Go Soo ပါဝင်သော ဇာတ်ကားများ

Reverse (2026) အပိုင်း (၁ မှ ၈) စ/ဆုံး ပဟေဠိဆန်တဲ့ ဇာတ်အိမ်နဲ့အတူ ၂၀၂၆ ရဲ့ အမိုက်စား Mystery Revenge Thriller အမျိုးအစားဖြစ်တဲ့ 'Reverse' ကတော့ ပရိသတ်တွေအရှေ့ကို ရောက်လို့လာပါပြီ။ ဒီဇာတ်လမ်းတွဲလေးက ၂၀၂၂ ခုနှစ်က ထွက်ရှိခဲ့တဲ့ "Reverse: Memory and Truth" ဆိုတဲ့ Naver Vibe Audio Movie ကို အခြေခံ ရိုက်ကူးထားတာဖြစ်ပြီး မူရင်း Audio Movie ကို ဖန်တီးခဲ့တဲ့ ဒါရိုက်တာ Lim Gun Joong ကိုယ်တိုင်ပဲ ပြန်လည်ရေးသားရိုက်ကူးထားတာ ဖြစ်ပါတယ်။ Missing: The Other Side ထဲက မင်းသား Go Soo, Nice to Not Meet You ထဲက မင်းသမီး Seo Ji Hye နဲ့ Kim Jae Kyung တို့က အဓိကပါဝင်သရုပ်ဆောင်ထားပါတယ်။ ဇာတ်လမ်းလေးကတော့ .. အပန်းဖြေအိမ်ရာတစ်ခုမှာ ဖြစ်ပွားခဲ့တဲ့ လျှို့ဝှက်ဆန်းကြယ်တဲ့ ပေါက်ကွဲမှုတစ်ခုကနေစတင်ပြီး အဲဒီပေါက်ကွဲမှုကနေ အသက်ရှင်ကျန်ရစ်ခဲ့ပေမဲ့ အတိတ်ကမှတ်ဉာဏ်တွေ အားလုံးဆုံးရှုံးသွားခဲ့တဲ့ Myo Jin (Seo Ji Hye) .. Myo Jin က သူနဲ့စေ့စပ်ထားသူ Jun Ho (Go Soo) ရဲ့ အကူအညီနဲ့ ဘဝသစ်ကို ပြန်လည်တည်ဆောက်ဖို့ ကြိုးစားနေတာပေါ့။ Jun Ho က နာမည်ကြီး Seokwang Group ရဲ့ အနာဂတ်ဆက်ခံသူတစ်ယောက်ဖြစ်ပြီး Myo Jin အပေါ်မှာလည်း အရမ်းချစ်ပြတဲ့သူပါ။ ဒါပေမဲ့ အချိန်ကြာလာတာနဲ့အမျှ ပေါက်ကွဲမှုရဲ့ နောက်ကွယ်က တုန်လှုပ်ချောက်ချားဖွယ်ရာ အမှန်တရားတွေက တစ်ခုပြီးတစ်ခု ပေါ်ပေါက်လာပါတော့တယ်။ ဒီလိုနဲ့ဖြူစင်တဲ့ အချစ်ဇာတ်လမ်းကနေ ရက်စက်တဲ့ ကလဲ့စားချေမှုအသွင်ကို ကူးပြောင်းသွားပြီး Seokwang Group ရဲ့ ကြီးမားတဲ့ ပူးပေါင်းကြံစည်မှုတွေကြားထဲမှာ Myo Jin တစ်ယောက် ဘယ်လိုတိုက်ပွဲဝင်မလဲဆိုတာကို ရင်တထိတ်ထိတ်နဲ့ စောင့်ကြည့်ရမှာပါ။ အပတ်စဉ် သောကြာနေ့တိုင်းတင်ဆက်ပေးသွားမှာဖြစ်လို့ ခေါင်းစားရမယ့် ဇာတ်ကားကောင်းမျိုးမှ ကြိုက်တယ်ဆိုတဲ့ သူတွေအတွက်တော့ လက်မလွှတ်သင့်တဲ့ ကားကောင်းလေးဖြစ်ကြောင်း လက်တို့လိုက်ပါတယ်နော်။ Episodes: 08 Aired: Apr 17, 2026 - May 8, 2026 Aired On: Friday Original Network: Wavve, Kocowa Genres: Thriller, Mystery, Melodrama

Colony (2026) 4K HEVC ++++++++++ IMDb Rating (7.2) [Colony 2026 ကြည်တောက်ရှင်း‌ဗားရှင်း ရပါပြီ] Train To Busan ရဲ့ ဒါရိုက်တာ Yeon Sang-Ho က ရိုက်ကူးပေးထားပြီး Main Cast အနေနဲ့ Jun Ji-Hyun, Koo Kyo-Hwan, Ji Chang-Wook, Shin Hyun-Been, Kim Shin-Rok တို့အပြင် မင်းသားကြီး Go Soo ကလည်း ဧည့်သည်သရုပ်ဆောင်အဖြစ် ပါဝင်အားဖြည့်ထားသလို လက်ရှိ ကြည့်ရှုသူ 5.9 သန်းကျော်နဲ့ 2026 ခုနှစ်ရဲ့ ရုံဝင်သူ အများဆုံး နံပါတ် 2 ကိုးရီးယားရုပ်ရှင်အဖြစ်လည်း ရပ်တည်နေပါသေးတယ်။ ဒီကားကတော့ ‌ကြည့်ဖူးနေကျ ရိုးရိုးဇွန်ဘီကားတွေလို အဓိပ္ပါယ်မရှိတာတွေ လျှောက်လုပ်နေတဲ့ ဇာတ်လမ်းမျိုးမဟုတ်ဘဲ ကူးစက်ခံရတဲ့ကောင်တွေက အသိဉာဏ်ရှိပြီး ဆင့်ကဲပြောင်းလဲနိုင်တဲ့ (Evolving Zombies) ပုံစံမျိုးနဲ့ အသစ်ဖန်တီးထားတာ ဖြစ်လို့ ကြည့်ရတာ အကြိုက်တွေ့ကြပါလိမ့်မယ်။ - ဇာတ်လမ်းအကျဉ်း - ဆိုးလ်မြို့လယ်က မိုးမျှော်တိုက်ကြီးတစ်ခုမှာ ဇီဝနည်းပညာ ညီလာခံလုပ်နေတုန်း အမည်မသိ ဗိုင်းရပ်စ်တစ်ခု ရုတ်တရက် ပျံ့နှံ့သွားပါတယ်။ အဲဒီအခြေအနေကို ထိန်းချုပ်ဖို့ အာဏာပိုင်တွေက အဆောက်အအုံတစ်ခုလုံးကို အပြင်ကနေ လုံးဝပိတ်လှောင်လိုက်တဲ့အခါမှာတော့ အထဲကလူတွေ အကုန်ပိတ်မိသွားပါတော့တယ်။ အထဲမှာ ပိတ်မိတဲ့အချိန် ကြာလာလေလေ ကူးစက်ခံရသူတွေရဲ့ ဉာဏ်ရည်တွေ လှုပ်ရှားမှုတွေဟာ အလျင်မြန်ဆုံးနဲ့ ဆင့်ကဲပြောင်းလဲလာတဲ့အခါမှာတော့.... ပါ‌မောက္ခ ဂွန်ဆယ်ဂျောင်း (Jun Ji-Hyun) ဦးဆောင်တဲ့ အသက်ရှင်ကျန်ရစ်သူအဖွဲ့ဟာ အသက်ရှင်လျက်နဲ့ အဆောက်အဦထဲကနေ လွတ်မြောက်သွားနိုင်ပါ့မလားဆိုတာကို ရင်ခုန်စိတ်လှုပ်ရှားစွာနဲ့ ကြည့်ရှုရမဲ့ ဇာတ်ကားကောင်းဖြစ်တာမို့ တင်ဆက်ပေးလိုက်ရပါတယ်။ File Size :7.94GB / 2.02GB/ 990MB Quality : WEB-DL 4K HEVC / 1080p/ 720p Format : mp4 Duration : 2hr 02m Genre : Action, Thriller, Horror, Sci-Fi Subtitle : Myanmar Subtitle (Hard Sub)

Parole Examiner Lee (2024) အပိုင်း (၁ မှ ၁၂) စ/ဆုံး  မှုခင်းကားချစ်သူများအတွက် Missing : The Other Side မှ မင်းသား Ko Soo နဲ့ Girls' Generation အဖွဲ့ဝင် Kown Yuri တို့ရဲ့ မှုခင်းဒရမ်မာသစ်လေးကို ဘာသာပြန်တင်ဆက်ပေးလိုက်ပါတယ် .. - ဇာတ်လမ်းအကျဉ်း - အီဟန်ရှင်း (Go Soo) ကတော့ ရှေ့နေတစ်ဖြစ်လဲ အကျဉ်းသားတွေကို ယာယီလွတ်ငြိမ်းခွင့် ပေးသင့်မပေးသင့်ကို ဆုံးဖြတ်ချက်ချပေးရတဲ့ စစ်ဆေးရေးမှူးတစ်ယောက်ပါ .. သူ့ရဲ့ ရည်ရွယ်ချက်ကတော့ ပိုက်ဆံ ၊ နောက်ခံ ၊ အဆက်အသွယ် အစရှိတာတွေနဲ့ ယာယီလွတ်ငြိမ်းခွင့်စနစ်ကို ကြိုးကိုင်ခြယ်လှယ်ပြီး ထောင်က လွတ်ဖို့ ကြိုးစားနေတဲ့လူတွေကို တားဖို့ပေါ့ .. ချွဲဟွာရန်း (Baek Ji-Won) ကတော့ ငွေတိုးချေးစားသူဖြစ်ပြီး သူပြန်မရတဲ့အကြွေးတွေကို ပြန်ယူဖို့အတွက် ဟန်ရှင်းနဲ့ လက်တွဲလုပ်ကိုင်နေသူပါ .. အန်ဆောယွန်း (Kwon Yuri) ကတော့ ace စုံထောက်မလေးပါ ဆောယွန်းအတွက် အကြီးမားဆုံး အဖြစ်အပျက်တစ်ခုကတော့ သူ့ညီမလေးရဲ့ သေဆုံးမှုပါပဲ .. သံသယတော့ရှိနေပေမဲ့ သက်သေမရှိတဲ့အတွက် အမှုပိတ်သိမ်းခဲ့ရပါတယ် .. တောင်ကိုးရီးယားရဲ့ စုံထောက်တစ်ဦးအနေနဲ့ ဥပဒေဘောင်အပြင်ဘက်က တရားမျှတမှုကို စိတ်ကူးတောင် မယဉ်ကြည့်နိုင်ခဲ့တဲ့သူ ဖြစ်ပေမဲ့ တစ်ခါတစ်ရံမှာ ဥပဒေဘောင်အတွင်းကနေ ဖြေရှင်းလို့မရနိုင်တဲ့ အမှုတွေရှိမှန်း နားလည်သွားတဲ့ ဆောယွန်းတစ်ယောက် .. အီဟန်ရှင်း ချွဲဟွာရန်းတို့နဲ့ လက်တွဲပူးပေါင်းပြီး ညီမဖြစ်သူကိုသတ်တဲ့ တရားခံအစစ်ကို ဖော်ထုတ်ဖို့ ကြိုးစားပါတော့တယ်... မသမာတဲ့နည်းလမ်းနဲ့ ထောင်ထဲက လွတ်ဖို့ ကြံစည်နေတဲ့ အကျဉ်းသားတွေကို သူတို့ ၃ ယောက် ဘယ်လိုတားဆီးသွားမလဲဆိုတာကိုတော့ ဒီဒရမ်မာလေးထဲမှာ အပတ်စဉ် တနင်္လာ အင်္ဂါနေ့တိုင်း စောင့်ကြည့်ဖို့ ဖိတ်ခေါ်လိုက်ပါရစေ .. (အညွှန်းကို Hnin Wai Oo မှ ရေးသားပေးထားပါတယ်) Episodes: 12 Aired: Nov 18, 2024 - Dec 24, 2024 Aired On: Monday, Tuesday Original Network: tvN Genres: Mystery, Law, Crime, Drama Translated by Hnin Wai, Toe Toe Aung, Milkeux, Hsu, May Thet & Zoronoa Encoded by AHtet

ဘဏ္ဍာရေးပြဿနာဖြစ်ပြီးနှစ်၂၀အကြာ ဂျောင်အင်းဘဏ်ကိုရှင်းထုတ်ဖို့ ကြိုးစားရင်း ဘဏ္ဍာရေးဌာနထိပ်သီးပိုင်းတွေကြားထဲကပဋိပက္ခတွေ အစိုးရရဲ့ရှယ်ယာတွေကြောင့် ဒေဝါလီခံရတော့မယ့်သူတွေကြားပွက်လောရိုက်နေခဲ့ပါတယ် ပြည်သူတွေကလဲ ၁၉၉၇ခုနှစ်တုန်းကဖြစ်ခဲ့တဲ့ ကိုရီးယားဘဏ္ဍာရေးအကျပ်အတည်းကာလလိုထပ်ဖြစ်မှာကိုကြောက်ရွံ့နေခဲ့ပါတယ် ....အဲ့ဒီတုန်းက တစ်နိုင်ငံလုံး ရောက်ခဲ့တဲ့ ဒုက္ခက တော်တော်ကြီးခဲ့တာကိုး.... အစိုးရပိုင်းကလူတွေ ခရိုနီတွေ စတော့ကစားတဲ့သူတွေ စီးပွားရေးသမားတွေကြား ဉာဏ်ကစားကကြသူတွေရဲ့ အကြောင်းတွေကို ပုံဖော်ထားတာပါ... ဒီနေရာမှာ ကျရှုံးတဲ့သူတွေ ဘဝပျက်သွားတဲ့သူတွေ မိမိကိုယ်မိမိသေကြောင်းကြံတဲ့သူတွေ ဒုနဲ့ဒေးပေါ့... ဒီကားမှာ အားရစရာကောင်းတာက မင်းသားရော မင်းသမီးရော သိပ်ထက်မြက်ကြတဲ့ သူတွေဖြစ်ပါတယ်.... ပြီးတော့ ..မင်းသားနဲ့ မင်းသမီးရဲ့ အချစ်ဇာတ်လမ်းလေးကိုတော့ သိမ့်သိမ့်မွေ့မွေ့လေး ထည့်ထားပုံတော့ရပါတယ်... Money Game ဆိုတဲ့အတိုင်း ငွေကြောင့် သားကောင်တွေပဲဖြစ်မလား...ငွေကို လိမ္မာပါးနပ်စွာနဲ့ အသုံးချနိုင်တဲ့သူတွေဖြစ်မလားဆိုတာကိုတော့... ရင်ခုန်စိတ်လှုပ်ရှားစွာ စောင့်ကြည့်ရမှာဖြစ်ပါတယ်.... .စီးပွားရေးသမားတွေပိုကြည့်သင့်သလို အချစ်ဆို သိမ့်မွေ့နူးညံတဲ့အရာလို့ထင်တဲ့သူတွေလည်းကြည့်သင့်ပါတယ်... အပတ်စဉ် Wednesdayနဲ့ Thursday မှာ ထုတ်လွှင့်မှာ ဖြစ်ပြီး (၁၆)ပိုင်းရှိပါတယ်... ခံစားကြည့်ကြပါဦး..... ဇာတ်လမ်းအညွှန်းနဲ့ ဘာသာပြန်သူကတော့ Htet Nandar Aung နဲ့ Shoon တို့ပဲ ဖြစ်ပါတယ်.... Quality – HD-TV 720P Duration – 70min (@Episode) Subtitle – Myanmar Hardsub Format – Mp4 Genre :    Drama,Crime Translator – Fliex ,Shoon  & Htet Nandar  Aung Encoder – Phyo Pyae

နောက်ထပ် Ongoing Series အသစ်လေးတစ်ခု တင်ပေးလိုက်ပါတယ် OCN ရုပ်သံလိုင်းကနေ အပတ်စဉ် စနေ နဲ့ တနင်္ဂနွေနေ့တွေမှာ ထုတ်လွှင့်ပေးမယ့် SERIES လေးပါ အပိုင်း 12 ပိုင်းအထိ ထုတ်လွှင့်ပေးမှာဖြစ်ပါတယ် ဇာတ်လမ်း ဆန်းဆန်းလေးမို့ ပရိတ်သတ်တွေ အကြိုက်တွေ့မယ့်ကားလေးဖြစ်မှာပါ ဇာတ်လမ်းအကျဉ်း သေဆုံးသွားပြီးနောက်အလောင်းရှာ မတွေ့သေးတဲ့ လူတွေရဲ့ ဝိညာဉ် တွေဟာ ဒူအွန်လို့ခေါ်တဲ့ ဝိညာဉ္ပေျာက်ရွာမှာ နေထိုင်ကြပါတယ် သူတို့ အလောင်းတွေကို ရှာမတွေ့မချင်း ဒီရွာကနေ ထွက်လို့မရသလို ကျွတ်လွတ်ကြမှာလည်း မဟုတ်ပါဘူး ဂင်ဝု ဟာ ရုပ်ရည်ပြေပြစ်ပြီး စကားပြော အလွန်ကောင်းတဲ့ လူလိမ်တစ်ယောက်ပါ တစ်နေ့မှာ ပြန်ပေးဆွဲမှုတစ်ခုကို မျက်မြင်တွေ့ခဲ့တာကြောင့် လိုက်သတ်ခံရရင်း ဒူအွန်ရွာကို ရောက်သွားခဲ့ပါတယ် အသက်ရှင်လျက်နဲ့ရောက်ရှိသွားခဲ့တဲ့ ဂင်ဝု တစ်ယာက် ဒီရွာမှာ သေပြီးသား ဝိညာဉ် တွေနေတယ်ဆိုတာကို သိရှိသွားတဲ့အခါ ဘာဆက်ဖြစ်မှာလဲ လူတွေကရော သူ့စကားကို ယုံကြည်ပါ့မလား ဒီဝိညာဉ် တွေရဲ့ အလောင်းတွေကိုကော ရှာဖွေပေးနိုင်မှာလားဆိုတာ ဒီဇတ်ကားမှာ ဆက်လက်ကြည့်ရှုကြပါနော်...။ ( အညွှန်းရေးသားထားသူကတော့ Hay Thar Oo ဖြစ်ပါတယ် ) Native Title: 미씽: 그들이 있었다 Episodes: 12 Aired: Aug 29, 2020 - Oct 18, 2020 Aired On: Saturday, Sunday Original Network: OCN Duration: 60 min. Content Rating: 15+ - Teens 15 or older File size__( 600 MB) Quality__720p Format__mp4 Subtitle__Myanmar Subtitle (Hardsub) Translated by Htet Nandar Aung & Hay Thar Oo Encoded by Naing Aung Latt

The Fortress (2017) IMDb Rating (6.8) ဒီတစ်ခေါက်မှာတော့ Lee Byung-Hun, Kim Yun-Seok, Park Hae-Il, Go Soo, Park Hee-Soon အစရှိတဲ့ ထိတ်ထိတ်ကြဲ မင်းသားကြီးများစွာ ပါဝင်သရုပ်ဆောင်ထားပြီး မန်ချူး ကျူးကျော်စစ်ကာလအကြောင်းကို ဇာတ်အိမ်ကောင်းကောင်းနဲ့ ကြည့်ရှုရမဲ့ နန်းတွင်းကားဟောင်းလေးကို ပြန်လည်တင်ဆက်ပေးလိုက်ပါတယ်။ - ဇာတ်လမ်းအကျဉ်း - ၁၆၃၆ ခုနှစ် ဂျိုဆွန်းဘုရင် အင်ဂျို အုပ်စိုးတဲ့လက်ထက်မှာ ချင်အင်ပါယာရဲ့ စစ်တပ်က ကျူးကျော် တိုက်ခိုက်လာတဲ့အတွက်ကြောင့် ဘုရင်အင်ဂျိုနဲ့ သူ့ရဲ့ သစ္စာခံအမတ်တွေက နမ်ဟန်ခံတပ်ထဲကို တိမ်းရှောင်ခိုလှုံခဲ့ကြရပါတယ်။ ရန်သူ့စစ်တပ်က ခံတပ်ကြီးကို အပြင်ကနေ ပိတ်ဆို့ဝိုင်းရံထားတဲ့အတွက် ကြာလာတော့ ဂျိုဆွန်းစစ်သည်တွေကလည်း အအေးဒဏ်၊ ငတ်မွတ်ခေါင်းပါးမှုဒဏ်တွေကို အလူးအလိမ့် ခံစားလာရပါတော့တယ်။ ဒီလို အကျပ်အတည်းတွေကြောင့် အမတ်ကြီးတွေကြားမှာလည်း ခဏတာ အရှက်ကို သည်းခံပြီး စစ်ပြေငြိမ်းမှုယူပြီးတော့ တိုင်းပြည်နဲ့ ပြည်သူတွေကို အသက်ဆက်ခွင့်ပေးမယ်ဆိုသူတွေက တစ်ဖွဲ့... ရန်သူ့ခြေတော်ရင်းမှာ ဒူးထောက်မဲ့အစား အဆုံးအထိ အသေခံတိုက်ခိုက်ပြီး တိုင်းပြည်နဲ့ လူမျိုးရဲ့ ဂုဏ်သိက္ခာကို ကာကွယ်သွားမယ်ဆိုသူများက တစ်ဖွဲ့နဲ့ သဘောထားတွေ စတင် ကွဲလွဲလာကြတဲ့အခါမှာတော့... ဂျိုဆွန်းလူမျိုးတွေ အဆုံးမှာ ဘာကို ရွေးချယ်သွားမလဲဆိုတာကို စိတ်လှုပ်ရှားစွာနဲ့ ကြည့်ရှုရမှာပဲ ဖြစ်ပါတယ်။ File Size : 2.97GB/ 1.19GB Quality : BluRay 1080p 5.1CH/ 720p Format…mp4 Duration…2hr 20m Genre : Military, Historical, War, Political Subtitle : Myanmar Subtitle (Hard Sub)

The Tooth and the Nail (2017) 2017 ခုနှစ်မှာ ပြသခဲ့ပြီး Thriller Mystery အမျိုးအစားဖြစ်တဲ့ ဒီဇာတ်လေးမှာတော့ Ko Soo, Kim Ju Hyeok, Park Sung Woong, Moon Sung Geun နဲ့ မင်းသမီး Lim Hwa Youngတို့လို နာမည်ကြီး မင်းသား မင်းသမီးတွေက အဓိကပါဝင်ထားကြပါတယ်။ ဂျပန်ကိုလိုနီခေတ်ကနေ လွတ်လပ်ရေးရပြီးစကာလ ငွေစက္ကူအတုဖြန့်ချီမှု များပြားတဲ့ကာလကို နောက်ခံထားရိုက်ကူးထားပြီး မှုခင်းအကြောင်းအရာပါတဲ့ ဇာတ်လမ်းမို့ သည်းထိတ်ရင်ဖိုကြည့်ရှုရမှာဖြစ်ပါတယ်။ ဇာတ်လမ်းအကျဥ်းကတော့.. အီဆော့ဂျင်ဟာ ငယ်ငယ်ကတည်းက ဆက်ကပ်မှာရောင်းစားခံရပြီး ကြီးပြင်းလာတဲ့ မျက်လှည့်ဆရာတစ်ယောက်ဖြစ်ပြီး တစ်နေ့မှာ ပဟေဠိဆန်တဲ့ မိန်းမလှလေး ဂျောင်ဟာယောင်းနဲ့ ချစ်ကျွမ်းဝင်ပြီး လက်ထပ်ခဲ့ကြပါတယ်။ ခြေဦးတည့်ရာလျှောက်သွားရင်း ဖျော်ဖြေရတဲ့ ဖျော်ဖြေရေးသမားမို့ ဂျောင်ဟာယောင်းရဲ့ မွေးရပ်မြေဖြစ်တဲ့ ဘူဆန်ကိုပြန်ပြီး ဖျော်ဖြေဖို့ သွားတော့တယ်။ ဒါပေမဲ့ ဘူဆန်ကိုပြန်ရောက်တဲ့အခါ အိုကာမိုထို ရှီဂယ်ရူလို့ခေါ်တဲ့ လူဆီကနေ စာတစ်စောင်ရရှိပြီးနောက် ဇနီးဖြစ်သူ ဂျောင်ဟာယောင်းက အသတ်ခံလိုက်ရတဲ့အခါ.. ဇနီးဖြစ်သူအသတ်ခံရတာက ငွေစက္ကူအတုလုပ်တဲ့ကြေးပြားတွေနဲ့ ဆက်စပ်နေမှန်း သိသွားပြီးနောက် အီဆော့ဂျင်ဟာ အိုကာမိုထို ရှီဂယ်ရူကို လိုက်ရှာပြီး ကလဲ့စားချေဖို့ ဆုံးဖြတ်လိုက်ပေမဲ့... ငွေကြေးချမ်းသာပြီး အဆက်အသွယ်များတဲ့ အိုကာမိုထိုအနားကို သာမန်မျက်လှည့်ဆရာလေးက ဘယ်လိုချဥ်းကပ်ပြီး လက်စားချေသွားမလဲ..။ ဂျောင်ဟာယောင်းရဲ့ သရုပ်မှန်ကရော ဘာဖြစ်မလဲ..။ ကြေးပြားတွေကိုရော ပြန်ရှာတွေ့နိုင်မလားဆိုတာကိုတော့ ဇာတ်လမ်းလေးထဲမှာပဲ ကြည့်ရှုလိုက်ရ‌အောင်နော်။ File size…1.16GB / 500MB Quality…WEB-DL 1080p/ 720p Format…mp4 Duration….1h 50m Genre …..Thriller, Mystery, Drama Subtitle….Myanmar Subtitle (Hard Sub) Encoder….Tiff Translated by Stary

Lucid Dream ဆိုတာ လူတစ်ယောက်က အိပ်မက်ထဲမှာရောက်နေပေမယ့် ဒါဟာအိပ်မက်ပဲလို့ သူ့မှာ အသိစိတ်ရှိနေတာမျိုး အဲဒီ အိပ်မက်ကို Control လုပ်နိုင်တာမျိုးကို Lucid Dream လို့ခေါ်ပါတယ် အပြင်မှာ ကိုယ်အမှတ်မထင်ဖြစ်သွားတဲ့ အရာတွေကိုတောင်မှ Lucid Dream ထဲမှာပြန်မက်လိုက်ရင် ရှင်းရှင်းလင်းလင်းမြင်နိုင်စေလောက်တဲ့ အိပ်မက်မျိုးပေါ့ ဒီဇာတ်ကားမှာတော့ မင်းသားကြီး Go Soo နဲ့ Sol Kyung Gu တို့က အဓိကပါဝင် သရုပ်ဆောင်ထားပါတယ် ဇာတ်လမ်းအကျဉ်း စုံထောက်ချွဲဒယ်ဟိုဟာ လူချမ်းသာတွေ အာဏာရှိလူတန်းစားတွေနဲ့ အကျင့်ပျက်ခြစားမှုတွေကို အမြဲတမ်းဖော်ထုတ်လေ့ရှိတဲ့ သတင်းထောက်တစ်ယောက်ပါ ဒါကြောင့်လည်း အာဏာရှိလူတန်းစားတွေ လူကုံထံတွေက သူ့ကို အမြင်မကြည်ကြပါဘူး သူ့မှာ အရမ်းချစ်ရတဲ့ တစ်ဦးတည်းသောသားလေး ချွဲမင်အူရှိပါတယ် အမိမဲ့သားလေး မင်အူက သတင်းထောက်ချွဲရဲ့ဘဝမှာ အရေးအပါဆုံးသူပေါ့ တစ်ရက် သားအဖနှစ်ယောက် ကစားကွင်းတူတူသွားရင်း မင်အူလေး ပြန်ပေးဆွဲခံခဲ့ရပါတယ် ဒီပြန်ပေးဆွဲမှု ၃ နှစ်ကြာတဲ့အထိ ဘာသဲလွန်စတစ်ခုမှ မရခဲ့ဘူး အဲဒီအချိန်မှာ LUCID DREAM ကနေတစ်ဆင့် ပြန်ပေးသမားတွေ တရားခံတွေကို ဖမ်းမိတယ်ဆိုတဲ့ သတင်းကို ချွဲဒယ်ဟိုတွေ့သွားခဲ့တယ် ဒါကြောင့် Lucid Dream အကြောင်း သုတေသနလုပ်ပြီး စာတမ်းပြုစုနေတဲ့ သူ့ရဲ့သူငယ်ချင်း ဆိုဟျွန်းနဲ့အတူတူ Lucid Dream တွေကတစ်ဆင့် သဲလွန်စနဲ့ တရားခံကိုရှာဖွေဖို့ကြိုးစားခဲ့တယ် တကယ်ပဲ Lucid Dream ကနေ သဲလွန်စတွေရနိုင်မလား တရားခံကိုဖမ်းမိနိုင်မလား သူ့ရဲ့သားလေးကိုရော ပြန်တွေ့မှာလား ဘာတွေဆက်ဖြစ်မလဲဆိုတာ ဒီဇာတ်လမ်းလေးမှာ ဆက်လက်ကြည့်ရှုနိုင်ပါတယ်ရှင် ။ ( ဘာသာပြန်ပြီး အညွှန်းရေးသားထားသူကတော့ Seung ပါ ) File Size__(1.8GB) / (950MB) Quality__1080p, 720p IMDb Rating__6.2/10 Format__mp4 Duration__01:41:00 Type__Sci-Fi, Thriller Subtitle__Myanmar Subtitle (Hardsub) Translated by Seung Encoded by Naing Aung Latt

The Last Princess (2016) IMDb 7.1/10 ဒီတစ်ခေါက်မှာတော့ ကိုရီးယားရဲ့ နောက်ဆုံး တော်ဝင်မင်းသမီး ဒေါ့ဟယ် အကြောင်းကို ရိုက်ကူးထားပြီး ဆုပေါင်းများစွာ သိမ်းပိုက်ထားတဲ့ ဇာတ်ကားကောင်းလေးကို ပရိသတ်တို့အတွက် တင်ဆက်ပေးလိုက်ပါတယ်။ Cast တွေအနေနဲ့ကတော့ မင်းသမီး ဒေါ့ဟယ် အဖြစ်မမ Son Ye-Jin မှ အဓိကသရုပ်ဆောင်ထားပြီး Park Hae-Il ၊ Ra Mi-Ran ၊ Yoon Je-Moon တို့အပြင် မင်းသမီးလေး Kim So-Hyun ၊ Kim Jae-Wook ၊ Ko Soo တို့ပါ ပါဝင်အားဖြည့်ထားတာဖြစ်လို့ Cast တွေနဲ့တင် လက်လွတ်မခံသင့်တဲ့ ဇာတ်ကားကောင်းလေး ဖြစ်ပါတယ်။ ဇာတ်လမ်းအညွှန်း ~ ဂိုဂျုံးဧကရာဇ်ရဲ့ တစ်ဦးတည်းသော သမီးတော်ဖြစ်တဲ့ မင်းသမီး ဒေါ့ဟယ်ဟာ ကိုရီးယားဧကရာဇ်နိုင်ငံတော်ရဲ့ အချစ်တော်မင်းသမီးလေး တစ်ပါး ဖြစ်ပါတယ်။ ဒီလိုမျိုး လိုလေသေးမရှိ ပျော်ပျော်ရွှင်ရွှင်နေခဲ့ရတဲ့ မင်းသမီးငယ်လေးဟာ အသက် ၁၃ နှစ်အရွယ်မှာ ဂျပန်ကိုလိုနီစည်းမျဥ်းကြောင့် အမိမြေကို စွန့်ခွာပြီး တိုင်းတပါးနိုင်ငံဖြစ်တဲ့ ဂျပန်ကို ပညာတော်သင်သွားဖို့ အတင်းဖိအားပေး စေလွှတ်ခံခဲ့ရပါတော့တယ်။ နေ့တိုင်းလိုလို အမိမြေကို လွမ်းဆွတ်ရင်း နေထိုင်လာခဲ့တဲ့ မင်းသမီးလေးဟာ တစ်နေ့မှာတော့ ငယ်ချစ်ဦး ဂင်ဂျန်ဟန်နဲ့ ပြန်ဆုံတွေ့ခဲ့ပြီးနောက် ဂင်ဂျန်ဟန်ရဲ့ အကြံပေးမှုအတိုင်း အစ်ကိုတော်ဖြစ်တဲ့ အိမ်ရှေ့စံမင်းသားယောင်းနဲ့အတူ ဂျပန်ကနေ ရှန်ဟိုင်းကို ထွက်ပြေးခိုလှုံဖို့ ကြိုးပမ်းပါတော့တယ် ။ ဒီကြိုးပမ်းမှုက အရာထင်သွားပြီး ရန်သူ့မြေကနေ လွတ်မြောက်သွားပြီး မိခင်မြေကို ပြန်ရောက်လာနိုင်မလား .... ကိုရီးယား တော်ဝင်မျိုးနွယ်တွေရဲ့ ဇာတ်သိမ်းက လှပပါ့မလားဆိုတာကိုတော့ .... ရင်ထဲထိစေပြီး လွမ်းမောဖွယ် ကြည့်ရှုရမဲ့ ဇာတ်ကားကောင်းလေး ဖြစ်လို့ ကိုယ်တိုင် ခံစားကြည့်လိုက်ပါဦးနော် .. File size…1.88GB / 890MB Quality… WEB-DL 1080p/ 720p Format…mp4 Duration….2 hr. 7 min. Genre ….. Historical, Drama , Melodrama Subtitle….Myanmar Subtitle (Hard Sub)

The Royal Tailor (2014) ဒီတစ်ခေါက်မှာတော့ Dr. Romantic 3 ထဲက မင်းသားကြီး Han Suk-kyu နဲ့ Missing: The other side ထဲမှာ မင်းသား Ko Soo, When the phone rings ထဲမှ မင်းသားYoo Yeon-Seok နဲ့ နာမည်ကျော်မင်းသမီး Park Shin-hye တို့အပြင် မင်းသား Ma Dong-seok တို့ တို့ ပါဝင်ထားကြတဲ့ ၂၀၁၄ ခုနှစ်ထွက် နန်းတွင်းဇာတ်ကားလေး တစ်ပုဒ်နဲ့မိတ်ဆက်ပေးလိုက်ပါတယ်။ ဇာတ်လမ်းအညွှန်း Dol-Seok(Han Suk-kyu)က ဘုရင်မင်းဆက် ၃ ဆက်တိုင်အောင် တော်ဝင်မိသားစုတွေရဲ့ အဝတ်အစားတွေကို ချုပ်လုပ်ပေးနေတဲ့ ဂျိုဆွန်းပြည်ရဲ့အတော်ဆုံး အပ်ချုပ်သမားခေါင်းဆောင်ပါ .. သူဟာ အဝတ်အစားတွေကို ချုပ်လုပ်တဲ့နေရာမှာ စည်းမျဉ်းစည်းကမ်းတွေကို တသွေမတိမ်း လိုက်နာတတ်တဲ့လူစားမျိုးဖြစ်ပါတယ် .. ။ တစ်ဖက်မှာ Kong-Jin(Ko Soo)ဆိုသူက တီထွင်ဆန်းသစ်အမြင်ရှိလှပြီး ခေတ်မီဆန်းသစ်တဲ့ အဝတ်အစားတွေကို ချုပ်လုပ်နိုင်တဲ့ နန်းတော်အပြင်ဘက်က ရွက်ပုန်းသီး အပ်ချုပ်သမားလေးပေါ့ .. တစ်ရက် အမတ်ကြီး Pan-Soo(Ma Dong-seok) ရဲ့ ထောက်ခံမှုကြောင့် အရည်အချင်းရှိတဲ့ Kong-Jin ဟာ နန်းတော်ထဲကို ဝင်ရောက်ပြီး ဘုရင်မင်းမြတ်တို့ရဲ့ အဝတ်အစားတွေကို ချုပ်လုပ်ပေးဖို့ ဖြစ်လာပါတော့တယ်။ အဲဒီလိုကနေ ဘုရင်မင်းမြတ်(Yoo Yeon-Seok) နဲ့ မိဖုရားခေါင်ကြီး(Park Shin-hye)တို့ကပါ Dol-Seok နဲ့ Kong-Jin တို့ ချုပ်လုပ်လိုက်တဲ့ ဝတ်စုံတွေကြောင့် တိုင်းပြည်ရေးရာအရှုပ်အထွေးတွေကြားမှာ ပါဝင်ဖို့ဖြစ်လာတဲ့အခါ ဘာတွေဆက်ဖြစ်သွားမလဲ... Kong-Jin တစ်ယောက် ရာထူးကြီးမြတ်သူတွေရဲ့ လောဘတွေ၊မနာလိုမှုတွေ၊အငြှိုးတေးထားမှုတွေ၊ အငုံစိတ်တွေကို ဘယ်လိုကြုံတွေ့ရပြီး သူ့အတွက် ဘယ်လိုဇာတ်သိမ်းမျိုးက စောင့်မျှော်နေလဲဆိုတာကို ကြည့်ရှုသွားရမဲ့ဇာတ်လမ်းလေးဖြစ်တာကြောင့် ခံစားကြည့်လိုက်ပါဦးနော် .. ။ (အညွှန်းကို Yati Naing မှ ရေးသားထားပါတယ်) File size…1.85GB / 898MB Quality… WEB-DL 1080p/ 720p Format…mp4 Duration…. 2 hr. 7 min. Genre ….. Historical, Drama Subtitle….Myanmar Subtitle (Hard Sub) Translated by Yati Naing Encoded by AHtet

Way Back Home (2013) ဖြစ်ရပ်မှန်ဇာတ်လမ်းကို အခြေခံရိုက်ကူးထားတဲ့ ဒီကားလေးမှာတော့ ဂင်ဂျုံးဘယ်အဖြစ် Missing The Other SIde ,Money Game စတဲ့ ဇာတ်လမ်းတွဲများထဲမှ မင်းသား Go Soo နဲ့ Crash Course In Romance ,Lost စတဲ့ ဇာတ်လမ်းတွဲများမှာ ပါဝင်တဲ့ မင်းသမီးကြီး Jeon Do-Yeon တို့မှ အဓိကပါဝင်ထားပြီး Bae Sung-Woo ,Lee Dong-Hwi စတဲ့ဝါရင့်သရုပ်ဆောင်များစွာအပြင် ကလေးသရုပ်ဆောင် Kang Ji-Woo တို့မှ ပါဝင်အားဖြည့်ပေးထားပါတယ်။ ဇာတ်လမ်းအညွှန်း ... ဂင်ဂျုံးဘယ်နဲ့ ဆုန်းဂျောင်ယွန်းတို့ လင်မယားနှစ်ယောက်က ဟယ်ရင်းဆိုတဲ့ချစ်စရာကောင်းတဲ့သမီးလေးတစ်ယောက်နဲ့အတူ ကားပြင်ဆိုင် အသေးလေးတစ်ဆိုင်ဖွင့်ထားကြပြီး မပြည့်စုံပေမဲ့လည်း တင်းတိမ်ရောင့်ရဲတတ်ကြတဲ့ မိသားစုပါ။ ဒီလို သာယာလှတဲ့မိသားစုဘဝလေးဟာ ဂင်ဂျုံးဘယ်ရဲ့ သူငယ်ချင်းဖြစ်သူ သတ်သေသွားတဲ့အခါမှာတော့ အစစအရာရာ ပြောင်းလဲသွားပါတော့တယ် ။ သနားကြင်နာစိတ်ရှိတဲ့ဂင်ဂျုံးဘယ်က သူ့သူငယ်ချင်းဒုက္ခရောက်နေတဲ့အချိန်မှာ အာမခံပြီး ချေးငွေယူပေးခဲ့တာကြောင့် သူငယ်ချင်းဖြစ်သူ သေသွားတဲ့အခါ ချေးငွေအပြင် မတန်တဆများတဲ့အတိုးကိုပါ ဆပ်ပေးရမဲ့ အခြေအနေဖြစ်လာခဲ့ပါတယ်။ ဒီလိုနဲ့ သူတို့ မိသားစု ငွေရေးကြေးရေးအကြပ်အတည်းနဲ့ ကြုံနေရတဲ့အချိန်မှာ ဂင်ဂျုံးဘယ်ရဲ့ ဇနီးဖြစ်သူဟာ ပဲရစ်ကို ကျောက်ရိုင်းတုံး မှောင်ခိုတင်သွင်းရုံနဲ့ ပိုက်ဆံတွေအများကြီးရမဲ့အလုပ်ကို လုပ်ကြည့်ဖို့ဖြစ်လာပါတော့တယ် .. သို့သော် သူမ ထင်သလို ကျောက်ရိုင်းတုံး မဟုတ်ဘဲ ကိုကင်းတွေ ဖြစ်နေတဲ့အခါမှာတော့ .... ဒီကားလေးက IMDb rating 7.5/10 ရရှိထားပြီး ဆုပေးပွဲ ၈ ခုမှာ ၃ ဆုရထားတဲ့အပြင် ဆန်ကာတင်စာရင်းတွေ တစ်သီကြီးဝင်ထားတဲ့ ဇာတ်ကားကောင်းလေးဖြစ်ပါတယ် .. ငွေသာအရာရာဖြစ်တဲ့လောကကြီးထဲ အိမ်နဲ့ဝေးလံလှတဲ့ နိုင်ငံရပ်ခြားမှာ အခက်အခဲတွေကို ခါးစည်းခံကျော်ဖြတ်ပြီး ခင်ပွန်းဖြစ်သူနဲ့သမီးလေးဖြစ်သူဆီ ပြန်လာဖို့လမ်းကို ရှာဖွေနေတဲ့ အိမ်ထောင်ရှင်မတစ်ယောက်ရဲ့ ကရုဏာသက်ဖွယ် ဇာတ်လမ်းလေးတစ်ပုဒ်ကို Channel Myanmar ကနေ ကွာလတီအ‌ကောင်းစားနဲ့ တင်ဆက်ပေးထားတာကြောင့် ပြန်လည်ခံစားကြည့်ရှုလိုက်ရအောင်ပါ.... File size…    2.04 GB /  846 MB Quality… Blu Ray 1080p / 720p Format… mp4 Duration…. 2 hr. 11 min. Genre .....  Prison Setting, Drug Trafficking, Family Relationship, Filmed Abroad, Based On A True Story Subtitle…. Myanmar Subtitle (Hard Sub) Translated by .... Su Sandi Encoded by …. AHtet

Love 911 ( 2012 ) ဒီတစ်ခေါက် ဘာသာပြန်တင်ဆက်ပေးလိုက်တာကတော့ အားလုံးရဲ့ အသည်းစွဲဖြစ်တဲ့ မင်းသားကြီး Go Soo နဲ့ မင်းသမီးချော Han Hyo Joo တို့ရဲ့ 2012 ခုနှစ်ထွက် rom-com ရုပ်ရှင်ကားကောင်းလေးပဲ ဖြစ်ပါတယ် ။ ဇာတ်လမ်းအကျဥ်းကတော့ .. ခပ်သွက်သွက် နှလုံးခွဲစိတ်ဆရာဝန်မလေးနဲ့ မီးသတ်သမားတစ်ယောက်ရဲ့ ရိုရိုချိုချိုကိုမှ ဒရာမာလေးနည်းနည်းရောထားတဲ့ အချစ်ဇာတ်လမ်းလေးပါ ။ ဂိုမီဆူ ( Han Hyojoo ) ဟာ သွက်သွက်လက်လက်ရှိတဲ့အပြင် တစ်ဇွတ်ထိုးလည်းနိုင်တဲ့ နှလုံးခွဲစိတ်ဆရာဝန်မလေးဖြစ်ပါတယ် ။ တစ်ရက်မှာတော့ သူ့ရဲ့ ဒီလို တစ်ဇွတ်ထိုးနိုင်တဲ့အကျင့်ကြောင့်ပဲ လူနာကို ရောဂါအမည်မှားတပ်မိပြီး တရားစွဲခံရတော့မယ့် အခြေအနေအထိ ဖြစ်လာခဲ့ပါတယ် ။ ဒါ့အပြင် လူနာရှင်ကလည်း သွေးပူပြီး လာသောင်းကျန်းတဲ့အချိန်မှာ မီးသတ်တပ်ဖွဲ့က ဝင်တားရင်း ကယ်ဆယ်ရေးသမား ချွန်းဂန်အီ ( Go Soo ) ကို ထိုးကြိတ်မိသွားတာမို့ ဆရာဝန်မလေး ဂိုမီဆူဟာ သူ့ပြစ်ဒဏ်လျှော့ပေါ့ဖို့အရေး လူနာရှင်ကို ပြန်တရားစွဲခံရအောင် ကြိုးစားဖို့ ဖြစ်လာခဲ့ပါတယ် ။ ဒါပေမဲ့ မီးသတ်သမားချွန်းဂန်အီက တရားစွဲဖို့ကို တုပ်တုပ်မလှုပ်တဲ့အခါမှာတော့ .. အလုပ်လည်း ယာယီရပ်နားခံလိုက်ရတဲ့ ဂိုမီဆူဟာ မီးသတ်တပ်ဖွဲ့ထဲကို လုပ်အားပေးအဖြစ် ဝင်လိုက်ပါတော့တယ် ။ ပျက်တိပျက်ချော်နဲ့ တစ်ချိန်လုံး ပြဿနာတွေရှာနေတတ်တဲ့ ဂိုမီဆူ နဲ့ ရေခဲတုံးလို အေးတိအေးစက် ချွန်းဂန်အီတို့ရဲ့ ကြောင်နဲ့ ကြွက်လို တကျက်ကျက် ရန်ဖြစ်နေရတဲ့ ဆက်ဆံရေးအဆုံးမှာ ဘာတွေဖြစ်လာမှာလဲ ။ ဂိုမီဆူ ရောဂါအမည်မှားတပ်လိုက်တဲ့လူနာကရော ဘာဖြစ်သွားမှာလဲ ။ မီးသတ်တပ်ဖွဲ့ကို နောက်ခံယူထားတဲ့ ဇာတ်လမ်းဖြစ်တဲ့အလျှောက် အန္တရာယ်အမျိုးမျိုးကြားထဲက ရိုမန့်လေးတွေကို ရင်ခုန်စိတ်လှုပ်ရှားဖွယ် ခံစားရမှာပဲဖြစ်ပါတယ် ။ File size…1.82GB / 832MB Quality… WEB-DL 1080p/ 720p Format…mp4 Duration….2h 00m Genre ….. Romance, Medical, Melodrama, Drama Subtitle….Myanmar Subtitle (Hard Sub)

The Front Line (2011) IMDb Rating (7.4) / Rotten Tomatoes (69%) ဒီဇာတ်ကားအညွှန်းမရေးခင်ပြောချင်တာတခုရှိသေးတယ်ဒီဇာတ်ကားကိုကြည့်ပြီးမှ အိမ်ကအဒေါ်တွေဘာလို့ကိုရီးယားကားကို အငမ်းမရကြည့်လဲဆိုတာကို ကိုယ်ချင်းစာမိသွားတယ်။ အရင်က ကိုရီးယားကားဆိုမကြည့်ဖြစ်ဘူး။ ဒီဇာတ်လမ်းထဲမှာ ၁၉၅၀ ဝန်းကျင်တောင်မြောက်ကိုရီးယားစစ်ပွဲကိုအခြေခံပြီးရိုက်ကူးထားတယ်။ ၂နိုင်ငံ အပစ်အခတ်ရပ်စဲရေးစာချုပ်လက်မှတ်မထိုးခင် အရို ကေတောင်ကုန်းနဲ့ပါတ်သက်ပြီး ၂ဖက်ခေါင်းဆောင်တွေအငြင်းပွါးကြတယ်။ ဒီတောင်ကုန်းကို ၂ဖက်တပ်တွေအလုအယက်သူတပြန်ကိုယ်တပြန်သိမ်းနေရင်းနဲ့မှနောက်ဆုံးဘယ်လိုဇာတ်သိမ်းသွားမလဲ။ တောင်ကိုရီးယားတွေဘက်က မိကျောင်းတပ်ခွဲကဒီတိုက်ပွဲကိုအဆုံးထိတိုက်ရပြီးနောက်ဆုံးသူတို့ဘယ်လိုတွေဇာတ်သိမ်းသွားကြလဲ? အသက်ရောရှင်ရဲ့လား? တောင်ကုန်းလေးရယ်စစ်မြေပြင်ရယ် အပစ်အခတ်ရပ်စဲရေးလက်မှတ်ထိုးတာရယ်နေရာ၃ခုပဲပါပေမယ့် အချစ်အမုန်း အယူဝါဒ...အစုံကိုသရုပ်ဖော်သွားတဲ့ဒီကားကစစ်ကားကောင်းတကားဖြစ်သလို ၂ဖက်တပ်တွေရဲ့ သရုပ်ကိုပီပြင်အောင်သရုပ်ဖော်ထားတဲ့ ဇာတ်ကားကောင်းတကောင်းဖြစ်လို့မလွတ်တမ်းကြည့်သင့်တဲ့ဇာတ်ကားကောင်းတကားဖြစ်ပါတယ်။ File size…(3.7 GB) / (1.5 GB) Quality….Blu-Ray 1080p HEVC /720p Format…. mkv/mp4 Genre….Action,Drama,War Duration….02:14:02 Subtitle….Myanmar Subtitle (Hardsub) Encoder….Thit San Khant Translated by Jia

Haunters (2010) IMDb..... 6.3 ဒီတစ်ခေါက်မှာတော့ ၂၀၁၀ခုနှစ်မှာပြသခဲ့တဲ့ Action, Sci-fi ရုပ်ရှင်ကား Hauntersနဲ့ မိတ်ဆက်ပေးချင်ပါတယ်။ အဓိကဇာတ်ကောင်အနေနဲ့ နာမည်ကြီးမင်းသားတွေဖြစ်တဲ့ Gang Dong Won နဲ့ Go Soo တို့ ပါဝင်ထားပါတယ်။ ဇာတ်လမ်းအကျဥ်းကတော့ ကားသင်္ချိုင်းမှာ အလုပ်လုပ်နေတဲ့ အင်ဂယူနမ် (Go Soo)က တစ်နေ့မှာ အလုပ်ပြုတ်ပြီး ယူထိုပီးယားလို့ခေါ်တဲ့ ချေး‌ငွေလုပ်ငန်းတစ်ခုမှာ အလုပ်ရသွားခဲ့တယ်။ အင်ဂယူနမ်က ရိုးသားကြိုးစားပြီး သဘောကောင်းသူမို့ ဆိုင်ရှင်သူ‌ဌေး ဂျောင်ရှစ် (Byeon Hie-Bong)၊ ဆိုင်ရှင်ရဲ့ သမီးဖြစ်သူ ချွဲယောင်းဆု (Jung Eun-Chae)နဲ့ ကောင်းမွန်တဲ့ဆက်ဆံရေးရှိတဲ့အပြင် ကားသင်္ချိုင်းမှာ အတူတူလုပ်ခဲ့တဲ့ သူငယ်ချင်းတွေနဲ့လည်း ရင်းရင်းနှီးနှီးနေတဲ့သူပေါ့။ တစ်ဖက်မှာတော့ သူတစ်ပါးစိတ်ကို ထိန်းချုပ်နိုင်စွမ်းရှိတဲ့ချိုအင် ( Gang Dong Won ) က က‌လေးဘဝထဲက အိမ်တွင်းအကြမ်းဖက်မှုကြောင့် အဖေဖြစ်သူကို ကိုယ်တိုင်သတ်ခဲ့တဲ့ စွမ်းအားရှင်တစ်ယောက်ဖြစ်တယ်။ လူထူးလူဆန်းလို့ သတ်မှတ်ပြီး လူတွေနဲ့အဝေးမှာနေတဲ့ ချိုအင်ကတော့ စိတ်စွမ်းအားကိုသုံးပြီး ချေး‌ငွေလုပ်ငန်းရှင်တွေဆီက ပိုက်ဆံတွေကိုယူပြီး ပြစ်မှုကျူးလွန်နေခဲ့တာဖြစ်တယ်။ တစ်နေ့မှာတော့ အင်ဂယူနမ်တို့ ဆိုင်ကို ရောက်လာပြီးဆိုင်ရှင်သူဌေးကို သတ်ပြီး အင်ဂယူနမ်ကို ဒဏ်ရာရအောင်လုပ်ခဲ့တယ်။ ဆိုင်ရှင်သူဌေးသေသွားရတာကြောင့် အင်ဂယူနမ်က ချိုအင်ကို ဖမ်းဖို့ ကြိုးစားတဲ့အခါမှာတော့... စိတ်ကိုထိန်းချုပ်နိုင်စွမ်းရှိတဲ့ ချိုအင်ကို အင်ဂယူနမ်တစ်ယောက် အနိုင်ယူတိုက်ခိုက်သွားနိုင်မှာလား... အင်ဂယူနမ်မှာရော ဘယ်လိုလျှို့ဝှက်ချက်တွေ ရှိနေလဲဆိုတာကိုတော့ ကြည့်ရှုလိုက်ရအောင်ပါ။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Stary ပဲ ဖြစ်ပါတယ်။) File Size : 1.63GB/ 700MB Quality : Blu-Ray 1080p 5.1 CH/ 720p Format…mp4 Duration…01:48:36 Genre : Action, Drama, Sci-Fi, Thriller Subtitle : Myanmar Subtitle (Hard Sub) Translated by Stary Encoded by Tiff

လီဂျီအာက ဘယ်အပြစ်မဆို ဆယ့်ငါးနှစ်ကြာရင် အပြစ်ကြေတယ်လို့ စာအုပ်ထဲမှာ ဖတ်ဖူးကြောင်း ကင်ယိုဟန်ကို ပြောပြီး နောက်ဆယ့်ငါးနှစ်ကြာမှ ပြန်တွေ့ကြဖို့ ကတိထားခဲ့ပါတယ်။ သူတို့နှစ်ယောက်ရဲ့ ကလေးဘဝမှာတော့ ရှုပ်ထွေးနာကျင်စရာတွေ ရှိခဲ့တယ်။ တစ်ညမှာ ကင်ယိုဟန်ရဲ့အဖေ အသတ်ခံရပြီး လီဂျီအာရဲ့အမေက အဓိကသံသယရှိသူ ဖြစ်လာပါတယ်။ အဲဒီအချိန်မှာပဲ ကင်ယိုဟန်ရဲ့အမေနဲ့ အလုပ်သမား ကန်ဂျယ်ဒိုတို့ကြား ဖောက်ပြန်တဲ့ဆက်ဆံရေးလည်း ရှိနေတယ်။ ဒီဆက်ဆံရေးအရှုပ်အထွေးတွေကြားက လူသတ်မှုကို စုံထောက်ဟန်ဒုန်ဆူက စုံစမ်းရပါတယ်။ စုံစမ်းနေတုန်း လီဂျီအာရဲ့အမေ ကိုယ့်ကိုယ်ကို အဆုံးစီရင်သွားတော့ အမှုကို ပိတ်လိုက်ကြတယ်။ ဒါပေမယ့် အမှုပိတ်ပြီးမှ မသင်္ကာစရာတွေ ထပ်တွေ့လာတဲ့ စုံထောက်ဟန်က ဆက်လိုက်ခဲ့ရာမှာ ဆုံးရှုံးမှုကြီးတစ်ခုနဲ့ ကြုံရတယ်။ ဘယ်လောက်ကြိုးစားကြိုးစား အဖြေမရခဲ့ဘဲ အမှုက ပဟေဠိအဖြစ် ကျန်နေခဲ့ပါတယ်။ ဆယ့်လေးနှစ်အကြာမှာတော့ အဲဒီလူသတ်မှုနဲ့ ဆက်နွှယ်နေတဲ့ ကန်ဂျယ်ဒို သေဆုံးသွားရာက အမှုဟောင်း ပြန်ပေါ်လာတယ်။ လက်လျှော့ထားခဲ့တဲ့ စုံထောက်ဟန် ဒီတစ်ကြိမ်မှာ အမှုကို ဖြေရှင်းပြီး တရားခံဖမ်းနိုင်မလား။ ဆယ့်ငါးနှစ်ပြည့်ရင် ပြန်တွေ့ဖို့ ကတိထားတဲ့ လီဂျီအာနဲ့ ကင်ယိုဟန်တို့ရော ကတိအတိုင်း ပြန်ဆုံနိုင်ကြပါ့မလား။ Son Ye Jin၊ Lee Min-jung၊ Han Suk-kyu နဲ့ Go Soo တို့ ပါဝင်ထားတဲ့ လျှို့ဝှက်ဆန်းကြယ်မှု၊ အချစ်နဲ့ သည်းထိတ်ရင်ဖို ရောစပ်ထားတဲ့ ဇာတ်ကားပါ။ အဝတ်မပါသော မြင်ကွင်းတွေ ပါဝင်တဲ့အတွက် အသက် ၁၉ နှစ်အထက် သတ်မှတ်ထားပါတယ်။

Some (2004) ဒီတစ်ခါမှာတင်ဆက်ပေးချင်တဲ့ကားလေးကတော့ ၂၀၀၄ ခုနှစ်မှာထွက်ရှိထားတဲ့ Some ဆိုတဲ့ Korea Action/Thriller ကားလေးပဲဖြစ်ပါတယ်။ ဒီဇာတ်ကားလေးထဲမှာ အဓိကသရုပ်ဆောင်တွေကတော့ Green Rose(2005) ၊ Parole Examiner Lee (2024) အစရှိတဲ့ ဇာတ်ကားတွေထဲက မင်းသား Go Sooနဲ့ ပရိသတ်တို့အချစ်တော် Running Man ထဲက မမ ဆုန်းဂျီဟိုတို့ပဲဖြစ်ပါတယ်။ ဒေါ်လာ ၁၀ သန်း တန်ဖိုးရှိတဲ့ မူးယစ်ဆေးဝါးများ ခိုးယူခံလိုက်ရပြီးနောက် ရဲစုံထောက် ဂန်ဆောင်းဂျူဟာ တရားခံအစစ်ကို စုံစမ်းဖို့ထွက်ခွာလာခဲ့ပါတယ်။ အဲဒီလိုစုံစမ်းရင်းနဲ့ အနာဂတ်ကိုကြိုတင်မြင်နိုင်တဲ့ ယာဉ်ကြောသတင်းထောက်မလေး ဆောယူဂျင်းနဲ့ ဆုံတွေ့ခဲ့ပါတယ်။ ယူဂျင်းဟာ ဆောင်းဂျူတစ်ယောက် နောက် ၂၄ နာရီအတွင်း အသတ်ခံရတော့မှာကို ကြိုတင်သိမြင်လိုက်တဲ့အခါမှာတော့....။ သူတို့နှစ်ဦးဟာ သေခြင်းတရားနှင့် ပြိုင်ဆိုင်ပြီး ၂၄ နာရီအတွင်း အမှန်တရားကို ဘယ်လို ဖော်ထုတ်သွားမလဲဆိုတာကို လှည့်ကွက်ပေါင်းများစွာနဲ့ရင်ခုန်စွာ ကြည့်ရှုရမဲ့ သဲထိတ်ရင်ဖို အက်ရှင်စုံထောက်ဇာတ်ကားပဲဖြစ်ပါတယ်။ File Size - 1.6 GB/ 771 MB Quality - WEB-DL 1080p/ 720p Duration - 1h 58m Format - mp4 Genre - Action, Crime, Mystery, Thriller Subtitle - Myanmar Subtitle (Hard Sub)