Fan Tiantian ပါဝင်သော ဇာတ်ကားများ

ရှန်းရှကား၊ ဘရိုမန့်စ်ကားတွေကြား ကူးလူးနေရလို့အားမနေရတဲ့အထဲ ပြိတ်သတ်တို့ရဲ့စိတ်အာရုံကိုဖမ်းစားဦးမဲ့ စီးရီးသစ်လေးက ထွက်လာပြန်ပါပြီ။ ဒီစီးရီးလေးကတော့ ဆားကုန်သည်လေးတစ်ဦးရဲ့ဘဝခရီးထက်က ခက်ခဲမှုတွေနဲ့ ချစ်မေတ္တာတို့ရဲ့ရွှန်းပမှုတို့ကို အသေးစိတ်ဖော်ညွှန်းထားတဲ့ဇာတ်အိမ်ကောင်းလေးပါ။ အဓိကဇာတ်ကောင်တွေအဖြစ် Archives : The Nanyang Mystery မှာ ညီအစ်ကိုဆိုပြီး ဂျင်းတွေထည့်ရုံမက ဖျော်ပါတိုက်ခဲ့တဲ့ ကိုကို Ding Yu Xi နဲ့ Mystery ဇာတ်လမ်းကောင်းတစ်ခုဖြစ်တဲ့ Eight Hundred မှာ အဓိကဇာတ်ဆောင်အဖြစ်ပါဝင်ခဲ့တဲ့ Deng Enxi တို့က ဆေးစက်ကျရာအရုပ်ထင်ထားကြပါတယ်။ ကိုကို Yu Xi ကိုတော့ မြင်နေကျဇာတ်ကောင်မဟုတ်တာလေးနဲ့မြင်ရမှာမို့ တစ်မျိုးလေးတော့ ရင်ခုန်စရာကောင်းပါတယ်။ ဇာတ်လမ်းအညွှန်း >>> ကျောက်လင်ဆိုတဲ့လူငယ်လေးဟာ ဆင်းရဲနွမ်းပါးတဲ့မိသားစုကနေ မွေးဖွားလာခဲ့ပေမဲ့ ရင်ထဲမှာ ကြီးမားတဲ့ရည်မှန်းချက်တွေ ကိန်းဝပ်နေပြီး သဘောထားကြီးသလို သံယောဇဉ်ကြီးလှတဲ့ လျှို့ဝှက်ဆားကုန်သည်လေးပါ။ တစ်နေ့မှာတော့ မတရားအကွက်ဆင်စွပ်စွဲခံရပြီး ဖောက်ပြန်သူအဖြစ်စွပ်စွဲခံလိုက်ရတဲ့ အထက်တန်းလွှာအမျိုးသမီးလေး ဖုထင်ယွင်နဲ့ မထင်မှတ်ဘဲဆုံခဲ့မိပါတယ်။ ဒါပေမဲ့ ဆုံတွေ့မှုက ကောင်းသောဆုံတွေ့ခြင်းမဟုတ်တာမို့ အသက်ဘေးကနေ လွတ်မြောက်ဖို့အတွက် သူတို့နှစ်ဦးဟာ အတူတကွစွန့်စားပြီး ထွက်ပြေးခဲ့ကြရပါတယ်။ လမ်းခရီးတစ်လျှောက်မှာ မိသားစုတွေရဲ့ဖိအား၊ နန်းတွင်းအာဏာလုပွဲတွေရဲ့ခေါင်းပုံဖြတ်မှုနဲ့ ကံကြမ္မာရဲ့စမ်းသပ်ချက်ပေါင်းစုံကိုရင်ဆိုင်ခဲ့ကြရပေမဲ့ သူတို့နှစ်ယောက်ဟာ အလျှော့မပေးဘဲ ကံကြမ္မာကို အတူတကွစိန်ခေါ်တွန်းလှန်ရင်း အဆုံးသတ်မှာတော့ လူအများက လေးစားအားကျရတဲ့စုံတွဲတစ်တွဲ ဖြစ်လာခဲ့ကြပါတော့တယ်။ ဒီဇာတ်လမ်းက Traditional Historical Romance ပုံစံဖြစ်တဲ့အပြင် Powerful Couple အမျိုးအစားဖြစ်လို့ ဇာတ်အိမ်က တကယ့်ကိုခိုင်မာပြီး ကြည့်ရတာ ကြည်နူးဆွတ်ပျံ့စရာကောင်းမှာ အသေချာပဲမို့ ကြည့်ဖြစ်အောင်ကြည့်ကြပါ သာ့ကျားတို့ရေ။ Total Episodes : 36 Quality : WEB-DL 1080p, 720p Format : mp4 Genres : Historical, Romance Runtime : 45 min Subtitle : Myanmar Subtitle ( Hardsub )

အခုတစ်ခေါက် C drama fan တို့နဲ့ မိတ်ဆက်ပေးချင်တဲ့ဇာတ်လမ်းလေးကတော့ ဉာဏ်ရည်မြင့်မိန်းမပျိုအကြောင်းပါ။ ဇာတ်ဆောင်က IQ မြင့်မိန်းမပျိုဖြစ်ပြီး မဟုတ်မမှန်လုပ်ကြံခံရမှုအတွက် ပြန်လက်စားချေတဲ့ဇာတ်အိမ်မျိုးပါ။ ဒီကားက friend to enemy ဖြစ်ပြီး Strong Female Lead မို့ ပရိတ်သတ်ရဲ့ taste နဲ့ ကိုက်မှာ အသေချာပါပဲ။ ဒီစီးရီးမှာ Zhao Zi Lu၊ Mabel Yuan၊ Ning Li နဲ့ Ma Si Chun တို့က အဓိကပါဝင်ထားတဲ့အပြင် ဇာတ်ကောင်တွေက ဝါရင့်တွေမို့ ဇာတ်လမ်းကလဲ လုံးဝမြိုင်ဆိုင်နေမှာတော့ အထူးပြောစရာမလိုတော့ပါဘူး။ ဇာတ်လမ်းအညွှန်း >>> သင်္ချာပါရမီရှင်တစ်ဦးဖြစ်သူ ရောင်ယွီချီဟာ အရင်းနှီးဆုံးသူငယ်ချင်းနဲ့စီးပွားဖက်ဖြစ်သူ ပိုင်ကျင်းကျင်းရဲ့မဟုတ်မမှန်လုပ်ကြံမှုကို ခံခဲ့ရပါတယ်။ သူဟာ မိခင်ဖြစ်သူကို ပြန်လည်တိုက်ခိုက်ခဲ့လို့ မူးယစ်ဆေးစွဲနေသူအဖြစ်စွပ်စွဲခံရကာ မိသားစုရဲ့ဖိအားပေးမှုကြောင့် Cardiac Health Treatment Center ကို ပို့ဆောင်ခံလိုက်ရပါတယ်။ အဲအချိန်ကစပြီး မိသားစု၊ သူငယ်ချင်း၊ အချစ်နဲ့အသက်မွေးဝမ်းကြောင်းလုပ်ငန်းအားလုံးဟာ သူ့ဘဝထဲကနေ အပြီးတိုင်ပျောက်ကွယ်သွားခဲ့ပါတော့တယ်။ ဘဝအမှောင်အတိကျသွားတဲ့ကာလတစ်လျှောက်လုံးမှာ ရောင်ယွီချီဟာ ချောက်တွန်းခဲ့သူရဲ့မျက်နှာကို လုံးဝမမေ့ခဲ့ပါဘူး။ သုံးနှစ်အကြာမှာတော့ ဆေးရုံက ဆင်းလာခဲ့ပြီး ရောင်ယွီချီဟာ ပိုင်ကျင်းကျင်းရဲ့မျက်နှာဖုံးကို ခွာချကာ ယုတ်မာတဲ့လုပ်ရပ်တွေကို လူသိရှင်ကြားဖွင့်ချဖို့ အသေးစိတ်ကျလှတဲ့လက်စားချေမှုအစီအစဉ်တွေကို စတင်အကောင်အထည်ဖော်ခဲ့ပါတော့တယ်။ ဒီဇာတ်လမ်းက ကြည့်နေကျ လက်စားချေဇာတ်အိမ်မဟုတ်ဘဲ Female Lead အသားပေးဖြစ်တဲ့အပြင် လူတွေရဲ့မနာလိုမှု၊ ဟန်ဆောင်မှုတွေကိုပါ လှစ်ဟပြထားတဲ့ဇာတ်လမ်းမို့ ကြည့်ရှုသူတွေ အားရကျေနပ်မဲ့ဇာတ်လမ်းမျိုးပါပဲ ပြိတ်သတ်ရေ! Total Episodes : 30 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

Johnny Keep Walking ရဲ့ဒုတိယကားဖြစ်ပါတယ်။ ပထမကားကိုလဲ တင်ဆက်ပေးပီးသားဖြစ်ပါတယ် . အရင်ကားလိုပဲ ရုံးလုပ်ငန်းခွင်ယဉ်ကျေးမှုနောက်ကွယ်က အမှောင်ဘက်အခြမ်းကို ဟာသတွေနဲ့ကွက်ကွက်ကွင်းကွင်း မီးမောင်းထိုးပြသွားမှာပဲဖြစ်ပါတယ်။ Johnnyကအောင်မြင်သွားပေမယ့် သူ့ရဲ့တွဲဖက် Magicကတော့ ဒီဇာတ်ကားမှာအထက်လူကြီးရဲ့အငြှိုးထားတာကိုခံရပြီး နယ်ကရုံးခွဲကိုရာထူးချပြီးအပို့ခံလိုက်ရာကစပါတယ်။ Magic ဟာ ကြိုးစားသလောက် လုပ်ကွက်တွေကို အထက်လူကြီးတွေခိုးယူတာခံလိုက်ရပြီး ရာထူးတိုးခွင့်လွဲနေတဲ့ အလုပ်ကြိုးစားတဲ့ ဝန်ထမ်း Ben နဲ့တွေ့ဆုံခဲ့ရတယ်။ ဒီကံဆိုးမိုးမှောင်ကျနေတဲ့ ဝန်ထမ်းနှစ်ယောက်ဟာ ရေစက်အကြောင်းမလှပဲ ဖက်ထုပ်ဆိုင်လေးမှာ အမှတ်မထင်ပဲ ဆုံတွေ့ခဲ့ကြတာပါ။ အဲဒီမှာတင် ကံကြမ္မာကြီးဟာ သူတို့၂ယောက်ကို အတိုင်းအဆမဲ့ အချိန်ကွင်းဆက်ထဲကို ပို့ပေးလိုက်ပါတယ်။ ဒါဟာအလုပ်မအောင်မြင်သမျှအချိန်တွေ နောက်ပြန်ဆုတ်သွားပြီး မူလစတင်ရာဖြစ်တဲ့ဖက်ထုပ်ဆိုင်လေးကို ပြန်ရောက်သွားတဲ့ Time Loop ကြီးပဲဖြစ်ပါတယ်။ "ဖားယားတဲ့သူတွေ ငါ့နေရာကိုယူသွားတာလား ...... ပြန်စမယ်" "ငါ့ကိုမတရား အနိုင်ကျင့်တာလား..... ပြန်စမယ်" အချိန်ကွင်းဆက်ကိုအသုံးချရင်း မကျေနပ်တဲ့အထက်လူကြီးတွေကို လက်စားချေရင်း ရုံးခန်းတစ်ခုလုံးကိုဗရမ်းဗတာဖြစ်အောင် နည်းမျိုးစုံနဲ့မွှေနှောက်ကြပါတော့တယ်။ သို့သော်လည်း စည်းမဲ့ကမ်းမဲ့အချိန်ပြန်စနေတဲ့ တိုက်ပွဲကြီးက တကယ်ရောနိဂုံးနဲ့ အဖြေမှန်ရှိရဲ့လား...... Filesize : 1.80 GB / 0.99 GB Quality : WEB-DL 1080p HEVC , 720p HEVC Format : mp4 Genres : Comedy and Drama Runtime : 2h 6 min Subtitle : Myanmar Subtitle ( Hardsub )

အချစ်ဟာသရုပ်ရှင်အသစ်လေးကိုတင်ဆက်ပေးလိုက်ပါတယ်။ဒါကတော့ Some like it hotဟာသရုပ်ရှင်၂ကားရဲ့နောက်ဆက်တွဲရုပ်ရှင်ပဲဖြစ်ပါတယ် ဇာတ်လမ်းကတော့ အရင်ကားတွေအတိုင်းပဲ လူလတ်ပိုင်းယောင်္ကျားတွေရဲ့ ဘဝအမောနဲ့ အချစ်ရေးစွန့်စားခန်းတွေကိုအခြေခံပြီးရိုက်ထားတာဖြစ်ပါတယ် ယုံကြည်မှုတို့ရဲ့အရေးပေါ်အချိန်ကာလတစ်ခုပဲဖြစ်ပါတယ်။ဇာတ်လိုက်ဖြစ်တဲ့ ထျန်ရှောက်ကျီးဟာအမျိုးသမီးဖြစ်သူအပေါ်အိမ်ထောင်ရေးသုခတွေ မပေးနိုင်လာတော့တဲ့အခါ အချစ်ရေးမှာငြီးငွေ့စရာတွေ အဆင်မပြေမှုတွေကြုံလာတဲ့အခါ သူတို့ရဲ့အိမ်ထောင်ရေးဘဝကိုပြောင်းလဲစေနိုင်မယ့် စိတ်လှုပ်ရှားစရာအတွေ့အကြုံအသစ်ကိုလိုက်ရှာဖွေပါတယ်။ အထူးစီစဉ်ထားတဲ့ အချစ်ရေးစမ်းသပ်မှုတစ်ခုမှာ မထင်မှတ်တဲ့အလွဲအချော်တွေနဲ့ ရယ်မောစရာ အရှုပ်အထွေးတွေရင်ဆိုင်လာရပါတော့တယ်။ ဇာတ်လမ်းရဲ့နောက်ဆုံးမှာ တကယ့်အချစ်စစ်ဆိုတာကို သဘောပေါက်နားလည်သွားကြမလားဆိုတာကို လူကြီးပိုင်းဆန်တဲ့ဟာသတွေနဲ့ လူမှုပတ်ဝန်းကျင်ကိုသရော်ပြီးတော့ ပုံဖော်ပြသွားတာပဲဖြစ်ပါတယ် Filesize : 2.01 GB / 1.08 GB Quality : WEB-DL 1080p HEVC , 720p HEVC Format : mkv Genres : Comedy , Romance Runtime : 1h 28 min Subtitle : Myanmar Subtitle ( Hardsub )

ဇာတ်ကွက်က ကျုံးရှီဆိုတဲ့ အမျိုးသားတစ်ယောက် ပင်လယ်ထဲ ခုန်ချပြီး သေသွားတာနဲ့ စတာပဲ ရဲတွေကတော့ သတ်သေတယ်ပေါ့ ဒါပေမဲ့ သူ့သူငယ်ချင်းတွေက "ဟယ် သူက အောင်မြင်နေတာပဲ၊ ပျော်လည်း ပျော်နေတာပဲ ဘာလို့ရုတ်တရက်ကြီး သေရတာလဲ" ဆိုပြီး အံ့ဩနေကြတယ် လောင်ကျုံးရဲ့ အလောင်းကို သင်္ချိုင်းပို့ဖို့ လုပ်နေတုန်း သူ့ဇနီး ရှန်ဖေးဟုန်က စက်ဘီးနဲ့ အလျင်လိုလိုက်လာရင်း လီယွီဆိုတဲ့ အမျိုးသမီး မောင်းလာတဲ့ကားနဲ့ တိုက်မိရောနှစ်ယောက်သား စကားပြောကြည့်တော့ လီယွီကလည်း သူ့ခင်ပွန်း သတ်သေသွားလို့ ဈာပန လာတာတဲ့ ပိုဆိုးတာက သူတို့ ခင်ပွန်းနှစ်ယောက်လုံးဟာ အချိန်တူ နေရာတူ မှာ သေဆုံးခဲ့ကြတာကို သိလိုက်ရတယ်... အဲဒါတင်မကသေးဘူးနော်... လီယွီရဲ့ ခင်ပွန်း ကျုံးရှီဟာ ရှန်ဖေးဟုန်ရဲ့ ခင်ပွန်း လောင်းကျုံးနဲ့ တစ်ယောက်တည်းဖြစ်နေတယ်! ဇနီးဟောင်း လီယွီက သူ့ခင်ပွန်းကို "အသုံးမကျသူ" "စိတ်ပျော့သူ" လို့ သတ်မှတ်ခဲ့ပေမဲ့၊ ဇနီးအသစ် ရှန်ဖေးဟုန်ကတော့ "သတ္တိရှိသူ" လို့ မြင်ခဲ့တာ သူတို့ရဲ့ အမြင်ချင်းက လုံးဝ ဆန့်ကျင်နေတယ်ဒါ့အပြင် ကျုံးရှီထားခဲ့တဲ့ အကြွေးတွေ အိမ်ယာအငြင်းပွားမှုတွေနဲ့ ပတ်သက်ပြီး လီယွီဘက်ကလူတွေက ရှန်ဖေးဟုန်ကို လိုက်ပြီး ဖိအားတွေပေးလာတယ် တစ်ချိန်တည်းမှာပဲ လီယွီကလည်း သူ့ဝေဒနာကို ကုစားဖို့ တောင်ပေါ်မှာ ဘိုးဘွားရိပ်သာတစ်ခု ဖွင့်ပြီး သူ့နည်းသူ့ဟန်နဲ့ ရုန်းကန်နေတယ် ဒီဇာတ်ကားက ခင်ပွန်းတစ်ယောက်တည်းကို ဝေမျှခဲ့ရတဲ့ ဇနီးနှစ်ယောက်ရဲ့ ရှုပ်ထွေးတဲ့ ဆက်ဆံရေး၊ စိတ်ပိုင်းဆိုင်ရာ ဒဏ်ရာတွေနဲ့ ကျုံးရှီဘာလို့ သတ်သေသွားရလဲဆိုတဲ့ နောက်ကွယ်က လျှို့ဝှက်ချက်တွေကို စိတ်ဝင်စားစရာကောင်းအောင် ရိုက်ပြထားတာမို့ ကြည့်ဖြစ်အောင် ကြည့်ကြဖို့ ဖိတ်ခေါ်လိုက်ပါတယ်... Filesize : 1.31 GB / 770 MB Quality : WEB-DL 1080p HEVC , 720p HEVC Format : mp4 Genres : Drama , Romance Runtime : 1h 48 min Subtitle : Myanmar Subtitle ( Hardsub )

ဒီတစ်ခါမှာ CM ကနေဟာသဇာတ်လမ်းတိုတစ်ပုဒ်လေးနဲ့မိတ်ဆက်ချင်ပါတယ်။ လျိုကန့်ရှန်းလို့ခေါ်တဲ့လူကတော့ရပ်ကွက်ထဲမှာ အသံကောင်းဟစ်နိုင်ဆုံးဖြစ်ပြီး တကယ်တမ်းမှာအဖြစ်မရှိတာကြောင့် ပတ်ဝန်းကျင်အသိုင်းအဝိုင်းကသူ့ကို ဆန်ကုန်မြေလေးကိုခေါ်ကြတာပေါ့။သူ့မှာ သူအရမ်းချစ်ရတဲ့ဇနီးတစ်ယောက်ရှိပြီး အဲ့ဇနီးကရင်သားကင်ဆာကြောင့်ဆုံးပါးသွားခဲ့တယ်။ ဇနီးသည်ဆုံးပါးသွားတာတောင်မှ ဘာလုပ်ရမှန်းမသိ ဘာမှမလုပ်တတ်တဲ့လျိုကန့်ရှန်းတစ်ယောက် အကြွားလုံးတစက်မှမရှိပဲ ဇနီးသည်နဲ့အတူဖွင့်ထားတဲ့ ကန့်ရှန်းလက်ရာဆံပင်ညှပ်ဆိုင်ကိုပြန်သွားခဲ့တာပေါ့။ ဒါပေမဲ့ဘာမှမလုပ်တတ်တဲ့အပြင် ဇနီးသည်ရှိစဉ်တုန်းကတချက်မှဝင်မကူပေးခဲ့တဲ့ လျိုကန့်ရှန်းတစ်ယောက်ပြဿနာတွေနဲ့ရင်ဆိုင်ရတော့ပါတယ်။ ဆိုင်ဌားခမပေးနိုင်လို့ အကြွေးတင်နေရပြီး ဇနီးသည်ရှိစဉ်ကပူးပေါင်းခဲ့တဲ့ ဆံပင်ထုတ်ကုန်ကုမ္ပဏီနဲ့လည်း စာချုပ်ဖောက်ဖျက်မှုကြောင့် လျော်ကြေးပေးရတာတွေ ရင်ဆိုင်ရတဲ့အပြင် ဇနီးသည်ကဓါတ်ကင်ဖို့ ပိုက်ဆံမရှိတာကြောင့် အိမ်ကိုပါအပေါင်ထားခဲ့တာတွေပါ ဆက်တိုက်ကြုံတွေ့ခဲ့ရပါတော့တယ်။ဒီလိုနဲ့တနေ့မှာတော့ အလှဆုံးဆံပင်ညှပ်ဆိုင်ပြိုင်ပွဲရွေးချယ်ပွဲကြီးကိုကျင်းပပြီးတော့ သူ့ ဆံပင်ညှပ်ဆိုင်ဖြစ်တဲ့ကန့်ရှန်းဆံပင်ညှပ်ဆိုင်လည်း ရွေးချယ်ပွဲထဲပါဝင်ခဲ့တာပေါ့။ ဒါပေမဲ့လည်း ကတ်ကြေးတောင်မကိုင်ရဲတဲ့လျိုကန့်ရှန်းတစ်ယောက်က သူအရင်ကြွားထားတဲ့ ဆံပင်ညှပ်ဆရာရဲ့ခေါင်းဆောင်ဆိုတဲ့ကြွားလုံးနဲ့ ပိတ်မိပြီးအဲ့ရွေးချယ်ပွဲမှာ ဆိုင်ကိုယ်စားပြုဝင်ပြိုင်ဖို့ရာအကြောင်းဖန်လာပါတော့တယ် Filesize : 1.33 GB / 772 MB Quality : WEB-DL 1080p HEVC , 720p HEVC Format : mkv Genres : Comedy Runtime : 1h 29 min Subtitle : Myanmar Subtitle ( Hardsub ) Translated by CM Team Reviewed By Ann Chi Encoded by LK

ဒီနေ့မှာတော့ CM ချစ်ပရိသတ်တို့ကို ကျူးထုံမူလတန်းကျောင်းသားလေးရဲ့ တစ်နေ့တာ စိတ်ကူးယဉ်အိပ်မက် ခရီးစဉ်ကို ရိုက်ကူးပြထားတဲ့ ဇာတ်ကားလေး ဘာသာပြန်တင်ဆက်ပေးလိုက်ပါတယ်... ဖေဖေမေမေတို့အတွက် ကလေးကို ကျောင်းပြောင်းပေးတာ လွယ်ကူပေမယ်... ကျောင်းသစ်တစ်ခုကို ရောက်သွားတဲ့ ကလေးတစ်ယောက် ဘယ်လို ဒုက္ခတွေရင်ဆိုင်ရတယ် ဆိုတာလေးကို ဟာသနှောပြီး ရိုက်ပြထားတဲ့ ဇာတ်ကားလေးပါ.. ကလေးတစ်ယောက်က ဘာမှနားမလည်သေးပေမယ့်လည်း သူနားလည်တဲ့ပုံစံနဲ့ အရာအားလုံးကို အသစ်အဆန်းတွေကို ပုံဖော်ပုံလေးတွေလည်း စိတ်ဝင်စားဖို့ကောင်းသလို.. ကျောင်းသားချင်း ဆက်ဆံရေး၊ ကျောင်းသား ဆရာ ဆက်ဆံရေး၊ ဆရာချင်း ဆက်ဆံရေး၊ မိဘဆရာ ဆက်ဆံရေး အားလုံးကို နည်းနည်းချင်းစီ ပုံဖော်ပြထားတာလေးလည်း စိတ်ဝင်စားဖို့ကောင်းနေပြန်ရော... Baby's Day Out လိုမျိုးပဲ မူလတန်း တတိယနှစ်ကျောင်းသားလေးတစ်ယောက်ရဲ့ သူ့အမြင် သူ့အတွေး သူ့စိတ်ကူးကို ကလေးရှုထောင့်ကကြည့်ပြီး ရိုက်ကူးပြထားတာ အတော်လေး ပြောင်မြောက်တာမို့... ဖေဖေမေမေတို့ပဲဖြစ်ဖြစ် ဦးဦးဒေါ်ဒေါ်တို့ပဲဖြစ်ဖြစ် ဆရာဆရာမတို့ပဲဖြစ်ဖြစ် ကလေးတွေအကြောင်းနားလည်ချင်ရင် ကြည့်သင့်သလို... စိတ်ကူးစိတ်သန်း ကွန့်မြူးချင်ပါတယ်ဆိုရင်လည်း ဒီကားလေးကြည့်ပြီး သင်ယူနိုင်ပါလိမ့်မယ်... ဒီတစ်ကားလုံးရဲ့ အားနည်းချက်ကို ပြောရရင် ကြည့်လို့ မဝတာပဲ ဖြစ်လိမ့်မယ်... အတွဲ ၂ ဆက် ရှိမယ်ဆို ကြည့်ချင်ပါသေးတယ်လို့ ပြောရလောက်တဲ့ ဇာတ်ကားကောင်းလေးကို အားပေးကြပါဦးနော်... Filesize : 1.08 GB / 662 MB Quality : WEB-DL 1080p , 720p Format : mp4 Genres : Comedy , Fantasy Runtime : 1h 38 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

ထောင်တံခါးဝမှာဆုံခဲ့တဲ့သူစိမ်းနှစ်ယောက်ဟာ အရင်းနီးဆုံးအလေးထားရဆုံးသူတွေဖြစ်လာနိုင်ပါတယ်။ (၂၇)နှစ်ထောင်ကျခဲ့တဲ့အတွက် လူပျိုကြီးဖြစ်နေတဲ့ လောင်ချင်ဟာ မိဘတွေကိုသားတစ်ယောက်တာဝန်ကျေဖို့အတွက် မိန်းမယူဖို့သင့်တော်တဲ့သူရှာနေပါတယ်။ ထောင်(၂)ခါကျဖူးတဲ့အတွက် ဒီကိစ္စဟာမလွယ်ပါဘူး လက်မခံနိုင်တဲ့သူများပြီး လူလိမ်နဲ့သာကြုံခဲ့ရတယ်။ သူနဲ့ဘဝတူလက်တွဲဖော်ရှာမယ်ဆိုပြီး အမျိုးသမီးထောင်ပေါက်ဝမှ ာသွားရှာရင်း အသက်(၂၀)ကျော်ကလေးမလေးတွေ့ဆုံခဲ့ကြတယ်။ နှစ်ယောက်သားအစမ်းလက်ထပ်ခဲ့ပြီး တကယ်လက်ထပ်ဖို့ဆုံးဖြတ်ခဲ့ကြတယ်။ ကလေးမလေးက တင်တောင်းငွေ (၁၈၄၄၀၀)ယွမ်ကို လက်ခံရရှိပြီးနောက်ပိုင်းမှာတော့ ပျောက်သွားခဲ့ပါတယ်။ လောင်ချင်ဟာလိမ်ခံလိုက်ရပြီလို့ထင်နေတဲ့အချိန်မှာပဲ ဒီငွေပမာဏရဲ့နောက်ကွယ်ကအကြောင်းအရင်းကိုသိသွားပြီးတော့ လင်မယားဆိုတာထပ် ပိုပြီးဖြူစင်တဲ့သံယောဇဉ်တွေဖြစ်လာခဲ့ပါတယ်။ ကံဆိုးသူနှစ်ယောက်ကြားကသံယောဇဉ်အကြောင်း ပုံဖော်ထားတဲ့ ဒရာမာကောင်းလေးပဲဖြစ်ပါတယ်။ Filesize : 802 MB / 495 MB Quality : WEB-DL 1080p , 720p Format : mp4 Genres : Drama , Crime Runtime : 1h 48 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

တစ်ယောက်တဲ့သမီးလေးကို ပျိုးထောင်လာတဲ့ ကျန်းစီးဝမ်(Aaron Kwok)ဟာ တစ်နေ့မှာ မထင်မှတ်ပဲ လူ့လောကကနေထွက်သွားခဲ့ရပြီး ခွေးတစ်ကောင်အဖြစ်ပြောင်းသွားခဲ့တယ် အသက်(၇)နှစ် လူမမယ်အရွယ်သမီးလေးကို စိတ်မချနိုင်ပဲ သမီးလေးကိုလိုက်ရှာခဲ့တယ်။ သမီးလေးကိုရှာတွေ့တဲ့အချိန်မှာတော့ သမီးလေးကအရွယ်ရောက်ပြီး အဆိုတော်တစ်ယောက်ဖြစ်နေပါပြီ။ အဆင်ပြေနေသလိုထင်ရပေမယ့် အခက်အခဲတွေနဲ့ကြုံနေရပါတယ်။ အဖေတစ်ယောက်အနေနဲ့ ခွေးလေးအဖြစ်နဲ့ သမီးလေးရဲ့အနားမှာနေပြီး အခက်အခဲတွေကိုကျော်ဖြတ်ဖို့ဆုံးဖြတ်လိုက်ပါတယ်။ လူနဲ့ခွေး ဘဝချင်းခြားနေပေမယ့်လဲ အဖေတစ်ယောက်ရဲ့မေတ္တာကိုပေါ့ပေါ့ပါးပါးနဲ့ အကောင်းဆုံးပြသသွားတာပဲဖြစ်ပါတယ်။ Quality : WEB-DL 1080p , 720p Format : mp4 Genres : Comedy , Family , Fantasy Runtime : 1h 45 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

19 ရာစုနောက်ပိုင်းက ရှန်ဟိုင်းမြို့ရဲ့စီးပွားရေးအကြောင်းကို ရိုက်ကူးထားတဲ့ဇာတ်ကားကောင်းလေးပဲဖြစ်ပါတယ်။ Jin Yucheng ရဲ့အမည်တူ၀တ္ထုကိုအခြေခံပြီးရိုက်ကူးထားပြီးတော့ 2019တုန်းက ဟောင်ကောင်ဇာတ်ညွန်းရေးဆရာကြီးရဲ့ပွဲစဉ်ကနေတစ်ဆင့် ရိုက်ကူးမယ်လို့အရိပ်အမြွက်ပြပြီးလေးနှစ်အကြာမှာတော့ Blossoms Shanghaiခေါင်းစဉ်နဲ့ဇာတ်လမ်း‌တွဲဟာ ထွက်ရှိလာပြီပဲဖြစ်ပါတယ်။ ဇာတ်လမ်းအကျဉ်းလေးကတော့ 19ရာစုနှောင်းပိုင်းမှာ စီးပွားရေးကိုစိတ်၀င်စားသူအားပေါင်ဟာ စီးပွားရေးလုပ်ငန်းတစ်ဦးကို စတင်တည်ထောင်ချင်တာကြောင့် သူ့ရဲ့ဦးလေးတဖြစ် ဆရာတဖြစ်သူကိုလာရှာပြီး အတူပူးပေါင်းလုပ်ဆောင်ဖို့ တောင်းဆိုပါတော့တယ်။ ဒါပေမဲ့ ဇာတ်လမ်းအစမှာတော့ အားပေါင်က ဘာငွေမှမရှိတဲ့လူမွဲအနေနဲ့စရမှာပေါ့။ နောက်ပိုင်း အားပေါင်က ယုံကြည်ရတဲ့သူတစ်ယောက်ဆိုတာ သက်သေပြအပြီးမှာ သူနဲ့သူ့ဦးလေးဟာ အချင်းချင်းသဘောတူကြကာ စီးပွားရေးတစ်ခုကိုစလုပ်ပါတော့တယ်။ သူ့ဦးလေးရဲ့ရှေ့ဆောင်လမ်းပြမှုတွေနဲ့အတူ အားပေါင်ဟာ ရှန်ဟိုင်းကစီးပွားရေးလောကမှာ အတုမရှိအာဏာပါဝါအကြီးဆုံး နံပါတ်တစ်သူဌေးပေါင် ဖြစ်လာပါတော့တယ်။ တိုးတက်ကြီးပွားလာတာနဲ့အမျှ ရန်သူတွေပေါများလာတာကြောင့် သူဌေးပေါင် စီးပွားရေးလောကထဲကရန်သူတွေကို ရင်ဆိုင်ဖြေရှင်းပုံတွေနဲ့ ‌ စတော့ဈေးကွက်တွေကို ဘယ်လိုလှလှပပကစားသွားလဲဆိုတာကို ကြည့်ရှုရမှာပဲဖြစ်ပါတယ် Quality : WEB-DL 1080p Total Episodes : 30 Format : mp4 Genres : Drama , Family Runtime : 45 min Subtitle : Myanmar Subtitle ( Hardsub ) Translated by CM Team Reviewed By Thet Yu Aung Encoded by LK

ဖန့်ခွေအန်းဟာ ရောခ်ဂီတအဖွဲ့တစ်ခုနဲ့အတူ အောင်မြင်ဖို့ ကြိုးစားနေသူပါ။ ဒါပေမယ့် ဂီတအိပ်မက်ကို လက်လျှော့လိုက်ရချိန်မှာပဲ အဖေဖြစ်သူ ဦးနှောက်သွေးကြောပြတ်ပြီး ဆေးရုံရောက်သွားတယ်ဆိုတဲ့ သတင်းကို ကြားလိုက်ရပါတယ်။ ဒီလိုနဲ့ အဖိုးလက်ထက်ကတည်းက အောင်မြင်လာခဲ့တဲ့ စားသောက်ဆိုင်ကို သူမက လွှဲယူရတော့တယ်။ မိသားစုလုပ်ငန်းဆိုပေမယ့် ဟင်းချက်တာကို မြင်ဖူးရုံပဲရှိတဲ့ ဖန့်ခွေအန်းအတွက် ကိုယ်တိုင်ဦးစီးလုပ်ကိုင်ဖို့က မလွယ်ပါဘူး။ အဲဒီအချိန်မှာ သူတို့ဆိုင်မှာ စားပြီး ဝမ်းလျှောသွားတဲ့ ကုန်းပေါင်ဆိုသူကိုလည်း လျော်ကြေးမပေးနိုင်လို့ အိမ်မှာ လက်ခံထားရပါတယ်။ နောက်တော့ ဒီလူကြီးဟာ Michelin စားဖိုမှူးတစ်ယောက်ဖြစ်နေမှန်း သူမ သိလိုက်ရတယ်။ သူတို့နှစ်ယောက် ပူးပေါင်းပြီး ဆိုင်ရဲ့အခက်အခဲတွေကို ဖြေရှင်းနိုင်ပါ့မလား။ အတူနေရင်း မတည့်ကြတဲ့ သူတို့ကြားမှာလည်း အချစ်က ဘယ်လိုစလာမလဲ။

ပြိုင်ဘက်ကင်း နံပါတ်တစ်ဓားသိုင်းသမား Jian ဟာ သတ်ဖြတ်မှုတွေကို စိတ်ကုန်လာလို့ ဓားသိုင်းကို စွန့်လွှတ်ဖို့ ဆုံးဖြတ်နေပါတယ်။ ဒါပေမဲ့ အဲဒီအချိန်မှာပဲ ဗီလာသခင်ကြီးက သူ့ကို သတ်ဖို့ ကြေးစားတွေ လွှတ်လိုက်တာကြောင့် သေချင်ယောင်ဆောင်ပြီး ရွာတစ်ရွာမှာ ပုန်းအောင်းနေလိုက်ရတယ်။ ရွာမှာ သူ့ကို စောင့်ရှောက်ပေးတဲ့ အိမ်သားတွေနဲ့ သံယောဇဉ် တွယ်လာပေမယ့် အေးအေးချမ်းချမ်း နေရတဲ့ကာလက မကြာလိုက်ပါဘူး။ အရင်က သူလုပ်ခဲ့တဲ့အရာတွေကြောင့် ကံဆိုးမိုးမှောင်ကျမှုက သူ့ဆီ တစ်ဖန် ပြန်ရောက်လာတဲ့အခါ ဓားကို စွန့်လွှတ်ချင်နေတဲ့ Jian တစ်ယောက် ထပ်ပြီး ရင်ဆိုင်ရပါတော့တယ်။

ရန့်ရှောင်ထျန်းက နက္ခတ္တဗေဒကို အရမ်းဝါသနာပါတဲ့ ကောင်လေးပါ။ အဖေကတော့ သားကို စန္ဒယားပညာရှင် ဖြစ်စေချင်တယ်။ သားလုပ်ချင်တာနဲ့ အဖေဖြစ်စေချင်တာ မတူကြတော့ သားအဖနှစ်ယောက် မျက်နှာချင်းဆိုင်မိတိုင်းလိုလို စကားများကြပြီး နေ့တိုင်း ရန်ဖြစ်နေကြပါတယ်။ တစ်နေ့မှာ မိုးဇက်လို့ခေါ်တဲ့ ဆန်းကြယ်တဲ့ ဂြိုလ်သားလေး သူတို့ရှေ့ကို ရုတ်တရက် ရောက်လာတယ်။ အဲဒီနောက် မိုးဇက်က ရန့်ရှောင်ထျန်းဘက်ကနေ ရပ်တည်ပြီး အဖေ့ကို ရင်ဆိုင်ဖို့ ကူညီပေးလာပါတယ်။ ဒါပေမဲ့ ရန့်ရှောင်ထျန်း မသိထားတာတစ်ခု ရှိတယ်။ မိုးဇက် ကမ္ဘာမြေပေါ် ရောက်လာတာဟာ တခြားတာဝန်တစ်ခုကို ထမ်းဆောင်ဖို့ပါ။ အဲဒီတာဝန်က ဘာလဲဆိုတာကိုတော့ ဒီသိပ္ပံစိတ်ကူးယဉ်ဟာသဇာတ်လမ်းထဲမှာ ဆက်သိရမှာပါ။

ဘဝမှာ သူငယ်ချင်းတွေ ဆိုတာ မရှိမဖြစ် လိုအပ်ပါတယ်။ စိတ်တူကိုယ်တူ ဖြစ်နေတဲ့ သူငယ်ချင်းကောင်းတွေ ရ ထားတဲ့သူတွေကတော့ အရမ်းကံကောင်းကြတယ်လို့ ပြောလို့ရပါပြီ။ ကိုယ်နဲ့ ကောင်းတူဆိုးဖက် ကဲလို့ရတဲ့ သူတွေနဲ့ ဆိုရင်တော့ ကမ္ဘာ့ကြီးရဲ့ ဘယ်နေရာကို ရောက်နေနေ ကြောက်စိတ်မရှိဘဲ အရာရာကို ရင်ဆိုင် ကျော်လွှားနိုင်မှာပါ။ Girls (2014) နဲ့ Girls Vs Gangster (2018) ဇာတ်ကားတွေကတော့ မတည့် အတူနေ သိပ်ချစ်တဲ့ မိန်းကလေး သူငယ်ချင်း သုံးယောက် ကဲကြ ပွေးကြ နဲ့ လူဆိုးတစ်သိုက်နဲ့ ခြေရှုပ်မိရင်း ဘာတွေ ဘယ်လို ဆက်ရှုပ်မလဲ အရယ်အမော လေးတွေနဲ့ ကြည့်ရမယ့် ဇာတ်ကားတွေပါ။ Hear Me ဇာတ်ကားထဲကမင်းသမီး Ivy Chen ,Hong Kong အဆိုတော် Fiona Sit,မင်းသမီး Janine Chang တို့မှ အဓိကပါဝင်ထားပြီး Girls vs Gangster 2018 မှာဆိုရင် မိုက်တိုင်ဆန်တို့လို နာမည်ကြီးတွေနဲ့ပါ ရိုက်ကူးထားပါတယ်။ ကိုယ်ဘာလုပ်လုပ် နောက်ကလိုက်မယ့် မတည့်အတူနေ သူငယ်ချင်းတွေကို မန်းရှင်းခေါ်လိုက်ရအောင်ပါ။ File size…(1.2 GB)and (600 MB) Quality…Blu-Ray Rip 720p Format…mp4 Duration….01:59:00 Subtitle….Myanmar Subtitle (Hardsub) Encoder….Nyeinsaeya Aung Translated by Charm Wave

Detective Chinatown ဟာ Rating မြင့်တဲ့ စုံထောက် အက်ရှင် စွန့်စားခန်း ဟာသ အမျိုးအစား တရုတ်ဇာတ်ကားတွေဖြစ်ပြီး ၃ ကားထွက်ရှိထားပါတယ်။ ၃ ကားလုံး အဓိကသရုပ်ဆောင်တွေ တူညီပြီးတော့ အချိတ်အဆက်မိမိနဲ့ရယ်ရပါတယ်... ၃ကားလုံးကို CM မှာ တင်ဆက်ထားပြီး  ဒီမှာ  https://www.channelmyanmar.to/?s=detective+chinatown ဒေါင်းလို့ရပါတယ်။ ++++++++++ Detective Chinatown 2(2018)အညွှန်း ချင်းဖောင်ဆိုတဲ့ ကျောင်းသားလေးက Crimemaster လို့ခေါ်တဲ့ App တစ်ခုမှာ အဆင့်နှစ်ချိတ်ထားသူဖြစ်ပါတယ်... Crimemasterဆိုတာက စုံထောက်ဂိမ်းတစ်ခုပါပဲ၊ ဒါပေမယ့်ထူးခြားတာက တကယ်ဖြစ်နေတဲ့အမှုတွေကို စုံစမ်းဖော်ထုတ်ရတာပဲဖြစ်ပါတယ်။ ချင်းဖောင်က အဲ့ဂိမ်းမှာ အဆင့်နှစ်ဆိုတော့ နယ်နယ်ရရတော့မဟုတ်ဘူးပေါ့... အဆင့်တစ်ကတာ့ "Q" ဆိုတဲ့လူဖြစ်ပြီး ဘယ်သူဘယ်ဝါဆိုတာတော့ ဘယ်သူမှမသိကြပါဘူး။ ဦးလေးဖြစ်သူရဲ့ မင်္ဂလာပွဲကိုတက်ဖို့ အမေရိက ကို ချင်းဖောင်တစ်ယောက်ရောက်ရှိလာပါတယ်။ တကယ်တော့ဦးလေးဖြစ်သူက ချင်းဖောင်ကို ညာခေါ်လိုက်တာပါ။ တရုတ်တန်းက ဆရာကြီးတစ်ယောက်ရဲ့ မြေးဖြစ်သူအသတ်ခံရမှုကိုဖော်ထုတ်ပေးနိုင်ရင် ဒေါ်လာငါးသန်း ပေးမယ်ဆိုတဲ့အတွက်ကြောင့် ချင်းဖောင်ကို လိမ်ပြီးခေါ်လိုက်တာဖြစ်ပါတယ်။ အဲ့အမှုကိုဖော်ထုတ်ဖို့ရောက်လာတဲ့တခြားလူတွေကလဲ Crimemaster app ထဲက ချင်းဖောင်ရဲ့ ပြိုင်ဖက်တွေပဲဖြစ်ပါတယ်။ အဲ့တော့ ချင်းဖောင်တို့တူဝရီးနှစ်ယောက် အမှုကို ဖော်ထုတ်ပုံတွေ၊ အမှုက ထင်ထားသလိုမရိုးရှင်းပဲ ကွင်းဆက်လူသတ်သမားဖြစ်နေတာကြောင့် လှည့်ကွက်များစွာရှိနေပုံတွေကို ဟာသဆန်ဆန်နဲ့ရိုက်ကူးထားပါတယ်။ ဟာသဆန်ဆန်ဆိုပေမယ့် အမှုအကြောင်း သဲလွန်စရှာပုံတွေ၊ ကောက်ချက်ချပုံတွေကလဲ စိတ်ဝင်စားစရာကောင်းပါတယ်။ အဲ့ဒါကြောင့် စုံထောက်ကားကြိုက်သူတွေ ဟာသကောင်းကြိုက်သူတွေ လက်မလွှတ်သင့်တဲ့ တရုတ်ကားကောင်းတစ်ကားဖြစ်ကြောင်း လက်တို့လိုက်ရပါတယ်။  ဂိမ်မာတွေဆိုတာ ဘာညာအထှာတော့ရှိတယ်ဗျ.... တစ်ချို့သော ပုတ်ခတ်သူတွေအတွက် တစ်ချို့သော ဂိမ်မာသမားများက ဂိမ်ကစားရင်း လက်တွေ့ဘဝမှာ ဒီလိုဟိုလို ဉာဏ်သုံးဖြေရှင်းပြီး လုပ်ငန်းအောင် မြင်အောင် သက်သေပြတဲ့ကားလေးဆိုလည်းမမှားဘူးပေါ့ဗျာ...ဇာတ်လမ်းအညွှန်းနဲ့ ဘာသာပြန်သူကတော့ Hein Min Tun ဖြစ်ပါတယ်.. .. File Size : (2.3GB) and (1GB) Quality : 1080HEVC,Blu-Ray 720p Format…mp4 Duration…02:01:00 Genre : Action , Comedy , Mystery  Subtitle : Myanmar Subtitle (Hard Sub) Translated by  Hein Min Tun Encoded by Phyo Pyae

ဂူဂူးမင်းသမီးလေး Liu Yifei နဲ့ မင်းသား William Feng တို့အဓိကပါဝင်ထားတဲ့ Hanson and the Beast ဇာတ်ကားဟာ 2017..December မှာထွက်ရှိထားတဲ့ Comedy.. Fantasy .. Romance ကားလေးဖြစ်ပါတယ်။ ရုပ်ရှင်မင်းသားဖြစ်ချင်လို့ ကိုယ့်ပိုက်ဆံကိုယ်ထုတ် ဇာတ်ကားရိုက်ရာကနေ နောက်ဆုံးအကြွေးတွေ တောင်လိုပုံသွားတဲ့ ယွမ်ရွှိက် (William Feng) ဟာ အကြွေးတွေကြေဖို့အတွက် ပိုက်ဆံရှိအမျိုးသမီးများနဲ့ ခဏခဏဒိတ်နေသူပါ.... တစ်နေ့မှာ ထူးဆန်းစွာကြုံလာတာက ယွမ်ရွှိက်ငယ်ငယ်က ကယ်တင်ပေးခဲ့ဖူးတဲ့ မြေခွေးမိစ္ဆာမလေးပိုင်ချန်းချူ (ဂူဂူး)က ယွမ်ရွှိက်ကိုပြန်တွေ့တော့ ကျေးဇူးကြွေးပြန်ဆပ်မယ်ဆိုပြီး သူ့နောက်ကိုလိုက်ခဲ့ပါတော့တယ်။ သူတို့နှစ်ယောက်တွေ့မိကြပြီး ပိုင်ချန်းချူက သူမဟာ မြေခွေးမလေးဖြစ်ကြောင်းပြောပြီး မြေခွေးပုံစံပြောင်းပြလိုက်တာ ယွမ်ရွှိက်တစ်ယောက်ကြောက်လန့်ပြီးပြေးတဲ့အပြင် လူတွေလဲ မြေခွေးအကြီးကြီးကို မြင်တွေ့သွားကြပါတယ်... ဒါပေမယ့် သူတို့မိစ္ဆာလောကမှာ မိစ္ဆာတွေကိုစီမံခန့်ခွဲရေးဌာနဆိုတာရှိပါတယ်... အဲ့ဒီ့အဖွဲ့က မြေခွေးကိုတွေ့ခဲ့တယ်ဆိုတဲ့ လူတွေရဲ့မှတ်ဉာဏ်ဖျက်လိုက်ပါတယ်။ ပိုင်ချန်းချူဟာ ယွမ်ရွှိက်ကို တကယ်ချစ်ကြိုက်သွားပြီး လက်ထပ်ဖို့ဆုံးဖြတ်ခဲ့ပေမယ့် မိစ္ဆာစီမံခန့်ခွဲရေးဌာနခေါင်းဆောင် ယွင်ကျုန်းဟယ်က မိစ္ဆာနဲ့ လူ ချစ်ကြိုက်ခြင်းကိုတားမြစ်ထားတဲ့သူ ဖြစ်နေတဲ့အခါမှာတော့.....။ (ဘာသာပြန်သူကတော့ မယမင်းသော်တာမောင်ပါ) File Size : (950 MB) Quality : WEB-DL 720p Running Time : 1hr 50min Format : Mp4 Genre :Comedy, Fantasy, Romance Subtitle : Myanmar Subtitle (Hard Sub) Source : 1080p WEB-DL x264 AAC-HQC Translated by Yamin Thawdar Maung Encoded by Thanhtike Zaw

ပုဆိန်ဂိုဏ်းသားတစ်ယောက် ဖြစ်ချင်နေတဲ့ လူငယ်တစ်ယောက်က ဆင်းရဲတဲ့ရပ်ကွက်တစ်ခုမှာ ပြဿနာသွားရှာမိပါတယ်။ သူအထင်သေးထားတဲ့ ရပ်ကွက်မှာ တကယ့်သိုင်းဆရာကြီးတွေ ဇာတ်မြှုပ်နေတာကိုတော့ မသိခဲ့ဘူး။ လူမိုက်လုပ်ချင်တဲ့ သူ့ကြောင့် စလာတဲ့အရှုပ်အထွေးက သိုင်းပညာရှင်တွေ ပါဝင်လာတဲ့ တိုက်ပွဲတွေဆီ ရောက်သွားပါတော့တယ်။ စတီဖင်ချောင် ကိုယ်တိုင် ဒါရိုက်တာလုပ်ပြီး ပါဝင်သရုပ်ဆောင်ထားတဲ့ကားဆိုတော့ အတည်ပေါက်နဲ့ လွဲနေတဲ့ဟာသတွေ၊ အပြိုင်အဆိုင် ထုတ်သုံးကြတဲ့ သိုင်းကွက်တွေကို တွဲကြည့်ရမှာပါ။ တိုက်ခိုက်ခန်းတွေကို ကြည့်နေရင်း ရုတ်တရက် ရယ်စရာ ဖြစ်သွားတတ်တဲ့ပုံစံကို ကြိုက်ရင် ဒီကားနဲ့ အဆင်ပြေမယ်။ ဇာတ်လမ်းထဲက ရပ်ကွက်ကိုလည်း စတီဖင်ချောင် ကြီးပြင်းခဲ့တဲ့ ဟောင်ကောင်တိုက်ခန်းအိမ်ယာတစ်ခုကို ပုံစံယူ တည်ဆောက်ထားတာဖြစ်ပါတယ်။