Georgia Goodman ပါဝင်သော ဇာတ်ကားများ

Good Luck, Have Fun, Don't Die (2025) 4K ++++++++++++++++++ IMDb Rating (7.4) / Rotten Tomatoes (83%) Good Luck, Have Fun, Don't Die (၂၀၂၆) ကတော့ Pirates of the Caribbean ဇာတ်ကားတွေကို ရိုက်ကူးခဲ့တဲ့ ဒါရိုက်တာကြီး Gore Verbinski ရဲ့ အမိုက်စား Sci-Fi Dark Comedy ကားသစ်လေးပါ။ သာမန် အက်ရှင်ကားသက်သက် မဟုတ်ဘဲ နည်းပညာနဲ့ AI ကို အလွန်အကျွံ အားကိုးလာတဲ့ လက်ရှိ လူ့အဖွဲ့အစည်းကို အမိအရ သရော်ထားတဲ့ (Satire) ကားကောင်းတစ်ကားဆိုရင် ပိုမှန်မယ်ဗျာ။ ဇာတ်လမ်းအကျဉ်း +++++++++ ဇာတ်လမ်းစစချင်းမှာတင် တော်တော်လေး ဆွဲဆောင်မှုရှိတယ်။ လော့စ်အိန်ဂျလိစ်မြို့က Norm's ဆိုတဲ့ စားသောက်ဆိုင် (Diner) ထဲကို မိုးချုပ် ည ၁၀ နာရီ ၁၀ မိနစ်တိတိမှာ ပုံစံဖိုသီဖတ်သီ၊ ဝါယာကြိုးတွေ ပတ်ထားတဲ့ လူတစ်ယောက် (Sam Rockwell) ရုတ်တရက် ဝင်လာတယ်။ သူက အနာဂတ်ကနေ လာတာဖြစ်ပြီး ကမ္ဘာကြီးကို AI တွေ ဖျက်ဆီးမယ့် အန္တရာယ်ကနေ ကယ်တင်ဖို့ ဆိုင်ထဲက လူတွေထဲကနေ အဖွဲ့ဝင်တွေ လာရွေးတာပါတဲ့။ ပိုမိုက်တာက ဒီစားသောက်ဆိုင်ကို သူရောက်လာတာ ဒါနဲ့ဆို အကြိမ်ပေါင်း ၁၁၈ ကြိမ် ရှိနေပြီ။ အရင်အကြိမ်တွေမှာ သူရွေးသွားတဲ့ လူတွေနဲ့ သွားရင်း အဖွဲ့လိုက် သေကုန်လို့ Mission မအောင်မြင်ဘဲ (Groundhog Day ကားလိုမျိုး) အကြိမ်ကြိမ် ပြန်ကြိုးစားနေရတဲ့ ပုံစံမျိုးပေါ့။ ဒါကြောင့် ဒီတစ်ခေါက်မှာ အဆင်ပြေနိုင်မယ့် အဖွဲ့ဝင် ၆ ယောက်ကို သူ အသစ်ပြန်ရွေးထုတ်လိုက်တယ်။ ကာရိုက်တာတွေနဲ့ သူတို့ရဲ့ မစ်ရှင် သူရွေးလိုက်တဲ့ အဖွဲ့ဝင်တွေကလည်း တစ်ယောက်တစ်ပေါက်နဲ့ တော်တော်လေး ဂေါက်ကြတယ်။ မာ့ခ် နဲ့ ဂျန်းနက် (Michael Peña နဲ့ Zazie Beetz): ကျောင်းသားတွေ ဖုန်းသုံးလွန်းလို့ ဇွမ်ဘီတွေလို ဖြစ်နေတာကို နေ့တိုင်း ရင်ဆိုင်နေရတဲ့ ကျောင်းဆရာ လင်မယား။ ဆူဇန် (Juno Temple): ကျောင်းမှာ သေနတ်ပစ်ခတ်မှုဖြစ်လို့ သားလေး သေဆုံးသွားပြီး၊ အဲဒီသားလေးကို AI နည်းပညာနဲ့ ကိုယ်ပွား (Clone) ပြန်လုပ်ဖို့ ကြိုးစားနေတဲ့ မိခင်။ အင်ဂရစ် (Haley Lu Richardson): Wi-Fi လှိုင်းတွေကို ဓာတ်မတည့်တဲ့ ရောဂါရှိလို့ ဖုန်းတွေ၊ နည်းပညာတွေနဲ့ ကင်းကင်းရှင်းရှင်း နေရတဲ့ မင်းသမီးဝတ်စုံနဲ့ ကောင်မလေး။ သူတို့အဖွဲ့ရဲ့ တာဝန်က ဘာလဲဆိုတော့ မြို့တစ်နေရာက မြေအောက်ခန်းထဲမှာ ကမ္ဘာဖျက်မယ့် AI ကြီးကို တီထွင်နေတဲ့ ၉ နှစ်အရွယ် ကလေးလေးဆီ သွားပြီး၊ အဲဒီ AI က လူသားတွေကို အန္တရာယ်မပေးနိုင်အောင် လုံခြုံရေး ပရိုဂရမ်ပါတဲ့ USB Flash Drive လေးတစ်ခု သွားတပ်ပေးရမှာပါ။ ဒီကားက Terminator လိုလို၊ Black Mirror ဇာတ်လမ်းတွဲတွေလိုလိုနဲ့ ကြည့်လို့ အရမ်းကောင်းတယ်။ စမတ်ဖုန်းတွေ၊ ဆိုရှယ်မီဒီယာတွေ၊ AI တွေနောက်ကို အရမ်းကောက်ကောက်ပါအောင် လိုက်နေတဲ့ ခေတ်ကြီးကို ဟာသနှောပြီး ပြောင်လှောင်ထားတာ တော်တော်လေး ထိမိတယ်။ ဇာတ်လမ်းက ပြဿနာကြီးကို ဖြေရှင်းနေရပေမဲ့ သရုပ်ဆောင် Sam Rockwell ရဲ့ အမူအရာတွေ၊ ပေါက်ကရ အက်ရှင်ခန်းတွေနဲ့မို့ အချိန် ၂ နာရီကျော်သွားတာတောင် ပျင်းဖို့ကောင်းမနေဘူးဗျ။ ရယ်လည်းရယ်ရသလို၊ တွေးစရာလည်း ပေးတဲ့ ကားမျိုးပါ။ AI အန္တရာယ်ကို အခြေခံထားတဲ့၊ ရူးရူးမိုက်မိုက်နဲ့ ဆွဲဆောင်မှုရှိတဲ့ အက်ရှင်ဟာသကားမျိုး ကြည့်ချင်တယ်ဆိုရင်တော့ အခုတလော ထွက်တဲ့ကားတွေထဲမှာ အကောင်းဆုံးနဲ့ အကြည့်သင့်ဆုံး ကားပါပဲဗျာ။ File Size…( 6.67GB)/ (1.88GB) / (1.09GB) Quality… WEB-DL 4K HEVC / 1080p HEVC /720p Format…mkv / mp4 Duration…2h 14m Genre ….Action , Sci-Fi , Thriller Subtitle….Myanmar Subtitle (Hard Sub)

The Running Man (2025) IMDb Rating (6.7) / Rotten Tomatoes (64%) Stephen King ရဲ့ ဝတ္ထုတွေကိုအခြေခံပြီး ရိုက်ကူးတဲ့ရုပ်ရှင်တွေထဲကမှ သရုပ်ဆောင် Glen Powell ရဲ့ The Running Man ကားအသစ်ထွက်လာပါပြီ။ သားနို့စ်သရုပ်ဆောင် Josh Brolinနဲ့ A list သရုပ်ဆောင်တွေအများကြီးပါဝင်ထားတာပါ။ ဒါရိုက်တာကလည်း Baby Driver နဲ့ Last Night in Soho တို့ကို ရိုက်ကူးတင်ဆက်ထားတဲ့ Edgar Wrightဖြစ်တဲ့အတွက် ပေါ့ပေါ့ပါးပါး ခပ်မြူးမြူးနဲ့ Non stop actionတွေဘက်ကိုသွားထားတာပါ။ The Running Man စာအုပ်ကို အခြေခံထားတဲ့ ဒီရုပ်ရှင်မှာလည်း ပိုက်ဆံလိုနေတဲ့ လူတစ်ယောက်က The Running Man လို့ခေါ်တဲ့ TV အစီအစဥ်မှာ ဝင်ပါတယ်။ ရက် ၃၀ ကြာမယ့် ဒီပြိုင်ပွဲမှာ ရက်ကြာကြာ အသက်ရှင်လေလေ ငွေသားဆုကြေး ကြီးကြီးရလေပဲ။ ဒီ ရက် ၃၀ အတွင်းမှာတော့ သူနဲ့ တခြားပြိုင်ပွဲဝင်တွေကို Hunters လို့ခေါ်တဲ့ မုဆိုးတွေကရက် ၃၀ မခံအောင် ဝိုင်းရှင်းကြတာမျိုးပေါ့။ ဒါပေမဲ့ ဘန်ရစ်ချတ်ဆိုတဲ့လူကတော့ ဒီမုဆိုးတွေကိုပြန်ဖြုတ်ရင်း သားကောင်ကနေ မုဆိုးဖြစ်ကာ ပရိတ်သတ်အကြိုက်ဆုံး Reality Show ဇာတ်ကောင်ဖြစ်လာတယ်။ ကြည့်ရတဲ့ ပရိတ်သတ်အတွက် တီဗီအစီအစဉ်ဆိုပေမဲ့ အထဲမှာပါတဲ့လူတွေအတွက်တော့ တကယ့် Survival ငရဲတွင်းကြီးပါပဲ။ ရစ်ချတ်တစ်ယောက်ဂိမ်းရဲ့စည်းမျဉ်းတွေကိုဖောက်ထွက်ပြီး ဘယ်လိုအောင်မြင်အောင်ဆော့ပြသွားမလဲဆိုတာကတော့ အတော်လေးစိတ်ဝင်စားဖို့ကောင်းတဲ့ကားပါ။ File size… (9.1 GB) / (2.7 GB) / (1.3 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action,Science Fiction,Thriller Duration…. 02:16:45 Subtitle…. Myanmar Subtitle (Hardsub)

ကတုံးမင်းသား ဂျေဆင်ရဲ့ ရုံတင်အက်ရှင်ကားအသစ်လာပါပြီ။ Equalizer နဲ့ John Wick နဲ့ Jason Bourne စပ်ကျထားတဲ့ သားပေါက်လေးလိုပဲ ကြမ်းပါတယ်။ ဒါရိုက်တာက Suicide Squad ရဲ့ဒါရိုက်တာ David Ayer ပါ။ ဇာတ်ညွှန်းရေးဆရာက Equilibrium တို့ Law Abiding Citizen တို့ကိုရေးတဲ့ Kurt Wimmer ပါပဲ။ ဇာတ်လမ်းအကျဉ်း ဘယ်ထောက်လှမ်းရေး အစိုးရအဖွဲ့မှာမှ စာရင်းမဝင်တဲ့ ပျားမွေးသမားတွေဆိုတဲ့ လျို့ဝှက်အဖွဲ့က ဆရာကြီးတစ်ယောက်က အငြိမ်းစားယူပြီး ပျားတကယ်မွေးစားနေပါတယ်။ သူ့ကို ဂိုထောင်လေးငှားပေးထားပြီး ကျွေးမွေးထားတဲ့ အငြိမ်းစားဆရာမကြီးတစ်ယောက်ရှိပါတယ်။ တစ်နေ့မှာ အွန်လိုင်းလူလိမ်အဖွဲ့တစ်ဖွဲ့က ဆရာမကြီးရဲ့တစ်သက်လုံးစုထားတဲ့ငွေတွေရော ပရဟိတရန်ပုံငွေတွေရော သန်းချီပြီး လိမ်လည်သွားပါတော့တယ်။ လူလိမ်အဖွဲ့ကို ဆုံးမဖို့ လိုက်ရင်းနဲ့ သူလိုက်တဲ့လူလိမ်တွေက အဖွဲ့ခွဲလေးပဲဆိုတာသိသွားတဲ့အခါ နောက်ကွယ်ကလူတွေနောက်ကိုလိုက်စုံစမ်းရင်းနဲ့ ပိုပိုအင်အားကြီးတဲ့အဖွဲ့တွေနဲ့ တွေ့ရပါတော့တယ်။ ဘယ်လောက်ကြီးကြီး သူ့ကိုမနိုင်ကြပါဘူး။ ဘယ်လောက်များများ သူပဲနိုင်ပါတယ်။ ဂျွန်ဝစ်တို့လို သူငယ်ချင်းအကူအညီတောင် မပါပါဘူး။ တစ်ယောက်တည်းမှ တစ်ယောက်တည်းချတာပါ။ တစ်နိုင်ငံလုံးကိုချသွားတာပါ။ ဒုတိယကားထွက်ရင်တော့ တစ်ကမ္ဘာလုံးကိုချပြီး တတိယကားလောက်ဆို စကြဝဠာတစ်ခုလုံးနဲ့ချမယ်လို့ ယူဆရပါတယ်။ ကြည့်လိုက်ကြပါဦး။ File size…(6GB) (2 GB)/(1 GB) Quality….4K-HEVC / Webrip 1080p / 720p Format…mp4 Duration….01:45:00 Genre...Action, Thriller, Drama  Subtitle….Myanmar Subtitle (Hardsub) Encoder….Mr. Anderson Translated by Mr Anderson

နိတ်ဒရိတ်ဟာ ငယ်ငယ်ကတည်းက အစ်ကိုဖြစ်သူ ဆမ်ဒရိတ်နဲ့ ကွဲကွာသွားခဲ့ပြီး ဘားမှာ အရက်ဖျော်တဲ့အလုပ်လုပ်ရင်း လူကုံထံတွေဆီက အလစ်သုတ်ကာ အသက်မွေးနေသူပါ။ တစ်နေ့မှာ ဆမ်ရဲ့မိတ်ဆွေပါလို့ဆိုတဲ့ ဗစ်တာဆူလီဗန်က သူ့ဆီရောက်လာပြီး ပျောက်ဆုံးနေတဲ့ ရွှေသိုက်ကြီးတစ်ခုကို အတူရှာဖို့ လာခေါ်ပါတယ်။ အဲဒီရွှေသိုက်က ဖာဒီနန်မက်ဂျဲလန်၊ ကပ္ပတိန် ဟွမ်ဆီဘက်ရှန် အယ်ကာနိုနဲ့ သင်္ဘောသား ၁၈ ယောက်တို့နဲ့ ဆက်နွယ်နေပြီး အနည်းဆုံး ၅ ဘီလီယံ တန်ကြေးရှိတယ်လို့ ဆိုထားပါတယ်။ ဒါပေမယ့် ရွှေသိုက်ကို လိုချင်နေတာ သူတို့နှစ်ယောက်တည်း မဟုတ်ပါဘူး။ ဆန်တီယာဂိုမွန်ကာဒါဆိုတဲ့ စပိန်သူဌေးတစ်ယောက်လည်း ရှိနေတော့ နိတ်နဲ့ ဆူလီဗန်တို့ဟာ သူ့ရန်ကို ရှောင်ရင်း ရတနာကို ရှာကြရတယ်။ သူတို့ ရွှေသိုက်ကို ရှာတွေ့ပြီး ရွှေတွေကို ရနိုင်ပါ့မလား။ နိတ်ကရော ကွဲကွာနေတဲ့ အစ်ကိုဆမ်နဲ့ ပြန်ဆုံနိုင်ဦးမလား။ ဗီဒီယိုဂိမ်းကို လူသရုပ်ဆောင်တွေနဲ့ ပြန်ရိုက်ထားတဲ့ ဒီအက်ရှင်စွန့်စားခန်းဇာတ်ကားမှာ Tom Holland က နိတ်ဒရိတ်အဖြစ်၊ Mark Whalberg က ဗစ်တာဆူလီဗန်အဖြစ် သရုပ်ဆောင်ထားပါတယ်။ Columbia Pictures က ရိုက်ကူးရုံတင်ခဲ့ပြီး ရုပ်ရှင်အဖြစ် ပြောင်းရိုက်မယ့်သတင်းနဲ့ သရုပ်ဆောင်စာရင်း ထွက်လာကတည်းက ဂိမ်းပရိသတ်တွေကြား မျှော်လင့်မှုတွေနဲ့ ဝေဖန်ဆွေးနွေးမှုတွေ ရှိခဲ့တဲ့ကားပါ။

ချေ့စ်နဲ့ လိန်းတို့က သမီးရည်းစားစုံတွဲပါ။ ချေ့စ်က ခရီပါဆိုတဲ့ သတ္တဝါ ဒီလောကမှာ တကယ်ရှိတယ်လို့ ယုံကြည်ပေမယ့် လိန်းကတော့ လူတွေ လုပ်ကြံပြောဆိုထားတဲ့ ပုံပြင်တစ်ခုလို့ပဲ ထင်ထားပါတယ်။ တစ်နေ့မှာ ချေ့စ်က လိန်းကို Horror Hound ပွဲတော်ဆီ ခေါ်သွားခဲ့တယ်။ အဲဒီကို ရောက်တဲ့အခါ လိန်းရဲ့စိတ်ထဲမှာ မမျှော်လင့်ထားတဲ့ သေခြင်းတရားနဲ့ဆိုင်တဲ့ အနိဋ္ဌာရုံတွေ ပေါ်လာပါတော့တယ်။ ဒီမြင်ကွင်းတွေ ဘာကြောင့်ပေါ်လာတာလဲ၊ ခရီပါနဲ့ ဘယ်လိုဆက်နွယ်နေတာလဲဆိုတာ သူမ နားမလည်နိုင်သေးပါဘူး။ ၂၃ နှစ်မှာ တစ်ကြိမ်ပေါ်လာပြီး လူတွေကို အစုလိုက်အပြုံလိုက် သတ်တတ်တယ်ဆိုတဲ့ ဒဏ္ဍာရီလာ ခရီပါကရော တကယ်ရှိနေတာလား။

စာရေးဆရာ ဘရု့စ် ကို့ဂျ်ဘန်းဟာ လူမသိသူမသိ နေထိုင်နေသူပါ။ တစ်နေ့မှာ ဝီလီယံ ဒူကန့်ဆိုတဲ့ နာမည်နဲ့ စာတွေ သူ့ဆီရောက်လာတယ်။ စာပို့သူက သူရေးနေတဲ့စာအတွက် ဘရု့စ်ရဲ့ အကူအညီကို လိုချင်နေတာပါ။ ဘရု့စ်က မကူညီနိုင်ဘူးလို့ ငြင်းပေမယ့် စာတွေကတော့ ဆက်ရောက်နေဆဲ ဖြစ်ပါတယ်။ ဘရု့စ် လူမြင်ကွင်းကနေ ပုန်းကွယ်နေရတဲ့ နောက်ကွယ်မှာ အတိတ်က ဖြစ်ရပ်တစ်ခုရှိတယ်။ ၁၉၈၁ ခုနှစ်မှာ အသက် ၁၇ နှစ်အရွယ် ကောင်လေးတစ်ယောက် ကျောင်းဝန်းထဲဝင်ပြီး သေနတ်နဲ့ပစ်ခဲ့လို့ လူ ၁၃ ယောက် သေဆုံးကာ အများအပြား ဒဏ်ရာရခဲ့ပါတယ်။ တရားခွင်မှာ ကောင်လေးက သူ့မှာအပြစ်မရှိဘဲ ဘရု့စ်ရေးတဲ့ The Infernal Machine စာအုပ်ကြောင့် ကျူးလွန်ခဲ့ရတာလို့ ထွက်ဆိုခဲ့တယ်။ အဲဒီနောက် ဘရု့စ်ဟာ အပြစ်ရှိစိတ်နဲ့ စာဆက်မရေးနိုင်တော့ဘဲ လူတွေနဲ့ ဝေးရာမှာ နေခဲ့တာပါ။ ဝီလီယံ ဒူကန့်ဆီက စာတွေ စရောက်လာပြီးနောက်မှာတော့ ဘရု့စ်ရဲ့ဘဝဟာ ကပြောင်းကပြန် ဖြစ်လာပါတော့တယ်။

Has Fallen ရုပ်ရှင်ကား ၃ ကားရှိပြီး ၃ ကားလုံး ဇာတ်ကောင်တူ ဇာတ်လမ်းဆက်စပ်တာမလို့ တပြိုင်တည်းကြည့်လေမိုက်လေပါပဲ။ CM မှာ ၃ ကားစလုံးကို 4K Quality နဲ့တင်ဆက်ထားပါပြီ....ဒီမှာ https://www.channelmyanmar.to/?s=has+fallen ကြည့်လို့ရပါတယ်။ +++++++++++ Angel Has Fallen (2016) IMDB: 6.4 / Rotten Tomatoes: 38% Genre: Action/Thriller Has Fallen ရဲ့ နောက်ဆုံးဇာတ်ကားဖြစ်ပြီးတော့ ရှေ့ကကားတွေနဲ့မတူဘဲ ရသတစ်မျိုးခံစားရအောင် အဆင့်မြှင့်ထားတယ်လို့ ပြောရင်လည်းရပါတယ်.. သမ္မတလုပ်ကြံခံရတယ်၊ မိုက်ဘန်းနင်းက လိုက်ကယ်တယ်။ သို့ပေမယ့် ဘာကွာသွားလဲဆိုတော့ ကျွန်တော်တို့ဇာတ်လိုက်ကျော်ကြီး မိုက်ဘန်းနင်းကြောင့် လုပ်ကြံခံရမှုကြီး အထမြောက်သွားတယ်လို့ တကမ္ဘာလုံးက ထင်အောင်ကို အကွက်ဆင်ခံလိုက်ရတာပါပဲ... မိုက်ဘန်းနင်းခဗျာ အစိုးရဘက်က လူတွေရန်ကလည်း လွတ်အောင် အသည်းအသန်ရှောင် ရသလို အချိန်မရွေးအသက်ပျောက်သွားနိုင်တဲ့ သမ္မတကြီးကိုလည်း ကယ်ဖို့အတွက် စက္ကန့်မလပ်ကြိုးစားရပါတယ်... အမိုက်စားအက်ရှင်ခန်းတွေ ဝေေ၀ဆာဆာပါသလို သုံးထားတဲ့ လက်နက်တွေ အခြားအထောက်အကူပြုပစ္စည်းတွေကလည်း အကုန် Upgrade ပါပဲ...ခံစားကြည့်ကြပါဦး...။ File size…(7.3 GB) / (2.1 GB) / (1.1 GB) Quality….BluRay 4K HEVC/1080p HEVC / 720p Format…mkv/mp4 Duration….02:01:03 Subtitle….Myanmar Subtitle (Hardsub) Encoder….Ka Naung Translated by Little Neo

ကျနော်တို့ အရမ်းရင်းနှီးတဲ့ သူတစ်ယောက်နဲ့ မိတ်ဆက်ပေးပါရစေ... ဟုတ်ပါတယ် Michael Peña ပါ သူကတော့ Ant Man ရုပ်ရှင်တွေမှာ စကားအင်မတန်များပြီး ဟာသ ဇတ်ရုပ်နဲ့ လူတိုင်းချစ်ကြတဲ့ သူပါ အခု Netflix ရဲ့ ဇတ်လမ်းတစ်ခုမှာ ခေါင်းဆောင်သရုပ်ဆောင် တစ်ဦးအဖြစ် ပါဝင်လာခဲ့ပါပြီ Michael Peña ကို ဒီဇတ်လမ်းမှာ Ant Man ထဲက မျက်နှာပြောင်ချော်ချော် နဲ့ စကား အင်မတန်များတဲ့ သူ အဖြစ်မြင်တွေ့ရမှာမဟုတ်ပဲ အိမ်ထောင်ဦးစီးယောကျင်္ားတစ်ယောက် သမီး ၂ ဦးရဲ့ ဖခင် အလုပ်မှာ တာဝန်ကျေတဲ့ ဝန်ထမ်းကောင်း တစ်ဦးအဖြစ်တွေ့ရမှာ ဖြစ်ပြီး သူ့ကာရိုက်တာ ကတော့ အေးဆေးတဲ့ လူတစ်ဦးအဖြစ်ပါ Netflix က ထွက်လာတဲ့ ဇတ်လမ်းမှန်သမျှ ဟာ အမှိုက်တောင်းထဲ ပစ်လိုက်ရတယ် မရှိအောင် ကောင်းတာတွေ များပြီး အခုနောက်ပိုင်း သိပ္ပံဘက် နွယ်တဲ့ ရုပ်ရှင်တွေ များလာပါတယ် ပြီးတော့ တွေးစရာတွေ အများကြီးပေးပြီး လူတွေ ရဲ့ စိတ်သဘောထားကို ဖောက်ထုတ်ပြသတဲ့ ရုပ်ရှင်တွေ များပါတယ် ဒီ Extinction ဆိုတဲ့ ရုပ်ရှင်ကားမှာတော့ ပီတာဆိုတဲ့ လူတစ်ဦးဟာ အိပ်မက်ဆိုး တစ်ခုကို အမြဲလိုလို မြင်မက်နေပါတယ် သူတို့ နေထိုင်တဲ့ ကမ္ဘာကြီးဟာ ကမ္ဘာတစ်ဖက်က ဂြိုလ်သားတွေ ရန်ကြောင့် ပျက်စီးပြီး သူတို့ အားလုံးသေကြရတာကို မြင်မက်နေတာပါ သူ့ဇနီး ရော အလုပ်က လုပ်ဖော်ကိုင်ဖက်တွေကပါ သူရူးနေတယ်လို့ သက်မှတ်ထားကြပြီး ဆရာဝန် နဲ့ ပြဖို့သာ တွင်တွင် ပြောနေခဲ့ပါတယ် ဒီလိုနဲ့ ပီတာဟာ လူတွေ နဲ့ ခပ်ကင်းကင်း နေဖြစ်ခဲ့ပြီး သူ့ အိပ်မက်ထဲက အဖြစ်အပျက်ကိုပဲ စိုးရိမ်ထိတ်လန့်နေခဲ့တယ် တစ်ရက်မှာ ပီတာ ရဲ့ ဇနီးဖြစ်သူက ပီတာ စိတ်သက်သာစေဖို့ သူငယ်ချင်းတွေ မိတ်ဆွေတွေကို ခေါ်ပြီး ပါတီ လုပ်ခဲ့ကြတယ် အဲ့ဒီ ပါတီလုပ်နေတဲ့ ညမှာပဲ မိုးပေါ်က ကြယ်တွေ တဖြုတ်ဖြုတ်ကြွေပြီး ကမ္ဘာပေါ်ကို ဆင်းလာခဲ့တယ် ပီတာ အိပ်မက်တွေ အမှန်တကယ်ဖြစ်လာတာလား သူတို့ အားလုံး တကယ်သေရတော့မှာလား ဆိုတာနဲ့ ပီတာ အိပ်မက်ထဲက အရာတွေကို ရင်ဆိုင်ဖို့ ကြိုတင်ပြင်ဆင်ထားခဲ့သလားဆိုတာ ဆက်လက်ကြည့်ရှုလိုက်ရအောင်လား ခင်ဗျာ.... File Size :  2.3 GB, 835 MB, 468 MB Quality : WEB-DL HEVC 4K / 1080p / 720p Running Time : 1hr 40min Format : Mkv and Mp4 Audio : AAC and E-AC-3 Genre : Action, Sci-Fi Subtitle : Myanmar Subtitle (Hard Sub) Translated by : Wai Zin Encode by : Thit San Khant

Captain Phillips (2013) IMDb Rating (7.8) / Rotten Tomatoes (93%) ၂၀၀၉ ခုနှစ်မှာ အမေရိကန်တွေအတွက် အံ့အားသင့်ဖွယ်ရာကိစ္စတစ်ခု ဖြစ်ခဲ့ပါတယ်။ အဲဒါကတော့ နှစ်ပေါင်း ၂၀၀ အတွင်း ပထမဆုံးအကြိမ် အမေရိကန်ကုန်တင်သင်္ဘောတစ်စင်း ပြန်ပေးဆွဲခံရတာပဲ ဖြစ်ပါတယ်။ အိုမန် (Oman) နိုင်ငံ၊ ဆလာလဆိပ်ကမ်း (Port Of Salalah) ကနေ ကုန်ပစ္စည်းတွေသယ်ဆောင်လာတဲ့ အမေရိကန်ကုန်တင်သင်္ဘော အမ်ဗွီ မဲဆ်ခ် အာလဘာမား (MV Maersk Alabama) ဟာ ဆိုမာလီကမ်းရိုးတန်းကို ဖြတ်ကျော်ပြီး ကင်ညာနိုင်ငံ (Kenya)၊ မွမ်ဘာဆာမြို့ (Mombasa) ကို ခရီးအဆက်၊ လမ်းမှာ ဆိုမာလီပင်လယ်ဓားပြတွေရဲ့ ပြန်ပေးဆွဲခြင်းကို ခံလိုက်ရပါတယ်။ ဒီအခါ ဘာတွေဆက်ဖြစ်တယ်ဆိုတာကို စိတ်လှုပ်ရှားဖွယ် ရသအပြည့်နဲ့ ရိုက်ကူးတင်ပြထားတာဖြစ်ပါတယ်။ ထိုင်ရာမထတမ်း ကြည့်ရှုရလောက်အောင် ကောင်းမွန်တဲ့ အက်ရှင်၊ အတ္ထုပ္ပတ္တိဇာတ်ကားကောင်းတစ်ကား ဖြစ်ပါတယ်။ အကြိုက်ဆုံးကတော့ အခုမှ စပြီး ရုပ်ရှင်ရိုက်တဲ့ ဆိုမာလီဓါးပြဗိုလ် အဖြစ်သရုပ်ဆောင်တဲ့ (တကယ့် ဆိုမာလီလူမျိုး) Barkhad Abdi နဲ့ ဝါရင့်မင်းသားကြီး Tom Hank တို့ကြားက စကားပြောခန်းတွေဖြစ်ပါတယ်။ IMDB Rating (7.9/10 ) နဲ့ Rotten Tomatoes (93/100)% အထိရရှိထားသောဇာတ်ကားကောင်းဖြစ်ပြီး Philips အဖြစ် Tom Hanks က ပါဝင်သရုပ်ဆောင်ထားပါတယ်။ Tom Hanks အပြင် ပင်လယ်ဓားမြတွေအဖြစ်သရုပ်ဆောင်ထားသော ဇတ်ကောင်တွေပါ အလွန် ပီပြင်ကြပါတယ်။ ကြည့်သင့်တဲ့ဇာတ်ကားကောင်းတစ်ခုဖြစ်ပြီး ဇာတ်လမ်းအဆုံးထိ စိတ်ဝင်စားဖွယ်ကောင်းပါတယ်။ ဇာတ်လမ်းကတော့ ... Richard Phillips တာဝန်ယူ ဦးဆောင်တဲ့ MV Maersk Alabama ဆိုတဲ့ ကုန်တင် သင်္ဘောကြီးဟာ Oman သဘောၤဆိပ်ကနေ Mombasa အသွား Gulf of Aden အဖြတ်မှာ ဆိုမာလီက ပင်လယ်ဓားပြတွေရဲ့ ရန်ကိုရင်ဆိုင်ခဲ့ရပါတယ်… Captain Phillips ဟာ ဓားပြတွေသောင်းကျန်းတဲ့အတွက် သတိပေး အီးမေလ်းကိုရအပြီး အရေးပေါ်အခြေအနေကို လေ့ကျင့်နေတဲ့အချိန်မှာပဲ မင်္သကာစရာ မော်တော်ဘုတ် ၂စီးကို ရေဒါထဲမှာ မြင်ခဲ့ပါတယ်… ဒီလိုနဲ့ လေ့ကျင့်မှုကနေ တကယ့်အခြေအနေကို တဟုန်းထိုး ကူးပြောင်းသွားပါတော့တယ်… Captain Phillips ရဲ့ ဟန်ဆောင်ရေဒီယို စကားပြောကို လေလှိုင်းကြားက ခိုးနားထောင်နေတဲ့ ပင်လယ်ဓားပြတွေကြားပြီး မကြာခင်မှာ စစ်တပ်ရောက်လာတော့မည်အထင်နဲ့ မော်တော်ဘုတ် ၂စီးမှာ ၁စီးက လှည့်ပြေးသွားပါတော့တယ်… ကျန်တစ်စီးက ဆက်လက်လာနေပင်မဲ့ Captain Phillips ရဲ့ ညွှန်ကြားမှုအောက်မှာ လိုအပ်တာတွေကိုလုပ်ဆောင်ခဲ့တဲ့အတွက် ပင်လယ်ဓားပြတွေ သင်္ဘောနားကို မကပ်နိုင်ခဲ့ပဲ ပထမအကြိမ်မှာလက်လျော့ခဲ့ပါတယ်… နောက်နေ့မနက်မှာတော့ Muse (Nickname: Skinny) ခေါင်းဆောင်တဲ့ ပင်လယ်ဓားပြ ၄ဦးပါ မော်တော်ဘုတ်က ထပ်မံချဉ်းကပ်လာပြန်ပါတယ်… ဘယ်လိုပဲ ကြိုးစားပြီး လွတ်မြောက်အောင်လုပ်လုပ် အဆုံးမှာတော့ လူဆိုးတွေဟာ သင်္ဘောပေါ်ကိုရောက်လာခဲ့ပါတယ်… တခြားသင်္ဘောသားများကို အင်ဂျင်ခန်းထဲမှုာ ပုန်းခိုင်းထားပြီး လူဆိုးတွေနဲ့ မျက်နှာချင်းဆိုင်တွေ့ရတဲ့ သူကတော့ Captain Phillips နဲ့ နောက် အရာရှိ ၂ယောက်ပါပဲ… သင်္ဘောကို ပါဝါတွေ အကုန်ပိတ်ချလိုက်ပြီး အရေးပေါ် ပါဝါကိုပါ ပိတ်ချနိုင်ခဲ့တယ်… တစ်ချိန်မှာ လူဆိုးခေါင်းဆောင် Skinny ကို သူ့ သင်္ဘောသားတွေ ဖမ်းဆီးနိုင်ခဲ့ပြီး သင်္ဘောပေါ်ကနေ ပိုက်ဆံ ဒေါ်လာ ၃သောင်းကိုယူကာ သင်္ဘောပေါ်က အသက်ကယ်လှေကို ယူပြီး အေးအေးဆေးဆေးဆင်းဖို့ တောင်းဆိုခဲ့တယ်… သို့သော် လူဆိုးတွေဟာ Captain Phillips ကို ဓားစာခံအဖြစ် ဖမ်းခေါ်သွားခဲ့ပြီး အာမခံကြေးငွေ ၆ မီလီယံနဲ့ ရွေးယူဖို့ ခြိမ်းခြောက်ပါတော့တယ်… ဒီအခက်ခဲတွေကြားမှာ Captain Phillips ဘယ်လိုလွတ်မြောက်မလဲ… US Navy ရောက်ရှိလာအပြီးမှာ ဓားစာခံခေါ်ခံထားရတဲ့ Captain Phillips ကို ဘယ်လိုကယ်မလဲဆိုတာ...။ ဒီကားက ဇာတ်လမ်းအကုန်ပြောပြလိုက်လို့တောင်မှ တကယ်ကြည့်တာနဲ့ အရသာတူမှာမဟုတ်ပါဘူး… ဒီပိုစ့်ထဲမှာတော့ မှတ်မှတ်ရရ သတိထားမိတဲ့ အခန်းလေးတွေကိုပဲ တစ်ခုချင်းရေးပါတော့မယ်… သင်္ဘောနားကို ပင်လယ်ဓားပြ မော်တော်ဘုတ်ကပ်လာတော့ မီးသတ်ပိုက်ရေပန်းတွေစဖြန်းတဲ့အချိန်မှာ ကိုယ်ကပါသူ့လိုပဲ (လူဆိုးတွေ သင်္ဘောပေါ်ရောက်လာတယ်ဆိုတာ Trailer မှာကြည့်ပြီးတာတောင်မှ) စိုးရိမ်နေပါပြီ… မီးသတ်ပိုက်တစ်ခုက ကောင်းကောင်းမတတ်ထားတော့ အဲဒိနေရာမှာ ဟာနေတာကို လူဆိုးတွေတွေ့သွားပြီး အဲဒိကနေတက်လာဖို့ကြိုးစားတော့ သင်္ဘောသား လက်ထောက်ကို ပြန်တပ်ခိုင်းရင်း ဒီဘက်ကလဲ လူဆိုးတွေကို Captain Phillips က ပါလာတဲ့ အချက်ပြမီးပန်းနဲ့ လှမ်းပစ်တဲ့အချိန်မှာ စိတ်ထဲ US မှာ ဒီလောက် သေနတ်ပေါတာ သင်္ဘောပေါ်မှာ သေနတ်လေးတော့ ဆောင်ထားသင့်တာပေ့ါလို့ထင်မိတယ် (ဒါပေမဲ့လဲ တစ်ခါတစ်ရံမှာ သင်္ဘောသားချင်းပြန်သတ်တဲ့ ဇာတ်လမ်းတွေ အပြင်မှာကြားဖူးနေတော့လဲ သေနတ်ထားသင့်မထားသင့်က အငြင်းပွားစရာ ကိစ္စတစ်ခုပါပဲ) ခုတော့ သူက မီးရှုးနဲ့ပစ်လိုက် လွဲသွားလိုက် ဟိုဘက် သေနတ်နဲ့ ပြန်ပြစ်လိုက်… ကိုယ်က သာမာန်လူ… ဟိုဘက်က သေနတ်နဲ့ လုပ်စားနေကျ ဓားပြ… ကိုယ်သာ ဓားပြတွေနဲ့တွေ့ရင်ဆိုတဲ့ အတွေးက ဝင်လာတယ်… အဲလိုဝင်လာတာလဲ Tom Hank ရဲ့ သဘာဝကျတဲ့ သရုပ်ဆောင်မှုကြောင့်လို့ ထင်တယ်… တကယ်သရုပ်ဆောင်ကောင်းတဲ့သူက ကြည့်လိုက်ရင် ဘာမှမဟုတ်သလိုလိုသာမာန်လိုလိုနဲ့ ကြည့်နေတဲ့ လူရဲ့ စိတ်ထဲကို ဇာတ်ကောင်နဲ့အတူ မြောပါသွားအောင်လုပ်နိုင်စွမ်းရှိတယ်… သူသရုပ်ဆောင်သွားတဲ့အထဲမှာ သူ့ကို Super hero ကြီးလို့ ထင်ရလောက်တဲ့ Confidence နဲ့ သူရဲကောင်းဆန်ဆန်လုပ်ပြနေတဲ့ မျက်နှာ အမူအရာမျိုးမတွေ့ရဘူး… လက်ရှိရင်ဆိုင်နေရတဲ့ ဒုက္ခကို ခေါင်းဆောင်တစ်ယောက် (သာမာန် တာဝန်ရှိသူတစ်ယောက်) အနေနဲ့ တတ်နိုင်သလောက် လုပ်နေတဲ့ပုံစံမျိုး တစ်ကယ်ပေါ်လွင်တယ်… (ဇွတ်ကြီး သရုပ်ဆောင်ပြနေတယ်လို့ မထင်ရပဲ… ပရိတ်သတ်ကပါ အဲဒိထဲဝင်ခံစားလာအောင် သရုပ်ဆောင်တာကိုပြောချင်တာ).. နောက်တစ်ခန်းက သင်္ဘောစက်ပိတ်လိုက်လို့ လူဆိုးတွေက သင်္ဘောသားတစ်ယောက်ကို သေနတ်နဲ့ချိန်ထားပြီး ပစ်မယ်လုပ်နေတဲ့အချိန်မှာ “မင်းတို့ပြောတော့ စီးပွားလာရှာတာဆို… မင်းတို့ ပိုက်ဆံလိုချင်ရုံသပ်သပ်ဆို… ဘာလို့ ငါ့လူတွေကို ဒုက္ခပေးရတာလဲ” ဆိုတဲ့ အခန်းမှာ သရုပ်ဆောင်တွေအပြင် ဒါရိုက်တာရဲ့ တင်ပြပုံကိုလဲ ချီးကျူးမိတယ်… ကိုယ်ပါ အသက်အောင့်နေမိတယ်… Captain လဲ ကြောက်နေမှာပဲ သူ့လက်အောက်ငယ်သားသာ ဒီလိုသေသွားရင် သူလဲ စိတ်ထိခိုက်မှာပဲ… ကြောက်ပေမဲ့ ပြောစရာရှိတာတော့ သူပြောတာပဲ… အဲဒိအချိန်မှာ ပြောတဲ့စကားက လူတစ်ယောက်ရဲ့ အသက်သေရေးရှင်ရေးအရေးကြီးနေတယ်… အဲဒိအချိန်မှာ သေနတ်နဲ့အချိန်ခံထားရတဲ့သူကိုပြလိုက်… Tom Hank ကိုပြလိုက်… Muse ကိုပြလိုက်နဲ့ စကားတွေကလဲ အပြိုင်အဆိုင် ရုံးရင်ဆန်ခတ်ပြောနေတာကို ဖြတ်ကနဲ ဖြတ်ကနဲ ပြကွက်တွေနဲ့ ဇာတ်ဝင်ခန်းကို intense ဖြစ်အောင်ရိုက်ထားတယ်… နောက်တစ်ချက်က အသက်ကယ်သဘောၤပေါ်မှာ Muse (Skinny) က Captain Phillips နှဖူးကို သေနတ်နဲ့ ချိန်ထားပြီး နောက်မှ သေနတ်ပြောင်းကို ပြန်ချလိုက်တဲ့အချိန်မှာ တန်းသတိထားလိုက်မိတာက Tom Hanks နှဖူးပေါ်က သေနတ်ပြောင်းရာ… အရာလေးထင်ကျန်နေခဲ့တာ… ဒီအခန်းမှာ မင်းသားကြီးမို့ မထိရ၊ မကိုင်ရ၊ မနာရ၊ သရုပ်ဆောင်အသစ်ဖြစ်တဲ့အပြင် လူကြမ်းမို့ မင်းသားကို အဲလိုမလုပ်ရဘူးဆိုတာမရှိဘူး… ဒီဇာတ်ကားကို ပေးချင်တဲ့ ရသမြောက်ဖို့ အားလုံးက သူ့နေရာကသူ ပိုင်နိုင်အောင် မင်းဘယ်သူ ငါဘယ်သူမထားပဲ အလုပ်လုပ်သွားကြတယ်… Youtube မှာ သူတို့ကို အင်တာဗျူးထားတာတွေ့တော့ အဲဒိအခန်းကို အင်တာဗျူးတဲ့သူက မေးတာတွေ့တယ်… Muse(skinny) နေရာမှာ သရုပ်ဆောင်သွားတဲ့ သူ Barkhad Abdi ကို ခုလို မင်းသားကြီးရဲ့ နှဖူးကို သေနတ်ရာထင်အောင် မင်းလုပ်ရဲတယ် ဟုတ်လား? အဲဒါ ဘယ်သူ့ Idea လဲလို့ မေးတော့… Tom Hank ကိုယ်တိုင်က ဝင်ထောက်တယ်… ငါက ဘယ်သူမှ မဟုတ်ဘူး… ဘာလို့ ငါ့လိုလူကိုလို့ သုံးရတာလဲ ဆိုပြီးတော့… ပြီးတော့ အဲဒါ Tom Hank ကိုယ်တိုင်ရဲ့ အိုင်ဒီယာပါပဲ… Tom Hank က လုပ်ခိုင်းရင်တောင်မှ မင်းက လုပ်ရဲတယ်ဟုတ်လား? ဆိုတော့ Abdi က အစကတော့ သူမလုပ်ရဲပါဘူး ဒါပေမဲ့ ရိုက်ရင်းနဲ့ ဇာတ်ကောင်ထဲကို စိတ်သွင်းလိုက်တော့လဲ လုပ်ဖြစ်သွားတာပါပဲ… လို့ ပြန်ဖြေခဲ့ပါတယ်..။ (ရုပ်ရှင်အညွှန်းကို မဗေဒါရဲ့ ဗေဒါလမ်းဘလော့မှ ကူးယူဖော်ပြပါသည်။) File size…(8.9 GB )/ (3.2 GB)/ (1.7 GB) Quality…WEB-DL 4K HEVC/ 1080p HEVC / 720p Format…mkv/mp4 Duration….02:14:00 Subtitle….Myanmar Subtitle (Hardsub) Encoder….Ka Naung

Children of Men (2006) IMDb….7.9,,,,,Rotten…..92% ဒီကားက ဇာတ်လမ်းဇာတ်ကွက်ဆန်းပြားသလို IMDbနဲ့ RTကလည်း အမြင့်ဆုံး အနေအထားလောက်မှာရှိတယ်… လူသားတွေ ကလေး မရနိုင်တော့တာဟာ ၁၈ နှစ်ကြာမြင့်ခဲ့ပြီဖြစ်ပါတယ် .. ကမ္ဘာကြီးဟာလည်း ပြဿနာပေါင်းများစွာနဲ့ပေါ့ .. အင်္ဂလန်သို့ ရွှေ့ပြောင်းဝင်ရောက်လာတဲ့ ဒုက္ခသည်တွေဟာလည်း အင်မတန်မှ များပြားနေပါတယ် .. အင်္ဂလန်ကလည်း ဒုက္ခသည်တွေကို လက်မခံနိုင်တော့ဘဲ၊ ရှိပြီးသား ဒုက္ခသည်တွေကိုလည်း ဖိနှိပ်လျှက်ရှိတယ် .. ဖိနှိပ်မှုကို မခံနိုင်သူများကလည်း တော်လှန်ဖို့ ကြိုးစားကြတာပေါ့ .. အဲဒီအချိန် ဒုက္ခသည် ကောင်မလေးတစ်ယောက်ဆီမှာ ကိုယ်ဝန်ရှိလာခဲ့ပါတယ် .. နေ့စေ့လစေ့ ကိုယ်ဝန်အပေါ် နိုင်ငံရေးအရအသုံးချချင်သူများလည်း ရှိလာတယ် .. အဲဒီလူတွေရဲ့ လက်ကနေ ကိုယ်ဝန်သည်မလေး ဘယ်လိုလွတ်မြောက်သွားမလဲ .. ဆိုတာ ဇာတ်လမ်းထဲ ကြည့်ရှုခံစားလိုက်ပါဦးနော် .. ဒီကားထဲက အဓိက သရုပ်ဆောင်မင်းသားကြီး Clive Owen ကိုတော့ တော်တော်များများရင်းနှီးပြီးသားဖြစ်ပါလိမ့်မယ်… ဇာတ်လမ်းအညွှန်းနဲ့ဘာသာပြန်သူကတော့ Ko Ye Pyae Sone ပဲ ဖြစ်ပါတယ်… File Size : 1.53GB/ 1.04 GB Quality : Blu-Ray 1080p, 720p Format…mp4 Duration…01:49:00 Genre : Drama , Sci-Fi , Thriller Subtitle : Myanmar Subtitle (Hard Sub) Translated by Ye Pyae Sone Encoded by AHtet