကျင်းပနေပါတယ်။ အဲ့အချိန်မှာ သူ့ကို အံံသြအောင်လုပ်တဲ့ အနေနဲ့ အဝေးရောက်နေတဲ့ သူ့ အစ်မ နဲ့ ဗီဒီယိုကော ချိတ်ဆက်ပေးပါတယ်။ဒီလိုနဲ့ သားအဖတွေ စကားပြောဖြစ်ကျတယ်ဆိုပါတော့ ဒီလိုပြောနေစဉ်မှာပဲ သူ့သမီးအခန်းထဲကို ကောင်လေးတစ်ယောက် ဝင်လာပြီး ဘောင်းဘီ ချွတ်ချလိုက်ပါတော့တယ်။ နောက်ရက်မှာပဲ သူကသမီးဆီကနေ ဖုန်းလာတာက အဲ့ဒါက သူ့ကောင်လေးဖြစ်ကြောင်း အားလပ်ရပ် သူ့ ကောင်လေးနဲ့ လာတွေ့စေလိုကြောင်းခေါ်ပါတော့တယ်။ သမီးချစ်တဲ့ အဖေတစ်ယောက် နက်လည်း သွားရတော့တာပေါ့ ဟိုရောက်မှ သိရတာက သူ့သမီးရဲ့ ကောင်လေး လဲယာက အရမ်းကိုချမ်းသာလွန်းတယ်ဆိုတာပါပဲ။ဒါပေမယ့် ငယ်စဉ်ကတည်းက မိဘ အုပ်ထိန်းမှု့မခံခဲ့ရတဲ့ အတွက် စကားပြောရင် တစ်ချိန်လုံးဆဲဆို နေတက်ပြီး ပေါက်ကရ ကြောင်တောင်တောင် တွေလုပ်တက်တာကြောင့် နက် တို့ဟာ လဲယာကို သဘောမကျကျ ပါဘူး ဒါပေမယ့် လဲယာကတော့ သူ့ချစ်သူရဲ့ မိဘတွေနဲ့ အစဉ်ပြေအောင် အတက်နိုင်ဆုံး မျက်နှာလုပ်ပါတယ် ဒါပေမယ့် သူလုပ်သမျှက လွဲ သူကလည်း အလိုက်မသိတော့ ပိုပိုဆိုးပြီးရှုပ်ထွေးကုန်ပါတယ်။ နက် ဟာဆိုရင်လည်း ကိုယ့် သမီးကို အရမ်းချစ်တဲ့ သူတစ်ယောက်ဖြစ်လို့ ဒီလို လူနဲ့ ရသွားမှာကိုကြောက်နေပြန်ပါတယ်။ လဲယာ တစ်ယောက် အမြဲတမ်း ပေါက်ကရ လုပ်နေတဲ့ ကြားက သူ့ယောက်ခမ နဲ့ အဆင်ပြေအောင် ဘယ်လိုညှိယူကျမလဲ ဆိုတာကို ရယ်မောပေါ့ပါးစွာ ကြည့်ရှု့ရမှာပါ။ဇာတ်ဝင်ခန်း အချို့ဟာ မိသားစုနဲ့ ကြည့်ဖို့ မသင့်လျော်ပါဘူးခင်ဗျာ။ File Size : 800MB /400 MB Quality : Blu Ray Running Time : 1h 51min Format : Mp4 Genre : Comedy Encoder : Tariq L Walker

Kung Fu Panda ဆိုရင် မသိတဲ့လူမရှိသလောက်ပဲ ကမ္ဘာမှာအောင်မြင်ခဲ့တဲ့ဒီ Animation ကားလေးဟာ Movie လောကမှာသာမက Game လောကမှာရော ဒိတ်ဒိတ်ကြဲကိုအောင်မြင်ခဲ့ပါတယ်။ 1 နဲ့ 2 ကို ကြည့်ရှုခဲ့ကြပြီး ဇာတ်လမ်းဆုံးသွားပြီထင်နေခဲ့တုန်းမှာပဲ 2015 ခုနှစ်ရဲ့ Movie review တွေမှာ စတင်ကြော်ငြာပါလာခဲ့တော့ အရမ်းကိုမျှော်လင့်ပျော်ရွှင်စောင့်စားခဲ့ရတယ်။ အခုတော့ ကျွန်တော်တို့အချိန် CM အချိန်ရောက်ခဲ့ပြီ။ ဒီဇာတ်ကားဟာ အရင်ကားတွေထက်ပိုအောင်မြင်ခဲ့ပြီး IMDb rating 7.1/10 ထိရရှိအောင်မြင်ခဲ့ပါတယ်။ ဇာတ်လမ်းအကျဉ်းလေးကိုအနည်းငယ်ပဲပြောပြချင်ပါတယ်။ ပိုရဲ့ ဆရာဖိုးဖိုးလိပ် ရဲ့ တိုက်ဖော်တိုက်ဖက် ကိုင် ဟာ ဝိညာဉ်ကမ္ဘာက သိုင်းဆရာတွေအားလုံးရဲ့ စွမ်းအင်တွေကို သိမ်းပိုက်ပြီး လူ့ပြည်ကိုပြန်ဝင်ရောက်လာပါတယ်။ ပြီးတော့ လူ့ပြည်က ဆရာတွေအားလုံးရဲ့ စွမ်းအင် ချီ တွေကိုပါ သိမ်းပိုက်လိုက်ပါတယ်။ ဒါကို တားဆီးနိုင်ဖို့အတွက် ပို တစ်ယောက်လက်ရှိအင်အားနဲ့မဖြစ်နိုင်တော့ပါဘူး။ သူကိုယ်တိုင် ချီရဲ့ အရှင်သခင် ဖြစ်အောင်လုပ်ရပါတော့မယ်။ ဒီအဆင့်ကိုရောက်ဖို့ ဆရာလိပ်က နှစ် ၃၀ လောက် တရားထိုင်ခဲ့ရပြီး ဆရာရှီဖူမှာလဲ အဲ့အစွမ်းတောင် မရှိသေးတဲ့အတွက် ပိုတစ်ယောက် လမ်းစပျောက်နေချိန်မှာ သူ့ရဲ့ပျောက်ဆုံးနေတဲ့ ဖခင်က သူ့ကို ချီရဲ့လျို့ဝှက်ချက်တွေ သင်ပေးဖို့ဆိုပြီး ပန်ဒါရွာကို ပြန်ခေါ်သွားပါတော့တယ်။ ဘာတွေဆက်ဖြစ်လဲဆိုတာတော့ဒီMovie ကို Download ဆွဲပြီးသာဆက်ကြည့်ကြပါတော့။ File size…   5 GB / 1.7 GB / 1.1 GB Quality… WEB-DL 4K HEVC / 1080p / 720p Format… mp4 & mkv Audio ... AAC Duration…. 1h 35m Genre ..... Adventure, Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by Kyaw Ye Aung

ဒီတစ်ခါမှာတော့ စာရေးဆရာ ဒေါ်လ်တန်ထရမ်ဘိုရဲ့ဘဝအကြောင်းကိုရိုက်ကူးထားတဲ့ Trumbo ဆိုတဲ့ဇာတ်ကားလေးကိုတင်ဆက်ပေးချင်ပါတယ် ဒီဇာတ်ကားလေးထဲမှာ Breaking Bad ထဲမှမင်းသားကြီး Bryan Cranstonကပါဝင်သရုပ်ဆောင်ထားပြီး Malificent ထဲက မင်းသမီးလေး Elle Fanning လည်းပါဝင်ထားပါတယ်။ ဇာတ်လမ်းအကျဥ်းလေးကတော့ ထရမ်ဘိုဟာ 1947 မှာဟောလိဝုဒ်ရဲ့အအောင်မြင်ဆုံးထိပ်သီးစာရေးဆရာတစ်ယောက်ပါ ဒါပေမဲ့ သူနဲ့အတူ အခြားအနုပညာရှင်တချို့ဟာ ကွန်မြူနစ်တွေအဖြစ် စုံစမ်းစစ်ဆေးခံရပြီး တရားရင်ဆိုင်ရပါတယ် နောက်ပြီး သူတို့တွေကို နာမည်ပျက်စာရင်းသွင်းပြီး သပိတ်မှောက်ကြပါတယ်။ ထရမ်ဘိုတို့ဟာလည်း အလုပ်သမားအခွင့်အရေးအတွက် တက်ကြွလှုပ်ရှားမှုတွေမှာထဲထဲဝင်ဝင်ပါဝင်ခဲ့ပြီး ထောင်ကျခဲ့ပါတယ်။ ထောင်ကထွက်လာပြီးနောက်မှာ သူ့ကိုဘယ်သူကမှအလုပ်တွဲမလုပ်ကြတော့ပါ မခေါ်မပြောနဲ့ဝိုင်းပြီးခွဲခြားခံခဲ့ရပါတယ်။ ဒါပေမဲ့ အဲ့လိုအခြေအနေမှာတောင် ဒေါ်လ်တန်တစ်ယောက် စကားလုံးနဲ့ဥာဏ်ပညာကိုအသုံးချပြီး အကယ်ဒမီဆုနှစ်ဆုကိုရအောင်ယူပြခဲ့ပါတယ် အဲ့နောက်မှာတော့ နာမည်ပျက်စာရင်းဆိုတာကြီးကို ဖျောက်ဖျက်ဖို့သူဘယ်လိုကြိုးစားခဲ့တယ်ဆိုတာကို ပုံဖော်ရိုက်ကူးထားပါတယ် ဒီဇာတ်ကားဟာ ဒေါ်လ်တန်ထရမ်ဘိုရဲ့ အတ္ထုပ္ပတ္တိကိုရိုက်ကူးထားတဲ့ Biography Film အမျိုးအစားလေးပါ။ File size…(2 GB)/(1 GB) Quality….Webrip 1080p / 720p Format…mp4 Duration….02:04:00 Genre...Drama, Biography Subtitle….Myanmar Subtitle (Hardsub) Encoder….Garfield Translated by Ruby Jane

MonsterVerse Timeline MonsterVerse ရဲ့ ၅ ကားမြောက် Godzilla x Kong: The New Empire (2024) လဲထွက်လာခဲ့ပြီဆိုတော့ Godzilla, Kong နဲ့ သူတို့ကြားက အဖြစ်အပျက်တွေကြားက timeline ကို တစ်ချက်ပြန်ကြည့်ကြည့်ရအောင်. ဒီ timeline ထဲက အဖြစ်အပျက်တွေက ထွက်ရှိခဲ့တဲ့ MonsterVerse ရုပ်ရှင်၊ ဇာတ်လမ်းတွဲတွေအပြင် tied in graphic novels တွေက အကြောင်းတွေပါ ပါဝင်ပါတယ်။ Event တွေများ source တွေလည်း များလို့ မှားနေတာ လိုနေတာရှိရင် ဝင်ဆွေးနွေးသွား ထောက်ပြသွားနိုင်ပါတယ်။ - 252 millions BC ကမ္ဘာ့ မျက်နှာပြင်ပေါ်မှာ Radiation တွေ ယနေ့လက်ရှိအချိန်ထက် အဆပေါင်းများစွာရှိနေတုန်းက radiation ကို စားသုံးကြီးထွားတဲ့ Godzilla နဲ့ တခြား Titan တွေဟာ ကမ္ဘာမျက်နှာပြင်ပေါ်မှာနေကြတယ်။ ဒီမှာ Shinomura ဆိုတဲ့ နှစ်ကောင်ပေါင်းပြီး တစ်ကောင်ဖြစ်နိုင်တဲ့ Titan နဲ့ Godzilla တို့ ချနေကြတဲ့အချိန် ဘေးကိုဥက္ကာခဲကြီးကျလာပြီး ဖြစ်လာတဲ့ ကျင်းကြီးထဲကို Shinomura ပြုတ်ကျသွားတယ်။ ဥက္ကာခဲကျပြီး ပေါက်ကွဲမှုကြီးကြောင့် ကမ္ဘာ့ မျက်နှာပြင် radiation ပမာဏ ကျဆင်းသွားတဲ့အတွက် Godzilla နဲ့ တခြားအကောင်ကြီးတွေ နေစရာ စားစရာရှားလာတာမို့လို့ radiation ရှိသေးတဲ့ ကမ္ဘာ့အတွင်းပိုင်း၊ ပင်လယ်ရေအောက်ကြမ်းပြင် တွေကို ပြောင်းရွှေ့သွားကြသလို မြေအောက်မှာ နှစ်တေတွအကြာကြီး hibernate လုပ်ကိန်းအောင်းနေကြတာတွေလည်း ဖြစ်ကုန်ကြတယ်။ - Hollow Earth နဲ့ Skull Island ကမ္ဘာ့ မျက်နှာပြင်အောက်မှာ အခေါ်င်းကြီးဖြစ်နေပြီး Godzilla လို တခြား titan ကြီးတွေ နေထိုင်ကြတဲ့ Hollow Earth ဆိုတာရှိတယ်။ ဒီ Hollow Earth နဲ့ ချိတ်ဆက်နေတဲ့ တစ်နေရာကတော့ ပင်လယ်ထဲက ပြင်ပလောကနဲ့ အဆက်အသွယ်မရှိတဲ့ Skull Island ဆိုတဲ့ ကျွန်းကြီးတစ်ကျွန်း။ ဒီကျွန်းကို Kong ရဲ့ မျိုးနွယ် ape ကြီးတွေရောက်လာပြီး နေကြတယ်။ ဒါပေမယ့် နောက်တော့ Skullcrawler ဆိုတဲ့ကောင်တွေပေါ်လာလို့ Kong တို့အမျိုးတွေနဲ့ နှစ်ပေါင်းများစွာ စစ်ခင်းကြတယ်။ Iwi လူမျိုးတွေ ကျွန်းပေါ်စရောက်လာတဲ့အချိန်မှာတော့ Skull Island မှာ Kong ရဲ့ မိဘနှစ်ပါးပဲ ကျန်တော့တယ်။ Skullcrawler တွေလက်ချက်ကြောင့် Kong မွေးပြီးပြီးချင်း သူ့မိဘတွေ ဆုံးသွားခဲ့တယ်။ - Early 20th Century 1926 မှာ အမည်မသိလူတစ်ယောက် ဦးဆောင်တဲ့အဖွဲ့တစ်ဖွဲ့က ဒီ hollow earth ကို စူးစမ်းလေ့လာဖို့ထွက်သွားခဲ့ပေမယ့် ပြန်ပေါ်မလာခဲ့ဘူး။ 1938 မှာတော့ ပြင်သင်နိုင်ငံက ဂူကြီးတစ်ခုက Hollow Earth ရဲ့ ဝင်ပေါက်တစ်ပေါက်ဖြစ်ပြီး ဒီကသွားရင် Titan ကြီးတွေဆီရောက်လိမ့်မယ်လို့ ပုံတွေဘာတွေ ထွက်ရှိလာခဲ့တယ်။ 1943 မှာလည်း U.S.S Lawton ဆိုတဲ့ အမေရိကန် စစ်ရေယာဥ်တစ်စင်းဟာ အမည်မသိအကောင်တစ်ကောင် တိုက်ခိုက်ခံခဲ့ရပြီး William Randa တစ်ယောက်ကလွဲလို့ တစ်ယောက်မှ အသက်ရှင်မကျန်ခဲ့ဘူး။ US အစိုးရကတော့ ဒါကို ဖုံးကွယ်ခဲ့တယ်။ - WWII and Hiroshima ဒုတိယကမ္ဘာစစ်အတွင်း အမေရိကန်တိုက်လေယာဥ်တစ်စင်းနဲ့ ဂျပန်တိုက်လေယာဥ်တစ်စင်းတို့ ရင်ဆိုင်တိုက်ခိုက်ရင်း ကျွန်းတစ်ကျွန်းပေါ်ကိုပျက်ကျတယ်။ ဒီကျွန်းက Kong နေတဲ့ Skull Island ဖြစ်နေသလို ဒါကိုသိသွားခဲ့ကြတဲ့ pilot ၂ ယောက်ဟာ ရန်သူတွေကနေ မိတ်ဆွေတွေ၊ ညီအစ်ကိုတွေဖြစ်သွားခဲ့ကြပြီး ကျွန်းကလွတ်မြောက်ဖို့ အတူတူကြိုးစားခဲ့ကြတယ်။ 1945 မှာ Hiroshima ကို nuclear bomb ဖေါက်ခွဲခဲ့တဲ့အခါမှာတော့ ကြီးမား များပြားတဲ့ radiation တွေပေါ်ထွက်လာခဲ့ပြီမို့လို့ အရင် တိမ်မြုပ်နေတဲ့ titan တချို့ ပြန်လည်နိုးထလာတယ်။ အရင်ဆုံး ပေါ်လာတာကတော့ Godzilla နဲ့ ရင်ဆိုင်ရင်း ချောက်ထဲကျသွားတဲ့ Shinomura ဖြစ်ပြီး သူ့ကိုမျက်မြင်တွေ့ခဲ့သူတွေထဲမှာ “Let them fight” ဆိုပြီးပြောခဲ့တဲ့ Dr. Serizawa ရဲ့ အဖေ Eiji လည်းပါပါတယ်။ - 1946 - Monarch 1946 မှာတော့ Monarch ကိုတည်ထောင်တယ်။ ဒီ “အကောင်ကြီးတွေ” ကိုရှာဖွေ လေ့လာ စူးစမ်းဖို့အတွက်ပေါ့။ နောက်တော့ Monarch အဖွဲ့ထဲမှာ Eii Serizawa လည်း ပါဝင်လာခဲ့တယ်။ Monarch အဖွဲ့ကို ဦးဆောင်ခဲ့သူတွေထဲမှာ Keiko Miura, Lee Shaw နဲ့ Bill Randa တို့လည်း ပါဝင်လာခဲ့တယ်။ Keiko က single mother တစ်ယောက်ဖြစ်ပြီး အစပိုင်းမှာ Lee Shaw နဲ့ ကြိုက်မလိုဖြစ်ခဲ့ပေမယ့် နောက်တော့ သူနဲ့ စိတ်တူကိုယ်တူ Bill Randa နဲ့ပဲ လက်ထပ်ဖြစ်ခဲ့တယ်။ ဒါပေမယ့်လည်း ၃ ယောက်သားက အခင်မင်မပျက်ခဲ့ဘူး။ ဒီကြားထဲ Shinomura ပေါ်လာပြီး နေရာစုံ လိုက်တိုက်ခိုက် ရန်ရှာနေတာကို Godzilla က လိုက်ရန်တွေ့မောင်းထုတ်နေရင်း 1954 ခုနစ် Castle Bravo nuclear “စမ်းသပ်မှု” မှာ Monarch နဲ့ US အစိုးရက Godzilla နဲ့ Shinomura ကို မျှားခေါ်ပြီး ဖေါက်ခွဲခဲ့တာမှာ Godzilla တော့ မသေဘဲ Shinomura အလုံးစုံ ပျက်စီးသွားခဲ့တယ်။ 1959 မှာတော့ Keiko Miura တို့ ၃ ယောက် Kazakhstan မှာ သွားရောက် စူးစမ်းရှာဖွေတုန်း အကောင်တွေထွက်လာလို့ Keiko ပါသွားတယ်။ 1962 မှာ Lee Shaw ဦးဆောင်ပြီး Operation Hourglass ဆိုတဲ့ Hollow Earth ကို စူးစမ်းလေ့လာတဲ့ခရီးထွက်ခဲ့တယ်။ ဒါပေမယ့် အဆက်အသွယ်ပြတ်တောက်သွားခဲ့လို့ Bill Randa တစ်ယောက်ပဲ ကျန်ခဲ့တော့တယ်။ - 1973 - Kong: Skull Island 1973 ခုနစ် US အစိုးရက Vietnam စစ်ပွဲက ဆုတ်ခွာလာတဲ့အချိန် Bill Randa နဲ့ Monarch အဖွဲ့ဟာ လက်နက်ကိုင် အစောင့်အရှောက်တွေနဲ့တကွ Skull Island ကိုသွားပြီး စူးစမ်းလေ့လာခဲ့တယ်။ ဒီမှာ Skull crawler တွေလက်ချက်နဲ့ Brill Randa အပါအဝင် အများအပြား သေခဲ့ကြတယ်။ James Conrad, Brooks, San နဲ့ WWII pilot Marlow တို့ပဲ လွတ်မြောက်ခဲ့တယ်။ Bill က မသေခင် သူ့မှတ်တမ်းတွေကို ရေထဲမျှောပစ်ခဲ့တယ်။ - 1982 - Lee Shaw 1982 ခုနစ်မှာ Shaw တစ်ယောက် Monarch ဆေးရုံတစ်ရုံမှာ ပြန်လည်နိုးထလာတယ်။ သူ့အတွက် Hollow Earth ထဲမှာ ရက်အနည်းငယ်ပဲကြာသေးပေမယ့် ခုသူပြန်ရောက်လာတဲ့အခါမှာတော့ Keiko ရဲ့သား Hiroshi ကပါ Monarch မှာ လူကြီးတစ်ယောက်ဖြစ်နေပြီ။ Bill ရဲ့ recording တွေကို ပြန်ဆယ်တွေ့ထားလို့ ဒီကြားထဲ Bill ဆုံးသွားမှန်း သိခဲ့ရတယ်။ - 1973- Aaron Brooks 1973 ခုနစ် Skull Island က ပြန်လွတ်လာခဲ့တဲ့ Huston Brooks ရဲ့ သား Aaron Brooks ကလည်း Monarch ဆီရောက်နေပြီ။ ဒီမှာ Skull Island လိုအရေးကြီးတဲ့နေရာကို Kong တစ်ကောင်တည်းလက်ထဲ ထားလို့ရမရ သွားကြည့်မယ်ဆိုပြီး သူ့အဖွဲ့တွေနဲ့အတူ Skull Island ကိုသွားတယ်။ ဟိုမှာအကောင်တွေလက်ချက်ကြောင့် တစ်ဖွဲ့လုံးနီးပါးသေတဲ့အပြင် Aaron တို့အဖွဲ့သားတစ်ယောက်ကြောင့် Iwi တွေရဲ့ တံတိုင်းတွေပါ ပျက်ကုန်တဲ့အခါ Aaron လည်း ပြန်မလာဖြစ်တော့ဘဲ Randa တုန်းကလိုပဲ recording တွေလုပ်ပြီး ရေထဲပြန်မျှောပေးလိုက်တယ်။ ဒီ recording တွေကို 2012 မှာ Huston Brooks ရရှိခဲ့တယ်။ - 1999 - MUTO 1999 မှာတော့ ဖလစ်ပိုင်က Titan လိုအကောင်ကြီးတစ်ကောင်ရဲ့ အရိုးစုတွေထဲမှာ ကပ်ပါးကောင်ဥ တွေရှာတွေ့ကြတယ်။ ကောင်းနေပြီး မြုံနေတဲ့ ဥတစ်လုံးကိုတော့ Nevada ကိုပြန်ယူသွားနိုင်ခဲ့ပေမယ့် နောက်တစ်ဥကတော့ ပေါက်သွားခဲ့ပြီ။ သိပ်မကြာခင်မှာပဲ ဂျပန်နိုင်ငံက Janjira nuclear power plant ကို ခုနက ဥကပေါက်ပြီးထွက်သွားတဲ့ဆိုတဲ့ MUTO ဝင်မွှေတယ်။ ဓာတ်ပေါင်းဖိုပျက်စီးတာကြောင့် Joe Brody ရဲ့ ဇနီးဆုံးသွားခဲ့တယ်။ ဒီမှာ MUTO က ဓာတ်ပေါင်းဖိုက radiation တွေကို စုပ်ယူနေပြီး နောက်ထပ် ၁၅ နှစ်လောက် မလှုပ်ရှား အိပ်စက်နေခဲ့တယ်။ Joe က ဇနီးဆုံးသွားတာ ဒီတိုင်း ငလျင်လှုပ်လို့ စခန်းပြိုတာကြောင့်မဟုတ်ဘူးဆိုပြီး တောက်လျှောက်တွေးနေ လေ့လာနေလို့ သူ့ reputation တင်မက သားဖြစ်သူနဲ့ပါ ဆက်ဆံရေးထိလာခဲ့တယ်။ - 2005 - Orca Technology Emma နဲ့ Mark Russell တို့ ဇနီးမောင်နှံပေါင်းပြီး Orca နည်းပညာကို စမ်းသပ်တီထွင်ခဲ့တယ်။ ဒီဟာကိုသုံးပြီး Titan တွေကို စကားပြောလို့ရ (သို့မဟုတ်) ဒီစက်ကြောင့် Titan တွေ အမူအကျင့် ပြောင်းနိုင်လိမ့်မလားဆိုပြီး ဖြစ်လာတယ်။ နှစ်ယောက် အိမ်ထောင်ကွဲသွားခဲ့ပြီးနောက် Monarch မှာ ဆက်ရှိနေရင်း ဒီနည်းပညာကို ဆက်လေ့လာနေခဲ့တယ်။ ဒီကြားထဲမှာလည်း MUTO စောင့်ကြည့်စခန်းတွေဆီ Alan Jonah ဆိုတဲ့လူ ခိုးဝင်တာမိရာက သူ့ပါ စောင့်ကြည့်စာရင်းထဲ ထည့်ခဲ့ကြတယ်။ - 2009 - Nathan Lind နဲ့ Mothra Nathan Lind ရဲ့ အစ်ကိုဖြစ်သူဟာ ၂၀၀၉ ခုနစ်မှာ Hollow Earth ကို စူးစမ်းလေ့လာဖို့ ခရီးထွက်ပေမယ့် ဝင်ဝင်ချင်းမှာပဲ မြေဆွဲအား ပြောင်းလဲမှုကြောင့် သေဆုံးခဲ့တယ်။ ဒီအချိန်မှာပဲ တရုတ်နိုင်ငံ Yunnan ပြည်နယ် တောအုပ်ကြီးထဲက သီးချင်းဆိုသံတွေ ကြားရတယ်ဆိုလို့ ရှာဖွေကြရာက Mothra ဖြစ်လာမယ့် ပိုးအိမ်ကိုတွေ့ခဲ့တယ်။ Outpost 61 ဆိုတာ ဆောက်လုပ်ခဲ့ကြပြီး Emma Russell ရဲ့ အဓိက တာဝန်ကျနေရာဖြစ်လာခဲ့တယ်။ - 2013 - Ford Brody Joe ရဲ့သားဖြစ်သူ Ford Brody ဟာ ဗုံးဖြုတ်စစ်သား EOD ပညာရှင်အနေနဲ့ ၁၄ လ ကြာ စစ်မှုထမ်းစထွက်ခဲ့တယ်။ - 2014 - Godzilla : G-Day Ford အိမ်ပြန်ရောက်ရောက်ချင်းပဲ အဖေဖြစ်သူ တားမြစ်နယ်မြေထဲဝင်လို့ဆိုပြီး သွားခေါ်ထုတ်ပေးရာက နှစ်ယောက်သား ပြန်ခိုးဝင်ရင်း MUTO ထွက်ပေါ်လာတယ်။ Brody ဆုံးတယ်။ ဒီမှာ MUTO နဲ့ Godzilla တို့လက်ချက်ကြောင့် မြို့တွေ ရွာတွေတော်တော်များများ ပျက်စီးကုန်ပြီး Godzilla နဲ့ တခြားကောင်တွေ ရှိနေသေးတယ်ဆိုတာ public က သိလာခဲ့တယ်။ San Francisco မှာဖြစ်ခဲ့တဲ့အတွက် ဒီနေ့ကို G-Day လို့ ခေါ်လာခဲ့ကြတယ်။ ဒီနောက်ပိုင်းမှာ Mark Russell လည်း Monarch က ထွက်သွားခဲ့တယ်။ - 2015 - Legacy of the Monsters Keiko ရဲ့ မြေးနှစ်ယောက်ဖြစ်တဲ့ Cate နဲ့ Kentaro တို့ အဖေတူ အမေကွဲမောင်နှမနှစ်ယောက်ဟာ ပျောက်သွားတဲ့ သူတို့အဖေ Hiroshi Randa ကိုလိုက်ရှာရင်း လူအိုရုံမှာ အသက်ကြီးသလောက် လျှင်မြန်ဖြတ်လတ်နေသေးတဲ့ Lee Shaw နဲ့တွေ့တယ်။ နေရာစုံ သွားလာရင်းနောက်ဆုံး Hiroshi နဲ့ပြန်တွေ့ပေမယ့် Shaw က Hollow Earth ကိုသွားလို့ရတဲ့ ဝင်ပေါက်ထွက်ပေါက်တွေအကုန်လုံးကို ပတ်ပစ်ဖို့ ကြိုးစားတယ်။ အကြောင်းအမျိုးမျိုးကြောင့် Cate, Shaw နဲ့ May တို့ ၃ ယောက် Hollow Earth ထဲရောက်သွားခဲ့တယ်။ ဒီမှာ Hollow Earth ထဲကိုရောက်တာ ရက်ပိုင်းပဲရှိသေးလို့ ကယ်မယ့်လူစောင့်နေတဲ့ Keiko နဲ့ ပြန်တွေ့ကြတယ်။ ရှိတဲ့စက်အပျက်တွေ ပြန်ပြင်သုံးရင်း လက်ရှိအချိန်ကို ပြန်လာဖို့ ကြိုးစားတာမှာ Shaw က အသေခံပြီး Hollow Earth မှာ ကျန်ခဲ့တယ်။ - 2016 - King Ghiorah Antarctica တိုက်က ရေခဲပြင်တွေအောက်မှာ မြုပ်နေတဲ့ ခေါင်းသုံးလုံးရှိတဲ့ Ghidorah ကို Monarch အဖွဲ့က ရှာဖွေတွေ့ရှိခဲ့တယ်။ - 2017 - Apex Cybernetics Hollow Earth မှာ ခနလေးသောင်တင်ပြီး ထွက်ပြေးလာခဲ့တဲ့ Keiko, Cate နဲ့ May တို့ဟာ 2017 ခုနစ် Skull Island ပေါ်က Apex Cybernetics စခန်းမှာ ပြန်လည်ထွက်ပေါ်လာခဲ့ပါတယ်။ - 2019 - Godzilla: King of the Monsters Emma နဲ့ သူ့သမီး Madison တို့ကို Alan Jonah က ပြန်ပေးဆွဲခဲ့ပြီး တခြား အိပ်စက်နေတဲ့ Titan တွေကို လိုက်နှိုးခဲ့ကြတယ်။ Emma က Alan နဲ့ပေါင်းပြီး Titan တွေကို ပြန်လွှတ်ပေးချင်တာဖြစ်ပေမယ့် သူတို့လွှတ်ပေးလိုက်တဲ့ Ghidorah က ကမ္ဘာ့ပြင်ပကလာတဲ့ ဂြိုလ်သားတစ်ကောင်ဖြစ်နေပြီး သူ့စိတ်အရ တစ်ဂြိုလ်လုံးကို ပျက်စီးအောင်လုပ်မှာဖြစ်လို့ Godzilla ပြန်နိုင်အောင် ဝိုင်းကူကြရတယ်။ နောက်ဆုံး Godzilla နိုင်ပြီး King of the Monsters ဖြစ်လာတယ်။ Dr. Serizawa နဲ့ Emma တို့ ဆုံးပါးခဲ့တယ်။ - 2021 - Kingdom Kong 2021 ခုနစ်မှာတော့ Monarch အဖွဲ့ဟာ Skull Island မှာရှိတဲ့ Hollow Earth ဝင်ပေါက်ကို တူးဖေါ်စမ်းသပ်ဖို့ လုပ်ကြတယ်။ ဒီအချိန်မှာပဲ ကြီးမားပြင်းထန်တဲ့ မုန်တိုင်းကြီးတစ်ခုကလည်း Skull Island ဆီကို ဦးတည်လာနေတယ်။ ဝင်ပေါက်ကို ဖေါက်ကွဲလိုက်မိတဲ့အချိန်မှာပဲ အထဲက Titan Camaztoz ဆိုတဲ့ လင်းနို့လိုကောင်ကြီးနဲ့ သူ့လိုအကောင်သေးသေးလေးတွေ ထွက်လာပြီး Kong နဲ့ ရင်ဆိုင်တယ်။ Iwi တွေရဲ့ ဟောကိန်းအရ နေရောင်ပျောက်တဲ့အချိန် မြေအောက်က ဒီဘုရင်ကြီးနိုးထလာမယ်လို့ ရှိတာမို့လို့ မုန်တိုင်းတွေကြောင့် နေရောင်ပျောက်တာနဲ့ အံကိုက်ဖြစ်နေတယ်။ Kong ဘက်ကနေ Monarch တိုက်လေယာဥ်တွေ ဝိုင်းကူလို့ Camaztoz ရှုံးသွားတယ်။ ဒါပေမယ့် မုန်တိုင်းကြီးကြောင့် Skull Island ရဲ့ eco system ကို လုံးဝ ထိခိုက်လာနေပြီမို့လို့ ကျွန်းပေါ်က Iwi လူမျိုးစုကို ကယ်ထုတ်ရင်း Kong ကိုပါ ပြောင်းရွှေ့ဖို့ လုပ်ကြရတယ်။ - 2024 - Godzilla vs. Kong Apex Cybernetics ရဲ့ Mechagodzilla project ကို ဖျက်ဆီးဖို့လို့ရင်း လူသားတွေနဲ့ Godzilla တို့ ထိပ်တိုက်တွေ့သလိုဖြစ်လာခဲ့တယ်။ ဒီအချိန် Skull Island က ပြောင်းရွှေ့လာတဲ့ Kong နဲ့လည်း Godzilla တို့ တွေ့ကြပြန်တယ်။ Apex ကလည်း Hollow Earth က အင်အားကြီးမားတဲ့ energy source တွေကို လိုချင်လာတဲ့အတွက် Kong ကိုလမ်းပြခိုင်းပြီး အထူးပြုလုပ်ထားတဲ့ ယာဥ်တွေနဲ့တကွ Hollow Earth ကို လိုက်သွားကြတယ်။ ဒီက ရတဲ့ Energy signature ကို ပြန်ပွားပြီး Mechagodzilla ကို အသက်သွင်းတယ်။ Kong ကလည်း Hollow Earth မှာ ပုဆိန်ပြန်ရပြီး သိပ်မကြာဘူး Godzilla ရန်စလို့ Japan ကိုသွားပြီး ရင်ဆိုင်ရပြန်တယ်။ Ishiro Serizawa ရဲ့သား Ren Serizawa ဟာ Apex က ပညာရှင်တစ်ယောက်ဖြစ်ပြီး Mechagodzilla ကိုမောင်းနှင်ရတဲ့ pilot လည်းဖြစ်တယ်။ Ghidorah ရဲ့ ဦးခေါင်းခွံနဲ့ ဦးနောက်ကိုသုံးပြီး လှုပ်ရှားတာဖြစ်တာမှာ Ghidorah က Pilot ကိုပြန်အပိုင်စီးပြီး Mechagodzilla ကိုမောင်းနှင်ခဲ့လို့ တွေ့သမျှအကုန်ဖျက်ဆီးမဲ့ပုံစံ ဖြစ်သွားခဲ့တယ်။ ဒါကြောင့် Godzilla နဲ့ Kong တို့နှစ်ယောက်ပေါင်းပြီး Mechagodzilla ကို ရင်ဆိုင် အနိုင်ယူခဲ့ရတယ်။ — (MonsterVerse Timeline ရှင်းတမ်းကို  Movie Monster FB Page မှ ကူးယူဖော်ပြပါသည်။) ထွက်ရှိပြီးသမျှ MonsterVerse ရုပ်ရှင်တွေကို ဒီမှာ  https://channelmyanmar.org/?s=monsterverse ကြည့်လို့ရပါတယ်။ +++++++++++++++++++++++++++++++++++++++++++++++++++ MonsterVerse ရဲ့ပထမဆုံးရုပ်ရှင်ကားကတော့ Godzilla (2014) ဖြစ်ပါတယ်။ Godzilla (2014) 2014 ခု နှစ်မှာထွက်ရှိခဲ့တဲ့ Godzilla ရုပ်ရှင်ဇာတ်ကားကိုတင်ဆက်ပေးလိုက်ပါတယ်.. IMDb Rating6.4 ရရှိထားပြီးတော့ Rotten Tomatoes 75% အထိလည်းရရှိထားပါတယ်.. ဒါရိုက်တာ Gareth Edwards ကနေ ရိုက်ကူးတင်ဆက်ထားခြင်းဖြစ်ပါတယ်..ဂျပန်နိုင်ငံက ရိုက်ကူးခဲ့တဲ့ Godzilla ဇာတ်လမ်းတွဲကို အမေရိကပုံစံ အသက်သွင်းပြန်လည်ရိုက်ကူးတင်ဆက်ထားခြင်းဖြစ်ပါတယ်.. အချွန်အတက်များနဲ့ရက်စက်ယုတ်မာစွာ..အဖျက်စွမ်းအားကောင်းတဲ့အထပ်မြင့်မိုးမျှော်အဆောက်အဦးများထက်ကြီးမားတဲ့သတ္တဝါကြီးတွေဟာ လူသားတွေရဲ့ရပ်တည်မှုကိုခြိမ်းခြောက်လာစဉ်မှာ ဘယ်လိုတွေဖြစ်လာမလဲဆိုတာကို ကြည့်ရှုခံစားရမှာပဲဖြစ်ပါတယ်.. ဒီတစ်ခါတော့ ဟောလိဝုဒ်က ဂျပန်တွေရဲ့ Godzilla ဇာတ်လမ်းကို ကောင်းအောင် ရိုက်နိုင်ခဲ့ပါပြီ။ ၁၉၉၈ တုန်းက နာမည်ပျက်ခဲ့တဲ့ Godzilla ဇာတ်ကား နဲ့ဒီကားက တစ်ခြားစီပါပဲ။ လက်ရှိ Godzilla ဇာတ်ကားက ဂျပန် တွေတီထွင်ခဲ့တဲ့ Gojira (Godzilla) ရဲ့ မူလ ဇာတ်လမ်းကို မှီငြမ်းပြီး ရိုက်ကူးခဲ့ပါတယ်။ ဇာတ်လမ်းကတော့ ၁၉၅၄ ကျော်လောက်ကတည်း Castle Bravo Nuclear Bomb Testing လုပ်တာကို ပြခဲ့ပြီး အဲ့ဒီတုန်းက ဗုံးက စမ်းသပ်ဗုံးမဟုတ်ပဲ Godzilla ကို သတ်ဖို့ကြိုးစားခဲ့တာပဲဖြစ်ပါတယ်။ ၁၉၉၉ ခုနှစ် မှာတော့ ဖီလစ်ပိုင်မှာ ဂေါ်ဇီလာရုပ်ကြွင်းကိုတွေခဲ့သလို ဥနှစ်လုံးကိုလည်း တွေ့ခဲ့ပါတယ်။ တစ်လုံးကတော့ ဥပေါက်သွားပြီး ထွက်သားပြီးဖြစ်နေတာကို တွေ့ရပါတယ်။ အဲ့ဒီအချိန်မှာ Breaking Bad မင်းသား Bryan Cranston (Joe Brody) နဲ့ သူ့မိန်းမက ဂျပန် Nuclear Plant မှာ အလုပ်လုပ်နေတာဖြစ်ပြီး၊ ရုတ်တရက် ငလျင် လှုပ်ခတ်သွားသလို၊ EMP (Electromagnetic Pulse) ကြောင့် မီးတွေလည်းပျက်သွားခဲ့သလို Power Plant ပြိုကျမှုကြောင့် (Trailer ထဲမှာပါတဲ့) သူ့မိန်းမ လည်း သေသွားခဲ့ပါတယ်။ သူ့မိန်းမသေတဲ့ အခန်းက ရိုက်ထားတာ အရမ်းပီပြင်ပြီး သူကိုယ်တိုင် တံခါးပိတ်လိုက်ရတာဖြစ်လို့လည်း ကြည့်ရတဲ့သူတွေကိုပါ စိတ်မကောင်းဖြစ်စေခဲ့ပါတယ်။ Joe က ဒီ Nuclear Plant ပြိုကျတာဟာ သဘာဝဘေးအန္တရာယ်မဟုတ်ဘူးလို့ ခံယူထားပြီး အစိုးရက တစ်ခုခုကို ဖုံးကွယ်ထားတယ်လို့ ယုံကြည်နေပါတယ်။ ၁၅ နှစ်ကြာပြီးမှာတော့ သူ့ရဲ့ သား Aaron Taylor-Johnson (Kick-Ass မင်းသား ဖြစ်ပြီး၊ Avengers:Age of Ultron မှာ Quicksilver အဖြစ်ပါဝင်မှာ ဖြစ်ပါတယ်။) က မိန်းမနဲ့ကလေးနဲ့ ရှိနေသလို စစ်ထပ်ထဲမှာလည်း Bomb Specialist အဖြစ် တာဝန်ထမ်းဆောင်ဖူးပါတယ်။ သူ တာဝန်ပြီးလို့ ပြန်လာတဲ့အချိန်မှာပဲ သူ့အဖေက Japan မှာ ဖမ်းခံနေရလို့ အာမခံနဲ့သွားထုတ်ပေးရာက စပြီး လွန်ခဲ့တဲ့ ၁၅ နှစ်က အဖြစ်အပျက်တွေရဲ့ အဖြစ်မှန်ကို သိခဲ့ရပါတယ်။Nuclear Power Plant ပြိုကျခဲ့တာက သဘာ၀ အတိုင်း ငလျင်မဟုတ်ပဲ MUTO (Massive Unidentified Terrestrial Object) ကြောင့်ပြိုကျခဲ့တာဖြစ်ပါတယ်။ ၁၉၉၉ ဖီလစ်ပိုင်မှာတွေ့တဲ့ MUTO ဥနှစ်ဥထဲက အထီးရဲ့ ဥက အကောင်ပေါက်ပြီး ဂျပန်ကိုရောက်လာတာဖြစ်ပါတယ်။ MUTO တွေရဲ့ အဓိက အစာက Nuclear Radiation ဖြစ်တာကြောင့် Nuclear Power Plant မှာလာပြီး အသိုက်လုပ်နေနေပါတယ်။ အဲ့ဒီအချိန်ထဲက လူတွေက မသတ်ရဲသလို မသတ် ပဲနဲ့ လေ့လာမှုတွေလုပ်နေခဲ့ကြပါတယ်။ (သတ်လိုက်ရင် သူဆီက Radiation တွေ Nuclear ဗုံးဖောက်သလို ပွင့်ထွက်မှာ စိုးလို့လို့ ရှင်းပြထားပါတယ်။) MUTO နဲ့ Godzilla တို့က လူတွေထက်နှ်စ်သန်းပေါင်းများစွာစောပြီး ကမ္ဘာကြီးမှာ Radiation တွေ ရှိနေတဲ့ အချိန်ထဲက ရှင်သန်နေတာဖြစ်ပါတယ်။ သူတို့က ဒီ Radiation ကနေ အဟာရဖြစ်ပြီး နေလာရာက တစ်ဖြည်းဖြည်း Radiation နည်းလာတဲ့နောက် ရေအောက်ထဲကို ဆင်းပြီးနေလာ ကြပါတယ်။ ရေအောက် ကြမ်းပြင်က ကမ္ဘာ့ဗဟိုနဲ့ နည်းပြီး Radiation ပိုရလို့ဖြစ်ပါတယ်။ ဖီလစ်ပိုင်မှာတွေ့တဲ့ Godzilla ရုပ်ကြွင်းက MUTO တွေကြောင့် သေတာဖြစ်မယ်လို့လည်း ရှင်းထားပါတယ်။MUTO အမရဲ့ဥကိုတော့ Nevada, USA ကို သယ်သွားခဲ့ပြီး အဲ့ဒီမှာရှိတဲ့ Nuclear Waste ထားတဲ့ တောင်ကြားထဲမှာ ထားထားပါတယ်။ အမက ဥကနေ အကောင်မပေါက်သေးပဲ အထီးက အရွယ်ရောက်လို့ အချက်ပေးတော့မှ သူက အကောင်ပေါက်လာတာဖြစ်ပါတယ်။ ၁၅ နှစ်ကြာပြီးတဲ့နောက်မှာ Japan က အထီးနဲ့ Nevada က အမတို့ San Francisco မှာ တွေ့ကြပြီး မျိုးပွားဖို့ အစီအစဉ်ဖြစ်ပါတယ်။ဒါပေမယ့် အထီးက အမကို Signal ထုတ်လွှတ်ပြီး ဆက်သွယ်ရာမှာ ကြားထဲက Godzilla က ကြားသွားပြီး တဖန် နိုးထလာပါတယ်။အဲ့ဒီကနေ Godzilla နဲ့ MUTO နှစ်ကောင်ရဲ့ တိုက်ပွဲ ကို ပရိတ်သတ်ကြီးရင်သက်ရှုမောဖွယ် ကြည့်ရှု ခံစားရမှာဖြစ်ပါတယ်။ Godzilla က ဒီကားမှာ လူတွေကို ဒုက္ခပေးဖို့မဟုတ်ပဲ "Godzilla came to restore balance to the nature" လို့ပြောထားပါတယ်။ ဆိုလိုတာက ကမ္ဘာကြီးကို ဒုက္ခပေးဖို့ လာတဲ့ ရန်သူတွေကို Godzilla က အမြဲ ရင်ဆိုင်ရပြီး ကမ္ဘာကြီးကို စောင့်လျှောက်နေတာဖြစ်ပါတယ် (Original Japan ကားကြည့်ဖူးသူတွေသိမှာပါ။)အရင်ကားဟောင်းတွေရဲ့ အရသာမပျက်ပဲ အမြင်ဆန်းနဲ့ ရိုက်ကူးထားနိုင်ပြီး Visual Effect ကောင်းကောင်း နဲ့ ကြည့်ရသလို၊ ဇာတ်လမ်း ဇာတ်သွားလည်း အရမ်းကောင်းပါတယ်။ Fight Scene တွေကလည်း အထူးကောင်းမွန်ပြီး၊ Godzilla ကို တင်ဆက်သွားတာလည်း အရမ်းပီပြင်ပါတယ်။ ဇာတ်လမ်း၊ သရုပ်ဆောင်၊ ဇာတ်ရှိန်အတက်အကျ ဘာမှပြောစရာမရှိသလို၊ Godzilla ရဲ့ အဓိက လက်နှက်ဖြစ်တဲ့ Atomic Ray ကိုလည်း မြင်တွေ့ခံစားရမှာဖြစ်ပြီး၊ ဒီဘက်ခေတ်လူငယ်တွေ၊ ၁၉၅၀ ကျော်က ဂျပန် ကားမကြည့်ဖူးတဲ့လူတွေအတွက် ဒီကားက Godzilla ရဲ့ အနှစ်သာရကို အပြည့်အ၀ ရရှိစေမှာဖြစ်ပါတယ်။ တစ်ခုရှိတာက Godzilla က အရင်တုန်းကနဲ့ ယှဉ်ရင် အနည်းငယ်ဝနေတာကိုတွေ့ရပါတယ်။အရမ်းကောင်းတဲ့ ဇာတ်ကားကောင်းတစ်ကားဖြစ်ပါတယ်။ ရုံမှာ မလွတ်တမ်း ကြည့်ရှုသင့်တဲ့ကား ကောင်း ဖြစ်ပါတယ်။ (No Sex, No Nudity) ပါ။ မိသားစုတူတူ ကြည့်နိုင်ပါတယ်။ ကလေး လူကြီးမရွေးကြည့်သင့်တဲ့ကားဖြစ်ပြီး Rated PG-13 ပါ။ #Sololay (အညွှန်းကို ရုပ်ရှင်မိတ်ဆက် Movie Review မှကူးယူဖော်ပြသည်...) File size…(5.6 GB)/(2 GB) / (1.2 GB) Quality….BluRay 4K HEVC/1080p HEVC / 720p Format…mkv/mp4 Duration….02:03:06 Subtitle….Myanmar Subtitle (Hardsub) Encoder….Ka Naung

ARGO ARGO ရုပ်ရှင်ဟာ ၁၉၇၉-၈၀ မှာဖြစ်ခဲ့တဲ့ အီရန်တော်လှန်ရေးအတွင်း သံရုံးက လွတ်မြောက်အမေရိကန်သံရုံးဝန်ထမ်း ၆ ယောက်ကို ကယ်ထုတ်တဲ့အကြောင်းကိုရိုက်ပြထားတဲ့ဇတ်ကားပါ။ ၁၉၇၉ မှာ အီရန်နိုင်ငံတွင်းတော်လှန်ရေးဖြစ်ခဲ့ပါတယ် တော်လှန်ရေးအတွင်းမှာ အမေရိကန်သံရုံးကိုသိမ်းပြီး အီရန်ဘုရင်ဟောင်း ရှားကိုနိုင်ငံခိုလှုံခွင့်ပေးထားရာကနေပြန်လွဲပေးဖို့ တောင်းဆိုလာခဲ့ပါတယ်။ အဲ့ဒီသံရုံးအသိမ်းခံရချိန်မှာ လွတ်သွားတဲ့ သံရုံးဝန်ထမ်း ၆ ယောက်ကိုကယ်ဖို့ စီအိုင်အေကလူတွေ ကြိုးစားကြပုံကိုရိုက်ကူးထားတာဖြစ်ပါတယ်။ ARGO ကို အောက်တိုဘာ ၁၂ ရက် ၂၀၁၂ ခုနှစ်မှာထွက်ခဲ့ပြီးတော့ ဇတ်လိုက်မင်းသား Ben Affleck ကိုယ်တိုင်ရိုက်ကူးထားပြီး ထုတ်လုပ်သူကလဲ Ben Affleck နဲ့ George Clooney ကြီးတို့ပါပဲ။ ဒီဇတ်ကားဟာ ၈၅ ကြိမ်မြောက်အကယ်ဒမီမှာ nominations ၇ ခုဝင်ပြီး ဆု သုံးခုရခဲ့ပါတယ် (Best Picture, Best Adapted Screenplay, and Best Film Editing) အဲ့နောက် Golden Globe Award မှာလဲ Best Motion Picture – Drama နဲ့ Best Director ဆုထပ်ရခဲ့ပါသေးတယ်။ ဗြိတိန်အကယ်ဒမီနဲ့ 37th Hochi Film Award မှာလဲ ဇတ်ကားဆု တည်းဖြတ်နဲ့ ဒါရိုက်တာဆုတွေထပ်ရခဲ့ပါသေးတယ်တဲ့။ ဒီအကြောင်းကို စာအုပ်တွေလဲအများကြီးထုတ်ဝေခဲ့ကြပါတယ်။ စာဖတ်ရတာမပျင်းရင်တော့ အောက်ကသမိုင်းကြောင်းတွေဆက်ဖတ်ပါဗျ။ ဇတ်ကားကြည့်ရတာ ပိုအရသာရှိသွားအောင် သမိုင်းကြောင်းလေးနဲနဲလှန်ထားပါတယ် အောက်မှာတော့ facts လေးတွေပါပါတယ်။ (ထွက်တာလဲကြာပြီမို့ Spoil သတိမပေးတော့ပါဘူး) အီရန်မှာနိုင်ငံရေးတော်တော်ရှုတ်ပါတယ် အီရန်နိုင်ငံကို ရှားဘုရင်အဆက်ဆက်ကအုပ်ချုပ်ခဲ့ပြီး ၁၉၅၀ မှာ မိုဟာမက် မိုဆာဒက်ကို ဝန်ကြီးချုပ်ခန့်ခဲ့ကြပါတယ် သူက အီရန်ရေနံကို နိုင်ငံပိုင်ဖြစ်အောင်ပြန်လုပ်ပေးခဲ့ပါတယ်။ သုံးနှစ်အကြာမှာ ရေနံကုမ္ပဏီတွေကပေါင်းပြီး သူတို့နဲ့ပနံသင့်တဲ့ ရှားဘုရင်တစ်ယောက်ကိုပြန်နန်းတင်ပေးခဲ့ပါတယ် ရှားဘုရင်က သူ့ပြည်သူတွေကို ဂုတ်သွေးပြန်စုတ်တော့ ၂၆ နှစ်အကြာ (၁၉၇၉) မှာ ပြည်သူတွေကတစ်ခါ တော်လှန်ကြပြန်ပါတယ်။ အဲ့ဒီနောက် ရှားဘုရင် ဟာ ၁၉၇၉ ခုနှစ်မှာပဲ နန်းစွန့်ခဲ့ကာ အီရန်ကနေ ကင်ဆာကုသဖို့ နိုင်ငံရေးခိုလှုံခွင့်နဲ့ အမေရိကားသို့ထွက်ခွာသွားခဲ့ပါတယ်။ (၁၉၇၉ ဒီဇင်ဘာမှာ အီဂျစ်မှာ အမြဲတမ်းနိုင်ငံရေးခိုလှုံခွင့်စရခဲ့ပြီး အဲ့ဒီမှာပဲ ၁၉၈၀ (အသက် ၆၀) မှာသေဆုံးသွားခဲ့ပါတယ်။) နိုင်ငံကိုတော့ ယာယီအစိုးရဖွဲ့ပြီး အတိုက်အခံ ဝန်ကြီးချုပ် Mehdi Bazargan ဆီမှာထားခဲ့ပါတယ်။ (ယာယီအစိုးရလဲ ဝန်ကြီးချုပ်အစိုးရအဖွဲ့နှုတ်ထွက်ပြီးမကြာခင်မှာပဲဖြုတ်ချခံခဲ့ရပါတယ်) အဲ့ဒီမှာ တော်လှန်ရေးကိုထောက်ခံတဲ့ Muslim Student Followers of the Imam's Line အဖွဲ့ရဲ့နောက်လိုက် ကောလိပ်ကျောင်းသားတွေက အမေရိကန်သံရုံးကိုသိမ်းပိုက်ပြီး တော့ အမေရိကန် ၅၂ ယောက်ကို ဓါးစားခံအနေနဲ့ဖမ်းပြီး ရှားကိုရုံးတင်စစ်ဆေးဖို့အတွက် အီရန်ဆီပြန်လွှဲပေးဖို့တောင်းဆိုပါတယ်။ (အီရန်အစိုးရဘက်က ထုတ်ပြန်ချက်တွေမှာ ကျောင်းသားလို့ဆိုထားပေမဲ့ ကျောင်းမတက်ဘဲ တော်လှန်ရေးလုပ်ဖို့အဖွဲ့လိုက်ဖွဲ့နေတဲ့လူလတ်ပိုင်းတွေလို့ အမေရိကန်ဘက်ကပြောကြပါတယ်) သံရုံးအသိမ်းခံလိုက်ရချိန်မှာပဲ အမေရိကန်သံရုံးက ၆ ယောက်နောက်ဖေးပေါက်ကနေ ထွက်ပြေးလွတ်မြောက်သွားခဲ့ပြီးတော့ ဒီကိစ္စကိုစီအိုင်အေကသိသွားတဲ့နောက် ကယ်ထုတ်ဖို့ကြိုးစားကြပါတယ်။ (ဇတ်ကားထဲမှာ ဗြိတိန်နဲ့ နယူးဇီလန် ကလက်မခံဘဲ သံရုံးကနေ ကနေဒါသံအမတ်အိမ်ကိုရောက်သွားတယ်လို့ပဲပါပါတယ်။ တကယ်မှာတော့ ဗြိတိန်သံရုံးမှာ တစ်ညနေခဲ့ကြပြီး လိုက်ရှာနေတဲ့စစ်သွေးကြွတွေက ဗြိတိန်သံရုံးကို သင်္ကာမကင်းဖြစ်လာတဲ့အတွက် အားလုံးက ကနေဒါသံအမတ်အိမ်ကအလုံခြုံဆုံးလို့ ယူဆတဲ့အတွက် ရောဘတ်အန်ဒရာ (၆ယောက်ထဲကတစ်ယောက်)ရဲ့အသိ လူဝင်မှုကြီးကြပ်ရေးအရာရှိအဆက်အသွယ်နဲ့ သူတို့အားလုံးကနေဒါသံအမတ်အိမ်ကိုရောက်သွားခဲ့ကြတာပါ။ ဇတ်ကားထဲမှာအဲ့ဒီအရာရှိအကြောင်းကို ချန်ခဲ့ပါတယ်တဲ့) တိုနီ မန်ဒက်ဇ်ဟာ သူကယ်ရမယ့် သံရုံးကလူခြောက်ယောက်ကို ကိုယ်စားပြုတဲ့အနေနဲ့ "Studio Six Productions" ဆိုတဲ့ နာမည်ပေးခဲ့တာဖြစ်ပါတယ်တဲ့။ အဲ့ဒီနောက် စီအိုင်အေက တိုနီ မန်ဒက်ဇ် (Tony Mendez) / AKA-Ben Affleck ကိုကယ်ထုတ်ဖို့ တာဝန်ပေးလိုက်ရာကနေဒီဇတ်ကားဖြစ်လာပါတော့တယ်။ ၁၉၈၀ ဇန်နဝါရီ ၂၇ ရက်နေ့မှာ တော့ အမေရိကန်ခြောက်ယောက်နဲ့အတူ Tony Mendez တစ်ယောက် နယူးဇီလန်တောင်ပိုင်း ဇူးရစ်ကိုလွတ်မြောက်လာခဲ့ကြပါတယ်။ အမေရိကန်နိုင်ငံသားခြောက်ယောက်ကို တောင်တစ်လုံးမှာရှိတဲ့ စီအိုင်အေရဲ့ယာယီလုံခြုံရေးအိမ်ကို စီအိုင်အေကပဲ ခေါ်ဆောင်သွားပြီး သူတို့ကို သတင်းစာတွေကိုပြောခွင့်မရှိကြောင်းပြောခဲ့ပြီးနောက် ဖလောရီဒါကလျှို့ဝှက်နေရာတစ်ခုမှာ ဓါးစားခံကိစ္စ ရှင်းပြီးတဲ့အထိဖွတ်ထားဖို့စီစဉ်ခဲ့ကြပါတယ်။ ဒါပေမဲ့ အနံ့ခံကောင်းတဲ့သတင်းသမားတွေက သိသွားခဲ့ပြီး ဓါးစားခံတွေအန္တရာယ်ကင်းကြောင်းသိတာနဲ့ နောက်တစ်နေ့မှာပဲ ကနေဒါသီတင်းစာ ခေါင်းကြီးပိုင်းမှာပါလာခဲ့ပါတယ်။ နိုင်ငံတကာသတင်းစာတွေကလဲ ချက်ချင်းဆိုသလိုဒီအကြောင်းကိုသိသွားခဲ့ပြီးနောက်မှာ မထူးတဲ့အဆုံး စီအိုင်အေက ခြောက်ယောက်လုံးကို အမေရိကားကိုလေယာဉ်နဲ့ပြန်တင်လွှတ်လိုက်ကြပါတယ်။ အမေရိကန်သံရုံးက လူခြောက်ယောက်ဟာ အမေရိကားကို ဇန်နဝါရီ ၃၀ မှာပြန်ရောက်ခဲ့ကြပါတယ်။ အဲ့ဒီအတွက် အမေရိကန်နိုင်ငံတစ်ဝှမ်းနေရာအတော်များများမှာ ကနေဒါအလံကိုလွှင့်ထူခဲ့ကြပြီး ကျေးဇူးတင်ကြောင်း ဆိုင်းဘုတ်တွေစိုက်ထူခဲ့ကြပါတယ်။ သမ္မတကာတာက အထိန်းသိမ်းခံထားရတဲ့ဓါးစာခံ ၅၂ ယောက်ကို သိန်းငှက်လက်သည်းစစ်ဆင်ရေး (Operation Eagle Claw-ဇတ်ကားလား Documentry လားမသိဘူးရှိတယ်)နဲ့ ကယ်ထုတ်ဖို့လုပ်ခဲ့ပါသေးတယ် ဒါပေမဲ့ ပျက်သွားခဲ့ပြီးအဲ့ဒီဟာကြောင့်ပဲ ၁၉၈၀ သမ္မတရွေးကောက်ပွဲမှာ အရေးနိမ့်ခဲ့ပြီး Ronald Reagan ကအနိုင်ရခဲ့ပါတယ်။ စက်တင်ဘာ ၁၉၈၀ မှာတော့ အီရပ်တပ်တွေက အီရန်ကိုဝင်လာတာကစလို့ အီရန်-အီရပ် စစ်ပွဲစခဲ့ပါတယ်။ အဲ့ဒီကိစ္စတွေကြောင့် အီရန်အစိုးရက အမေရိကန်နဲ့ ညှိနှိုင်းခဲ့ဖို့ဖြစ်လာခဲ့ပါတယ်။ ဂျင်မီကာတာနောက်တက်လာတဲ့ သမ္မတအသစ် (ရော်နယ် ဂရေဟင်)အာဏာရပြီးနောက်မှာပဲ စစ်ပွဲကြောင့်အကျပ်ရိုက်နေတဲ့ အီရန်က အမေရိကန်နဲ့ဆွေးနွေးညှိနှိုင်းခဲ့ပြီး သမ္မတသစ်က Algiers Accords မှာ လက်မှတ်ထိုးပြီးနောက် ဓါးစားခံများအားလုံးကိုပြန်လွှတ်ပေးခဲ့ပါတယ်။ အဓိကဇတ်ဆောင်ဖြစ်တဲ့ တိုနီ မန်ဒက်ဇ် (Tony Mendez)က တော့ ၂၀၁၉ ဇန်နဝါရီ ၁၉ မှာဆုံးပါးသွားခဲ့ပြီး သူသေဆုံးချိန်မှာ ၇၈ နှစ်ရှိပါပြီ။ Quality – 720p  Bluray Rip Duration - 2 hr Subtitle – Myanmar Hardsub Format – Mp4 Genre : Biography, Drama, Thriller Translator – idiot Encoder – idiot

Madagascar 3: Europe's Most Wanted (2012) IMDb - 6.8/10 Rotten - 79% ဒီတစ်ခါတော့ Channel Myanmar ပရိတ်သတ်တွေအတွက် ၂၀၁၂ ခုနှစ်ကထွက်ရှိခဲ့တဲ့ Animation ကားကောင်းလေးတစ်ကားတင်ပေးလိုက်ပါတယ်။ Madagascar လို့ပြောလိုက်တာနဲ့ တလွဲတွေလုပ် ဟာသတွေဖြစ်နေတတ်တဲ့ ခြင်္သေ့ကြီး Alex နဲ့ သူ့သူငယ်ချင်းတွေဖြစ်ကြတဲ့ မြင်းကျား Marty သစ်ကုလားအုတ် Melman နဲ့ ရေမြင်းမကြီး Gloria တို့ကိုပြေးမြင်မိကြဦးမှာပါ ဒီနောက်ဆုံးထွက် Europe's Most Wanted မှာဆိုရင် Alex နဲ့သူ့သူငယ်ချင်းတွေဟာ သူတို့ရဲ့အိမ်ဖြစ်တဲ့ New York's Central Park Zoo ကိုပြန်ဖို့ကြိုးစားနေကြတုန်းပါ ဒါပေမဲ့ Monte Carlo ကာစီနိုမှာဘဏ်ဖောက်ဖို့ကြိုးစားနေတဲ့ ပင်ဂွင်းနဲ့မျောက်တွေကို သွားခေါ်ရဖို့အကြောင်းဖန်လာပါတယ် အဲ့လိုနဲ့ ပြင်သစ်ကတိရစ္ဆာန်ထိန်းချုပ်ရေးအရာရှိမကြီး Dubois နဲ့တိုးတဲ့အခါမှာ Alex တို့မမျှော်လင့်တဲ့အခြေအနေတွေနဲ့ကြုံရပြန်ပါတယ် Alex တို့သူတို့ရဲ့အိမ်ကိုပြန်ရောက်နိုင်ပါ့မလား Dubois ကြီးကရော ဘယ်လိုတွေတားဆီးမလဲ ဆိုတာ အရှေ့က Madagascar 1 & 2 အတိုင်း ပရိသတ်များကိုစိတ်မပျက်စေဘဲ ချစ်စရာဟာသဆန်ဆန် တိရစ္ဆာန်လေးတွေကို ကြည့်ရှုရမှာဖြစ်ပါတယ် (ဇာတ်လမ်းအညွှန်းကိုတော့ ကွီး Chuck Chuck မှရေးပေးထားတာဖြစ်ပါတယ်) Quality : 4K /1080p/720p Running Time : 1h 33min Format : MKV , Mp4 Genre : Animation, Adventure, Comedy Subtitle : Myanmar Subtitle (Hard Sub) Translator : JimX Encoded by Thit San Khant

Total Recall (2012) Extended Cut လူသားတစ်ယောက်ခြင်းစီ လိုက်လံရှာဖွေရတဲ့ ပဟေဠိဆိုတာက ကိုယ့်ကိုယ်ကိုယ် ဘယ်သူလဲဆိုတဲ့ မေးခွန်းပါပဲတဲ့။ အဲဒါရဲ့အဖြေဟာ အတိတ်မှာ မရှိပါဘူး၊ လက်ရှိ ပစ္စုပ္ပန်မှာပဲ ရှာတွေ့နိုင်ပါတယ်တဲ့။ ဒီတော့ ကိုယ်ဟာ ဘာကောင်ကြီးဖြစ်တယ်ဆိုတာ အခု ကိုယ်လက်ရှိဖြစ်နေတဲ့ အချိန်ကိုပဲ ကြည့်ပြီး ပြောရမှာလို့ ဆိုလိုတာပေါ့ဗျာ။ အတိတ်က ရွှေထီးဆောင်းခဲ့ဖူးရုံနဲ့ အခုလက်ရှိမှာ ငါက အကောင်ကြီးလို့ မပြောနိုင်သလို အတိတ်က ဆိုးမိုက်ခဲ့သမျှတွေဟာလည်း အခုအချိန် ဆက်မဖြစ်တော့ဘူးဆိုရင် နှိမ့်ချဆက်ဆံခံရစရာ မလိုပါဘူး။ ပြင်လို့မရတဲ့ အမှားမျိုးကတော့ ချွင်းချက်ပါ။ အခုတင်ဆက်ပေးမယ့်ကားကတော့ Total Recall ပါ။ အဲဒီနာမည်က ကျွန်တော်တို့လို ၈၇/၈၈ ပတ်ချာလည်မွေးတဲ့သူတွေအတွက်တော့ ရွှေရောင်အမှတ်တရတစ်ခုပေါ့။ အဲဒီတုန်းကတော့ မင်းသားကြီး Arnold Schwarzenegger (အာနိုး) ပါ။ ၁၉၉၀ ခုနှစ်မှာ ရိုက်ကူးတဲ့ အဲဒီဇာတ်လမ်းမှာတော့ ကမ္ဘာနဲ့ ဗုဒ္ဓဟူးဂြိုလ် (Mars) နဲ့အသွားအပြန်လုပ်ရတဲ့ အကြောင်းဖြစ်ပါတယ်။ ဂြိုလ်သားတွေလည်း ပါတာပေါ့။ အခုတင်ဆက်ပေးမှာကတော့ Extended Cut Version ဖြစ်ပြီး 2012 မှာ ရိုက်ကူးရုံတင်ခဲ့တဲ့ Remake ဇာတ်ကားပါ။ မင်းသား Colin Farrell က အဓိကဇာတ်ဆောင်မင်းသားအဖြစ် သရုပ်ဆောင်ထားပါတယ်။ ဇာတ်လမ်းကျောရိုးတစ်ခုလုံး တူရုံတင်မက အဓိကဇာတ်ဆောင် နာမည်များဖြစ်တဲ့ "ဒေါက်ဂ် ကွေ့ဒ်" ၊ "ကားလ် ဟောက်ဇာ" ၊ "ကိုဟေဂန်" ၊ "မယ်လီနာ" ၊ "လော်ရီ" တွေကို အတူတူပြန်သုံးထားပါတယ်။ ဒီဇာတ်ကားမှာတော့ ဗုဒ္ဓဟူးဂြိုလ်နဲ့ ဂြိုလ်သားတွေ မပါလာတော့ပဲ ကမ္ဘာပေါ်က နယ်မြေနှစ်ခုကို အမိုက်စား ဆက်သွယ်ရေးလမ်းကြောင်းနဲ့ ခပ်မိုက်မိုက် ပြန်တင်ဆက်ထားတာပေါ့။ ၁၉၉၀ ခုနှစ်က ဂြိုလ်သားတွေခေတ်စားပြီး ၂၀၁၂ မှာတော့ ရိုးအီလာတာကြောင့် plot ပြောင်းလိုက်တာလို့ ယူဆရပါတယ်။ ဇာတ်လမ်းအကျဉ်းကတော့ ဘဝကို ငြီးငွေ့လာတဲ့ အလုပ်သမားလေးတစ်ယောက်က ဦးနှောက်ထဲကို မှတ်ဉာဏ်အတုတွေထည့်ပေးပြီး ဖျော်ဖြေမှုပေးတဲ့ "Rekall" ဆိုတဲ့ နေရာ‌ကို သွားရောက်မိပါတယ်။ သူတို့ရဲ့ ဓာတုဗေဒဆေးတွေ ထိုးထည့်လိုက်ချိန်မှာပဲ သူ့ဘဝအမှန်က ရုတ်တရက်ပေါ်ထွက်လာပြီး သူတစ်ချိန်လုံး ထင်နေတဲ့ဘဝတစ်ခုလုံးက အတုအယောင်ဖြစ်ကြောင်း သိလိုက်ရပါလေရော။ သူ့စိတ်ထဲကို မှတ်ဉာဏ်အတုတွေ ရိုက်ထည့်ပေးလိုက်တဲ့ အဖွဲ့အစည်းက သူ့နောက်ကို အသည်းအသန် စပြီး လိုက်ပါတော့တယ်။ ဒီလိုပဲ ပြေးရင်း လွှားရင်း ဘဝမှန်ကို ဖော်ထုတ်ရင်း သူပါဝင်ပက်သက်နေတဲ့ကိစ္စက ပေါ့သေးသေးမဟုတ်ဘဲ ကမ္ဘာ့အရေးအခင်းနဲ့ သက်ဆိုင်လာတဲ့အခါမှာ ၊ လူတွေအားလုံးရဲ့တာဝန်ကို သူ့ပုခုံးပေါ် ပြောင်းတင်လိုက်ရတဲ့အခါမှာ သူဘာတွေလုပ်မလဲ။ သူဘာတွေ တွေးမလဲ ဆိုတာကို ကြည့်ရှုရပါမယ်။ နှစ်ကားလုံးကြည့်ပြီးသားဆိုရင်လည်း ပြန်ကြည့်ရတာ အရသာရှိမှာပါ။ IMDb 6.2 ဆိုတာကလည်း Science Fiction တစ်ခုအနေနဲ့ အမြင့်ဆုံး ပေးထားသလိုပါပဲ။ ပထမကားပဲ ကြည့်ရသေးတယ်ဆိုရင်တော့ အမြန်သာ ဒေါင်းလိုက်ပါ။ ဘယ်ကားမှ မကြည့်ရသေးဘူးဆိုရင်လည်း အဆက်မပါတဲ့အတွက် ကိစ္စမရှိပါဘူး။ ဒီကားကို ကြည့်ရုံနဲ့ ရပါတယ်။ အချိန်ရရင်တော့ အရင်ကားကို ပြန်ရှာ ကြည့်ပြီး ဒီကားပြန်လာကြည့်ရင် ပိုအရသာရှိပါလိမ့်မယ်။ (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 2.2GB, 1.31GB Quality - Bluray 1080p, 720p IMDb Rating - 6.2/10 Format - mp4 Duration - 2H 10Min Type - SciFi, Action Subtitle - Myanmar Subtitle (Hardsub) Translated by Arr Khun Winchester Encoded by Y

ဂျွန်ကာတာက အမေရိကန်ပြည်တွင်းစစ်မှာ ပါဝင်ခဲ့ဖူးတဲ့ စစ်မှုထမ်းဟောင်းတစ်ယောက်ပါ။ အတိတ်က ဖြစ်ရပ်ဆိုးတစ်ခုကြောင့် အခုတော့ ဘာအပူမှ မရှာဘဲ အေးအေးဆေးဆေးပဲ နေချင်တော့တယ်။ ဒါပေမယ့် သူ့ကို စစ်မှုပြန်ထမ်းခိုင်းရာကနေ သူ့ဘဝကို လုံးဝပြောင်းသွားစေမယ့် အဖြစ်အပျက်တစ်ခုနဲ့ ကြုံရပါတယ်။ တိုက်ပွဲအတွင်း အမေရိကန်တိုင်းရင်းသားတွေရဲ့ လက်က လွတ်ဖို့ ပုန်းအောင်းရင်း ဂူတစ်ခုထဲမှာ ထူးဆန်းတဲ့လူတစ်ယောက်ကို တွေ့တယ်။ အဲဒီလူ ရွတ်နေတဲ့ ဂါထာကို သူပါ လိုက်ရွတ်လိုက်တဲ့အခါ ရုတ်တရက် မေ့မျောသွားပါတော့တယ်။ ပြန်သတိရလာချိန်မှာတော့ သူ မသိတဲ့နေရာတစ်ခုကို ရောက်နေပြီ။ ပတ်ဝန်းကျင်က ထူးဆန်းတဲ့ သတ္တဝါတွေနဲ့ မျိုးနွယ်စုတွေကို တွေ့လာရတော့ ကိုယ်ရောက်နေတာ ကမ္ဘာမြေပေါ် မဟုတ်တော့ဘူးဆိုတာ သိလိုက်ရပါတယ်။ မားစ်ဂြိုဟ်ပေါ် ရောက်လာတဲ့ ကာတာဟာ အဲဒီက မျိုးနွယ်စုတွေအတွက်လည်း ထူးဆန်းတဲ့လူတစ်ယောက် ဖြစ်နေတယ်။ သူတို့ကြားက အရှုပ်အထွေးတွေထဲ ညပ်ပါသွားပြီး ပြဿနာတွေကို ထိပ်တိုက်ရင်ဆိုင်ရတော့မှာပါ။ Andrew Stanton ရိုက်ကူးပြီး Walt Disney က ထုတ်လုပ်ထားတဲ့ ဒီသရုပ်ဆောင်ရုပ်ရှင်မှာ အက်ရှင်ခန်းတွေနဲ့အတူ မားစ်ဂြိုဟ်ရဲ့ ရှုခင်းတွေနဲ့ ထူးခြားတဲ့သတ္တဝါတွေကို ပုံဖော်ထားပါတယ်။ အိမ်ကိုလည်းချစ်၊ ရွှေကိုလည်း မက်တဲ့ ကာတာတစ်ယောက် ကမ္ဘာမြေကို ဘယ်လိုပြန်မလဲ၊ ပြန်ချင်စိတ်ရော ရှိနေဦးမလား။

ဒုတိယကမ္ဘာစစ်အတွင်းမှာ Tuskegee airmen လို့ ခေါ်ကြတဲ့ အာဖရိကန်အမေရိကန် လေသူရဲတွေဟာ လူမျိုးရေးခွဲခြားမှုနဲ့ နေရာမပေးချင်မှုတွေကို ကြုံနေရပါတယ်။ အဲဒီအတားအဆီးတွေကြားကနေ လေသူရဲတွေအဖြစ် တာဝန်ထမ်းဆောင်ပြီး ဘာလင်ကို ဗုံးကြဲတဲ့ စစ်ဆင်ရေးမှာပါ ပါဝင်ခဲ့ကြတဲ့ သူတို့အကြောင်းကို ရိုက်ထားတာပါ။ တကယ့်ဖြစ်ရပ်တွေကို အခြေခံထားပေမယ့် စိတ်ကူးယဉ်ဇာတ်ကောင်တွေနဲ့ ပေါင်းစပ်တင်ဆက်ထားပါတယ်။ ဂျော့လူးကပ်စ်က ဒီရုပ်ရှင်ကို စတင်စီစဉ်ခဲ့ပြီး ၂၀၁၂ ခုနှစ်မှာ ထွက်ရှိခဲ့ပါတယ်။ ရိုက်ကူးမှုအများစုကိုတော့ Anthony Hemingway က တာဝန်ယူထားတာပါ။ Terrence Howard၊ Cuba Gooding Jr. နဲ့ Michael B. Jordan တို့အပါအဝင် လူမဲသရုပ်ဆောင်တွေ ပါဝင်ထားပါတယ်။ ဇာတ်ကားမှာ လေကြောင်းတိုက်ပွဲတွေကို ဆက်တိုက်အသားပေးထားပြီး ကိုယ်ထင်ရာလုပ်တတ်၊ အမိန့်မနာခံတတ်တဲ့ လေသူရဲတစ်ယောက်ရဲ့ တိုက်ခိုက်ခန်းတွေလည်း ပါတယ်။ မူရင်းသုံးသပ်ချက်အရတော့ ဒရာမာနဲ့ ဇာတ်ကောင်အချင်းချင်း ဆက်ဆံရေးကို အချိန်ပေးဖော်ပြတာ နည်းပြီး တချို့နေရာတွေမှာ ရုတ်တရက် ထည့်ထားသလို ဖြစ်နေပါတယ်။ လေကြောင်းတိုက်ခိုက်မှုတွေကတော့ ခဏနားပြီး ပြန်တိုက်ကြတဲ့ပုံစံနဲ့ ဇာတ်ကားတစ်လျှောက် အများအပြား ပါဝင်နေပါတယ်။

သီချင်းဆိုရင်း အသက်မွေးဖို့ နယ်မြို့လေးကနေ ထွက်လာတဲ့ Sherrie ဟာ လော့စ်အိန်ဂျလိစ်က Sunset Strip ကို ရောက်ရောက်ချင်း လုယက်ခံလိုက်ရပါတယ်။ အဲဒီမှာ နာမည်ကြီး Bourbon Room မှာ အချိန်ပိုင်းအလုပ်လုပ်နေတဲ့ Drew နဲ့ ဆုံမိပြီး သူကိုယ်တိုင်လည်း အဲဒီနေရာမှာ အလုပ်ရလာတယ်။ ဝါသနာတူတဲ့ ဒီလူငယ်နှစ်ယောက်ဟာ ကိုယ့်အနုပညာလမ်းကို လျှောက်ဖို့ အခွင့်အရေး ရလာကြပါတယ်။ တစ်ဖက်မှာတော့ တစ်ခေတ်တစ်ခါက အလွန်ကျော်ကြားခဲ့တဲ့ ရော့ခ်အဆိုတော် Stacee Jaxx ရှိနေတယ်။ Tom Cruise သရုပ်ဆောင်ထားတဲ့ ဒီအဆိုတော်ဟာ လူမှုရေးပြဿနာတချို့ကြောင့် အနုပညာအလုပ်တွေ ရပ်တန့်နေတာ ကြာပါပြီ။ အခု Bourbon Room မှာ ပထမဆုံး တစ်ကိုယ်တော်ရှိုးပွဲလုပ်ပြီး အနုပညာခရီးကို ပြန်ဆက်ဖို့ ပြင်ဆင်နေပါတယ်။ ဒါပေမယ့် Stacee ရဲ့ ပြန်လာမှုက Sherrie နဲ့ Drew တို့ကြားမှာ အနှောင့်အယှက်တစ်ခု ဖြစ်လာတယ်။ အဆိုတော်ဖြစ်ဖို့ ကြိုးစားနေတဲ့ လူငယ်နှစ်ယောက်နဲ့ နာမည်ကျော်ဘဝဆီ ပြန်ဝင်လာချင်တဲ့ ရော့ခ်အဆိုတော်တို့အကြောင်းကို ဟာသအနည်းငယ်၊ သီချင်းများစွာနဲ့ တင်ဆက်ထားတဲ့ ဂီတဇာတ်ကားပါ။

Frank Miller နဲ့ David Mazzucchelli တို့ ဖန်တီးခဲ့တဲ့ ဂန္တဝင် Comic ကြီးကို အသက်သွင်းထားတာဆိုတော့ Bat-Fan တွေအတွက်ကတော့ ရင်ခုန်စရာ အကောင်းဆုံးနဲ့ အကြိုက်တွေ့စေမယ့် ဇာတ်ကားကောင်း တစ်ကားပါပဲ။ ဒီကားက Bruce Wayne တစ်ယောက် ကမ္ဘာပတ်ပြီး ပညာတွေသင်ယူရာကနေ ၁၂ နှစ်အကြာမှာ Gotham မြို့ကို ပြန်ရောက်လာတဲ့ အချိန်နဲ့၊ ရိုးသားတဲ့ ရဲအရာရှိ Jim Gordon တစ်ယောက် အဂတိလိုက်စားမှုတွေ ပြည့်နှက်နေတဲ့ Gotham မြို့ရဲတပ်ဖွဲ့ (GCPD) ကို ပြောင်းရွှေ့လာတဲ့ အချိန်ကို ပြိုင်တူပြသထားတာပါ။ Bruce က လင်းနို့လူသား (Batman) အဖြစ် ခံယူပြီး ပြစ်မှုကျူးလွန်သူတွေကို နှိမ်နင်းဖို့ ကြိုးစားသလို၊ Gordon ကလည်း ဥပဒေဘောင်ထဲကနေ အကျင့်ပျက် ရဲတွေနဲ့ မာဖီယာတွေကို ရှင်းလင်းဖို့ ကြိုးစားပုံတွေကို ရင်ခုန်စိတ်လှုပ်ရှားဖွယ် ရိုက်ကူးထားပါတယ်။ ဒီကားရဲ့ အမိုက်ဆုံးအချက်က Comic ထဲက အကွက်တွေ (Panels) ကို Screen ပေါ်မှာ 1:1 နီးပါး အတိအကျ ပုံဖော်ထားတာပါပဲ။ Frank Miller ရဲ့ Dark & Gritty ဖြစ်တဲ့ အငွေ့အသက်နဲ့ မူရင်း Comic ရဲ့ Art Style ကို အပြည့်အဝ ခံစားရပါတယ်။ ခေါင်းစဉ်ကသာ Batman လို့ ပါပေမယ့်၊ တကယ်တမ်း ဇာတ်လမ်းရဲ့ တစ်ဝက်လောက်က Jim Gordon ရဲ့ ရုန်းကန်မှုတွေပါ။ အကျင့်ပျက်ခြစားနေတဲ့ ရဲတွေကြားမှာ မှန်ကန်တဲ့ ရဲတစ်ယောက်အဖြစ် ရပ်တည်ရတဲ့ Gordon ရဲ့ Character Arc က တကယ့်ကို Masterclass ပါပဲ။ Action အခန်းတွေက အရမ်းမကြမ်းပေမယ့် လက်တွေ့ကျကျ (Grounded) ဖြစ်တယ်။ ဂြိုဟ်သားတွေ၊ စူပါပါဝါတွေ မပါဘဲ Gotham မြို့ကြီးရဲ့ အမှောင်ထု၊ မိုးရွာနေတဲ့ လမ်းမတွေ၊ လူဆိုးဂိုဏ်းတွေရဲ့ လွှမ်းမိုးမှုတွေကို Noir ဆန်ဆန် အမိုက်စား တင်ဆက်ထားပါတယ်။ Jim Gordon နေရာမှာ အသံသရုပ်ဆောင်ပေးထားတဲ့ Bryan Cranston (Breaking Bad က Walter White လေ) ရဲ့ Voice Acting က လုံးဝ Perfect ပါပဲ။ Gordon ရဲ့ ပင်ပန်းနွမ်းနယ်မှု၊ ဒေါသနဲ့ ပြတ်သားမှုကို အသံမှာတင် အပြည့်အဝ ကြားနေရပါတယ်။ Batman: Year One ဟာ Batman ရဲ့ အစပိုင်း သမိုင်းကြောင်း (Origin Story) တွေကို သိချင်တဲ့သူတိုင်း မဖြစ်မနေ ကြည့်သင့်တဲ့ ကားပါ။ Superpower တွေ အများကြီးပါတဲ့ Action ကားမျိုးမဟုတ်ဘဲ၊ Crime Thriller/Noir ဆန်ဆန် ခံစားကြည့်ရှုရမယ့် လက်ရာမြောက် Animation ကောင်း တစ်ကားဖြစ်ပါတယ်။ File size… 800 MB / 400 MB Quality… Blu - Ray 1080p/ 720p Format… mp4 Duration…. 1h 14m Genre ..... Animation, Adventure, Action , Noir Subtitle…. Myanmar Subtitle (Hard Sub)

Larry Crowne ဟာ အသက် ၄၀ အရွယ်လောက်ရှိတဲ့ လူလတ်ပိုင်းတစ်ယောက်ဖြစ်ပြီး Super Market တစ်ခုကနေ မကြာသေးခင်ကမှ အလုပ်ဖြုတ်ခံထားရတာပါ။ အကြောင်းပြချက်ကတော့ သူဟာ တက္ကသိုလ်မတက်ခဲ့ဘူးလို့ဆိုပါတယ်။ သူဟာ ငယ်စဉ်အရွယ်အရောက်တော့ စစ်တပ်ထဲမှာ cook အဖြစ် အနှစ် ၂၀ လောက် တာဝန်ထမ်းဆောင်ခဲ့လို့ တက္ကသိုလ်မှာဆက်လက်ပညာမသင်ကြားနိုင်ခဲ့ပါဘူး။ ထို့ကြောင့်သူဟာ တက္ကသိုလ်မှာ ပညာသင်ကြားဖို့ဆုံးဖြတ်လိုက်ပါတယ်။ သူသင်ကြားရမယ့်ဘာသာရပ်ရဲ့ ဆရာမကတော့ Tainot ပါ။ သူတက္ကသိုလ်မှာ ပညာသင်ကြားရင်းနဲ့ သူ့ဘဝကို ဘယ်လိုပြောင်းလဲပေးမလည်းဆိုတာကို ကြည့်ရှုရမှာပါ။  Larry Crowne အဖြစ် Tom Hanks က ပါဝင်သရုပ်ဆောင်ထားပြီး Tainot အဖြစ် Juli Roberts ကသရုပ်ဆောင်ထားပါတယ်။ မင်းသားကြီး Tom Hanks ကိုယ်တိုင်ရေးသားထားပြီး သူကိုယ်တိုင် ဒါရိုက်တာအဖြစ် ရိုက်ကူးထားတဲ့ ဇာတ်လမ်းလေးပါ။ ပေါ့ပေါ့ပါးပါးလေးနဲ့ ကြည့်လို့တော့အဆင်ပြေမှာပါ။ IMDB Ratings: 6.0/10 ရရှိထားပြီး Tom Hanks ပရိတ်သတ်တွေ ကြည့်ထားသင့်တဲ့ ဇာတ်ကားလေးပါ။ ပညာရေးရဲ့ အရေးပါပုံကို ခံစားတွေ့မြင်ရမှာပါ။ File Size         : 700 MB Quality           : Blu ray 720P Running Time : 1hr 38 minute Format           : Mp4 Genre             : Comedy, Drama, Romance Encoder         : Joker.phs (ဇာတ်ကားအညွန်းကိုတော့ MMmovie Guideမှ ကူးယူဖော်ပြထားတာ ဖြစ်ပါတယ်)

ခုတင်ဆက်ပေးလိုက်တဲ့ဇာတ်ကားလေးကတော့H1 N1 ရောဂါအကြောင်းကို ရိုက်ထားတဲ့ဇာတ်ကားပါ ၂၀၁၁ ခုနှစ်ကထွက်ခဲ့တဲ့ဇာတ်ကားလေးပါ ဘတ်သ်အမ်ဟို့ဖ်ဆိုတဲ့ အမျိုးသမီးဟာ အလုပ်ကိစ္စနဲ့ဟောင်ကောင်ကိုသွားပြီး ပြန်အရောက်မှာ နေမကောင်းဖြစ်ပြီးရုတ်တရက်သေဆုံးရာကစခဲ့တာပါ တစ်နေ့ပြီးတစ်နေ့ကူးစက်ခံရသူတေ် များလာတယ် သေဆုံးသူတွေလဲ များလာပါတယ် WHO အဖွဲ့ရော ဒေါက်တာရှီဗာတို့ရော ဒေါက်တာဆော့စ်မန်းတို့ရောဘာဖြစ်တာလဲသိဖို့ အားလုံးကြိုးစားရှာဖွေကြရပါတယ် ဒီထဲမှာမှ ဘယ်သူကရှာဖွေတွေ့ရှိသွားလဲကုသနိုင်တဲ့ဆေးရှာတွေ့မှာလား ကာကွယ်ဆေးရောပေါ်လာလားဆိုတာတွေရှာဖွေနေစဉ်အတောအတွင်းမှာ စတေးလိုက်ရတဲ့ အသက်တွေ လူထုကြား ရောဂါဖြစ်နေပြီဆိုတာ သတင်းပျံ့သွားတဲ့အချိန်မှာ လူထုကဘယ်လိုတုံ့ပြန်လာလဲဆိုတာတွေ အားလုံး ဝေဝေဆာဆာနဲ့ အကွက်ကျကျရိုက်ပြထားတဲ့ ဇာတ်ကားကောင်းလေးပါ ဒီလိုအချိန်မှာ လက်မလွတ်တမ်းကြည့်သင့်တဲ့ ဇာတ်ကားလေးလို့ ညွှန်းပေးပါရစေဗျာ အချုပ်အနေနဲ.ပြောရရင် Steven Soderberg ရဲ့ 2009 Flu Pandemic ကို အခြေတည်ရိုက်ထားတဲ့ Contagion (2011) ဇာတ်ကားက အခုအချိန် ကြည့်ဖို့အသင့်တော်ဆုံးပဲ။ Pandemic Event အတွင်း - WHO ရဲ့ စီမန်ခန့်ခွဲမှုအဆင့်ဆင့်တွေ၊ - Medical Field ရဲ့ လုပ်ငန်းခွင် မလုံခြုံမှုတွေ၊ - ဝိသမလောဘသားတွေရဲ့ အမြတ်ထုတ်ခြယ်လှယ်မှုတွေ၊ - နောက်ဆုံး လူထုကြားမှာဆင့်ပွားလာတဲ့ အကြောက်တရားတွေ အကြောင်းကိုဒီကားမှာ သေသေချာချာတွေ့မြင်ရပါလိမ့်မယ်။ Health Education ပါ တခါတည်း ပေးပြီးသားဖြစ်အောင် Channel Myanmar ပရိတ်သတ်ကြီးအတွက် ဘာသာပြန်ပြီးတင်ဆက်ပေးလိုက်ပါတယ် (ဘာသာပြန်သူကတော့ မေသရဖီလွင်ပါ) File Size : (750 MB) and (380MB) Quality : Blu-Ray 720p Running Time : 1hr 46minutes Format : Mp4 Genre : Drama, Thriller Subtitle : Myanmar Subtitle (Hardsub) Translated by May Tharaphi Lwin Encoded by Thanhtike Zaw

The Lincoln Lawyer (2011) အညွှန်း IMDb   .... 7.3,,,,RT..... 73% "ကနဦး ဒေါ်လာ ၁သိန်း အရင်လိုချင်တယ်...ပြီးရင် အလုပ်ချိန် ၁နာရီ ကို ဒေါ်လာ ၅၅၀ အမှုစပြီးကြားနာရင် ဒေါ်လာ ၁၀၀ ထပ်တိုးမယ်" ဒါကတော့ ရှေ့နေမစ်ခ်ရဲ့ အမှုတစ်ခုအတွက်ပျမ်းမျှအခကြေးငွေပဲ... ပိုက်ဆံချေမယ်ပြောပြီး ငွေမရသေးရင် တရားရုံးတင်တဲ့ရက်ကို ရွှေ့ပစ်တဲ့ရှေ့နေတစ်ယောက်ပါ။ သူက ဘိန်းရာဇာလိုကောင်တွေနဲ့တောင် အလုပ်လုပ်တဲ့သူ... သူ့မှာ သိပ်တော်တဲ့ အလွတ်တန်းစုံထောက်တစ်ယောက်ရှိသလို... နယ်ပယ်အသီးသီးက သတင်းအတိအကျရယူပေးနိုင်တဲ့အဆက်အသွယ်တွေလည်းရှိတယ်။ ဒီလောက်ဆိုမစ်ခ်ဆိုတဲ့ရှေ့နေဟာ ဘယ်လိုဆရာကျနေမလဲသိလောက်ပါပြီ... ဒီလိုနဲ့တစ်နေ့မှာ မစ်ခ် ဟာ...လူကုံထံသူဌေးသား တစ်ယောက် မုဒိမ်းမှု၊လူရိုက်မှုတွေနဲ့ ... အစွပ်စွဲခံထားရတဲ့ အမှုကို ကူညီပေးဖို့သဘောတူလိုက်တယ်... အဲဒီမှာ သောက်ကျိုးနည်းပြဿနာတွေ တသီကြီး စပါတော့တယ် .... ဒီကားက မင်းသားကြီး  Matthew McConaughey အဓိကသရုပ်ဆောင်ထားတဲ့ကား... ဒီလိုစရိုက်မျိုးတွေဆို အပိုင်နိုင်ဆုံးလို့တောင်ဆိုရမယ်။ ဇာတ်လမ်းက အရမ်းမိုက်သလို... အစမှအဆုံးထိ ဆွဲဆောင်မှုရှိလွန်းတယ်...လက်မလွှတ်သင့်တဲ့ နင်းကန်ကောင်းတဲ့ကားမို့.. ဒီကားလေးကို ကြည့်ကြည့်ကြပါလို့ညွှန်းလိုက်ချင်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Thar Htet ပဲဖြစ်ပါတယ်... File size : 5.53GB / 2.03GB / 1.01GB Quality : 4K / 1080p / 720p Genre : Crime , Drama,Thriller Duration : 2 hr Subtitle….Myanmar Subtitle (Hard Sub) Translated By Thar Htet Encoded By Heather Oo

Drive(2011) IMDb....7.8,,,,Rotten....92% Nominated for 1 Oscar. Another 80 wins & 177 nominations လော့အိန်ဂျယ်လိမှာ အမည်မသိရတဲ့... လျှို့ဝှက်သိုသိပ်တဲ့ လူတစ်ယောက်ရှိပါတယ်။ သူ့ရဲအလုပ်က ကားပြင်တယ် .. ဟောလိဝုဒ်မှာ စတန့် ကားသမားလုပ်တယ်.. အထူးခြားဆုံးက ဓားပြတိုက်တဲ့သူတွေကို ကားလိုက်မောင်းပေးတာပဲ... ဓားပြတိုက်ဖို့ ကားငှားရင်  သူပြောလေ့ရှိတဲ့စကားရှိတယ်...အဲ့ဒါက "ကျွန်တော့်ကို အချိန်နဲ့နေရာကိုသာပြော ခင်ဗျားကို ၅မိနစ်နဲ့ အရောက်ပို့ပေးမယ် ဒီ ၅မိနစ်အတွင်းမှာ ဘာပဲဖြစ်လာကျွန်တော့် တာဝန်ထား ငါးမိနစ်ကျော်သွားတဲ့အချိန်မှာ ဖြစ်လာတာကတော့ ခင်ဗျား ကိစ္စပဲ" ..... ဒီကားရဲ့ Rating တွေကတော့မြင်တဲ့အတိုင်းပါပဲ... မင်းသားကလည်း လက်ရှိ Active Actor ကောင်းတွေထဲမှာ Ryan Glosing အဓိက သရုပ်ဆောင်ထားတယ်. ..ဇာတ်လမ်းက အစကထဲက ဆွဲဆောင်မှုရှိတယ်... Ryan Glosing ကသွားကြားထိုးတံကိုအမြဲကိုက်ထားပြီး အရယ်အပြုံးကင်းမဲ့လွန်းတဲ့မျက်နှာပေးနဲ့ .. ...စကားပြောရင်လည်း လိုတာထက်ပိုမပြောတတ်တဲ့သူ... ဇာတ်လမ်းက ဇာတ်ကွက်ပိုင်းရော ကောင်းတဲ့အပြင် Sound Editing ပိုင်းကလည်း အော်စကာဆန်ကာတင်စာရင်းတောင်ပါခဲ့သေးတယ်... ဒီကားက နည်းနည်းလေးတောင်  spoiler လာမလုပ်သင့်တဲ့ကားမို့ ဒီမှာတင်ရပ်ပါရစေ...တစ်ခုတော့ပြောချင်တယ်...ဒီလိုကားမျိုးတွေကိုမျက်နှာကြီးရှုံပြီးဖိုက်တာကျပြတဲ့သူတွေကိုကြည့်စေချင်တယ်... File Size : (855 MB) Quality : Blu-Ray 720p Format…mp4 Duration…01:40:00 Genre : Crime , Drama  Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

Detachment (2011) ~ IMDb - 7.7/10, Rotten Tomatoes - 59% ~ Detachment ရဲ့ အဓိကဇာတ်ကောင်က Adrien Brody သရုပ်ဆောင်တဲ့ အစားထိုးဆရာ ဟင်နရီဘတ်ပဲ။ သူ့အလုပ်က အမြဲတမ်းဆရာလစ်လပ်နေတဲ့ ကျောင်းတွေမှာ အစားထိုးဆရာ ခဏဝင်လုပ်၊ ကျောင်းက အမြဲတမ်းဆရာရသွားတဲ့အချိန် နောက်တစ်ကျောင်းကိုကူး။ ဒီလိုပဲရှင်သန်လာခဲ့တဲ့သူ။ သူ့မှာ တွယ်ငြိရမယ့်သူ သူနဲ့သက်ဆိုင်နေတဲ့သူဆိုလို့လည်း သူ့အဘိုးတစ်ယောက်ပဲရှိတယ်။ သူ့အဖေက သူမွေးကင်းစကတည်းက သူတို့သားအမိကို ပစ်သွားခဲ့ပြီး သူ့အမေကလည်း သူရှစ်နှစ်လောက်မှာတင် ဆုံးသွားသကိုး။ ဆိုတော့ အလုပ်လုပ်လိုက် သူ့အဘိုးရှိတဲ့ လူအိုရုံကိုသွားလိုက် သူ့ဘဝက ဒါပဲ။ ဒီတစ်ခါ သူအစားထိုးဆရာ ဝင်လုပ်ပေးရမယ့်ကျောင်းက တစ်နယ်လုံးမှာ နာမည်အပျက်ဆုံးကျောင်း။ ကျောင်းသူကျောင်းသားတွေကလည်း ဆရာကိုထဆဲတဲ့ကောင်နဲ့ ဆရာမကို Gang Bang မယ်ပြောတဲ့သူနဲ့ တကယ့်အလိမ္မာတုံးလေးတွေချည်းပဲ။ ဒီလိုကျောင်းကို ဟင်နရီဘတ်ရောက်သွားတယ်။ ဒီကျောင်းသားဆိုးတွေကြားမှာ သိပ်မဆိုးတဲ့ ကျောင်းသူတစ်ယောက်ရှိတယ်။ ဒီကားရဲ့ ဒါရိုက်တာ Tony Kaye ရဲ့သမီး Betty Kaye သရုပ်ဆောင်တဲ့ မာရီဒစ်လို့ခေါ်တဲ့ ကျောင်းသူ။ သူက ကျန်တဲ့ကလေးတွေ စကားနဲ့အနိုင်ကျင့်တာကို ခံနေရတဲ့သူလည်းဟုတ်တယ်။ ကျောင်းသားတွေစော်ကားတာခံနေရတာကို ဘာမှမတုံ့ပြန်တဲ့ ဘတ်ကို မာရီဒစ်က ကျွန်မရှင့်လိုသန်မာချင်လိုက်တာလို့ပြောတော့ "သန်မာတာနဲ့ မဆိုင်ဘူး... မင်းကို အခုလိုဖိနှိပ်မယ့်လူတွေကို ဘယ်အရွယ်ပဲရောက်ရောက်တွေ့နေရဦးမှာပဲ... မင်းစိတ်ကို ဒုတိယကမ္ဘာစစ်က ကတုတ်ကျင်းလို ခိုင်မာနေအောင်လုပ်ထားဖို့လိုတယ်... " လို့ ဘတ်က ပြန်ပြောခဲ့တယ်။ နောက်ဇာတ်ကောင်က အဲရစ်ကာလို့ခေါ်တဲ့ ကလေးမလေး။ ငယ်ပေမဲ့ အားကိုးအားထားမရှိတော့‌ ပြည့်တန်ဆာလုပ်စားနေတာ။ ဘတ်က ဒီကလေးမလေးကို ဘတ်စ်ကားပေါ်မှာ စတွေ့တာ။ လုပ်ပြီး ပိုက်ဆံမပေးဘဲ အထိုးခံ အနိုင်ကျင့်ခံနေရတာကို သူစတွေ့ခဲ့တယ်။ သူက ဒီကလေးမကို ဒီဘဝက ရုန်းထွက်နိုင်အောင် ကူညီပေးချင်ခဲ့တယ်။ ဒီအချက်တွေကို ကြည့်ရင် ဘတ်ဟာ လူကောင်းလို့ ကျွန်တာ်တို့ ယူဆလို့ရတယ်။ နောက်တစ်ခြမ်းကို ဆက်သွားရရင် ဘတ်ဟာ ဖိနှိပ်ခံတစ်ယောက်လို့ ကျွန်တော်တို့ ယူဆလို့ရလို့ သူဟာ ဖိနှိပ်ခံလူတန်းစားတွေကို ကောင်းကောင်းနားလည်တာလို့ ပြောလို့ရတယ်။ ဒါပေမဲ့ သူ့အဘိုး အိမ်သာထဲ လော့ချထားပြီး ထွက်မလာလို့ ဘယ်လိုမှခေါ်မရလို့ ဂေဟာက မိန်းမက သူ့ကိုဖုန်းဆက်တော့ သူညကြီးမင်းကြီးဂေဟာကို လိုက်သွားလိုက်ရတယ်။ ဒီလိုလိုက်သွားလိုက်တဲ့အချိန်မှာ ဂေဟာက အမျိုးသမီးကို သူ့ကိုအလုပ်ရှုပ်အောင်လုပ်လို့ဆိုပြီး ရစရာမရှိအောင်ကိုပြောခဲ့တယ်။ အောက်ဆုံးထိုးကျနေတဲ့ မျက်လုံးတွေနဲ့ အမျိုးသမီးကို သူနည်းနည်းမှမညာခဲ့ဘူး။ ရှေ့မှာ ဘတ်ဟာ စိတ်ကို ကတုတ်ကျင်းလို ခိုင်မာနေအောင်ထားဖို့လိုတယ်လို့ပြောခဲ့ပေမဲ့ တကယ်တမ်း ဘတ်ဟာ စာသင်ချိန်ပြင်ပ သူ့ဘဝမှာ အမြဲတမ်း ရီဝေနေတဲ့မျက်လုံးတွေနဲ့ မှုန်ရီနေတဲ့သူပဲ။ နောက်ပိုင်း ဘတ်ဟာ မာရီဒစ်အတွက် မိတ်ဆွေအဖြစ် ရှိနေပေးခဲ့တဲ့ သူ့ဖြစ်တည်မှုကို ကျောခိုင်းခဲ့သလို အဲရစ်ကာအတွက် ဒိုင်းသဖွယ်ဖြစ်နေပေးတဲ့ သူဖြစ်တည်မှုကိုလည်း‌ ကျောခိုင်းခဲ့တယ်။ ဒီမှာ ဘတ်ဟာ လူကောင်းမဟုတ်ဘူးလို့ ကျွန်တော်တို့ ယူဆလိုက်လို့ရပြန်တယ်။ ဒါက အကုန်တော့ မဟုတ်သေးတဲ့ ဟင်နရီဘတ်ကာရိုက်တာကို ပုံဖော်ထားတဲ့ တစ်စိတ်တစ်ပိုင်းပါပဲ။ ဘာလို့ သူ့ကောင်းခြင်းမကောင်းခြင်းနဲ့ သူ့အကြောင်းပြောနေရသလဲဆို ဒီဇာတ်တစ်ခုလုံးက ဟင်နရီဘတ်စ် အဲဒီကျောင်းမှာ အစားထိုးဆရာဝင်လုပ်ခဲ့တဲ့တစ်လမှာ သူမြင်နေရတဲ့ဆရာတွေ ကျောင်းသားတွေရဲ့ ဖြစ်တည်မှုတွေကနေ သူ့ဖြစ်တည်မှုကို လာထင်ဟပ်သွားတဲ့အကြောင်းမလို့ပဲ။ အဲဒီလိုထပ်ဟပ်တာကို ပိုအသက်ဝင်အောင်လည်း ဇာတ်ဝင်ခန်းသိပ်မပါလှပေမဲ့ သူ့ဘေးကလူတွေကို သရုပ်ဆောင်ကောင်းတဲ့ လူတွေချည်းသုံးပေးထားတယ်။ James Caan, Bryan Cranston, Lucy Liu, Christina Hendricks နဲ့ Maricia Gay Harden တို့လို လူတွေပေါ့။ ဒီလူတွေရဲ့ ရိုက်ခတ်မှုနဲ့ ဟင်နရီဘတ်ဟာ သူ့ဖြစ်တည်မှုကနေ သူရွေ့လျောသွားတယ်။ ဇာတ်ရဲ့အစမှာ သုံးထားတဲ့ ကမြူးရဲ့ စာအတိုင်းပဲ ဟင်နရီဘတ်ဟာ ဒီအရာအားလုံးဟာ သူနဲ့ဆိုင်နေသလို ခံစားရရင်းမှာပဲ အရာအားလုံးဟာ သူနဲ့မဆိုင်နေသလိုပါ ခံစားလာရတယ်။ Attachment တွေအားလုံး Detachment ဖြစ်သွားတယ်။ အဲဒီအကျိုးဆက်တွေကိုလည်း သူကြုံခဲ့ရတယ်။ သူ့ကိုယ်သူ ပျောက်ဆုံးသွားခဲ့တယ်။ ဒီလိုဆိုလို့ ဒီရုပ်ရှင်မှာ အဖြေတစ်ခုခုရှိနေမယ် မက်ဆေ့တစ်ခုခုရှိနေမယ်ထင်ရင်လည်း မှားမှာပဲ။ ဘာအဖြေမှမပါတဲ့ တင်ပြသွားခြင်းသက်သက်ပဲ။ သူပြောခဲ့သလိုပဲ ဒါတွေက အခုမှရှိနေတဲ့အရာတွေလည်း မဟုတ်ဘူး။ ခန်းမထဲမှာပဲဖြစ်ဖြစ် အတန်းထဲမှာပဲဖြစ်ဖြစ် လမ်းလျှောက်နေရင်း မင်းတို့ထဲက ဘယ်သူတွေ မင်းတို့ကို ဖိနှိပ်ထားတဲ့ အလေးချိန်ကို ခံစားမိကြလဲလို့ အတန်းထဲ သူပြောခဲ့တုန်းကလိုပဲ အားလုံးလက်ထောင်တယ်။ သူကိုယ်တိုင်လည်း လက်ထောင်တယ်။ ကျွန်တော်တို့လည်း လက်ထောင်ရမှာပဲ။ ကိုယ့်ဖြစ်တည်မှုကိုကိုယ်မတွေ့ဘဲ မမြင်နိုင်တဲ့အလေးချိန်တစ်ခုကသာ ဖိနှိပ်ထားတဲ့ ခံစားချက်မျိုး လူတိုင်းနီးပါး ခံစားဖူးကြမှာပဲ။ သူ့စကားအတိုင်းပေါ့။ အဂ္ဂါအယ်လန်ပိုးက ဒီအကြောင်းတွေကို လွန်ခဲ့တဲ့အနှစ်တစ်ရာကတည်းက ရေးပြီးသား။ ပိုးရဲ့ ဝတ္တုတိုထဲက အက်ရှာအိမ်တော်ကြီးဟာ ရဲတိုက်ဟောင်းကြီးသက်သက်မဟုတ်ဘူး။ ဖြစ်တည်မှုရဲ့ နိမိတ်ပုံတစ်ခု။ အက်ရှာအိမ်တော်ကြီးအကြောင်းဟာ တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်လိမ့်မယ်။ Detachment ဟာလည်း တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်နိုင်တယ်။ ဒီဇာတ်လမ်းရဲ့အဆုံးမှာတော့ တူညီတဲ့နှလုံးသားတစ်ခုဟာ တဆစ်ဆစ်ကိုက်နေမှာပဲ။ "တိမ်တွေ ကောင်းကင်နံရံမှာ နိမ့်ပါးစွာတွဲလျောင်းကျနေတဲ့ ဆောင်းဦးရဲ့ မှောင်မဲတိတ်ဆိတ် မှုန်မှိုင်းတဲ့နေ့တစ်နေ့မှာ မြင်းတစ်ကောင်ကိုစီးရင်း ကျေးလက်ရဲ့ မသာမယာလမ်းကြောတစ်ခုပေါ် တစ်ကိုယ်ရေတည်း ဖြတ်လာခဲ့တယ်။ ညနေခင်းရဲ့ ဆည်းဆာမှာ အရိပ်ထင်လာတဲ့အခါ လွမ်းညှို့ဖွယ်အက်ရှာအိမ်တော်ရဲ့ မြင်ကွင်းကို ငါမြင်နေရတယ်။ ဘာကြောင့်လဲ ငါမသိပေမဲ့ အက်ရှာအိမ်တော်ကြီးကို ပထမဆုံးရိပ်ခနဲမြင်လိုက်တဲ့အချိန် မခံရပ်နိုင်စရာ အဆွေးဓာတ်က ငါ့သန္တာန်မှာ လွှမ်းသွားတယ်။ အရောင်အဆင်းမရှိတော့တဲ့နံရံတွေကို... ဆွေးမြေ့ပြီးတဲ့သစ်ပင်တွေရဲ့ ပင်စည်ဖြူဖြူတွေကို... အက်ရှာအိမ်တော်ကြီးရဲ့မြင်ကွင်းကို... အကြွင်းမဲ့ပြိုလဲနေတဲ့ စိတ်နဲ့ သုန်မှုန်ရီ ငါငေးကြည့်မိတယ်။ အဲဒီမှာ နှလုံးသားတစ်ခုဟာ စက်ဆုပ်စဖွယ် အေးစက်သိမ်ငယ်နေတယ်..." စာကြွင်း။ ။ ဒါရိုက်တာ Tony Kaye ဟာ American History X ဆိုတဲ့ ပွဲဦးထွက်ရုပ်ရှင်နဲ့ ဟောလိဝုဒ်မှာ အောင်မြင်မှုရပြီးတဲ့နောက် ၂၀၀၆မှာမှ Lake of Fire ဆိုတဲ့ ဒိုကူမန်ထရီကို ပြန်ရိုက်ခဲ့တယ်။ အဲဒီနောက် American History X နောက်ပိုင်း ၁၅နှစ်နီးနီးကြာပြီး ၂၀၁၁မှာမှ သူရဲ့ ဒုတိယရုပ်ရှင် Detachment ကို ရိုက်ခဲ့တယ်။ အခု ၂၀၂၄အထိတော့ ဘာဆိုဘာမှ ထွက်မလာသေးဘူး။ ဒါပေမဲ့လည်း Tony Kaye ဟာ အတော်ဆုံး ဒါရိုက်တာတွေထဲက တစ်ယောက်လို့ပြောရမယ်။ သူရိုက်ခဲ့တဲ့ အနုပညာ ၃ခုလုံးက ပြစ်ချက်ပြောစရာမရှိလောက်အောင် ကောင်းလွန်းနေခဲ့တယ်။ နှမြောစရာကောင်းတာကတော့ အခု သူ့အသက်၇၁ထိမှာမှ သူ့ရုပ်ရှင်ဆိုလို့ ၂ကားပဲ တွေ့ရသေးတာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.1GB, 1.05GB Quality - 1080p, 720p IMDb Rating - 7.7/10 Format - mp4 Duration - 1H 38Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

ဓာတုဗေဒကျောင်းဆရာ ဝေါလ်တာဝှိုက်က အဆုတ်ကင်ဆာ ဖြစ်နေမှန်း သိလိုက်ရတဲ့အခါ သူမရှိတော့ရင် ဇနီးနဲ့ ကလေး ဘယ်လိုနေရမလဲဆိုတာ စဉ်းစားလာရပါတယ်။ အရင်က သူငယ်ချင်းတွေနဲ့ ကုမ္ပဏီတစ်ခု တည်ထောင်ဖူးပေမယ့် အဲဒီကထွက်ပြီး ကျောင်းဆရာလုပ်နေတဲ့ သူ့မှာ ကျွမ်းကျင်တဲ့ ဓာတုဗေဒပညာတော့ ရှိနေတယ်။ မိသားစုအတွက် ငွေချန်ထားနိုင်ဖို့ဆိုပြီး အဲဒီပညာကို မူးယစ်ဆေးထုတ်လုပ်တဲ့ဘက်မှာ အသုံးချဖို့ ဆုံးဖြတ်လိုက်ပါတယ်။ တပည့်ဟောင်း ဂျက်ဆီ ပင့်ခ်မန်းနဲ့ ပူးပေါင်းပြီး ငွေရှာဖို့ စလိုက်ပေမယ့် နှစ်ယောက်သား မူးယစ်ဂိုဏ်းတွေနဲ့ ပတ်သက်လာတဲ့အခါ ပြဿနာတွေက ပိုရှုပ်လာတယ်။ သာမန်ကျောင်းဆရာ ဝေါလ်တာကနေ ဟိုင်ဇင်ဘတ်ဆိုတဲ့ လူတစ်ယောက်အဖြစ် ပြောင်းလဲလာပုံက ဒီစီးရီးရဲ့ အဓိကပါ။ Season ငါးခုတစ်လျှောက် ဝေါလ်တာနဲ့ ဂျက်ဆီကြားက ဆက်ဆံရေးရော၊ မိသားစုအတွက်ဆိုပြီး စခဲ့တဲ့ ဆုံးဖြတ်ချက်နောက်က အကျိုးဆက်တွေရော ဆက်ကြည့်ရပါတယ်။

Little Miss Sunshine(2006) IMDb...7.8 Rotten....91% ဒီကားက ဇာတ်ပို့နဲ့ ဇာတ်ညွှန်းအော်စကာဆုတွေရရှိခဲ့တဲ့ကားပါ... ဟာသကားတွေကြိုက်နှစ်သက်တဲ့သူတွေအဖို့ Steve Carell  ကိုနာမည်သာမမှတ်မိတာ လူမြင်လိုက်ရုံနဲ့ ဒီဘိုးတော်ကားတွေကရယ်လည်းရယ်ရသလို  တွေးစရာ မှတ်သားစရာလေးတွေ ပေးပြီး ရင်ထဲကျန်အောင်လုပ်နိုင်တယ်လို့  တွေးစေနိုင်လောက်သည့်အထိ သူ့ကားတွေတော်တော်များများက ကောင်းခဲ့တာပါ.... IMDb တွေ Rotten တွေကလည်း ကြွရွလို့... ကလေးမလေးတစ်ယောက်ရှိတယ်..သူက   မိုင် (၈၀၀)လောက်ဝေးတဲ့နေရာမှာ အလှမယ်ပြိုင်ဖို့ရှိတယ်... အဘိုး၊ဦးလေး ၊အမေနဲ့အမေတို့က ဆင်းရဲလေတော့ ကားစုတ်လေးငှားပြီးသွားကြတယ်.. လမ်းမှာ ဒုက္ခမျိုးစုံတွေကြသလို ..အလွဲလွဲအချော်ချော်ပေါင်းစုံနဲ့ပေါ့... တွေးစရာမှတ်သားစရာလေးတွေ ဘယ်လောက်ပါလဲဆိုတာတော့ ကိုင်းခံစားကြည့်လိုက်ပါဦးဗျ... File Size - 2.2 GB/ 1.1 GB Quality - BluRay 1080p/ 720p Duration - 1h 43m Format - mp4 Genre - Comedy, Drama Subtitle - Myanmar Subtitle (Hard Sub)

Saving Private Ryan (1998) IMDb Rating (8.6) / Rotten Tomatoes (94%) အကောင်းဆုံးစစ်ကားတွေအကြောင်းပြောကြရင် Saving Private Ryan က ထိပ်ဆုံးကပါလာတတ်ပါတယ်။ နာမည်ကြီးမင်းသားတွေဖြစ်တဲ့ Tom Hanks , Matt Damon , Vin Diesel တို့ပါဝင်သရုပ်ဆောင်ထားပြီး သရုပ်ဆောင်ချက်၊ ဇာတ်လမ်းပိုင်းတွေမှာ ပြောစရာမရှိကောင်းမွန်လှသလို ဒါရိုက်တာကလည်း နာမည်ကြီး Steven Spielberg ဖြစ်လို့ ပိုလို့တောက်ပြောင်ပါတယ်။ အော်စကာဆု ၅ခုကို ဆွတ်ခူးနိူင်ခဲ့သလို တစ်ခြားဆုပေါင်း ၇၀ကျော်ကိုလဲ ရယူနိူင်ခဲ့ပါတယ်။ IMDBမှာလဲ Rating 8.6 အထိ ရရှိထားတဲ့ ဇာတ်ကားကောင်းတစ်ကားပါ။ ဇာတ်လမ်းကတော့ ဒုတိယကမ္ဘာစစ်ကာလက တကယ့်အဖြစ်အပျက်တချို့ကို ဇာတ်အိမ်တည်လို့ ရိုက်ကူးတင်ဆက်ထားတာဖြစ်ပါတယ်။ ဒုတိယကမ္ဘာစစ်ရဲ့အလှည့်အပြောင်းဖြစ်တဲ့ Normandy ကမ်းခြေ တိုက်ပွဲနဲ့ အစပြုထားပြီး Normandy ကမ်းခြေကို အမေရိကန်တို့ရဲ့ မဟာမိတ်တပ်တွေ ဝင်သိမ်းတဲ့ ရိုက်ကွက်ကိုလည်း ပီပီပြင်ပြင် ရှုစားရမှာဖြစ်တယ်။ ဒီကားအကြောင်းတော်တော်များများကြားဖူး သိဖူးနေလို့ထွေထွေထူးတော့မညွှန်းတော့ပါဘူး။ တကယ့် ဂန္တဝင်ကားမို့ အရည်အသွေးကောင်းကောင်းလေးနဲ့ ခံစားစေချင်တဲ့အတွက် 4K Quality နဲ့ထပ်မံဖြည့်တင်းတင်ဆက်လိုက်ပါတယ်။ File Size : (8.8 GB)/ (3.03GB) / (1.18 GB ) Quality : BluRay 4K HEVC/ 1080p HEVC/ 720p Format…mkv/mp4 Duration…02:50:00 Genre : Drama, War Subtitle : Myanmar Subtitle (Hard Sub) Translated by War Dog Encoded by Phyo Pyae/Ka Naung

၁၉၆၄ ခုနှစ်၊ Pennsylvania ပြည်နယ် Erie မြို့က လူငယ်လေးယောက်ပါ တီးဝိုင်းတစ်ဖွဲ့ဟာ ကိုယ်တိုင်ရေး၊ ကိုယ်တိုင်တီး၊ ကိုယ်တိုင်ဆိုထားတဲ့ သီချင်းတစ်ပုဒ်နဲ့ မမျှော်လင့်ဘဲ လူသိများလာပါတယ်။ တဖြည်းဖြည်း နာမည်ရလာတာနဲ့အမျှ အသံသွင်းကုမ္ပဏီကြီးတစ်ခုဆီက ကမ်းလှမ်းချက်လည်း ရောက်လာတယ်။ နိုင်ငံတစ်ဝန်း ဖျော်ဖြေပွဲတွေ သွားရ၊ ဓာတ်ပုံတွေ ရိုက်ရနဲ့ သူတို့လေးယောက် မအားမလပ် ဖြစ်လာကြပါတယ်။ လူမသိသူမသိဘဝကနေ ရုတ်တရက် တိုင်းသိပြည်သိ အနုပညာရှင်တွေ ဖြစ်လာတဲ့အခါ အောင်မြင်မှုနဲ့အတူ ပါလာတဲ့ဝန်ကို ဘယ်လိုထမ်းကြမလဲ။ ဘဝင်မမြင့်ဘဲ အောင်မြင်မှုကို ဆက်ထိန်းထားနိုင်ပါ့မလား။ ဇာတ်လမ်းက တီးဝိုင်းလေးရဲ့ နာမည်ရလာပုံကနေ အောင်မြင်ပြီးနောက် ကြုံရတဲ့အခြေအနေတွေဆီ ဆက်သွားပါတယ်။ ၁၉၉၆ ခုနှစ်ထွက် That Thing You Do! ကို Tom Hanks က ဒါရိုက်တာနဲ့ ဇာတ်ညွှန်းရေးသူအဖြစ် ပွဲဦးထွက်လုပ်ထားပြီး ဇာတ်ပို့သရုပ်ဆောင်အဖြစ်လည်း ပါဝင်ထားပါတယ်။ Tom Everett Scott၊ Johnathon Schaech၊ Steve Zahn နဲ့ Liv Tyler တို့ အဓိကသရုပ်ဆောင်ထားတဲ့ ဒီဂီတဟာသဒရာမာမှာ အမည်တူ မူရင်းဇာတ်ဝင်သီချင်းလည်း ပါဝင်တယ်။ ဦးသန့်ကို တလေးတစား ထည့်သွင်းဖော်ပြထားတဲ့ စာတစ်ကြောင်းနဲ့ ဇာတ်ဝင်ခန်းတစ်ခန်းလည်း ရှိပါတယ်။