Cheung Tat-Ming ပါဝင်သော ဇာတ်ကားများ

ဒီဇာတ်ကားလေးကတော့ သာမန်အိမ်ထောင်ရှင်မတစ်ယောက်ဖြစ်တဲ့ သမီး(၂)ယောက်မေမေရဲ့ ဘာမှမရှိတဲ့ဘဝကနေကမ္ဘာအဆင့်အထိတရုတ်ဖက်ထုပ်ကိုဖြန့်နိုင်တဲ့အထိကြိုးစားခဲ့တဲ့ ဖြစ်ရပ်မှန်ဘဝအတ္ထုပ္ပတ္တိတစ်ခုကိုရိုက်ကူးထားတဲ့ အားတက်စရာဇာတ်လမ်းပဲဖြစ်ပါတယ်။ အရသာတွေထဲကအကောင်းအဆုံးအရသာကတော့ နွေးထွေးတဲ့အိမ်ရဲ့အရသာပဲဖြစ်မယ်ထင်ပါတယ်။ ချင်းသောင်ကသမီး(၂)ယောက်အမေအိမ်ထောင်ရှင်မတစ်ယောက်ဟာ ခင်ပွန်းနဲ့တွေ့ဖို့ဟောင်ကောင်ကိုလိုက်သွားခဲ့ပါတယ်။ ဟောင်ကောင်ကို ရောက်တဲ့အချိန်မှာတော့ ခါးသီးတဲ့အမှန်တရားတစ်ခုကိုသိလိုက်ရပြီ ခင်ပွန်းနဲ့ပြတ်စဲကာ သမီး(၂)ယောက်ကို သူတစ်ယောက်ထဲပျိုးထောင်မယ်လို့ဆုံးဖြတ်လိုက်ပါတယ်။ ဟောင်ကောင်မှာဆွေမရှိမျိုးမရှိ အခက်အခဲတွေကြားမှာရုန်းကန်ရင်း သူ့ရဲ့တစ်ခုတည်းသောရည်ရွယ်ချက်လေးကတော့ လူတိုင်းကိုသူ့ရဲ့ဖက်ထုပ်ကိုစားလိုက်တာနဲ့အိမ်ရဲ့အရသာကို သတိရသွားစေချင်တဲ့ရည်ရွယ်ချက်ပဲဖြစ်ပါတယ် အခက်အခဲတွေကြားထဲမှာ မကောင်းတဲ့သူတွေ တွေ့ခဲ့ရသလို ကောင်းတဲ့သူတွေရဲ့ဖေးမမှုတွေနဲ့အတူ သူမရဲ့ရည်ရွယ်ချက်လေး အောင်မြင်နိုင်ပါ့မလား Filesize : 1.90 GB / 1.04 GB Quality : WEB-DL 1080p HEVC , 720p HEVC Format : mkv Genres : Drama Runtime : 2h Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

မင်းသားကြီးAndy Lau နဲ့ Love O2Oထဲက မင်းသားချောလေး Bai Yuတို့ရဲ့ရုပ်ရှင်ဇာတ်ကားကြီးလာပါပြီ။ ကပ်ဘေးအန္တရာယ်ကို စွန့်စားပြီးကာကွယ်ရတဲ့ဇာတ်ကားဖြစ်ပါတယ်။ အန္တရာယ်ရှိ ဓာတ်ရောင်ခြည်ပစ္စည်းတွေရုတ်တရက်ယိုစိမ့်လာတဲ့အတွက် ဟောင်ကောင်မြို့ကြီးဟာ ၂၄နာရီအတွင်းအန္တရာယ်ကျရောက်တော့မှာဖြစ်ပါတယ်။ ဒီကပ်ဘေးကြီးကလွတ်မြောက်ဖို့ ပညာရှင်ဖန့်ဝေလိနဲ့ Ceciliaတို့က ကိုယ့်အကြောင်းပြချက်နဲ့ကိုယ်ရှိကြပါတယ်။ တစ်ချိန်ထဲမှာပဲ မီးသတ်သမား လိကျယ်ဖုန်းဟာ သူ့တပ်ဖွဲ့နဲ့အတူ ရှေ့တန်းမှာကယ်ဆယ်ရေးကိုကြိုးစားပြီးလုပ်ကိုင်နေခဲ့ပါတယ်။ ဟောင်ကောင်မြို့ကြီးပျက်စီးတော့မယ့်အချိန်နဲ့နီးကပ်လာတာနဲ့အမျှ သူတို့တွေဟာ ကာယ ဉာဏ အင်အားပူးပေါင်းပြီး ဘယ်လိုကယ်တင်သွားမလဲဆိုတာကို သဲထိတ်ရင်ဖိုကြည့်ရမှာပဲဖြစ်ပါတယ်။ Filesize : 3.63 GB / 1.88 GB / 1.03 GB Quality : WEB-DL 4K HEVC, 1080p HEVC , 720p HEVC Format : mkv Genres : Drama , Action , Crime Runtime : 2h 16 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ပင်လယ်စာဆိုင်ဖွင့်ဖို့ ငှားထားတဲ့ ဆိုင်ခန်းကို ပြန်ပြင်နေတုန်း အောက်ထပ်လှေကားအောက်နားမှာ အပေါက်တစ်ပေါက် တွေ့သွားပါတယ်။ အစက ရေဆိုးမြောင်းပိုက်လို့ ထင်ခဲ့ပေမယ့် လူအရိုးတွေ ထွက်လာတဲ့အခါ အလောင်းတစ်လောင်း ဝှက်ထားတဲ့နေရာဖြစ်ကြောင်း သိလိုက်ရတယ်။ အလောင်းပိုင်ရှင်နဲ့ သေဆုံးရတဲ့အကြောင်းကို စုံစမ်းရာမှာ လွန်ခဲ့တဲ့ ရှစ်နှစ်က အသတ်ခံခဲ့ရသူဖြစ်ကြောင်း သိလာရပါတယ်။ DNA စစ်ဆေးမှုကနေ ဘယ်သူလဲဆိုတာ ဖော်ထုတ်နိုင်ပေမယ့် ဘာကြောင့် သတ်ခံခဲ့ရသလဲဆိုတာကတော့ အဖြေမရသေးပါဘူး။ အမှုနဲ့ပတ်သက်မယ်လို့ ယူဆရသူတွေကရော သေဆုံးသူနဲ့ နီးစပ်သူတွေကပါ သူနဲ့ သူ့မိသားစုအကြောင်း မသိဘူးလို့ ပြောနေကြတယ်။ သူ့ဇနီးကလည်း အလောင်းမတွေ့ခင် သုံးနှစ်ကတည်းက ဆုံးသွားခဲ့ပါပြီ။ သတင်းမေးမြန်းလို့ရမယ့်သူတွေဘက်က အခုလို အတားအဆီးတွေ ရှိနေတဲ့ကြားမှာ ရှစ်နှစ်ကြာခဲ့ပြီဖြစ်တဲ့ လူသတ်မှုရဲ့ အကြောင်းရင်းနဲ့ တရားခံကို ဘယ်လိုလိုက်လံဖော်ထုတ်ကြမလဲဆိုတဲ့ ဟောင်ကောင်မှုခင်းဇာတ်လမ်းပါ။

77 Heart Warmings (2021) ၇၇ ကြိမ်လောက် အသည်းကွဲပြီးတော့ ..... ၇၇ ကြိမ်လောက် အသည်းကျွမ်းဖို့ CM ပရိသတ်ကြီးကို ဖိတ်ခေါ်လိုက်ပါတယ်။ ဒီကားမကြည့်ခင် 77 Heartbreaks လေးတော့ ပြန်ကြည့်သင့် .....။ ဒီကားမှာတော့ ထိုင်းမင်းသားချောလေး မာရီယိုကပါ ပါဝင်ပြီး စိတ်လှုပ်ရှားပေးမှာမို့ ရင်ခုန်စရာဇာတ်လမ်းလေးကို ခံစားကြည့်ရအောင်နော်။ "ပျော်ရွှင်မှု" ဆိုတာ အဝေးကြီးမှာ ရှာဖွေစရာမလိုပါဘူး။ ရိုးရိုးရှင်းရှင်းလေးနဲ့ ကိုယ့်အနား ရောက်လာတဲ့ခံစားမှုကို ပျော်ပျော်ရွှင်ရွှင်လေးခံစားတတ်ဖို့ပဲလိုတာပါ။ ၇၇ ခါမြောက် စိတ်လှုပ်ရှားရဖို့ ၇၇ ကြိမ်လောက် စိတ်ပင်ပန်းခဲ့ရတယ်။ နောက်ဆုံးတစ်ခါ စိတ်ပင်ပန်းခဲ့ရတာကတော့ သူသစ္စာဖောက်တာကို လက်ပူးလက်ကြပ်မိတဲ့အချိန်ပေါ့။ သူဘယ်လိုပဲပြင်ပါ့မယ်လို့ပြောပြော စိတ်ထဲမှာတော်တော်ကြောက်နေခဲ့တာ။ သူ့ရဲ့အပြောအဆို၊ အယုအယတွေအောက် ကိုယ်ထပ်ပြီး ကျရှုံးသွားမှာ ကြောက်နေခဲ့မိတယ်။ ထပ်ပြီးစိတ်ထိခိုက်မှာကို ကြောက်နေခဲ့မိတယ်။ အခုတော့ သူက သူနဲ့မတူအောင်ကို ကိုယ့်အတွက်စဉ်းစားပေးလို့ ပျော်ရွှင်ခဲ့ရတယ်။ နောက်ပြီးတော့ ဟိုတစ်ယောက်... ထူးဆန်းတဲ့ပုံစံတစ်မျိုးနဲ့ ကိုယ့်ဆီချဉ်းကပ်လာခဲ့တယ်။ အဖြစ်အပျက်တွေ အရမ်းကိုမြန်ဆန်လွန်းပေမယ့် သူနဲ့ဆို လွတ်လပ်သလိုခံစားရတယ်။ ကိုယ့်ကို လက်တွေ့ဘဝထဲက ရုန်းထွက်လာပြီး သူနဲ့အတူတူ ပျော်ရွှင်ရအောင်တဲ့... ကိုယ်ဘယ်လိုလုပ်ရမလဲ.... ? ကိုယ်ဘာကိုရွေးရမလဲ .....? ခံစားချက် နဲ့ ဘဝ ရောထွေးနေခဲ့ပြီ။ ခံစားချက် နဲ့ ခံစားမှုတွေ ထပ်တူမကျတော့ဘူး။ ကိုယ် မဖြစ်မနေရွေးချယ်ရမယ်ဆိုရင်တော့ ကိုယ်ရွေးရမယ့်သူက....... အညွှန်း နဲ့ ဘာသာပြန်ကတော့ JoJoVa ပဲ ဖြစ်ပါတယ်။ File size… 1.6GB and 1GB and 398MB Quality….WEB-DL 1080p and 720p and 480p Format…mp4 Duration….1h 34min Subtitle….Myanmar Subtitle (Hardsub) Translator ..... JoJoVa Encoder ..... August

ဒီတစ်ခါတေ့ာ တရုတ်ဇာတ်မြူး ကားလေး တစ်ကား တင်ဆက်ပေးလိုက်ပါတယ်။ လူကြီးရုပ်ရှင် မဟုတ်ပေမယ့် ခပ်လန်းလန်း ကောင်မလေးတွေ ကို အားပါးတရ ငမ်း လို့ လည်း ရမှာ ဖြစ်တာကြောင့် ရုပ်ရှင်လည်း ကြည့်ရင်း စကီလည်းရှိုးရင်း ဆိုသလို ကိုကိုပုရိသတို့ အကြိုက်တွေ့စေမယ် ဆိုတာ တော့ အာမခံ ပါရစေ။ ဇာတ်လမ်း အကျဉ်းချုံး ကတော... Fong Ryan နဲ့ Fattyတို့ သုံးယောက်ဟာ ဟိုင်နန် ကို အပန်းဖြေ ခရီး ထွက် လာရင်းနဲ့ ဒုက္ခ ရောက်ရပုံ နဲ့ တည် ထား ပါတယ်။ ပစ္စည်းတွေ အလစ်သုတ် ခံရပြီး ကမ်းခြေ တစ်ခု မှာ သုံးယောက်သား ယောင်လည်လည် ဖြစ်နေကြတာပါ။ အဲ့ဒီ အချိန်မှာပဲ ထိုနေရာမှာ လူထူးဆန်း တစ်ယောက်က သူ့ဘဝလက်တွဲဖော် ရှာဖို့ ပြိုင်ပွဲ စီစဉ်နေတာပါ။ ပြိုင်ပွဲ နာမည်က "သန်းကြွယ်လေးနဲ့ ဘယ်သူ လက်ထပ် ချင်လဲ" ဆိုတာပါ။ စကီလေးတော်တော် များများကလည်း စိတ်ဝင်စားကြပြီး ထိုလူရဲ့ စိတ်ဝင်စား မှု ရအောင် ကြံဖန် ကြပါတော့တယ်။ အဲ့ စကီလေးတွေ ထဲက တချို့ကို သကောင့်သား ငနဲသုံးကောင်က စိတ်ဝင်စား မိပြီး ချဉ်းကပ် ကြပုံ ကို တင်ဆက် ထားတာပါ။ ဇာတ်လမ်းကို ပေါ့သွားမှာ စိုးလို့ အစအဆုံးပြောမနေတော့ပါဘူး။ သူတို့ သုံးယောက်ဟာ သူတို့ လိုချင်တဲ့ အဖြေ ကို ကောင်မလေးတွေဆီက ရနိုင်ပါ့မလား။ ဘယ်လိုပုံ ဘယ်လိုနည်း နဲ့ ချဉ်းကပ်ကြမယ် ဆိုတာကတော့ ပရိသတ်ကြီးတို့ပဲ ရှူစားကြပါလို့ ပြောပါရစေ။ ဒီဇာတ်ကားလေးကလည်း ပရိသတ်တွေရဲ့ ဘဝအမော ကို ဖြေဖျောက်ပေးနိုင်မှာ တေ့ာ သေချာ ပါကြောင်း File size…  3.3 GB /  1.3 GB Quality… BluRay 1080p / 720p Format… mp4 Duration…. 1h 38m Genre .....   Comedy Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

မကာအိုရဲ့ စီးပွားရေးတိုးတက်မှုတွေကြားမှာ ဆမ်ချင်းဆိုတဲ့ ဘီလီယံနာကတော့ သူလိုချင်တာ လက်ညှိးထိုးရင် ရနိုင်တဲ့သူမျိုးပါ။ ဒါပေမဲ့ စီးပွားရေးကိစ္စနဲ့ပဲ နေ့တိုင်းပိတ်မိနေလေတော့ မခံစားနိုင်တော့တဲ့ ဆမ်ချင်းတစ်ယောက် တစ်နေ့မှာ ထွက်ပေါက်ရလိုရငြား သာမန်လူတစ်ယောက်လိုမျိုး ကာစီနိုထဲကို ဝင်လိုက်ပါတယ်။ အဲဒီမှာ သူ့နှလုံးသားကို ဖမ်းစားနိုင်မဲ့ ရှဲမီလန်ကို တွေ့ခဲ့ရတာပါပဲ။ မီလန်ဟာ ချောတယ်၊ ထက်မြက်တယ်၊ သဘောကောင်းတယ်၊ လမ်းမှာတွေ့တဲ့လူတိုင်းနဲ့လည်း ခင်တတ်တယ်။ ဒီလောက်ကောင်းတဲ့မိန်းကလေးမှာ ပြစ်ချက်နှစ်ခုပဲရှိပါတယ်။ ပထမဆုံးတစ်ခုကတော့ ပိုက်ဆံမရှိတာ - ဒါကတော့ ဆမ်ချင်းထက် ဆမ်ချင်းအမေက ပြစ်ချက်လိုမြင်နေတာပါ။ နောက်တစ်ခုကတော့ မီလန်ရဲ့ ငယ်ဘဝအဆောက်အဦတွေကို ဖျက်ပြီး တိုက်တာအသစ်တွေဆောက်နေတဲ့ ဆမ်ချင်းတိုကုမ္ပဏီကို ပိုင်ရှင်က ဆမ်ချင်းမှန်းမသိဘဲ မီလန်က မုန်းတီးနေတာပါပဲ။ "ပျော်ရွှင်မှုတွေက ဖန်လုံးလေးတွေလိုပါပဲ။ ကောင်းကင်ပေါ်ကနေ ပျော်ရွှင်မှုဖန်လုံးလေး ပြုတ်ကျပြီး ကွဲသွားတဲ့အခါ လူတွေက ကောက်ယူကြတယ်။ အကုန်ကောက်နိုင်တဲ့သူဆိုတာ မရှိပါဘူး။ ကြိုးစားတဲ့သူ ပိုရတာ‌လေးပါပဲ။" တဲ့။ မီလန်နဲ့ ဆမ်ချင်းတိုနှစ်ယောက် ပျော်ရွှင်မှုလေးတွေကို ဘယ်လောက်အထိကောက်ယူနိုင်မလဲ၊ အချစ်ရေးဖြောင့်ဖြူးနိုင်ပါ့မလားဆိုတာကိုတော့ နာမည်ကြီးတွေဖြစ်တဲ့ Andy Lau နဲ့ Shu Qi တိုရဲ့ Look for a Star မှာ ကြည့်ရှူနိုင်ပါပြီ။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

အနာဂတ်ကာလမှာ သွေးစုပ်ဖုတ်ကောင်မျိုးနွယ်တွေ ကမ္ဘာတစ်ဝန်း ကြီးစိုးလာသလို သူတို့ကို နှိမ်နင်းတဲ့ အဖွဲ့အစည်းတွေလည်း အများအပြား ပေါ်လာပါတယ်။ ရိဗ်၊ သူ့ညီမ ဟယ်လန်နဲ့ တွဲဖက်ဖြစ်သူ ဂျစ်ပစီတို့ကလည်း သွေးစုပ်ကောင်မုဆိုးတွေပါ။ သူတို့နေထိုင်တဲ့ ဟောင်ကောင်ကို ဥရောပနွယ် သွေးစုပ်ကောင်တွေ ရုတ်တရက် ရောက်လာရာက ဇာတ်လမ်းစပါတယ်။ သူတို့ရောက်လာရတဲ့ အကြောင်းရင်းက သွေးစုပ်ကောင်တွေရဲ့ သမ္မာကျမ်းစာလို့ ဆိုနိုင်တဲ့ “Day For Night” စာအုပ်ကို ဂိုဏ်းတွေ အပြိုင်လုနေကြလို့ပါ။ စာအုပ်ထဲက အစွမ်းကို ရယူဖို့ မူလပိုင်ရှင် တော်ဝင်မိသားစုက မင်းသားခြောက်ပါးရဲ့ သွေးကို လိုအပ်နေတယ်။ အဲဒီထဲက ပဉ္စမမင်းသား ကာဇမ်လည်း ဟောင်ကောင်ကို ရောက်လာပြီး ဟယ်လန်နဲ့ ဆုံမိသွားပါတယ်။ စာအုပ်ရဲ့အစွမ်းကို လိုချင်နေတဲ့ ဥရောပနွယ် သွေးစုပ်ကောင်တွေနဲ့ တော်ဝင်မင်းသား၊ သွေးစုပ်ကောင်မုဆိုးတို့ ဘယ်လိုရင်ဆိုင်ကြမလဲ။ ၂၀၀၃ ခုနှစ်ထွက် ဟောင်ကောင်အက်ရှင်ဟာသဇာတ်ကားဖြစ်ပြီး Edison Chen က အဓိကပါဝင်ထားပါတယ်။ Jackie Chan နဲ့ Karen Mok တို့လည်း ဧည့်သည်သရုပ်ဆောင်အဖြစ် ပါဝင်ထားကြပါတယ်။

ဆဋ္ဌမအာရုံကောင်းတဲ့ မိဘမဲ့ဂျက်ကီဟာ ဓားပြမှုတစ်ခုကို တားဆီးပေးရင်း လူသိများလာပါတယ်။ အဲဒီကနေ မိဘအရင်းတွေကို လိုက်ရှာဖို့ ကြိုးစားရာမှာ သူလျှိုတစ်ယောက် ဖြစ်လာပါတော့တယ်။ ကိုယ့်အတိတ်အကြောင်းကို ဖော်ထုတ်လေလေ လူဆိုးမျိုးစုံနဲ့ ပတ်သက်မိလေလေ ဖြစ်လာပြီး အရှုပ်အထွေးတွေထဲက လွတ်မြောက်ဖို့ စွန့်စားရပါတယ်။ ၂၀၀၁ ခုနှစ်မှာ ထွက်ရှိခဲ့တဲ့ ဂျက်ကီချမ်းရဲ့ အက်ရှင်ဟာသဇာတ်ကားဖြစ်ပြီး Vivian Hsu နဲ့ Min Kim တို့လည်း ပါဝင်သရုပ်ဆောင်ထားပါတယ်။

ဒီဇာတ်ကားလေးမှာတော့ ဟောင်ကောင်ရွှေခေတ်ကမင်းသားမင်းသမီးတွေဖြစ်တဲ့ ဂျက်ကီချန်း စတီဗင်ချောင် ရှုကြည် တိုနီလောင်တို့ ပါဝင်သရုပ်ဆောင်ထားတဲ့အချစ်ဟာသဇာတ်ကားလေးဖြစ်ပါတယ်။ ဇာတ်လမ်းအကျဉ်းကတော့ အားပူဆိုတဲ့မိန်းကလေးဟာ ဘဝကို စိတ်ကူးယဉ်ဆန်ဆန်ဖြတ်သန်းနေထိုင်တတ်တဲ့ ထိုင်ဝမ်ကျွန်းဆွယ်မြို့လေးတစ်မြို့က ကောင်မလေးဖြစ်ပါတယ်။ သူဟာ တစ်နေ့မှာ ပင်လယ်ကမ်းစပ်ကိုမျှောလာတဲ့ ပုလင်းလေးတစ်ပုလင်းထဲက စာလေးတစ်စောင်ကိုတွေ့ပြီး စာရေးတဲ့ကောင်လေးကို သိချင်လို့ ဟောင်ကောင်ထိတစ်ယောက်တည်းလိုက်သွားရာကနေ စီးပွားရေးလုပ်ငန်းရှင်ကြီးဖြစ်တဲ့ ချန်နဲ့ ဘယ်လိုများ နဖူးစာရွာလည်မလဲ ဘယ်လိုအခက်အခဲလေးတွေကြားကနေ သူတို့အချစ်ကို ရှာဖွေတွေ့ရှိကြမလဲဆိုတာကို ရိုက်ကူးထားတဲ့ ကြည်နူးဖွယ်ရာဇာတ်ကားကောင်းလေးဖြစ်ပါတယ်။ File size…(2 GB)/(1 GB) Quality….Webrip 1080p / 720p Format…mp4 Duration….02:01:00 Genre...Action, Comedy, Romance Subtitle….Myanmar Subtitle (Hardsub) Encoder….Garfield Translated by Matteo

စတီဗင်ချောင်ရဲ့ကားဆိုတာနဲ့ အများကြီးညွှန်းစရာတော့ မလိုပါဘူး။ မြန်မာပရိသတ်နဲ့ မစိမ်းတဲ့ တရုတ်ဟာသမင်းသားကြီး စတီဗင်ချောင်က ဒီကားထဲမှာတော့ ရှေ့နေတစ်ယောက်ပါ။ ရှေ့နေဆိုပေမယ့် ရှေ့နေစစ်စစ်လားဆိုတော့ မဟုတ်ပြန်ပါဘူး။ စိုင်ကော်လို့ ချုံပေါ်ရောက်ဆိုသလို ရှေ့နေဘဝကို ရောက်ခဲ့ရတာပါ။ တရုတ်ပြည်ကြီး ဗြိတိသျှတွေ လက်အောက်မှာ ကျရောက်တုန်းက တရားဥပဒေစိုးမိုးရေးဆိုတာ ဗြိတိသျှတွေရဲ့ ဥပဒေပညာရပ်နဲ့ပဲ ဆုံးဖြတ်ပါတယ်။ နယ်မြို့လေးမှာနေတဲ့ ချန်မိုဂတ်ဆိုတဲ့ လူတစ်ယောက်ဟာ အင်မတန် လူရည်လည်ပါတယ်။ စကားအပြောအဆို အင်မတန်ပါးနပ််ပါတယ်။ သူ့မှာ "ဖုန်း" ဆိုတဲ့ တပည့်တစ်ယောက်ရှိပါတယ်။ တစ်နေ့တော့ 'ဖုန်း'တစ်ယောက် ဆရာနဲ့ စကားများရန်ဖြစ်ပြီး မြို့ပေါ်ကို တက်သွားပါတော့တယ်။ အဲ့ဒီမှာ ပြဿနာက စတာပါပဲ။ 'ဖုန်း' ကို လူသတ်မှုနဲ့ အစွပ်စွဲခံရပါတော့တယ်။ ဒီတော့ သူက သူ့ဆရာကို အားကိုးပြီး သူ့ဆရာကို ရှေ့နေလိုက်ခိုင်းပါတော့တယ်။ ချန်မိုဂတ် ကတော့ သူ့ကို စွန့်ပစ်ထားခဲ့တဲ့ တပည့်မို့ သူက စွန့်ပစ်ချင်နေပါတယ်။ ဒါပေမယ့် မလွှဲသာမရှောင်သာတဲ့ အကြောင်းတရားတွေကြောင့် 'ချန်မိုဂတ်' တစ်ယောက် ဒီလူသတ်မှုကို ရှေ့နေလိုက်ရပါတော့တယ်။ ရှေ့နေဆိုတာ အပြောအဆိုလိမ္မာပါးနပ်ဖို့ လိုပါတယ်။ ဒီ့အပြင် ဥပဒေပညာရပ်အကြောင်းလည်း ကျကျနန သိဖို့လိုပါသေးတယ်။ ဒီတော့ ဥပဒေပညာမတတ်ဘဲ အပြောအဆို အင်မတန်ကျွမ်းကျင်တဲ့ 'ချန်မိုဂတ်' သူ့တပည့်ကို ရှေ့နေလိုက်ပေးတဲ့အကြောင်းကို ဟာသနှောပြီး ကြည့်ရှုရမှာဖြစ်ပါတယ်။ တစ်ကားလုံး ပါးစပ်မပိတ်ဘဲ ရယ်နေရမှာပါ။ ဟာသကားကောင်းကောင်းကြိုက်ရင်တော့ ကြည့်သင့်ပါတယ်။ (ရုပ်ရှင်အညွှန်းနဲ့ဘာသာပြန်တင်ဆက်ထားသူကတော့ August Maung ဖြစ်ပါတယ်။) File size…(999 MB) and (450 MB) Quality….Blu-Ray Rip 720p Format…mp4 Duration….01:30:00 Subtitle….Myanmar Subtitle (Hardsub) Encoder….Nyeinsaeya Aung Translated by August Maung

IMDb Rating (7.1) ထိ ရရှိထားတဲ့ စတီဖင်ချောင် ဟာသဇာတ်ကားပါ။ ဇာတ်ကြောင်းကတော့.. လင်လင်ဖတ်ဟာ ဘုရင့်ကိုယ်ရံတော်ဂိုဏ်းက တီထွင်ပါရဂူဖြစ်ပေမယ့် ထိပ်တန်းသိုင်းပညာရှင်တွေကြားထဲမှာ သူ့ကို ဂေါက်သီးတစ်ယောက်လို့ပဲထင်ခံရသူပါ။ ဂေါက်သီးတို့ထုံးစံအတိုင်း ဘုရင့်ရှေ့မယ် တလွဲတွေလုပ်ပြမိတာကြောင့် ဘုရင်ရဲ့ အမျက်တော်ရှပြီး နေပြည်တော်ကနေ မောင်းထုတ်ခံရပါတယ်။ လင်လင်ဖတ်ဟာ ပေါ့သေးသေးဂေါက်သီးမဟုတ်တဲ့ တီထွင်ပါရဂူတစ်ယောက်ဖြစ်နေပေမယ့် ဘုရင်တို့ထုံးစံအတိုင်း ပညာရှိကို အထင်မကြီးတာကြောင့် မင်းနေပြည်တော်ကနေ လစ်သွားပြီး OG ဆရာဝန်သွားလုပ်နေပါတယ်။ အခါတစ်ပါးမှာတော့ ဂန်နိုင်ငံက မျက်နှာမရှိ/မျက်နှာများ သိုင်းပညာအုပ်စုက ရှင်ဘုရင်ကို လုပ်ကြံဖို့ ကြံစည်ပါတယ်။ ဒါကို ဘုရင့်ကပ်ပါးလျက်ဖားတွေက လူမိုက်တို့ထုံးစံအတိုင်း မဆင်မခြင် မြှောက်ထိုးပင့်ကော်လုပ်တာကို ရှင်ဘုရင်ဟာလဲ ဘုရင်တို့ထုံးစံအတိုင်း လူမိုက်စကားနားယောင်ပြီး ဂန်နိုင်ငံကလှည့်ကွက်ထဲ တန်းတန်းကြီးဝင်သွားပါတော့တယ်။ ဒါကို လင်လင်ဖတ်တစ်ယောက် သူ့ရဲ့ တီထွင်ဉာဏ်စွမ်းတွေနဲ့ ဂေါက်သီးတို့ထုံးစံအတိုင်း သွားကယ်မလားဆိုတာကတော့....။ File Size…(900MB) Quality…BluRay 720p Format…mp4 Duration…01:31:00 Subtitle…Myanmar Subtitle(Hardsub) Encoder…Nyeinsaeya Aung Translated by Pyae Xeinn Sett

Lost and Found (1996) ~ IMDb - 7.2/10, Rotten Tomatoes - 76% ~ နေလာရင်းဘဝမှာ မကြာမကြာဆိုသလို တစ်စုံတရာတော့ ပျောက်ရှနေကျပါပဲ။ ခဏခဏသေးသေးမွှားမွှားလေးတွေကနေ ရံဖန်ရံခါ ကြီးကြီးမားမားတွေ အထိ ပျောက်ရှနေတတ်တယ်။ တစ်ရံတစ်ခါမှာတော့ အကြီးဆုံးဆိုတဲ့အရာတွေအထိပေါ့။ ဆိုးဆိုးရွားရွားဆို လက်ထဲကိုင်ထားတဲ့ အင်္ကျီကို ဘယ်နားကျလို့ ကျခဲ့မှန်းမသိတဲ့ အဖြစ်မျိုးအထိ မကြာမကြာရှိခဲ့ဖူးတယ်။ သတိလက်လွတ်ဖြစ်စေ အထားအသိုမှားသည်ဖြစ်စေ အရေးအကြီးဆုံးဆိုတဲ့ အရာတွေကို ကျွန်တော်တို့ ပျောက်ရှဖူးခဲ့မှာပဲ။ မက်စက်တွယ်တာတဲ့ တစ်စုံတရာကို ပျောက်ရှဆုံးရှုံးတယ်ဆိုတာ ဘာနဲ့မှမတူတဲ့ ဝေဒနာပေါ့။ ပြန်ရှာလို့မတွေ့နိုင်တဲ့အရာဆိုတာ မရှိဘူးတဲ့။ ပိုက်ဆံအိတ် အခိုးခံရတယ် ဆိုပါစို့။ အချင်းတစ်ကီလိုမီတာဝန်းကျင်က အမှိုက်ပုံးတစ်ပုံးပုံးထဲ အဲဒီပိုက်ဆံအိတ်ကို ပြန်တွေ့မှာပဲတဲ့။ ဒီစကားမှန်ရဲ့လားတော့ ကျွန်တော်မသိဘူးပေါ့။ ရုပ်ရှင်ထဲက Takeshi ကတော့ ပျောက်ဆုံးပစ္စည်းရှာဖွေရေးလုပ်ငန်း ထောင်ထားတယ်။ သတိလက်လွတ်နဲ့ ခါးပိုက်နှိုက်ခံရသည်ဖြစ်စေ၊ ကိုယ်တိုင်က အထားအသိုမှားသည်ဖြစ်စေ၊ ဘာမဆိုကို ပြန်ရှာပေးတဲ့ အလုပ်ပေါ့။ ပိုက်ဆံအိတ်၊ ဖုန်း၊ ဈေးသည်ရဲ့အလေး၊ အိမ်မွေးတိရိစ္ဆာန်ကနေ သရဲအထိ သူတို့မရှာပေးတာ ဘာဆိုဘာမှမရှိဘူး။ တစ်ခါတလေကျ လူတစ်ယောက်ပေါ့။ ကံဆိုးရင်တော့ တောဘဲရိုင်းတွေကနေ သေပြီးသားလူအထိ ရှာပေးရတတ်တယ်။ ပြန်ရှာလို့မတွေ့နိုင်တဲ့အရာဆိုတာမရှိဘူးဆိုတဲ့ ဆောင်ပုဒ်နဲ့ ပျောက်တာမှန်ရင် ရှာပေးတဲ့ သူတို့ဟာ သွေးကင်ဆာဖြစ်နေတဲ့ ကောင်မလေးတစ်ယောက်ရဲ့ ပျောက်နေတဲ့ မျှော်လင့်ချက်ကို ရှာပေးဖို့ အကြောင်းဖန်လာခဲ့တယ်။ အဝေးဆီက ဥဩဆွဲသွားတဲ့ ရထားသံနောက်မှာ တွဲလျောင်းပါသွားတဲ့ မျှော်လင့်ချက်တွေ၊ မှောင်ရီလု သိဟ်ရာသီညနေခင်းရဲ့ မြေသင်းနံ့တွေ၊ အင်္ဂတေတွေ ကွာကျနေတဲ့ လမ်းဘေးအုတ်ခုံကလေးပေါ်က နေ့တွေ၊ ကမ္ဘာအစွန်းတစ်ဖက်ဆီ မျှော်ရီရင်း တငွေ့ငွေ့ကုန်လွန်ခဲ့ဖူးတဲ့ အနီးအနားမေတ္တာတွေ၊ မှောင်ချိန်မတိုင်ခင် လင်းတဲ့နေ့တွေ...၊ ဘယ်တစ်ခုက ပိုပြန်ရှာတွေ့ဖို့ခက်လဲ။ အစကတည်းမပိုင်ခဲ့တဲ့အရာလား အထားအသိုမှားခဲ့တဲ့အရာလား။ သူ့အချစ်ဟာ အစကတည်းက ကျွန်တော်မပိုင်ခဲ့တဲ့ အရာလား၊ သတိလက်လွတ်ဖြစ်ခဲ့ခြင်းလား။ ပြန်ရှာလို့မတွေ့နိုင်တဲ့ တစ်စုံတရာတွေ ပျောက်ဆုံးသွားတဲ့အခါ ဘယ်လိုအလင်းနဲ့ ဖာထေးမလဲ။ မှော်ပညာဆိုတာကို ယုံလား။ ဒီကမ္ဘာကြီးရဲ့ ဟိုးဖက်အလွန်မှာ ဘာမဆိုဖြစ်နိုင်တဲ့တစ်နေရာ ရှိချင်ရှိမပေါ့။ နားထင်မှာ သေနတ်တေ့လျက်သားသူအတွက် ဖားမိုးတွေရွာကျလာသလိုမျိုး "Desus Ex Machina", မျှော်လင့်ချက်ကျန်ဖို့သက်သက် ရိုးရိုးလေး ယုံကြည်ထားတဲ့ "Desus Ex Machina", မှော်ဆန်တဲ့ ဖြစ်ရပ်တွေ ဒီကမ္ဘာမှာ မရှိပါဘူးလို့ ဘယ်သူတွေပြောလဲ။ တကယ်တမ်း ချစ်တတ်ခဲ့ရင် အခိုက်အတန့်တိုင်း မှော်ဆန်ခဲ့မှာပဲ။ မပိုင်မဆိုင်ရတော့ရင်တောင် ပြန်ယူဆောင်မသွားနိုင်တော့တဲ့ ဟိုးတုန်းက ညနေခင်းတွေဟာ ဒီဘဝအတွက် ရတုအဆက်ဆက် မှော်ဆန်နေလိမ့်ဦးမယ်။ ကြားဖူးတယ်... ဘယ်သူမဆို တစ်ဦးတစ်ယောက်ရဲ့ ဒဏ်ရာတွေ ကုစားပေးနိုင်တဲ့ မှော်ဆရာတွေ ဖြစ်နိုင်သလို ဘဝရဲ့အခိုက်အတန့်တိုင်း ဘဝရဲ့အပိုင်းအစတိုင်းက မှော်ဆန်နိုင်သတဲ့။ "ဟေး ဂျွန် အချစ်ကိုမနိုင်မချင်း သယ်ဆောင်လာတဲ့ တမျှော်တခေါ်အနမ်းရဲ့ ဟိုးအတွင်းဘက်မှာ အိမ်ဆီပြန်ခေါ်မယ့်လမ်း ပါသကွဲ့။ အဲဒီမြေ ငါနမ်းလိုက်ပါရစေတော့..." - မောင်သိန်းဇော် (Lost and Found ဟာ ဒီဘက်က ဟောင်ကောင်ပရိသတ်တွေ ပြောတာသိပ်မတွေ့ရပေမဲ့ အာရှရုပ်ရှင်ပရိသတ်တွေကြားတော့ တော်တော်လေး ဘောင်ဝင်တဲ့ ဟောင်ကောင်ကားပါ။ ကျွန်တော်တို့လို နှောင်းပိုင်းလူတွေ ဒီကားကို ကြည့်ဖြစ်ကြရင် ဝေါင်ကာဝေးကားတွေနဲ့ ကျွန်တော်တို့ကိုဖမ်းစားခဲ့ပြီး ဟောင်ကောင်ကားကောင်း မနည်းရိုက်ခဲ့တဲ့ Takeshi Kaneshiro ကြောင့်လို့ပြောရင် မမှားပါဘူး။ Takeshi Kaneshiro ကြောင့် ဒီရုပ်ရှင်ကို ကြည့်ဖြစ်ခဲ့တယ်ဆိုပေမဲ့ Lost and Found ဟာ Takeshi Kaneshiro ရဲ့ Solo ကားတွေထဲ အကောင်းဆုံးကားလို့ပြောလို့ရတဲ့အထိ လှတဲ့ ရုပ်ရှင်ပါပဲ။ ဟောင်ကောင်ဂိတစ်ချို့ရဲ့ အကြိုက်ဆုံး ဟောင်ကောင်ရုပ်ရှင်ငါးဆယ်ထဲ ထက်ဝက်လောက်မှာ နေရာယူနေတတ်ပြီး ရိုမန့်ဒရာမာကြိုက်တဲ့လူတွေဆို တစ်ခါကြည့်ပြီးတာနဲ့ နောက်တစ်ခါပြန်ကြည့်ချင်စိတ်ပေါ်စေမယ့်အထိ ဆွဲဆောင်မှုရှိတဲ့ ရုပ်ရှင်ပါပဲ။ မင်းသမီးကလည်း Faye Wong နဲ့ တော်တော်လေးဆင်သလို သူ့အလှကလည်း ဒီကားကို ပိုတောက်ပစေခဲ့တဲ့ တစ်ချက်လို့ပြောရင်မမှားပါဘူး။ သီချင်းတွေကလည်း ကားနဲ့အတော်လေးပနံသင့်တဲ့ ရိုမန့်ကားတွေမှာ ပါသင့်ပါထိုက်တဲ့ အချက်တွေ အကုန်ပါနေတဲ့ တော်တော်ကောင်းတဲ့ ရုပ်ရှင်ပါ) [ဝတ္တုတွေထဲမှာ ဇာတ်လိုက်မင်းသား သို့ မင်းသမီး ကြုံနေရတဲ့ အခက်အခဲပြဿနာတစ်ခုကို အလွယ်တကူ ဖြေရှင်းတဲ့နည်းရှိပါတယ်။ ဝေဖန်ရေးဝေါဟာရအနေနဲ့ Deus Ex Machina လို့ ခေါ်တယ်။ နတ် သို့မဟုတ် နတ်ဘုရားတစ်ပါးပါးက ဝင်ကယ်လိုက်တာမျိုးပါပဲ။ ဂရိရှေးဟောင်းပြဇာတ်တွေက အစပြုတယ်။ သဘောက ဒီလို။ မင်းသား သို့ မင်းသမီးဟာ အခက်အခဲ ဒုက္ခနဲ့ရင်ဆိုင်နေရတယ်။ အဲ့ဒါကို သဘာဝကျကျ နည်းမှန်လမ်းမှန်နဲ့ ဖြေရှင်းဖို့မကြိုးစားဘဲ နတ်လိုလို သိကြားလိုလို တန်ခိုးရှင်တွေက ဝင်ဖြေရှင်းလိုက်လို့ ပြေလည်ပြီး ဇာတ်သိမ်းသွားတယ်။ အဲ့ဒီလို ဝင်ဖြေရှင်းပေးလိုက်တာကို ဘာမှသွားပြောလို့မရဘူး။ သဘာဝမကျဘူးလို့ ပြောလို့မရဘူး။ မဖြစ်နိုင်ဘူးလို့လည်း ပြောလို့မရဘူး။ - ဇော်ဇော်အောင်၏ ဝေဝေရီရီမှ ] (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.1GB, 1.02GB Quality - 1080p, 720p IMDb Rating - 7.2/10 Format - mp4 Duration - 1H 49Min Genre - Drama, Romance Subtitle - Myanmar Subtitle (Hardsub) Translated by WiRa Aung Encoded by Y